سكه السلامه بقلم / لولو_محمد (كامله )

الحلقه ٧١

((((((سكة السلامة ))))))
#لولو_محمد
الحلقه الواحد و سبعون

اسلام / ارتاحى ارتاحى
سندس تشوف محمد
سندس / البتاع ده لسه هنا ليه مش قولتلك اللى هتنساه هبعتهولك مع حد مالسواقين
محمد / كنت ماشى اصلا
اسلام / سندس عيب
محمد / انا ماشى سلام
محمد يمشى و طارق يدخل
سندس / دماغى هتنفجر مالصداع
............................
طارق / هجيبلك اسبرين حاضر ثوانى
طارق يطلع يجرى
اسلام / ليه عملتى كدا مع محمد دا جزاته انه جابك امبارح
سندس تبصله و تحط ايدها على بقها و تجرى عالحمام و ساره تجرى وراها طارق يدخل
طارق / الاسبرين
ساره تطلع مالحمام
ساره / بطنها مقلوبه
طارق / طبيعى متقلقيش تشرب حاجه دافيه هتبقى كويسه هخلى ماجى تعملها
ساره / شكرا
ساره تبص لاسلام فحزن و هو قاعد يبص الناحيه التانيه و ينفخ
...........................
فى شقه محمد
محمد واقف و فى عمال كتير شغالين و مهندسه واقفه
المهندسه / احنا خلاص بنحط التاتشات الاخيره فى الستاير و بكره الكهربائى هيجى الصبح يعلق النجف و الابليكات و بالليل نكون خلصنا فرش باذن الله
محمد / يعنى هستلمها الخميس
المهندسه/ باذن الله لو عالمعدل ده هيبقى الخميس بالليل
محمد / مفيش مشكله خليها الجمعه
المهندسه / فى اى تعديلات اخدها فى حسابى
محمد / ابدا الشقه حلوه اوى يسلم زوقك عن اذنك
المهندسه / اتفضل
محمد ينزل يلاقى حنان واقفه قدام محل البقاله يروحلها يشيل منها
محمد/ ازيك
حنان / مخصماك
محمد / ليه انا عملت ايه
حنان / انت سايب بيت اختك و رايح تقعد مع صاحبك
محمد / مش حوار اختى و صاحبى على الاقل انا و سمره بنتكلم
حنان / الحمد لله ربنا خالقلى لسان يعنى و بعرف اتكلم
محمد / هههههههه عشره
حنان / من يوم معرفتوا بعض و انتوا بتتخانقوا انا متاكده انكوا هتتصالحوا
محمد / انسى
حنان / حمدى من اول مره شافكوا و قالى ان فى بنكوا حاجه بس انا مكنتش اتمنى ساعتها بس لما عشت معاها و عاشرتها و شوفتها على حقيقتها عرفت انى عمرى مكنت هتمنالك احسن منها
محمد / حنان
حنان / هتتصالحوا انا متاكده انكوا هتتصالحوا اقولك ليك منى صينيه مكرونه بشاميل بالجبنه اللى انت بتحبها صينيه كبيره يوم متتصالحوا ايه رايك
محمد / هههههههههههههههههههه تعالى اطلعك يا نونو تعالى تعالى
.......................
فى الفيلا
سندس قاعده و الحزن باين عليها اسلام يديها كبايه ينسون
اسلام / اشربى هتبقى احسن
سندس / ايه اللى حصل امبارح
اسلام / حصل فى ايه
سندس / مش فاكره حاجه اخر حاجه فكراها انى اتخانقت مع محمد مش فاكره حاجه من بعدها
ساره / اللى اعرفه انك خرجتى بعدها و بعدين لقينا محمد راجع شايلك نايمه و دخل نام فى اوضته و مطلعش غير النهرده الصبح
سندس / مش قادره دماغى هتنفجر
اسلام / نامى شويه حاولى تنامى هطفى النور احنا قاعدين فى الاوضه اللى جنبك متقلقيش
سندس / ماشى ماشى
اسلام يقوم يطفى النور و يطلع بره هو و ساره و يروحوا اوضتها و سندس تحاول تنام مش عارفه تتقلب
/////////////////////
ماجد / بعد اللى عملتيه محمد عمره مهيبص فوشك تانى
....................
اسلام /دا جزاته انه جابك امبارح
..................
ماجد و هو بيفك زراير البلوزه
................
محمد / من النهرده انتى مع نفسك
.......................
ماجد و هو بيبوسها من رقبتها
......................
ساره /  محمد راجع شايلك نايمه
/////////////////////////
سندس / لا .... لا ايه اللى حصل
سندس تقوم و تطلع بره تروح اوضه محمد متلاقيهوش ترجع اوضتها بالعافيه تمسك الموبايل و تبعت رساله عالواتس
سندس / انت فين ....وصلت ... رد بقى ... شوفتها رد بقى ... رد ... فى السنتر ... ماشى
سندس تفتح الدولاب و تطلع حاجه تلبسها
...................
تحت
اميره / يعنى انت فعلا هتسافر الجمعه
اسلام / كنت بفكر اخد سندس معايا
طارق / يا راجل انا كنت بفكر فى حد تانى
اسلام / كان نفسى والله بس معلش تتعوض
اميره / خدها منى الايام عمرها مبتتعوض
اسلام / كلو على الله
سندس تنزل لابسه اسلام و طارق يجروا عليها
اسلام / سندس ايه اللى نزلك انتى تعبانه
سندس / انا خارجه
اسلام / بطلى هبل
طارق / على الاقل اقفى على رجلك
سندس / انا خارجه
اسلام / لو مهم اوى كدا قوليلى رايحه فين و انا اروح مكانك
سندس تبصله
اسلام / اروح معاكى اوصلك على الاقل ابقى مطمن عليكى
طارق / انتى مش شايفه نفسك انتى هتقعى مننا
سندس / انا عمرى مقع انت فاهم
اميره / اهدى يا سندس ميقصدش طارق خايف عليكى
سندس / انا كويسه اطمنوا بس لازم اخرج
اسلام / ماشى هاجى معاكى اتفضلى
سندس تبصله و تمشى يمشى وراها
...................
فى شقه مهاب
مهاب/ اسهل من كدا كان ايه دى كانت جيالك على طبق من دهب
ميرنا / انا كان اشعرفنى انه هيرجع يعنى اصلا ازاى يرجع بعد كل اللى عملناه فيه دا اتهان جامد اوى
مهاب / مش الفاشل ده مجايبك
ميرنا / انا قولتلك اللى اعرفه و بعدين انت متوقع ايه الحمد لله ان يوسف مدخلش مالاول اصلا
مهاب / يوسف كان المفروض اعمل المستحيل عشان اوصل للواد ده لو كان فى حد ممكن يملا عينها غير محمد كان هيبقى يوسف بس خلاص حرقتيه
ميرنا / مكنتش اعرف انها هتجيبه معاها
مهاب / اللى طلبته منك كان واضح تظبطى ماجد و سندس و تعلقى يوسف
ميرنا / معرفتش هعمل ايه
مهاب / اخر فرصه ليكى يا ميرنا معايا و فيديوهاتك انتى و الصايع كريم هتوصل لابوكى
ميرنا / متهددنيش انا بعمل اللى عليا اعمل ايه يعنى
مهاب / تعلقى محمد
ميرنا / مستحيل
مهاب / مش مستحيل لو معاكى السلاح الصح
مهاب يحط السلسله القلب فايد ميرنا
..............................
فى السنتر
اسلام يفتح الباب و يدخل و سندس تدخل وراه
اسلام / قولتلك مفيش حد هنا يعنى لو هو هنا هيقفل الباب بالمفتاح ليه
سندس تدخل تدور فكل حته اسلام يطلع الموبايل
اسلام / انت فين يابنى .... بتتغدى مع سمره ؟؟؟ انت مش قايل لسندس انك فى السنتر .... مشيت ؟؟؟ خلاص خلاص ... عادى يعنى تخلى سندس تجيلك لحد هنا .... مكنتوش متفقين اصلا ... والله .... تمام سلام
سندس تروح تقف قدام اسلام و عنيها كلها دموع بس وشها عليه علامات غضب
سندس / والله جدع
اسلام / بيقول مكنتوش متفقين
سندس تفتح الموبايل على رسايل الواتس
اسلام / انت فين فى السنتر هو كدا اتفقتوا
سندس تفضل تروح و تيجى حوالين مكانها
اسلام / اهدى شويه ... سندس .... سندس
سندس تقع فى الارض مغمى عليها
...........................
فى الفيلا
اسلام / عامله ايه
ساره / احسن خدت الدوا و نامت
اسلام / مش المفروض نوديها مستشفى احسن
ساره / لا سندس مش هتفضل هناك هتخرج سندس هترتاح هنا وسطينا اكتر
اسلام / كلمتيها عالسفر
ساره / رفضت برده بتقول ان عندها شغل من يوم الخميس و انها هترتاح عشان تبقى كويسه
اسلام /يعنى هتروح الافتتاح
ساره / انا و انت عارفين كويس انها هتروح لو ايه حصل
اسلام / عارف دى لو كانت قادره كانت جابته من بيت سمره
ساره / ههههههههههههههههههه
اسلام / كدا انتى رسمى مش هتيجى عشان تفضلى جنبهم لحد مرجع
ساره / متخافش هما مش محتاجينلى انا متاكده انهم هيتقابلوا قبل متسافر
اسلام / مش فاهم
ساره / عندى فكره
اسلام / بقولك ايه اننا نسيبهم جنب بعض كانت فكرتك مالاول
ساره / قربهم من بعض فادهم هى المشكله كانت فى البعد كل اللى محتاجينه اننا نقربهم تانى
اسلام / سامعك
ساره / بص....
........................
يوم الخميس الصبح
سندس تصحى تسمع صوت فى اوضه محمد تروح تجرى تلاقى شوق بتلم حاجات الدحكه تروح من وشها
شوق / اتخضيتى لما شوفتينى
سندس / اكيد لا طبعا
شوق / احلفى
سندس / شوق انتى اختى
شوق/ امال ليه بعيده عنى الفتره اللى فاتت
سندس / انا بعيده حتى عن نفسى يا شوق
شوق / و اللى قولتيه لاخويا
سندس / هو اللى بدا يا شوق المرادى مش هعتزرله المرادى مش هعديها ساق فيها كتير
شوق / المفروض كنت هروح انا و مصطفى نشوف حاجات عشان الخطوبه بتاعتنا بس اعمل ايه محمد مش عاوز يجى هنا و استلم شقته قبل المعاد فقرر يحتفل هو و صاحبته
سندس / تانى كدا
شوق / محمد استلم شقته النهرده كان المفروض هيستلمها بكره
سندس / لا صحبته مين
شوق / مسالتش اصلا انا عرفت حوار صاحبته ده من حنان طلب منها تحضرله صينيه بشاميل عشان يعنى يضايفها لانه عارف انها بتحبها
سندس / الف هنا طبعا ههه
تليفون شوق يرن
شوق / ايه يا بنى لا والله مخلصتش ..... اعمل ايه على مصحيت من النوم ..... هههههههههههههه نومى تقيل معلش ..... شغاله اهو ..... لا مش هتاخر باذن الله سلام سلام
سندس / خير
شوق / هنتاخر و لسه مخلصتش لم و كمان لسه هروح لمحمد مش عارفه راحت عليا نومه
سندس / مفيش مشكله انا ممكن اودى الحاجات لمحمد و انتى روحى مع مصطفى
شوق / انا خايفه اتعبك
سندس / ليه يعنى اهو بالمره ابص على حنان و بعدين من هناك اطلع عالسنتر
شوق / تمام اوك يلا فاضل حاجات بسيطه نلمها
..........................
فى شقه محمد
محمد بيرص سفره جميله مليانه اكل و شموع وورد و يدخل المطبخ يروق المكان و يدخل يغير هدومه و هو بيزرر القميص جرز الباب يضرب محمد يبتسم و يمسك ازازه برفيوم سندس و يستحمى بيها و يحطها و بعدين يمسكها تانى و يرش اكتر و يبتسم لنفسه فى المرايه و يروح يقف قدام الباب يبص مالعين و سندس بتضرب الجرس بغل يفتح الباب
محمد / ايه ده هو انتى
سندس / كنت مستنى حد معين
محمد / واحده
سندس / على العموم مش هعطلك ... انت انزل خد الحاجت مالعربيه ... مش شغاله عندك يعنى عشان اشيلك الشنطه
محمد يفتح الباب عالاخر سندس تدخل تبص يمين و شمال
محمد / كان ممكن تخلى اى حد من القهوه ياخد الشنطه و تمشى
سندس / دى امانه .... انت هتاكل كل ده لوحدك
محمد / مقولتلك مستنى حد
سندس / خساره تلتربع الاكل هيترمى
محمد / متشغليش انتى بالك بس لو جعانه ممكن تقعدى يعنى لو تحبى
سندس / مش خايف تغير منى
محمد / الواحد بيغير مالاحسن منه
سندس تمسك كبايه ميه و تكبها فوش محمد يبتسم باستفزاز
سندس / فوق انت بتتكلم عن سندس المصرى متقارنش حد بيا عشان متظلموش
محمد / انا فايق الدور و الباقى على اللى بتسكر
سندس تشده من ياقته يقرب معاها
سندس / ايه اللى حصل
محمد / مش فاكره بجد و لا ايه انا قولت بتقولى كدا عشان اسلام و العيله يعنى
سندس / و انا لو فاكره هسالك ليه ايه اللى حصل
محمد / كنتى اتعبى نفسك و اسالى اصحابك ماجد .. ميرنا او حتى حبيبك يوسف
سندس / يوسف مش حبيبى ماشى
محمد / زى متقولى حضرتك
سندس / ايوه زى مبقول و بعدين مش انا اللى خلفت وعودى مش انا اللى سبت كل حاجه ورايا و مشيت مش انا اللى مفكرتش ابص حتى ورايا مش انا اللى بعت كل حاجه عشان
سندس عنيها تتملى دموع و فثوانى تمنعها
محمد / معلش اصلى حشره
سندس تفتح موبايلها على صورته هو و منى
سندس / اللى يحوم عالزباله يبقى ايه
محمد يبص فى الصوره
محمد / اطلقت
سندس / الف مبروك خليلك الجو و تقدر تكمل حياتك اللى انت خسرتها زمان دلوقت معدتش محمد الغلبان بقى عندك شقه فخمه و عربيه و سنتر و فلوس تعمل بيهم اكبر فرح و خاتم تديهولها شبكه
محمد / حد بعت لجوزها صوره ليا انا و هى فى رحله و الراجل افتكر انها بتخونه معايا
سندس / و مقتلكش ليه ان شاء الله
محمد / تصدقى انا كنت بفكر الصور دى طلعت منين بس اللى على موبايلك جاوب على سؤالى
سندس / انا مبقعدش فمكان واحد مع واحده زى دى عن اذنك
سندس تيجى تمشى محمد يمسك ايدها
محمد / منى ملهاش اى مكان فى حياتى .... محصلش حاجه
سندس / حاجه متخصنيش
محمد / انا بجاوب على سؤالك محصلش حاجه عند ماجد انا دخلت الفيلا تانى بعد دقايق من خناقتنا و خدتك و روحنا
سندس / ايه اللى رجعك انت مش قولت انى مع نفسى
محمد / قولتلك قبل كدا انك تخصينى
سندس / كان المفروض تسمعنى
محمد / مكنش المفروض تروحى هناك
سندس / انت سبتنى فاكتر وقت احتاجتك فيه
محمد / و رجعت
سندس / بعد ايه
محمد / اشمعن انتى تضعفى اشمعن انتى تغلطى
سندس / من يوم معرفتك و انا اللى بعتزر
محمد / ماشى انا بعتزر انا اسف اسف ان دور اخوكى مش ماشى معايا ...
سندس تزعق / طبعا ليك حق مهو ميشرفكش اكون اختك
محمد يزعق/ عشان بحبك
سندس / انت .... ايه
محمد / بحبك
سندس تبلع ريقها و عنيها تتملى دموع و تحاول تداريها
محمد / رجعت عشان مقدرتش اسيبك جوه مع الاشكال دى
سندس / انتى حتى مسالتش عليا طول الفتره اللى فاتت
محمد / سالت و جيت و شوفتك
سندس / كداب
محمد / تحبى اوصفلك بجاماتك من يوم مروحتك تحبى اوصفلك اللوان الملايات تحبى اوصفلك كان بيبقى ايه جنبك عالكومدينو كنتى علاطول نايمه كنت باجى
سندس / و التليفونات و الرسايل
محمد / مكنتش عاوز نتكلم غير وش فوش و انا باصص فعنيكى كنت عاوز اشوفك
سندس تعيط محمد يمسح دموعها
سندس / انا بكرهك على فكره
محمد / اكرهينى
سندس / بكرهك اوى
محمد / راضى
سندس / انت قهرتنى
محمد / مكنتش اقصد
سندس / سلسلتى مش لقياها
محمد / هجبلك غيرها
سندس/ مفيش غيرها ... مفيش
محمد يطلع من جيبه الخاتم و يقعد على ركبه عالارض
محمد / بما ان البنت اللى مستنيها وصلت تسمحيلى اطلب شرف انى اكمل باقى حياتى جنبك
سندس تبص للخاتم
محمد / كان نفسى يبقى عندى حاجه اغلى اقدمها كان نفسى يبقى من عرقى بس
سندس تمد ايدها و تلبس الخاتم من ايده يقوم يقف و هو مبتسم
سندس / انا البنت اللى انت مستنيها
محمد / سندس بتاعتى كنت مستنى البنت الرقيقه اللى حبيتها يعنى كانت مستخبيه شويه
سندس / انا كنت محتاجاك
محمد ياخدها فى حضنه و هى بتعيط
محمد / مش هكررها مش هسمح بده يحصل تانى ابدا كنت خايف كنت جبان مكنتش عارف انا عايز ايه
سندس / و دلوقت عرفت
محمد / مش عايز غير انى اعيش معاكى
سندس / انت عارف ان ده الخاتم اللى بابا اداه لماما يصالحها بيه و هو نفس الخاتم اللى جده اداه لتيته زمان
محمد / تيته وصتنى اديه لاغلى بنت على قلبى و حصل
الباب يخبط يدخل اسلام و ساره و شوق و حنان و طارق و اميره و حمدى و مصطفى
سندس / انتوا بتعملوا ايه هنا
اسلام / قلقنا عليه تكونى عملتى فيه حاجه
محمد / عملت ... جوزنى البت دى بدل مخطفها
اسلام / لما ارجع من المانيا هنعمل الفرحين فيوم واحد فرحى انا و ساره و انتى و محمد
سندس تحضن ساره
اسلام / انا هسافر و انا مطمن بس دلوقت انا جعان و الاكل زمانه برد يا رغايين
سندس / الاكل ده عشانهم
محمد / حتى انتى متقدريش تخلصى الاكل دا كلو
سندس تبتسم
.........................