#عيلتـ★ـنا
.
.
.
.
.
و انا طالع سمعت صوت اتنين يهدرزوا مشيت بنسبة شفت مرا عاطيه بالظهر و قدامها راجل لكن وجهه ميبانش استنيت لين تتحرك المرا ونشوف وجهه
و اخيـرا تحركت لكن الصدمة كانت
عمي أدم 😲...
انا انصدمت للمليون عمي ادم 😳 مع وحدة ؟؟ مقدرت نستوعب ابداً بعدين ابتسمت و جتني فكرة طلعت تليفوني وصورتهم كم صورة و فيديو وهيا شاده يده تحركت بالشويا لين شفت وجها وصورتها ...
انا في نفسي : ههههه والله طحت وما حد سمى عليك يا ... ادم 😼 هههههه وتو انشوفو المتشدد الشيــخ مني هه وهذا مفهمنا انه شيخ و ملتزم و صغارة ع أساااااس ملتزمين ههههه 😁.
اكتفيت بكم صورة ومشيت بسرعة لقيت الشباب كيف ما خليتهم .
الصيد: شني وسام بدلت مره وحده 😉
انا: اه ... ايه والله سخنت وعرقت و و و.
محمد: هي اسمعو خل نوتو الحاجات .
محمود: حاجات شني؟
أصيل: يبونا انجيبوا الحلويات .
أنا: به انت غيروا دبشكم و انا و محمود نمشوا انجيبو الحلويات .
محمود: تمام ... حتى انا بنغير وانجي .
انا: به تلقاني في السيارة برا .
حاتم: حتى انا بنجي معاكم .
انا: به غيروا بسرعة وتعالوا ... حقى وين بسام .
سالم: راقد في حوش عمي مجد هو و سمعه .
انا: به خلوه يسخف ميقدرش يشوف حبه ولا يكلمها .
أيمن: هههه انت يا رومنسي.
انا: هي برووو ..
مشو الشباب و انا ركبت في سيارتي وكنت امنزل الكرسي شويا ومتكي (مستند على الكرسي)) سمعت صوت حد يهدرز بالتليفون .
: ها ياحبي ... منقدرش انجي ... ماهو اليوم حنه بنت عمي ... هههه يا حبيبتي انتي ... هههه ربي يخليك ليا.
انا قمت راسي و لقيته عبدالعزيز .
انا ضحكت ... وسجلت مكالمته كلها . وبعدها ضحت بأعلى صوتي لدرجة ان عبدالعزيز تلفت للسيارة. انا فتحت الروشن ((مرش السيارة)) وهزيت حواجبي وهو قعد مصدوم .. غمزتله وبحتت فيه بهزوه وسكرت الروشن واتكيت زي ما كنت وطلعت تليفوني لقيت 4 مكالمات فائته من رقم غريب عاودت الاتصال بالرقم .
انا: الو؟
:السلام عليكم.
انا: وعليكم السلام ... مني ؟
: انا جنان 😊
انا: اوو جوجو ..
جنان: هههه منسيتش اسمي😆
انا: لا لا ممكن انتي نسيتي اسمي😣
جنان: لا لا ... يا وسّوم 😉
انا بضيق : نسيتي حاجه 😩
جنان: شني ☺
انا بصوت مخنوق: الياء وين الياء ؟
جنان بخجل: وسومي 😋
انا: روح وسام وعيون وكل شيء في وسام .
جنان بخجل: شكرا.ً
انا شفت الشباب جايين: جنينو نكلمك بعدين الشباب جو.
جنان: به .. على فكرة انا جايه بعدين لحوشكم .
ركب محمود جنبي و حاتم وراي.
انا: بالحــق 😍
محمود: لا لا 😂
انا😒
جنان: واللهِ هلال عزمتنا انا و اختي.
انا: هي امالا انشوفك بعدين ..سلام.
جنان: سلام .
محمود: مني هذا اللي بتشوفه بعدين.
انا: نقولك بعدين مش وقته تو.
حاتم: حقى شباب من بتعزموا على العرس ؟؟
انا: مش عارف تو نتفاهموا بعدين .
محمود: خلاص تمام نقعمزوا في الجنان مدامنا ساهرين 😊
انا: اكيده .
حاتم: افتحولنا اغاني .
محمود فتح تليفونه وركب الوصله بالراديو وعلى الاغاني لأقصى حد .
انا: محمووووووود وطي الصوت .
محمود: لااااا .
طبعا كلها بالعياط لأن منسمعوش من الاغاني .
انا: تي وطي النم عن نكسره على راسك.
محمود وطى الصوت شويا لكن يعتبر عااالي .
محمود بدي يفتح في الاغاني ويختار و وقف على اغنية ... وبدينا انغنوا مع بعضنا .
احنا : اي لافيو كاين ❤ بحبك كاين ... نموت فيك كاين .... ب حبك كاين .
محمود: ههههه ...وغيرها .. وبدينا انغنوا مع الاغنية .
: وردة صغيرة سقيتها بحبي كيف كبرت دارت الشوك وعدتني حتكون معايا ما يفرقنا غير الموت ورده عشت العمر معاها حب كبير عليه القيمة تربى و ترعرع في زناقي ((شوارع)) حارتنا القديمه .
محمود سكر الاغاني لأن قدامنا بوابه.
حاتم: معاك الأوراق ولا .
انا: على ما أظن .
محمود: نعـــم😲
انا: اهما لقيتهم .
حاتم: بـه 😌
وصلنا للبوابه وطبعا وقفونا .
:السلام عليكم .
انا: وعليكم السلام.
الشاب وهو يتفحص السيارة بعيونه: بإسمك السيارة .
انا: ايه .
: به انزلوا خل انفتشوا .
:وهاتوا الاوراق .
انا: به شويا بس .. نزلت راسي وفتحت الدرج خديت الاوراق ومعاهم مسدس خديته بسرررعه محمود بحت فيا بإستغراب انا اعطيته إشارة إحتياط .
: شن مزال .
انا: هي هي .. ونزلنا من السيارة وخديت المفتاح معاي .
: اعطيني الاوراق .
انا مديتهمله : تفضل 😏
خداهم وشافهم و مدهملي :اوراق صحيحه تفضل .
انا: اهم شكراً .
: تفضلوا السيارة فاضيه ... اسفين على التأخير .
انا: بارك الله فيك ..ركبنا السيارة .
انا: ربي يعاونكم .
الشباب: مشكور .
محمود: وسام تقدر اتفهمني السلاح شن يدير عندك ؟؟
حاتم: اي قول را شفته انا خل ما بيتش نتكلم قدامهم .
انا: باهي خيركم خايفين 😏
محمود : تستهبل انت؟؟ وسام لو لقوه عندك تعرف شن بيصير؟؟
انا:نعرف و آخر همي.
حاتم: وسااااام بلا هبال لوح السلاح و تريح .
انا: شباب بلا خوف بلادنا وعارفين شن فيها .
محمود: مدامك تعرف شن فيها علاش رافع سلاحك .
انا: والله انا مش مستعد انضحي بأختي او امي لو راكبين معاي في السيارة وكلنا عارفين ان السيارة عليها العين و مش اي حد يوصلها و انا دفعت جهد عمري كله باش نحصلها .
حاتم: تي السلاح كيف وصل لإيدك ؟؟
محمود: مش مشكله كيف وصل كلنا عارفين المشكله انك ترفعه معاك .
انا بصوت عالى وعصبيه: محمود بلا غباء يعني بنشري سلاح باش نحطه في المزهريه يعني و لا في الدولاب شرررريته بااااش يكون جنبي في كل طلعة على خصري في كل مشيه .
حاتم: وسام لوحه يا وسام .
محمود : يا وسام فوته والله تصير في مشاكل .
انا طارتلي والدم بدء يفور : خلاااااااص .خبطت الدومان و انا انبحت في محمود.... خلاص سكروا الموضوع خيرلـ....
قطع كلامي صوت محمود و حاتم : وساااااااااام .
انا بحتت في الطريق و ...
__________ ________ ______
هلال﴿﴿﴾﴾
كنت مقعمزه جنب هويده وهي تحني بحتت في الساعة لقيتها 4 العصر استغربت لأن الشباب طالعين من ال3:30 طلعت للجنان ولقيت اصيل .
انا'اصو اصو
اصيل تلفت وبحت فيا من فوق للوطا
انا: خير في شيء .
اصيل: لا سلامتك لكن ..سكت
انا: لكن شني .
اصيل رجع بحت من فوق للوطا: مقتنعه باللي لابساته وطالعه بيه ؟؟
انا بحتت في لبستي وانصدمت رفعت راسي لأصيل ولقيته مبتسم .. تحشمت وخشيت نجري ... ركبت لداري و وقفت قدام المرايا وانا نتذكر منظر اصيل وهو يبحت فيا ...
كنت لابسه قونه قصيرة لنص الفخد لونها أسود وجلد و سوريه بيج فيها كاروهات و فوقها جاكيت اسود جلد و شعري مفتوح.
انا: طيـح سعدي باهي جي اصيل مش رامي 😞
جتني ميس: شفـتك 😜
انا: هههه خلعتيني .
ميس: تعالي ننزلوا نغنوا تعرفي ملك بايعتها ترقص هي ودانا .
انا: هههه بسرعة خل نمشوا نرقصوا.... طالعه حلوة .
ميس: شكراً...حتى انتي .
انا: خاطري نشوف ملك ودانا شن لبسوا.
ميس: يهبلوووو حتى حسناء تجنن.
انا: الله .
ميس: و الله ... بالحق حلوه انا ؟؟
انا: تي تهبببلي .
ميس .(( بشرتها بيضاء شوي وشعرها كستنائي طويل لخصرها و عيونها عسليه فيها شبه من دانا شوي ... وكانت لابسه قفطان((فستان)) موڤ كم طويل مفصلها تفصيل وشعرها ظفرة سبولة و مكياجها خفيف وهادي .. كانت تجننننن .
ميس: هي حبي خل ننزلوا .
نزلنا ولقينا ملك و دانا ماشيين المطبخ لحقناهم .
انا: طالعين تهبلوووووو .
ملك: شكرا ً ... حلوه ؟؟
اتا: اكيد ..
كانت لابسه فستان احمر ثلث كم مفصل جسمها تفاصيل وفيه حزام اسود وشعرها مفتوح و دايرتله فير .
دانا: وانا ؟؟
انا: عسوووووله .
كانت لابسه قونه قصيرة لربع الفخد لونها ازرق ملكي و سوريه سوداء قصيرة لبداية القونه لو تقيم يدها بطنها تبااان وكم طويل والكتاف فيهم دائرة عريانه من فوق وشعرها كعكه.
حسناء : وانااااا .
البنات: حلوه .
حسناء: هههه.
كانت لابسه سروال جينز اسود و سوريه خضراء لبداية الفخد مخصرة بالأسود و كم طويل وفي نهاية الكم في تشبيكه سوداء زي الحزام وشعرها مفتوح ودايراته على الجنب .
دانا: نهبلوا كلنا مساء الله .
خشت عمتي سالمه وفي يدها البخور: اي والله تهبلوا.. بناخذكم لأسامه و اصيل و ايمن .
احنا:، هههه.
وفي اتنين اول ما انذكروا الاسماء قلبهم دق بقوة .... تو تعرفوهم بعدين .
عمتي وهي تبخر فينا: مشاء الله مشاء الله ... عندنا عرايس مش عروسه بس ... هي تعالوا النساوين يبوا يسلموا عليكم .
احنا: هي .... ومشينا .
_________ ________ ________
وسام ﴾﴾﴿﴿
وقفت السيارة على جنب بعد ما نجينا من الموت حدفت راسي على الدومان و وجهي عرق وانا. مش مستوعب اللي صار.
محمود: طلعنا من عينها .
انا تنفست براحه: الحمدلله ... شفت الموت قدام عيوني.
حاتم: فعلا الموت اقرب من عرق القلب .
انا: الحمدلله 😩
محمود: حي المحل امتع الحلويات .
احنا: هههههههه.
محمود: ليها فايدة .
ههههههههه.
حاتم: وفرت المسافه .
ههههههههه.
انا: كإننا تخدرنا .
وانفجرنا ضحك لين عيوني دمعوا .
انا: خلااااص ههههه.. هي ينزل واحد منكم يجيب الحلويات .
حاتم نزل طول من غير ما يتكلم .
محمود: ما صدق الولد .
انا: يبي يغير جوه .
محمود: حقـــى.
انا: خيرك ؟؟
محمود: من كنت تكلم امبكري .
انا: بيني وبينك .
محمود: قول .
انا: جنان .
محمود: الله ... تي قتلك تحبك و بترجعلك.
انا: تي بنطير من الفرحة خلاص مش مصدق ليا سنتين معاش شفتها ...خصوصاً بعد اللي صار .
محمود: خلاص وهي رجعت سليمه وما بيها شي .
انا: الحمدلله .
(جنان كانت حبيبتي و الكل يعرف بعلاقتي بيها وكنا زي التوأم مستحيل نتفرقوا لكن في يوم من الايامات ... كنت بنوصل جنان لحوشهم انا وصاحبي جواد لان خوها مقدرش يجي ... وقفتنا بوابه و كانوا مجموعة شباب طايشين نزلونا من السيارة على اساس بيفتشوها .. اتنين ركبوا في السيارة و اتنين شدوا جنان وركبوها معاهم و ضربوا جواد طلقه رغم اني ضربتهم لكن في لحظة حسيت بحاجة ضربت راسي ودخت وقعدت اندور عليهم شهور لكن مفيش اي خبر وقررت ننساهم و ننسى جنان و ننسى قلبي ونسكره من بعدها و استمر الحال لمدة سنتين لين تلاقينا في المدرسة بالصدفه وكانت احلا صدفه ))
محمود شهق: هــيءوساااام .
انا: خيرك شن في .
محمود يأشر بصبعه على الروشن من جهتي : ####.
انا تلفتت لوين ما يأشر محمود : ####😲 .
_________ _________
متابعين تفاعلوا بالله عليكم وعلـــقوا وقولولي رايكم لأنه يهمني ❤
سوال ..... زعما شن اللي شافه محمود ؟؟ وعلاش لهاذي الدرجة انصدموا ؟؟
جااااوبوا في تعليق 💚💛