سكه السلامه بقلم / لولو_محمد (كامله )

الحلقه ٢٥

(((((((سكة السلامة )))))))
#لولو_محمد
الحلقه الخامسه و العشرون
اميره / شوق هو محمد و سندس فين متعرفيش
شوق / فى اسكندريه
اميره / اسكندريه بيعملوا ايه دول
شوق / سندس بتحتفل بنجاحها انا لسه مكلماها
اميره / متوقع طبعا اوك على الاقل اطمنا هروح انا بقى
اميره توصل للباب و ترجع تانى
اميره / صحيح حلو اوى اللوك الجديد مبروك
شوق / شكرا
................................
فى ديسكو
محمد / الجو ده بيخنقنى
سندس / ماحنا قاعدين اهو يا ممل عاوز ايه تانى
محمد / هو انتى سامحتينى
سندس / مش اول مره اسمعها و كفايه انك جيت ورايا
محمد / لا كفايه الاكل
سندس تزغده و هو يدحك
محمد / يلا نروح بقى بجد الجو ده مش جوى خالص
سندس / اقولك متيجى نقوم نرقص
محمد / شكرا
سندس / متبقاش رخم احنا نجحنا و بعدين مانا هرقص معاك انت
محمد / يا سلام هى المشكله مع مين و لا المشكله بترقصى فين و بعدين هسوق ازاى بليل بجد خلاص تعبت
سندس / و تسوق ليه احنا نروح ننام و نرجع بكره
محمد / انام فين بقى ان شاء الله و لا انتى واخده اى حد يبات عندك عادى اهو ده اللى ناقص
سندس / على فكره انت اول واحد يدخل الشقه بعد بابا الله يرحمه و بعدين مالشقه واسعه
محمد / مينفعش طبعا
كريم يدخل و يقعد 
كريم / هيشغلوا اغنيتك بعد دى
سندس / ميرسى
كريم / كنتوا بتتكلموا فى ايه بقى
سندس / محمد بيقول مينفعش يبات معايا فى الشقه تخيل
كريم يبص لمحمد محمد يغيظه بحواجبه
كريم / وماله يجى يبات معايا انا
محمد / لا معلش انا بقول نرجع بقى عشان كمان فى كليه الصبح
كريم / ممل
سندس / بصوا مالاخر كدا انا هرجع الصبح براحتكوا بقى هروح اظبط مكياجى
...........................
فى كاليفورنيا
ساره تدخل اوضه سلامه
ساره / سلامه سلامه سلامه
سلامه / ايه فى ايه
ساره / الايميل وصل كل المعلومات عن طارق شغله و بيته و مدارس الاولاد
سلامه / خلاص هكلم اميره
ساره / لا انا بقول نقابله و نكلمه احسن اميره متضمنش رده فعلها و بعدين على الاقل نديله فرصه نسمعله
سلامه / مش عارف
ساره / انا عارفه طارق عارفه انه كويس
سلامه / و انا بثق فيكى خلاص اللى تشوفيه
ساره / تمام يلا
.............................
قدام شقه سندس
محمد / انتى شايله همى ليه انا هشوف اقرب فندق و هحجز فيه للصبح
سندس / و على ايه يابنى متطلع و يا سيدى لو خايف ابقى اقفل الباب عليك بالمفتاح
محمد / هههههههههههههههههه يا عسل اطلعى يا بت و اقفلى الباب بالترباس و كلمينى طمنينى انا واقف هنا مستنيكى تكلمينى
سندس / دماغك الناشفه دى
محمد / ان كان عاجبك والله لانتلك كتير مش عارف ليه
سندس / تصبح على خير
سندس تطلع و محمد واقف لحد متجيله رساله يدحك و يركب العربيه و يمشى و من بعيد عربيه كريم وراه
.....................
فى المستشفى فى امريكا
ساره و اسلام قاعدين شاب 34 سنه يدخل
طارق / ازيك يا ساره
ساره / الحمد لله ازيك
طارق / و اخبار اميره ايه
اسلام / فاكرها يعنى
ساره / اسلام يا طارق اسلام المصرى
طارق / مش معقول
ساره / ممكن نقعد فى حته نتكلم
طارق / طبعا اتفضلوا
طارق ياخدهم مكتب و يقفل الباب
ساره / ليه كدا يا طارق
طارق / انا اللى ليه كدا
اسلام / خطفت العيال و حرمت امهم منهم سنتين ليه
طارق / بيتهيالى لو كانوا عيالها وحشوها كان سهل تركب اول طياره و تيجى على هنا
ساره / طارق بليز انت مش عارف اميره عامله ازاى
طارق / ساره انتى عارفه غلاوتك عندى صح
ساره / اميره تعبانه يا طارق اميره بقالها سنتين بتتعذب
طارق / ممكن اسالك سؤال
ساره / اتفضل
طارق /ايه اللى فكرك بيا دلوقت ليه مجتيش بدرى
ساره / حاولنا نوصلك اميره وصلت لمرحله انها حجزت تذكره سفر و قالت حتى لو هدور على عيالى فى الشوارع
طارق / و مجتش ليه كانت بدل متبعت ايميلات الشتيمه سالت عالعنوان و لا هى فالحه بس تقولى انها هتتجوز و تجيب غيرهم
اسلام / انت بتقول ايه
طارق / بقول الحقيقه ... انا كنت عارف ان محدش هيصدقنى فممسحتش الايميلات
طارق يفتح اللاب توب و يفتح الايميل
طارق / كنت بفتحهم ابص فيهم فى كل مره بحن فكل مره العيال بتعيط عشان امهم وحشاهم
ساره / اميره متكتبش الكلام ده اميره هتموت عليك و عالعيال
طارق / واضح
ساره / انت ليه مش مصدق على الاقل حاول تسمعها
طارق/ ارجوكى يا ساره الموضوع منتهى اديكوا عرفتوا توصلوا مفتكرش فى حاجه ممكن تمنع اميره انها توصلى او توصل لعيالها دا لو كانت عوزاهم اصلا
اسلام / قولتلك
طارق / انت متعرفنيش ماشى متحكمش عليا انا عشت مع اميره اكتر معشت مع اهلى و اخرتها باعتنى اختارت مهاب و باعت جوزها و عيالها
اسلام / اختارت عيلتها اختارت متزعلش جدتها انت اللى كان همك الفلوس
طارق/ فلوس ايه انت عارف انت بتكلم مين اصلا
اسلام / واحد ساب مراته عشان مشاكل فى ورثها
طارق / مهاب كان بيسرقها و بيسرق اختها و جدتها كان فاكر نفسه صاحب البيت و كلنا ضيوف عنده
ساره / طارق
طارق / ايه مش انتوا اللى اتحايلتوا ان انا و اميره و العيال نعيش معاكوا انتوا و لا انا
ساره / احنا بس مكنش
طارق / مكنش ينفع امشى بالطريقه دى صح
اسلام/ ايوه صح
طارق / انا وريتك ردها عليا فى الرسايل وريتك
ساره / انا متاكده ان اميره عندها تفسير للايميلات دى
طارق / و انا عندى الوقت كلو انى اسمع
ساره / انزل مصر و لو اجازه
طارق / انا لازم امر عالحالات نورتوا عن اذنكوا
طارق يسيبهم و يمشى
اسلام / و بعدين
ساره / انا متاكده ان مش اميره اللى بعتت الايميلات
اسلام / امال مين يعنى
ساره / هيكون مين يعنى
......................
فى شقه سندس
سندس بتتكلم فى التليفون
سندس / هتفضل تتكلم معايا للصبح يعنى
محمد / مش عارف انام و انتى لوحدك دماغى بتجيب و تودى
سندس / اووووه سو سويت
محمد / اتلمى يا بت
سندس / بتكلم جد على فكره
محمد / تعرفى انا على قد مببقى مش طايقك على قد مببقى مش قادر اشيلك من دماغى
سندس / توم اند جيرى
محمد / اه حاجه زى كدا هو احنا ليه كدا صحيح
جرس الباب يضرب
محمد / مين بيخبط دلوقت
سندس / معرفش هشوف مين
محمد / متشوفيش و اتصلى بالبواب و انا جايلك
سندس / متكبرش الموضوع
محمد / بقولك متفتحيش انا جاى
سندس تفتح الباب و السلسله مقفوله
سندس / كريم خير نسيت حاجه
كريم / افتحى
سندس / كريم انا عاوزه انام تصبح على خير
كريم يخبط الباب جامد سندس تتنطر فى الارض و الموبايل يقع من ايدها و السلسله تتقطع محمد ينزل الشارع و التليفون على ودنه يلاقى العربيه الفرد الاربعه عالارض ياخدها جرى
سندس / انت اتجننت ازاى تعمل كدا
كريم / انا كنت مجنون فعلا لما صبرت عليكى كل الوقت ده
سندس / اطلع بره يا كريم اللى انت بتعمله ده بتخسرنى بيه
كريم / سنتين مستحمل دلعك و قرفك و يجى حته سواق ياخد كل حاجه عالجاهز كدا دا بعينه
كريم يقفل الباب و سندس تجرى عالاوضه جوه و تقفل الباب بالمفتاح و تفتح الدولاب و تلبس هدوم اكتر كريم يبص فى الارض يلاقى الخط مفتوح مع محمد يمسك الموبايل
كريم / و ماله خليه يجى يجى عشان يتفرج عليا و انا باخد اللى يخصنى من عنيه
كريم يحدف الموبايل فى الارض و يدخل ورا سندس و يرزع عالباب و هى واقفه ورا الباب بتصرخ
سندس / اعقل يا كريم انت كدا بتخسرنى
كريم / انتى اللى جننتينى استحملى بقى جنانى
كريم يخبط الباب كتف اتنين التالت يتفتح
سندس / والله لو قربت منى مهرحمك
كريم / من امتى رحمتينى انتى بتاعتى فاهمه بتاعتى انا
كريم يتهجم على سندس تحاول تفلت منه متعرفش يشدها فى الارض و هى بتقاومه
كريم / انتى اللى هتبوسى رجلى بعد كدا عشان ارضى بيكى
سندس / لو اخر واحد فى الدنيا لو هموت مش هسمحلك
كريم يحاول يبوسها و هى بتصرخ و تحاول تفلت منه مش عارفه محمد يوصل و هو بينهج يحاول يزق الباب مبيفتحش يطلع المطوه و يفش الباب و يدخل يشد كريم من فوقيها سندس تزحف على ركن و هى بتصرخ و محمد نازل ضرب فى كريم و هو بيجره بره الاوضه
محمد / والله ميكفينى فيك موتك يابن الكلب
كريم يخبط فى السفره يمسك طبق فاكهه سلفر و يضرب محمد فوشه تجيب دم و يطلع يجرى محمد يدخل يطمن على سندس يلاقيها حاطه ركبها فى حضنها وحاطه راسها فيهم يحط ايده عليها تصرخ
محمد / مشى مشى
سندس ترمى نفسها فى حضنه و تعيط و هو يطبطب عليها و هو بينهج
محمد / اهدى خلاص اهدى مشى مشى
سندس / متسبنيش يا محمد و حياه اغلى حاجه عندك متسبنى
محمد / مقدرش اسيبك اهدى بس اهدى
سندس تعيط اوى
.....................
فى مستشفى
اميره بتتكلم فى التليفون
اميره / كلهم كويسين الحمد لله محمد و سندس نجحوا و شوق و مصطفى خلصوا الشركه و كلو تمام
ساره / الحمد لله انا عاوزه اقولك حاجه مهمه
اميره / خير قولى
ساره / انا قابلت طارق
صمت
ساره/ طارق ورانى ايميلات منك بتقولى انك هتخلعيه و تتجوزى و بتشتميه
صمت
ساره / اميره انتى لازم تيجى
اميره / شوفتى ولادى
ساره / لسه
اميره / هحجز اول طياره و اجى
ساره / انتى كويسه
اميره / الحمد لله .... الحمد لله
...................
فى الفيلا
مهاب بيتكلم فى التليفون
مهاب / قسما برب العزه لو شوفت وشك تانى ...... و انا قولتلك تعمل كدا يا غبى ..... اقفل اقفل
مهاب يقفل و يحدف التليفون و هو عصبى فريده تدخل
فريده / فى حاجه يا مهاب
مهاب ميردش
فريده / انا بكلمك على فكره
مهاب / اختك اختك يا ست هانم
فريده / اميره مالها
مهاب / ياربى سندس انتى عارفه الست هانم فين دلوقت
فريده / و احنا من امتى بنعرف مكانها يعنى
مهاب / الست هانم بايته فى حضن سى محمد فى شقتها فى اسكندريه
فريده / مستحيل محمد ميعملش كدا
مهاب يبرق
فريده / ايه
مهاب / انتى واثقه فى محمد و مش واثقه فى اختك
فريده / سندس محدش يتوقعها كل حاجه ممكنه منها و خصوصا باخلاقها دى
مهاب / جبت اخرى منك جبت اخرى حقيقى وسعى
فريده / الله بالراحه انا مالى
مهاب يطلع لناهد اوضتها
ناهد / فى حاجه يا مهاب
مهاب / اخره الدلع ده ايه اخرته ايه
ناهد / فى ايه يا مهاب
مهاب / حبيبتك اللى بتدافعى عنها اللى راحت جابت حته صايع من الشارع و جابته هو و اهله فى بيتنا
ناهد / كلمه عن اسلام
مهاب / كلام مش كلمه كل واحد واخدله واحده و قلبنا البيت مسخره
ناهد / انت بتقول ايه انت
مهاب / فين محمد و سندس يا تيته فين متفكريش انا هقولك نايمين فى اسكندريه ادى اخرتها حطيتوا النار جنب البنزين بكره تيجى تعيطلك و تقولك انا حامل
ناهد / اخرس انا بناتى متربيين احسن تربيه
مهاب / صح واحده فى حضن واحد فى امريكا و التانيه فى حضن اخوه فى اسكندريه
ناهد / قولتلك اخرس
مهاب / انا مش هسكت البيت ده فيه راجل و هتشوفى انا هعمل ايه
........................
فى شقه اسكندريه محمد فى المطبخ بيصب كبايه لبن البواب يدخل
البواب / المفتاح بتاع الباب الجديد و الباب الحديد يا محمد بيه
محمد / كلو تمام
البواب / اتفضل جربهم بنفسك
محمد يسيب الكبايه و يروح عند باب الشقه يلاقى باب جديد راكب و قدامه باب حديد يقفل البيبان و يجرب يفتح بالمفتاح
محمد / تمام
البواب / تؤمر باى حاجه تانى
محمد يطلع فلوس من جيبه
محمد / شكرا
البواب يمشى و محمد يقفل الباب و يدخل يجيب كوبايه اللبن و يروح اوضه تانيه غير اللى سندس كانت فيها يلاقي سندس قاعده بتعيط يقعد جنبها تتفزع
محمد / اهدى اهدى دانا خدى اشربى دى
سندس / مبحبش اللبن
محمد / بلا دلع مرق بقى انا وقفت دفيتها بنفسى
سندس / مبحبش اللبن
محمد / هتفضى هتفضى يا فبقك يا على دماغك اخلصى اشربيها دوا هتهدى اعصابك
سندس تبصله و تاخد الكبايه و تقفل مناخيرها و تشرب على بق واحد تشرق و اللبن يتكب على هدومها تعيط
سندس / قولتلك مبحبش اللبن مبحبش اللبن
محمد / خلاص خلاص اهدى مش كدا غيرى هدومك انا هنضف انا
سندس تفضل تعيط
محمد / رياضيه ازاى و انتى مبتحبيش اللبن
سندس / بشربه عصير فراوله باللبن موز باللبن سحلب نسكافيه كدا يعنى
محمد/ خلاص حقك عليا قومى يلا غيرى هدومك عشان نمشى انا هروق هنا
سندس / مش عاوز تقولها
محمد / ايه دى
سندس / انا قولتلك انه زباله
محمد / مبحبش التقطيم و بكره اللى بيقطموا الواحد بيبقى فيه اللى مكفيه يا تقول كلام عدل يا تسكت تقطيمك مش هيفيد ناس غبيه
سندس تبتسم
محمد / انجزى يلا زمانهم قلقانين علينا
سندس تخرج مالاوضه تبص عالصاله تلاقيها متروقه تدخل اوضتها تلاقيها متروقه تغير تطلع تلاقى محمد فى المطبخ بيروقه
محمد / هاتى الهدوم اما اخدها تتغسل فى مصر بدل متبوظ
سندس / انت بتعمل ايه
محمد / بقفل الشقه يلا جاهزه
سندس / هو انت هتقولهم على اللى حصل
محمد / لو مش عوزانى اقول كانه محصلش بس المفروض يعرفوا عشان يعرفوا حقيقه الكلب ده
سندس / مش هيسيبونى فى حالى محدش فيهم هيسكت
محمد / خلاص اللى تشوفيه انا حطيتلك المفاتيح الجديده فى الميداليه بتاعتك
سندس / اديت نسخه للبواب
محمد / لا ابقى اديلو انتى
سندس / انت قولتله ايه صحيح
محمد / قولتله حرامى كسر الباب عليكى و طبعا اديته كلمتين حلوين انه مش شايف شغله وواضح كمان انه فعلا مشفش كريم طالع
سندس / انا مش مصدقه اصلا ان ده حصل حاسه انى فكابوس مش قادره افوق منه ازاى يعمل كدا ازاى
محمد / انسي خلاص كلب وراح و الحمد لله اوى انها جت على قد كدا
سندس تعيط
محمد / بت مبطقش النكد اقولك ايه رايك لما ننزل مصر نروح عند الجوهرى
سندس تبتسم و تبص الناحيه التانيه
محمد / اموت و اعرف مخبياه فين
سندس / هو ايه
محمد / السنم مانتى اكيد عندك سنم بتخبى فيه الاكل دا كلو و بعدين بتقعدى تسحبى منه بقى براحتك
سندس / تصدق لو قولتلك انى عمرى مكلت كدا قدام حد
محمد / اشمعن يعنى
سندس / معاك بتصرف براحتى مش هتقعد تعد عليا اللقمه مش هتقولى الدايت و جسمك و تحسبلى الكالوريز بتاعتى مش عارفه بحس انك مبسوط و انا باكل
محمد / اكيد بنبسط و بتفتحى نفسى كمان
سندس / بابا الله يرحمه كان كدا هروح اجيب شنطتى
سندس تمشى و محمد بيبص عليها
.............................
فى امريكا
اسلام و ساره بيخبطوا على بيت طارق يفتح
ساره / ممكن ندخل
طارق / طبعا اتفضلوا
ساره و اسلام يدخلوا
ساره / انا كلمت اميره و هتيجى على اول طياره
طفلين يجوا جرى يحضنوا ساره
ساره / حبايب خلتوا وحشتونى اوى وحشتونى جدا
ولد / هى ماما مجتش معاكى ليه
………………………………..