سكه السلامه بقلم / لولو_محمد (كامله )

الحلقه ٥١

((((((سكة السلامة )))))
#لولو_محمد
الحلقه الواحد و الخمسون

سندس / طول مفينا نفس انا جنبك اهو عاوز اكتر من كدا ايه يعنى
سندس تغمزله يدحك
تليفون محمد يرن
محمد / ايوه .... لا مبعدناش .... حاضر .... سلام
سندس / خير
محمد / عاوزينا نرجع عشان كلموا البوليس و زمانه جاى نكون موجودين قال يعنى عندنا اقوال نقولها
سندس / مش مشكله
محمد يرجع مشى و سندس تمسك فى ايده يبص عليها و يمسك ايدها و يمشوا سوا
.........................
فى الفيلا الاربعه يدخلوا الكل يجروا عليهم
طارق / انا اول معرفت كنت هاجى
اميره / انتوا كويسين
ساره / الحمد لله نظام الحريق اشتغل علاطول بس الاجهزه كلها باظت طبعا
ناهد / تتعوض مدام فى الفلوس تتعوض
تليفون ساره يرن
ساره / الو ايوه يا استاذ حسن ....تمام .... تمام .... سلام ... ميرسي
اسلام / خير
ساره / بيقول ان شركه التامين هتبعت لجنه بكره تشوف المكان و المحضر و تقدر الخساير و هيتابع معاهم
محمد / هو مين حسن
ساره / من مكتب فؤاد مختار
مهاب يدخل يشوف ساره يجرى عليها
مهاب / انتى كويسه فيكى حاجه
مهاب يمسك ايد ساره اسلام يشد ساره بعيد
اسلام / لو طلع ليك رجل فى الموضوع ده
مهاب / انت عبيط اولع فى المكان و ساره جواه انت اكيد جرى لعقلك حاجه
سندس / لكن انا جواه عادى يعنى
مهاب / لا طبعا يا حبيبتى انا قولت كدا بس
سندس / اى كان اللى عمل كدا فربنا ينتقم منه يلا يا محمد نطلع فوق عن اذنكوا
شوق / احطلكوا تاكلو
محمد / مليش نفس
محمد يطلع و سندس ماسكه فى ايده
ساره / انا هطلع اوضتى اتبهدلت
ناهد / هبعتلكوا الاكل فاوضكوا
ساره تطلع و اسلام لسه باصص لمهاب
مهاب / لو كان حصلها حاجه
اسلام / شششششششششش مش هيحصلها حاجه و هى معايا انا بعرف احافظ عالنعمه انا طالع اوضتى
...................
فى اوضه محمد
سندس تدخل شايله صينيه اكل تسمع صوت الدش فى الحمام تخبط عالباب
سندس / انت هتبات جوه و لا ايه اطلع انا جبت الاكل
سندس تروح تحط الاكل عالترابيزه و تقعد تلعب فى موبايله يرن تتخض يتنطر من ايدها تحاول تشقطه متعرفش بقع عالارض محمد يطلع مالحمام
سندس / سمره كان بيتصل
محمد يوطى يجيب الموبايل و ميردش على سندس و يطلع البلكونه تطلع وراه
محمد / ياعم انا كويس ......... اه نزلت عالصفحه ان الافتتاح هيتاجل .......... لا خليها الصبح بقى انا هنام ....... كويس و ربنا بس عاوز ارتاح شويه عشان اشوف هعمل ايه ........ يعنى هعمل ايه يعنى .........خلاص هستناكوا بكره
محمد يدخل البلكونه و برده ميعبرش سندس و ينام فى السرير و يستغطى
سندس / دا اسمه ايه ان شاء الله قوم ياله
محمد / انا تعبان و عاوز انام اطفى النور و انتى خارجه تصبحى على خير
سندس / وله اعدل معايا بدل موريك الوش التانى انت فاكرنى كيوت و لا ايه لا دانا ممكن اشوهك
محمد يقوم يقعد و هو ماسك نفسه بالعافيه تروح تقعد جنبه
سندس / انت لسه معاك المطوه و لا رمتها
محمد يفتح الدرج اللى تحت و يطلعهالها سندس تدحك و تحطها فى الدرج تانى و تقفل عليها
سندس / لا خليها هنا الشيطان شاطر و انا مش هخش السجن فواحد زيك
محمد / ماله زيى يعنى
سندس / سيد الناس فكها بقى بهزر معاك قوم كل معايا
محمد / انتى عارفه السنادى بلا  منازع اسود سنه عدت عليا بعد موت ابويا و امى الله يرحمهم انتى عارفه انهم ماتوا فى سنه واحده
سندس / مكنتش اعرف بس على فكره انت وحش
محمد / ليه
سندس / يعنى ازاى بتعتبر ان دى سنه وحشه و انت اتعرفت عليا فيها هاه ازاى ينفع كدا
محمد يدحك
سندس/ دا المفروض يتسجل فى التاريخ
محمد / و النبى انتى فايقه و رايقه
سندس / طب متفوق انت كمان ايه يعنى هنرمى الاجهزه دى و نديها وش دهان و نجيب اجهزه جديده شهر بالكتير و نفتح تانى
محمد / و تتحرق تانى
سندس / طب نعمل ايه نقعد نعيط و نفرحهم فينا ... اممم تعرف العيل الرزل اللى لما مامته تضربه يقولها بكل بجاحه موجعتنيش اهو انا بقى ارزل منه و احرق كمان و كمان هطلعلك فكل مكان يابنى دانا شعارى فى الحياه سابتسم فالحزن لم يخلق لمثلى
محمد / مخلاص يا اوفر
سندس / طب متدحك بقى يا نكدى
محمد / انا مش عارف اقولك ايه
اسلام يدخل
اسلام / ايه ده انت لسه مكلتش
سندس / عاوز ينام ريقى نشف معاه ساره فين
اسلام / فى اوضتها
محمد / انت مصدق انه مش مهاب
سندس / اه مصدقه
محمد / مشوفتش فهبلك
سندس / كان ممكن اصدق فى اى وضع تانى لكن وجود ساره معانا مستحيل مهاب يموت و لان ساره تتاذى
اسلام يبصلها
سندس / كلنا عارفين انه بيحبها مفيش حاجه مبوظه العلاقه بين ساره و فريده غير الموضوع ده
محمد / و مدام البيه بيحبها اوى كدا اتجوز فريده ليه
سندس / الفلوس يا صديقى الفلوووووس بابا الله يرحمه لما حس ان نهايته قربت او كان فاكر ده لان حالته الصحيه كانت ادهورت اوى و بما ان ملوش ولاد صبيان قرر انه يكتب كل حاجته بنا كان ناوى يقسم ورثه فحياته عشان احنا منتبهدلش على ماذكر ماما التمن و تيته السدس و الباقى بينى و بين فريده و اميره بالتساوى و هيكتب لساره نصنا يعنى بيامنلها مستقبلها
محمد / فريده عندها ضعف ساره فكان لازم يختار فريده
سندس / الاكتر من كدا ان لما فريده هتتخطب لمهاب فريده نفسها وقفت للقسمه دى باعتبار ان مهاب لما هيورث التلت نصيبها هيزيد و هتبقى هى الكل فالكل
اسلام / كان لازم يختار بين العشره فى الميه نصيب ساره و بين اكتر من نص التركه
سندس / بين الحب و الفلوس
محمد / حسبها غلط
سندس / الكلام ده بينا اوعوا حد يعرف ان انا قولتلكوا
اسلام / عيب عليكى
سندس / الاكتر من كدا ان لما بابا خلاص رجع فكلامه كان احمد صارح ساره بحبه و كانوا ناويين يرتبطوا
محمد / احمد مين
اسلام / ثوانى ...كملى
سندس / ابله فريده حملت فنفس الوقت اللى احمد سافر فيه بره مصر منغير محتى يسلم على ساره ساره اتهمته انه السبب و طبعا كانت حريقه مع فريده لدرجه انها اتهمتها انها عاوزه تسقطها و بابا تعب اوى يوميها و ساره اعتزرت بس انا متاكده ان مهاب عمره مهياذى ساره لانه بيحبها و يمكن فى ظروف تانيه كان زمانه متجوزها هى
محمد / دى قد عياله يتجوز مين
سندس / الحب مبيعرفش فروق يا محمد لا بيعترف بشكل و لا نسب و لا سن و لا حتى فرق اجتماعى
محمد / اه صح
سندس / متحكمش عالحب من علاقه واحده فاشله
محمد / اللزمى حدودك ماشى
اسلام / خلاص خلاص كلنا متوترين مش عاوزين مشاكل سندس روحى اوضتك لو سمحتى و انت قوم كل معايا لقمه انا متغدتش
سندس واقفه متنحه
اسلام / لو سمحتى يا سندس
سندس تبص لمحمد باصص الناحيه التانيه تهز راسها و تاخد الصينيه
سندس / دى بتاعتى
سندس تمشى و اسلام واقف يدحك
.........................
تانى يوم فى اوضه محمد
محمود / ياعم انت مش قولت فيها شهر عالافتتاح خلاص تعال كام يوم غير جو
محمد / و لما اسافر مين هيعمل كل الحاجات دى
اسلام يدخل
سمره / سلامه جه اهو احضرنا يا كبير
اسلام / خير فى ايه
محمود / احنا ماجرين شقه اسبوع فى اسكندريه بنقوله بدل مانت قاعد كدا زى ست الحجه قوم تعال معانا غير جو
اسلام / والله فكره كويسه
محمد / و السنتر
اسلام/ و انت هتعمل ايه يعنى مانت كنت بتمتحن و الناس شغاله
محمد / بس كنت بروح ابص عليهم
اسلام / ملكش دعوه انا هتصرف
محمود / اهو الكبير قال كسر كلمته بقى
محمد / يا جدعان
سمره / وله احنا مش هنتحايل عليك انت كل سنه بتطلع معانا و لا اكمن الفلوس لعبت معاك هتكبر علينا بقى
اسلام يبصله يغمزله
محمد / بس يا اهبل
محمود / اه ياعم تلاقيك ناوى تروح مارينا بقى و لا شارم
محمد / بره ياض انت و هو
اسلام / هو مش اسبوع
محمود / يتيم
اسلام / خلاص روح معاهم غير جو على منفضى المكان و الشغل يبدا
محمد / هفكر
اسلام / انت محتاج الاسبوع ده عشان لما هترجع هتطحن شغل
محمود / قوله
محمد / قولت هفكر
اسلام / انا كنت جاى اسال اصلا هتتغدوا هنا و لا معانا تحت
سمره / لا غدى ايه احنا يادوب نروح
اسلام / دا ماجى عامله شويه جمبرى جمبو عنب
محمود / لا كدا ناكل هنا بقى
اسلام / ههههههههههههههه ماشى هبعتلكوا الاكل هنا
اسلام يمشى
سمره / من يومك فاضحنا
محمد / بس يا اهبل دا بيته
......................
عالاكل تحت
سندس / هما مش هيتغدوا و لا ايه
اسلام / قولت لماجى تطلعلهم الاكل فوق
سندس / طب انا هطلع اكل معاهم
اسلام / اقعدى
سندس / ليه مهم صحابى
اسلام / قولت اقعدى
ساره / سبيهم شويه شباب سوا يعنى
سندس / بجد
ناهد / اعقلى شويه يا سندس هما شباب مع بعض هتعملى وسطيهم ايه
سندس / صح معاكوا حق
سندس تقوم
اسلام / الله قولنا ايه
سندس / شبعت نازله الجيم
سندس تقوم
ساره / مبتسمعش لحد
شوق / صحيح يا سلامه مصطفى كلمنى النهرده سالنى عليك
اسلام / ياربى انا نسيته خالص
شوق / مانا قولتله الظروف و قال هيعدى عليك بالليل
اسلام / ينور فى اى وقت انا بجد مقصر مع الواد ده اوى مبطلبش منه حاجه و يتاخر و هو يوم ميطلب انا انساه
ساره / غصب عنك يعنى مش بمزاجك و اكيد لما شوق حكتله قدر
شوق/ اه والله حتى سالنى ليه محدش كلمه امبارح بلغه كان جه
اسلام / كان هيجى يعمل ايه يعنى
شوق / معرفش
اسلام / انا هقوم ثوانى كلو كلو
اسلام يقوم يروح الجيم يلاقى سندس بتتمرن
سندس / عاوز ايه
اسلام / عاوز مصلحتك
سندس / انا عارفه مصلحتى كويس
اسلام / عشان كدا بتبعديه عنك صح
سندس/ مش انا انتوا
اسلام / مفيش حد بيلزق لحد كدا
سندس / مانت لازق لساره كدا
اسلام / الوضع مختلف
سندس / و انا كمان الوضع مختلف
اسلام / انا عارف انى مش هقدر عليكى بس فكرى كدا يعنى
سندس / فكرت
اسلام / براحتك بس متجيش تعيطى
سندس / مش هجيلك
اسلام / يابت بطلى لماضه
سندس تروح تقعد زعلانه اسلام يروح يقعد عند رجلها
اسلام / محمد واد كويس انا مربيه و لو لفيت الدنيا مش هلاقيلك زيه
سندس / انا و محمد اخوات مليون مره قولت كدا احنا اخوات
اسلام / براحتكوا انا عن نفسى جعان
سندس / الف هنا
اسلام يبتسم و يجى يمشى يرجعلها
اسلام / و اه انا بنصحك لانى شايفك اقوى منى و تعرفى تعملى اللى مش قادر اعمله بس تفتكرى فى امل
سندس تدحك
اسلام / مش متفائل
سندس / البنت بتحب الراجل الجدع اللى تتسند عليه يسمعها يفهم هى عاوزه ايه يهتم بالتفاصيل تحس معاه بالامان متخافش منه و انت فيك كل الحاجات دى يا ابيه و ميتهياليش انها هتلاقى احسن منك
اسلام / فاضل الجراه انى افتحها
سندس / تحب اساعدك
اسلام / بت اوعى انا عاوز اخليها بطريقه حلوه بس افوقلها بس
سندس / اوك سرك فبير
اسلام يبتسم و يغمز لسندس و يمشى
......................
بالليل فى اوضه محمد سندس تدخل تلاقيه بحط هدومه فى شنطه تتخض
سندس / انت بتعمل ايه
محمد / هسافر اسكندريه اسبوع
سندس / قشطه هروح احضر شنطتى
محمد / استنى هنا رايحه فين
سندس / مش انت قولت
محمد / انا مسافر مع صحابى
سندس/ طب و انا
محمد / اسلام بيقول ان شويه كدا و هنطلع كلنا
سندس / لا و على ايه عن اذنك
محمد / مش عاوزه حاجه اجبهالك و انا جاى
سندس تبصله و تمشى
محمد / دا مالها دى
......................
فى المكتب
اسلام / انا محقوقلك والله
مصطفى / انت ازاى مكلمتنيش ساعتها
اسلام / ملحقتش الخضه و المنظر و محمد بص كل حاجه كانت غلط
مصطفى / طب قالولك ايه طيب
اسلام / كاميرات المراقبه فى الريسبشن طلعت اربعه مغطيين وشوشهم بس طبعا مفيش اى ملامح خالص و احنا قولنا ان ملناش اعداء و يمكن يكون سنتر منافس بيعطلنا
مصطفى / الحمد لله جت على قد كدا
اسلام / مدام محدش اتعور خلاص اصلا من امبارح فى مليون سيناريو بيجى فدماغى طب لو مكناش كلنا فى المكتب طب لو كان حد لوحده فى الاستقبال ساعتها ساره كانت اخر واحده داخله المكتب لو كانت ساندى لو مكنتش هناك مليون قصه
مصطفى / عدت على خير سلامتكوا بالدنيا
اسلام / انا كلمت حمدى ووصيته على عجلين كبار يدبحوا و يتوزعوا فى الحاره
مصطفى / خير معملت
اسلام / خير انتى بقى طمنى ايه الموضوع
مصطفى / لا مش وقته بقى
اسلام / مشاكل فى الشغل
مصطفى / لا بالعكس الشغل زى الفل داحنا حتى مش ملاحقين
اسلام / ما شاء الله يا جدع ما يحسد المال الا صحابه انت اصلا شاطر و ابن حلال امال بتفكر تكبر و محتاج فلوس
مصطفى / كتر خيرك بس لا لسه شويه عالتوسع ده
اسلام / تبقى البت شوق
مصطفى / ايه
اسلام / ياعم متتكسفش اختى و انا عارفها مبتريحش اكيد عملت مصيبه احكيلى و انا هوريها
مصطفى / هههه لا ياعم دا شوق دى اللى شايله المكان بس انا كنت عاوزك فموضوع تانى خالص
اسلام / متنطق يابنى حيرتنى
مصطفى / انا مش عارف اقولك ايه
اسلام / قول كدا احدفها فوشى و اطلع اجرى هههههه هقولك ايه بس وترتنى و ربنا
مصطفى / بص انت عارفنى من و انا صفر و مش هنكر فضلك عليا لولاك مكنتش اتنقلت النقله دى و ده اللى موترنى و مخلينى مش عارف افاتحك
اسلام / انا مليش اى افضال عليك حاجتك اتحرقت بسببى و انا اديتك بدالها و انت شغلتها مليون فل و خمستاشر
مصطفى /انا بجمع بالعافيه ابوس ايدك متقاطعنيش
اسلام / اسف اتفضل
مصطفى / انا دلوقت الحمد لله عندى شقه و عربيه صحيح الشقه بالقسط و العربيه بتاعه الشغل بس شغلى مكفيهم و زياده صحيح مش كاسر قرش بس يعنى احم احم
اسلام / انت عاوز تخطب
مصطفى / شوق
اسلام / هههههههههههههههههههه وربنا انا برنس كان قلبى حاسس لما لقيتك داخل بلفه البسبوسه
مصطفى / والله انا مفاتحتها فحاجه و لا حتى لمحتلها انا جيت البيت من بابه و على فكره اعجابى بيها قديم
اسلام / من يوم المكن
مصطفى / انا كنت ناوى والله بس هى قفشت و بعدين انت عارف الاحداث ورا بعض و هوب انا بقيت تحت و هى بقت فوق و دوخينى يا لمونه
اسلام / حصل خير انا هسالها
مصطفى / و هترد عليا امتى
اسلام / ههههههههههههههه انت مستعجل و لا ايه
مصطفى / مش هكدب اه
اسلام / بص هو محمد مسافر النهرده بالليل هكلمه الاول و اشوف رايه و هى هكلمها بكره الصبح باذن الله لو مجدش فى البيت ده مصيبه اديك شايف ماسكين ديل قطه كلنا
مصطفى / لا ان شاء الله مش هيحصل حاجه
اسلام / تشرب ايه بقى نسيت اضايفك
مصطفى / لا انا هخلع عشان تلحق تكلم محمد
اسلام / دانت مستعجل بجد بقى
مصطفى يبتسم
اسلام / ماشى يا درش
....................