CHAPTER 57
LIGHT POV
Sinadya niyang gumising ng maaga para sa araw ng competition ni Gift. SInadya rin niyang bulabugin ang pito niyang mga kaibigan para samahan siya ng mga ito na bumili ng regalo para kay Gift. Hindi nga lang niya naabutan si Giordan dahil maagap daw itong umalis at kahit na anong tawag niya sa cellphone nito ay hindi nito sinasagot kaya mas pinili na lang niyang huwag itong hanapin dahil napakahalaga ng araw na ito at ayaw niyang mabawasan ang oras ng preparasyon niya para kay Gift.
Alam niyang napakahalaga ng kabanatang ito para kay Gift at gusto niyang mas maging masaya ang araw na ito sa pamamagitan ng pagbibigay dito ng regalong hindi nito makakalimutan. Regalong hindi lang para sa competition nito kung hindi maging para sa unang buwan ng kanilang pagiging magnobyo.
“Boss…ang agap pa.” Ang inaantok na reklamo ni Luke sa kanya na hindi man lang nakabawas sa kanyang ngiti.
“Ano ba boss ang gusto ninyong ibigay kay Princess ng makauwi na kami at makatulog uli.”
“Oo nga naman boss.” Ang naiiling na segunda ni Nashon sa sinabi ni Nate dahil natitiyak niyang pipilitin din sila ng kanilang boss na manood ng competition ni Princess.
Mabilis na tumigil sa paglalakad si Light at humarap sa kanilang pito. “Flowers, chocolate, stuff toys…everything that can make her smile.” Ang masiglang sabi ni Light na hindi pa rin mawala-wala ang napakalawak na ngiti sa labi bago muling nagpatuloy sa paglalakad.
“Itong bang si boss ay nasapian? Everything? Ano naman ba yung everything?” Blue said almost irritatedly peor hindi maitatanggi ang amusement sa mga mata nito habang sinusundan ng tingin ang boss.
“Ang swerte ni Giordan at nakatakas siya.” Ashton said tiredly, paano kanina pa sila paikot-ikot dito sa infinity mall pero hanggang ngayon ay hindi pa rin nakakapili ng kahit na ano ang boss nila. For God sake lampas lunch time na kaya!
“Pabayaan nyo na mas maganda na ang masyang boss kaysa sa boss natin na parang pasan pati ibang planita sa universe.” Yujuan said with an amuse smile.
Halos sabay-sabay na nagpakawala ng napapagod na buuntong hininga ang lima na napilitang sumunod kay Yujuan na sinusundan ang kanilang boss.
GIFT POV
Kahit na anong pigil sa sarili hindi pa rin mapigilan ni Gift na mapakunot ang noo habang panay ang kanyang tingin sa kanyang wrist watch. Malapit na kasing magsimula ang competition niya pero hanggang ngayon ay hindi pa rin niya nakikita kahit anino ni Light o kahit na sino sa mga alipores nito. Nakailang tawag na rin siya sa cellphone ng mga ito pero panay mga out of coverage area.
“Light, where are you?” Ang mahina niyang bulong sa sarili. Nandoon siya ngayon sa labas ng venue ng competition at inintay si Light.
Alam niyang hindi siya bibiguin ni Light, nangako itong darating at hindi siya naniniwalang sisirain nito ang pangako nito sa kanya. Pero sa paglipas ng oras hindi pa rin niya maiwasan ang malungkot kahit pa mas malaki ang bahagi ng kanyang puso ang naniniwala sa binata.
“You look nervous.”
Hindi niya mapigilang mapapitlag ng biglang may nagsalita sa kanyang likuran para lang makita si Giordan na nakatayo hindi kalayuan sa kanya habang prenting nakapamulsa at nakatingin sa kanya. Agad na naglakbay ang paningin niya sa paligid upang hanapin ang pamilyar na bulto ng taong kanina pa niya hinihintay bagay na hindi nakaligtas sa paningin ni Giordan.
“He’s not with me.” Giordan said with a poker face.
“Kung ganoon nasaan na siya?” Hindi maitatago ang matinding lungkot sa mga mata ni Gift.
“Don’t worry darating siya.” Hindi mapigilang sabi ni Giordan. Hindi niya alam kung bakit pero hindi gusto ang lungkot sa mga ni Gift para kasing may kumukurot sa kanyang dibdib kapag nakikita ang malungkot nitong mukha.
Isang malungkot na ngiti lang ang naging sagot ni Gift. “I know he will.”
Isang malalim namang buntong hininga ang napakawalan ni Giordan habang pinagmamasdan ang malungkot pa ring expresyon sa mukha ni Gift.“And he will.” He promised.
Pareho silang napatingin ng may tumawag kay Gift para sabihing mag-uumpisa na ang competition.
“Mukhang kailangan ka na sa loob. Go on Gift huwag kang mag-alala darating si boss.”
Muli isang malungkot na ngiti ang ibinigay sa kanya ng dalaga bago ito tahimik na pumasok sa loob.
Isang malalim na buntong hininga ang napakawalan ni Giordan bago mabilis na tumalikod with one thing in his mind at iyon ay ang alisin ang lungkot sa mga mata ni Gift. “Don’t worry Princess I will find him for you.” Ang mahina niyang bulong sa sarili habang lulan ng sariling kotse.
LIGHT POV
Hindi niya alam kung paano sila nalagay sa ganitong sitwasyon gayong kanina lang ay abala siya sa paghahanap ng regalo para kay Gift pero ngayon ay abala na siya sa pagpapabagsak sa mga kalaban nila sa isang abandonadong building.
Lilipat sana sila sa ibang mall dahil wala siyang nakita na ireregalo kay Gift sa infinity ng harangin sila ng grupo ng Black Renegade, isa sa mga gang na mahigpit nilang kalaban. Pinilit niyang umiwas sa gulo pero sadyang gulo yata talaga ang hanap ng mga ito kaya naman kahit hindi gusto ay natagpuan na lang niya ang sariling nagmamadaling pabagsakin ang mga member ng black renegade na wala yatang katapusan.
“DARN IT!” Hindi niya napigilang sigaw sa sobrang frustration habang sa kanyang isip ay hindi mawala-wala ang malungkot na mukha ni Gift na nag-iintay sa kanya. Hindi na rin niya alintana ang pumutok niyang labi ganoon din ang iba’t ibang galos at sugat na nakuha niya dahil ang tanging nasa isip niya ay si Gift.
“Wala bang katapusan ang mga ito!” Hindi na rin maiwasang sigaw ni Yujuan lalo pa at alam niyang tulad niya ay napapagod na din ang iba niyang kaibigan. Mukhang talagang plinano ng black renegade na pabagsakin sila sa araw na iyon.
Halos lahat sila ay napatigil ng mawasak ang pader dahil sa malakas na pagbangga roon ng isang sasakyan at hindi maitatanggi sa mukha ng grupo ni Light ng makita ang pamilyar na hummer truck ni Giordan.
“Sakay na!” Malakas na sigaw ni Giordan mula sa bukas na pinto ng sasakyan nito kung saan gumugulong na tumalsik ang isang lalaki na may damit na tatak ng isang black renegade. Mabilis na sumakay ang pito. Matapang sila peor alam nila kung kelan aatras at isa ito sa mga pagkakataong ito.
“P-paano mo nalaman?” Nanghihinang tanong ni Blue.
“Hinahanap ko kayo sa Infinity Mall ng marinig ko ang mayabang na iyon habang ipinagmamalaki ang plano nila sa inyo.”
“Well good timing Giordan.” Ang sabi naman ni Nashon.
“Good thing hindi ko natiis si Princess, kung hindi baka kung ano na ang nangyari sa inyo.” Ang naiiling na sabi ni Giordan.
“Nakita mo siya?” Sa kauna-unahang pagkakataon ay nagsalita na rin si Light.
“Hinihintay ka niya sa labas ng venue ng competition at nangako akong hahanapin kita.” Ang mahinang sabi ni Giordan habang naiiling dahil mukhang naipit pa sila ng traffic.
Nanghihina na napasalampak ng upuan si Light. Nabigo na naman niya si Gift. Hanggang kailan ba niya ito masasaktan! Darn it! “Tiyak na tapos na ang competition.” Ang malungkot niyang sabi habang nakatingin sa wrist watch kung saan maliwanag na sinasabing two hours ng tapos ang competition.
“What made you think na hindi pa rin siya tumitigil sa pag-iintay sa iyo? You know her…she can be very stubborn.”
Para siyang binuhusan ng nagyeyelong tubig sa sinabing iyon ni Giordan. Bago pa siya napigilan ng isa sa mga ito mabilis na siyang nakalabas at tumakbo patungo sa isang deriksyon.
“BOSS!” Tanging naisigaw ng anim.
“Kung hindi siya pupunta kakaladkarin ko siya papunta doon.” Mahina man pero napakaseryosong sabi ni Giordan na malinaw na narinig ni Yujuan na siya nitong katabi.
“Giordan?” Nagtatanong na sambit ni Yujuan sa pangalan ng kaibigan na hindi na nagsalita. Huwag naman sanang magkatotoo ang kanyang hinala. Tiyak na malaking gulo kapag nagkataon...Giordan is different dahil kaya nitong gawin lahat para sa taong mahal nito at ganoon din ang kanilang boss.
ITUTULOY…