سكه السلامه بقلم / لولو_محمد (كامله )

الحلقه ٥

((((((سكة السلامه))))))))))))
#لولو_محمد
الحلقه الخامسه
حنان / سلامه مش ناقص مشاكل ارحميه مش وقته
شوق / هو هيرفض ليه كان بيقول هتتبهدلى فى المواصلات و حد يدايقك اهو الشغل تحت البيت اهو و وسط اهلى و حتتى يعنى مفيش امان اكتر من كدا حجته الجديده ايه بقى
حنان / سلامه بيخاف علينا و انتى عارفه
شوق / بس انا مش عاوزه اتحبس فى البيت و بعدين ايه الصعب فى تصوير ورقه يعنى
حنان / انزلى من على ودانى لما يجى ابقى كلميه
شوق / هكلمه هو انا هخاف من ايه يعنى
حنان / متخافيش ياختى
....................
بالليل عند مصطفى تحت
سلامه / ازيك يا هندسه
مصطفى / ازيك يا سلامه تعال اشرب حاجه
سلامه / انت لقيت شقه جنب الشغل و لا لسه
مصطفى / والله دورت بس ملقتش حاجه مناسبه بس عادى انا كدا كدا بسهر اشتغل هنا فاخر مبتعب باقفل و انام
سلامه / انت بتهزر انت بتنام فى المخزن
مصطفى / لا مانا عامل حته مريحه جوا
سلامه / ليه مقولتليش طيب بقولك ايه خلاص بكره تجيب عزالك و انا هخلى البنات ينضفولك الشقه اللى فى التالت فوق خالص تناسبك ؟؟؟هى متشطبه على فكره عالفرش
مصطفى / كدا كتير والله
سلامه / و لا كتير و لا حاجه تصبح على خير
مصطفى / و انت من اهله
سلامه يطلع الشقه يلاقى شوق مستنياه
شوق / حمدالله عالسلامه
سلامه / الله يسلمك ايه اللى مسهرك
شوق / مستنياك
سلامه يقعد جنبها
سلامه /خير يا قمر
شوق / انت شوفت الاعلان اللى البشمهندس مصطفى معلقه تحت
سلامه / مخدتش بالى اعلان ايه
شوق / عاوز واحده تساعده
سلامه / و احنا مالنا
شوق / مالنا ليه مانا اولى
سلامه / تانى يا شوق
شوق / هو ايه اللى تانى انت اصلا نيمتنى قولتلى هتدور و حلقتلى
سلامه / احلقلك ازاى و انتى قرعه اساسا
شوق / تصدق هتنام منغير عشا
سلامه / هههههههههههههههه والله مقادرلك النهرده
شوق / احسن استسلم بقى و وافق
سلامه / صعب اطلب منه دلوقت
شوق / متطلبش انا هنزل بكره انا و اكلمه لو انفع تمام منفعش
سلامه / هيحرج منك على فكره و مننا
شوق / الشغل تحت البيت و فوسط منطقتنا و شغله محترمه فين الاعتراض بقى
سلامه / شوق الوقت مش مناسب
شوق / سلامه متجننيش
سلامه / هههههههههههههه خلاص خلاص بصى تطلعى بكره مالنجمه تمسحى الشقه اللى فى التالت و تنضفيها عشان مصطفى هيجيب حاجته و يقعد فيها
شوق / هو ايه ده
سلامه / عرفتى ليه مش وقته عشان هو هيفهم كدا ان حاجه قصاد حاجه و هيحرج منى و هيوافق يشغلك
شوق / مهو لو استنينا بنات تانيه هتقدم و هتشحور انا كدا
سلامه / خلاص بكره هكلمه اتفقنا
شوق / تمام هو صحيح محمد فين مروحش معاك ليه
سلامه / صحابه سهرانين معاه تحت عالقهوه فطلعت انا لانى خلصان بجد
شوق / مش عاوز تاكل
سلامه / عاوز انام و بس ممكن
شوق / اكيد يعنى انا كمان هدخل انام مع انى مش عارفه هنام ازاى منغير منقفل الترباس
سلامه / يشيل و يحط عليكى يا مصيبه خشى اتخمدى انا هنا
شوق / ههههههههههههههههههه خلاص خلاص تصبح على خير
سلامه / طربش بصحيح
.....................
تانى يوم الصبح تحت عند مصطفى
سلامه / ازيك يا هندسه صباحك قشطه
مصطفى / صباح النور
سلامه / الشقه جاهزه و ادى المفتاح
مصطفى / بالسرعه دى
سلامه / امال مش قولتلك امبارح بقولك ايه
مصطفى / اؤمر
سلامه / انا عارف انه مش وقته بس تقول ايه فى كلو فى ودانى من كتر زن الحريم و محتاج منك خدمه العمر
مصطفى / لو اقدر متاخرش اؤمر
سلامه / انت معلق ورقه عاوز واحده تساعدك
مصطفى / اه فعلا
سلامه / هتعمل ايه يعنى
مصطفى / يعنى تصور ورق تكتب ورق عالكومبيوتر تطبع حاجات تنضف كدا يعنى
سلامه / بص انا عارف ان شوق مش هتعرف تعمل الحاجات دى بس هى مش هتسكت من يوم متخرجت و هى بتزن عاوزه تشتغل
مصطفى / هى معاها ايه
سلامه / اداب انجليزى
مصطفى / وايه المشكله
سلامه / المشكله انى مش عاوزها تشتغل اصلا بس متعودتش اقول لا منغير سبب و بصراحه حلت كل المشاكل المرادى الحاله الوحيده هى انك انت ترفض
مصطفى / انت عاوزنى اقولها لا متنفعش يعنى
سلامه / لا شوق زكيه هتعرف انى انا اللى قولتلك تقول كدا
مصطفى / ههههههههههههههه امال
سلامه / بص امتحنها امتحان صعب يعنى خليها تكره الشغل خليها تشيل الفكره من دماغها عاوزها تيجى تقولى ملعون الشغل مالها قاعده البيوت
مصطفى / ههههههههههههههههههههههه انت عارف بتطلب منى ايه
سلامه / على عينى والله بس عنيده و زنانه بشكل بشع
مصطفى / خلاص ماشى خليها تيجى من بكره بس افتكر انى قولتلك بلاش
سلامه / هههههههههههههه ماشى سلام
............................
فى الفيلا بالليل و الكل نايم مهاب يصحى يبص على فريده نايمه يقوم يروح اوضه ساره يدخلها و يروح يقعد جنبها عالسرير و يحضنها تقوم تتفزع
مهاب / اهدى يا حبيبتى دانا
ساره / يابن الكلب
تطلع سكينه صغيره من تحت المخده و تحطها على رقبته
ساره / انا لو قتلتك دلوقت مش هاخد فيك يوم غور من اوضتى الله يحرقك انت ليك عين
مهاب / صدقينى يا ساره لو مكتوبلى اموت مش هيبقى فى موته اللذ من انى اموت على ايدك و فحضنك
ساره تقوم تقف و مهاب يقوم وراها
ساره / اطلع بره بدل مهصرخ و اللم عليك الناس
مهاب / انا جاى اراضيكى
ساره / ربنا ياخدك ربنا ينتقم منك ابعد عنى عاوز منى ايه اكتر ماللى عملته
مهاب / انا بحبك يا ساره
ساره / و انا بكرهك بكرهك يا مهاب و عمرى مكرهت و لا هكره حد زيك اخرج من حياتى خلى عندك دم و ابعد عنى ابعد عنى
مهاب / انا جاى اصالحك يا ساره صدقينى اللى حصل ده كان لحظه شيطان و بعدين انا اعتزرتلك قدامهم و لو عوزانى اعتزرلك تانى قدامهم انا راضى
ساره تعيط / بتعتزر عن ايه و لا ايه و لا ايه ياخى دانا مفيش مخلوق اذانى قدك اطلع بره يا مهاب اطلع بره و سبنى فى حالى انا مبقتش بعرف انام منك يا اخى وصلتنى انى احط سكينه تحت مخدتى و برده مش نافع ارحمنى بقى
مهاب يحاول يحضنها تعوره بالسكينه فى ايده
ساره / لو حاولت تلمسنى تانى هقتلك انت فاهم هقتلك
مهاب يطلع مالاوضه و ساره تحدف السكينه فى الارض ناحيه الباب و تقعد مكانها تعيط
...........................
فى الشركه الصبح
مصطفى / بصى يا ستى انا كدا مرنتك تستخدمى مكنه التصوير دى انتى بتعرفى تشتغلى عالاوفيس
شوق/ يعنى مش اوى بس بعرف اكتب
مصطفى / طب خدى الورقه دى صوريها و خلى نسخه معاكى تكتبيها عالورد ولما تخلصى ورينى
شوق/ حاضر .... انت فطرت
مصطفى / نعم
شوق/ انا جايبه فطار فى شنطتى سندوتشات فول و بيض لو عاوز تاكل معايا لقمه يعنى
مصطفى / بصى يا شوق المكان هنا زى مانتى شايفه كلو ورق بقعه الزيت بتكلفنى فلوس
شوق/ مانا مش هبقع
مصطفى / تفطرى فبيتكوا قبل متيجى و هنا مش مطعم هنا مكان شغل و بس فاهمه
شوق/ فاهمه
مصطفى / ورينى هتخلصى الورقه دى فى قد ايه
شوق/ تقعد عالكومبيوتر و تدور عالكايسه و تاخد وقت على متشغلها و بعدين تمسك الماوس و تحركه ببطئ لحد متفتح الورد و تبدا تكتب حرف حرف بالراحه و كل شويه تبص فى الورقه مصطفى ينفخ
مصطفى / انتى كدا هتضيعى اليوم كله فى حته ورقه بصى لازم تكتبى اسرع من كدا انتى كانك اول مره تفتحى كومبيوتر
شوق/ انا بتعلم بسرعه والله
مصطفى / اما نشوف
..........................
فى الفيلا
ساره بتعمل نسكافيه فى المطبخ فريده تخشلها
فريده / كنت حاسه بالذنب انى متعاطفتش معاكى بعد اللى مهاب عملوا معاكى قدامنا
ساره تبصلها
فريده / بس الواحد له نظره برده انا قولت مستحيل مهاب يعمل معاكى كدا
ساره / تقصدى ايه
فريده / ههههههههههههه التمثيليه اللى عملتوها ان انتى و مهاب بتكرهوا بعض عشان تغطوا عالقرف اللى بيحصل بينكوا و لا انتى مش عارفه انى مش هاخد بالى لما يقوم من جنبى كل شويه و يجيلك مش هعرف يعنى مش هشم ريحتك فيه
ساره / و مدام انتى صاحيه و عارفه ان جوزك بيسيبك و يجيلى مبتفزيش من سريرك ليه و تيجى تشوفيه مبتقلقيش نومتك ليه عشان تلحقى اختك من جوزك القزر
فريده /ههههههههههههههههههههههههههه انتى بجد فكرانى مصدقه انك بتكرهيه و لا فكرانى هصدق انك انهارتى يوم خطوبتى عشان مامتك هزقتك انتى غرتى عشان اختارنى انا و سابك بس احب اقولك متحاوليش لانى مش هسمحلك
ساره / عمرك مهتتغيرى صحيح الطيور على اشكالها تقع عن اذنك
فريده / انا حزرتك بالزوق يا ساره
ساره / لو تقدرى تعملى حاجه روحى اعمليها مع الحيوان جوزك و ابقى اساليه الجرح اللى فى ايده من ايه دا لو قدر يقولك و بدل مانتى جايه تتشطرى عليا روحى اساليه ايه اللى بيدخلك اوضه اختى
فريده / انا و انتى مش اخوات لا عمرنا كنا و لا عمرنا هنكون احمدى ربنا انى بعتبر ساندى اصلا اخت
ساره / دا على اساس انك بتعتبرى اميره اخت عن اذنك
ساره تاخد المج و تمشى و فريده تقف تنفخ
...................................
فى الحاره
محمد و سلامه معديين من قدام القهوه
سلامه / مسا مسا احمدى
حمدى يقومله
حمدى / كنت عاوزك لو فاضى
سلامه / بس كدا افضالك .... تلاته شاى هنا يابنى
التلاته يقعدوا
سلامه / خير
حمدى / ايه الحوسه دى
محمد/ متنجز ياض عاوز فلوس
حمدى / لا فلوس ايه الخير كتير و الحمد لله
سلامه / امال مالك خير فى ايه
حمدى / انا طالب القرب منك
صمت لثوانى و محمد يبص لسلامه
سلامه / فى مين
حمدى / الانسه حنان .. بص انا امى قالتلى تيجى هى بس انا قولت نتكلم رجاله احسن
سلامه / دا اخر حاجه كنت اتخيل انك تكلمنى فيها
حمدى / ليه انا داخل الباب من بيته
محمد / ههههههههههههههههههه
حمدى / انا بتكلم جد
سلامه / انا اقصد يعنى فاجاتنى انا مش عارف اقول ايه
حمدى / تقول هسالها الا اذا كنت يعنى شايفنى مش قد المقام
سلامه / مش قد المقام ايه يا جدع عيب الكلام ده
محمد / احنا خايفين عليك انت هههههههههههههههههه
سلامه / دى ستك يا جزمه
حمدى / طبعا
محمد / ماشى هنسالها يلا يا سلامه انا هموت و انام
سلامه / تصبح على خير يا ابو حميد
حمدى / هستنى ردك
سلامه / ان شاء الله خير
سلامه ياخد محمد تحت باطه و يشد عليه بدحك يلاقى الشركه مفتوحه و شوق لسه فيها يدخلها
سلامه / الساعه عدت اتناشر يا شوق بتعملى ايه كل ده
شوق / فى ايدى شغل
سلامه يبص لمصطفى
مصطفى / انا اديتها ورقه من اذان الضهر لحد دلوقت بتكتبها عالكومبيوتر لما هاين عليا اكتبها انا و مش راضيه تقوم و تقول هتخلصها
سلامه / طب خلصيها الصبح قومى كفايه كدا
شوق / اخر سطرين بس
سلامه / الراجل بينام و هو واقف بكره كملى قومى
شوق / اخر سطرين
سلامه ينفخ و يخبط برجله فى الارض بعصبيه تحط الورقه و فوقيها الماوس و تطفى الجهاز و تقوم
شوق / حاضر حاضر
شوق تمشى و سلامه يغمز لمصطفى و مصطفى يقفل المحل
..........................
فى الشقه فوق
سلامه / انتى بتعيطى ليه مش انا قولتلك مش هتقدرى عالشغل
شوق / كنت سبنى اخلص السطرين
سلامه / يا حبيبتى الشغل ده صعب عليكى
شوق / هتعلم بس سبنى اتعلم
سلامه / و هو هيصبر عليكى لامتى انتى كدا بتحرجيه
شوق / يووووه بقى
شوق تدخل الاوضه تعيط حنان تطلع مالمطبخ بصينيه عليها عيش و جبنه و طماطم و بيض مسلوق
حنان / العشا
سلامه / تسلم ايدك
محمد / هتقولها
سلامه يبرقله
حنان / تقولى على ايه
سلامه يبص لمحمد
محمد / ايه مش قولت هتسالها
سلامه / صبرنى يارب
حنان / فى ايه يا سلامه تسالنى على ايه
محمد / حمدى طلب ايدك من سلامه
حنان تقوم تجرى تدخل اوضتها
سلامه / سالتها ؟؟؟؟
محمد/ و هى جاوبت
سلامه / كل و انت ساكت بقى
................
فى الاوضه
حنان / انتى بتعيطى ليه يا موكوسه
شوق / محدش عاوز يدينى فرصه
حنان / فرصتك فى ايدك اتعلمى ووريهم شطاره بنات حسن البرنس
شوق / معاكى حق يا بت مالك صحيح فرحانه كدا ليه
حنان / حمدى طلب ايدى من اخوكى
شوق تزرغط حنان تكتم نفسها الباب يتفتح
سلامه/ انا لسه موافقتش
حنان تبصله
سلامه / هنصلى استخاره الاول دا جاى ياخد الغاليه مش لعب عيال هو بس ان شاء الله خير
حنان تبتسم
.............................
فى الشركه فى اجتماع
ساره / انا كدا خلصت لو فى اى اساله
مجلس الاداره يبص لبعضه
مهاب / ميتهياليش انك سبتى اى مجال لاى سؤال المرادى برافو انسه ساره
ساره / شكرا
مهاب / اتفضلى
ساره تطلع من المكتب
واحد / انت برده عارف انها مجازفه سيارات بناتى فى مصر دى هتبقى ثوره
مهاب / بالظبط عربيات بينك و استايلات بناتى هنبقى اول ناس طبقناها و انا متاكد ان الفكره هتكسر الدنيا و المبيعات بتاعتها هتحقق ارقام قياسيه
واحد تانى / بس انا شايف ان التكلفه المبدئيه اللى هى حطاها متفائله جدا اديك شايف سعر الدولار بيتحرك ازاى
مهاب / المكسب بتاعنا ثابت و فرق التكلفه هيتحملها المستهلك بدل مكانت هتنزل ب 70 هتنزل ب100 هنتاثر بايه فكره انسه ساره ميزتها هى انشاء خط جديد مش هنوقف او هناثر على اى خط تانى بالعكس
التالت / بس دا معناه موظفين كمان و مرتبات
مهاب / و دى فرصه لدعايه مجانيه للمنتج كانت المفروض طبعا تشير ليها فى البريزنتاشن بس متاكد انكوا كلكوا فكرتوا فيها يعنى ننزل اعلان مطلوب عمال و موظفين للعمل فى المصرى جروب فى خط انتاج الانتاج الجديد لاول سياره نسائيه فى مصر
الاول / فكره ممتازه مهاب بيه
.....................
فى مكتب ساره
مهاب يدخل
مهاب / وافقولك عالمشروع
ساره متردش
مهاب / دا ملف مشروع الجونه راجعيه يمكن تشوفيه من وجهه نظرى
ساره تقوم تقف قدام الشباك و تدى لمهاب ضهرها مهاب يقوم يقف وراها
مهاب / انا عاوزك تثقى فيا زى مانا واثق فيكى
ساره تروح عالمكتب و تجيب ورقه
ساره / دى الثقه
ساره تكرمش الورقه و تفردها تانى
ساره / دى انك تخون الثقه مره عمرها مبترجع تانى بس اللى انت عملته يا مهاب هو انك قطعتها خالص
ساره تقطع الورقه مليون حته و ترميها فى وش مهاب مهاب يسقفلها
مهاب / سيبك من حركات الفيس دى انتى اكبر من كدا
مهاب يسيبها و يمشى و يقفل الباب وراه
..............................
فى المكتبه
مصطفى / شوق شوق كفايه
شوق / انا كل مره بكتب اسرع انا بتحسن والله
مصطفى / شايفه المزكره دى
شوق / مالها
مصطفى / الراجل هيستلمها مطبوعه بعد اسبوع فهمتى
شوق تبص فى الارض
مصطفى / خدى المزكره دى و صوريها عشرين نسخه و كعبيهم لو بوظتيهم هدفعك تمنهم
شوق / مش هيبوظو ان شاء الله
.......................