سكه السلامه بقلم / لولو_محمد (كامله )

الحلقه ٥٠

(((((((سكة السلامة )))))))
#لولو_محمد
الحلقه الخمسون
مصطفى / لو عجباكى خديها
شوق / دانا ازودهالك
مصطفى / كنتوا بتتكلموا فى ايه
شوق / حنان
مصطفى / كويس
شوق / كويس
مصطفى / هو انتوا فستختوا خطوبتكوا ليه صحيح
.........................
شوق / مفيش نصيب
مصطفى / اصلى مش بحس بينكوا باى حساسيات
شوق / دا برده ابن عمى
مصطفى / يعنى لو اتقدملك تانى
شوق / لا طبعا
مصطفى / طب اكمل السؤال
شوق / انا و عبده مينفعش نكون اكتر من ولاد عم هو اصلا عمره محس نحيتى بحاجه يعنى عمى هو اللى كلم بابا الله يرحمه و كدا بس انا و هو مفيش بنا مشاعر اكتر من اخوه بس
مصطفى / ماشى
شوق / اخبار اخواتك ايه
مصطفى / كويسين
شوق / انت فى حاجه مديقاك
مصطفى / متاخديش فبالك
شوق / ازاى مش احنا صحاب
مصطفى يبصلها
شوق / اسفه
مصطفى / لا لا مش قصدى دا يشرفنى
شوق / انا بجد الفتره دى تعبانه اوى امتحانات محمد و سندس و الشغل و حمل حنان و البيت كل حاجه مش عارفه مخنوقه شويه
مصطفى / الواحد فعلا محتاج اجازه يغير فيها جو
شوق / اهو محمد هيفك بكره الجبس و نشوف بقى لو هنروح مصيف و لا حاجه
مصطفى / باذن الله
شوق / احنا وصلنا
مصطفى / الطريق بيقصر كل مره
شوق / هههههههههههههههه متيجى تشرب حاجه
مصطفى / لا انا ورايا كام مشوار كدا لازم اخلصهم
شوق / اوك اشوفك بكره سلام
مصطفى / سلام
........................
فى الحاره محمد و سندس يركنوا العربيه
حمدى / اتارى الدنيا منوره البيت بتشطب و هيبقى اخر اللسطه
محمد / انا مش جاى للبيت المرادى تسلم يابو حميد
سندس / احنا جايين نبص على نونو
محمد / فوق اطلعولها
سندس / اوك سلام
محمد و سندس يطلعوا يخبطوا على شقه تفتح ام حمدى
سندس / ازيك يا طنط حنون فين
حنان تطلع مالمطبخ سندس تجرى عليها تحضنها
محمد / ازيك يا طنط
الست / ازيك يا محمد يابنى اخبار الامتحانات ايه
محمد / خلصت اخر ماده النهرده قولت لازم اجى ابص على ام عتريس
حنان / ام عتريس فعينك عاملين ايه
محمد / زى الفل طمنينا انتى عليكى
الكل يقعد
الست / تشربوا ايه
محمد / ولا حاجه احنا مش ضيوف
الست / لا ازاى
محمد / والله مش عاوزين نتعبك
الست / هجيب ساقع
حنان / اخبارك يا مزه
سندس / الحمد لله
تليفون سندس يرن و الست تدخل بالساقع
سندس / دى نيرمين ..... ازيك يا واطيه كلمتك امبارح خمستاشر مره ....... ههههههههههههههههههه يخربيت كدا ..... كان امتى والله معرف ..... ملحوقه ..... طبعا بصى هزبط مع محمد يوم و اقولك
محمد / يوم ايه
سندس / لا اكيد بعد الافتتاح ...... الاسبوع الجاى فعلا ............ ربنا يسهل ادعيلو ............... ليه بس .... اوك سلميلى عليهم سلام
محمد / يوم ايه
سندس / عيد ميلادها عدى و انا مكنتش اعرف و هنروحلها يوم و كدا و مش هتقدر تيجى الافتتاح عشان عندها كورس المهم
حنان / المهم انكوا هتتغدوا معايا النهرده
محمد / والله مينفع ورانا مليون حاجه
سندس / النهرده هنسهر طول الليل نبص فى السى فى هات عشان بكره نقرر مين اللى هيكمل معانا و مين اللى هيتالش
محمد / انتى عارفه الافتتاح الخميس الجاى
حنان /فاضل اسبوع بحاله
محمد / معلش يا نونو بقى متعوضه
الست /مشربتوش حاجه
محمد / نشرب موغات عتريس بقى
حنان / عتريس فعينك يا جزمه
سندس تبوس حنان
حنان / عقبالك
محمد / متدعيش عالبشريه
الست / حرام عليك هو هيبقى فى زى عيال سندس
سندس / قوليله يا طنط يلا مع السلامه
.....................
فى الفيلا
يوسف / الواد ده كويس كان دفعتى شوفه
يوسف يدى السى فى لمحمد ياخده و هو متافف يبص فيه بصه و يقوم سندس تقوم وراه
سندس / تعبت و لا ايه
محمد / لا اتخنقت انا عاوز افهم يوسف ده بيعمل ايه هنا
سندس / بيشوف الناس الكويسه
محمد / احنا متفقناش على كدا
سندس / هو الوحيد اللى فاهم
محمد / خلاص كملى انتى معاه بقى
سندس / بس بقى بطل رخامه
محمد / انا هروح اشوف اسلام فين خلصى الحوار ده بقى انتى و يبقى يطلع واحد فيهم اى كلام هنفخك
سندس / ههههههههههههههههههههه ماشى
........................
فى المكتب
محمد / بتعمل ايه
اسلام / و لا حاجه خير
محمد / سندس هتنقطنى احنا اتفقنا ان انا المدير صح
اسلام / حصل
محمد / طب هو يعنى عشان سكت لما عينت يوسف تخليه هو اللى يشوف السيفيهات معانا
اسلام / من يوم العيال اياهم و انا حاطه تحت عينى لا مخالفه عربيه و لا اتمسك تحرى حتى حتى الاتنين للى ماشيين وراه مبيعملش اى حاجه وحشه
محمد / و انت اشعرفك انه مش عارف انه متراقب و مظبط اموره
اسلام / تبقى مصلحه يفضل مظبطها لحد منظبط احنا كمان امورنا
محمد / هتنقط
اسلام / بقولك ايه
محمد / قول
اسلام / انا بفكر اطلع عمره متاخره بس بقول مدام انت فكيت الجبس نشوف اول رحله و نروح كلنا ايه رايك مش هنستنى الحج احنا
محمد / حد يكره نعمل الافتتاح و نسافر
اسلام / ماشى هكلمهم و نشوف مين جاى
محمد /  ماشى انا هروح اشوف الوكسه اللى هناك
اسلام / هههههههههههههههههههه ربنا يعينك
......................
فى القهوه
حمدى / عاش من شافك يا درش فينك
مصطفى / مقصر انا عارف بس والله الشغل قاطم ضهرى
حمدى / و لا يهمك المهم انك جيت
مصطفى / كنت عاوزك فحوار
حمدى / خير ازميلى اؤمر
مصطفى / انا ليا واحد صحبى عنده حوار كدا و انا مش عارف افيده فقولت اجى اسالك يمكن ترسينى
حمدى / احكى
مصطفى / بص هو يعرف واحده
حمدى / واحده من انهى نوع
مصطفى / لا لا بنت ناس هى زميلته فى الشغل
حمدى / شغل ايه
مصطفى / انت هتقعد تسال متخلينى احكى
حمدى / احكى
مصطفى / بص هو فى الاول البت مكنتش فدماغه و كدا بس مع الوقت بقى حس انه مش عارف اقولها
حمدى / اتعود عليها
مصطفى / حاجه زى كدا
حمدى / كمل كمل
مصطفى / المهم بقى ايه هى فى الاول كانت بتتعامل معاه حلو اوى
حمدى / كويس
مصطفى / لا مش كويس هى فجاه اتغيرت و بقت بتجننه و ساعات تعامله كويس و ساعات تحلقله خالص و هو بقى متلخبط
حمدى / طب ايه سبب التغير يعنى هو عمل حاجه كدا و لا كدا
مصطفى / لا خالص
حمدى / بص يابنى البنات دول متعرفلهمش اصلا بس انا لو منه يعنى ادخل البيت من بابه
مصطفى / طب انت عملت ايه حنان مثلا كانت اخت صاحبك و بنت حتتك و كدا
حمدى / حنان مكنتش مديانى وش اساسا يعنى اخرها لما اجى جنبها تبص فى الارض بس انا فضلت مستنى اى حاجه تحصل ابدا اى اشاره ادخل منها ابدا
مصطفى / اه و بعدين
حمدى / قولت فعقلى لو سلامه عرف هينفخنى و البت هتطير قولت انا و نصيبى بقى و اتشجعت و فاتحته
مصطفى / طب انت ربنا سترها معاك ووافقوا افرض كانوا رفضوا كنت ساعتها هتخسر حنان و سلامه
حمدى / لا ياعم مكنتش هتوصل لكدا عمرها اصل سلامه عاقل و انا يعنى نيتى كانت سليمه و دخلت البيت من بابه
مصطفى / بس انت حوارك سهل صحبى بقى البت دى كانت مخطوبه و خطيبها نط فى الحكايه و هى بقى كل شويه يتكلموا
حمدى / لا كدا الموضوع كبر يا صاحبى و البت ممكن تطير بس اقولك ميمكن الموضوع فركش
مصطفى / فركش ازاى يعنى انت لو كنت خاطب واحده و الموضوع ممشيش ترجع كدا عادى تتكلم معاها و كان مفيش حاجه حصلت طبيعى ده
حمدى / انت قولتله ايه
مصطفى / معرفتش افيده والله انت عارف انا فى الحاجات دى لخمه
حمدى / بص يابنى انت تقوله لو البت دى تلزمك روح لاهلها وش و ياصابت يا خابت
مصطفى / مش عارف هقوله
حمدى / اه و انت بتقوله قوله ميحورش عليا تانى مش كل مره هعديها
مصطفى / مش فاهم
حمدى / انت هتستهبل يا مصطفى و داخل عليا بفيلم و صاحبى و بت و بتاع متقول انا مكسوف منى يا جزمه
مصطفى / انت ؟؟؟
حمدى / شوق بنت حلال و متربيه
مصطفى / ايه ؟؟؟
حمدى / ههههههههههه ايه يا هبل انت فاكرنى مش واخد بالى الا مفى مناسبه و لا لمه الا لما تاخدها على جنب و تقعدوا ترغوا بص فى الاول كنت بالعها بس لما بدات تقول حنان و بتاع حسيت و لما قولت خطيبها بقى قولت بس هو كدا
مصطفى / مش سهل انت يا حمدى
حمدى / اطلع من هنا على سلامه و كلمه
مصطفى / وقته ده
حمدى / انسب وقت متضمنش ايه اللى ممكن يحصل معاهم بكره
مصطفى / طب لو رفض او هى رفضت هتعامل معاها ازاى فى الشغل
حمدى / خليك برفشنال
مصطفى / اخلينى ايه
حمدى / محترف يعنى الشغل ملوش دعوه بالحب و لا الكلام ده و بعدين مش هترفض هو انت تترفض يا درش
مصطفى / متزعلش منى فى اللى هقوله يا صاحبى بس انت لما اتقدمت لحنان كان سلامه ايه لكن انا لما هتقدم لشوق شوف بقى ايه
حمدى / لو سلامه سمع البق ده هيزعل و هيزعلك
مصطفى / تفتكر
حمدى / سلامه ابن اصول ميغيروش القرش خصوصا على صحابه و اهل حتته دا من يوم ملقى اهله مفيش حد من اهل الحاره قصده فى حاجه الا لما عملهاله اللى عاوز شغل و اللى عاوز فلوس متاخرش عن حد فحاجه
مصطفى / فدى على يدى و انا اولهم
حمدى/ روحله و كلمه ........... انت خايف من ايه تحب اكلمهولك
مصطفى / لا لا انا هكلمه
حمدى / تمام و ابقى طمنى
مصطفى / ماشى انا هخلع انا بقى
حمدى / قضيت كدا يعنى اتعشت و نامت اقعد ياض لاعبنى مطشين طاوله
مصطفى / اعتبرنى خسرت انا ضايع النهرده
حمدى / ههههههههههههه من يومك يلا طير
........................
قبل الافتتاح بيوم
ساره و سندس و اسلام و محمد و يوسف فى السنتر و جاهز و عمالين يعلقوا بلالين و زينه
ساره / دا عيد ميلاد مش افتتاح ايه كل ده انا تعبت
تليفون اسلام يرن
اسلام / دا مصطفى ....الو ... الو ...... الشبكه وحشه اوى
يوسف / ادخل المكتب
اسلام يروح المكتب باب سوكريت ضرفتين عليه لوجو السنتر كل ضلفه ليها مقبض دهبى طويل
يوسف / البلالين خلصت الحمد لله
سندس / لا فى المكتب
محمد / حرام والله داحنا لو يهود مش هنتعذب كدا
يوسف / انشف كدا داحنا لسه فاولها
يوسف يحط ايده على كتف محمد محمد يحرك كتفه ينزلها
محمد / انا غلطان اوعى
سندس تروح المكتب محمد يروح وراها
يوسف / انا هنزل اجيب حاجه ساقعه و شيبسى و لا اى حاجه بدل مالواحد هياكل دراعه فى المكان ده
ساره / هههههههههههههههه طب منطلب دليفرى
يوسف / مش قادر استنى والله و بقول اخلع قبل مسندس تجيب البلالين يعنى اخد نفسى
ساره / اوك روح
يوسف ينزل و ساره تدخل المكتب اسلام بيتكلم فى التليفون و محمد و سندس بيدحكوا فى جنب
اسلام / فاى وقت مفيش مشكله...... هستناك فى الفيلا حاضر ........ امال فين .............لا  احنا خلاص قربنا نخلص .............. هكلمك و انا نازل ...... يلا سلام
سندس / انتى سبتى يوسف لوحده بره
ساره / نزل يجيب حاجه يكلها
اسلام / ااااااااااخ فاتتنا دى الراجل واقف معانا من الصبح
محمد / و هو احنا اللى دوقنا حاجه مهو على يدك سحلانا وراها
ساره / ملحوقه نخلص و نطلع كلنا نتغدى بره
اسلام / لا انا هعتزر مصطفى عاوزنى فموضوع ضرورى
محمد / خير
بره فى ناس ملثمه حطت جنزير بقفل حوالين مقابض الباب و بيدلقوا جاز عالاجهزه بسرعه و يولعوا و يقفلوا الباب و يمشوا يسمعوا الصوت 
ساره / اكيد يوسف رجع
محمد يروح يحاول يفتح الباب مبيتفتحش يبص لاسلام اسلام يروح يجرب مبيتفتحش
اسلام / ساره خدى سندس و ارجعى لورا
ساره / هتعمل ايه
جهاز الحريق يشتغل و المكان كلو يبقى ميه
محمد يمسك كرسى و يرزعه جامد فى الباب ينزل فتافيت يبص بره يلاقى الاجهزه مولعه و المكان غرقان ميه سندس تصرخ و تحاول تجرى اسلام يمسكها محمد واقف مصدوم و كلهم غرقانين ميه الباب يخبط الكل يبص عالباب
اسلام / خليكوا هنا
ساره تحضن سندس بتعيط و اسلام يروح يفتح و محمد وراه يطلع يوسف محمد يشوفه يهجم عليه يوقعه فى الارض و اسلام بيحاول يحوش
محمد / يابن الكلب دفعلك كام عشان تعمل كدا
يوسف / فى ايه ايه اللى حصل
اسلام / بس يا محمد بس
محمد / مين له مصلحه يعمل معانا كدا مين
يوسف / نهار اسود ايه اللى حصل
سندس / قفلوا الباب علينا وولعوا فى الحاجه
ساره / الحمد لله على فكره محصلش حاجه لكل ده يتصلح
محمد / هو ايه اللى يتصلح المكان باظ كل الاجهزه ان مباظتش مالحريق باظت مالميه و الحيطان و كل حاجه
اسلام / اهدى يا محمد اهدى
يوسف / انت متخيل ان انا اللى عملت كدا
محمد / امال تفسر بايه انك الوحيد اللى مكنتش موجود
يوسف يجيب كيس الحلويات مالارض و يرميه تحت رجل محمد بعنف
يوسف / انزل دور على اقرب كشك اجيب منه الحاجات دى و شوف هتوصل فى اد ايه و تنقى و ترجع فى اد ايه و قبل متتهمنى بحاجه زى دى فكر لثانيه انا ايه مصلحتى
محمد / و انا اش عرفنى
سندس / اهدى يا محمد
يوسف / انا مش قاتل ماشى يعنى لو انا بكرهك اوى كدا اكيد مش هاذى سندس يعنى دا على اساس انى بكرهك و حتى لو حد فى الدنيا يحرق مكان كان هياكل منه عيش يا ناس
اسلام / اهدى يا يوسف انت كمان معلش
يوسف / والله لولا انى مقدر كميه الخساره و الصدمه مكنت وقفت ثانيه واحده ادافع عن نفسى بس انا عارف هو حاسس بايه
محمد يبص حواليه و ينزل سندس تجرى وراه اسلام يحاول يمنعهم ميلحقش
يوسف / انتوا كلمتوا البوليس و لا لا
اسلام / هكلمهم اهو
.......................
فى الشارع محمد ماشى على رجليه سندس تجرى وراه و تمسك ايده يسحب ايده من ايدها
محمد / انا عاوز ابقى لوحدى دلوقت لو سمحتى
سندس / انا مش هسيبك لوحدك
محمد / بصى انا عفاريت الدنيا بتتنطت فوشى
سندس تبصله
محمد/ لا اله الا الله انا محتاج اكون لوحدى محتاج افكر
سندس / و انا محتاجه ابقى معاك
محمد / تاكس
تاكس يقف محمد يفتح الباب و يزقها و يقفل الباب و يطلع فلوس و يديها للسواق
سندس / هنصلحه هنخليه احسن مالاول مدام احنا سوا هنقدر صدقنى هنقدر اسمعنى بس
محمد / روحها لو سمحت
التاكس يمشى و سندس تفضل تبص على محمد واقف فى الشارع لحد ميروح من عينها
سندس / اقف بقولك اقف ... امشى
السواق / الفلوس
سندس / حلال عليك امشى
سندس تنزل مالتاكس ترجع تلاقيه ماشى باصص فى الارض يرفع عينه يشوفها تلف و تجرى الناحيه التانيه يدحك
محمد / هههههههه انتى هتجرى تعالى يا هبله
سندس ترجع و هى موطيه راسها
سندس / هيبقى احسن البيت بقى احسن و الميكروباص بقى فى مكانه سنتر كبير هيبقى احسن
محمد / و لحد امتى يا سندس لحد امتى هفضل ابنى و هما يحرقوا
سندس / طول مفينا نفس انا جنبك اهو عاوز اكتر من كدا ايه يعنى
سندس تغمزله يدحك
تليفون محمد يرن
محمد / ايوه .... لا مبعدناش .... حاضر .... سلام
سندس / خير
محمد / عاوزينا نرجع عشان كلموا البوليس و زمانه جاى نكون موجودين قال يعنى عندنا اقوال نقولها
سندس / مش مشكله
محمد يرجع مشى و سندس تمسك فى ايده يبص عليها و يمسك ايدها و يمشوا سوا
.........................