سكه السلامه بقلم / لولو_محمد (كامله )

الحلقه ٣٢

(((((((((سكة السلامه )))))))
#لولو_محمد
الحلقه الثانيه و الثلاثون
سندس / هو بيقول اننا زى توم اند جيرى يعنى مش طايقين بعض بس منستغناش عن بعض كدا فهمتى حاجه
ساره / هو انا حاسه ان كلنا فاهمين بس انتوا لا
سندس / مش فاهمه
ساره / فى كميا عاليه اوى بينكوا مختلفين مش هننكر بس فى حاجه اكيد
سندس / اى يكن فانا واثقه انه يستاهل ثقتى فيه
ساره / و انا كمان
سندس / انتى بقى ايه حكايتك فى لمعه فى عينك
ساره / لمعه ايه
…………………………………..
سندس / مفيش بكره نعرف
ساره / تفتكرى لسه مكلوش
سندس / لا كلو بس هيقولوا مكالوش
ساره / اسلام مبكدبش
سندس/ طب ممحمد كمان مبيكدبش
ساره / امال
سندس / هما عاوزين يخلونا احسن
ساره / و هو الاحسن بالمحشى فاول مره
سندس / اصلا مش بمزاجهم يغيرونا يعنى هو احنا لو عوزينهم يتغيروا عشانا هيتغيروا
ساره / مش عارفه
سندس / اصلا المحشى بيطخن و انتى بتهتمى اوى بموضوع الكالوريز فاكيد يعنى
ساره / اه بس بحبها برده يعنى
سندس / هو صعب اوى
ساره / انا مبعرفش اقلى بيض ماشى
سندس / اسمعى احنا نجيبه من بره و نتسحب و ندخل المطبخ منغير محد ياخد باله و بعدين نقفل علينا و نعمل قال يعنى احنا اللى عملينه و نوسخ المكان شويه كاننا كنا بنطبخ ايه رايك
ساره / لا فالحه و هنخبى الاكياس فين و حتى المقادير اللى فى البيت هنخبيها فين و لو حد سالك عملتيه ازاى
سندس/ يا زكيه النت مخلاش احنا بقى نعمل ايه
ساره / قولى
سندس / هنلم المقادير دى فى اكياس المطعم و نخبيها فى اى حته لحد منعرف نصرفها و نفتح الموبايل و نزاكر الطريقه و احنا فى المطبخ ايه رايك
ساره / دماغك سم
سندس / يلا بينا
ساره / يلا
....................................
فى الفيلا
اسلام و طارق مسندين محمد ينزل
طارق / احنا نجيبلك عكاز و تبدا تتحرك بقى
محمد / انا والله اتخنقت من فوق بجد حاسس انى فسجن
اميره / معلش بكره تفكه و تبقى زى الفل تعالوا افطروا
حنان / مضربين عن الطعام
ناهد / ليه ياولاد
اسلام / انا و محمد قررنا اننا مش هناكل غير محشى من ايد ساره و سندس
مهاب / هتموت مالجوع
اسلام / هنشوف
صوت حله بتقع فى المطبخ الكل يتحرك
.......................
فى المطبخ
ساره / يا غبيه يا غبيه روحى اقفلى الباب بسرعه
سندس تجرى عالباب تلاقى اسلام فوشها يدخل و يدحك
اسلام / بتخموا هاه اممم لا بس مبدئيا شئ مبشر
طارق مسند محمد
محمد / هههههههههههههههههههههههههههههههه
سندس / الحق علينا اننا كنا عاوزينكوا تاكلو
محمد / لا و انتى الصادقه مستحملتوش تشوفونا جعانين
سندس / اكيد اسلام اخويا الكبير و بحبه اوى
محمد / اوووه يا حنين
سندس تزغده فى معدته يتلوى طارق يسنده بالعافيه
طارق / انا كنت فاكرها نكته بس طلع بجد
مهاب يدخل
اسلام / كنت بتقول اننا هنموت مالجوع صح
مهاب / مستحيل يعملوا كدا اصل لا ساره و لا ساندى
محمد / سندس ...سندس احلى يعنى قول سندس
مهاب / لا ساره و لا ساندى واخدين عالمرمطه سيب الموضوع ده لماجى بتاخد فلوس عالكلام ده
اسلام / نسيب القرار ده ليهم
سندس / احنا مستعدين نعمل عشانكوا المحشى
ساره / سندس
سندس / بس حاجه قصاد حاجه
محمد / و طلعتى منين بقى ان شاء الله
سندس / حقى
محمد / اشرطى ياختى
سندس / تحلف انك عمرك مهتلبس فنله حمالات تانى ابدا ...ابدا
محمد / والله معقده البت عندها عقده حد يشوف دكتور
سندس / دا شرطى ساره تقول شرط اسلام
ساره تبص لسندس و اسلام يبصلها
اسلام / مستنى
سندس / اختارى حاجه صعبه
ساره / ماشى لقيتها تتعلم الرقص
مهاب يدحك و يكتمها
اسلام / بتعرفى ترقصى
ساره / افندم
اسلام / نوع الرقص اللى هتعلمه بتعرفى ترقصيه
ساره / ا حم وه
اسلام / ايه
ساره / ايوه بعرف
اسلام / خلاص علمينى بس اعملى المحشى الاول يلا كل واحد يشوف وراه ايه و انتوا الاتنين انجزوا حنون اشرفى عالموضوع بس متمديش ايدك
حنان / حاضر
محمد / اسلام الاكياس
اسلام / اديها لمهاب انا متاكد انه مش قادر يستحمل ....الجوع عن اذنك
مهاب / برافوا يا ساره من برنسيسه لطباخه
حنان / سيد القوم خادمهم
مهاب / ماشى يا ستنا عن اذنك
سندس / هو كدا متحطيش فى دماغك .... تمام نبدا منين
.........................
فى الصاله بعد اربع ساعات
طارق / انا بقول تكبروا مخكوا من الاتفاق ده و تاكلوا مفيش امل
اسلام / و نضيع تعبهم كل ده
ناهد / والله حرام
مهاب / الحرام يا تيته هو انك تدفعى 700 دولار لواحده و تقومى بشغلها
اسلام / بخصوص الموضوع ده فانا شايف ان البيت فيه بنات كفايه يهتموا بيه
اميره / اسلام متزودهاش الفيلا كبيره و عمرنا مهنقدر
اسلام / يعنى كلكوا مش هتقدروا مع بعض وست واحده هى اللى هتقدر
فريده / دا على اساس ان محدش فينا بيساعد هى بس بتقوم بالحاجات التقيله ووقت ماحنا مش موجودين بس وجودها ضرورى
اسلام / حقيقى الاكل من ايدها مفيهوش روح الاكل لو متعملش بحب ميبقالوش طعم
ناهد / ده اسمه النفس يا حبيبى
اسلام ينط جنب ناهد و يبوس ايدها
اسلام / و بعدين انتوا كان عاجبكوا دلعهم ده
محمد / و اى دلع
ناهد تبص لمحمد
محمد / ايه يا تيته مين هيرضى يتجوزها و هى مبتعرفش تطبخ
ناهد / هههههههههههههههههه جواز ايه يا حبيبى دى عيله
محمد / داحنا اللى عيال جنبها
اسلام / خف عالبت شويه بقالها اربع ساعات جوه
محمد / اهو دى فاضلها ساعتين عالعبور مكنتش غدوه يعنى هى عزومه
اميره / هى شوق فين مش شيفاها
اسلام / و لا انا شوفتها هطلع ابص عليها
....................
فى المطبخ
ساره / لا عنهم مكلوا انا ضهرى وجعنى
حنان / ايه اخر سطر خلاص هانت هتيجى فى الاخر
سندس / احنا غلطنا مالاول اننا سمعنا كلامهم
حنان / على راي اسلام اعتبريه درس فى الاعتماد على النفس مع انى مش مصدقه انكوا اول مره تلفوا كرنب بصراحه
ساره / يعنى زمان ساعات كنا بنساعد ماما
سندس / بابا مكنش بيحب ياكل غير من ايدها
حنان / الله يرحمهم
سندس/ الله يرحمهم
....................
فى اوضه شوق
اسلام يدخل يلاقى شوق بتعيط
اسلام / مالك يابت فى ايه
شوق / مفيش
اسلام / على اخوكى يابت حد زعلك وربنا لولع فيه مين يابت
شوق / محدش انا بس مخنوقه شويه
اسلام / طب احكيلى فضفضى
شوق / مفيش يا سلامه مفيش
اسلام / طب اندهلك حنان تتكلمى معاها
شوق / لا انا كويسه هقوم اغسل وشى
اسلام / شوشو يصعب عليا والله اشوف دموعك
شوق / ربنا يخليك ليا ياخويا
اسلام /  لو ناقصك اى حاجه قولى لو محتاجه حاجه قولى
شوق / ربنا ميحرمنى منك مش مخلينى ناقصنى حاجه
اسلام / لو حد زعلك او جه عليكى قولى معنديش اغلى منك يا بت
شوق / يا سلامه مفيش حاجه والله انا بس كنت مخنوقه شويه زهقانه
اسلام / فى مشاكل فى الشغل
شوق / وايه جاب سيره مصطفى دلوقت
اسلام / انا قولت الشغل بوجه عام محددتش مصطفى
شوق / ااااااااه انا اقصد يعنى انت تعرف مين هناك غير مصطفى
اسلام / اه على العموم اغسلى وشك و انزلى اقعدى معانا القاعده منغيرك ملهاش طعم
شوق / حاضر
...........................
عالسفره
ناهد / انا بحلم والله بحلم
محمد / متتعشميش اوى يا تيته احنا لسه مكلناش
سندس تقوم من كرسيها و تروحله تشد طبقه
سندس / و مش هتاكل
محمد / الله انتى بتتلككى بقى تلاقيكى دوقتيه فى المطبخ و عارفه انه وحش فبتعملى حوار
سندس / انت شرير عارف ده شرير شرير
اسلام يدوق
اسلام / حنان انتى ساعدتى فى حاجه
حنان / والله ابدا اخرى استشاره ملمستوش
ناهد تدوق
ناهد / امممم تسلم ايديكوا يا بنات حلو جدا
طارق / فعلا جميل
محمد / نعتبره حظ مبتدئين يعنى
سندس / انت زودتها اوى مانتش واكل روح هاتلك دليفرى بقى او صوم امشى ملكش اكل
محمد / ده طبقى ساره عملاهولى مش عاوز ماللى انتى عملاه
محمد يجى يشد الطبق و هى تشده يقع الاكل منه فى الارض
سندس / عاجبك كدا ميجيش منك خير تعبى راح فى الارض
ساره / خلاص سيبوه ماجى تنضفه فى كتير
سندس / يا سلام مش واكله
سندس تطلع محمد يبص لاسلام و يوطى فى الارض بصعوبه يحط الطبق عالارض و يلم المحشى و يحطه فيه
مهاب / ايه حنيت للاكل من على الزباله و لا ايه
اسلام يقف يغرز السكينه فى الفرخه و يبص لمهاب و عنيه بتطق شرار
طارق / اهدى اهدى بيهزر بيهزر
ساره / انا تعبت فى الاكل ياريت نقعد ناكل بقى بالله عليكوا
اسلام يقوم يساعد اخوه
محمد / كبر مخك
اسلام / انا هطلعلها
محمد / لا انا اللى هطلع هعملها طبق و اطلع
اسلام / ماشى انا كمان هطلع ابص على شوق تانى قافله على نفسها مالصبح
محمد / تمام
.............................
فى اوضه شوق
اسلام / الغدى يا ست الحسن
شوق/ تعال يا سلامه
اسلام / احنا اسفين عالتاخير بس انتى مش هتصدقى مين اللى عملت الغدى
شوق / انا شايفه محشى يبقى حنان
اسلام / تؤ سندس و ساره
شوق / سندس ؟؟
اسلام / يعنى هما صحيح عبروا القناه اسهل بس اهو الحمد لله هناكل اخيرا
شوق / ههههههههه
اسلام / ايوه كدا خلى الشمس تنور اى كان اللى مزعلك والله ميستاهل قومى كلى
شوق / تسلم يا قلبى
اسلام / حبيبه اخوكى يا شوشو والله
.........
فى اوضه سندس
سندس قاعده عالسرير بتشرب اعشاب
محمد يفتح الباب و هو شايل الطبق تقوم تجرى تاخده منه و تسنده يقعد عالسرير
محمد / مهنش عليا اكلك يترمى فى الزباله لميته و جيت اكل جنبك بتشربى ايه ده شاى اخضر
محمد يمسك المج و يدوقه و تظهر علامات القرف على وشه
محمد / ايه ده
سندس / ههههههههههههههههههههههههه دا شاى اعشاب للتخسيس و حرق الدهون
محمد / مش عارف اعلق على ايه ولا على ايه تخسيس ايه و حرق دهون ايه هى فين ام الدهون دى هاه هى فين اللى هتحرقيها يابنتى الحاجه الوحيده اللى بتحرقيها بشربك للقرف ده هو دمك مستحمله طعمه ازاى
سندس / اتعودت و كله يهون يعنى عشان احافظ على شكلى
محمد / اقعدى اقعدى
محمد ياكل صابع
سندس / استنى انت ازاى تاكل من على الارض اوعى هات الطبق
محمد / بجمله القرف اللى بتشربيه و بعدين مهنش عليا تعبك يترمى فى الزباله قولتلك
سندس / يترمى يروح فى داهيه سيبه
محمد / بدحك عليكى دا طبق جديد اكيد مش هجيبلك اكل مالارض يعنى مش مقامك يعنى
سندس / ولا مقامك
محمد / اقعدى بقى كلى مش قادرلك
سندس تقعد جنبه و تاكل معاه
محمد / امى الله يرحمها كانت سمينه حبتين
سندس / الله يرحمها
محمد / كانت كل شويه تقعد تنفخ و تقول انا طخنت اوى انا لازم اعمل رجيم لازم اخس هدومى ديقت و كدا يقوم ابويا بقى عامل ايه
سندس / الله يرحمه ايه
محمد / يروح جايبلها كيس مليان حلويات شوكولاته بقى و ايسكريم و ايه فيلم كنا بنهيص احنا ساعتها يقولها و انا ماللى بالرفيعين اجى احضنها العضم يخبط فى بعضه الست ان مكانتكش مدملكه كدا متملاش عين جوزها تسيب فراغ يشوف بيه غيرها
سندس / هههههههههههههههههههههه
محمد / الله يرحمه كان دايما يقولها ازاى اكل و انتى جعانه ازاى تهون عليا اللقمه تنزل من زورى و انتى حارمه نفسك منها اتغزى الحمل عليكى تقيل لو وقعتى مين يسندنى
سندس تدمع
محمد / الله ايه
سندس / ايه انبسطت شويه يعنى مفتكرش فى حب كدا دلوقت الله يرحمهم
محمد / الله يرحمهم
سندس / بس انا مامى الله يرحمها مكنتش كدا خالص
محمد / الله يرحمها
سندس / مامى كانت من النوع اللى بتهتم بنفسها اوى اللى يشوفها كان يقول عيله صغيره بشرتها ناعمه و مشدوده و شعرها و جسمها و لبسها حتى لبس البيت كان بيبقى مكوى دايت طول الوقت بتاكل اللقمه بحساب يمكن ورثنا انا وساره منها شويه حاجات بخصوص الوسوسه دى يعنى بقول كدا
محمد / انتى مش موسوسه انا شوفتك و انتى بتاكلى على فكره  لو ناسيه الله يعينه اللى هياخدك هتخربى بيته اكل
سندس / الله يعينه على حاجات كتير باين
محمد يبصلها
سندس / مره دخلت على ماما و هى بتعيط تقريبا بابا كان مزعلها كنت كبيره
محمد / و دلوقت صغرتى يعنى
سندس / بتكلم جد لا اقصد مش عيله يعنى تلتاشر سنه باين حاجه كدا
محمد / كبيره فعلا
سندس / الله عليك اسمع المهم قعدت جنبها و قالت كلام مفتكرش كان ممكن تقوله فى ظروف تانيه قالتلى انها عمرها مهتبقى كفايه و انها هتعيش عمرها كلو بتحاول تملى مكان طنط مجده الله يرحمها مراته الاولانيه و انها مهما عملت مش هتعرف و فضلت تعيط المهم مفيش دقايق لقيت بابى داخل و فى ايده هديه قعد على ركبته تحت رجليها و قالها قد ايه هو بيحبها و انه ميقدرش يشوفها بتعيط ابدا و طلع خاتم تحفه من ايده و لبسهولها و باس ايدها و راسها و قعد يصالح فيها انا فضلت واقفه ابص عليهم مقدرتش اخرج مالاوضه ابدا مقدرتش اشيل عينى من عليهم
محمد / من يومك رخمه
سندس / لا كنت فرحانه اوى كنت بحلم باليوم اللى اكون فيه زيها اليوم اللى الاقى حد يحبنى زي مبابا بيحبها و زى ابيه طارق مكان بيحب ابله اميره وقتها و زى مكنت فاكره ان ابيه مهاب بيحب ساره وقتها برضه
محمد يبص الناحيه التانيه و هو بيعوج بقه
سندس/ بس واضح انى هفضل انا و كوبايه الاعشاب بتاعتى بس
محمد / ليه يعنى الرجاله عميوا و لا ايه
سندس / انت لسه قايل مفيش راجل يعجب بيا البلد مليانه سيس
محمد / مين انا قولت كدا ؟؟؟ اه دا اكيد قبل متعملى محشى بالروعه دى كلى كلى
سندس / يا سلام
محمد / وحياه عبد السلام اقرب طريق لقلب جوزك معدته
سندس / جوزك جوزك لكن مفيش راجل فى الدنيا بيدور على معدته قبل الجواز اهم حاجه تكون حلوه و جسمها حلو و بتهتم بنفسها غير كدا شكليات
محمد / على فكره اللى يدور عالحاجات دى ميبقاش راجل اللى يدور فى الست على شكلها و جسمها بس يبقى حيوان يعنى انتى مثلا اهو يفيد بايه الجمال و انتى دمك تقيل و رخمه
سندس / الله الله كل خمس دقايق تطلع فيا عيب شكل متموتنى اسهل
محمد / اه صح انتى مكنلكيش اخوات شباب قبل كدا بصى هفهمك الاخ عمره مبيشوف اخته عدله و لا تنفع ببصله و مبيشوفش غير عيوبها بس لحد محد يجى ياخدها منه ساعتها بس بيكتشف انها ملاك و انها خساره فى ام الكلب اللى فكر يجى يتقدملها
سندس / بجد
محمد / حنان اهى والله مكنت معتبرها بنت اساسا لحد محمدى خطبها اصلا لحد ملبست الدبله كنت بقول فى نفسى الله يعينه الواد ظلم نفسه و اول ملبستها بقيت بشوفه قرد و ميستاهلهاش اصلا
سندس / ههههههههههههههههههههه
محمد / والله مش بهزر البت شوق مثلا منمش و لا تغمضليش عين الا لما كل يوم ارزعها قفا
سندس / اللهم احفظنا
محمد / يعنى اللى بعمله فيكى شويه و انتى عارفه غلاوتك عندى يعنى
سندس / ربنا يخليك ليا
محمد / امين امين
سندس / ههههههههههههههههههههههههههههههه
محمد يبصلها و يبتسم
سندس / انت بتعمل كدا ازاى
محمد / ايه
سندس تشاور على دحكتها
محمد / قولتلك قبل كدا اعمل اراجوز و اشوفك بتدحكى بس نقول ايه زاكره سمك اضربى بقى انا جعان
سندس تاخد صابع و هى بتدحك
................................