ﺳﻨﺪ ﺍﻻﻧﺜﻰ ﺭﺟﻞ shosho_shosho

الحلقة80والآخيرةةة

ﺍﻟﺤﻠﻘﺔﺓ ‏[ 80 ‏] ﻭﺍﻵﺧﻴﻴﻴﻴﺮﺓ

ﻣﻦ ﺭﻭﺍﻳﺔ - - "<- ﺳﻨــﺪ ﺍﻷﻧﺜــﻰ ﺭﺟــﻞ "
ﻣﺤﻤﻮﺩ : ﻳﺎﺭﺑﻲ ﺍﻟﺼﺒﺮ ، ﻭﺍﻣﺸﻲ ﻭﺭﺍﻫﺎ : ﻧﻮﺍﻝ
ﻧﻮﺍﻝ ﺗﺪﻭﺭ ﻓﻲ ﺍﻟﺸﻨﻄﺔ ﻋﻠﻲ ﺗﻠﻴﻔﻮﻧﻬﺎ ، ﻭﺩﻣﻮﻋﻬﺎ ﻗﺮﻳﺐ ﻳﻨﺰﻟﻮ ، ﻣﺎﻟﻘﺎﺗﺎﺷﻲ ﺷﺎﻓﺘﻠﻪ ﻭﻭﻗﻔﺖ ﺟﻨﺒﻪ ﻳﺪﻳﻬﺎ ﻳﺮﻋﺸﻮ ﻭﺑﺪﺕ ﺗﺒﻜﻲ : ﻣﺤﻤﻮﺩ ﻗﻮﻝ ﺷﻦ ﻓﻴﻬﺎ ﻣﺎﻣﺎ ﺑﺎﻟﻠﻪ ﻋﻠﻴﻚ
ﻣﺤﻤﻮﺩ ﺣﻀﻨﻬﺎ ﻭﻗﻌﺪ ﺳﺎﻛﺖ
ﻧﻮﺍﻝ ﺗﺨﺒﻂ ﻓﻴﻪ ﻋﻠﻲ ﺻﺪﺭﻩ : ﺷﻦ ﻓﻴﻬﺎ ﻣﺎﻣﺎ ﻣﺤﻤﻮﺩ
ﻣﺤﻤﻮﺩ : ﺍﺩﻋﻴﻠﻬﺎ ﺑﺎﻟﺮﺣﻤﺔ ﺑﺲ ﻳﺎﺣﺒﻴﺒﻲ
ﻧﻮﺍﻝ ﻗﻌﺪﺕ ﺗﺨﺒﻂ ﺍﻛﺜﺮ : ﻻﻻ ﻣﺎﻣﺎ ﺗﻜﺬﺏ ﻋﻠﻴﺎ ﻭﺍﻻ
ﻣﺤﻤﻮﺩ ﻗﻌﺪ ﻳﺸﺪﻟﻬﺎ ﻓﻲ ﻳﺪﻳﻬﺎ ﻭﻳﻬﺪﻱ ﻓﻴﻬﺎ
ﺍﻣﺎ ﻧﻮﺍﻝ ﺷﺒﻪ ﺧﺸﺖ ﻓﻲ ﻫﻴﺴﺘﺮﻳﺎ ، ﺗﺨﺒﻂ ﻓﻲ ﻣﺤﻤﻮﺩ ﻋﻠﻲ ﺻﺪﺭﻩ ﻭﺗﺒﻜﻲ : ﻛﺬﺍﺏ ﻣﺎﻣﺎ ﻗﺎﻋﺪﺓ ﻛﺬﺍﺏ ﻣﺎﻣﺎ ﻣﺎﺻﺎﺭﻟﻬﺎ ﺷﻲ ﻣﺎﻣﺎ ﻣﺶ ﺣﺘﻠﺤﻖ ﺑﺎﺑﺎ ﻭﺗﺨﻠﻴﻨﻲ
ﻣﺤﻤﻮﺩ ﺣﻀﻨﻬﺎ ﻭﺩﻣﻌﺘﻪ ﻓﻲ ﻋﻴﻨﻪ : ﺧﻼﺹ ﻳﺎﺣﺒﻴﺒﻲ
ﻧﻮﺍﻝ ﺗﺒﻜﻲ : ﻣﺤﻤﻮﺩ ﻗﻮﻟﻲ ﺍﻧﻚ ﺗﻜﺬﺏ ﻗﻮﻟﻲ ﺍﻧﺖ ﺗﻜﺬﺏ
،،،،،،
ﻛﺎﻧﺖ ﻋﺪﻧﺎﻥ ﻓﻲ ﺍﻟﺤﻤﺎﻡ
ﻧﻮﺭﺱ ﺗﻀﻢ ﻓﻲ ﺍﻟﺪﺍﺭ
ﺷﻮﻳﺔ ﻭﺳﻤﻌﺖ ﺭﻧﺔ ﻣﺴﺞ ﻋﻠﻲ ﺗﻠﻴﻔﻮﻧﻪ
ﻭﻣﻦ ﺍﻟﻔﻀﻮﻝ ﺷﺪﺕ ﺍﻟﺘﻠﻴﻔﻮﻥ ﻭﻓﺘﺤﺖ ﺍﻟﻤﺴﺞ
" ﺃﺣﻤﺪ : ﻣﺮﺕ ﺧﺎﻟﻲ ﻧﺎﺩﻳﺔ ﻋﻄﺎﺗﻚ ﻋﻤﺮﻫﺎ ﺣﺎﻭﻝ ﺗﻌﻄﻲ ﺍﻟﻤﻮﺿﻮﻉ ﺑﺎﻟﺸﻮﻳﺔ ﻟﻨﻮﺭﺱ "
ﻧﻮﺭﺱ ﻗﻌﺪﺕ ﺷﺎﺩﺓ ﺍﻟﺘﻠﻴﻔﻮﻥ
ﻭﺗﻘﺮﺃ ﻓﻲ ﺍﻟﻤﺴﺞ ﻗﺮﻳﺐ ﻋﺸﺮﺓ ﻣﺮﺍﺕ ، ﻛﺎﻥ ﺗﻜﺬﺏ ﻓﻲ ﻋﻴﻮﻧﻬﺎ ، ﻋﻴﻮﻧﻬﺎ ﺗﻌﺒﻮ ﺩﻣﻮﻉ
ﻋﺪﻧﺎﻥ ﻃﻠﻊ ﻳﻨﺸﻒ ﻓﻲ ﺷﻌﺮﻩ : ﺷﻦ ﺗﺪﻳﺮﻱ
ﻧﻮﺭﺱ ﺷﺎﻓﺘﻠﻪ ﻭﺩﻣﻮﻋﻬﺎ ﻳﻨﺰﻟﻮ ﺑﺮﻭﺣﻬﻢ
ﻋﺪﻧﺎﻥ : ﺷﻦ ﻓﻲ
ﻧﻮﺭﺱ ﻣﻌﺎﺵ ﻗﺪﺭﺕ ﺗﻨﻄﻖ ﺑﻮﻻ ﺣﺮﻑ ، ﺣﻄﺖ ﻳﺪﻫﺎ ﻋﻠﻲ ﻓﻤﻬﺎ ﻭﻛﺎﺍﻧﻬﺎ ﺗﺤﺎﻭﻝ ﺗﻜﺘﻢ ﺍﻟﻨﺎﺭ ﺍﻟﻲ ﺑﺪﺍﺧﻠﻬﺎ ، ﺗﺤﺎﻭﻝ ﺗﻜﺘﻢ ﺣﺠﻢ ﺍﻟﺼﺪﻣﺔ ﺍﻟﻲ ﻫﻲ ﻓﻴﻬﺎ ، ﻛﺎﻧﺖ ﻣﻤﻜﻦ ﻟﻮ ﺗﺤﻮﻝ ﻳﺪﻫﺎ ﺣﺘﻌﻴﻂ ﺑﺼﻮﺕ ﻋﺎﻟﻲ ﻳﺴﻤﻌﻮﻩ ﺍﻟﺪﻧﻴﺎ ﻛﻠﻬﺎ
ﻋﺪﻧﺎﻥ ﻗﺪﻡ ﺑﺨﻮﻑ ﻭﺍﺧﺪﻱ ﺍﻟﺘﻠﻴﻔﻮﻥ ﺍﻗﺮﻱ ﺍﻟﻤﺴﺞ ﻭﺍﻧﺼﺪﻡ : ﻻﺍﻟﻪ ﺍﻻ ﺍﻟﻠﻪ ، ﻭﻗﻌﻤﺰ ﺟﻨﺐ ﻧﻮﺭﺱ : ﻭﺣﺪﻱ ﺍﻟﻠﻪ
ﻧﻮﺭﺱ ﺗﺒﻜﻲ ﻭﺣﺎﻃﺔ ﻳﺪﻳﻬﺎ ﻋﻠﻲ ﻭﺟﻬﻬﺎ
ﻋﺪﻧﺎﻥ ﻣﻌﺎﺵ ﻋﺮﻑ ﻛﻴﻒ ﻳﺘﺼﺮﻑ ، ﺣﻀﻨﻬﺎ : ﺍﺩﻋﻴﻠﻬﺎ ﻳﺎﺣﺒﻴﺒﺘﻲ ﺑﺲ ﺍﺩﻋﻴﻠﻬﺎ
ﺍﻣﺎ ﻧﻮﺭﺱ ﻓﻜﺎﻧﺖ ﺗﺒﻜﻲ ﻭﺑﺲ
ﻣﻤﻜﻦ ﻛﺎﻧﺖ ﻫﻲ ﺍﻟﻮﺣﻴﺪﺓ ﻓﻴﻨﺎ ﺻﺒﻮﺭﺓ ﺷﻮﻳﺔ ﻭﻗﺪﺭﺕ ﺗﻜﺘﻢ ﺻﻮﺗﻬﺎ ﻭﺗﺒﻜﻲ ﺑﺼﻤﺖ
ﺍﻧﻲ ﻛﻨﺖ ﻣﻨﻬﺎﺭﺓ ﺑﻜﻞ ﺭﻭﺡ ﺑﻴﺎ ﻭﻟﻴﺪ ﻟﻠﺤﻮﺵ ، ﻭﺍﻭﻝ ﻣﺎﺧﺸﻴﺖ ﺍﻧﻬﺮﺕ ﻭﺍﻏﻤﻲ ﻋﻠﻴﺎ ﺗﺎﻧﻲ
ﺣﻄﻮﻧﻲ ﺑﺎﻟﺪﺍﺭ ﻭﻓﻴﻘﻮﻧﻲ ، ﻗﻌﺪﺕ ﻃﻮﻝ ﺍﻟﻮﻗﺖ ﺭﺍﻗﺪﺓ ﻓﻴﻬﺎ
ﺑﻴﺪﻓﻨﻮﻫﺎ ﺍﻟﻴﻮﻡ ، ﻧﺤﺲ ﺑﻨﺎﺭ ﺷﺎﻋﻠﺔ ﺑﻘﻠﺒﻲ
ﺍﻣﺎ ﻧﻮﺍﻝ ﺍﻭﻝ ﻣﺎﺧﺸﺖ ﻟﻠﺤﻮﺵ ، ﺭﻛﺒﺖ ﺗﺠﺮﻱ ﻭﺗﺨﻄﺘﻬﻢ ﻛﻠﻬﻢ ، ﻓﺘﺤﺖ ﺩﺍﺭ ﻣﺎﻣﺎ ﻭﺑﺎﺑﺎ
ﺩﺍﺭﻫﻢ ﺍﻟﻲ ﻗﻌﺪﺕ ﻓﻴﻬﺎ ﺧﻴﺎﻟﻬﻢ ﺑﺲ ﻭﺭﻳﺤﺘﻬﻢ ﺍﻟﻲ ﺗﺨﻔﻒ ﻓﻲ ﺷﻮﻗﻨﺎ ﻟﻴﻬﻢ
ﻃﺎﺣﺖ ﻉ ﺍﻻﺭﺽ ﻭﺗﺒﻜﻲ ﻭﺗﺸﻮﻑ ﻟﻠﺪﺍﺭ
ﻧﻮﺭﺱ ﺧﺸﺖ ﻭﺭﺍﻫﺎ ﻭﻗﻌﺪﺕ ﻭﺍﻗﻔﻪ ﺣﺎﻃﺔ ﻳﺪﻫﺎ ﻋﻠﻲ ﻓﻤﻬﺎ ﻭﺗﺒﻜﻲ
ﻧﺮﺟﺲ ﺧﺸﺖ ﻗﻌﻤﺰﺕ ﻉ ﺳﺮﻳﺮﻫﻢ ﻭﻗﻌﺪﺕ ﺗﻤﺴﺢ ﻋﻠﻴﻪ ﺑﻴﺪﻫﺎ ﻭﺗﺒﻜﻲ : ﻟﻴﺶ ﺍﻣﺸﻮ ﻭﺧﻠﻮﻧﺎ
ﻧﻮﺭﺱ ﻃﻠﻌﺖ ﺗﺠﺮﻱ
ﻧﻮﺍﻝ ﻃﺎﻳﺤﺔ ﻭﺗﺒﻜﻲ
ﺍﻧﻲ ﻗﺎﻋﺪﺓ ﻓﻲ ﺍﻟﺪﺍﺭ ﻭﻣﺴﻜﺮﺓ ﻋﻠﻴﺎ ﻭﻧﺒﻜﻲ ﺑﺲ ، ﻓﻲ ﻳﻮﻡ ﻭﺍﺣﺪ ﺍﻏﻤﻲ ﻋﻠﻴﺎ ﻣﺮﺗﻴﻦ ، ﻣﺶ ﻣﺘﺤﻤﻠﺔ ﻧﺴﻤﻊ ﺍﻟﻌﻴﺎﻁ ﻭﻻﻣﺘﺤﻤﻠﺔ ﻧﺼﺪﻕ ﺍﻧﻪ ﻣﺎﻣﺎ ﻓﻌﻼ ﻟﺤﻘﺖ ﺑﺎﺑﺎ ﻭﺧﻠﺘﻨﺎ ، ﻣﺶ ﻗﺎﺩﺭﺓ ﻧﺼﺪﻕ ﻭﻻﻗﺎﺩﺭﺓ ﻧﺴﻤﻊ ﺍﻟﻌﻴﺎﻁ ﻋﻠﻴﻬﺎ
ﺷﺮﻳﻦ ﺗﻠﻴﻔﻮﻥ " ﺳﻨﺪﻱ "
ﺭﺩﻳﺖ ﺍﻭﻝ ﻣﺎﺳﻤﻌﺖ ﺻﻮﺗﻪ ﻗﺎﻝ : ﺍﻳﻮﻩ ﻧﻮﺳﺔ
ﺯﺩﺕ ﻧﺒﻜﻲ ﺍﻛﺜﺮ
ﻭﻟﻴﺪ : ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ ﻧﻮﺳﺔ ﺭﺩﻱ ﻋﻠﻴﺎ ﺑﺎﻟﻠﻪ ﻣﺎﺗﺨﻠﻴﻨﻴﺶ ﻧﻨﺸﻐﻞ ﻋﻠﻴﻚ ، ﺍﻧﺘﻲ ﻣﺆﻣﻨﺔ ﺑﻘﻀﺎﺀ ﺭﺑﻲ ﻧﻮﺳﺔ ﺍﻧﺘﻲ ﺍﻗﻮﻯ ﻣﻦ ﻫﻜﻲ
ﺍﻧﻲ ﻣﻦ ﺑﻴﻦ ﻋﺒﺮﺗﻲ : ﻟﻴﺶ ﺑﺎﻩ
ﻭﻟﻴﺪ : ﺣﺮﺍﻡ ﻣﺎﺗﻘﻮﻟﻴﺶ ﻫﻜﻲ ﺍﺣﻨﻲ ﻛﻠﻨﺎ ﺑﻬﺎﻟﺪﻧﻴﺎ ﺣﻴﺠﻲ ﻳﻮﻡ ﻭﺭﺑﻲ ﻳﺎﺧﺪ ﺃﻣﺎﻧﺘﻪ ﺍﻟﻲ ﺣﺎﻃﻬﺎ ﻧﻘﻮﻟﻮ ﻟﻴﺶ ﻫﺎﺩﻱ ﺣﻜﻤﺔ ﺭﺑﻲ
ﺍﻧﻲ : ﻭﻧﻌﻢ ﺑﺎﻟﻠﻪ ﻳﺎﺭﺑﻲ ﺻﺒﺮﻧﻲ
ﻭﻟﻴﺪ : ﻭﻳﻦ ﻗﺎﻋﺪﺓ
ﺍﻧﻲ : ﻗﺎﻋﺪﺓ ﻓﻮﻕ ﻭﻣﺴﻜﺮﺓ ﻋﻠﻴﺎ ﺍﻟﺪﺍﺭ ﻣﺶ ﻗﺎﺩﺭﺓ ﻧﺘﺤﻤﻞ ﺻﻮﺕ ﺍﻟﻌﻴﺎﻁ
ﻭﻟﻴﺪ : ﺑﺎﻩ ﻟﻮ ﻣﺮﺗﺎﺣﺔ ﻓﻲ ﺍﻟﺪﺍﺭ ﺧﻠﻴﻚ ﻓﻴﻬﺎ ، ﺭﺩﻱ ﺑﺎﻟﻚ ﻉ ﺭﻭﺣﻚ ﺑﺎﻫﻲ ﺍﻧﻲ ﻗﺎﻋﺪ ﺑﺮﺍ ﺗﺒﻲ ﺣﺎﺟﺔ ﺍﺗﺼﻠﻲ ﺑﺎﻫﻲ
ﺍﻧﻲ : ﺑﺎﻫﻲ
ﻭﻟﻴﺪ : ﻫﻲ ﻣﻊ ﺍﻟﺴﻼﻣﻪ
ﺳﻜﺮ ﻭﻟﻴﺪ ﻭﺍﻧﻲ ﻗﻌﺪﺕ ﻣﻘﻌﻤﺰﺓ ﻧﺸﻮﻑ ﻟﻠﻔﺮﺍﻍ ﻭﺩﻣﻮﻋﻲ ﺗﻨﺰﻝ ، ﻭﻛﺎﺍﻧﻬﺎ ﺍﻟﺸﻲ ﺍﻟﻮﺣﻴﺪ ﺍﻟﻲ ﻳﻤﻜﻦ ﻳﺨﻔﻒ ﻋﻠﻴﺎ ﺍﻟﻨﺎﺭ ﺍﻟﻲ ﻓﻲ ﺩﺍﺧﻠﻲ
ﺍﻟﻮﻗﺖ ﻳﻤﺮ ﺑﻄﻲﺀ ﻭﺍﻧﻲ ﻓﻲ ﺍﻟﺪﺍﺭ ﻛﻞ ﺷﻮﻳﺔ ﻳﺠﻮ ﻳﻄﻘﻄﻘﻮ ﻋﻠﻴﺎ ﻣﺎﻗﺪﺭﺗﺶ ﻧﻔﺘﺢ ﻟﺤﺪ ﻣﻨﻔﺮﺩﺓ ﺑﻨﻔﺴﻲ ﻭﻧﺒﻜﻲ ﺑﺲ ﻣﻤﻜﻦ ﻛﻞ ﻣﺎﻧﻘﻌﺪ ﺑﺮﻭﺣﻲ ﻧﻘﺪﺭ ﻧﺴﺘﻮﻋﺐ ﺍﻟﺼﺪﻣﺔ ، ﻧﻘﺪﺭ ﻧﺴﺘﻮﻋﺐ ﺍﻧﻪ ﺍﺣﻨﻲ ﺗﻮﺍ ﻻ ﺍﺏ ﻭﻻ ﺍﻡ
ﻟﺤﺪ ﻣﺎﺳﻤﻌﺖ ﺻﻮﺕ ﺍﻟﻌﻴﺎﻁ ﺗﻌﻠﻰ ، ﻭﻗﻔﺖ ﻉ ﺍﻟﺮﻭﺷﻦ ﺍﻟﻲ ﻳﻔﺘﺢ ﻉ ﺍﻟﺠﻨﺎﻥ
ﺷﻔﺘﻬﻢ ﻛﻴﻒ ﻗﺎﻳﻤﻴﻨﻬﺎ ﻓﻲ ﺻﻨﺪﻭﻕ ﻭﻣﺪﺧﻠﻴﻨﻬﺎ ، ﺣﺴﻴﺖ ﺑﺸﻲ ﺷﺪ ﻋﻠﻲ ﻗﻠﺒﻲ
ﻣﺴﺤﺖ ﺩﻣﻮﻋﻲ ﻭﻟﺒﺴﺖ ﻋﺒﺎﻳﺘﻲ ﻭﻭﺷﺎﺣﻲ ، ﻭﻓﺘﺤﺖ ﺑﺎﺏ ﺍﻟﺪﺍﺭ
ﻧﻨﺰﻝ ﻭﻳﺪﻱ ﻋﻠﻲ ﻗﻠﺒﻲ ، ﻭﻗﻔﺖ ﻉ ﺍﻟﻤﻜﺘﺒﻪ ﺟﺒﺪﺕ ﻣﺼﺤﻒ ﻭﻃﻠﻌﺖ ﺑﻴﻪ ﻟﻠﺼﺎﻟﻮﻥ
ﻭﻗﻔﺖ ﻋﻠﻲ ﺑﺎﺏ ﺍﻟﺼﺎﻟﻮﻥ ﻭﻧﺸﻮﻑ ﻟﻠﺼﻨﺪﻭﻕ ﻭﻧﺒﻜﻲ
ﻧﻮﺍﻝ ﻃﺎﻳﺤﺔ ﻉ ﺍﻻﺭﺽ ﻭﺗﺒﻜﻲ ، ﻧﻮﺭﺱ ﻭﺍﻗﻔﻪ ﺑﻌﻴﺪ ﻭﻣﺶ ﻗﺎﺩﺭﺓ ﺗﻘﺮﺏ ، ﺍﻣﺎ ﻧﺮﺟﺲ ﻣﻦ ﻛﺜﺮ ﻟﺒﻜﻲ ﻟﻴﻦ ﻳﻬﺮﺏ ﻋﻠﻴﻬﺎ ﺍﻟﻨﻔﺲ ﻭﺗﻬﺘﺮﻱ
ﻣﻌﺎﺩ ﻭﻗﻒ ﻧﺮﺟﺲ ﻭﺳﻨﺪﻫﺎ ﻋﻠﻴﻬﺎ ﻭﻃﻠﻌﻬﺎ ﻣﻦ ﺍﻟﺼﺎﻟﻮﻥ
ﻧﺮﺟﺲ : ﺭﺩﻧﻲ ﻧﺒﻲ ﻣﺎﻣﺎ
ﻣﻌﺎﺩ ﺣﻄﻬﺎ ﻉ ﺍﻟﺼﺎﻟﻮﻥ ﻭﻣﺴﺢ ﺩﻣﻌﺘﻪ ﻭﻃﻠﻊ ﺑﺴﺮﻋﻪ
ﻭﻟﻴﺪ ﺍﻭﻝ ﻣﺎﺷﺎﻓﻨﻲ ﻗﺪﻡ ﺟﻴﻬﺘﻲ ﻳﺠﺮﻱ
ﺍﻧﻲ ﻋﻠﻲ ﻃﻮﻝ ﺣﻄﻴﺖ ﺭﺍﺳﻲ ﻋﻠﻲ ﺻﺪﺭﻩ ﻭﻧﺒﻜﻲ ، ﻛﻨﺖ ﻣﺤﺘﺎﺟﺔ ﻣﻨﻪ ﻳﻘﻮﻳﻨﻲ ﻓﻲ ﻟﺤﻈﺔ ﺯﻱ ﻫﺎﺩﻱ
ﻭﺧﺮﺕ ﻣﻦ ﻭﻟﻴﺪ ﻭﻗﺪﻣﺖ ﻗﻌﻤﺰﺕ ﺟﻨﺐ ﺍﻟﺼﻨﺪﻭﻕ ، ﻭﻟﻴﺪ ﻗﻌﻤﺰ ﺟﻨﺒﻲ ، ﻣﺪﻳﺖ ﻳﺪﻱ ﻭﺣﻮﻟﺖ ﺍﻟﻐﻄﺎ ﻣﻦ ﻋﻠﻲ ﻭﺟﻬﻬﺎ ﻭﻳﺪﻳﺎ ﻳﺮﻋﺸﻮ
ﺍﻭﻝ ﻣﺎﺷﻔﺖ ﻭﺟﻬﻬﺎ ﻛﻴﻒ ﺍﺑﻴﺾ ﻭﺷﻤﻴﺖ ﺭﻳﺤﺘﻬﺎ ، ﺣﺴﻴﺖ ﺑﺸﻲ ﻧﺰﻝ ﻋﻠﻲ ﻗﻠﺒﻲ ، ﺣﺴﻴﺖ ﺍﻟﻨﺎﺭ ﺍﻟﻲ ﻛﺎﻧﺖ ﻓﻴﻪ ﺍﻧﻄﻔﺖ ، ﺑﺮﺍﺣﺔ ﻏﺮﻳﺒﺔ
ﻣﺪﻳﺖ ﻳﺪﻱ ﻣﺴﺤﺖ ﻋﻠﻲ ﻭﺟﻬﻬﺎ ﻭﻃﺒﺴﺖ ﺑﺴﺘﻬﺎ
ﻋﺪﻧﺎﻥ ﻗﻌﺪ ﻳﻄﻠﻊ ﻓﻲ ﻋﻤﺘﻲ ﺍﻟﻲ ﺗﻌﻴﻂ ، ﻭﻛﺬﻟﻚ ﺧﺎﻟﺘﻲ ﻃﻠﻌﻬﻢ ﻣﻦ ﺍﻟﺼﺎﻟﻮﻥ ، ﻭﺳﻜﺮ ﺍﻟﺒﺎﺏ
ﻛﺎﻧﺖ ﻧﻮﺭﺱ ﻭﺍﻗﻔﻪ ﻣﻦ ﺑﻌﻴﺪ ﻭﺗﺸﻮﻑ ، ﻭﻧﻮﺍﻝ ﻃﺎﻳﺤﻪ ﺗﺒﻜﻲ ﺟﻨﺐ ﺍﻟﺼﻨﺪﻭﻕ ﻣﺎﻗﺪﺭﺗﺶ ﺗﻨﻮﺽ ﻭﻻﺗﺸﻮﻑ ﻟﻤﺎﻣﺎ
ﻓﺘﺤﺖ ﺍﻟﻤﺼﺤﻒ ﺑﻌﺪ ﺑﺴﺖ ﻋﻠﻲ ﺭﺍﺳﻬﺎ ، ﻭﻗﻌﺪﺕ ﻧﻘﺮﺍ ﻓﻲ ﺍﻟﻘﺮﺁﻥ ﺑﺎﻟﺼﻮﺕ ﺍﻟﻌﺎﻟﻲ ، ﺳﺒﺤﺎﻥ ﺍﻟﻠﻪ ﻓﻲ ﻟﺤﻈﺔ ﺭﺑﻲ ﻧﻮﻝ ﻋﻠﻴﺎ ﺍﻟﺼﺒﺮ ، ﻭﻗﻔﺖ ﺑﻜﻲ ﻭﻗﻌﺪﺕ ﻧﻘﺮﺍ ﻓﻲ ﻗﺮﺁﻥ
ﻧﻮﺭﺱ ﺟﺖ ﻗﻌﻤﺰﺕ ﺟﻨﺒﻲ ﻭﺗﺸﻮﻑ ﻟﻤﺎﻣﺎ ﻭﺗﺒﻜﻲ
ﻛﻤﻠﺖ ﻗﺮﺍﺀﺓ ﻗﺮﺁﻥ ﻭﻃﺒﺴﺖ ﺑﺴﺘﻬﺎ ﺗﺎﻧﻲ
ﻧﻮﺭﺱ ﺑﺎﺳﺘﻬﺎ ﻋﻠﻲ ﺭﺍﺳﻬﺎ
ﺍﻣﺎ ﻧﻮﺍﻝ ﻓﻘﻌﻤﺰﺕ ﺟﻨﺐ ﺍﻟﺼﻨﺪﻭﻕ ﻭﺷﺪﺕ ﻳﺪ ﻣﺎﻣﺎ ﻭﻗﻌﺪﺕ ﺗﺤﻜﻲ ﻭﺗﺒﻜﻲ : ﺳﺎﻣﺤﻴﻨﻲ ﻓﻲ ﻳﻮﻡ ﺍﻟﻲ ﻗﺼﺮﺕ ﻓﻴﻪ ﻣﻌﺎﻙ ، ﺳﺎﻣﺤﻴﻨﻲ ﻋﻠﻲ ﺗﻌﺒﻚ ﻣﻌﺎﻱ ﻣﻦ ﻭﻗﺖ ﺍﻧﻲ ﺻﻐﻴﺮﺓ ، ﺳﺎﻣﺤﻴﻨﻲ ﻣﺎﻗﺪﺭﺗﺶ ﻧﺒﺎﺕ ﻣﻌﺎﻙ ﻓﻲ ﺍﺧﺮ ﻟﻴﻠﺔ ﻟﻴﻚ ﻓﻲ ﻫﺎﻟﺪﻧﻴﺎ ، ﺑﺲ ﺗﻌﺮﻓﻲ ﺍﻧﻲ ﻓﺮﺣﺎﻧﻪ ﻟﺸﻲ ﻭﺍﺣﺪ ﺍﻧﻪ ﺩﺭﻧﺎ ﺍﻟﻌﺮﺱ ﻭﻓﺮﺣﻨﺎﻙ ﻣﻌﺎﻧﺖ ﻗﺒﻞ ﻻ ﺗﻤﺸﻲ ﻭﺗﺴﻴﺒﻴﻨﺎ ، ﺳﺎﻣﺤﻴﻨﻲ ، ﻭﻗﻌﺪﺕ ﺗﺒﻮﺱ ﻋﻠﻲ ﻳﺪﻫﺎ ﻭﺗﺒﻜﻲ
ﻋﺪﻧﺎﻥ ﻣﺴﺢ ﺩﻣﻌﺘﻪ : ﺧﻼﺹ ﻳﺎﻧﻮﺍﻝ ﺑﻨﺮﻓﻌﻮﻫﺎ
ﻧﻮﺍﻝ ﻃﻠﻘﺖ ﻳﺪ ﻣﺎﻣﺎ ﻭﻭﺧﺮﺕ ﻣﺎﻭﻗﻔﺘﺶ ﺑﻜﻲ
ﺍﻧﻲ ﺑﺴﺖ ﻋﻠﻲ ﺭﺍﺳﻬﺎ ﺑﻮﺳﻪ ﺍﺧﻴﺮﺓ ، ﺗﺄﻣﻠﺘﻬﺎ ﻋﻠﻲ ﺍﻣﻞ ﻧﺤﻔﻆ ﻣﻼﻣﺤﻬﺎ ﻟﻠﻤﺮﺓ ﺍﻻﺧﻴﺮﺓ ،ﺍﺧﺮ ﻣﺮﺓ ﺣﻨﺸﻮﻓﻬﺎ ﻓﻴﻬﺎ ، ﻏﻄﻴﺘﻠﻬﺎ ﻭﺟﻬﻬﺎ
ﻭﻗﺎﻣﻮ ﺍﻟﺼﻨﺪﻭﻕ ، ﺭﻓﻌﻮﻫﺎ ﻭﻃﻠﻌﻮ ﺑﻴﻬﺎ ﻣﻦ ﺍﻟﺤﻮﺵ ، ﻃﻠﻊ ﻣﻌﺎﻫﺎ ﻧﻮﺭ ﺍﻟﺤﻮﺵ ﺍﻟﻲ ﻣﺶ ﺣﻴﺮﺟﻊ ﺑﻌﺪ ﻣﺸﻮ ﺍﻟﻲ ﻛﺎﻧﻮ ﻣﻨﻮﺭﻳﻨﻪ ﺍﻻﺗﻨﻴﻦ ، ﺍﻣﺸﺖ ﻣﻌﺎﻫﺎ ﻃﻴﺒﺘﻬﺎ ﻭﺣﻨﻴﺘﻬﺎ ، ﺍﻣﺸﺖ ﻣﻌﺎﻫﺎ ﺿﺤﻜﺘﻬﺎ ﺍﻟﻲ ﻛﺎﻧﺖ ﺗﻨﺴﻲ ﺍﻱ ﺍﻧﺴﺎﻥ ﻳﺸﻮﻓﻬﺎ ﻫﻤﻮﻡ ﺍﻟﺪﻧﻴﺎ ﻛﻠﻬﺎ
ﻣﺮﻭ ﺍﻳﺎﻡ ﺍﻟﻌﺰﻱ ﻣﻦ ﺍﺻﻌﺐ ﺍﻻﻳﺎﻡ
ﻣﺎﻧﻘﺪﺭﺵ ﻧﻮﺻﻔﻬﻢ ﺑﺎﻱ ﻛﻠﻤﻪ
ﺍﻳﺎﻡ ﻛﺌﻴﺒﺔ ﺣﺰﻳﻨﻪ ، ﺗﻼﺷﺖ ﻓﻴﻬﺎ ﻋﻼﻣﺎﺕ ﺍﻻﺑﺘﺴﺎﻡ ﻭﺍﻟﻔﺮﺡ
ﻣﺮ ﺍﺳﺒﻮﻉ ﻭﺍﻟﻨﺎﺱ ﻗﺎﻋﺪﺓ ﺗﺠﻲ ﻭﺗﻌﺰﻱ
ﻧﻮﺍﻝ ﻗﺎﻋﺪﺓ ﻛﻞ ﻟﻴﻠﺔ ﺗﺮﻗﺪ ﻓﻲ ﺩﺍﺭ ﻣﺎﻣﺎ ﻭﺩﻣﻮﻋﻬﺎ ﻋﻠﻲ ﺧﺪﻫﺎ ﺑﺲ ﻭﺟﻮﺩ ﻣﺤﻤﻮﺩ ﻣﺴﺎﻋﺪﻫﺎ ﺷﻮﻳﺔ ﻛﺎﻥ ﻣﻤﻜﻦ ﺗﺨﺶ ﻓﻲ ﺣﺎﻟﺔ ﻧﻔﺴﻴﺔ
ﺍﻣﺎ ﻧﻮﺭﺱ ﻓﻜﺎﻧﺖ ﺷﺒﻪ ﺑﺘﺨﺶ ﻓﻲ ﺣﺎﻟﺔ ﺍﻋﺘﺰﺍﻝ ﺯﻱ ﺍﻟﻲ ﺻﺎﺭﻟﻬﺎ ﻓﻲ ﻋﺰﻱ ﺑﺎﺑﺎ ، ﻣﺴﻜﺮﺓ ﻋﻠﻴﻬﺎ ﺩﺍﺭ ﻣﺎﺗﺘﻜﻠﻤﺶ ﻭﻻﺗﺎﻛﻞ
ﻟﺤﺪ ﻣﺎﺧﻔﺖ ﻋﻠﻴﻬﺎ ، ﺍﺗﺼﻠﺖ ﺑﻌﺪﻧﺎﻥ : ﺍﻟﻮ
ﻋﺪﻧﺎﻥ : ﺍﻫﻠﻴﻦ ﺷﻦ ﺍﻻﺧﺒﺎﺭ ، ﺗﺒﻮ ﺣﺎﺟﺔ ؟
ﺍﻧﻲ : ﺍﻳﻪ ﺑﻨﻘﻮﻟﻚ ﺍﻧﻲ ﺍﻟﺤﻖ ﺧﺎﻳﻔﻪ ﻋﻠﻲ ﻧﻮﺭﺱ
ﻋﺪﻧﺎﻥ : ﺧﻴﺮﻫﺎ ﺷﻦ ﻓﻲ ﻓﻴﻬﺎ ﺣﺎﺟﺔ ﻫﻲ ﻣﺎﺗﺮﺩﺵ ﻋﻠﻴﺎ
ﺍﻧﻲ : ﻫﻲ ﻣﺎﺗﺮﺩﺵ ﻋﻠﻲ ﺣﺪ ﻗﺒﻞ ﺷﻮﻳﺔ ﻛﻨﺖ ﻋﻨﺪﻫﺎ ﻓﻲ ﺍﻟﺪﺍﺭ ﺗﺴﻤﻌﻠﻲ ﻭﺳﺎﻛﺘﻪ ﻭﺧﻼﺹ ﻣﺎﺗﺤﻜﻴﺶ ﻭﻣﺴﻜﺮﺓ ﻋﻠﻴﻬﺎ ﺍﻟﺪﺍﺭ ﻃﻮﻝ ﺍﻟﻮﻗﺖ
ﻋﺪﻧﺎﻥ : ﺑﺎﻩ ﻧﺒﻲ ﻧﺨﺶ ﻧﺸﻮﻓﻬﺎ ، ﺷﻮﻓﻴﻠﻲ ﺍﻟﻄﺮﻳﻖ
ﺍﻧﻲ : ﺗﻌﺎﻟﻰ ﻣﻦ ﺑﺎﺏ ﺍﻟﻤﻄﺒﺦ ﻭﺗﻮ ﻧﺮﻛﺒﻚ
ﻋﺪﻧﺎﻥ : ﺑﺎﻩ ﻫﻲ ﻣﺎﺗﻌﻄﻠﻴﺶ
ﺍﻧﻲ ﺳﻜﺮﺕ ﻣﻦ ﻋﺪﻧﺎﻥ ﻭﺩﻋﻴﺖ ﻣﻦ ﺩﺍﺧﻠﻲ ﺍﻧﻪ ﻳﻄﻠﻌﻬﺎ ﻣﻦ ﺣﺎﻟﺔ ﺍﻟﻲ ﻫﻲ ﻓﻴﻬﺎ ، ﻧﺰﻟﺖ ﻭﺭﻛﺐ ﻣﻌﺎﻱ ﻋﺪﻧﺎﻥ ﻭﺧﻠﻴﺘﻪ ﺧﺶ ﻋﻠﻲ ﻧﻮﺭﺱ ﻓﻲ ﺍﻟﺪﺍﺭ ﻭﻃﻠﻌﺖ ﻭﺧﻠﻴﺘﻬﻢ ﻭﺍﻧﻲ ﻧﺪﻋﻲ ﺍﻧﻪ ﻳﻘﺪﺭ ﻳﺴﺎﻋﺪﻫﺎ
ﺣﺘﻰ ﺍﻧﻲ ﻣﺼﺪﻭﻣﺔ ﻭﻣﺶ ﻣﺼﺪﻗﺔ ﺍﻟﻮﺣﻴﺪ ﺍﻟﻲ ﻳﺨﻔﻒ ﻋﻠﻴﺎ ﻫﻮ ، ﻫﻮ ﺍﻟﻲ ﻳﻌﻄﻲ ﻓﻴﺎ ﻑ ﺍﻣﻞ ﻓﻲ ﺍﻟﺤﻴﺎﺓ ، ﻭﻫﻮ ﻭﺍﻟﺒﻴﺒﻲ ﺍﻟﻲ ﻓﻲ ﺑﻄﻨﻲ ﻣﻨﻪ
ﻧﺰﻟﺖ ﺍﻟﻘﻴﺖ ﻧﻮﺍﻝ ﻣﻘﻌﻤﺰﺓ ﻭﻣﻌﺎﻫﺎ ﺻﺎﺣﺒﺎﺗﻬﺎ ﺟﺎﻳﻴﻦ ﻳﻌﺰﻭ ﻓﻴﻬﺎ ، ﺩﻭﺭﺕ ﻧﺮﺟﺲ ﺍﻟﻘﻴﺘﻬﺎ ﻓﻲ ﺍﻟﺠﻨﺎﻥ ، ﻛﻨﺖ ﺑﻨﻘﺪﻡ ﺟﻴﻬﺘﻬﺎ ، ﺑﺲ ﺗﻠﻴﻔﻮﻧﻲ ﺭﻥ " ﺳﻨﺪﻱ " ﻓﺮﺩﻳﺖ ﺧﺸﻴﺖ
ﻣﻌﺎﺩ ﻃﺒﺲ ﻣﻦ ﺑﺎﺏ ﺍﻟﺠﻨﺎﻥ ، ﺷﺎﻑ ﻳﻤﻴﻦ ﻭﻳﺴﺎﺭ ، ﺍﻟﻘﺎﻫﺎ ﺑﺮﻭﺣﻬﺎ ﻓﻲ ﺍﻟﺠﻨﺎﻥ ﺧﺶ
ﺟﺒﺪ ﻛﺮﺳﻲ ﻭﻗﻌﻤﺰ ﺟﻨﺒﻬﺎ
ﻧﺮﺟﺲ ﺷﺎﻓﺘﻠﻪ ﺑﻨﻈﺮﺓ ﺣﺰﻳﻨﻪ ﻭﺭﺩﺕ ﻧﺰﻟﺖ ﺭﺍﺳﻬﺎ ، ﻭﺑﺼﻮﺕ ﻣﺨﻨﻮﻕ : ﻛﻠﻤﻨﻲ ﺍﻟﻴﻮﻡ ، ﺍﻟﻴﻮﻡ ﺑﺲ ﺗﻔﻜﺮﻧﻲ ﻭﺗﻔﻜﺮ ﻳﻌﺰﻳﻨﻲ ﻗﺎﻟﻲ ﻓﺴﺨﺖ ﺍﻟﺨﻄﻮﺑﺔ ﻭﻳﺒﻲ ﻳﺮﺟﻌﻠﻲ
ﻣﻌﺎﺩ ﻗﻌﺪ ﺳﺎﻛﺖ ﻭﻳﺸﻮﻓﻠﻬﺎ ﻭﺗﻜﻨﻄﻰ ﺑﺲ ﺣﺎﻭﻝ ﻳﻜﺘﻢ ﻏﻴﻀﻪ
ﻧﺮﺟﺲ : ﻻﻭﻝ ﻣﺮﺓ ﻣﺎﻧﺤﺴﺶ ﺑﺸﻲ ﺗﺠﺎﻫﻪ ، ﻓﺎﺕ ﻋﻠﻴﺎ ﺍﺳﺒﻮﻉ ﻛﻨﺖ ﻣﺤﺘﺎﺟﺎﺗﻪ ﻣﺎﻭﻗﻔﺶ ﺟﻨﺒﻲ ، ﺑﻌﺪ ﺍﺳﺒﻮﻉ ﻳﻌﺰﻳﻨﻲ ﻭﺍﻋﺮﺓ
ﻣﻌﺎﺩ ﺑﻐﻴﺾ ﻣﻜﺘﻮﻡ : ﻋﻼﺵ ﺭﺩﻳﺘﻲ ﻋﻠﻴﻪ ؟
ﻧﺮﺟﺲ : ﻣﺎﻛﻨﺘﺶ ﻧﺤﺴﺎﺑﻪ ﻫﻮ ﻛﺎﻥ ﻫﺬﺍ ﻣﺎﺭﺩﻳﺘﺶ ، ﺣﺎﺳﺔ ﻗﻠﺒﻲ ﻣﺶ ﻣﺘﺤﻤﻠﺔ ﺍﻱ ﺣﺎﺟﺔ ﺣﺘﻰ ﻟﻮ ﺍﺑﺴﻂ ﻏﻠﻄﺔ ﻓﻴﺎﺑﺎﻝ ﻫﻮ ﻣﺶ ﻏﻠﻂ ﻏﻠﻄﺔ ﺑﺴﻴﻄﺔ ﻫﻮ ﻏﺪﺭ ﺑﺎﻟﻘﻠﺐ ﺍﻟﻲ ﺣﺒﻪ ، ﺑﺲ ﺍﻟﺤﻤﺪ ﻟﻠﻪ ﻋﺮﻓﺖ ﻧﺮﺟﻊ ﻗﺒﻞ ﻻﻧﻐﻮﺹ ﻓﻲ ﺣﺐ ﻭﻫﻢ ﺍﻛﺜﺮ
ﻣﻌﺎﺩ ﺷﺎﻓﻠﻬﺎ : ﻳﻌﻨﻲ ﻧﻘﺪﺭﻭ ﻧﻘﻮﻟﻮ ﺍﻓﺘﻜﻴﺘﻲ ﻣﻦ ﻣﺮﺽ ﺣﺒﻪ
ﻧﺮﺟﺲ : ﻧﻜﺬﺏ ﻋﻠﻴﻚ ﻟﻮ ﻧﻘﻮﻟﻚ ﻣﻌﺎﺵ ﻧﺤﺒﻪ ﺑﻜﻞ ﺍﻭ ﻣﻌﺎﺵ ﻧﺘﻔﻜﺮ ﻓﻲ ﺍﻳﺎﻣﻨﺎ ﻣﻊ ﺑﻌﺾ ﺑﺲ ﻗﻠﺒﻲ ﺗﺠﺎﻫﻪ ﻣﺶ ﺯﻱ ﻗﺒﻞ ﻗﻠﺐ ﻣﻜﺴﻮﺭ ، ﻭﺟﺖ ﺑﺘﻮﻗﻒ ﺩﺍﺧﺖ ﻭﻟﺖ ﻗﻌﻤﺰﺕ ﻭﺣﺎﻃﺔ ﻳﺪﻫﺎ ﻋﻠﻲ ﺭﺍﺳﻬﺎ
ﻣﻌﺎﺩ ﺑﺨﻮﻑ : ﺧﻴﺮﻙ
ﻧﺮﺟﺲ : ﺩﺧﺖ
ﻣﻌﺎﺩ : ﻣﺶ ﻭﺍﻛﻠﺔ ﺷﻲ ﻭﺍﻻ ﻋﺎﺭﻓﻚ ﺍﻧﻲ ﻫﺎﻣﻠﺔ ﻧﻔﺴﻚ
ﻧﺮﺟﺲ ﺑﺤﺰﻥ : ﻟﻴﺶ ﻫﻮ ﻧﻘﺪﺭ ﻧﺤﻂ ﺣﺎﺟﺔ ﻓﻲ ﻓﻤﻲ ﺍﻭ ﻓﻲ ﻧﻴﺔ ﻟﻤﺎﻛﻠﺔ ﺍﺻﻼ ، ﺍﻟﺤﻤﺪ ﻟﻠﻪ ﻋﻠﻰ ﻛﻞ ﺣﺎﻝ
ﻣﻌﺎﺩ : ﺧﻠﻴﻚ ﻣﺎﺗﺘﺤﺮﻛﻴﺶ ﻣﻦ ﻣﻜﺎﻧﻚ ، ﻭﻧﺎﺽ
ﻧﺮﺟﺲ : ﻭﻳﻦ ﻣﺎﺷﻲ
ﻣﻌﺎﺩ ﺧﺶ ﺍﻟﺪﺍﺧﻞ : ﺳﺮﻭﻭﺭ ﺳﺎﺍﺭﺓ
ﺳﺮﻭﺭ ﺟﺖ : ﻧﻌﻤﻢ
ﻣﻌﺎﺩ : ﺍﺳﻤﻌﻲ ﻧﺒﻴﻚ ﺗﺨﺸﻲ ﻣﻌﺎﻱ ﻟﻠﻤﻄﺒﺦ ﺷﻮﻓﻴﻠﻲ ﻃﺮﻳﻖ ﻛﻴﻒ ﻧﺨﺶ
ﺳﺮﻭﺭ : ﻣﺎﻓﻴﺶ ﻛﻴﻒ ﻣﻦ ﺍﻫﻨﻲ ﻣﻌﺒﻲ ﻧﺴﺎﻭﻳﻦ ، ﻟﻒ ﻣﻦ ﺍﻟﺨﻠﻒ ﻭﺗﻌﺎﻟﻰ ﻣﻦ ﺑﺎﺏ ﺍﻟﻤﻄﺒﺦ ﻭﺍﻧﻲ ﻧﻔﻀﻴﻪ
ﻣﻌﺎﺩ : ﺑﺎﻩ ﻭﺍﻧﺘﻲ ﻧﺒﻴﻚ ﺑﺎﻩ
ﺳﺮﻭﺭ : ﺑﺎﻩ ﺑﺎﻩ
ﻃﻠﻊ ﻣﻌﺎﺩ ﻭﻟﻒ ﻣﻦ ﺍﻟﺠﻨﺎﻥ ﺍﻟﺨﻠﻔﻲ ﻭﺧﺶ ﻟﻠﻤﻄﺒﺦ
ﺳﺮﻭﺭ ﺳﻜﺮﺕ ﺑﺎﺏ ﺍﻟﻤﻄﺒﺦ : ﺷﻦ ﺗﺒﻲ
ﻣﻌﺎﺩ : ﻧﺒﻴﻚ ﺗﺪﻳﺮﻱ ﺣﺎﺟﺔ ﻟﻨﺮﺟﺲ ﺗﺎﻛﻠﻬﺎ ﺗﻮﺍ ﺩﺍﺧﺖ
ﺳﺮﻭﺭ : ﻭﺗﺎﻛﻠﻬﺎ ؟ ﻗﺪﺭﺕ ﺗﻘﻨﻌﻬﺎ ؟
ﻣﻌﺎﺩ : ﺍﻳﻪ ﺗﻮ ﺗﺎﻛﻞ ﻏﺼﺒﻦ ﻋﻨﻬﺎ
ﺳﺮﻭﺭ : ﺑﺎﻩ ﻣﺎﻧﻌﺮﻓﺶ ﺷﻦ ﻧﺪﻳﺮ ﻧﺪﻳﺮﻟﻬﺎ ﺳﻨﺪﻭﺗﺶ
ﻣﻌﺎﺩ : ﺑﺎﻩ ﺩﻳﺮﻱ
ﺩﺍﺭﺕ ﺳﺮﻭﺭ ﺳﻨﺪﻭﺗﺶ ﻭﻣﻌﺎﺩ ﻗﻌﺪ ﻳﺤﻮﺱ ﻣﻌﺎﻫﺎ ﻭﺗﻰ ﻋﺼﻴﺮ ﻭﺳﻔﺮﺓ ، ﻭﺑﻌﺪﻫﺎ ﻃﻠﻊ ﺭﻓﻌﻪ ﻟﻨﺮﺟﺲ
ﻭﻓﻌﻼ ﻏﺼﺐ ﻋﻠﻴﻬﺎ ﺗﺎﻛﻞ
ﻧﻮﺭﺱ ﺗﺸﻮﻑ ﻟﻌﺪﻧﺎﻥ ﻭﺗﺒﻜﻲ
ﻋﺪﻧﺎﻥ ﻗﻌﻤﺰ ﺟﻨﺒﻬﺎ ﺣﻀﻨﻬﺎ ﻭﻗﻌﺪ ﻳﻤﺴﺢ ﻋﻠﻲ ﺷﻌﺮﻫﺎ : ﻣﺎﺗﺨﻮﻓﻴﻨﻴﺶ ﻋﻠﻴﻚ ﻳﺎﺣﺒﻴﺒﻲ
ﻧﻮﺭﺱ ﺑﻜﺖ ﻟﺤﺪ ﻣﺎﺣﺴﺖ ﺭﻭﺣﻬﺎ ﻫﺪﺕ ﺷﻮﻳﺔ ﺑﻌﺪﺕ ﻣﻦ ﻋﺪﻧﺎﻥ : ﻣﺶ ﻗﺎﺩﺭﺓ ﻧﺼﺪﻕ ﻳﺎﻋﺪﻧﺎﻥ
ﻋﺪﻧﺎﻥ ﺷﺪ ﻳﺪﻳﻬﺎ : ﻗﺪﺭ ﺍﻟﻠﻪ ﻭﻣﺎﺷﺎﺀ ﻓﻌﻞ ﻳﺎﺣﺒﻴﺒﺘﻲ ﺍﻧﺘﻲ ﻫﻜﻲ ﺗﺨﻠﻲ ﻓﻲ ﺍﻣﻚ ﻣﺶ ﻣﺮﺗﺎﺣﺔ ﻓﻲ ﻗﺒﺮﻫﺎ ﻣﺎﻓﻴﺶ ﺷﻲ ﻳﻨﻔﻌﻬﺎ ﺍﻻ ﺍﻟﺪﻋﺎﺀ ، ﺍﺩﻋﻴﻠﻬﺎ ﺑﺎﻟﺮﺣﻤﺔ ، ﻭﺑﻌﺪﻳﻦ ﺍﻧﺘﻲ ﺷﻔﺘﻲ ﺑﻌﻴﻨﻚ ﺍﻟﻌﺬﺍﺏ ﺍﻟﻲ ﻛﺎﻧﺖ ﻓﻴﻪ ﻭﻗﺖ ﻣﺮﻳﻀﺔ ﻣﺴﻜﻴﻨﻪ ﻣﻤﻜﻦ ﺗﻜﻮﻥ ﺍﺭﺗﺎﺣﺖ ﺍﻓﻀﻞ
ﻧﻮﺭﺱ : ﺑﺲ ﺷﻮﻑ ﺍﻟﺤﻮﺵ ﻛﻴﻒ ﻣﻈﻠﻢ ﻣﻦ ﻏﻴﺮﻫﺎ
ﻋﺪﻧﺎﻥ : ﺭﺑﻲ ﻳﻐﻔﺮﻟﻬﺎ ﻭﻳﺮﺣﻤﻬﺎ ﺍﻥ ﺷﺎﺀ ﺍﻟﻠﻪ ، ﺑﺲ ﺣﺘﻰ ﺍﻧﺘﻲ ﺣﻮﺷﻚ ﻣﻈﻠﻢ ﻣﻦ ﻏﻴﺮﻙ
ﻧﻮﺭﺱ ﻧﺰﻟﺖ ﺭﺍﺳﻬﺎ ﻭﺑﻌﺪﻫﺎ ﺷﺎﻓﺘﻠﻪ : ﻧﺒﻲ ﻧﺮﻭﺡ
ﻋﺪﻧﺎﻥ ﺑﺤﻤﺎﺱ : ﻟﻠﺤﻮﺵ ؟؟
ﻧﻮﺭﺱ : ﺍﻳﻪ ﻣﺶ ﻣﺘﺤﻤﻠﺔ ﻧﻘﻌﺪ ﺍﻫﻨﻲ ﻋﺪﻧﺎﻥ ﺭﻭﺡ ﺑﻴﺎ
ﻋﺪﻧﺎﻥ : ﺣﺎﺿﺮ ﻧﺮﻭﺣﻮ ﺗﻮﺍ
ﻧﻮﺭﺱ : ﺧﻠﻴﻨﺎ ﺑﻌﺪﻳﻦ ﺑﺎﻟﻠﻴﻞ ﻟﻮ ﺗﻘﺪﺭ
ﻋﺪﻧﺎﻥ : ﺧﻼﺹ ﻛﻴﻒ ﻣﺎﺗﺒﻲ ، ﺍﺑﺘﺴﻤﻠﻬﺎ ﻭﻃﺒﺲ ﺑﺎﺳﻬﺎ ﻋﻠﻲ ﺧﺪﻫﺎ
ﻧﻮﺭﺱ ﺷﺎﻓﺘﻠﻪ ﻭﺍﺑﺘﺴﻤﺖ
ﻋﺪﻧﺎﻥ ﺑﺎﺍﺑﺘﺴﺎﻣﻪ : ﻫﻲ ﺧﻠﻲ ﻧﻤﺸﻲ ﺍﻧﻲ ﻭﺧﻠﻲ ﺑﺎﻟﻚ ﻉ ﺭﻭﺣﻚ
ﻧﻮﺭﺱ : ﺍﻥ ﺷﺎﺀ ﺍﻟﻠﻪ
ﻋﺪﻧﺎﻥ ﻃﻠﻊ ﻣﻦ ﺍﻟﺪﺍﺭ ﻭﻧﺎﺩﻯ ﻋﻠﻲ ﻋﻠﻴﺎ ﺑﺎﺵ ﻃﻠﻊ ﻣﻦ ﺍﻟﺤﻮﺵ
ﻭﻓﻌﻼ ﻓﻲ ﺍﻟﻠﻴﻞ ﺭﻭﺣﺖ ﻧﻮﺭﺱ ﻟﺤﻮﺷﻬﺎ ﻭﻧﻮﺍﻝ ﺭﻭﺣﺖ ﺗﺎﻧﻲ ﻳﻮﻡ
ﻗﻌﺪﻭ ﻳﺠﻮ ﻛﻞ ﻳﻮﻡ ﻟﻌﻨﺪ ﺍﻟﻠﻴﻞ ، ﻭﺍﻣﺸﻮ ﺍﻻﻳﺎﻡ
ﻗﻌﺪﺕ ﺍﻧﻲ ﻭﺧﺎﻟﺘﻲ ﻭﺳﺮﻭﺭ ﺑﻨﺘﻬﺎ ﻭﻳﺒﺎﺕ ﻣﻌﺎﻧﺎ ﻣﻌﺎﺩ ﻭﻋﻤﺘﻲ ﻭﻋﻠﻴﺎ ﻧﺒﺎﺗﻮ ﻓﻲ ﺍﻟﺤﻮﺵ
ﻭﺍﻟﺒﺎﻗﻲ ﻳﺠﻮ ﻛﻞ ﻳﻮﻡ ﻣﻦ ﺍﻟﺼﺒﺢ ﻟﺤﺪ ﻣﺎﺳﻜﺮﺕ ﺷﻬﺮ
ﺍﻣﺸﻲ ﺷﻬﺮ ﻭﺷﻬﺮﻳﻦ ﻭﺗﻼﺗﻪ ﺷﻬﻮﺭ
ﺍﻟﻴﻮﻡ ﻣﺎﻣﺎ ﺳﻜﺮﺕ ﺗﻼﺗﻪ ﺷﻬﻮﺭ
ﺍﻟﻮﻗﺖ ﻳﻤﺮ ﺑﺴﺮﻋﻪ ﺳﺒﺤﺎﻥ ﺍﻟﻠﻪ ﻭﺍﻟﻮﺟﻊ ﻓﻲ ﺍﻟﻘﻠﺐ ﻛﺎﺍﻧﻪ ﻗﺎﻋﺪ ﺍﻣﺲ ﻭﻣﺎﺗﻌﻮﺩﻧﺎﺵ ﻋﻠﻲ ﻏﻴﺎﺏ ﻣﺎﻣﺎ
ﻟﻴﺎ ﺗﻼﺗﻪ ﺷﻬﻮﺭ ﻧﺒﺎﺕ ﻣﻊ ﻧﺮﺟﺲ ﻭﺧﺎﻟﺘﻲ ﻣﺎﺳﻴﺒﺘﻨﺎﺵ ﻭﺍﻳﻀﺎ ﻋﻤﺘﻲ ، ﻣﺎﺭﻭﺣﺘﺶ ﻟﺤﻮﺷﻲ ﺑﻜﻞ
ﻭﻟﻴﺪ ﺻﺎﺑﺮ ﻣﻌﺎﻱ ﻭﻳﺠﻴﻨﻲ ﻛﻞ ﻳﻮﻡ
ﺧﺎﻟﺘﻲ : ﻳﺎﺑﻨﺘﻲ ﺭﻭﺣﻲ ﻟﺮﺍﺟﻠﻚ ﻭﺍﻟﻠﻪ ﻏﻴﺮ ﻫﻮ ﻣﺎﺷﺎﺀ ﺍﻟﻠﻪ ﻋﻠﻴﻪ ﻭﺻﺎﺑﺮ ﻋﻠﻴﻚ ﻭﺍﻟﻠﻪ ﻟﻮ ﺭﺍﺟﻞ ﺗﺎﻧﻲ ﻣﺎﻫﻮ ﺻﺎﺑﺮ ﻋﻠﻴﻚ
ﺍﻧﻲ : ﻭﺍﻟﻠﻪ ﻳﺎﺧﺎﻟﺘﻲ ﻋﺎﺭﻓﻪ ﺭﻭﺣﻲ ﻛﺜﺮﺗﻬﺎ ﻋﻠﻴﻪ ﻭﻣﺘﺤﻤﻠﻨﻲ ﻟﻜﻦ ﻧﺮﺟﺲ ﻳﺎﺧﺎﻟﺘﻲ ﻣﺶ ﻗﺎﺩﺭﺓ ﻧﺴﻴﺒﻬﺎ ﺑﺮﻭﺣﻬﺎ ﻣﺎﻣﺎ ﻛﺎﻧﺖ ﺗﻮﺻﻲ ﻓﻴﺎ ﻋﻠﻲ ﺍﺧﻮﺍﺗﻲ ﺩﻳﻤﺎ ﻧﻮﺭﺱ ﻭﻧﻮﺍﻝ ﺍﻟﺤﻤﺪ ﻟﻠﻪ ﺗﺰﻭﺟﻮ ﺑﺲ ﻧﺮﺟﺲ
ﺧﺎﻟﺘﻲ : ﺍﻫﻮ ﺍﻧﻲ ﻗﺎﻋﺪﺓ ﻣﻌﺎﻫﺎ ﺗﻮ ﺍﻧﻲ ﺑﻨﺨﻠﻴﻬﺎ ﺑﺮﻭﺣﻬﺎ ﻭﺍﻟﻠﻪ ﺍﻧﺘﻮ ﺑﻨﺎﺕ ﺍﻟﻐﺎﻟﻴﺔ ﻣﺎﺗﻔﺮﻗﺶ ﻣﻌﺰﺗﻜﻢ ﻋﻠﻲ ﺑﻨﺎﺗﻲ
ﺍﻧﻲ : ﺭﺑﻲ ﻳﺨﻠﻴﻚ ﻳﺎﺧﺎﻟﺘﻲ
ﺧﺎﻟﺘﻲ : ﺭﻭﺣﻲ ﻳﺎﺑﻨﺘﻲ ﻟﺮﺍﺟﻠﻚ ﺣﺘﻰ ﺣﺮﺍﻡ ﻋﻠﻴﻚ ﺣﺎﺭﻣﺘﻴﻪ ﻣﻦ ﺣﻘﻮﻗﻪ ﺍﺻﻼ ﻭﺷﻮﻓﻲ ﺣﻮﺷﻚ
ﺍﻧﻲ : ﻫﻮ ﺍﻟﺘﺎﺭﻳﺦ ﺍﻟﻴﻮﻡ ﻛﻢ
ﺧﺎﻟﺘﻲ : 11
ﺍﻧﻲ : ﻣﺰﺍﻝ ﺍﺭﺑﻌﻪ ﺍﻳﺎﻡ ﻋﻠﻲ ﻋﻤﻠﻴﺘﻲ ﺑﺲ
ﺧﺎﻟﺘﻲ : ﻭﻭﺗﻴﺘﻲ ﺷﻨﻄﺘﻚ ﻋﻼﺵ ﻳﺎﺑﻨﺖ ﻣﺎﻗﻠﺘﻲ
ﺍﻧﻲ : ﻣﺶ ﻋﺎﺭﻓﻪ ﻳﺎﺧﺎﻟﺘﻲ ﺻﺢ ﻣﺘﺄﻣﻠﺔ ﻭﻓﺮﺣﺎﻧﻪ ﺍﻧﻪ ﺣﻴﺠﻴﻨﻲ ﺑﻴﺒﻲ ﺑﺲ ﻣﺎﻣﺎ ﻛﺎﻧﺖ ﺣﺘﻔﺮﺡ ﻭﻗﺖ ﺗﺸﺪﻩ ﺑﻴﻦ ﻳﺪﻳﻬﺎ ﻭﺗﻌﻠﻤﻨﻲ ﻛﻴﻒ ﻧﺘﻌﺎﻣﻞ ﻣﻌﺎﻩ ﻭﻧﺪﻭﺷﻠﻪ ﻭﻧﻠﺒﺴﻪ ، ﻭﺧﻨﻘﺘﻨﻲ ﺍﻟﻌﺒﺮﺓ ﺩﻣﻮﻋﻲ ﻧﺰﻟﻮ
ﺧﺎﻟﺘﻲ : ﺭﺑﻲ ﻳﻐﻔﺮﻟﻬﺎ ﻭﻳﺮﺣﻤﻬﺎ ﻳﺎﺑﻨﻴﺘﻲ ، ﺍﻧﻲ ﻣﻮﺟﻮﺩﺓ ﺍﻋﺘﺒﺮﻳﻨﻲ ﺯﻱ ﺍﻣﻚ ، ﺍﻧﺘﻲ ﺷﺎﺭﻳﺔ ﺣﺎﺟﺎﺕ ﺍﻟﺒﻴﺒﻲ ﻭﺍﻻ ؟
ﺍﻧﻲ : ﺷﺎﺭﻳﺔ ﺷﻮﻳﺔ ﺣﺎﺟﺎﺕ ﺑﺲ ﻣﺶ ﻣﻮﺗﻴﺔ ﺷﻨﻄﺔ ﻻﺷﻲ ﺍﺻﻼ ﺍﻣﺘﻰ ﺭﻭﺣﺖ
ﺧﺎﻟﺘﻲ : ﺍﻟﻴﻮﻡ ﺗﺮﻭﺣﻲ ﻟﺤﻮﺷﻚ ﻻﺯﻡ ﺷﻮﻓﻲ ﺭﺍﺟﻠﻚ ﻭﺣﻮﺷﻚ ﻭﻭﺗﻲ ﺷﻨﻄﺘﻚ ﺍﻧﺘﻲ ﻋﻠﻲ ﺑﺎﺏ ﺟﻴﺎﺏ
ﺍﻧﻲ : ﻣﺎﻧﻌﺮﻓﺶ ﺷﻦ ﻧﺤﻂ ﻭﺷﻦ ﻣﺎﻧﺤﻄﺶ
ﺧﺎﻟﺘﻲ : ﺗﻮ ﻧﻘﻮﻟﻚ ﺍﻧﻲ
ﻭﻗﻌﺪ ﺧﺎﻟﺘﻲ ﺗﺸﺮﺣﻠﻲ ﻭﺗﻘﻮﻟﻲ ﺷﻦ ﻧﺤﻂ ﺑﺸﻨﻄﺔ ﻟﻠﻤﺴﺘﺸﻔﻰ ، ﻭﻗﺮﺭﺕ ﺑﻨﺮﻭﺡ ﺍﻟﻴﻮﻡ ﻟﺤﻮﺷﻲ
ﺍﻟﺤﻖ ﺍﺳﺘﺎﺣﺸﺖ ﺭﺍﺟﻠﻲ ﻭﺣﻮﺷﻲ ﻭﻗﺼﺮﺕ ﻓﻲ ﺣﻖ ﻭﻟﻴﺪ ﻫﻠﺒﺎ ﺍﺗﺼﻠﺖ ﺑﻴﻪ ﻋﻠﻰ ﻃﻮﻝ : ﺣﺒﻴﺒﻲ ﺗﻘﺪﺭ ﺗﺠﻴﻨﻲ
ﻭﻟﻴﺪ : ﺗﺒﻲ ﺣﺎﺟﺔ ؟
ﺍﻧﻲ : ﺍﻳﻪ ﻧﺒﻲ ﻧﺮﻭﺡ ﻟﻠﺤﻮﺵ
ﻭﻟﻴﺪ : ﺟﺪﻳﺎﺍﺕ ﺑﺘﺮﻭﻭﺣﻲ ﻗﺼﺪﻙ ﻣﻌﺎﻱ ﻟﺤﻮﻭﺷﻨﺎ
ﺍﻧﻲ ﺍﺑﺘﺴﻤﺖ : ﺍﻳﻪ
ﻭﻟﻴﺪ : ﻭﺍﺧﻴﺮﺍ ﻳﺎﺣﺒﻴﺒﺘﻲ ﺑﺘﻨﻮﺭﻳﻠﻲ ﺣﻮﺷﻚ ﻣﻦ ﺟﺪﻳﺪ ﻭﺍﻟﻠﻪ ﻛﺮﻫﺘﻪ ﺍﻟﺤﻮﺵ ﻣﻦ ﻏﻴﺮﻙ ﻣﻈﻠﻢ
ﺍﻧﻲ : ﺭﺑﻲ ﻳﺨﻠﻴﻚ ﻟﻴﺎ
ﻭﻟﻴﺪ : ﺍﻋﻄﻴﻨﻲ ﺳﺎﻋﺘﻴﻦ ﻫﻜﻲ ﻭﻧﺠﻴﻚ
ﺍﻧﻲ : ﺑﺎﻩ ﺗﻤﺎﻡ ﺧﻠﻲ ﺑﺎﻟﻚ ﻉ ﺭﻭﺣﻚ
ﻭﻟﻴﺪ : ﺣﺘﻰ ﺍﻧﺘﻲ ﻧﺤﺒﺒﺒﺒﺒﺒﺒﺒﻚ ﻫﻲ ﺳﻼﻡ
ﺍﻧﻲ : ﻫﻬﻬﻬﻪ ﺳﻼﻡ
ﺧﺎﻟﺘﻲ : ﺑﻴﺠﻴﻚ
ﺍﻧﻲ ﻣﺒﺘﺴﻤﻪ : ﺍﻳﻪ ﻗﺎﻟﻲ ﺍﻋﻄﻴﻨﻲ ﺳﺎﻋﺘﻴﻦ ﺗﺎﻧﻴﺎﺕ
ﺧﺎﻟﺘﻲ : ﻓﺮﺣﺎﻥ ﻭﺍﻻ ﻣﺴﻜﻴﻦ ﻭﺍﻟﻠﻪ ﻣﺘﺤﻤﻠﻚ ﻻﻧﻪ ﻳﺤﺒﻚ ﺭﺑﻲ ﻳﺨﻠﻴﻜﻢ ﺍﻟﺒﻌﺾ ﻭﻳﺮﺯﻗﻜﻢ ﺑﺎﻟﺬﺭﻳﺔ ﺍﻟﺼﺎﻟﺤﺔ ﻳﺎﺭﺏ
ﺍﻧﻲ : ﺍﻥ ﺷﺎﺀ ﺍﻟﻠﻪ ﻳﺎﺭﺏ ، ﻧﻤﺸﻲ ﻧﺪﻳﺮ ﺩﻭﺭﺓ ﻋﻠﻲ ﺭﻭﺣﻲ ﻭﻧﺎﺧﺪ ﻣﻼﺑﺴﻲ
ﺧﺎﻟﺘﻲ : ﺧﻠﻴﻚ ﺍﺳﺘﻨﻲ ﺷﻮﻳﺔ ﺑﻨﻔﺘﺢ ﻣﻮﺿﻮﻉ ﻣﻊ ﻧﺮﺟﺲ
ﺍﻧﻲ ﻭﻟﻴﺖ ﻗﻌﻤﺰﺕ : ﺍﻥ ﺷﺎﺀ ﺍﻟﻠﻪ ﺧﻴﺮ
ﺧﺎﻟﺘﻲ : ﺧﻴﺮ ﺧﻴﺮ ﻧﺮﺭﺭﺭﺭﺟﺲ ﻳﺎﻧﺮﺭﺭﺟﺲ
ﻧﺮﺟﺲ : ﻧﻌﻤﻤﻢ
ﺧﺎﻟﺘﻲ : ﺗﻌﺎﻟﻲ ﺳﻠﻢ ﺑﻨﺘﻲ
ﻧﺮﺟﺲ ﺟﺖ : ﻧﻌﻢ
ﺧﺎﻟﺘﻲ : ﺗﻌﺎﻟﻲ ﻗﻌﻤﺰﻱ ﺟﻨﺒﻲ ، ﺷﻮﻓﻲ ﻳﺎﻧﺮﺟﺲ ﺍﻧﺘﻲ ﺯﻱ ﺑﻨﻴﺘﻲ ﺑﺎﻩ ﻭﻣﻌﺰﺗﻚ ﺧﺎﺻﺔ ﻋﻨﺪﻱ ﻭﺩﻳﻤﺎ ﻧﺒﻴﻠﻚ ﺍﻟﺨﻴﺮ ﺟﺎﻳﺒﺘﻠﻚ ﻣﻮﺿﻮﻉ ﻭﻧﺒﻲ ﺭﺍﻳﻚ
ﻧﺮﺟﺲ : ﺍﻥ ﺷﺎﺀ ﺍﻟﻠﻪ ﺧﻴﺮ ﺷﻦ ﻫﻮ ؟
ﺧﺎﻟﺘﻲ : ﻧﺒﻴﻚ ﺗﻔﻜﺮﻱ ﻛﻮﻳﺲ ﻗﺒﻞ ﻣﺎﺗﺮﺩﻱ ﻋﻠﻴﺎ ، ﺍﻣﺲ ﻣﻌﺎﺩ ﻛﻠﻤﻨﻲ ﻓﻲ ﻣﻮﺿﻮﻉ ﻭﺍﻟﺤﻖ ﺍﻧﻲ ﻓﺮﺭﺣﺖ ﺑﻴﻴﻪ ﻟﻴﻦ ﺧﻼﺹ ، ﺍﻧﺘﻲ ﺷﻦ ﺭﺍﻳﻚ ﻓﻲ ﻭﻟﺪﻱ ﻣﻌﺎﺩ
ﻧﺮﺟﺲ ﺑﺎﺳﺘﻐﺮﺍﺏ : ﻣﻦ ﺍﻱ ﻧﺎﺣﻴﺔ
ﺧﺎﻟﺘﻲ : ﻣﻌﺎﺩ ﺣﺎﻁ ﻋﻴﻨﻪ ﻋﻠﻴﻚ ﻭﻗﺎﻟﻲ ﻛﻠﻤﻴﻬﺎﻟﻲ ﻭﻳﺒﻲ ﻳﺪﻳﺮ ﺧﻄﻮﺑﺔ ﺑﺴﻴﻄﺔ ﻭﻳﻘﺮﺍ ﺍﻟﻔﺎﺗﺤﺔ
ﻧﺮﺟﺲ ﻗﻌﺪﺕ ﺗﺸﻮﻑ ﻟﺨﺎﻟﺘﻲ ﻣﺼﺪﻭﻣﺔ
ﺧﺎﻟﺘﻲ : ﻓﻜﺮﻱ ﻛﻮﻳﺲ ﻭﻣﺎﺗﺴﺘﻌﺠﻠﻴﺶ
ﻧﺮﺟﺲ ﺑﺼﺪﻣﺔ : ﻗﺼﺪﻱ ﻣﻌﺎﺩ ﺯﻱ ﺧﻮﻱ
ﺧﺎﻟﺘﻲ : ﻗﻠﺘﻠﻚ ﻓﻜﺮﻱ ﻛﻮﻳﺲ ﻗﺒﻞ ﻣﺎﺗﻘﻮﻟﻲ ﺍﻱ ﺭﺩ ﺳﻠﻢ ﺑﻨﻴﺘﻲ
ﻧﺮﺟﺲ ﺳﻜﺘﺖ ﻭﻣﺼﺪﻭﻣﺔ ﻻﻧﻬﺎ ﻣﺶ ﻣﺘﻮﻗﻌﺔ ﺑﻜﻞ
ﺍﻧﻲ ﻗﻌﺪﺕ ﻧﺸﻮﻓﻠﻬﺎ ﺣﺴﻴﺖ ﺑﺸﻌﻮﺭﻫﺎ ، ﻭﻗﺖ ﺗﻜﻮﻧﻲ ﺗﺤﺒﻲ ﺷﺨﺺ ﻭﺩﻳﻤﺎ ﻣﺘﺄﻣﻠﺔ ﺍﻧﻪ ﺣﻴﻜﻮﻥ ﻣﻌﺎﻙ ﻃﻮﻝ ﺍﻟﻌﻤﺮ ﻳﻤﺸﻲ ﻟﻐﻴﺮﻙ ﻭﻳﺠﻤﻌﻚ ﺍﻟﻨﺼﻴﺐ ﺑﻐﻴﺮﻩ
ﺧﺎﻟﺘﻲ : ﺻﻠﻲ ﺍﺳﺘﺨﺎﺭﺓ ﻭﻣﺎﺗﺴﺘﻌﺠﻠﻴﺶ ﺳﻠﻢ ﺑﻨﻴﺘﻲ
ﻧﺮﺟﺲ : ﺍﻥ ﺷﺎﺀ ﺍﻟﻠﻪ ﺣﺎﺿﺮ ، ﻭﻭﻗﻘﺖ ﺳﻴﺒﺘﻨﺎ ﻭﺭﻛﺒﺖ ﻟﺪﺍﺭﻫﺎ
ﻗﻌﻤﺰﺕ ﻋﻠﻲ ﺳﺮﻳﺮﻫﺎ ﻭﺗﻔﻜﺮ ﻓﻲ ﺍﻟﻤﻮﺿﻮﻉ ﺍﻟﺼﺪﻣﺔ ﺍﻟﻲ ﺟﺎﺑﺘﻬﻮﻟﻬﺎ ﺧﺎﻟﺘﻲ ﻭﺍﻟﻲ ﻣﻤﻜﻦ ﻣﺎﺗﻮﻗﻌﺘﺎﺷﻲ ﺑﻜﻞ
ﻟﻠﺤﻈﺔ ﻧﺴﺖ ﺣﺴﻦ ﻭﻛﻞ ﻣﻮﺍﻗﻔﻪ ﻭﻗﻌﺪ ﻳﻤﺮ ﻋﻠﻴﻬﺎ ﺷﺮﻳﻂ ﻣﻮﺍﻗﻒ ﻣﻌﺎﺩ ﻣﻌﺎﻫﺎ ﻭﻭﻗﻮﻓﻪ ﻣﻌﺎﻫﺎ ﻫﻠﺒﺎ ﻭﻣﺎﺳﻴﺒﻬﺎﺵ ﻭﺣﺘﻰ ﻭﻫﻲ ﻏﺎﻟﻄﺔ
ﺑﺲ ﻣﺎﻛﻤﻠﺘﺶ ﺳﺮﺣﺎﻧﻬﺎ ﺍﻻ ﻭﺑﺘﻠﻴﻔﻮﻧﻬﺎ ﺷﺮﻳﻦ ، ﻗﺎﻣﺎﺗﻪ ﻭﻭﻗﺖ ﺷﺎﻓﺖ ﺍﺳﻤﻪ ﺧﻨﻘﺘﻬﺎ ﺍﻟﻌﺒﺮﺓ ﻗﻌﺪﺕ ﺗﺸﻮﻑ ﻟﻠﺮﻗﻢ ﻟﻴﻦ ﻓﺼﻞ ﺍﻟﺨﻂ ، ﺣﻄﺖ ﺍﻟﺘﻠﻴﻔﻮﻥ ﻭﻗﻌﺪﺕ ﺗﺒﻜﻲ ﻭﺗﻔﻜﺮ
ﺍﻣﺎ ﻫﻮ ﻟﻤﺎ ﻣﺎﺭﺩﺗﺶ ﻋﻠﻴﻪ ﻓﻜﺘﺐ ﺭﻗﻢ ﻭﺍﺗﺼﻞ : ﺍﻟﻮ
ﻫﻲ : ﺍﻫﻠﻴﻴﻦ ﺣﺴﻮﻭﻧﺘﻲ ﻛﻴﻒ ﺣﺎﻟﻚ
ﺣﺴﻦ : ﻗﻠﺘﻠﻚ ﺃﻣﻴﺮﺓ ﺃﻧﻲ ﺟﺎﻱ ﻏﺪﻭﺓ ﺑﻨﺤﺪﺩ ﺍﻟﻌﺮﺱ ﺍﻣﺘﻰ ﻭﻣﺎﻧﺒﻴﺶ ﻧﺘﺎﺧﺮ ﺑﻨﺪﻳﺮ ﺍﻟﻌﺮﺱ ﻭﺑﻨﻤﺸﻮ ﻟﻄﺮﺍﺑﻠﺲ
ﺃﻣﻴﺮﺓ ﺑﻔﺮﺣﺔ : ﺗﻔﻀﻞ ﻣﺮﺣﺒﺘﻴﻦ ﺑﻴﻚ ﻳﺎﻏﺎﻟﻲ
ﺣﺴﻦ : ﺑﺎﻩ ﺍﻣﺎﻻ ﺍﻧﻲ ﻣﺶ ﻓﺎﺿﻲ ﺗﻮﺍ
ﺃﻣﻴﺮﺓ : ﺭﺑﻲ ﻳﻌﺎﻭﻧﻚ ﺧﻠﻲ ﺑﺎﻟﻚ ﻉ ﺭﻭﺣﻚ
ﺣﺴﻦ : ﺣﺘﻰ ﺍﻧﺘﻲ ﻫﻲ ﺳﻼﻡ
ﺃﻣﻴﺮﺓ : ﻓﻲ ﺣﻔﻆ ﺍﻟﻠﻪ ﺣﺒﻴﺒﻲ ، ﺳﻜﺮﺕ ﻣﻨﻪ ﻭﻗﻌﺪﺕ ﺗﻨﻂ ﻣﻦ ﺍﻟﻔﺮﺣﺔ ، ﻭﻗﺎﻟﺖ ﻻﻣﻬﺎ
،،،،
ﺍﻣﺎ ﺍﻧﻲ ﻓﻘﻌﺪﺕ ﻧﻮﺗﻲ ﻓﻲ ﺭﻭﺣﻲ ﻭﺍﺳﻴﺖ ﺷﻌﺮﻱ ﻭﺩﺭﺕ ﺷﻮﻳﺔ ﻣﻴﻚ ﺍﺏ
ﺍﻟﺤﻖ ﻗﺎﻋﺪ ﻭﺟﻊ ﻣﺎﻣﺎ ﻓﻲ ﺩﺍﺧﻠﻲ ﻛﺒﻴﺮ ﺑﺲ ﻣﺶ ﺫﻧﺐ ﻭﻟﻴﺪ ﻧﻌﻴﺸﻪ ﻓﻲ ﺣﺰﻥ ﻣﻌﺎﻱ ﻭﺍﻧﻜﺪ ﻋﻠﻴﻪ
ﻣﺮﻭ ﺳﺎﻋﺘﻴﻦ ﺑﺴﺮﻋﻪ ﻭﺟﺎﻧﻲ ﻭﻟﻴﺪ
ﺳﻠﻤﺖ ﻋﻠﻲ ﺧﺎﻟﺘﻲ ﻭﻋﻠﻲ ﻧﺮﺟﺲ ﻭﻃﻠﻌﺘﻠﻪ
ﻭﻟﻴﺪ ﻓﺘﺤﻠﻲ ﺑﺎﺏ ﺍﻟﺴﻴﺎﺭﺓ ﻭﻣﺒﺘﺴﻢ
ﺍﺑﺘﺴﻤﺖ ﻻﺍﺭﺍﺩﻳﺎ ﻋﻠﻲ ﻓﺮﺣﺘﻪ
ﻭﻟﻴﺪ ﺭﻛﺐ : ﻧﻮﺭﺗﻲ ﺳﻴﺎﺭﺗﻲ ﻳﺎﻣﺸﻔﺸﻔﻪ ، ﻭﺷﺪ ﻳﺪﻱ ﺑﺎﺳﻬﺎ ﻭﺣﻄﻬﺎ ﻉ ﺍﻟﻤﺎﺭﺷﺔ
ﺍﻧﻲ ﻣﺒﺘﺴﻤﻪ : ﺩﻭﻡ ﺍﻟﻔﺮﺣﺔ
ﻭﻟﻴﺪ : ﻓﺮﺣﺘﻲ ﻣﻌﺎﻙ ﺍﻧﺘﻲ ﻭﺑﺲ ﻣﺶ ﺣﺮﺍﻡ ﻋﻠﻴﻚ ﻫﻜﻲ ﺣﺎﺭﻣﺘﻴﻨﻲ ﻣﻨﻚ
ﺍﻧﻲ : ﻫﻬﻪ ﺣﺎﺿﺮ ﻣﻌﺎﺵ ﻧﺤﺮﻣﻚ ﻣﺮﺓ ﺗﺎﻧﻴﻪ
ﻭﻣﺸﻴﻨﺎ ﻃﻮﻝ ﺍﻟﻄﺮﻳﻖ ﻧﺤﻜﻮ ﻣﻊ ﺑﻌﺾ ﻭﻣﺎﺣﺴﻴﺘﺶ ﺣﺘﻰ ﺑﺎﻟﻄﺮﻳﻖ ﻭﺻﻠﻨﺎ ﻟﻠﺤﻮﺵ
ﺍﻧﻲ : ﺣﺒﻴﺒﻲ ﻋﻤﺘﻲ ﻗﺎﻋﺪﺓ ﻧﺨﺶ ﻧﺴﻠﻢ ﻋﻠﻴﻬﺎ
ﻭﻟﻴﺪ : ﺑﻌﺪﻳﻦ ﺳﻠﻤﻲ ﻋﻠﻴﻬﺎ ﺍﺭﻛﺒﻲ ﻃﻮﻝ
ﺍﻧﻲ : ﺑﺲ ﻋﻴﻴﺐ ﻫﻜﻲ ﻧﺮﻭﺡ ﻭﻣﺎﻧﺴﻠﻤﺶ ..
ﻭﻟﻴﺪ ﻗﺎﻃﻌﻨﻲ ﻭﺷﺪ ﻳﺪﻱ : ﻣﺶ ﻋﻴﻴﺐ ﺗﻌﺎﻟﻲ ﺑﺲ
ﺍﻧﻲ : ﺩﺧﻠﻴﺶ ﺭﺍﻫﻮ ﺑﻌﺪﻳﻦ ﺑﻨﻘﻮﻟﻠﻬﺎ ﻫﺪﺍ ﻭﻟﺪﻙ ﺍﻟﻤﺠﻨﻮﻥ ﻣﺎﺧﻼﻧﻴﺶ ﻧﺨﺸﻠﻚ
ﻭﻟﻴﺪ : ﺑﺘﻘﻮﻟﻚ ﺍﻧﺘﻲ ﺍﻟﻲ ﺟﻨﻨﺘﻴﻪ ﻭﻟﺪﻱ
ﺍﻧﻲ : ﻫﻬﻬﻬﻪ ﻭﺍﻟﻠﻪ ﻧﻘﻮﻟﻬﺎ ﻣﻦ ﻳﻮﻡ ﻋﺮﻓﺘﻪ ﻣﺠﻨﻮﻥ
ﺭﻛﺒﻨﺎ ﻓﻮﻕ ، ﻭﺍﻭﻝ ﻣﺎﻓﺘﺢ ﻭﻟﻴﺪ ﺍﻟﺒﺎﺏ ﺧﻼﻧﻲ ﻧﺨﺶ ﺍﻧﻲ ﺍﻻﻭﻟﻰ
ﻛﺎﻥ ﻣﻈﻠﻢ ﺍﻟﺤﻮﺵ ، ﻓﺘﺢ ﻭﻟﻴﺪ ﺍﻟﻀﻲ
ﺣﻄﻴﺖ ﻳﺪﻱ ﻋﻠﻲ ﻓﻤﻲ ﻣﻦ ﺍﻟﺼﺪﻣﺔ
ﻛﺎﻥ ﺍﻟﺤﻮﺵ ﻣﺰﻳﻦ ﻛﻠﻪ ﻭﺩﺍﻳﺮ ﻣﺒﺎﻳﻞ ﻭﻭﺭﺩ ﻭﺣﻠﻮ ﻫﻠﺒﺎ ، ﻗﺪﻣﺖ ﻭﺻﻠﺖ ﻟﻄﺎﻭﻟﺔ ﻓﻴﻬﺎ ﻛﻴﻜﺔ ﻭﻣﺰﻳﻨﻪ ﻛﻠﻬﺎ
ﻭﻟﻴﺪ ﻣﻦ ﻭﺭﺍﻱ : ﻛﻞ ﺳﻨﻪ ﻭﺍﻧﺘﻲ ﺣﺒﻴﺒﺘﻲ ﻭﻋﻤﺮﻱ ﻭﺣﻴﺎﺗﻲ
ﺍﻧﻲ : ﺑﺲ ﻣﺶ ﻋﻴﺪ ﻣﻴﻼﺩﻱ
ﻭﻟﻴﺪ ﻟﻒ ﻳﺪﻳﻪ ﻋﻠﻴﺎ : ﻋﻴﺪ ﻣﻴﻼﺩﻱ ﺍﻧﻲ ، ﻣﻴﻼﺩﻱ ﺍﻟﻲ ﻋﺮﻓﺘﻚ ﻓﻴﻪ ، ﻳﻮﻡ ﻟﻘﻴﺖ ﺣﺐ ﺣﻴﺎﺗﻲ ، ﻋﻴﺪ ﺯﻭﺍﺟﻨﺎ ﻭﺍﻟﻴﻮﻡ ﺍﻟﻲ ﺍﻭﻝ ﻣﺮﺓ ﺷﻔﺘﻚ ﻓﻴﻪ ، ﺷﺪ ﻭﺟﻬﻲ ﺑﻴﻦ ﻳﺪﻳﻪ : ﺭﺑﻲ ﻣﺎﻳﺤﺮﻣﻨﻲ ﻣﻨﻚ ﻭﻻ ﻣﻦ ﺣﺒﻚ ، ﺍﻟﺤﻮﺵ ﻣﺎﻛﻨﺘﺶ ﻧﻘﺪﺭ ﻧﺒﺎﺕ ﻓﻴﻪ ﻣﻦ ﻏﻴﺮﻙ ، ﻣﻈﻠﻢ ﻣﺶ ﺣﻠﻮ ﺑﻜﻞ
ﺍﻧﻲ ﻫﻮ ﻳﺤﻜﻲ ﻭﺩﻣﻮﻋﻲ ﻳﻨﺰﻟﻮ ﻛﻨﺖ ﻧﺎﺳﻴﺎﺗﻪ
ﻭﻟﻴﺪ ﻣﺴﺤﻠﻲ ﺩﻣﻮﻋﻲ : ﻧﺤﺒﻚ ﻳﺎﺍﻏﻠﻰ ﺷﻲ ﻓﻲ ﺣﻴﺎﺗﻲ ، ﻭﺣﻂ ﻳﺪﻩ ﻋﻠﻲ ﺑﻄﻨﻲ : ﻣﺰﺍﻝ ﺍﺭﺑﻌﻪ ﺍﻳﺎﻡ ﺑﺲ ﻭﻧﺸﻮﻑ ﺑﻨﺘﻲ
ﺍﻧﻲ : ﺭﺑﻲ ﻳﺨﻠﻴﻚ ﻟﻴﻨﺎ ﺍﺣﻨﻲ ﺍﻻﺗﻨﻴﻦ
ﻭﻟﻴﺪ : ﺍﺳﺘﺎﺍﺣﺸﺘﻚ ﻳﺎﻣﺸﻔﺸﻔﻪ
ﺍﻧﻲ : ﺍﻧﻲ ﺍﻛﺜﺮ ﻳﺎﻗﻠﺐ ﺍﻟﻤﺸﻔﺸﻔﻪ
،،،،،
ﻣﺮﻭ ﺗﻼﺗﻪ ﺍﻳﺎﻡ ﻭﺍﻧﻲ ﻗﻌﺪﺕ ﻧﻄﻠﻊ ﻧﻜﻤﻞ ﻓﻲ ﺣﺎﺟﺎﺕ ﺍﻟﺒﻴﺒﻲ ﻭﻭﺗﻴﺖ ﺷﻨﻄﺔ ﺯﻱ ﻣﺎﻭﺻﺘﻨﻲ ﺧﺎﻟﺘﻲ
ﺍﻟﺪﻛﺘﻮﺭﺓ ﻗﺎﻟﺘﻠﻲ ﻧﺠﻲ ﻗﺒﻞ ﻳﻮﻡ ﺍﻟﻌﻤﻠﻴﺔ ﻋﻠﺸﺎﻥ ﻧﺒﺎﺕ ﻓﻲ ﺍﻟﻤﺴﺘﺸﻔﻰ ﻭﺗﺎﻧﻲ ﻳﻮﻡ ﻋﻤﻠﻴﺘﻲ
ﻣﺎﻗﺪﺭﺗﺶ ﻧﺮﻗﺪ ﺑﻜﻞ ﻃﻮﻝ ﺍﻟﻠﻴﻞ ، ﻣﺸﺎﻋﺮﻱ ﻣﺘﻠﺨﺒﻄﺔ ﻓﺮﺣﺎﻧﻪ ﻭﺧﺎﻳﻔﻪ ﻓﻲ ﻧﻔﺲ ﺍﻟﻮﻗﺖ
ﺣﻨﺨﺶ ﻋﻠﻲ ﻋﻤﻠﻴﺔ ، ﺣﺘﻰ ﻣﻦ ﻭﻟﻴﺪ ﺳﻬﺮﺗﻪ ﻣﻌﺎﻱ ﻫﺪﺍﻛﺎ ﺍﻟﻴﻮﻡ
ﺟﻲ ﺗﺎﻧﻲ ﻳﻮﻡ ، ﻭﺟﻲ ﻭﻗﺖ ﺑﻴﺪﺧﻠﻮﻧﻲ ﻟﻠﻌﻤﻠﻴﺔ
ﻧﻘﺮﺍ ﻓﻲ ﻗﺮﺁﻥ ﻭﺧﺎﻳﻔﻪ ، ﻟﺒﺴﺘﻨﻲ ﺍﻟﻤﻤﺮﺿﺔ ﺭﻭﺏ ﺍﻟﻌﻤﻠﻴﺔ
ﺍﻧﻲ ﺷﺪﻳﺖ ﻳﺪ ﻭﻟﻴﺪ : ﺧﻠﻴﻚ ﺷﺎﺩ ﻓﻲ ﻳﺪﻱ ﻟﻴﻦ ﻧﺨﺸﻮ
ﻭﻟﻴﺪ : ﺣﺎﺿﺮ ﺍﺭﺧﻲ ﺭﻭﺣﻚ ﺑﺲ ﻳﺎﺣﺒﻴﺒﺘﻲ ﻣﺎﺗﺘﺸﻨﺠﻴﺶ ﻭﻣﺎﺗﺨﺎﻓﻴﺶ ﺑﺎﻫﻲ ﻳﺎﻋﻤﺮﻱ
ﺍﻧﻲ ﻗﺮﻳﺐ ﻧﺒﻜﻲ : ﺍﻥ ﺷﺎﺀ ﺍﻟﻠﻪ ﺧﺎﻳﻔﻪ ﺑﻜﻞ ﻳﺎﺣﺒﻴﺒﻲ
ﺍﻟﻤﻤﺮﺿﺔ : ﻣﺎﺗﺨﺎﻓﻴﺶ ﻳﺎﻣﺪﺍﻡ ﺍﻥ ﺷﺎﺀ ﺍﻟﻠﻪ ﺭﺑﻲ ﻳﻨﻮﺿﻚ ﺑﺎﻟﺴﻼﻣﻪ ﺑﺴﻴﻄﺔ ﺭﺍﻫﻲ
ﺍﻧﻲ : ﻳﺎﺭﺏ
ﻭﺻﻠﻨﺎ ﻋﻠﻲ ﺑﺎﺏ ﺣﺠﺮﺓ ﺍﻟﻌﻤﻠﻴﺎﺕ ، ﺷﻔﺖ ﻟﻮﻟﻴﺪ ﻭﻋﻴﻮﻧﻲ ﺯﻏﻠﻠﻮ ﺩﻣﻮﻉ ، ﻭﻟﻴﺪ ﺑﺎﺱ ﻳﺪﻱ ﻭﻫﻤﺲ ﻓﻲ ﻭﺩﻧﻲ : ﻧﺤﺒﻚ
ﺍﻧﻲ ﻋﻠﻲ ﻃﻮﻝ ﻧﺰﻟﺖ ﺩﻣﻌﺘﻲ ، ﻗﻌﺪﺕ ﻧﺸﻮﻓﻠﻪ ﻟﺤﺪ ﻣﺎﺩﺧﻠﻮﻧﻲ ﻟﻠﺤﺠﺮﺓ
ﺣﻄﻮﻧﻲ ﻉ ﺍﻟﺴﺮﻳﺮ ، ﺭﻳﺤﺔ ﺍﻟﻤﻨﻈﻔﺎﺕ ﻭﺍﻻﺩﻭﻳﺔ ،ﻗﻌﺪﺕ ﻧﺘﺄﻣﻞ ﻓﻲ ﺍﻻﺟﻬﺰﺓ ﻭﺍﻻﺩﻭﺍﺕ
ﺟﻲ ﺩﻛﺘﻮﺭ ﺍﻟﺘﺨﺪﻳﺮ ، ﺿﺮﺑﻠﻲ ﻳﺒﺮﺓ ﺍﻟﺘﺨﺪﻳﺮ
ﻗﻌﺪﺕ ﻧﺸﻮﻑ ﻟﻠﺴﻘﻒ ﻭﻧﻘﺮﺍ ﻓﻲ ﺍﻟﻤﻌﻮﺫﺍﺕ ﻭﻧﺪﻋﻲ ﻟﺤﺪ ﻋﻴﻮﻧﻲ ﺑﺪﻭ ﻳﺘﺴﻜﺮﻭ ﻣﻌﺎﺵ ﻧﻨﺪﺭﻱ ﻋﻠﻲ ﺷﻲ
ﺍﻣﺎ ﻭﻟﻴﺪ ﺑﺮﺍ ﻓﻜﺎﻥ ﻋﻠﻲ ﺍﻋﺼﺎﺑﻪ ، ﻭﻣﺘﻮﺗﺮ
ﻛﺎﻧﺖ ﺧﺎﻟﺘﻲ ﻭﻋﻤﺘﻲ ﻭﻧﺮﺟﺲ ﻳﺮﺍﺟﻮ ﺑﺮﺍ ﻣﻌﺎﻩ ﻭﺣﺘﻰ ﻋﻤﺘﻲ ﻓﺘﺤﻴﺔ
ﺍﻣﺎ ﻧﻮﺍﻝ ﻭﻧﻮﺭﺱ ﺍﻭﻝ ﻣﺎﺳﻤﻌﻮ ﺣﺘﻰ ﻫﻤﺎ ﺟﻮ ﻟﻠﻤﺴﺘﺸﻔﻰ
ﺍﻛﺜﺮ ﻭﺍﺣﺪ ﻛﺎﻥ ﻣﺘﻮﺗﺮ ﻭﻟﻴﺪ ﻛﺎﻥ ﻳﻠﻮﺩ ﻓﻲ ﺍﻟﻤﻤﺮ ﻭﻗﺮﻳﺐ ﻳﺒﻜﻲ ﻭﻳﺘﺬﻛﺮ ﻓﻲ ﻛﻼﻡ ﺍﻟﺪﻛﺘﻮﺭﺓ !!
ﺧﻠﻮﻧﺎ ﻧﺮﺟﻌﻮ ﻷﻣﺲ
ﻟﻠﺤﻮﺍﺭ ﺍﻟﻲ ﺻﺎﺭ ﺑﻴﻦ ﺍﻟﺪﻛﺘﻮﺭﺓ ﻭﻭﻟﻴﺪ
ﺑﻌﺪ ﻃﻠﻌﺖ ﻣﻨﻲ ﺍﻟﺪﻛﺘﻮﺭﺓ ﻟﺤﻘﻬﺎ ﻭﻟﻴﺪ
ﺍﻟﺪﻛﺘﻮﺭﺓ : ﻓﻲ ﺷﻲ ﻻﺯﻡ ﺗﻌﺮﻓﻪ ﻳﺎﺍﺳﺘﺎﺫ ﻋﻠﻲ ﻣﻮﺿﻮﻉ ﻭﻻﺩﺓ ﺯﻭﺟﺘﻚ
ﺣﺎﻟﺘﻬﺎ ﺧﻄﻴﺮﺓ ﻭﻭﻻﺩﺗﻬﺎ ﺧﻄﻴﺮﺓ ، ﺣﺘﻰ ﺍﻟﻌﻤﻠﻴﺔ ﻣﺶ ﺣﻨﺨﺶ ﺑﺮﻭﺣﻲ ﺣﻴﺨﺸﻮ ﻣﻌﺎﻱ ﺯﻭﺯ ﺩﻛﺎﺗﺮﺓ
ﻭﻟﻴﺪ ﻣﺼﺪﻭﻡ : ﻛﻴﻒ ﺷﻦ ﻗﺼﺪﻙ ﻛﻴﻒ ﺣﺎﻟﺘﻬﺎ ﺧﻄﻴﺮﺓ ﺍﻣﺘﻰ ﺍﻟﻜﻼﻡ ﻫﺪﺍ ﻋﻼﺵ ﻣﺎﻗﻠﺘﻮ ﻣﻦ ﺍﻻﻭﻝ
ﺍﻟﺪﻛﺘﻮﺭﺓ : ﻣﻦ ﺑﻌﺪ ﻃﺎﺣﺖ ﺯﻭﺟﺘﻚ ﻭﺍﻟﺸﻲ ﻫﺪﺍ ﻭﺍﺿﺢ ﻭﺧﺎﺻﺔ ﺑﻌﺪ ﻃﺎﺡ ﺍﻟﺒﻴﺒﻲ ﺍﻟﺜﺎﻧﻲ ﺍﻟﻲ ﻛﺎﻥ ﻣﻌﺎﻩ ، ﺍﺣﻨﻲ ﺭﺍﺡ ﻧﺒﺪﻟﻮ ﺟﻬﺪﻧﺎ ﻭﺍﻧﺘﻮ ﻣﺎﻋﻠﻴﻜﻢ ﺍﻻ ﺗﺪﻋﻮﻟﻬﺎ
ﻭﻟﻴﺪ ﻭﺧﺮ ﻉ ﺍﻟﺤﻴﻂ ﻭﻳﺸﻮﻓﻠﻬﺎ ﻭﺍﻧﺼﺪﻡ ﻭﺧﺎﻑ
ﺍﻣﺸﺖ ﺍﻟﺪﻛﺘﻮﺭﺓ ﻭﺧﻠﺖ ﻭﻟﻴﺪ ﻓﻲ ﺻﺪﻣﺔ ﻭﺧﻮﻑ ﺣﺎﻭﻝ ﻳﺨﻔﻴﻬﻢ ﻗﺪﺍﻣﻲ ﻟﺤﺪ ﻫﺎﻟﺴﺎﻋﺔ
ﻣﺮﻭ ﺍﻟﺴﺎﻋﺎﺕ ﻭﻣﺎﻫﻲ ﺍﻻ ﺑﺎﻟﻤﻤﺮﺿﺔ ﻃﺎﻟﻌﺔ ﻣﻦ ﺍﻟﺤﺠﺮﺓ ﻭﺷﺎﺩﺓ ﺑﻴﺒﻲ
ﻭﻟﻴﺪ ﻗﺪﻡ ﺑﺴﺮﻋﺔ ﻭﺍﻟﺪﻣﻮﻉ ﻓﻲ ﻋﻴﻮﻧﻪ : ﺷﻦ ﺻﺎﺭ
ﺍﻟﻤﻤﺮﺿﺔ : ﻣﺒﺮﻭﻭﻙ ﺑﻨﻮﻭﺗﺔ ﺯﻱ ﺍﻟﻌﺴﻞ
ﻭﻟﻴﺪ : ﻧﺴﻴﺒﺔ ﻧﺴﻴﺒﺔ ﺷﻦ ﺻﺎﺭ ﻓﻴﻬﺎ
ﺍﻟﻤﻤﺮﺿﺔ : ﺣﻴﻄﻠﻊ ﺍﻟﺪﻛﺘﻮﺭ ﺑﻌﺪ ﺷﻮﻳﺔ ﻭﺣﻴﻄﻤﻨﻜﻢ ﻋﻠﻲ ﺣﺎﻟﺘﻬﺎ ، ﻭﻣﺪﺗﻠﻪ ﺍﻟﺒﻨﺖ
ﻭﻟﻴﺪ ﺷﺪﻫﺎ ﻭﻋﻴﻮﻧﻪ ﻣﺪﻣﻌﺎﺕ ، ﺑﺎﺳﻬﺎ ﻋﻠﻲ ﺭﺍﺳﻬﺎ ﻭﻳﻀﺤﻚ ﻭﻳﺒﻜﻲ
ﺧﺎﻟﺘﻲ ﻭﻋﻤﺘﻲ ﻗﻌﺪﻭ ﻳﺰﻏﺮﺗﻮ
ﻣﺤﻤﻮﺩ : ﻣﺒﺮﻭﻙ ﻣﺎﺍﺷﺎﺀ ﺍﻟﻠﻪ ﺗﺒﺎﺭﻙ ﺍﻟﻠﻪ ﺗﺘﺮﺑﻰ ﻓﻲ ﻋﺰﻙ
ﻭﻟﻴﺪ : ﺍﻟﻠﻪ ﻳﺒﺎﺭﻙ ﻓﻴﻚ
ﻋﺪﻧﺎﻥ : ﻣﺎﺍﺷﺎﺀ ﺍﻟﻠﻪ ﺍﻟﻒ ﻣﺒﺮﻭﻙ ﻣﺎﺗﻨﺴﺎﺵ ﺗﺄﺫﻥ ﻓﻲ ﻭﺩﻧﻬﺎ ﻳﺎﻭﻟﻴﺪ
ﻭﻟﻴﺪ : ﺍﻳﻪ ﻭﺍﻟﻠﻪ ﻧﺴﻴﺖ
ﺍﺫﻥ ﻓﻲ ﻭﺩﻧﻬﺎ ﻭﻟﻴﺪ ﻭﻫﻮ ﻓﺮﺣﺘﻪ ﻣﺶ ﺳﺎﻳﻌﺘﻪ
ﻋﻤﺘﻲ : ﺗﺮﺍ ﻭﺭﻳﻨﻲ ﻣﺎﺷﺎﺀ ﺍﻟﻠﻪ ﺗﺒﺎﺭﻙ ﺍﻟﻠﻪ
ﺧﺎﻟﺘﻲ ﻗﻌﺪﺕ ﺗﺒﻜﻲ
ﻧﻮﺭﺱ ﻭﻧﻮﺍﻝ ﻭﻧﺮﺟﺲ ﺷﺪﻭﻫﺎ ﻛﻠﻬﻢ ﻭﻓﺮﺣﺎﻧﺎﺕ ﺑﻴﻬﺎ
" ﻣﻼﺋﻜﺔ ﺻﻐﻴﺮﺓ ﻛﺎﻓﻴﺔ ﻟﺘﻨﺴﻴﻨﺎ ﺃﺣﺰﺍﻥ ﺍﻟﺪﻧﻴﺎ ﻭﺗﺪﺧﻞ ﻋﻠﻰ ﻗﻠﻮﺑﻨﺎ ﺍﻟﻔﺮﺡ "
ﺧﺪﺕ ﺍﻟﻤﻤﺮﺿﺔ ﺍﻟﺒﻨﺖ ﻟﻠﺤﻀﺎﻧﻪ ﻭﻃﻠﻊ ﺍﻟﺪﻛﺘﻮﺭ ﻭﺍﻣﺸﺎﻟﻪ ﻭﻟﻴﺪ
ﺍﻟﺪﻛﺘﻮﺭ : ﺍﻟﺤﻤﺪ ﻟﻠﻪ ﺍﻟﻌﻤﻠﻴﺔ ﻧﺠﺤﺖ ﺑﺲ ﺣﻨﺨﻠﻴﻬﺎ ﻓﻲ ﺍﻟﻌﻨﺎﻳﺔ ﻟﻐﺪﻭﺓ
ﻭﻟﻴﺪ : ﻋﻼﺵ ﺧﻴﺮﻫﺎ ﺻﺎﺭﺗﻠﻬﺎ ﺣﺎﺟﺔ
ﺍﻟﺪﻛﺘﻮﺭ : ﻻ ﺑﺲ ﺍﻓﻀﻞ ﺑﺎﺵ ﻧﺘﻄﻤﻨﻮ ﻋﻠﻲ ﺻﺤﺘﻬﺎ ﻭﺍﻟﺤﻤﺪ ﻟﻠﻪ ﻉ ﺳﻼﻣﺘﻬﺎ
ﻗﻌﺪ ﻭﻟﻴﺪ ﻓﻲ ﺍﻟﻤﺴﺘﺸﻔﻰ ﺍﻟﻠﻴﻞ ﻛﻠﻪ
ﺍﻣﺎ ﻧﺮﺟﺲ ﻭﺧﺎﻟﺘﻲ ﺑﻌﺪ ﺧﺸﻮ ﻟﻠﺤﻮﺵ
ﻧﺮﺟﺲ : ﺧﺎﻟﺘﻲ ﺍﻧﻲ ﻓﻜﺮﺕ ﻓﻲ ﺍﻟﻤﻮﺿﻮﻉ
ﺧﺎﻟﺘﻲ : ﺍﻥ ﺷﺎﺀ ﺍﻟﻠﻪ ﺧﻴﺮ ﻗﻮﻟﻲ ﻳﺎﻧﺮﺟﺲ ﻣﺎﺗﺘﺤﺸﻤﻴﺶ ﻭﻻﺗﺨﺎﻓﻲ ﺣﺘﻰ ﻟﻮ ﻣﺶ ﻣﻮﺍﻓﻘﻪ
ﻛﺎﻥ ﻣﻌﺎﺩ ﺧﺎﺵ ﻣﻦ ﺑﺎﺏ ﺍﻟﺤﻮﺵ ﺑﺲ ﺑﻌﺪ ﺳﻤﻊ ﺧﺎﻟﺘﻲ ﻭﻧﺮﺟﺲ ﻳﺤﻜﻮ ﻭﺧﺮ ﻭﺣﺎﻁ ﻳﺪﻩ ﻋﻠﻲ ﻗﻠﺒﻪ
ﻧﺮﺟﺲ : ﺍﻧﻲ ﺧﺎﻳﻔﻪ ﻗﺎﻋﺪﺓ ﻣﻦ ﺍﻟﻤﻮﺿﻮﻉ
ﺧﺎﻟﺘﻲ : ﻋﻼﺵ ﺗﺨﺎﻓﻲ ﻳﺎﺑﻨﺘﻲ ﻣﻌﺎﺩ ﻫﺪﺍ ﻣﺘﺮﺑﻴﺔ ﺍﻧﺘﻲ ﻭﻳﺎﻩ
ﻧﺮﺟﺲ : ﻣﺶ ﻫﻜﻲ ﻳﺎﺧﺎﻟﺘﻲ ﻧﺨﺎﻑ ﻧﻈﻠﻤﻪ ﻣﺎﻧﻘﺪﺭﺵ ﻧﺤﺒﻪ ﻣﻊ ﺍﻧﻪ ﻭﻗﻒ ﻣﻌﺎﻱ ﻫﻠﺒﺎ ﻭﻣﺎﺳﻴﺒﻨﻴﺶ ﺑﻜﻞ ﻭﻣﺮﺍﺕ ﻧﻘﻮﻝ ﻟﻮ ﻣﻦ ﻏﻴﺮﻩ ﻣﺎﻛﻨﺘﺶ ﻋﺎﺭﻓﻪ ﺷﻦ ﻧﺪﻳﺮ
ﺧﺎﻟﺘﻲ : ﺍﻟﺤﺐ ﻳﺠﻲ ﺑﺎﻟﻌﺸﺮﺓ ﻳﺎﺑﻨﺘﻲ
ﻧﺮﺟﺲ ﺳﻜﺘﺖ ﺷﻮﻳﺔ : ﺍﻧﻲ ﻣﻮﺍﻓﻘﻪ
ﻓﻲ ﻫﺎﺩﻳﻜﺎ ﺍﻟﻠﺤﻈﺔ ﻣﻌﺎﺩ ﻗﻠﺒﻪ ﻗﻌﺪ ﻳﺮﻗﺺ ﺭﻗﺺ ، ﻓﺮﺣﺢ ﻻﻧﻪ ﻣﺎﺗﻮﻗﻌﻬﺎﺵ ﺗﻮﺍﺍﻓﻖ
ﺧﺎﻟﺘﻲ : ﺭﻭﺭﻭﺭﻭﺭﻱ ﺍﻥ ﺷﺎﺀ ﺍﻟﻠﻪ ﺭﺑﻲ ﻳﻜﺘﺒﻚ ﻣﻦ ﻧﺼﻴﺒﻪ ﻳﺎﺭﺑﻲ ﻭﻳﻜﻤﻠﻠﻜﻢ ﻋﻠﻲ ﺧﻴﺮ
ﻛﺎﻧﺖ ﺯﻏﺮﻭﺗﺔ ﺧﺎﻟﺘﻲ ﺍﻭﻝ ﺯﻏﺮﻭﺗﺔ ﻓﻲ ﺍﻟﺤﻮﺵ ﺑﻌﺪ ﻭﻓﺎﺓ ﻣﺎﻣﺎ
ﻧﺮﺟﺲ : ﺑﺲ ﻳﺎﺧﺎﻟﺘﻲ ﻣﺎﻧﺒﻴﺶ ﻻﺑﻴﺎﻥ ﻭﻻﻋﺮﺱ ﻭﻻﺷﻲ ﻓﺎﺗﺤﺔ ﻭﻟﻤﺔ ﺑﺴﻴﻄﺔ ﻓﻲ ﺍﻟﺤﻮﺵ ﺣﺘﻰ ﻓﻴﻠﻮ ﻣﺎﻧﺒﻴﺶ ﻳﺎﺧﺪﻧﻲ ﺑﻘﻔﻄﺎﻥ ﻋﺎﺩﻱ
ﺧﺎﻟﺘﻲ : ﺍﻟﻌﻔﻮﻭ ﻳﺎﺑﻨﺘﻲ ﺍﻟﻠﻄﻒ ﻋﻼﺵ ﺗﺤﺮﻣﻲ ﻓﻲ ﺭﻭﺣﻚ ﻟﻮ ﺍﻣﻚ ﺣﻴﺔ ﻭﺍﻟﻠﻪ ﻣﺎﺗﺮﺿﻰ ﺑﻴﻪ ﻫﺪﺍ ﺑﻜﻞ
ﻧﺮﺟﺲ ﺑﻨﺒﺮﺓ ﺣﺰﻥ : ﺍﻧﺘﻲ ﻗﻠﺘﻴﻬﺎ ﻳﺎﺧﺎﻟﺘﻲ ﻟﻮ ﺍﻣﻲ ﺣﻴﺔ
ﺧﺎﻟﺘﻲ ﻭﺟﻌﺘﻬﺎ : ﺭﻳﺤﻮﻫﺎ ﺑﻔﺮﺣﺘﻜﻢ ﻭﻫﻲ ﻣﻴﺘﻪ ،ﻫﻲ ﺍﻣﺸﺖ ﻭﻗﻠﺒﻬﺎ ﻣﻌﻠﻖ ﺑﻴﻜﻢ
ﻧﺮﺟﺲ : ﻣﺶ ﻗﺎﺩﺭﺓ ﻧﻔﺮﺡ ﻣﻦ ﻏﻴﺮ ﻣﺎﻣﺎ ﻛﻴﻒ ﻧﻠﺒﺲ ﻓﻴﻠﻮ ﻭﻣﺎﻣﺎ ﻣﺶ ﻣﻮﺟﻮﺩﺓ
ﺧﺎﻟﺘﻲ : ﻟﻮ ﺍﻣﻚ ﻣﻮﺟﻮﺩﺓ ﻛﺎﻧﺖ ﺣﺘﻔﺮﺡ ﻟﻤﺎ ﺗﻌﺮﻑ ﺍﻧﻚ ﻫﻜﻲ ﺣﺘﺪﻳﺮﻱ ﻣﺎﻛﺎﻧﺘﺶ ﺣﺘﺨﻠﻴﻚ ﺗﺪﻳﺮﻱ ﻫﻜﻲ ﺑﻜﻞ ﺍﺳﻤﻌﻲ ﻛﻼﻣﻲ ﻳﺎﺑﻨﻴﺘﻲ
ﻧﺮﺟﺲ ﻗﻌﺪﺕ ﺗﺒﻜﻲ : ﺑﺲ ﻣﺎﻧﺒﻴﺶ ﻻﺣﻔﻠﺔ ﻓﻲ ﺍﻟﺼﺎﻟﺔ ﻭﻻ ﺷﻲ
ﻣﻌﺎﺩ ﻛﺎﻥ ﻳﺴﻤﻊ ﻓﻴﻬﺎ ﻗﻌﺪ ﻭﺍﻗﻒ ﻓﻲ ﻣﻜﺎﻧﻪ ﻻ ﻗﺪﺭ ﻳﻘﺪﻡ ﻭﻻﻳﻮﺧﺮ
ﺧﺎﻟﺘﻲ ﺣﻀﻨﺖ ﻧﺮﺟﺲ ﻭﻗﻌﺪﺕ ﺗﻤﺴﺢ ﻋﻠﻲ ﺷﻌﺮﻫﺎ
ﻣﻌﺎﺩ ﺧﺶ : ﺍﻟﺴﻼﻡ ﻋﻠﻴﻜﻢ
ﺧﺎﻟﺘﻲ ﻭﻧﺮﺟﺲ ﻭﻋﻠﻴﻜﻢ ﺍﻟﺴﻼﻡ
ﻧﺮﺟﺲ ﻭﺧﺮﺕ ﻣﻦ ﺧﺎﻟﺘﻲ ﻭﺗﻤﺴﺢ ﻓﻲ ﺩﻣﻮﻋﻬﺎ ، ﺍﻣﺎ ﻣﻌﺎﺩ ﻓﻴﺸﻮﻓﻠﻬﺎ ﻭﻗﻠﺒﻪ ﻭﺍﺟﻌﻪ ﻋﻠﻴﻬﺎ
ﺧﺎﻟﺘﻲ : ﺧﻠﻲ ﻧﺤﻂ ﺍﻟﻌﺸﻲ ﺍﻧﻲ ، ﻭﻧﺎﺿﺖ
ﻧﺮﺟﺲ ﻗﻌﺪﺕ ﻣﻨﺰﻟﺔ ﺭﺍﺳﻬﺎ ﻭﺳﺎﻛﺘﻪ
ﻣﻌﺎﺩ ﻧﺎﺽ ﻗﻌﻤﺰ ﺟﻨﺒﻬﺎ ، ﺷﺪ ﻳﺪﻫﺎ : ﻧﺮﺟﺲ
ﻧﺮﺟﺲ ﺷﺎﻓﺘﻠﻪ ﻭﺗﻼﻗﺖ ﻋﻴﻮﻧﻬﻢ
ﻣﻌﺎﺩ ﺑﺼﻮﺕ ﺣﻨﻮﻥ : ﻧﺤﺒﻚ
ﻧﺮﺟﺲ ﻟﻠﺤﻈﺔ ﻗﻠﺒﻬﺎ ﻗﻌﺪ ﻳﺪﻕ ﺑﻘﻮﺓ ﻭﺗﺸﻮﻓﻠﻪ ﻭﺗﺸﻮﻑ ﻟﻠﺤﺐ ﺍﻟﻲ ﻭﺍﺿﺢ ﻓﻲ ﻋﻴﻮﻧﻪ ﻭﻣﺼﺪﻭﻣﺔ
ﻣﻌﺎﺩ : ﻭﻋﺪ ﻣﺴﺘﺤﻴﻞ ﻧﺰﻋﻠﻚ ﻃﻮﻝ ﺣﻴﺎﺗﻚ ﺣﻨﺤﻂ ﻓﻲ ﻋﻴﻮﻧﻲ ﻭﻧﺴﻌﺪﻙ ﻛﻴﻒ ﻣﺎﻧﻘﺪﺭ ، ﺍﻃﻠﺒﻲ ﺍﻱ ﺷﻲ ﺣﺘﻰ ﻟﻮ ﻋﻴﻮﻧﻲ ﻫﻤﺎ ﻟﻴﻚ
ﻧﺮﺟﺲ ﺗﺸﻮﻑ ﻟﻌﻴﻮﻧﻪ ﻭﻓﻲ ﺩﻣﻮﻉ ﻋﺎﻟﻘﻪ ﻓﻲ ﻋﻴﻮﻧﻬﺎ ﻭﻣﺼﺪﻭﻣﺔ
ﻣﻌﺎﺩ : ﻋﺎﺭﻓﻪ ﺷﻦ ﺍﻟﻲ ﺧﻼﻧﻲ ﻧﺤﺒﻚ ﻫﻜﻲ ﻧﻈﺮﺓ ﻋﻴﻮﻧﻚ ﻫﺎﺩﻱ ،ﺧﻠﺘﻨﻲ ﺃﺳﻴﺮ ﺑﻴﻨﻬﻢ ، ﻧﺤﺒﻚ
ﻭﻗﻠﺐ ﻧﺮﺟﺲ ﻳﺪﻕ ، ﺩﻗﺎﺕ ﻗﻠﺐ ﻣﺶ ﻣﻌﺮﻭﻑ ﻣﻌﻨﺎﻫﺎ ،ﻫﻞ ﺣﺐ ﺟﺪﻳﺪ ﻳﻘﺘﺤﻢ ﺍﻟﻘﻠﺐ ﺍﻡ ﻣﺠﺮﺩ ﺻﺪﻣﺔ ﻣﺎﺗﺤﻤﻠﻬﺎﺵ ﻗﻠﺒﻬﺎ ﺍﻟﻀﻌﻴﻒ
،،،،،
ﺛﺎﻧﻲ ﻳﻮﻭﻡ ﺍﻟﺴﺎﻋﻪ 9
ﻃﻠﻌﻮﻧﻲ ﻣﻦ ﺍﻟﻌﻨﺎﻳﺔ ﻋﻠﻲ ﺍﻟﺤﺠﺮﺓ
ﻭﻟﻴﺪ ﺧﺶ ﻭﻣﺒﺘﺴﻢ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ، ﻭﻃﺒﺲ ﺑﺎﺱ ﻋﻠﻲ ﺭﺍﺳﻲ
ﺍﻧﻲ ﺷﺪﻳﺖ ﻳﺪﻩ : ﺷﻔﺖ ﺑﻨﺘﻨﺎ
ﻭﻟﻴﺪ ﻗﻌﻤﺰ ﻭﺣﺎﻁ ﻳﺪﻩ ﺍﻟﺘﺎﻧﻴﻪ ﻋﻠﻲ ﺷﻌﺮﻱ : ﺷﻔﺘﻬﺎ ﺣﻠﻮﺓ ﺯﻱ ﺍﻣﻬﺎ ، ﻫﻜﻲ ﺻﻐﻴﺮﺓ ﺑﻜﻞ ﻟﻴﻦ ﻣﺎﻗﺪﺭﺗﺶ ﻧﺸﺪﻫﺎ ﻭﻋﻴﻮﻧﻬﺎ ﻣﺴﻜﺮﺍﺕ
ﺍﻧﻲ ﺿﺤﻜﺖ ﻋﻠﻲ ﺍﻟﻮﺻﻒ ﺑﺘﺎﻋﻪ : ﻫﻬﻬﻪ ﺑﺎﻩ ﻧﺒﻲ ﻧﺸﻮﻓﻬﺎ ﻗﻮﻟﻬﻢ ﻳﺠﻴﺒﻮﻫﺎﻟﻲ
ﻭﻟﻴﺪ : ﺣﺎﺿﺮ ﻫﻲ، ﻃﻠﻊ ﻭﻟﻴﺪ ﻭﺍﻧﻲ ﻗﻌﺪﺕ ﻧﺮﺍﺟﻲ ﻓﻴﻪ ﻋﻠﻲ ﺍﺣﺮ ﻣﻦ ﺟﻤﺮ ، ﻧﺒﻲ ﻧﺸﺪﻫﺎ ﻭﻧﺸﻤﻬﺎ ﻭﻧﺒﻮﺳﻬﺎ ﻭﻧﺤﻀﻨﻬﺎ ، ﺣﺎﺳﺔ ﻧﻔﺴﻲ ﻓﻲ ﺣﻠﻢ ﺍﻧﻲ ﺟﺒﺖ ﻗﻄﻌﻪ ﻣﻨﻲ ﻭﻣﻦ ﻭﻟﻴﺪ
ﺟﺴﻤﻲ ﻣﻬﺘﻚ ﻭﻣﻜﺎﻥ ﺍﻟﻌﻤﻠﻴﺔ ﻳﻮﺟﻊ
ﺑﺲ ﻛﻠﻪ ﻫﺎﻥ ﻭﻗﺖ ﺧﺶ ﻭﻫﻮ ﺷﺎﺩﻫﺎ ﻓﻲ ﻏﻤﺮﻩ ، ﺍﺑﺘﺴﻤﺖ ﺑﺤﻤﺎﺱ ، ﻭﻣﺪﻳﺖ ﻳﺪﻳﺎ ﻧﺒﻴﻪ ﻳﻤﺪﻫﺎﻟﻲ
ﺷﺪﻳﺘﻬﺎ ﻭﺣﻀﻨﺘﻬﺎ ، ﻗﻌﺪﺕ ﻧﺸﻮﻑ ﻟﻮﺟﻬﻬﺎ ﻣﻼﻣﺤﻬﺎ ﺍﻟﺼﻐﻴﺮﺓ ﻳﺪﻳﻬﺎ ﺍﻟﺼﻐﺎﺭ ، ﺭﻳﺤﺘﻬﺎ ، ﺑﺴﺘﻬﺎ : ﻭﻟﻴﺪ ﻣﺤﻼﻫﺎ ﺷﻮﻑ
ﻭﻟﻴﺪ ﻗﻌﻤﺰ : ﺣﻠﻮﺓ ﺯﻱ ﻣﺎﻣﺘﻬﺎ
ﺍﻧﻲ : ﺣﻲ ﺷﻮﻑ ﺣﻮﺍﺟﺒﻬﺎ ﺯﻳﻚ ﻣﻘﺮﻭﻧﺎﺕ ، ﻭﺣﻀﻨﺘﻬﺎ : ﺳﻠﻤﻬﺎ ﺑﻨﺘﻲ ﻋﺴﻞ
ﻭﻟﻴﺪ : ﻫﻬﻬﻬﻬﻪ ﺑﺎﻟﺸﻮﻳﺔ ﻉ ﺍﻟﺒﻨﺖ ﺑﺲ ، ﺗﺮﺍ ﻧﺸﻮﻑ ﺣﻮﺍﺟﺒﻬﺎ ، ﻭﺍﻟﻠﻪ ﺣﻖ
ﺍﻧﻲ : ﺣﻠﻮﻭﺓ ﺻﺢ
ﻛﻨﺖ ﻓﺮﺣﺎﻧﻪ ﺑﻨﻄﻴﺮ ﺣﺎﺳﺔ ﺭﻭﺣﻲ ﻛﺎﺍﻧﻲ ﻓﻲ ﺣﻠﻢ ﻣﻦ ﺍﺣﻠﻰ ﺍﻻﺣﻼﻡ ، ﺷﺎﺩﺓ ﻣﺨﻠﻮﻕ ﺻﻐﻴﺮ ﻣﻨﻲ ﻭﻣﻨﻪ ، ﺭﺍﺡ ﻳﺠﻴﺐ ﻣﻼﻣﺤﻨﺎ ﺍﺣﻨﻲ ﺍﻻﺗﻨﻴﻦ ، ﻧﺴﻴﺖ ﻛﻞ ﺍﻻﻭﺟﺎﻉ ﺍﻟﻲ ﺣﺴﻴﺘﻬﺎ ﻭﻻﺣﺘﻰ ﻭﺟﻊ ﺍﻟﻌﻤﻠﻴﺔ ، ﻧﺒﻮﺱ ﻭﻧﺤﻀﻦ ﻓﻴﻬﺎ ﺑﺲ
ﻭﻟﻴﺪ : ﺣﻘﺎ ﻣﺎﻗﺮﺭﻧﺎﺵ ﺍﻻﺳﻢ
ﺍﻧﻲ ﻗﻌﺪﺕ ﻧﺸﻮﻓﻠﻬﺎ ﻭﻗﻠﺖ ﻻﺇﺭﺍﺩﻳﺎ : ﻧﺪﻯ ، ﻭﺷﻔﺘﻠﻪ : ﺷﻦ ﺭﺍﻳﻚ
ﻭﻟﻴﺪ : ﺍﻣﻤﻤﻢ ﺣﻠﻮ
ﻗﻌﺪﺕ ﺍﻟﺒﻨﺖ ﻣﻌﺎﻳﺎ ﻟﻠﻈﻬﺮ ﺟﻮ ﺧﺪﻭﻫﺎ ،ﻗﺎﻟﺘﻠﻲ ﺧﺎﻟﺘﻲ ﺍﻧﻪ ﻧﺮﺟﺲ ﻭﺍﻓﻘﺖ ، ﻓﺮﺣﺘﻠﻬﺎ ﻫﻠﺒﺎ ﺑﺲ ﺯﻋﻠﺖ ﻋﻠﻴﻬﺎ ﻭﺧﻔﺖ ، ﺑﻌﺪ ﺗﻜﻮﻧﻲ ﺑﻨﻴﺘﻲ ﺍﺣﻼﻡ ﻣﻊ ﺷﺨﺺ ﻭﺑﻌﺪﻫﺎ ﻭﺍﻗﻌﻚ ﺷﺨﺺ ﺃﺧﺮ ﺻﻌﺒﺔ
ﻧﻮﺍﻝ ﺧﺸﺖ ﺑﻌﺪ ﻛﺎﻧﺖ ﺗﺸﻮﻑ ﻓﻲ ﺍﻟﺒﻨﺖ : ﻭﺍﻟﻠﻪ ﻧﺴﺨﻪ ﻭﻟﻴﺪ ﻛﻮﺑﻲ ﺑﻮﺳﺖ ﻣﺎﺧﻠﺖ ﻣﻨﻪ ﺣﺎﺟﺔ
ﻣﺤﻤﻮﺩ ﺧﺶ ﻭﺭﺍﻫﺎ : ﻻﻻ ﻭﺍﺿﺤﺔ ﻃﺎﻟﻌﻪ ﻃﺮﻑ ﻟﻌﻤﻬﺎ
ﺍﻧﻲ : ﻫﻬﻬﻬﻬﻬﻪ
ﻧﻮﺍﻝ ﺷﺎﻓﺘﻠﻪ ﻭﻋﻮﺟﺖ ﺷﺎﺭﺑﻬﺎ : ﺧﻒ ﻳﺎﺛﻘﻪ
ﻣﺤﻤﻮﺩ : ﺍﺳﺲ ﺑﺎﻟﻚ ﻋﻨﺪﻙ ﺍﻋﺘﺮﺍﺽ ﻣﺘﺰﻭﺟﺔ ﻃﺮﻑ
ﻧﻮﺍﻝ : ﻭﻣﻬﺒﻮﻝ
ﻣﺤﻤﻮﺩ ﺷﺪ ﻋﻠﻲ ﺷﺎﺭﺑﻪ ﻭﺷﺎﻓﻠﻬﺎ : ﺗﻮ ﺷﻦ ﺑﻨﺮﺩ ﻋﻠﻴﻚ ﻃﻨﺠﺮﺓ ﻭﻟﻘﺖ ﻣﻐﻄﺎﻫﺎ
ﺭﺣﻤﺔ : ﻗﺼﺪﻛﻢ ﺍﻧﺘﻮ ﻫﻜﻲ ﻋﺎﺑﻴﻴﻦ ﺑﺘﺪﻳﺮﻭ ﻋﻴﻠﺔ
ﺍﻧﻲ ﻭﻭﻟﻴﺪ ﻧﻀﺤﻜﻮ
ﻧﻮﺍﻝ : ﻭﺍﺣﻠﻰ ﻋﻴﻴﻠﺔ ﻣﻬﺎﺑﻴﻞ
ﺭﺣﻤﺔ ﻟﻮﺕ ﺷﺎﺭﺑﻬﺎ : ﻳﺴﺘﺮ ﺍﻟﻠﻪ
ﻃﻖ ﺍﻟﺒﺎﺏ ﻭﺧﺶ ﻧﻮﺭﺱ ﻭﻋﺪﻧﺎﻥ
ﻧﻮﺭﺱ ﺧﺎﺷﻪ ﻣﺒﺘﺴﻤﻪ : ﺗﻬﺒﻞ ﺗﻬﺒﻞ ﻋﺴﺴﻞ ﻓﺮﺧﺘﻚ
ﺍﻧﻲ : ﻫﻬﻬﻬﻪ
ﻧﻮﺭﺱ ﻃﺒﺴﺖ ﺳﻠﻤﺖ ﻋﻠﻴﺎ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ﺍﻣﺸﻴﺘﻠﻬﺎ ﻫﻲ ﺍﻻﻭﻟﻰ ﺗﻐﻴﺮﺕ ﻟﻜﻦ ﻋﻠﻲ ﺃﻣﺲ ﻫﻜﻲ ﻭﺟﻬﻬﺎ ﺑﻴﺎﺽ ﺗﻬﺒﻞ ﻭﺑﺎﻧﺖ ﻣﻼﻣﺤﻬﺎ
ﻋﺪﻧﺎﻥ : ﺍﻟﺤﻤﺪ ﻟﻠﻪ ﻉ ﺍﻟﺴﻼﻣﻪ ﻳﺎﻣﺸﻔﺸﻔﻪ ﺗﺘﺮﺑﻰ ﻓﻲ ﻋﺰﻛﻢ ﺍﻥ ﺷﺎﺀ ﺍﻟﻠﻪ
ﺍﻧﻲ : ﺍﻟﻠﻪ ﻳﺴﻠﻤﻜﻢ
ﻋﺪﻧﺎﻥ : ﺷﻦ ﻣﺎﻗﺮﺭﺗﻮﺵ ﺍﻻﺳﻢ ﻣﺰﺍﻝ
ﺍﻧﻲ ﻭﻭﻟﻴﺪ ﻓﻲ ﻧﻔﺲ ﺍﻟﻮﻗﺖ : ﻧﺪﻯ ، ﺷﻔﻨﺎ ﻟﺒﻌﺾ ﻭﺿﺤﻜﻨﺎ
ﻧﻮﺍﻝ : ﺑﺎﺵ ﺗﺰﻳﺪ ﺗﺘﻜﺎﺛﺮ ﻋﻴﻠﺔ ﺣﺮﻑ ﺍﻟﻨﻮﻥ ﻋﻠﻲ ﻗﻮﻟﺔ ﻣﻌﺎﺩ
ﺍﻧﻲ : ﻫﻬﻬﻬﻪ ﻭﺍﻟﻠﻪ ﻣﺎﻓﻜﺮﺕ ﻓﻴﻬﺎ ﻫﻜﻲ ﺟﻲ ﻋﻠﻲ ﺑﺎﻟﻲ
ﻧﻮﺍﻝ : ﻟﻜﻦ ﺣﻠﻮ
ﻣﺸﻲ ﺍﻟﻮﻗﺖ ﻭﻃﻠﻌﺖ ﻣﻦ ﺍﻟﻤﺴﺘﺸﻔﻰ ﺑﻌﺪ ﺗﻼﺗﻪ ﺍﻳﺎﻡ
ﻗﻌﺪﺕ ﻟﻮﻃﻰ ﻓﻲ ﺣﻮﺵ ﻋﻤﺘﻲ ﻭﺍﻟﻨﺎﺱ ﻳﺠﻮ ﻳﺒﺎﺭﻛﻮ ﻭﺍﺧﻮﺍﺗﻲ ﻳﺠﻮﻧﻲ ﻛﻞ ﻳﻮﻡ ، ﻛﺎﻧﺖ ﻓﺮﺣﺘﻲ ﺍﻧﻲ ﻭﻭﻟﻴﺪ ﻣﺶ ﺳﺎﻳﻌﺘﻨﺎ ﺑﺎﻟﺒﻨﻴﺔ
ﺑﻌﺪ ﺍﺳﺒﻮﻉ ﻛﺎﻧﺖ ﻋﻨﺪﻱ ﻣﺮﺍﺟﻌﺔ ﺑﻴﺤﻮﻟﻮ ﺑﻮﻧﺘﻮﻭﺍﺕ ﺍﻟﻌﻤﻠﻴﺔ ﻭﺍﻳﻀﺎ ﻣﺮﺍﺟﻌﺔ ﻟﺒﻨﺘﻲ
ﻣﺸﻴﻨﺎ ﻟﻠﻤﺴﺘﺸﻔﻰ ﺍﻭﻝ ﺷﻲ ﺣﻮﻟﻮﻟﻲ ﺑﻨﺘﻮﻭﺍﺗﻲ
ﺑﻌﺪﻫﺎ ﺧﺸﻴﻨﺎ ﻟﺪﻛﺘﻮﺭ ﺍﻃﻔﺎﻝ ﻋﻠﻲ ﺧﺎﻃﺮ ﻧﺪﻯ ، ﺑﺪﻱ ﻳﻜﺸﻒ ﻋﻠﻲ ﺍﻟﺪﻛﺘﻮﺭ
ﻛﺎﻥ ﻳﺪﻳﺮ ﻓﻲ ﺣﺮﻛﺎﺕ ﻏﺮﻳﺒﺔ ، ﻳﺼﻔﻖ ﻭﻳﺤﺮﻙ ﻓﻲ ﻳﺪﻩ ﻗﺪﺍﻡ ﻋﻴﻮﻧﻬﺎ ﻭﻳﺪﻳﺮﻟﻬﺎ ﻓﻲ ﺍﻟﻔﻼﺵ ﻋﻠﻲ ﻋﻴﻮﻧﻬﺎ
ﺑﻌﺪ ﻏﻄﺎﻫﺎ ﻭﻗﻌﻤﺰ ﻋﻠﻲ ﻣﻜﺘﺒﻪ
ﺍﻧﻲ ﺧﺪﻳﺖ ﺑﻨﺘﻲ ﻭﻗﻌﺪﺕ ﻧﻮﺍﺳﻲ ﻓﻲ ﻣﻼﺑﺴﻬﺎ ﻭﻏﻄﻴﺘﻬﺎ ﻛﻮﻳﺲ
ﺍﻟﺪﻛﺘﻮﺭ ﻗﻌﺪ ﻳﻜﺘﺐ ﺑﻌﺪﻳﻦ ﺷﺎﻓﻠﻨﺎ : ﺷﻮﻓﻮ ﺭﺍﺡ ﻧﻘﻮﻟﻠﻜﻢ ﺷﻲ ﻣﻤﻜﻦ ﻳﺼﺪﻣﻜﻢ ﺑﺲ ﻗﺒﻠﻪ ﻧﺒﻲ ﻧﺴﺎﻟﻜﻢ ، ﻋﻨﺪﻛﻢ ﺣﺪ ﻓﻲ ﺍﻟﻌﻴﻠﺔ ﻋﻨﺪﻩ ﻣﺸﻜﻠﺔ ﺑﺎﻟﻌﻴﻮﻥ ﺍﻭ ﺑﺼﻴﺮ ؟
ﺍﻧﻲ ﻭﻭﻟﻴﺪ ﺷﻔﻨﺎ ﻟﺒﻌﺾ ﻭﻭﺍﺿﺢ ﺍﻟﺘﻮﺗﺮ ﻋﻠﻲ ﻭﺟﻮﻫﻬﻨﺎ ﻭﺍﻻﺗﻨﻴﻦ ﻗﻠﻨﺎ ﻻ
ﺍﻟﺪﻛﺘﻮﺭ : ﺣﺴﺐ ﺍﻟﻔﺤﺺ ﺍﻟﻤﺒﺪﺋﻲ ﺍﻟﻄﻔﻠﺔ ﺑﺼﻴﺮﺓ ﻳﻌﻨﻲ ﻋﻤﻴﺔ ﻣﺎﺗﺸﻮﻓﺶ ﻋﻴﻮﻧﻬﺎ ﺍﻻﺗﻨﻴﻦ
ﺍﻧﻲ ﻗﻌﺪﺕ ﻧﺸﻮﻑ ﻟﺒﻨﺘﻲ ﻭﻟﻠﺪﻛﺘﻮﺭ ﻭﻣﺶ ﻣﺼﺪﻗﺔ ﺷﻦ ﻗﺎﻋﺪ ﻳﻘﻮﻝ : ﺷﻦ ﻗﺎﻋﺪ ﺗﻘﻮﻝ ﺍﻧﺖ ﻛﻴﻒ ﺑﻨﺘﻲ ﻋﻤﻴﺔ
ﻭﻟﻴﺪ : ﻛﻴﻒ ﺍﻛﺘﺸﻔﺘﻬﺎ ﺗﻮﺍ ﺍﻧﺖ ﺍﻧﻬﺎ ﻋﻤﻴﺔ ﻛﻴﻒ ﻗﺪﺭﺕ ﺗﻜﺸﻔﻬﺎ ﺗﻮﺍ ﻭﺑﺴﺮﻋﻪ ﻫﻜﻲ ﻫﺎﺩﻱ ﺣﺎﺟﺔ ﻣﺶ ﺳﺎﻫﻠﺔ ﺑﺎﺵ ﺗﻘﻮﻟﻬﺎ ﻫﻜﻲ ﻟﻴﻦ ﺗﺘﺎﻛﺪ
ﺍﻟﺪﻛﺘﻮﺭ : ﺍﻧﻲ ﻣﻘﺪﺭ ﻣﻮﻗﻔﻚ ﻭﻟﻜﻦ ﻭﺍﺿﺢ ﻳﻌﻨﻲ ﺷﻮﻑ ﺣﻂ ﻳﺪﻙ ﻗﺪﺍﻡ ﻋﻴﻮﻧﻬﺎ ﻣﺎﺗﺤﺮﻛﺶ ﻓﻴﻬﻢ ﻻﻧﻬﺎ ﻣﺎﺗﺸﻮﻓﺶ ﺣﻄﻴﺖ ﺿﻲ ﻓﻲ ﻋﻴﻮﻧﻬﺎ ﻳﻌﻨﻲ ﻭﺍﺿﺢ
ﺍﻧﻲ ﻗﻌﺪﺕ ﻧﻤﺮﺭ ﻓﻲ ﻳﺪﻱ ﻗﺪﺍﻡ ﻋﻴﻮﻧﻬﺎ ، ﻋﻴﻮﻧﻬﺎ ﻣﺎﻳﺘﺤﺮﻛﻮﺵ ، ﻗﻌﺪﺕ ﻧﺒﻜﻲ ﻭﻧﺤﺮﻙ ﻓﻲ ﻳﺪﻱ ﻭﻣﺼﺪﻭﻣﺔ ، ﺣﻀﻨﺘﻬﺎ ﻭﻗﻌﺪﺕ ﻧﺒﻜﻲ
ﻭﻟﻴﺪ ﻣﺎﻗﺪﺭﺵ ﺣﺘﻰ ﻳﺸﻮﻓﻠﻲ ﻗﻌﺪ ﻣﺘﻠﻔﺖ ﻟﻠﺠﻬﺔ ﺍﻟﺘﺎﻧﻴﺔ ﻭﻳﻬﺰ ﺑﺮﺟﻠﻪ ، ﻣﺴﺢ ﻭﺟﻬﻪ ﺑﻴﺪﻳﻪ ، ﻭﻧﺎﺽ
ﻧﻀﺖ ﻭﺭﺍﻩ ﻭﻃﻠﻌﻨﺎ ﻭﻗﺎﻋﺪﺓ ﻧﺒﻜﻲ
ﻭﻟﻴﺪ ﻭﻗﻒ ﻭﺷﺎﻓﻠﻲ : ﺗﻮ ﻧﺮﻓﻌﻬﺎ ﻟﺪﻛﺘﻮﺭ ﺗﺎﻧﻲ ﺍﻛﻴﺪ ﻏﺎﻟﻂ ﻫﺪﺍ
ﺍﻧﻲ ﻣﺪﻳﺘﻬﺎﻟﻪ ﻭﻧﺒﻜﻲ : ﻛﻼﻣﻪ ﺻﺢ ﺣﺮﻙ ﻳﺪﻳﻚ ﻗﺪﺍﻡ ﻋﻴﻮﻧﻬﺎ ﺣﺮﻙ ﻳﺎﻭﻟﻴﺪ ﻋﻴﻮﻧﻬﺎ ﻣﺎﻳﺘﺤﺮﻛﻮﺵ
ﻭﻟﻴﺪ ﺷﺎﻑ ﻟﻠﺠﻬﺔ ﺍﻟﺘﺎﻧﻴﺔ : ﻻﺍﻟﻪ ﺍﻻ ﺍﻟﻠﻪ
ﻃﻠﻌﻨﺎ ﻣﻦ ﺍﻟﻤﺴﺘﺸﻔﻰ ﻭﺍﻧﻲ ﻗﺎﻋﺪﺓ ﻧﺸﻮﻑ ﻟﺒﻨﺘﻲ ﻭﻧﺒﻜﻲ
" ﺍﺍﻩ ﻳﺎﺍﺑﻨﺘﻲ ﻭﻳﺎﻓﺮﺣﺔ ﺑﻚ ﻟﻢ ﺗﻜﺘﻤﻞ ﺃﻓﻜﺮ ﺑﺄﻟﻤﻚ ﻗﺒﻞ ﺃﻥ ﺗﺸﻌﺮﻱ ﺑﻪ "
ﻗﻌﺪﺕ ﻛﻞ ﻣﺎﻧﺸﺪﻫﺎ ﻧﻘﻌﺪ ﻧﺒﻜﻲ ﺍﻭ ﻧﺸﻮﻓﻠﻬﺎ ﻧﺒﻜﻲ ﻭﺑﺪﺕ ﺗﻜﺒﺮ ﺷﻮﻳﺔ ﻭﻧﺘﻌﻮﺩ ﺍﻧﻬﺎ ﻣﺎﺗﺸﻮﻓﺶ ﺑﺲ ﻗﻠﺒﻲ ﻭﺟﻌﻨﻲ ﻋﻠﻴﻬﺎ
ﻧﺮﻓﻌﻮ ﻓﻴﻬﺎ ﺩﻳﻤﺎ ﻧﺪﻳﺮﻭﻟﻬﺎ ﻓﻲ ﻛﺸﻒ ﺑﺲ ﺍﻟﻜﻞ ﻧﻔﺲ ﺍﻟﻜﻼﻡ ، ﻓﻲ ﻣﺮﺓ ﺭﻓﻌﻨﺎﻫﺎ ﻟﺪﻛﺘﻮﺭﺓ ﺩﺍﺭﻟﻬﺎ ﻓﺤﻮﺻﺎﺕ ﻋﻠﻲ ﺍﺳﺎﺱ ﻓﻲ ﺍﺣﺘﻤﺎﻝ ﻳﻤﻜﻦ ﺗﺸﻮﻑ ﺑﺲ ﺍﻧﻲ ﺧﻔﺖ ﻳﺒﻠﺒﺰﻭﻫﺎ ، ﺭﺿﻴﺖ ﺑﺤﻜﻢ ﺭﺑﻲ ﻭﺧﻠﻴﺘﻬﺎ ، ﻫﻲ ﻫﻜﻲ ﺭﺑﻲ ﻛﺎﺗﺒﻠﻬﺎ ﻭﺍﻟﺨﻴﺮﺓ ﻓﻴﻤﺎ ﺃﺧﺘﺎﺭﻩ ﺍﻟﻠﻪ
،،،،،
ﻧﻮﺭﺱ : ﻣﺎﻧﻌﺮﻓﺶ ﻣﺶ ﻣﺘﺎﻛﺪﺓ ﻣﺎﻧﺒﻴﺶ ﻧﻘﻮﻟﻪ ﻧﺨﺎﻑ ﺃﻧﺄﻣﻠﻪ ﻭﻣﺎﻓﻲ ﺷﻲ
ﻋﻠﻴﺎ : ﻧﻘﻮﻟﻚ ﺷﻦ ﺭﺍﻳﻚ ﺑﺎﻻﺧﺘﺒﺎﺭ ﺍﻟﻤﻨﺰﻟﻲ
ﻧﻮﺭﺱ : ﻭﻳﻦ ﺑﻨﻠﻘﺎﻩ
ﻋﻠﻴﺎ : ﺍﺳﻤﻌﻲ ﻧﻘﻮﻟﻚ ﻣﺮﺓ ﺟﺘﻨﻲ ﺻﺎﺣﺒﺘﻲ ﻭﺣﺘﻰ ﻫﻲ ﻫﻜﻲ ﻧﻔﺲ ﻣﻮﻗﻔﻚ ﺧﺪﻳﺘﻠﻬﺎ ﺯﻭﺯ ﺍﺧﺘﺒﺎﺭﺍﺕ ﻭﻗﻌﺪ ﻋﻨﺪﻱ ﻭﺍﺣﺪ
ﻧﻮﺭﺱ : ﺑﺎﻩ ﺟﻴﺒﻴﻪ ﻫﻲ
ﻋﻠﻴﺎ ﺧﺸﺖ ﻟﻠﺪﺍﺭ ﻭﻟﺘﻠﻬﺎ : ﺷﻮﻓﻲ ﺗﻌﺎﻟﻲ ﻧﻔﻬﻤﻚ ﻛﻴﻒ
ﻭﻗﻌﺪﺕ ﻋﻠﻴﺎ ﺗﺸﺮﺡ ﻟﻨﻮﺭﺱ
ﻧﻮﺭﺱ ﻓﺘﺤﺖ ﺑﺎﺏ ﺍﻟﺤﻤﺎﻡ ﻭﺷﺎﻓﺖ ﻟﻌﻠﻴﺎ ﻭﺗﺒﻜﻲ ﻭﺗﻀﺤﻚ : ﺣﺎﻣﻞ
ﻋﻠﻴﺎ ﺣﻀﻨﺘﻬﺎ : ﺍﻟﻒ ﻣﺒﺮﻭﻭﻭﻙ ﺣﺒﻴﺒﺘﻲ ، ﺍﺟﺮﻱ ﻓﺮﺣﻲ ﻋﺪﻧﺎﻥ
ﻧﻮﺭﺱ : ﻻ ﺧﻠﻲ ﺑﻌﺪﻳﻦ ﻟﻤﺎ ﻧﺮﻭﺡ
ﻋﻠﻴﺎ : ﺗﻲ ﺣﺮﺍﻡ ﻋﻠﻴﻚ ﻣﺴﺘﺨﺴﺮﺓ ﻓﻴﻪ ﺍﻟﻔﺮﺣﺔ
ﻧﻮﺭﺱ : ﺑﺎﻩ ﻫﻮ ﻭﻳﻦ
ﻋﻠﻴﺎ : ﻓﻲ ﺍﻟﺼﺎﻟﻮﻥ ﺑﺮﻭﺣﻪ ﺭﺍﻫﻮ ﺣﺘﻰ ﺧﻮﺗﻲ ﻣﻬﻨﺎﺵ
ﻧﻮﺭﺱ : ﺑﺎﻟﻚ ﻗﺎﻋﺪ ﺭﺍﻗﺪ
ﻋﻠﻴﺎ : ﻓﻴﻘﻴﻪ
ﻧﻮﺭﺱ : ﺑﺎﻩ ، ﻃﻠﻌﺖ ﻧﻮﺭﺱ ﻣﻦ ﺟﻨﺐ ﻋﻠﻴﺎ ﻭﺍﻣﺸﺖ ﻟﻌﺪﻧﺎﻥ ﺧﺸﺖ ﺍﻟﺼﺎﻟﻮﻥ ﻭﺳﻜﺮﺍﺗﻪ
ﻋﺪﻧﺎﻥ ﺩﻭﺏ ﻓﺎﺗﺢ ﻋﻴﻮﻧﻪ : ﺍﻟﺴﺎﻋﻪ ﻛﻢ
ﻧﻮﺭﺱ : 6 ﻭﻧﺺ
ﻋﺪﻧﺎﻥ ﻗﻌﻤﺰ : ﺗﻌﺎﻟﻲ ﺗﻌﺎﻟﻲ ، ﻭﺍﺷﺮﻟﻬﺎ ﺟﻨﺒﻪ
ﻧﻮﺭﺱ ﻗﻌﻤﺰﺕ ﺟﻨﺒﻪ ﻭﻫﻮ ﻟﻒ ﻋﻠﻴﻪ ﻳﺪﻳﻪ
ﻧﻮﺭﺱ : ﺣﺒﻴﺒﻲ
ﻋﺪﻧﺎﻥ ﺑﺎﺳﻬﺎ : ﻋﻴﻮﻧﻪ
ﻧﻮﺭﺱ : ﺍﻧﻲ ﺣﺎﻣﻞ
ﻋﺪﻧﺎﻥ ﻗﻌﺪ ﻣﺴﺘﻚ ﻳﺸﻮﻓﻠﻬﺎ
ﻧﻮﺭﺱ ﻭﺧﺮﺕ ﻣﻨﻪ ﻭﺑﺘﺮﺩﺩ : ﻣﺎﻓﺮﺣﺘﺶ
ﻋﺪﻧﺎﻥ : ﺗﺪﻭﻱ ﺟﺪﻳﺎﺕ
ﻧﻮﺭﺱ ﻫﺰﺕ ﺭﺍﺳﻬﺎ ﺑﺎﺍﻳﻪ : ﺗﻮﺍ ﺩﺭﺕ ﺍﺧﺘﺒﺎﺭ ﺍﻟﺤﻤﻞ ﻋﻨﺪ ﻋﻠﻴﺎ
ﻋﺪﻧﺎﻥ ﻗﻌﺪ ﻳﻀﺤﻚ ﺑﻔﺮﺣﺔ ﻛﺎﺍﻧﻪ ﻣﻬﺴﺘﺮ ﻭﺣﻀﻨﻬﺎ ﺑﻘﻮﺓ : ﺍﻟﺤﻤﺪ ﻟﻠﻪ ﻳﺎﺍﺍﺭﺑﻲ ﻣﺒﺮﻭﻭﻙ ﻳﺎﺍﺍﻗﻠﺒﻲ ﻣﺒﺮﻭﻭﻙ
ﻧﻮﺭﺱ : ﻫﻬﻬﻬﻪ ﺍﻟﻠﻪ ﻳﺒﺎﺭﻙ ﻓﻴﻚ
ﻋﺪﻧﺎﻥ : ﺗﻌﺮﻓﻲ ﺍﻧﺘﻲ ﺑﻜﻼﻣﻚ ﺧﻠﻴﺘﻴﻨﻲ ﻧﻄﻴﺮ ﻣﻦ ﺍﻟﻔﺮﺣﺔ ، ﻫﻲ ﻧﻮﺿﻲ ﻧﻮﺿﻲ ﻧﻤﺸﻮ ﻟﻠﻤﺴﺘﺸﻔﻰ ﻧﺘﻄﻤﻦ ﻋﻠﻴﻚ
ﻧﻮﺭﺱ : ﻓﻲ ﺷﻦ ﺑﺘﻄﻤﻦ ﻋﻠﻴﺎ
ﻋﺪﻧﺎﻥ : ﺗﺎﺧﺪﻱ ﻣﻮﻋﺪ ﻋﻨﺪ ﺩﻛﺘﻮﺭﺓ ﻭﺗﺒﺪﻱ ﺍﺗﺎﺑﻌﻲ ﻣﻌﺎﻫﺎ
ﻧﻮﺭﺱ : ﺍﻣﻢ ﻓﻲ ﺩﻛﺘﻮﺭ ﻧﺴﻴﺒﺔ ﻛﻮﻳﺲ
ﻋﺪﻧﺎﻥ : ﻻﻻ ﺩﻛﺘﻮﺭ ﻻ ﻓﻜﻴﻨﻲ ﻣﻨﻪ ﺗﻮ ﻧﺸﻮﻓﻮ ﺩﻛﺘﻮﺭﺓ ﻛﻮﻳﺴﺔ
ﻧﻮﺭﺱ : ﺑﺎﻩ ﻧﻤﺸﻮ ﺗﻮﺍ
ﻋﺪﻧﺎﻥ ﻏﻤﺰﻟﻬﺎ : ﻧﺮﻛﺐ ﻧﺪﻭﺵ ﻭﺍﻧﺘﻲ ﻭﺗﻲ ﺭﻭﺣﻚ ﻭﻧﻄﻠﻌﻮ
ﻧﻮﺭﺱ ﺍﺑﺘﺴﻤﺖ : ﺗﻤﺎﻡ
ﻋﺪﻧﺎﻥ : ﺑﻨﻄﻴﻴﺮ ﻣﻦ ﺍﻟﻔﺮﺣﺔ ﻳﺎﺍﻧﺎﺍﺍﺱ
ﻧﻮﺭﺱ : ﻫﻬﻬﻪ ﻋﺪﻧﺎﻥ ﻋﻤﺘﻲ ﻗﺎﻋﺪﺓ ﻓﻲ ﺍﻟﺤﻮﺵ ﻓﻴﺶ ﺩﺍﻋﻲ ﻟﻠﻔﻀﺎﻳﺢ
ﻋﺪﻧﺎﻥ : ﺍﺻﻼ ﺗﻮﺍ ﺑﻨﻘﻮﻟﻠﻬﺎ ﻗﺒﻞ ﻟﻨﺮﻛﺐ
ﻃﻠﻊ ﻋﺪﻧﺎﻥ ﻣﻦ ﺍﻟﺼﺎﻟﻮﻥ ﻭﻭﺭﺍﻩ ﻧﻮﺭﺱ ﻭﺗﺘﺮﺟﻰ ﻓﻴﻪ ﻣﺎﻳﺘﻜﻠﻤﺶ ﻟﻴﻦ ﻫﻲ ﺗﻘﻮﻟﻠﻬﺎ ﻣﺶ ﻫﻮ
ﻧﻮﺭﺱ : ﻋﺪﻧﺎﻥ ﺍﻃﻠﻖ ﻳﺪﻱ ﺑﺎﻫﻲ ﻭﺍﻟﻠﻪ ﻧﺘﺤﺸﻢ
ﻋﺪﻧﺎﻥ ﻣﺶ ﻣﻌﺪﻝ ﻋﻠﻴﻬﺎ : ﺍﻣﻴﻴﻲ ﻳﺎﺍﺍﻡ ﻭﻳﻴﻴﻨﻚ
ﻋﻤﺘﻲ ﺍﻧﺨﻠﻌﺖ : ﺍﻧﻲ ﻓﻲ ﺍﻟﺪﺍﺭ ﺭﺍﻗﺪﺓ ﺧﻴﺮﻙ ﺷﻦ ﻓﻲ
ﻋﺪﻧﺎﻥ ﺧﺶ ﻟﻠﺪﺍﺭ ﻭﺷﺎﺩ ﻧﻮﺭﺱ : ﻭﻳﻴﻦ ﺭﺍﻗﺪﺓ ﻧﻮﻭﺿﻲ ﺑﻴﺠﻴﻚ ﺣﻔﻴﺪ ﺑﺎﺵ ﺗﻮﺗﻲ ﺍﻟﻌﺼﻴﺪﺓ
ﻋﻤﺘﻲ : ﻣﻨﻮ ﻧﻮﺭﺱ ﺣﺎﻣﻞ ﻣﺎﺍﺍﺷﺎﺀ ﺍﻟﻠﻪ ﻣﺒﺮﻭﻭﻭﻙ ﻳﺎﺑﻨﺘﻲ
ﻧﻮﺭﺱ : ﺍﻟﻠﻪ ﻳﺒﺎﺭﻙ ﻓﻴﻚ
،،،،،
ﻣﺮﺕ ﺳﻨﻪ ﻭﺍﺗﻨﻴﻦ ﻭﺍﻟﻌﻤﺮ ﻳﻤﺸﻲ ﻛﻞ ﻣﺮﺓ ﻳﺼﻴﺮ ﻣﻌﺎﻧﺎ ﺷﻲ ﻳﻨﺴﻴﻨﺎ ﻛﻞ ﺷﻲ ﻋﺸﻨﺎﻩ ﻣﻦ ﻗﺒﻞ
" ﻳﻤﺮ ﺍﻟﻌﻤﺮ ﺗﺄﺗﻴﻨﺎ ﺃﺣﺰﺍﻥ ﻧﻘﻮﻝ ﻻ ﻫﻢ ﺑﻌﺪﻫﺎ ﻭﻟﻜﻦ ﻛﻠﻤﺎ ﻛﺒﺮﻧﺎ ﻧﻜﺘﺸﻒ ﺃﻥ ﺍﻟﻬﻤﻮﻡ ﺗﻜﺒﺮ ﻣﻌﻨﺎ ، ﻭﻟﻜﻦ ﻭﺟﻮﺩ ﻣﻦ ﻧﺤﺐ ﻓﻲ ﺣﻴﺎﺗﻨﺎ ﻳﻨﺴﻴﻨﺎ ﻛﻞ ﺩﻣﻊ ﻗﺪ ﺍﻧﻬﻤﺮ ﻗﻬﺮﺍ ﻳﻮﻣﺎ ﻣﺎ "
ﺑﻌﺪ ﺳﻨﺘﻴﻦ ﺯﻭﺍﺝ ﻛﺎﻧﺖ ﻃﺎﻟﻌﻪ ﻫﻲ ﻭﻳﺎﻩ ﻭﺷﺎﺩﺓ ﻓﻲ ﻳﺪﻩ ، ﻛﺎﻧﺖ ﺗﺸﻮﻓﻠﻪ ﻭﻣﺒﺘﺴﻤﻪ ﻗﺪﺭ ﻳﺄﺳﺮ ﻗﻠﺒﻬﺎ ﺑﺼﺒﺮﻩ ﻣﻌﺎﻫﺎ ﻭﻣﻦ ﻗﻮﺓ ﺣﺒﻪ ﻟﻴﻬﺎ ﺻﺒﺮ ﺣﺘﻰ ﻭﻫﻲ ﻗﻠﺒﻬﺎ ﻣﻊ ﻏﻴﺮﻩ
ﻛﺎﻧﻮ ﻃﺎﻟﻌﻴﻦ ﻣﻦ ﺍﻟﻤﺴﺘﺸﻔﻰ ﻭﺍﻻﺗﻨﻴﻦ ﻓﺮﺣﺎﻧﻴﻦ ﺑﺨﺒﺮ ﺣﻤﻞ ﺑﻌﺪ ﺳﻨﺘﻴﻦ ، ﻓﺮﺣﺘﻬﻢ ﻣﺶ ﺳﺎﻳﻌﺘﻬﻢ ﺍﻻﺗﻨﻴﻦ ، ﺻﺢ ﻫﻲ ﻓﺮﺣﺎﻧﻪ ﺍﻧﻬﺎ ﺣﺘﻮﻟﻲ ﺍﻡ ﺑﺲ ﻫﻮ ﻓﺮﺣﺘﻪ ﺍﻟﻀﻌﻒ ﻫﻮ ﺣﻴﻮﻟﻲ ﺍﺏ ﻟﻄﻔﻞ ﻣﻦ ﺣﺐ ﺣﻴﺎﺗﻪ ﻭﺍﻟﻲ ﻃﺎﻟﻤﺎ ﺣﻠﻢ ﺑﻬﺎﻟﻠﺤﻈﺔ
ﻗﺎﻣﺖ ﻋﻴﻨﻬﺎ ﺟﺖ ﻋﻠﻲ ﻫﺪﺍﻛﺎ ﺍﻟﺸﺨﺺ ﺍﻟﻲ ﻃﺎﻟﻤﺎ ﻛﺎﻥ ﺳﺒﺐ ﺣﺰﻧﻬﺎ ، ﺍﻟﺸﺨﺺ ﺍﻟﻲ ﺣﻄﻢ ﻗﻠﺒﻬﺎ ﻭﺣﺮﻣﻬﺎ ﺍﻧﻬﺎ ﺗﺒﺎﺩﻝ ﺍﻟﻲ ﻳﺤﺒﻬﺎ ﻧﻔﺲ ﻣﻘﺪﺍﺭ ﺣﺒﻪ
ﺍﻟﺸﺨﺺ ﺍﻷﻧﺎﻧﻲ ﺍﻟﻲ ﺣﺘﻰ ﻳﻮﻡ ﻛﺎﻧﺖ ﺗﺤﺎﻭﻝ ﺗﻔﺮﺣﻪ ﺣﻄﻤﻬﺎ ﻭﺧﻼﻫﺎ ﺗﺨﺶ ﻟﺤﻮﺵ ﺭﺍﺟﻠﻬﺎ ﺗﺒﻜﻲ
ﻧﺮﺟﻌﻮ ﻗﺒﻞ ﺳﻨﺘﻴﻦ
ﻳﻮﻡ ﻓﺎﺗﺤﺔ ﻧﺮﺟﺲ ﻭﻓﻲ ﺍﻟﻠﻴﻞ ﺣﻴﺎﺧﺪﻫﺎ ﻣﻌﺎﺩ
ﻛﻨﺎ ﻣﺪﺍﻳﺮﻳﻦ ﺣﻔﻠﻪ ﺻﻐﻴﺮﺓ ﻓﻲ ﺍﻟﺤﻮﺵ
ﻣﻊ ﺍﻥ ﺍﻟﺤﻮﺵ ﻛﺎﻥ ﻛﺌﻴﺐ ﺑﺲ ﻛﻨﺎ ﻧﺤﺎﻭﻟﻮ ﻧﺒﻌﺘﻮ ﻓﻴﻪ ﺍﻟﻔﺮﺡ ، ﻛﺎﻧﺖ ﻛﻞ ﻭﺣﺪﺓ ﻓﻴﻨﺎ ﺗﺒﻜﻲ ﻭﺗﺨﻔﻲ ﻓﻲ ﺩﻣﻮﻋﻬﺎ ﻉ ﺍﻟﺘﺎﻧﻴﺔ ، ﻛﻞ ﻭﺣﺪﺓ ﻓﻴﻨﺎ ﻭﻗﺖ ﺗﺨﺶ ﻟﺪﺍﺭ ﻣﺎﻣﺎ ﻣﺎﺗﻘﺪﺭﺵ ﺗﻤﺴﻚ ﺩﻣﻮﻋﻬﺎ ، ﻛﺎﻥ ﻋﺮﺱ ﻛﻠﻪ ﺩﻣﻮﻉ ﺍﻛﺜﺮ ﻣﻦ ﻫﻮ ﻓﺮﺡ ، ﺗﻤﻨﻴﻨﺎ ﺍﻧﻬﻢ ﻫﻤﺎ ﺍﻻﺗﻨﻴﻦ ﻣﻌﺎﻧﺎ ﺑﺲ ﻣﺶ ﻛﻞ ﺷﻲ ﺗﺘﻤﻨﻴﻪ ﺗﺤﺼﻠﻲ ﻋﻠﻴﻪ ، ﻭﺷﻦ ﻃﻌﻢ ﺍﻟﺤﻴﺎﺓ ﻣﻦ ﻏﻴﺮ ﺍﺏ ﻭﺍﻡ
ﺑﻌﺪ ﻗﺮﻭ ﺍﻟﻔﺎﺗﺤﺔ ، ﺧﺎﻟﺘﻲ ﻭﻋﻤﺘﻲ ﻗﻌﺪﻭ ﻳﺰﻏﺮﺗﻮ
ﻟﺪﺭﺟﺔ ﻛﻨﺎ ﻧﺘﻔﺮﺟﻮ ﻋﻠﻴﻬﻢ ﻭﻣﺶ ﻋﺎﺭﻓﻴﻦ ﺷﻦ ﻧﺪﻳﺮﻭ ، ﺯﻏﺎﺭﻳﺖ ﻓﻲ ﺣﻮﺷﻨﺎ ﻭﻣﻦ ﻏﻴﺮ ﻭﺟﻮﺩ ﻻ ﻣﺎﻣﺎ ﻭﻻﺑﺎﺑﺎ
ﻛﺎﻧﻮ ﻳﺴﻠﻤﻮ ﻋﻠﻴﻬﺎ ﻳﺒﺎﺭﻛﻮﻟﻬﺎ ﻭﻫﻲ ﺗﺒﻜﻲ
ﻫﻲ ﻣﺶ ﻋﺎﺭﻓﻪ ﻭﻳﻦ ﺗﻮﺯﻉ ﻭﺟﻌﻬﺎ
ﻫﻞ ﺗﺒﻜﻲ ﻋﻠﻲ ﺍﻡ ﻭﺍﺏ ﺍﺧﺪﺗﻬﻢ ﺍﻟﺪﻧﻴﺎ ﻭﺍﻧﻜﺴﺮﺕ ﻓﻴﻬﻢ ، ﺍﻡ ﺗﺒﻜﻲ ﻋﻠﻲ ﻟﻴﻠﺔ ﻋﻤﺮ ﻣﻦ ﻏﻴﺮ ﻣﺴﺎﻧﺪﺗﻬﻢ ﻟﻴﻬﺎ ، ﺍﻭ ﺗﺒﻜﻲ ﻋﻠﻲ ﺣﺐ ﻛﺴﺮ ﻗﻠﺒﻬﺎ ﻭﻣﺎﻗﺪﺭﺗﺶ ﺗﺘﺨﻠﺺ ﻣﻨﻪ ، ﻭﺍﻻ ﺗﺒﻜﻲ ﻋﻠﻲ ﺷﺨﺺ ﻳﻌﺸﻘﻬﺎ ﺑﺠﻨﻮﻥ ﻭﻣﺶ ﻗﺎﺩﺭﺓ ﺗﺤﺒﻪ ﺑﻨﺺ ﺣﺒﻪ ﻟﻴﻬﺎ
ﻛﺎﻥ ﺗﻠﻴﻔﻮﻥ ﻧﺮﺟﺲ ﻣﻊ ﻧﻮﺭﺱ ﺷﺎﺩﺍﺗﻪ ، ﻓﺸﺮﻳﻦ ﺍﻟﺘﻠﻴﻔﻮﻥ
ﻧﻮﺭﺱ ﺗﻠﻮﺩ ﺗﺪﻭﺭ ﻓﻲ ﻧﺮﺟﺲ ، ﻭﺻﻠﺖ ﻓﻲ ﻧﺮﺟﺲ ﺍﻟﺨﻂ ﻛﺎﻥ ﺑﻴﻔﺼﻞ ، ﻓﻔﺘﺤﺖ ﺍﻟﺨﻂ ﻭﺣﺎﻃﺎﺗﻪ ﻓﻲ ﻭﺩﻧﻬﺎ
ﻧﺮﺟﺲ ﺗﻤﺴﺢ ﻓﻲ ﺩﻣﻮﻋﻬﺎ : ﻣﻨﻮ
ﻧﻮﺭﺱ : ﻣﺎﻧﻌﺮﻓﺶ ﺭﻗﻢ ﻏﺮﻳﺐ ﻣﻦ ﺑﻜﺮﻱ ﻳﺸﺮﻳﻦ ﺑﺎﻟﻚ ﻣﻌﺎﺩ ﺑﻴﺒﺎﺭﻛﻠﻚ
ﻧﺮﺟﺲ ﺷﺪﺕ ﺍﻟﺘﻠﻴﻔﻮﻥ ﻛﻮﻳﺲ ﻓﻲ ﻭﺩﻧﻬﺎ : ﺍﻟﻮ
ﺣﺴﻦ : ﺍﺳﺘﺎﺣﺸﺘﻚ
ﻧﺮﺟﺲ ﻧﺼﺪﻣﺖ ﺍﻭﻝ ﻣﺎﺳﻤﻌﺖ ﺻﻮﺗﻪ ﻗﻌﺪﺕ ﺷﺎﺩﺓ ﺍﻟﺘﻠﻴﻔﻮﻥ ﻭﻣﺼﺪﻭﻣﻪ
ﺣﺴﻦ : ﻧﺮﺟﺲ ﻋﺎﺭﻓﻪ ﻣﺎﺗﺤﺒﻴﺸﻲ ﺍﻧﻲ ﻋﺎﺭﻓﻚ ﻗﺎﻋﺪﺓ ﺗﺤﺒﻴﻨﻲ ﺍﻧﻲ ﺑﺲ ﻋﺎﺭﻓﻚ ﺍﻧﻲ ﻧﺮﺟﺲ ﺍﻧﺘﻲ ﻟﻴﺎ ﺍﻧﻲ ﺑﺲ ﺭﺩﻱ ﻋﻠﻴﺎ
ﻧﺮﺟﺲ ﻣﺼﺪﻭﻣﺔ ﻣﻦ ﻛﻼﻣﻪ ﻭﺩﻣﻮﻋﻬﺎ ﻳﻨﺰﻟﻮ ، ﻣﺼﺪﻭﻣﻪ ﻣﻦ ﺍﻻﻧﺎﻧﻴﺔ ﺍﻟﻲ ﻓﻴﻪ
ﺣﺴﻦ : ﻣﺶ ﻣﺮﺗﺎﺡ ﻣﻌﺎﻫﺎ ﺍﻧﻲ ﺍﻣﻴﺮﺓ ﻣﻌﺎﺵ ﻧﺒﻴﻬﺎ ﻛﻞ ﻳﻮﻡ ﻧﺘﻌﺎﺭﻛﻮ ﻋﺎﺭﻑ ﺍﻧﻲ ﻋﻼﺵ ﻋﺎﺭﻑ ﺍﻧﻪ ﻗﻠﺒﻲ ﻗﺎﻋﺪ ﻣﻌﺎﻙ ﻣﺶ ﻗﺎﺩﺭ ﻳﺤﺐ ﻏﻴﺮﻙ
ﻧﺮﺟﺲ : ﻣﺮﺗﻚ ﺣﺎﻣﻞ ﺍﻧﺖ ﻭﺍﻋﻲ ﻟﻨﻔﺴﻚ
ﺣﺴﻦ : ﺍﻳﻪ ﺣﺎﻣﻞ ﻟﻜﻦ ﺍﻧﻲ ﻣﻌﺎﺵ ﻧﺒﻴﻬﺎ ﻣﺶ ﻣﺮﺗﺎﺡ ﻣﻌﺎﻫﺎ ﺍﻧﻲ ﻧﺤﺒﻚ ﺍﻧﺘﻲ ﺑﺲ ﻋﺎﺩﻱ ﻛﺎﻥ ﺗﺒﻲ ﻧﻄﻠﻘﻬﺎ ﻧﻄﻠﻘﻬﺎ ﺍﻧﻲ ﻭﻧﺮﺟﻌﻚ ﻭﺍﻻ ﺗﻘﻌﺪﻭ ﺍﻟﺰﻭﺯ ﻋﻠﻲ ﺫﻣﺘﻲ ﺍﻟﻤﻬﻢ ﻧﺮﺟﺲ ﻣﺎﺗﻮﺍﻓﻘﻴﺶ ﻋﻠﻴﻪ ﺑﺎﻟﻠﻪ ﻋﻠﻴﻚ ﻋﺎﺭﻑ ﺍﻟﻴﻮﻡ ﺍﻟﻔﺎﺗﺤﺔ ﻧﺮﺟﺲ ﺍﺭﻓﻀﻲ ﻗﺒﻞ ﻻﻳﻘﺮﻭﻫﺎ
ﻧﺮﺟﺲ ﺗﺒﻜﻲ : ﺍﻧﺖ ﺷﻨﻮ ﻣﺎﻋﻨﺪﻛﺶ ﻗﻠﺐ ﺍﻧﺖ ﺷﻨﻮﻭ ﺑﺎﻟﺰﺑﻂ ﺣﺮﺍﺍﺍﻡ ﻋﻠﻴﻴﻴﻚ ﻓﺎﺗﺤﺘﻲ ﺍﻧﻘﺮﺕ
ﺣﺴﻦ : ﺑﺎﻩ ﺍﻫﺮﺑﻲ ﻣﻌﺎﻱ ﺑﻌﺪﻫﺎ ﻳﻄﻠﻘﻚ ﻫﻮ ﻏﺼﺒﻦ ﻋﻨﻪ ، ﻧﺮﺟﺲ ﺑﺎﻟﻠﻪ ﻋﻠﻴﻚ ﻧﺠﻴﻚ ﻟﺤﻮﺷﻜﻢ ﻭﻳﻦ ﻣﺎﺗﺒﻲ ﻧﺮﺟﺲ ﻣﺎﺗﺘﺰﻭﺟﻴﺸﻲ
ﻧﺮﺟﺲ ﻣﺼﺪﻭﻣﻪ : ﺍﻧﺖ ﻣﻬﺒﻮﻝ ﺑﺠﺪ ﻻﺍﻧﺖ ﻓﻘﺪﺕ ﻋﻘﻠﻚ ﻳﻜﻔﻲ ﺍﻧﻚ ﺣﻘﻴﺮ ﻭﻧﺬﻝ ﻭﻓﻮﻗﻬﺎ ﺍﻧﺎﻧﻲ ﻭﻭﻗﺢ ﺯﻳﺎﺩﺓ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﻓﻴﻚ ﺍﻟﻠﻪ ﻻﻳﺴﺎﻣﺤﻚ ، ﻭﺳﻜﺮﺕ ﻋﻠﻴﻪ ﻭﻫﻲ ﻣﻨﻬﺎﺭﺓ ﺑﻜﻲ ، ﺧﺸﺖ ﻟﺪﺍﺭﻫﺎ ﻭﺳﻜﺮﺗﻬﺎ ﻋﻠﻴﻬﺎ ﻭﺗﺒﻜﻲ
ﻗﻀﺖ ﻫﺪﺍﻛﺎ ﺍﻟﻴﻮﻡ ﻛﻠﻪ ﺑﻜﻲ ، ﺣﺘﻰ ﻛﻨﺎ ﺑﻨﺪﻳﺮﻭﻟﻬﺎ ﻣﻜﻴﺎﺝ ﺭﻓﻀﺖ ، ﻟﺒﺴﺖ ﻗﻔﻄﺎﻥ ﺑﺴﻴﻂ ﺑﺲ
ﻟﺪﺭﺟﺔ ﺍﻭﻝ ﻣﺎﺟﻲ ﺧﺪﺍﻫﺎ ﻣﻌﺎﺩ ﻭﺧﺶ ﺑﻴﻬﺎ ﻟﺤﻮﺷﻬﻢ ﻗﻌﺪﺕ ﺗﺒﻜﻲ
" ﺍﻟﻘﻠﺐ ﻋﻨﺪﻣﺎ ﻳﻌﺸﻖ ﺑﺠﻨﻮﻥ ﻳﻮﺭﻃﻨﺎ ﺑﺄﻭﺟﺎﻉ ﻟﺴﻨﺎ ﻗﺎﺩﺭﻳﻦ ﻋﻠﻴﻬﺎ "
ﻟﻠﺤﻈﺔ ﺳﺮﺣﺖ ﻓﻲ ﻛﻞ ﻫﺎﺩﻳﻜﺎ ﺍﻟﺬﻛﺮﻳﺎﺕ ﺍﻟﺴﻴﺌﺔ ﻣﻨﻪ ، ﻟﻠﺤﻈﺔ ﺍﻛﺘﺸﻔﺖ ﺍﻧﻪ ﻗﻠﺒﻬﺎ ﻣﺎﻳﺤﻤﻠﺶ ﻟﻴﻪ ﺍﻻ ﺍﻟﺬﻛﺮﻳﺎﺕ ﺍﻟﺴﻴﺌﺔ ، ﺷﺎﻓﺖ ﻟﻤﻌﺎﺩ ، ﻣﻌﺎﺩ ﻣﺎﺷﺎﻓﺶ ﺣﺴﻦ ﻗﺎﻋﺪ : ﺧﻴﺮﻙ
ﻧﺮﺟﺲ ﺍﺑﺘﺴﻤﺖ : ﺷﻲ ﺟﻌﺎﻧﻪ ﺑﺲ
ﻣﻌﺎﺩ : ﻫﻬﻬﻬﻪ ﻣﺶ ﻣﻼﺣﻈﺔ ﺭﻭﺣﻚ ﺍﻧﺘﻲ ﻣﻮﻟﻴﺔ ﺗﺠﻮﻋﻲ ﻫﻠﺒﺎ
ﻧﺮﺟﺲ : ﻫﻬﻬﻬﻪ ﻧﻮﻛﻞ ﺣﺘﻰ ﻓﻲ ﻭﻟﺪ ﻣﻌﺎﻱ
ﻣﻌﺎﺩ : ﻭﻣﻦ ﻗﺎﻟﻚ ﻭﻟﺪ ﺍﺻﻼ ﻣﺮﺍﺕ ﺗﻮﺃﻡ
ﻣﺸﻮ ﻧﺮﺟﺲ ﻭﻣﻌﺎﺩ ﺷﺎﺩﻳﻦ ﻓﻲ ﻳﺪﻳﻦ ﺑﻌﺾ ﻭﻳﻬﺪﺭﺯﻭ ﻭﻳﻀﺤﻜﻮ ، ﻧﺮﺟﺲ ﺍﻭﻝ ﻣﺎﺣﻜﺖ ﻣﻊ ﻣﻌﺎﺩ ﺍﻧﺴﺖ ﺣﺴﻦ ﺍﻟﻲ ﻗﺎﻋﺪ ﻭﺍﻗﻒ ﻳﺘﻔﺮﺝ ﻋﻠﻴﻬﻢ ، ﻛﺎﻥ ﺍﻟﻨﺪﻡ ﻭﺍﻛﻠﻪ ﻭﻭﺍﺿﺢ ﻋﻠﻲ ﻭﺟﻬﻪ
" ﻭﻫﻞ ﻳﻨﻔﻊ ﺍﻟﻨﺪﻡ ﺑﻌﺪ ﻛﺴﺮ ﻗﻠﺐ ﺃﺣﺒﻚ ﺑﺼﺪﻕ ﻭﺑﺎﺕ ﻟﻴﺎﻟﻲ ﻳﺤﺘﺴﺐ ﺍﻟﻠﻪ ﻓﻴﻚ "
،،،،
ﻧﻮﺭﺱ : ﻋﺪﻧﺎﻥ ﺑﺎﻟﻠﻪ ﻋﻠﻴﻚ ﺷﺪﻩ ﺷﻮﻳﺔ ﺑﺲ ﻧﺪﻳﺮﻟﻪ ﺷﻴﺸﺔ
ﻋﺪﻧﺎﻥ : ﺑﻨﻄﻠﻊ ﻳﺎﻧﻮﺭﺱ ﺧﻴﺮﻙ ﺗﺎﺧﺮﺕ
ﻧﻮﺭﺱ : ﺑﺎﻟﻠﻪ ﻋﻠﻴﻚ ﺣﺒﻴﺒﻲ ﺧﻤﺴﺔ ﺩﻗﺎﻳﻖ ﺑﺲ
ﻋﺪﻧﺎﻥ ﺍﺧﺪﻱ ﻣﻨﻬﺎ ﻋﺒﺪ ﺍﻟﻌﻈﻴﻢ : ﺑﺎﻩ ﻫﻲ ﺑﺴﺮﻋﺔ ، ﻭﻗﻌﺪ ﻳﻠﻌﺐ ﻓﻲ ﻭﻟﺪﻩ
ﻧﻮﺭﺱ ﺍﻣﺸﺖ ﺗﺪﻳﺮ ﻓﻲ ﺍﻟﺸﻴﺸﺔ
ﻋﺪﻧﺎﻥ : ﻧﻮﻭﻭﻭﻭﺭﺱ
ﻧﻮﺭﺱ ﺍﻧﺨﻠﻌﺖ : ﻧﻌﻤﻤﻤﻢ
ﻋﺪﻧﺎﻥ : ﺻﻨﻨﻨﻨﺘﻪ ﺍﻳﻔﻲ ﺧﻴﺮﻙ ﻣﺶ ﻣﻐﻴﺮﺗﻴﻠﻪ
ﻧﻮﺭﺱ : ﺑﻨﻌﻄﻴﻪ ﺷﻴﺸﺔ ﻗﺒﻞ ﻣﺎﻫﻮ ﻳﻌﻴﻂ
ﻋﺪﻧﺎﻥ ﺧﺸﻠﻬﺎ ﻓﻲ ﺍﻟﻤﻄﺒﺦ : ﺗﻲ ﺭﻛﺒﺖ ﻓﻴﺎ ﺍﻟﺼﻨﻪ ﻣﻌﻔﻨﻬﺎ
ﻧﻮﺭﺱ : ﻫﻬﻬﻬﻬﻬﻬﻪ
ﻋﺪﻧﺎﻥ : ﺗﻀﺤﻜﻲ ، ﺍﻳﻴﻔﻲ ﻳﺎﺍﺍﺑﺎﺑﺎ ﺻﻨﺘﺘﻚ ﺍﻳﻔﻲ
ﻋﺒﺪﻭ ﺍﻟﻲ ﻋﻤﺮﻩ ﺳﻨﻪ ﻭﺷﻬﻮﺭ ﻗﻌﺪ ﻳﺸﻮﻑ ﻟﺒﻮﻩ ﻳﻀﺤﻚ ﻭﻣﺶ ﻓﺎﻫﻢ ﺷﻲ
ﻋﺪﻧﺎﻥ : ﻗﺮﻗﺮﻗﺮ ﺍﺿﺤﻚ ﺍﻳﻪ ﺑﺎﻟﺰﺑﻂ ﻳﺎﻣﻌﻔﻦ
ﻧﻮﺭﺱ ﺍﺧﺪﺍﺗﻪ : ﻫﻬﻬﻬﻬﻪ ﺳﻠﻢ ﻭﻟﻴﺪﻱ ﻳﺎﺍﺭﺑﻲ
ﻋﺪﻧﺎﻥ : ﺣﻄﻴﻪ ﻓﻲ ﺍﻟﺪﻭﺵ ﺑﺤﻮﺍﻳﺠﻪ ﺗﻮ ﻫﻜﻲ ﺑﺎﻩ ﻧﺤﺲ ﻓﻲ ﺍﻟﺼﻨﻪ ﺭﻛﺒﺖ ﻓﻲ ﺳﻮﺭﻳﺘﻲ
ﻧﻮﺭﺱ ﺗﺮﺿﻊ ﻓﻲ ﻋﺒﺪﻭ ﺍﻟﺸﻴﺸﺔ : ﻫﻬﻬﻬﻪ ﻣﺶ ﻟﻠﺪﺭﺟﺔ ﻫﺎﺩﻱ
ﻋﺪﻧﺎﻥ ﻏﻴﺮ ﺳﻮﺭﻳﺘﻪ : ﺗﻮ ﻫﻜﻲ ﻋﻄﻠﺘﻮﻧﻲ
ﻧﻮﺭﺱ : ﺍﻧﺖ ﺍﻟﻮﻗﺖ ﺍﻟﻲ ﻗﻌﺪﺕ ﺗﻨﻘﺮﺯ ﻓﻴﻪ ﻉ ﺍﻟﺴﻮﺭﻳﺔ ﻛﻨﺖ ﻭﺻﻠﺖ ﻓﻴﻪ ﻟﻠﺨﺪﻣﺔ
ﻋﺪﻧﺎﻥ ﻃﺒﺲ ﺑﺎﺳﻬﺎ : ﺗﻮ ﻣﺶ ﺭﺍﺩ ﻋﻠﻴﻚ ﺑﻌﺪﻳﻦ ﺳﺎﻫﻞ ، ﻭﻃﺒﺲ ﺑﺎﺱ ﻋﺒﺪﻭ : ﻫﻲ ﺭﺩﻱ ﺑﺎﻟﻚ ﻉ ﺭﺭﻭﺣﻚ
ﻧﻮﺭﺱ : ﺣﺘﻰ ﺍﻧﺖ ﺭﺩ ﺑﺎﻟﻚ ﻣﻦ ﺍﻟﻄﺮﻳﻖ ﻓﻲ ﺣﻔﻆ ﺍﻟﻠﻪ
،،،،،،،
ﻧﻮﺍﻝ : ﻳﺎﺭﺑﻲ ﺍﻧﻲ ﺷﻦ ﺩﺭﺭﺕ ﻓﻲ ﻋﻤﺮﻱ ﺑﺲ ﻣﺤﻤﻮﻭﻭﺩ ﻧﻮﻭﻭﺽ ﺷﺪ ﻣﻌﺎﺍﺍﻱ ﺣﺘﻰ ﻭﺣﺪﺓ ﻣﻨﻬﻢ
ﻣﺤﻤﻮﺩ ﺗﻘﻠﺐ ﻭﻏﻄﺎ ﺭﺍﺳﻪ ﺑﺎﻟﻤﺨﺪﺓ : ﻧﻮﻭﺿﻲ ﺍﻃﻠﻌﻲ ﺍﻧﺘﻲ ﻭﺑﻨﺎﺗﻚ ﻣﻦ ﺍﻟﺪﺍﺭ ﺑﻨﺮﺭﻗﺪ
ﻧﻮﺍﻝ : ﺑﻨﺎﺍﺍﺗﻲ ﺍﻧﻲ ﺑﺲ ﻫﻤﺎﺍﺍ ﻣﺤﻤﻮﺩ ﻭﺍﻟﻠﻪ ﻧﺨﻠﻴﻬﻤﻠﻚ ﻭﻧﻄﻠﻊ ﻭﻧﺴﻴﺒﻚ ﻫﺒﻠﻮﻭﻭﻧﻲ ﺭﺍﺍﺍﻫﻮ
ﻣﺤﻤﻮﺩ : ﺗﻲ ﺍﻟﺰﻓﺖ ﺍﻟﻴﻮﻡ ﺑﺲ ﻳﻮﻭﻡ ﻋﻄﻠﺘﻲ ﺑﻨﺮﺭﺭﻗﺪ
ﻧﻮﺍﻝ : ﺷﺪﻫﻢ ﻣﻌﺎﻱ ﺑﺎﻫﻲ ﺷﻮﻳﺔ ﻣﻦ ﺑﻴﻦ ﻣﺎﺭﻗﺪﻭ ﺣﺘﻰ ﺍﻧﻲ ﻧﺒﻲ ﻧﺮﻗﺪ ﺑﺎﻟﻠﻪ ﻋﻠﻴﻚ
ﻣﺤﻤﻮﺩ ﻗﻌﻤﺰ : ﺍﻟﺼﺒﺮ ﻳﺎﺍﺭﺑﻲ
ﻧﻮﺍﻝ : ﺷﺪ ﺍﻧﺖ ﺭﻫﻒ ﻭﺍﻧﻲ ﺭﻏﺪ ﺑﻨﺮﺿﻌﻬﺎ
ﻣﺤﻤﻮﺩ ﺧﺪﻱ ﺭﻫﻒ ﻭﻗﻌﺪ ﻳﻬﺰ ﺑﻴﻬﺎ ﻭﻳﻨﻔﺦ ﻭﻃﺎﻳﺮﺗﻠﻪ
ﻧﻮﺍﻝ ﻋﻨﺪﻫﺎ ﺯﻭﺯ ﺑﻨﺎﺕ ﺗﻮﺃﻡ ﻋﺴﻞ ﺭﻫﻒ ﻭﺭﻏﺪ ﻋﻤﺮﻫﻢ 3 ﺷﻬﻮﺭ ﺑﺲ
ﻧﻮﺍﻝ ﻛﻤﻠﺖ ﻗﺮﺍﻳﺘﻬﺎ ﺍﺷﺘﻐﻠﺖ ﺷﻮﻳﺔ ﻭﺑﻌﺪ ﺣﻤﻠﺖ ﻣﻌﺎﺵ ﻗﺪﺭﺕ
ﺍﻣﺎ ﻣﺤﻤﻮﺩ ﻓﺒﺪﻱ ﻳﺸﺘﻐﻞ ﻓﻲ ﺷﺮﻛﺔ ﻭﺍﻳﻀﺎ ﺩﺍﺭ ﻣﺤﻞ ﻭﻣﺄﺟﺮﻩ ، ﻭﻗﺪﺭ ﻳﺒﻨﻲ ﺣﻮﺵ ﺑﺮﻭﺣﻪ
،،،،
ﻧﺎﺿﺖ ﺍﻟﺼﺒﺢ ﺯﻱ ﻛﻞ ﻳﻮﻡ ﻭﺗﺖ ﺭﻭﺣﻬﺎ ﻭﻃﻠﻌﺖ ﻟﻠﻤﺴﺘﺸﻔﻰ
ﻛﺎﻧﺖ ﻓﻲ ﻫﺪﺍﻛﺎ ﺍﻟﻴﻮﻡ ﺳﺮﺣﺎﻧﻪ ﺑﺸﻜﻞ ﻏﺮﻳﺐ
ﻛﻞ ﺫﻛﺮﻳﺎﺗﻬﺎ ﺍﻟﺤﻠﻮﺓ ﻭﺍﻟﻤﺮﺓ ﺗﻤﺮ ﻗﺪﺍﻡ ﻋﻴﻮﻧﻬﺎ
ﺗﻔﻜﺮ ﻓﻲ ﺍﻟﺤﺐ ﺍﻟﻲ ﻗﺎﻋﺪﺓ ﺗﻌﺎﻧﻲ ﻣﻨﻪ ﻭﺍﻟﻲ ﺗﺤﺎﻭﻝ ﺗﺨﻔﻴﻪ ﻋﻠﻲ ﺍﻟﻜﻞ
ﺭﻏﻢ ﻧﺠﺎﺣﻬﺎ ﻓﻲ ﺣﻴﺎﺗﻬﺎ ﻓﻲ ﻛﻞ ﺷﻲ ﺑﺲ ﻣﺎﻗﺪﺭﺗﺶ ﺗﻨﺠﺢ ﻓﻲ ﺍﻟﻤﺤﺎﻓﻈﺔ ﻋﻠﻲ ﺣﺐ ﺣﻴﺎﺗﻬﺎ ﺍﻟﻲ ﻫﻲ ﺗﺸﻮﻑ ﻓﻲ ﻧﻔﺴﻬﺎ ﺿﻴﻌﺎﺗﻪ ﻣﻦ ﺑﻴﻦ ﻳﺪﻳﻬﺎ
ﻛﺎﻧﺖ ﻣﺎﺷﻴﺔ ﻟﻠﻤﺴﺘﺸﻔﻰ ﻓﻲ ﺳﻨﻪ ﺍﻟﺘﺪﺭﻳﺐ ﺍﻟﻲ ﻗﺮﺑﺖ ﻓﻴﻬﺎ ﻣﻦ ﺍﻟﺘﺨﺮﺝ ﻭﺗﺤﻘﻴﻖ ﺣﻠﻤﻬﺎ
ﻏﻴﺮﺕ ﺗﺨﺼﺼﻬﺎ ﺍﻟﻲ ﻛﺎﻧﺖ ﺗﺤﻠﻢ ﺑﻴﻬﺎ ﺍﻟﻲ ﻫﻮ ﻃﺐ ﺍﺳﻨﺎﻥ ﻟﻨﺴﺎﺀ ﻭﻭﻻﺩﺓ ، ﻛﻞ ﺷﻲ ﻫﻮ ﻓﻴﻪ ﻛﺎﻧﺖ ﺗﺒﺎﻋﺪ ﻣﻨﻪ
ﺗﺤﺎﻭﻝ ﺗﺎﺧﺪ ﻗﻠﺒﻬﺎ ﺍﻟﻲ ﻗﺎﻋﺪ ﻣﻌﻠﻖ ﺑﻴﻪ
ﻻﻧﻪ ﺩﻛﺘﻮﺭ ﺍﺳﻨﺎﻥ ﺣﻮﻟﺖ ﺍﻟﻔﻜﺮﺓ ﻣﻦ ﺭﺍﺳﻬﺎ ، ﻛﻠﻬﺎ ﻣﺤﺎﻭﻻﺕ ﻓﺎﺷﻠﺔ ﻣﻨﻬﺎ ﺗﺒﺎﻋﺪ ، ﻛﺎﻧﺖ ﺗﺸﻮﻓﻠﻪ ﻭﻫﻮ ﻣﻊ ﻣﺮﺍ ﺗﺎﻧﻴﻪ ﻭﺗﺤﺎﻭﻝ ﺗﺒﻴﻦ ﻧﻔﺴﻬﺎ ﻗﻮﻳﺔ ﻗﺪﺍﻣﻬﻢ
ﺗﺴﻤﻊ ﻓﻲ ﻣﺮﺗﻪ ﺗﺤﻜﻲ ﻋﻠﻴﻪ ﻗﺪﺍﻣﻬﺎ ﻭﻫﻲ ﻣﺶ ﻗﺎﺩﺭﺓ ﺗﺪﻳﺮ ﺷﻲ
ﺷﻌﻮﺭ ﺍﻟﻌﺠﺰ ﺻﻌﺐ ، ﺻﻌﺐ ﻟﻤﺎ ﺗﻜﻮﻧﻲ ﻋﺎﺟﺰﺓ ﺍﻧﻚ ﺗﻜﻮﻧﻲ ﻗﺮﻳﺒﺔ ﻣﻦ ﺣﺒﻴﺒﻚ ، ﺻﻌﺐ ﻟﻤﺎ ﺗﻜﻮﻧﻲ ﻋﺎﺟﺰﺓ ﺗﺮﺟﻌﻲ ﺍﻟﺸﻲ ﺍﻟﻲ ﺿﻴﻌﺘﻴﻪ ﻣﻦ ﺑﻴﻦ ﻳﺪﻳﻚ ، ﺻﻌﺐ ﺗﻜﻮﻧﻲ ﻋﺎﺟﺰﺓ ﻋﻠﻲ ﻧﺴﻴﺎﻥ ﺍﺟﻤﻞ ﺳﻨﻮﺍﺕ ﺍﻗﻀﻴﺘﻴﻬﻢ ﻓﻲ ﺣﻴﺎﺗﻚ ﻣﻌﺎﻩ
ﻭﺻﻠﺖ ﻟﻠﻤﺴﺘﺸﻔﻰ ﻭﻧﺰﻟﺖ ﻣﻦ ﺍﻟﺴﻴﺎﺭﺓ ﺧﺸﺖ ﻟﻠﻤﺴﺘﺸﻔﻰ ﻭﻫﻲ ﻗﺎﻋﺪﺓ ﺳﺮﺣﺎﻧﻪ
ﺗﻤﺸﻲ ﻓﻲ ﺍﻟﻤﻤﺮ ﻭﻣﺎﺗﺴﻤﻊ ﻓﻲ ﺷﻲ ﻏﻴﺮ ﻓﻲ ﺻﻮﺗﻪ ﻭﻫﻮ ﻳﻘﻮﻟﻮﻟﻬﺎ : ﻋﻠﻴﺎ ﺍﻧﻲ ﻧﺤﺒﻚ
ﺍﻟﻜﻠﻤﺎﺕ ﺍﻟﻲ ﻛﺎﻧﺖ ﻟﻤﺎ ﺗﺴﻤﻌﻬﻢ ﻣﻨﻪ ﺗﺤﺲ ﻧﻔﺴﻬﺎ ﺑﺘﻄﻴﺮ ﻣﻦ ﺍﻟﻔﺮﺣﺔ ، ﺍﻟﻲ ﻣﺴﺘﻌﺪﺓ ﺗﺪﻳﺮ ﺍﻱ ﺷﻲ ﻋﻠﺸﺎﻥ ﺗﺴﻤﻌﻬﻢ ﺗﺎﻧﻲ ، ﺑﺲ ﻓﺎﺕ ﺍﻻﻭﺍﻥ
ﻛﺎﻥ ﻳﻤﺸﻲ ﻭﺭﺍﻫﺎ ﻓﻲ ﺍﻟﻤﻤﺮ ﻭﻳﺤﺎﻭﻝ ﺳﺮﻉ ﻣﻦ ﺧﻄﻮﺗﻪ ﺑﺎﺵ ﻳﻠﺤﻘﻬﺎ : ﻋﻠﻴﺎ ﺩﻛﺘﻮﻭﺭﺓ ﻋﻠﻴﺎ
ﻋﻠﻴﺎ ﻓﺎﺍﻗﺖ ﺍﻧﻪ ﻓﻲ ﺣﺪ ﻳﻨﺎﺩﻱ ﻋﻠﻴﻬﺎ ،ﺗﻠﻔﺘﺖ ﺑﺎﺳﺘﻐﺮﺍﺏ ﺗﺸﻮﻓﻠﻪ ﻭﻫﻮ ﺩﺍﻫﺶ
ﻭﻗﻒ ﻭﻳﺎﺧﺪ ﻓﻲ ﻧﻔﺲ : ﻭﺍﺧﻴﺮﺍ ﻭﻗﻔﺘﻲ ، ﻫﻬﻬﻪ ﻟﻴﺎ ﺳﺎﻋﻪ ﻧﺠﺮﻱ ﻭﺭﺍﻙ
ﻋﻠﻴﺎ : ﺍﺳﻔﺔ ﺑﺲ ﻣﺎﺳﻤﻌﺘﻜﺶ ﻛﻨﺖ ﺳﺮﺣﺎﻧﻪ
ﻫﻮ : ﻗﻠﺖ ﺍﻧﺴﻪ ﻋﻠﻴﺎ ﻳﺎﻋﻠﻴﺎ ﻳﺎﺩﻛﺘﻮﺭﺓ ﻋﻠﻴﺎ ﺷﻲ
ﻋﻠﻴﺎ : ﻫﻬﻬﻪ ﻣﺰﺍﻝ ﺑﻜﺮﻱ ﻋﻠﻲ ﻛﻠﻤﺔ ﺩﻛﺘﻮﺭﺓ ﻳﺎﺩﻛﺘﻮﺭ ﺭﺑﻴﻊ
ﺭﺑﻴﻊ : ﺍﻭﻝ ﺣﺎﺟﺔ ﻣﻌﺎﺵ ﺗﻘﻮﻟﻴﻠﻲ ﺩﻛﺘﻮﺭ ﻧﺘﻌﻘﺪ ﻣﻨﻬﺎ ﻗﻮﻟﻲ ﺭﺑﻴﻊ ﻫﻜﻲ ﻃﻮﻝ ﻭﻭﻭﺗﺎﺍﺍﻧﻲ ﺣﺎﺟﺔ ﺍﻧﺘﻲ ﺩﻛﺘﻮﺭﺓ ﻭﺍﺣﻠﻰ ﺩﻛﺘﻮﺭﺓ ﺯﻳﺎﺩﺓ ﺣﻮﻟﻲ ﻧﻈﺮﺓ ﺍﻟﻜﺄﺑﺔ ﺍﻟﻲ ﻓﻲ ﻭﺟﻬﻚ ﻫﺎﺩﻱ ﺑﺲ ﻻﻧﻚ ﺗﻮﻟﻲ ﺷﻴﻨﻪ
ﻋﻠﻴﺎ ﻧﺰﻟﺖ ﺭﺍﺳﻬﺎ ﻭﺗﻀﺤﻚ
ﺭﺑﻴﻊ : ﺳﻠﻢ ﻫﺎﻟﻀﺤﻜﺔ ﻳﺎﺭﺑﻲ
ﻋﻠﻴﺎ : ﺍﺣﻢ ﺍﺣﻢ ﺷﻦ ﻛﻨﺖ ﺗﺒﻴﻨﻲ
ﺭﺑﻴﻊ ﺣﻚ ﺭﺍﺳﻪ : ﺑﺼﺮﺍﺣﺔ ﻧﺒﻴﻚ ﻓﻲ ﻣﻮﺿﻮﻉ ﺿﺮﻭﺭﻱ ﻧﺤﻜﻮ ﻓﻴﻪ ﻭﻫﻜﻲ ﻣﻮﺿﻮﻉ ﺟﺪﻱ ﺷﻮﻳﺔ
ﻋﻠﻴﺎ : ﺍﻥ ﺷﺎﺀ ﺍﻟﻠﻪ ﺧﻴﺮ
ﺭﺑﻴﻊ : ﻫﻮ ﻣﺰﺍﻟﻚ ﻧﺺ ﺳﺎﻋﻪ ﻓﺨﻠﻴﻨﺎ ﻧﻤﺸﻮ ﻟﻠﻜﺎﻓﺘﻴﺮﻳﺎ ﻧﺎﺧﺪﻭ ﺷﻲ ﻭﻧﻘﻌﻤﺰﻭ ﻧﺤﻜﻮ
ﻋﻠﻴﺎ : ﺍﻭﻙ
ﺍﻣﺸﻮ ﻫﻤﺎ ﺍﻟﺰﻭﺯ ﺍﺧﺪﻭ ﻗﻬﻮﺓ ﻭﻗﻌﻤﺰﻭ
ﻋﻠﻴﺎ : ﻓﻀﻮﻟﻲ ﺑﻴﻘﺘﻠﻨﻲ ﻫﻴﺎ
ﺭﺑﻴﻊ : ﻧﻜﻤﻞ ﻗﻬﻮﺗﻲ ﻗﺒﻞ
ﻋﻠﻴﺎ : ﻭﻭﻭﻭﺍﻟﻠﻪ ﻻﻻ ﻧﻘﺪﺭﺵ ﻧﺼﺒﺮ
ﺭﺑﻲ ﺷﺎﻓﻠﻬﺎ ﺑﺎﺳﺘﻐﺮﺍﺏ : ﺧﻴﺮﻙ ﺑﺼﻠﺘﻚ ﻣﺤﺮﻭﻗﺔ ﺍﻧﺘﻲ ﺗﻘﻮﻝ ﺍﻣﻲ ﺑﺎﻟﺸﻮﻳﺔ ﺍﻫﻮ ﻧﺤﻜﻮ
ﻋﻠﻴﺎ : ﻻ ﺍﻧﺖ ﻭﺍﺧﺪ ﻃﺎﺳﺔ ﻛﺒﻴﺮﺓ ﻗﻬﻮﺓ ﺗﺒﻲ ﻧﺺ ﺳﺎﻋﻪ ﺑﺎﺵ ﺗﻜﻤﻠﻬﺎ ﻭﺍﻧﻲ ﺑﺼﺮﺍﺣﺔ ﻧﺒﻲ ﻧﻌﺮﻑ ﺍﻟﻤﻮﺿﻮﻭﻉ ﺍﻟﺠﺪﺩﺩﻱ ﻫﺪﺍ ﺷﻨﻮ
ﺭﺑﻴﻊ ﺣﻂ ﺍﻟﻄﺎﺳﺔ ﻭﻋﺪﻝ ﺗﻘﻌﻤﻴﺰﺗﻪ ﻭﺷﺎﻓﻠﻬﺎ ، ﻗﻌﺪ ﻳﺸﻮﻑ ﻟﻌﻴﻮﻧﻬﺎ ﻟﺤﺪ ﻣﺎﻋﻠﻴﺎ ﺍﺭﺗﺒﻜﺖ ﻧﺰﻟﺖ ﺭﺍﺳﻬﺎ
ﺭﺑﻴﻊ : ﻧﺤﺲ ﻋﻨﺪﻙ ﺷﻲ ﻣﺨﺒﻴﺘﻴﻪ ﻭﻣﺶ ﻗﺎﺩﺭﺓ ﺗﻄﻠﻌﻴﻪ ، ﻋﺎﺭﻓﻪ ﻟﻤﻌﻪ ﺍﻟﺤﺰﻥ ﻫﺎﺩﻱ ﺍﻟﻲ ﻓﻲ ﻋﻴﻮﻧﻚ ﺭﻏﻢ ﺍﻧﻬﺎ ﺗﻘﻄﻌﻠﻲ ﻓﻲ ﻗﻠﺒﻲ ﺑﺲ ﺗﺸﺪ ﻓﻲ ﻗﻠﺒﻲ ﻟﻴﻚ ، ﻟﻤﺤﺔ ﻣﻦ ﻋﻴﻴﻮﻧﻚ ﺣﺘﻰ ﻟﻮ ﻟﻤﺪﺓ ﺛﻮﺍﻧﻲ ﺗﺨﻠﻲ ﻓﻲ ﻗﻠﺒﻲ ﻣﻌﻠﻖ ﺣﺘﻰ ﺑﻌﺪ ﺗﻤﺸﻲ
ﻋﻠﻴﺎ ﺗﺸﻮﻑ ﻟﻌﻴﻮﻧﻪ ﻭﻣﺼﺪﻭﻣﺔ ﻣﻦ ﻛﻼﻣﻪ ﻭﻣﺶ ﻗﺎﺩﺭﺓ ﺗﺪﻳﺮ ﺍﻱ ﺭﺩﺓ ﻓﻌﻞ
ﺭﺑﻴﻊ : ﺍﻭﻝ ﻣﺮﺓ ﻻﻗﻴﺘﻚ ﻓﻴﻬﺎ ﻛﻨﺘﻲ ﺗﺒﻜﻲ ، ﻛﻨﺖ ﻧﺮﺍﻗﺐ ﻓﻴﻚ ﻣﻦ ﺑﻌﻴﺪ ﻗﺒﻠﻬﺎ ، ﻭﻗﺖ ﺟﻲ ﺷﺨﺺ ﻭﻣﻌﺎﻩ ﻣﺮﺗﻪ ﻭﻗﻔﻮ ﻋﻠﻴﻚ ﻛﻨﺘﻲ ﺗﻀﺤﻜﻲ ﻣﻌﺎﻫﻢ ﻭﺗﻬﺪﺭﺯﻱ ، ﺑﺲ ﺑﻌﺪﻭ ﺍﻣﺸﻮ ﻗﻌﻤﺰﺗﻲ ﻓﻲ ﻣﻜﺎﻥ ﺩﻣﻮﻋﻚ ﻧﺰﻟﻮ ، ﺣﺴﻴﺖ ﺑﺎﺍﻥ ﺍﻟﺸﺨﺺ ﺍﻟﻲ ﻛﺎﻥ ﺷﺎﺩ ﺑﻴﺪ ﻣﺮﺗﻪ ﻫﻮ ﺍﻟﺴﺒﺐ ﺣﻘﺪﺕ ﻋﻠﻴﻪ ﻫﺪﺍﻛﺎ ﺍﻟﻴﻮﻡ ﺣﺴﻴﺘﻪ ﻫﻮ ﺳﺒﺐ ﺩﻣﻮﻋﻚ ، ﻣﺎﻧﻌﺮﻓﺶ ﺍﺫﺍ ﻛﺎﻥ ﻛﻼﻣﻲ ﺻﺢ ﺍﻭ ﺧﻄﺄ ﺑﺲ ﻣﺘﺎﻛﺪ ﻣﻦ ﺷﻲ ﺍﻧﻪ ﺍﺣﺴﺎﺳﻲ ﻣﺎﻳﺨﻴﺒﻨﻴﺶ ، ﻭﻗﺖ ﻭﻗﻔﺖ ﺳﺎﻟﺘﻚ ﺧﻴﺮﻙ ﻗﻠﺘﻲ ﻋﻴﻨﻲ ﻭﺟﻌﺘﻨﻲ ﺭﻏﻢ ﺍﻧﻲ ﺷﻔﺖ ﺑﻜﺎﻙ ﺑﺎﻟﻌﺒﺮﺓ ﺷﻔﺖ ﺍﻟﻮﺟﻊ ﺍﻟﻲ ﻛﻨﺘﻲ ﺗﺤﺴﻲ ﺑﻴﻪ ، ﻧﻘﺪﺭ ﻧﻘﺮﺍ ﺍﻻﻧﺴﺎﻥ ﻣﻦ ﻋﻴﻮﻧﻪ ، ﺗﺒﻌﺖ ﻫﺪﺍﻛﺎ ﺍﻟﺸﺨﺺ ﻗﻌﺪﺕ ﻧﺮﺍﻗﺐ ﻓﻴﻪ ﻭﻧﺮﺍﻗﺐ ﻓﻴﻚ ﻣﻦ ﺑﻌﻴﺪ
ﻋﺮﻓﺖ ﺍﻧﻪ ﻳﺨﺪﻡ ﻓﻲ ﻧﻔﺲ ﺍﻟﻤﺴﺘﺸﻔﻰ ﺍﻫﻨﻲ ﻣﻌﺎﻱ ، ﻓﻲ ﻭﺣﺪﺓ ﻣﻦ ﻣﺤﺎﺿﺮﺍﺕ ﺍﻟﺘﺪﺭﻳﺐ ﺍﻟﻲ ﻛﻨﺖ ﻧﻌﻄﻴﻜﻢ ﻓﻴﻬﺎ ﻛﺎﻥ ﻫﻮ ﻣﻌﺎﻱ ، ﻛﻨﺖ ﻧﺮﺍﻗﺐ ﻓﻲ ﻋﻴﻮﻧﻚ ﻭﻳﻦ ﺗﺸﻮﻑ ، ﻛﺎﻧﺖ ﻣﺎﺗﺸﻮﻓﺶ ﻓﻲ ﺣﺪ ﻏﻴﺮﻩ ﻣﺎﻧﺰﻟﺘﻴﺶ ﻋﻴﻮﻧﻚ ﻣﻦ ﻋﻠﻴﻪ ﻛﻨﺘﻲ ﻭﻛﺎﺍﻧﻚ ﺗﺤﺎﻭﻟﻲ ﺗﺤﻔﻈﻴﻪ
ﻋﻠﻴﺎ ﻛﺎﻧﺖ ﺗﺴﻤﻊ ﻟﻜﻼﻣﻪ ﻭﺩﻣﻮﻋﻬﺎ ﻳﻨﺰﻟﻮ ﻻﺍﺭﺍﺩﻳﺎ
ﺍﻣﺎ ﺭﺑﻴﻊ ﻓﻜﺎﻥ ﻳﺤﻜﻲ ﻭﻫﻮ ﻳﺸﻮﻑ ﻟﻌﻴﻮﻧﻬﺎ ﻭﻳﺤﻜﻲ ﻣﻦ ﻗﻠﺒﻪ : ﻋﻠﻴﺎ ﻣﺎﻧﻌﺮﻓﺶ ﻋﻼﺵ ﺍﻧﻲ ﺣﻜﻴﺖ ﻫﻜﻲ ﺍﻭ ﻋﻼﺵ ﺣﻜﻴﺖ ﻉ ﺍﻟﻤﻮﺿﻮﻉ ﻣﻤﻜﻦ ﻻﻧﻪ ﺷﻲ ﻗﻌﺪ ﻳﺤﺮﻕ ﻓﻴﺎ ﻓﻲ ﻗﻠﺒﻲ ، ﺣﺴﻴﺖ ﻧﻔﺴﻲ ﺣﺒﻴﺘﻚ ﻣﻦ ﻏﻴﺮ ﻣﺎﻧﺸﻌﺮ ﺑﺪﻳﺖ ﻧﻐﺎﺭ ﻋﻠﻴﻚ ﻣﻦ ﻋﻴﻮﻧﻚ ﻭﻳﻦ ﺗﺸﻮﻑ ، ﻭﻟﻴﻨﺎ ﺍﺻﺪﻗﺎﺀ ﺭﻏﻢ ﻛﻞ ﺯﻣﻼﺋﻚ ﻣﺎﻋﻨﺪﻳﺶ ﻣﻌﺎﻫﻢ ﺍﻱ ﻋﻼﻗﺔ ﺳﻮﺍ ﺍﻥ ﺍﻧﻲ ﺩﻛﺘﻮﺭ ﻭﻫﻤﺎ ﻃﻠﺒﺔ ﺟﺎﻳﻴﻦ ﻳﺘﺪﺭﺑﻮ ﺯﻳﻬﻢ ﺯﻱ ﺍﻟﻲ ﻗﺒﻠﻬﻢ ﺑﺲ ﺍﻧﺘﻲ ﻏﻴﺮ ، ﻋﻠﻴﺎ ﺍﻧﻲ ﻧﺤﺒﻚ
ﻋﻠﻴﺎ ﻣﺼﺪﻭﻣﺔ ﻭﺗﺸﻮﻓﻠﻪ
ﺭﺑﻴﻊ : ﺗﺘﺰﻭﺟﻴﻨﻲ ؟
ﻋﻠﻴﺎ ﻗﻌﺪﺕ ﺗﺸﻮﻓﻠﻪ ﻭﻣﺼﺪﻭﻣﻪ ﻭﺩﻣﻮﻋﻬﺎ ﻳﻨﺰﻟﻮ ﻣﺎﻗﺪﺭﺗﺶ ﺗﺘﺤﻜﻢ ﻓﻴﻬﻢ
ﺭﺑﻴﻊ : ﺍﻋﻄﻴﻨﻲ ﻓﺮﺻﺔ ﻧﺨﻠﻴﻚ ﺗﻀﺤﻜﻲ ﻭﻧﻔﺮﺣﻚ ﺑﺎﺵ ﻳﻔﺮﺡ ﻗﻠﺒﻲ ﺍﻋﻄﻴﻨﻲ ﻓﺮﺻﺔ ﻧﺘﺼﺒﺢ ﻛﻞ ﻳﻮﻡ ﺑﺎﺍﺑﺘﺴﺎﻣﺘﻚ ﺍﻟﺤﻠﻮﺓ ﺍﻋﻄﻴﻨﻲ ﻓﺮﺻﺔ ﻧﻤﻠﻚ ﻗﻠﺒﻚ ﻭﻧﻌﻴﺶ ﺳﻌﻴﺪ
ﻋﻠﻴﺎ ﺗﺸﻮﻓﻠﻪ ﻭﺧﻼﺹ
ﻟﺤﺪ ﻣﺎﻗﻄﻊ ﻋﻠﻴﻬﻢ ﺻﻮﺕ ﺟﺎﻱ ﻣﻦ ﺍﻟﺨﻠﻒ ، ﻛﺎﻥ ﺻﻮﺕ ﻣﻤﺰﻭﺝ ﺑﻐﻀﺐ ، ﻭﻛﺎﻥ ﺍﻟﺼﻮﺕ ﺍﻟﺪﻛﺘﻮﺭ ﺍﻟﻤﺴﺆﻭﻝ ﻋﻠﻲ ﻋﻠﻴﺎ
ﻓﻨﺎﺿﻮ ﻭﺧﺸﻮ ﺍﻟﺪﺍﺧﻞ
ﺭﺑﻴﻊ ﻃﻮﻝ ﺍﻟﻮﻗﺖ ﻳﺸﻮﻑ ﻟﻌﻠﻴﺎ ، ﺍﻣﺎ ﻋﻠﻴﺎ ﻓﻜﺎﻧﺖ ﻓﻲ ﻋﺎﻟﻢ ﺗﺎﻧﻲ ﻣﻦ ﺍﻟﺘﻔﻜﻴﺮ
ﻛﺎﻧﺖ ﺗﺤﺲ ﺑﻤﺸﺎﻋﺮ ﻣﻠﺨﺒﻄﺔ
ﻣﻌﺎﺵ ﻗﺪﺭﺕ ﺗﻘﻌﺪ ﻓﻲ ﺍﻟﻤﻜﺎﻥ ، ﺣﺎﻭﻟﺖ ﺗﻬﺮﺏ ﻣﻦ ﻋﻴﻮﻥ ﺍﻟﺪﻛﺘﻮﺭ ﻭﻃﻠﻌﺖ ﻣﻦ ﺻﺎﻟﺔ ﺍﻟﻮﻻﺩﺓ ﺍﻟﻲ ﻛﺎﻧﻮ ﻗﺎﻋﺪﻳﻦ ﻓﻴﻬﺎ ﻋﻠﺸﺎﻥ ﺍﻟﺘﺪﺭﻳﺐ
ﻛﺎﻧﺖ ﺗﻤﺸﻲ ﻭﺭﺍﺳﻬﺎ ﻟﻮﻃﻰ ﻭﺻﻮﺭﺓ ﻋﺒﺪ ﺍﻟﻤﻨﻌﻢ ﻗﺪﺍﻡ ﻋﻴﻮﻧﻬﺎ ، ﻭﻛﻼﻡ ﺭﺑﻴﻊ ﻓﻲ ﻭﺩﻧﻬﺎ
ﻟﺤﺪ ﻣﺎﺳﻤﻌﺖ ﺻﻮﺗﻪ ﺍﻟﻲ ﻗﻄﻊ ﻋﻠﻴﻬﺎ ﺍﻓﻜﺎﺭﻫﺎ : ﻋﻠﻴﺎ ﻋﻠﻴﺎﺍ
ﻋﻠﻴﺎ ﺗﻠﻔﺘﺖ ﻭﺷﺎﻓﺘﻠﻪ ﻛﺎﻧﺖ ﻋﻴﻮﻧﻬﺎ ﻣﻠﻴﺎﻧﻪ ﺩﻣﻮﻉ ، ﺑﺲ ﻓﺠﺄﺓ ﺗﻐﻴﺮﺕ ﻣﻼﻣﺢ ﻭﺟﻬﻬﺎ ﻭﻗﻌﺪﺕ ﺗﺸﻮﻓﻠﻪ ﺑﺎﺍﺳﺘﻐﺮﺍﺏ : ﺧﻴﺮﻙ ﺷﻦ ﻓﻲ
ﻋﺒﺪ ﺍﻟﻤﻨﻌﻢ ﻳﺎﺧﺪ ﻓﻲ ﻧﻔﺲ : ﺭﻧﺎ ﺭﻧﺎ ﺧﺸﺸﻮﻫﺎ ﻭﻣﻌﺎﺵ ﻧﻨﺪﺭﻱ ﻋﻠﻴﻬﺎ ﻣﺎﺑﻮﺵ ﻳﺨﻠﻮﻧﻲ ﻧﺸﻮﻓﻬﺎ ﻭﻛﺎﻥ ﺗﺘﻮﺟﻊ ﻫﻠﺒﺎ ، ﺑﺎﻟﻠﻪ ﻋﻠﻴﻚ ﺧﺸﻲ ﺷﻮﻓﻴﻬﺎ
ﻗﻌﺪﺕ ﺗﺸﻮﻓﻠﻪ ﻭﻣﻊ ﻛﻞ ﻛﻠﻤﺔ ﻳﻘﻮﻟﻬﺎ ﻛﺎﺍﻧﻪ ﻣﻮﺱ ﻳﻨﻐﺮﺱ ﻓﻲ ﻗﻠﺒﻬﺎ ، ﻛﻴﻒ ﺧﺎﻳﻒ ﻋﻠﻲ ﺭﻧﺎ ﻭﻣﺸﻐﻮﻝ ، ﻣﺎﻗﺪﺭﺗﺶ ﺗﺨﻔﻲ ﺍﻟﻤﺸﺎﻋﺮ ﺍﻟﻲ ﻛﺎﻧﺖ ﺗﺤﺲ ﺑﻴﻬﺎ ، ﻛﺎﻧﺖ ﺗﺘﻤﻨﻰ ﺍﻧﻬﺎ ﻓﻲ ﻣﻜﺎﻥ ﺭﻧﺎ ،ﻭﻟﻜﻦ ﺷﺎﺀ ﺍﻟﻘﺪﺭ
ﻧﺰﻟﺖ ﺭﺍﺳﻬﺎ ﻭﻣﺎﻗﺪﺭﺗﺶ ﺗﺮﺩ ﻋﻠﻴﻬﺎ ، ﺑﺲ ﺧﺸﺖ ﻭﻗﻌﺪﺕ ﺗﺪﻭﺭ ﻋﻠﻲ ﺭﻧﺎ ﺑﺎﺵ ﺗﻄﻤﻨﻪ ﻭﺗﺸﻮﻓﻬﺎ
ﻣﺮﺕ ﻧﺺ ﺳﺎﻋﻪ ﻭﻋﺒﺪ ﺍﻟﻤﻨﻌﻢ ﻗﺎﻋﺪ ﻣﺸﻐﻮﻝ ، ﺍﻻ ﺷﻮﻳﺔ ﻭﻋﻠﻴﺎ ﻃﺎﻟﻌﺔ ﻭﺷﺎﺩﺓ ﻓﻲ ﻳﺪﻫﺎ ﺑﻨﺖ
ﻛﺎﻧﺖ ﺗﻤﺸﻲ ﻭﺗﺸﻮﻑ ﻟﻠﺒﻨﺖ ﻭﺍﺣﺴﺎﺱ ﻏﺮﻳﺐ
ﻭﻗﻔﺖ ﻗﺪﺍﻣﻪ ﻭﻣﺪﺗﻠﻪ ﺍﻟﺒﻨﺖ : ﺗﺘﺮﺑﻰ ﻓﻲ ﻋﺰﻙ ،ﻭﺗﻠﻔﺘﺖ ﺑﺘﻤﺸﻲ
ﻋﺒﺪ ﺍﻟﻤﻨﻌﻢ ﺷﺎﺩ ﺑﻨﺘﻪ ﻭﻣﺶ ﻣﺼﺪﻕ ﻋﻴﻮﻧﻪ ﺑﺎﺳﻬﺎ ﻭﻓﺮﺣﺎﻥ : ﻋﻠﻴﺎ ﺍﺳﺘﻨﻲ
ﻋﻠﻴﺎ ﺗﻠﻔﺘﺘﻠﻪ
ﻋﺒﺪ ﺍﻟﻤﻨﻌﻢ : ﺳﻤﻴﻬﺎ ﺍﻧﺘﻲ
ﻋﻠﻴﺎ ﻗﻌﺪﺕ ﺗﺸﻮﻓﻠﻪ ﻣﺼﺪﻭﻣﺔ ﻋﻠﻲ ﻣﺴﺘﻐﺮﺑﺔ ، ﻧﺰﻟﺖ ﺭﺍﺳﻬﺎ
ﻋﺒﺪ ﺍﻟﻤﻨﻌﻢ ﻳﺸﻮﻑ ﻟﺒﻨﺘﻪ : ﺷﻦ ﺭﺍﻳﻚ ﻓﻲ ﻣﺮﻳﻢ ، ﺍﻧﺘﻲ ﺍﻟﻲ ﻗﻠﺘﻴﻬﻮﻟﻲ ﺍﻻﺳﻢ ﻭﺧﺎﻃﺮﻱ ﻓﻲ ﺑﻨﺘﻲ ﻳﻜﻮﻥ ﺍﺳﻤﻬﺎ ﻣﺮﻳﻢ
ﻋﻠﻴﺎ ﺷﺎﻓﺘﻠﻪ ﻭﺍﻧﺼﺪﻣﺖ ﻟﺪﺭﺟﺔ ﺩﻣﻮﻋﻬﺎ ﺗﻌﺒﻮ ﻓﻲ ﻋﻴﻮﻧﻬﺎ ، ﻗﻌﺪﺕ ﺗﻤﺸﻲ ﺟﻬﺘﻪ ﻭﺗﺸﻮﻓﻠﻪ ﺑﺼﺪﻣﺔ ﻟﻴﻦ ﻗﺮﺑﺖ ﻣﻨﻪ ﺍﻛﺜﺮ : ﻫﺪﺍ ﺍﻻﺳﻢ ﺍﻟﻲ ﻛﻨﺎ ﺣﻨﺴﻤﻮﻩ ﻟﺒﻨﺘﻨﺎ
ﻋﺒﺪ ﺍﻟﻤﻨﻌﻢ : ﺍﻳﻪ ﻋﻠﻴﺎ ﻣﺎﺗﻔﻬﻤﻴﻨﻴﺶ ﻏﻠﻂ ﺍﻧﺘﻲ ﻋﺎﺭﻓﺔ ﺣﺘﻰ ﺍﻧﻲ ﻧﺤﺒﻪ ﺍﻻﺳﻢ
ﻋﻠﻴﺎ ﺿﺤﻜﺔ ﺑﻘﻬﺮ ، ﺿﺤﻜﺔ ﻣﺰﻳﻔﺔ : ﻫﻬﻬﻪ ﺑﺠﺪ ﺍﻧﺖ ﻣﺎﻋﻨﺪﻛﺶ ﻣﺸﺎﻋﺮ ، ﻭﻟﻔﺖ ﻭﺍﻣﺸﺖ ﻣﻦ ﻏﻴﺮ ﻣﺎﺗﺮﺟﻊ ﺗﺸﻮﻓﻠﻪ ﻭﺗﺤﺎﻭﻝ ﺗﺨﻔﻲ ﺩﻣﻮﻋﻬﺎ ﺍﻟﻲ ﺑﺪﺕ ﺗﻨﺰﻝ
ﻃﻠﻌﺖ ﺑﺮﺍ ﺍﻟﻤﺴﺘﺸﻔﻰ ﻗﻌﻤﺰﺕ ﻓﻲ ﻣﻜﺎﻥ ﻣﺎﻳﻘﺪﺭ ﻳﺸﻮﻓﻬﺎ ﻓﻴﻪ ﺣﺪ ﻭﺗﺒﻜﻲ
ﺣﺎﻭﻟﺖ ﺗﻔﺮﻍ ﻛﻞ ﺍﻟﻮﺟﻊ ﺍﻟﻲ ﺗﺤﺲ ﺑﻴﻪ
ﻣﺮﺕ ﻧﺺ ﺳﺎﻋﻪ ﻭﺍﻫﺪﺕ ﺷﻮﻳﺔ
ﻗﻌﺪﺕ ﺗﻔﻜﺮ ﻓﻲ ﻣﻮﺿﻮﻉ ﺭﺑﻴﻊ ﻭﻫﻞ ﺗﻮﺍﻓﻖ ﺍﻭ ﻻ ؟ ﻫﻞ ﺗﻘﺪﺭ ﺗﻨﺴﻰ ﺣﺐ ﻋﺒﺪ ﺍﻟﻤﻨﻌﻢ ؟ ﻫﻞ ﺗﻘﺪﺭ ﺗﻌﻴﺶ ﻣﻊ ﺷﺨﺺ ﻏﻴﺮ ﺍﻟﻲ ﺗﺤﺒﻪ ؟
ﻛﻠﻬﺎ ﺍﺳﺌﻠﺔ ﺗﺪﻭﺭ ﻓﻲ ﺭﺍﺳﻬﺎ ﻭﺗﺤﺎﻭﻝ ﺗﺎﺧﺪ ﻟﻠﻘﺮﺍﺭ ﺍﻟﺼﺢ
ﻟﺤﺪ ﻣﺎﻫﻮ ﻓﺎﺟﺌﻬﺎ ﺑﺼﻮﺗﻪ ﺍﻟﻲ ﻗﻄﻊ ﺍﻓﻜﺎﺭﻫﺎ : ﻭﻳﻦ ﻫﺮﺑﺖ ﻳﺎﻫﺮﺍﺑﺔ ﺍﻟﺪﻛﺘﻮﺭ ﺑﺘﺎﻋﻚ ﻳﺪﻭﺭ ﻋﻠﻴﻚ ﺣﻲ ﻋﻠﻴﻚ
ﻋﻠﻴﺎ ﺷﺎﻓﺘﻠﻪ ﻭﻗﻌﺪﺕ ﺗﺸﻮﻓﻠﻪ ﻭﺳﺮﺣﺎﻧﻪ
ﺭﺑﻴﻊ ﻗﻌﻤﺰ ﺟﻨﺒﻬﺎ : ﻫﻠﻮﻭ ﺧﻴﺮﻙ ﺗﺸﻮﻓﻴﻠﻲ ﻫﻜﻲ ،ﻗﻌﺪ ﻳﺸﻮﻓﻪ ﻗﺪﺍﻣﻪ ﻭﻳﺤﻜﻲ : ﺗﻌﺮﻓﻲ ﻋﻠﻴﺎ ﺍﺣﻴﺎﻧﺎ ﻧﺤﺴﻚ ﻗﺮﻳﺒﺔ ﻣﻨﻲ ﻫﻠﺒﺎ ﻓﻲ ﺗﺼﺮﻓﺎﺗﻚ ، ﺣﺘﻰ ﺍﻧﻲ ﻭﻗﺖ ﻧﺤﺲ ﺭﻭﺣﻲ ﻣﺘﻀﺎﻳﻖ ﻧﺤﺎﻭﻝ ﻧﻤﺸﻲ ﻟﻤﻜﺎﻥ ﻣﺎﻳﻠﻘﺎﻧﻲ ﻓﻴﻪ ﺣﺪ
ﻋﻠﻴﺎ : ﺭﺑﻴﻊ
ﺭﺑﻴﻊ ﻛﻤﻞ : ﺗﺸﺒﻬﻴﻨﻲ ﻭﻗﺖ ﺗﻀﺤﻜﻲ ﻭﻓﻲ ﻋﻴﻮﻧﻚ ﺍﻟﻒ ﺩﻣﻌﺔ ، ﺗﺤﺒﻲ ﺗﺒﻴﻨﻲ ﻗﻮﺗﻚ ﻭﺗﺨﻔﻲ ﺿﻌﻔﻚ
ﻋﻠﻴﺎ ﻗﺎﻣﺖ ﻋﻴﻨﻬﺎ ﺷﺎﻓﺎﺗﻪ ﺩﻕ ﻗﻠﺒﻬﺎ ﺑﻘﻮﺓ : ﺭﺑﻴﻊ ﺍﻧﻲ ﺍﺳﻔﺔ
ﺭﺑﻴﻊ ﺷﺎﻓﻠﻬﺎ ﺑﺎﺳﺘﻐﺮﺍﺏ
ﻋﻠﻴﺎ : ﺭﺑﻲ ﻳﻌﻄﻴﻚ ﺍﻟﺒﻨﺖ ﺍﻟﻲ ﺗﺴﻌﺪﻙ ﺑﺲ ﺳﻌﺎﺩﺗﻚ ﻣﺶ ﻣﻌﺎﻱ ، ﺍﻧﻲ ﺍﻧﺴﺎﻧﻪ ﻗﻠﺒﻬﺎ ﻣﻊ ﻏﻴﺮﻙ ﻭﻣﺶ ﻗﺎﺩﺭﺓ ﺗﺮﺩ ﻗﻠﺒﻬﺎ ، ﻣﺎﻧﻘﺪﺭﺵ ﻧﻮﺍﻓﻖ ﻭﻧﺠﺮﺣﻚ ،ﻭﻧﺎﺿﺖ ﻭﺍﻣﺸﺖ ﻣﻦ ﺟﻨﺒﻪ ﺑﺴﺮﻋﻪ ﻭﻛﺎﺍﻧﻬﺎ ﺗﺘﻬﺮﺏ ﻣﻦ ﻣﻼﻣﺢ ﻭﺟﻬﻪ ﺍﻟﻤﺼﺪﻭﻣﺔ ﻭﻣﺎﺗﺒﻴﺶ ﺗﺴﻤﻊ ﺍﺳﺌﻠﺘﻪ ﺍﻟﻲ ﻣﺎﻋﻨﺪﻫﺎﺵ ﻟﻴﻬﺎ ﺍﻱ ﺍﺟﺎﺑﺔ
" ﻣﺎﺑﺎﻟﻴﺪ ﺣﻴﻠﺔ ﻋﻠﻰ ﺃﻗﺪﺍﺭ ﻛﺘﺒﺖ ﻟﻨﺎ ،ﻭﻣﺎﺃﺻﻌﺐ ﺃﻥ ﻳﻌﻠﻖ ﻗﻠﺒﻚ ﺑﺸﺨﺺ ﻗﻠﺒﻪ ﻳﻨﺒﺾ ﻟﻐﻴﺮﻙ "
،،،،،،،،
ﻋﻤﺮ : ﺭﺣﻤﺔ ﻧﻮﺿﻲ ﻫﻴﺎ ﻣﻌﻘﻮﻟﺔ ﺍﻣﺸﻴﺖ ﻟﻠﻌﻤﻞ ﻭﺭﻭﺣﺖ ﻭﺍﻧﺘﻲ ﻗﺎﻋﺪﺓ ﺭﺍﻗﺪﺓ
ﺭﺣﻤﺔ ﺣﻄﺖ ﻓﻮﻕ ﺭﺍﺳﻬﺎ ﺍﻟﻤﺨﺪﺓ : ﺍﻭﻭﻭﻑ ﻋﻤﺮ ﻧﺒﻲ ﻧﺮﻗﺪ
ﻋﻤﺮ : ﻧﻮﻭﺿﻲ ﻣﺎﺗﺤﻠﻤﻴﺶ ﺯﻱ ﻛﻞ ﻳﻮﻡ ﻏﺪﻱ ﻭﺍﺗﻲ ﻗﻌﺪ ﻣﻌﺎﺷﻲ ﻏﻴﺮ ﻳﻤﺸﻲ ﺑﻴﻦ ﺍﻟﻤﻄﺎﻋﻢ ، ﻧﺒﻲ ﻧﺘﻐﺪﻯ ﻫﻴﺎ ﺟﻌﺎﻥ
ﺭﺣﻤﺔ ﻻﺣﻴﺎﺓ ﻟﻤﻦ ﺗﻨﺎﺩﻱ
ﻋﻤﺮ ﻳﻄﻠﻊ ﻓﻲ ﺣﻮﺍﻳﺠﻪ ﻭﻳﺪﻭﻱ : ﺑﺪﻝ ﻣﺎﻧﺮﻭﺡ ﻧﻠﻘﻰ ﻏﺪﺍﻱ ﻭﺍﺗﻲ ﻧﺮﻭﺡ ﺗﻌﺒﺎﻥ ﺗﺴﺘﻘﺒﻠﻴﻨﻲ ﻭﺗﺤﻄﻴﻠﻲ ﺍﻟﻐﺪﻱ ﻧﻠﻘﺎﻙ ﺭﺍﻗﺪﺓ ، ﺗﻮﺍ ﻋﺮﻓﺖ ﺣﻜﻤﺔ ﺭﺑﻲ ﻛﻴﻒ ﺣﻠﻞ ﺍﻟﺰﻭﺍﺝ ﻣﻦ 4
ﺭﺣﻤﺔ ﻧﻘﻠﺒﻮ ﻣﻼﻣﺢ ﻭﺟﻬﻬﺎ ﻭﻓﺘﺤﺖ ﻋﻴﻮﻧﻬﺎ
ﻋﻤﺮ ﻣﻜﻤﻞ : ﺗﻮ ﻧﻤﺸﻲ ﻧﺘﺰﻭﺝ ﻭﺣﺪﺓ ﺗﺎﻧﻴﺔ ﺗﺪﻟﻌﻨﻲ ﻭﺗﺴﺘﻘﺒﻠﻨﻲ ﻣﻦ ﻗﺪﺍﻡ ﺍﻟﺒﺎﺏ ﻭﻧﻠﻘﻰ ﻏﺪﺍﻱ ﻭﺍﺗﻲ ﺍﻟﻲ ﻣﺎﺗﺪﻳﺮﺍﺷﻲ ﺍﻻﻭﻟﻰ ﺗﺪﻳﺮﻫﻮﻟﻲ ﺍﻟﺘﺎﻧﻴﺔ ﺍﻟﻠﻪ
ﺭﺣﻤﺔ ﻗﻌﻤﺰﺕ ﻭﺗﻔﻨﺺ ﻓﻴﻪ : ﺑﻌﺪﻫﺎ ﻧﻄﻠﻌﻠﻚ ﻋﻴﻮﻧﻚ
ﻋﻤﺮ : ﺗﻄﻠﻌﻲ ﻋﻴﻨﻚ ﻭﺍﻟﻠﻪ ﺯﻳﺪﻱ ﺍﺭﻗﺪﻱ ﻧﺒﻲ ﻧﺮﻭﺡ ﻧﺮﺗﺎﺡ ﺍﻧﻲ ﻣﺶ ﻧﻄﻠﻊ ﻧﺠﻴﺐ ﻣﻦ ﺍﻟﻤﻄﺎﻋﻢ ﻧﺒﻲ ﻣﺎﻛﻠﺔ ﺍﻟﺤﻮﺵ
ﺭﺣﻤﺔ : ﻧﻄﻴﺐ ﻟﻜﻦ ﻣﺶ ﺣﻨﻐﺴﻞ ﺍﻻﻣﺎﻋﻴﻦ
ﻋﻤﺮ ﻟﻒ ﻭﺟﻬﻪ ﻭﺷﺎﺩ ﺿﺤﻜﺘﻪ ﻭﻳﺘﻜﻠﻢ ﻭﻫﻮ ﻋﺎﻃﻴﻬﺎ ﺑﻈﻬﺮﻩ : ﻧﺘﺰﻭﺝ ﻭﺣﺪﺓ ﺗﺎﻧﻴﺔ ﺗﻮ ﺗﻄﻴﺐ ﻭﺗﻐﺴﻞ ﺍﻻﻣﺎﻋﻴﻦ
ﺭﺣﻤﺔ : ﻋﻤﺮ ﻓﻜﻨﻲ ﻣﻨﻚ
ﻋﻤﺮ ﻣﺴﺘﻤﺮ : ﻭﺗﻨﻮﺽ ﺑﻜﺮﻱ ﺗﺪﻳﺮﻟﻲ ﺍﻟﻔﻄﻮﺭ
ﺭﺣﻤﺔ ﻗﻌﺪﺕ ﻣﺼﺪﻭﻣﺔ ﻭﺧﺎﻓﺖ ﻳﺪﻳﺮﻫﺎ ﺣﻖ : ﻋﻤﺮ ﻳﺎﺳﺮ
ﻋﻤﺮ : ﻭﻧﻘﻮﻝ ﻻﺧﻮﺍﺗﻲ ﻳﻮﺯﻭﻫﺎﻟﻲ ﻭﺣﺪﺓ ﻓﺎﻟﺤﺔ
ﺭﺣﻤﺔ ﻧﺎﺿﺖ ﻣﻦ ﺍﻟﺴﺮﻳﺮ : ﻋﻤﺮ ﺑﺠﺪﻳﺎﺕ
ﻋﻤﺮ : ﺍﻣﺎﻻ ﺑﺼﺎﺭﺓ ﺗﺮﻗﺪﻱ ﻟﻠﺴﺎﻋﻪ 2 , 3 ﻭﻳﻦ ﻫﺪﺍ ﻛﻞ ﻳﻮﻡ ﻧﺘﻐﺪﺍ ﻣﻦ ﺍﻟﻤﻄﻌﻢ
ﺭﺣﻤﺔ : ﻣﺎﻫﻮ ﻣﺎﻧﻌﺮﻓﺶ ﺍﻧﺖ ﺷﻦ ﺗﺤﺐ ﺗﺎﻛﻞ ﻭﺷﻦ ﻣﺎﺗﺤﺒﺶ
ﻋﻤﺮ : ﺳﺎﻫﻠﺔ ﺟﺪﺍ ﻣﺎﻋﻨﺪﻳﺶ ﺷﻲ ﻣﺎﻧﺤﺒﺎﺷﻲ ﻧﺎﻛﻞ ﻓﻲ ﺍﻻﺧﻀﺮ ﻭﺍﻟﻴﺎﺑﺲ ﺍﻧﺘﻲ ﻏﻴﺮ ﻃﻴﺒﻲ
ﺭﺣﻤﺔ : ﻟﻮ ﻃﻴﺒﺖ ﻣﺶ ﺣﺘﺘﺰﻭﺝ
ﻋﻤﺮ : ﻣﺎﻧﻌﺮﻓﺶ ﺑﻌﺪﻳﻦ ﻧﻔﻜﺮ
ﺭﺣﻤﺔ : ﻋﻤﺮﺭ ﻭﺍﻟﻠﻪ ﺑﻌﺪﻫﺎ ﻧﻘﻠﺒﻬﺎ ﻓﻮﻗﻚ ﻭﻓﻮﻕ ﺍﻟﻲ ﺑﺘﺎﺧﺪﻫﺎ
ﻋﻤﺮ ﻗﺎﻡ ﺣﻮﺍﺟﺒﻪ : ﻭﻋﻼﺵ ﻫﺪﺍ ﻛﻠﻪ ﻣﺶ ﺣﻨﺪﻳﺮ ﺣﺎﺟﺔ ﺣﺮﺍﻡ
ﺭﺣﻤﺔ ﺷﺎﻓﺘﻠﻪ ﻉ ﺍﻟﺠﻨﺐ ﺷﺒﺤﺔ ﺗﻬﺪﻳﺪ ﻭﻓﻲ ﻧﻔﺲ ﺍﻟﻮﻕ ﻣﻦ ﺩﺍﺧﻠﻬﺎ ﺧﺎﻳﻔﺔ ﻳﺪﻳﺮﻫﺎ ﺣﻖ
ﻋﻤﺮ ﻟﺒﺲ ﺗﻴﺸﺮﺗﻪ : ﻫﻲ ﺟﺖ ﺍﻟﻨﻴﺔ ﻓﻲ ﻛﺴﻜﺴﻲ ﻳﻼ ﻭﺭﻳﻨﻲ ﻓﻼﺣﺘﻚ
ﺭﺣﻤﺔ ﻃﻠﻌﺖ ﻣﻦ ﺩﺍﺭ ﻭﻫﻲ ﺗﻨﻔﺦ ﻭﻓﻲ ﻧﻔﺲ ﺍﻟﻮﻗﺖ ﺑﺘﺪﻳﺮ ﻏﺼﺒﻦ ﻋﻨﻬﺎ ﺧﺎﻳﻔﺎﺗﻪ ﻳﺘﺰﻭﺝ
ﺍﻣﺎ ﻋﻤﺮ ﻓﻘﻌﺪ ﻳﻀﺤﻚ ﻋﻠﻴﻬﺎ ﻭﺧﻼﺹ ، ﻭﻋﺎﺭﻑ ﺭﻭﺣﻪ ﻣﺎﻳﻘﺪﺭﺵ ﻳﺪﻳﺮ ﻫﻜﻲ ﻻﻥ ﺭﺣﻤﺔ ﺭﻏﻢ ﻋﻴﻮﺑﻬﺎ ﻗﺪﺭﺕ ﺗﺄﺳﺮ ﻗﻠﺒﻪ
ﻭﻟﻜﻦ ﻫﻮ ﺣﺐ ﻳﻐﻴﺮﻟﻬﺎ ﻋﻴﻮﺑﻬﺎ ﺑﻄﺮﻳﻘﺘﻪ
،،،،،
ﺍﻧﻲ : ﺻﺒﺎﺡ ﺍﻟﺨﻴﺮ
ﻭﻟﻴﺪ ﻳﻠﻌﺐ ﻓﻲ ﻧﺪﻯ : ﺻﺒﺎﺡ ﺍﻟﻮﺭﺩ ﻳﺎﻣﺎﻣﺎ ﻫﻲ ﻧﻮﻭﺿﻲ ﻳﺎﻣﺎﻣﺎ ﺍﻧﻲ ﺟﻌﺎﺍﻧﻪ
ﺍﻧﻲ ﺍﺑﺘﺴﻤﺖ : ﻧﺎﺿﺖ ﺑﻜﺮﻱ ؟
ﻭﻟﻴﺪ : ﻣﻦ ﺍﻟﺴﺎﻋﻪ 8 ﻣﻤﻜﻦ ﻟﻌﺒﺖ ﺑﺮﻭﺣﻬﺎ ﺑﻌﺪﻳﻦ ﺍﻣﺸﻴﺘﻠﻚ ﻧﻮﺿﺎﺗﻚ ﺍﻧﺘﻲ ﻣﺎﻓﻘﺘﻴﺶ ﺟﺘﻨﻲ ﺍﻧﻲ
ﺍﻧﻲ ﻣﺪﻳﺖ ﻳﺪﻱ : ﺗﻌﺎﻟﻲ ﻳﺎﺭﻭﺡ ﻣﺎﻣﺎ
ﻧﺪﻯ ﺗﻀﺤﻚ : ﻣﺎﻣﺎ ﻣﺎﻣﺎ
ﻗﻌﺪﺕ ﻧﺒﻮﺱ ﻓﻴﻬﺎ : ﺷﻦ ﻳﺎﻣﺸﻔﺸﻔﺔ ﺷﻦ ﻣﻨﻮﺿﻚ ﺑﻜﺮﻱ
ﻧﺪﻯ ﻗﻌﺪﺕ ﺗﺤﺮﻙ ﻓﻲ ﻳﺪﻳﻬﺎ ﻋﻠﻲ ﺷﻌﺮﻫﺎ ﺗﺒﻲ ﺗﻮﺍﺳﻴﻪ : ﻭﺍﻟﻠﻪ ﺍﻧﻲ ﻣﺲ ﻣﺴﻔﺴﻔﺔ ﺑﺎﺑﺎ ﻫﻮ ﺍﻟﻲ ﻳﻘﻌﺪ ﻳﺪﻳﺮﻟﻲ ﻫﻜﻲ ﻳﺒﻲ ﻳﻘﻌﺪ ﺳﻌﺮﻱ ﻣﺴﻔﺴﻒ ﺍﻭﻭﻑ ﻳﺎﺑﺎﺑﺎ ﺍﻭﻑ
ﻭﻟﻴﺪ : ﻫﻬﻬﻬﻬﻬﻪ ﺍﻳﺸﻲ ﺍﻳﺸﻲ ﻭﻟﺴﺎﻧﻬﺎ ﻃﻮﻳﻞ ﺷﻦ ﻫﻮ ﺍﻟﻤﺜﻞ ﺑﺘﺎﻉ ﺍﻗﻠﺐ ﺍﻟﻄﻨﺠﺮﺓ ﻋﻠﻲ ﻣﺶ ﻋﺎﺭﻑ ﺷﻨﻮ ﺗﻄﻠﻊ ﺍﻟﺒﻨﺖ ﻻﻣﻬﺎ
ﺍﻧﻲ : ﻫﻬﻬﻬﻬﻪ ﺍﻟﻠﻪ ﺍﻟﻠﻪ ﻭﺷﻦ ﻣﺶ ﻋﺎﺟﺒﻚ ﺍﻧﺖ
ﻧﺪﻯ ﺯﻱ ﺍﻟﺒﺒﻐﺎﺀ : ﺍﻟﻠﻪ ﺍﻟﻠﻪ ﻳﺎﺑﺎﺑﺎ
ﻭﻟﻴﺪ : ﺍﻳﻪ ﺗﻼﻗﻮ ﻋﻠﻴﺎ ﺍﻟﺒﻨﺖ ﻭﺍﻣﻬﺎ ﺍﻧﻮﺽ ﻧﻤﺸﻲ ﻟﺨﺪﻣﺘﻲ ﺑﺴﺮﻋﺔ ﺧﻴﺮﻟﻲ ، ﻃﺒﺲ ﺑﺎﺳﻨﻲ ﺍﻧﻲ ﻭﻧﺪﻯ ﻭﻃﻠﻊ
ﺍﻧﻲ ﺍﺿﺒﻄﺖ ﻧﺪﻯ ﻭﻗﻌﺪﺕ ﻧﺒﻮﺱ ﻓﻴﻬﺎ : ﻳﺎﺣﺒﻴﺒﺔ ﻣﺎﻣﺎ ﺍﻧﺘﻲ ، ﻫﻲ ﺍﻧﻮﺿﻮ ﻧﺪﻳﺮﻭ ﺩﻭﺵ
ﻗﻤﺖ ﻧﺪﻯ ﻭﺩﻭﺷﺘﻠﻬﺎ ﻭﺍﻧﻲ ﻗﻌﺪﺕ ﻧﺪﻭﺭ ﻓﻲ ﺍﻟﺤﻮﺵ ﻧﻀﻢ ﻭﻋﻴﻨﻲ ﻋﻠﻲ ﻧﺪﻯ
ﺧﺎﻳﻔﺔ ﻋﻠﻴﻬﺎ ﻣﻦ ﺍﺑﺴﻂ ﺣﺮﻛﺔ ، ﻛﻞ ﻣﺎﺗﻮﻗﻒ ﺍﻭ ﺗﻤﺸﻲ ﺣﺘﻰ ﺷﻮﻳﺔ ﺗﻄﻴﺢ ﺍﻭ ﺗﻘﺐ ﻓﻲ ﺷﻲ
ﻧﺤﺎﻭﻝ ﻧﺘﻌﻮﺩ ﺍﻧﻪ ﺑﻨﺘﻲ ﻣﺶ ﺣﺘﺸﻮﻑ ﺑﺲ ﻛﻞ ﻣﺎﻧﺸﻮﻓﻠﻬﺎ ﻗﻠﺒﻲ ﻳﻮﺟﻌﻨﻲ ، ﺍﻟﺤﻤﺪ ﻟﻠﻪ ﻋﻠﻰ ﻛﻞ ﺣﺎﻝ
ﻗﻤﺖ ﺗﻠﻴﻔﻮﻧﻲ ﻛﻨﺖ ﺑﻨﺘﺼﻞ ﺑﻬﺎﺟﺮ ﺑﺲ ﻋﻴﻨﻲ ﺟﺖ ﻉ ﺍﻟﺘﺎﺭﻳﺦ : ﻋﻴﻴﺪ ﻣﻴﻼﺍﺩ ﻭﻟﻴﻴﻴﺪ ﺍﻭﻭﻑ ﻧﺴﻴﺖ ﺑﻜﻞ
ﻗﻌﺪﺕ ﻧﻔﻜﺮ ﺗﻮ ﺷﻦ ﺣﻨﺪﻳﺮ ﻟﻴﻦ ﺳﺮﺣﺖ ﻭﻣﺎﻃﻮﻟﺘﺶ ﻓﻘﺖ ﻣﻦ ﺳﺮﺣﺘﻲ ﻋﻠﻲ ﺻﻮﺕ ﻧﺪﻯ ﺗﻌﻴﻂ ﻓﻲ ﺍﻟﺪﺍﺭ
ﻛﺎﻟﻌﺎﺩﺓ ﺍﻟﻘﻴﺘﻬﺎ ﻭﻗﻔﺖ ﺗﻘﺒﺖ ﻓﻲ ﺍﻟﺤﻴﻂ ﻭﻃﺎﺣﺖ ، ﺩﺭﺗﻠﻬﺎ ﺛﻠﺞ ﻋﻠﻲ ﺭﺍﺳﻬﺎ ﻭﺳﻜﺘﺘﻬﺎ ﺑﺒﻌﺪﻫﺎ ﺭﻗﺪﺕ ،ﻭﺍﻧﻲ ﻧﻀﺖ ﻧﺪﻳﺮ ﻓﻲ ﻛﻴﻜﺔ
ﺣﺎﻭﻟﺖ ﻧﻜﻤﻞ ﺍﻟﻜﻴﻜﺔ ﺑﺴﺮﻋﺔ ﻋﻠﺸﺎﻥ ﻧﺪﻳﺮ ﺩﻭﺭﺓ ﻉ ﺍﻟﺤﻮﺵ ﻭﻋﻨﺪﻱ ﺣﺎﺟﺎﺕ ﺯﻳﻨﺔ ﻭﻫﻜﻲ ﻛﻨﺖ ﻧﺎﻭﻳﺔ ﺑﻨﺪﻳﺮﻫﻢ
ﻛﻤﻠﺖ ﺍﻟﻜﻴﻜﺔ ﻭﺩﻭﺭﺕ ﻋﻠﻲ ﺷﻮﻳﺔ ﺍﻣﺒﺎﻳﻞ ﻭﻛﺎﻥ ﻋﻨﺪﻱ ﻭﺭﺩ ﻣﺠﻔﻒ ، ﻗﻌﺪﺕ ﻧﺮﺗﺐ ﻓﻲ ﺍﻟﺼﺎﻟﺔ ﻭﺑﻌﺪﻫﺎ ﻭﺍﺳﻴﺖ ﺍﻟﻄﺎﻭﻟﺔ
ﻭﻛﻨﺖ ﻣﺘﻄﻤﻨﻪ ﺍﻧﻪ ﻭﻟﻴﺪ ﻣﺶ ﺣﻴﻜﻮﻥ ﻓﻲ ﺍﻟﺤﻮﺵ ﻗﺒﻞ ﺍﻟﻤﻐﺮﺏ
ﻃﻴﺒﺖ ﻛﻢ ﺣﺎﺟﺔ ﻭﺍﻧﻲ ﻓﺮﺣﺎﻧﻪ ﻭﻣﺘﻮﺗﺮﺓ ﻓﻲ ﻧﻔﺲ ﺍﻟﻮﻗﺖ ، ﺧﻔﺖ ﻣﺎﻧﻠﺤﻘﺶ ﻧﻜﻤﻞ ﻣﻦ ﺑﻴﻦ ﻣﺎﺟﻲ ، ﻭﻓﻲ ﻧﻔﺲ ﺍﻟﻮﻗﺖ ﻓﺮﺣﺎﻧﻪ ﻧﺴﺘﻨﻰ ﻓﻲ ﺭﺩﺓ ﻓﻌﻞ ﻭﻟﻴﺪ ﻛﻴﻒ ﺣﺘﻜﻮﻥ ﻭﻛﺎﺍﻧﻬﺎ ﺍﻭﻝ ﻣﺮﺓ ﻧﺠﻬﺰ ﻟﻌﻴﺪ ﻣﻴﻼﺩﻫﺎ
< ﻫﻜﺬﺍ ﻫﻮ ﺍﻟﺤﺐ ﻣﻬﻤﺎ ﻣﺮ ﻋﻠﻴﻪ ﻣﻦ ﺳﻨﻮﺍﺕ ﻓﺎﺍﻧﻪ ﻳﺘﺠﺪﺩ ﺑﺪﺍﺧﻠﻨﺎ ﻭﻛﺎﺍﻧﻨﺎ ﻧﻌﺸﻖ ﻟﻼﻣﺲ ﻓﻘﻂ >>
ﺗﻤﺮ ﺍﻻﻳﺎﻡ ﻭﺍﻻﺷﻬﺮ ﻭﺍﻟﺴﻨﻴﻦ ﻭﻳﻜﺒﺮ ﻣﻌﺎﻧﺎ ﺍﻟﺤﺐ ﻭﺗﻜﺒﺮ ﻣﻌﺎﻧﺎ ﻫﻤﻮﻣﻨﺎ ﻭﻣﺴﺆﻭﻟﻴﺘﻨﺎ ﻓﻲ ﺍﻟﺤﻴﺎﺓ
ﻣﺮﺕ 10 ﺳﻨﻴﻦ ﻋﻠﻲ ﻭﻓﺎﺓ ﻣﺎﻣﺎ ﻭ 14 ﺳﻨﺔ ﻋﻠﻲ ﻭﻓﺎﺓ ﺑﺎﺑﺎ ، ﺍﻟﺮﻗﻢ ﻛﺒﻴﺮ ﺑﺲ ﻛﺎﺍﻧﻪ ﺻﺎﺭ ﺍﻣﺲ
ﻣﻜﺎﻧﻬﻢ ﻣﺎﻗﺪﺭ ﺷﻲ ﻳﻌﻮﺿﻪ ﻭﻻﻗﺪﺭﻧﺎ ﻧﻨﺴﻮ ، ﺑﺲ ﻧﻠﺘﻬﻮ ﻋﻠﺸﺎﻥ ﻧﻨﺴﻮ ﺷﻮﻳﺔ
ﻛﻞ ﻭﺣﺪﺓ ﻓﻴﻨﺎ ﺍﻧﻲ ﻭﺍﺧﻮﺍﺗﻲ ﺑﺪﺕ ﻋﻨﺪﻫﺎ ﻋﻴﻠﺔ ﻭﻓﻲ ﺍﻟﻲ ﻋﻴﻠﺘﻬﺎ ﻛﺒﺮﺕ ﻭﻛﺒﺮﺕ ﻣﻌﺎﻫﺎ ﻣﺴﺆﻭﻟﻴﺎﺗﻬﺎ ، ﺑﺲ ﻭﻗﺖ ﻧﺨﺸﻮ ﻣﻊ ﺑﻌﺾ ﻟﺤﻮﺷﻨﺎ ﺍﻻﻭﻝ ﻧﺮﺟﻌﻮ ﺍﻃﻔﺎﻝ ﺻﻐﺎﺭ ، ﻭﻧﺸﻮﻓﻮ ﻓﻲ ﺫﻛﺮﻳﺎﺗﻨﺎ ﻓﻲ ﻛﻞ ﺯﺍﻭﻳﺔ ﻓﻲ ﺍﻟﺤﻮﺵ ، ﻓﻲ ﻛﻞ ﺩﺍﺭ ، ﺧﻴﺎﻝ ﻣﺎﻣﺎ ﻭﺑﺎﺑﺎ ﻳﻤﺮ ﻗﺪﺍﻣﻨﺎ ﻧﺘﻤﻨﻮﻫﻢ ﻳﺴﺘﻘﺒﻠﻮﻧﺎ ﻛﻞ ﻣﺎﻧﺨﺸﻮ ﻟﻠﺤﻮﺵ ، ﻭﻟﻜﻦ ﻣﺶ ﻛﻞ ﻣﺎﻳﺘﻤﻨﺎﻩ ﺍﻟﻤﺮﺀ ﻳﺘﺤﺼﻞ ﻋﻠﻴﻪ ﻣﺎﻋﻠﻴﻨﺎ ﺍﻻ ﻧﺪﻋﻮﻟﻬﻢ ﺭﺑﻲ ﻳﺠﻤﻌﻨﺎ ﺑﻴﻬﻢ ﻓﻲ ﺍﻻﺧﺮﺓ ﺑﻌﺪ ﻣﺎﻓﺎﺭﻗﻨﺎﻫﻢ ﻓﻲ ﺍﻟﺪﻧﻴﺎ
ﺧﺸﻴﻨﺎ ﺍﺣﻨﻲ ﺍﻻﺭﺑﻌﺔ ﻟﻠﺤﻮﺵ ﻭﻛﻞ ﻭﺣﺪﺓ ﻓﻴﻨﺎ ﺷﺎﺩﺓ ﺻﻐﺎﺭﻫﺎ ، ﺍﻧﻲ ﻛﻨﺖ ﺷﺎﺩﺓ ﻧﺪﻯ ، ﻫﺎﺩﻱ ﺍﻟﻲ ﺭﺯﻗﻨﻲ ﺑﻬﺎ ﺭﺑﻲ ﻓﺮﺣﺔ ﻋﻤﺮﻱ ﻭﻟﻰ ﻋﻤﺮﻫﺎ 10 ﺳﻨﻴﻦ ﺭﺑﻲ ﻋﻮﺿﻨﻲ ﺑﻴﻬﺎ ﻋﻠﻲ ﻛﻞ ﺷﻲ ﻫﻲ ﻭﺑﻮﻫﺎ ﺳﻨﺪﻱ ﺍﻟﻲ ﻣﺎﻧﻘﺪﺭﺵ ﻧﺪﻳﺮ ﺷﻲ ﻣﻦ ﻏﻴﺮﻩ
ﺩﺍﺋﻤﺎ ﺧﻠﻴﻚ ﻭﺍﺛﻖ ﺍﻧﻪ ﻣﻬﻤﺎ ﺗﻜﻮﻥ ﻋﺎﻳﺶ ﺃﻻﻡ ﻭﺃﺣﺰﺍﻥ ﺣﻴﺠﻲ ﻳﻮﻡ ﻭﺭﺑﻲ ﺣﻴﻌﻮﺿﻚ ﺑﻜﻞ ﺍﻟﻢ ﻋﺸﺘﻪ ، ﺩﻳﻤﺎ ﺧﻠﻲ ﻋﻨﺪﻙ ﺍﻣﻞ ﺍﻧﻪ ﻏﺪﻭﺓ ﺣﻴﻜﻮﻥ ﺍﻓﻀﻞ ﻣﻦ ﺍﻟﻴﻮﻡ ، ﻓﻲ ﺍﻟﺒﺪﺍﻳﺔ ﺍﺛﺮﺕ ﻓﻴﺎ ﻛﺴﺮﺓ ﺑﺎﺑﺎ ﻭﺍﺧﺘﻔﺎﺀ ﻭﻟﻴﺪ ﻣﻦ ﺣﻴﺎﺗﻲ ، ﺑﺲ ﺑﻌﺪﻫﺎ ﺭﺑﻲ ﻋﻮﺿﻨﻲ ﺑﺎﻟﺴﻨﺔ ﺍﻟﻲ ﻗﻌﺪﺗﻬﺎ ﻣﻦ ﻏﻴﺮﻩ ﺑﺎﺣﻠﻰ ﺳﻨﻮﺍﺕ ﻓﻲ ﻋﻤﺮﻱ
ﺍﻣﺎ ﻧﻮﺭﺱ ﻓﻜﺎﻧﺖ ﻗﺎﻳﻤﻪ ﺑﻨﺘﻬﺎ ﻓﻲ ﻳﺪﻫﺎ ﺍﻟﻲ ﻋﻤﺮﻫﺎ ﺳﻨﻪ ، ﻭﺑﻴﺪﻫﺎ ﺍﻟﺘﺎﻧﻴﺔ ﺷﺎﺩﺓ ﻭﻟﺪﻫﺎ ﻋﺒﺪ ﺍﻟﻌﻈﻴﻢ ﺍﻟﻲ ﻋﻤﺮﻩ ﺗﻮﺍ 8 ﺳﻨﻴﻦ ، ﻭﻫﻮ ﻳﻘﺎﻭﻡ ﻓﻴﻬﺎ ﻳﺒﻲ ﻳﺤﻮﻝ ﻳﺪﻫﺎ ﻭﻳﻄﻠﻊ ﻳﻠﻌﺐ ﻟﻜﻦ ﻫﻲ ﺷﺎﺩﺍﺗﻪ ﺑﻘﻮﺓ ﻭﻣﺎﺗﺒﻴﺸﻲ ﻳﻄﻠﻊ
ﻧﻮﺭﺱ ﺍﻟﻲ ﻟﻤﺎ ﺗﻮﻓﻰ ﺑﺎﺑﺎ ﺗﻌﺘﺒﺮ ﺧﺸﺖ ﻓﻲ ﺣﺎﻟﺔ ﻧﻔﺴﻴﺔ ،ﻭﻓﻲ ﻭﻓﺎﺓ ﻣﺎﻣﺎ ﻛﺎﻧﺖ ﻋﻠﻰ ﻭﺷﻚ ﺗﺨﺶ ﻓﻲ ﻧﻔﺲ ﺍﻟﺤﺎﻟﺔ ﻟﻮﻻ ﻭﺟﻮﺩ ﻋﺪﻧﺎﻥ ﺑﻌﺪ ﺭﺑﻲ ، ﻭﻗﻔﺔ ﺍﻟﺸﺨﺺ ﺍﻟﻲ ﺗﺤﺒﻴﻪ ﻓﻲ ﺍﺻﻌﺐ ﺍﻭﻗﺎﺗﻚ ﺣﺘﺄﺛﺮ ﻓﻴﻚ ﻫﻠﺒﺎ ﻭﻣﺶ ﺭﺍﺡ ﺗﻨﺴﻲ ﺍﻟﻠﺤﻈﺎﺕ ﺍﻟﻲ ﻭﻗﻒ ﻓﻴﻬﺎ ﻣﻌﺎﻙ ، ﺍﻟﺸﺨﺺ ﺍﻟﻲ ﻳﺨﺎﻑ ﻋﻠﻴﻚ ﻣﻦ ﺍﺑﺴﻂ ﻋﺘﺮﺓ ﻣﻤﻜﻦ ﺗﻄﻴﺤﻚ ﺍﻭ ﻣﻦ ﻛﻠﻤﺔ ﻣﻤﻜﻦ ﺗﺠﺮﺣﻚ ، ﺍﻟﺮﺟﻞ ﺍﻟﻲ ﻳﺤﺴﺴﻚ ﺍﻧﻚ ﺍﻧﺜﻰ ﺟﻨﺒﻪ ﻭﻳﺴﺎﻋﺪﻙ ﻭﻳﻮﻗﻒ ﺟﻨﺒﻚ ﻣﻦ ﻏﻴﺮ ﻣﺎﺗﻄﻠﺒﻲ ﻫﺬﺍ ﺍﻟﺸﺨﺺ ﺍﻟﻲ ﺗﺪﻭﺭ ﻋﻠﻴﻪ ﻛﻞ ﺍﻧﺜﻰ ﻭﺗﻘﺪﺭ ﺗﻘﻮﻝ ﻋﻠﻴﻪ ﺳﻨﺪ
ﺍﻣﺎ ﻧﻮﺍﻝ ﻓﻜﺎﻧﺖ ﻣﺶ ﻗﺎﺩﺭﺓ ﺗﺴﻴﻄﺮ ﻋﻠﻲ ﻭﻟﺪﻫﺎ ﺍﻟﻲ ﻋﻤﺮﻩ 3 ﺳﻨﻮﺍﺕ ﻭﻛﻴﻒ ﻣﺘﻌﻠﻢ ﺍﻟﻤﺸﻲ ، ﻭﺗﺤﺎﻭﻝ ﺗﻨﺎﺩﻱ ﺑﻨﺎﺗﻬﺎ ﺍﻟﺘﻮﺃﻡ ﺍﻟﺰﻭﺯ ﺍﻟﻲ ﻋﻤﺮﻫﺎ 8 ﺳﻨﻴﻦ ﻭﻣﺘﻌﻔﻠﻘﺔ ﻣﻨﻬﻢ
ﻧﻮﺍﻝ ﺍﻟﻲ ﻛﺎﻧﺖ ﺍﻟﺒﻨﺖ ﺍﻟﻤﻄﻔﻮﺷﺔ ﺍﻟﺤﺴﺎﺳﺔ ﺍﻟﻲ ﻓﻲ ﺍﺻﻌﺐ ﺍﻟﻤﻮﺍﻗﻒ ﺗﺒﺎﻧﻠﻚ ﻗﻮﻳﺔ ﺑﺲ ﻣﻦ ﺩﺍﺧﻠﻬﺎ ﺿﻌﻴﻔﺔ ﻫﻠﺒﺎ ﻭﻟﺖ ﻋﻨﺪﻫﺎ ﻋﻴﻠﺔ ﻣﺘﻜﻮﻧﺔ ﻣﻦ ﺗﻼﺗﻪ ﺻﻐﺎﺭ ﻭﻣﺴﺆﻭﻟﻴﺔ
ﻗﺪﺭﺕ ﺗﺤﺎﻓﻆ ﻋﻠﻲ ﻋﻴﻠﺘﻬﺎ ﻭﺣﺒﻬﺎ ﻭﺗﺎﺳﺲ ﺣﻮﺵ ﺑﺎﻟﺤﺐ
ﺍﻣﺎ ﻧﺮﺟﺲ ﻓﻜﺎﻧﺖ ﻭﺍﻗﻔﺔ ﻭﺟﻨﺒﻬﺎ ﺑﻨﺘﻬﺎ ﻭﻭﻟﺪﻫﺎ ﺍﻟﺘﻮﺃﻡ ﻭﺍﻗﻔﻴﻦ ﺑﻬﺪﻭﺀ ﻭﻣﺎﺗﺴﻤﻌﻴﻠﻬﻤﺶ ﺻﻮﺕ ، ﻧﺮﺟﺲ ﺍﻟﻲ ﺍﻧﺨﺪﻟﺖ ﻭﺍﻧﻜﺴﺮﺕ ﻭﺍﻧﺨﺎﻧﺖ ﻗﺪﺭﺕ ﺗﻮﻗﻒ ﻋﻠﻲ ﺭﺟﻠﻴﻬﺎ ﺑﻌﺪ ﻛﺴﺮﺓ ﻗﻠﺒﻬﺎ ﺑﻔﻀﻞ ﻣﻌﺎﺩ ﺑﻌﺪ ﺭﺑﻲ ، ﻭﻗﻔﺘﻪ ﻣﻌﺎﻫﺎ ﺍﺛﺮﺕ ﻓﻴﻬﺎ ﻭﻗﻠﺒﻬﺎ ﺣﺒﻪ ﺑﻄﻴﺒﺘﻪ ﻭﺣﺒﻪ ﻟﻴﻬﺎ ﻭﺻﺒﺮﻩ ﻣﻌﺎﻫﺎ ، ﻃﻠﻌﺖ ﻣﻦ ﺗﺠﺮﺑﺔ ﻗﺎﺳﻴﺔ ﻛﺎﻧﺖ ﻋﻠﻴﻬﺎ ﻟﻮ ﻣﺎﻛﻨﺶ ﻣﻌﺎﺩ ﻣﻌﺎﻫﺎ ﻛﺎﻥ ﺻﺎﺭﻟﻬﺎ ﺷﻲ ﻻ ﺳﻤﺢ ﺍﻟﻠﻪ ،ﻧﺮﺟﺲ ﺍﻟﻲ ﻗﻠﺒﻬﺎ ﺿﻌﻴﻔﺔ ﻭﺭﻗﻴﻘﺔ ﻭﺍﻟﻨﺴﻤﻪ ﺗﺨﺒﺸﻬﺎ ﻛﺎﻧﺖ ﻣﺶ ﺣﺘﻘﺪﺭ ﺗﺘﺤﻤﻞ ، ﺑﺲ ﻛﺎﻧﺖ ﻛﻞ ﻣﺎﺗﻮﺧﺮ ﺗﻠﻘﻰ ﻓﻲ ﻣﻌﺎﺫ ﻇﻬﺮ ﻟﻴﻬﺎ ﻭﺳﺎﻧﺪﻫﺎ ، ﻛﻞ ﻣﺎﺗﻄﻴﺢ ﺗﻠﻘﻰ ﻳﺪ ﻣﻌﺎﺩ ﺍﻣﺘﺪﺗﻠﻬﺎ ﻭﺗﺴﺎﻋﺪﻫﺎ ﻋﻠﻲ ﺍﻟﻮﻗﻮﻑ ﺗﺎﻧﻲ
ﺧﺸﻴﻨﺎ ﺍﻻﺭﺑﻌﺔ ﻟﻠﺤﻮﺵ ﺩﻭﺷﺔ ﺍﻟﺼﻐﺎﺭ ﺍﻟﻲ ﻳﻠﻌﺒﻮ ﻓﻲ ﺍﻟﺠﻨﺎﻥ
ﺍﻧﻲ : ﻧﺪﻯ ﺭﺩﻱ ﺑﺎﻟﻚ ﻳﺎﺑﻨﺘﻲ
ﻋﺒﺪ ﺍﻟﻌﻈﻴﻢ ﻭﻟﺪ ﻧﻮﺭﺱ : ﺍﻫﻮ ﺍﻧﻲ ﺷﺎﺩ ﻓﻲ ﻳﺪﻫﺎ ﻳﺎﺧﻮﻳﻠﺔ ﻣﺎﺗﺨﺎﻓﻴﺶ ﻋﻠﻴﻬﺎ
ﺍﻧﻲ : ﻳﺎﻭﺧﻴﺘﻲ ﺳﻠﻤﻪ , ﺧﺸﻴﺖ ﺍﻟﺪﺍﺧﻞ ﺍﻟﻘﻴﺖ ﻧﻮﺭﺱ ﻛﻴﻒ ﺑﺪﺕ ﺗﻄﻠﻊ ﻓﻲ ﺍﻟﻤﻜﻨﺴﺔ ﺍﻟﻜﻬﺮﺑﺎﺋﻴﺔ ﻭﺑﻨﻀﻤﻮ ﺍﻟﺤﻮﺵ
ﻧﻮﺍﻝ : ﺍﻧﻲ ﺑﻨﻀﻢ ﺍﻟﻤﻄﺒﺦ
ﻧﺮﺟﺲ : ﻭﺍﻧﻲ ﺍﻟﺪﻳﺎﺭ ﺍﻟﻔﻮﻗﻴﺎﺕ ﻟﻜﻦ ﻣﻦ ﺑﻴﺮﻛﺐ ﻣﻌﺎﻱ
ﻧﻮﺭﺱ : ﺍﻧﻲ ﺑﻨﻀﻢ ﺍﻟﺼﺎﻻﺕ ﻟﻮﻃﻰ ﺍﺭﻛﺒﻲ ﺍﻧﺘﻲ ﻭﻧﺴﻴﺒﺔ
ﺍﻧﻲ : ﻛﺎﻥ ﺧﺸﺖ ﻧﺪﻯ ﺭﻛﺒﻮﻫﺎﻟﻲ ﻓﻮﻕ ﺑﺎﻟﻠﻪ ﻣﺎﺗﺨﻠﻮﻫﺎﺵ ﺗﺮﻛﺐ ﺑﺮﻭﺣﻬﺎ ﻓﻲ ﺍﻟﺪﺭﻭﺝ
ﻧﻮﺍﻝ : ﻭﺍﻟﻠﻪ ﺍﻧﺘﻲ ﻫﻜﻲ ﺗﺪﻳﺮﻱ ﻓﻲ ﺍﻛﺒﺮ ﻏﻠﻂ ﻣﺶ ﺳﺎﻣﺤﺔ ﻟﻠﺒﻨﺖ ﺗﻌﺘﻤﺪ ﻋﻠﻲ ﻧﻔﺴﻬﺎ ﻛﻞ ﻣﻜﺎﻥ ﺷﺎﺩﺓ ﻳﺪﻫﺎ ﻭﺗﺪﻳﻠﻲ ﻓﻴﻬﺎ ، ﺻﺢ ﻣﺎﺗﺸﻮﻓﺶ ﺑﺲ ﺭﺑﻲ ﻳﺎﺧﺪ ﻣﻦ ﺷﻲ ﻭﻳﻌﻮﺽ ﺑﺎﻟﺘﺎﻧﻲ ﻳﻌﻨﻲ ﺗﻘﺪﺭ ﺗﺤﺲ ﺗﻄﻴﺢ ﺍﻟﻤﺮﺓ ﺍﻻﻭﻟﻰ ﻭﺍﻟﺘﺎﻧﻴﺔ ﻭﺑﻌﺪﻫﺎ ﺗﺘﻌﻠﻢ
ﺍﻧﻲ : ﻭﺍﻟﻠﻪ ﻣﺎﻗﺪﺭﺕ ﻧﺨﻠﻴﻬﺎ ﻟﻮ ﺗﻄﻴﺢ ﺿﻤﻴﺮﻱ ﻳﻘﻌﺪ ﻳﺄﻧﺐ ﻓﻴﺎ ﻻﻧﻪ ﺧﻠﻴﺘﻬﺎ ﻭﺧﺎﺻﺔ ﻟﻤﺎ ﺗﻘﻌﺪ ﺗﻌﻴﻂ
ﻧﻮﺭﺱ : ﺍﺳﻤﻌﻲ ﻭﺍﻟﻠﻪ ﻛﻼﻡ ﻧﻮﺍﻝ ﺍﻻ ﺻﺢ ﺍﻧﺘﻲ ﺣﺘﻰ ﻣﺎﺗﺒﻴﺶ ﻳﺠﻴﻚ ﻋﻴﻞ ﺗﺎﻧﻲ ﻻﻧﻚ ﺗﺤﺴﻲ ﻓﻲ ﺭﻭﺣﻚ ﻫﺘﻬﻤﻠﻲ ﻧﺪﻯ
ﺍﻧﻲ : ﻻﻭﺍﻟﻠﻪ ﻻ ﻣﺶ ﺍﻧﻲ ﻣﺎﻧﺒﻴﺶ ﺑﺲ ﺭﺑﻲ ﻣﺎﺍﻋﻄﺎﻧﺎﺵ ﻭﺍﻟﺨﻴﺮﺓ ﻓﻴﻤﺎ ﺍﺧﺘﺎﺭﻩ ﺍﻟﻠﻪ
ﻧﻮﺍﻝ : ﺣﺘﻰ ﺍﻧﺘﻲ 5 ﺳﻨﻴﻦ ﺗﺎﺧﺪﻱ ﻓﻲ ﺣﺒﻮﺏ ﻣﻨﻊ ﺍﻟﺤﻤﻞ
ﺍﻧﻲ : ﻣﺶ ﻫﻜﻲ ﻟﻜﻦ ﻭﻗﺘﻬﺎ ﻧﺪﻯ ﺣﺘﻰ ﻣﺸﻴﺘﻬﺎ ﻣﺶ ﻣﺴﺘﻘﻴﻤﻪ ﺗﻤﺸﻲ ﺗﺨﺒﻂ ﻓﻲ ﺣﻴﻂ ﺗﺨﺒﻂ ﻓﻲ ﻃﺎﻭﻟﺔ ﺻﻌﺐ ﻋﻠﻴﺎ ﻭﺍﻟﻠﻪ ﺑﻌﺪﻫﺎ ﻧﺤﻤﻞ ﻭﻧﺠﺮﻱ ﻓﻲ ﺟﺮﺓ ﻧﺪﻯ
ﻧﺮﺟﺲ : ﺍﻧﺘﻲ ﺣﺎﻭﻟﻲ ﺗﺨﻠﻴﻬﺎ ﺣﺘﻰ ﻳﻮﻡ ﺑﺮﻭﺣﻬﺎ ﻫﻜﻲ ﺗﺎﺧﺪ ﺭﺍﺣﺘﻬﺎ ﻭﺗﻠﻌﺐ ﺗﻄﻴﺢ ﻭﺗﻌﻴﻂ ﻭﺗﻨﻮﺽ ﺑﻌﺪﻫﺎ ﻭﺗﺘﻌﻠﻢ ﻭﺍﻟﻠﻪ ﺣﻴﻜﻮﻥ ﺍﻗﻞ ﺗﻌﺐ ﺣﺘﻰ ﺑﺎﻟﻨﺴﺒﺔ ﻟﻴﻚ ، ﻫﻲ ﺫﻛﻴﺔ ﻣﺎﺷﺎﺀ ﺍﻟﻠﻪ ﻭﺑﺴﺮﻋﺔ ﺗﺤﻔﻆ ﺍﻟﺤﺎﺟﺎﺕ ﺑﺴﺮﻋﺔ ﺣﺘﺘﻌﻮﺩ
ﺍﻧﻲ ﻋﺎﺭﻓﺔ ﻛﻼﻣﻬﻢ ﺻﺢ ﺑﺲ ﻣﺶ ﻣﺮﺗﺎﺣﺔ ، ﻭﺍﻓﻘﺖ ﻧﺨﻠﻴﻬﺎ ﺍﻟﻴﻮﻡ ﺗﻠﻌﺐ ﺑﺮﺍ ﻭﺭﻛﺒﺖ ﺍﻧﻲ ﻭﻧﺮﺟﺲ ﻓﻮﻕ
ﻭﺑﺪﻳﻨﺎ ﻛﻞ ﻭﺣﺪﺓ ﺗﺸﻮﻑ ﻟﺸﻐﻠﻬﺎ ﻭﻗﻌﺪﻧﺎ ﻧﻀﻤﻮ ، ﻭﻛﻨﺎ ﻗﺎﻳﻠﻴﻦ ﻟﺨﺎﻟﺘﻲ ﻭﻋﻤﺘﻲ ﻭﺣﺘﻰ ﺣﻮﺵ ﻋﻤﻲ ﻭﺍﻟﻌﻴﻠﺔ ﻛﻠﻬﺎ ﺍﻧﻬﻢ ﻳﺠﻮ ﺍﻟﻴﻮﻡ ﻋﺸﻲ ، ﻭﺟﻬﺰﻧﺎ ﺍﻟﺤﺎﺟﺎﺕ ﺍﻟﻲ ﺑﻨﻄﻴﺒﻮ ﺑﻴﻬﻢ
ﻭﺍﻟﺤﻮﺵ ﻛﺎﻥ ﺩﻭﺷﺔ ﺻﻐﺎﺭ ﻭﺍﺣﻨﻲ ﻧﻬﺪﺭﺯﻭ ، ﻧﻔﺮﺡ ﻭﻗﺖ ﻧﺸﻮﻑ ﺍﻟﺤﻮﺵ ﻫﻜﻲ ،ﻣﺎﻧﺒﻮﺵ ﺻﻮﺗﻪ ﻳﺨﺘﻔﻲ ﻧﺒﻮ ﺩﻳﻤﺎ ﻓﻴﻪ ﺩﻭﺷﺔ ﻭﺗﻄﻴﻴﺐ ﻭﺩﻳﻤﺎ ﻳﺠﻴﻨﺎ ﻓﻴﻪ ﺣﺪ ﺯﻱ ﻣﺎﻗﺒﻞ ﻣﺎﻣﺎ ﻭﺑﺎﺑﺎ ﻳﺤﺒﻮ
ﻣﻦ ﺍﻟﺴﺎﻋﻪ 10 ﺍﻟﺼﺒﺢ ﻭﺍﺣﻨﻲ ﻧﻀﻤﻮ ﻣﻊ ﺍﻟﺴﺎﻋﻪ 2 ﻛﻤﻠﻨﺎ ﺍﻟﺤﻮﺵ ﻛﻠﻪ ، ﻭﺧﺸﻴﻨﺎ ﻟﻠﻤﻄﺒﺦ ﻭﺑﺪﻱ ﻧﻔﻜﺮﻭ ﺷﻦ ﺑﻨﻄﻴﺒﻮ ﻏﺪﻱ ﻟﺼﻐﺎﺭﻧﺎ
ﻧﻮﺍﻝ : ﺗﻌﺮﻓﻲ ﺷﻜﺸﻜﻮﻟﻬﻢ ﺩﺣﻲ ﻭﺩﻳﺮﻭﻫﻮﻟﻬﻢ ﻓﻲ ﺳﻨﺪﻭﺗﺸﺎﺕ ﻭﺧﻼﺹ ﻭﺧﻠﻲ ﻧﻔﻜﺮﻭ ﺷﻦ ﺑﻨﺪﻳﺮﻭ ﺍﻟﻌﺸﻲ ﺭﺍﻫﻮ ﻳﻼ ﻧﺒﺪﻭ ﻣﻦ ﺗﻮﺍ ﻭﻧﻜﻤﻠﻮ ﻣﺎﻧﺒﻴﺶ ﻧﻘﻌﻤﺰ ﻓﻲ ﺍﻟﻤﻄﺒﺦ ﺑﻌﺪﻳﻦ ﻧﺒﻲ ﻧﻬﺪﺭﺯ
ﻧﻮﺭﺱ : ﺑﺎﻩ ﺑﺎﻩ ﻏﻴﺮ ﺍﻫﺪﻱ ﺗﻮ ﻧﻠﺤﻘﻮ ، ﺷﻦ ﺑﺘﺪﻳﺮﻭ ﻣﺴﻘﻲ ﻭﺍﻻ
ﻭﻛﻴﻒ ﺑﻨﺮﺩ ﻋﻠﻴﻬﺎ ﻗﻄﻊ ﻋﻠﻴﻨﺎ ﺟﺮﺱ ﺍﻟﺤﻮﺵ
ﻧﺮﺟﺲ : ﻫﺎﺩﻱ ﺍﻛﻴﺪ ﺧﺎﻟﺘﻲ ﻭﺍﻟﺒﻨﺎﺕ
ﺍﻧﻲ : ﺣﺘﻰ ﻓﺮﺧﻪ ﺳﺎﺭﺓ ﺟﺖ
ﻧﺮﺟﺲ : ﺍﻳﻪ ﻻﻥ ﺑﻴﺠﻴﺒﻬﻢ ﻣﻌﺎﺩ
ﺍﻧﻲ : ﺧﻠﻴﻚ ﺗﻮ ﺍﻧﻲ ﻧﻔﺘﺢ ، ﻭﻃﻠﻌﺖ ﻧﺠﺮﻱ ﻧﻔﺘﺢ ﻭﺍﻭﻝ ﻣﻦ ﻗﺎﺑﻠﺘﻨﻲ ﺳﺎﺭﺓ ، ﺳﻠﻤﺖ ﻋﻠﻴﻬﺎ ﻭﻗﺪﺍﺵ ﻟﻴﺎ ﻣﻌﺎﺵ ﺷﻔﺘﻬﺎ ﺍﻟﺰﻭﺯ ﺗﺰﻭﺟﻨﺎ ﻭﻭﻟﻰ ﻋﻨﺪﻧﺎ ﻋﺎﻳﻠﺔ ﻭﻛﻞ ﻭﺣﺪﺓ ﻟﻬﺖ ﻓﻲ ﻣﺴﺆﻭﻟﻴﺎﺗﻬﺎ ، ﻫﻲ ﻭﻟﻰ ﻋﻨﺪﻫﺎ 4 ﺻﻐﺎﺭ ﻳﻬﺒﻠﻮ
ﺳﺎﺭﺓ : ﻋﺎﺵ ﻣﻦ ﺷﺎﻓﻚ ﻣﻐﻄﺴﺔ ﻏﻄﺴﺔ ﺷﻴﻨﻪ
ﺍﻧﻲ : ﻋﻴﻨﻚ ﻭﺍﻟﻠﻪ ﻧﺘﺼﻞ ﺑﻴﻚ ﻗﺪﺍﺵ ﻣﺮﺓ ﻣﺎﺗﺮﻳﺪﻳﺶ ﻭﻣﻌﺎﺵ ﻋﺎﻭﺩﺗﻲ
ﺳﺎﺭﺓ : ﻭﺍﻟﻠﻪ ﺗﻠﻴﻔﻮﻧﻲ ﻣﻌﺎﺩ ﻧﻨﺪﺭ ﻋﻠﻴﻪ ﺑﻜﻞ ﺩﻳﻤﺎ ﻋﻨﺪ ﺍﻟﻔﺮﺥ ﺍﺣﻤﺪ ﻳﻠﻌﺐ ﺑﻴﻪ ﻭﺗﻠﻘﻴﻪ ﺷﺎﺩﻩ ﻭﻳﺸﺮﻳﻦ ﻓﻲ ﻳﺪﻩ ﻭﻣﺎﻳﻘﻮﻟﻴﺶ
ﺍﻣﺎ ﺳﺮﻭﺭ ﻓﺘﺰﻭﺟﺖ ﻣﻦ ﺗﻼﺗﻪ ﺳﻨﻴﻦ ﻭﻋﻨﺪﻫﺎ ﻭﻟﺪ
ﺧﺎﻟﺘﻲ : ﺷﻦ ﺑﺘﺪﻳﺮﻭ ﻓﻲ ﺍﻟﻌﺸﻲ
ﻧﺮﺟﺲ : ﻭﺍﻟﻠﻪ ﻗﺎﻋﺪﻳﻦ ﻣﺶ ﻋﺎﺭﻓﻴﻦ ﻳﺎﺧﻮﻳﻠﺔ
ﺧﺎﻟﺘﻲ : ﺍﻧﻲ ﺟﺎﻳﺒﺔ ﺭﺷﺪﺓ ﻛﺴﻜﺎﺱ ﻧﺪﻳﺮﻭﻫﺎ ﻭﺩﻳﺮﻭ ﻣﻌﺎﻫﺎ ﺣﺎﺟﺎﺕ ﺣﺎﺭﺓ
ﻧﻮﺍﻝ : ﺍﻧﻲ ﺗﻮ ﻧﺪﻳﺮ ﺍﻣﺒﻄﻦ
ﺳﺮﻭﺭ : ﺍﻧﻲ ﺗﻮ ﻧﻄﻴﺮ ﻃﺎﺟﻴﻦ
ﺍﻧﻲ : ﺍﻧﻲ ﺧﻠﻮﻟﻲ ﺍﻟﺒﻴﺘﺰﺍ
ﻭﻫﻜﻲ ﻛﻞ ﻭﺣﺪﺓ ﻓﻴﻨﺎ ﺷﺪﺕ ﺣﺎﺟﺔ ﻭﺑﺪﻳﻨﺎ ﻧﺪﻳﺮﻭ ﻭﻧﺴﺎﻋﺪﻭ ﻓﻲ ﺑﻌﺾ ﻭﺍﻟﺼﻐﺎﺭ ﻳﻠﻌﺒﻮ ﻓﻲ ﺍﻟﺠﻨﺎﻥ
ﻭﻣﻊ ﺍﻟﻌﺼﺮ ﺟﺖ ﻋﻤﺘﻲ ﻭﻣﻌﺎﻫﺎ ﻋﻠﻴﺎ ﻭﺣﺘﻰ ﻫﻤﺎ ﻗﻌﺪﻭ ﻳﺴﺎﻋﺪﻭ ﻓﻴﻨﺎ
ﻋﻠﻴﺎ ﻧﺠﺤﺖ ﻓﻲ ﺍﻥ ﻫﻲ ﺗﻮﻟﻲ ﺩﻛﺘﻮﺭﺓ ﻧﺎﺟﺤﺔ ، ﺑﺲ ﻣﺎﻗﺪﺭﺕ ﺗﺪﻳﺮ ﺍﻱ ﻋﻼﻗﺔ ﻭﺣﺘﻰ ﺧﻄﺒﻮﻫﺎ ﻫﻠﺒﺎ ﺑﺲ ﻫﻲ ﻣﺎﻭﺍﻓﻘﺘﺶ ، ﻋﺎﻳﺸﺔ ﺣﻴﺎﺓ ﻣﺴﺘﻘﻠﺔ ﺑﺴﻴﺎﺭﺗﻬﺎ ﻭﺧﺪﻣﺘﻬﺎ
ﻋﻠﻴﺎ : ﺣﻲ ﺣﻲ ﺑﺎﻟﻠﻪ ﻣﺪﻳﻠﻲ ﻃﺮﻑ ﺍﻻﻣﺒﻄﻦ ﻫﺪﺍ ،ﺍﻫﻮﺍ ﻫﻮﺍ ﺍﻟﻤﺤﻤﺮ
ﻧﻮﺍﻝ : ﻋﻠﻴﺎﺍﺍﺍ ﺣﻮﻟﻲ ﻳﺪﻙ ﺧﻴﺮﺭﻟﻚ ﻛﻤﻠﺘﻴﻪ
ﻋﻠﻴﺎ ﻟﻨﻮﺭﺱ : ﻣﺪﻳﻬﻮﻭﻟﻲ ﻓﻴﺴﻊ ﻗﺒﻞ ﻣﺎﺗﺠﻲ
ﻧﻮﺍﻝ ﺟﺖ ﺗﺠﺮﻱ
ﻋﻠﻴﺎ ﺍﺧﺪﺕ ﻃﺮﻑ ﺍﻻﻣﺒﻄﻦ ﻭﻧﺘﺸﺎﺗﻪ ﻋﻠﻲ ﻃﻮﻝ ، ﻭﻛﺎﻥ ﺳﺨﻮﻥ ، ﻗﻌﺪﺕ ﺗﻨﻘﺰ
ﻧﻮﺍﻝ : ﺗﺴﺘﺎﻫﻠﻲ ﻫﺪﺍ ﺍﻟﻲ ﻳﺨﻨﺐ
ﺷﻮﻳﺔ ﻭﺭﻥ ﺍﻟﺒﺎﺏ
ﻃﻠﻌﺖ ﺍﻧﻲ ﻧﻔﺘﺢ
ﻭﺍﻭﻝ ﻣﺎﻓﺘﺤﺖ ﺍﻟﺒﺎﺏ ﺧﺸﻮﻭ ﺯﻭﺯ ﺍﻭﻻﺩ ﺻﻐﺎﺭ ﻳﺠﺮﻭ
ﻋﺮﻓﺘﻬﻢ ﺍﻭﻻﺩ ﻫﺎﺟﺮ ﻗﻌﺪﺕ ﻧﻀﺤﻚ ، ﻭﺷﻮﻳﺔ ﻭﻧﺴﻤﻊ ﻓﻲ ﻫﺎﺟﺮ ﺗﻨﺎﺩﻱ
ﻫﺎﺟﺮ : ﻋﺒﺪ ﺍﻟﻤﺎﻟﻚ ﻳﺎﺍﻓﺮﺭﺥ ﻣﻌﺘﺰ ﺗﻌﺎﺍﻟﻮ ﺍﻫﻨﻲ ﻭﺗﺤﺸﻤﻮ ، ﺧﺸﺖ
ﺍﻧﻲ ﻧﻀﺤﻚ ﺳﻠﻤﺖ ﻋﻠﻴﻬﺎ : ﺗﻌﺮﻓﻲ ﺧﺸﻮ ﻳﺠﺮﻭ ﻣﺎﺷﻔﺘﺶ ﺣﺘﻰ ﻭﺟﻮﻫﻬﻢ ﻟﻜﻦ ﻋﺮﻓﺘﻬﻢ ﻟﻴﻚ ﻋﻠﻲ ﻃﻮﻝ
ﻫﺎﺟﺮ : ﺑﻴﻘﺘﻠﻮﻧﻲ ﻫﺎﻟﻤﻔﺮﺥ
ﺍﻧﻲ : ﻫﻬﻬﻬﻬﻬﻪ ﻏﻴﺮ ﺧﺸﻲ ﺧﺸﻲ ﻭﻭﺳﻌﻲ ﺑﺎﻟﻚ ﺗﻠﻘﻴﻬﻢ ﻃﻠﻌﻮ ﻟﻠﺼﻐﺎﺭ ﻣﻦ ﺑﺎﺏ ﺍﻟﻤﻄﺒﺦ
ﻫﺎﺟﺮ ﺗﺤﻮﻝ ﻓﻲ ﻭﺷﺎﺣﻬﺎ : ﻣﻦ ﺟﻲ
ﺍﻧﻲ : ﺧﺎﻟﺘﻲ ﻭﺍﻟﺒﻨﺎﺕ ﻭﻋﻤﺘﻲ ﻭﻋﻠﻴﺎ ﻭﻣﺮﺕ ﻋﻤﻲ ﻋﻠﻲ ﺟﻴﺔ ﺣﺘﻰ ﻫﻲ
ﻫﺎﺟﺮ : ﺍﻥ ﺷﺎﺀ ﺍﻟﻠﻪ ﻏﻴﺮ ﻣﺎﺗﺠﻴﺶ ﺍﻟﻲ ﺍﺳﻤﻬﺎ ﺭﻭﻳﺪﺓ
ﺍﻧﻲ : ﻫﻬﻬﻬﻬﻪ ﺳﺎﻓﺮﺕ ﺍﻣﺲ
ﻫﺎﺟﺮ : ﺍﺣﺴﺴﻦ ﻭﺍﻟﻠﻪ ﻣﺎﻋﻨﺪﻱ ﻟﻴﻬﺎ ﺧﻠﻮﻕ
ﺍﻧﻲ : ﻭﻳﻦ ﺍﻳﻤﻦ ﺍﻣﺎﻻ ﺧﻴﺮﻩ ﻣﺎﻧﺰﻟﺶ
ﺍﻧﻲ ﻣﺎﻛﻤﻠﺘﺶ ﺟﻤﻠﺘﻲ ﻟﻴﻦ ﺧﺶ
ﺍﻳﻤﻦ : ﻗﺮﻣﺔ ﻋﻠﻲ ﻃﻮﻭﻝ ﻫﻜﻲ ﻗﺪﺍﻡ ﺍﻟﺒﺎﺏ ﻏﻴﺮ ﺧﻮﺩﻭ ﻧﻔﺲ ﺍﻻﻭﻝ
ﺍﻧﻲ : ﻫﻬﻬﻬﻪ ﺍﻫﻼ ﻛﻴﻒ ﺍﻟﺤﺎﻝ
ﺍﻳﻤﻦ : ﺍﻟﺤﻤﺪ ﻟﻠﻪ ﻭﺍﻟﻠﻪ ﻣﺎﺷﻴﺔ ﺍﻻﻣﻮﺭ ﺷﻦ ﺍﺧﺒﺎﺭﻙ ﺍﻧﺘﻲ ﻭﻛﻴﻒ ﺣﺎﻝ ﻭﻟﻴﺪ
ﺍﻧﻲ : ﺗﻤﺎﻡ ﻫﻲ ﺧﺶ
ﺍﻳﻤﻦ : ﻻﻻ ﺷﻜﻠﻪ ﻋﻨﺪﻛﻢ ﺯﺣﻤﺔ ﺗﻮ ﻧﺠﻲ ﺑﻌﺪﻳﻦ ﻉ ﺍﻟﻌﺸﻲ
ﺍﻧﻲ : ﺗﻌﺮﻑ ﻳﺎﺍﻳﻤﻦ ﻭﻟﻴﺖ ﺷﺎﻳﺐ
ﻫﺎﺟﺮ : ﻭﺍﻻ ﺣﺘﻰ ﺍﻧﻲ ﻧﻘﻮﻟﻪ ﻓﻴﻬﺎ ﻛﺒﺮﺕ ، ﻟﺤﻴﺘﻪ ﻗﺮﻳﺐ ﺗﺼﻔﻲ ﺍﺑﻴﺾ
ﺍﻳﻤﻦ : ﻋﻴﻨﻜﻢ ﻗﺎﻋﺪ ﺷﺒﺎﺏ ، ﻭﻛﺎﻥ ﺑﻨﻜﺒﺮ ﺣﺎﺟﺔ ﻭﺣﺪﺓ ﺑﺘﻜﺒﺮﻧﻲ ﺑﺲ ﻭﻫﻮ ﺯﻭﺍﺟﻲ ﺑﻴﻚ
ﻫﺎﺟﺮ ﺷﺒﺤﺘﻠﻪ ﺷﺒﺤﺔ ﻉ ﺍﻟﺠﻨﺐ
ﺍﻧﻲ ﻗﻌﺪﺕ ﻧﻀﺤﻚ ،ﻣﻬﻤﺎ ﻳﻜﺒﺮﻭ ﻭﺗﻤﺮ ﺍﻟﺴﻨﻴﻦ ﻣﺎﻳﺘﻐﻴﺮﻭﺵ ﻫﻤﺎ ﺍﻟﺰﻭﺯ
ﺩﻳﻤﺎ ﺑﻌﺮﻛﺎﺗﻬﻢ ﺑﺲ ﺣﺒﻬﻢ ﻣﺎﻳﻨﻘﺼﺶ ، ﻋﻨﺪﻫﻢ ﺯﻭﺯ ﺍﻭﻻﺩ ﻭﺣﻴﺎﺗﻬﻢ ﺩﻳﻤﺎ ﻓﻴﻬﺎ ﺍﻛﺸﻦ ﺍﻧﻲ ﺩﻳﻤﺎ ﻫﻜﻲ ﻧﻘﻮﻟﻠﻬﻢ
ﺧﺸﺖ ﻫﺎﺟﺮ ﻭﺍﻳﻤﻦ ﻃﻠﻊ
ﻭﺑﻌﺪ ﺷﻮﻱ ﺟﺖ ﻣﺮﺕ ﻋﻤﻲ ﻭﻣﻌﺎﻫﺎ ﻛﻨﺎﻳﻨﻬﺎ ﻭﻣﻨﻬﻢ ﺭﻧﺎ
ﺭﻧﺎ : ﺷﻦ ﺟﻮ ﺍﻟﻤﺴﺘﺸﻔﻰ ﻭﺍﻟﺨﺪﻣﺔ ﻳﺎﻋﻠﻴﺎ
ﻋﻠﻴﺎ : ﺗﻤﺎﻡ ﻭﺍﻟﻠﻪ ﻣﺎﺷﻴﺔ ﺍﻻﻣﻮﺭ ، ﺷﻦ ﺣﺎﻝ ﻣﺮﻳﻮﻣﺔ ﻭﻳﻨﻬﺎ ﻣﺎﺷﻔﺘﻬﺎﺵ
ﺭﻧﺎ : ﻫﻮ ﺣﺘﻰ ﺍﻧﻲ ﻣﺎﺷﻔﺘﻬﺎﺵ ﻣﻦ ﻟﻤﺎ ﻭﺻﻠﺖ ﻋﻨﺪ ﺍﻟﻼﻱ ﻭﻫﻲ ﺟﺘﻜﻢ ﺗﺠﺮﻱ ﻟﻠﺼﻐﺎﺭ
ﺍﻳﻪ ﺯﻱ ﻣﺎﺗﺸﻮﻓﻮ ﻋﻠﻴﺎ ﻭﺭﻧﺎ ﻭﻟﻮ ﺻﺎﺣﺒﺎﺕ ﻭﻳﻬﺪﺭﺯﻭ ﻋﺎﺩﻱ
ﻣﺶ ﻻﻥ ﻋﻠﻴﺎ ﺍﻧﺴﺖ ﺑﺲ ﻣﻊ ﺍﻟﻮﻗﺖ ﺍﻻﻧﺴﺎﻥ ﻳﺘﻌﻮﺩ ﻭﻳﻮﻟﻲ ﺍﻟﺸﻲ ﺍﻟﻲ ﻳﻮﺟﻊ ﻓﻴﻬﺎ ﺷﻲ ﻋﺎﺩﻱ ﺑﺎﻟﻨﺴﺒﺔ ﻟﻴﻪ ،ﻭﻳﻜﻤﻞ ﺣﻴﺎﺗﻪ ﺭﻏﻢ ﻫﺎﻟﻐﺼﺔ ﻭﻳﺤﺎﻭﻝ ﻳﺪﺭﻕ ﻉ ﺍﻟﻨﺎﺱ ، ﻭﺍﻟﻨﺎﺱ ﻭﻗﺖ ﻳﺸﻮﻓﻮﻩ ﻳﻀﺤﻚ ﻋﺎﺩﻱ ﺣﺘﻰ ﻓﻲ ﻭﺟﻪ ﺍﻟﻲ ﻛﺎﻥ ﻳﺤﺒﻪ ﻭﺍﺻﺒﺢ ﻣﻠﻚ ﻟﺸﺨﺺ ﺗﺎﻧﻲ ﻳﺤﺴﺎﺑﻮ ﺍﻧﻪ ﻣﻌﺎﺵ ﻳﺤﺲ
ﺍﻣﺸﻲ ﺍﻟﻮﻗﺖ ﺑﻬﺪﺭﺯﺓ ﻭﺿﺤﻜﺔ ﻭﺩﻭﺷﺔ ﺍﻟﺼﻐﺎﺭ ، ﺗﻌﺸﻴﻨﺎ ﻣﻊ ﺑﻌﺾ ﻭﺿﻤﻴﻨﺎ ﺍﻟﻤﻄﺒﺦ ﻭﺑﻌﺪﻫﺎ ﺑﺎﻟﻮﺣﺪﺓ ﺑﺪﺕ ﺗﺮﻭﺡ ،ﺣﺘﻰ ﺍﻧﻲ ﻭﺍﺧﻮﺍﺗﻲ ﺣﻨﺮﻭﺣﻮ
ﺭﺟﺎﻟﺘﻨﺎ ﻣﻘﻌﻤﺰﻳﻦ ﻓﻲ ﺍﻟﺼﺎﻟﻮﻥ ﻳﻬﺪﺭﺯﻭ ﻭﺍﺣﻨﻲ ﻗﻌﺪﻧﺎ ﻧﺪﻳﺮﻭ ﻓﻲ ﺩﻭﺭﺓ ﻉ ﺍﻟﺤﻮﺵ ﻭﺳﻜﺮﻧﺎ ﺍﻟﺮﻭﺍﺷﻦ ﻭﺍﻟﺒﻴﺒﺎﻥ ﻛﻮﻳﺲ ،ﻭﺍﺧﺪﺕ ﻛﻞ ﻭﺣﺪﺓ ﻧﺴﺨﻪ ﻣﻦ ﻣﻔﺘﺎﺣﻬﺎ ﻭﺭﻛﺒﻨﺎ ﺳﻴﺎﺭﺍﺗﻨﺎ ﻭﺭﻭﺣﻨﺎ
ﻛﻞ ﻭﺍﺣﺪ ﺍﻣﺸﻲ ﻓﻲ ﻃﺮﻳﻖ ﻟﺤﻮﺷﻪ
<< ﺍﻷﺷﻴﺎﺀ ﺍﻟﺘﻲ ﻛﻨﺎ ﻧﻘﻮﻝ ﻋﻨﻬﺎ ﺻﻌﺒﺔ ﻭﻻﻳﻤﻜﻦ ﺃﻥ ﻧﻔﻌﻠﻬﺎ ﺃﺻﺒﺤﺖ ﺷﻴﺌﺎ ﻋﺎﺩﻳﺎ ﺍﻋﺘﺪﻧﺎ ﻋﻠﻴﻪ ، ﻣﺜﻼ ﻛﻞ ﻣﻨﺎ ﻋﻨﺪﻣﺎ ﺗﺨﺮﺝ ﻋﺮﻭﺱ ﻣﻦ ﺑﻴﺘﻬﺎ ﻭﺗﺬﻫﺐ ﻟﺒﻴﺖ ﺃﺧﺮ ﻧﻘﻮﻝ ﻋﻨﻪ ﺻﻌﺐ ، ﺃﻣﺎ ﺑﻌﺪﻫﺎ ﺗﺘﺄﻗﻠﻢ ﻣﻊ ﺑﻴﺘﻬﺎ ﺍﻟﺠﺪﻳﺪ >>
ﺧﺸﻴﺖ ﺍﻟﺤﻮﺵ ﺣﻮﻟﺖ ﻋﺒﺎﻳﺘﻲ ﻭﻭﺷﺎﺣﻲ ﻭﻭﻗﻌﻤﺰﺕ ﻉ ﺍﻟﺼﺎﻟﻮﻥ : ﻧﺪﻭﻭ ﻫﻲ ﺗﻌﺎﻟﻲ ﻧﻐﻴﺮﻟﻚ ﺣﻮﺍﻳﺠﻚ ﺑﺎﺵ ﺗﺮﻗﺪﻱ
ﻧﺪﻯ : ﻛﺒﺮﺕ ﺍﻧﻲ ﻳﺎﺍﻣﺎﻣﺎ ﺣﺘﻰ ﺑﺪﻳﺖ ﻧﻌﺮﻑ ﻣﻜﺎﻥ ﺑﻴﺠﺎﻣﺘﻲ ﻭﻧﻌﺮﻑ ﻧﺒﺪﻝ ﺑﺮﻭﺣﻲ
ﺍﻧﻲ ﺍﺑﺘﺴﻤﺖ : ﺑﺎﻩ ﻫﻲ ﺑﺪﻟﻲ
ﻭﻟﻴﺪ ﺟﻲ ﻗﻌﻤﺰ ﺟﻨﺒﻲ ﻭﺑﺎﺳﻨﻲ
ﻧﺪﻯ : ﺑﺎﺑﺎ ﻋﻴﻴﺐ ﺭﺍﺍﻫﻮ ، ﻗﺪﺍﺵ ﻣﺮﺓ ﺑﻨﻘﻮﻝ ﺍﻧﻲ ﻣﺎﻧﺸﻮﻓﺶ ﻟﻜﻦ ﻧﺴﻤﻊ
ﺍﻧﻲ ﻭﻭﻟﻴﺪ ﻗﻌﺪﻧﺎ ﻧﻀﺤﻜﻮ
،،،
ﺛﺎﻧﻲ ﻳﻮﻡ ﻛﺎﻥ ﻋﻄﻠﺔ ﻧﻀﻨﺎ ﻋﻠﻲ ﺻﻮﺕ ﺩﻭﺷﺔ ﻓﻲ ﺍﻟﺠﻨﺎﻥ ﻟﻮﻃﻰ
ﻭﻟﻴﺪ : ﻫﺎﺩﻭ ﺍﻛﻴﺪ ﻓﺮﻭﺥ ﻣﻨﻰ ﻭﺭﺣﻤﺔ
ﺍﻧﻲ ﺿﺤﻜﺖ : ﻫﻲ ﻧﻮﺽ ﺧﻠﻲ ﻧﻨﺰﻟﻮ
ﻭﻟﻴﺪ : ﺍﻧﺰﻟﻲ ﺍﻧﺘﻲ ﺍﻧﻲ ﻣﺰﺍﻝ ﺑﻨﺮﻗﺪ
ﺍﻧﻲ ﻧﻀﺖ ﺩﺭﺕ ﺩﻭﺭﺓ ﻭﺳﺎﻋﺪﺕ ﻧﺪﻯ ﻓﻲ ﺗﻐﻴﻴﺮ ﺣﻮﺍﻳﺠﻬﺎ ﺷﺪﻳﺖ ﻓﻲ ﻳﺪﻫﺎ ﻭﻧﺰﻟﻨﺎ
ﺭﺣﻤﺔ : ﻫﺎﺍﺩﻱ ﺍﻟﻨﻮﻭﺿﺔ ﺷﻜﻠﻪ ﺍﺣﻨﻲ ﻣﻦ ﺑﻜﺮﺭﺭﻱ ﺍﻫﻨﻲ
" ﻣﺴﺘﺤﻴﻞ ﺗﺘﻐﻴﺮ ﻫﻬﻬﻬﻪ "
ﺍﻧﻲ : ﺍﻳﻪ ﻭﺍﻟﻠﻪ ﺭﻗﺪﻧﺎ ، ﺷﻦ ﺍﺧﺒﺎﺭﻛﻢ
ﻭﻟﻴﺪ ﻭﻟﺪ ﻣﻨﻰ : ﻛﻴﻒ ﺣﺎﻟﻚ ﻳﺎﻣﺮﺕ ﺧﺎﻟﻲ
ﺍﻧﻲ ﺗﻠﻔﺘﺘﻠﻪ ﺳﻠﻤﺖ ﻋﻠﻴﻪ ﻭﺍﺑﺘﺴﻤﺖ : ﺍﻫﻠﻴﻦ ﻛﻴﻒ ﺣﺎﻟﻚ
ﻭﻟﻴﺪ ﻭﺍﻯ ﻋﻤﺮﻩ 17 ﻭﻛﺒﺮ ، ﺍﻣﺎ ﻣﻨﻰ ﻓﻮﻟﻮ ﻋﻨﺪﻫﺎ ﺧﻤﺴﺔ ﺻﻐﺎﺭ ﻣﻦ ﻏﻴﺮ ﻭﻟﻴﺪ ، ﺗﻼﺗﻪ ﺑﻨﺎﺕ ﻭﺯﻭﺯ ﺍﻭﻻﺩ
ﻧﺪﻯ ﺑﻔﺮﺣﺔ : ﻭﻟﻴﻴﻴﺪ ﺟﻴﻴﻴﺖ
ﻭﻟﻴﺪ : ﻫﻬﻬﻪ ﺟﻴﺖ ﺟﻴﺖ
ﻧﺪﻯ ﻃﺮﻣﺖ ﺷﻮﺍﺭﺑﻬﺎ : ﻭﻳﻨﻚ ﻣﻌﺎﺵ ﺗﺠﻲ
ﻭﻟﻴﺪ : ﻛﻨﺖ ﺍﻣﺘﺤﺎﻧﺎﺕ ﻣﺎﻫﻮ
ﻧﺪﻯ ﻓﻜﺖ ﻳﺪﻫﺎ ﻣﻦ ﻳﺪﻱ ﻭﺷﺪﺕ ﻓﻲ ﻳﺪ ﻭﻟﻴﺪ : ﻃﻠﻌﻨﻲ
ﺍﻧﻲ : ﻋﻴﺐ ﻳﺎﻧﺪﻯ ﻭﻳﻦ ﺑﻴﻄﻠﻌﻚ
ﻭﻟﻴﺪ : ﻫﻬﻬﻪ ﻋﺎﺩﻱ ﺗﻮ ﻧﻄﻠﻌﻮ ﻳﺎﻣﺮﺕ ﺧﺎﻟﻲ ﺍﻫﻨﻲ ﻗﺮﻳﺐ ﻭﻧﺮﻭﺣﻮ
ﻭﻧﺪﻯ ﻓﺮﺣﺎﻧﻪ
ﺍﻧﻲ : ﺑﺎﻩ ﺭﺩﻭ ﺑﺎﻟﻜﻢ
ﻭﻟﻴﺪ : ﺍﻥ ﺷﺎﺀ ﺍﻟﻠﻪ ، ﻭﺷﺪﻫﺎ ﻛﻮﻳﺲ ﻣﻦ ﻳﺪﻫﺎ ﻭﻃﻠﻌﻮ
ﺍﻧﻲ ﻗﻌﺪﺕ ﻧﺸﻮﻓﻠﻬﻢ ﻭﻣﺒﺘﺴﻤﺔ ﻭﺑﻌﺪﻫﺎ ﺧﺸﻴﺖ
<< ﺧﻠﻘﺖ ﺍﻷﻧﺜﻰ ﻣﻦ ﺿﻠﻊ ﺃﺩﻡ ﻟﻴﻜﻮﻥ ﻟﻬﺎ ﺍﻟﺴﻨﺪ ﻭﺍﻟﻌﻮﻥ ﻓﻲ ﺣﻴﺎﺗﻬﺎ ، ﻟﻴﻜﻮﻥ ﻟﻬﺎ ﺃﺑﺎ ﻭﺃﺧﺎ ﻓﻲ ﺑﻴﺖ ﺃﺑﻴﻬﺎ ﻭﺑﻌﺪ ﻣﺎﺗﺘﺰﻭﺝ ﻳﺼﺒﺢ ﻟﺪﻳﻬﺎ ﺳﻨﺪ ﻳﺤﻤﻞ ﺻﻔﺔ ﺍﻷﺏ ﻭﺍﻷﺥ ﻭﺍﻟﺤﺒﻴﺐ ، ﻳﺼﺒﺢ ﺍﻟﺴﻨﺪ ﺍﻟﺬﻱ ﺗﺴﻨﺪ ﻋﻠﻴﻪ ﻇﻬﺮﻫﺎ ، ﻳﻤﺴﻚ ﺑﻴﺪﻫﺎ ﻋﻨﺪﻣﺎ ﺗﺘﻌﺜﺮ ، ﻫﻜﺬﺍ ﻳﺼﺒﺢ ﻟﻬﺎ ﺭﺟﻼ ﺗﻌﺘﻤﺪ ﻋﻠﻴﻪ
ﺃﻣﺎ ﻫﻲ ﻓﺘﺼﺒﺢ ﺍﻟﺼﺪﺭ ﺍﻟﺤﻨﻮﻥ ﻟﻪ ، ﺗﺪﺍﻭﻱ ﺟﺮﻭﺣﻪ ﺑﺮﻗﺘﻬﺎ ﻭﺣﻨﺎﻧﻬﺎ ، ﺗﺸﺎﺭﻛﻪ ﻫﻤﻮﻣﻪ ﻭﺃﻋﺒﺎﺋﻪ ، ﺗﺴﺘﻘﺒﻠﻪ ﻓﻲ ﺑﻴﺘﻪ ﺑﻌﺪ ﻳﻮﻡ ﻣﺘﻌﺐ ﻟﺘﺰﻳﻞ ﺍﻟﺘﻌﺐ ﻋﻦ ﺃﻛﺘﺎﻓﻪ ، ﺗﻌﺘﻨﻲ ﺑﻪ ﻛﺄﻧﻪ ﻃﻔﻠﻬﺎ ، ﻫﻜﺬﺍ ﻫﻲ ﺍﻷﻧﺜﻰ
ﺧﻠﻘﺖ ﺍﻷﻧﺜﻰ ﻟﺘﻜﻤﻞ ﺃﺩﻡ ﻭﻫﻮ ﻟﻴﻜﻤﻠﻬﺎ >>
ﺗﺤﻴﺎﺗﻲ # ﺷﻮﺷﻮ
" ﺳﻨﺪ ﺍﻷﻧﺜﻰ ﺭﺟﻞ "
#رايكم ❤️