((((((((سكة السلامة ))))))))
#لولو_محمد
الحلقه الثامنه و العشرون
اميره/ تخيلوا بقى يعنى هو هيستنانى سنتين
طارق / انتى بتقولى ايه
اميره / بسال عادى
طارق / طب حد يرد
اسلام / انا تعبت منكوا بجد و جوعت هروح اجيب بيتزا
طارق / هطلبها
اسلام / لا انا بحب اشم هوا متيجى يا ساره
ساره / احسن برده يلا
اسلام / الكلمه الحلوه بتلين الحجر يارب تكون وصلت سلام
...........................
فى العربيه محمد مبتسم اوى و سندس كل شويه تبصله و تبص الناحيه التانيه
سندس / متتغرش اوى كدا
محمد / مين انا ابدا
سندس / انا بس كنت بحطه عند وضعه
محمد / طبعا
سندس / يعنى ميصحش حد يغلط فى اخويا و انا واقفه
محمد / اكيد
سندس / كنت مجبره يعنى اقول كلام حلو
محمد / ماشى
سندس / هو ايه اللى طبعا و ماشى و اكيد تصدق انا الغلطانه
محمد / تصدقى انك عسل
سندس بنرفزه / اهو انت اللى ... ايه ؟؟؟
محمد يدحك على اخره سندس تسكت و تبص مالشباك
محمد / اول مره شوفتك فيها كنت رايح الكليه مش شايف قدامى حقيقى لو عليا مكنتش روحت اليوم ده كنت مخنوق و الدنيا ديقه بيا اوى و انا رايح طلبت من ربنا ان اليوم ده يعدى على خير و انه يبقى يوم حلو افتكره طول عمرى دعيت اوى
سندس / و بعدين
محمد / مش عارف خبطت فيكى مع ان ربنا كان دايما بيستجيب لدعايا مش عارف المرادى جلت ليه
سندس / تصدق انك ... بلاش انت اصلا متستاهلش
محمد / هبله
سندس / تعرف ان عمرى مطلبت حاجه من ربنا مبعرفش اقوله ايه اصلا و اطلب ازاى
محمد / سهله انا بطلب و انا ساجد اى حاجه بتكلم كانى بتكلم مع نفسى هو فاهم انا عاوز ايه و عارف انا محتاج ايه مش محتاج احط تكليف بس انا زنان الحقيقه لما بعوز حاجه بزن لما بزهق من نفسى والله
سندس / هههههههههههههههه لما نروح ابقى علمنى عشان فى حاجه عاوزه اطلبها
محمد / ممكن اعرفها
عربيه جيب كبيره تفرمل قدام عربيه محمد فجاه بالعرض
محمد / ايه الحيوان ده
اربع شباب بدى بيلدينج ينزلوا مالعربيه محمد يحاول يرجع ورا عربيه تانيه تفرمل ورا عربيه محمد بالعرض
محمد / اقفلى عليكى اللوك و متنزليش
محمد ينزل مالعربيه و سندس مرعوبه ينزل اتنين شباب بدى بيلدينج تانين من ورا يتخانقوا مع محمد و يزقوا فيه و هو بيحاول يبعد عن العربيه على قد ميقدر و ينزلوا فيه ضرب سندس تفتح التابلوه و تطلع الاليكتريك و تنزل تكهرب واحد منهم يقع فى الارض
محمد / اجرى ...حاسبى
واحد من وراها يمسك ايدها و يوقعه منها فى الارض و يشدها بعيد للعربيه تانى و هى بتصرخ و تتنطت تحاول تفلت من ايده حوالين وسطها مش عارفه و محمد بيصرخ فيهم و هما نازلين فيه ضرب لحد ميقع فى الارض و هى بتصرخ و هما مكملين فيه ضرب
سندس بتعيط / سبوه بقى سبوه
اللى كان ماسكها يسيبها تجرى عليه و هو فاقد الوعى و الدم مغرقه و العربيتين يمشوا و هى مش عارفه تعمل ايه و بتعيط على اخرها تهزه تحاول تفوقه مبيتحركش تبص يمين و شمال و الدموع مغرقه وشها مفيش حد
سندس / ثوانى هرجعلك هرجعلك
سندس تجرى عالعربيه تطلع موبايلها و تتصل بفريده و هى بتعيط على اخرها
سندس / اللحقينى محمد بيموت
فريده / فى ايه مالك
سندس / محمد هيموت منى اللحقينى اعمل ايه
فريده / اهدى مش فاهمه حاجه انتى فين
سندس / معرفش انا فى الشارع معرفش انا فين ساعدينى
اتنين شباب جايين من بعيد سندس تجرى عليهم
سندس / ساعدونى انا معرفش انا فين اخويا هيموت
الشباب يجروا معاها لمحمد اللى فى الارض واحد يطلع موبايله و يتصل بالاسعاف التانى يحاول يحرك محمد
الاولانى / متلمسوش ممكن يكون فى كسور او نزيف داخلى انا بطلب الاسعاف اهو
سندس تنسى ان الخط مفتوح و فريده بتقول الو الو سندس تقعد عالارض و تاخد راسه على رجلها و تحط ايدها على شعره و هى بتعيط
سندس / متسبنيش انت كمان و حياه اغلى حاجه عندك متسبنى انا محتاجاك اوى متسبنيش بقى
شاب منهم يقعد على الارض جنبها و يحط ايده على رقبه محمد
الشاب / هيبقى كويس متخافيش
سندس تبصله و عنيها كلها دموع
الشاب / هيبقى كويس هو ايه اللى حصل
سندس تهز راسها مش عارفه الشاب ياخد باله مالتليفون اللى عالارض جنبها يمسكه
فريده / الو الو يابنتى ارحمينى فى ايه
الشاب / الو
فريده / انت مين و موبايل اختى بيعمل ايه معاك
الشاب / اااااا هو واضح ان فى حادثه عالطريق بس احنا طلبنا الاسعاف و زمانهم جايين
فريده / حادثه ايه اختى جرالها حاجه سندس جرالها حاجه قولى ارجوك
الشاب / هى البنت تقريبا كويسه بس اخوها وضعه صعب
سندس تبصله اوى برعب الشاب يلحق نفسه
الشاب / بس هيبقى كويس ان شاء الله هيبقى كويس
سندس بتعيط / قوم بقى كفايه دلع مش هعمل حاجه تزعلك تانى مش هلبس قصير و مش هروح حفلات هزاكر والله هبقى كويسه و مش هزعلك ابدا هعمل اللى تقولى عليه بس قوم عشان خاطرى بقى قوم
فريده / الو الو
الشاب / ايوه حضرتك هديكى العنوان حاضر
........................
فى امريكا فى مطعم بيتزا
ساره / انت وزعتنا صح
اسلام / احبك و انتى مركزه
ساره / تفتكر هيتراضوا
اسلام/ لا الاتنين دماغهم ناشفه هو واضح ان الدماغ دى وراثه
ساره / هههههههههههه
اسلام / تدوم
تليفون اسلام يرن
اسلام / دى حنان ....الو ايوه يا نونو
حنان بتعيط/ سلامه اللحقنى محمد فى المستشفى
اسلام / ايه ليه ايه اللى حصل
حنان / معرفش سندس اتصلت بفريده و كانت منهاره مالعياط وبعدين واحد خد التليفون و قال ان محمد عمل حادثه و نقلوه المستشفى احنا رايحينله بس مش عارفه اعمل ايه
اسلام / هركب اول طياره و اجى متخافيش
حنان / بسرعه يا سلامه
اسلام يقفل
ساره / فى ايه
اسلام / عاوز انزل مصر حالا
ساره / طب فى ايه طمنى
اسلام / تقريبا محمد و سندس عملوا حادثه و هما فى المستشفى حالا لازم انزل مصر دلوقت فاهمه
ساره / تمام تمام يلا بينا
........................
فى مستشفى خاص طوارئ محمد يدخل على سرير و سندس واقفه بالعافيه و هدومها كلها دم ممرضه تجرى عليها بكرسى بعجل تقعد و تاخدها سندس تصرخ و تحاول تقوم
سندس / خلونى معاه عاوزه ابقى معاه
دكتوره تيجى جرى
دكتوره / اهدى بس اهدى تمام تمام دخليها معاه
الاتنين الشباب يدخلوا جرى الدكتوره تقابلهم
الدكتوره / معاكوا
اللى معاه الموبايل / ااااا يعنى يعنى
الدكتوره / ياريت تملوا الابليكاشن فى الاستقبال
الاتنين يبصوا لبعض اوى و الدكتوره تمشى
التانى / احنا وصلناهم ملناش دعوه بقى
الاول / طب اديها حاجتها طيب
التانى / ابو كدا بقى
فريده تدخل الاستقبال
فريده / لو سمحتى سندس المصرى
الاستقبال / اسفه يا فندم مفيش حاله بالاسم ده عالسستم
فريده تمسك الموبايل تتصل بسندس يرن فى ايد الشاب تروحله جرى
فريده / سندس فين اختى فين
الشاب يبصلها باستغراب
فريده / ده موبايل اختى اللى عملت الحادثه انت اللى كلمتنى صح هى فين
الشاب / اااه اه جوه بيكشفوا عليها
التانى / دا موبايلها و دا مفتاح العربيه احنا ركناها بره عشان مكنش ينفع نسيبها مفتوحه فوسط الشارع يعنى نستاذن احنا
فريده تجرى عالاستقبال
التانى / دا ايه ده
فريده / لو سمحتى الحاله البنت اللى لسه داخله حادثه معاها شاب برضه فين
الاستقبال / حضرتك بس املى الابليكاشن ده و كلو هيبقى تمام اطمنى
فريده تزعق / انا عاوزه اشوف اختى
حنان / ارجوكى نطمن عليهم بس هنعمل اللى انتى عوزاه
دكتوره تطلع
الدكتوره / الشاب دخل العمليات نزيف حاد و كسور و اشتباه فى ارتجاج فى المخ و البنت كويسه الحمد لله مفيش غير كدمه بسيطه بس لما دخلناه العمليات فضلت تصرخ عشان تدخل معاه لحد ماغمى عليها هى فاوضه 309 ياريت بس البيانات
حنان / حاضر حاضر
فريده تجرى على الاوضه الشاب يحاول يوقفها يديها الموبايل و المفاتيح متعبروش
......................
فى الفندق
اسلام / بيعبى شنطته
اميره / ايه اللى حصل
ساره / سندس و محمد فى المستشفى عملوا حادثه
اميره / انا جايه معاكوا
ساره / انا حجزت طياره خاصه كمان ساعتين دى كانت اسرع حاجه
اميره / هروح اجيب هدومى و اقابلكوا فى المطار سلام
اسلام/ سلام
................
فى بيت طارق
طارق / طب اهدى ان شاء الله خير
اميره / اسمع يا طارق انا هنزل مصر عشان اختى محتاجانى انت عرفت انى مبعتكش و انى مرتحتش بعيد عنك ثانيه و مهاب مشى و سندس فى المستشفى سندس يا طارق
طارق / طب اهدى
اميره / انا همشى يا طارق لازم امشى عن اذنك
طارق/ طب استنى اوصلك
اميره / سلام يا طارق
......................
فى المستشفى
سندس تفوق فى اوضتها تلاقى الكل حواليها
سندس / محمد فين محمد
حنان / لسه مخرجش مالعمليات اهدى
سندس تحاول تقوم مالسرير
حنان / استنى يا بنتى استنى
سندس تقوم و هى مش قادره شوق تسندها هى و حنان
سندس / اروحله عاوزه ابقى جنبه عشان خاطرى
حنان / يخرج بس مالعمليات
سندس تفتح باب الاوضه و المحلول فى ايدها تلاقى الاتنين شباب قاعدين بره
التانى / يا جماعه ممكن تاخدوا حاجتكوا بقى خلونا نمشى
فريده / انتوا مين اصلا
اللى معاه الموبايل / بحاول مالصبح اقول لحضرتك احنا لقيناهم فى الشارع كلمنا الاسعاف و جبنا العربيه بره
فريده تاخد المفتاح و الموبايل
فريده / شكرا
التانى / عن اذنكوا اتاخرنا
فريده تبص وراها تلاقى سندس ماشيه بعيد
فريده / طب انتى رايحه فين يعنى انتى عارفه العمليات فين
سرير جاى من بعيد و محمد نايم عليه يعدى من جنب سندس و الكل مسهم و يدخل الاوضه اللى جنبها الكل يدخل وراه يحطوا محمد عالسرير و يظبطوه دماغه مربوطه و ايده الشمال و رجله اليمين متجبسين
حنان / هو كويس
الدكتوره / الحمد لله ياريت حد يعدى عالحسابات
الدكتوره تعدى تبص على سندس
الدكتوره / انتى محتاجه ترتاحى عشان متقعيش تانى
حنان تجيب كرسى و تحطه جنب سندس سندس تروح تقف جنب محمد و تسند على سريره حنان تحركلها الكرسى تقعد شوق واقفه فى جنب بتعيط
شوق / كان مستخبيلنا فين بس ياربى
حمدى و مصطفى يدخلوا
حمدى / فى ايه خير
حنان / تعالوا بره سبوهم يرتاحوا
فريده / انا هروح الحسابات و هتصل بتيته اطمنها عن اذنكوا
الكل يطلع و سندس قاعده جنب محمد فى الناحيه اليمين مش متجبسه تحط راسها عالسرير و تحط ايده على شعرها
سندس / فوق بقى عشان خاطرى فوق
شوق تدخل تطبطب على سندس تحط راسها فى حضنها و تعيط
شوق / هيبقى كويس يابت اخويا ناشف ميتكسرش بسهوله كدا متخافيش هيقوم احسن مالاول و بكره تشوفى
سندس / اطلب منك حاجه
شوق / طبعا يا قلبى قولى
سندس / لو بتعرفى تصلى علمينى ارجوكى عاوزه اصلى عاوزه اطلب من ربنا ان محمد يخف
شوق / حاضر هشوف المسجد فين و اوديكى
.........................
بعد وقت طويل
محمد نايم مفتح و سندس نايمه عالكرسى وراسها عالسرير جنبه و هو بيبص عليها و مبتسم الكل يتوشوش
حنان / اخيرا نامت يا قلبى مبطلتش عياط و اغم عليها مرتين الدكتوره زعقت و قالت لو مهديتش هتديها مهدئ بس معقول كل ده و مبتعرفش تصلى
محمد / ايه
حنان/ طلبت من شوق تعلمها تصلى و فضلت ساجده يجى ساعه بتعيط و تدعى ربنا انك تخف
محمد يبتسم
حنان / الخضه كانت شديده عليها اوى يا روح قلبى
محمد / نامى جنب شوق شويه صاحيه من بدرى لو عوزت حاجه هصحيكى
حنان/ طيب انا جنبك اهو
حنان تنام جنب شوق و محمد يبص على سندس تان يطبطب على راسها بالراحه تسكت
........................
بعد شويه
محمد نايم بيلعب فى شعر سندس و هو مبتسم اسلام و ساره و اميره يفتحوا الباب يتعدل
محمد / هششششششششششششششش هششششششششش
الكل يتوشوش
اسلام / انت كويس
محمد / الحمد لله عدت
اميره / ايه اللى حصل
اميره تيجى تحط ايدها على سندس
محمد / لالا.... بتتفزع كل شويه
اسلام / كلمت البوليس
محمد / عربيتين منغير نمر زنقوا علينا و نزل سته معرفهمش و ضربونى و ملمسوش سندس خالص و لا العربيه و مشيو و طبعا مبتهمش حد
اسلام / كريم و لا مهاب
ساره / و كريم ماله
اسلام / لو سمحتى
ساره تحط ايدها على بقها
محمد / معرفش
اسلام /كدا كدا هنحط عالاتنين الحمد لله انكم بخير هروحهم و ارجعلك فين مفاتيح العربيه
محمد يبص عالكومدينو و اسلام يبص للبنات يتحركوا
ساره / طب اطمن الا...حاضر يلا يا اميره هننضرب
محمد يبتسم لاسلام
............................
تانى يوم الصبح الكل قاعد حنان تعمل سندوتشات و تدى سندس جنب محمد و شوق بتقلب فى الكروت اللى جايه مع الورد
محمد / ايدى اليمين سليمه
سندس / اوعى
محمد / حاضر بالراحه
اسلام / مسيطره يابت
محمد يبصله و يقطم سمره و حمدى و محمود يدخلوا
محمود / سلامتك يا برنس ايه اللى حصل
محمد / علموا عليا ولاد الكلب
سندس / كانوا كتير هيعمل ايه يعنى مش سوبر مان هوا كل كل متتكلمش
حنان لساره / معرفش نص اللى فالكروت دى اصلا شوفى كدا
سمره / مين ياسطى
محمد / مش متاكد
ساره / مين يوسف جبر ده انا معرفوش حد يعرفه
الكل يهز راسه لا سندس تحشر السندوتش فبقه يقطم و هو مبرقلها
سندس / كل
ساره /على فكره صحيح مهاب سافر لبنان طلع مالفيلا على لبنان و عرفت كمان انه فى اجتماع دلوقت مع احمد البرباوى راجل اعمال مصرى مقيم فى لبنان من اكبر المستوردين اللى بنتعامل معاهم
اسلام / اللى يتلفح بالحيه بقى
فريده / مهاب ساب البيت و الشغل عوزاه يعمل ايه اكيد بيحاول يفتح بزنس لحسابه
اسلام / مش معنى انه فى لبنان ان ايده مش فى الحوار اللى حصل
فريده / هو اى حاجه تحصل يبقى مهاب يعنى يبعد اكتر من كدا ايه يعنى و بعدين مهاب بيحب سندس و مستحيل ياذيها
سندس / انا متاذتش
فريده تبصلها و تسكت
محمد / انا شبعت
سندس / هو ايه اللى شبعت خلص الطبق
محمد / بجد مش قادر متخليش معدتى توجعنى بقى
اميره / يكمل بعدين يا سندس
سندس / على الاقل يشرب اللبن عشان عضمه يتصلح
محمد / حاضر
سندس تسقى محمد اللبن
اسلام / ياريتنى كنت انا ياخى
حنان و ساره و شوق فى نفس الوقت / بعد الشر
التلاته يدحكوا
...........................
اسلام / عادى يعنى يا سندس ابقى انا عادى
سندس / انت لو مكانه كنت ظبطتهم
محمد / ليه هرقليز
سندس / لا بيشرب لبنه كله مش زيك
محمد / اللى بتتكلم دى مبتحبش اللبن اساسا
سندس / قوم بالسلامه انت و انا اجى على نفسى و اشربه بس قوم بقى بلاش دلع
اسلام / والله انا لو لاقى حد يدلعنى كدا مخف ابدا
محمود / متسمعش كلامه فى حق ولازم يرجع
محمد يهز راسه و سندس تبصلهم
........................
فى البيت بعد فتره
اسلام يسند محمد لسريره سندس تروح تفتح الستاره متعلق تحتها حبل حروف حمدالله عالسلامه يا محمد
سندس / انا اللى عملاها ايه رايك
محمد / انا هاخد عالدلع ده
سندس / قوم بس و ملكش دعوه
اسلام / انا هروح الشركه لو عوزت اى حاجه كلمنى
سندس / متقلقش عليه دا فى عنيا
محمد / متتاخرش ابوس ايدك
………………………………….
أنت تقرأ
سكه السلامه بقلم / لولو_محمد (كامله )
Romanceشاب فقير يجد اهله الاثرياء بعد غياب عشرون عاما ليجد نفسه امام تحديات كثيره لم يكن يتوقعها
