Toilet က မှန်ထဲမှ ကိုယ့်ကိုယ်ကိုယ်ပြန်ကြည့်ရင်း မင်းဆက် ငိုချင်သွားသည်။ မျက်နှာတစ်ခုလုံး ဖူးယောင်နေသည်မှာ မသိလျှင် အုပ်စုဖွဲ့ ရန်ဖြစ်လာသည့်အတိုင်း။ နှုတ်ခမ်းနီမလေးတွေကြား ရေပန်းစားခဲ့သည့် နှာခေါင်းချွန်လေးဟာ ယခုတော့ဖြင့် ယောင်ကိုင်းနေကာ ယောက်ျားလေးတန်မဲ့ အဆီအမြဲဆောင်၍ အရေပြားခြောက်ကွဲနေလျှင် လိမ်းလိမ်းတတ်သည့် နှုတ်ခမ်းပါးလေးဟာလည်း နီရဲစုတ်ပြဲ။
အမေ မေးရင် ဘယ်လိုပြောရမလဲကွာ!
ဘယ်လိုပဲ အသက်ပြည့်ပြီးသား ယောက်ျားတစ်ယောက်ဖြစ်ပါစေ၊ ကလေးငယ်တစ်ယောက်လို အသေးစိတ်ကစ ဂရုတစိုက် မွေးမြူခဲ့သည့် မေကြီးအား လူနာက ထိုးလိုက်တာဟု ပြောရမည်ကို ဆရာဝန်တစ်ယောက်အနေနှင့် သူရှက်ပါသည် ။
"ဘယ်လိုလူနာလဲကွာ....ဆရာဝန်ကိုတောင် သွေးထွက်သံယိုဖြစ်အောင် လုပ်တယ်။ မိုက်မိုက်ရိုင်းရိုင်းအဆဲက ခံ လိုက်ရသေးတယ်။"
"ကျက်သတုံးကောင်!"
ဆေးထည့်တော့လည်း လတ်လတ်ဆတ်ဆတ် အထိုးခံထားရသော ဒဏ်ရာက စပ်ချေ၏။ လက်သီးချက် က လည်း ပြင်းလိုက်ပါဘိ!
မျက်နှာချောချောလေးကို အနာတရဖြစ်အောင် လုပ်၍ ခံပြင်းသည်ထက် ဆေးအမှတ်ဝင်သည့်အချိန်မှ စ၍ ယနေ့ထိ ဝင့်ကြွားလာခဲ့သော ပညာတတ်ရုပ်ချော Cool guy ဒေါက်တာသိုက်မင်းဆက် မာနထိခိုက်သလို ခံစားလိုက်ရသည်။ ခုတော့ လူနာလက်ချက်နှင့် ဖူးခက်မင်းဆက် ဖြစ်နေပြီ မဟုတ်လား။
ဘဝက ဘယ်လောက်ဆိုးသလဲဆို ဆေးတောင် ကြာကြာ မထည့်ရ။ အမြန်အပြီးသတ်ကာ ကျေးဇူးရှင် မေ့နေတုန်း သူ့လက်မောင်းက ဒဏ်ရာကို ကုသ ရအုံးမည်။ မေ့ဆေးပြယ်လို့ နိုးလာလျှင် ဖူးခက်မင်းဆက်ထက် ရုပ်ပျက်အောင် ကြိတ်ခံရမှာ အသေအချာပဲမို့ လူနာခန်းထဲ မသွားချင်သော်လည်း သုတ်ခြေတင်ရတော့၏ ။
••••••
"ဟယ် ! ဒေါက်တာ့မျက်နှာကြီးက တအားယောင်နေတာပဲ"
"ရတယ် ဆရာမ ကျွန်တော့်ကို ခဏနေအရောင်ကျဆေးတစ်လုံးသာထိုးပေး...လူနာရော ဘယ်လိုလဲ?"
YOU ARE READING
Swamping with Intimacy(Season-1)
RomanceDescribing the love between a soft Doctor and a cool Gangster . _____ သိပ်အားပြင်းလွန်းတဲ့ စိတ္တဇနာမ်တခုမှာ နစ်မြှုပ်ကြပြီဆိုသော်.... သိပ္အားျပင္းလြန္းတဲ့ စိတၱဇနာမ္တခုမွာ နစ္ျမႇုပ္ၾကၿပီဆိုေသာ္....