ﺍﻟﺤﻠﻘﺔﺓ [ 67 ]
ﻣﻦ ﺭﻭﺍﻳﺔ - - "<- ﺳﻨــﺪ ﺍﻷﻧﺜــﻰ ﺭﺟــﻞ "
ﻭﻓﺎﺀ : ﻧﺴﺴﺴﺴﻴﺒﺔ ، ﻭﺗﺸﻮﻭﻭﻑ ﺟﻬﺔ ﺍﻟﺪﺭﻭﻭﺝ ﻭﺗﻌﻴﻂ ﻋﻠﻲ ﻃﻮﻝ ﺑﻄﻨﻬﺎ
ﻋﻤﺘﻲ ﻟﻤﺎ ﺳﻤﻌﺖ ﺍﻟﻌﻴﻄﺔ ﺭﻋﺸﺖ ﻣﻊ ﺑﻌﻀﻬﺎ ﻭﻃﻠﻌﺖ ﻭﺭﺍﻫﺎ ﺗﺠﺮﻱ : ﺣﻴﻴﻴﻲ ﻋﻠﻴﺎﺍﺍﺍﺍ ﺣﻲ ﺍﻣﺸﺖ ﻣﺎﺍﺍﺗﺘﺖ ﺍﻟﻤﺮﺍﺍﺍ ﺣﻲ ﻋﻠﻴﺎ ﻭﺍﻟﻠﻪ ﻋﺮﻓﺘﻬﺎ ﻣﺎﻗﺎﻟﺖ ﻣﺎﺍﺷﺎﺀ ﺍﻟﻠﻪ ﺷﻬﻘﺖ ﻓﻴﻬﺎﺍﺍ ، ﺍﺗﺼﻠﻲ ﺑﻮﻭﻭﻭﻟﻴﺪ ﻭﻭﻭﻩ ﻋﻠﻴﺎ ، ﻭﻃﺎﺣﺖ ﻉ ﺍﻟﻮﻃﺎ ﻣﻌﺎﺵ ﻗﺪﺭﺕ ﺗﻮﻗﻒ
ﻧﺮﺟﻌﻮ ﺣﻮﺍﻟﻲ ﻋﺸﺮﺓ ﺩﻗﺎﻳﻖ
ﻗﻠﺒﻲ ﻗﺒﻀﻨﻲ ﻭﺍﺗﻀﺎﻳﻘﺖ ﻭﻣﺎﻓﻬﻤﺖ ﺷﻲ ﻣﻦ ﺍﻟﻲ ﺻﺎﺭ
ﺭﻛﺒﺖ ﺍﻟﺪﺭﺟﺎﺕ ﻭﻭﺣﺪﺓ ﻣﻦ ﺍﻟﺪﺭﺟﺎﺕ ﻣﺶ ﻋﺎﺭﻓﻪ ﻛﻴﻒ ﺟﺖ ﺭﺟﻠﻲ ﻓﻲ ﺍﻟﻬﻮﺍﺍﺀ ، ﻭﺣﺴﻴﺖ ﺍﻧﻲ ﺑﻨﻄﻴﺢ ﺍﻟﺘﺎﻟﻲ ﺣﺎﻭﻟﺖ ﻧﺸﺪ ﺑﺲ ﻣﺎﻗﺪﺭﺗﺶ ، ﺍﻟﺤﺪﻳﺪﺓ ﺑﻌﻴﺪﻩ ﻋﻠﻴﺎﺍ ، ﺍﻧﻘﻠﺒﺖ ﻟﺨﻠﻒ ﻭﻃﺤﺖ ﻋﻠﻲ ﻇﻬﺮﻱ ، ﻋﻴﻄﺖ ﺑﺲ ﺑﻘﻠﺔ ﺟﻬﺪ ﻭﻣﺎﺳﻤﻌﻨﻲ ﺣﺪ
ﺣﺴﻴﺖ ﺭﺍﺳﻲ ﺍﻧﻀﺮﺏ ﻓﻲ ﺍﻟﺰﻟﻴﻴﺰﺯ ﻭﻣﻌﺎﺍﺍﺵ ﻧﻨﺪﺭﻱ ﻋﻠﻲ ﺷﻲ
،،،،،،،،،،،،،
ﺍﻟﺤﺎﻝ ﻓﻲ ﺍﻟﺠﺎﻣﻌﻪ
ﻧﺮﺟﺲ ﻗﺎﻋﺪﻩ ﺗﺮﻋﺶ ﻭﺗﺒﻜﻲ ﻣﻦ ﺍﻟﺮﻋﺸﻪ
ﺍﻣﺎ ﺣﺴﻦ ﻭﻣﻌﺎﺩ ﺩﺧﻠﻮﻫﻢ ﺍﻻﻣﻦ ﻓﻲ ﻏﺮﻓﻪ
ﺍﻻﻭﻝ : ﻋﻼﺵ ﺗﻌﺎﺭﻛﺘﻮ
ﺍﻟﺘﺎﻧﻲ : ﻋﻠﻲ ﺧﺎﻃﺮ ﺑﻨﺖ ﺷﻜﻠﻬﻢ ،ﻳﺎﺭﻭﻣﻴﻮ ﺍﻧﺖ ﻭﻳﺎﺍﺍﻩ ﻋﻠﻲ ﺧﺎﻃﺮ ﺑﻨﺖ ﻭﺍﻻ
ﻣﻌﺎﺩ : ﺍﺣﺘﺮﻡ ﻧﻔﺴﻚ ﺍﻭﻝ ﺷﻲ ﻓﺎﺍﻫﻢ ﺗﺎﻧﻲ ﺣﺎﺟﺔ ﻫﻮ ﻳﻄﻠﻖ ﻓﻲ ﻟﺴﺎﻧﻪ ﻋﻠﻲ ﺑﻨﺖ ﺧﺎﻟﺘﻲ ﻭﻳﺴﺐ ﻓﻴﻬﺎﺍ ﺍﻛﻴﺪ ﻣﺎﺗﺮﺍﺟﻴﺶ ﻓﻴﺎ ﻧﺒﺘﺴﻤﻠﻪ ﻃﺒﻌﺎ
ﺣﺴﻦ ﺷﺎﻓﻠﻪ ﺑﺼﺪﻣﺔ : ﻗﺼﺪﻙ ﺍﻧﺖ ﻫﺪﺍﻛﺎ ﺍﻟﻔﺮﺭﺥ
ﻣﻌﺎﺩ ﺑﻴﻨﻮﺽ ﺑﻴﻨﻘﺰ ﻋﻠﻴﻪ : ﺍﺣﺘﺮﻡ ﻧﻔﺴﻚ
،،،،،،،،،،،،
ﻛﺎﻥ ﺭﺍﺳﻲ ﻳﺼﺐ ﺩﻡ ، ﻭﺻﺎﺭﻟﻲ ﻧﺰﻳﻒ ﻻﻧﻲ ﻃﺤﺖ ﻋﻠﻲ ﻇﻬﺮﻱ
ﻭﻓﺎﺀ ﺗﺮﻋﺶ ﺗﺘﺼﻞ ﺑﻌﺒﺪ ﺍﻟﻘﺎﺩﺭ : ﺍﻟﻮ ﻋﺒﺪ ﺍﻟﻘﺎﺩﺭ ﻛﻠﻢ ﻭﻟﻴﺪ ﻳﺠﻲ ﺑﺴﺮﻋﻪ ﻭﺍﻻ ﺗﻌﺎﻟﻰ ﺑﺴﺮﻋﻪ
ﻋﺒﺪ ﺍﻟﻘﺎﺩﺭ ﺑﺨﻠﻌﻪ : ﺧﻴﺮﻙ ﺷﻦ ﻓﻲ ﺷﻦ ﺻﺎﻳﺮ
ﻭﻓﺎﺀ ﺗﺒﻜﻲ : ﻧﺴﻴﺒﺔ ﻃﺎﺣﺖ ﻭﺍﻟﻤﺮﺍﺓ ﻛﻠﻬﺎ ﺩﻡ ﻣﻌﺎﺵ ﻋﺮﻓﻨﺎ ﻣﺎﻧﺪﻳﺮﻭ ، ﻭﺯﺍﺩﺕ ﻓﻲ ﺍﻟﺒﻜﻲ
ﻋﻤﺘﻲ ﺣﺎﻃﻪ ﺭﺍﺳﻲ ﻋﻠﻲ ﺣﺠﺮﻫﺎ ﻭﺿﻤﺪﻟﻲ ﻓﻲ ﺍﻟﺠﺮﺡ ﻣﻦ ﺧﻠﻒ ﺭﺍﺳﻲ ﻭﺗﺒﻜﻲ
ﺭﺣﻤﺔ ﻛﺎﻧﺖ ﻭﺍﻗﻔﻪ ﺟﺎﻣﺪﺓ ﻓﻲ ﻣﻜﺎﻧﻬﺎ ﻣﻦ ﺍﻟﻤﻨﻈﺮ ﺍﻟﺠﻨﺎﻥ ﻛﻠﻪ ﺩﻡ
ﺟﻤﻴﻠﺔ : ﻳﺎﺍﻓﺘﺤﻴﺔ ﻏﻴﺮ ﺷﻦ ﺻﺎﺭﻟﻬﺎ ﺍﻟﻠﻄﻒ
ﻋﻤﺘﻲ ﺑﺤﺮﻗﻪ : ﺍﺻﻼ ﻋﺮﺭﻓﺘﻬﺎﺍﺍ ﺍﻧﻲ ﻣﻦ ﻟﻤﺎ ﻣﺎﻗﻠﺘﻴﺶ ﻣﺎﺍﺍﺷﺎﺀ ﺍﻟﻠﻪ ﻋﻴﻴﻴﻨﻚ ﻗﻮﻳﺔ ﻭﻣﺎﺗﻌﺮﻓﻲ ﺗﺴﻤﻲ ، ﺗﺒﻜﻲ : ﺍﻧﻲ ﻛﻴﻒ ﺟﺎﺍﻳﺔ ﺑﻨﺮﻗﻴﻬﺎ ﺑﻤﻴﻪ ﻗﺮﺁﻥ ﻳﺎﺭﻭﻳﺤﺘﻲ ﻳﺎﺑﻨﻴﺘﻲ ﺑﻌﺪ ﻓﺮﺣﺘﻲ ﺑﺎﻟﻲ ﻓﻲ ﺑﻄﻨﻚ
ﻃﺒﻌﺎ ﻭﻟﻴﺪ ﺍﺗﺼﻞ ﺑﻴﻪ ﻋﺒﺪﺭﺍﻟﻘﺎﺩﺭ ﻭﻓﻲ ﺍﻗﻞ ﻣﻦ ﻋﺸﺮﻩ ﺩﻗﺎﻳﻖ ﻛﺎﻥ ﻗﺪﺍﻡ ﺍﻟﺤﻮﺵ
ﺧﺶ ﺑﻘﻮﻭﺓ ﻟﻠﺠﻨﺎﺍﻥ ، ﺟﺖ ﻋﻴﻨﻪ ﻋﻠﻴﺎ ﻋﻠﻲ ﻃﻮﻝ ﻃﺎﻳﺤﺔ ﻭﻣﻐﻤﻰ ﻋﻠﻴﺎ ﻭﻧﻨﺰﻑ ، ﺍﻧﺼﺪﻡ : ﻧﺴﺴﺴﺴﺴﺴﺴﻴﻴﺒﺒﺒﺔ
ﻗﺪﻡ ﻳﺠﺮﻱ ﻭﻗﺎﻣﻨﻲ ﻫﻮ ﻭﻭﻓﺎﺀ ﻭﺭﺣﻤﺔ ﻭﺭﻛﺒﺖ ﺭﺣﻤﺔ ﺟﻨﺒﻲ ﻓﻲ ﺍﻟﺴﻴﺎﺭﺓ ، ﻭﻭﻟﻴﺪ ﺩﺍﺍﺍﺭ ﺍﻟﺴﻴﺎﺭﺓ ﻃﻴﺎﺭﺓ
ﻭﺍﻟﺪﻡ ﻣﺎﻭﻗﻔﺶ ، ﻭﺍﻧﻲ ﻣﻐﻤﻰ ﻋﻠﻴﺎ
،،،،،،،،،،،،،
ﻋﻨﺪ ﻫﺎﺟﺮ
ﻓﺮﺣﺎﻧﻪ ﻫﻲ ﻭﺍﻳﻤﻦ ﺑﺎﻟﻤﻮﻟﻮﺩ ﺍﻟﺠﺪﻳﺪ
ﺍﻳﻤﻦ ﻳﺒﻮﺱ ﻓﻴﻪ : ﻋﺰﻭﻭﻭ
ﻫﺎﺟﺮ ﺷﺎﻓﺘﻠﻪ ﺑﺎﺍﺳﺘﻐﺮﺍﺏ : ﻗﺮﺭﺕ ﺍﺳﻢ ﻗﺼﺪﻙ
ﺍﻳﻤﻦ ﻏﻤﺰﻟﻬﺎ : ﻣﻌﺘﺰ ﺷﻦ ﺭﺍﻳﻚ
ﻫﺎﺟﺮ : ﻣﺶ ﻋﺎﺭﻓﻪ ﺣﻠﻮ
ﺍﻳﻤﻦ : ﺧﻠﻲ ﺍﻧﻮﺽ ﻧﻤﺸﻲ ﻧﺠﻴﺐ ﺍﻣﻲ ﻭﻣﺮﺕ ﺧﺎﻟﻲ
ﻫﺎﺟﺮ ﻛﻴﻒ ﺑﺘﺘﻜﻠﻢ ﺷﺮﻳﻦ ﺗﻠﻴﻔﻮﻧﻬﺎ ، ﻗﺎﻣﺎﺗﻪ ﻭﻗﻌﺪﺕ ﺗﺸﻮﻑ ﻟﻠﺮﻗﻢ
ﺍﻳﻤﻦ : ﻣﻨﻮ ؟
ﻫﺎﺟﺮ : ﻣﺶ ﻋﺎﺭﻓﻪ ﺭﻗﻢ ﻏﺮﻳﺐ
ﺍﻳﻤﻦ : ﻫﺎﺗﻴﻪ ﺗﺮﺍ ، ﻭﺍﺧﺪﻱ ﺍﻟﺘﻠﻴﻔﻮﻥ
ﻭﺍﻭﻝ ﻣﺎﻓﺘﺢ ﺍﻟﺨﻂ ، ﺑﺼﻮﺕ ﺭﺟﻮﻟﻲ : ﻣﺒﺮﻭﻙ ﺍﻟﺒﻴﺒﻲ ، ﻭﺍﺿﺢ ﻋﻠﻴﻚ ﺳﻌﻴﺪﻩ ، ﻣﺎﺗﻘﻮﻟﻲ ﺷﻲ ﻳﺎﻫﺎﺟﺮ
ﺍﻳﻤﻦ ﺷﺎﻑ ﻟﻬﺎﺟﺮ ﺑﺼﺪﻣﻪ ﻭﻧﻈﺮﺓ ﻣﺶ ﻣﻔﻬﻮﻣﺔ ، ﻭﻗﻌﺪ ﻳﺴﻤﻊ
ﺍﻟﻄﺮﻑ ﺍﻟﺘﺎﻧﻲ ﻛﻤﻞ : ﺍﻧﻲ ﺧﺴﺮﺗﻚ ﻓﻌﻼ ، ﻣﺶ ﻗﺎﺩﺭ ﻧﺼﺒﺮ ﻋﻠﻴﻚ ، ﺩﻭﺭﺕ ﺭﻗﻤﻚ ﻭﻗﻠﺒﺖ ﻋﻠﻴﻚ ﺍﻟﺪﻧﻴﺎ ﻟﻴﻦ ﺣﺼﻠﺘﻚ ، ﻟﻮ ﺗﺸﻮﻓﻲ ﺍﻻﻟﻢ ﺍﻟﻲ ﺣﺴﻴﺖ ﺑﻴﻪ ﻟﻤﺎ ﺷﻔﺘﻚ ﻃﺎﻟﻌﻪ ﻣﻦ ﺍﻟﻤﺴﺘﺸﻔﻰ ﻭﻭﻟﺪﻙ ﻓﻲ ﻳﺪﻙ ، ﺳﻜﺖ ﺷﻮﻳﺔ : ﺳﺎﻣﺤﻴﻨﻲ ، ﻭﺳﻜﺮ
،،،،،،،،،،،،،
ﻣﻌﺎﺩ ﻭﺣﺴﻦ ﻃﻠﻌﻮ ﻣﻦ ﺍﻟﺠﺎﻣﻌﻪ ﻭﻛﻞ ﻭﺍﺣﺪ ﻓﻴﻬﻢ ﺗﻔﺮﻕ ﻟﻄﺮﻳﻖ ﻭﻳﻐﻠﻮ ﺍﻟﺰﻭﺯ
ﺣﺴﻦ ﻋﻠﻲ ﻃﻮﻝ ﻟﻠﻤﺴﺘﺸﻔﻰ ﺑﺎﺵ ﻳﻀﻤﺪ ﺟﺮﻭﺣﻪ
ﺍﻣﺎ ﻣﻌﺎﺩ ﺍﺗﺼﻞ ﺑﻨﺮﺟﺲ ﻣﺎﺭﺩﺗﺶ ، ﺍﺗﺼﻞ ﺑﻨﻮﺭﺱ : ﺍﻟﻮ ﻧﻮﺭﺱ
ﻧﻮﺭﺱ : ﺍﻫﻠﻴﻦ ﻳﺎﻣﻌﺎﺩ ﺷﻦ ﺍﺧﺒﺎﺭﻙ
ﻣﻌﺎﺩ : ﺗﻤﺎﻡ ، ﺍﺳﻤﻌﻲ ﺍﻧﺘﻲ ﻭﻳﻦ
ﻧﻮﺭﺱ : ﺍﻧﻲ ﻛﻴﻒ ﺭﻭﺣﺖ ﻟﻠﺤﻮﺵ
ﻣﻌﺎﺩ : ﻧﺮﺟﺲ ﺭﻭﺣﺖ
ﻧﻮﺭﺱ : ﺍﻳﻪ ﻫﻲ ﺍﺗﺼﻠﺖ ﺑﻴﺎ ﺟﻴﺖ ﺭﻭﺣﺖ ﺑﻴﻬﺎ ﻣﺶ ﻋﺎﺭﻓﻪ ﺧﻴﺮﻫﺎ ﻣﺮﻳﻀﻪ
ﻣﻌﺎﺩ : ﺑﺎﻩ ﺳﻜﺮﻱ ﻣﺴﺎﻓﻪ ﺍﻟﻄﺮﻳﻖ ﻭﻧﺠﻲ ، ﻭﺳﻜﺮ
ﺭﻛﺐ ﻣﻌﺎﺩ ﺳﻴﺎﺭﺗﻪ ﻭﺍﻣﺸﻲ ﻟﺤﻮﺷﻨﺎ
،،،،،،،،،
ﺃﻳﻤﻦ ﺷﺎﻑ ﻟﻬﺎﺟﺮ ﺑﻨﻈﺮﺓ ﺗﺨﻮﻑ
ﻫﺎﺟﺮ ﺑﺎﺍﺳﺘﻐﺮﺍﺏ : ﻣﻨﻮ ؟
ﺃﻳﻤﻦ ﻳﺤﺎﻭﻝ ﻳﻤﺴﻚ ﺃﻋﺼﺎﺑﻪ : ﺍﻧﺘﻲ ﺍﻟﻲ ﺑﻨﺴﺄﻟﻚ ﻣﻨﻮﻭ ، ﺷﻦ ﻣﻠﺒﺰﺓ ﺗﺎﻧﻲ ﻣﻦ ﻭﺭﺍﻱ
ﻫﺎﺟﺮ : ﺷﻦ ﺗﻘﻮﻝ ﻳﺎﺃﻳﻤﻦ ﺍﻧﺖ ﺷﻦ ﻣﻠﺒﺰﺓ ﻣﺎﻣﺒﻠﺰﺓ
ﺃﻳﻤﻦ ﺣﺬﻑ ﺍﻟﺘﻠﻴﻔﻮﻥ ﺑﻌﺼﺒﻴﻪ ﻉ ﺍﻟﺤﻴﻂ : ﺗﻜﻠﻤﻤﻤﻤﻤﻲ
ﻫﺎﺟﺮ ﺍﻧﺨﻠﻌﺖ ﻭﺣﺘﻰ ﺍﻟﻮﻟﺪ ﺑﺪﻱ ﻳﻌﻴﻂ ﺍﻧﺨﻠﻊ ، ﺿﻤﺎﺗﻪ ﻟﻴﻬﺎ : ﺍﻳﻤﻦ ﺧﻴﺮﺭﻙ
ﺃﻳﻤﻦ ﺑﻌﺼﺒﻴﻪ ﻭﻳﺤﺎﻭﻝ ﻳﻨﻘﺺ ﺻﻮﺗﻪ : ﻣﻦ ﻫﻮ ﺍﻟﻜﻠﺐ ﻫﺪﺍﺍﺍ ﻣﻨﻮ
ﻫﺎﺟﺮ ﻗﺮﻳﺐ ﺗﺒﻜﻲ : ﻳﺎﺃﻳﻤﻦ ﺷﻦ ﺗﻘﻮﻝ ﻣﻦ ﻫﻮ ﻣﻦ ﺍﻟﻲ ﻛﻠﻤﻚ ، ﺑﺎﻟﺸﻮﻳﺔ ﺍﻟﻮﻟﺪ ﺧﺎﺍﻑ
ﺃﻳﻤﻦ ﺧﺒﻂ ﺭﺟﻠﻪ ﺑﺎﻟﺸﻜﻤﺎﺟﺔ ، ﻭﺑﺼﻮﺕ ﻋﺎﺍﻟﻠﻲ : ﻣﺎﺗﺨﻠﻴﻴﻴﻴﻨﻴﺶ ﻧﻤﺪ ﻳﺪﻳﻴﻴﻲ ﺗﻜﻠﻤﻴﻲ
ﻫﺎﺟﺮ ﻗﻌﺪﺕ ﺗﺮﻋﺶ ﻭﺣﺎﺿﻨﻪ ﻭﻟﺪﻫﺎ ﺍﻟﻲ ﻳﺒﻜﻲ ﻭﻣﺶ ﻓﺎﻫﻤﻪ ﺷﻲ
ﻋﻤﺘﻲ ﻭﻣﺎﻣﺎ ﻭﺍﻡ ﻫﺎﺟﺮ ﺳﻤﻌﻮ ﺻﻮﺕ ﻋﻴﺎﻁ ﺃﻳﻤﻦ ﺍﺳﺘﻐﺮﺑﻮ
ﻋﻤﺘﻲ ﻧﺎﺿﺖ ﺗﺠﺮﻱ ﻭﻗﺮﺑﺖ ﻣﻦ ﺩﺍﺭ ﺍﻟﻨﻮﻡ
ﺃﻳﻤﻦ : ﺗﻜﻠﻤﻲ ﻳﺎﺍﺍﻋﻦ ###
ﻋﻤﺘﻲ ﻃﻘﺖ ﺍﻟﺒﺎﺏ ﻟﻤﺎ ﺳﻤﻌﺎﺗﻪ ﻳﺴﺐ : ﺍﻳﻤﻦ ﺧﻴﺮﻙ
ﺃﻳﻤﻦ ﺑﺼﻮﺕ ﻋﺎﻟﻲ : ﻣﺎﺍﺍﺍﺧﻴﺮﺭﺭﺭﻧﻴﺶ ﺑﺮﺭﺭﻱ ﻳﺎﺍﻣﻲ
ﻋﻤﺘﻲ ﻃﻘﺖ ﺍﻟﺒﺎﺏ ﺑﻘﻮﺓ : ﺍﻓﺘﺢ ﻭﺑﻄﻞ ﻋﻴﺎﻁ ﺧﻴﺮﻙ ﻫﺒﻠﺖ ﺍﻟﻤﺮﺍ ﻧﺎﻓﺲ ﻣﺶ ﻛﻮﻳﺲ
ﺃﻳﻤﻦ ﻣﻌﺼﺐ : ﻳﺎﺍﻣﻲ ﺑﺮﻱ ﺧﻠﻴﻨﻲ ﻧﺘﻔﺎﻫﻢ ﺍﻧﻲ ﻭﻣﺮﺗﻲ ﻣﺎﺣﺪ ﻳﺪﺧﻞ
ﻋﻤﺘﻲ : ﻛﺎﻧﺖ ﺗﺒﻲ ﺭﺿﺎﺍﻱ ﺍﻓﺘﺢ ﻭﺍﻛﺴﺮ ﺍﻟﺸﺮﺭ
ﺃﻳﻤﻦ : ﺍﺳﺘﻐﻔﺮ ﺍﻟﻠﻪ ﻳﺎﺍﺍﺭﺑﻲ ، ﻭﻓﺘﺢ ﺍﻟﺒﺎﺏ
ﻋﻤﺘﻲ ﺧﺸﺖ ، ﺷﺎﻓﺖ ﻟﻬﺎﺟﺮ ﺍﻟﻲ ﺩﻣﻌﺘﻬﺎ ﻋﻠﻲ ﺧﺪﻫﺎ ﻭﺣﺎﺿﻨﻪ ﻭﻟﺪﻫﺎ ﺗﺴﻜﺖ ﻓﻴﻬﺎ : ﺧﻴﺮﻙ ﺷﻦ ﺻﺎﻳﺮ
ﺃﻳﻤﻦ : ﻣﺎﺻﺎﺍﺍﻳﺮ ﺷﻲ ﻳﺎﺍﻣﻲ
ﻋﻤﺘﻲ : ﺍﻣﺘﻰ ﺑﺘﺒﻄﻞ ﻋﺼﺒﻴﺘﻚ ﻫﺎﺩﻱ ، ﻣﺮﺗﻚ ﻧﺎﻓﺲ ﻗﺎﻋﺪﻩ ﺍﻣﺲ ﺑﺲ ﺟﺎﻳﺒﻪ ﻭﺗﻌﻴﻂ ﻋﻠﻴﻬﺎ ﻫﻜﻲ ، ﻳﻘﻮﻟﻮ ﺍﻟﻤﺮﺍ ﺍﻟﻨﺎﻓﺲ ﺍﺭﺑﻌﻴﻦ ﻳﻮﻡ ﻗﺒﺮﻫﺎ ﻣﻔﺘﻮﺡ ، ﻣﺶ ﺑﺎﻫﻲ ﻟﻴﻬﺎ ﺍﻟﻐﺸﺎﺵ
ﺍﻳﻤﻦ ﺯﻱ ﺍﻟﻲ ﻭﻻﻟﻪ ﻋﻘﻠﻪ ، ﺳﻜﺖ ﻭﻃﻠﻊ ﻭﻗﺮﺑﻊ ﺍﻟﺤﻮﺵ
ﻋﻤﺘﻲ ﻗﻌﺪﺕ ﺗﻬﺪﻱ ﻓﻲ ﻫﺎﺟﺮ ، ﻭﻫﺎﺟﺮ ﺗﺒﻜﻲ ﻣﺶ ﻓﺎﻫﻤﻪ ﺷﻲ
،،،،،،،،،،،،،،،
ﻭﺻﻞ ﻣﻌﺎﺩ ﻟﺤﻮﺷﻨﺎ ﺭﻥ ﺍﻟﺠﺮﺱ ﻭﻓﺘﺤﺖ ﻧﻮﺭﺱ : ﻭﻳﻨﻬﺎ
ﻧﻮﺭﺱ ﻣﺼﺪﻭﻣﻪ ﻓﻲ ﻭﺟﻬﻪ ﺍﻟﻤﻀﺮﻭﺏ ﻭﺣﺎﻟﻪ ﺣﺎﻟﻪ : ﺧﻴﺮﻙ ﺷﻦ ﺻﺎﺍﻳﺮ ﺷﻦ ﻓﻴﻪ ﻭﺟﻬﻚ ﻫﻜﻲ
ﻣﻌﺎﺩ ﻓﺎﺗﻬﺎ ﻭﺧﺶ : ﻏﻴﺮ ﻧﺎﺩﻱ ﻧﺮﺟﺲ ﻣﺎﻓﻴﺎ ﺷﻲ
ﻧﻮﺭﺱ : ﻓﻲ ﺩﺍﺭﻫﺎ ﻫﻲ ، ﺍﻧﻲ ﺑﻨﻤﺸﻲ ﻧﺠﻴﺐ ﻧﻮﺍﻝ ، ﻧﺎﺩﻳﻬﺎ ﺍﻧﺖ ، ﺑﺎﻫﻲ ﻏﻴﺮ ﻗﻮﻟﻲ ﺧﻴﺮﻩ ﻭﺟﻬﻚ
ﻣﻌﺎﺩ : ﺗﻲ ﺷﻴﻲ ﻳﺎﻧﺮﺟﺲ ﻣﺎﺗﻜﻮﻧﻴﺶ ﻧﻔﺎﺧﻪ
ﻧﻮﺭﺱ : ﺍﺳﻤﻲ ﻧﻮﺭﺱ ﻫﻬﻬﻪ
ﻣﻌﺎﺩ : ﻭﻭﻭﻩ ، ﻳﺎﺍﺍﻧﺮﺭﺭﺭﺭﺭﺟﺲ ﻧﺮﺭﺭﺭﺟﺲ
ﻧﻮﺭﺱ : ﺑﺎﻫﻲ ﺍﻧﻲ ﺍﻣﺸﻴﺖ ﻫﻲ ﺑﺎﻱ ، ﻭﻃﻠﻌﺖ
ﻧﺮﺟﺲ ﻛﺎﻧﺖ ﺗﺒﻜﻲ ﻓﻲ ﺩﺍﺭﻫﺎ ﻭﺍﻟﻤﻮﻗﻒ ﺍﻟﻲ ﺻﺎﺭ ﻭﻛﻼﻡ ﺣﺴﻦ ﻗﻌﺪ ﻳﺮﻥ ﻓﻲ ﻭﺩﻧﻬﺎ ، ﻭﻣﺎﺳﻤﻌﺘﺶ ﺣﺘﻰ ﻣﻌﺎﺩ ﻟﻤﺎ ﻧﺎﺩﻯ
ﻣﻌﺎﺩ ﻟﻤﺎ ﻣﺎﻟﻘﺎﺵ ﺍﺟﺎﺑﺔ ﺭﻛﺐ ، ﻗﺮﺏ ﻣﻦ ﺩﺍﺭﻫﺎ ﺳﻤﻊ ﺻﻮﺗﻬﺎ ﻟﻤﺎ ﺗﺒﻜﻲ ، ﻗﻠﺒﻪ ﻭﺟﻌﻪ
ﻃﻖ ﻣﻌﺎﺩ ﺍﻟﺒﺎﺏ ﺑﺎﻟﺸﻮﻳﺔ
ﻧﺮﺟﺲ ﺗﺒﻜﻲ : ﺑﺮﻱ ﻳﺎﻧﻮﺭﺱ ﻋﻠﻲ ﺣﺎﺍﺍﻟﻚ ﻭﺧﻠﻴﻨﻲ ﻓﻲ ﺣﺎﻟﻲ ﺑﺎﻟﻠﻪ ﻋﻠﻴﻚ
ﻣﻌﺎﺩ ﻳﺤﺎﻭﻝ ﻳﺨﻠﻲ ﺻﻮﺗﻪ ﻫﺎﺩﻱ ﻭﻳﺤﻮﻝ ﺍﻟﺮﻋﺸﻪ ﺍﻟﻲ ﻓﻴﻪ : ﻫﺪﺍ ﺍﻧﻲ ﻳﺎﻧﺮﺟﺲ
ﻧﺮﺟﺲ ﻧﻄﺖ ﺗﺠﺮﻱ ﻣﻦ ﺍﻟﺴﺮﻳﺮ ، ﻭﻓﺘﺤﺖ ﺍﻟﺒﺎﺏ ، ﺷﺎﻓﺘﻠﻪ ﻭﺍﻧﺼﺪﻣﺖ ﺑﻮﺟﻬﻪ
ﻣﻌﺎﺩ : ﻋﻼﺵ ﺗﺒﻜﻲ ﺑﺎﻫﻲ
ﻧﺮﺟﺲ ﺯﺍﺩﺕ ﺑﻜﻲ : ﺷﻮﻑ ﺷﻦ ﺩﺍﺭ ﻓﻲ ﻭﺟﻬﻚ ﻳﺎﻣﻌﺎﺩ ، ﻋﻼﺵ ﺑﺎﻫﻲ ﻫﻜﻲ ﺻﺎﺭ ، ﻭﻗﻌﺪﺕ ﺗﺸﻬﻖ ﻭﺗﺒﻜﻲ
ﻣﻌﺎﺩ ﺷﺎﻓﻠﻬﺎ ﺑﻨﻈﺮﻩ ﺣﺰﻥ ﻭﺿﻤﻬﺎ ﻟﻴﻪ
ﻧﺮﺟﺲ ﻟﻤﺎ ﺿﻤﻬﺎ ﻣﻌﺎﺩ ﺯﺍﺩﺕ ﺗﺒﻜﻲ
ﺧﻠﻰ ﻣﻌﺎﺩ ﻓﻲ ﺣﻀﻨﻪ ﻟﻴﻦ ﺍﻫﺪﺕ ، ﺣﻮﻟﺖ ﻣﻦ ﻋﻠﻴﻪ ، ﻭﻧﺰﻟﻮ ﺍﻟﺰﻭﺯ ﻟﻠﺼﺎﻟﻪ
ﻣﻌﺎﺩ : ﺧﻼﺹ ﻣﻌﺎﺵ ﺗﺒﻜﻲ
ﻧﺮﺟﺲ ﺍﻟﺪﻣﻌﻪ ﻓﻲ ﻋﻴﻨﻬﺎ : ﺑﺎﻩ ﺍﻧﻲ ﻣﺶ ﻗﺼﺪﻱ ﺑﻴﻬﺎ ﺍﻧﺖ ﻛﻨﺖ ﺗﺴﺎﻋﺪ ﻓﻴﺎ ﺍﻧﻲ ﻃﺤﺖ ﺍﻧﻲ ﻣﺶ ﻗﺼﺪﻱ ﻫﻮ ﻳﺠﻲ ﻳﺸﻮﻓﻨﺎ ﻭﻳﻔﻬﻢ ﻏﻠﻂ
ﻣﻌﺎﺩ ﺳﻜﺖ ﻭﻧﺰﻝ ﺭﺍﺳﻪ ﺑﻌﺪﻳﻦ ﻗﺎﻡ ﺭﺍﺳﻪ : ﻧﺮﺟﺲ
ﻧﺮﺟﺲ ﺷﺎﻓﺘﻠﻪ
ﻣﻌﺎﺩ ﻛﻤﻞ : ﺍﻧﺘﻲ ﺗﺤﺒﻴﻪ ؟
ﻭﻭﻭ ........
،،،،،،،،،،،،،،
ﻓﻲ ﺍﻟﻤﺴﺘﺸﻔﻰ
ﺭﺣﻤﺔ ﻣﻘﻌﻤﺰﺓ ﻉ ﺍﻟﻜﺮﺳﻲ ﻭﻗﺎﻋﺪﻩ ﻣﺼﺪﻭﻣﻪ ﻭﺍﻟﻤﻨﻈﺮ ﺍﻟﻲ ﺷﺎﻓﺎﺗﻪ ﻣﺎﺗﺤﻮﻟﺶ ﻣﻦ ﻋﻴﻮﻧﻬﺎ ، ﻭﺗﺒﻜﻲ
ﻭﻟﻴﺪ ﻳﻠﻮﺩ ﻓﻲ ﺍﻟﻤﻤﺮ ﻭﻣﺘﻮﺗﺮ ﻭﻳﻜﺸﺦ ﻋﻠﻲ ﺧﺎﻃﻢ ﻭﻋﻠﻲ ﺟﺎﻱ ، ﻭﺩﻣﻌﺘﻪ ﻓﻲ ﻋﻴﻨﻪ ﺷﺎﺩﻫﺎ ﺑﺎﻟﺴﻴﻒ، ﻳﺴﺘﻨﻰ ﻓﻲ ﺍﻱ ﺧﺒﺮ
ﻟﺤﻘﺖ ﻋﻤﺘﻲ ﻭﻭﻓﺎﺀ ﺟﺎﺑﻬﻢ ﻋﺒﺪ ﺍﻟﻘﺎﺩﺭ
ﺑﻌﺪ ﺣﻮﺍﻟﻲ ﺭﺑﻊ ﺳﺎﻋﻪ
ﺍﻟﺪﻛﺘﻮﺭ ﻃﺎﻟﻊ ﻣﻦ ﺍﻟﺤﺠﺮﺓ ﻭﻳﻤﺴﺢ ﻓﻲ ﺟﺒﻬﺘﻪ ﻭﻣﺘﻮﺗﺮ
ﻭﻟﻴﺪ ﻗﺪﻡ ﻳﺠﺮﻱ : ﺷﻦ ﺻﺎﺭ ﻭﻳﻨﻬﺎ ﻛﻴﻒ ﺣﺎﻟﻬﺎ ؟
ﺍﻟﺪﻛﺘﻮﺭ : ﺍﻫﺪﻯ ﺷﻮﻳﺔ
ﻭﻟﻴﺪ ﻗﺎﻃﻌﻪ : ﺷﻨﻨﻦ ﻧﻬﺪﺩﺩﻯ ﻧﺴﺴﺴﻴﺒﺔ ﻭﻳﻦ ، ﻫﻲ ﻛﻮﻳﺴﺔ ﻭﺍﻻ ؟ ﻋﺎﻳﺸﻪ ﻭﺍﻻ ؟؟؟؟ ﻗﻮﻭﻭﻟﻲ
ﺍﻟﺪﻛﺘﻮﺭ : ﺍﻟﻤﺪﺍﻡ ﺗﻌﺘﺒﺮ ﺣﺎﻟﺘﻬﺎ ﻛﻮﻳﺴﺔ ، ﻋﻨﺪﻫﺎ ﺟﺮﺡ ﻓﻲ ﺭﺍﺳﻬﺎ ﻣﻦ ﺍﻟﺨﻠﻒ ﺧﻴﻄﻨﺎﻫﻮﻟﻬﺎ ﻭﻣﺎﻓﻴﺸﻲ ﺍﻱ ﻣﺸﻜﻠﺔ ؟ ﻟﻜﻦ ، ﻭﺳﻜﺖ
ﻭﻟﻴﺪ ﻋﻴﻮﻧﻪ ﺩﻣﻮﻉ : ﻟﻜﻦ ﺷﻨﻮ ؟
ﺍﻟﺪﻛﺘﻮﺭ : ﺧﺴﺮﺕ ﺟﻨﻴﻦ ﻣﻦ ﺍﻟﺘﻮﺃﻡ ، ﻭﺍﻳﻀﺎ ﺻﺎﺭﻟﻬﺎ ﻧﺰﻳﻒ ﺣﺎﺩ ، ﺯﺩﻧﺎﻟﻬﺎ ﺩﻡ ﺗﻮﺍ ، ﺑﺲ ﻗﺎﻋﺪﻩ ﻣﺎﻓﺎﻗﺘﺶ
ﻭﻟﻴﺪ ﻭﺧﺮ ﻟﻴﻦ ﺍﻧﻀﺮﺏ ﻓﻲ ﺍﻟﺤﻴﻂ ﻭﺧﻼﺹ ﺍﻟﻌﺒﺮﺓ ﺧﺎﻧﻘﺎﺗﻪ
ﻋﺒﺪ ﺍﻟﻘﺎﺩﺭ : ﺻﺤﺔ ﺍﻟﻤﺪﺍﻡ ؟
ﺍﻟﺪﻛﺘﻮﺭ : ﺍﻟﻤﺪﺍﻡ ﺣﺘﻘﻌﺪ ﺍﻟﻴﻮﻡ ﺗﺤﺖ ﺍﻟﻤﻼﺣﻈﺔ ، ﻣﻤﻨﻮﻉ ﺍﻟﺰﻳﺎﺭﺓ ﻟﻐﺪﻭﺓ ﻧﺸﻮﻑ ﺣﺎﻟﺘﻬﺎ ﻭﺑﻌﺪﻫﺎ ﻧﻘﻮﻟﻠﻜﻢ ، ﻻﻧﻬﺎ ﻧﺰﻓﺖ ﻫﻠﺒﺎ ﺩﻡ
ﻭﻟﻴﺪ : ﺑﺎﻫﻲ ﻧﺒﻲ ﻧﺸﻮﻓﻬﺎ ﺣﺘﻰ ﻣﻦ ﺑﻌﻴﺪ
ﺍﻟﺪﻛﺘﻮﺭ ﺷﺎﻑ ﻟﻮﻟﻴﺪ، ﺳﻜﺖ ﺷﻮﻳﺔ ﺑﻌﺪﻫﺎ ﻗﺎﻟﻪ : ﺗﻤﺎﻡ ﺗﺠﻴﻚ ﺍﻟﻤﻤﺮﺿﺔ ﺗﺪﺧﻠﻚ ، ﺍﻟﺤﻤﺪ ﻟﻠﻪ ﻉ ﺳﻼﻣﺘﻬﺎ ، ﻭﺍﻣﺸﻲ ﺍﻟﺪﻛﺘﻮﺭ
ﻭﻟﻴﺪ ﻗﻌﻤﺰ ﻉ ﺍﻟﻜﺮﺳﻲ ﻭﻳﻬﺰ ﺑﺮﺟﻠﻪ ﻭﻋﻴﻮﻧﻪ ﻣﺪﻣﻌﺎﺕ
ﻋﺒﺪ ﺍﻟﻘﺎﺩﺭ ﻗﻌﻤﺰ ﺟﻨﺒﻪ ﻭﺣﻂ ﻳﺪﻩ ﻋﻠﻲ ﻛﺘﻒ ﻭﻟﻴﺪ : ﻭﺳﻊ ﺑﺎﻟﻚ ﻳﺎﺭﺍﺟﻞ ﺭﺑﻲ ﻳﻌﻮﺿﻚ ﺧﻴﺮ ﺍﻥ ﺷﺎﺀ ﺍﻟﻠﻪ ، ﻭﺑﻌﺪﻳﻦ ﺍﻫﻮ ﻗﻌﺪ ﻭﺍﺣﺪ ﻣﻦ ﺍﻟﺘﻮﺃﻡ ﺍﻟﺤﻤﺪ ﻟﻠﻪ
ﻭﻟﻴﺪ ﻳﻤﺴﺢ ﻓﻲ ﻭﺟﻬﻪ ﺑﺴﺮﻋﻪ ﻭﺗﻮﺗﺮ : ﺍﻟﺤﻤﺪ ﻟﻠﻪ ﻉ ﻛﻞ ﺣﺎﻝ ﺍﻟﻤﻬﻢ ﻧﺴﻴﺒﺔ ﺗﻮﺍ ﺑﺲ
،،،،،،،،،،
ﻣﻌﺎﺩ ﺳﻜﺖ ﻭﻧﺰﻝ ﺭﺍﺳﻪ ﺑﻌﺪﻳﻦ ﻗﺎﻡ ﺭﺍﺳﻪ : ﻧﺮﺟﺲ
ﻧﺮﺟﺲ ﺷﺎﻓﺘﻠﻪ
ﻣﻌﺎﺩ ﻛﻤﻞ : ﺍﻧﺘﻲ ﺗﺤﺒﻴﻪ ؟
ﻧﺮﺟﺲ ﺷﺎﻓﺘﻠﻪ ﺑﺼﺪﻣﺔ ﻭﻗﻌﺪﺕ ﺳﺎﻛﺘﻪ
ﻣﻌﺎﺩ ﻳﺤﺎﻭﻝ ﻳﺨﻠﻲ ﺭﻭﺣﻪ ﻫﺎﺩﻱ : ﻗﻮﻟﻲ ﻧﺮﺟﺲ ،ﺍﻧﺘﻲ ﺗﺤﺒﻴﻪ ﻭﺍﻻ ؟
ﻧﺮﺟﺲ ﻧﺰﻟﺖ ﺭﺍﺳﻬﺎ ﻭﻣﺎﺟﺎﻭﺑﺘﺶ
ﻣﻌﺎﺩ : ﻳﻌﻨﻲ ﻧﻘﺪﺭ ﻧﻘﻮﻝ ﺍﺧﺪﻳﺖ ﺟﻮﺍﺑﻲ
ﻧﺮﺟﺲ ﺳﻜﻮﺕ
ﻣﻌﺎﺩ : ﺗﻤﺎﻡ ، ﻭﺳﻜﺖ ﻭﻣﻦ ﺩﺍﺧﻞ ﻭﺍﻟﻌﻪ ﻓﻴﻪ ﻧﺎﺭ ﻣﻤﻜﻦ ﺗﺤﺮﻕ ﺍﻱ ﺷﻲ
ﻋﻢ ﺍﻟﻬﺪﻭﺀ ﺑﻴﻨﻬﻢ
ﻧﺮﺟﺲ ﺟﺘﻬﺎ ﺍﻟﺠﺮﺃﺓ : ﻣﻌﺎﺩ ﻫﻮ ﺣﺴﻦ ﺍﻧﻀﺮﺏ ﻫﻠﺒﺎ ﻳﻌﻨﻲ ﺻﺎﺭﺗﻠﻪ ﺣﺎﺟﺔ ؟
ﻣﻌﺎﺩ ﺷﺎﻓﻠﻬﺎ ﺑﻨﻈﺮﺓ ﺍﻧﻜﺴﺎﺭ : ﻻﻻ ﻣﺶ ﻫﻠﺒﺎ، ﻭﻧﺰﻝ ﺭﺍﺳﻪ : ﺍﻧﻲ ﺍﻛﺜﺮ ﻣﻨﻪ ، ﻭﻭﻗﻒ : ﺗﺒﻲ ﺣﺎﺟﺔ ﺗﻮﺍ
ﻧﺮﺟﺲ ﺷﺎﻓﺖ ﻟﻠﺤﻮﺵ ﺍﻟﻘﺖ ﺭﻭﺣﻬﺎ ﺑﺘﻘﻌﺪ ﺑﺮﻭﺣﻬﺎ ﺳﻜﺘﺖ ﻭﻣﺎﺭﺩﺗﺶ
ﻣﻌﺎﺩ ﺷﺎﻓﻠﻬﺎ : ﺧﻼﺹ ﺍﻧﻲ ﺗﻮ ﻧﻘﻌﺪ ﻓﻲ ﺍﻟﻤﺮﺑﻮﻋﻪ ﺗﺒﻲ ﺣﺎﺟﺔ ﻛﻠﻤﻴﻨﻲ ، ﻭﻃﻠﻊ ﺍﻣﺸﻲ ﻟﻠﻤﺮﺑﻮﻋﻪ ﻭﺳﻜﺮ ﺍﻟﺒﺎﺏ ﻭﺭﺍﻩ
ﺍﻣﺎ ﻧﺮﺟﺲ ﻓﻘﺎﻣﺖ ﻣﻮﺑﺎﻳﻠﻬﺎ ﻭﺍﺗﺼﻠﺖ ﺑﺤﺴﻦ
ﻗﺮﻳﺐ ﺗﻼﺗﻪ ﻣﻜﺎﻟﻤﺎﺕ ﻣﺎﻳﺮﺩﺵ ، ﻭﻟﻤﺎ ﻗﺮﻳﺐ ﻳﻔﺼﻞ ﺍﻧﻔﺘﺢ ﺍﻟﺨﻂ
ﺣﺴﻦ : ﻫﺎ
ﻧﺮﺟﺲ ﺍﻧﺼﺪﻣﺖ : ﺣﺴﻦ ﺍﻧﻲ
ﺣﺴﻦ ﻗﺎﻃﻌﻬﺎ : ﺍﻧﺘﻲ ﺷﻨﻮ ﻫﺎﺍﺍﺍ ﺍﻧﺘﻲ ﺷﻨﻮﻭﻭ
ﻧﺮﺟﺲ ﺗﺒﻜﻲ : ﺣﺴﻦ ﻭﺍﻟﻠﻪ ﺍﻧﺖ ﻓﻬﻤﺖ ﻏﻠﻂ ﻭﺍﻟﻠﻪ
ﺣﺴﻦ : ﺷﻦ ﻫﻮﻭﻭ ﺍﻟﻲ ﻓﻬﻤﺘﻪ ﻏﻠﻂ ﺗﺮﺍﺍ ﻗﻮﻟﻴﻠﻲ ﻓﻲ ﺣﻀﻦ ﺑﻌﺾ ﻭﺗﻀﺤﻜﻮﻭ ﻛﻴﻒ ﺗﺒﻴﻨﻲ ﻧﻔﻬﻢ ﻫﺎﺍﺍ ﺑﺎﻟﻠﻪ ﻋﺪﻱ ، ﺍﻟﻐﻠﻂ ﻣﺶ ﻓﻴﻚ ﺍﻟﻐﻠﻂ ﻓﻴﺎ ﺍﻧﻲ ﺣﻄﻴﺖ ﺍﻟﺜﻘﻪ ﻓﻴﻚ ﺗﻴﻴﻴﻲ ﻓﺮﺭﺭﺧﻪ ﺷﻦ ﻧﺮﺍﺟﻲ ﻣﻨﻚ ، ﺑﺎﻟﻠﻪ ﺳﻜﺮﻱ ، ﻭﻓﺼﻞ ﻋﻠﻴﻬﺎ ﺍﻟﺨﻂ
ﻧﺮﺟﺲ ﻏﻄﺖ ﻭﺟﻬﻬﺎ ﺑﻴﺪﻳﻬﺎ ﻭﻗﻌﺪﺕ ﺗﺒﻜﻲ
،،،،،،،،
ﺧﺶ ﻭﻟﻴﺪ ﻭﻗﺮﺏ ﻣﻨﻲ ﻋﻴﻮﻧﻪ ﺗﻌﺒﻮ ﺩﻣﻮﻉ
ﻛﻨﺖ ﺩﺍﻳﺮﻳﻠﻲ ﺍﻟﺠﻬﺎﺯ ﻋﻠﻲ ﻓﻤﻲ ، ﺭﺍﺳﻲ ﻣﺮﺑﻮﻁ ، ﺍﻟﺘﻐﺪﻳﺔ ﻣﻌﻠﻘﻪ ﻓﻲ ﻳﺪﻱ ، ﻭﻛﺎﻧﻮ ﻋﺎﻃﻴﻴﻨﻲ ﻣﻨﻮﻡ
ﻗﺮﺏ ﻭﻟﻴﺪ ﻣﻨﻲ ﻭﻗﻌﻤﺰ ﺟﻨﺒﻲ ، ﺣﻮﻝ ﺍﻟﻜﻤﺎﻣﺔ ﻣﻦ ﻋﻠﻲ ﻓﻤﻪ ، ﻭﻗﺎﻡ ﺑﺎﺱ ﻳﺪﻱ : ﻧﻮﺳﺔ ﺣﺒﻴﺒﺘﻲ ، ﻭﺍﻟﻠﻪ ﺧﻔﺖ ﻋﻠﻴﻚ ،ﻫﻲ ﻧﻮﺿﻲ ﻳﺎﺭﻭﺣﻲ ﻣﺎﻧﻘﺪﺭﺵ ﻧﺮﺍﺟﻲ ﻟﻐﺪﻭﺓ ﻣﻦ ﻏﻴﺮ ﻣﺎﻧﺸﻮﻑ ﻋﻴﻮﻧﻚ ، ﺗﻌﺮﻓﻴﻨﻲ ﺍﻧﻲ ﺍﻧﺘﻲ ﻧﻘﻄﻪ ﺿﻌﻔﻲ ﻳﺎﻧﻮﺳﺘﻲ ، ﻭﺍﻧﺘﻲ ﻣﺼﺪﺭ ﻗﻮﺗﻲ ، ﺍﻧﺘﻲ ﺍﻟﻲ ﺗﺨﻠﻲ ﻓﻴﺎ ﻧﺼﺒﺮ ﻋﻠﻲ ﻛﻞ ﺷﻲ ، ﻭﺍﺿﺒﻂ ﻳﺪﻱ ﻭﺩﻣﻮﻋﻪ ﻧﺰﻟﺖ : ﺣﺘﻨﻮﺿﻲ ﺑﺎﻟﺴﻼﻣﻪ ﻳﺎﺭﻭﺣﻲ ﻭﺣﻨﺮﺟﻌﻮ ﻟﺤﻮﺷﻨﺎ ﻭﻧﺮﺍﺟﻮ ﻭﻟﺪﻧﺎ ﻟﻴﻦ ﻳﺠﻲ ﻭﺍﺣﻨﻲ ﻓﺮﺣﺎﻧﻴﻴﻦ ، ﺻﺢ ﻗﻌﺪ ﻭﺍﺣﺪ ﺑﺲ ﺍﻟﺤﻤﺪ ﻟﻠﻪ ﻳﺎﻧﻮﺳﺘﻲ ﺍﻟﻤﻬﻢ ﺍﻧﺘﻲ ﺗﻨﻮﺿﻴﻠﻲ ﺑﺎﻟﺴﻼﻣﻪ ، ﻭﺩﻣﻮﻋﻪ ﺗﻄﻴﺢ ﻋﻠﻲ ﻳﺪﻱ
ﺍﻟﻤﻤﺮﺿﺔ : ﺧﻼﺹ ﻳﺎﺃﺳﺘﺎﺫ ﺍﻟﻤﺪﺍﻡ ﻻﺯﻡ ﺗﺮﺗﺎﺡ
ﻭﻟﻴﺪ ﺑﺎﺱ ﻳﺪﻱ ﺑﻘﻮﺓ ، ﻭﺣﻄﻬﺎ ﻭﻃﻠﻊ
ﻋﻤﺘﻲ ﺷﺎﻓﺖ ﻟﻮﻟﻴﺪ ﺍﻟﻲ ﻳﻤﺴﺢ ﻓﻲ ﻋﻴﻮﻧﻪ ، ﻭﻫﻲ ﺗﺒﻜﻲ : ﻭﺣﺪ ﺍﻟﻠﻪ ﻳﺎﻭﻟﻴﺪﻱ ، ﻗﻠﺖ ﻻﻣﻬﺎ ﻭﺍﺧﻮﺍﺗﻬﺎ ؟
ﻭﻟﻴﺪ ﻗﻌﻤﺰ ﺟﻨﺒﻬﺎ ﻭﺣﺎﻁ ﺭﺍﺳﻪ ﺑﻴﻦ ﻳﺪﻳﻪ ، ﻭﺑﺼﻮﺕ ﻣﺨﻨﻮﻕ : ﺷﻦ ﺑﻨﻘﻮﻟﻠﻬﻢ ﻳﺎﺍﻣﻲ ﻫﺎﺍ ، ﻫﺎﺩﻱ ﺑﻨﺘﻬﻢ ﺍﻟﻲ ﻋﻄﻮﻫﺎﻟﻲ ﺍﻣﺎﻧﻪ ﻋﻨﺪﻱ ﻛﺎﻧﺖ ﺣﺘﻤﻮﺕ
ﻋﻤﺘﻲ : ﻗﺪﺭ ﺍﻟﻠﻪ ﻭﻣﺎﺷﺎﺀ ﻓﻌﻞ ﻳﺎﻭﻟﻴﺪﻱ ، ﻭﺍﻟﻠﻪ ﻛﻴﻒ ﺟﺎﻳﻪ ﺑﻨﺮﻗﻴﻬﺎ ، ﻋﺮﻓﺘﻬﺎ ﺍﺧﺪﺗﻬﺎ ﺑﻌﻴﻦ
ﻭﻟﻴﺪ ﻟﻒ ﻭﺟﻬﻪ ﺑﺴﺮﻋﻪ ﻭﺷﺎﻓﻠﻬﺎ ﺑﺎﺳﺘﻐﺮﺍﺏ : ﻛﻴﻒ ﻛﻴﻒ ؟
ﻋﻤﺘﻲ ﺗﺮﺩﺩﺕ ﻓﻲ ﺍﻻﻭﻝ ﺑﻌﺪﻳﻦ ﺣﻜﺘﻠﻪ
ﻭﻟﻴﺪ ﻭﻗﻒ : ﻳﻨﻌﻦ ..... ﻋﻼﺍﺍﺵ ﺗﺨﻠﻲ ﻓﻴﻬﺎ ﺗﺸﻮﻭﻭﻓﻬﺎ ﻳﺎﺍﺍﻣﻲ ﻣﻦ ﺍﻻﻭﻝ ﻣﺎﺩﺍﻡ ﻋﺎﺭﻓﺘﻴﻬﺎ ، ﺗﻴﻴﻴﻴﻲ ، ﻭﺿﺮﺏ ﺭﺟﻠﻪ ﻓﻲ ﺍﻟﺤﻴﻂ
ﻋﻤﺘﻲ : ﻫﻲ ﻣﺴﻜﻴﻨﻪ ﺧﺸﺖ ﺳﻠﻤﺖ ﻭﻣﺎﺗﻨﺪﺭﻳﺶ ﻋﻠﻴﻬﺎ ، ﺍﺷﺮﺗﻠﻬﺎ ﺑﻌﻴﻮﻧﻲ ﺑﻤﻌﻨﻰ ﺗﻨﻮﺽ ، ﻭﺍﻟﻠﻪ ﺍﻻ ﺟﺎﻳﺔ ﺑﺸﻴﺸﺔ ﻣﻴﻪ ﺍﻟﺮﻗﻴﻪ ﺑﻨﺮﻗﻴﻬﺎ ، ﺍﻟﻘﻴﻨﺎﻫﺎ ﻃﺎﻳﺤﺔ ﻭﺳﺎﻳﺤﺔ ﻓﻲ ﺩﻣﻬﺎ
ﻭﻟﻴﺪ ﺣﻂ ﻳﺪﻩ ﻋﻠﻲ ﻋﻴﻮﻧﻪ : ﺍﺳﺘﻐﻔﺮ ﺍﻟﻠﻪ ﻳﺎﺭﺑﻲ
ﻣﺤﻤﻮﺩ ﺟﺎﻱ ﻳﺠﺮﻱ : ﺷﻦ ﺻﺎﺭ ﻳﺎﺍﺭﺍﺟﻞ ، ﻭﻳﻦ ﻧﺴﻴﺒﺔ ﺷﻦ ﺻﺎﺭﻟﻬﺎ ؟؟
ﻭﻗﻌﺪﻭ ﻳﺤﻜﻮﻟﻪ
ﻣﺤﻤﻮﺩ : ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ ، ﺑﺎﻫﻲ ﻗﻠﺘﻮ ﻻﻣﺎﻟﻴﻬﺎ ؟
ﻭﻟﻴﺪ : ﻻ ، ﻗﻮﻟﻴﻠﻬﻢ ﺍﻧﺘﻲ ﻳﺎﺍﻣﻲ ﻣﺎﻧﻘﺪﺭﺵ ﺍﻧﻲ
ﻋﻤﺘﻲ : ﺑﺎﻫﻲ ﺍﺗﺼﻠﻲ ﺑﺎﺍﻣﻬﺎ ﻫﻲ ﺗﻮ ﻧﻜﻠﻤﻬﺎ
،،،،،،،،،،،،،
ﻓﻲ ﺣﻮﺵ ﻫﺎﺟﺮ
ﻋﻤﺘﻲ ﻭﻣﺎﻣﺎ ﻭﺍﻣﻬﺎ ﻭﺍﺧﺘﻬﺎ ﻣﻘﻌﻤﺰﻳﻦ ﻓﻲ ﺍﻟﺪﺍﺭ ﻭﻳﻬﺪﺭﺯﻭ
ﻭﺍﻟﺤﻮﺵ ﺭﻳﺤﺘﻪ ﻭﺷﻖ ﻭﺣﻠﻮﺓ
ﻫﺎﺟﺮ ﻣﻘﻌﻤﺰﺓ ﻣﻌﺎﻫﻢ ﻭﺷﺎﺩﻩ ﻭﻟﺪﻫﺎ ﻭﺍﻟﻒ ﺳﺆﺍﻝ ﻭﺳﺆﺍﻝ ﻓﻲ ﺭﺍﺳﻬﺎ ، ﻭﻣﺶ ﻓﺎﻫﻤﻪ ﺷﻲ ، ﻭﺗﺘﻈﺎﻫﺮ ﺍﻧﻬﺎ ﻛﻮﻳﺴﺔ ﻭﻣﻦ ﺩﺍﺧﻞ ﻗﻠﺒﻬﺎ ﻳﺒﻜﻲ ﻭﺧﺎﻳﻔﻪ ﻣﻦ ﺍﻟﻤﺼﻴﺒﺔ ﺍﻟﻲ ﻣﻤﻜﻦ ﺗﺤﻞ ﻋﻠﻲ ﺭﺍﺳﻬﺎ ﻭﻫﻲ ﻣﺎﻟﻴﻬﺎﺵ ﺫﻧﺐ ﻓﻲ ﺷﻲ
ﻋﻠﻴﺎ ﻣﻘﻌﻤﺰﺓ ﻓﻲ ﺍﻟﻤﻄﺒﺦ ﻓﺎﺗﺤﻪ ﺍﻟﻨﺖ ﻭﺗﺸﺮﺏ ﻓﻲ ﻗﻬﻮﺓ
ﻃﻖ ﺍﻟﺒﺎﺏ ﻃﻠﻌﺖ ﻋﻠﻴﺎ ﺑﺘﻔﺘﺢ
ﻣﺮﺕ ﻋﻤﻲ ﻟﻄﻔﻴﻪ ﺧﺸﺖ : ﻛﻴﻒ ﺣﺎﻟﻚ ، ﻣﺒﺮﻭﻙ ﻋﻠﻴﻜﻢ ، ﻭﻳﻦ ﺍﻣﻚ
ﻋﻠﻴﺎ ﺍﺧﺪﺕ ﻣﻨﻬﺎ ﺍﻟﺒﺎﻛﻮ ﺍﻟﻲ ﻓﻲ ﻳﺪﻫﺎ : ﺍﻟﻠﻪ ﻳﺒﺎﺭﻙ ﻓﻴﻚ ، ﺍﻟﺪﺍﺧﻞ ﻓﻲ ﺍﻟﺪﺍﺭ ، ﺧﺸﻲ ﺗﻔﻀﻠﻲ ، ﻭﻛﻴﻒ ﺑﺘﺴﻜﺮ ﻋﻠﻴﺎ ﺍﻟﺒﺎﺏ ، ﺩﻓﺎﺗﻪ ﻳﺪ
ﻋﻠﻴﺎ ﺷﺎﻓﺖ ﺑﺎﺍﺳﺘﻐﺮﺍﺏ ، ﻭﻋﻴﻮﻧﻬﺎ ﻭﻟﻮ ﻗﻠﻮﺏ
ﻋﺒﺪ ﺍﻟﻤﻨﻌﻢ : ﻫﻜﻲ ﺗﺴﻜﺮﻱ ﺍﻟﺒﺎﺏ ﻓﻲ ﻭﺟﻬﻲ ، ﻣﺎﻓﻴﺶ ﺫﻭﻕ ﺷﻲ ﺷﻲ ، ﻭﺧﺶ
ﻋﻠﻴﺎ ﻭﺧﺮﺕ : ﺧﻠﻴﺖ ﺍﻟﺬﻭﻕ ﻟﻴﻚ ، ﻭﺑﻌﺪﻳﻦ ﻭﻳﻦ ﺧﺎﺵ ﺍﻟﺤﻮﺵ ﻛﻠﻪ ﻧﺴﺎﻭﻳﻦ
ﻋﺒﺪ ﺍﻟﻤﻨﻌﻢ : ﻛﻴﻒ ﺃﻳﻤﻦ ﻣﺶ ﻗﺎﻋﺪ
ﻋﻠﻴﺎ : ﻻ ﻣﺶ ﻗﺎﻋﺪ
ﻋﺒﺪ ﺍﻟﻤﻨﻌﻢ : ﺗﻲ ﺑﺎﻫﻲ ﺩﺑﺮﻱ ﺣﻞ ، ﻛﺎﻥ ﻋﻨﺪﻫﻢ ﻣﺮﺑﻮﻋﻪ ﺑﻨﺨﺶ ، ﻃﺮﻳﻖ ﻃﻮﻳﻠﺔ ﻭﺍﻟﺸﻤﺲ ﺿﺮﺑﺘﻨﻲ ﻣﺎﻧﻘﺪﺭﺵ ﻧﺴﻮﻕ ﺗﻮﺍ
ﻋﻠﻴﺎ ﻃﻠﻌﺖ ﺭﺍﺳﻬﺎ ﻣﻦ ﺍﻟﺒﺎﺏ ﺑﺘﺸﻮﻑ
ﻋﺒﺪ ﺍﻟﻤﻨﻌﻢ ﺟﺒﺪﻫﺎ ﻣﻦ ﻓﺎﻟﻴﻨﻴﺘﻬﺎ : ﺗﻲ ﺧﺸﻲ ﺍﻟﺒﺎﺏ ﺍﻟﺒﺮﺍﻧﻲ ﻣﻔﺘﻮﺡ ﺗﻤﺪﻱ ﻓﻲ ﻭﺟﻬﻚ ﻟﻠﺸﺎﺭﻉ
ﻋﻠﻴﺎ : ﺗﻴﻲ ﺍﺍﻳﻴﻲ ﻓﺎﻟﻴﻨﻴﺘﻲ ﺟﺪﻳﺪﺓ ﺭﺍﺍﺍﻫﻮﻭ
ﻋﺒﺪ ﺍﻟﻤﻨﻌﻢ ﺷﺎﻓﻠﻬﺎ ﺑﻘﻴﻤﻪ ﺣﺎﺟﺔ : ﻭﺍﺍﺿﺢ ﺟﺪﻳﺪﺓ
ﻋﻠﻴﺎ ﻗﻌﺪﺕ ﺗﻮﺍﺳﻲ ﻭﺗﺸﻮﻑ ﻟﺮﻭﺣﻬﺎ : ﺧﻴﺮﻫﺎ ﺍﻗﺴﻢ ﺑﺎﻟﻠﻪ ﺟﺪﻳﺪﺓ
ﻋﺒﺪ ﺍﻟﻤﻨﻌﻢ ﺿﺤﻚ : ﺗﻲ ﻫﻴﺎ ﺧﺸﻴﺸﻴﻨﻲ
ﻋﻠﻴﺎ ﺍﺗﻤﺘﻢ : ﺣﻴﻮﺍﻥ ﻃﻮﻝ ﻋﻤﺮﻙ ﺗﻘﻌﺪ ، ﻭﺍﻣﺸﺖ ﻗﺪﺍﻣﻪ ﻟﺠﻴﻬﺔ ﺍﻟﻤﺮﺑﻮﻋﻪ
ﻋﺒﺪ ﺍﻟﻤﻨﻌﻢ ﻗﻌﻤﺰ ﻭﺣﻂ ﻳﺪﻩ ﻋﻠﻲ ﺭﺍﺳﻪ : ﺟﻴﺒﻴﻠﻲ ﻛﺎﻥ ﻓﻲ ﺑﻨﺎﺩﻭﻝ
ﻋﻠﻴﺎ ﺷﺎﻓﺘﻠﻪ ﺑﺮﻓﻌﻪ ﺣﺎﺟﺐ ﻭﻣﺎﻋﺠﺒﺘﻬﺎﺵ ﺻﻴﻐﻪ ﺍﻻﻣﺮ ، ﻟﻜﻦ ﺍﻣﺸﺖ ﻭﺟﺎﺑﺘﻠﻪ ﺑﻨﺎﺩﻭﻝ : ﻫﺎﻙ
ﻋﺒﺪ ﺍﻟﻤﻨﻌﻢ : ﻧﺒﻠﻌﻪ ﻫﻜﻲ ﻣﻦ ﻏﻴﺮ ﺍﻣﻴﻪ
ﻋﻠﻴﺎ : ﻋﺎﺍﺩﻱ ، ﻭﻟﻔﺖ ﺑﺘﻄﻠﻊ
ﻋﺒﺪ ﺍﻟﻤﻨﻌﻢ ﺑﺼﻮﺕ ﻋﺎﻟﻲ : ﺗﻲ ﺟﻴﺒﻲ ﺍﻣﻴﻪ ﺧﻴﺮ ﻣﺎﻧﺠﻴﻚ ﻧﺠﺒﺪﻙ ﻣﻦ ﺷﻌﺮﻙ
ﻋﻠﻴﺎ ﺍﻣﺸﺖ ﺟﺎﺑﺖ ﺍﻣﻴﻪ ﻭﻣﺪﺗﻬﺎﻟﻪ ﻭﻛﻴﻒ ﺑﺘﻄﻠﻊ
ﻋﺒﺪ ﺍﻟﻤﻨﻌﻢ : ﺩﻳﺮﻳﻠﻲ ﻗﻬﻮﺓ ﺑﺎﻟﻠﻪ ﺭﺍﺳﻲ ﺧﻼﺹ
ﻋﻠﻴﺎ ﺷﺎﻓﺘﻠﻪ ﻭﻗﺎﻳﻤﻪ ﺣﺎﺟﺒﻬﺎ : ﺑﺎﻟﻠﻪ ﻣﺎﺗﺒﻴﺶ ﺣﺎﺟﺔ ﺗﺎﻧﻴﻪ ﻛﺎﺍﻧﻚ ﺍﺳﺘﺎﻧﺴﺖ ﺍﻧﺖ ﺑﺎﻟﻚ ﺧﺪﺍﻣﺘﻚ ﻭﺍﻧﻲ ﻣﺎﻧﻨﺪﺭﻳﺶ ، ﺍﺧﺪﻳﺖ ﺑﻨﺎﺩﻭﻝ ﻭﺍﻻ ﻏﻢ ﺭﺍﺳﻚ ﺗﻮ ﻣﻌﺎﺵ ﻳﻮﺟﻌﻚ
ﻋﺒﺪ ﺍﻟﻤﻨﻌﻢ : ﻫﻬﻬﻬﻪ ﺗﻲ ﻏﻴﺮﺭ ﻫﻴﺎﺍﺍ ، ﻭﺭﻥ ﻓﻮﻧﻪ : ﺍﻟﻮﻭ
ﻋﻠﻴﺎ ﻗﻌﺪﺕ ﻭﺍﻗﻔﻪ ﺗﺸﻮﻓﻠﻪ
ﻋﺒﺪ ﺍﻟﻤﻨﻌﻢ : ﻫﻴﺎ ﻗﻬﻮﺓ
ﻋﻠﻴﺎ : ﻏﻴﺮ ﺍﺣﻠﻢ ﻭﻛﺎﻥ ﺗﻮﻗﻒ ﻋﻠﻲ ﺭﺍﺳﻚ
ﺭﻧﺎ ﻋﻠﻲ ﺍﻟﺨﻂ : ﺍﻳﻮﻩ ﺣﺒﻴﺒﻲ
ﻋﺒﺪ ﺍﻟﻤﻨﻌﻢ ﺭﺩ ﺑﻌﻔﻮﻳﺔ : ﻋﻴﻮﻥ ﺣﺒﻴﺒﻚ
ﺭﻧﺎ ﻓﺮﺣﺖ ﺑﺎﻟﺮﺩ ﻻﻧﻪ ﻟﻴﻪ ﻓﺘﺮﺓ ﻳﺘﺠﺎﻫﻞ ﻓﻴﻬﺎ : ﻭﻳﻨﻚ ﻳﺎﻋﻴﻮﻧﻲ ﺍﺳﺘﺎﺣﺸﺘﻚ ﻣﻦ ﻟﻤﺎ ﺭﻭﺣﺖ ﻟﻠﻴﺒﻴﺎ ﻣﻌﺎﺵ ﺩﻭﺭﺗﻨﻲ
ﻋﻠﻴﺎ ﻣﺎﻧﻘﺪﺭﺵ ﻧﻮﺻﻒ ﺷﻌﻮﺭﻫﺎ ﻓﻲ ﻟﺤﻈﺘﻬﺎ
ﺍﻟﺪﺍﺧﻞ ﻓﻲ ﺍﻟﺪﺍﺭ
ﻋﻤﺘﻲ : ﺍﻟﺤﻖ ﻳﺎﻧﺎﺩﻳﺔ ﺍﻧﻲ ﻋﻨﺪﻱ ﻣﻮﺿﻮﻉ ﺑﻨﻘﻮﻟﻚ ﻋﻠﻴﻪ ، ﻭﺳﻌﺎﺩ ﻭﻟﻄﻔﻴﻪ ﻣﺶ ﺑﺮﺍﻧﻴﺎﺕ
ﻣﺎﻣﺎ ﺑﺎﺳﺘﻐﺮﺍﺏ : ﺍﻥ ﺷﺎﺀ ﺍﻟﻠﻪ ﺧﻴﺮ ﻳﺎﻓﺪﻳﻮﺓ
ﻋﻤﺘﻲ : ﻋﺪﻧﺎﻥ ﺍﻣﺲ ﻛﻠﻤﻨﻲ ، ﺍﻟﻮﻟﺪ ﺑﻴﻬﺒﻞ ﻋﻠﻲ ﻧﻮﺭﺱ ﻭﺍﻧﺘﻲ ﻋﺎﺭﻓﻪ ﻳﺒﻨﻲ ﻫﻮ ﺗﻮﺍ ﻭﻗﺮﻳﺐ ﻳﻜﻤﻞ ﺍﻥ ﺷﺎﺀ ﺍﻟﻠﻪ ، ﻭﺍﻟﺤﻖ ﻧﺒﻲ ﻧﻔﺮﺡ ﺑﻴﻪ ﻭﻣﺎﻧﻠﻘﺎﺵ ﺧﻴﺮ ﻣﻦ ﻧﻮﺭﺱ
ﻣﺎﻣﺎ ﺍﺑﺘﺴﻤﺖ : ﻭﺍﻟﻠﻪ ﺣﺘﻰ ﺍﻧﻲ ﻣﺎﻧﻠﻘﻰ ﺧﻴﺮ ﻣﻦ ﻋﺪﻧﺎﻥ ﻟﺒﻨﺘﻲ ، ﻭﻗﻄﻊ ﺣﺪﻳﺜﻬﻢ ﺭﻧﻪ ﻋﻤﺘﻲ ﻋﻠﻲ ﺗﻠﻴﻔﻮﻥ ﻣﺎﻣﺎ
ﻓﻲ ﺍﻟﻤﺮﺑﻮﻋﻪ
ﻋﻠﻴﺎ ﺗﺨﻄﻂ ﺷﻦ ﺣﺘﺪﻳﺮ ﻟﻌﺒﺪ ﺍﻟﻤﻨﻌﻢ ﻣﻦ ﻓﺎﻟﻄﺔ ﻭﺗﻘﻄﻊ ﻋﻠﻴﻪ ﺍﻟﻤﻜﺎﻟﻤﺔ
ﻋﺒﺪ ﺍﻟﻤﻨﻌﻢ : ﻛﻴﻒ ﺍﻣﺘﻰ ﺑﺘﺠﻮ ﺍﻫﻨﻲ ﻟﻠﻴﺒﻴﺎ ﻗﺼﺪﻙ ؟
ﺭﻧﺎ : ﺍﻳﻪ ﻳﺎﺣﺒﺒﻴﺒﻲ ﺷﻦ ﻣﺎﻓﺮﺣﺘﺶ
ﻋﺒﺪ ﺍﻟﻤﻨﻌﻢ ﺷﺎﻑ ﻟﻌﻠﻴﺎ ﻭﺳﻜﺖ
ﻛﺎﻧﺖ ﻟﺤﻈﺔ ﻏﺮﻳﺒﻪ ، ﻛﺎﻥ ﺍﻛﺜﺮ ﻭﺍﺣﺪ ﻣﺶ ﻓﺎﻫﻢ ﺷﻲ ﻫﻮ ﻋﺒﺪ ﺍﻟﻤﻨﻌﻢ ، ﺑﺲ ﺷﻌﻮﺭ ﺍﻭﻝ ﻣﺮﺓ ﻳﺤﺴﻪ ، ﺷﻌﻮﺭ ﻣﻤﻜﻦ ﻳﻔﺴﺮ ﻛﻞ ﺗﺼﺮﻓﺎﺗﻪ ، ﻣﻦ ﺗﺠﺎﻫﻞ ﻟﺮﻧﺎ ، ﻣﻦ ﺳﺮﺣﺎﻧﻪ ﻭﻗﺖ ﻳﺸﻮﻑ ﻋﻴﻮﻧﻬﺎ ، ﻋﻠﻲ ﻗﺪ ﻣﺎﺗﺴﺘﻔﺰ ﻓﻴﻪ ﻭﺗﻌﺼﺐ ﻓﻴﻪ ، ﺑﺲ ﻛﺎﻥ ﻳﺤﺐ ﻳﺘﻌﺎﺭﻙ ﻣﻌﺎﻫﺎ ﺣﺘﻰ ﻟﻮ ﻛﺎﻧﺖ ﺍﻟﻨﺘﻴﺠﺔ ﺣﺮﻕ ﺍﻋﺼﺎﺑﻪ ﺍﻟﻤﻬﻢ ﻳﻜﻮﻥ ﻗﺮﻳﺐ ﻣﻨﻬﺎ
ﺭﻧﺎ ﺍﻟﻮﻭﻭ ، ﻣﻦ ﺟﻨﺒﻚ ﻋﺒﺪﻭﻭﻭ
ﻋﻠﻴﺎ ﻗﻌﺪﺕ ﺗﺸﻮﻑ ﻟﻌﺒﺪ ﺍﻟﻤﻨﻌﻢ ، ﺑﻌﺪﻫﺎ ﻟﻔﺖ ، ﻭﺿﺮﺑﺖ ﺭﺟﻠﻬﺎ ﻣﻘﺼﻮﺩ ﻓﻲ ﺍﻟﺒﺎﺏ : ﺍﺍﺍﺍﺍﺍﻱ
ﻋﺒﺪ ﺍﻟﻤﻨﻌﻢ ﺣﻂ ﺍﻟﺘﻠﻴﻔﻮﻥ ﻭﻧﺎﺿﻠﻬﺎ ﺑﺴﺮﻋﻪ : ﺧﻴﺮﻙ
ﻋﻠﻴﺎ ﻓﺠﺄﺓ ﺍﻟﺪﻣﻮﻉ ﺗﺠﻤﻌﻮ ﻓﻲ ﻋﻴﻮﻧﻬﺎ ، ﻛﺎﻧﺖ ﻣﺸﺎﻋﺮ ﻣﻜﺒﻮﺗﺔ ، ﻫﻲ ﺗﻌﺮﻑ ﺍﻧﻬﺎ ﺗﻌﺸﻘﻪ ﻣﺶ ﺑﺲ ﺗﺤﺒﻪ ﺑﺲ ﻛﺘﻤﻬﺎ ﻟﻠﺤﺐ ﻫﺪﺍ ﻳﻮﺟﻌﻠﻬﺎ ﻓﻲ ﻗﻠﺒﻬﺎ ، ﺗﺠﺎﻫﻠﻪ ﻭﺗﻌﺎﻣﻠﻪ ﻣﻌﺎﻫﺎ ﻭﻻﻛﺎﺍﻧﻬﺎ ﻣﻮﺟﻮﺩﺓ ، ﺗﺴﻤﻌﻪ ﻳﻐﺎﺯﻝ ﻓﻲ ﻏﻴﺮﻫﺎ ، ﻛﺎﻧﺖ ﻛﻠﻬﺎ ﺍﺷﻴﺎﺀ ﻛﺎﻓﻴﻪ ﺑﺄﻧﻬﺎ ﺗﺨﻠﻲ ﺩﻣﻮﻉ ﻋﻠﻴﺎ ﻳﻨﺰﻟﻮ
ﻋﺒﺪ ﺍﻟﻤﻨﻌﻢ ﺷﺎﻑ ﻟﻌﻴﻮﻧﻬﺎ ﻭﻛﻴﻒ ﺗﺒﻜﻲ ﻭﻣﺴﺘﻐﺮﺏ ، ﻋﻠﻴﺎ ﻟﻔﺖ ﻭﺟﻬﻬﺎ ﻣﺴﺤﺖ ﺩﻣﻮﻋﻬﺎ ، ﻭﻛﻴﻒ ﺑﺘﻄﻠﻊ ﻓﻲ ﻳﺪ ﺟﺒﺪﺗﻬﺎ ﻟﻴﻬﺎ
ﻋﺒﺪ ﺍﻟﻤﻨﻌﻢ ﻣﺎﻟﻘﺎﺵ ﺭﻭﺣﻪ ﺍﻻ ﺷﺪ ﻳﺪ ﻋﻠﻴﺎ ﻭﺟﺒﺪﻫﺎ ، ﻟﻴﻦ ﺿﺮﺑﺖ ﻓﻲ ﺻﺪﺭﻩ
ﻋﻠﻴﺎ ﻏﻤﻀﺖ ﻋﻴﻮﻧﻬﺎ ﻭﺣﻄﺖ ﺭﺍﺳﻬﺎ ﻋﻠﻲ ﺻﺪﺭﻩ ﻭﺩﻣﻮﻋﻬﺎ ﻳﻨﺰﻟﻮ
ﺍﻻﺗﻨﻴﻦ ﻭﻗﺘﻬﺎ ﺣﺴﻮ ﺑﺸﻌﻮﺭ ﻏﺮﻳﺐ
ﻋﺒﺪ ﺍﻟﻤﻨﻌﻢ ﺣﻮﻝ ﺭﺍﺳﻬﺎ ﻣﻦ ﻋﻠﻴﻪ ﻭﺷﺪ ﻭﺟﻬﻬﺎ ﺑﻴﻦ ﻳﺪﻳﻪ ﻭﻣﺴﺢ ﺩﻣﻮﻋﻬﺎ ﺑﺼﻮﺍﺑﻌﻪ ، ﺟﺒﺪﻫﺎ ﻭﻣﻘﻌﻤﺰﻫﺎ ﻉ ﺍﻟﺼﺎﻟﻮﻥ
ﻋﻠﻴﺎ ﺳﻜﻮﺕ ﻭﺗﺘﻤﻨﻰ ﻣﺎﻳﺒﺎﻋﺪﺵ ﻋﻠﻴﻬﺎ ﺑﻜﻞ
ﻋﺒﺪ ﺍﻟﻤﻨﻌﻢ ﺑﺼﻮﺕ ﺣﻨﻮﻥ : ﻋﻼﺵ ﺗﺒﻜﻲ
ﻋﻠﻴﺎ : ﺷﻲ ﻭﺟﻌﺘﻨﻲ ﺍﻟﻀﺮﺑﺔ
ﺍﻣﺎ ﺭﻧﺎ ﺍﻟﻲ ﻛﺎﻧﺖ ﻉ ﺍﻟﺨﻂ ﻓﺘﺴﻤﻊ ﻭﺳﺎﻛﺘﻪ ، ﻭﻛﺄﻥ ﻛﺎﻥ ﻣﻜﺘﻮﺑﻠﻬﺎ ﺗﺸﻬﺪ ﻋﻠﻲ ﺩﻕ ﻗﻠﺐ ﺣﺒﻴﺒﻬﺎ ﻻﻧﺴﺎﻧﻪ ﻏﻴﺮﻫﺎ
ﻋﺒﺪ ﺍﻟﻤﻨﻌﻢ ﺣﻂ ﻳﺪﻩ ﻋﻠﻲ ﺭﻛﺒﺘﻬﺎ : ﺍﻫﻨﻲ ﺗﻮﺟﻊ ﻓﻴﻚ
ﻋﻠﻴﺎ ﻛﺎﻧﺖ ﺗﺸﻮﻑ ﻟﻌﻴﻮﻧﻪ ﺗﺘﻤﻨﻰ ﻳﻔﻬﻢ ﻋﻴﻮﻧﻬﺎ ﺷﻦ ﻳﻘﻮﻟﻮ ، ﻛﺎﻧﺖ ﺗﺤﻜﻴﻠﻪ ﻗﺼﺔ ﻭﺟﻊ ﺣﺐ ﻣﻦ ﻃﺮﻑ ﻭﺍﺣﺪ ﺣﺴﺐ ﻧﻈﺮﻫﺎ
ﺍﻣﺎ ﻋﻴﻮﻥ ﻋﺒﺪ ﺍﻟﻤﻨﻌﻢ ﻓﻜﺎﻧﺖ ﺗﺤﻜﻲ ، ﻳﺎﺭﻳﺖ ﺍﻟﻮﺟﻊ ﺍﻟﻲ ﺣﺴﻴﺘﻴﻪ ﺣﺴﻴﺘﻪ ﺍﻧﻲ ﺑﺪﻟﻚ
ﻋﺒﺪ ﺍﻟﻤﻨﻌﻢ ﻗﻌﻤﺰ ﻋﻠﻲ ﺭﻛﺎﺑﻪ : ﻧﺤﺒﻚ
ﺭﻧﺎ ﺣﻄﺖ ﻳﺪﻫﺎ ﻋﻠﻲ ﻓﻤﻬﺎ ﻭﺍﻟﺘﻠﻴﻔﻮﻥ ﻓﻲ ﻭﺩﻧﻬﺎ ، ﻛﻠﻤﺔ ﻭﺣﺪﺓ ﻛﺎﻧﺖ ﺍﺟﺎﺑﺔ ﺗﺪﻭﺭ ﻓﻴﻬﺎ ﻣﻦ ﻣﺪﺓ ﺗﻼﺗﻪ ﺷﻬﻮﺭ
ﻋﻠﻴﺎ ﻗﻌﺪﺕ ﻣﺼﺪﻭﻣﺔ ﺗﺸﻮﻓﻠﻪ ﻭﻛﺎﻥ ﻟﺴﺎﻧﻬﺎ ﺍﺭﺗﺒﻂ
ﻋﺒﺪ ﺍﻟﻤﻨﻌﻢ : ﻭﺍﻟﻠﻪ ﻧﺤﺒﻚ ﻛﻨﺖ ﻧﻜﺬﺏ ﻓﻲ ﻫﺎﻟﺸﻌﻮﺭ ﻓﻲ ﺩﺍﺧﻠﻲ ﺍﻭ ﺗﻘﺪﺭﻱ ﺗﻘﻮﻟﻲ ﻛﻨﺖ ﻣﺶ ﻓﺎﻫﻢ ﺍﻧﻲ ﺍﺻﻼ ﺷﻦ ﻧﺤﺲ ، ﻛﻞ ﻣﺎﻧﺸﻮﻓﻚ ﻗﻠﺒﻲ ﻳﻘﻌﺪ ﻳﻨﺒﺾ ﺑﻘﻮﺓ ، ﻛﻞ ﻣﺎﻧﺸﻮﻑ ﻟﻌﻴﻮﻧﻚ ﻧﺘﻤﻨﻰ ﺍﻟﺰﻣﻦ ﻳﻮﻗﻒ
ﻓﻲ ﺍﻟﺪﺍﺭ
ﻋﻤﺘﻲ ﻓﺘﺤﻴﺔ ﺗﻬﺪﺭﺯ ﻣﻊ ﻣﺎﻣﺎ ﻭﺗﺤﺎﻭﻝ ﺗﺠﻴﺒﻠﻬﺎ ﺍﻟﻤﻮﺿﻮﻉ ﺑﺎﻟﺸﻮﻳﺔ ، ﺑﺲ ﻣﺎﻣﺎ ﺣﺴﺖ ﻳﻘﻮﻟﻮ ﻗﻠﺐ ﺍﻻﻡ ﺩﻟﻴﻠﻬﺎ
ﻣﺎﻣﺎ : ﻛﻴﻒ ﺣﺎﻝ ﻧﻮﺳﺔ ﻭﻭﻟﻴﺪ
ﻋﻤﺘﻲ ﺳﻜﺘﺖ ﺷﻮﻳﺔ : ﻭﺍﻟﻠﻪ ﻳﺎﻧﺎﺩﻳﺔ ﺷﻦ ﺑﻨﻘﻮﻟﻚ
ﻣﺎﻣﺎ : ﺷﻦ ﻳﺎﻓﺘﺤﻴﺔ ﻗﻮﻟﻲ ، ﺭﺍﻫﻮ ﻗﻠﺒﻲ ﺣﺎﺳﺴﻨﻲ ﺍﻧﻪ ﻓﻲ ﺣﺎﺟﺔ ﻣﻦ ﺑﻜﺮﻱ
ﻋﻤﺘﻲ : ﺍﺣﻨﻲ ﻗﺎﻋﺪﻳﻦ ﻓﻲ ﺍﻟﻤﺴﺘﺸﻔﻰ ، ﻭﻧﺴﻴﺒﺔ ﺍﻣﺒﻜﺮﻱ ﻃﺎﺣﺖ ﻣﻦ ﺍﻟﺪﺭﻭﺝ ﻭ ..
ﻗﺎﻃﻌﺘﻬﺎ ﻣﺎﻣﺎ ﺑﺼﻮﺕ ﻋﺎﻟﻲ : ﺷﻨﻮﻭﻭﻭ ﺧﻴﺮﺭﺭﺭﻫﺎ ﻧﺴﻴﺒﺔ ﺷﻦ ﻓﻴﻬﺎﺍﺍﺍ ﺧﻴﺮﺭﻫﺎ ﺑﻨﺘﻲ
ﻋﻤﺘﻲ ﻗﻌﺪﺕ ﺗﺒﻜﻲ : ﻏﻴﺮ ﺻﻠﻲ ﻉ ﺍﻟﻨﺒﻲ ﻳﺎﻧﺎﺩﻳﺔ ﻭﺍﻟﻠﻪ ﺑﻨﺘﻚ ﻛﻮﻳﺴﺔ ﻏﻴﺮ ﻗﺎﻟﻮﻟﻨﺎ ﺑﻴﺨﻠﻮﻫﺎ ﺗﺤﺖ ﺍﻟﻤﻼﺣﻈﺔ ﻟﻜﻦ
ﻭﻗﺎﻃﻌﺘﻬﺎ ﻣﺎﻣﺎ ﻣﺮﺓ ﺗﺎﻧﻴﻪ : ﻣﺎﺗﺪﺳﻴﺶ ﻋﻠﻴﺎ ﻳﺎﺍﻓﺘﺤﻴﺔ ﺑﺎﻟﻠﻪ ﻋﻠﻴﻚ ﻣﺎﺗﺪﺳﻲ ﻋﻠﻴﺎ ﺑﻨﺘﻲ ﺷﻦ ﻓﻴﻴﻬﺎﺍ ، ﻭﻭﻭﻩ ﻋﻠﻴﺎ ﻭﺍﻟﻠﻪ ﺍﻻ ﻗﻠﺒﻲ ﺣﺎﺍﺳﺴﻨﻲ ﻣﻦ ﺍﻟﺼﺒﺢ ، ﻭﺍﻧﻬﺎﺭﺕ ﺑﻜﻲ
ﻗﻄﻊ ﻋﻠﻲ ﺍﻟﺮﻭﻣﺎﻧﺴﻴﻴﻦ ﺍﻟﺰﻭﺯ ﺍﻟﻲ ﻓﻲ ﺍﻟﻤﺮﺑﻮﻋﻪ ﺻﻮﺕ ﻣﺎﻣﺎ ﺍﻟﻌﺎﻟﻲ
ﻋﻠﻴﺎ ﻧﺎﺿﺖ ﺗﺠﺮﻱ ﻭﺧﺸﺖ ﺗﺠﺮﻱ ﻟﻠﺪﺍﺭ
ﻋﺒﺪ ﺍﻟﻤﻨﻌﻢ ﻗﻌﺪ ﻭﺍﻗﻒ ﻋﻠﻲ ﺑﺎﺏ ﺍﻟﻤﺮﺑﻮﻋﻪ ﻭﻣﺶ ﻓﺎﻫﻢ ﺷﻲ
ﻋﻤﺘﻲ ﻓﺎﺩﻳﺔ : ﺷﻦ ﻓﻴﻬﺎ ﺧﻴﺮﻫﺎ ﻳﺎﺍﻧﺎﺩﻳﺔ ﻧﺴﻴﺒﺔ ﺷﻦ ﻓﻲ ، ﻏﻴﺮ ﻭﺣﺪﻱ ﺍﻟﻠﻪ ، ﺟﻴﺒﻲ ﻣﻴﻴﻴﻪ ﻓﻴﺴﻊ ﻳﺎﺍﻋﻠﻴﺎ
ﺍﻣﺎ ﻣﺎﻣﺎ ﻓﻜﺎﻧﺖ ﻣﻨﻬﺎﺭﺓ ﺑﻜﻲ ﻭﻣﺶ ﻓﺎﻫﻤﻪ ﺷﻲ
ﻋﻤﺘﻲ ﻓﺘﺤﻴﺔ : ﻳﺎﻧﺎﺩﻳﺔ ، ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ ، ﻭﺳﻜﺮﺕ ﺍﻟﺘﻠﻴﻔﻮﻥ
ﻭﻟﻴﺪ ﺟﻨﺒﻬﺎ : ﺧﻴﺮﻫﺎ ﻳﺎﺍﻣﻲ
ﻋﻤﺘﻲ : ﻭﺍﻟﻠﻪ ﻳﺎﻭﻟﻴﺪﻱ ﻣﺎﺑﻌﺪﻫﺎ ﺍﻧﻲ ﻗﻠﺘﻠﻬﺎ ﻃﺎﺣﺖ ﻓﻲ ﺍﻟﺪﺭﻭﺝ ﻭﻗﻌﺪﺕ ﺗﻌﻴﻂ ، ﻣﺎﺳﻤﻌﺖ ﺣﺘﻰ ﺑﺎﻗﻲ ﻛﻼﻣﻲ
ﻭﻟﻴﺪ ﻳﺪﻭﺭ ﻓﻲ ﺍﻟﻤﻤﺮ : ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ
ﻣﺎﻣﺎ : ﺑﻨﻴﺘﻲ ﺣﻴﻲ ﻋﻠﻴﺎﺍﺍﺍ ﺑﻨﻴﺘﻲ ، ﺑﻨﺸﻮﻭﻓﻬﺎ ، ﻛﻠﻤﻴﻠﻲ ﻧﻮﺭﺱ ﻳﺎﻋﻠﻴﺎ ﺧﻠﻲ ﺗﺠﻲ ﺗﺮﻓﻌﻨﻲ
ﻋﻠﻴﺎ : ﺍﻫﻮ ﻋﺒﺪ ﺍﻟﻤﻨﻌﻢ ﻓﻲ ﺍﻟﻤﺮﺑﻮﻋﻪ ﺗﻮ ﻧﻘﻮﻟﻪ ، ﻭﻃﻠﻌﺖ ﺗﺠﺮﻱ : ﻋﺒﺪ ﺍﻟﻤﻨﻌﻢ ﺑﺴﺮﻋﻪ ، ﻭﻫﻲ ﺗﺒﻜﻲ
ﻋﺒﺪ ﺍﻟﻤﻨﻌﻢ : ﺷﻦ ﻓﻲ ﺷﻦ ﺻﺎﺭ ؟
ﻋﻠﻴﺎ ﺗﺒﻜﻲ : ﻧﺴﻴﺒﺔ ﻓﻲ ﺍﻟﻤﺴﺘﺸﻔﻰ ﻭﻣﺮﺕ ﺧﺎﻟﻲ ﻣﻨﻬﺎﺭﺓ ﺗﻌﻴﻂ ﺍﻟﺪﺍﺧﻞ ، ﺗﺒﻲ ﺗﻤﺸﻲ
ﻋﺒﺪ ﺍﻟﻤﻨﻌﻢ ﻟﻒ ﻭﺍﺧﺪﻱ ﻣﻔﺎﺗﻴﺤﻪ ، ﻭﻗﺎﻡ ﻣﻮﺑﺎﻳﻠﻪ ﺍﻧﺘﺒﻪ ﺍﻧﻪ ﺍﻟﺨﻂ ﻗﺎﻋﺪ ﻣﻔﺘﻮﺡ ﻭﻗﻒ ﻣﺼﺪﻭﻡ ، ﻓﺼﻞ ﺍﻟﺨﻂ ، ﻭﻃﻠﻊ ﻳﺠﺮﻱ ﻳﻮﻟﻊ ﻓﻲ ﺍﻟﺴﻴﺎﺭﺓ
ﻣﺎﻣﺎ ﻓﺠﺄﺓ ﻗﻌﺪﺕ ﺗﺎﺧﺪ ﻓﻲ ﻧﻔﺲ ﻭﺣﻄﺖ ﻳﺪﻫﺎ ﻋﻠﻲ ﻗﻠﺒﻬﺎﺍ ، ﻭﺗﺘﻨﻔﺲ ﺑﺴﺮﻋﻪ ﻭﻭﺟﻬﻬﺎ ﻭﻟﻰ ﺍﺣﻤﻤﺮﺭ
ﻋﻤﺘﻲ : ﻧﺎﺍﺩﻳﺔ ، ﻫﺎﻙ ﺍﺷﺮﺑﻲ ﻣﻴﻪ ، ﺍﻫﺪﻱ
ﺍﻡ ﻫﺎﺟﺮ : ﺍﻥ ﺷﺎﺀ ﺍﻟﻠﻪ ﺗﻨﻮﺽ ﺑﺎﻟﺴﻼﻣﻪ ﻭﻣﺎﻓﻴﻬﺎ ﺷﻲ
ﻣﺎﻣﺎ ﺣﺎﻃﺔ ﻳﺪﻫﺎ ﻋﻠﻲ ﻗﻠﺒﻬﺎ ﻭﺗﺘﻨﻔﺲ ﺑﺴﺮﻋﻪ ، ﻭﻗﻔﺖ ﻭﺗﺎﺧﺪ ﻓﻲ ﻧﻔﺲ
ﻋﻤﺘﻲ ﻭﻗﻔﺖ ﻭﺭﺍﻫﺎ ﻭﻛﻠﻬﻢ ﻳﺸﻮﻓﻠﻬﺎ ﺑﻌﻴﻮﻥ ﻗﻠﻖ
ﺍﻣﺎ ﻋﻠﻴﺎ ﻓﺸﺎﻓﺘﻠﻬﺎ ﺑﺼﺪﻣﺔ ﻭﺟﻲ ﻗﺪﺍﻡ ﻋﻴﻮﻧﻬﺎ ﻣﻮﻭﻭﻗﻒ ﻛﻴﻒ ﺣﻨﺎﻱ ﻣﺮﺿﺖ ، ﻛﺎﻧﺖ ﻧﻔﺲ ﺍﻟﻠﻘﻄﺔ ، ﻏﻤﻀﺖ ﻋﻴﻮﻧﻬﺎ ﻭﻋﻴﻂ ﺑﺼﻮﺕ ﻋﺎﻟﻲ : ﻻﺍﺍﺍﺍﺍﺍﺍﺍﺍﺍﺍﺍ
ﺍﻟﻜﻞ ﺗﻠﻔﺖ ﻟﻌﻠﻴﺎ ، ﻭﺍﻫﻨﻲ ﻣﺎﻣﺎ ﺗﻄﻴﺢ ﻣﻦ ﻃﻮﻟﻬﺎ
ﻋﻤﺘﻲ : ﻧﺎﺍﺍﺍﺍﺍﺍﺍﺩﻳﺔ
،،،،،،،،،،،
ﺑﻌﺪ ﻗﺮﻭ ﺍﻟﻔﺎﺗﺤﺔ
ﻋﺒﻴﺮ ﻗﺎﻋﺪﻩ ﺗﻮﺗﻲ ﻓﻲ ﺷﻨﻄﺘﻬﺎ، ﻣﺶ ﻋﺎﺭﻓﻪ ﻣﺸﺎﻋﺮﻫﺎ ﺷﻨﻮ ، ﻣﺶ ﻋﺎﺭﻓﻪ ﻫﻞ ﺗﻔﺮﺡ ﺍﻧﻪ ﺧﻼﺹ ﺣﻴﻜﻮﻥ ﻟﻴﻬﺎ ﺭﺍﺟﻞ ﺗﻨﺴﻨﺪ ﻋﻠﻴﻪ ﻓﻲ ﺍﻟﺤﻴﺎﺓ ، ﺍﻭ ﺗﺨﺎﻑ ﻳﻜﻮﻥ ﺍﺧﺘﻴﺎﺭﻫﺎ ﻏﻠﻂ ﺯﻱ ﺍﻟﻤﺮﺓ ﺍﻻﻭﻟﻰ ﻭﺑﺪﻝ ﻣﺎﻳﻜﻮﻥ ﺳﻨﺪ ﻟﻴﻬﺎ ﻳﻜﺴﺮﻫﺎ
ﻃﻖ ﺍﻟﺒﺎﺏ ﻗﻠﺒﻬﺎ ﺩﻕ ﺑﺴﺮﻋﻪ
ﺍﻣﺸﺖ ﺟﻬﺔ ﺍﻟﺒﺎﺏ ﻭﻓﺘﺤﺖ ، ﺟﺖ ﻋﻴﻮﻧﻬﺎ ﻓﻲ ﻋﻴﻮﻧﻪ ، ﻧﺰﻟﺖ ﺭﺍﺳﻬﺎ
ﺃﺳﺎﻣﻪ ﺑﺼﻮﺕ ﺣﻨﻮﻥ ﻭﺍﺑﺘﺴﺎﻣﻪ ﻫﺎﺩﻳﺔ : ﻣﺒﺮﻭﻙ ﻋﻠﻴﻨﺎ
ﻋﺒﻴﺮ ﺑﺼﻮﺕ ﻭﺍﻃﻲ : ﺍﻟﻠﻪ ﻳﺒﺎﺭﻙ ﻓﻴﻚ
ﺧﺶ ﺍﺳﺎﻣﻪ ﻭﺳﻜﺮ ﺍﻟﺒﺎﺏ ﻭﺭﺍﻩ ، ﻗﺪﻡ ﺑﺨﻄﻮﺍﺕ ﻫﺎﺩﻳﺔ ﺟﻬﺘﻬﺎ
ﻋﺒﻴﺮ ﺑﺤﺮﻛﺔ ﻻﺍﺭﺍﺩﻳﺔ ﻭﺧﺮﺕ ، ﻛﺎﻥ ﺍﻟﻤﻮﻗﻒ ﺑﺎﻟﻨﺴﺒﺔ ﻟﻴﻬﺎ ﺯﻱ ﻟﻤﺎ ﺧﺎﻟﺪ ﻳﺨﺶ ﻭﻳﻘﺪﻡ ﺑﺎﻟﺸﻮﻳﺔ ﻭﺑﻌﺪﻫﺎ ﻳﻬﺠﻢ ﻋﻠﻴﻬﺎ
ﺍﺳﺎﻣﻪ ﻭﻗﻒ ﻓﻲ ﻣﻜﺎﻧﻪ ﻟﻤﺎ ﻫﻲ ﻭﺧﺮﺕ ﻭﻣﺼﺪﻭﻡ
ﻋﺒﻴﺮ ﻋﻴﻮﻧﻬﺎ ﺗﻌﺒﻮ ﺩﻣﻮﻉ ، ﻗﺎﻣﺖ ﻋﻴﻮﻧﻬﺎ ﻭﺷﺎﻓﺘﻠﻪ
ﺍﺳﺎﻣﻪ ﻣﺼﺪﻭﻡ : ﻟﻴﺶ ﺗﺒﻜﻲ ، ﺍﻧﺘﻲ ﻣﺶ ﻣﻮﺍﻓﻘﻪ ﻋﺒﻴﺮ ﻣﻦ ﺍﻻﻭﻝ ؟
ﻋﺒﻴﺮ ﻗﻌﺪﺕ ﺗﺒﻜﻲ : ﺍﺳﻔﻪ ﻣﺶ ﻣﺶ ، ﻣﻌﺎﺵ ﻗﺪﺭﺕ ﺗﺘﻜﻠﻢ ﻟﻔﺖ ، ﺧﺸﺖ ﻟﻠﺼﺎﻟﺔ ﻭﻗﻌﻤﺰﺕ ﻉ ﺍﻟﻜﻨﺒﺔ
ﺍﺳﺎﻣﻪ ﺣﻮﻝ ﻛﻨﺪﺭﺗﻪ ،ﻭﺧﺶ ﻗﻌﻤﺰ ﺟﻨﺒﻬﺎ ﺑﻬﺪﻭﺀ
ﻋﺒﻴﺮ ﻣﻨﺰﻟﺔ ﺭﺍﺳﻬﺎ
ﺍﺳﺎﻣﺔ ﻣﺪ ﻳﺪﻩ ﻭﻗﺎﻣﻠﻬﺎ ﺭﺍﺳﻬﺎ ﺑﻬﺪﻭﺀ ﻭﻟﻔﻪ ﺟﻴﻬﺘﻪ ، ﻣﺪ ﻳﺪﻩ ﺍﻟﺘﺎﻧﻴﻪ ﻭﻣﺴﺢ ﺩﻣﻮﻋﻬﺎ : ﻟﻴﺶ ﺍﻟﺒﻜﺎ
ﻋﺒﻴﺮ ﻧﺰﻟﺖ ﻋﻴﻮﻧﻬﺎ : ﺍﻧﺖ ﺩﺭﺕ ﺯﻱ ﻟﻤﺎ ﺧﺎﻟﺪ ﻳﻘﺪﻡ ﺑﻬﺪﻭﺀ ﺑﻌﺪﻫﺎ ﻳﻬﺠﻢ ﻋﻠﻴﺎ ﻭﻳﻘﻌﺪ ﻳﻀﺮﺏ ﻓﻴﺎﺍ ﺧﻔﺖ ﺗﻀﺮﺑﻨﻲ ، ﻭﻗﻌﺪﺕ ﺗﺒﻜﻲ ﺍﻛﺜﺮ ،،، ﻛﺎﺍﻧﺖ ﺯﻱ ﺍﻟﺒﻴﺒﻲ ، ﺷﻌﻮﺭ ﻓﻘﺪ ﺍﻷﻣﺎﻥ ﺻﻌﺐ
ﺍﺳﺎﻣﻪ ﻗﺮﺏ ﻣﻨﻬﺎ ﺍﻛﺜﺮ ﻭﺣﻀﻨﻬﺎ : ﻣﺴﺘﺤﻴﻞ ﻧﺪﻳﺮﻟﻚ ﻫﻜﻲ ﺍﻧﺘﻲ ﻓﻲ ﻋﻴﻮﻭﻧﻲ ، ﺧﻼﺹ ﻣﻌﺎﺵ ﺗﺒﻜﻲ
ﻋﺒﻴﺮ ﺣﺴﺖ ﺑﺄﻣﺎﻥ ﻗﺪﺍﺵ ﻟﻴﻬﺎ ﻣﺎﺣﺴﺘﺎﺷﻲ ، ﺣﺴﺖ ﺑﺸﻌﻮﺭ ﻓﻘﺪﺍﺗﻪ ﻣﻦ ﺳﻨﻴﻦ ، ﻣﻤﻜﻦ ﻳﻜﻮﻥ ﺷﻌﻮﺭ ﺍﻷﻣﺎﻥ ﻣﻦ ﻟﻤﺎ ﺑﻮﻫﺎ ﻛﺎﻥ ﺣﻲ ، ﺑﻌﺪﻫﺎ ﻣﻌﺎﺵ ﺣﺴﺖ ﺑﻬﺎﻟﺸﻌﻮﺭ ، ﻛﺎﻧﺖ ﻓﻌﻼ ﻣﺤﺘﺎﺟﺔ ﻫﺎﻟﺤﻀﻦ ﺍﻟﺪﺍﻓﻲ ، ﺗﺸﺒﺒﺖ ﻓﻴﻪ ﺍﻛﺜﺮ ﻭﺣﻀﻨﺎﺗﻪ ﺑﻘﻮﻩ ﺍﻛﺜﺮ : ﻧﺤﺒﺒﻚ
ﺍﺳﺎﻣﻪ ﺍﺑﺘﺴﻢ ﻭﺑﺎﺱ ﺭﺍﺳﻬﺎ : ﺣﺘﻰ ﺍﻧﻲ ﻧﺤﺒﻚ ، ﺍﻧﺘﻲ ﻋﻴﻮﻧﻲ ، ﻫﻲ ﻳﺎﺭﻭﺣﻲ ﺑﻄﻠﻲ ﺑﻜﺎ ﻭﻧﻮﺿﻲ ﺍﻟﺒﺴﻲ ﺧﻠﻲ ﻧﻤﺸﻮ ﻻﻣﻲ ﺗﺮﺍﺟﻲ ﻓﻴﻨﺎ ، ﺑﻌﺪﻫﺎ ﻧﻤﺸﻮ ﻟﺤﻮﺷﻨﺎ ، ﻃﺒﺲ ﻋﻠﻴﻬﺎ ﻭﻏﻤﺰﻟﻬﺎ
ﻋﺒﻴﺮ ﺍﺑﺘﺴﻤﺖ ﺑﺨﺠﻞ ﻭﺑﻌﺪﺕ ﻣﻦ ﻋﻠﻴﻪ
ﻭﻓﻌﻼ ﺑﻬﺎﻟﺨﻄﻮﺓ ﺍﺳﺎﻣﻪ ﻛﺴﺮ ﻫﻠﺒﺎ ﺣﻮﺍﺟﺰ ﺑﻴﻨﻬﻢ ، ﻭﻗﺪﺭ ﻳﺮﺟﻊ ﺍﺑﺘﺴﺎﻣﻪ ﻋﻠﻲ ﻭﺟﻪ ﻟﻴﻪ ﻓﺘﺮﺓ ﻣﺎﺍﺭﺗﺴﻤﺘﺶ ﻋﻠﻴﻪ ﻫﺎﻻﺑﺘﺴﺎﻣﻪ
،،،،،،،،،،،،،
ﻧﺮﺟﺲ ﺑﻌﺪ ﻧﻮﺑﺔ ﺑﻜﺎﺀ ، ﻣﺴﺤﺖ ﺩﻣﻮﻋﻬﺎ ، ﻭﻭﻗﻔﺖ ﻭﺍﻣﺸﺖ ﺟﻬﺔ ﺍﻟﺪﺭﻭﺝ ﻭﻫﻲ ﺗﻌﺮﺝ
ﺭﻛﺒﺖ ﺩﺭﺟﺔ ﺍﻻﻭﻟﺔ ، ﻭﻛﺒﻒ ﺑﺘﺮﻛﺐ ﺍﻟﺪﺭﺟﺔ ﺍﻟﺘﺎﻧﻴﻪ ﺭﺟﻠﻬﺎ ﺟﺖ ﻓﻲ ﺍﻟﻬﻮﺍﺀ ، ﻭﻃﺎﺍﺣﺖ : ﺍﺍﺍﺍﻱ ، ﻭﻗﻌﺪﺕ ﺗﺒﻜﻲ
ﻧﺮﺟﺲ : ﻳﺎﺍﺍﺭﺑﻲ ﻋﻼﺵ ﻫﻜﻲ ، ﺧﻴﺮﻧﻲ ﺍﻧﻲ ﺍﻟﻴﻮﻭﻡ ، ﺷﻦ ﺍﻟﻲ ﻳﺼﻴﺮ ﻣﻌﺎﺍﻱ ﻳﺎﺍﺍﺭﺑﻲ
ﻣﻌﺎﺩ ﺳﻤﻌﻬﺎ ﻟﻤﺎ ﻃﺎﺣﺖ ﻃﻠﻊ ﻣﻦ ﺍﻟﻤﺮﺑﻮﻋﻪ ، ﻗﺮﺏ ﻣﻨﻬﺎ ﺑﺲ ﻟﻤﺎ ﺳﻤﻊ ﻛﻼﻣﻬﺎ ﻭﻗﻒ ﻓﻲ ﻣﻜﺎﻧﻪ
ﻧﺮﺟﺲ ﻣﺴﺤﺖ ﺩﻣﻮﻋﻬﺎ ﻭﺣﺎﻭﻟﺖ ﺗﻨﻮﺽ
ﻣﻌﺎﺩ ﻗﺪﻡ ﺑﺴﺮﻋﻪ ﻭﻣﺪ ﻳﺪﻩ ﺳﺎﻋﺪﻫﺎ
ﻧﺮﺟﺲ ﺷﺎﻓﺘﻠﻪ ، ﻭﺍﺗﻜﺖ ﻋﻠﻴﻪ ، ﻭﺭﻛﺒﺖ
ﻣﻌﺎﺩ ﺧﻼﻫﺎ ﺗﺨﺶ ﻟﺪﺍﺭﻫﺎ ﻭﻧﺰﻝ ﻣﻦ ﻏﻴﺮ ﺍﻱ ﻛﻠﻤﺔ
ﺍﻣﺎ ﻧﺮﺟﺲ ﻓﻘﻌﻤﺰﺕ ﻋﻠﻲ ﺳﺮﻳﺮﻫﺎ ﻭﺗﻔﻜﺮ ﺑﻴﻨﻬﺎ ﻭﺑﻴﻦ ﻧﻔﺴﻬﺎ ﻭﺗﻔﻜﺮ ﻓﻲ ﺍﻟﻲ ﺻﺎﺭ ﻣﻌﺎﻫﺎ ﺍﻟﻴﻮﻡ
# ﻳﺘﺒﻊ
أنت تقرأ
ﺳﻨﺪ ﺍﻻﻧﺜﻰ ﺭﺟﻞ shosho_shosho
Romanceرواية غروباية مميزة بقلم الكاتبة #شوشوshosho_shosho > " ﺳﻨﺪ ﺍﻷﻧﺜﻰ ﺭﺟﻞ "
