سكه السلامه بقلم / لولو_محمد (كامله )

الحلقه ٧٧

(((((((سكة السلامة ))))))
#لولو_محمد
الحلقه السابعه و السبعون

محمد / كان نفسى اعمل معاكى واجب بس معلش
ميرنا / اوك انا داخله اهو
ميرنا تدخل بيت قديم تلاقى شقه دور ارضى محمد يفتح الباب تروح تحضنه يحضنها و تدخل يقفل الباب تبص تلاقى تمن شباب تانين ميرنا تيجى ترجع تلاقى محمد فوشها
ميرنا / فى ايه يا محمد
محمد / انا اللى المفروض اسال فى ايه يا ميرنا ايه اللى حصل
ميرنا تبلع ريقها و تبص حواليها
محمد / بتحبى الحفلات مش كدا
…………………………
ميرنا / انا لازم امشى
محمد يمسكها
ميرنا / سبنى
محمد / هسيبك فحاله واحده بس
ميرنا / انت عارف اللى بتعمله ده ايه انا مش هسكت هطلع من هنا عالقسم هعملك محضر و احبسك انت متعرفش انا بنت مين و لا ايه
واحد ماللى قاعدين / دا لو عرفتى تخرجى على رجليكى اساسا هههههههههههههههههه
الكل يدحك
ميرنا / انت عاوز ايه
محمد / ايه اللى حصل ايه الصور دى و ايه مصلحتك
ميرنا / صور ايه انا مش فاهمه حاجه
محمد / دى لسه هترغى سلام انا بقى يا رجاله مبروك عليكوا خدوا راحتكوا هه
ميرنا / استنى هنا انت رايح فين
محمد / هروح اصالح سندس مش انتى بعتيلها صورك معايا بيتهيالى انك عادى تتصورى مع اى حد عشان كدا جبتلك احلى كاميرا عشان تسجل اجمد حفله هتعيشيها فحياتك و غالبا هتكون الاخيره يعنى
الشباب يدحكوا واحد منهم يصور ميرنا فيديو
ميرنا / انت عاوز ايه بالظبط
محمد / مين اللى صور الصور دى و ايه مصلحتك فيها
ميرنا / بحبك
محمد / هههههههههههههههههههه والله
ميرنا / سندس عارفه و قولتلها قالتلى ابعدى عن اخويا هو مجروح و كلام فاضى من ده
محمد / عرفتى منين ان روبى اللى بعتت الصور جبتى السلسله منين
...........................
ميرنا / لقيتها فى اوضه ماجد لما مشيتوا
محمد / و مجبتيهاش من ساعتها ليه
ميرنا / مكنش فى وقت
محمد /انا ماشى
ميرنا / انت هتسبنى بجد انت متعملش كدا انت متقدرش تسبنى هنا
محمد / هنشوف
محمد يفتح الباب وواحد من اللى قاعدين يقوم يمسك ايد ميرنا تشدها
ميرنا / مهاب
محمد يقف و يقفل الباب و يرجعلها
ميرنا / مهاب اللى قالى اعمل كدا
محمد / كملى
ميرنا / مهاب كان عاوز يتحكم فى سندس عاوز يجوزها لحد على مزاجه و الموضوع كان ماشى يا ماجد يا كريم و بعدين فجاه انت ظهرت
محمد / و بعدين
ميرنا / طلب منى انى ابعدكوا عن بعض بس معرفتش
محمد / و انتى بتسمعى كلامه ليه
ميرنا / عشان محدش فينا يقدر ميسمعش لانا و لا روبى و لا كريم و لا اى حد كلنا ملطوطين بيه خلاص
محمد / مش فاهم
ميرنا / انا و مهاب متجوزين عرفى
محمد / الله فين عقد الجواز
ميرنا / الورقتين معاه
محمد / لا دى بتشتغلنى بقى سلام انا بقى
ميرنا تمسك ايده و هى بتعيط محمد يسحب ايده
ميرنا / الورقتين معاه فى الاول ادانى الورقتين عشان اطمن بس بعدها قالى انه كان مصورنا و ياديله الورق ييبعت الفيديوهات لبابا
محمد / يفضح نفسه هو عبيط يعنى
ميرنا / فيديوهاتى مع كريم
واحد ماللى قاعدين / مانتى مقضياها اهو امال خايفه من ايه بقى
ميرنا تبصله و تبص لمحمد
ميرنا / محمد افهمنى كان غصب عنى
محمد / فى حاجه حصلت بينى و بينك فى الفيلا
ميرنا / انت بتسالنى مانت عارف لا انت اصلا مدتنيش وش
محمد يسيبها و يمشى و يقفل الباب وراه و الباقين يقوموا يقفوا ميرنا تحاول تفتح الباب مبيفتحش
ميرنا / محمد ... محمد والله دى الحقيقه والله دا كل اللى اعرفه انا بعمل اللى مهاب يقولهولى و بس انا مقدرش اقوله لا يا محمد لا يا محمد
واحد منهم / انتى بجد صدقتى اننا ممكن نبصلك احنا نقرف نحط ايدنا عليكى حتى
محمد يفتح الباب و الكل يمشى
محمد / كانت بتعتبرك صحبتها مكنتش تعرف انك زباله اوى كدا غورى فداهيه
ميرنا تطلع تجرى
محمد / ميرنا
ميرنا تبصله و هى بتعيط
محمد / لو بقك اتفتح بحرف الفيديو ده برضه هيتبعت لابوكى و هينزل على جروب الدفعه كمان
ميرنا تهز راسها اه و تركب العربيه و تمشى محمد ياخد الكاميرا من صاحبه و يمشى
..............................
فى الفيلا سندس نايمه فريده تاخد شنطتها و تطلع بره تنزل تلاقى اسلام تحت
اسلام / على فين
فريده / خارجه
اسلام / انا خسرت واحده و مش هخسر التانيه الصبح السواق يوصلك مكان مانتى عاوزه
فريده / انا لازم اروح لمهاب اسكندريه حالا
اسلام / و مين قالك ان مهاب فى اسكندريه
فريده / هو قالى امبارح مالك مستغرب ليه يعنى
اسلام / و قالك هو فين بالظبط فى اسكندريه و لا قالك اسكندريه و خلاص
فريده / انت ليه بتبصلى كدا
اسلام / عشان مهاب فى الجونه مش فى اسكندريه طلع من هنا امبارح راح الجونه و هناك من امبارح تحبى اقولك قاعد فى فندق ايه
فريده / عشان كدا كنت بتسال له مكان و لا لا
اسلام / عشان كدا كنت بسال اه
فريده / امال ليه قالى انه فى اسكندريه
اسلام / مكنش يعرف انى براقبه فكان بيبعتنى بس واضح انه عرف لانه مخرجش من اوضته من ساعتها
فريده / فندق ايه
اسلام / اطلعى يا فريده خليكى جنب اختك و الصباح رباح
فريده / مينفعش
اسلام / ليه فى ايه مستعجل عندك
فريده / اسلام انت بتحب ساره اوى ؟؟؟
اسلام / عمرى محبيت غيرها و معنديش استعداد انى اخسرها
فريده / انا اسفه
اسلام / على ايه انتى عرفتى حاجه ساره جرالها حاجه قوليلى اتكلمى
فريده / لا لا والله ابدا انا بعتزر عن كل حاجه حصلت بسببى زمان انا السبب فكل اللى احنا فيه دلوقت عندى و كبرى و غبائى انا السبب فكل حاجه انا السبب
فريده تعيط و اسلام يحضنها
فريده / انا مش هسمح ان حد يتاذى بسببى تانى انا لازم اعمل حاجه لازم
اسلام / اطلعى ارتاحى اعصابك تعبانه
فريده / لا انا عاوزه العنوان لازم اروح لازم اللحقه قبل مياذيها هى كمان
اسلام / هى مين فريده ابوس ايدك لو تعرفى حاجه قوليلى
فريده / انا معرفش ساره فين بس مهاب اكيد يعرف قولى هو فين و انا هعرف اتصرف ارجوك يا اسلام قولى هو فين
محمد يدخل اسلام يبصله حمدى يدخل وراه
اسلام / انت بتعمل ايه هنا يلا
محمد يطلع كاميره الفيديو و يورى اسلام اعتراف ميرنا
صوت ميرنا / محمد افهمنى كان غصب عنى
صوت محمد / فى حاجه حصلت بينى و بينك فى الفيلا
صوت ميرنا / انت بتسالنى مانت عارف لا انت اصلا مدتنيش وش
محمد / انا طالع لمراتى انا مخنتهاش عن اذنك
محمد ياخد الكاميرا و يطلع
حمدى / مهاب اللى مسلط البت كان متجوزها عرفى و ماسك عليها فيديوهات لامؤاخذه
اسلام يبص لفريده يلاقيها بتعيط ياخدها فى حضنه
فريده / ابوس ايدك ادينى العنوان بقى ادينى العنوان
اسلام / هاجى معاكى بنفسى بس الاول نطمن على سندس ماشى تعالى معايا
التلاته يطلعوا فوق
...................
فى اوضه سندس
اميره / انا مصدقت نامت يا محمد سيبها
محمد / لا مش هتنام و هى فكرانى خنتها مش هتنام و هى زعلانه منى
سندس تفتح عينها و اول متشوفه تعيط يجرى عليها و يفتح الفيديو
محمد / انا مخنتكيش انا عمرى مبص لغيرك عمرى
سندس / انت كدااااب
محمد / كدبت اه حصل بس مكنتش عارف هى صادقه و لا لا مكنتش عاوز اوترك اكتر مانتى كنت خايف تكون بتكدب كنت بجيب السلسه بتاعتك انتى بتحبيها و انا ...سندس انا ميرنا دى متملاش عينى ببصله اقسم بالله شوفى بس
سندس / مش عاوزه اسمعك اطلع بره مش قادره ابصلك حرام عليك بقى يا اخى حرام عليك
اسلام يدخل
اسلام / سندس اهدى بص اطلع يا محمد بره هات الفيديو ده لو سمحت اطلع بره
سندس / ارحمونى بقى ارحمونى
اسلام يشغل الفيديو
صوت ميرنا / مهاب مهاب اللى قالى اعمل كدا
صوت محمد / كملى
صوت ميرنا / مهاب كان عاوز يتحكم فى سندس عاوز يجوزها لحد على مزاجه و الموضوع كان ماشى يا ماجد يا كريم و بعدين فجاه انت ظهرت
صون محمد / و بعدين
صون ميرنا / طلب منى انى ابعدكوا عن بعض بس معرفتش
صوت محمد / و انتى بتسمعى كلامه ليه
صوت ميرنا / عشان محدش فينا يقدر ميسمعش لانا و لا روبى و لا كريم و لا اى حد كلنا ملطوطين بيه خلاص
صوت محمد / مش فاهم
صوت ميرنا / انا و مهاب متجوزين عرفى
سندس تبص لمحمد
محمد / انا عمرى مخونك اصلا
اميره / و هى اللى بعتت الصور
فريده / محمد خليك جنب سندس اتعاتبوا براحتكوا اسلام ارجوك كل ثانيه بنتاخرها
اسلام / تمام يلا
حمدى / انا جاى معاكوا
اسلام و حمدى و فريده ينزلوا تحت يلاقوا طارق داخل
طارق / على فين
فريده / مفيش وقت
طارق / جوايا احساس قوى اجى معاكوا
اسلام / تعال بس يلا
الاربعه يركبوا العربيه و يمشوا
...................
فى اوضه سندس
اميره / انا هروح اقعد مع الاولاد لوحدهم مالصبح
محمد يهز راسه و اميره تمشى يروح يقعد جنب سندس
محمد / احم
سندس بتعيط
محمد يمسح دموعها و يبوسها من خدها و ياخدها فى حضنه
محمد / حقك عليا انا الغلطان
سندس / انت عمرك مهتتخيل حسيت بايه لما شوفت الصور لو كنت قلتلى انك رايح لميرنا
محمد / خلاص ننسى
سندس / بابا و ماما و زياد و تيته و ساره مكنش ينفع انت كمان يا محمد مش بالسرعه دى و كان كل اللى بحبهم
محمد / هششششششش خلاص حقك عليا انا بس كان المفروض تبقى واثقه فيا اكتر من كدا لو مش انتى عارفه غلاوتك عندى لو مش عارفه
سندس / انت كدبت
محمد/ غلطت و اتعاقبت اسوء عقاب انا بموت فكل ثانيه من ساعه مشوفتك فى الارض
سندس / بعد الشر
محمد / انا بحبك يا سندس بحبك و مقدرش اعيش منغيرك لاعمرى خنتك و لا عمرى هخونك عشان انا بحبك
سندس تحط راسها على صدره تانى و تعيط
محمد / عاقبينى كمان انا استاهل حقك عليا
سندس / ساره بقالها تلت ايام يا محمد مشوفتهاش من يوم الفرح مكنتش برضى افتح الباب و انا عارفه ان هى اللى بره يا محمد ياريتنى فتحت الباب ياريتنى خدتها فى حضنى حتى
محمد يمسك راسها و يحط عينه فى عينها
محمد / ساره بخير ان شاء الله هترجع انا متاكد
سندس / ساره مش بخير لو كانت مخطوفه كانوا طلبوا فلوس كانوا اتصلوا
محمد / و لو كانت ميته كنا لقينا الجثه
سندس / قلبى واجعنى على اختى قوى مش عارفه الاقيها منين و لا منين انا تعبت تعبت اوى
محمد / ايه انتى نسيتى و لا ايه بنعمل ايه لما بنبقى عاوزين حاجه قومى قومى اتوضى و نصلى انا و انتى هنفضل نصلى لحد ميرجعوا قومى
محمد يسند سندس و يقومها
.........................
فى فندق فى الجونه
فريده / استنونى هنا انا هتكلم معاه لوحدينا
اسلام / تمام
فريده / تمام
فريده تطلع و مصطفى و اسلام و حمدى و طارق يقعدوا فى الهول
طارق / اخبار سندس ايه
اسلام / مهاب اللى عمل الحوار السخيف ده
حمدى / مهاب ده ابن كلب انا اصلا مش عارف احنا ليه مناخدوش عالمخزن و نديله علقه موت لحد مينطق بكلامها
اسلام / عشان مش هينطق لو هيموت مش هينطق هى هنا فى الجونه
مصطفى / انا كمان حسيت بكده كان رايح فى حته و فجاه بقى رايح جاى و يدخل يمين و شمال
اسلام / كلو على الله
......................
فى اوضه مهاب
مهاب بيبص مالشباك عالعربيه الباب يخبط يروح يفتح يلاقى فريده
مهاب / انتى عرفتى مكان.... اه اسلام بيه قالك
فريده تزقه و تدخل يقفل الباب و يدخل وراها تطلع السيديهات من شنطتها و ترميها عالسرير
فريده / ساره فين
مهاب / فجيبى تعالى دورى عليها ... ايه دول
فريده / مش عارف لياليك القذره نص البنات اللى فى الفيديو قد بناتك يا دنى
مهاب / اعلى مافخيلك اركبيه
فريده / ساره فين
مهاب / انتى طالق
فريده / فداهيه اختى فين
مهاب / دلوقت افتكرتى انها اختك دلوقت حسيتى انها مالعيله و خفتى عليها انتى هتصيعى عليا
فريده / الاول انا كنت فكراك بتحبها لكن لما شوفت الفيديو بتاعها معاك عرفت قد ايه انت قذر دحكت عليها و رميتها دمرتها انا كنت فاكره انها بترفض العرسان عشان بتحبك اتاريها الغلبانه
مهاب / بحبها و بتحبنى و يلا اطلعى بره
فريده / و رحمه بابى
مهاب / ابوكى الحرامى عمره مهيشوف الرحمه ابدا
فريده / اخرس يا كلب هو زيك ابويا اشرف منك و ماللى خلفتك
مهاب يمسك فريده من ايدها جامد
مهاب / قولى تانى كدا
فريده / امك اللى خطفت اخويا و هددتنى انى لو اتكلمت هتخطفنى انا كمان و هتحرمنى من اهلى امك الواطيه اللى كانت بتاكل فى بيتنا
مهاب يخنق فريده
فريده / اسلام مش هيسيبك
مهاب / موتى انتى بس و انا هفضاله
فريده تحاول تجيب اى حاجه تضرب بيها مهاب مش عارفه
فريده / بموت
مهاب / غورى بقى عشر سنين قرفانى فعيشتى زوجه فاشله و ام فاشله عاله ملكيش اى فايده لا دم و لا احساس بكرهك بكرهك موتى بقى موتى
فريده مبتتحركش مهاب يقوم يعدل هدومه
مهاب / كل يوم كنت بحلم باللحظه اللى تموتى فيها كان هاين عليا اقتلك كل ثانيه بس جبنى كان مانعنى بس انتى انتى و الكلب اللى جبتهولى مالشارع جننتونى بس انا خلاص مش هخاف انا هروح للبنت اللى بتحبنى عشانى مش عشان فلوسى بصحى بكلمه حلوه و انام على كلمه حلوه البنت اللى ضافرها بمليون واحده زيك اتفوووووووو
مهاب يلم السيديهات و يرميها فبسكت الزباله و ياخد مخده و يفك كيسها و يولع فيه و يرميه عالسيديهات و يطلع
...................
فى الهول
طارق/ مهاب نزل
اسلام / فريده فين
حمدى / دا خارج مالفندق
اسلام/ احنا هنروح وراه اطلع انت لفريده اطمن عليها
طارق يطلع و حمدى و اسلام و مصطفى يطلعوا بسرعه يركبوا العربيات و يطلعوا ورا مهاب
........................
فى اوضه مهاب فى الفندق
طارق يروح عالاوضه يلاقى الباب مقفول يضربه كتف التانى يتفتح يلاقى فريده عالسرير و النار ماسكه فى الزباله يجرى يجيب ازازه الميه من عالترابيزه و يفضيها فوق الزباله تنطفى و يروح لفريده ويجس النبض و يفوقها تفتح عينها و تتكلم بتعب شديد و بصعوبه
طارق / انتى كويسه فريده فريده ردى عليا
فريده / ساره ...الواطى ...ساره
طارق / اسلام راح وراه متخافيش متخافيش
فريده / الكلب الواطى و انا اللى بعت الكل عشانه الواطى حاول يقتلنى
طارق / ارتاحى انتى بس و كلو هيبقى تمام اهدى انتى بس
...................
عند ساره
مهاب يروح الفيلا عند ساره يركن العربيه و يدخل يجرى على اوضه ساره يفتح الباب يلاقى ساره مغمضه و مبتتنفسش يجرى يحط ايده عليها
مهاب / لا ... لا لا
مهاب يفك ساره و يهزها مبتتحركش
مهاب / نسيت افكك نسيت لا فوقى لا حرام عليكى فوقى لا
مهاب يقوم يروح ناحيه الاكل و الميه يلاقيهم بايظين خالص يقلب الترابيزه كلها فى الارض و يروح الحمام جنب الاوضه و يملا ايده ميه و يرجع يجرى يبل شفايفها مبتتحركش يشد فى شعره و يفضل يهز فيها و هو بيصرخ
مهاب / لا فوقى لا مش بعد كل ده لا فوقى فوقى حرام عليكى ابوس ايدك فوقى
مهاب يرجع لورا خطوتين و يبص عليها و الدموع ماليه عنيه
مهاب / قتلتها قتلت الحاجه الوحيده اللى حبتها فى حياتك قتلتها يا مهاب قتلتها يابن الكلب قتلتها بايدك
مهاب يخبط راسه فى الحيطه لحد ميقع فى الارض و هو بيعيط يسمع صوت خطوات عالسلم يبص لساره و يقفل الباب عليها و يطلع يجرى عالسطح اسلام يجرى وراه و الباقيين يدوروا فى الاوض و عالسطح مهاب يدور على طريقه يهرب منها ميلاقيش يجى ينزل يلاقى اسلام حصله يطلع مسدسه
اسلام / على فين دانت حسابك تقل معايا
مهاب / ابعد عن طريقى بدل مقتلك
اسلام / انت هتخوفنى بالبتاع ده هى فين
مهاب / انت ايه يا اخى انت ايه مفيش دم كان يوم اسود يوم مدخلت حياتنا
مهاب يحاول يضرب اسلام اسلام يمسك المسدس و رصاصه تطلع فى الهوا
اسلام / مراتى فين يا حيوان
مهاب / مراتك ؟؟؟ مراتك باماره ايه لتكون صدقت نفسك ياله دى مراتى انا و من عشر سنين كمان
رصاصه تانيه فى الهوا
اسلام / متحاولش انا النهرده يا قاتل يا مقتول
مهاب / و انا مش فارق معايا خلاص معدش عندى اللى اعيش عشانه و انت السبب انت اللى حاولت تاخدها منى كانت هتسامحنى كان هيجى يوم و تسامحنى لحد مانت ظهرت فى حياتنا
طلقه تالته تطلع فى الهوا
مهاب / انا اصلا مستغرب انك ترضى تتجوزها و انت عارف اللى كان بنا الا اذا كنت بتحاول تنتقم منى
اسلام / انت بتخرف بتقول ايه
مهاب / ايه عاوز تفهمنى انك مش عارف ايه كل ده و ملمستهاش مقالتلكش انى كنت بجيبلها حبوب منع الحمل بايدى
صوت طلقه و ثوانى و مهاب يقع فى الارض و المسدس فايد اسلام و هو مصدوم مصطفى و حمدى يطلعوا اسلام ينزل فى الارض على ركبه مصدوم و بيبص على مهاب
حمدى / عاش كلب و مات كلب اتفو
………………………………