سكه السلامه بقلم / لولو_محمد (كامله )

الحلقه ٤٨

(((((((سكة السلامة ))))))
#لولو_محمد
الحلقه الثامنه و الاربعون
سلامه / نورت يا كريم بيه عارفنى صح
كريم يهز راسه
سلامه / كنت فاكر اللى عملته عدى منغير حساب صح قولت مدام سكتوا يبقى اجرب تانى صح
كريم يهز راسه لا بخوف
سلامه / انت تعرف ارقام العيال بتوع الكليه
كريم يهز راسه اه
.........................
سلامه / هتتصل بيهم و تقولهم اللى هقولهولك بالحرف ورحمه امى لو زودت حرف او حسوا بحاجه لتشيل نصيب السبعه لوحدك انت فاهم
كريم يهز راسه اه
سلامه / هتتصل و تخليهم يقابلوك فى العنوان اللى فالورقه دى  فاهم
كريم متنح
سلامه يزعق / فاهم ياله
كريم يهز راسه اه
سلامه / اى حركه احنا فصحرا ادفنك هنا حى و ملكش عندى ديه و اوعى تفتكر انى بيه دانا جايبها من تحت اوى فاهم ....فكوه .... خد
كريم يمسك التليفون و يتصل بواحد و يفتح الاسبيكر و فايده ورقه العنوان
كريم / انت مش عاوز ترد عليا و لا ايه يا احمد
احمد / انت عاوز ايه بعد اللى عملته
كريم / حقك يا عم بس انا محقوقلك بصراحه البت طلعت زباله و كنت فاكر هتدينى وش انما ايه
احمد / تستاهل
كريم / انسى بقى دا عدى ياما اوى عالحوار ده بقولك ايه حقك عليا انا عاوز اراضيك عامل حفله عالديق كدا بس فيها شويه سحالى عجب
احمد / مش عارف اقولك ايه بصراحه انت جتلى عالوتر الحساس
كريم / بقولك ايه هات العيال و تعال مفيش حد غريب هتبقى مننا فينا
احمد / هكلمهم و اشوف
كريم / ماشى مستنيكوا خد بقى العنوان
........................
فى الفيلا
سندس / كلهم موبايلاتهم مقفوله اعمل ايه انا هتجنن
ساره / اهدى متوترنيش اكيد مش هيعملوا حاجه يعنى هيعملوا ايه يعنى
سندس / والله
ساره / طب اعمل ايه يعنى انزل ادور عليهم
سندس / مش عارفه انا حاسه ان انا السبب
ساره / حاسه مش متاكده
سندس / برافو لا بجد برافو
ساره / مفيش حاجه هتحصل اهدى انتى بس تلاقى الموبيلات فصلت و زمانهم جايين
سندس / يارب
.......................
فى الفيلا التانيه كريم مربوط فى الارض و حواليه اسلام و حمدى و مصطفى و سيد و محمود و سمره و محمد و اربعه كمان
اسلام / انا زهقت انا بقول نتسلى معاه لحد ميجوا
حمدى / اديهم بس عشر دقايق كمان
اسلام يمسك خرزانه و يلسوعها فى الهوا  صوت عربيتين يركنوا فى الجنينه
محمود / وصلوا
اسلام / اهلا و سهلا
اسلام يطلع فرد خرطوش و يحطه فدماغ كريم
اسلام / استقبل ضيوفك مش عاوز قلق ماشى
كريم يهز راسه و حمدى يفكه يقوم يفتح الباب و اسلام ورا الباب حاطت المسدس فدماغه و نور الفيلا كلو مطفى ماعدا نور بسيط خالص
واحد منهم / مالك مضلمها كدا ليه
كريم / و هو فى احلى مالضلمه تعالوا تعالوا
السته يدخلوا اسلام يقفل الباب و يايد النور و يطلعوا كلهم ينزلوا فى السبعه ضرب
.........................
فى شقه مهاب
ماهى / انت بتعمل ايه بالعقود دى كلها مدام كدا كدا مبتعملش حاجه
مهاب / و هو المفروض اعمل من بدرى كدا
ماهى / مش فاهمه
مهاب / مش دورك انك تفهمى انتى تعملى اللى بقوله من سكات
ماهى تبص الناحيه التانيه
مهاب / طب متقفشيش كدا هفهمك انا عاوز اسلام يحس انه مسيطر يحس انه عرف يشغل الشركه و ان كل حاجه بقت تحت سيطرته عاوزه يرتاح عشان يبدا يبص على مشاكل تانيه
ماهى / فتضرب انت و هو مش مركز
مهاب / مانتى طلعتى بتفهمى اهو بيقولك فى القمار لازم تخسر كام دور فى الاول عشان اللى حواليك يتغروا فيعلوا الرهان و تقشى انتى فى الاخر
ماهى / دماغك دى سم
مهاب / هما اللى لسه عيال بكره السوق يعلمهم بس هو الليله هتبقى كلها شغل و لا ايه متفكيها بقى
ماهى / عنيا
..........................
فى الفيلا عند اسلام و الرجاله العيال مربطين و مضروبين لما بانلهم صاحب و بيعيطوا مالوجع
اسلام / كفايه ضرب
الرجاله توقف
سيد / ايه يا ريس مكنا شغالين كويس
اسلام / دى عيال ورور و ممكن يغمى عليهم مننا و انا عاوزهم صاحيين للى جاى ناولنى معلش الصندوق اللى هناك ده
سيد يروح يجيب صندوق اسلام يفتحه مليان مقصات و مشارط
محمد / ايه ده
اسلام / العيال دى ممدوش ايدهم على ستهم من فراغ دول تعبانين و انا هريحهم ماللى تاعبهم
الكل يدحك
كريم / انا هقولك على كل حاجه وربنا هقول على كل حاجه
اسلام / و انا مش فارق معايا ان اعرف
مصطفى / بس نسمع يمكن يعجبنا
مصطفى يمسك الموبايل و يصور فيديو لكريم
مصطفى / تحب تقول ايه
كريم / انا لما سقطت السنه اللى فاتت جوز امى طردنى مالبيت و دكتور مهاب كان صاحبه فروحتله يتوسطلى ارجع قالى انه هينجحنى و يدينى فلوس كويسه بس عاوز خدمه
اسلام / وبعدين
كريم / كان عاوزنى اقرب من سندس باى شكل و اخليها تحبنى و انام معاها
اسلام / انت بتقول ايه ياله
كريم / والله هو ده اللى حصل بس هى مكنتش مديانى وش كانت بتصدنى علاطول و لما محمد ظهر قالى دى اخر فرصه ليك و مكنش قدامى حل تانى عشان اجبرها تتجوزنى
اسلام يبص لمحمد و بعدين يبص لكريم تانى و يضربه بوكس فوشه بغل
كريم / والله ده اللى حصل والله ده اللى حصل
اسلام يمسك بكره اللزق و يلزق بقه و يروح يبص للى بعده
اسلام / و انت يا شاطر هتدافع عن نفسك بايه
ابن المحامى / اوعى تفتكر ان بابا هيسكت عاللى حصل بابا هيقوم الدنيا
اسلام / انت ابوك المحامى صح المحامى اللى قال هيشوه سمعتها صح
اسلام يشده من شعره
اسلام / انا عاوز ابوك يروح يقول ان احنا اللى ضربناك كدا بس و هو بيقدم البلاغ خليه يعديك عالطب الشرعى عشان يكشفوا عليك بعد متتنضف و مش بس كدا خليهم يعرفوا انكوا اترفدتوا عشان تحرش مش قله ادب فى الرد زى مانتوا كدبتوا
واحد مالتانين / ابوس ايدك ابوس ايدك سبنى اروح انا غلطان انى عرفتكوا الله يحرقكوا بجاز
اسلام / ماشى انا هسيبكوا تمشوا بس بشرط
كلهم ماعدا ابن المحامى / موافقين موافقين
اسلام / هتعترفوا باللى حصل صوت و صوره و فى اخر الاعتراف كل واحد هيقول انه مش راجل
محمد / انا بقول ملوش لزمه و ندخل عالتنضيف احسن عشان الفيلم قرب يخلص
اسلام يبص لابن المحامى
اسلام / صحيح مانا نسيت اقولك كمان احنا فى السيما دلوقت و التزاكر اهى
مصطفى يرفع التزاكر و يبتسم
اسلام / و مش بس كدا داحنا موبايلاتنا كلها مش معانا و الموبايلات دى جديده و الخطوط اللى فيها مش باسمنا و حتى المكروباص اللى جينا بيه منغير نمر لا خدوا الكبيره بقى الفيلا دى مش بتاعتنا دى مهجوره
محمد / دماغك سم يا برنس هههههههههههههههههههههه
اسلام / يعنى حتى لو ايه حصل محدش هيصدقكوا دا غير الفيديوهات اللى هتبقى معانا يعنى اى كلب فيكوا هيفتح بقه هو عارف مش محتاجه توضيح
مصطفى / تمام مين يحب يعترف الاول
الكل يبص لبعضه و ساكت
اسلام / ابدئوا بابن المحامى
الاربعه يروحوا ناحيه الواد يفكوه و ينيموه فى الارض و هو بيصرخ يفكوله حزام البنطلون
الولد / خلاص خلاص حاضر هقول
مصطفى / شاطر قول
الولد / انا اتحرشت بسندس فى المدرج خلاص
اسلام / و ايه كمان
الواد ساكت
اسلام يزعق / و ايه كمان
الواد / انا مش راجل خلاص
اسلام / لا خلاص ازاى
اسلام يفتح كيسه و يطلع منها قميص نوم و يديهوله
اسلام / لو عاوز تخرج من هنا اللبسه
الواد يبصله
اسلام / تلبس قميص نوم مره و لا تعيش بخيبتك باقى عمرك انت اختار
محمد / لا كدا كتير يا معلم
اسلام / اخترت ايه ياله .... انا هضيع وقتى ليه شوفوا شغلكوا
الواد يصرخ / خلاص
الواد يقلع و مصطفى بيصور و العيال المربطه بتعيط
اسلام / اللى بعده
.......................
فى الفيلا
ساره / لا دول اتاخروا اوى
سندس / بردو غير متاح
شوق تدخل
شوق / سندس عملتى ايه فى حوار الخميس
سندس / تمام تمام كلو تمام
شوق / هو فى اي مالكوا
ساره / مفيش
شوق / هو ايه اللى مفيش
سندس / مفيش اتخانقت مع محمد و اتقمص و مشى مانتى عارفه اخوكى
شوق / انا عمرى مشوفت كدا تحسى انهم لو متخانقوش مع بعض يموتوا يا ساره
ساره / حصل خير
شوق / طب خلاص اجى وقت تانى بقى
سندس / انا حجزت المركب امبارح زى مطلبتى و فى بوفيه و دى جاى زى مطلبتى
شوق / تسلمى يا حبيبتى و اللبس كاجوال صح
سندس / زى متحبى
شوق /لا خلوه كاجوال مش هعرف انا كعب مع مايه و مركب مش هتركب
سندس / تمام
شوق / تمام لو عوزانى اكلم محمد
سندس / مفيش لزوم لما يجى انا هصالحه
شوق / تمام هروح انا اتصل بالبت حنان ننم شويه بقى سلام
............................
فى الفيلا التانيه عند الرجاله العيال السته واقفين بيعيطوا لابسين قمصان نوم و كريم مربوط و متكمم
اسلام / قلبي مش مطاوعنى اسيبكوا عايشين بس يلا انا برده بخاف ربنا بس ورحمه امى لو كلب فيكوا قرب من ستكوا تانى لخليكوا تتمنوا الموت و مش هتطولوه ياولاد الكلب يا عرر فاهمين
العيال / اه
اسلام / ورحمه امى لو نموسه قرستها بس نموسه انا بقول اهو ......خدوهم فى الميكروباص و ارموهم عالصحراوى و العربيات التلاته حلال عليكوا يا رجاله
الاربعه / تشكر يا برنس
اسلام / يلا سلام احنا بقى
كريم يصرخ منغير صوت
اسلام / كنت هنساك خالص
اسلام يشيل اللزقه
كريم / ابوس ايدك ابوس ايدك وربنا معهمل كدا تانى هشوفها ماشيه من حته همشى مالشارع التانى اللى تقول عليه هعمله بس تسبنى امشى
اسلام / مهاب مش هيعرف حاجه انك قولتلى
كريم / اللى تقول عليه من النهرده اللى تقول عليه هعمله اللى انت عاوزه هعمله
اسلام / هتعمل كلكو هتعملوا
...........................
فى الفيلا
محمد و اسلام يدخلوا و هما بيدحكوا على اخرهم ساره و سندس ينزلوا من فوق جرى
ساره / موبيلاتكوا مقفوله ليه
اسلام / فى حاجه حصلت و لا ايه
ساره / انت اللى بتسال انا دمى نشف كنتوا فين و عملتوا ايه
محمد / مفيش حاجه هو كان متعصب شويه و خدته و روحنا سينما هدى روحنا
سندس / يا سلام و موبيلاتكوا مقفوله ليه
محمد / قفلناها عشان محدش يزعجنا اهدى شويه
ساره / اسلام انتوا بتقولوا الحقيقه و لا بتكدبوا عليا
اسلام / و اكدب عليكى ليه يعنى
سندس / الحمد لله
محمد / انا عاوز اتكلم معاكى على فكره
سندس / انا هيغمى عليا مالخضه تعال المطبخ اشوف عصير و لا حاجه
اسلام / اه اتوزعوا اتوزعوا
سندس / والله
محمد / يا شيخه بقى اتحركى
محمد و سندس يمشوا
ساره / انا مش مرتاحالك
اسلام / و لا انا بس غصب عنى والله الضغط بيجيب الانفجار زى مبيقولوا
ساره / على العموم الحمد لله انكوا بخير صحيح محمود منجى اتصل و عاوز يعرض عليك ورق المناقصه
اسلام / بكره علاطول
ساره / بس انت كنت بتقول هتاخد بكره اجازه
اسلام / لا غيرت رايى بكره هشتغل و اعمليلى اجتماع رؤساء القطاعات بكره برده
ساره / ليه خير
اسلام / خير بس عاوز نراجع خطه العمل فى كل قطاع و نشوف لو فى اى مشاكل بلغيهم حالا
ساره / مش مستعجل اوى ؟؟؟
اسلام / بلغيهم انه امتحان اشوف مين مجهز نفسه لاى ظرف طارق و مين نايم على ودانه اعتبريها كدا
ساره / هكلمهم حالا
اسلام / و اه عاوزك تشوفى لو كان فى اى مواعيد تانيه اجلتيها حاولى ترجعيها تانى بكره
ساره / دا ازاى يعنى
اسلام / اتصرفى يا ساره عاوز افضى نفسى الخميس عشان عيد ميلاد شوق و اخد خميس و جمعه على بعض بدل مالحاجه تتاجل للسبت
ساره / و ادبسى يا ساره صح
اسلام / انتى قدها و قدود و انا هساعدك
ساره / ماشى هشوف هقدر اعمل ايه
اسلام / لو الموضوع مشى زى مانا عاوز ليكى منى مفاجاه على فكره
ساره / مفاجاه ايه
اسلام / باكو بسكوت من ابو نص جنيه ده هههههههههههه مفاجاه يا ساره روحى يلا قدامى عالمكتب نشوف هنعمل ايه يلا بقى اتحركى متنحيش
ساره / الله
اسلام / بهزر معاكى اتفضلى سموك
ساره / ايوه كدا
..........................
فى المطبخ
سندس / انت قولتلى فيلم ايه اللى شوفتوه
محمد / مقولتلكيش
سندس / يا رخم قول بقى
محمد / احنا مكناش فى السنما احنا قولنا كدا عشان ساره متقلبش على اسلام
سندس / كان قلبى حاسس كنتوا فين بقى
محمد / كنا مع بنات
سندس / انت بتقول كدا بس عشان تغيظنى
محمد / و اتغاظتى
سندس / لا ليه يعنى و انا مالى و بعدين ابيه مش بتاع الحاجات دى اصلا
محمد / و انا بتاعها ؟؟؟
سندس / لا انت مفيش واحده هتبصلك اصلا
محمد / بفلوسك و بمالك هتنول اللى فبالك
سندس / بطل بقى
محمد / ههههههههههههههههههههههه خلاص متكشريش كدا بكدب
سندس / كنت عارفه
محمد / كنت عاوز اتكلم معاكى بخصوص اللى حصل متعمليش كدا تانى
سندس / انت السبب لو كنت فتحت
محمد / مكنتش سامع كنت مدايق حطيت الاغانى و عليتها و مسمعتش والله بس دا مش مبرر ابدا للى عملتيه
سندس / انتوا اللى مكبرين الموضوع
محمد / انتى اللى مجنونه سندس انا مش هنكر انى انبسطت ان فى حد عمل حاجه زى دى عشان يصالحنى بس انا بخاف عليكى والله بخاف بجد و اسلام كمان و ساره و كلنا يعنى بنخاف عليكى
سندس / خلاص مش عاوزنى اعمل كدا تانى متزعلنيش تانى
محمد / و انتى خدى بالك من تصرفاتك بعد كدا ... ايه ده انا جعان اوى هو البيت ده مفيهوش اكل
سندس / انا كمان جعانه و متغدتش
محمد /طب متتشقلبى كدا توضبيلنا لقمه
سندس / تدفع كام
محمد / ماديه حقيره
سندس / ههههههههههههههههههههههههه
.......................
بالليل خالص الكل قاعد يدحك فى الصاله و بيدحكوا مهاب يفتح الباب و يدخل
مهاب / خير دحكونى معاكوا
سندس / محمد كان بيحكى عيد ميلاد شوق السنه اللى فاتت
مهاب / انا كان نفسى اسهر معاكوا بس انا مرهق جدا و هطلع انام
اسلام / ليه كنت فين
مهاب / كنت فى الشغل
اسلام / غريبه مع انى اتصلت بيك فى الشركه قالولى انك مشيت من بدرى
مهاب / خير كنت عاوز ايه
اسلام  / لا خلاص مشكله صغيره و حليتها
مهاب / بعد كدا لو احتجت حاجه ابقى اطلبنى عالموبايل
اسلام / اه بس برده مقولتش كنت فين يعنى
مهاب / لما ابقى عيل صغير ابقى اسالنى رايح فين و جاى منين
اسلام / انا اسف
جرس الباب يضرب ماجى تروح تفتح تلاقى بوليس
الظابط / مهاب المصرى موجود
مهاب / انا خير
الظابط / مطلوب القبض عليك
اسلام / عملت ايه يا مهاب
مهاب يبص لاسلام
فريده / عمل ايه يا حضره الظابط
الظابط / اتفضل معايا لو سمحت
مهاب / انت مش عارف انت بتكلم مين و لا ايه
الظابط / لا عارف كويس متهم و مطلوب ضبطه و احضاره و انا بعمل شغلى اتفضل معايا من سكات
مهاب / انا هوديك ورا الشمس انا همحيك من على وش الدنيا
فريده / انا هطلب المحامى
الظابط / اتفضل معايا
مهاب يروح مع الظابط و فريده تمسك الموبايل اسلام ياخده من ايدها
فريده / فى ايه
اسلام / انا اللى هكلمه خليكوا هنا انا هروح معاه بالعربيه
ناهد / ابقى طمنا يابنى
محمد / تفتكروا عمل ايه
فريده /اكيد فى سوء تفاهم مش اكتر
محمد / يارب
اسلام ياخد الموبايل و يطلع ورا مهاب
......................
فى القسم
مهاب / العيال دول كدابين
الظابط / حضرتك كنت فين من الساعه 6.5 ل9.5
مهاب / كنت مكان مكنت اصلا مش منحقك تبدئ التحقيق معايا فغير وجود المحامى بتاعى
الظابط / انت مش هتعرفنى شغلى انت متهم بسرقه تلت عربيات ملاكى
............................