سكه السلامه بقلم / لولو_محمد (كامله )

الحلقه ٦٣

((((((سكة السلامه )))))))
#لولو_محمد
الحلقه الثالثه و الستون
اسلام / ادخله و لا اقوله نامت و فوت علينا بكره
حنان / دخله
اسلام / تمام
اسلام يطلع و حمدى يدخل و حنان تبصله بحزن و اسلام يقفل الباب
حمدى / روقتى شويه
حنان تبصله فى صمت يروح يقعد جنبها و يستغطى معاها
حمدى / حلوه الاوضه بس على فكره اوضتنا احلى
.............................
حنان / انا تعبانه
حمدى / حقك عليا
حنان / انا بس مش عارفه انا غلطت فى ايه غلطت لما اشتكيت و لا غلط فى ايه
حمدى / حقك عليا
حنان / انا مش عارفه هقدر استحمل اكتر و لا لا
حمدى يضربها على راسها من ورا بهزار
حمدى / حقك عليا قولت
حنان تدحك يحضنها
حمدى / هتتعدل باذن الله هتتعدل بس قومى روحى معايا
حنان / مفتكرش ينفع
حمدى / انا مش هقدر اعيش منغيرك يا حنان
حنان / و انا مش هقدر استحمل الجو ده
حمدى / هو بمزاجك و لا ايه انا مراتى متباتش الا فحضنى انا بقولك اهو
حنان تبتسم بخجل
حمدى / تعالى و هتشوفى لو اتكررت يبقى بحق
حنان تبصله
حمدى / و متغضبيش تانى بيتك متسبيهوش لاى سبب اقفلى عليكى الباب و كلمينى
حنان تهز راسها موافقه حمدى يمسك ايدها و يقوم و يشدها تقوم معاه تحط الطرحه على راسها و تمشي معاه تلاقى اسلام بره مستنيهم
اسلام / دانتى بتتلككى للصلح بقى
حنان تبص فى الارض
اسلام / لو جتلى تانى بالمنظر ده هنفخك
حمدى / مش ههون عليها صح يا حنون
حنان تبتسم بخجل
اسلام / العربيه تحت هتوصلكوا هستناك تكلمنى تقولى عملت ايه
حمدى / ربنا يسهل
حمدى يمشى و اسلام يمسك موبايله يتصل بحد يلاقى التليفون غير متاح يتصل بمصطفى
اسلام / امال مستعجل و بتاع فين ياعم
مصطفى / كنت هكلمك و ربنا نيجى بالليل
اسلام / بالليل بعيد اوى انا مستنيك دلوقت
مصطفى / مسافه السكه
اسلام / مستنيك
اسلام يروح اوضه سندس يلاقي محمد نايم يبتسم و يقفل الباب و يتصل بسندس
اسلام / انتى فين
سندس/ فى اوضه شوق عاملين قاعده بنات ملكش مكان وسطينا
اسلام / هههههههههههههههه ساره معاكوا
سندس / مش هقولك
اسلام يفتح الباب و يخش
سندس / الله مش قولتلك قاعده بنات
اسلام / جاهزه لحفله عالديق
سندس / حفله ؟؟دخلت من نقطه ضعفى قول
اسلام / عاوزين نعمل خطوبه للبت دى بسرعه
شوق / مين انا
اسلام / فى اعتراض
شوق / انت فاجاتنى انا اصلا موافقتش لسه
اسلام / وحياه امك قدامك ساعه بالكتير و مصطفى و اهله يبقوا هنا
شوق تقوم تجرى عالحمام و سندس وراها
اميره / بالسرعه دى
اسلام / خلينى اخلص منها عشان اروق لنفسى بقى
اسلام يبص لساره تبص الناحيه التانيه
اسلام / انا بقول تروحى تساعديهم
اميره / انت بتوزعنى
اسلام / اذكى اخواتها
اميره / ماشي اتوزعت
اميره تطلع بره و تقفل الباب اسلام يروح يقعد جنب ساره و هى باصه الناحيه التانيه و خدودها حمره
اسلام / عقبالك
ساره / باذن الله
اسلام / بفكر اتفق مع مصطفى نعمل كتب الكتاب مع بعض لو انتى يعنى مش هتمانعى
ساره / عادى مفيهاش حاجه
اسلام / مناسباتنا كتير بس مبتكملش فرحتنا دايما ناقصه
ساره تبصله
اسلام / طمنينى عليكى
ساره / بخير طول مانت بخير
اسلام / لا انا مش بخير بصراحه كان زمانا متجوزين دلوقت
ساره تدحك
اسلام / يعنى اه دى اوضه شوق بس اوضتنا مكنتش هتبقى بعيد يعنى
ساره / اوضتنا ايه دا كان كتب كتاب بس
اسلام / مانا كنت هستهبل و اجى ازورك
ساره تبص الناحيه التانيه
اسلام / مش بمزاجى الجاذبيه عاليه اوى عندك
ساره / انت فظيع
اسلام / فظيع حلو و لا فظيع وحش
ساره / احلى حاجه فى الدنيا
ساره تحط ايدها على شعر اسلام يقشعر و يحرك راسه بعيد
اسلام / انا على شعره متستهبليش وربنا اخطفك و نطلع عالماذون
ساره / و انا معنديش اى مانع انى اتخطف
اسلام يبتسم و يبص فى عنين ساره الباب يتفتح و سندس تدخل يتعدلوا
سندس / انتوا بتعملوا ايه
ساره / بنتكلم
سندس ترفع حاجبها
سندس / انا جايه انقى طقم لشوق و كلمت ماجى خلتها تجهز الغدى و بعت عبده يجيب شويه طلبات لزوم القاعده ناقص حاجه
اسلام / بخصوص ماجى انا همشيها
ساره / ليه
سندس / انت من يوم مجيت و انت عاوزها تمشى ماجى معانا من سنين
ساره / احنا منقدرش نقوم بشغلها
اسلام / احنا هنساعد بعض و كل اسبوع نجيب اتنين تلاته ينضفوا تنضيفه حلوه و احنا نتابع باقى الاسبوع
ساره / صعب يا اسلام
اسلام / انا مش شايف حل تانى اديكى شوفتى اللى حصل
ساره / بفكر لو كنت خدت الصينيه و انا طالعه يمكن مكنش كل ده حصل
سندس / هو ايه اللى حصل يعنى قولى انك زعلانه عشان ملبستيش الفستان الجامد اللى اشتريناه
ساره / هيروح فين يعنى مهو موجود
سندس / انا هروح لشوق اظبطها بقى ابقوا اقفلوا الباب بالمفتاح بعد كدا
اسلام يقلع الجزمه سندس تطلع تجرى يدحك و يلبسها تانى و ساره تدحك
.........................
فى اوضه سندس بعد شويه سندس تفتح الدولاب محمد يصحى
سندس / انا صحيتك انا اسفه
محمد / انا نمت ؟؟
سندس / يعنى مش اوى
محمد / حمدى جه
سندس / يااااه من زمان دا جه و صالح حنان و خدها و مشى و مصطفى زمانه جاى يقرى فتحه شوق و بنلبس انا جهزتلك طقم حلو اوى فاوضتك بس قولت مصحيكش غير فى الاخر
محمد / هو انا نايم بقالى كام سنه ايه ده كل ده حصل
سندس / ههههههههههههههههههه اسلام مستعجل انا خايفه يجوزنى انا كمان متعرفش حد يخبينى
محمد / هههههههههههههههه
سندس / اعملك نسكافيه تانى
محمد / هو انا كنت شوفت اولانى
سندس / الحوض يشهد عملتلك بس لما لقيتك نايم كبيته
محمد يقوم مالسرير مكسر
محمد / سريرك مش مريح خالص
سندس / اكيد عشان انا مش فيه
محمد يبصلها سندس تدحك
سندس / ايه بهزر معاك
محمد / ماشى عامله ايه
سندس / كويسه الحمد لله لسه مكلتش حاجه عليها القيمه كلو اكل عيانين دا لو اعتبرنا اليانسون و البقسماط اكل عيانين دا اكل ميتين
محمد / هههههههههههههههههه ملحوقه
محمد يغمزلها
سندس / صحيح كان فى واحد طلب منى اعلمه الرقص لما كان رجله مكسوره بس لما خف مش لقياه متعرفش هو فين
محمد / موجود
سندس / يعنى اصلى اعرف ان الرجاله مبترجعش فكلامها
محمد / عدى النهرده و بكره نبدا سوا ايه رايك
سندس / ماشى
محمد / هدومى هناك ؟؟
سندس / اه
محمد / تمام هروح اللبس بقى ورينى الاول هتلبسى ايه
سندس / اهو فستان صيفى طويل
محمد / كت
سندس / الدنيا حر
محمد / و مفتوح من ورا
سندس / الجو ولعه
محمد / متستهبليش البيت مكيف اللبسى بدى تحت
سندس / لا مش هلبس بدى انا بتخنقنى احنا فى اتناشر هنا
محمد يبص عالفستان و يفتح الدولاب و يقلب فى الهدوم و يطلع قطعه اتنين تلاته
سندس / بهدلت الاوضه
محمد / فرصه تتعلمى تروقى بنفسك
سندس / كفايه قولى بتدور على ايه
محمد / حاجه مقفوله
محمد يطلع بوليروه طويل بلون الورده
محمد / حلو ده اللبسي
سندس / فوق الفستان
محمد / اه هيغطى الكمام و الضهر
سندس تبصله
محمد / عشان خاطرى
سندس / و انت هتعمل ايه عشان خاطرى
محمد / اؤمرى
سندس / متشوفش العروسه دى
محمد / ليه
سندس / هو انا سالتك ليه هلبس فى الحر ده قطعتين و بعدين مانا واقفه قدامك بكت و شورت اهو اشمعن انت يعنى تشوفنى لو انت صح
محمد / انتى صح لانا و لا طارق و لا مهاب لينا حق نشوفك كدا
سندس / انت شرير اوى على فكره ياريتنى متكلمت
محمد / انتى حره اللبسى اللى يعجبك يا سندس بس انا بقولك الصح عشان انا شايفك احسن من كدا شايفك احسن من الكل
سندس تبصله بنظره حزينه
محمد / انا هروح اللبس عن اذنك
محمد يمشى و سندس تبص للهدوم اللى فايدها بحزن و تقعد عالسرير
.........................
فى الهول تحت
ناهد / انت بجد هتعمل قرايه فتحه شوق دلوقت
اسلام / الفرحه متستناش يا تيته
ناهد / ههههههههههههههههه ربنا يكتر من افراحنا
اسلام / و انا مش ههدى الا لما الفرحه تملا البيت كلو عن اذنك اما اشوف ساره فين
ناهد / ماشي ياعم من لقى احبابه
اسلام / و ما القلب الا للحبيب الاولى يا اول حب انتى يا قمر
ناهد / ابن ابوك ياوله طول عمره بياع كلام
اسلام / اخص عليكى انا برده بياع كلام
ناهد / متبصليش كدا روح شوف خطيبتك
اسلام / هرجعلك احنا هنروح من بعض فين
اسلام يمشى و مهاب واقف فوق بيتفرج و باين عليه الديق
..........................
فى الجنينه
اسلام / اخيرا لقيتك
ساره / خضتنى
اسلام / لا مقدرش انا بس انا بقالى كتير دايخ عليكى
ساره / خير فى حاجه
اسلام / انا اتصلت بحمدى و حنان هيلفوا و يرجعوا
ساره / انت ناوى على ايه
اسلام / بقولك ايه اتصلى بصحبتك خليها تيجى
ساره / مش بالبساطه دى تيجى تعمل ايه
اسلام / خلاص حددى معاد بالليل بصى انا عاوزه يشوفها النهرده
ساره / اعقل يا اسلام
اسلام / النهرده
ساره / هتصل هتصل بس موعدكش هتيجى
اسلام / حاولى عن اذنك
.......................
فى اوضه محمد
سندس تفتح الباب و تدخل و محمد بيتكلم فى التليفون
محمد / ثوانى
سندس تفتح الدولاب و تقلب فى الهدوم
محمد / هرجع اكلمك سلام .... سندس بتدورى على حاجه
سندس / عاوزه قميص اسود
محمد / ليه
سندس تطلع قميص بكم اسود ساده
سندس / لا مش حلو
سندس تكمل تدوير
محمد / طب اساعدك طيب
سندس / عندك تيشيرت اسود بكم ساده صيفى
محمد / عندى ليه
سندس / عوزاه هاته لو سمحت
محمد يشب فى الرف اللى فوق و يجيب واحد
سندس / دا صيفى دا تقيل
محمد / دا قطن
سندس / شكرا
محمد / طب افهم طيب التيشيرت ... انتى يا بت
سندس تاخد التيشيرت و ترجع اوضتها جرى و ساره تدخل
محمد / لا انتى تروحى اوضه اسلام مليانه هدوم
ساره / ايه ؟؟؟
محمد / اختك المجنونه قلبتلى الدولاب و خد تيشيرت و مشيت
ساره / هههههههههههههههههههه المهم حبيت اقولك ان نسمه جايه النهرده و هتجيب سالى معاها
محمد / ينوروا مين دول
ساره / صحبتى و اختها ... عروستك
محمد / انتوا بتتكلموا جد فى الموضوع ده
ساره / انت جوه قولت ....
محمد/ لا انا قولت ....
ساره / هى جايه النهرده شوفها و اقعد معاها و بعدين قول براحتك
محمد / ساره انا ....
ساره / انا متاكده ان النهرده هيفرق كتير اوى فى اختياراتك صدقنى
محمد / مفيش مشكله
ساره / عن اذنك عشان انا الوحيده اللى ملبستش
ساره تطلع و سندس تدخل لابسه تيشيرت محمد عليه حزام جلد عريض على وسطها على بنطلون جلد اسود و بوت طويل اسود بكعب عالى
سندس / لبست مقفول خالص اهو ايه رايك
محمد / هههههههههههههههههههه
سندس / مؤقتا يعنى لحد مشترى
محمد / التيشيرت احلى عليكى
سندس / طبعا يابنى انا هديهولك منغير مغسله تبروزه و تعلقه فاوضتك هنا
محمد / لا انا بقول خليهولك و هشتريلى جديد
سندس / وماله انا بحب اللبس الجديد برده
محمد / دا احتلال بقى
سندس / و ايه رايك فيه
محمد / احتلال جميل فاى وقت تحبى تحتلى اى حاجه من هدومى اتفضلى بس متشيلى الحزام
سندس / واسع اوى و بعدين احنا اتفقنا انه يبقى مغطى بس
سندس تحط ايدها على بقها و محمد يبتسم بخبث
سندس / ابدا
محمد / ماشى مش مره واحده بس انا فخور فالتقدم ده
سندس / على الله يتمر
محمد / و انتى بتعمليه عشانى انتى بتعمليه عشانك عشان انتى احسن من كدا
سندس / و مننكرش ان ليك دور برده المهم احنا اتفقنا انك هتكنسل حوار البت صاحبه ساره ده
محمد / والله كان نفسى بس للاسف اختك عزمتهم هنا فانا لازم استقبلهم
سندس / ايه الاسلوب ده هو فى لسه حد بيتجوز كدا اذا كانوا اخواتك البنات هيتجوزوا عن حب و اسلام عن حب انت هتتجوز صالونات
محمد / مش هكدب عليكى انا جربت الحب و ممشيش معايا
سندس / و لو الصالونات ممشيش هتعيش عمرك كلو عازب
محمد / مش احنا اتفقنا ان لو انا و انتى ملقيناش حد يحبنا هنتجوز بعض
سندس وشها يحمر و ترجع تلم نفسها
سندس / دا .. دا ... دا كان امتى ده مش فاكره
محمد / خلاص و لا يهمك هبقى اتصرف
سندس / ماشى عن اذنك
محمد / اتفضلى
سندس تبص عالباب و تمشى و عنيها كلها دموع و محمد بيبص عليها بحزن
.....................
بالليل الكل قاعد فى الصالون
اسلام / على بركه الله نقرا الفاتحه
ناهد تزرغط و سندس تقوم تبوس شوق و فى بنتين محجبات حلوين جدا يدخلوا سندس اول متشوف البنت اللى فالصوره دحكتها تروح
الاولى / اتاخرنا و لا ايه
ساره / ازيك يا نسمه ميرسى انك جيتى
سندس تبص لساره و تاخد نفس و تقوم تسلم بثقه
سندس / سندس المصرى اخت ساره الصغيره
نسمه / غنيه عن التعريف انا نسمه مديره مكتب اسلام الجديده
فريده / مكان ماهى
نسمه / معنديش فكره مكان مين
سندس / انا قولت برده انى عارفه كل صحبات ساره نورتى
نسمه / سالى اختى
سندس تسلم عليها و يفضل عنيهم فعنين بعض مع ابتسامه من سالى سندس تبتسم
سندس / نورتى
سالى / دا نورك
ساره / سندس اخر العنقود و الدلوعه بتاعتنا اتفضلوا اتفضلوا
ساره و سالى يروحوا يقعدوا و سندس تروح تقعد على ايد الكرسى بتاعه محمد و تحط ايدها على ضهر الكرسى
اسلام / تعالى اقعدى انا هجيب كرسى
سندس / ملوش لزوم انا مرتاحه كدا مديقاك يا محمد
.................................