سكه السلامه بقلم / لولو_محمد (كامله )

الحلقه ٦٥

((((((سكة السلامة )))))))
#لولو_محمد
الحلقه الخامسة و الستون
سندس / انا بجد اسفه اوى انا مش عارف ازاى قولت لساره كلام زى ده انا مش عارفه اتصرفت كدا ازاى
اسلام / كل ده عشان السلسله يا سندس اقصد يعنى
سندس / انا عارفه انك شايفنى تافهه بس لو انت مكانى كنت فهمت
اسلام / انا جاى عشان افهمك اتكلمى انا هسمع
سندس / لو حد اداك هديه و بعدين منغير سبب خدها و اداها لحد تانى هتزعل و لا لا
اسلام / على حسب قيمه الشخص ده بس اكيد هتاثر يعنى
سندس / السلسله دى انا من يوم مخدتها مقلعتهاش انا بستحمى بيها بحبها بجد مقدرتش اتخيل ان غيرى تلبسها
...................................
اسلام / ايوه يعنى
سندس / انا مقولتلوش متديهاش هدايا حتى لو هتروح تعمل نفس السلسه و تديهالها براحتك دى حاجه ترجعلك بس بتاعتى لا بتاعتى مختلفه دى بتاعه طنط الله يرحمها اللى انا للاسف لسه مش عارفه اسمها هههههههههههههه
اسلام / هههههههههههههههههههه اسمها امينه ماما امينه
سندس / اسمها حلو اوى الله يرحمها
اسلام / و ياترى ماما امينه حاجتها مهمه اوى بالنسبالك ازاى كدا
سندس / انت اللى بتسال مش دى الست اللى خدت بالها من اخويا الكبير و ربته و خلته راجل كدا دى ست عظيمه اوى انا نفسى اكون زيها
اسلام يبتسم
سندس / صدقنى انا مش بخبى حاجه
اسلام / طبعا انا واثق من ده احم على العموم انا اطمنت عليكى و قبل ممشى عاوز اقولك حاجه مهمه اوى الانسان بطبعه بيحب الاهتمام يعنى بيحب اللى بيهتم بيه و انا عارف انى مقصر معاكى جامد بس انتى لازم تعرفى ان على قد مالحمل عليا تقيل على قد مانا مستعد ارمى كل دول ورا ضهرى عشانك فلو حسيتى فاى وقت انك محتاجه اى حاجه تتكلمى تخرجى تتفسحى تعملى اى حاجه متتاخريش انك تكلمينى ماشى
سندس / بقولك ايه انت مش عاوز تتجوز و لا ايه
اسلام / على قد مانا عاوز على قد مهتبقى انانيه منى انى اتجوز ساره و انا عقلى مشغول بيكى
سندس / متتحججش بيا انا زى الفل متشغلش انت بالك
اسلام / متاكده
سندس / انا كدا كدا مليش غيركوا فاكيد لو احتجت حاجه هتكونوا اول ناس يعرفوا
اسلام / ربنا يخليكى لينا يا سندس انا بحبك اوى
سندس / عارفه و مين يقدر ميحبنيش اصلا
اسلام / هههههههههههههههه و لا حد طبعا يلا هحلقلك بقى عشان اروح اعاكس اختك شويه
سندس / هههههههههههههههه ابقى وصلها اعتزارى
اسلام / لا انتى و اختك لازم تتكلموا عشان هى قلقانه عليكى اوى
سندس / باذن الله بس انا محرجه منها اوى ممكن ناجلها شويه
اسلام / دى حاجه ترجعلك يلا عن اذنك انا بقى
سندس / سلام
............................
فى شقه محمد فى البيت فى الحاره
حمدى / انا مش فاهم انت خليتهم يشطبوا شقتك قبل ميخلصوا البيت ليه دا رخام السلم مركبش يا جدع
محمد / حاجه فى نفس يعقوب قداها
حمدى / على اخوك برده
محمد / ههههههههههههههه متجيب مالاخر
حمدى / سالى انت مستعجل عالشقه عشان تتجوز فى الاول مش هنكر اتفزعت افتكرتك هتسيب الفيلا بس لما حنان قالتلى ان دى هتبقى عروستك
محمد / انتوا بتطلعوا اشاعات و تصدقوها دى كانت ضيفه اخت صاحبه ساره و بس انا مش هتجوز
حمدى يبصله
محمد / اقصد مش دلوقت
حمدى / قلقتنى
محمد / مفيش حاجه انا بس عاوزها جاهزه لاى جديد مش حاجه
حمدى / اسلام عارف انك بتوضبها
محمد / و من امتى بعمل اى حاجه من ورا اسلام يعنى
حمدى / قشطه
محمد / بكره مهندسه الديكور هتيجى تظبطها و تفرشها انا عارف انى متقل عليك بس
حمدى / يا راجل متقولش كدا هو انا فديك الساعه لما اقف لخويا فشقته متشلشل هم وراك رجاله
محمد / دا العشم برده سلام انا يادوب ابص عالسنتر الافتتاح الخميس
حمدى / عالبركه سلام
محمد / سلام
.................................
فى اوضه اميره
اميره / يعنى ايه يا طارق
طارق / انا مقولتش اننا هنهاجر انا بقول
اميره / انت قولت انك نازل نهائى
طارق / حصل بس شوفى الايميل بنفسك دى فرصه العمر بالنسبالى
اميره / و الاولاد يا طارق مش سهل كل شويه تنقلهم من مدرسه لمدرسه
طارق / دى سنه واحده بس يا اميره
اميره / مش عارفه
طارق / انتى اغلى عندى مالدنيا بس دا مهم للكارير بتاعتى و على يدك انا هنا بشتغل باقل بكتير من المستوى هناك فى خبره اكتر و اجهزه احدث هنا بدفن نفسى يا اميره
اميره / بس هنا كل اللى بنحبهم
طارق / مختلفناش و احنا مش هنسافر بكره يعنى انا بقول بس
اميره / طارق انا عارفه انك جوزى و ان كلامك اهم من اى حد بس انا محتاجه اتكلم مع اخواتى على الاقل عشان لو قررنا نسافر يبقى ضميرى مرتاح انى مطمنه عليهم
طارق / دلوقت اسلام هنا و انتى شايفه كل حاجه اتغيرت للاحسن
اميره / انت شايف كدا
طارق / اوك اوك اتكلمى معاهم و انا متاكد ان محدش منهم هيعارض ابدا انك تدورى على مستقبلك
اميره / تمام هكلم معاهم
......................
فى اوضه فريده
مهاب نايم فريده تتقلب و تروح تحضنه
مهاب / انا مرهق النهرده
فريده/ انا مش طالبه اكتر من حضنك
مهاب يحط دراعه تحت راسها و ياخدها فحضنه
فريده / انا عمرى مطلبت فدنيتى اكتر من كدا عمرى محبيت و لا هحب غيرك من و انا صغيره بحلم باللحظه اللى نكبر فيها عشان ابقى بتاعتك عمرى مبصيت لراجل غيرك و لا فى غيرك يملا عينى
مهاب يبصلها و يبوس راسها منغير و لا كلمه
فريده / قولى اعمل ايه عشان تحبنى قولى ايه اللى مقدرتش اعمله كل السنين اللى فاتت يمكن اللحق اللى باقى من عمرنا
مهاب / بعد الشر لسه العمر قدامك طويل
فريده / من قلبك يا مهاب
مهاب / و انا هستفيد ايه انك تموتى يعنى
فريده / ايه جاب السيره دى تعال نغير الموضوع
مهاب / انا قولتلك انى مرهق كل حاجه حصلت بسرعه اخوكى بيتصرف
فريده / اللى حصل لسندس خلانى اخاف اوى يا مهاب
مهاب / اللى حصل لسندس كان حادثه انا متاكد انها مش هتتكرر
فريده / مهاب انا بفكر اعمل زى اسلام و اكتب وصيتى
مهاب / هههههههههههه و هتكتب فيها ايه بقى
فريده / انت عاوزنى اكتب ايه
مهاب / اخر حاجه تفرق معايا دلوقت يا فريده اخر همى هو انتى عاوزه ايه يحصل ففلوسك بعدك
فريده / مهاب انا بحبك اوى لو بس مكنتش ساره
مهاب / فريده انا تعبان و عاوز انام
فريده / خلاص خلاص
مهاب / تصبحى على خير
فريده / طب ممكن على الاقل افضل فحضنك
مهاب / دا بيتك فالاول و الاخر
فريده تحضن مهاب
فريده / ربنا يخليك ليا
فريده تنام و مهاب يسرح
///////////////////////////////////
مهاب  بيتخانق مع ست
مهاب / انتى عارفه انتى بتطلبى منى ايه
الست / دا حقك انا عشت سنين بحارب عشانه سنين مذلوله عشانه
مهاب / يا ماما انا بحب ساره
الست / و مين قالك انك هتخسرها مهى معاك و فحضنك عاوز ايه اكتر الوصيه دى هتقتل حقك مهاب حبيبى اسمع من يوم مابوك مات و انا عايشه فرعب بصرف الجنيه و انا شايله هم ذلى لعمك عشان يدينى غيره دا كلو بتاع ابوك بس انا
مهاب / يا ماما انا
الست / الشركه دى كانت فكره ابوك و تعب و اشتغل و مات و هو بيبنيها دى حقك وورثك انت لو مكنتش جددتك ادخلت زمان مكنش عمك هيبقاله جنيه انا بعت دهبى عشان الشركه دى بعت اللى ورايا و اللى قدامى عشان الشركه دى و فى الاخر لما ابوك اتزنق جددتك شرطت عشان تساعده انه يخلى اخوه الصغير شريك بدل متعدل بنهم بدل متقول نص الدهب ليك و النص لاخوك كتبته كله لعمك حتى لما اسلام اتولد فرحت بيه اكتر كانت بتحبه كانه هو اللى هيمنعك تورث عمرها معترفت بيك حفيد مكنش قدامى حل تانى
مهاب / حكتيلى الحكايه دى مليون مره تحبى اكملها عمى لما بابا كان بيموت خلاه يبيع الشركه لتيته عشان متدخلش مجلش حسبى و تخسر و بابا وافق و بعدين ادوكى مبلغ مقابل على انه حقك
الست / لا يا مهاب عمك مقالش ان ده ورث ابوك انا مكنتش اصلا اعرف وقتها ورث ابوك كام مكنتش اعرف حاجه لقيتهم بيدونى فلوس افتكرتها نصيبك فى الارباح فرحت و اشتريتلك بيهم شقتك مكنتش اعرف انهم بيراضونى بالملاليم اتفاجئت لما لقيت جدتك باعت الشركه لعمك
مهاب / انا مبحبش فريده مقدرش اتجوزها ساره عمرها مهتسامحنى
الست / انا جازفت بكل حاجه عشان انت ترجع رضيت بالتلت بدل النص عشان مكنش قدامى حل تانى فريده شافتنى يا مهاب فريده شافتنى و انا بخطف اسلام شافتنى و لو قالت لحد هتحبس يرضيك امك اللى جازفت بكل حاجه عشانك تقضى اخر ايامها فى الحبس انا عملت كل ده عشانك
مهاب / محدش هيصدقها كانت عيله و انتى عارفه انها بتكره ساره فالكل هيقول انها الفت الحكايه دى عشان تنتقم انى متجوزتهاش فمتخافيش
الست / الوصيه يا مهاب فريده هى الوحيده اللى تقدر تمنع الوصيه دى هى الوحيده اللى تقدر تخليك ترجع تاخد النص تانى
مهاب / مقدرش
الست / نصيبك على نصيب مراتك هيرجعلك حقك ده حقك دى حربك ساره كدا كدا بتاعتك
مهاب / انا نمت مع ساره يا ماما نمت معاها مقدرش ابيعها دلوقت
الست / احسن و احسن كدا تضمن ان عمرها مهتكون لغيرك كدا ساره بتاعتك رسمى مساله وقت اول مالوصيه تتلغى او عمك يموت تقدر تتجوز ساره تانى اول متثبت رجلك فى الشركه اكتر ساره كدا كدا بتاعتك ابقى ساعتها ارمى فريده على اخر دراعك و تبقى انتقمت من عمك و ماللى عمله فيك و فيا و خدت حقك و خدت ساره
مهاب / مش عارف
الست / ساره هتحبك لو انت معكش الفلوس دى هتحبك لو انت عايش على قد مرتبك مالجامعه الملاليم اللى بتاخدها هتكفيك و تكفينى و تكفى ساره امها اللى عايشه فى الفيلا هتبعدها لكن لو الفلوس معاك هيحطوها تحت رجليك كلهم هيبقوا تحت رجليك ساره هتبقى معاك اوعدك انك مش هتخسرها اوعدك يابنى بس ابوس ايدك ابوس ايدك متضيعش تعب السنين دى كلها
مهاب / مش عارف مش قادر افكر حرام عليكى انا
الست / انت ليه مش قادر تفهم انت لازم تختار بينى و بين ساره بس انا بوعدك انك لو اخترتنى انا امك اللى ربتك و مفيش فى الدنيا حد بيحبك زيها مش ههدى الا لما ساره تكون فحضنك ساره بتاعتك انت فاهم بتاعتك
مهاب / طب ادينى وقت على الاقل اقول لساره
الست / اوعى اوعى يا مهاب ساره عيله و ممكن تهد المعبد على دماغنا اوعى يا حبيبى
مهاب / يا امى ارجوكى انا مقدرش اخدعها بالشكل ده
الست / هنبقى نفهمها بعدين هنشرحلها كل حاجه فى الوقت المناسب بس لازم الاول تخطب فريده ارجوك يا مهاب ارجوك اسمع كلامى تكسب انا امك و ميهمنيش غير مصلحتك يا حبيبى
//////////////////////////////////////
مهاب يتنهد و يبص على فريده يلاقيها نايمه يزقها تتقلب و يجيب العكاز و يقوم يقف فى البلكونه
...............................
فى الحاره حمدى طالع عالسلم امه تفتح الباب
حمدى / مساء الخير يا ست الكل ايه مصحيكى لحد دلوقت
الست تسيب الباب مفتوح و تدخل حمدى يبلع ريقه و يدخل وراها
حمدى / شوفتى اللى حصل مش شوق اتقرت فتحتها النهرده
الست / عرفت يابنى عرفت الف مبروك عقبال عيالك
حمدى / تعيشى يا ست الكل
الست / و نسايبك الاكابر استعروا يعزموا امك ايه مبشرفش مبجاملش طب دانا مفيش بيت فيكى يا حاره مليش عندهم واجب و اتنين
حمدى / متقوليش كدا يا ست الكل انا هشرحلك
الست / و لا تشرحلى و لا اشرحلك البت عامله نفسها غضابه و نازله تجرى و فى الاخر تطلع قرايه فاتحه اختها
حمدى / والله ظلماهم يا امى امبارح لولا الخناقه اللى حصلت كنت حكيتلك دا الموضوع كبير اوى يا حجه
الست / لا و النبى
حمدى / انتى عارفه ان سلامه له ابن عم
الست / اللى حرقله البيت منه لله عرفاه
حمدى / الراجل حط لسلامه سم فى العصير سم ياما سم
الست / يا مصيبتى و بعدين
حمدى/ البت سندس دخلت الاوضه و شربت الكبايه و خدوها عالمستشفى لحقوها فى اخر لحظه
الست / البت الصغيره اللى جت الحاره هنا يا قلبى يا بنتى دى لسه بنت امبارح
حمدى/ سلامه الله يعينه اتجنن طلع عالمحامى و كتب وصيته و اتصل بمصطفى و قاله تيجى تقرى الفاتحه هو كان متقدم بس ماخرين الموضوع شويه
الست / يا سلاااااااااااااام
حمدى / زى مبقولك والله الله يعينه الراجل خايف يموت قبل ميطمن على اخواته المهم بقى يا ست الكل انا كنت عاوزك فى حوار اهم
الست / لو على مراتك انا بقولك اهو انا مليش دعوه بيها دى استكبرت تقف تتكلم معايا كلمتين عالسلم و انا بطمن عليها قال ايه تعبانه
حمدى / يا ست الكل بقولك ايه دلوقت البيت بتاع عيله البرنس قرب يخلص
الست / ايه هتنقل مراتك هناك
حمدى / ابوس ايدك يا ست الكل اخلص الجمله
الست / سكت
حمدى / كنت بفكر اخد المحلات افتحها اى مشروع و اهو يعنى ايه رايك
الست / و انت هتلاحق يابنى القهوه و لا المشروع ده
حمدى / مالبركه فيكى يا ست الكل انتى بقى تساعدينى
الست / انا
حمدى / اه اهو تتسلى و بعدين هو انتى شويه دانتى اشطر واحده فى الفصال شوفتها فحياتى يعنى البيع و الشرا بالنسبالك هيبقوا زى السكينه فى الحلاوه
الست / يابنى مش عارفه اقولك ايه
حمدى / شوفى كدا و خدى و ادى مع نفسك و ردى عليا بس بسرعه بالله عليكى
الست / افكر هو حد يقول للرزق لا
حمدى / خلاص يا ست الكل انا هطلع انا بقى انام حبه قبل الفجر و اعدى عليكى و انا نازل
الست / ماشى يا حبيبى نوم العافيه
.............................
فى اوضه ساره
اسلام يدخل و هى نايمه يعدل الغطى عليها و يوطى على راسها يبوسها تتفزع و تصرخ
ساره / ابعد عنى ابع
اسلام / دانا دانا
ساره ترمى نفسها فى حضنه و تعيط مالخضه
اسلام / اهدى بس اسف خلاص اسف بس
ساره تمسح دموعها و تتعدل فى قعدتها و تبص لاسلام و هو مخضوض عليها
ساره / اسفه انا اتخضيت
اسلام يمسك ايدها
اسلام / انا مقدرش اصلح اللى فات بس عاوزك تعرفى ان طول مفيا نفس مفيش حد هيقرب منك مش و انا عايش يا ساره مش هسمحله
ساره / انا عارفه يا حبيبى عارفه ايه كلمت سندس
اسلام / اه كلمتها طلبت اوصلك اعتزارها بس قولتلها تعتزر بنفسها احسن
ساره / انا عارفه انها متقصدش انا عارفه انها مكنتش فوعيها
اسلام / و كل مطمن على حد اقلق عالتانى
ساره / ويلكم تو ماى ورلد
اسلام يبتسم ساره تقوم تقعد على ركبها و تحط ايديها حوالين رقبته و تبص فعنيه
ساره / اول مالجو يروق هاخدك و نسافر من هنا هنسافر و نلف الدنيا انا و انت و بس
اسلام / ههههههههههههه المفروض انا اللى اقول الجمله دى
ساره / اخص عليك و انا و انت ايه
اسلام / واحد و اقرب مالواحد كمان
ساره تبتسم
ساره / ربنا يخليك ليا و ميحرمنيش منك
اسلام يسمع صوت حد بيتحرك بره الاوضه و صوت مفاتيح
اسلام / محمد جه هروح ابص عليه نامى و حقك عليا
ساره تبتسم و تحدفله بوسه يبتسم و يمشى
..........................
بره الاوضه
اسلام يسلم على محمد و يحضنه
اسلام / الاخبار
محمد يبص على اوضه ساره
محمد / الاخبار عندك انت
اسلام ياخده تحت دراعه و يدحكوا و يدخلوا اوضه اسلام
محمد / الحمد لله الشقه خلصت عالفرش
اسلام / و هتمشى امتى بقى
محمد / الله اعلم
اسلام / ماشى
محمد / ماشى ؟؟ مش هتتحايل عليا اقعد و لا ايه
اسلام / لا فى غيرى هيعمل الموضوع ده
محمد يدحك و يبص فى الارض
اسلام / سندس تعبت النهرده عارف ده
محمد يبص لاسلام بحزن
اسلام / بس انا اتكلمت معاها هى كويسه دلوقت الحمد لله
محمد / الحمد لله
اسلام / محمد قولها انك هتمشى مهدلها
محمد / ناوى
اسلام يتنهد
محمد / انا مش ببيعك لما همشى مش يعنى
اسلام / انا فاهم يا محمد انا فاهم و للاسف بقولك انك صح و ياريتنى كنت اشتريتلك شقه جاهزه من زمان او اجرتلك حتى ياريتنى كنت عملت كدا بس انا كنت محتاجك .. و لسه
محمد / و اخرتها
اسلام / سبق السيف العزل بس ملحوقه
محمد / انا هروح انام بقى تقريبا منمتش غير ساعتين
اسلام / روح ... ارتاح انا كمان هنام
محمد يمشى و يقفل الباب وراه و يروح على اوضته و يبدا يفك زراير القميص و يفتح الدولاب الهدوم كلها تقع عليه يحط ايده فبقه و يعض عليها و هو بيدحك و بعدين يحط ايده على راسه و هو مش قادر يمسك نفسه مالدحك و يبص ناحيه الباب و يروح على اوضه سندس و يدخل يلاقيها نايمه على جنبها و ماسكه القلب بتاع السلسله بايدها يروح يقعد جنبها و هو مبتسم
محمد / الحرامى خايف يتسرق
محمد يعدى ايده علي شعرها يبعده عن وشها تلف بوشها ناحيه ايده يبعد ايده و يرفعها ناحيه وشه بسرعه ترجع تانى محمد يشم ريحه ايده يبتسم اوى يقرب ايده تانى تتحرك ناحيه ايده و تتقلب على ضهرها يحرك ايده الناحيه التانيه تلف براسها ناحيه ايده محمد يدحك و يمسك نفسه و يرجع ايده الناحيه التانيه تلف وراها بوشها يجى يرجع تفتح عينها بالراحه يسحب ايده و هو بيدحك تقوم تصحى
محمد / فى حرامى صغير دخل اوضتى تعرفى حاجه عن الموضوع ده
سندس تبتسم و تقوم تقعد
سندس / فى حاجه ضاعت منك
محمد / ترتيب الدولاب ياختى
سندس / كنت مستعجله
محمد / كان ممكن تسالينى على مكانها بدل متتعبى نفسك
سندس / مفتكرش هحتاج لانى مش هديهالك تانى
محمد / اتمنى
سندس / اتاخرت ليه
محمد / قال يعنى استنتينى
سندس / بصراحه لا كان عندى احساس انك لما هتيجى هتصحينى
محمد / و حصل
سندس / اخبار البيت ايه
محمد / شقتى خلصت
سندس / مبروك هتاخدنى امتى بقى تفرجنى عليها
محمد / مش عارف
سندس / شكلك مرهق اوى
محمد / فعلا
سندس بحزن / خلاص روح نام مش مشكله
محمد / تعرفى الواحد لازم يسدد ديونه بقى و لا ايه
سندس تبتسم
محمد / مديونلك بايه
سندس / امممم يوم كامل فسحه و غدوه جامده و انى اعلمك الرقص
محمد / طب ايه رايك افضيلك نفسى بكره طول اليوم بتاعك نعمل كل حاجه عشان ابقى سددت كل ديونى ليكى
سندس / اوك بس بليز متحاولش تطالبنى بديونى عشان مش هعرف
محمد / هو فى ديون اصلا
سندس / كتيييييييييييييير بس يلا مدام انت مش عارف بقى هعمل من بنها
محمد / ههههههههههههههههههه انا قلبى كبير و بيسامح بس دلوقت اسمحيلى انتى بقى انام عشان افوقلك الصبح
سندس تهز راسها و محمد يمشى
...........................