.
.
.
.
.
وقال: انزلي
قلت برعب ورفض : لا .. رجعني عند اهلي
قال بهدوء غريب: ايه وانا برجعك.. بس ملابسك و اغراضك الي هنا مو ناويه تاخذيهم
بلعت ريقي وقلت: ارميهااا كلها ما ابيها
قال بغموض : وليه نرميها يمكن تحتاجينهم
قلت بخوووف من اسلوبه ونبرته و انا ارجع لوراء و برجاااء : تررررركي
تركي سحب يدي: انزلي.. مو قلت لك ماراح اسوي لك شي!
ناظرت في عيونه ادور شي يطمني لكن كانت خاليه من إي تعبير .. شدني حتى اطلع وانا انسقت معه برغم خوفي.. بس هو قال ماراح يسوي لي شي!!
كان قابض معصم يدي بيده بقوه حسيت راح يهشم عظمي.. ثم دخلنا الشقه فكني وتقدم وانا الخوف يرجف قلبي شلت الغطوه وجلست افرك يدي الي اوجعتني من مسكته
ورفعت راسي وفاجئني ككككككف يمكن ما عمري اخذت مثله حسيت من قوته اني دخت وطحت ع ارض و لهب اشتعل بخدي وحواسي تخربطت ..
وهو اختفى بدون ولا كلمة ..!!!!
شكله اختفى يهدي روحه قبل يقتلني !! دمعت عيوني من الألم وانا احس بنزف دم انفي و حاولت اوقف وانا اتجه للغرفه خلعت العبايه ورميتها ع الارض ثم الكعب واتجهت للمغسله .. و ناظرت لخدي كيف صار بلون الدم و نزف مسحته وانا اغسل وجهي حتى تخف حرارته .. اخذت نفس معقوله كل هالضيقه اليوم
عشان بطلق من تركي..!! طلعت من الحمام بأتجاه الدولاب بأجمع اغراضي .. لكن رجوع تركي الي دخل بعصبيته وباقي في عيونه شر ذكرني باول ليله لي معاه..!! ما ادري باقي ينتظرني شي من ضرب ولا خلص... يلا الليله عنده تصريح مني .. المهم اني تطلقت!! لكن دق قلبي و شهقت بخوف وهو يشدني من ذراعي بقوووه ورماني ع سرير .. استندت ع يديني حتى اجلس ورجولي باقي تلامس البلاط .. لكن هجومه وهو يميل عليه و يده يضغط فيهااا ع فكي بقهر حتى دبس راسي بسرير وهو يهزه وعيونه تقدح شر ويقول : انا ي الحقيره تسوين فيني كذا .. تخليني مثل مجنون اطاردك ..!! و بسبابة يده الثانيه يأشر ع دماغي :وين عقلك يوم تسوين هالحركات... وبصراخ كرر : وين عقلك؟؟
.
.
.
وانت خليت فيني عقل ي تركي!! كنت تحته .. جامده.. صامته.. ما عندي اي ردت فعل غير ماسكه بيديني ثنتين على يده الي على فكي حتى يخفف ضغط قبل يهشمه لي !!
و اطالع في عيونه بخوف ورجاء وانفاسي متسارعه
كمل بغضب : تحسبين انك جبرتيني اطلقك واردف بوعيد : لكن طيب ي سهى انا اوريك الاجبار كيف ..؟
وكمل وهو يبتعد عني بقهر وحقد: وطلاق هذا على بالك يمشي يلي تكلميني عن دين و شرع هذا اسمه طلاق بالاكراه و بااااطل .. واردف بتهديد: يعني انتي باقي بذمتي وتحت رحمتي و وراك اياااام سودا بعد الي سويته اليوم !!!
حسيته زي الي اعطاني كف ثاني بس كف نفسي .. خلاني ابهت .. واجلس بصدمه ... شلوووون طلاق باطل؟ كيف ابقى عنده..! لا يكذب اكيد
رن جرس الشقه
و طلع من الغرفه وانا باقي جالسه بصدمه ومو مستوعبه كلمة باطل.. رجع لي وانا باقي تحت تأثر الصدمه .. ونار مشتعله بصدرررري.. ومو مستوعبه واردد بمخي .. اكيد يكذب.. يكذب ..!!
مسك يدي حتى امشي معاه بس هالمره مسكها بشكل اخف شكله قدر صدمتي!! مادريت ان عنده مفاجئه لي من نوع آخر .. وجاب لي اكثر انسان اكرهه في العالم وانا في اعز انهياراتي..!! الي قال وقت دخولنا المكتب.. بصوته البغيض: هلا والله بسهى وبسخريه: هلا والله ببنت اخوي العزيز
ناظرت له بشر وكأني محتاجه انسان افرغ فيه
كل غضبي وقهري !!!
لكن بنفس الوقت عارفه اني مو قده
ف امتلكني خووووف
ف لفيت ادور تركي فين؟؟
ادري اني غبيه بعد كل هذا.. و ادور تركي.. لكن ماعندي احد غيره هاللحظه ادور الأمان والحمايه عنده..
أنا خايفه من عادل وبعد خايفه من تركي بس يضل تركي زوجي و دايم صورته بعقلي كبيرة يمكن نتيجة حبي له من طفولتي .. ورغم كل شي عمله فيني ما انكسرت هالصوره .. واساسآ من زمان اشوف ان اماني معاه .. وبررت له و ركنت تصرفه وعصبيته معي قبل شوي.. ك ردت فعل لتصرفي المجنون الي انا للأن ما خرجت من صدمته و كل ما اتخيل اني كنت ع حافة الموت وعشان طلاق و بنهاية يقولي باطل .. ما اصدق نفسي ..!!
الايام الي فاتوا كوم والي صار لي فيها من وحده وحرمان و اهانه وتعذيب و خذلان و تجريح وتجاهل .. وهذا اليوم كله بكبره كوم من بداية وحدتي و ضيقتي.. لتجريح روان.. لتجاهل تركي.. لخوفي من اهله.. لمحاولتي الهروب..لتهديده بالانتحار.. لطلاقي الباطل.. لضربه الموجع ..لمواجهتي لعمي عادل .. لضعفي هاللحظه!!
هذا كله تحطيم و تدمير و تهشيم و طحن لكل قوتي.. و الكل صوب سلاحه ضدي.. و الى الأن و انا يدي ممدوده لتركي تطلب اللجوء إليه و الحمايه منه .. رغم انه أكثر من اصابني في هالحرب بجروح و مازالت تنزف و ما طابت.. لكن ما ابي اعلن إستسلامي مبكر ..لابد من شرف المحاولة الاخيره .. حتى تكون خسارتي نزيهه..!!
.
.
تنهدت براحه انه خلفي وما ادري ان كان لاحظ هاذي التنهيده أو لا ..! ورجعت نظري لعادل الي تقدم وفيه يده ورقتين حطهم قدامي على مكتب و رفع القلم وفتح ايضآ حبر البصمه يعني يبغى توقيع وبصمه حتى ما يشكك احد في الورق.. لان التوقيع يشكك فيه..خاصه لو فكرت اغيره.. لكن بصمه مستحيييل احد يكذبه ..!
وقال: وقعي واشر:وبصمي بعد
نظرت للورق متردده و قلبي يدق بقوة حتى حط تركي يديه ع اكتافي كأنه يخفف خوفي وقال: وقعي ي سهى
رفعت عيني له يعني هذا هو الأجبار الي يقصده ..
و راح يجبروني اوقع
قلت وانا احاول اجمع بقايا قوتي: لا
جاني تهديد عمي عادل: وقعي ي بنت و النفس عليك طيبه.. وسحب يدي بقوه وحط القلم وناظر لي بنظرة شر: وقعي وخلصينا بسرعه
انفعلت وسحبت يدي ورميت القلم ع الارض بعييييد متجاهله رعبي وخوفي هاللحظه..!!
تجهم وجهه من رفضي وحركتي ورفع يده بيضربني..! وانا تراجعت و غصت بصدر تركي الي رفع يده بيني وبين عمي عادل..
وقال حتى يمتص غضبه: ي عمي كل شي يجي بالهداوه
وفرحت اخيراً دافع عني..!! لكن تحطمت لما اكمل: وبعد منت شايف اني قمت بالواجب
قصده ضربه لي لأنه اساسآ واضح الأثار بوجهي..
من خدي الاحمر الملتهب من الكف لأثار اصابعه بفكي
وكأنه أصابني بخدوش ..!!
نارررررر اشتعلت بصدري من القهر .. وباقي ي تركي واقف ضدي .. تتباهى بضربك و كسرك لي.. اخ قهررررني كلامه قهرررني.. وقهررررتني نظرة عمي عادل الشامته: إلا شايف بس ذي تسعى لموتها
صح انا اللحين بسعى لموتي لأن النار تغلي بصدري من تركي و حقارته معي و عمي عادل و استضاعفه لي .. وفكرة انهم يستفردون فيني وانا ضعيفه بينهم لا انا بجبروت عمي عادل ولا انا بقساوة تركي .. أوجعتنننني بقوووه ..!!!!
وحثتني لأتقدم بسرعه و اتناول الورقتين وانا ابتعد خطوة و ناويه احرق خطتهم.. واقهرهم مثل ما قهروني اللحين واستضعفوني.. لا يحسبون انهم يخوفوني..!! مع ان الصدق الخوووووف والررررعب ساكن قلبي.. لكن اخذت الورقتين ويدي تترجف وقطعتهم بقوه قطعه قطعه و نثرتها قدامهم بالهواء وانا اقول بقوه مصطنعه : تحلمووون اوقع
وجدياً صرت افكر مين أول واحد بينقض منهم عليه ويقتلني وفعلا ما كملت تفكير والإ و انا اسمع صرخخخه عاليه : لاااااااااا
و ضرررربه قوية موجعه جات راسي وشي سائل انساب فجاءه على جنب وجهي ورقبتي.. يمكن كف تركي خلاني احس انه تخربطت حواسي بس هالضربه ما خلتني احس بس شي حوووولي
ف طحت من طوووولي وحسيت يد مسكتني قبل يوصل راسي البلاط وغبت في ظلاااااام
ضحية حرب لا ناقة لي فيها ولا جمل
سوى قلب اراد السلام و الحب ..!
تركي 🖋️
لدقائق جلست مصدوووووم.. مذهوووول.. وانا جالس ع الأرض و سهى بحضني و بعض من دمها لطخ ثووووبي!! و قلبي نبضاته متسارعه .. ودي اقوم اقتل عمي عادل كيف تصرف هالتصرف.. وتناول مجسم تمثال من ع مكتب.. وضرب راسهاااا.. شلووون تجرأ ..!! قرب ونزل لمستوانا متوتر مسكت ذراعه وانا ودي اخلع يده من اصلها ونفضته وصرخخخت بعصبيه وقهر: شنوووو سوويت!!!!
رد بخوف: هي.. هي السبب.. استفزتني.. انت شفتها ششلو...
دفيته بقههههر وانا ارجع نظري لسهى بخوف و الف راسها بشويش ع جنب.. باشوف مكان الضربه و رغم اني دكتور ومتعود على منظر الدم لكن لأول مرة اكره منظره.. لأني انا السبب .. ونادم.. ومقهور .. و ما ابي تنزل منها ولا قطرة هي رقيقه جدآ و اتوقع ما تتحمل الخدش .. انا اذا بس اضربها.. اندم واتحسف ..!! يجي عمي ويأذيها ويسل دمهااا قدام عيني وبكل بسسساطه .. يعني مو كافي عليه الي صار قبل ساعه وكيف كان بتروح عمرها.. .. لكن انا بالأساس الغلطاااان
رفعت نظري لعمي الواقف و المتوهق و المصدوووم من تهوره.. صرررخت فيه يجيب شنطه الأسعافات وجابها و فحصت مكان الضربه سبب لها جرح ف جنب راسها قلت بقهر: الله يلعنك
عادل بتبرير : تركي شفيك ترا مو قاص...
قاطعته وانا ابعد شعرها الي صار رطب من الدم احاول اوقف النزيف: اسكت وياريت لو تفارق بعد لاني مو متحمل شوفتك
عادل بقهر : بدينا نخربها
ناظرته بحقد : والله لو يصير لها شي من وراء هالضربه كل شي بينا راح يخرب !!
ناظرني بقهر وراح جلس بعيد ع الكنبه ..