#عيلتنا
.
.
.
.
.
الدكتور 'إبتسم' : البشارة يا حميده البشارة .
محمد : خير ان شاء الله ؟
الدكتور : نزلت حرارتها للمستوى الطبيعي.
محمد 'وقف' : قول و الله .
الدكتور : والله و اللــه .
محمد 'سجد و حمدالله .. وقف' : ربي يقدرني و نردلك كل هالجميل .
الدكتور 'إبتسم' : ولو هذا واجب عليا .
محمد : مشكــور يا دكتور تاعبناك معانا .
الدكتور : و للمرة الثانية هذا واااجبي.
محمد : شكرا.
الدكتور 'ضحك' : خيرك تعاود في نفس الكلام !
محمد : من الفرحة والله .
الدكتور : دوم ... اي حقى ناضت من الغيبوبه .
محمد : باهي بنستأذنك توا .
الدكتور : تفضل .
محمد 'فتح الباب و لقى ميس تشوف للنافذة و تبكي ... قرب منها و قعمز جنبها' : ميس .
ميس 'تلفتتله' : هلا محمد.
محمد ' باسها على جبينها ' : ميس .. الدنيا ما توقف على اي شخص و بعدين هذا قضاء و قدر.
ميس : الدنيا ما توقف على اي شخص ؟؟ ... هذا مش اي شخص ... تعرف هذا مني ؟؟ هذا ساااالم قلب و روح أختك ... كيف نعيش من غيره كيف!
محمد 'يتصنع العصبية' : عيب تقولي هكي قدام خوك.
ميس 'شافتله' : مبردك.
محمد 'ضحك' : سخنيني.
ميس 'ضحكت' : تافه ... 'تبكي' ... قصدك معاش بنشوفه بكل خلااص.
محمد 'رفع حاجبه' : ميس خلاص بتغرقي.
ميس "بإستغراب" : علاش!
محمد : المخده و الشرشاف تنقعوا بدموعك.
ميس 'حذفت عليه المخدة' : إقلب وجهك ... وقت برادتك تواا.
محمد 'وقف' : بالشويه على أعصابك.
ميس : بتركبلي الضغط ... ياريت نرجع للغيبوبه ع الأقل مرتاحه.
محمد "بخوف" : فيا ولا فيك ... تبي تهبليني انتي؟
ميس 'إبتسمت' : علاش؟
محمد : شن ترجعي للغيبوبه تي والله كان نعرف انزغرت را قلبتها بالتزغريت .
ميس: معقولة ؟
محمد : اي .. ولا تحسابي سالم بس يحبك.
ميس "ببكاء" : سالم.
محمد : واااك. ما ينفع فيك شيء .
ميس ' حطت إيديها على وجها و قعدت تبكي'
محمد ' تأفف و طلع للممر ... طلع تليفونه و إتصل بمحمود'
محمود : ايوا محمد.
محمد : شن الجو؟
محمود: تمام ... شني ميس؟
محمد : الحمدلله نزلت حرارتها و فاقت من الغيبوبه .
محمود "براحة": الحمدلله... خيرك متضايق!
محمد 'زفر' : تي نفختهملي. من اول ما فاقت وهيا تبكي .
محمود : أسمع را صعبه تفقد شخص كان يعنيلك الدنيا كلها .
محمد: عارف عارف و حاس بيها .. لكن مش راحمه روحها بكل. كل بكينا و كلنا إنكسر قلبنا لكن هيا مش عاطيه لنفسها فرصة تصبر.
محمود : الله غالب ... شن بتجي؟
محمد : اهو نشوف جمال (الدكتور) كان بيعطيها خروج.
محمود : تمام ... بالسلامة توا.
محمد : سلام 'سكر التليفون و مشى للدكتور'
______________________________________________
هلال ﴿﴿﴾﴾
كنا مقعمزين في الدار و معانا بنات خالاتهم... كنت نفكر في كلام وسام و طريقة نظراته. حسيت ان في شيء مختلف عن قبل .. قطع تفكيري صوت ميرال تدوي.
ملك : شن تخرفي إنتي.
ميرال : أي زي ما قلتلك .
دانا : ياسر كذب كلنا نعرفوا إن مايربط بينكم شيء توا .
ميرال 'ضحكت' : و اللي مقعمزة جنبك شني !
دانا 'تلفتت لمنال' : إسمعي البنت بتقعد عندنا مستحيل نخلوها معاك إنتي مش مفكرة تهتمي بيها أصلا .
ملك : تي غر تهتم بروحها .. 'شافت لميرال' .. ويا حلوة لو وصلاته الدوه اللي نعرفوها مش ح تشوفيها مرة ثانية يا طايشة.
ميرال ' شافتلها و طلعت'
انا 'رفعت حواجبي بإستغراب و انا نحاول نفهم على شني يدو. ومن هوا اللي يحكوا عليه'
هيام : أكثر بنت تكذب.. كل كلامها وهم.
ملك : تحساب روحها بحركاتها الفاشله بتخليه يحبها.
مرام: تحلم هلبا هاذي.
انا ' تلفتت لملك' : على شني تدوا؟
ملك : تو تفهمي بعدين.
انا : مبردك.
ملك : مقبوله منك...إسمعي ترا بري شوفيها وين مشت.
انا : لا لا شن دخلي فيها؟
ملك : تي بري الزفت. أكيدة بتمشيله .. بري شوفي شن بيقوللها.
انا : تي من هوا؟
ملك : وسااام.. بري بسرعة
انا : باهي ' مشيت و طلعت للجنان لفيت شويا و قعدت إندور عليها .. كنت ح نرجع لإني ما لقيتها لكن و انا راجعة شفتهم وقفت و قعدت نسمع '
وسام "بعصبية" : تي خير بلاك إنتي !! .. متفهمييش ولا شني ؟ مليون مرة قلتلك معااش تجي قدام الولاد.
ميرال"بدلع" : تغار عليا!
وسام : تي بري إنتحري .. انا منغارش على وحدة ما يربطني بيها شيء ولا عمري فكرت نرتبط بيها أصلا.
ميرال : وسام غر إسمعني.
وسام : ميرال سكري فمك مش طايقك بكل را ... مصدقة روحك هلبا يا فرخة را.
ميرال : يا وسام يقولوا عليا طايشة و ما ننفع.
وسام 'ضحك' : قصروا هلبا و الله .
ميرال : مصحك.
وسام : تعرفي تمشي من قدامي خير ما نفصل عليك توا .. و إسمعي ... تخلي البنت و ترووحي .. سامعة روحي لإني مش قادر نبلعك .
ميرال 'تتصنع الزعل' : علاش.
وسام : لإني عرفت إنك وحدة ما ينفع فيها الخير.
ميرال : مولي عصبي هلبا إنت 'مدت يدها'
وسام 'شدها بالقوة' : ميـرااال خلاص لهنا وبس متخليني نضربك ... إنقلعي و أنسيني و أنسي اني كنت نهتم بيك في يوم.
ميرال : باهي لو ما تحبني ليش إهتميت بيا.
وسام : تي مني كاذب عليك و قالك اني نحبك. انا طول عمري حبيت بنت وحدة و ربي ما كتب بينا نصيب. و عمري ما فكرت فيك ولا في غيرك ... و كنت نهتم بيك لإن بوك ما كان مجرد خال. كان زي صاحبي و قريب مني هلبا ما في شيء أكثر .
ميرال : به أطلق إيدي.
وسام 'طلقها'
ميرال: تمام يا وسام لكن ما يكون إسمي ميرال لو ما خربت كل علاقاتك .
وسام : تهددي فيا إنتي!! 'شدها ولف يدها' ... كان مش عيب را قتلتك و شربت دمك يا تافهه 'دفها'. ما نشوف وجهك اهنا مرة ثانية فاهمة 'مشى'
انا 'ضحكت و مشيت للبنات'
ملك : ها شن صار؟
انا : هزبها و مسح بيها الأرض 'ضحكت'
ملك : إحلفي.
انا : والله .
ملك : إحكيلنا ترا.
انا : لا نقولك إنتي بس.
ملك : عينك 'تلفتت'. يا بنات إسمعو شن بتقوللكم.
نهال : شنو؟
ملك : هاذي بتقوللكم شن صار بين وسام و ميرال.
°شنو°
انا 'حكيتلهم و قعدوا يضحكوا'
ميرال 'دخلت خدت تليفونها'
ملك "بإستعباط" : مروحه!
ميرال "بعصبية" : أي.
دانا : و منال!
ميرال 'تلفتتلها' : خليها عندك ما عندي ما ندير بيها 'مشت'
°ضحكنا°.
ميس : السلام عليكم.
انا 'حضنتها' : ميس ... الحمدلله على سلامتك.
ميس : سلمك .'سلمت ع الباقي و لما وصلت لدانا قعدت تبكي'
دانا 'بدموع' : خلاص يا ميس هذا أجله .
ميس 'قعدت تبكي'
دانا 'وقفت' : تعالي معاي 'مشوا'
______________________________________________
وسام ﴾﴾﴿﴿
'رجعت قعمزت مع الشباب في الخيمة .. شويا و سمعت صوت سيارة مشيت و لقيت محمد'
انا : الحمدلله على سلامتها.
محمد: سلمك ... كيف حالك ؟
انا : الحمدلله على كل حال.
محمد : الحمدلله .. شني الشباب في الخيمة ؟
انا : اي .. هي تعالى نمشولهم.
محمد: هي .
'مشينا للشباب و سلموا على محمد مر الوقت حتى جي الليل ...
روحوا الولاد كلهم (ولاد خوالي وخالاتي ) الا هاشم ... حسيت روحي مخنوق ومش متحمل اي شخص طلعت من الخيمة و مشيت جهة الملعب قعمزت و قعدت إندخن طلعت تليفوني و مريت ع الأستوديو. فتحت ملف وكان فيه كل الذكريات اللي ليها مكان في قلبي من 2015 الى 2018. فتحتهم من البداية و قعدت نتفكر في كل اللحظات .... وجعني قلبي لما لقيت ان كل سنة يختفي فيها شخص ... بدت من خالي و إنتهت بسالم كل ما تتغير السنة ينقص العدد سكرت التليفون و العبره خانقتني قعدت إندخن بشكل رهيب. لدرجة إني كملت 3 بسرعة عجيبة. و كإني نطلب من الدخان ينسيني وجعي ... حسيت بضيق تنفس و ما حسيت بنفسي الا في نوبة ربو حادة .. فجأة حسيت بشخص حذف الدخان من إيدي. و حط يده على كتفي ... تلفتت و شفت هلال شادة جرعة الڤنتولين (دواء لنوبات الربو) .. خذيته منها بسرعة و درت جرعتين حتى إرتحت ... حطيت راسي على رجلها بتعب '
انا : شكرا.
هلال : عفوا ... "بعصبية" ... خيرك انت؟ تبي تهلك روحك؟ ولا تبي تموت!
انا 'غمضت عيوني بألم' : يا ريتني نموت و نلحقهم.
هلال : بعد عمر طويل.
انا 'زفرت' .
هلال "بحنان" : وسام. فيك شيء؟ .. إحكيلي،
انا "بألم" : تعبت يا هلال تعبــت.
هلال 'قعدت تمشي على شعري' : سلامتك من التعب.
انا : مشوا و خلوني بروحي نحارب في الماضي و قلبي ينــزف بكل ما فيه .. حاس ان الدنيا ماليها طعم من دونهم ... فعلا. وفاة من نحب تشعرنا بتفاهة الدنيا .
هلال : أصبر يا وسام ... ان الله مع الصابرين ... هذه سنة الحياة كلنا حنموتوا... غلط انك تعذب نفسك على شيء مستحيل يرجع ... صح ح تتألم و ح تنجرج لكن مع الأيام بيطيب جرحك و بتتعود ... إدعيلهم كل اللي يحتاجوه منك توا هو الدعاء .. مدام انت تحبهم دير الخير ليهم .. صدقني هكي ح ترتاح .
انا 'إبتسمت' : إن شاء الله ... شكرا ع النصيحة .
هلال : ولو.
انا 'شفتلها ... و قعمزت بسرعة' : آسف ... ما حسيت بروحي.
هلال 'نزلت رأسها بخجل' .
انا : حقى .
هلال : نعم؟
انا : شن كنتي بتقوليلي ؟
هلال 'إرتبكت'.
انا : هيا عااد الفضول بيقتلني .
هلال : هئحم ... هو .. انا .
انا "بحنان" : شني ؟ و شوفي لي .
هلال 'شافتلي' : ######.
انا : #####
.
.
.