سكه السلامه بقلم / لولو_محمد (كامله )

الحلقه ٥٨

(((((((سكة السلامة ))))))
#لولو_محمد
الحلقه الثامنه و الخمسون
اسلام / بتحبينى و لا لا
ساره / بحبك خلاص ارتحت دانت رخم
اسلام / هههههههههههههههههههه
اميره / خلاص زى مطارق قال كتب الكتاب الخميس الجاى
مهاب / مستعجلين على ايه اوى كدا
اسلام / مهاب ازيك روحت فين يا راجل
مهاب / كتب الكتاب الخميس الجاى ؟؟ مش بدرى اوى
اسلام/ الفرصه لما بتيجى لازم الواحد يقفش فيها لحسن لما بتطير مبترجعش
مهاب / الفرصه لو بتاعتك مفيش مخلوق هياخدها غيرك بس لو بتاعه غيرك مفتكرش هيسمحلك تاخدها
اسلام / بتاعتى يا مهاب بتاعتى
............................
ناهد / اتفقنا على بركه الله الخميس الجاى كتب الكتاب
مهاب / بس مش تستنى تظبط حاجتك الاول و تطمن عالسنتر و كدا
فريده / و مالهم هما ممحمد و سندس يهتموا بحاجتهم
اسلام / مهو الخميس كتب الكتاب بس الدخله هتتاجل شويه لحد مالاوضاع تستقر عشان .... انا ناوى اخد ساره فشهر عسل مفتوح نلف فيه الدنيا فلازم اطمن ان كل حاجه هنا تمام الاول
مهاب / مفتوح
اسلام / يعنى سنه اتنين كدا
ناهد / هههههههههههههههههههههه ربنا يكرمك يا اسلام سنتين عسل
اسلام / العمر كلو يا تيته مع ساره العمر كلو هيبقى عسل ان شاء الله
ساره تتكسف و تبص فى الارض و مهاب يطبق صوابعه و يجز على سنانه
............................
فى الكافيه
محمد/ جت اهى ياريت تكون قررت ناوى على ايه
سندس / ازيك
يوسف / ازيك
محمد / انا هقوم اعمل حاجه و ارجع عن اذنكوا
محمد يقوم و سندس تقعد مكانه و الاتنين زعلانين من بعض
يوسف / انا زعلان منك على فكره
سندس / كويس كدا خالصين
يوسف / لا مش خالصين انا مبدورش على فلوسك انا لو كنت بدور عالفلوس كان زمانى بره انا بحب شغلى ماشى
سندس / و انا مش شمال
يوسف / اسف انا زودتها اوى
سندس / انت ليه كدا بجد
يوسف / انا تعبت يا سندس اعمل ايه اكتر من كدا
سندس / انت معملتش حاجه اصلا يا يوسف
يوسف / لانك مش مديانى فرصه
سندس / مش دورى اديك فرصه انا الدنيا كلها مش مديانى فرصه
سندس ترفع راسها توريله الجرح
يوسف / ايه ده
سندس / الدنيا ... الدنيا اللى مستكتره عليا يوم فرحه ادتنى على دماغى انا عارفه .... تمام انا عارفه اننا مش بنلاقى وقت بس مش بمزاجى انت جيت فوقت صعب كل حاجه غلط كل حاجه زفت اعمل ايه انا
يوسف / حقك عليا
سندس/ انت شوفتنى مدايقه و مخنوقه و طالع عينى و اتصلت بيك و قولتلك
يوسف / مانا قولتلك نخرج لوحدينا انتى اللى صممتى نروح الحفله
سندس / لانى كنت حقيقى مخنوقه مكنش ينفع تسبنى و ترقص مع غيرى مكنش ينفع تسبنى لوحدى
يوسف / انتى غيرتى ؟؟؟
سندس / اتلهى
يوسف / ههههههههههههههههه
سندس / انا محتاجه اجازه محتاجه حد يخبطنى على دماغى افقد الذاكره كام شهر كدا و اعمل ريستارت
يوسف / اخص عليكى عاوزه تنسينى
سندس / عاوزه انسى نفسى يا يوسف
محمد يرجع
محمد / ايه الاخبار
سندس / اولا انا ليا شرط للصلح
يوسف / و انا كمان ليا شرط
سندس / قول الاول
يوسف / بصى انا دور وقت الفراغ ده مش ماشى معايا
سندس / يوسف انا مقولتلكش انى بحبك انا قولتلك انى هديك فرصه و اديتهالك و مش سهل مستحيل اصلا اسمح لحد غريب يقرب منى
يوسف / هو انتى بتسمى كدا مقرب
سندس / اه و اسال غيرك
يوسف / على الاقل مرتين فى الاسبوع نتقابل
محمد / السنتر مش كفايه عليك
يوسف / ماشى و شرطك ايه
سندس / زى مقولت انا مقولتش انى بحبك انت غالى عندى بس انا مش عارفه مشاعرى ناحيتك ايه فارجوك متطلبش منى اى حاجه
محمد يتعدل فى اعدته و يبص لسندس و يبص ليوسف
يوسف / هو انا طلبت منك حاجه
سندس / لا لا انا اقصد متطلبش منى انى اتفاعل معاك فى اى حوار يعنى الرومانسيات دى مبعرفش افتعلها لو مش حساها
يوسف / وصلت وصلت
سندس/ و اوعدنى انك متزعلش اى كان قرارى فى الاخر
محمد / الحب مش بالعافيه بس انا كمان ليا شرط
يوسف و سندس يبصوله باستغراب
محمد/ انا لو طبيعى مكنتش قعدت القاعده دى اصلا و لحد اللحظه دى مش متخيل انى قاعدها بس بما اننا وصلنا للمرحله دى فلازم اخد ضماناتى
يوسف / مش فاهم
محمد / احنا مش مركبين ارايل انا مكنتش اعرف اى حاجه عن الحوار بس بما انى عرفت فلازم تعرف انك لازم تمشى رسمى عندنا
سندس / يعنى ايه برضه
محمد / مفيش حاجه اسمها صاحبى و حبيبى و الهبل ده اى علاقه يبقى خطيبك قارى فاتحتك اى نيله رسمى لازم يكلم سلامه
سندس / انا لسه بقول ايه
يوسف / انا موافق
سندس / مينفعش طبعا
محمد / خلاص يبقى زمايل شغل مش اكتر لحد متتاكدى من مشاعرك
سندس تتعدل فى الكرسى و تفكر
يوسف / مفيهاش حاجه لو قرينا فاتحه حتى و اهو فرصه نقرب من بعض اكتر
سندس/ محمد انا
محمد / مفيش فرق غير انى بحميكى مفيش اى فرق بين انك تديله فرصه يقرب منك و بين انك تديله فرصه انه يقرب منك برده بس فشكل يقبله الناس و المجتمع و الدين قبل اى حاجه
سندس / محمد
يوسف / فكرى براحتك انا فعلا متفق مع محمد جدا و انا قولتلك مالاول و انتى اللى رفضتى
محمد / و من هنا لحد متكلم اسلام و يتم اوعى تفكر تقرب منها متخسرنيش
يوسف / تمام تمام فهمت
محمد / احنا لازم نمشى بقى عن اذنك
محمد يجي يطلع فلوس من جيبه
يوسف / انت بتعمل ايه انا اللى هحاسب
محمد يبصله
يوسف / كان المفروض سندس تشرب حاجه
محمد / اعتبرها شربت عن اذنك يلا يا سندس
محمد يمسك ايد سندس و يشدها بالراحه تقوم تمشى معاه
.......................
فى الفيلا
اسلام / انت عبيط انت غبى فى حد يعمل كدا فى مخلوق يعمل كدا
محمد / كنت عاوزنى اعمل ايه ساعتها ده اللى حسيت انه صح
اسلام / تعال اسالنى
محمد / تمام تمام معاك حق بس انا معملتش حاجه انا رميت الكوره فملعبك
اسلام / انك تصالحهم يا اهبل دانا قولت الحمد لله
محمد / قولتلك من اول يوم قولتلك هى اللى ترميه مش يهينها و يجرحها
اسلام / و انت تصالحهم يقول على اختى انا شمال و بدل مجيب مناخيره الارض اخدهاله يصالحها انت عبيط انت عاوز تجننى
محمد / انا عملت اللى حسيت انه صح
اسلام / انت اصلا مبتحسش انت لو قلبك ده لسه بيحس عمرك مكنت هتعمل كدا
الباب يتفتح و ساره تدخل
ساره / فى ايه بتزعقوا ليه كدا خضيتونى
اسلام يهدى و يقعد عالسرير
محمد / هيجيلك و يتقدم و يا تقبل يا ترفض انا رميت الكوره فملعبك خليته بدل ميكلمها من وراك يتقدم رسمى هى وافقت تديله فرصه خلينا نشوف هو جد و لا لا
ساره / هو مين
اسلام / يوسف
ساره / ماله
محمد / عاوز يتقدم لسندس
ساره / و انت رايك ايه
اسلام / هو ايه اللى رايى ايه
ساره / انا بسال محمد سورى
محمد / مفتكرش ان ليا راى دا موضوع يخص سندس
ساره / ازاى ملكش رايى يعنى انت موافق عليه انه يتجوز سندس
محمد / لو هى وافقت هعترض ليه عن اذنكوا هروح اتكلم شويه مع تيته
ساره / تمام
محمد يمشى و اسلام يقوم يقف
اسلام / فى حد عاقل يعمل كدا
ساره / زى مقالك بيرمى الكوره فملعبك
اسلام / يا سلام
ساره / يمكن بمعنى تانى بيرمى الكوره فملعبها هى
اسلام / مش فاهمك
ساره / بيتهيالى محمد عريس مناسب يعنى اتخرج موراهوش جيش من عيله عنده شغلانه محترمه عريس مناسب اوى
اسلام / ندورله على عروسه
ساره/ بتعجبنى لما بتفهمنى
اسلام / عروسه حلوه لازم تكون حلوه اوى
ساره / الاهم من الجمال انها تكون معاها شهاده عاليه و اخلاقها كويسه لبقه عندها قبول و عاقله العقل مهم جدا
اسلام / هو انا حبيتك من فراغ مهو من دماغك اللى بتطلع اللماظات دى يا احلى برلنتايه فحياتى
ساره / برلنتايه
اسلام / هههههههههههههههه وحشه ؟؟
ساره / ههههههه ابدا
.....................
فى اوضه تيته
ناهد حضنه سندس
سندس / انا مش عارفه حاسه ان محمد دبسنى
ناهد / انا بيعجبنى محمد اوى واد ابن بلد اخلاق زمان راجل بجد
سندس / يا تيته انا بقول ايه و انتى بتقولى ايه
ناهد / انتى كنتى عاوزاه يعمل زى مهاب و يخلى يوسف داخل خارج كدا منغير صفه
سندس / متجيبيش سيره الزفت ده قدامى بتعصب
ناهد/ داهيه تكحمه مطرح مراح
محمد يدخل
محمد / تيته ممكن ....
ناهد / ايه يا حبيبى فى حاجه
محمد / لا مفيش هو انا بس كنت عاوز يعنى بس ... ازيك يا سندس
سندس / انا ممكن اتوزع عادى على فكره
محمد / لا لا لا والله مقصد انا بس
ناهد / تعال ياض هنا تعال فى حضن ستك تعال
محمد يجرى يقعد جنبها الناحيه التانيه
ناهد / انت عارف يا محمد انا من اول مره شوفتك فى بيتكوا هناك حبيتك اوى و انا عمرى منظرتى تخيب فبنيادم ابدا
محمد / انتى الحب كلو يا تيته والله
سندس / ماشى يا عم صحيح اخبار البيت ايه
محمد / مش هتعرفيه المهندس غير الرسمه خالص انتى مشوفتيهوش و لا مره صح
سندس/ لا مدخلتوش طبعا لما يبقى يتظبط و السلم يتعمل كويس ابقى اروح لكن انا مطلعش و هو كدا اخاف
محمد / يا خبر ابيض سندس المصرى بتخاف
سندس / ايوه كئيب و ضلمه بخاف طبعا
محمد / اسمعى الكلام بقى بدل محبسك هناك
سندس / هى هى رخم
محمد / هههههههههههههههههههههههه
.............................
فى السنتر
محمد / انا مكنتش متخيل انكوا هتظبطوا بالسرعه دى
مهندس / الاضرار مكنتش خطيره الحمد لله نظام الحريق انقذ الموقف
ساره / تمام الف شكر يا باشمهندس
محمد / المكان و لا كان حصله حاجه
ساره / مصطفى اشتغل طول الاسبوع اللى فات فى طباعه البنرات تانى
محمد / مصطفى ده برنس وربنا
ساره / انت عرفت انه اتقدم لشوق هو سلامه مقالكش
محمد / قالى بس معرفش هى قالت ايه
ساره / طلبت فرصه تفكر و لسه مردتش
محمد / بسم الله ما شاء الله العيله كلها بتتجوز فوقت واحد
ساره / الدور عليك بقى اتجدعن
محمد يهز راسه باستهزاء مع دحكه صفره
ساره / فى ايه يا محمد على العموم سيب الموضوع ده عليا
محمد / ابتدينا
ساره / اخص عليك انت مش واثق فزوقى و لا ايه
محمد / سبيها على الله ينفع
ساره / ينفع صحيح بكره شركه الاجهزه الرياضيه هتيجى تفرش المكان تانى
محمد / تمام
ساره / ممكن تعمل الافتتاح على اول الاسبوع لو عاوز
محمد / و ماله نكتب الكتاب الخميس و نفتح الجمعه شريط العيله دى بيسف باين
ساره / ههههههههههههههههههههههه كانى بتكلم مع اسلام
محمد / مهو اللى مربينى جدع و يعتمد عليه ربنا يهنيكوا سوا
ساره / ميرسى المهم حدد معاد و ظبط الدعايه مع مصطفى و متتاخرش
محمد / تمام بما ان كل حاجه جهزت بسرعه كدا هخلى الافتتاح الخميس اللى بعدكوا
تليفون محمد يرن
محمد / الو
سندس / ايه يا برنس انت هتسيب المزه لوحدها فى المول مش خايف حد يعاكسنى
محمد / و دا مين اللى هيطس فنظره و يعاكسك ده
ساره / هههههههههههههه اكيد سندس اكيد
محمد / ههههههههههههههه اه هى
سندس / بتكلم مين ياض سايبنى عشان مين فى مين فى الدنيا احلى منى هاه مين
ساره تخطف التليفون
ساره / عاوزه ايه يا بت انتى فين
سندس / ساره انا فى المول بجيب احلى و اجمل و اشيك فستان اعملى حسابك ان المنافسه شرسه مش عشان اخوات هسيبك تبقى احلى واحده
ساره / هو فى احلى منك يا قمر انا هستاذنك محمد يوصلنى الشركه و يجيلك تمام
سندس / تمام اكون خلصت لف و نقيت كام حاجه البيه بيزهق من القعاد
ساره / الرجاله كلهم كدا ياختى
محمد / ابتدينا بدرى اوى يا مرات اخويا
ساره / ههههههههههههههههههه لا بقولك ايه يا سندس نتكلم بعدين الجو متراقب و الواد ده ممكن يودينى فداهيه
محمد / بقى كدا
ساره / سلام يا قلبى سلام
محمد / اتفضلى اوصلك
........................
مهاب خارج من بيته معاه روبى زميله سندس يركب و تركب جنبه و يطلع و فوسط الطريق واحد يقوم فجاه من ورا مغطى وشه و معاه مسدس
الملثم / اركن على جنب اركن يا هوزء
مهاب / هديك اللى انت عاوزه بس بلاش جنان
الملثم / مش بمزاجك اركن و نزل البت
مهاب يركن
الملثم / انزلى يا هبله دا قد ابوكى زوقك يقرف
روبى تنزل جرى و تقفل الباب
الملثم / دى قد عيالك يابن الكلب
مهاب / انت عاوز ايه
الملثم / هتعرف لما نوصل اتحرك اطلع اطلع
مهاب يسوق لحد ميركن فى خرابه
الملثم / انزل
مهاب ينزل يلاقى خمسه مستنينه جتت
الملثم / اتحرك امشى
مهاب / انتوا عاوزين ايه فلوس و لا ايه مين انتوا
واحد منهم يضرب مهاب على ضهره يوقعه فى الارض الباقى يتلموا عليه و يشدو ايديه و رجليه فى كل الاتجاهات و اللى معاه العصايه يضربه مرتين جامد على رجله اليمين مهاب يصرخ و يلف و يضربه مرتين على ايده الشمال يصرخ اكتر
الملثم / بالشفا ياسطى
مهاب بيتلوى فى الارض مالوجع
الملثم / اعتبرها قرصه ودن مع اننا لسه مبقيناش خالصين بالسلامه يا برنس
الباقين يجيبو جردل بنزين و يغرقوا العربيه و يولعوا فيها قدامه مهاب يحاول يزحف بعيد لحد مالعربيه بتنفجر
...........................
فى المستشفى
مهاب رابط ايده و رابط رجله و دماغه فريده تدخل مخضوضه عليه
فريده / ايه اللى حصل
مهاب / عدت
اسلام و محمد و سندس يدخلوا وراها
اسلام / سلامتك يابن عمى مين اللى عمل فيك كدا
مهاب / واحد ابن حرام نقول عليه ايه
اسلام / الخبطه كانت جامده على دماغك باين نادى للدكتور يا محمد
مهاب / انا كويس و هخرج بكره مالمستشفى متقلقش مفيش حاجه خطيره
فريده / انا مش فاهمه ايه اللى حصل
محمد / متقلقيش يا دكتوره قال كويس و الفرحه تبقى فرحتين نحتفل بسلامتك يا دكتور و بكتب كتاب سلامه و ساره
فريده / احنا فى ايه و لا فايه
محمد / خير البر عاجله يا دكتور و احنا عزمنا الناس و الحمد لله مفيهوش حاجه خطيره و دى هتبقى اقوى رساله للى عملوا فيه كدا
سندس / صح لما يشوفوه واقف على رجله بعد اللى حصل اكيد هيخافوا
اسلام / هيترعبوا بالظبط زى ممحمد رعبهم لما وقف ففرح اخته بالجبس
سندس / والله كان قمر برضه
محمد / انتى اللى سكر
فريده / و انا هتشل احنا فى ايه و لا فايه بلغت البوليس
مهاب / اه بلغتهم قولتلهم معرفهمش و الهدف كان سرقه
فريده / و اللى عاوز يسرق مكان سرق هيحرق العربيه ليه
مهاب / عشان الحرامى اهبل
اسلام / متخافش يابن عمى غير مالاهبل اصل الاهبل مبيخافش
محمد / والله معاك حق يا برنس
سندس / الحمد لله انها جت على قد كدا
فريده / الحمد لله الحمد لله انا هروح اتكلم مع الدكتور اطمن
محمد / روحى معاها يا سندس
سندس / اوك
سندس و فريده يطلعوا
مهاب / برافو
اسلام / افندم
مهاب / انا مليش اعداء غيرك
اسلام / اخص عليك يابن عمى اخص يا جوز اختى دانا خال عيالك تقول عليا عدوك انت فاكرنى ان انا اللى عملت فيك كدا
محمد / انا لو منك ازعل يا سلامه دا مفيش ثقه خالص
اسلام / لا يا محمد دا اخويا تلاقى الخبطه كانت جامده على دماغه
مهاب / متصعش عليا ياله
اسلام يوطى عليه
اسلام / انا مقولتش ان مش انا و مقولتش ان انا
محمد / ملعوبه يا برنس
اسلام /للاسف مش جملتى دى جملته هو اصل الدنيا دواره يا محمد دوااااااره
......................................