(((((سكة السلامة )))))))))))))
#لولو_محمد
الحلقه الثالثه عشر
اميره / اثبت
ناهد تقعد جنب اسلام و هو يبصلها و ساكت
ناهد / عشت ازاى يابنى الفتره اللى فاتت لوحدك ربنا وحده اللى يعلم مريت بايه
اسلام / الحمد لله ربنا كرمنى براجل زى الفل ربانى وسط عياله كانى واحد منه الله يرحمه مكنتش بتطلع منه العيبه
ناهد / ربنا يكرمه زى مكرمنى فيك
ناهد تلعب فى شعر محمد يبصلها و يدحك يشيل الترمومتر من بقه
محمد / تيته تيته الا هو مين زياد ده
……………….
سلامه / الله يا محمد
ناهد تتنهد و تبص فى الارض و اميره تقوم تدخل جوه و اسلام متابعها و يرجع يبص لمحمد
محمد / انا اسف بس
ناهد / زياد ده كان زميل سندس من اول يوم دخلت فيه الحضانه و هى اربع سنين فضلو اصحاب عشر سنين لا صحاب ايه دول كانوا اكتر ماللى اخوات يا هى عنده يا هو عندنا اكل و لعب و فسح كانوا زى التوام الملتص اقول ايه بس دا حتى التمرين كانوا سوا لو هو خلص تمرين يستناها لو هى خلصت تستناه لبست تقويم لبس زيها عشان متحسش انها وحشه لبس هو نضاره فلقت روحها مالعياط لحد مجبنالها نضاره زيه
محمد / و بعدين
ناهد / كان فى بطوله و محمود كان عنده شغل و سندس فضلت تعيط لان دى كانت هتبقى اول بطوله منغيره فكنسل الشغل وراح معاها و مامتها كمان و زياد فطلعوا فالعربيه بدل الباس و هما راجعين بقى الدنيا كانت ليل ف....
اسلام يمسك ايدها
ناهد تعيط / العربيه اتقلبت بيهم
لحظه صمت
ناهد تتنهد / الوحيده اللى كانت رابطه الحزام ولاد الحلال طلعوها مالعربيه غرقانه فى دمها ليها عمر تعيش
محمد قام قعد عالكرسى جنبهم
ناهد / لما فاقت فى المستشفى بقى ههه قبل متسال على ابوها و امها سالت على زياد و ليكوا انكوا تتخيلوا بقى رده فعلها لما عرفت ان التلاته ماتوا
محمد يقوم يطلع البلكونه و حنان بتنشر
حنان / ادخل جوه انت عيان
محمد / محتاج هوا
حنان / والله لو سخنت مهسهر جنبك هو فى ايه الجنان ده انا خلصت و داخله
حنان تدخل و سلامه يطلع يقف جنب محمد
محمد / انهى وجع دا يا سلامه
سلامه / الوجع اللى يخلى سندس تبقى ساندى
......................
فى الشارع
عربيه مهاب تدخل الحته و يمسك التليفون و يتصل بحد
مهاب / الو اخبار التجمع السعيد ايه
سلامه / مين معايا
مهاب / مع انهم بيقولوا الدم بيحن انا مستنيك فى الشارع تحت البيت انزل
سلامه / حاضر ثوانى
شويه و سلامه يفتح الباب و يركب و مهاب يطلع بالعربيه
مهاب / ايه قولتلهم انى مستنيك
سلامه / لا قولتلهم ثوانى و راجع
مهاب / ليه مقولتلهمش
سلامه / تفرق فى ايه
مهاب / متفرقش اسمع يا سلامه انا هجيب مالاخر عشان مليش خلق للف و الدوران و كمان عشان مش هسمح لمخلوق يقرب من عيلتى
سلامه / معاك حق
مهاب / انا مقدر ظروفك واحد لقيط ميعرفش مين اهله جتله واحده هبله عرضت عليه ملايين انا لو مكانك هتهبل برده
سلامه / انت قولت هتجيب مالاخر
مهاب / ماشى مالاخر كدا ساره عايشه عشان تنتقم منى عشان سبتها و اتجوزت فريده
سلامه / ههههههههههه يا راجل دانت قد ابوها
مهاب يبصله و يركن العربيه
سلامه / ايه فرق عشرين حاجه و عشرين سنه مثلا
مهاب / ستاشر بس السن ملوش دخل بالحب
سلامه / قولت هتجيب مالاخر
مهاب / متدخلش نفسك فى حرب مانتش قدها و مالاخر كدا دا شيك بخمسه مليون جنيه
سلامه ياخد الشيك و يبص فيه و يبص لمهاب
مهاب / اوعى تفتكر انى بديهولك عشان مصدق انك اسلام لا فوق انا بديهولك عشان مش عاوز شوشره تيته ست كبيره و مش هتستحمل اى مشاكل و البنات عاطفيين و احنا شركه كبيره و اى حاجه صغيره بتاثر على اسهمنا فى السوق فانا بديك الفلوس دى عشان اتلافى اى خساير بسبب ساره و لعلمك هى هتتعاقب كويس على اللى عملته اصلها كدا و لا كدا مجرد موظفه متعينه بس عشان مدير الشركه كان جوز امها فيفرق معاها فى ايه تكسب و لا تخسر
سلامه / بس دول خمسه مليون
مهاب / تقدر تشترى بيهم اللى انت عاوزه تجوز اخواتك و تتجوز انت كمان البنت اللى رفضتك دى هتيجى تبوس ايدك عشان تقبل بيها ابوها نفسه ممكن يتحايل عليك ترافق بنته لو معاك مبلغ زى ده
سلامه / و المقابل
مهاب / ننهى الهبل ده منغير شوشره و اسمع يا سلامه خمسه مليون فى الايد احسن من عشره عالشجره و لازم تفهم كمان انك لو كملت فى اللعبه دى هتخسر عشان التحليل ساره مزوراه و لما هتظهر النتيجه الحقيقيه مش هتطول الخمسه دول حتى ففكر و قرر تاخد الخمسه مليون و تنسحب فى هدوء و لا تكمل و متاخدش حاجه
سلامه يبص للشيك و يبص لمهاب و يسكت مهاب يسوق العربيه و يرجع بسلامه البيت
..................
فى شقه سلامه
الكل قاعد بيفطر فى الصاله
محمد / الحمد لله هنزل هتعوزوا حاجه
شوق / متخليك لحد متشد حيلك كدا بدل مالبرد يزيد عليك
محمد / لا الدوا اللى ادتهونى الدكتوره جاب مالاخر
حنان / طب مدام نازل عدى عليا الطلبات دى الاول بدل منزل اعك انا فى الطين
محمد / حاضر
ناهد / انا بقول ترتاح برده يا محمد يابنى
محمد / انا ارتاحت لما شوفتك يا تيته
ناهد تبتسم و محمد يدخل الاوضه يلاقى سندس نايمه يقف ثوانى و يفتح الدولاب و يطلع صندوق سندس تصحى و تقوم تقعد و تكح تبص جنبها تلاقى محمد واقف تقوم تصرخ و هى ماسكه الغطا مغطيه نفسها
سندس / انا فين و انت بتعمل ايه هنا و ازاى تدخل اوضتى و ايه اللى انا لابساه ده
محمد / يخربيت الكفره فى عزا اليهود انتى مجنونه يا بت
سندس / انت ازاى تدخل اوضتى و انا نايمه انت ازاى دخلت هنا اصلا
الكل يدخل الاوضه ناهد تحضن سندس و هى باين على وشها الفزعه
ناهد / اهدى يا قلبى اهدى
محمد / ههههههههههههههه البت دى عباسيه خالص
سندس / اخرس يا حيوان انا هحبسك
محمد / بتهمه ايه ان شاء الله انى داخل اخد فلوس من اوضتى
سندس / اوضتك ؟؟؟
سندس تبص حواليها و محمد ميت مالدحك و يكح
سندس / متدحكش عليا
محمد / انا اسف انى فزعتك اهدى انا نازل سلام
محمد يمشى و سندس بتبص عليه و هى فى حضن ناهد
سندس / انتوا جيتوا امتى
ساره / اتصلت بيهم لما سخنتى
حنان / فى واحده فى الدنيا تجرى فى الشتا باللبس ده
شوق / فى واحده تلبس كدا فى البرد ده اصلا انا نازله المكتبه
صوت باب يتفتح و مهاب و سلامه يدخلوا
ساره / انت بتعمل ايه هنا
مهاب / انا جاى اعتزر عن طريقتى و بعدين انا مكنش ينفع اسيب تيته و اخواتى فى الشارع يعنى
ساره / يا سلام
مهاب / خليكى براها انتى ايه ده مالك يا ساندى
اميره / كالعاده فى كل شتا
مهاب يجرى يقعد جنب سندس الناحيه التانيه و هى تحضنه
مهاب / كدا يا بت تسيبنى و تمشى مصدقتى
سندس / انا مخصماك
مهاب / مقدرش انا جاى اراضيكى قومى يلا روحى معايا
سندس / يا كلنا يا لا
مهاب / اللى تشوفه سمو الملكه
ناهد / سبحان مغير الاحوال
مهاب / ايه يا تيته انا مش وحش اوى كدا يعنى دى كانت لحظه شيطان مش اكتر
ناهد / ماشى خد سندس و اميره روحهم و انا و ساره هنيجى بعدين
مهاب / و ليه بس يا تيته متيجى معانا العربيه هتكفينا
ناهد / انا قولت كدا
مهاب / خلاص اللى تشوفيه يلا يا سندس ساعديها تغير هدومها معلش يا اميره
الكل يطلع يقعد بره و ساره مبتشيلش عينها عن سلامه و هو بيحاول ميحطش عينه فى عينها شويه و محمد يدخل شايل اكياس يحطها فى الارض و هو بيكح
محمد / اهلا يا دكتور ازيك
مهاب / ازيك يا محمد اخبار الامتحانات ايه
محمد / الاخبار عند حضرتك يا دكتور هههههههههههه
مهاب / لا خير طبعا باذن الله خير مانت مش هتيجى فى اخر سنه و تخيب يعنى و لا ايه
مهاب يبص لاسلام
محمد / لا باذن الله تقدير زى كل سنه
مهاب / دا عشمى فيك يعنى مهو مش هينفع تخزل اخواتك
مهاب يبص لاسلام تانى اسلام يقوم و يدخل المطبخ يجيب كوبايه ميه و يشربها يلاقى ساره وراه
ساره / مش ناوى تحكيلى
اسلام / احكيلك على ايه
ساره / فاكرنى مش فاهمه اللى بيحصل عيب اوى على فكره
اسلام / مهاب عرض عليا خمسه مليون خمسه مليون
ساره / عندك حق خمسه مليون رقم كبير جدا بالنسبه لسلامه البرنس بس احب اقولك انهم فكه بالنسبه لاسلام المصرى
سلامه / انا لسه مش عارف ان كنت اسلام و لا لا انا مش عارف
ساره / كنت بفكر فى ايه و انا جيالك و حاطه كل امالى عليك بس انت معاك حق مين احنا يعنى عشان تفكر فينا انت لا تعرفنى و لا تعرف سندس و لا اميره و لا حتى تيته اللى روحها رجعتلها لما عرفت انك عايش
سلامه / انتى اللى اديتها الامل ده قبل متتاكدى
ساره / اتاكد من ايه هو انا اللى عامله التحليل بس عالعموم متتعبش نفسك حلال عليك الفلوس اتهنى بيها عن اذنك سلام
ساره تسيبه و تطلع و هى بتنفخ تلاقى سندس خارجه اميره مسنداها تسندها معاها
ساره / يلا يا تيته
ناهد / الله انتى مش هتيجى معانا
ساره / وقت تانى سندس تعبانه و محتاجانا جنبها
مهاب / عين العقل يا ساره
ساره تبصله و تبص لسلامه و تمشى و الكل يمشى وراها و سلامه واقف يبص عليهم
محمد / هو فى ايه مش كنتوا رايحين المعمل تعيدوا التحليل
سلامه يطلع الشيك و يديه لاخوه
محمد / ايه ده
سلامه / خمسه مليون
شوق / الله بجد ورينى ورينى يلهوى انا اكيد بحلم
حنان / جبتهم منين دول يا سلامه
محمد / عشان كدا مشيو
سلامه / فكر شويه يا محمد مهاب معاه حق عصفور فى اليد و لا عشره عالشجره انت نفسك شوفت ساره بتتكلم عن مهاب ازاى دا عداء شخصى بلاش ندخل نفسنا فى معركه مش قدها
محمد / يا سلام انت جاى تقول دلوقت . دلوقت مش عاوز تعرف اهلك مش عاوز اخواتك بعد ايه بعد مجم و عاشوا معانا و بقى فى بنا عيش و ملح
شوق / دا يوم واحد يا محمد و بعدين كدا احسن بص عالشيك يابنى داحنا هنتنقل نقله تانيه خالص
محمد / بص يا سلامه انت طول عمرك الكبير و انا بحترمك بس لو هتبيع اخواتك البنات بخمسه مليون يبقى بتخسرنى قبلهم و اسمع بقى اللى هقوله ده كويس انت لو مقتنع انك مش اسلام يبقى الفلوس دى مش من حقك
حنان / انا كمان مع محمد مهاب ده شكله مش سهل و كمان اللى يدفع خمسه مليون عشان يسكت حد يبقى اكيد خايف
سلامه / هو خايف فعلا بس مالشوشره عشان اسهم الشركه
حنان / يعنى انت قررت متعملش التحليل و تتاكد و ترضى بالخمسه مليون صح
محمد / رضى يخزل كل اللى وثقوا فيه يخزل البنتين اللى سابوا بيتهم و مشيو وراه و هما مش عارفين رايحين لمين و لا هيباتوا فين عشان خاطر بس حسوا انه اخوهم
سلامه / يا محمد
محمد / بلا محمد بلا قرف بقى روح يا سلامه روح لسندس و قولها انا مش اخوكى مش عشان انا مش اخوكى لا عشان مهاب ادانى فلوس عشان مروحش احلل و اتاكد روح قولها
شوق / يخربيت سندس اللى جننتك اكتر مانت مجنون دول خمسه مليون
حنان / يا شوق ركزى الخمسه مليون بس تمن سكوته امال حقه وورثه كام
شوق / صح معاكى حق بس عصفور فى اليد خير من عشره عالشجره احنا كنا لاقين
محمد / احنا فى ايه و لا فى ايه
سلامه / يا محمد انت مش خايف على مستقبلك
محمد / مخفتش لما هددنى لو معتزرتش لسندس محدش هيضمن اللى هيحصل و مش هخاف دلوقت و مش هخاف بكره مين اللى قالى اعمل الصح و ميهمكش مش انت مين اللى قالى السكوت عالغلط غلط اكبر منه مش انت اسمع يا سلامه الفلوس دى مش من حقك
شوق / هو ايه اللى مش من حقه
محمد / ايوه مش من حقه لو انت مش اخوهم مش من حقك تاخد منهم جنيه و لو انت اخوهم يبقى مش من حقك تبيعهم على الاقل مش بالمبلغ الرخيص ده دموع تيته لما تعرف تساوى اكتر من ده بكتير اوى انا نازل سلام
محمد ينزل و يرزع الباب وراه
شوق / فقرى من يومه
حنان / فكر بجد يا سلامه راجع نفسك
شوق / فى ايه يا حنان
حنان تبصلها و ترفع حاجبها
شوق / و على ايه انا نازله سلام انا كمان
.......................
فى الشارع محمد نازل متعصب حمدى يوقفه
حمدى / ايه ياعم مش ترسينى الفيلم وصل لفين
محمد / اوعى بس مش فايقلك
محمد يسيبه و يمشى
حمدى / هو ايه اللى حصل فى العيله دى
ثوانى و شوق تنزل تروح المكتبه
مصطفى / صباح الخير
شوق / صباح النور
مصطفى / مزاجك رايق النهرده مش زى امبارح
شوق / والله ابدا من غم لغم و من حيره لحيره و لا حد بيحس و لا حد بيقدر
مصطفى / فى دى عندك حق
شوق / الا صحيح لا مؤاخذه يعنى هو مش المفروض انك مهندس كومبيوتر يعنى
مصطفى / اه للاسف
شوق / هو ايه اللى للاسف يعنى بتدرس خمس سنين و فى الاخر تفتح مكتبه تصوير ورق
مصطفى / والله مكنش ده هدفى فى الاول بس جت كدا
شوق / امال هدفك كان ايه
مصطفى / يعنى انا قولت هفتح شركه كومبيوتر اجيب اجهزه و اجمعها و ابيعها و كدا يعنى و جنبها يعنى اجيب مكنتين تصوير و كام طابعه و اهو لقيت اللى ماشى فى المنطقه دى كتابه المزكرات و الطباعه قولت ماشى مرحله
شوق / و ايه اللى جبرك
مصطفى / امال المفروض كنت اعمل ايه اتمسك بشهادتى و اقول ياما اشتغل مهندس ياما اقعد اعيط و لا اهج و اسيب البلد هتفرق فى ايه يعنى قرش هنا قرش هناك
شوق / مقصدش بس انت ليك مين هنا تقعدله يعنى اصلا انا لو منك كنت اسافر
مصطفى / للاسف ليا
شوق / بجد ايه
مصطفى يفتح محفظته و يطلع صوره بنتين
مصطفى / اخواتى البنات دى صورتهم و هما صغيرين شويه هما كبار دلوقت و الاتنين متجوزين و مخلفين
شوق / ما شاء الله امال يعنى مشوفتهمش جم زاروك من يوم مسكنت هنا و لا حتى جم بصوا عليك
مصطفى / فى بنا مشاكل
شوق / الله بقى مش دول اللى انت قاعد عشانهم
مصطفى / بما ان مفيش شغل فاقعدى هحكيلك و احكمى
شوق / احكى اهو الواحد لما يسمع بلاوى الناس يمكن تهون عليه بلوته احكى
مصطفى / انا يا ستى زى محمد كدا الصغير على بنتين والدى ووالدتى اتوفوا و انا صغير و اختى الكبيره و جوزها هما اللى كملوا تعليمى و اشتغلت معاه فى المطبعه بتاعته فتره
شوق / تمام
مصطفى / مش تمام اختى التانيه كانت محتاجه فلوس عشان تعمل عمليه لابنها فجوز اختى قرر يبيع نصيبه مالشقه بتاعه بابا و ماما اللى هى الحاجه الوحيده اللى ورثناها
شوق / و انت كنت عايش فيها
مصطفى / لا كنت عايش مع اختى الكبيره و يمكن ده اللى شجعهم يوافقوا على بيع الشقه و كدا مش هظلمهم و المفروض انى كنت ناوى اتجوز فى الشقه دى و كدا بس
شوق / بس ايه
مصطفى / المهم ان جوز اختى الكبيره عرض انه يسلف عديله الفلوس بدل منبيع الشقه و كدا التانى ابدا و انا استلف ليه و انا عندى ملك فقاله خلاص انا هشتريه منك و اشتراه فعلا و بقت الشقه بالنص بينى و بينه
شوق / لحد كدا مفيش مشكله
مصطفى / المشكله بقى لما صحيت مالنوم على خناقه مع اختى فقومت انا و اتخانقت معاه
شوق / حقك طبعا
مصطفى / المهم قالى انت هنا ضيف شوف انت بقالك كام سنه بتاكل و تشرب بفلوسى و انا اللى بصرف عليك فكلمنى بادب و كام كلمه تجريح قولتله بناقص و شوف انت صرفت كام و انا اديهولك عالجزمه كلمه منى كلمه منه الموضوع كبر اختى التانيه و جوزها جم يحلوا الموضوع قالولى اروح اقعد عندهم و اختى الكبيره كانت مبتفصلش عياط قولتلهم و على ايه انا ليا ملك هبيعه و اشوف حالى قالى قشظه و انا شارى
شوق / و جبت الفلوس و جيت اجرت هنا
مصطفى / لا روحت عند واحد صاحبى الاول و حكيتله و كنت مخنوق جدا قالى مصلحه تعال شاركنى و نفتح شركه كومبيوتر كبيره و فعلا فتحنا الشركه و بعد فتره حد قريبه بعتله عقد و ساب الشركه و سافر و بختى الحلو شركه تانيه فتحت فى نفس الشارع و بقت تنافسنى
شوق / كمان
مصطفى /صحبى رجع بعدها بسنه يحاسبنى وريته الدفاتر لقيته بيسرقنى يقولى ازاى شركه متجبش انت بتسرقنى انت بتستغفلنى كلمه منه كلمه منى قالى يا تشيل يانا اشيل و هو كان جاهز قولتله شيل بس تمنا الحاجه اللى فى المكان و صفينا الحسابات و قولت اشوف مكان صغير بقى على قدى و لوحدى فجيت هنا مانا مش هينفع احط فلوسى كلها فمركب واحده تانى و استنى اما اشوفها بتغرق مانتى شايفه البلد عامله ازاى كل يوم بحاله و بقانون
شوق / و اخواتك
مصطفى / روحت زورت اختى الكبيره مره جوزها مستقبلنيش كويس مروحتش تانى
شوق / و التانيه
مصطفى / بصراحه مروحتلهاش
شوق / و لا هى جتلك
مصطفى / لا
شوق / يا قلبكوا قدرت تبعد عن اخواتك سنه و يبعدوا عنك دانا هتجنن من ساعه معرفت ان سلامه له اخوات بنات بتجنن لما بشوفهم او حتى تيجى سيرتهم
مصطفى / اها هو ده بقى اللى معكر مزاجك
شوق / يعنى ايه بعد السنين دى كلها يجوا ياخدوه عالجاهز مين فيهم قامت الفجر تعمله الشاى و لا سهرت طول الليل تكوى هدومه مين فيهم يعنى اهتمت بيه
مصطفى / و تفتكرى اسلام عنده اهم منكم
شوق / اسمه سلامه مش اسلام
مصطفى / معلش يعنى الاتنين واحد و لو اخته اللى هى انتى مهتمتش بمصلحته و اللى يسعده و فكرت بانانيه يبقى يا خساره بجد
شوق / بس
مصطفى / اخواته محتاجينله زى مانتى محتجاله و مش بس كدا هو محتاجلهم زى مهو محتاجلك بالظبط
شوق / بس دا حقى
مصطفى يبصلها
شوق / دا اخويا انا انا خايفه الفلوس تكبره علينا انت شوفتهم احنا مش زيهم
مصطفى / بس مش اقل
شوق / انت شايف كدا
مصطفى يهز راسه
شوق / مانت كمان غلطت ايه يعنى اتخانقت مع جوز اختك سبب انك تقاطع اخواتك و بعدين مدام مقاطعهم قاعد فى مصر ليه و متتحججش بيهم انت اصلا مبتسالش عنهم
مصطفى / بكلمهم من وقت للتانى اطمن عالعيال
...........................
شوق / قلبك قاسى اوى انا لو منك اروحلهم و اصالحهم مش الفلوس اللى تفرق الاخوات على فكره
مصطفى / فى دى معاكى حق مش الفلوس اللى تفرق الاخوات انا بكره الصبح هروحلهم
شوق/ و بكره ليه اقفل وروح و انا كمان هطلع ابص على اخويا زمانه فى نار يا قلب اخته
مصطفى / تمام انا رايى كدا برضه
شوق تطلع و مصطفى يقفل المكتبه و يمشى
....................
فى الفيلا
فريده / لفيتوا لفيتوا و رجعتوا
ناهد/ دا فى الاول و الاخر بيتى يا فريده هانم
فريده / طبعا يا تيته الكلام مكنش ليكى طبعا
ساره / انا ماشيه
مهاب / على فين
ساره / عندى شغل
مهاب / طبعا اتفضلى دقايق و هحصلك
سندس تكح
اميره / اطلعى يا سندس ارتاحى فى اوضتك لازم تدفى شويه
ناهد / ابقى خلى ماجى تعملها حاجه دافيه تشربها انا طالعه اوضتى
اميره / ماشى يا تيته يلا بينا يا سندس
اميره و ناهد و سندس يمشوا
فريده / عملت ايه
مهاب / دا واد نصاب اختك داحكه عليه اول معرضت عليه الفلوس باعهم مش شايفه هى مقهوره ازاى
فريده / ساره دى زودتها اوى و انت اللى مشجعها
مهاب / عوزانى اعمل ايه يعنى
فريده / هى مش ليها شقه بتاعه ابوها متروح تعيش فيها
مهاب / تبقى تحت عنينا احسن متبقى بعيد
فريده / تحت عنينا و لا تحت عنيك انت
مهاب / وقتك هو
فريده / اوعى تفتكر انى هبله ماشى
مهاب / لا يا حبيبتى انا مبفتكرش انا متاكد سلام
...................
YOU ARE READING
سكه السلامه بقلم / لولو_محمد (كامله )
Romanceشاب فقير يجد اهله الاثرياء بعد غياب عشرون عاما ليجد نفسه امام تحديات كثيره لم يكن يتوقعها
