((((((((((سكة لسلامة )))))))
#لولو_محمد
الحلقه السادسه
شوق / انا كل مره بكتب اسرع انا بتحسن والله
مصطفى / شايفه المزكره دى
شوق / مالها
مصطفى / الراجل هيستلمها مطبوعه بعد اسبوع فهمتى
شوق تبص فى الارض
مصطفى / خدى المزكره دى و صوريها عشرين نسخه و كعبيهم لو بوظتيهم هدفعك تمنهم
شوق / مش هيبوظو ان شاء الله
.......................
فى الفيلا بالليل
ساندى راجعه الفجر ساره تقابلها قدام السلم
ساره / مش هترتاحى الا لما يجرالك حاجه صح
سندس / بيتهالى دا يوم المنى بالنسبالكوا كلكوا و لا ايه
ساره / انا مش ناقصه استفزازك انا فيا اللى مكفينى
سندس / مهو طول مانتى واخده كل حاجه على اعصابك و فاكره انك هتقدرى تغيرى الكون لوحدك هيبقى فيكى اللى مكفيكى ساره يا حبيبتى انتى كلها اربع سنين بس بس و تدخلى التلاتينات يعنى اللحقى انجوى يور لايف
ساره / و انتى كدا يعنى مستمتعه بحياتك انتى كدا بتضيعى حياتك
سندس / اديكى قولتيها حياتى انا و انا حره فيها عن اذنك
ساره / سندس بليز حاولى تساعدينى هنا
سندس / انا اسمى ساندى ساندى ماشى و بعدين متمشيش عكس السير و ترجعى تقولى ساعدونى جو ويذ ذا فلو
ساره / امشى مع التيار تيار مهاب مش كدا اللى هيغرقنا كلنا صح
سندس / يووووه انتى عاوزه ايه
ساره / اعقلى شويه
سندس / حاضر هعقل عن اذنك بقى ممكن اطلع انام
سندس تسيب ساره و تمشى
................
فى شقه سلامه سلامه و اخواته و حمدى و ووالدته قاعدين بيقروا الفاتحه
سلامه / و لا الضااااااالين
حمدى / امين
محمد / الشربات يا حنان
حنان تدخل و هى مكسوفه و فى ايدها صينيه عليها كاسات تعزم على حماتها و تحط الصينيه و تقعد جنب حماتها
الست / ما شاء الله تبارك الله
سلامه / طب بالنسبه للشاب الغلبان ده مش هيشرب حاجه حلوه و لا ايه
حنان تقوم تدخل جوه
الست / ياخواتى عالكسوف والله معاد فى كدا اليومين دول خالص
محمد / هو فى زى بنات حسن البرنس
الست / لا ياخويا والله مفى ابدا هو حمدى لما قالى على حنون انا زرغطت قولتله يا زين مخترت ادب و اخلاق و تعليم و نسب حاجه تشرف بصحيح
سلامه / يكرم اصلك
حمدى / هننزل نجيب الشبكه امتى بقى
سلامه/ وقت متحب شوف يناسبك امتى و نظبط معاد
الست / طب مخير البر عاجله بكره باذن المولى ننزل كلنا
سلامه / خلاص عالبركه
...............................
فى كافيه
ساره قاعده و شاب يدخل يقعد معاها
الشاب / انسه ساره الميهى
ساره / ايوه
الشاب / انا احمد اسماعيل ادمن بيدج اطفال مخطوفه حضرتك كنتى كلمتينى عن اسلام المصرى
ساره / فعلا ياريت يكون عند حضرتك اى اخبار
احمد / انا دورت فى كل المعلومات اللى عندنا مفيش و لا طفل مفقود من الفتره دى حضرتك بتتكلمى فى اكتر من 26 سنه يعنى
ساره / افهم من كدا ان حضرتك مش هتقدر تساعدنى انا قريت مره انكوا لقيتوا واحد تاه من عشرين سنه عن اهله و ده اللى شجعنى اكلمكوا
احمد / ايوه حضرتك الشاب هو اللى بعت صورته و احنا نشرناها لكن حضرتك رافضه حتى تنشرى صورته و هو صغير او اى معلومات عنه فسلطتنا اللى هى النت مشلوله و كل اللى بنعمله اننا بندور فى اى بلاغات او صور جتلنا قبل كدا من اى حد
ساره / انا شرحت لحضرتك ظروفى احنا عيله كبيره اى حد ممكن يطمع و يجى يحاول ينصب علينا
احمد / حضرتك فى طرق كتير تتاكدى فعلا ان ده اسلام فعلا و لا لا يعنى تحليل دى ان ايه مثلا اى علامه مميزه حضرتك مقولتليش عليها
ساره / انا ظروفى متسمحش انى انشر صورته عالنت او حتى اننا بندور عليه حضرتك وعدتنى ان الموضوع هيكون فى منتهى السريه
احمد / على العموم ملفه معايا و اى جديد هبلغ حضرتك و هحاول ادور بصوره غير مباشره برده اوعد حضرتك ان السريه هتكون هدفنا فى الطفل ده او بمعنى ادق الراجل ده لانى الحقيقه بدور على حد اكبر منى فى السن دلوقت
ساره تتنهد / شكرا
احمد / عن اذن حضرتك
.......................
فى المكتبه
شوق / انا لازم امشى بدرى النهرده عشان هنجيب شبكه حنان
مصطفى / الف مبروك عقبالك
شوق /انا عملت كل المزكرات اللى طلبتها و كتبت الملزمه دى عالكومبيوتر و طبعتها و صورتها و دبستها اى حاجه تانى قبل ممشى
مصطفى / لا شكرا اتفضلى
شوق / هو انت بجد مشغلنى عشان محرج من سلامه
مصطفى / لا
شوق / شكرا
شوق تمشى و مصطفى بيبص عليها
.............................
فى الفيلا
سندس نازله عالسلم لابسه سالوبيت جينز على بدى سابرينا كت ابيض و حزام ابيض فى السالوبيت بتوكه كبيره و سورتيت ابيض على شعرها الوايفى بنى تقابل مهاب
سندس / قولت مستحيل تسبقنى عالكليه فى يوم زى ده
مهاب / ايه الحلاوه دى
سندس / محترم اهو ملكوش حجه
مهاب / ههههههههههههه انتى عارفه كويس ان الاخلاق مش باللبس
سندس / ياريت الناس كلها زيك
مهاب / كريم هيعدى ياخدك
سندس / لا هروح فى عربيتى
مهاب / انهى واحده فيهم
سندس / نعم
مهاب يطلع مفتاح جديد لعربيه سبور حمره مكشوفه مركونه قدام الفيلا سندس تشوفها تصرخ و تتنطت و تتشعلق فى رقبه مهاب و تجرى عليها و تفضل تتنطت زى الهبله
سندس / ميرسى ميرسى ميرسى يا احلى و اجمل مهاب فى الدنيا كلها
مهاب / كليه جديده و حياه جديده و طقم جديد
سندس / و عربيه جديده يااااااى انا فرحانه اوى ميرسى ميرسى ميرسى
مهاب / كدا لو واحده راحت التوكيل مش هتحتاجى عربيتى
سندس / شرير
.....................
فى شقه سلامه
سلامه / دى تالت مره اصحيك قوم عشان الكليه
محمد / مش لازم اروح اول يوم يعنى هبقى اخد الجدول من اى حد
سلامه / دا مين اللى بيقول الكلام ده الله يرحم اما كنت بتعد الايام عشان الدراسه و تصحى مالنجمه تكوى و تتانتك
محمد يقوم يربع عالسرير
سلامه / انت خايف تشوفها
محمد / معدتش تفرق معايا
سلامه / يبقى تروح و توريها الكلام ده هى اللى تدارى منك مش انت اللى تدارى منها
محمد / انا مش بدارى منها انا بس مش عارف هعمل ايه لما هشوفها مش ضامن نفسى
سلامه / لما تشوفها افتكر كويس انك محمد البرنس لا هى و لا اللى خلفوها يهزوا فيك شعره قوم اللبس عاوزك عريس
محمد يهز راسه
........................
فى الكليه عالبوابه سندس مركبه البادج تدخل بالعربيه و محمد يدخل على رجليه لابس الطقم الجديد و النضاره الشمس
سندس / منين يودى على فين فى المكان ده
سندس تتكلم فى التليفون
سندس/ ايوه يا كريم فينك ...فين الكافيتريا دى .....اوك اوك خليك معايا عالخط
محمد يعدى سندس تفرمل بسرعه قبل متخبطه
سندس / متخلف
سندس تنزل مالعربيه و تبص على العربيه من قدام محمد واقف مزبهل
سندس / ايه يا بيبى انتى تمام الحمد لله الحمد لله .... جت سليمه يلا عدى
سندس تشاور بايدها قدام عنين محمد امشى بعيد
محمد يجز على سنانه / اللهم طولك يا روح عالصبح
سندس تركب العربيه و تعدى محمد و تمشى و هى بتتكلم فى التليفون
سندس / واحد متخلف كان هيوسخ عربيتى الجديده
واحد يدخل يجرى يحضن محمد
الشاب / ايه يا عم فينك ايه الشياكه دى
محمد / ازيك يا محمود عامل ايه ليك واحشه
محمود / انا قولت انك مش جاى اصل مش عادتك تتاخر يعنى و مين الصاروخ اللى كانت واقفه معاك دى اموت انا
محمد / دى بلوه من بلاوى اخر الزمان كانت هتخبطنى و كمان بتبجح
محمود / هههههههههههههههه ليها حق بصراحه انا اموت تحت عربيتها عادى
محمد / موت
محمد يسيبه و يمشى محمود يجرى وراه
محمود / ياعم بهزر معاك مالك كدا فى ايه فكها
محمود و محمد يروحوا الكافيتريا عند اتنين قاعدين
واحد منهم / على علوكا و اشرف كخه اتارى الكليه منوره
محمد يحضنه
محمد / صباحوا فل اخباركوا
الشاب / اخبارنا قشطه يا برنس
محمد / ازيك يا سمره
التانى / نورت يا ملك اقعد اقعد جدولك اهو
محمد / تشكر يا معلم
سندس تدخل و تعدى من جنبهم كريم يشاورلها تروحله تقعد جنبه هو و اصحابه
كريم / اعرفكم ساندى هانم المصرى
ساندى / هاى
كريم / ممنوع الاقتراب او اللمس او التصوير ملكيه خاصه
واحد / هههههههههههههههههه يا بخته
ساندى / ميرسى
كريم / اقعدى اقعدى
ساندى / محتاجه نسكافيه ضرورى مش شايفه قصادى
واحد منهم / ثوانى و يكون عندك
ساندى / ميرسى
محمد الناحيه التانيه متابع بقرف
محمد / يا سم
محمود / ههههههههههههههههه ايه يا عم فكها
سمره / هو فى ايه
محمود / اتخانقوا عالبوابه
سمره / يا راجل طب دى حاجه حلوه خالص انا لو منك اروح اعتزرلها و اهى فرصه اتعرف انت بقيت سنجل دلوقت
محمد يبصله و التانى يغمزه
سمره / انا مقصدتش حاجه
منى و واحده صحبتها يقربوا من الترابيزه
التانى / احم احم طب نستاذن احنا بقى نشوف البتاعه بتاعه البتاع
التلاته يقوموا و محمد يلبس النضاره الشمس و يقوم وراهم
منى / محمد
محمد ميردش و يمشى
........................
فى الشركه عند مصطفى بالليل
مصطفى / ياعم ارحمنى البت كرهتنى
سلامه / اللى يغيظ انها مبتشتكيش خالص
مصطفى / بس هى شاطره و بتتعلم بسرعه خليها تشتغل هى بجد كويسه
سلامه / لا مؤاخذه يعنى يا مصطفى انا مببقاش مرتاح مش عاوزها تتبهدل
مصطفى / مانت مبهدلها اهو على فكره المساله عند عاوزه تثبت نفسها و خلاص
سلامه / و العمل
مصطفى / تسمع منى امشى معاها بالعكس جرب تشجعها عالشغل و انا هبطل دور المدير المفترى ده عشان خانقنى و هى مع الوقت هتزهق و هتعد و ربنا يقدرنى بقى و الاقى اللى تحل مكانها
سلامه / ربنا يسهل
...........................
فى الكليه الصبح
كريم يركن عربيته جوه الكليه و ينزل و تنزل منها ساندى لابسه فستان فوق الركبه ابيض فى اسود على هيلز و شعرها طويل مغطى ضهرها اسود و قصه و نضاره شمس تقابل بنت تسلم عليها
البنت / ايه الحلاوه دى يا بنتى معرفتكيش
سندس / انا علاطول حلوه
البنت / عمرها مهتتغير اتاخرتى يعنى المحاضره خلصت
سندس / محاضره ايه دى اللى اجيلها انا باجى الكليه تقضيه واجب
البنت / حقك طبعا اختك و جوزها دكاتره فى الكليه بس انا قولت انك هتحضرى الاولانيه و تغيبى التانيه مدام دكتوره فريده هى اللى هتديها
سندس / والله لولا ان فريده هى اللى هتدى المحاضره مكنت حضرتها انتى عارفه هتعملى فيلم
البنت / ناصحه
سندس / هكلمك بعد مخلص يا كريم
كريم / اوك سلام
.....................
فى المدرج المحاضره خلصت و الكل بيخرج
منى / محمد لو سمحت
محمد يمشى و ميردش
منى / انا مش هقعد اجرى وراك على الاقل اسمعنى
محمد يلبس نضارته الشمس و يبصلها
منى / ممكن نقعد فى حته نتكلم
محمد / قدامك دقيقتين
منى / انا عاوزه اقولك انى عارفه انك اكيد زعلان منى بس انا مقدرتش اقولك عشان
محمد يبص فى الساعه
منى / محمد ياريت منخسرش بعض
محمد / هههههههههههههه نخسر بعض احنا لسه هنخسر بعض لا فوقى انتى خسرتى من زمان و اه لو انتى بتعملى الفيلم ده كلو عشان خايفه انى ابعت الحاجات اللى عندى لاهلك و اخرب عليكى فانتى غلطانه انا مش واطى زيك انا حرقت اى حاجه تفكرنى بيكى لما شوفت قد ايه انتى مبسوطه فى فرحك مبروك يا مدام منى فرحتلك
منى / انا بس عاوزه
محمد / وقتك خلص سلام
محمد يتحرك عشان يمشى و يلف يخبط فى كتف سندس
سندس / ااااه ... انت تانى هو مفيش فى الكليه غيرك
محمد / تانى ؟؟؟؟
محمد يستغرب و يقلع النضاره و يشبه سندس تسيبه و تمشى هى و صحبتها
سندس / دا المتخلف اللى حكيتلك عنه تعالى نقعد ورا
محمد / يخربيتك هو طول امتى
محمد يبص جنبه يلاقى منى لسه واقفه يلبس النضاره و يمشى يقابل سمره بره
سمره / ايه يا برنس طولت جوه
محمد / البت بتاعه العربيه الحمره فاكرها
سمره / الصاروخ مالها
محمد / شوفتها شعرها اسود و طويل و
سمره / اما البنات دول عليهم حاجات يا جدع
............................
فى الشركه
ساره بتتكلم فى التليفون
ساره / الو ايوه يا استاذ احمد انا ساره الميهى .... اهلا بحضرتك كنت بسال لو فى جديد ..... مفيش .... لا مفيش مشكله بس ياريت لو فى اى جديد تبلغنى علاطول
مهاب يدخل المكتب
ساره / لا مفيش مشاكل مع السلامه .... مع السلامه
مهاب / بتكلمى مين
ساره متردش
مهاب / انا المدير الوحيد فى الدنيا اللى بيطلب موظفه تروحله و متعبروش فكالعاده ياخد بعضه و يروحلها هى
ساره / عملت ايه فى موضوع مازن و مروان
مهاب / مش ساكت ليه فى جديد
ساره / انا ليه حاسه انك مبتدورش اصلا
مهاب / متورينى انتى شطارتك احجزى اول طياره على امريكا و امشى دورى عليهم فى الشوارع بس متتاخريش فى الرجوع عشان بنام بدرى
مهاب يسيبها و يمشى
..........................
فى كافيتريا عالنيل
حنان قاعده متوتره و حمدى قاعد معاها
حمدى / تشربى حاجه تانيه
حنان / مهو
صمت ثوانى
حمدى / ماما بتسلم عليكى اوى على فكره
حنان / الله يسلمها ابقى سلملى عليها كتير
حمدى / يوصل
صمت ثوانى
حمدى / انتى جعانه اطلب غدى
حنان / لا مش جعانه
حمدى / و لا انا
صمت ثوانى
حمدى / انا بحاول افتح معاكى كلام على فكره
حنان تبتسم و تبص الناحيه التانيه
حمدى / فاكره كيس الشيكولاته
حنان / والله البت شوق الجزمه هى اللى كلت منه بس انا خليتها تنزل تجيب بدلها والله
حمدى يبتسم
حمدى / انا سبته فى الشنطه قصد كنت جايبهولك
حنان تبص الناحيه التانيه يشرب مالعصير
حمدى / طعمه حلو دوقيه
حنان تدوق و تهز راسها اه
حمدى / انا متاكد ان العصير بتاعك احلى على فكره
حنان / شكرا
حمدى / تحبى تروحى سينما بالليل
حنان / مقولتش لسلامه
حمدى / مانا هقوله
حنان / اوك ماشى
.......................
فى الكليه
سندس لابسه بلوزه بينك كت على بنطلون ابيض و شعرها اصفر تقوم تقف على البنج
سندس / يا جماعه يا جماعه
الكل يسكت
سندس / يوم الخميس عيد ميلادى الكل معزوم هيبقى بارتى للصبح اللى مش هيجى هخاصمه
سندس تنزل من عالبنج
واحده / للصبح ايه يا بنتى اخرى عشره و نص بالعافيه
سندس / عشره و نص دى يادوب ببدء يومى يا بنتى فكيها كدا
البنت / بقولك ايه انا جوعت متيجى نجيب حاجه ناكلها
سندس / يلا اهو احسن من جو المدرج
سندس و البنت يقوموا و واحد يقابلها بره
الواحد / كل سنه و انتى طيبه يا ساندى
سندس / و انت طيب ميرسى متتاخرش
محمد معدى الناحيه التانيه
محمد / بنت المجنونه دى كل يوم بشكل
محمود / دحلاب دحلاب ههههههههههههههههههههه
محمد / اه على رايك
سمره / سمعت ان الخميس الجاى عيد ميلادها و عازمه الكليه كلها
محمد / و انت عرفت منين ان شاء الله
سمره / بصراحه البت صاروخ و دماغ قولت اسال عليها بس لقيت طريقك مسدود مسدود يا ولدى
محمد / عشان الهفا اللى اسمه كريم ده
سمره / لا و انت الصادق عارف دكتوره فريده المصرى
محمد / يا باى
سمره / اختها يا سيدى
محمد / تصدق الدم بيحن سبحان الله نفس الخنقه
محمود / هههههههههههههههههههه لا بس شكلها دماغ روشه زى دكتور مهاب
محمد / على نفسها انا هروح الكافيتريا اشرب حاجه
.................
ESTÁ A LER
سكه السلامه بقلم / لولو_محمد (كامله )
Romanceشاب فقير يجد اهله الاثرياء بعد غياب عشرون عاما ليجد نفسه امام تحديات كثيره لم يكن يتوقعها
