سكه السلامه بقلم / لولو_محمد (كامله )

الحلقه ٤٧

((((((((سكة السلامة )))))))
#لولو_محمد
الحلقه السابعه و الاربعون
محمد / ايه الغدى الفافى ده بانيه و اسباكيتى و ايه طبق الكاتشب ده دى تجيبولها لحمه راس كبده شمبرى انما بانيه ايه و كاتشب ايه
سندس / وله
محمد / برده مش هشاركك
سندس / انت متعرفش تشاركنى اصلا و احسن بكره تيجى تشتغل عندى
محمد / دا فى الحلم ياختى
..............................
اسلام يدخل
اسلام / متتعدلوا بقى هو مورناش غيركوا فى البيت ده و لا ايه
سندس / البيه مش شايف انى انفع اشاركه
اسلام / هو حر اشاركك انا
سندس تطلع لمحمد لسانها
محمد / انتى عارفه اللى بيطلع لسانه يبقى ايه
سندس / ستك و تاج راسك
اسلام / فى ايه مالكوا انت فيك ايه دانا كنت فاكرك كبير و عاقل ايه اللى جرالك
محمد / اعملكوا ايه هو فى كدا طول الوقت توتر كدا
سندس / دى انا يعنى
محمد / امال امى
اسلام / خشوا نقعد لو سمحتوا
الكل يدخل يلاقوا الاوضه مبهدله و كل حاجه عالارض
محمد / بزمتكوا دى منظر اوضه
سندس / من عصبيتى
محمد / اتلككى اتلككى
سندس / اسكت بقى
اسلام / باااااااااااااااااس فى ايه ايه المشكله
سندس/ احنا اتفقنا اننا هنفتح هيلثى سنتر
محمد / انا هفتح
سندس/ انا كلمت سمسار و جاب مكان لقطه تحفه فى موقع متميز و مساحه كويسه
محمد / و سعر ابن كلب
سندس / انت مالك انا هشترى المكان و انت وضبه و افرشه فيها ايه
محمد / و بعدين نشربه صح اصلا انا لسه بتفرج و بقول غالى و دى راحت قالت للراجل جهز العقود هاخده طب وخدانى معاكى ليه بقى
سندس/ عشان المكان لقطه و خساره يروح من ايدينا
ساره / ممكن اشوف دراسه الجدوى بتاعه المشروع
محمد / مفيش احنا لسه معملناش اى حاجه مشوفناش حتى مكان غيره يمكن يكون احسن
سندس/ متغيرش الموضوع انت اصلا رافض فكره انى اشاركك
محمد / لانك متهوره و مبتفكريش
سندس / و انت خليت فيا دماغ تفكر
محمد / مكنش فى اصلا متجيبيهاش فيا
اسلام / متبس بقى بدل والله اضربكوا فى ايه
شوق / طب مفيش فى مكان تبعكوا يا ساره زى مجبتولى الشركه بتاعتنا كدا
ساره / اكيد فى بس هى مسالتش اصلا
محمد / قولتش حاجه انا
سندس / انا عاوزه مكان بمواصفات معينه
ساره / طب و ماله تعالوا بكره و اقعدوا مع حد من المبيعات و شوفوا المتاح و لو ملقتوش حاجه مناسبه خلاص اديكوا عارفين الراجل
سندس / بس انا اتفقت انى همضى العقد بكره
اسلام / دا مش فستان هتشتريه مش هيعجبك هتركنيه فى الدولاب و تجيبى غيره ماشى اهدى كدا
سندس / انت دايما واقف معاه كانه مبيغلطش
اسلام / انا لسه ماسح بيه الارض تحت
سندس / بتقول كدا و خلاص كل حاجه سندس سندس ايه
ساره / معلش حقك عليا انا المهم اتصلى بيه و اجليها يومين و تعالوا بكره و شوفوا
اسلام / و احنا اولى مالغريب يعنى
ساره / بغض النظر هتبقى وفرت مبلغ سيوله مش قليل احنا اولى بيه دلوقت
سندس / طبعا مهى سندس اللى هتفلسكوا
محمد / استغفر الله العظيم
سندس / بس بقى
محمد / خلاص يا ستى هشاركك بس بشرط
سندس / ايه
محمد /هنعتبر المكان ايجار و نحطله بند فى العقد
اسلام / تمام و كل جنيه هيتحط بعد كدا النص بالنص
محمد / بس انا اللى ليا الاداره و متدخليش فيها
سندس / دا ايه ده يعنى
ساره / على الاقل ليها رايى
محمد / ماشى بس كلامى انا اللى هيمشى من دلوقت اهو المركب اللى ليها ريسين تغرق و انا ريس المركب دى
سندس / انت بتعرف تعوم اصلا
اسلام / متتلمى بقى يابت فى ايه
سندس تتخض و الكل يدحك و تطلع لسانها لمحمد يدحك اكتر
.............................
فى الكليه بعد يومين الشله واقفه بتدحك كريم يدخل محمد يكشر
كريم / سندس لو سمحتى
محمد / يلا ياض من هنا
كريم / انا بكلمها هى
محمد / عاوز منها ايه تانى هاه هو اكمنى سكت هتنسى نفسك و لا ايه ان كنت انت نسيت فانا منستش يا روح امك
كريم / احترم نفسك
محمد / مش انت اللى هتكلمنى عن الاحترام
كريم / سندس انا بس عاوز اشرحلك اللى حصل
محمد / و هى مش عاوزه تسمع
كريم / اعتبريه اخر حاجه بنا و اوعدك انى مش هقرب منك بعد كدا
محمد / متغور يابن الكلب بدل متغابى عليك
محمود / اهدى يا محمد مش كدا
ميرنا / انا بقول تسمعيه و تريحيه
محمد يبص لميرنا
ميرنا / فى ايه اعتبره منى حتى
سمره / ايه يا جدعان انتوا سخنتوا على بعض ليه الموضوع اصلا يخص سندس هى اللى تقول عاوزه تسمعله و لا لا
سندس واقفه ساكته محمد يمسك ايدها
ميرنا / اى كان غلطه هو حاول يصلحه افتكريله اى حاجه حلوه
كريم / مش هاخد اكتر من دقيقه
سندس / ماشى
محمد يبصلها و يبسيب ايدها
سندس / دقيقه واحده اتفضل
سندس تروح تقف فجنب مع كريم
ميرنا / يعنى مننساش ان هو اللى ساعدها فى الحوار اللى حصل فى المدرج
محمد يبصلها و يمشى محمود يجرى وراه
سمره / ولعتيها و ارتحتى
ميرنا / انا اللى ولعتها انت بجد شايفنى وحشه اوى كدا يا محمد سندس اختى و محمد اخويا بس كريم كمان صاحبنا من زمان و مشوفناش منه حاجه وحشه
سمره / انتى مشوفتيش بس سندس و محمد شافوا
ميرنا/ غلط و عاوز يعتزر هنقتله يعنى
سمره / خلاص خلاص
ميرنا / براحتك يعنى
....................
الناحيه التانيه
سندس / اتفضل
كريم / انا عاوزك تعرفى انى بضرب نفسى بالجزمه الف مره على اللى حصل بنا انا بحبك يا سندس
سندس / الدقيقه هتخلص
كريم / بصى انا مكنتش فوعيى حطى نفسك مكانى بقالى قد ايه بقف عالسلم استناكى و هو يدخل من اول مره اشمعن هو انا غرت منه و كلمت ابيه مهاب قالى انى لو محلتش الموضوع هتضيعى منى كنتى عاوزانى اعمل ايه كنت بحاول احافظ عليكى
سندس / الدقيقه خلصت عن اذنك
كريم / انا بحبك يا ساندى
سندس / اسمى سندس سندس محمود المصرى و بالنسباك انسه سندس او استاذه سندس اللى يريحك السبب الوحيد انى سمعتلك اللى انت عملته فى المدرج غير كدا عمرى مكنت بصتلك اصلا عن اذنك
سندس تبص متلاقيش محمد تبص لميرنا
ميرنا / اتقمص و مشى
سندس تمشى
.................................
فى الفيلا محمد يدخل يطلع اوضته و يرزع الباب و يقفله بالمفتاح اسلام و ساره يبصوا لبعض
ساره / اتخانقوا تانى ؟؟؟
اسلام / انا معدتش بحط فدماغى دلوقت تيجى جرى تصالحه كبرى مخك
ساره / ميمكن الموضوع كبير المرادى
اسلام / و لا كبير و لا فطير دول بيتخانقوا اكتر مبياكلوا فى ايه انا تعبت من لعب العيال ده
ساره / تفتكر فى بينهم كميا
اسلام / يعنى ايه
ساره / كميا يا اسلام كميا حب يعنى
اسلام / والله كنت فاكر فى الاول و كلمت محمد بصراحه قالى انها مجرد اخت و كدا
ساره / و سندس كمان قالتلى كدا بس مش قادره اقتنع ابدا
اسلام / قولتى الكلام ده قبل كدا
ساره / بجد مش فاكره
اسلام / بقولك ايه متيجى نتمشى فى الجنينه
ساره / يلا
اسلام و ساره يقوموا سندس تدخل بتجرى
سندس / محمد فين
اسلام / فى اوضته
سندس تطلع تجرى على فوق و اسلام و ساره يطلعوا الجنينه  سندس تخبط عالباب ميردش هو نايم جوه عالسرير و حاطت الهيدفون و معلى الاغانى عالاخر
سندس / افتح يا محمد .... افتح اسمعنى طيب ..... بلاش شغل العيال ده و اسمعنى .....محمد محمد ..... هو انا عملت معاك كدا لما اتكلمت مع منى .... اه مش هنكر ادايقت بس الموضوع .... خلاص انا اسفه ..... قولت اسفه انت هتذلنى و لا ايه ...... انت فاكر انى هتحايل عليك ........ عشان خاطرى افتح بقى ........ عنك مفتحت انا اصلا غلطانه انى بعبرك ....
سندس تعيط /... وحياه اغلى حاجه عندك تفتح بقى ..... طب افتح و اتخانق معايا زعقلى اضربنى حتى بس بلاش تخاصمنى كدا ....... افتح عشان خاطرى ...... قولت اسفه عاوز اكتر من كدا ايه ..... عشان خاطرى افتح بقى ........اسفه مش هعمل كدا تانى ...... هونت عليك يعنى
سندس تمسح دموعها و ترزع عالباب و تمشى و ترجع تانى
سندس / انا همشى .......... بقولك همشى ......... يعنى مش همك
سندس تمشى و تطلع الدور اللى فوق و تدخل الاوضه اللى فوق اوضه محمد
سندس / والله لوريك والله لوريك
سندس تفتح البلكونه و تبص على بلكونه محمد و تطلع تتعلق فى السور من بره اسلام و ساره فى الجنينه يشوفوها
اسلام / بتعمل ايه المجنونه دى
اسلام يجرى هو وساره سندس تسيب ايدها و تمسك فى سور البلكونه فى الدور اللى تحتيه عند محمد و تدخل من البلكونه تشد السماعات من ودانه
محمد / انتى دخلتى ازاى يا بنت المجانين
سندس / انا تزلنى كدا انا اتحايل عليك كدا فاكر نفسك مين هاه فاكر نفسك مين عشان اقف اعيط عالباب و مترضاش تفتحلى قولت اسفه قولت مش هعمل كدا تانى عاوز ايه تانى قولى عاوز ايه
محمد / انتى دخلتى مالبلكونه؟؟؟ ازاى؟؟
سندس / نطيت مالدور اللى فوق انت مالك انت اصلا
باب الاوضه يخبط
اسلام / محمد افتح
محمد / ليلتك الطين يا محمد طبعا لو قولتله انك نطيتى مالبلكونه عمره مهيصدق
اسلام / افتح يا محمد
محمد / استخبى تحت السرير
سندس / هو انا فار لا طبعا
محمد يزقها جوه الدولاب
محمد / استخبى مش عاوز غباوه يقتلنا احنا الاتنين و نروح فطيس خشى
محمد يقفل عليها الباب تقعد جوه و هى بتنفخ و يروح يفتح الباب اسلام يزقه و يدخل ميلاقيش سندس و محمد واقف بيعرق و متوتر جدا و ساره تدخل وراه
اسلام / انت مبتفتحش علاطول ليه
محمد / كنت حاطت الهيدفون و مش سامع فى حاجه
اسلام / انت قاعد لوحدك ؟؟؟
محمد / امال يعنى
سندس تفتح الدولاب و تطلع
سندس / اتخنقت جوه كنت هموت تحت السرير ارحم
سندس تنزل تحت السرير و محمد يبلع ريقه و اسلام يبصله و هو رافع حاجبه
محمد / انا هشرحلك
اسلام يروح يقعد عالسرير
اسلام / اطلعى ياختى اطلعى .....و انتوا اتوزعوا شويه عاوز اتكلم مع اختى كلمتين
محمد / الموضوع مش زى مانت فاهم
اسلام / اطلع بره يا محمد و خد الباب فى ايدك
ساره / تعال تعال
محمد يطلع مع ساره و سندس تطلع من تحت السرير تقعد جنب اسلام
اسلام / انتى نطيتى مالبلكونه ازاى
سندس / عادى يعنى لما كنت بلعب عالمتوازى فى الجمباز كنت بنط فى الهوا و انزل امسك فى التانيه
اسلام / كان ممكن تقعى تتكسرى او عالاقل تتعورى فى واحده عاقله تعمل كدا
سندس تعيط / مهو مكنش راضى يفتح اعمله ايه
اسلام / ميتفلق مين هو عشان تعملى حاجه مجنونه زى دى عشانه معنه مفتح
سندس / مكنتش قادره اروح اوضتى و هو زعلان منى
اسلام / هو زعله غالى عليكى اوى كدا
سندس تهز راسها اه و هى بتعيط اسلام يحضنها
اسلام / ابن المحظوظه من يومه بيقع واقف .... انتى بتحبيه يا سندس
سندس / ليه كلكوا بتسالونى السؤال ده هو مينفعش اعمل كدا عشان اخويا يعنى
اسلام / لا ياختى محصلتش و لا هتحصل فى التاريخ دى مبتتعملش بين المتجوزين حتى متجننينيش معاكى
سندس / معرفش انا بتصرف بطبيعتى و خلاص مش كل حاجه لازم يبقى ليها اسم يعنى
اسلام / انتى ليه بتخبى عنى هو يطول اصلا يا هبله
سندس/ معرفش مبخبيش انا معرفش معرفش ان كان اللى حساه حب و لا لا كل اللى اعرفه انه غالى عندى معرفش يكفينى انه اخويا حلو اوى
اسلام / طب خلاص خلاص
اسلام يمسح دموعها و يمسكها من ايدها و تطلع معاه بره محمد يشوفها معيطه
محمد / انت قولتلها ايه انت زعقتلها
اسلام / اختى و انا حر فيها ان شالله حتى اقتلها حتى انت مالك
محمد / لا مانتش حر هو فى ايه
اسلام / الله مش انت اللى عامل فيها مقموص مش انت السبب كان ممكن تتعور بسببك
محمد / اكيد مش مبسوط ماللى حصل يعنى ... لا هو انا مبسوط الصراحه عشان مبقاش بكدب ههههههه بس مش الانبساط اللى انت فاهمه
اسلام / قسما عظما لو زعلت البت دى تانى بعد اللى عملته النهرده عشان تصالحك لتشوف منى وش عمرك مشوفته صالحها ياله
محمد / هى اللى غلطانه
سندس تعيط / مانا قولت اسفه عاوز ايه تانى قولت مش هعمل كدا تانى
محمد / امتى ده
سندس / عالباب والله
محمد / مسمعتش والله اكيد لو سمعت خبطك عالباب كنت فتحت يعنى على الاقل عشان اهزقك
سندس / ماشى هزقنى اعمل اللى تعمله بس كلمنى
ساره / خلاص بقى اتصالحوا
سندس / مش هعمل كدا تانى
محمد / حصل خير
اسلام / من باب الفضول يعنى انتى عملتى ايه
سندس / كلمت كريم
اسلام يزعق و سندس تستخبى فضهر محمد
اسلام / ايه وحياه امك
ساره / اهدى يا اسلام مش كدا
سندس / مش هعمل كدا تانى والله هو قالى اخر دقيقه و مش هكلمك تانى و هو بقاله فتره مصدعنى كل شويه يتصل من رقم غريب و ارد عليه
اسلام / و مقولتيش ليه يا بت
محمد / خلاص اهدى هتصرف
اسلام / لا انا اللى هتصرف المرادى
اسلام يمشى
ساره / روح وراه يا محمد
محمد يمشى وراه
......................
اسلام يركب العربيه
محمد / استنى انا جاى
اسلام يفتحله الباب
اسلام / خليك بعيد احسن
محمد يركب و يقفل الباب
محمد / ناوى على ايه
اسلام / اللعب النضيف مش جايب نتيجه يبقى نلعب زيهم
محمد / قشطه يلا اطلع
.......................
فى فيلا كريم كريم قاعد فى اوضته تليفونه يرن
كريم / الو مين
محمد / انا محمد
كريم / خير
محمد / لازم تعرف ان اللى هيحصل ده غصب عنى بس سندس عاوزه تقابلك
كريم / انت بتتكلم جد
محمد / و انا ههزر معاك بمناسبه ايه انجز انا هبعتلك العنوان هى عاوزه تكلمك بعيد عن الكليه
كريم / تمام تمام انا لابس
محمد / سلام
محمد يقفل
اسلام / بلعه
محمد / و بلع بحاجه سقعه
حمدى / انت فكرت فى اللى بتعمله ده يا سلامه
سلامه / انا قولت مالاول اللى مش عاوز يبقى معايا يتفضل
سمره / اهدى يا عم
سيد يدخل/ الميكروباص جاهز يا برنس
محمود / يلا بينا
محمود و سمره و سيد و سلامه يمشوا و مصطفى يدخل
مصطفى/ حصل يا ريس 
محمد / اتاكدت ان الكراسى كلها فى ناس قاعده فيها
مصطفى / انا لقيت شله شباب واقفه قولتلهم انى اشتريت تزاكر و الناس اللى كانوا جايين اعتزروا و الراجل مرضاش يرجعها فبدل متترمى يدخلوا
محمد/ و محدش شك فحاجه
مصطفى / احنا مصريين ابو بلاش كتر منه دخلت معاهم و اول مالفيلم بدا سبتهم و طلعت
محمد / اخلع انت بقى
مصطفى / سندس زى اختى و العيال دى لازم تتربى
محمد / معلش يا مصطفى بس انت يعنى
مصطفى / لا ميغركش منظرى انا برده بحب اللبش
محمد / ماشى ياسطى براحتك يلا بينا عالفيلا يا رجاله
.....................
فبنزينه فحته مطرفه كريم يركن العربيه و ينزل يبص يمين و شمال يتصل بالتليفون بمحمد
محمد / ايه وصلت
كريم / اه انتوا فين
محمد / احنا فى الطريق
كريم / طب انا مستنيكوا قدام المحطه
محمد / تمام
كريم يقفل و يرمى الموبايل جنبه و يبص يمين و شمال الميكروباص يركن جنبه و الباب يتفتح و ينزل سلامه وواحد كمان يفتح باب عربيه كريم و يشده يحدفه فى الميكروباص سيد يكممه و يركب الميكروباص يتحرك و الواحد التانى يسوق العربيه
سلامه / نورت يا كريم بيه عارفنى صح
كريم يهز راسه
سلامه / كنت فاكر اللى عملته عدى منغير حساب صح قولت مدام سكتوا يبقى اجرب تانى صح
كريم يهز راسه لا بخوف
سلامه / انت تعرف ارقام العيال بتوع الكليه
كريم يهز راسه اه
.........................