سكه السلامه بقلم / لولو_محمد (كامله )

الحلقه ٣٥

((((((((سكة السلامه)))))))))
#لولو_محمد
الحلقه الخامسه و الثلاثون

يوسف / انا مقدر يعنى اكيد انا كمان كنت هدايق لو حد فكر يتعرف على اختى بس صدقنى نيتى خير
ميرنا / ايه اخته هما مش اخوات
يوسف يبص لميرنا و يبص لمحمد
محمد / يلا يا سندس انا ماشى
سندس / سورى سلام
سندس تمشى جنب محمد و محمود و سمره مسندينه
ميرنا / هما مش اخوات
يوسف / بس هى قالت
ميرنا / اه عارفه اكيد اصل الحكايه ان.......
........................
يوم العيد ميلاد الصبح
ساره نايمه و الستاره مقفوله و الاوضه ضلمه الباب يتفتح بالراحه و سندس شايله فستان تدخل و تحطه عالكرسى ووراها شوق و حنان ماسكين قلب كبير من الورد الاحمر بيتحرك على عجل مكتوب جواه هابى بيرث داى ساره بالورد الابيض و يطلعوا التلاته بسرعه سندس تدخل بصينيه فطار عصير و طبق متغطى و كارت و تحطهم على ترابيزه جنب ساره و حنان و شوق يجيبوا بلالين كتير و يملوا الارض بلالين منفوخه من كل الالوان و الاشكال و سندس تمسك موبايل ساره و تظبط المنبه و يخرجوا بشويش منغير مساره تصحى او تحس و يقفلوا الباب اسلام واقف بره
سندس / كلو تمام
اسلام/ كدا قدامنا ساعه بالكتير على متصحى يلا الكل يلحق يجهز
شوق / قشطه يلا بينا
الكل يروح فى حته
...........
فى اوضه ساره بعد ساعه المنبه يضرب فى الموبايل تقوم تصحى و تفتح عنيها و تتمطع و تقوم تحط رجلها عالارض تلاقى بلالين تايد الاباجوره جنبها و تبص على الاوضه و الورد و البلالين و صينيه الفطار تقوم تفتح الستاره و تقرا الكارت
ساره / كل سنه و انتى طيبه يا احلى بنت عالكوكب افطرى كويس و اللبسى و انزلى احنا كلنا مستنينك اس
ساره تبتسم و تبص عالفستان
.......................
ساره تفتح باب اوضتها و هى لابسه فستان ازرق جميل و مسيبه شعرها تبص يمين و شمال مفيش اى صوت تنزل السلم بالراحه مفيش صوت غير صوت الكعب بتاعها و تبص يمين و شمال تلاقى كارت على ترابيزه تروح تفتحه
ساره / اطلعى الجنينه احنا مستنينك اس
ساره تطلع الجنينه يحدفوا عليها ورد و كلهم بيقولوا سيربرايز و هى فرحانه خالص
ساره / يا مجنونه بجد ميرسى كتير فرحت اوى
ساره تحضن سندس
اسلام / احم احم
سندس / الحقيقه دى كانت فكره اسلام انا كنت هعمل زى السنه اللى فاتت
ساره / انا كنت مرعوبه تعملى كدا تانى بجد بتنشفى دمى
اسلام / طب انتى حضنتيها عشان هى عملت الحفله انا فين مكافاتى بقى لما عرفتى انى انا اللى عملت ده
ساره تبصله
اسلام / يكفينى شرف المحاوله
ناهد / ههههههههههه ربنا ميحرمنى من لمتكوا يا ولادى
ساره / بس كان فى اس عالكرت
اسلام / اس سلامه
ساره / انت اسلام دلوقت كان المفروض تكتب اى
اسلام / يلا فاتتنى دى
سندس / بس ميمنعش ان الدرس كان هديتى ايه رايك
ساره / حلو جدا و مظبوط عليا بالملى
اسلام / كل سنه و انتى طيبه
اسلام يفتح علبه فيها خاتم سوليتير
ساره / دا كتير اوى
اسلام / الدنيا كلها متغلاش عليكى
ساره / ميرسى
اميره / كدا خليت كل هدايانا ملهاش قيمه يا اسلام
اسلام / اصلا المفاجاه بتاعتى كدا كدا خلت كل هداياكوا ملهاش قيمه
ساره / اصلا كفايه لمتكوا حواليا هى احلى هديه فى الدنيا
اسلام / طب لو سمحتى بقى
اسلام يطلع الخاتم مالعلبه و يمسك ايد ساره و يلبسها الخاتم و محمد يصفر مهاب يدخل
مهاب / فى ايه
طارق / اسلام خطب ساره
الكل يتفاجئ و طارق بيبص لمهاب و مستمتع بمنظره
مهاب / ايه ؟؟؟
اميره / بطل هزار بقى ... دا عيد ميلاد ساره
سندس / اول مره تنسى يا ابيه
مهاب / منستش كل سنه و انتى طيبه كنت هديهولك بالليل
مهاب يطلع هديه من جيبه خاتم دهب ساره توريله ايدها فيها خاتم
ساره / معلش فرصه تانيه
سندس / طب ايه اليوم خلص على كدا و لا ايه الساعه لسه مجتش تمانيه
محمد / و دا كويس عشان نروح الكليه اتفضلى يا هانم
سندس / و البارتى
اسلام / بالليل يا مزه يلا كل واحد على شغله
اميره / كل سنه و انتى طيبه يا قلبى
ساره / و انتوا طيبين
اميره تديها ظرف و محمد و سندس و طارق يمشوا
حنان / سلامه حمدى و مامته جايين النهرده عالغدى
اسلام / عارف و مستنيهم متقلقيش
حنان / طب هتقلهم ايه
اسلام / هنحدد اقرب معاد للفرح
حنان تبتسم و تمشى مع ناهد و شوق
اسلام يبص لمهاب
مهاب / هو انت ليه مقولتش لفريده انكوا هتدوا هدايا العيد ميلاد الصبح مش قولتوا هتعملوه بعد الغدى كان اولى ان اختها الكبيره تعرف و لا انت عاوز تبينها مقصره
اسلام / انا و سندس بس اللى اديناها الهدايا ... اه و انت انما الحفله الكبيره بالليل
اسلام يمسك ايد ساره و مهاب عينه على ايديهم
مهاب / كل سنه و انتى طيبه يا ساره
ساره تهز راسها مهاب يمشى
اسلام /كل سنه و انتى طيبه
ساره / وانت طيب
اسلام / النهرده اليوم بتاعك تحبى تعملى ايه
ساره / حلوه المفاجاه انبسطت كتير
اسلام / يارب دايما احنا عاوزين ايه غير رضاكى علينا
ساره / بس مش كان اولى تعزم ماهى
اسلام / بطلى رخامه بقى والله كانت هتقع
ساره / انا بقول يعنى
اسلام / انتى رخمه يا بت
ساره تدحك
اسلام / طب ايه هنروح نكمل نوم و لا هنعمل ايه
ساره / اممم مش عارفه انا كنت صاحيه على انى اروح الشغل
اسلام / لا انسى مفيش شغل النهرده اجازه و اعملى حسابك انك مخطوفه لحد الساعه 3
ساره / مخطوفه
اسلام / اه  افتحى الظرف ... دا حجز فى معرفش ايه مساج يعنى عشان تفكى التنشنه اللى فيكى دى و هترجعى الساعه تلاته نتغدى و نقعد شويه و على الساعه 7 فى حجز مركب فى النيل لحد نص الليل
ساره / انت فكرت فكل ده عشانى
اسلام / لا الحقيقه كانت مؤامره جماعيه يعنى الكل ساعدنى بس المفاجاه بتاعه الصبح كانت فكرتى
ساره / الحمد لله سندس مبتغيرش نفسها تتصل و تعمل انها فى مشكله و تعيط و تصرخ و تطلع عينى بجد فيوم هموت مالخضه عليها
اسلام / بكره تعقل المهم يلا اللحقى اجهزى عشان متتاخريش انا هوصلك بنفسى يلا اتحركى
ساره / بالراحه حاضر
...............
فى الجنينه عالغدى الكل قاعد على ترابيزه طويله ناهد قاعده جنب ام حمدى
حمدى / انا بقول خير البر عاجله و ننزل بكره نلف عالقاعات و نشوف اقرب تاريخ كلو جاهز مش شايف سبب للعطله بقى
اسلام / انت عاوز تتجوز امته
حمدى / امبارح يا جدع دانا خللت جنبكوا
محمد / لا يا شيخ
سندس / طب منعمله هنا فى الجنينه الخميس الجاى
اسلام / فكره حلوه
سندس / الخميس الجاى كويس
حنان تشرق الكل يبصلها
ساره / تمام يا حنان
حنان / لا تمام بس انا اتفاجات يعنى
حمدى / الشقه مفروشه بقالها فتره و لولا سفر اسلام و بعده حادثه محمد كان زمانا اتجوزنا و لا ايه يا جماعه
ناهد / انا بقول نقرا الفاتحه و الخميس الجاى الفرح
سندس / اعملوا حسابكوا انا اللى هنظم الفرح
محمد / شكلها هتبقى شغلانتك دى
سندس / ومالو على فكره الايفنت بلانر دا مشروع مربح جدا و مطلوب بشكل كبير و انا بحب اعمل الحاجات دى
محمد / اهم حاجه انك تكونى بتحبيها
اسلام / طب سندس اللى لسه فى اولى قررت هتعمل ايه لما تتخرج البيه اللى هيتخرج كمان كام شهر ناوى على ايه
محمد / ايه الاحراج ده
سندس / عادى خد وقتك و شوف حاجه بتحبها و ابدء فيها
محمد / ربنا يسهل
اسلام / طب ايه نطفى الشمع بقى عشان نلحق نتفسح
فريده / انا باس معلش انتى عارفه الاولاد عندهم تمرين و انا لازم اكون معاهم
مهاب / مش مهم النهرده
فريده / قولى مره فوقت على ولادى تمرين
مهاب يبص الناحيه التانيه
فريده / مره تانيه
ناهد / و انا كمان مش هقدر اجى خليها سهره شبابى احسن
سندس / ايه يا جماعه مالكوا
محمد / انا كمان مش هقدر اروح برجلى دى معلش يا ساره اعزرينى
ساره / ولا يهمك
اسلام / احسن خليكوا انا هاخد ساره لوحدنا
شوق / دا بعينك انا جايه
حنان / و احنا و لا ايه يا حمدى
ام حمدى / روحونى الاول و روحوا مكان مانتوا عاوزين
اسلام / و انت يا صاصا جاى
مصطفى / خايف ابقى تقيل
اسلام / تقيل ايه يا جدع دانت من العيله خلاص
مصطفى / خلاص اجى
طارق / و احنا طبعا جايين و انت يا مهاب جاى و لا كبرت عالحاجات دى و هتقعد فى البيت مع العواجيز
مهاب / لا جاى
اسلام / تنور
.......................
فى البيت بالليل فى اوضه محمد
محمد / كنتى روحتى معاهم
سندس / هو انا تقيله عليك اوى كدا الحق عليا انى مرضتش اسيبك لوحدك يعنى
محمد / لا بس دا عيد ميلاد اختك يعنى كان المفروض تبقى جنبها
سندس/ صدقنى اختى اتعملها عيد ميلاد انا نفسى مكنتش احلم بيه اقولك سر
محمد / قولى ياختى
سندس / من سنتين كان اول عيد ميلاد ليا منغير بابى كان دايما يعمل حفله كبيره و بلالين و دى جاى و عرايس و فقرات كانت حفله وهم بس لما مات كل حاجه ماتت معاه جه يوم عيد ميلادى و لقيت ساره جيبه تورته صغيره اوى على قدى انا و هى و تيته بس اللى حضروا و طبعا يادوب طفينا الشمع ساره استاذنت عشان الشغل و تيته كانت تعبانه من المشاكل و خدت الدوا و نامت بدرى و انا فضلت طول الليل بعيط
محمد / ليه
سندس / عشان لوحدى عشان لاول مره احس انى لوحدى مليش حد
محمد / عشان كدا السنه اللى فاتت عزمتى الكليه كلها
سندس / و تصدق انى برده كنت لوحدى و برده فضلت اعيط طول الليل لحد الصبح
محمد / اكيد مش رميتى هديتى فى الميه
سندس / امممم
محمد / ايه
سندس / بصراحه انا لسه محتفظه بيها عندى
محمد / مانا خدت بالى لما قولتيلى انت جايبلى برفيوم رجالى عرفت اكيد انك فتحتيها
سندس / انت مستفز على فكره
محمد / انا اسف على فكره بخصوص الموضوع ده
سندس / لا متعتزرش مفيش حاجه انا اصلا مكنتش بطيئك فاى حاجه منك كنت هكرهها
محمد / ليه بقى انا معملتلكيش حاجه انتى الغلطانه انتى كنتى هتخبطينى و نازله تطمنى عالعربيه انتى اللى مستفزه اوى و كمان جيتى فى وقت غلط
سندس / لا انا جيت فمعادى عالشعره اصل لو كنت اتاخرت ثانيه او بدرى ثانيه كنت هتعدى و مكناش هنعرف بعض غير يوم التحاليل متبان و ساعتها اكيد علاقتى بيك كانت هتبقى سطحيه اوى
محمد / يمكن بس برده ليه كنتى بتكرهينى و ايه اللى غير نظرتك
سندس / هههههههههههههههههههه و انت مين قالك انها اتغيرت
محمد / يا شيخه
سندس / هههههههههههههههه بص مش هكدب عليك انت من اول مره شوفتك و فى كويتشن مارك كبيره محطوطه و الغريب انها لحد دلوقت متشالتش
محمد / ليه يعنى ايه الغريب فيا
سندس / كل حاجه انت اصلا مفكش حاجه وحده طبيعيه او على الاقل بالنسبالى يعنى
محمد / مفهمتش برده
سندس / العيب فيك بقى
محمد يضربها على قفاها
سندس / هههههههه خلاص خلاص يعنى مش عارفه اقولهالك ازاى بس مختلف لما اتكلمت معايا اول مره مجبتنيش من فوق لتحت و لا ادتنى الرياكشن المريض اللى متعوده اشوفه و جيت عيد ميلادى مع اننا متخانقين تعتزر و جايبلى هديه لا و كمان بتغيظنى يعنى برفيوم رجالى
محمد / و ضربت الحيطه اللى جبتيها تضربنى اوعى تنسى
سندس / هههههههههههه اه دى فاجاتنى بصراحه بس يعنى متتغرش اوى كدا انت متجبس جنبى اهو
محمد / واحد غير سته ياختى ليه هركليز معاكى
سندس / ههههههههههههههههه
محمد / اقسم بالله انا كان كل همى يوميها انى منضربش قدامك دخلتله يا قاتل يا مقتول مهو مش على اخر الزمن هشمت حته بت زيك فيا
سندس / زيى ازاى يعنى
محمد / يعنى مدلعه و فاكره نفسها مركز الكون
سندس / دا لسه رايك فيا
محمد / الصراحه لا بس كان رايى ساعتها
سندس / امال ليه ساعدتنى يوم العجله
محمد / كان المفروض اعمل ايه اسيبك واقفه دانتى لو واحده غريبه فى الشارع اول مره اعرفها مش هعمل معاها كدا
سندس / اهو ده اكبر علامه استفهمام انت ازاى كدا
محمد/ عشان ده الصح اللى اتربيت عليه
سندس / بس انا كنت متصله اتخانق معاك على فكره كنت فكراك انت اللى عملت كدا
محمد / محستش من صوتك انك بتتخانقى حسيت انك بتكابرى بتطلبى مساعده بس باسلوبك
سندس / اسلوبى
محمد / اه اسلوب جر الشكل مناخيرك اللى عاوزه كسرها دى
سندس / و كل موقف بنا بعدها يعنى معرفتش حد فى حياتى عاملنى زيك ايه اللى يخليك تخرج معايا و احنا كارهين بعض و تعزمنى عالغدى عشان ممشيش لوحدى و تمشى معايا تحت المطر و تعيا بسببى ايه اللى يخليك تتصل بيا ليله كل امتحان تستفزنى عشان ازاكر ايه اللى يخليك تصمم تركب العربيه و انا رايحه الحفله بتاعه ماجد و غيرها و غيرها ليه ها
محمد / عشان بخاف عليكى على فكره
سندس / اه ليه بقى بتخاف عليا ليه انت المفروض بتكرهنى
محمد / لا مبكرهكيش انتى زيك زى حنان و شوق تخصينى و اى حد يحاول يلمس شعره منكم مش هتردد ثانيه انى اقتله
سندس / انت ليه مش بتحط مالبرفيوم اللى اديتهولك
محمد / عشان غالى اوى
سندس / عندى منه كتير هجيبلك غيره
محمد / لا يا هبله قصدى غالى فى القيمه كتير عليا اكيد هيجى يوم و احط منه يوم احس فيه انى استاهل اكون فيها فى المكانه اللى حطيتنى فيها استاهل اشيل المسؤليه اللى حطيتيها عليا
سندس / انت اوفر اوى
محمد / بيتهيالك
تليفون سندس يرن
سندس / دا يوسف ... الو ازيك ... لا مفيش مشكله مكنتش بعمل حاجه مهمه ..... يا راجل دا على اساس انك هتيجى كل يوم يعنى .... لا وادايق ليه تنور .... لا بكره مبخرجش بقضيه كله فى الجيم .... فى بيتنا ...ههههههههههههههههه اه فلوسنا كتير ........... ههههههههههههههههههههه بس بقى مش قادره بجد .........مفتكرش فى مشكله ......ههههههههههههههه
محمد يشد التليفون منها و يقفل السكه
سندس / انت مجنون ازاى تعمل كدا
محمد / تليفونك فى ايدك و اطلعى بره
سندس / انت بتطردنى
محمد / اعتبريها كدا
التليفون يرن تانى
محمد / ردى عالبيه لحسن يقلق اطلعى بره
سندس تقف تبصله و التليفون بيرن فى ايدها
محمد / مش هكرر كلامى بره
سندس تاخد نفس و تبصله بعزه و تمشى و ترزع الباب وراها و محمد واقف متنرفز عالاخر
..................
فى المركب فى النيل
مصطفى / انتى واقفه لوحدك ليه
شوق / عادى يعنى
مصطفى / انتى مخصمانى يا شوق
شوق / ابدا ليه
مصطفى / يعنى حاسس انك مش بتكلمينى خالص كنتى بتيجى تسالينى فى كل حاجه دلوقت معدتيش بتكلمينى اصلا حتا لما باجى اكلمك بتقفلى فى الكلام
شوق / اتعلمت خلاص مش هقعد طول عمرى اسالك فى كل صغيره و كبيره يعنى مش غبيه اوى كدا
مصطفى / انا عارف بس حاسس انك متغيره ناحيتى لو عملت حاجه تدايقك قوليلى
شوق/ ابدا مفيش حاجه
مصطفى / على العموم لو فى اى حاجه مديقاكى من ناحيتى ياريت تقوليلى علاطول بصى احنا قبل منكون شركا فى الشغل احنا جيران و زمايل فى شغلانه و بنا عيش و ملح و صدقينى مبحبش يكون فى حساسيات بنا
شوق/ متنساش تعزم اخواتك البنات على فرح حنان اكيد هفرح لما اتعرف عليهم
مصطفى / يبقى اكيد هعزمهم
.......
ساره و اسلام بيتكلموا و يدحكوا الناحيه التانيه و مهاب واقف بعيد يبص عليهم طارق يروح يقف معاه
طارق / مالك واقف لوحدك ليه
مهاب / بشم هوا  النيل
طارق / اوعى تكون زعلت منى يعنى لما قولت ان اسلام خطب ساره
مهاب / انا مبزعلش منك يا طارق دانت اخويا يا جدع
طارق / مع انى مش هنكر انهم لايقين على بعض فرق السن و الكيميا اللى بينهم انا متاكد انه هيعوضها عن كل اللى فات
مهاب يبصله
طارق / هى بنت حلال و تستاهل كل خير عن اذنك
طارق يمشى و مهاب يبص عليه
........................
فى البيت
محمد يدخل اوضه سندس يلاقيها لابسه الاسدال و بتصلى يروح يقعد عالسرير تسلم
محمد / حرما
سندس / عاوز ايه مش طردتنى  من اوضتك
محمد / اسلوبك اهو اهو شيفاه بدل متقوليلى صالحنى بتجرى شكلى
سندس / بتهزر كمان
محمد / دعيتيلى و انتى بتصلى
سندس / لا
محمد / ماشى يا بخيله كلمتى سى يوسف
سندس / قولتله الموبايل بيفصل و هحطه فى الشاحن و اخش انام
محمد / كدبتى ليه
سندس / مين انت عشان تحاسبنى
محمد / انا جاى اراضيكى متسوقيش فيها الحق عليا يعنى مهنش عليا انام و انتى زعلانه
سندس / و مين قالك انك فارق معايا
محمد / ماشى انا قايم
سندس / استنى هنا رايح فين متخالينيش ادايقك بقى
…………………………….