((((((سكة السلامة ))))))
#لولو_محمد
الحلقه الرابعه و السبعون
سندس تقوم تقف لابسه فستان سمبل مطرز الكوافيره تجيب جزء منفوش و تركبه بحزام بيلمع حوالين وسط سندس و من فوق الفستان مقفول و بكم و سندس عامله مكياج سمبل اوى و لابسه طرحه سمبل و عليها تاج
ساره / الحجاب لايق عليكى اوى
سندس / بجد
اسلام / طالعه زى الملايكه ... يلا العرسان مستنين تحت
...............................
فى الهول تحت محمد واقف مع مصطفى
محمد / هتصل اشوف العربيه جهزت و لا لا
محمد يقف فى جنب و اسلام ينزل مانج ساره و شوق ماسكه ايد سندس
مصطفى / ايه الحلاوه دى
محمد يلف يبص يلاقى سندس واقفه مبتسمه يحط ايده على بقه و عنيه توسع مالفرحه
محمد / احنا جايين ....
محمد يروح يبص لسندس و هو معجب بيها اوى
سندس / ايه
محمد / ايه
سندس / ايه
اسلام / ايه
ساره تزغده يدحك
سندس / حلو
محمد يبدا يدمع
سندس / ايه بس
محمد يحضنها اسلام يروح يفكهم
شوق / يا رخم
اسلام / ايه رايك فى المفاجاه دى بقى
محمد / مش عارف اتكلم مش عارف اقفل بقى اصلا
سندس تدحك ووشها يحمر
محمد / يلا نتصور بقى
سندس / يلا
محمد يانج سندس و يمشوا و ساره تانج اسلام وراهم و مصطفى و شوق ورا
شوق / فرحنالهم اوى
مصطفى / و انا فرحان بيكى اكتر
شوق تبص فى الارض و تمشى و يدخلوا قاعه مجهزه للتصوير و يتصوروا كل واحد لوحده و بعدين التلاته مع بعض و يطلعوا مالاستوديو على الجنينه عربيه سندريلا بخيول واقفه مستنياهم
سندس / الله ايه ده
محمد / حلوه عملتها عموله مخصوص عشان سند....رلتى
سندس / هو انا حبيتك من فراغ يعنى
محمد يساعد سندس تركب و جنبها ساره و جنبها شوق و يدخل يركب الناحيه التانيه و جنبه اسلام و جنبه مصطفى
اسلام / هى كانت عاوزه توسع شويه
سندس / فى جنبنا مكان
اسلام / انا ممكن اجى عادى
محمد / دا بعينك استنى هنا
العربيه تتنقل بيهم لباب القاعه و ينزل مصطفى و ينزل شوق و الكل بيصور دخولهم و بعده ينزل اسلام و ينزل ساره و بعدين محمد و ينزل سندس حنان و فريده و اميره يروحوا يساعدوا البنات يظبطوا الفساتين
فريده / طالعين قمرات اوى
سندس / ميرسى يا فريده
العرسان يتحركوا يدخلوا القاعه و يقفوا جنب بعض عشان اسماء الله الحسنى و بعدين يروحوا يقعدوا فى تلت كوشات جنب بعض زي بعض بالظبط
............
على ترابيزه مهاب
فريده / حلوين اوى
اميره / جدا بس سندس اتحجبت
مهاب / تاثير محمد
فريده / لا هى كانت ناويه يوم فرحها منه تتحجب و دا من فتره
مهاب / بكره تقلعه
فريده / مفتكرش
مهاب / و من امتى ليكى فكر اصلا
فريده / طول عمرى يا مهاب طول عمرى
اميره / اهدى يا فريده الناس
طارق / متيجى نطلع نشم هوا بره يا مهاب
مهاب / اهو ارحم من هنا
مهاب و طارق يقوموا يطلعوا بره
اميره / فى ايه مالكوا اول مره اشوفكوا كدا
فريده / مفيش
اميره / متزعليش منى تفتكرى مدايق عشان فرح ساره
فريده / و يعنى هو بيحب محمد اوى هو يعنى عمره حب حد اصلا
اميره / بقاله اسبوع بحاله بره البيت من يوم ما اسلام رجع البيت و هو مش فيه و اكيد يعنى مدايق انك مسالتيش عليه
فريده / انا هطلق
اميره / انتى بتتكلمى جد
فريده / انا كنت مكمله لحد مضمن انه مش هيرجع لساره كنت بضمن انه مش هيتجوزها
اميره / و دا من ايه يعنى
فريده / على الاقل واحده فينا متتاذيش عن اذنك هروح الحمام
فريده تقوم و هى بتمسح دموعها
...................
الماذون يوصل و يكتب كتاب مصطفى و شوق و اسلام وكيلها و بعدين محمد و سندس و اسلام وكيلها و سندس قاعده جنب شوق و اول مالماذون يخلص القاعه تبقى كلها زغاريط محمد يروح ناحيه سندس
محمد / عاوز الخاتم
سندس تقلعه منغير تفكير
سندس / ليه
محمد يغمزلها و يروح للدى جاى يوشوشه و يمسك المايك
محمد / من فضلكوا يا جماعه اعزرونى بس فى حاجه صغيره كدا هديه منى لاغلى بنت فحياتى حبيبه قلبى مراتى سندس
سندس تبصله و تحط ايدها على بقها و كل البنات يتلموا حواليها محمد يقلع جاكت البدله
اسلام / هو ناوى على ايه ده
اغنيه لارا ما بعرف تشتغل و محمد يروح لسندس
محمد / تسمحيلى بالرقصه دى
سندس تفك حزام الفستان و تسيب بقيته عالكوشه و تمسك ايد محمد و يمشوا و يرقصوا مع بعض زى مرقصوا قبل كدا
ما بعرف كيف بنظره بتعمل هيك تاخدنى ليك و بموت عليك ما بعرف شو اللى عم يسحرنى هايك لمسه ايديك ضحكه عينيك
محمد يلفها
حسيت بقربك بالامان صرت بزمان غير اللى كان
سندس تجرى عليه و تنط يمسكها و يلف بيها بالراحه و هو بينزلها عالارض
عم اعشق انا عم اخلق من اول و جديد على اسمك انا عم اللبس خاتم عمرى بالايد
محمد يرجع لوضع التانجو تانى و يميلها لتحت و يرجع يرفعها لفوق و القاعه كلها صفير و تسقيف و محمد و سندس يرجعوا للتانجوا تانى
عم احس بلون الدنيا احلى صار عم عيش نهار بالف نهار عم يدحك قلبى مثل ولاد صغار صرت المشوار و عليك بغار
محمد يلف سندس بس و هى فايده و يبعدها و يشدها
عم اعشق انا عم اخلق من اول و جديد
محمد يسيبها و يقعد على ركبته و فى ايده الخاتم
على اسمك انا عم اللبس خاتم عمرى بالايد
سندس تلبسه يقوم و يفضلوا حاضنين بعض لاخر الاغنيه و هى بتعيط و الكل بيسقف و يصفر و بعدين يمسح دموعها
محمد / لو كنا فى البيت كنت بوستك بس فى غلابه هيتقهروا فهبوس راسك بس
محمد يبوس راسها و يحضنها تانى و يلف بيها اسلام يروح يحضنهم اوى
مصطفى / خليت شكلنا كلنا وحش اوى
محمد / هو وحش منغير حاجه
محمد يغيظه مصطفى يحضنه و سندس تروح عند الدى جاى و تكلمه و الكل باصص عليها و ترجع تاخد من محمد المايك و تشاور لاسلام على كرسى يجيبه و يحطه فنص الدانس فلور تشاور بايدها للى دى جاى يشغل اغنيه يارا بيت حبيبى و تشد محمد و تقعده و تقعد على رجله و تغنى مع الاغنيه و الكل يتلم حواليهم
سندس / ودونى على بيت حبيبى نعيش مع بعض فيه دا بقالنا مده طوبه طوبه مالحب بنبنيه
محمد / هرمنا والله
الكل يدحك
سندس/ انا لابسه الطرحه و مش سيعانى فرحانه وياه ارموا الورد علينا و باركولى بيه
فريده و اميره يحدفوا ورد عليهم
سندس / هسمع كلامه وتحت امره فاللى يقولى عليه و باى شكل هريحه لو حتى يطلب ايه و ان جبت منه بنت يارب تبقى شبهه
محمد / لا يارب
سندس / و ان كان ولد بدعيله يتربى بايديه بعد النهرده محدش غيره له عليا كلام و ان حد شافنا مش هيقول تلت التلاته كام
سندس تشاور على اسلام و اخواتها
اسلام / بقى كدا
سندس /انا شايله اسمه و فيه بقاسمه شريكته فى الحياه زفونا يا ناس خلونا نروح اوام
محمد يبوسها من خدها صحابه يصفروا يشاورلهم يتلموا حواليهم و يقوم يرقص مع سندس
سندس / هسهر على راحته و عمرى فيوم مقلق منامه
تحط المايك على بق محمد
محمد / على يدى
سندس /و هاكله بايديا مهما عليا لاموا
محمد / استر يارب
الكل يدحك
محمد / و هعلى من شانه انا و اكبر مقامه
اسلام يغمز لمحمد يروحوا يشيلوها تقعد على كتافهم جنب بعض و يقفوا
سندس /انا همشى ايديه في ايديا و مش هاخاف و اخبى و هقول للناس بحالها دا اللى اختاره قلبى
سندس تشاور على كل الناس فى القاعه
سندس /و من النهرده مش هبقي لوحدى تانى ابدا و لا يوم هيجيلى نوم الا و هو جنبى
محمد ينزلها و ياخدها فحضنه تحت دراعه
سندس /بعد النهارده محدش له عليا كلام و ان حد شافنا مش هيقول تلت التلاته كام انا شايله اسمه و فيه بقاسمه شريكته فى الحياه زفونا يا ناس خلونا نروح اوام
محمد يشيلها و يجى يمشى بيها اسلام يمسكه
اسلام / استنى هنا على فين
محمد / نروح اوام
الكل يدحك ينزلها و يحضن اسلام وساره تحضن سندس بعدين اسلام يحضنها و يحضن ساره و صحاب محمد شغالين صفير و بعدين يكملوا رقص كلهم على اغانى تانيه
..........................
بره القاعه طارق يطلع لمهاب
طارق / فاتك نص عمرك البت سندس و الواد محمد عملوا رقصه تهبل
مهاب مبيردش
طارق / انا مش قادر افهمك سندس دى انت اللى مربيها المفروض تفرحلها
مهاب يبصله
طارق / و ساره المفروض تكون نسيتها من زمان
مهاب / انت عاوز ايه
طارق / مهاب العيله كلها بترقص جوه و انت اللى بره من اول الفرح محضرتش ولا فقره انا سبتك و دخلت بس الناس هتتكلم
مهاب / يولعوا
طارق / ربنا يخليلك مراتك و عيالك يا مهاب اعقل و لم شمل العيله تانى انت كبيرها دلوقت
طارق يطبطب على كتف مهاب و يدخل جوه تانى
مهاب / اعقل ؟؟ هو انتوا لسه شوفتوا جنان ؟؟؟
........................
جوه فريده و اميره بيرقصوا مع سندس و سندس تهز كتفها يهزوا زيها و الكل مبسوط محمد يبص عالباب يلاقى مهاب واقف يخبط اسلام بكتفه و يشاور براسه اسلام يبص
اسلام / عارف
محمد/ مستغرب انه معملش حاجه لحد دلوقت
اسلام / مفيش فايده حاجه يعملها اصلا امر واقع احنا بقالنا كتير متجوزين و لولا نفسيه ست سندس هانم كنا دخلنا
محمد يدحك و يكتم نفسه اسلام يبصله
اسلام / ايه ؟؟؟ لا؟؟؟
محمد / مش هتخش قبلى
اسلام / يا جزم
محمد يحضنه و اسلام ماسك نفسه عن الدحك يحضن محمد
...........................
فى الغردقه
العرسان بيملوا الابليكيشن و العرايس قاعدين بيشربوا عصير بفساتين الفرح
شوق / انتوا متمرنين عليها دى و لا ايه
سندس / رقصنا عليها مره يوم وفاه تيته الله يرحمها
ساره/ كنتوا حقيقى حلوين اوى
سندس / هو فاجانى مقاليش خالص كنت هريته بروفات و يمكن كنت صممت رقصه ليكوا انتوا كمان
شوق / انسى انا بمشى بالكعب ده بالعافيه دانا قلعاه و انا قاعده دلوقت
ساره / و انا متشيليش هم ههههههههههههههههههه
سندس تبص على محمد يلف وشه و يبصلها و يغمزلها
ساره / متتلمى يا بت
سندس / تحبى اقوم اصرخ فوسط الناس كلها و اقول انى بحبه
شوق/ ههههههههههههههههههه بطلى جنان
سندس / انا اصلا اللى جننت الجنان
ساره / طب ورينا ....
سندس تقوم تقف و تبصلهم و شوق تحط ايدها على بقها
سندس تعمل ايديها مكبر و تزعق
سندس / يا محماااااد يا برنس
الكل يبص
سندس / انا بحبك
ساره تقوم تقف و تبصلها و ترفع حاجبها
ساره / يا اسلام يا مصرى .... انا بحبك
شوق تحط العصير و تقوم تقف
شوق / احم .... يا مصطفى العزازى ..... انا بحبك
مصطفى / مش سامع
اسلام يزغده مصطفى يبصله
شوق / بحبااااااااااااااااااااااااااااااااك
سندس تصفر و كل واحد يروح لعروسته بالمفتاح
اسلام / يا مجانين
سندس / انت مش هتقول حاجه
محمد / هقول بس مش هنا
محمد يحرك المفتاح حوالين صابعه و يغمزلها
اسلام / نفسيتى تعبت
محمد / انسى
اسلام يدحك و كل اتنين يروحوا اوضتهم
......................
فى اوضه اسلام ساره تروح تقعد جنب اسلام و هما لابسين البجامات
ساره / كان احلى يوم فحياتى
اسلام / يارب دايما
ساره / انا بحمد ربنا كل ثانيه انك بقيت فحياتى يا اسلام
اسلام / مش قدى تعرفى ان البت سندس مكنتش نفسيتها تعبانه و لا حاجه
ساره / مستحيل دى مكنتش بتفارقنى ليل و لا نهار
اسلام / مقلب منها هى و محمد محمد قالى فى الفرح
ساره / هههههههههههههههههههه مجانين والله
اسلام / بس مقلب حلو
ساره / ليه بقى ان شاء الله
اسلام / عشان اشتقلك اكتر
ساره تتكسف
اسلام / انا بحبك يا ساره اكيد كان نفسى ابقى اول حب فحياتك
ساره تحط ايدها على بقه
ساره / انت اكبر حب و اخر حب و احلى حب اللى بحسه معاك محستوش فحياتى اللى بشوفه فعنيك مشوفتوش انا احلى و انا معاك انا احلى بيك و ليك كلمه بحبك شويه عليك
اسلام / انتى بتكتبى شعر و لا ايه
ساره / مش عارفه طلعت معايا كدا متكسفنيش بقى
اسلام يحضنها اوى و تحط راسها على صدره
ساره / اوعى تسبنى
اسلام / عمرى
........................
فى اوضه شوق شوق بتجرى من حته لحته و مصطفى وراها
مصطفى / يابت فرهدتينى مش كدا
شوق / انت بتتعب بسرعه و لا ايه
مصطفى / بلاش
شوق/ هتعمل ايه يعنى هتخوفنى
شوق تقرب خطوه
مصطفى / مانتش قدى
شوق تقرب خطوه
مصطفى يتحرك بسرعه تيجى تجرى متلحقش يمسكها
شوق / انت بتخم
مصطفى / كل شئ مباح فى الحب و الحرب
شوق / و دى حب و لا حرب
مصطفى / الاتنين
مصطفى يغمزلها و يشيلها يحطها عالسرير و هى بتدحك
....................
فى اوضه سندس محمد فى الحمام و سندس قاعده عالسرير زهقانه
سندس / انت قافل على نفسك الباب بالمفتاح ليه يا رخم
محمد / هههههههههههههههه متضمنيش
سندس / هههههههههههههههه دى حقيقه
محمد يفتح الباب و يطلع
سندس / هتفضل تتكسف منى لحد امتى
محمد / على الاقل حد فينا يتكسف مش كدا يا بجحه
سندس / بجحه اه بس مش مع اى حد مع اللى يستاهلوا و بس
محمد / و مين بقى اللى يستاهلوا دول ان شاء الله
سندس / انت هتقعد ترغى
سندس تفتح المطوه
سندس / متخلص ياض
محمد / جبتيها منين دى يابت
سندس تقرب من محمد و المطوه فايدها بثقه
سندس / خبتها فهدومى قولت يمكن تفكر كدا و لا كدا مانا عرفاك جبان
محمد يمسك ايدها و يشدها بسرعه ناحيته و يلفها السكينه تبقى على رقبتها فايدها و هو ماسك ايدها
محمد / مين ده اللى جبان يا بت
سندس / هتستقوى عليا و لا ايه
محمد يبوسها من رقبتها
سندس / اوعى سبنى
محمد يبوسها تانى
سندس / متسبنيش اوى يعنى
محمد / اوعى تعقلى
محمد يسيبها و هى تلفله و تحضنه
سندس / بحبك
............................
بعد يومين قدام اوضه سندس
اسلام بيخبط عالباب محدش بيرد بيخبط تانى
ساره / عيب بقى كفايه
اسلام / من يوم مجينا مخرجوش من اوضتهم
ساره / بطل حقد سبهم
اسلام / ليكونوا ماتوا و لا عفنوا
ساره / بعد الشر تعال يلا هنتاخر
اسلام / الله يسهلهم
اسلام و ساره يمشوا و جوه محمد و سندس نايمين فى حضن بعض
محمد / هتفضلى لحد امتى تمنعينى اقوم افتحلهم
سندس / طالما هتفضل نايم فحضنى
محمد / هههههههه طب مانا هفضل طول عمري فحضنك
سندس تشبك ايدها فايد محمد
سندس / كلها كام يوم و نرجع مصر و انت تروح السنتر و انا اروح الكليه و كل واحد يروح فدوامته
محمد / مين قال كدا هو انتى مش هتيجى معايا الشغل و لا ايه انتى مش شريكتى و لا ايه
سندس / ههههههههههههه
محمد / و بعدين مين هيزاكرلك مش انا هتلاقى استاذ احسن منى
سندس / انت ملكش زى عشان يبقى فى احسن منك
محمد / بحبك يا بت
……………………………
سكه السلامه بقلم / لولو_محمد...
By lolo0mohamed
شاب فقير يجد اهله الاثرياء بعد غياب عشرون عاما ليجد نفسه امام تحديات كثيره لم يكن يتوقعها More