سكه السلامه بقلم / لولو_محمد (كامله )

الحلقه ١٨

((((((((((سكة السلامه )))))))))))))))
#لولو_محمد
الحلقه الثامنه عشر
سلامه / منغير متكملى دلوقت فى ميوهات اسلامى و كل انواع الميوهات مش لازم يعنى ده ممكن نخلينا حتى واحده واحده اللى هو شورت و نص كوم ده و بعد كدا نبقى نطوله
سندس / اسلام انا
سلامه / عشان خاطرى يا سندس بجد والله غرت عليكى
سندس / اوك حاضر هشوف
سلامه يقوم يبوس راسها
سلامه / خشى بقى مالبرد و انا هعملك احلى نسكافيه يدفيكى تعالى
سندس تدخل مع سلامه
.............................
فى المطبخ
سندس / تلت معالق سكر
سلامه يحطلها السكر سندس تنزل من عالرخامه
سندس / هو محمد بيشربها كام معلقه
سلامه / زيى معلقه و نص
سندس / طب هات دى بقى و اعملك واحده تانيه
سلامه / هههههههههههههههههههه بقى كدا خليه ينفعك
سندس / محدش بينفع حد بس تقدر تقول مزعلاه
سلامه / و ايه الجديد من يوم معرفك و انتى مطلعه عينه
سندس / و هو كمان على فكره
سلامه / انا رايى اللى يحب يصالح حد يصالحه بمجهوده مش بمجهود حد
سندس / مش مزعلاه اوى كدا عشان اتعب عشانه يعنى
سلامه / ههههههههههههههههه خديها هو انا هخلص معاكى هعملى غيرها
سندس / اطير انا بقى سلام يا ابيه
سندس تاخد الكوبايتين و تمشى
......................
فى اوضه ساره
ساره قاعده سلامه يفتح الباب و هو ماسك مجين نسكافيه ساره تقوم جرى تاخد منه
سلامه / لقيتك مستكتره علينا طلتك قولت اطلعلها انا
ساره / ههههههههههههههه دا ليا صح
سلامه / يارب يطلع مظبوط
ساره / اااامممم حلو جدا ميرسى تعبت نفسك
سلامه / تعبك راحه النفسيه عامله ايه دلوقت
ساره / تمام الحمد لله بكره باذن الله نروح نشوف النتيجه
سلامه / باذن الله
ساره / و هنستلم النتيجه و نطلع عالمحامى عشان يخلص الاجراءات و بعدها هنعمل حفله كبيره و نعزم مصر كلها
سلامه / ليه
ساره / الدنيا كلها لازم تعرف ان اسلام المصرى رجع
سلامه / دا هيدايق مهاب جدا على فكره ... عجبتنى
ساره / ههههههههههههههه
سلامه/ محمد اللى مدايق منه اوى بيقولى انه كان بيحترمه اوى
ساره / انا عارفه كويس هو حاسس بايه مش هتتخيل انا مهاب كان بالنسبالى ايه
سلامه / بس حقيقى عندى فضول اعرف
ساره / انا بابا اتجوز ماما و انا عندى تقريبا تمن سنين و بعدين عمى الله يرحمه رفع قضيه حضانه و خدنى
سلامه / و بعدين
ساره / كانوا اسوء ايام حياتى او كنت فاكره ده لحد معشت الايام اللى فاتت المهم مهاب كان دايما يجى يزورنى و يجيبلى لعب و حلويات طبعا كانوا مانعين اهلى يشوفونى بس هو كان بيهرب و ينط من فوق السور مكنش فى حاجه بتمنعه كان اياميها عنده اربعه و عشرين سنه كنت بحس ناحيته بانه ابويا اللى بجد
سلامه / و بعدين
ساره / مفيش بابا دفع لعمى تلتميه الف جنيه فاتنازل كانوا مبلغ كبير ايامها اشترى بيها الارض اللى بياكل منها هو وولاده دلوقت
سلامه / واطى اوى فى كدا
ساره / لما رجعت مهاب كان ابويا زى مقولتلك كنت زى اللزقه يزاكرلى و يلعب معايا كان كل حاجه و مش هنكر مع الوقت المشاعر اتغيرت لما كملت ستاشر سنه لقيته بيقولى انه بيحبنى اوى فحبيته لحد متجوز فريده
سلامه / انتى بتتكلمى جد
ساره / انا مش عارفه بحكيلك ليه الصراحه بس مش عارفه
سلامه / على فكره انه يختار فريده و يسيبك دى حاجه حلوه على فكره المفروض تحمدى ربنا عليها
ساره / انت عارف الاول هو سابنى ليه
سلامه / انتى عبيطه دا اكبر منك ب 16 سنه يعنى زى مقولتى فى الاول زى ابوكى
ساره / اهو اللى حصل
سلامه / غريب الحب ده اوى لا بيعرف لا سن و لا شكل و لا اى فوارق و لما بيجى عمره مبيروح
ساره / بيروح لا اكيد بيروح بس بيسيب مكانه وجع
سلامه / يمكن عشان ملقتيش اللى يملا مكانه
ساره / ههههههههههههههههههه لا هدحكك مش انا لقيت
سلامه / بتهزرى
ساره /هحكيلك
سلامه / احكى
ساره / انا من هبلى بقى فقدت النطق فادونى حقنه سبرتو فى مناخيرى
سلامه / ثانيه ثانيه ايه
ساره / متسالش ده اللى حصل دى بتعادل جلسه كهربا مقولكش نطقت بعدها علاطول بس بقيت بجيب ميه من كل حته عينى و ودنى و مناخيرى كانت فظيعه وجع رهيب
سلامه / على ايه يا بنتى
ساره / مهو الوجع ده مادبنيش روحت قطعت شرايينى
سلامه / عرفت سندس جايبه جنانها منين
ساره / مش هيفهم الوجع الا اللى بيحس بيه على فكره
سلامه / صدقتى
ساره / المهم كان عندى بيست فريند اسمه احمد هو اللى ساعدنى انى اعدى المرحله دى و كان بيهتم بيا اوى و بعدين اعترفلى بحبه و كان طبعا عارف و عايش معايا كل حاجه فقررنا اننا نتجوز مهاب ادخل و عرض عليه وظيفه محترمه جدا بمرتب مغرى فى دبى مقابل انه يسبنى
سلامه/ و قبل؟؟؟
ساره / تصدق انه مفرقش معايا مزعلتش ولو ثانيه
سلامه/ عشان محبتيهوش اصلا انتى بس مليتى بيه فراغ مهاب مش اكتر
ساره / يمكن اشرب اشرب نكدت عليك صح
سلامه / بالعكس خالص انا سعيد انك اتكلمتى معايا
ساره / و انت بقى مش هتحكى
سلامه / انا حياتى بلا حريم هههههههههههههههههههه
ساره / هههههههههههههه لا احكى حياتك
سلامه / اااه بصى يا ستى انا ابويا لقانى نايم فى الشارع عالرصيف ركن الميكروباص و نزل يشوفنى لقانى متخدر خدنى و فوقونى و طبعا مكنتش بعرف اتكلم كويس فكنت بنطق اسمى سيلام  فعملوا المحضر باسم سلامه على محكولى يعنى و روحت دار ايتام و من هنا راح كفلنى فى بيته و بقى اسمى سلامه ابراهيم محمود كان كاتب كتابه اياميها و اتجوز بعدها بمفيش و عشت معاهم على انى ابنهم وسط عيالهم اللى هما اخواتى و تقريبا معرفتش ده الا لما كبرت شويه و بدات اسال انا ليه اسمى مختلف و كدا
ساره / كان راجل طيب شكله كدا
سلامه / كان راجل بمعنى الكلمه حقيقى ميتكررش
ساره / انا سعيده بالحوار ده 
سلامه / انا اسعد
....................
فى الجيم
سندس تدخل بالمجات تلاقى محمد بيجرى عالتريدميل
سندس / جبتلك نسكافيه و اوعى خيالك يروح لبعيد سلامه اللى عامله
محمد / تسلمى انتى و سلامه
سندس تحط المجات على كرسى و تروح تقف جنب محمد و هو بيجرى و تدوس زرار السرعه و تزود محمد يزق ايدها و يقلل
محمد / بطلى رخامه
سندس / كفايه انزل
محمد / فى واحده تانيه يا رخمه
سندس / انزل اشرب النسكافيه يا غبى
محمد / بمناسبه غبى دى كنت عاوز اوريكى حاجه
سندس / ايه صورتنا فى الحفله
محمد / الله انتى عارفه
سندس / مانا كنت بحاول اقولك بس انت انشغلت فى الفنلات يابو فنله
محمد يروح يقعد جنبها
محمد / ههههههههههههههه مش فاهم ايه مشكلتك اصلا
سندس / يووووه هيغير الموضوع اهو كنت بقولك جالى 58 مسد و اتناشر رساله دا غير السوشيال ميديا فيس و فايبر وواتس و ايمو و لين و سوما
محمد / بتستخدمى كل دول
سندس / اه عادى المهم
محمد / المهم
سندس / كلو بيسال عن الصوره اخر مزهقت عملت الموبايل صامت و لما فوجئت بالعدد ده قفلته خالص و لسه مفتحتوش لحد دلوقت
محمد / و عملتى ايه مع ميرنا
سندس/ و هعمل ايه يعنى عادى المشكله مش فى انى برقص و لا اول صوره اتصورها و انزلها عالفيس الكل بيسال لان الصوره معاك انت يا حبيبى
محمد / متقوليهاش تانى بجد
سندس / ههههههههههههههههه انت تطول يا اهبل
محمد / انا قزم اساسا بس مننكرش ان الصوره حلوه
سندس / طبعا حلوه انا فيها يا بنى انت نسيت و لا ايه
محمد / طبعا طبعا
سندس / صحاب
سندس تمد ايدها محمد يسلم و هما مبتسمين
محمد / اخوات
سندس / احسن و احسن
......................
بالليل فى القهوه عند حمدى محمد قاعد مع صحابه
محمود / ايه ده يعنى الحرب خلصت
محمد / ممكن تعتبرها هدنه
سمره / طب سيبك انت من كل ده الحفله كانت عامله ازاى
محمد / اقسم بالله اول مدخلت اتخنقت و كان كل همى انى اخرجها من هناك
سمره / بس ادتك ريق حلو يعنى
محمد / كالعاده بحالات تبقى زى العسل و فجاه تقلب نار
محمود / و كريم
محمد / دا دلدول و ملوش تلاتين لازمه بتديله بالجزمه عادى و قدام الكل و برده بيس بيرجع يتهزا تانى و قالتلى انهم صحاب بس مفيش اى حاجه
سمره / يعنى الجو خليلك يا معلم
محمد / بس يا اهبل احنا اخوات بس
سمره / اخوات ايه يا اهبل
محمد / اخوااااات خلصت
محمود / خلصت خلصت خلاص
...........................
تانى يوم
الكل متجمع
ساره / انا رايى اننا نعمل حفله كبيره و نعزم كل الناس عشان نعرفهم ان اسلام المصرى رجع
ناهد / والله فكره
سندس / لا بصوا حفله يبقى انا اللى هنظمها
اميره / ابوس ايدك بلاش انتى
سندس / ليه فى مين احسن منى بيعمل حفلات
ساره / عشان كدا بلاش انتى احنا هنعزم كل اللى نعرفهم بليز
سندس / انا هخليهم يحلفوا انهم مشافوش حفله زيها
فريده / هيحلفوا اكيد
سندس / هو كلكوا ضدى
محمد / انا بقول سندس قدها
سندس و محمد يخبطوا ايدهم فى بعض هاى فايف
سلامه / انا مع محمد
سندس / اوك اول حاجه لازم نهتم باللبس اوى يعنى اول مره اسلام يطلع للناس لازم يبان محصلش
ساره / سبيها عليا
سندس / لا لا لا انسى الحفله دى بتاعتى البوفيه و اللايتس و البروجرام و اللبس كلو عليا
ساره / مش هتقدرى
سندس / خليكى منطقيه مين هنا ملكه الحفلات
اميره / انتى طبعا
سندس / خلاص انتوا خليكوا فى اللى بتفهموا فيه النكد سيبوا الفرحه عليا
ناهد / خلاص يا ولاد سيبوا للبنت فرصتها و نشوف بس قسما عظما لو عملتى اى حركه من بتوعك
محمد / مش هتعمل يا تيته انا اضمنها
ناهد / كدا اطمنت
سندس / بقى كدا تطمنوله هو و انا لا ماشى طب والله زعلت
محمد / الله الله انتى مش قولتى ملكيش فى النكد
سندس / النهرده هاخد اسلام و محمد عالمول و بكره هاخد البنات عشان نعمل توتالى ميك اوفر
حنان / يعنى ايه
سندس / يعنى يوم دلع سبا مساج شوبينج يوم بنات بس
شوق / ايوه بقى
فريده / اسلام ممكن ثوانى
اسلام يطلع معاها جرى
فريده / بما انى اتاكدت انك اسلام فقدر ارتاح
فريده تحضن اسلام اوى
فريده / حمدالله عالسلامه نورت بيتك
سلامه / الله يسلمك
فريده / لو احتجت اى حاجه اختك الكبيره موجوده
سلامه / الله يخليكى
فريده / بصراحه انا فى جوايا حاجه عاوزه اقولهالك تعبانى طول عمرى
سلامه / اتفضلى
فريده / مش عارفه ابدء منين .... بص يوم مانت اتخطفت انا كنت بتخانق مع اميره على عروسه جديده اشتريناها فزقتها وقعت عالارض اتعورت تيته و ماما خدوها عالحمام عشان يغسلولها الدم من ايدها و سابونى معاك ماما يوميها زعقتلى و قالتلى انى مش فالحه فى حاجه
سلامه / انتى
فريده / لو سمحت متقاطعنيش انا شوفتها و هى بتخطفك شوفتها و هى بتخدرك و تشيلك بس متكلمتش فضلت واقفه اتفرج و ساكته مقدرتش اتكلم عشان كنت خايفه يلومونى و يهزقونى اكتر انا عشت عمرى كله بذنبك فى كل مره تيته كانت بتقول فيها اسمك قلبى كان بيتقطع
سلامه / كلو نصيب يا فريده نصيبى امشى و نصيبى ارجع كلو مقدر متشيليش نفسك فوق طاقتها و يا ستى الحمد لله رجعت
فريده / ميرسى عن اذنك بقى ابص عالاولاد
سلامه يسيبها و هو مستغرب و تنزل و هى تقف فوق و مهاب يطلع يبوسها من خدها و يسيبها و ينزل و هو منشكح
ساره لسلامه  / خير
مهاب / الخير كلو يا ساره الخير كله عوده الابن الضال انا بقول لازم نحتفل بالمناسبه دى
سندس / ايوه يا ابيه ماحنا اتفقنا انا اللى هنظم الحفله
مهاب / متنسيش تعزمى كل اصحابك عشان يتعرفوا على اخوكى
سندس / هيحصل
مهاب / انا هروح الشركه بقى عن اذنكوا
ساره / احنا هنحصلك
مهاب / تنوروا شركتكوا برضه
مهاب يمشى
محمد / هدوءه مرعب
سندس / ايه يا محمد متتكلمش عن ابيه كدا
اميره / مهاب مش وحش للدرجادى
ساره / يمكن
سلامه / سندس انتى هتظبطى لبسى فى الحفله خدى محمد معاكى احنا مقاسنا تقريبا واحد انا اكبر نمره انا رايح الشركه يلا يا ساره
سندس / ايوه بس
سلامه / اللى مش هيطلع حلو عليا او المقاس مش مظبوط ياخده محمد
سندس / اوك اتفضل يا استاذ معايا
محمد / ايوه بس
سندس / انجز بقى
..........................
فى الشركه
اجتماع مجلس الاداره
مهاب / انا شايف ان دى هتكون خطوه كويسه
سلامه و ساره يدخلوا
ساره / بلغونى ان فى اجتماع مجلس اداره بس ازاى انا و اسلام بيه منحضرش
الكل يبص لساره
مهاب/ اعرفكم يا جماعه اسلام محمود المصرى ابن الاستاذ محمود المصرى الحمد لله رجع
الكل / حمد الله عالسلامه
ساره / بيتهيالى بما ان سلا اسلام له النسبه الاكبر فى الشركه فهو من حقه الاداره
مهاب يقوم يقف قدامها
مهاب / ساره حبيبتى دى شركه عمرها سنين تقدرى تقولى اسلام يفهم ايه فى الاداره
واحد / انا مع مهاب بيه ياريت اسلام بيه يتابع فتره عشان يشوف الشغل ماشى ازاى و بعدين نقرر مين الاكفا انه يمسك مجلس الاداره
مهاب / اصل الكرسى ده للاكفا مش للاغنى
وحد تانى / ايوه بس ده ميمنعش يا مهاب بيه ان الاستاذ اسلام له الحق فى حضور كافه الاجتماعات و المشاركه فى اتخاذ القرارات
مهاب / طبعا طبعا
ساره و اسلام يقعدوا
......................
فى محل فى مول
سندس ماشيه بتنقى و بتشاور لبنت على كذا طقم و ترجع للبروفه تلاقى محمد لابس بدله منتهى الشياكه تشد جرافات و تلفها حوالين رقبته و تربطهاله
محمد / برافو حقيقى اتفاجات
سندس / اقل حاجه عندى
محمد / يا سلام
سندس / خد قيس دول
محمد / بقالى تلت ساعات بقيس و اقلع
سندس / انت بتقيس لاتنين حضرتك و بعدين متنساش انت هتبقى معايا بعد كدا يعنى لازم تكون فاشون ايكون
محمد / مين
سندس / و من بكره هتاخد كورسات لغه و اتيكيت
محمد / بس
سندس / شششش خش يلا ورانا حاجات كتير انجز
محمد / صبرنى يارب
......................
فى البيت
سندس بتتكلم فى التليفون رايحه جايه فى الجنينه و محمد و اسلام بيبصوا عليها
اسلام / عسل و هى متحمسه لحاجه
محمد / مشوفتهاش فى المحل نحله يا اخى نحله بصراحه مكنتش متخيل يطلع منها حاجه اصلا
اسلام / سمعت اشاعات انكوا قررتوا هدنه و تبقوا اصحاب
محمد / مفيش حاجه بتستخبى
اسلام / انا مطمن عليها و انت جنبها
محمد / و مطمن عليا معاها
.......................
اسلام / هههههههههههههههههه الصراحه لا
محمد / الصراحه مطلوبه
سندس تتنطت قدامهم و تقول هاااايه هاااايه
محمد / مجنونه و ربنا
سندس تجرى على جوه تقابل ساره
ساره / ايه على فين كدا
سندس / اتفقت مع بارتى بلانر هتيجى من بكره تفرش البيت كله و الجنينه و تعمل تغطيه عشان لو حصل مطر لا قدر الله و الاضاءه و الفيديو و الفوتوجرافرز و الدى جاى كلو جاهز و اتفقت كمان على مينو هايل جدا لاوبن بوفيه هيعجبك اوى و بالونز جايت بوسترز كل حاجه كل حاجه
ساره / برافو بالسرعه دى
سندس / و مش بس كدا دعوات الحفله هتوصل كمان ساعه مالمطبعه و بكره الصبح اسلمهالهم مع لسته المدعويين و عناوينهم و هما هيوصلوها بنفسهم
ساره / واو ايه النشاط ده و معاكى الليسته و لا
سندس / لا طبعا بس ايام وركينج اون ايت نيفر مايند
ساره / طب اساعدك
سندس / لما هحتاج مساعده هطلب عن اذنك
ساره / ما شاء الله عالنشاط
سندس تجرى تطلع فوق تدخل اوضه اسلام
سندس / اخبار الهدوم ايه
اسلام / هو فى زوق فوق زوقك
سندس / انت بتعمل ايه هنا
محمد / اسلام كان بيقيس و نشوف
سندس / تشوف ايه قولتلك طلعله الهدوم و تعال هو يقيس براحته ورانا حاجات نعملها انت شكلك مساعد فاشل اصلا
محمد / شايف
اسلام / تصبحوا على خير شباب
محمد / نام نام
سندس / يلا بقى اتحرك
................