#عيلتنا
.
.
.
.
جدي : سالم .
انا "بإستغراب" : خيره سالم؟
جدي : ليه إسبوعين ما اتصل بينا .... و لا سمعنا عليه اي خبر.
انا 'شفت للأولاد بصدمه'
هلال: جــدي .
انا "بعصبية" : امتى كنتوا ناويين تقولولي ؟؟ .
أسامة : غر بالشويه أهدأ .
انا : بالشويه ؟؟ تي شن تقول انت ؟؟ أسبوعييين را 14 يوم ... كيف يصير هكي كيف ؟؟ هذا خوي خووووي. كيف ما نعرف شن صايرله ؟
محمد : ما صايرله الا الخير ان شاء الله .
انا : محمد ... ترا أسكتلي ... المشكله ان ما في حددد مشغول باله عليه .
حاتم : لا عاد هاذي مش حق .
انا : و النبي تبكش ... كل واحد لاهي في روحه ... تي مش حاسين بالصدمة اللي صايره فيا توا .
رامي "ببرود" : اي عاد. بلا مبالغة .
انا 'وقفت' : مباالغه ؟؟ ... تسكت خير ما نجي نرفسك ... انا طالع و مش ح نرجع الا و معاي اخبار عليه . 'طلعت و الأفكار تلف في راسي... طلعت و انا نفكر و نتذكر في كلامه .'
______________________________________________
هلال ﴿﴿﴾﴾
قعدنا مقعمزين بعد ما طلع وسام و بعض الشباب واضح عليهم التوتر و الإنفعال
أسامة : علاش قلتله يا جدي؟
جدي : والله ؟ هذا خوه خوووه كيف ما يعرف .
محمد : اي يا جدي. لكن كنا ح نقولوله بشكل أفضل من هكي.
جدي 'شاف لمحمد و طلع'
أيمن : افففف ... ربك يستر .
رامي : خيركم مكبرين الموضوع؟
محمود ' ضرب الطاولة بيده' : تي خير بلاك انت ؟ ... شن مكبرين الموضوع تي هذا كان مش ميت مصاب را .... شن المخلوق البليد اهوا.
ميس 'شاف لمحمود بحزن'
محمد 'بهمس' : ميس يا محمود.
محمود ' تلفت لميس' : أسف.
ميس 'دمعوا عيونها و قعدت تبكي'
انا 'حطيت يدي على كتفها' : خلاص حبيبتي ادعي ربي يرجعه سالم.
محمود : خلاص اسكتي .
ميس 'زاد بكائها'
محمود 'تأفف وطلع'
محمد 'قرب من ميس' : خلاص ميس معاش تبكي ... بإذن الله ح يرجع .
ميس : باهي وينه لتوا وينه ؟
محمد : ميس ... سالم في الجبهة يعني اكيد مشغول.
ميس :ا يـ...
'قاطعها صوت نشرة الأخبار'
الكل تلفت للتلفزيون ...
الخبر كان :: انتصرت قوات الجيش على ما يسمى بداعش بسرت و درنه ... ولكن كلفهم هذا الإنتصار العديد من ارواح المجاهدين ..
في لحظتها ميس انفجرت بالبكاء و ما قدرت تسكت.
محمد 'تلفت ولقى رامي مقعمز و في يده جهاز التحكم. و مبتسم بخبث' : رامي .
رامي 'تلفت' : خير !
محمد 'قرب و شد رامي من سوريته' : علااش علاااش فتحته ! خير بلاك اليوم ؟
رامي : تي حول من عليااا حوول.
أسامة 'قرب منهم' : رامي !! صاحي انت؟
محمد : اكيد صاحي اصلا هذا طبعه الكلب 'حشاكم'
أسامة : لا لا الواضح انه سكران او زارط حاجة .
محمد : في الحالتين واطي.
اسامة : تي اسكت يا راجل. و اطلق الفرخ.
محمد : منيــش.
اسامة ' فك رامي' : اطلع برا و ما تورينا وجهك .
رامي 'ابتعد من عليهم و هو يهلوس بالكلام'
محمد : علاش خليته يفلت!
أسامة : تي فوته.
محمد 'بعصبيه' : تي شن نفوته شني ... شوف حالة اختي بعد ما سمعت الخبر تي والله العظيم ماني مسامحه على كل دمعه نزلت منها و الله 'طلع'
انا 'تلفتت لميس' : ميس خلاص ... ان شاء الله سالم بخير.
ميس ' وقفت و الدنيا تلف بيها' : لا. لاا سالم لااا.
ملك : ميمي استني .
ميس 'و الدموع في عينها' : لا ياربي لا. لاااا... 'بهدوء غريب'. لا ل. لا 'داخت'
انا : ميــس .. 'مشيتلها '. ميس مييييس.
أسامة 'وقف قدام الباب اللي يطلع للجنان'. : محمــد. يا محمد تعالى بسرعة.
محمد 'دخل' : خيركم ..'تلفت و شاف ميس' ... ميس. خيرهاا !! ' قامها . و طلع من الباب الخلفي'
انا : محمد. استنى استنى.
محمد :نعم!
انا: ما نبوا النساء يعرفوا ... بعدين يقلبوه عزاء ... برى من الباب اللي يطلع على الدروج .
محمد: وبعدين وين بنحطها!
ملك: تو نركب معاك. حطها في حوشنا.
محمد: تمام .
'ركبنا و فتحتله ملك الباب. حطها في دار ملك و قعمزنا في الصاله'
محمد 'حط راسه بين يديه'
انا 'نضت و مشيت للمطبخ حتى نخلي فرصة لمحمد يهدرز مع ملك😁 .. وقفت ورا الباب و قعدت نسمع 😂'
محمد : آخ يا ربي .
ملك : خيرك!
محمد : نفكر شن صاير في سالم ... واعرة والله واعرة ... تسمع خبر يقلب جوك كله. خبر يطعنك و يجرحك. و في اغلى الناس ليك ... انا الراجل و ما قادر نتحمل اكثر من هكي ... مبالك ميس ... ميس البنت اللي ماترضى تقتل نمله تسمع اللي سمعناه ... 'شاف لملك'... حطيها في عيونك بالله .
ملك 'حطت يدها على كتف محمد' : أكيد من غير وصايه ... و سالم بخير بإذن الله ... ح يرجع و انا متأكدة من هذا الشيء.
محمد : ان شاء الله 'ركز نظره على الأرضيه و واضح عليه التفكير'
ملك : محمد في شيء تبي تقوله؟
محمد 'شاف لملك بتردد' : تبي الحق ... في شيء نبي نقولهولك لكن حاس الوقت مش مناسب.
ملك : شنو قول!
محمد 'حط عينه في عين ملك بثقه' : ملك انا ... انا نـ....
ايمن : محمد.
محمد 'وقف' : خيرك؟
ايمن : تعالى الولاد يبوك.
محمد : انزل تو نلحقك.
ايمن 'هز حواجبه' : لا انزل معااي.
محمد : اففف .. به هيا 'نزلوا'
انا 'طلعت للصاله' : اففف .
ملك : خير؟
انا : من وين بيجي الخير ؟
ملك : تعالي نشوفوا ميس.
انا : به 'دخلنا للدار.. ملك خدت كرسي و قعمزت قدام السرير و انا قعمزت جنب ميس ع السرير'
ملك : ما بعدها الزفت.
انا 'حطيت ايدي على خدها' : حي هاذي سخونه هلبا .
ملك : تبصري!
انا : والله .
ملك 'طلعت تليفونها' : بنكلم محمد .
انا : اي بسرعة .
ملك : الو .
محمد : ايوا ملك .
ملك : محمد. را ميس عندها حرارة .
محمد : هلبا ولا شويا .
ملك : تغلي .
محمد : تبصري .... تو نشوف دواء من الصيدلية. بسرعة و انجيكم .
ملك : تمام. ما تتأخر بالله .
محمد : تمام .
انا : بري جيبي ميا مصقعه و كلينكس ولا طرف قماش ... بنديرلها كمّادات .
ملك : تمام .. 'طلعت'
انا 'شفت لميس' : ربي يعينك يا ميس.
ملك 'جت بسرعة' : هاك .
انا 'خديت من ملك و قعدت اندير لميس في كمَّادات'..
مر شوية وقت و سمعنا الباب يطق .
ملك 'وقفت' : اكيد محمد. ' مشت فتحت الباب'
محمد 'دخل للدار بسرعة و مدلي الدواء' : خيرها¡!
انا : بالشويه عليك ... شوية حرارة .
محمد 'حط يده على وجهها' : شوية حرارة !! تي كان نحط عليها دحية اطيب.
انا : اهدى شويا. تو نعطوها الدواء ... ملك وين؟
ملك : اها. كنت نجيب في ملعقة .(كاشيك✌)
انا : تمام ... و كيف بنعطوهولها وهيا راقدة؟
محمد : نوضيها .
ملك : به نوضها. شن تستنى.
محمد 'هز ميس بخفًة' : ميس ... ميــس.
ميس 'فتحت عيونها ببطء'.
انا ' عبيت الكاشيك بالدواء و قربته لفمها ' : ميس افتحي فمك للدواء.
ميس ' فتحت فمها ببطء تااام'
محمد : ميس. شن تحسي ؟
ميس :سالم.
ملك : ميمي شن فيك ؟
ميس 'غمضت عيونها بتعب'
محمد 'وقف' : انا بننزل. مش حلوة قعدتي معاكم اهنا ... لو ما تحسنت كلموني .
ملك : شن بدير؟
محمد: بنرفعها للمستشفى .. 'لف بيمشي'
انا: محمد.
محمد : نعم؟
انا : ما كلمتوا وسام؟
محمد : لا ... تو نكلمه .
انا: باهي قوللنا كان عرف خبر على سالم.
محمد : به 'طلع'
_______________________________________________
وسام ﴾﴾﴿﴿
كنت نلف بالسيارة و نفكر كيف بنوصل لسالم ... لعند ما تفكرت ان. في مجموعة من الشباب مشو معاه ... لفيت السيارة و مشيت للمنصورة ...
اول ما وصلت سألت عن اسم واحد من الولاد لكن للأسف نسيت لقبه. تشفرت كل معلوماتي في لحظتها ... قادة صافن في الراجل وانا نفكر بعيد.
الراجل : خير في حاجة؟
انا : اه. لا سلامتك .
الراجل : اي به .
انا 'تلفتت بنمشي'
&&&: لحظة يا شاب.
انا ' تلفتت وشفت ولد نقشه على الأسود ' : نعم؟
الولد 'قرب' : ... وسام؟
انا 'رفعت حاجبي بإستغراب' : اي ... مني!
الولد : معقولة ما عرفتني؟
انا 'قادة اندقق في ملامحه' : غر لا لا ... معقولة!!
الولد : ها عرفتني؟
انا"بدهشه" : أزم؟
أزم : صــح.
انا : الله يا دنيا ... تي شن جوك و شن جو الشباب؟
أزم : تمام بخير. ... وينكم معاش نشوفوا فيكم ؟ لا انت لا محمود لاحد!
انا: و الله اكثر من مرة لكن ميصيرش.
أزم : باهي حصلنا شوفتك ... شن اخبار مجاهد ؟ غريبة مش معاك.
انا "بألم" : الله يرحمه .
أزم "بصدمة" : كيف؟؟ امتى صار؟
انا : متوفي ليه سنه .
أزم : لا اله الا الله ... ربي يرحمه و يغفرله .
انا : آميــن يا رب.💔
ازم : امالا شن سبب زيارتك الحلوة؟
انا : والله اندور في واحد اسمه عيسى الـ&&&
أزم: ولد خالتي !
انا : الله .
أزم: اي يا راجل. خيرك؟
انا: بالله سامحنى والله عقلي مشوش .
ازم: خير في شن تبيه؟
أنا: مشى للجبهه ولا؟
أزم: اي علاش!
انا : غر تعالى تو نحكيلك في السيارة منبيش نحكي في الشارع.
أزم : حي سامحني خليتك واقف ... تعالى تفضل .
انا: لا لا لهم نقعمزوا في السيارة علاش انتاعب فيك؟
أزم: لا تعب لا واحد ... اهوا البيت قدامك .
انا : تمام هي ... 'مشينا لحوش أزم و قعمزنا في المربوعة'
انا : قتلك ... امتى اخر مرة كلمتوا عيسى؟
أزم: امس .
انا : احلف.
ازم : والله. علاش؟
انا : خوي سالم. مشى معاه و لينا اسبوعين نتصلوا بيه ما يرد.
ازم : تو نتصل بيه توا. و نسأله عليك .
انا : تمام هي .
أزم :طلع تليفونه و إتصل بعيسى .
______________________________________________
هلال﴿﴿﴾﴾
قعدنا مقعمزين جنب ميس و كل شوية محمد يتصل و يسإل على أخبارها ....
انا : ملوكه انا بننزل شويا باهي .
ملك : تمام .
'نزلت و سمعت صوت الشباب وعرفت انهم مقعمزين في المربوعة و النساوين ما سمعوا اي شيء و لا يعرفوا اللي صار ... مشيت طقيت باب المربوعة ..
أصيل : ادخلي.
انا 'فتحت الباب' .
محمود : خيرك؟
انا : بنسإل .. وين دانا؟
محمود 'عقد حواجبه' : علاش!
انا : لإنها مش مع النساوين ولا معانا .
محمود : تراجع شوفيها في حوشهم .
انا : به. 'قعدت واقفه'
اسامة : خيرك هلاال؟
انا : اتصلتوا بوسام ؟
حسام : ما يرد .
انا : اممم .. به 'تلفتت بنطلع'
بسام : وين وسام ؟؟
-الشباب شافوا لبعضهم-
بسام: وينهم !! ... خوتي وينهم ؟
محمود : غر الصبر يا راجل.
بسام 'بعصبية' : تي ويين خوتي ويين.
أسامة 'وقف' : تي من كلمه هذا ؟
رامي 'من ورا بسام'. : انا.. 'ضحك'
محمد : اهوا الحيوان اللي خليته يفلت .
أسامة : يلعن أصلك .
بسام : تي توا واحد منكم يفهمنييي.
عمتي سالمه : خيركم خيركم. شن في ... 'شهقت' ..بسام؟
بسام 'تلفت لعمتي' : ع ما ي وسـ...
محمود 'كح' : ما خيرنا شيء ... غر كنا نهدرزوا .
عمتي : تكذب عليا !
أسامة : يا امي ما في شيء نهدرزوا وخلاص .
عمتي 'شافت للشباب و طلعت'
محمد : تعالوا نتفاهموا برا.
بسام : هي امشوا. ... 'طلعوا للجنان'
'قعدت واقفه شويا. و طلعت للجنان من غير علم الشباب ✌'
بسام : وتوا فهموني.
محمد: شوف ... هوا. احنا. لينا فوق من اسبوعين نتصلوا بسالم و ما يرد .
بسام 'بعصبية' : شــني ؟
أسامة : غر اهدى شويا .
بسام : و وسام وين اه؟
حاتم : حلف ما يرجع الا و معاه اخبار سالم .
بسام : تي شن تقولوا انتوا شنوو ... گيف اكثر من اسبوعين ما تقولولي كيف !
محمد : ما حبينا انضايقوك. لا انت ولا وسام. كنا نبوكم تستمتعوا بالسفر.
بسام 'بعصبيه' : نستمــتعوا !! ... تي كيف نستمتعوا و خونا يعلم الله بأخباره. يا ميت يا مصاب كيييف؟
حسام : اهدى يا راجل .
بسام 'طلع تليفونه' : بنتصل بوسام ... مش ناقصني انا 'كيف بيتصل سمعنا صوت الباب. انفتح ... تلفتنا و لقينا وسام داخل'
بسام ' مشى يجري و شد وسام من يده' : شن صار معااك ؟
وسام 'إبتسم' : ######.
_______________________________________________
ممكن تدعموا رواية. قدري المتغير ❤
للكاتبة : Rema_ali311
هي قصة حقيقية .. و كيف بادية في كتابتها و حلوة ✌ لذلك ادعموها لو سمحتوا😍