(((((((سكة السلامة ))))))
#لولو_محمد
الحلقه الخامسه و السبعون
محمد / هههههههه طب مانا هفضل طول عمري فحضنك
سندس تشبك ايدها فايد محمد
سندس / كلها كام يوم و نرجع مصر و انت تروح السنتر و انا اروح الكليه و كل واحد يروح فدوامته
محمد / مين قال كدا هو انتى مش هتيجى معايا الشغل و لا ايه انتى مش شريكتى و لا ايه
سندس / ههههههههههههه
محمد / و بعدين مين هيزاكرلك مش انا هتلاقى استاذ احسن منى
سندس / انت ملكش زى عشان يبقى فى احسن منك
محمد / بحبك يا بت
……………………………
سندس / كل شويه اقعد احلم لما يجى ابننا و اقعد احكيله ازاى اتعرفت على باباه قد ايه كنت ضايعه و قد ايه كان راجل معايا قد ايه ....
محمد / قد ايه كنتى حنينه و قد ايه كنتى جدعه و قد ايه كنتى شجاعه
سندس / انا عوزاه يطلع زيك يمكن انا مش زى طنط امينه يمكن مش هعرف اعلم عيالى الحاجات اللى علمتهالكوا بس انت موجود معايا و هتساعدنى
محمد / انتى بس خليهم يبقوا زى سندس و ده لوحده كفايه
سندس / اتنين منى فى الدنيا
محمد / معاكى حق كفايا عليا واحده مجننانى اتنين مش هقدر استحمل
سندس / انا بقول خمسه سته
محمد / نركز احنا فى النسخه الاولى دلوقت و بعدين الباقى هيجى لوحده
سندس / هههههههههههههههههههههههههههههه
...........................
مصطفى راكب بيتش باجى و شوق وراه و اسلام راكب واحد
اسلام / اركبى
ساره / لا هركب واحد لوحدى
اسلام / و ليه بقى ان شاء الله
ساره / هسابقك لو سبقتنى يمكن اعملك حاجه تبسطك النهرده
ساره تغمزله
اسلام / انا فى الاصل سواق يا بنتى
ساره / هنشوف
ساره تركب بتاعها و اسلام يبصلها و يطلعوا يجروا و حبه حبه اسلام يسبق و ساره تتاخر اسلام يبص وراه ميلاقيهاش يدحك و يكمل و اول ميوصل شويه و مصطفى و شوق يوصلوا
مصطفى / ايه ياعم كنت طاير
اسلام / قال و عامله بتسابقنى و هتيجى اخر واحده
...........................
مصطفى / انت تسابق عشان لوحدك لكن انا معايا شوق مجازفش و هى معايا انما لو كنا لوحدينا كنت سبقتك
اسلام / انسى
مصطفى / احنا فيها نتسابق
اسلام / ساره تيجى بس و نتسابق تانى و نشوف انا و لا انت الاسرع
شوق / ايوه ... لحظه لحظه بس هى كانت سبقانا و احنا مشوفنهاش و احنا فى الطريق سبقناها ازاى يا مصطفى
مصطفى / يمكن حاولت تاخد طريق مختصر
اسلام / يمكن رجعت الفندق خليكوا هنا انا هروح الفندق لو لقيتها هكلمكم لو جت كلمونى بس الاول اتصل بيها اشوف
اسلام يطلع الموبايل و يتصل بساره غير متاح يطلع يجرى
...................
فى الفندق
اسلام يطلع الاوضه ميلاقيش ساره ينزل الاستقبال
اسلام / لو سمحت ساره الميهى اوضه 607 جت
الاستقبال / لا يا فندم مشوفتهاش
اسلام يطلع يجرى على اوضته يفتح يبص ميلاقيهاش يطلع البلاكونه يدخل الحمام يبص فى الدولاب و تحت السرير يقفل الباب و يجرى يرزع على باب محمد محمد يفتح مفزوع
اسلام / ساره عندك
محمد / لا ايه هيجيبها هنا
اسلام / احلف
محمد/ والله
سندس تطلع
سندس / فى ايه يا ابيه ساره فين
اسلام ينزل يجرى محمد و سندس يدخلوا يلبسوا و اسلام يتصل بمصطفى
اسلام / جت
مصطفى / لا هى مش عندك
اسلام / لا
مصطفى / انا هبلغهم فى السنتر هنا نطلع ندور عليها
اسلام / انا فى الطريق ليك اتعامل على ماجى
.........................
بالليل قرب الفجر
سندس قاعده بترتعش و شوق ماسكه ايدها و محمد فى الاوضه رايح جاى
شوق / اقعد يابنى وترتنا اكتر ماحنا متوترين
محمد يطلع موبايله
محمد / الو .... لقيتوا حاجه ... يعنى ايه مش قبل اربعه و عشرين ساعه افرضوا تاهت .... يعنى ايه ... تمام تمام انا هاجى ادور معاكوا عليها .... يعنى ايه اخلينى ......... تمام تمام حاضر
محمد يقفل و ينفخ سندس تبصله
محمد / مفيش جديد بس هيروحوا يدوروا بنفسهم تانى باذن الله يلاقوها معاهم ناس كتير المرادى و طبعوا صورتها و هيدوروا
سندس تعيط محمد يروح يقعد جنبها
سندس / انا خايفه اوى يا محمد
محمد / متخافيش ساره بخير ساره هترجع انتى فاهمه هتبقى كويسه
سندس / انا خايفه
محمد يحضنها و يطبطب عليها و شوق بتعيط
.........................
فى فيلا تحت الانشاء اوضه عالمحاره فيها وناسه و سرير ساره نايمه مربوطه فى السرير و بتحاول تفك نفسها و محطوط لزقه على بقها مهاب يدخل تشوفه تتفزع و تحاول تفك نفسها اكتر و تحاول تصرخ بس صوتها مش طالع مهاب يقعد جنبها و يعدى ايده على شعرها تحاول تبعد
مهاب / وحشتينى
ساره تبصله و عنيها كلها دموع يفك اللزقه من على بقها تصرخ باعلى صوتها
ساره / الللحقووووونى
مهاب / خدى راحتك ...اصرخى... اعلى... كمان .... مفيش صريخ ابن يومين فى المنطقه كلها انتى بتاعتى و من النهرده مش هسمح لحد يشاركنى فيكى
ساره / اسلام هيقتلك
مهاب/ دوره جاى دوره جاى اخليه يقلق عليكى شويه و بعدين اخلص عليه براحتى
ساره / انت مريض
مهاب يمسكها من شعرها
مهاب / مريض بيكى مجنون بيكى انتى و بس
ساره / انت بتعمل كدا ليه عاوز منى ايه يا اخى عاوز منى ايه
مهاب / عاوزك ... بحبك و عاوزك انتى ايه حجر قلبك ده مبيحسش
ساره / اعتقنى لوجه الله اعتقنى و انا مش هقول لاسلام اى حاجه
مهاب / اسلام اسلام اسلام مين هو اسلام يفرق عنى ايه انطقى قوليلى شوفتى فيه ايه
ساره / حرام عليك بقى اتقى ربنا
مهاب / انتى بتاعتى و انا بدافع عن حقى
ساره / انهى حق انت خاطفنى انا ست متجوزه انت خطفت مرات واحد تانى
مهاب / اخرسى انتى سامعه اخرسى انتى عارفه انا جبتلك ايه معايا
ساره / مش عاوزه منك حاجه سبنى امشى فكنى يا اخى بقى
مهاب يمسك كيسه و يطلع منها قميص نوم احمر
مهاب / فاكره ده
ساره / مستحيل
مهاب / دا اول قميص نوم لبستيهولى فكراه اكيد فكراه شمى لسه فيه ريحتك
مهاب يحطه على وش ساره تشمه و هى تحاول تبعد راسها
مهاب / من النهرده مفيش مخلوق هيدخل بينا عاوزين الفلوس ياخدوها حتى فريده هطلقها
ساره / انا مش ليك انا متجوزه
مهاب/ حتى ده هقتله
ساره / لا
مهاب يحاول يقلع ساره خاتم اسلام و هى تقفل ايدها و تصرخ و هو يشده من ايدها بالعافيه
مهاب / انتى بتاعتى انتى فاهمه بتاعتى انا بس
مهاب يقطع هدوم ساره و هى بتصرخ و مش قادره تفك ايدها مالحبل تبعده عنها
مهاب / بتاعتى حقى بتاعتى
...........................
فى شقه مهاب فريده تفتح الباب و تدخل تدور فى الشقه مفيش حاجه تفتح اللاب بتاع مهاب تدور فى الملفات و تقفله تانى تدور فى الادراج تحاول تفتح الخازنه اول مره لا تانى مره تفتح
فريده / تاريخ ميلاد ساره اهم من تاريخ ميلادك
فريده تلاقى مجموعه سيديهات تفتح اللاب و تشغل واحد تلاقى فيديو لمهاب مع روبى تقفل اللاب و تحط ايدها على قلبها و تتنفس بصوت عالى تسمع باب الشقه بيتفتح تاخد كل السديهات تحطها فشنطتها و تقفل الخزنه و اللاب بسرعه و تقوم تبص فى المكتبه مهاب يفتح الباب
مهاب / انتى ؟؟؟
فريده / فى غيرى معاه المفتاح ؟؟؟
مهاب / خير
فريده / ازيك
مهاب / الحمد لله لسه راجع من عند واحد صاحبى لوا كبير بيدوروا على ساره فكل حته
فريده /تفتكر راحت فين
مهاب / و انا اش عرفنى انتى قاعده؟؟؟ انا ورايا شغل يادوب اخد دوش و اغير و انزل
فريده / وصلنى فطريقك جيت تاكس مفياش اعصاب اسوق
مهاب / اتفضلى عشان مستعجل
فريده / معلش خليك معايا النهرده اديك شايف الظروف انا محتاجاك النهرده تبقى جنبى انا و الاولاد ارجوك
مهاب / انا مش فاضى
فريده / النهرده بس و بكره اسلام هيرجع روح مكان مانت عاوز بس النهرده لازم تفضل جنبنا
مهاب / ماشى اتفضلى
.................
فى الفيلا عند ساره بالليل
ساره تفوق تلاقى نفسها لابسه القميص الاحمر و مستغطيه تعيط و تبص حواليها يمين و شمال تلاقى ترابيزه فنص الاوضه عليها اكل و ميه تبص لايدها المربوطه فى السرير و تدحك
ساره / على اساس انى هلمس اكلك على اساس ان العيشه بعد اللى جرا ليها طعم او نفس
/////////////////////////
ساره فى الشركه بتكلم اسلام عاللاب
ساره / و عرفت تتكلم اللمانى كمان برافو
اسلام / مش اوى بس كنت مجهز كلمتين مالقاموس ترحيب يعنى
ساره / انا درست اللمانى على فكره
اسلام / طب ترجميلى الجمله دى ايش ليبا ديش
ساره / ههههههههههههه بحبك
اسلام / و انا كمان
ساره/ انت لقيم على فكره
اسلام / اهو بجرب حظى
///////////////////////
ساره تبص على صابعها و تعيط
....................
فى اوضه ساره فى الفندق اسلام قاعد على كرسى و سرحان
///////////////////////
ساره / هسابقك لو سبقتنى يمكن اعملك حاجه تبسطك النهرده
اسلام يبص وراه ميلاقيهاش يدحك و يكمل
///////////////////////
اسلام يقوم بعصبيه يزق كل اللى كان عالترابيزه قدامه و هو بيعيط الباب يتفتح و سندس تدخل تجرى عليه وراها محمد
محمد / فى اى اخبار
اسلام / ازاى كنت بالغباء ده ازاى سبتها لوحدها ازاى
محمد / اهدى يا اسلام ان شاء الله هنلاقيها
مصطفى / انتوا بلغتوهم فى مصر
سندس / انا كلمت اميره و هما بيدوروا هناك يمكن تكون رجعت
شوق / اى اللى يخليها ترجع ايه اللى يخليها تسيبنا و ترجع
سندس / اهو امل مش احسن متبقى ماتت
اسلام / ساره عايشه انتى فاهمه عايشه
محمد / اهدى بس كدا و تعال ثوانى
تليفون اسلام يرن يجرى يرد
اسلام / ايوه .... تمام .... مسافه السكه
سندس / لقوها لقوها
اسلام / لقوا البيتش باجى عليه شنطتها فيها الموبايل و حاجتها و عاوزينا نتعرف عالحاجه
محمد / تمام روح
اسلام / المحفظه موجوده مش سرقه
مصطفى / مهاب ؟؟؟
سندس / ابيه عمره مياذى ساره
اسلام / هنشوف
سندس تمسك محمد
سندس / ابيه عمره مياذى ساره
محمد / اهدى بس اهدى
..........................
فى مصر تانى يوم
طارق / مفيش اخبار
اسلام / مفيش لقينا شنطتها و كل حاجتها فيها موبايل و محفظه و المفاتيح مش ناقص جنيه مفيش اى بصمات عالبيدش باجى غير بصماتها و بصمات الراجل اللى خدنا منه الحاجات
طارق / و هتعملوا ايه
اسلام / فى فدماغى حاجه بس قسما برب العزه لو طلعت صح
طارق / مهاب ؟؟
اسلام / ساره مراتى مراتى يا طارق شرفى
طارق / مفتكرش انه بالغباء ده
اسلام / هنشوف هنشوف انا عشان كدا وافقت انى ارجع لازم يبقى قدامى لازم
طارق / تمام و احنا معاك احنا اجلنا السفر لحد منطمن ان ساره راجعه
اسلام يطبطب على دراع طارق و يسيبه و يمشى
......................
فى اوضه سندس
سندس نايمه فى السرير بتعيط و محمد حاضنها
سندس / فرحتى عمرها مبتكمل ياترى انتى فين يا ساره
محمد / ساره كويسه انا متاكد هنلاقيها
سندس/ متكدبش عليا انا مش صغيره انا عارفه انها مش كويسه مستحيل تكون كويسه
محمد / سندس اهدى ارجوكى
تليفون محمد يرن يبص على اللى متصل و يكنسل
سندس / مين
محمد / مش مهم رقم مش مهم خلينى متاح عشان لو فى اخبار احسن
سندس تهز راسها توصل لمحمد رساله يفتحها يلاقى فيها صوره السلسله
محمد / انا هقوم اشوف الرقم عاوز ايه ليكون حاجه مهمه
سندس / محمد انت هتسبنى
محمد / اهدى يا قلبى انا يادوب هطلع البلكونه
محمد يطلع البلكونه يتصل
ميرنا / اخيرا رديت
محمد / عاوزه ايه
ميرنا / عاوزه اتكلم معاك
محمد / مفيش بنا كلام و سندس انسيها
ميرنا / انا عملت ايه انا اتلعب بيا انا كمان انا طلعت اقعد مع يوسف و ماجد كان فوق اش عرفنى انه كان ناوى يعمل كدا كل حاجه ...
محمد / وفرى حجج
ميرنا / انا لقيت السلسله
محمد / عديها عالسنتر او عالشركه او عالفيلا او حتى ابعتيها بوسطه
ميرنا / للدرجادى مش عاوز تشوفنى
محمد / اللى اختشوا ماتوا صحيح
ميرنا / انا عارفه مين اللى بعت الصور لجوز منى
سندس تقلق تقوم من السرير تروح تقف على باب البلكونه
محمد / ماشى هعدى عليكى .... كمان ساعه .... سلام
محمد يلف يلاقى سندس واقفه
...........................
فى الهول تحت
مهاب و فريده قاعدين اسلام يدخل يمسك فى مهاب
اسلام / هى فين
مهاب / اسال نفسك كانت معاك اخر مره
اسلام / مهاب ... لو عاوز الفلوس خدها لو عاوزها كلها خدها لو عاوز ساره نفسها خدها هطلقهالك بس قولى هى فين قولى انها بخير على الاقل
مهاب يطبطب على كتف اسلام
مهاب / كان نفسى اساعدك بس انا معرفش عنها حاجه اذا كانت الحكومه اللى انت لسه جاى من عندهم مش عارفين انا اللى هعرف
اسلام يصرخ فيه
اسلام / انت هتصيع عليا مين له مصلحها يخطفها غيرك مين
مهاب / انا مقدر اللى انت بتمر بيه و لولا كدا كنت عرفت ارد عليك ازاى
فريده / مش وقت خناق ارحمونا ارجوكوا ارحمونا
اسلام يبص لمهاب مهاب يسيبه و يجى يمشى
اسلام / على فين
مهاب / ملكش فيه
طارق يدخل
طارق / تعال يا مهاب معايا لو سمحت انا عاوزك فموضوع
طارق ياخد مهاب فوق
فريده / هنلاقيها متخافش هنلاقيها و هتطلع كويسه باذن الله متخافش
اسلام يبصلها فريده تسيبه و تطلع
........................
على باب اوضه سندس
سندس / مقولتليش مين اللى كانت بتكلمك
محمد / اااام دى ...دى فريال مدربه الزومبا فى مشكله فى السنتر فهروح اشوفها
سندس تبصله و تبص فى الارض
محمد / انا مش هتاخر ساعه و هرجع
سندس / انا مقدرش اربطك جنبى انا عارفه ان قعادك جنبى مش هيرجع ساره انا عارفه انك مش هتعمل حاجه تزعلنى مش كدا يا محمد
محمد / عمرى عمرى يا سندس
سندس / انا هاخد حبايه مهدئه و انام على مترجع
محمد / انا هخلينى جنبك لحد متروحى فى النوم
سندس / بلاش لحسن تتاخر
محمد / مش مشكله خلينى شويه
...............................
فى فيلا ميرنا
محمد يضرب جرس الباب و يستنى ثوانى ميرنا تفتح
محمد/ السلسله
ميرنا/ على الاقل سلم
محمد / مين اللى بعت الصور و هاتى السلسله
ميرنا / السلسله فاوضتى فوق عشان متضيعش تعال ادخل هجيبهالك
محمد / لا شكرا انا مرتاح هنا
ميرنا / محمد بلاش عناد اصلا مش هنبقى لوحدنا متخافش فى جوه حفله
محمد / انا مستعجل
ميرنا تمسك ايده يسحبها
ميرنا / على الاقل طمنى على ساره كفايا اتحرمت انى احضر فرح اعز صحباتى كفايا انك ....
محمد/ السلسله يا ميرنا
ميرنا / عن اذنك ثوانى هجيبها
ميرنا تدخل و محمد واقف بره و الباب مفتوح على اخره اتنين شباب بيجروا ورا بعض بمسدسات اللوان و واحد يجى يرش التانى تيجى فى محمد ميرنا تطلع من جوه بتجرى
محمد / حاسب يا اهبل ينفع كدا
واحد / مين اللى اهبل
ميرنا / انا اسفه انا اسفه اوى اوى
ميرنا تحاول تمسح اللون بايدها من على صدر تيشيرت محمد محمد يرجع لورا خطوه
ميرنا / تعال اغسل التيشيرت على الاقل نضفه انا بجد اسفه انت عارف جونا
محمد / السلسله فين
ميرنا / انا دخلت اجيبها لقيتك بتزعق لو سمحت يا محمد عيب كدا مينفعش تقف عالباب
محمد ينفخ و يدخل
ميرنا / الحمام من هنا تعال
محمد يدخل ورا ميرنا تقفل الباب و تشاورله عالحمام
ميرنا / هجيب السلسله و اجى
يدخل و يجى يقفل الباب يلاقيه منغير مفتاح يستغرب يقلع التيشيرت و يحاول يغسل البقعه ميرنا تدخل و شايله فى ايدها فوطه و لابسه السلسله تبص فى المرايه
ميرنا/ بزمتك مش لايقه عليا
…………………………
YOU ARE READING
سكه السلامه بقلم / لولو_محمد (كامله )
Romanceشاب فقير يجد اهله الاثرياء بعد غياب عشرون عاما ليجد نفسه امام تحديات كثيره لم يكن يتوقعها
