"ဟား......ငါတို့ဆရာကြီးပါလား!!!!!!"
ရွဲ့တဲ့တဲ့ နှင့် လာခနဲ့သော အဖွဲ့ကို လွန်းအာကာ မျက်ထောင့်နီဖြင့် စိုက်ကြည့်လိုက်သည်။ သူ့ပုခုံးကို ခပ်ဖွဖွ ပုတ်၍ ပါးစပ်ရွဲ့ပြနေသည်က ပိတ်ထိုးချင်စရာ။
"ဘာလာလုပ်တာလဲကွ!!!!"
"ငါ့မိတ်ဆွေကို လာတွေ့တာ..."
ခပ်ပြတ်ပြတ်ပြောရင်း ဘီယာတစ်ကျိုက်ကို မော့သောက်လိုက်၏။ လွန်းအာကာ ဒီအလုပ်နှင့် ပြတ်သွားတာ ကြာလေပြီ။ ခုလည်း သူ့ ဆက်သွယ်ရေး Company မှ partner ၏ Bar ကို လာခြင်းဖြစ်သည်။
"မင်းကောင်ကြီးရော?"
ဘယ်သူ့ကို မေးနေလဲ သိ၍ လွန်းအာကာ ကျွတ်တစ်ချက် စုပ်သပ်လိုက်သည်။ တစ်ဖက်အဖွဲ့မှ ကောင်က အလိုမကျဟန်ဖြင့်...
"ခေါင်းကြီးလေ...ဒီလောကမှာ အတော်ဆုံး အလျင်ဆုံးဆိုတဲ့ ပင့်ကူလေကွာ...ဘယ်ကြွသွားလဲ?"
သိရက်သားနဲ့ တမင်မေးနေသောကြောင့် သူ ဘီယာဖိုးရှင်း၍ ထထွက်ဖို့ပြင်သည်။
ခန့်ဦးရှိန်နှင့် လွန်းအာကာဆိုတာ ငယ်ငယ်ကတည်းက တပူးပူးတတွဲတွဲ ၊ ကြီးလာတော့လည်း ဘယ်လောကမှာမဆို တကယ့်ဆရာကြီးတွေ ဖြစ်သောကြောင့် ဘယ်သူကမှ မထိရဲကြ။ခုလည်း အရင်က သူတို့ကို ဖိတ်ဖိတ်တုန်အောင် ကြောက်ရသော ငတိ က ခန့်ဦးရှိန်အကြောင်း လာ စ နေခြင်းပင်။
"ဆရာကြီး....နေပါအုံးဗျ....ပင့်ကူဂိုဏ်းခေါင်းဆောင် သေပြီဆို..."
ခွပ်...
ပုခုံးကို လှမ်းကိုင်၍ မေးလိုက်သော ရိတိတိစကားကြောင့် ငတိမျက်နှာပေါ်သို့ လက်သီးပြင်းပြင်းက တန်းခနဲ။
သွေးထွက်သွားသော နှာခေါင်းတစ်ဝှိုက်ကို ပွတ်သုတ်နေရင်း ခပ်စူးစူးပြန်ကြည့်သည်။ Bar အတွင်း လူတွေ ရှဲခနဲဖြစ်သွားသလို ငတိ၏ တပည့်များကလည်း နောက်ဆုတ်ကုန်ကြသည်။
ဘယ်လိုပဲ တစ်ယောက်တည်း ပြောပြော ၊ လွန်းအာကာဟာ တောဘုရင်မဟုတ်လား။
တောက်ခေါက်၍ ကောင်တာပေါ်မှ ဝိုင်ပုလင်းတစ်လုံးကို ဆွဲယူလိုက်သောကြောင့် အထိုးခံထားရသောကောင် မျက်လုံးပြူးသွားသည်။
आप पढ़ रहे हैं
Swamping with Intimacy(Season-1)
रोमांसDescribing the love between a soft Doctor and a cool Gangster . _____ သိပ်အားပြင်းလွန်းတဲ့ စိတ္တဇနာမ်တခုမှာ နစ်မြှုပ်ကြပြီဆိုသော်.... သိပ္အားျပင္းလြန္းတဲ့ စိတၱဇနာမ္တခုမွာ နစ္ျမႇုပ္ၾကၿပီဆိုေသာ္....
