سكه السلامه بقلم / لولو_محمد (كامله )

الحلقه ٢٢

(((((((سكة السلامة ))))))))
#لولو_محمد
الحلقه الثانيه و العشرون
سندس / متشلش همى انا مش صغيره
محمد / يعنى انتى بجد مش حاسه باى حاجه غلط عملتيها
سندس / اسمع يا محمد انت مش هتغيرنى اوك اقبلنى زى مانا او سبنى زى مانا
محمد / انا عاوزك احسن
سندس / حتى لو... التغيير اكيد بياخد وقت
محمد / هصبر لامتى يعنى
سندس / انا اصلا مش مجبره اتغير عشانك
محمد / لا طبعا مش عشانى انا مالى انا عشانك انتى عشان نفسك و مستقبلك
سندس / و بعدين ايه اللى انت عملته فى الحفله ده انت بتشيل مطوه
محمد / اه من زمان
سندس / انت عارف انك لو اتمسكت بيها تتحبس
محمد / لو بقى
سندس / و انا اللى فظيعه و يتخاف منى
محمد / انتى دانتى ملكيش زيى ربنا يهديكى تعالى اركبى
سندس تروح تركب و هى مبسوطه اوى و بتحاول تدارى محمد يسوق
..............................
فى اوضه اسلام
محمد / هتجلطنى و ربنا
اسلام / محمد انا معتمد عليك فى حوار سندس ابوس ايدك عينك فوسط راسك
محمد / والله بتيجى عليا يا سلامه البت يتفاتلها بلاد ايه هسيب دنيتى و اللزقلها
اسلام / بغره تلزق بغره اديك شايف
محمد / مش هتتغير على فكره انا بقول نوقدها و نرتاح
اسلام / بس يلا
محمد / بس تصدق انا حسيت براحه عجيبه لما ضربت اللى اسمه كريم ده
اسلام / مش عارف هعمل معاها ايه بجد
صوت اغانى عالى اسلام و محمد يطلعوا البلكونه يلاقوا سندس مشغله السماعات و بتتنطت عالترامبولين اسلام يبص لمحمد
محمد / متبصليش اتعامل بقى انا داخل انام
....................
فى الجنينه
اسلام يروح يلاقى سندس بتتنطت و ترقص عالترامبولين يقف تحت و يشاورلها تشاورله يطلع يهز راسه لا و يشاورلها تنزل تنزل و تطفى الاغانى
سندس / ايه مش تنام وراك سفر الصبح
اسلام / كان نفسى انام بس تقولى ايه بقى النصيب
سندس / سورى مش فاهمه
اسلام / تعالى اقعدى جنبى
سندس و اسلام يقعدوا على كرسيين جنب السماعات
اسلام / تعرفى الواحد امتى ينام
سندس / امتى
اسلام / لما ميبقاش شايل هم
سندس / لا مش شرط انا معنديش هموم و مبنامش
اسلام / ههههههههههههههههه ماشى خلينا فيا انا دلوقت
سندس / اوك جوت ايت انت بقى ايه همومك
اسلام / انتى
سندس / انا ؟؟؟ليه؟؟؟
سندس تبص فوق تلاقى محمد بيبص مالبلكونه تشاورله
سندس / هو قالك عمل اي دا فتح مطوه فى حفله صحبتى فبيتها تخيل
اسلام / لو انا كنت قتلت الكلب اللى رقص معاكى ابن مين فى مصر هو عشان يرقص معاكى دانا معملتهاش
سندس / احنا فيها قوم قوم
اسلام / يا قلبى منك انتى مبتصدقى اقعدى يابت
سندس / ايه بس
اسلام / سندس الواد ده امانه فى رقابتك ابوه و امه موصينى عليه ابوس ايدك ارجع الاقيه سليم
سندس / ههههههههههههه وصيه هو عليا مشوفتوش النهرده شدنى من دراعى والله لسه واجعنى
اسلام / طبيعى الحمد لله مش انا كنت جبستهولك
سندس / يا ساتر
اسلام / سندس
سندس / انا بجد مش عارفه مكبرين الموضوع ليه
اسلام / ربنا يهديكى يا سندس اقولك ايه بس اسمعى كلام محمد و خلاص و ياريت متروحيش فى حته الا لما يكون حد عارف مكانك و تليفونك جنبك تردى اول منرن بجد متقلقيناش عليكى تانى انا مقلقتش فى حياتى زى مقلقت عليكى
سندس / اوك اوك حاضر
اسلام / خشى نامى بقى عندك كليه الصبح يلا
سندس / و انت مش هتنام
اسلام / فاضل ساعتين عالطياره هعمل ايه مانتى السبب
سندس / بيج ديل نام فى الطياره ... هو هيفضل يتفرج علينا كدا كتير
اسلام / على اوضتك
سندس / اوك اوك مش عارفه انتوا بتتعاملوا معايا كدا ليه
اسلام / يارب
سندس / حاضر خلاص
.........................
عالسلم سندس طالعه و محمد عينه معاها
سندس / انا عارفه انى حلوه بس مش اوى كدا
محمد / هاااااع ايوه ايوه
سندس / منمتش ليه
محمد / خليكى فى حالك تعرفى
سندس / انت حالى ابيه لسه موصينى عليك قالى اخد بالى منك لحد ميرجع
محمد / هههههههههههههههههههههههههههه بجد
سندس / اهو طالع اساله انا داخله اوضتى سلام
سندس تمشى و محمد عينه معاها اسلام يطلع
اسلام / ادخل نام يابنى
محمد / خلينى صاحى اوصلك المطار
اسلام يتنهد و ياخده و يدخلوا اوضتهم
.........................
تانى يوم فى الكليه
محمد داخل بالعربيه جنبه سندس يعدى من جنب منى وواحده معاها
واحده / هو محمد اللى كان سايق
منى / مستحيل طبعا
واحده / معرفش اتهيالى هو
.................
فى الكافيه
محمود / اتاخرت يا برنس
محمد / مش بمزاجى والله
سندس ترمى نفسها على كرسى
سندس / هموت و انام بجد شرير
محمد يبصلها
سمره / هجيب نسكافيه
سندس / ميرسى معلقتين سكر بليز عشان الدايت
سمره يبص لمحمد و يرفع حاجبه محمد يدحك سمره يمشى محمد يقعد جنب سندس و هى بتلعب فى التليفون سندس تدحك محمد يبص عليها
محمد / جبت الجداول
محمود / اه خد الجدولين
سندس / لو كنت قولتلى اننا جايين للجداول كنت جبتهملك من فريده
محمد / من هنا ورايح صحيان بدرى و نوم بدرى
سندس / بليز اقتلنى دلوقت و خلصنى
سمره يرجع بالنسكافيه
سندس / ميرسى كتير بجد
سمره / تؤمرى
تليفون سندس يرن
سندس / الو...فى الكافيتريا يا بنتى انتى فين ..........اوك ..هستناكى ....بيس باى
منى تعدى هى و صاحبتها تبص على سندس جنب محمد و سندس تاخد بالها و يفضلوا عنيهم فى عنين بعض
محمد / انا هقوم ثوانى و جاى
سندس / خد راحتك انا عن نفسى مش قادره خالص اتحرك
الشباب يقوموا و سندس تفضل لوحدها تشرب النسكافيه و منى و صاحبتها يقعدوا فى الترابيزه اللى قدامهم ووشهم فى وش سندس سندس تطلع النضاره الشمس و تلبسها ميرنا تدخل تسلم على سندس و تقعد جنبها
ميرنا / قلقت عليكى موت امبارح مش تكلمينى تطمنينى
سندس / تقلقى ليه يا بنتى
ميرنا / انتى بتهزرى صح محمد واللى عمله
سندس / ههههههههههههههه انتى قلقتى عليا من اخويا
ميرنا / اخوكى فى عينك مش عليا يا سندس بطلى الحركات دى
سندس / عليكى و على غيرك دى الحقيقه
ميرنا / عاوزه تفهمينى ان اللى حصل امبارح مكنش غيره يعنى
سندس / نو واى غيره ايه هو ادايق بس عشان اسلام مش اكتر
ميرنا / و انتى
سندس / ميرنا بليز انا منمتش كويس
ميرنا / على العموم لو ميخصكيش باصى
سندس / ميرنا اسمعى محمد لسه خارج من علاقه فاشله و مش حمل جرح جديد اوك
ميرنا / اوك متساعدنيش انا هتعامل لوحدى
سندس / ميرنا انا حزرتك
ميرنا / مش قولتى اخوات
سندس / انا قولت اللى عندى و خلصت محمد خط احمر
كريم يدخل و حاطت لزقه على مناخيره ووارمه
سندس / اوووه
كريم / مش عاوز تعليق مكلمتنيش امبارح يعنى
سندس/ متلومنيش محدش قالك تقف قدام القطر
كريم / هو اللى خدنى على خوانه
سندس / صح
كريم / ان كان عاجبك اتصلت بيكى كتير اطمن
سندس / تطمن على ايه على راى محمد مفيش حد اتحرك اصلا كلكوا خفتوا لما فتح المطوه
ميرنا / القطر جه
كريم / ميرنا
محمد يرجع هو و صحابه
سندس / كنتوا فين كل ده
محمد يبص لكريم
محمد / هو انا اتغابيت اوى كدا
محمد يقعد جنب سندس و كريم يبص الناحيه التانيه
سندس / بليز شباب انتوا صحابى و اخواتى بليز بلاش مشاكل
محمد / اه صح
سندس تشد محمد من ياقته عليها و هو باصصلها باستغراب و توشوشه فى ودنه
سندس / انت تعرف البنت اللى فى الترابيزه اللى قصادنا وشها ليا لابسه اخضر
محمد يبص / منى مالها
سندس تبوسه من خده و تتعدل فى قعدتها مكانها و الكل باصص على اللى حصل حتى منى و صاحبتها محمد يقوم و يمشى سندس تشرب شويه ميه و تبتسم لمنى و تقوم ورا محمد
محمد / ايه اللى عملتيه ده
سندس / ايه صعبت عليك
محمد / مين دى
سندس / منى مانا كنت بحرق دمها بخليها تشوف انت بقيت ايه و مع مين
محمد / انتى بتهزرى يا سندس متعمليش كدا تانى لو سمحتى
سندس / اوك انت اخويا يعنى مكنش قاصدى حاجه
محمد يبصلها و يبص الناحيه التانيه
سندس / انت هتكبر الموضوع ليه انت تطول اصلا الف من يتمنى على فكره يكون مكانك
محمد / قولى مليون بس متعمليهاش تانى
سندس / اوك خلاص
محمد / ادايقت اوى ؟؟
سندس  / ولعت
محمد / احسن
سندس تدحك و محمد يدحكلها
.........................
فى فندق فى امريكا
اسلام / الواحد حاسس انه واخد علقه جامده
ساره / دا مالسفر هيروح نام شويه على مخلص شويه حاجات
اسلام / بتهزرى صح انا فى بلد عمرى مزورتها  مش هنام طبعا انا هنزل اللفها حته حته
ساره / ههههههههههههههههههه طب ممكن اجى اللف معاك
اسلام / بس كدا تؤمري ايه الخطه بقى
ساره / انا كلمت كذا مكتب تحرى و اتفقت اننا هنتقابل
اسلام / طب منطلع عالسفاره
ساره / مفتكرش هتوصلنا لحاجه مانت عارف 
اسلام / تمام عاوزين نشوف مرشد بقى عشان عاوز اشترى هدايا للبيت كلو و خصوصا العيال ولاد فريده
ساره / مش محتاج انا معاك 
.......................
فى اوضه فريده
مهاب / انتى مصدقه حكايه اللغه دى
فريده / اسلام محدث نعمه مش متعود يكون معاه فلوس فسيبه يفرح شويه و يلف الدنيا و اهو بالمره ينشغل هو و ساره بعيد عنك
مهاب / و تفرق فى ايه مانا مبروحش الشركه
فريده / عملت ايه صحيح فى القضيه
مهاب / المحامى شغال انتى عملتى ايه مع اميره و سندس
فريده / اميره ملهاش رايى و سندس محاولتش اضيع وقتى معاها اديك شايف محمد واكل عقلها ازاى
مهاب / فى ايه محمد يعنى عن كريم او غيره الواد كانه سحرلها
فريده / بس بينى و بينك انا فرحانه بالتغيير اللى بتوصله بس اكيد يعنى محمد ده مش مناسب خالص
مهاب / دورك بقى دى اختك الصغيره و لازم تهتمى بيها شويه
فريده / دورك دورك امال انت بتعمل ايه
مهاب / انا هروح اتكلم مع اميره
فريده / اوك روح انا هنام
.............................
فى الجيم
محمد يدخل يلاقى سندس بترقص على اغنيه كيلى كلاركسون امومنت ليك زيس ينزلها تبطل رقص
محمد / حلوه الاغنيه دى
سندس / اه انا بحبها اوى
محمد / بس مبحبش الاجنبى بصراحه مبفهموش
سندس تجيب الاغنيه من الاول و تبص فى عنين محمد
سندس/ لو قولتلك ان كلو مقدر هتصدقنى و هتوافق
محمد / ايه
سندس / كانه احساس اننا اتقابلنا قبل كدا فقولى انك مش شايفنى مجنونه لما اقولك ان الحب جه هنا و دلوقت
محمد / اااااه حلوه
سندس / لحظه زى دى بعض الناس بيستنوا عمرهم كلو عشان لحظه زى دى بعض الناس بيدوروا للابد على قبله واحده مميزه انا مش مصدقه انها بتحصلى بعض الناس بيستنوا عمرهم كلو عشان لحظه زى دى
محمد / كملى
سندس / كل حاجه بتتغير و بيبقى الجمال احيانا رقيق جدا مقدرش اشرح بس لحد مفوق ممكن نخلى الحلم ده يستمر للابد و هقدس كل الحب اللى بنتبادله
محمد / رقصك عليها حلو اوى
سندس / اكمل ترجمه و لا كفايه
محمد / لا كملى عجبتنى هخليها نغمه موبايلى كمان
سندس / ترقص معايا عليها
محمد يرقص معاها و هى نكمل ترجمه
سندس /هو ده ممكن يكون الحب الكبير
محمد / ايه اه تمام
سندس / عاوزه اعرف ان كنت هتمسكنى لما اقع فخلينى اقولك بعض الناس بيستنوا عمرهم كلهم للحظه زى دى
ميرنا تدخل
ميرنا / مكنتش عمرى هلاقى اغنيه احلى ارقص عليها
محمد يسيب سندس
محمد / احم اوك اسيبكوا انا بقى و اروح اوضتى
ميرنا / على فين خليك
محمد / مره تانيه عن اذنك
محمد يمشى ميرنا تبص لسندس سندس تغير الاغنيه و ترقص
ميرنا / ايه مبترديش على موبايلك يعنى
سندس / سبته فوق قولت افك شويه متيجى بتعشقى الرقص
ميرنا / انا بقول امشى احسن حسيت انى قطعت حاجه كدا
سندس / ميرنا متوهميش نفسك بحاجه مش موجوده احنا كنا بنرقص عادى لو كان بينى و بين كريم او ماجد حاجه هيكون بينى و بين محمد
ميرنا / سندس حبيبتى انتى اخر مره غيرتى استايلك امتى خلينى اقولك حفله ماجد اللى محمد رقص معاكى فيها فاكره و من يومها و انتى نفس اللوك نفس الميكاب حتى استايل لبسك كلو طويل و ماكسى
سندس / الجو برد
ميرنا / برد اوك على العموم انا جيت اطمن عليكى بس و ماشيه هشوفك بكره فى المحاضره
سندس / اوك
ميرنا / سلام
.......................
فى امريكا
اسلام / طول عمرى نفسى يبقى عندى كاميرا بروفيشنال
ساره / الحمد لله
اسلام يصور ساره
ساره / بتعمل ايه
اسلام / طالعه حلوه شوفى
ساره / فعلا حلوه الصوره دى
اسلام ياخد صور كتير و ساره تنكسف و هو مصمم يصور
ساره/ انت جاى تصورنى انا بس
اسلام / لا ازاى مالمناظر طالعه كلها فى الخلفيه
ساره / ههههههههههههههههه طب هات اصورك انا
اسلام / اتفضلى بس اوعى تفضحينا
ساره تاخد الكاميرا و اسلام واقف متخشب
ساره / انت واقف كدا ليه
اسلام / اقف ازاى
ساره / لف
اسلام / ايه
ساره / لف دور
اسلام يلف ساره تلقط كذا صوره و هو بيتحرك و توريهمله
اسلام / انتى درستى تصوير
ساره / بابا الله يرحمه كان بيحب التصوير اوى و خدتها منه
...........................
اسلام / انهى بابا فيهم
ساره / عموا محمود باباك
اسلام / طب هاتى اصورك انا بقى و المرادى انتى لفى اما اجرب
ساره / ههههههههههههههههه مره تانيه يلا بينا
.....................
فى شركه مصطفى
شوق / تحفه
مصطفى / مكنتش بحلم بيها عمرى كدا
شوق / و اهو بقى حقيقه
مصطفى / بس دا مش حقى
شوق / اسلام طول عمره كدا كريم و اللى فى ايده مش ليه
مصطفى / ماشى يا شريكتى انا نزلت اعلان مطلوب مهندسين يشتغلوا معانا و طبعا هتساعدينى فى الانترفيو
شوق / وانا افهم ايه فى الهندسه
مصطفى / الله مش شريكتى اكيد ليكى راى انا بقول نسميها الفا لاجهزه كومبيوتر و الطباعه و التصوير ايه رايك
شوق/ اوك اللى تشوفه
مصطفى / اوك على العموم فاضل ساعه و يوصلوا ياترى ممكن نفطر و لا مخدتيش الاذن برده
شوق / قلبك اسود اوى كنت عاوزنى اعمل ايه
مصطفى / انتى عملتى الصح على فكره
شوق / شكرا
.............................