ﺍﻟﺤﻠﻘﺔﺓ [ 61 ]
ﻣﻦ ﺭﻭﺍﻳﺔ - - "<- ﺳﻨــﺪ ﺍﻷﻧﺜــﻰ ﺭﺟــﻞ "
ﺟﺎﻩ ﺻﻮﺕ ﻣﻦ ﻭﺭﺍﻩ : ﺧﻴﻴﻴﺮﻙ ﺍﻧﺖ ﺗﻌﻴﻂ ؟ ﺍﺣﺘﺮﻡ ﺣﺘﻰ ﺍﻧﻬﺎ ﺑﻨﺖ ﺍﻟﻲ ﺗﺴﻮﻕ
ﻧﻮﺭﺱ ﻟﻤﺎ ﺷﺎﻓﺎﺗﻪ ﺯﺍﺩﺕ ﺗﺒﻜﻲ
ﺍﻟﺮﺍﺟﻞ : ﺳﺎﺩ ﺧﻠﻴﻨﺎ ﺍﻻﺣﺘﺮﺍﻡ ﻟﻴﻚ ، ﻛﺜﺮﻭ ﻏﻴﺮ ﺍﻟﻔﺮﺧﺎﺕ ﺍﻟﻲ ﺩﺍﻳﺮﻳﻦ ﺳﻴﺎﺭﺍﺕ ، ﻛﺎﻥ ﺑﻮﻫﺎ ﻣﺮﺑﻴﻬﺎ ﺭﺍﻫﻮ ﻣﺎﻳﻌﻄﻴﻬﺎﺵ ﺗﺴﻮﻕ ﻋﻘﺎﺏ ﻓﺮﺧﻪ ﺣﻤﺎﺭﺓ
ﺍﻫﻨﻲ ﺍﻟﻜﻠﻤﺔ ﺍﻧﻐﺮﺳﺖ ﺯﻱ ﺍﻟﻤﻮﺱ ﻓﻲ ﻗﻠﺐ ﻧﻮﺭﺱ ، ﺍﻟﺮﺍﺟﻞ ﺍﻟﻲ ﻳﺘﻜﻠﻢ ﻣﺎﻛﺎﻧﺶ ﻳﻌﺮﻑ ﺣﺠﻢ ﺍﻻﻟﻢ ﺍﻟﻲ ﻏﺮﺳﻪ ﻓﻲ ﻗﻠﺐ ﻧﻮﺭﺱ ، ﻫﻮ ﻣﺶ ﻫﺎﻣﺎﺗﻪ ﺍﻻ ﺳﻴﺎﺭﺗﻪ ﻧﻄﻖ ﺑﻜﻼﻡ ﻳﺸﻮﻑ ﻓﻴﻪ ﻫﻮ ﺷﻲ ﻋﺎﺩﻱ ﻭﻣﻤﻜﻦ ﻳﻘﻮﻝ ﻓﻴﻪ ﺩﻳﻤﺎ ﻻﻧﻪ ﻗﻠﻴﻞ ﺍﺣﺘﺮﺍﻡ ، ﺑﺲ ﺑﺎﻟﻨﺴﺒﺔ ﻟﻨﻮﺭﺱ ﻳﺘﻴﻤﻪ ﺍﻻﺏ ﻛﺎﻥ ﺍﻟﻜﻼﻡ ﻛﺒﻴﺮ ﻋﻠﻴﻬﺎ ﻭﻫﻲ ﺿﻌﻴﻔﻪ ﻣﺎﻗﺪﺭﺗﺶ ﺗﺘﺤﻤﻞ ﻛﻼﻡ ﺯﻱ ﻫﺪﺍ ﺍﻧﻬﺎﺭﺕ ﺑﻜﻲ ﻭﺗﺮﻋﺶ ﻓﻲ ﺍﻟﺴﻴﺎﺭﺓ
ﻭﺍﻫﻨﻲ ﺍﻟﺮﺍﺟﻞ ﻣﺎﻟﻘﻲ ﺭﻭﺣﻪ ﺍﻻ ﺟﺎﻳﻪ ﺑﻮﻭﻛﺲ ﻋﻠﻲ ﻭﺟﻬﻪ ﻃﺎﻳﺢ ﻉ ﺍﻻﺭﺽ
ﺍﻟﺮﺍﺟﻞ ﻧﺎﺿﻮﺣﺎﻁ ﻳﺪﻩ ﻋﻠﻲ ﻭﺟﻬﻪ : ﻳﺎ ####
ﻫﻮ : ﻳﻔﻨﺺ ﻓﻴﻪ : ﻟﻤﻤﻢ ﺭﻭﺣﻚ ﻫﻴﻴﻲ
ﺍﻟﺮﺍﺟﻞ ﺭﺩﻟﻪ ﺍﻟﻀﺮﺑﻪ ﻭﻗﻌﺪﻭ ﺍﻟﺰﻭﺯ ﻳﺘﻌﺎﺭﻛﻮ ﻭﺟﻮ ﺷﺒﺎﺏ ﻳﺤﺰﻭ
ﻧﻮﺭﺱ ﻣﻘﻌﻤﺰﺓ ﻓﻲ ﺍﻟﺴﻴﺎﺭﺓ ﻭﺗﺒﻜﻲ ﻣﻌﺎﺵ ﻋﺮﻓﺖ ﺷﻦ ﺗﺪﻳﺮ
ﺍﻧﺤﺰﺕ ﺍﻟﻌﺮﻛﺔ ، ﺍﻟﺮﺍﺟﻞ ﺭﻛﺐ ﺳﻴﺎﺭﺗﻪ ﻭﺳﻜﺮ ﺍﻟﺒﺎﺏ
ﻧﻮﺭﺱ ﻓﺘﺤﺖ ﺍﻟﺒﺎﺏ ﻛﻴﻒ ﺑﺘﻨﺰﻝ ﻛﺸﺦ ﻋﻠﻴﻬﺎ ﻭﻫﻮ ﻳﻤﺴﺢ ﻓﻲ ﺩﻡ ﺧﺸﻤﻪ : ﺍﺭﺭﻛﺒﻲ ، ﻭﻟﻒ ﻭﺭﻛﺐ ﻓﻲ ﺍﻟﻜﺮﺳﻲ ﺍﻟﻲ ﺟﻨﺒﻪ : ﺍﻃﻠﻌﻲ ﻣﻦ ﺍﻟﺠﺎﻣﻌﻪ
ﻧﻮﺭﺱ ﺷﺎﻓﺘﻠﻪ ﺑﺨﻮﻑ : ﻋﺪﻧﺎﻥ ﻭﺟﻬﻚ ﻛﻠﻪ ﺩﻡ ، ﺣﺘﻰ ﺟﺒﻬﺘﻚ
ﻋﺪﻧﺎﻥ ﻳﺠﺒﺪ ﻛﻠﻴﻨﻜﺲ ﻭﻳﻤﺴﺢ ﺍﻟﺪﻡ ﺍﻟﻲ ﻋﻠﻲ ﺧﺸﻤﻪ : ﻏﻴﺮ ﺍﻃﻠﻌﻲ ﺗﻮ ﺍﻧﺘﻲ ﻣﻦ ﺍﻟﺠﺎﻣﻌﻪ ﺍﻝ ### ﻛﻠﻬﻢ ﻳﺘﻔﺮﺟﻮ
ﻧﻮﺭﺱ ﻭﻟﻌﺖ ﺍﻟﺴﻴﺎﺭﺓ ، ﻭﻃﻠﻌﺖ
<< ﻋﻨﺪﻣﺎ ﻗﻠﺖ ﺃﻥ ﺳﻨﺪ ﺍﻷﻧﺜﻰ ﺭﺟﻞ ، ﻓﺄﻧﻲ ﺃﻗﺼﺪ ﺫﻟﻚ ﺍﻟﺮﺟﻞ ﺍﻟﺬﻱ ﻋﻨﺪﻣﺎ ﺗﻜﻮﻥ ﺃﻧﺜﺎﻩ ﻓﻲ ﺃﺷﺪ ﺿﻌﻔﻬﺎ ﻳﻜﻮﻥ ﻣﺼﺪﺭ ﻗﻮﺗﻬﺎ ، ﻋﻨﺪﻣﺎ ﺗﻜﻮﻥ ﻗﺪ ﺳﻘﻄﺖ ﻓﺈﻧﻪ ﺍﻟﻴﺪ ﺍﻟﺘﻲ ﺗﻤﺘﺪ ﻟﻬﺎ ﻟﺘﻘﻒ ﻋﻠﻰ ﻗﺪﻣﻴﻬﺎ ، ﻋﻨﺪﻣﺎ ﺗﻜﻮﻥ ﻓﻲ ﺃﺷﺪ ﺣﺎﻻﺕ ﺣﺰﻧﻬﺎ ﻳﻜﻮﻥ ﺍﻟﻮﺣﻴﺪ ﺍﻟﺬﻱ ﻳﺴﺘﻄﻴﻊ ﺇﺿﺤﺎﻛﻬﺎ ، ﻋﻨﺪﻣﺎ ﺗﻜﻮﻥ ﻣﻈﻠﻮﻣﺔ ﻓﺈﻧﻪ ﺍﻟﺼﺪﺭ ﺍﻟﺤﺎﻣﻲ ﻟﻬﺎ ، ﻋﻨﺪﻣﺎ ﺗﺨﻄﻲﺀ ﻓﻬﻮ ﺍﻟﺬﻱ ﻳﻮﺟﻬﻬﺎ ﻟﻠﻄﺮﻳﻖ ﺍﻟﺼﺤﻴﺢ ، ﺃﺗﺤﺪﺙ ﻋﻦ ﺭﺟﻞ ﻳﻜﻮﻥ ﻟﻸﻧﺜﻰ ﺃﺑﺎً ﻭﺃﺧﺎً ﻭﺣﺒﻴﺒﺎً ﻭﺯﻭﺟﺎً ﻭﺳﻨﺪﺍً >>
،،،،،،،،،،
ﻧﻮﺍﻝ : ﻣﺤﻡﻮﺩ ﺍﻧﻲ
ﻣﺤﻤﻮﺩ ﻗﺎﻃﻌﻬﺎ : ﺍﻧﺘﻲ ﺷﻨﻮﻭﻭ ، ﺗﻌﺮﻓﻲ ، ﻭﺷﺪ ﻋﻠﻲ ﺷﺎﺭﺑﻪ ﺍﻟﻠﻮﻃﻲ ، ﻭﻟﻒ ﺍﻣﺸﻲ ﻭﺧﻼﻫﺎ
ﻧﻮﺍﻝ : ﺍﻭﻭﻭﻭﻑ ﻳﺎﺍﺍﺍﺭﺑﻲ ، ﻭﻗﻌﺪﺕ ﺗﺘﺼﻞ ﺑﺼﺎﺣﺒﺘﻬﺎ ﻣﺎﺭﺩﺗﺶ : ﻳﻮﻡ ﻣﺎﺷﺎﺀ ﺍﻟﻠﻪ ﻣﻦ ﺍﻟﺼﺒﺢ ، ﻭﻟﻔﺖ ﻭﻗﻌﺪﺕ ﺗﻤﺸﻲ ﺑﻌﺼﺒﻴﺔ ، ﻭﻛﺎﻥ ﻓﻲ ﺭﺷﺎﺩﺓ ﻭﻣﻦ ﻛﺜﺮ ﻣﺎﻧﻮﺍﻝ ﻣﻌﺼﺒﻪ ﻣﺎﺗﺸﻮﻑ ﻓﻲ ﺷﻲ ﻭﻣﺎﺷﻴﻪ ﺗﻬﺪ ﻫﺪﺍﺍﻥ ﻭﺗﻌﺘﺮ ﻓﻴﻬﺎ ﻭﻓﻘﺪﺕ ﺗﻮﺍﺯﻧﻬﺎ ، ﻭﻛﺎﻧﺖ ﺣﺘﻄﻴﺢ ﻟﻮﻻ ﻳﺪ ﺷﺪﺗﻬﺎ ﻭﺟﺒﺪﺗﻬﺎ
ﻧﻮﺍﻝ ﻛﺎﻧﺖ ﻣﺴﻜﺮﻩ ﻋﻴﻮﻧﻬﺎ ﻓﺘﺤﺘﻬﻢ ﺍﻟﻘﺖ ﺭﻭﺣﻬﺎ ﻓﻲ ﺣﻀﻨﻪ ، ﻗﺎﻣﺖ ﻋﻴﻮﻧﻬﺎ ﺑﺨﻮﻑ ﺑﺘﺸﻮﻑ ﻣﻦ ، ﺍﻭﻝ ﻣﺎﺷﺎﻓﺎﺗﻪ ﺍﺑﺘﺴﻤﺖ
ﻣﺤﻤﻮﺩ ﺑﻌﺪ ﺭﺟﻌﻠﻬﺎ ﺗﻮﺍﺯﻧﻬﺎ ﻃﻠﻘﻬﺎ ﻭﻗﺎﻋﺪ ﻗﺎﺭﻥ ﺣﻮﺍﺟﺒﻪ : ﺧﻴﺮﻙ ﻣﺎﺗﺸﻮﻓﻴﺶ ﻛﻨﺘﻲ ﺣﺘﻄﻴﺤﻲ
ﻧﻮﺍﻝ ﻣﺒﺘﺴﻤﻪ ﻭﺗﺸﻮﻓﻠﻪ
ﻣﺤﻤﻮﺩ ﺷﺎﻓﻠﻬﺎ : ﺧﻴﺮﻙ ﺗﻮﺯﻋﻲ ﻓﻲ ﺍﺑﺘﺴﺎﻣﺎﺕ ، ﻣﺎﺭﺟﻌﺘﺶ ﻻﻧﻲ ﺳﺎﻣﺤﺘﻚ ﺭﺍﻫﻮ
ﻧﻮﺍﻝ : ﻫﻬﻬﻬﻪ ﺍﻣﺎﻻ ﻋﻼﺵ ﺭﺟﻌﺖ
ﻣﺤﻤﻮﺩ : ﺣﺴﻴﺖ ﺍﻧﻚ ﺣﺘﺼﻴﺮﻟﻚ ﺣﺎﺟﺔ
ﻧﻮﺍﻝ ﻣﺒﺘﺴﻤﻪ : ﺳﻠﻢ ﺣﺒﻴﺒﻲ ﻳﺎﺭﺑﻲ ﺍﻟﻲ ﻳﺤﺲ ﺑﻴﺎ
ﻣﺤﻤﻮﺩ ﺷﺎﺩ ﺍﺑﺘﺴﺎﻣﺘﻪ ﻭﻗﺎﻋﺪ ﻗﺎﺭﻥ ﺣﻮﺍﺟﺒﻪ ﻭﻣﺎﻳﺒﻴﺶ ﻳﺮﺿﻰ ﺑﺴﺮﻋﻪ
ﻧﻮﺍﻝ ﺷﺪﺕ ﻳﺪﻩ : ﻫﻴﺎﺍ ﻭﺭﻳﻨﻲ ﺍﻟﺠﺎﻣﻌﻪ ﺣﺒﻴﺒﻲ
ﻣﺤﻤﻮﺩ ﻗﺎﻡ ﺣﻮﺍﺟﺒﻪ ﻭﺷﺎﻓﻠﻬﺎ
ﻧﻮﺍﻝ ﻣﺒﺘﺴﻤﻪ ﻭﻏﻤﺰﺗﻠﻪ : ﻣﺎﺗﺒﻴﺶ ﺗﻌﻠﻤﻨﻲ
ﻣﺤﻤﻮﺩ ﺣﻮﻝ ﻋﻴﻮﻧﻪ ﻣﻦ ﻋﻠﻴﻬﺎ ﻭﺷﺎﻑ ﻗﺪﺍﻣﻪ
ﻧﻮﺍﻝ : ﺗﻲ ﻫﻴﺎﺍﺍ ﺑﺎﺍﺵ ﻧﺸﺠﻊ ﺍﻟﺒﺮﺷﺎ
ﻣﺤﻤﻮﺩ ﻋﻠﻲ ﻃﻮﻝ ﺷﺎﻓﻠﻬﺎ : ﺍﺣﻠﻔﻲ
ﻧﻮﺍﻝ : ﻫﻬﻬﻬﻬﻬﻬﻬﻬﻬﻪ ، ﻭﺍﻟﻠﻪ ﻣﺎﻧﺸﺠﻊ ﻏﻴﺮ ﺍﻟﺮﻳﺎﻝ
ﻣﺤﻤﻮﺩ : ﺯﻳﺪﻱ ﺯﻳﺪﻱ ﺗﻮ ﺗﺸﻮﻓﻲ
ﻧﻮﺍﻝ : ﻫﻬﻬﻬﻪ ﺑﺎﻩ ﻫﻴﺎﺍ ﻗﻌﺪﻧﺎ ﻭﺍﻗﻔﻴﻦ ﻓﻲ ﺍﻟﻨﺺ ، ﻭﻗﻌﺪﺕ ﺗﺠﺒﺪ ﻓﻴﻪ ﻣﻦ ﻳﺪﻩ
ﻣﺤﻤﻮﺩ ﻣﺎﺷﻲ ﻣﻌﺎﻫﺎ ﻭﻗﺎﻟﺐ ﻭﺟﻬﻪ ﻭﻗﺎﺭﻥ ﺣﻮﺍﺟﺒﻪ
ﻭﻗﻌﺪﺕ ﻧﻮﺍﻝ ﺗﺴﺎﻳﺮ ﻓﻴﻪ ﻟﻴﻦ ﺗﻌﺪﻝ ﺟﻮﻩ
،،،،،،،،،،،،،،،،،
ﺍﻣﺎ ﻧﻮﺭﺱ ﻓﻄﻠﻌﺖ ﻣﻦ ﺍﻟﺠﺎﻣﻌﻪ ﺑﻌﺪﺕ ﺷﻮﻳﺔ ﻭﺩﺭﺳﺖ ، ﻭﻓﺘﺤﺖ ﺍﻟﺒﺎﺏ ﻭﻧﺰﻟﺖ
ﻋﺪﻧﺎﻥ ﻳﻤﺴﺢ ﻓﻲ ﺧﺸﻤﻪ ﻣﻦ ﺍﻟﺪﻡ : ﻭﻳﻦ ﻣﺎﺷﻴﻪ
ﻧﻮﺭﺱ ﺷﻮﻳﺔ ﻭﻭﻟﺖ ﺭﻛﺒﺖ ﻭﻓﻲ ﻳﺪﻫﺎ ﺍﻻﺳﻌﺎﻓﺎﺕ ﺍﻻﻭﻟﻴﺔ ، ﻭﻃﻠﻌﺖ ﺍﻟﺤﺎﺟﺎﺕ ﻭﻗﻌﺪﺕ ﺗﺪﺍﻭﻳﻠﻪ ﻓﻲ ﺟﺮﻭﺡ ﻭﺟﻬﻪ ﻭﺗﻠﺼﻖ ﻓﻴﻬﺎ
ﻓﻲ ﺟﺮﺡ ﻛﺎﻥ ﻓﻲ ﺟﻨﺐ ﻓﻤﻪ ، ﻓﺤﻄﺖ ﻓﻲ ﺍﻟﻘﻄﻨﻪ ﺳﺒﻴﺮﻳﺘﻮ ﻭﻗﺮﺑﺖ ﻭﺣﻄﺘﻬﺎ ﻋﻠﻲ ﺍﻟﺠﺮﺡ ، ﻭﺍﻭﻝ ﻣﺎﺣﻄﺖ ﻳﺪﻫﺎ ﺟﺖ ﻋﻠﻲ ﻓﻤﻪ ، ﻋﻴﻮﻧﻬﻢ ﺟﺖ ﻓﻲ ﻋﻴﻮﻥ ﺑﻌﺾ ، ﻗﻌﺪﻭ ﻳﺸﻮﻓﻮ ﻟﺒﻌﺾ ﻭﺣﺐ ﻛﻞ ﻭﺍﺣﺪ ﻓﻴﻬﻢ ﻟﻠﺘﺎﻧﻲ ﻃﺎﻟﻊ ﻣﻦ ﻋﻴﻮﻧﻪ
ﻧﻮﺭﺱ ﻛﻤﻠﺖ ﻣﺴﺢ ﺍﻟﺠﺮﺡ ﻭﻋﻴﻮﻧﻬﺎ ﻓﻲ ﻋﻴﻮﻧﻪ ، ﻭﺍﻭﻝ ﻣﺎﺣﻄﺖ ﺍﻟﻠﻄﻘﻪ ﺷﺎﻓﺘﻠﻪ ﻭﺍﺑﺘﺴﻤﺖ
ﻋﺪﻧﺎﻥ ﺍﺑﺘﺴﻢ
ﻧﻮﺭﺱ : ﻋﺪﻧﺎﻥ ، ﺷﻜﺮﺍ ﻣﺶ ﻋﺎﺭﻓﻪ ﺷﻦ ﻛﻨﺖ ﺭﺍﺡ ﻧﺪﻳﺮ ﻣﻦ ﻏﻴﺮﻙ
ﻋﺪﻧﺎﻥ ﺣﻂ ﺻﺒﻌﻪ ﻋﻠﻲ ﻓﻤﻬﺎ : ﺍﺷﺸﺶ ، ﻭﻏﻤﺰﻟﻬﺎ : ﻣﺶ ﺣﺒﻴﺒﻚ ﺍﻧﻲ ﻟﻮ ﻣﺎﻟﻘﻴﺘﻴﻨﻴﺶ ﻓﻲ ﻭﻗﺖ ﺯﻱ ﻫﺬﺍ ﺍﻣﺘﻰ ﺑﺘﻠﻘﻴﻨﻲ
ﻧﻮﺭﺱ ﺍﺑﺘﺴﻤﺖ ﻭﻋﻴﻮﻧﻬﺎ ﺗﻌﺒﻮ ﺩﻣﻮﻉ ﻭﺍﺿﺒﻄﺎﺗﻪ ﻻﺍﺭﺍﺩﻳﺎ
ﺍﻣﺎ ﻋﺪﻧﺎﻥ ﻓﺎﺍﻧﺼﺪﻡ ﻭﻗﻠﺒﻪ ﻗﻌﺪ ﻳﺪﻕ ﺑﻘﻮﺓ ، ﻭﺷﻌﻮﺭ ﺣﻠﻮ ، ﻟﻒ ﻳﺪﻳﻪ ﻋﻠﻴﻬﺎ
ﻧﻮﺭﺱ ﻓﺎﻗﺖ ﻟﺮﻭﺣﻬﺎ ﻭﺧﺮﺕ ﻣﻨﻪ ﻭﻣﺴﺤﺖ ﺍﻟﺪﻣﻮﻉ ﺍﻟﺲ ﻧﺰﻟﻮ ﻋﻠﻲ ﺧﺪﻫﺎ ، ﺑﻌﺪﻫﺎ ﻗﺎﻣﺖ ﻋﻴﻮﻧﻬﺎ ﻭﺷﺎﻓﺘﻠﻪ : ﻧﺤﺒﻚ
< ﺍﻷﻧﺜﻰ ﻋﻨﺪﻣﺎ ﺗﻌﺸﻖ ﺗﺮﺟﻊ ﻃﻔﻠﻪ ﺑﺮﻳﺌﺔ ﻻﺗﺮﻯ ﺳﻮﻯ ﺍﻷﺣﻼﻡ ﺍﻟﻮﺭﺩﻳﺔ ، ﻳﻘﻮﺩﻫﺎ ﻗﻠﺒﻬﺎ ﻓﻲ ﻛﻞ ﺷﻲ ، ﺗﺼﺒﺢ ﻋﻤﻴﺎﺀ ﻻﺗﺮﻯ ﺳﻮﻯ ﻃﺮﻳﻖ ﺍﻟﻌﺸﻖ ، ﺗﻤﺴﻚ ﺑﻴﺪ ﺣﺒﻴﺒﻬﺎ ﻭﺗﻨﺘﻈﺮ ﺍﻥ ﻳﻮﺟﻬﻬﺎ ﻟﻠﻄﺮﻳﻖ ﺍﻟﺼﺤﻴﺢ ﺗﺜﻖ ﺑﻪ ، ﻛﺜﻘﺔ ﻃﻔﻠﻪ ﺑﺄﺑﻴﻬﺎ ﺗﺤﺒﻪ ﻛﺤﺐ ﺃﺧﺖ ﻷﺧﻴﻬﺎ ﺍﻟﻤﺸﺎﻛﺲ ﺭﻏﻢ ﺷﺠﺎﺭﻫﻢ ﺍﻻ ﺍﻧﻬﺎ ﻻﺗﺴﺘﻄﻴﻊ ﺍﻟﺒﻘﺎﺀ ﺑﺪﻭﻧﻪ ، ﺗﺤﺘﺎﺟﻪ ﺍﺣﺘﻴﺎﺝ ﻭﺭﺩﺓ ﺑﻴﻀﺎﺀ ﻟﻠﻤﺎﺀ ﻟﺘﻜﺒﺮ ﻭﺗﺼﺒﺢ ﺍﺟﻤﻞ >>
،،،،،،،،،،،،،،،،
ﺑﻌﺪ ﺍﺳﺒﻮﻉ
ﺧﻼﻝ ﺍﻻﺳﺒﻮﻉ ﺍﻣﺸﻴﻨﺎ ﻻﻏﻠﺐ ﺍﻻﻣﺎﻛﻦ ﺍﻟﺴﻴﺎﺣﻴﺔ ﺑﺎﺳﻄﻨﺒﻮﻝ ﻭﻛﻞ ﻳﻮﻡ ﻧﻄﻠﻌﻮ ﻭﻓﺮﺣﺎﻧﻪ ﻫﻠﺒﺎ ﺳﻔﺮﺓ ﺣﻠﻮﺓ ﻭﻏﻴﺮﺕ ﺟﻮ
ﻣﻘﻌﻤﺰﻳﻦ ﻓﻲ ﻣﻄﻌﻢ
ﻭﻟﻴﺪ : ﻧﻮﺳﺔ ﻛﻮﻟﻲ ، ﺧﻴﺮﻙ ﻣﺮﻳﻀﺔ
ﺍﻧﻲ : ﻣﺶ ﻋﺎﺭﻓﻪ ﻣﺎﺧﺎﻃﺮﻳﺶ ﻧﺤﺲ ﻓﻲ ﺭﻭﺣﻲ ﺯﺍﻫﻘﺔ
ﻭﻟﻴﺪ : ﺑﺎﻫﻲ ﺗﻤﺸﻲ ﺗﻌﺎﻳﻨﻲ
ﺍﻧﻲ ﺍﺷﺮﺗﻠﻪ ﺑﻤﻌﻨﻰ ﻻ ﻭﺍﺗﻜﻴﻚ ﻉ ﺍﻟﺤﻴﻂ ﺍﻟﻲ ﺟﻨﺒﻲ
ﻭﻟﻴﺪ ﺣﻂ ﺍﻟﺸﻮﻛﺔ : ﻧﻮﺳﻪ ﻣﺶ ﻣﺮﺗﺎﺡ ﺍﻧﻲ ﻫﻜﻲ ﺭﺍﻫﻮ ، ﻣﺮﺍﺕ ﺧﺪﻳﺘﻲ ﺑﺮﺩﻩ ﺧﻠﻴﻨﺎ ﻧﺸﻮﻓﻮ ﺩﻛﺘﻮﺭ
ﺍﻧﻲ : ﺗﻐﺪﻯ ﻭﻟﻴﺪ ﺑﻌﺪﻳﻦ ﺳﺎﻫﻞ
ﻭﻟﻴﺪ ﺗﻠﻔﺖ ﻳﻤﻴﻦ ﺍﻟﻘﻲ ﺑﻨﻮﺗﻪ ﺻﻐﻴﺮﺓ ﺟﺎﻳﺔ ﺟﻬﺘﻪ ﻭﺷﻌﺮﻫﺎ ﺍﺻﻔﺮ ﺗﻬﺒﻞ ، ﻭﻋﻤﺮﻫﺎ ﻫﻜﻲ ﻭﺍﺿﺢ ﺑﺘﺎﻉ ﺍﺭﺑﻌﻪ ﺧﻤﺴﻪ ﺳﻨﻴﻦ
ﻭﻟﻴﺪ ﻳﻀﺤﻚ ﻭﻗﺎﻣﻬﺎ ﺣﻄﻬﺎ ﻓﻲ ﺣﺠﺮﻩ
ﺍﻟﺒﻨﻮﺗﻪ : ﻋﻤﻮ ﺍﻧﺖ ﻟﻴﺒﻲ ؟
ﻭﻟﻴﺪ : ﻫﻬﻬﻬﻬﻪ ﺍﻳﻪ ﻟﻴﺒﻲ ، ﺷﻦ ﺍﺳﻤﻚ ﻳﺎﺣﻠﻮﺓ ؟
ﺍﻧﻲ ﻣﺒﺘﺴﻤﻪ ﻭﻧﺸﻮﻓﻠﻪ
ﺍﻟﺒﻨﻮﺗﻪ : ﺍﺳﻤﻲ ﺭﻧﺎ
ﻭﻟﻴﺪ ﺑﺎﺳﻬﺎ : ﺍﺳﻤﻚ ﺣﻠﻮ
ﺍﻣﻬﺎ ﺟﺖ ﻭﻗﻔﺖ ﺟﻨﺐ ﺍﻟﻄﺎﻭﻟﺔ : ﺭﻧﺎﺍ ﺗﻌﺎﻟﻲ ﻋﻴﺐ
ﻭﻟﻴﺪ : ﻻﻋﺎﺩﻱ ﺧﻠﻴﻬﺎ
ﺭﻧﺎ : ﻭﺍﻧﺖ ﻳﺎﻋﻤﻮ ﺷﻦ ﺍﺳﻤﻚ ؟
ﻭﻟﻴﺪ : ﺍﺳﻤﻲ ﻭﻟﻴﺪ ، ﻭﺍﺷﺮ ﻋﻠﻴﺎ : ﻭﻫﺎﺩﻱ ﻧﺴﻴﺒﺔ ﺣﺒﻴﺒﺘﻲ ، ﻭﻏﻤﺰﻟﻲ
ﺍﻧﻲ ﺿﺤﻜﺖ
ﺭﻧﺎ ﺣﻄﺖ ﻳﺪﻫﺎ ﻋﻠﻲ ﻓﻤﻬﺎ : ﻫﻴﻴﻴﻲ ﻋﻴﺐ ﻳﺎﻋﻤﻮ
ﻭﻟﻴﺪ ﻣﺎﺕ ﺑﺎﻟﻀﺤﻚ ، ﺍﻧﻲ : ﻫﻬﻬﻬﻪ ﺳﻨﻔﻮﺭﺓ ﻛﻢ ﻋﻤﺮﻙ
ﺭﻧﺎ ﺩﺍﺭﺕ ﻳﺪﻳﻬﺎ ﻭﻗﻌﺪﺕ ﺗﻌﺪ : ﺳﺘﻪ ﻻﻻ ﺳﺒﻌﻪ ، ﻭﺑﺼﻮﺕ ﻋﺎﻟﻲ : ﻣﺎﻣﺎ ﻛﻢ ﻋﻤﺮﺭﺭﻱ
ﺍﻣﻬﺎ ﻓﻲ ﻣﻜﺎﻥ ﻣﺶ ﺑﻌﻴﺪ ﻫﻠﺒﺎ ﻗﺮﺑﺖ : ﻋﻴﺐ ﻳﺎﺭﻧﻮﻭ ﺗﻌﺎﻟﻲ
ﺭﻧﺎ : ﻏﻴﺮ ﻗﺪﺍﺵ ﻋﻤﺮﻱ
ﺍﻣﻬﺎ : ﻫﻬﻬﻬﻪ ﺳﺒﻌﻪ
ﺭﻧﺎ ﺑﺼﻮﺕ ﻋﺎﻟﻲ : ﻋﻤﺮﺭﺭﻱ ﺳﺒﺒﺒﻌﻪ
ﻭﻟﻴﺪ ﺣﻂ ﻳﺪﻩ ﻋﻠﻲ ﻭﺩﻧﻪ : ﻣﺎﺍﺷﺎﺀ ﺍﻟﻠﻪ ﻛﺒﻴﺮﺓ ﻫﻬﻬﻬﻬﻪ ﺑﺎﻩ ﺗﻘﺮﻱ ﺍﻧﺘﻲ ؟
ﺭﻧﺎ ﺑﺤﻤﺎﺱ : ﺍﻳﻪ ﺍﻳﻪ ﺗﻮﺍ ﺑﻨﺨﺶ ﺻﻒ ﺍﻭﻝ ﻭﺑﺎﺑﺎ ﺍﺷﺮﺍﻟﻲ ﺷﻨﻄﺔ ﺑﺎﺵ ﻧﺤﻂ ﻓﻴﻬﺎ ﻛﺘﺎﺑﺎﺗﻲ ، ﺗﺒﻲ ﺗﺸﻮﻓﻬﺎﺍ؟؟
ﻭﻟﻴﺪ : ﻫﻬﻬﻬﻪ
ﺍﻣﻬﺎ : ﻫﻴﺎ ﻳﺎﺭﻧﻮ ﺍﻧﺰﻟﻲ ﻣﻦ ﻋﻠﻲ ﻋﻤﻮ ﻭﺗﻌﺎﻟﻲ ﻋﻴﻴﺐ ﻫﻜﻲ
ﺭﻧﺎ ﻧﺰﻟﺖ : ﺑﺎﺍﻱ ﻋﻤﻮ
ﻭﻟﻴﺪ ﺣﻂ ﻳﺪﻩ ﻓﻲ ﺟﻴﺒﻪ : ﺗﻌﺎﻟﻲ
ﺭﻧﺎ ﻭﻟﺖ ﺑﺤﻤﺎﺱ : ﻧﻌﻢ
ﻭﻟﻴﺪ ﻣﺪﻟﻬﺎ ﺯﻭﺯ ﺷﻜﻼﻃﺎﺕ
ﺭﻧﺎ ﺍﺧﺪﺗﻬﻢ ﻭﺑﺤﻤﺎﺱ ﺑﺎﺳﺖ ﻭﻟﻴﻴﺪ ﻋﻠﻲ ﺧﺪﻩ : ﺷﻜﺮﺍﺍﺍﺍ ، ﻭﺍﻣﺸﺖ ﺗﺠﺮﻱ ﻻﻣﻬﺎ
ﻭﻟﻴﺪ ﻳﻀﺤﻚ ﻋﻠﻴﻬﺎ ﻭﻓﺮﺣﺎﻥ
ﺍﻧﻲ ﻗﻌﺪﺕ ﻧﺸﻮﻓﻠﻪ ﻛﻴﻒ ﻓﺮﺣﺎﻥ : ﻭﻟﻴﺪ
ﻭﻟﻴﺪ ﺗﻠﻔﺘﻠﻲ ﻭﻣﺒﺘﺴﻢ : ﻧﻌﻢ
ﺍﻧﻲ : ﺍﺣﻨﻲ ﺣﻴﺠﻴﻨﺎ ﺑﻴﺒﻲ ﻭﺍﻻ
ﻭﻟﻴﺪ ﺷﺪ ﻳﺪﻱ : ﺍﻥ ﺷﺎﺀ ﺍﻟﻠﻪ ﻳﺎﺭﻭﺣﻲ
ﺍﻧﻲ ﺣﺴﻴﺖ ﺭﻭﺣﻲ ﺣﻨﺴﺘﻔﺮﻍ ﻭﻧﺸﻢ ﻓﻲ ﺭﻳﺤﺔ ﻓﻲ ﺍﻟﻤﻄﻌﻢ ﻭﺯﺍﻫﻘﻪ
ﻭﻟﻴﺪ ﺿﻐﻂ ﻋﻠﻲ ﻳﺪﻱ ﺑﺨﻮﻑ : ﻧﻮﺳﻪ ﺍﻧﺘﻲ ﻛﻮﻳﺴﺔ ؟
ﺍﻧﻲ ﺣﻄﻴﺖ ﻳﺪﻱ ﻋﻠﻲ ﻓﻤﻲ : ﻣﻌﺎﺵ ﻣﺘﺤﻤﻠﺔ ﻧﻘﻌﺪ ﻓﻲ ﺍﻟﻤﻄﻌﻢ ﺧﻠﻴﻨﺎ ﻧﻄﻠﻌﻮﻭ
ﻭﻟﻴﺪ ﻭﻗﻒ : ﺑﺎﻩ ﻫﻲ ﻧﻮﺿﻲ ﻧﻄﻠﻌﻮ ، ﻭﺷﺪ ﻳﺪﻱ ﻭﻃﻠﻌﻨﺎ ﻭﻋﻴﻮﻧﻪ ﻋﻠﻴﺎ ﺑﺨﻮﻑ
ﺍﻧﻲ ﺑﻌﺪ ﻃﻠﻌﺖ ﺧﺪﻳﺖ ﻧﻔﺲ
ﻭﻟﻴﺪ : ﺗﻤﺎﻡ ﺗﻮﺍ ؟
ﺍﻧﻲ ﺍﺷﺮﺗﻠﻪ ﺑﻤﻌﻨﻰ ﺗﻤﺎﻡ ﻣﻦ ﻏﻴﺮ ﻣﺎﻧﺘﻜﻠﻢ
ﻭﻗﻌﺪﻧﺎ ﻧﺘﻤﺸﻮ
،،،،،،،،،،،،،،،،،،،
ﻃﻖ ﺍﻟﺒﺎﺏ ، ﺍﺳﺘﻐﺮﺑﺖ ﻣﻦ ﺣﻴﻜﻮﻥ ﺟﺎﻫﺎ
ﻛﺎﻧﺖ ﻓﻲ ﺍﻟﻤﻄﺒﺦ ، ﺟﺒﺪﺕ ﻓﻮﻃﺔ ﻣﺴﺤﺖ ﻳﺪﻳﻬﺎ ﻭﻗﺮﺑﺖ ﻣﻦ ﺍﻟﺒﺎﺏ : ﻣﻨﻮﻭ
ﻣﻦ ﻭﺭﺍ ﺍﻟﺒﺎﺏ : ﺍﻧﻲ ﺍﺳﺎﻣﺔ ﻳﺎﻋﺒﻴﺮ
ﻋﺒﻴﺮ ﻗﻠﺒﻬﺎ ﺩﻕ ﺑﻘﻮﺓ ﻻﻭﻝ ﻣﺮﺓ ﻫﻲ ﻧﻔﺴﻬﺎ ﺍﺳﺘﻐﺮﺑﺖ ﻣﻦ ﺩﻕ ﻗﻠﺒﻬﺎ ﺑﻄﺮﻳﻘﻪ ﻏﻴﺮ ﻣﻌﺘﺎﺩﺓ ﻭﻏﻴﺮ ﻃﺒﻴﻌﻴﺔ ، ﺍﻣﺸﺖ ﺗﺠﺮﻱ ﺍﺧﺪﺕ ﺑﺪﻟﺔ ﺍﻟﺼﻼﺓ ﻭﻓﺘﺤﺖ ﺍﻟﺒﺎﺏ
ﺃﺳﺎﻣﻪ ﻣﺪ ﻳﺪﻩ : ﻛﻴﻒ ﺣﺎﻟﻚ ﻳﺎﻋﺒﻴﺮ
ﻋﺒﻴﺮ ﺳﻠﻤﺖ ﻋﻠﻴﻪ ﻭﻣﺒﺘﺴﻤﻪ : ﺍﻟﺤﻤﺪ ﻟﻠﻪ ﻛﻮﻳﺴﺔ ﻛﻴﻒ ﺣﺎﻟﻚ ﺍﻧﺖ ﻭﺣﺎﻝ ﺧﺎﻟﺘﻲ ﺭﺟﻌﺔ
ﺃﺳﺎﻣﻪ ﻣﻦ ﻏﻴﺮ ﻣﺎﻳﻘﻴﻢ ﻋﻴﻮﻧﻪ ﻓﻴﻬﺎ : ﺍﻟﺤﻤﺪ ﻟﻠﻪ ﻛﻮﻳﺴﺔ ﻭﺍﻟﻠﻪ ، ﺍﻟﺤﻖ ﻫﻲ ﺑﻌﺘﺘﻨﻲ ﻟﻴﻚ ، ﻗﺎﻟﺖ ﻭﻳﻨﻚ ﻏﻄﺴﺘﻲ ﻣﻌﺎﺵ ﺟﻴﺘﻲ
ﻋﺒﻴﺮ ﺍﺑﺘﺴﻤﺖ : ﻭﻟﻴﺖ ﻟﻠﺨﺪﻣﺔ ﻓﻲ ﺍﻟﻌﻴﺎﺩﺓ ﻭﻗﻌﺪﺕ ﺑﻴﻦ ﺍﻟﺤﻮﺵ ﻭﺍﻟﻌﻴﺎﺩﺓ ﻭﺧﻼﺹ ﺑﺲ ﺍﻥ ﺷﺎﺀ ﺍﻟﻠﻪ ﺣﻨﺪﻳﺮﻟﻬﺎ ﺯﻳﺎﺭﺓ ﻋﻦ ﻗﺮﻳﺐ ، ﻛﻴﻒ ﺣﺎﻟﻬﺎ ﺻﺤﺘﻬﺎ ﻫﻲ
ﺃﺳﺎﻣﻪ : ﺍﻟﺤﻤﺪ ﻟﻠﻪ ﻛﻮﻳﺴﺔ ﻭﺍﻟﻠﻪ ، ﺑﺎﻟﻚ ﻧﺎﻗﺼﺎﺗﻚ ﺣﺎﺟﺔ ﺗﺒﻲ ﺣﺎﺟﺔ ﻣﺎﺗﺘﺤﺸﻤﻴﺶ ﻣﻨﻲ ﺭﺍﻫﻮ
ﻋﺒﻴﺮ : ﻻﻻﻻ ﺑﺎﺭﻙ ﺍﻟﻠﻪ ﻓﻴﻚ ﺍﻧﺘﻮ ﺍﻟﻲ ﺩﺭﺗﻮﻩ ﻣﻌﺎﻱ ﻧﻘﻌﺪ ﻃﻮﻝ ﻋﻤﺮﻱ ﻣﺎﻧﺨﻠﺺ ﺟﻤﻴﻠﻜﻢ
ﺃﺳﺎﻣﻪ ﻗﺎﻡ ﺭﺍﺳﻪ ﺷﺎﻓﻠﻬﺎ : ﻣﺎﺗﻌﺘﺒﺮﻳﺸﻲ ﺟﻤﻴﻞ ﻫﺪﺍ ، ﻫﺪﺍ ﻭﺍﺟﺐ ﻣﻌﺎﺵ ﺗﻘﻮﻟﻲ ﻫﻜﻲ ﺍﻧﺘﻲ ﻣﻨﻨﺎ ﻭﻓﻴﻨﺎ ﻭﺗﺴﺘﺎﻫﻠﻲ ﻛﻞ ﺧﻴﺮ
ﻋﺒﻴﺮ ﺍﺑﺘﺴﻤﺖ ﻭﻧﺰﻟﺖ ﻋﻴﻮﻧﻬﺎ : ﺑﺎﺭﻙ ﺍﻟﻠﻪ ﻓﻴﻜﻢ
ﺃﺳﺎﻣﻪ : ﻭﻳﻦ ﻧﻮﺳﺔ ﺍﻣﺎﻻ
ﻋﺒﻴﺮ ﺍﺑﺘﺴﻤﺖ ﻭﺷﺎﻓﺘﻠﻪ : ﺭﺍﻗﺪﺓ
ﺃﺳﺎﻣﻪ ﻟﻠﺤﻈﺔ ﺳﺮﺡ ﻓﻲ ﻋﻴﻮﻧﻬﺎ ﺍﻟﺨﻀﺮ ﻭﻓﻲ ﺟﻤﺎﻟﻬﺎ ﻭﻧﺴﻲ ﺭﻭﺣﻪ ، ﺑﻌﺪﻫﺎ ﻓﺎﻕ ﻟﺮﻭﺣﻪ ﻧﺰﻝ ﻋﻴﻮﻧﻪ : ﺍﺣﻢ ﻣﺎﺷﻲ ﺍﻧﻲ ﻧﺴﺘﺎﺫﻧﻚ ، ﺗﺒﻲ ﺣﺎﺟﺔ ﻧﺎﻗﺼﺎﺗﻚ ﺣﺎﺟﺔ ﻣﺎﻳﺮﺩﻙ ﺍﻻ ﻟﺴﺎﻧﻚ
ﻋﺒﻴﺮ ﻣﺒﺘﺴﻤﻪ : ﺑﺎﺭﻙ ﺍﻟﻠﻪ ﻓﻴﻚ ﺩﻳﺮ ﺑﺎﻟﻚ ﻉ ﺭﻭﺣﻚ ، ﺑﻌﺪﻫﺎ ﻓﺎﻗﺖ ﻟﺮﻭﺣﻬﺎ : ﻭﻋﻠﻲ ﺧﺎﻟﺘﻲ ﺭﺟﻌﺔ
ﺃﺳﺎﻣﻪ ﺍﺑﺘﺴﻢ ﺑﺮﺿﻰ : ﻫﻲ ﺍﻟﺴﻼﻡ ﻋﻠﻴﻜﻢ
،،،،،،،،،،،،،،،
ﻛﺎﻧﺖ ﺗﺴﻴﻖ ﻓﻲ ﺍﻟﻤﻄﺒﺦ
ﺧﺸﺖ ﺍﻣﻬﺎ ﺷﻬﻘﺖ : ﻫﻴﻴﻴﻲ ﺍﻃﻠﻌﻲ ﻫﺒﻠﺘﻲ ﺍﻧﺘﻲ ، ﺣﺎﻣﻞ ﺭﺍﻙ ﻓﻲ ﺍﻟﺴﺎﺑﻊ ﻭﺍﻟﺪﻛﺘﻮﺭﺓ ﻃﺎﻟﺒﺒﺔ ﻋﻠﻴﻚ ﺍﻟﺮﺍﺣﺔ ﺧﻴﺮﻙ ﻫﺒﻠﺘﻲ ، ﺍﻃﻠﻌﻲ ﺍﻃﻠﻌﻲ
ﻫﺎﺟﺮ ﺗﺠﺒﺪ ﺑﺎﻟﻘﻮﻣﺔ : ﺗﻲ ﻋﺎﺩﻱ ﻳﺎﻣﺎﻣﺎ ﺷﻮﻳﺔ ﺍﻫﻮ ، ﻭﺍﻟﻠﻪ ﺗﺒﻴﻠﻬﺎ ﺗﺴﻴﻴﻘﻪ
ﻭﻟﻔﺖ ﻭﺗﺠﻲ ﺭﺟﻠﻬﺎ ﻓﻲ ﺍﻟﺨﻮﺍ ﻭﺍﻟﺮﺟﻞ ﺍﻟﺘﺎﻧﻴﻪ ﻉ ﺍﻟﺼﺎﺑﻮﻥ ﻭﺗﺰﻟﻖ ﺗﻄﻴﺢ ﻋﻠﻲ ﻇﻬﺮﻫﺎ
ﺍﻣﻬﺎ ﻗﺪﻣﺖ ﺗﺠﺮﺭﻱ ﻭﻋﻴﻄﺖ ﻟﻴﻦ ﺣﺘﻰ ﻫﻲ ﺯﻟﻘﺖ ﻣﻦ ﺍﻟﺮﻋﺸﻪ
ﺍﻣﺎ ﻫﺎﺟﺮ ﻓﻘﻮﺓ ﺍﻟﻄﻴﺤﺔ ﺣﺴﺘﻬﺎ ، ﺣﻄﺖ ﻳﺪﻫﺎ ﻋﻠﻲ ﻇﻬﺮﻫﺎ ﻭﺗﺘﺄﻟﻢ ﻭﺗﻠﻔﺘﺖ ﻻﻣﻬﺎ : ﻣﺎﻣﺎ
ﺍﻣﻬﺎ ﻗﻌﻤﺰﺕ ﺑﺎﻟﻢ : ﻭﻭﻭﻩ ﻋﻠﻴﺎ ﺷﻦ ﺻﺎﺭﻟﻚ ﺣﻲ ﻋﻠﻴﺎ ﻗﻠﺘﻠﻚ ﺍﻃﻠﻌﻲ ﻭﺍﻟﻠﻪ ﺣﺎﺳﻪ
ﻫﺎﺟﺮ ﺗﺘﺄﻟﻢ ﻣﺎﻓﻴﺎ ﺷﻲ ﻳﺎﻣﺎﻣﺎ ، ﻭﻭﻗﻔﺖ ، ﻣﺪﺕ ﻳﺪﻫﺎ ﻻﻣﻬﺎ : ﺷﺪﻱ ﻓﻲ ﻳﺪﻱ ﻧﻮﺿﻲ ﻇﻬﺮﻙ ﺍﻧﺘﻲ
ﺍﻣﻬﺎ ﻭﻗﻔﺖ ﺑﺘﻌﺐ : ﺧﻠﻴﻚ ﻣﻨﻲ ﺍﻧﺘﻲ ﺍﻟﺤﺎﻣﻞ ، ﺗﺤﺴﻲ ﻗﺎﻋﺪﻩ
ﻫﺎﺟﺮ ﺣﺎﻃﺔ ﻳﺪﻫﺎ ﻭﺭﺍ ﻇﻬﺮﻫﺎ : ﺍﻳﻪ ﻇﻬﺮﻱ ﻧﺤﺲ ﻓﻲ ﻣﻘﺴﻮﻡ ، ﺯﻱ ﺍﻟﺴﻢ
ﺷﺪﻭ ﺍﻟﺰﻭﺯ ﻓﻲ ﻳﺪﻳﻦ ﺑﻌﺾ ﻭﻃﻠﻌﻮ ﺑﺎﻟﺸﻮﻳﺔ ﻣﻦ ﺍﻟﻤﻄﺒﺦ
ﻗﻌﻤﺰﺕ ﻫﺎﺟﺮ ﻉ ﺍﻟﺼﺎﻟﻮﻥ ﻭﺗﺘﺄﻟﻢ
ﺍﻣﻬﺎ ﺷﺪﺕ ﺗﻠﻴﻔﻮﻧﻬﺎ : ﺧﻠﻲ ﻧﺸﻮﻑ ﺧﻮﻙ ﻳﺠﻲ ﻳﺮﻓﻌﻚ
ﻫﺎﺟﺮ : ﻭﻳﻦ ﺑﻴﺮﻓﻌﻨﻲ ؟
ﺍﻣﻬﺎ : ﺷﻦ ﻭﻳﻦ ﺑﻴﺮﻓﻌﻚ ، ﻟﻠﻤﺴﺘﺸﻔﻰ ﻳﺘﻄﻤﻦ ﻋﻠﻴﻚ ﻭﻋﻠﻲ ﺍﻟﻌﻴﻞ ، ﻭﺗﺘﺼﻞ ﻣﺎﻳﺮﺩﺵ ، ﺍﺗﺼﻠﺖ ﺑﺒﻮﻫﺎ ﻣﺎﻳﺮﺩﺵ
ﻫﺎﺟﺮ : ﺗﻲ ﻓﻮﺗﻲ ﻳﺎﻣﺎﻣﺎ ﺷﻦ ﺑﻴﻜﻮﻥ ﺻﺎﺭ ﻳﻌﻨﻲ
ﺍﻣﻬﺎ : ﻻﺑﻮﻙ ﻭﻻﺧﻮﻙ ﻳﺮﺩﻭ ، ﻧﺸﻮﻑ ﺍﻳﻤﻦ
ﻫﺎﺟﺮ : ﻻﻣﺎﺗﻜﻠﻤﻴﺸﻲ
ﺍﻣﻬﺎ ﻣﺎﻋﺪﻟﺘﺶ ﻋﻠﻴﻬﺎ ﻭﺍﺗﺼﻠﺖ ، ﺍﻳﻤﻦ ﺭﺩ ﻋﻠﻰ ﻃﻮﻝ : ﺍﻟﻮ ﺍﻳﻤﻦ
ﺍﻳﻤﻦ : ﺍﻳﻮﺍ ﻋﻤﺘﻲ ﻛﻴﻒ ﺣﺎﻟﻚ
ﺍﻣﻬﺎ : ﺍﻟﺤﻤﺪ ﻟﻠﻪ ﻳﺎﻭﻟﻴﺪﻱ ، ﺷﻦ ﺑﻨﻘﻮﻟﻚ ﻓﺎﺿﻲ ﺍﻧﺖ
ﺍﻳﻤﻦ ﺑﺎﺳﺘﻐﺮﺍﺏ : ﺍﻥ ﺷﺎﺀ ﺍﻟﻠﻪ ﻓﻲ ﺣﺎﺟﺔ ؟
ﺍﻣﻬﺎ : ﻭﺍﻟﻠﻪ ﻫﺎﺟﺮ ﻃﺎﺣﺖ ﺗﻮ ﻭﻫﻲ ﺗﺴﻴﻖ ﻓﻲ ﺍﻟﻤﻄﺒﺦ ﻋﻠﻲ ﻇﻬﺮﻫﺎ ﻭﺍﻟﺤﻘﻲ ﺧﻔﺖ ....
ﺍﻳﻤﻦ ﻗﺎﻃﻌﻬﺎ : ﺷﻦ ﺻﺎﺍﺍﺭﻟﻬﺎ
ﺍﻣﻬﺎ : ﺗﺘﻮﺟﻊ ﻣﻨﻬﺎ ، ﻛﺎﻥ ﺗﻘﺪﺭ ﺗﺠﻲ ﻧﺒﻴﻚ ﺗﺮﻓﻌﻬﺎ ﻧﺘﻄﻤﻦ ﻋﻠﻴﻬﺎ
ﺍﻳﻤﻦ ﻭﻗﻒ ﻭﻃﺎﻟﻊ ﻳﺠﺮﻱ : ﺍﻧﻲ ﺟﺎﻱ ﻫﻲ ﻭﺗﻴﻬﺎ ﻣﺴﺎﻓﻪ ﺍﻟﻄﺮﻳﻖ ، ﻭﺳﻜﺮ ، ﻭﺭﻛﺐ ﺳﻴﺎﺭﺗﻪ ﻭﺩﺍﺭﻫﺎ ﻃﻴﺎﺭﺓ
ﺍﻣﻬﺎ ﻫﺎﺟﺮ ﻓﻠﺒﺴﺘﻬﺎ ﺍﻣﻬﺎ ﻭﺗﺘﻬﺎ ، ﻭﻫﺎﺟﺮ ﻣﺎﺗﺒﻴﺶ ، ﻭﻣﺎﻓﺎﺗﺘﺶ ﻋﺸﺮﺓ ﺩﻗﺎﻳﻖ ﻟﻴﻦ ﻛﺎﻥ ﺍﻳﻤﻦ ﻗﺪﺍﻡ ﺍﻟﺤﻮﺵ
ﻃﻠﻌﺖ ﻫﺎﺟﺮ ﻭﺳﺎﻧﺪﺓ ﺭﻭﺣﻬﺎ ﻋﻠﻲ ﺍﻣﻬﺎ ﻭﺣﺎﻃﺔ ﻳﺪﻫﺎ ﻭﺭﺍ ﻇﻬﺮﻫﺎ
ﺍﻳﻤﻦ ﻧﺰﻝ ﻓﺘﺤﻠﻬﺎ ﺍﻟﺒﺎﺏ ﻭﺷﺪ ﻳﺪﻫﺎ ﺳﺎﻋﺪﻫﺎ ﺗﺮﻛﺐ
ﺍﻣﺎ ﻫﺎﺟﺮ ﻓﺄﻭﻝ ﻣﺎﺷﺪ ﻳﺪﻫﺎ ﺣﺴﺖ ﺑﺸﻌﻮﺭ ﺣﻠﻮ ﻭﻣﺆﻟﻢ ﻓﻲ ﻧﻔﺲ ﺍﻟﻮﻗﺖ
ﺳﻜﺮ ﺍﻳﻤﻦ ﻭﺭﺍﻫﺎ ﺍﻟﺒﺎﺏ ، ﻭﺍﻣﻬﺎ ﺭﻛﺒﺖ ﻓﻲ ﺍﻟﺨﻠﻒ ، ﻭﺭﻛﺐ ﺍﻳﻤﻦ ﻓﻲ ﻣﻜﺎﻧﻪ
ﺍﻳﻤﻦ : ﻛﻴﻒ ﺻﺎﺭ
ﻫﺎﺟﺮ ....
ﺍﻣﻬﺎ : ﻃﺎﺣﺖ ﻭﻫﻲ ﺗﺴﻴﻖ ﻓﻲ ﺍﻟﻤﻄﺒﺦ ﻗﻠﺘﻠﻬﺎ ﺍﻃﻠﻌﻲ ﺑﻄﻠﻲ ﺣﺎﻣﻞ ﺷﻲ ﺳﻜﺮﺕ ﺭﺍﺳﻬﺎ ﻋﻨﺎﺩ
ﺍﻳﻤﻦ : ﻛﻴﻒ ﻫﻲ ﻣﺴﺄﻟﻪ ﻋﻨﺎﺍﺩ ﺗﺼﻴﺮﻟﻚ ﺣﺎﺟﺔ ﺑﻌﺪﻳﻦ ﻋﻨﺎﺩﻙ ﺷﻦ ﻳﻨﻔﻌﻚ ، ﻭﻗﻌﺪ ﻳﺰﻳﺪ ﻓﻲ ﺍﻟﺴﺮﻋﻪ ﻭﻳﻐﻠﻲ ﻭﺧﺎﻳﻒ ﻋﻠﻴﻬﺎ ﻓﻲ ﻧﻔﺲ ﺍﻟﻮﻗﺖ
ﺍﻣﺎ ﻫﺎﺟﺮ ﻓﻤﻠﻔﺘﻪ ﻭﺟﻬﻬﺎ ﺟﻬﺔ ﺍﻟﺮﻭﺷﻦ ﻭﺳﺎﻛﺘﻪ
ﺍﻳﻤﻦ : ﺗﺤﺴﻲ ﻗﺎﻋﺪﻩ
ﻫﺎﺟﺮ ﻻﺭﺩ
ﺍﻳﻤﻦ ﻏﺎﺽ ﻭﺯﺍﺩ ﺍﻟﺴﺮﻋﻪ ، ﻭﻛﺎﻥ ﻓﻲ ﻣﻄﺐ ، ﻭﻫﻮ ﻳﺠﺮﻱ
ﻫﺎﺟﺮ : ﺍﺍﺍﺍﻱ
ﺍﻳﻤﻦ : ﺗﻲ ﻭﺍﻟﻠﻪ ﻣﺎﺍﺍﺷﻔﺘﻪ ، ﻭﺷﺎﻓﻠﻬﺎ ﺑﺨﻮﻑ : ﺧﻴﺮﻙ ﺗﺘﻮﺟﻌﻲ ﺍﺳﻒ ﻭﺍﻟﻠﻪ ﻣﺎﺭﻳﺘﻪ
ﺍﻣﻬﺎ : ﺍﻟﻠﻪ ﻳﺮﺑﺤﻚ ﻳﺎﺍﻳﻤﻦ ﺭﺩ ﺑﺎﻟﻚ ﺑﺎﻟﺸﻮﻳﺔ ﻳﺎﻭﻟﻴﺪﻱ
ﻭﺻﻠﻮ ﺍﻟﻤﺴﺘﺸﻔﻰ ﻭﺳﺎﻋﺪ ﺍﻳﻤﻦ ﻫﺎﺟﺮ ﺗﻨﺰﻝ ، ﻭﻗﻌﺪ ﺷﺎﺩﻫﺎ ﻳﺪﻭﺩﺵ ﻓﻴﻬﺎ
ﺧﺸﻮ ﻟﻠﺪﻛﺘﻮﺭﺓ ﻭﺗﻄﻤﻨﻮ ﻋﻠﻲ ﻫﺎﺟﺮ ﻭﻉ ﺍﻟﺠﻨﻴﻦ ﻣﺎﺻﺎﺭﻟﻪ ﺷﻲ
ﺍﻣﻬﺎ : ﻭﻳﻦ ﺍﻟﺤﻤﺎﻡ
ﺍﻳﻤﻦ ﻭﺭﺍﻫﺎ ﻭﻳﻦ ، ﺍﻣﻬﺎ ﺍﻣﺸﺖ ، ﻭﻗﻌﻤﺰ ﺍﻳﻤﻦ ﻭﻫﺎﺟﺮ ﻋﻠﻲ ﺍﻟﻜﺮﺍﺳﻲ
ﻫﺎﺟﺮ ﺳﺎﻛﺘﻪ
ﺍﻳﻤﻦ : ﺭﺩﻱ ﺑﺎﻟﻚ ﻋﻠﻲ ﺭﻭﺣﻚ ﻣﺮﺓ ﺗﺎﻧﻴﻪ ، ﺭﺍﻙ ﻏﺎﻟﻴﻪ ﻋﻨﺪﻱ
ﻫﺎﺟﺮ ﺧﻨﻘﺘﻬﺎ ﺍﻟﻌﺒﺮﺓ
ﺍﻳﻤﻦ ﺑﺤﺰﻥ ﻭﻧﺪﻡ : ﺍﻣﺘﻰ ﺑﺘﺴﺎﻣﺤﻴﻨﻲ ﺣﺒﻴﺒﺘﻲ ، ﺍﻣﺘﻰ ﺑﺘﺮﺿﻰ ﻋﻠﻴﺎ ، ﻭﺍﻟﻠﻪ ﻧﺎﺩﻡ ﻭﺍﻟﻠﻪ ﻧﺤﺒﻚ ﺗﻌﺒﺖ ﻣﻦ ﻏﻴﺮ ﺍﻧﻲ
ﻫﺎﺟﺮ ﺳﻨﺪﺕ ﻇﻬﺮﻫﺎ ﻉ ﺍﻟﻜﺮﺳﻲ ﻭﻣﺎﺭﺩﺗﺶ
ﺍﻳﻤﻦ ﺗﻨﻬﺪ ﺑﻀﻴﻖ : ﻫﺠﻮﺭﺓ
ﻫﺎﺟﺮ ﺷﺎﻓﺘﻠﻪ ﻭﺟﺖ ﻋﻴﻨﻬﺎ ﻓﻲ ﻋﻴﻨﻪ
ﺍﻣﻬﺎ ﺟﺖ : ﻣﻌﻠﻴﺸﻲ ﻋﻄﻠﺖ
ﺍﻳﻤﻦ ﻭﻗﻒ : ﻻﻻ ﻣﺶ ﻣﺸﻜﻠﺔ ﻫﻲ ، ﻭﻣﺪ ﻳﺪﻩ ﻟﻬﺎﺟﺮ ﺑﻴﺴﺎﻋﺪﻫﺎ ﺗﻮﻗﻒ
ﻫﺎﺟﺮ ﻗﻌﺪﺕ ﺗﺸﻮﻑ ﻟﻴﺪﻩ ﺑﻌﺪﻫﺎ ﺷﺎﻓﺖ ﻟﻌﻴﻮﻧﻪ ، ﻭﺣﻄﺖ ﻳﺪﻫﺎ ﻓﻲ ﻳﺪﻩ ﻭﺍﻧﺴﻨﺪﺕ ﻋﻠﻴﻬﺎ ﻭﻭﻗﻔﺖ
ﺍﻣﺎ ﺍﻳﻤﻦ ﻣﻊ ﺍﻥ ﺍﻟﺤﺮﻛﺔ ﻛﺎﻧﺖ ﺑﺴﻴﻄﺔ ﺑﺲ ﻓﺮﺡ ﺑﻴﻬﺎ ﻫﻠﺒﺎ ، ﻭﺿﻐﻂ ﻋﻠﻲ ﻳﺪﻫﺎ ﻳﺨﺎﻑ ﺗﻄﻠﻖ ﻳﺪﻩ ﻭﺗﺴﻴﺒﻪ ، ﻫﻮ ﺗﻮﺍ ﻋﺮﻓﺖ ﻗﻴﻤﺘﻬﺎ
ﻫﺎﺟﺮ ﻟﻤﺎ ﺿﻐﻂ ﻋﻠﻲ ﻳﺪﻫﺎ ﺗﻤﻨﺖ ﺗﻀﺒﻄﻪ ﻭﺗﺒﻜﻲ ﻭﺗﻬﺰﺑﻪ ﻻﻧﻪ ﺳﻴﺒﻬﺎ ﻃﻮﻝ ﻫﺎﻟﻔﺘﺮﺓ ﻣﻦ ﻏﻴﺮ ﻣﺎﻳﺸﺪ ﻳﺪﻫﺎ ، ﻫﻮ ﺍﻟﺴﺒﺐ ﺍﻟﻲ ﺧﻼﻫﺎ ﺗﺪﻳﺮ ﻫﻜﻲ ، ﻛﺎﻧﺖ ﻣﺘﻐﺎﺿﻪ ﻣﻨﻪ ﺑﺤﺠﻢ ﺣﺒﻬﺎ ﻟﻴﻪ ﻭﺍﺷﺘﻴﺎﻗﻬﺎ
ﺍﻣﺎ ﺍﻣﻬﺎ ﻓﺎﺑﺘﺴﻤﺖ ﻟﻤﺎ ﺷﺎﻓﺘﻬﻢ ﺷﺎﺩﻳﻦ ﻳﺪﻳﻦ ﺑﻌﺾ ﻭﻓﺮﺣﺖ ﻭﺗﺪﻋﻲ ﻓﻲ ﺩﺍﺧﻠﻬﺎ ﺍﻧﻬﻢ ﻳﺘﺼﺎﻟﺤﻮ ﻓﻲ ﺍﻗﺮﺏ ﻭﻗﺖ
ﻓﺘﺤﻠﻬﺎ ﺑﺎﺏ ﺍﻟﺴﻴﺎﺭﺓ ﻭﺳﺎﻋﺪﻫﺎ ﺗﺮﻛﺐ ﻭﺳﻜﺮ ﺍﻟﺒﺎﺏ ﻭﺭﺍﻫﺎ ، ﺭﻛﺐ ﺟﻨﺒﻬﺎ ﻭﻫﻮ ﻓﺮﺣﺎﻥ ﺑﻮﺟﻮﺩﻫﺎ ﺟﻨﺒﻪ
ﻃﻮﻝ ﺍﻟﻄﺮﻳﻖ ﻫﺪﻭﺀ ﻓﻲ ﺍﻟﺴﻴﺎﺭﺓ
ﻭﺻﻠﻮ ﻟﻠﺤﻮﺵ
ﻧﺰﻟﺖ ﺍﻣﻬﺎ ﺍﻭﻝ ﻭﺣﺪﺓ ، ﺍﻣﺎ ﻫﺎﺟﺮ ﻓﻘﻌﺪﺕ ﻣﻘﻌﻤﺰﺓ ﻓﻲ ﺍﻟﺴﻴﺎﺭﺓ
ﺍﻳﻤﻦ ﺷﺎﻓﻠﻬﺎ ﺑﺎﺳﺘﻐﺮﺍﺏ
ﺍﻣﻬﺎ ﻭﻗﻔﺖ ﺟﻨﺐ ﺍﻟﺴﻴﺎﺭﺓ ﻭﺗﺮﺍﺟﻲ ﻓﻴﻬﺎ ﺗﻨﺰﻝ
ﻫﺎﺟﺮ ﺷﺎﻓﺘﻠﻪ : ﻟﻴﺶ ﻗﺎﻋﺪ ﻭﺍﻗﻒ ﻣﺎﺗﺒﻴﺶ ﺗﺮﻓﻌﻨﻲ ﻟﺤﻮﺷﻲ
ﺃﻳﻤﻦ : .............
ﻭﻭﻭﻭﻭﻭﻭ
،،،،،،،،،،،،،،،،
ﻓﻲ ﺣﻮﺵ ﺣﻨﻴﻨﻪ
ﻋﻤﺘﻲ ﻭﻋﻠﻴﺎ ﻛﻴﻒ ﺟﻮ
ﻋﻤﺘﻲ ﻓﻲ ﺍﻟﻤﻄﺒﺦ ﻗﺎﻋﺪﻩ ﺗﺪﻳﺮ ﻓﻲ ﺍﻟﻐﺪﻱ
ﺍﻣﺎ ﻋﻠﻴﺎ ﻓﺘﺪﻭﺭ ﻓﻲ ﺍﻟﺠﻨﺎﻥ ﻭﺗﻔﻜﺮ ﻓﻲ ﻓﻜﺮﺓ ﺗﺸﻮﻑ ﺑﻴﻬﺎ ﻋﺒﺪ ﺍﻟﻤﻨﻌﻢ ﻟﻴﻬﺎ ﺍﺳﺒﻮﻉ ﻣﺎﺷﺎﻓﺎﺗﺎﺷﻲ ﻭﺑﺘﻬﺒﻞ ﻋﻠﻴﻪ
ﻃﻠﻌﺖ ﺭﻭﺯﺍ ﻭﻣﻄﻠﻌﻪ ﺣﻨﻴﻨﻪ ﺷﺎﺩﺓ ﺑﻴﺪﻫﺎ ﻭﺗﺪﻭﺩﺵ ﻓﻴﻬﺎ ﺑﺎﻟﺸﻮﻳﺔ
ﻋﻠﻴﺎ ﻗﺪﻣﺖ ﺟﻬﺔ ﺣﻨﻴﻨﻪ ، ﻭﺟﺒﺪﺗﻠﻬﺎ ﻛﺮﺳﻲ
ﺣﻨﻴﻨﻪ ﻗﻌﻤﺰﺕ : ﻫﻲ ﻳﺎﺭﻭﺯﺍ ﺳﻴﻘﻲ ﺍﻟﺠﻨﺎﻥ
ﺭﻭﺯﺍ : ﺣﺎﺿﺮ ﻣﺎﻣﺎ ، ﻭﺍﻣﺸﺖ ﺗﺠﻴﺐ ﻓﻲ ﻋﺪﻩ ﺍﻟﺘﺴﻴﻴﻖ
ﻋﻠﻴﺎ : ﺑﻤﺎ ﺍﻧﻲ ﻣﻜﺴﺪﺓ ﺧﻠﻲ ﻧﺴﺎﻋﺪﻙ
ﺭﻭﺯﺍ ﺍﺑﺘﺴﻤﺘﻠﻬﺎ ﺑﻔﺮﺡ
ﻋﻠﻴﺎ ﻗﺎﻣﺖ ﺑﻨﻄﻠﻮﻧﻬﺎ ﻭﻗﺎﻣﺖ ﺷﻌﺮﻫﺎ ﻭﻗﻌﺪﺕ ﺣﻔﻴﺎﻧﻪ ، ﻭﻗﺎﻣﺖ ﺍﻟﻘﺮﺩﻝ ﻭﺗﻌﺒﻲ ﻓﻴﻪ ﻣﻴﻪ ﻭﺗﺼﺐ ، ﻭﺭﻭﺯﺍ ﺗﺠﺒﺪ ﺑﺎﻟﻘﻮﻣﺔ
ﻭﺍﻫﻨﻲ ﺍﻧﻔﺘﺢ ﺍﻟﺒﺎﺏ ﻭﺧﺶ ﺑﺄﺧﺮ ﻃﺮﺣﺔ ، ﻭﻋﺒﻰ ﺍﻟﺪﻧﻴﺎ ﺑﺮﻳﺤﺔ ﺑﺮﻓﺎﻧﻪ ، ﻭﺍﻧﺎﻗﺘﻪ ﺗﺎﺧﺪ ﺍﻟﻌﻘﻞ
ﺣﻨﻴﻨﻪ : ﺗﻌﺎﻟﻰ ﺗﻌﺎﻟﻰ
ﻋﺒﺪ ﺍﻟﻤﻨﻌﻢ ﻗﺮﺏ ﻣﻨﻬﺎ : ﻛﻴﻒ ﺣﺎﻟﻚ
ﻋﻠﻴﺎ ﺳﻤﻌﺖ ﺻﻮﺗﻪ ﻭﻣﺎﺑﺘﺶ ﺗﺘﻠﻔﺖ ﻻﻧﻪ ﺍﺻﻼ ﺷﻜﻠﻬﺎ ﻓﻲ ﺣﺎﻟﺔ ، ﻭﻣﻨﻈﺮﻫﺎ ﻳﻬﺮﺏ
ﺍﻣﺎ ﻋﺒﺪ ﺍﻟﻤﻨﻌﻢ ﻓﺸﺎﻓﻬﺎ ﻭﻋﺮﻓﻬﺎ ﻫﻲ ﻭﺑﺼﻮﺕ ﻋﺎﻟﻲ : ﺷﻦ ﺟﺒﺘﻲ ﻭﺣﺪﺓ ﺗﺴﺎﻋﺪ ﻓﻲ ﺭﻭﺯﺍ ﻳﺎﺣﻨﺎﻱ
ﺣﻨﻴﻨﻪ : ﻻﻻ ﻫﺎﺩﻱ ﻋﻠﻴﺎ ﺑﻨﺖ ﻋﻤﺘﻚ
ﻋﺒﺪ ﺍﻟﻤﻨﻌﻢ ﻗﻌﻤﺰ ﻭﺣﻂ ﺭﺟﻞ ﻋﻠﻲ ﺭﺟﻞ : ﻭﺍﻟﻠﻪ ﻣﺎﺣﺴﺒﺘﻬﺎ ﺍﻻ ﺻﻮﻣﺎﻟﻴﻪ ﺟﺎﻳﺒﺘﻴﻬﺎ ﺟﺪﻳﺪﺓ
ﻋﻠﻴﺎ ﺍﻏﺘﺎﺿﺖ ﻭﺷﺎﻓﺖ ﻟﻠﻘﺮﺩﻝ ﺍﻟﻲ ﻓﻲ ﻳﺪﻫﺎ
ﻋﺒﺪ ﺍﻟﻤﻨﻌﻢ ﺷﺮﻳﻦ ﺗﻠﻴﻔﻮﻧﻪ ، ﻭﻗﻒ ﻣﻦ ﺍﻟﻜﺮﺳﻲ ، ﻭﺭﺩ ﻭﺑﺎﻋﺪ ﺷﻮﻳﺔ ﻋﻠﻲ ﺣﻨﻴﻨﻪ
ﻋﻠﻴﺎ ﺷﺪﺕ ﺍﻟﻘﺮﺩﻝ ﻛﻮﻳﺲ ، ﻭﻟﻔﺖ ﻭﺗﻘﺮﺏ ﻣﻦ ﺟﻬﺔ ﻋﺒﺪ ﺍﻟﻤﻨﻌﻢ ، ﻭﻭﻭ ﺗﺼﺐ ﻋﻠﻴﻪ ﺍﻟﻘﺮﺩﻝ ﻛﻠﻪ
ﻋﺒﺪ ﺍﻟﻤﻨﻌﻢ ﺍﻟﺘﻠﻴﻔﻮﻥ ﻓﻲ ﻭﺩﻧﻪ ﻭﻗﻌﺪ ﻭﺍﻗﻒ ﺩﻗﻴﻘﻪ ﻣﺼﺪﻭﻡ ﻭﻳﺤﺎﻭﻝ ﻳﺴﺘﻮﻋﺐ ﻫﻮﻭ ﻣﻐﺴﻮﻭﻝ ﻏﺴﻞ ﺑﺎﻟﻤﻴﻪ
ﻋﻠﻴﺎ ﺣﻄﺖ ﺍﻟﻘﺮﺩﻝ ﻭﺗﺸﺪﻫﺎ ﺟﺮﺭﻱ ، ﻭﺗﺠﻲ ﺯﺍﺍﺍﻟﻘﻪ ﻣﻦ ﻃﻮﻟﻬﺎ ﻓﻲ ﺍﻟﻤﻴﻪ ﻭﺗﻨﻘﻌﺖ ﺣﺘﻰ ﻫﻲ
ﻋﺒﺪ ﺍﻟﻤﻨﻌﻢ ﻳﻠﻒ ﻭﻳﻘﺪﻡ ﺟﻬﺔ ﻋﻠﻴﺎ ﻭﺍﻟﺸﺮﺍﺭﺓ ﺗﻄﻠﻊ ﻣﻦ ﻋﻴﻮﻧﻪ ، ﺷﺎﻑ ﻟﺘﻠﻴﻔﻮﻧﻪ ﺍﻟﻘﺎﻩ ﻣﻨﻘﻊ ﻣﻴﻪ ، ﻫﺪﺍ ﺗﺎﻧﻲ ﺗﻠﻴﻔﻮﻥ ﺗﻔﺴﺪﻫﻮﻟﻪ
ﻋﻠﻴﺎ ﻧﺎﺿﺖ ﻭﺑﺪﺕ ﻓﻴﻬﺎ ﺟﺮﻱ
ﺍﻣﺎ ﻋﺒﺪ ﺍﻟﻤﻨﻌﻢ ﺣﻂ ﺗﻠﻴﻔﻮﻧﻪ ﻓﻲ ﺟﻴﺒﻪ ﻭﻳﺠﺒﺪ ﺍﻟﻘﻮﻣﻪ ﻭﻳﺠﺮﻱ ﻭﺭﺍﻫﺎ
ﺭﻭﺯﺍ ﻭﺣﻨﻴﻨﻪ ﻳﻀﺤﻜﻮﻭ
ﻋﻠﻴﺎ : ﻭﻭﻭﻭﻭﻭﻭﻭﻩ
ﻋﺒﺪ ﺍﻟﻤﻨﻌﻢ ﻳﺠﺮﻱ ﻭﺭﺍﻫﺎ ﺑﺎﻟﻘﻮﻣﺔ : ﺍﻗﺴﻢ ﺑﺎﻟﻠﻪ ﺗﺸﻮﻓﻲ ﻳﺎﺣﻴﻮﺍﺍﺍﻧﻪ ﺍﻧﻴﻴﻴﻲ ﺗﺒﺰﻋﻲ ﻋﻠﻴﺎ ﺍﻣﻴﻴﻴﻪ ، ﻗﺎﻋﺪﻩ ﻣﺎﺷﻌﻔﺘﻴﺶ ﺍﻧﺘﻲ ﺍﻟﺒﺎﻳﻦ ﻣﻦ ﺍﻟﻤﺮﺓ ﺍﻟﻲ ﻓﺎﺗﺖ ﺍﻧﻲ ﻧﻌﺮﻑ ﻧﺮﺑﻴﻚ
ﻋﻠﻴﺎ ﺗﺠﺮﻱ ﻭﻧﺰﻝ ﻋﻠﻴﻬﺎ ﺍﻟﻀﺤﻚ : ﻫﻬﻬﻬﻬﻬﻬﻬﻬﻬﻪ ﻭﻭﻭﻭﻩ ﻫﻬﻬﻬﻬﻬﻬﻪ
ﻋﺒﺪ ﺍﻟﻤﻨﻌﻢ ﺟﻨﻮﻥ ﺗﻨﻄﺮ ﻗﺪﺍﻣﻪ ﻭﻃﺎﻳﺮﺗﻠﻪ ﻭﻳﺠﺮﺭﻱ : ﻭﺍﻟﻠﻪ ﻧﺸﺪﺩﺩﻙ ﺍﻗﺴﻢ ﺑﺎﻟﻠﻪ ﻧﺮﺭﺭﺑﻴﻴﻴﻚ
ﺣﻨﻴﻨﻪ ﻛﺎﻧﺖ ﺗﻀﺤﻚ ﻓﺠﺄﺓ ﻗﻌﺪﺕ ﺗﺘﺄﻟﻢ، ﺣﻄﺖ ﻳﺪﻫﺎ ﻋﻠﻲ ﻗﻠﺒﻬﺎ ، ﻭﻗﻌﺪﺕ ﺗﺎﺧﺪ ﻓﻲ ﻧﻔﺲ
ﺭﻭﺯﺍ ﻗﺪﻣﺖ ﺟﻬﺘﻬﺎ ﺑﺨﻮﻑ : ﻣﺎﻣﺎ ﻣﺎﻣﺎ
ﻋﻠﻴﺎ ﺷﺎﻓﺖ ﺣﻨﻴﻨﻪ ﻭﻗﻔﺖ ﻭﺟﺘﻬﺎ ﺗﺠﺮﻱ : ﺣﻨﻴﻨﻪ ﺣﻨﻴﻴﻴﻨﻪ
ﻋﺒﺪ ﺍﻟﻤﻨﻌﻢ : ﺣﻨﺎﻱ ﺧﻴﺮﺭﻙ ﺷﻦ ﺻﺎﺭ
ﺍﺣﻨﻴﻨﻪ ﺗﺎﺧﺪ ﻓﻲ ﻧﻔﺲ ﻭﺿﺎﻏﻄﻪ ﻋﻠﻲ ﺟﻬﺔ ﻗﻠﺒﻬﺎ ﻭﺗﺘﺄﻟﻢ ﻭﻭﺟﻬﺎ ﻭﻟﻰ ﻋﺮﻕ
ﺍﻧﻔﺘﺢ ﺍﻟﺒﺎﺏ ﻭﺧﺸﺖ ﻧﻮﺍﻝ : ﺍﻟﺴﻼﻡ ﻋﻠﻴﻜﻢ ، ﻭﺷﺎﻓﺘﻬﻢ ﻣﻠﺘﻤﻴﻦ ﻋﻠﻲ ﺣﻨﻴﻨﻪ ﻗﺪﻣﺖ ﺗﺠﺮﻱ
ﻋﺒﺪ ﺍﻟﻤﻨﻌﻢ ﺟﻴﺒﻲ ﻣﻴﻪ ﺑﺴﺮﺭﺭﺭﻋﻪ
ﻋﻠﻴﺎ ﺷﺎﺩﻩ ﻳﺪ ﺣﻨﻴﻨﻪ ﻭﺩﻣﻮﻋﻬﺎ ﻳﻨﺰﻟﻮ
ﺭﻭﺯﺍ ﺍﻣﺸﺖ ﺗﺠﺮﻱ ﺗﺠﻴﺐ ﻓﻲ ﻣﻴﻪ
ﺣﻨﻴﻨﻪ ﺍﻏﻤﻲ ﻋﻠﻴﻬﺎ
ﻭﻭﻭﻭﻭ
# ﻳﺘﺒﻊ
KAMU SEDANG MEMBACA
ﺳﻨﺪ ﺍﻻﻧﺜﻰ ﺭﺟﻞ shosho_shosho
Romansaرواية غروباية مميزة بقلم الكاتبة #شوشوshosho_shosho > " ﺳﻨﺪ ﺍﻷﻧﺜﻰ ﺭﺟﻞ "
