سكه السلامه بقلم / لولو_محمد (كامله )

الحلقه ٣٩

(((((((سكة السلامة ))))))
#لولو_محمد
الحلقه التاسعه و الثلاثون
ساره / انا جبت اخرى حقيقى جبت اخرى منك
سندس / عن اذنك
سندس تدخل الفيلا و تطلع تلاقى محمد واقف
محمد / كنتى فين
سندس متردش و تمشى يمسك ايدها
سندس / انت اتجننت
محمد / اه كنتى فين و ايه اللى عملاه فى نفسك ده
……………………….
سندس / مين حضرتك و بتسالنى بصفتك ايه
محمد / منغير صفه بلطجه كنتى فين
سندس / و انت مالك اكون مكان مكون و سيب ايدى بتوجعنى
محمد / هتفضلى لحد امتى كدا
سندس / و انت مالك شايل همى ليه متخليك فى حالك خليك فى اللى جرحوك خليها تجرحك تانى و تالت و رابع بس متجيش تعيطلى عشان مش هتلاقينى انا مبستناش حد اوعى
محمد / منى
سندس / بتروحلها بعد اللى عملته فيك مش قادر تبعد عنها مش قادر
محمد / انتى بجد بالتفاهه دى
سندس / انا واحده تافهه ابعد عنى روح للى زيك روح للى انت بعنيك دى شايفها احسن منى روح للى باعتك انتوا بتحبوا ده اللى تقدرك تشوفها مدلعه لكن اللى تديك بالجزمه تجروا وراها عشان كدا الكل كان بيجرى ورايا عشان كنت بدى الكل بالجزمه
محمد واقف مبتسم و سندس على اخرها
محمد / انتى غرتى عليا
سندس / الواحده تغير من واحده فى مستواها مش من كعب جزمتها و بعدين اغير عليك ليه ان شاء الله بينى و بينك ايه يعنى
محمد / مش شايف معنى تانى لكلامك
سندس / لا فى فى انك زى مبتخاف عليا بخاف عليك زى مانت متوتر و عصبى عشان انا اتاخرت و انت مش عارف انا فين انا كمان ادايقت انا دافعت عنك و انت سبتنى و روحتلها
محمد / كانت بتعيط
سندس / احسن محدش غصبها خليها تدفع تمن اختيارها
محمد / انا بس كنت عاوز اطمن انها مش حاجه بسببى كنت خايف جوزها يكون عرف باللى كان بنا و عملها مشكله
سندس/ طب ياريته يعرف عشان تحرم تلعب بمشاعر الناس عشان تعرف ان اللى عملته ميعديش بالساهل قلبك رخيص اوى كدا
محمد / متعودتش حد يطلب منى حاجه و ارده حتى لو بكرهه
سندس / طب انا بطلب منك تسبنى فى حالى
محمد / بس فى طلبات فوق طاقتى للاسف مقدرش ابعد
سندس / انا داخله انام هصحى الفجر
محمد / ليه فى حاجه
سندس / اه انا هعمل الغدى بكره بنفسى هعمل محشى
محمد / دانا امى دعيالى بقى
سندس / انا عزمت يوسف عالغدى ووعدته انى هعمل الاكل بنفسى
محمد / وحياه امك
سندس / احترم نفسك
محمد / طب يبقى يدخل البيت الظاهر ان كلام اسلام مكنش واضح
سندس / اسمع انا ليا فى البيت ده و يوسف ضيفى و لو فى حد اهان ضيفى ورحمه بابى مهتشوفوا وشى تانى لو وقفتوا على شعر راسكوا فاهم
محمد يبصلها بعصبيه و ساكت
سندس / اه لو مقدرتش تحل مشكله الهانم ابقى قولى يمكن اقدر اساعدك عن اذنك
سندس تمشى
محمد / كانت بتسالنى عن نوع العلاقه اللى بنا
سندس تقف
محمد / بتقولى هو مهاب طردك عشان انت مصاحب اخته هو صحيح بتصرف عليك هى السبب فى الفلوس دى كلها صحيح انكوا عايشين فبيت واحد
سندس / و قولتلها ايه
محمد / قولتلها انها ضيعت وقتى و سبتها و قمت
سندس / هو مهاب طردك ليه
محمد / متشغليش بالك روحى نامى وراكى يوم صعب بكره المحشى بالنسبالك مش سهل و لازم يطلع حلو الراجل يقول عنك ايه مبتعرفيش تطبخى مثلا
سندس / تصبح على خير
محمد / و انتى من اهله
سندس تدخل اوضتها و محمد يدخل اوضته كل واحد ينام على سريره و يبص فى السقف و هو مدايق
..........................
فى اوضه محمد
اسلام / ايوه بس انا عاوز اشوفها
محمد / مش وقته
اسلام / انت عبيط انا جاى بغلى ساره كلمتنى و هى منهاره مالعياط ايه اللى حصل للبت دى مكانت اتعدلت
محمد / اتخانقنا او متخانقناش مش عارف الموضوع انها ادايقت انى كلمت منى
اسلام / كلمت مين ياخويا منى مين منى منى
محمد / طلبت تسالنى عن حاجه و كانت بتعيط كنت مستنى منى ايه
اسلام / انا مش فاهم والله خلاص حطيت صوابعى العشره منكوا فى الشق فى البيت ده اللاقى حد عاقل يارب الاقى حد مقلقش عليه مالكوا انت عبيط ياله تديها وش ازاى اللى زى دى تمشى من طريق تمشى من غيره البت دى زباله مستنى منها ايه
محمد / انت فهمت ايه انا بس سمعتها دقيقه مش اكتر
اسلام / بس ده يدايق سندس فى ايه
محمد / دى تلكيكه عشان تكلم سى يوسف هى مالها هى اكلم منى و لا لا
ساره تدخل الاوضه
ساره / انا اسفه بس جيت على صوت اسلام العالى لما زعق
سلامه / تعالى شوفى يا ستى
ساره / سندس عزمت يوسف بكره و ده امر واقع و حلفت ان لو حد زعله هتمشى
سلامه / تمشى فين دا لو حكمت هربطها
ساره / مش حل هى بتعند مش اكتر انا متاكده ان مفيش بنهم حاجه
سلامه / نفوخى يا عالم و انا هستنى لما يبقى فى يا ساره
ساره / لا مش هنستنى بس يعنى هى بتوصل رساله
محمد / لمين ليا
ساره / انا بقول نسيبها تهدى خالص و تفضى الشحنه دى و نستوعبها و نحتويها
محمد / يعنى يوسف هيتغدى معانا بكره
ساره / احنا دورنا بقى منسبهمش لوحدهم سندس قالت هتعمل الاكل كلنا الصبح هنبقى مشغولين هى هترهق فى المطبخ و بعد كدا هيجى دورنا انا عندى خطه انا متاكده ان يوسف مش هيقرب من سندس تانى و هو اللى هيبعد من نفسه
.............................
تانى يوم الصبح محمد يدخل المطبخ يلاقى سندس للامه شعرها بطرحه و قاعده بتلف كرنب يطلع موبايله تعمله دك فيس يصورها و هى بتدحك
سندس / لو وحشه امسحها و خد واحده تانيه
محمد / لا حلوه بس ايه النشاط ده
سندس / معرفتش انام اصلا من الفجر و انا شغاله
محمد / والله طب كويس بس يارب يكون على حاجه تستاهل
سندس تبص لماجى بتغسل المواعين و توطى على محمد قاعد جنبها
سندس / اقولك سر
محمد / ماجى اللى عامله الاكل و انتى بتشتغلينى
سندس / لا
سندس تبص يمين و شمال
محمد / اخلصى هو امن دوله
سندس / فاكر لما قولتلى ان الست اللى مبتعرفش تعمل محشى متبقاش ست
محمد / و انتى كدا هتبقى ست يعنى
سندس /  محمد ... بص انا عارفه انك مش هتفهم مشاعرى بس انا اول مره اقابل حد زى يوسف
محمد / اللى هو ازاى يعنى
سندس / مش عارفه بس اكيد مش النوعيه اللى كانت حوليا خالص زمان كان باشاره بدل الواحد عشره بس انت شوفتهم محدش فيهم يملا عينى اصلا
محمد / و سى يوسف ده مالى عينك صح
سندس / مش قصدى بس يعنى جدع و راجل كدا انت قولتلى ان مفيش راجل عدل هيرضى بيا بس
محمد / انا قولت ده هزار مش معنى كدا انك تفرحى باول شحط يعجب بيكى يعنى ايه الهطل ده
سندس تبصله
محمد / انتى بتحاولى تعملى ايه
سندس / بحاول اخليه يعجب بيا  بجد
محمد / انتى هبله يا بت
سندس / على راى تيته اقرب طريق لقلب جوزك معدته
محمد يدحك
سندس / بطل بقى انا كنت عارفه انك مش هتفهم تعرف انت ايه يعنى انت هتشاور لاى بنت كدا هتيجى جرى
محمد / ههههههههههههههههه اه صح
سندس / لا صح انا بنت و بقولك
محمد / انا مش موافق عاللى بتعمليه
سندس / هخسر ايه
محمد / كتير هتخسرى كتير و لوحدك انتى الوحيده اللى هتخسرى
سندس / زهقت و تعبت حاسه انى تايهه و بعدين انا كدا كدا مش معشمه نفسى اوى يعنى
محمد يبصلها بحزن و يقوم يسند عالعكاز و يمشى و هى تكمل
....................
فى الجنينه
ساره / حنان اوعى تنسى
اسلام / صعبان عليا تعبها اوى اول مره اشوفها بتتعب فى حاجه كدا
حنان / و هى لسه فى الاول اكيد فى طريقه تانيه
ساره /  مفيش هو لما هيشوف سندس اللى نعرفها اكيد لو بيفكر فى حاجه هيبعد
حنان / ميمكن اصحاب بس يا جماعه
اسلام / مفيش صحبيه بين ولد وبنت
محمد يدخل
محمد / فى تغيير فى الخطه
اسلام / خير
محمد / احنا مش هنطفش الواد ده
اسلام / نعم ياخويا
محمد / انا عارف انا بقول ايه مش هو اللى هيرفضها و يسبها هى اللى هتسيبه و هى مقتنعه انه مش مناسب
حنان / انتوا ليه بتتكلموا عن ان فى بنهم حاجه انتوا هتعرفوا سندس امبارح ممن يوم مجينا البيت ده و ليها اصحاب
اسلام / و كلهم ولاد كلب و لا نسيتى
حنان / نسيت ايه
محمد / و لا حاجه و لا حاجه بس يوسف مش زيهم انا عارف
اسلام / انت ايه مشكلتك
محمد / ابن مين فى مصر عشان يرفضها هو هو يطول ضافرها اصلا دا لو فيها العبر ميطولهاش برضه و خلصت
اسلام / مالك انت كويس
محمد / مالى يعنى
اسلام / لا فيك حاجه هو انا مش عارفك
محمد / اكيد يعنى مش سهله يعنى بس انا حاسس ان ده الصح
ساره / بدات احس انك بتتكلم صح سندس فى مرحله مراهقه و مش متزنه عاطفيا و لو هو اللى رفضها ممكن ياثر على ثقتها بنفسها و قرارتها بعد كدا
اسلام / لا و النبى
حنان / ورحمه امى مفى بنهم حاجه
اسلام / نقطينا بسكاتك
حنان / بكره تقول حنان قالت اقطع دراعى من هنا لو فى بنهم حاجه و اللى ميشوفش مالغربال يبقى اعمى انا هروح ابص عليها
اسلام / البيت ده فى مشكله اى حد بيعيش فيه بيتجنن
ساره / هى شوق فين
اسلام / فوق بتتمرن عالكتابه كالعاده الشغل جننها هى رخره بس على الاقل جنانها فى حاجه مفيده
محمد / انا طالع اوضتى لما البيه يشرف نادونى
محمد يمشى اسلام ينفخ
ساره / روق انت مشوفتش حاجه
اسلام / الحمد لله
ساره / روق بقى
اسلام يهز راسه
.........................
عالغدى اسلام يستقبل يوسف عالباب و طارق و مهاب و فريده و الاولاد و ناهد عالسفره و البنات فى المطبخ
اسلام / ازيك يا يوسف
يوسف / الحمد لله ازي حضرتك
طارق / ايه يا رجاله يلا انا جعان و لازم اللحق المستشفى
اميره / طارق
اسلام و يوسف يروحوا يقعدوا و كل بنت تيجى شايله سيرفيس تحطه عالسفره
سندس / امال محمد فين
محمد / انا جيت اهو
سندس تساعد محمد يقعد عالكرسى اللى جنبها و توشوشه
سندس / حلو البرفيوم ده
محمد / عاجبك
سندس / جبته منين يا ترى
محمد / فى مزه حلوه اوى ادتهونى هديه
سندس تدحك
اسلام / بتتوشوشو فى ايه مش هناكل
سندس / ازاى اتفضلوا
يوسف / حلو اوى تسلم ايدك معقول اول مره
طارق / بيجنرز لك
محمد / لا معلش دى موهبه النفس ده فن و سندس فنانه
مهاب / والله
محمد / فى حاجه يا دكتور
مهاب / ابدا كل كل
محمد / انت شوفت دولاب الميداليات بتاع سندس يا يوسف
اسلام يبصله
يوسف/ لا محصليش الشرف ميداليات ايه
محمد / بعد الاكل تبقى توريهولك بقى دى البطله بتاعتنا سباحه باليه جمباز
اسلام / مش هتاكلوا و لا ايه
محمد / ازاى دا الاكل ده هيتمسح
سندس تبص لمحمد تلاقيه باصصلها و مبتسم
......................
فى الجيم
يوسف / انتى ليه بطلتى
سندس / ظروف
يوسف/ مبتفكريش تكملى
سندس / لا انا لسه برقص و بتمرن مع نفسى بس لنفسى
يوسف / خساره حقيقى هو انتى فاكره انك لما تغطى الدولاب هتنسى المرحله دى دا كل ميدالياتك دهب
سندس / كنت فاكره كدا لفتره بس فكره الاحتراف كانت صعبه و انى ارجع بعد سنتين صعبه
يوسف / مفيش حاجه صعبه لو فى اراده
سندس / انا بقول اخليها هوايه احسن
يوسف/ اللى يريحك
سندس / شوفت الترمبولين بتاعتى تعال اوريهالك فى الجنينه
يوسف / يلا
.......................
فى الجنينه محمد حاطت الهاند فرى و بيسمع اغانى يوسف و سندس يقعدوا معاه
سندس/ هو الناس راحوا فين
محمد / انا مش كفايه و لا ايه
يوسف / ازاى بس
محمد / سلامه و ساره عندهم ميتنج فمشيو و شوق و حنان نزلوا يجيبوا حاجات عشان الفرح صحيح انت لازم تيجى
يوسف / دا اكيد
سندس / ياربى دانا نسيت الفرح ده خالص
محمد / ليه يعنى
سندس / ازاى يعنى انا هقوم اعمل مكالمه تليفون سورى يوسف ثوانى
يوسف / خدى راحتك
سندس تقوم تجرى
يوسف / كنت بتسمع ايه
محمد / مش عارف اغنيه اجنبى
محمد يشيل الهاند فرى مالموبايل تشتغل اغنيه اى وانت تو سبند مى لايف تايم لوفينج يو
يوسف / انا عارف الاغنيه دى دى بتاعه زورو
محمد / مش عارف اللى اعرفه انها اول اغنيه رقصت عليها مع سندس
يوسف يبتسم
محمد / طلعت عينى على ملقتها
يوسف / كنت سالتها يمكن كانت فاكره
محمد / مجاش فبالى معاك حق والله
صمت ثوانى
يوسف / حلو الجو هنا اوى
محمد / مش دايما
صمت ثوانى
محمد / اتكلمتوا فى ايه بقى
يوسف / كانت بتورينى دولاب الميداليات بتاعتها حاولت اخليها تغير رايها و ترجع تكمل بس ممشيش معايا مش مصدق ان حد يتخلى عن نجاح زى ده بالبساطه دى
محمد / مكنتش سهله مرحله و هتعدى
سندس ترجع
سندس/ الحمد لله لحقت نفسى فى اخر لحظه
محمد / خير
سندس / كنت بكلم الايفنت بلانر عشان يجوا بكره ياخدوا التصميم بتاع الفرح انت نسيت و لا ايه
محمد / سندس ممتازه فى تنظيم الحفلات فنانه حقيقى
يوسف / بسم الله فى حاجه مبتعرفيش تعمليها
سندس / هههههههههههههه ميرسى كنتوا بتتكلموا فى ايه بقى قبل ماجى
يوسف / اه محمد كان بيسمعنى اغنيه حلوه اوى
محمد يبصله
يوسف / شغلها يا محمد
محمد يبص عالموبايل فى ايده
يوسف / شغلها يا راجل فى ايه مالك
محمد يبص لسندس و يشغلها
سندس / اه اى وانت تو سبند ماى لايف لفينج يو تحفه بحبها موت تعرف يا يوسف دى الاغنيه اللى رقصت عليها مع محمد اول مره كنا فى حفله ماجد دا واحد من صحابى هبقى اعرفك عليه بعدين فاكر يا محمد
محمد يبتسم
سندس / ورقصنا بعدها على اغنيه امومنت ليك زيس فاكرها اللى قعدت اترجمهالك
محمد / فاكر
سندس / بس للاسف ده اخره فى الرقص
يوسف / و للاسف ده اخرى انا كمان
محمد / على العموم هانت يا ست الاستاذه ايه رايك لما افك الجبس تعلمينى
سندس / بتشتغلنى
محمد / لا والله بتكلم جد بس علمينى حاجات سهله بلاش التنطيت و الشقلبات بتاعتك دى و اه بلاش فتحه الرجل دى انا مش قدك
يوسف / ايه يا سندس مش كنتى هتورينى الترامبولين بتاعتك
سندس / نسيت خالص تعال تيجى يا محمد
محمد / لا هستناكوا هنا هى هناك اهى
سندس تقوم هى و يوسف و يتمشوا بعيد و محمد بيبص عليها
سندس / اوعى يكون قالك حاجه تدايقك
يوسف / ابدا خالص بالعكس كان زوق جدا
سندس / انا حكيلتك اخر مره كنت هنا عملوا ايه
يوسف / انا لو عندى اخت حلوه زيك اكيد كنت هغير عليها طبعا
سندس / انت مقولتليش عندك اخوات
يوسف / اخت واحده اكبر منى بس هى مش هنا عايشه فى الشارقه مع جوزها
سندس / فين دى
يوسف / الامارات
سندس / انا روحت دبى
يوسف / و انا روحت ازور اختى فمره و هربت من هناك اتفسحتلى يومين و رجعت
سندس / يومين بس ملحقتش تشوف حاجه
يوسف / ملحوقه
سندس / وصلنا
سندس تقلع الجزمه
يوسف / هتعملى ايه
سندس / امال احنا جايين ليه
يوسف / على قد مهموت و اطلع بس مينفعش مش عاوز استفز اخواتك يعنى هما كانوا كرما معايا بما فيه الكفايه انهم يستقبلونى مكنتش متوقع كدا بلاش اخسرهم احسن
سندس / مفيهاش حاجه يعنى مش اول واحد فى صحابى يتنطت معايا عليها
يوسف يبص وراه
يوسف / هو محمد راح فين تعالى نروحله احسن مش عاوز اعملك مشاكل تعالى
سندس / تمام يلا
.......................