ﺳﻨﺪ ﺍﻻﻧﺜﻰ ﺭﺟﻞ shosho_shosho

الحلقة52

ﺍﻟﺤﻠﻘﺔﺓ ‏[ 52 ‏]
ﻣﻦ ﺭﻭﺍﻳﺔ - - "<- ﺳﻨــﺪ ﺍﻷﻧﺜــﻰ ﺭﺟــﻞ "
ﺛﺎﻧﻲ ﻳﻮﻡ
ﻓﻘﺖ ﻣﻦ ﺍﻟﻀﻲ ﺍﻟﻲ ﺧﺶ ﻣﻦ ﺭﻭﺷﻦ ﺍﻟﺼﺎﻟﺔ ﻓﺘﺤﺖ ﻋﻴﻮﻧﻲ ﺷﻮﻳﺔ ، ﺍﻟﻘﻴﺖ ﺭﻭﺣﻲ ﺭﺍﻗﺪﻩ ﻋﻠﻲ ﻛﺘﻒ ﻭﻟﻴﺪ ، ﺍﺧﺪﻳﺖ ﻧﻔﺲ ﻭﺷﻤﻴﺖ ﺭﻳﺤﺔ ﺑﺮﻓﺎﻧﻪ ، ﺍﺑﺘﺴﻤﺖ ﺑﻬﺪﻭﺀ ، ﻭﺭﺟﻌﺖ ﻏﻤﻀﺖ ﻋﻴﻮﻧﻲ
<< ﺃﺗﻤﻨﻰ ﺃﻥ ﺃﻭﻗﻒ ﺍﻟﺰﻣﻦ ﻭﺃﻧﺎ ﻣﻌﻚ >>
ﻓﺘﺤﺖ ﻋﻴﻮﻧﻲ ﺑﺴﺮﻋﻪ ، ﺧﻔﺖ ﻳﻜﻮﻥ ﻓﺎﺍﻕ ، ﻗﻤﺖ ﺭﺍﺳﻲ ﺑﻬﺪﻭﺀ ﻭﺷﻔﺘﻠﻪ ، ﻛﺎﻥ ﻳﺸﻮﻓﻠﻲ ﻭﻭﺍﺿﺢ ﺍﻧﻪ ﻛﻴﻒ ﻓﺎﻳﻖ
ﺭﺩﻳﺖ ﺭﺍﺳﻲ ﻛﻴﻒ ﻣﺎﻛﻨﺖ ﺑﻬﺪﻭﺀ ، ﻗﻠﺒﻲ ﻳﺪﻕ ﺑﻘﻮﺓ ﻭﻧﺘﻨﻔﺲ ﺑﺴﺮﻋﻪ ، ﻭﻋﻠﻰ ﻃﻮﻝ ﺟﺖ ﻗﺪﺍﻣﻲ ﻋﻴﻨﻲ ﺻﻮﺭﺓ ﻭﻟﻴﺪ ﻛﻴﻒ ﺣﻂ ﻳﺪﻩ ﻋﻠﻲ ﻛﺘﻒ ﻋﺒﻴﺮ ، ﻏﻤﻀﺖ ﻋﻴﻮﻧﻲ ﺑﻘﻮﺓ ﻭﻛﺄﻧﻲ ﻧﺒﻲ ﻧﻨﺴﻰ ﺍﻟﻤﺸﻬﺪ
ﻗﻤﺖ ﺭﺍﺳﻲ ﻭﻭﺧﺮﺕ ﻣﻦ ﻭﻟﻴﺪ ، ﻗﻌﻤﺰﺕ ﻭﺍﻋﻄﻴﺘﻪ ﺑﻈﻬﺮﻱ ﺑﻌﺪﻫﺎ ﻧﺰﻟﺖ ﻣﻦ ﺍﻟﻜﻨﺒﺔ ﻭﺍﻣﺸﻴﺖ ﺟﻬﺔ ﺍﻟﺤﻤﺎﻡ ﺑﺪﻭﻥ ﺍﻱ ﻛﻠﻤﺔ
ﻭﻟﻴﺪ ﻗﺎﻋﺪ ﻣﺘﻜﻨﻄﻲ ﻣﻨﻲ ﻣﺎﺗﻜﻠﻤﺶ ، ﺍﻣﺸﻲ ﻟﻠﺤﻤﺎﻡ ﺍﻟﺘﺎﻧﻲ
،،،،،،،،،
ﺗﻜﺴﻠﺖ ﻋﻠﻲ ﺳﺮﻳﺮ، ﺭﻗﺪﺕ ﻣﻦ ﺳﺎﻋﻪ ﺑﺲ ﻣﻤﻜﻦ ، ﺗﺤﺲ ﻓﻲ ﺭﺍﺳﻬﺎ ﺛﻘﻴﻞ ﻣﻦ ﻛﺜﺮ ﺍﻟﺒﻜﻲ ، ﻓﺘﺤﺖ ﻋﻴﻮﻧﻬﺎ ﻣﻦ ﺻﻮﺕ ﺍﻟﺪﻭﺷﺔ ﺍﻟﻲ ﺑﺮﺍ ﺍﻟﺪﺍﺭ ، ﺭﺟﻌﺖ ﺳﻜﺮﺗﻬﻢ ﻭﻓﺠﺄﻩ ﻓﺘﺤﺘﻬﻢ ﺑﺴﺮﻋﻪ ﻭﻗﻌﺪﺕ ﺗﺸﻮﻑ ﺣﻮﺍﻟﻴﻬﺎ ، ﺗﻨﻬﺪﺕ ﻭﺗﺬﻛﺮﺕ ﺍﻟﻲ ﺻﺎﺭ ﺍﻣﺲ ، ﺣﻄﺖ ﻳﺪﻫﺎ ﻋﻠﻲ ﺧﺪﻫﺎ ، ﻭﺟﻌﻬﺎ ، ﺗﻨﻬﺪﺕ ﺑﺤﺰﻥ ﻭﺿﻴﻖ ، ﻧﺎﺿﺖ ﻣﻦ ﺍﻟﺴﺮﻳﺮ ﻭﺍﻣﺸﺖ ﺟﻬﺔ ﺍﻟﻤﺮﺍﻳﻪ ﺷﻬﻬﻘﻘﺖ
ﻛﺎﻥ ﺧﺪﻫﺎ ﻣﺘﻮﺭﻡ
ﻃﻠﻌﺖ ﻣﻦ ﺍﻟﺤﻤﺎﻡ ‏( ﺣﺸﺎﻛﻢ ‏) ، ﺑﻌﺪ ﻣﺎﺣﻄﺖ ﻛﺪﺱ ﻛﺮﻳﻤﻪ ﻋﻠﻲ ﺧﺪﻫﺎ ﻭﻏﻄﺎﺗﻪ ﺑﺸﻌﺮﻫﺎ : ﺻﺒﺎﺡ ﺍﻟﺨﻴﺮ
ﺍﻟﻜﻞ : ﺻﺒﺎﺡ ﺍﻟﻨﻮﺭ
ﺍﻟﺤﺎﺝ ﺭﻣﻀﺎﻥ : ﺗﻌﺎﻟﻲ ﺟﻨﺒﻲ ، ﻭﺍﺷﺮﻟﻬﺎ ﺟﻨﺒﻪ
ﺍﻣﺸﺖ ﻗﻌﻤﺰﺕ ﺟﻨﺐ ﺑﻮﻫﺎ
ﺍﻟﺤﺎﺝ ﺭﻣﻀﺎﻥ : ﻛﻴﻒ ﺣﺎﻟﻚ ﻗﺎﻟﻮ ﺟﻴﺘﻲ ﻣﺘﺎﺧﺮ ﺍﻣﺲ ، ﺭﻗﺪﺕ ﺑﻜﺮﻱ ﺍﻧﻲ
ﻫﺎﺟﺮ ﺍﺑﺘﺴﻤﺖ : ﺍﻳﻪ ﺻﺢ ﺍﻟﻘﻴﺘﻚ ﺭﺍﻗﺪ
ﺍﻟﺤﺎﺝ ﺭﻣﻀﺎﻥ : ﻭﻛﻴﻒ ﺟﺎﻝ ﺍﻳﻤﻦ ، ﻛﻠﻤﻴﻪ ﻳﺠﻲ ﺍﻟﻴﻮﻡ ﻳﺘﻐﺪﻯ ﺍﻫﻨﻲ
ﻫﺎﺟﺮ : ﺗﻮ ﻧﺸﻮﻓﻪ ﻟﻜﻦ ﺍﻟﻴﻮﻡ ﺗﻘﺮﻳﺒﺎ ﻣﺘﻐﺪﻱ ﻋﻨﺪ ﺍﻣﻪ
ﺍﻟﺤﺎﺝ ﺭﻣﻀﺎﻥ : ﺑﺎﻫﻲ ﺑﺮﺍﺣﺘﻪ
ﻣﺤﻤﺪ ﻃﺎﻟﻊ ﻣﻦ ﺩﺍﺭﻩ : ﺻﺒﺎﺡ ﺍﻟﺨﻴﺮ
ﺍﻟﻜﻞ : ﺻﺒﺎﺡ ﺍﻟﻨﻮﺭ
ﺍﻣﻪ : ﺗﻌﺎﻟﻰ ﺍﻓﻄﺮ
ﻣﺤﻤﺪ : ﺗﻮ ﻧﻔﻄﺮ ﻓﻲ ﺍﻟﺠﺎﻣﻌﻪ ، ﻭﺷﺎﻑ ﻟﻬﺎﺟﺮ : ﻫﺎﺩﻱ ﺷﻦ ﻣﻮﺿﻮﻋﻬﺎ
ﻫﺎﺟﺮ ﺑﻠﻌﺖ ﺭﻳﻘﻬﺎ
ﺍﻣﻬﺎ ﺗﻔﻨﺺ ﻓﻴﻪ
ﺍﻟﺤﺎﺝ ﺭﻣﻀﺎﻥ : ﺧﻴﺮﻫﺎ
ﻣﺤﻤﺪ : ﺟﻴﺘﻬﺎ ﺍﻣﺲ ﻓﻲ ﺍﻟﻠﻴﻞ ﻣﺘﺎﺧﺮ ﻭﺭﺍﻫﺎ ﺣﺎﺟﺔ
ﺍﻟﺤﺎﺝ ﺭﻣﻀﺎﻥ ﺷﺎﻑ ﻟﻬﺎﺟﺮ : ﺷﻦ ﻓﻲ ؟
ﺍﻣﻬﺎ ﺗﻔﻨﺺ ﻓﻲ ﻣﺤﻤﺪ : ﻣﺮﺿﺖ ﺷﻮﻳﺔ ﺍﻣﺸﻲ ﺟﺎﺑﻬﺎ ﺗﺮﺗﺎﺡ ﺍﻫﻨﻲ ﺷﻮﻳﺔ
ﻣﺤﻤﺪ ﻗﺎﻳﻢ ﺣﺎﺟﺒﻪ
ﻫﺎﺟﺮ ﺷﺎﻓﺖ ﻻﻣﻬﺎ
ﺍﻟﺤﺎﺝ ﺭﻣﻀﺎﻥ : ﺧﻴﺮﻙ ﻻﺑﺎﺱ
،،،،،،،،،،
ﻭﻟﻴﺪ ﺑﻌﺪ ﺩﻭﺵ ، ﺧﺶ ﻟﻠﺪﺍﺭ ﺑﻴﺎﺧﺪ ﺣﻮﺍﻳﺠﻪ
ﺍﻧﻲ ﻛﻨﺖ ﻣﻘﻌﻤﺰﺓ ﻧﻤﺸﻂ ﻓﻲ ﺷﻌﺮﻱ ، ﺑﻬﺪﻭﺀ : ﺻﺒﺎﺡ ﺍﻟﺨﻴﺮ
ﻭﻟﻴﺪ ﻣﻦ ﻏﻴﺮ ﻣﺎﻳﺸﻮﻓﻠﻲ : ﺻﺒﺎﺡ ﺍﻟﺨﻴﺮ
ﺍﻧﻲ ﻧﻀﺖ ﻃﻠﻌﺖ ﻣﻦ ﺍﻟﺪﺍﺭ ﻭﺍﻣﺸﻴﺖ ﺟﻬﺔ ﺍﻟﻤﻄﺒﺦ ﻭﻗﻌﺪﺕ ﻧﻮﺗﻲ ﻓﻲ ﺍﻟﻔﻄﻮﺭ
ﻭﻟﻴﺪ ﺑﻌﺪ ﻟﺒﺲ ﺣﻮﺍﻳﺠﻪ ﻃﻠﻊ ﺧﺶ ﻟﻠﻤﻄﺒﺦ ﺍﻟﻘﺎﻧﻲ ﺩﺍﻳﺮﻩ ﻓﻄﻮﺭ ، ﺟﺒﺪ ﻛﺮﺳﻲ ﻭﻗﻌﻤﺰ
ﺍﻧﻲ ﻣﻘﻌﻤﺰﺓ ﺑﻬﺪﻭﺀ ﻋﻜﺲ ﺍﻟﻲ ﻓﻲ ﺩﺍﺧﻠﻲ ، ﻭﻣﻨﺰﻟﺔ ﺭﺍﺳﻲ ﻧﺘﻔﺮﺝ ﻋﻠﻲ ﺻﻮﺍﻧﻲ ﺍﻟﻔﻄﻮﺭ
ﻭﻟﻴﺪ ﻳﻬﺰ ﺑﺮﺟﻠﻪ : ﻣﺎﺗﺒﻴﺶ ﺗﺘﻜﻠﻤﻲ
ﺍﻧﻲ ﻗﻠﺒﻲ ﻳﻄﻖ ﺑﻘﻮﺓ
ﻭﻟﻴﺪ : ﺷﻦ ﺍﻟﻲ ﺻﺎﻳﺮﻟﻚ ﺍﻧﺘﻲ ﺑﺎﻟﺰﺑﻂ ﻓﻬﻤﻴﻨﻲ ﻓﻲ ﺷﻦ ﻏﺎﻟﻂ ﺍﻧﻲ ، ﻣﺰﺍﺟﻴﺘﻚ ﻫﺎﺩﻱ ﻣﺶ ﺣﺘﻨﻔﻌﻚ ، ﻭﺍﺟﺒﺪ ﺧﺒﺰﺓ ﻭﻗﻌﺪ ﻳﺎﻛﻞ ﺑﻌﺼﺒﻴﻪ
ﺍﻧﻲ ﺳﺎﻛﺘﻪ ﻭﻛﺎﻥ ﻧﻠﻘﻰ ﻧﺤﻀﻨﻪ ﻭﻧﺒﻜﻲ
ﻭﻟﻴﺪ ﻛﻤﻞ ﻓﻄﻮﺭﻩ ﻧﺎﺽ ﻣﻦ ﻏﻴﺮ ﻭﻟﻰ ﻛﻠﻤﺔ ، ﻃﻠﻊ ﻭﻗﺮﺑﻊ ﺍﻟﺒﺎﺏ
ﺍﻧﻲ ﺧﻨﻘﺘﻨﻲ ﺍﻟﻌﺒﺮﺓ ، ﺣﻄﻴﺖ ﺭﺍﺳﻲ ﺑﻴﻦ ﻳﺪﻳﺎ : ﻳﺎﺍﺭﺑﻲ ﺍﻧﻲ ﺍﻟﻲ ﻧﺪﻳﺮ ﻓﻴﻪ ﺻﺢ ﻭﺍﻻ ﻏﻠﻂ ؟ ﻣﻌﺎﺵ ﻋﺎﺭﻓﻪ ﻛﻴﻒ ﻧﺘﺼﺮﻑ ﻳﺎﺍﺭﺑﻲ ﺳﺎﻋﺪﻧﻲ
ﺍﻣﺎ ﻭﻟﻴﺪ ﻧﺰﻝ ، ﻭﻛﻴﻒ ﺑﻴﺨﺶ ﻟﺤﻮﺵ ﺍﻣﻪ ، ﻃﻠﻌﺖ ﻋﺒﻴﺮ
ﻋﺒﻴﺮ : ﺻﺒﺎﺡ ﺍﻟﺨﻴﺮ ﻭﻟﻴﺪ ، ﻧﺒﻲ ﻧﺘﻜﻠﻢ ﻣﻌﺎﻙ ﻓﻲ ﻣﻮﺿﻮﻉ ﺿﺮﻭﺭﻱ
ﻭﻟﻴﺪ : ﺍﻥ ﺷﺎﺀ ﺍﻟﻠﻪ ﺧﻴﺮ ؟؟
ﻓﻲ ﻫﺎﻟﻠﺤﻈﺔ ﺍﻧﻲ ﺧﺸﻴﺖ ﻟﻠﺼﺎﻟﻮﻥ ، ﺣﻮﻟﺖ ﺍﻟﺴﺘﺎﺭ ، ﻭﻛﻴﻒ ﺑﻨﻔﺘﺢ ﺍﻟﺮﻭﺷﻦ ﺑﻨﻬﻮﻳﻪ ، ﺗﺠﻲ ﻋﻴﻨﻲ ﻋﻠﻲ ﻭﻟﻴﺪ ﻭﻋﺒﻴﺮ
ﺣﺴﻴﻴﺖ ﺑﺤﺎﺟﺔ ﺧﺸﺸﺸﺖ ﻓﻲ ﻗﻠﺒﻲ ، ﺣﺎﺟﺔ ﻃﻌﻨﺘﻨﻲ ، ﻗﻌﺪﺕ ﻭﺍﻗﻔﻪ ﻣﺼﺪﻭﻣﺔ ﻭﻧﺸﻮﻭﻑ ، ﻣﻌﺎﺵ ﻗﺪﺭﺕ ﻧﺸﻮﻓﻬﻢ ﺍﻛﺜﺮ ﻭﻫﻤﺎ ﻳﺘﻜﻠﻤﻮ ، ﺗﻠﻔﺘﺖ ، ﻣﻌﺎﺵ ﻗﺪﺭﺕ ﻧﻮﻗﻒ ﻋﻠﻲ ﺭﺟﻠﻴﺎﺍ ﻃﺤﺖ ﻋﻠﻲ ﺭﻛﺎﺍﺑﻲ ، ﻭﺩﻣﻌﻪ ﺳﺨﻮﻭﻭﻧﻪ ﻧﺰﻟﺖ ﻋﻠﻲ ﺧﺪﻱ
،،،،،،،،،،،،،،
ﻓﻲ ﻧﻔﺲ ﺍﻟﻮﻗﺖ
ﻣﺎﻣﺎ ﻣﻦ ﺍﻟﺪﺭﻭﺝ : ﻧﻮﻭﺍﺍﺍﺍﺍﺍﻝ ﻧﺮﺭﺭﺭﺭﺭﺟﺲ ﻧﻮﻭﻭﺿﻮﻭﻭ
ﻧﻮﺭﺱ ﻃﺎﻟﻌﻪ ﻣﻦ ﺍﻟﻤﻄﺒﺦ : ﺗﻮ ﻧﻌﺮﻑ ﻛﻴﻒ ﺍﻧﻮﺿﻬﻢ ، ﻭﺭﻛﺒﺖ ﻣﻦ ﺍﻟﺪﺭﻭﺝ
ﺍﻭﻝ ﺩﺍﺭ ، ﺩﺍﺭ ﻧﺮﺟﺲ ، ﻓﺘﺤﺖ ﺍﻟﺒﺎﺏ : ﻭﻣﻦ ﺍﻻﺧﻴﻴﻴﻴﺮ ﻋﻠﻴﻴﻴﻪ ﻧﻐﻴﻴﻴﺮ ﻧﺤﺒﻪ ﻧﺤﺒﺒﺒﺒﻪ ، ﻭﺍﻣﺸﺖ ﺟﻬﺔ ﺍﻟﺮﻭﺷﻦ ، ﺗﺤﻮﻝ ﻓﻲ ﺍﻟﺴﺘﺎﺭ ﻭﺗﻐﻨﻲ
ﻧﺮﺟﺲ ﺧﺪﺕ ﻣﺨﺪﻩ ﺣﻄﺘﻬﺎ ﻋﻠﻲ ﺭﺍﺳﻬﺎ
ﻧﻮﺭﺱ ﻓﺘﺤﺖ ﺍﻟﺮﻭﺷﻦ ﻭﻣﺴﺘﻤﺮﺓ ﺗﻐﻨﻲ : ﻭﻫﻴﺎﺍﺍﺍﺍ ﻧﻮﻭﺿﻲ ﻫﻴﺎﺍﺍﺍ ﻫﻴﺎﺍﺍ ﻫﻴﺎﺍﺍ ﻧﻮﻭﺿﻲ ﻫﻴﺎﺍﺍ ﻫﻴﺎﺍﺍﺍ ، ﻭﺗﻠﺤﻦ ﻓﻴﻬﺎ
ﻧﺮﺟﺲ ﻣﺎﺑﺘﺶ ﺗﺘﺤﺮﻙ ، ﻭﻏﺎﻣﻪ ﺭﺍﺳﻬﺎ
ﻧﻮﺭﺱ ﺳﻜﺮﺕ ﺍﻟﺘﻜﻴﻴﻒ ، ﻭﺟﺒﺪﺕ ﻣﻨﻬﺎ ﺍﻟﻮﺭﻏﺎﺍﻥ ، ﻭﺑﻌﺪﻫﺎ ﺟﺖ ﺟﻨﺐ ﺍﻟﺒﺎﺏ ﻭﻗﻌﺪﺕ ﺗﺪﺭﺑﻚ : ﻫﻴﻴﻴﻲ ﻫﻴﻴﻲ ﻳﺎﻟﻠﻠﻪ ﻫﻴﻴﻴﻲ ﻫﻴﻴﻲ ﻳﺎﻟﻠﻪ ﻫﻴﻴﻲ ، ﻭﻧﻮﻭﻭﺿﻲ ﻫﻴﻴﻲ ﻳﺎﻟﻠﻪ ﻫﻴﻴﻲ ﻭﻧﻮﻭﺿﻲ ﻫﻴﻴﻲ ﻳﺎﻟﻠﻪ ﻫﻴﻴﻴﻴﻲ
ﻧﺮﺟﺲ : ﻧﻮﻭﻭﺭﺱ ﻳﺎﺍﺯﻋﺎﺝ ﺑﻄﻠﻲ ﺧﻼﺹ ﻧﻀﺖ ، ﺍﻧﺘﻲ ﺍﺻﻼ ﻋﺎﺭﻓﻴﻨﻚ ﻋﻼﺵ ﻧﺎﺍﻳﻀﻪ ﻭﻧﺎﺷﻄﺔ ﻋﻠﻲ ﺧﺎﻃﺮ ﺑﻨﻤﺸﻮ ﻟﺤﻮﺵ ﻋﻤﺘﻲ
ﻧﻮﺭﺱ ﺍﺗﻜﺖ ﻉ ﺍﻟﺒﺎﺏ : ﻃﺒﻌﺎ ﺍﻣﺎﻻ ﻋﻠﻲ ﺳﻮﺍﺩ ﻋﻴﻮﻧﻚ ، ﻭﺩﺭﺕ ﻛﻴﻜﺔ ، ﻭﻓﻄﻴﺮﺓ
ﻧﺮﺟﺲ : ﻳﺎﺭﻳﺘﻪ ﻛﻞ ﻳﻮﻡ ﺑﻨﻤﺸﻮ ﻟﺤﻮﺵ ﻋﻤﺘﻲ ﺑﺎﺵ ﺗﻨﺰﻝ ﻋﻠﻴﻚ ﺍﻟﻔﻼﺣﺔ
ﻧﻮﺭﺱ ﺗﻠﻔﺘﺖ ﻳﻤﻴﻨﻬﺎ ﺍﻟﻘﺖ ﺟﺎﻛﻴﺖ ﻟﻨﺮﺟﺲ ﻣﺤﻄﻮﻁ ﻉ ﺍﻟﻜﺮﺳﻲ ، ﻭﻭﺍﺿﺢ ﺍﻧﻪ ﻣﺤﺪﺩ ﻭﻣﺴﺎﻭﻱ ، ﻗﺎﺍﻣﺘﻪ ﻭﺣﺬﻓﺎﺍﺗﻪ ﻋﻠﻴﻪ
ﻧﺮﺟﺲ : ﻻﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍ ﺣﺪﺩﺩﺩﺗﻪ ﺍﻣﻤﻤﻤﻤﺲ ، ﻭﻧﺎﺿﺖ ﺗﺠﺮﻱ ﺑﺘﺠﺮﻱ ﻭﺭﺍﻫﺎ
ﻧﻮﻭﻭﺭﺱ ﻃﻠﻠﻌﺖ ﺗﺠﺮﺭﻱ ﻭﺍﻣﺸﺖ ﻟﺪﺍﺭ ﻧﻮﺍﻝ ، ﻭﻓﺘﺤﺖ ﺑﺴﺮﺭﻋﻪ ﻭﺧﺸﺖ ﺗﺠﺮﻱ ، ﻭﻗﻔﺖ ﻭﺭﺍ ﺳﺮﻳﺮ ﻧﻮﺍﻝ
ﻧﻮﺍﻝ ﺍﻧﺨﻠﻌﺖ ﻣﻦ ﻓﺘﺤﻪ ﺍﻟﺒﺎﺏ ﺑﺴﺮﻋﻪ ﻭﺍﻟﺠﺮﻱ : ﻳﺎﺍﺍﺍﺑﻬﻴﻴﻴﻴﻤﻪ ﺍﻃﻠﻌﻴﻴﻴﻲ ﺑﺮﺍﺍﺍ
ﻧﺮﺟﺲ ﺧﺎﺷﻪ ﺗﺠﺮﻱ ﻭﺭﺍ ﻧﻮﺭﺱ ، ﻭﺗﻨﻘﺰ ﻓﻮﻕ ﺳﺮﻳﺮ ﻧﻮﻭﺍﻝ
ﻧﻮﺍﻝ : ﻳﺎﺍﺍﺍﺣﻴﻮﺍﺍﺍﺍﻧﺎﺕ ﺍﻗﻠﺒﻮﻭﻭ ﻭﺟﻮﻫﻜﻢ ﻳﺎﻣﺎﺍﺍﺍﺍﺍﺍﺍﺍﺍﺍﻣﺎﺍﺍﺍﺍ
ﻧﺮﺟﺲ ﻧﻘﺰﺕ ﻣﻦ ﻓﻮﻕ ﻧﻮﺍﻝ ﻟﺠﻬﺔ ﻧﻮﺭﺱ ، ﻭﺷﺪﺗﻬﺎﺍ : ﺗﻮﺍﺍﺍ ﺗﺤﺪﺍﺩﻳﻬﺎﺍﺍﻟﻲ
ﻧﻮﺭﺱ : ﻫﻬﻬﻬﻬﻪ ﺑﺸﺮﺭﻁ
ﻧﺮﺟﺲ : ﻣﺎﺍﺻﺢ ﻭﺟﻬﻚ ﻗﺎﻋﺪﻩ ﺗﺸﺮﻃﻲ
ﻧﻮﺭﺱ : ﺷﺮﺭﻁ ﺳﺎﺍﺍﻫﻞ ، ﺍﻧﻮﺿﻮ ﻧﻮﺍﻝ ﻭﻣﺎﻧﺨﻠﻮﻫﺎﺵ ﺗﺮﻗﺪ ﺗﺎﻧﻲ
ﻧﻮﺍﻝ ﻏﺎﻣﻪ ﺭﺍﺳﻬﺎ ﺑﺎﻟﻤﺨﺎﺍﺩ ، ﻃﻠﻌﺖ ﻳﺪﻫﺎﺍ ﻭﻗﻌﺪﺕ ﺗﺪﻭﺭ ﻓﻲ ﺍﻟﺮﻓﻮﻑ ﺍﻟﻲ ﺟﻨﺐ ﺍﻟﺴﺮﻳﺮ ، ﺷﺪﺕ ﺍﻟﻔﻴﺎﻕ
ﻧﺮﺟﺲ : ﻛﺎﻥ ﻋﻠﻲ ﻫﻜﻲ ﺑﺲ ﺳﺎﺍﻫﻠﻪ ﺍﻟﻤﻬﻢ ﺟﺎﻛﻴﺘﻲ ﺗﺤﺪﺍﺩﻳﻪ
ﻧﻮﺍﻝ ﺣﺬﺫﻓﺖ ﺍﻟﻔﻴﺎﺍﻕ ﺟﻬﺘﻬﻢ ، ﻭﻳﺠﻲ ﻉ ﺍﻟﺤﻴﻂ
ﻧﻮﺭﺱ ﻭﻧﺮﺟﺲ : ﻫﻬﻬﻬﻬﻬﻪ
ﻧﻮﺭﺱ ﺍﻣﺸﺖ ﺟﻬﺔ ﺍﻟﺮﻭﺷﻦ ، ﻓﺘﺤﺎﺗﻪ
ﻧﺮﺟﺲ ﺟﺒﺪﺕ ﻣﻨﻬﺎ ﺍﻟﻮﺭﻏﺎﺍﻥ
ﻧﻮﺍﻝ ﺗﺴﺐ ﻭﺗﻠﻌﻦ
ﻧﻮﺭﺱ ﺳﻜﺮﺕ ﺍﻟﺘﻜﻴﻴﻒ ، ﻭﻧﻘﺰﻭ ﻫﻤﺎ ﺍﻟﺰﻭﺯ ﻓﻮﻕ ﺍﻟﺴﺮﻳﺮ ، ﻭﻗﻌﺪﻭ ﻳﻨﻘﺰﻭ
ﻭﻧﻮﺍﻝ ﺗﺤﺘﻬﻢ ، ﻣﺮﺓ ﻳﻌﻔﺴﻮ ﻋﻠﻲ ﺭﺟﻠﻬﺎ ﻣﺮﺓ ﻋﻠﻲ ﻳﺪﻫﺎﺍﺍ
ﻧﻮﺍﻝ ﻗﻌﻤﺰﺕ ، ﺷﺪﺕ ﺭﺟﻞ ﻧﺮﺟﺲ ﻭﺟﺒﺪﺗﻬﺎ ، ﺧﻠﺘﻬﺎ ﺗﻄﻴﺢ ﻣﻦ ﻋﻠﻲ ﺍﻟﺴﺮﻳﺮ ، ﻭﺗﻠﻔﺘﺖ ﻟﻨﻮﺭﺱ ﺑﺘﺠﺒﺪﻟﻬﺎ ﺭﺟﻠﻬﺎ
ﻧﻮﺭﺱ ﻧﻘﺰﺕ ﺗﺠﺮﻱ ﻣﻦ ﺍﻟﺴﺮﻳﺮ ﻭﺗﻌﺘﺮ ﺗﺠﻲ ﻃﺎﻳﺢ ﻋﻠﻲ ﻭﺟﻬﻬﺎ
ﻧﻮﺍﻝ : ﻫﻬﻬﻬﻬﻬﻪ ﺗﺴﺘﺎﻫﻠﻮ ﻳﺎﻛﻠﺒﺎﺍﺍﺕ ﺍﻗﻠﺒﻮ ﻭﺟﻮﻫﻜﻢ ﺗﻮﺍ ﻫﻲ
ﻧﻮﺭﺱ ﻭﻧﺮﺟﺲ ﻗﻌﻤﺰﻭ ، ﻧﻮﺭﺱ ﺗﺤﺴﺲ ﻓﻲ ﺟﺒﻬﺘﻬﺎ ﺍﻟﻲ ﻃﺎﺣﺖ ﻋﻠﻴﻬﺎ ، ﻭﻧﺮﺟﺲ ﺗﺤﺴﺲ ﻓﻲ ﻳﺪﻫﺎ ، ﻭﺷﺎﻓﻮ ﻟﺒﻌﺾ ﻭﺟﺘﻬﻢ ﻫﻴﺴﺘﻴﺮﻳﺎ ﺿﺤﻚ : ﻫﻬﻬﻬﻬﻬﻬﻬﻬﻬﻬﻬﻬﻪ
ﻧﻮﺍﻝ ﻣﻦ ﻣﻨﺎﻇﺮﻫﻢ ﻗﻌﺪﺕ ﺗﻀﺤﻚ : ﻫﻬﻬﻬﻬﻬﻪ
<< ﺿﺤﻜﺔ ﻫﺒﻞ ﻭﺑﺮﺍﺀﺓ ﻣﻊ ﺃﺧﻮﺍﺗﻲ ﻣﻦ ﺃﺟﻤﻞ ﺍﻟﻠﺤﻈﺎﺕ ﺟﻤﺎﻻً ، ﻫﻤﻨﺎ ﺍﻟﻮﺣﻴﺪ ﻫﻮ ﺍﺯﻋﺎﺝ ﺑﻌﻀﻨﺎ ، ﻟﻴﺖ ﺍﻷﻳﺎﻡ ﺗﻌﻮﺩ ﻭﻧﺠﺘﻤﻊ ﻋﺎﺋﻠﺔ ﻛﺎﻣﻠﺔ ﻣﻦ ﺟﺪﻳﺪ ﺑﻮﺟﻮﺩ ﺃﺑﻲ ﻭﻟﺘﺮﺟﻊ ﺗﻠﻚ ﺍﻟﺴﻌﺎﺩﺓ ﻭﺍﻟﻀﺤﻜﺎﺕ ﺍﻟﺤﻘﻴﻘﻴﻪ >>
،،،،،،،،،،،،،،
ﻋﺒﻴﺮ : ﺃﻣﺲ ﻟﻤﺎ ﻛﻠﻤﺘﻚ ﻭﻗﻠﺘﻠﻚ ﺑﻨﺮﺟﻊ ﻟﺸﻘﺘﻲ ﺑﻌﺪ ﻃﻠﻌﺖ ﺍﻧﺖ ، ﻭﺳﻜﺘﺖ
ﻭﻟﻴﺪ : ﻛﻤﻠﻲ ﺑﻌﺪ ﻃﻠﻌﺖ ؟
ﻋﺒﻴﺮ : ﻛﺎﻧﺖ ﻧﺴﻴﺒﺔ ﻭﺍﻗﻔﻪ ﻓﻲ ﺍﻟﺪﺭﻭﺝ ﻭﺷﻜﻠﻬﺎ ﻓﻬﻤﺖ ﻏﻠﻂ ، ﻟﻤﺎ ﺷﺎﻓﺘﻠﻲ ﻓﻬﻤﺖ ﺍﻧﻬﺎ ﻓﻬﻤﺖ ﻏﻠﻂ ﻭﺣﺘﻰ ﺍﻧﻬﺎ ﻣﻌﺎﺵ ﻧﺰﻟﺖ ﺍﻧﻲ ﻣﺎﻧﺒﻴﺶ ﺗﺼﻴﺮ ﻣﺸﻜﻠﺔ ﺑﺴﺒﺒﻲ
ﻭﻟﻴﺪ ﺍﻧﺼﺪﻡ : ﻫﻲ ﻫﺬﺍ ﻋﻼﺵ ، ﻭﺳﻴﺐ ﻋﺒﻴﺮ ﺗﺪﻭﻱ ﺑﺮﻭﺣﻬﺎ ﻭﺭﻛﺐ ﻳﺠﺮﻱ
ﺍﻧﻲ ﻛﻨﺖ ﻣﻘﻌﻤﺰﺓ ﺗﺤﺖ ﺍﻟﺮﻭﺷﻦ ﻭﺳﺎﻧﺪﺓ ﺭﻭﺣﻲ ﻉ ﺍﻟﺤﻴﻂ ، ﻭﺩﻣﻮﻋﻲ ﻳﻨﺰﻟﻮ ، ﻧﺒﻲ ﻧﻮﻗﻒ ﻧﺸﻮﻑ ﻣﻦ ﺍﻟﺮﻭﺷﻦ ﺷﻦ ﺍﻟﻲ ﻗﺎﻋﺪ ﻳﺼﻴﺮ ﻧﺒﻲ ﻧﺰﻳﺪ ﻧﺘﺄﻛﺪ ﺍﻧﻲ ﻣﺎﺷﻔﺘﺶ ﻭﻫﻢ ، ﻧﺒﻲ ﻧﻮﻗﻒ ﻧﺸﻮﻑ ﻭﻣﺎﻧﻠﻘﺎﺵ ﻭﻟﻴﺪ ﻭﺍﻗﻒ ﻋﻠﻴﻬﺎ
ﻭﻟﻴﺪ ﻓﺘﺢ ﺑﺎﺏ ﺍﻟﺸﻘﻪ ﺑﺴﺮﻋﻪ ، ﺧﺶ ﻋﻠﻲ ﻃﻮﻝ ﺷﺎﻑ ﻟﺒﺎﺏ ﺍﻟﺼﺎﻟﻮﻥ ﺍﻟﻤﻔﺘﻮﺡ ، ﺧﺸﺶ ﺭﺍﺳﻪ ﻭﺷﺎﻑ
ﺍﻧﻲ ﻣﻦ ﻛﺜﺮ ﺍﻻﻓﻜﺎﺭ ﺍﻟﻲ ﻓﻲ ﺭﺍﺳﻲ ﻭﺍﻻﻟﻢ ﺍﻟﻲ ﻧﺤﺲ ﺑﻴﻪ ، ﻣﺎﺳﻤﻌﺘﺶ ﺣﺘﻰ ﺻﻮﺕ ﺍﻟﺒﺎﺏ ﻛﻴﻒ ﺍﻧﻔﺘﺢ ﻭﺗﺴﻜﺮ ، ﺳﺎﻧﺪﺓ ﺭﺍﺳﻲ ﻉ ﺍﻟﺤﻴﻂ ﻭﺩﻣﻮﻋﻲ ﺗﻨﺰﻝ
ﻭﻟﻴﺪ ﻟﻤﺎ ﺷﺎﻓﻨﻲ ﻫﻜﻲ ﺍﻧﺼﺪﻡ ﺩﻑ ﺍﻟﺒﺎﺏ ﻭﺧﺶ ، ﻳﻘﺮﺏ ﻣﻨﻲ ﺑﺨﻄﻮﺍﺕ ﺳﺮﻳﻌﻪ ﻭﻛﻴﻒ ﺑﻴﻄﺒﺴﻠﻲ ﺷﺎﻑ ﻟﻠﺮﻭﺷﻦ ، ﻛﺎﻧﺖ ﻋﺒﻴﺮ ﻗﺎﻋﺪﻩ ﻭﺍﻗﻔﻪ ﻓﻲ ﻣﻜﺎﻧﻬﺎ ، ﻋﺮﻑ ﺍﻧﻲ ﺷﻔﺘﻬﻢ ، ﻗﻌﻤﺰ ﻋﻠﻲ ﺭﻛﺎﺑﻪ : ﻧﻮﺳﻪ
ﺍﻧﻲ ﻟﻤﺎ ﺳﻤﻌﺖ ﺻﻮﺗﻪ ﺣﺴﻴﺖ ﺑﻘﻠﺒﻲ ﻧﻘﺰ ﻣﻦ ﻣﻜﺎﻧﻪ ، ﻓﺘﺤﺖ ﻋﻴﻮﻧﻲ
ﻭﻟﻴﺪ ﻛﺎﻥ ﻳﺸﻮﻓﻠﻲ ﺑﺨﻮﻑ : ﺣﺒﻴﺒﺘﻲ ﺧﻴﺮﻙ ؟
ﺍﻧﻲ ﻗﻌﺪﺕ ﻧﺒﻜﻲ ﺍﻛﺜﺮ ، ﻭﺩﻓﻴﻴﻴﺘﻪ
ﻭﻟﻴﺪ ﻃﺎﺡ ﻻﻧﻪ ﻛﺎﻥ ﻣﻘﻌﻤﺰ ﻋﻠﻲ ﺭﻛﺎﺑﻪ
ﺍﻧﻲ ﻭﻗﻔﺖ ﻭﻧﺒﻜﻲ
ﻭﻟﻴﺪ ﻭﻗﻒ ﺑﺴﺮﻋﻪ ، ﻭﺷﺪ ﻳﺪﻳﺎ : ﻧﻮﺳﻪ ﺍﻫﺪﻱ ﺣﺒﻴﺒﺘﻲ
ﺍﻧﻲ ﻧﺒﻜﻲ : ﻋﻼﺍﺍﺵ ﻗﻮﻭﻟﻲ ﻋﻼﺵ ، ﻭﺗﻠﻔﺘﺖ ﺟﻬﺔ ﺍﻟﺮﻭﺷﻦ ﻭﻗﻌﺪﺕ ﻧﺄﺷﺮ ، ﻣﻌﺎﺵ ﻗﺪﺭﺕ ﻧﻨﻄﻖ ، ﻭﻧﺒﻜﻲ
ﻭﻟﻴﺪ ﺟﺒﺪﻧﻲ ﻭﺣﻀﻨﻲ ﺑﻘﻮﺓ
ﺍﻧﻲ ﺗﺸﺒﺒﺖ ﻓﻴﻪ ﻭﻗﻌﺪﺕ ﻧﺒﻜﻲ ﺍﻛﺜﺮ : ﻉ ﻉ ﻋﻼﺵ
ﻭﻟﻴﺪ ﻗﺎﻃﻌﻨﻲ ، ﻭﻫﻮ ﻳﻤﺴﺢ ﻋﻠﻲ ﺷﻌﺮﻱ : ﺍﺳﺴﺲ ﺧﻼﺍﺹ ﺣﺒﻴﺒﺘﻲ ﺍﻫﺪﻱ ، ﻋﻼﺵ ﺗﺪﻳﺮﻱ ﻓﻲ ﺭﻭﺣﻚ ﻫﻜﻲ ﻳﺎﺭﻭﺣﻲ ، ﺍﻧﺘﻲ ﺣﺒﻴﺒﺘﻲ ﻣﺴﺘﺤﻴﻞ ﻧﺸﻮﻑ ﻟﻐﻴﺮﻙ
ﺍﻧﻲ ﻣﺘﺸﺒﺘﻪ ﻓﻴﻪ ﺑﺎﻟﻘﻮﺓ ﻭﻧﺒﻜﻲ ، ﻫﺪﺍ ﺍﻟﻲ ﻛﻨﺖ ﻣﺤﺘﺎﺟﺎﺗﻪ ﺣﻀﻨﻪ ، ﺣﻀﻨﻪ ﻳﺨﻔﻒ ﻋﻠﻴﺎ ﻛﻞ ﺍﻵﻻﻡ ﺣﺘﻰ ﻟﻮ ﻛﺎﻥ ﻫﻮ ﺍﻟﺴﺒﺐ ﻓﻴﻬﺎ ، ﻫﻮ ﺍﻟﻲ ﻳﺠﺮﺣﻨﻲ ﻭﻫﻮ ﺍﻟﻲ ﻳﺪﺍﻭﻳﻨﻲ ، ﻫﻮ ﺍﻟﻲ ﻳﻮﺟﻌﻨﻲ ﻭﻳﺨﻔﻒ ﻋﻠﻴﺎ ، ﻣﺎﻓﻴﺶ ﻏﻴﺮﻩ ﻳﻘﺪﺭ ﻳﺨﻔﻒ ﻋﻠﻴﺎ ﻣﺎﻓﻴﺶ ﻏﻴﺮﻩ ﻳﻘﺪﺭ ﻳﺪﺍﻭﻱ ﻛﻞ ﺷﻲ ﻓﻴﺎ
<< ﺃﻧﺖ ﺑﻴﺘﻲ ﻭﻣﺄﻭﺍﻱ ، ﺃﻧﺖ ﺍﻟﺤﻀﻦ ﺍﻟﺪﺍﻓﻲ ، ﺃﻧﺖ ﺳﻨﺪﻱ ، ﺣﺘﻰ ﻟﻮ ﺃﻧﺖ ﻣﻦ ﺟﺮﺣﻨﻲ ﺩﺍﺋﻤﺎ ﻣﺎﺃﻟﺠﺄ ﺇﻟﻴﻚ ، ﺃﻧﺖ ﻣﻦ ﻳﺮﺟﻊ ﻟﻲ ﻗﻮﺗﻲ ﺃﺛﻨﺎﺀ ﺿﻌﻔﻲ ، ﺃﻧﺖ ﻣﻦ ﺃﺣﺘﺎﺝ ﻋﻨﺪ ﺇﻧﻜﺴﺎﺭﻱ ، ﺃﻧﺖ ﻭﺣﺪﻙ ﻓﻘﻂ >>
ﺃﻧﻲ ﺩﻓﻴﺘﻪ ﺑﻘﻮﻭﺓ ﻭﻭﺧﺮﺕ ، ﻭﺍﻧﻲ ﻧﺒﻜﻲ : ﻋﻼﺍﺵ ﻗﻮﻟﻲ ﻋﻼﺍﺵ ﻧﺒﻲ ﻧﻌﺮﻑ ﻋﻼﺵ ﺑﺲ
ﻭﻟﻴﺪ : ﻧﻮﺳﻪ ﺣﺒﻴﺒﺘﻲ ﺍﻫﺪﻱ ، ﺍﻧﻲ ﻧﺤﺒﻚ ﺍﻧﺘﻲ ، ﺍﻧﺘﻲ ﺑﺲ ، ﻭﺍﺷﺮ ﻋﻠﻲ ﻗﻠﺒﻪ : ﻣﺴﺘﺤﻴﻞ ﻧﺸﻮﻑ ﻻﻱ ﻭﺣﺪﺓ ﻏﻴﺮﻙ ﻭﻻ ﻧﻔﻜﺮ ﻓﻴﻬﺎ ﺍﻧﺘﻲ ﺣﻴﺎﺍﺗﻲ ﻓﻬﻤﺘﻲ
ﺍﻧﻲ ﻧﺒﻜﻲ ﻭﻧﺸﻬﻖ : ﺏ ﺑﺎﻩ ﻉ ﻋﻼﺵ ﺕ ﺗﺤﻂ ﻳﺪ ﺩﻙ ﻋﻞ ﻋﻠﻲ ﻛﺘﻔﻬﺎ ﻉ ﻋﻼﺵ ﺕ ﺗﻠﻢ ﺗﻠﻤﺲ ﻓﻴﻬﺎ
ﻭﻟﻴﺪ ﻣﺴﺘﻐﺮﺏ ﻭﻣﺶ ﻓﺎﻫﻢ ﺷﻲ ﻣﻦ ﻛﻼﻣﻲ ﻻﻧﻪ ﻣﻘﻄﻊ : ﻧﻮﺳﻪ ﺍﻫﺪﻱ
ﺍﻧﻲ ﻗﺪﻣﺖ ﺟﻬﺘﻪ ﺑﺴﺮﻋﻪ ﻭﺍﺿﺒﻄﺘﻪ ﺑﻘﻮﺓ ﻭﻗﻌﺪﺕ ﻧﺒﻜﻲ ﺍﻛﺜﺮﺭ
ﻭﻟﻴﺪ ﺧﺎﻑ ﻋﻠﻴﺎ ﻣﻦ ﻛﺜﺮ ﺍﻟﺒﻜﻲ ، ﺍﻭﻝ ﻣﺮﺓ ﻳﺸﻮﻓﻨﻲ ﺑﺎﻟﺸﻜﻞ ﻫﺬﺍ ، ﻗﻌﺪ ﻳﻤﺴﺢ ﻋﻠﻲ ﻇﻬﺮﻱ ﻭﻳﺤﺎﻭﻝ ﻳﻬﺪﻳﻨﻲ
ﺍﻧﻲ ﺷﺎﺩﺍﺗﻪ ﺑﻴﺪﻳﺎ ﺑﻘﻮﻭﺓ ﻭﺣﺎﻃﺔ ﻭﺟﻬﻲ ﻓﻲ ﻛﺘﻔﻪ ﻭﻧﺒﻜﻲ
ﻭﻟﻴﺪ ﻳﻤﺴﺢ ﻋﻠﻲ ﺷﻌﺮﻱ ﺑﻴﺪﻩ : ﺧﻼﺹ ﻳﺎﺭﻭﺣﻲ ﻋﻼﺵ ﺗﺪﻳﺮﻱ ﻓﻲ ﺭﻭﺣﻚ ﻫﻜﻲ ﺑﺲ ، ﻧﺤﺒﻚ ﺍﻧﺘﻲ ﺑﺲ ﺍﻧﻲ ﻭﺍﻟﻠﻪ ﻧﺤﺒﻚ ﺍﻧﺘﻲ ﺑﺲ ، ﺧﻼﺹ ﻳﺎﺭﻭﺣﻲ ، ﻭﺑﺎﺱ ﻋﻠﻲ ﺭﺍﺳﻲ
ﻗﻌﺪﺕ ﺣﺎﻃﺔ ﻭﺟﻬﻲ ﻓﻲ ﻛﺘﻔﻪ ﻭﺑﻜﻴﺖ ﺑﻜﻴﺖ ﻟﻴﻦ ﺣﺴﻴﺖ ﺭﻭﺣﻲ ﻓﺮﻏﺖ ﻛﻞ ﺍﻟﻲ ﻓﻲ ﻗﻠﺒﻲ
ﻭﻟﻴﺪ ﺣﺴﻨﻲ ﻫﺪﻳﺖ ﺷﻮﻳﺔ ، ﻗﺎﻣﻠﻲ ﺭﺍﺳﻲ ﻣﻦ ﻋﻠﻲ ﻛﺘﻔﻪ ، ﺑﺎﺱ ﻋﻠﻲ ﺟﺒﻴﻨﻲ ﻭﺣﻮﻝ ﺍﻟﺨﺼﻼﺕ ﺍﻟﺲ ﻋﻠﺲ ﻭﺟﻬﻲ ﻭﻗﻌﺪ ﻳﻤﺴﺢ ﻓﻲ ﺩﻣﻮﻋﻲ
ﺍﻧﻲ ﻗﺎﻋﺪﻩ ﻧﺸﻬﻖ ﻣﻦ ﻛﺜﺮ ﺍﻟﺒﻜﻲ ، ﻗﺎﺍﻭﻣﺖ ﻳﺪﻳﻪ ﻭﺭﺩﻳﺖ ﺭﺍﺳﻲ ﻋﻠﻲ ﻛﺘﻔﻪ ، ﻭﺣﻀﻨﺘﻪ ﺑﻘﻮﺓ : ﻣﺶ ﺣﻨﺨﻠﻴﻬﺎ ﺗﺎﺧﺪﻙ ﻣﻨﻴﻲ
ﻭﻟﻴﺪ : ﻫﻬﻬﻬﻪ ﻣﺎﻓﻲ ﺣﺪ ﻳﻘﺪﺭ ﻳﺎﺧﺪﻧﻲ ﻣﻨﻚ ﺧﻼﺹ ﻳﺎﻣﺠﻨﻮﻧﻪ ﺑﻄﻠﻲ ، ﺣﺒﻴﺒﺘﻲ ﻋﻼﺵ ﺗﺨﻮﻓﻲ ﻓﻴﺎ ﻋﻠﻴﻚ ﻫﻜﻲ ، ﺍﻧﻲ ﻧﺤﺒﻚ ﺍﻧﺘﻲ ﺑﺲ
ﺍﻧﻲ ﻧﺒﻴﺶ ﻧﺤﻮﻝ ﻣﻦ ﺣﻀﻨﻪ ، ﺑﺲ ﺍﻫﺪﻳﺖ ﻭﻭﻗﻔﻮ ﺩﻣﻮﻋﻲ
ﻭﻟﻴﺪ ﺣﺎﻁ ﻳﺪﻩ ﻋﻠﻲ ﻇﻬﺮﻱ ، ﻭﻗﻌﺪ ﻳﻤﺸﻲ ﻭﻫﻮ ﺳﺎﻧﺪﻧﻲ ﻋﻠﻴﻪ ، ﻃﻠﻌﻨﺎ ﻣﻦ ﺍﻟﺼﺎﻟﻮﻥ ، ﻭﺍﻣﺸﻲ ﺟﻬﺔ ﺍﻟﻤﻄﺒﺦ
ﺍﻧﻲ ﻣﻨﺴﻨﺪﺓ ﻋﻠﻴﻪ ﻭﻧﺤﺲ ﻓﻲ ﺭﻭﺣﻲ ﺿﻌﻴﻔﻪ ﻭﻣﺎﻋﻨﺪﻳﺶ ﺟﻬﺪ
ﻭﻟﻴﺪ ﺻﺒﻠﻲ ﻣﻴﻪ ، ﻭﻭﺧﺮﻧﻲ ﻋﻠﻴﻪ : ﺧﻮﺩﻱ ﺍﺷﺮﺑﻲ
ﺍﻧﻲ ﻧﺸﻮﻓﻠﻪ ﻭﻣﺘﺸﺒﺘﻪ ﻓﻴﻪ
ﻭﻟﻴﺪ ﺧﺪﻱ ﺍﻟﻄﺎﺳﻪ ﻭﻗﻌﺪ ﻳﺸﺮﺏ ﻓﻴﺎ ﻛﻴﻒ ﺍﻟﺒﻴﺒﻲ ، ﺑﻌﺪﻫﺎ ﺍﻣﺸﻴﻨﺎ ﻟﻠﺼﺎﻟﻪ
ﻗﻌﻤﺰﻧﺎ ﻉ ﺍﻟﺼﺎﻟﻮﻥ ، ﻭﺍﻧﻲ ﻗﺎﻋﺪﻩ ﻣﺘﺸﺒﺘﻪ ﻓﻴﻪ
ﻭﻟﻴﺪ ﻳﻤﺴﺢ ﻋﻠﻲ ﺭﺍﺳﻲ ﺑﺤﻨﺎﻥ : ﺑﻜﺎﺍﻳﻪ
ﺍﻧﻲ ﺍﺑﺘﺴﻤﺖ ﻏﺼﺒﻦ ﻋﻨﻲ ، ﻋﻠﻲ ﻗﺪ ﻣﺎﻧﻜﻮﻥ ﺯﻋﻼﻧﻪ ﺑﺲ ﻛﻠﻤﺘﻪ ﻫﺎﺩﻱ ﺗﺨﻠﻲ ﻓﻴﺎ ﻧﺒﺘﺴﻢ ﻻﺍﺭﺍﺩﻳﺎ
ﻭﻟﻴﺪ : ﻭﻣﺮﺗﻲ ﺍﻟﺒﻜﺎﻳﺔ ، ﺍﻧﺘﻲ ﺗﻘﻮﻟﻲ ﺗﺒﻲ ﺗﺠﻴﺒﻲ ﺑﻴﺒﻲ ، ﺑﻌﺪﻫﺎ ﻟﻤﺎ ﻳﺒﻜﻲ ﻛﻴﻒ ﺗﺪﻳﻴﺮﻱ ، ﻭﻃﺒﺲ ﺭﺍﺳﻪ ﻋﻠﻴﺎ : ﺗﻘﻌﺪﻱ ﺗﺒﻜﻲ ﺍﻧﺘﻲ ﻭﻳﺎﻩ ؟
ﺍﻧﻲ : ﻫﻬﻬﻬﻪ
ﻭﻟﻴﺪ : ﻭﺍﺧﻴﻴﻴﻴﺮﺍ ﻛﺎﻥ ﻧﻌﺮﻑ ﻧﺰﻏﺮﺕ ﺭﺍﻫﻮ ﺯﻏﺮﺕ ﺑﺎﻫﻲ ﺍﻟﻲ ﺷﻔﺖ ﺿﺤﻜﺘﻚ
ﺍﻧﻲ : ﻫﻬﻬﻬﻪ ﻳﺎﺳﺮ
ﻭﻟﻴﺪ ﺑﺎﺱ ﻋﻠﻲ ﺭﺍﺳﻲ : ﻭﺍﻟﻠﻪ ﺧﻮﻓﺘﻴﻨﻲ ﻋﻠﻴﻚ ﻳﺎﻣﺸﻔﺸﻔﻪ
ﺍﻧﻲ ﻭﺧﺮﺕ ﻣﻦ ﻋﻠﻴﻪ ، ﻭﻗﻌﺪﺕ ﻧﺸﻮﻑ ﻟﻌﻴﻮﻧﻪ
ﻭﻟﻴﺪ ﺷﺎﻓﻠﻲ ﺍﺑﺘﺴﻢ
ﺍﻧﻲ : ﻋﻼﺵ ﺣﻄﻴﺖ ﻳﺪﻙ ﻋﻠﻲ ﻛﺘﻔﻬﺎ ؟
ﻭﻟﻴﺪ ﺷﺎﻓﻠﻲ ﺑﺎﺍﺳﺘﻐﺮﺍﺏ : ﻣﻦ ؟
ﺍﻧﻲ : ﻣﻦ ﺣﻴﻜﻮﻥ ﻋﺒﻴﺮ ؟
ﻭﻟﻴﺪ : ﺍﻧﻲ ﺣﻄﻴﺖ ﻳﺪﻱ ﻋﻠﻲ ﻛﺘﻔﻬﺎ ؟؟؟ !!!
ﺍﻧﻲ : ﺍﻳﻪ ﻳﺎﻭﻟﻴﺪ ﺷﻔﺘﻚ ﺑﻌﻴﻮﻧﻲ
ﻭﻟﻴﺪ ﻣﺴﺘﻐﺮﺏ ، ﺑﻌﺪﻫﺎ ﺗﺬﻛﺮ : ﺍﻫﺎ ﺍﻣﺲ ﻗﺼﺪﻙ
ﺍﻧﻲ ﻋﻴﻮﻧﻲ ﻣﻌﺒﻴﺎﺕ ﺩﻣﻮﻉ ﻭﻣﻘﻬﻮﺭﺓ
ﻭﻟﻴﺪ : ﻭﺍﻟﻠﻪ ﻳﺎﺣﺒﻴﺒﺘﻲ ﺍﻛﻴﺪ ﺣﺮﻛﺔ ﻋﻔﻮﻳﺔ ، ﻭﺍﻟﻠﻪ ﻣﺎﻗﺼﺪﻱ ، ﻭﺑﻌﺪﻳﻦ ﻫﻲ ﺗﺒﻲ ﺗﺮﺟﻊ ﻟﺸﻘﺘﻬﺎ
ﺍﻧﻲ : ﺍﻳﻪ ﻭﺍﻧﺖ ﺯﻋﻼﻥ ﻻﻧﻬﺎ ﺣﺘﺮﺟﻊ ﻟﺸﻘﺘﻬﺎ ﻭﺗﻘﻮﻟﻠﻬﺎ ﻛﺎﻥ ﺗﺒﻲ ﺣﺎﺟﺔ ﺍﺗﺼﻠﻲ ﺑﻴﺎ ، ﻭﻟﻔﺘﺖ ﻭﺟﻬﻲ
ﻭﻟﻴﺪ ﻋﺪﻟﻞ ﻣﻦ ﺗﻘﻌﻤﻴﺰﺗﻪ ، ﻣﺪ ﻳﺪﻱ ﻭﻟﻔﻠﻲ ﻭﺟﻬﻲ ﺟﻴﻬﺘﻪ
ﺍﻧﻲ ﻣﻨﺰﻟﺔ ﻋﻴﻮﻧﻲ ، ﻧﺰﻟﺖ ﻣﻨﻲ ﺩﻣﻌﻪ
ﻭﻟﻴﺪ ﻣﺴﺤﻬﺎ ﺑﺴﺮﻋﻪ : ﺍﻧﻲ ﻧﺤﺒﻚ ﻫﺎﺩﻱ ﺣﺎﺟﺔ ﻻﺯﻡ ﺗﻌﺮﻓﻴﻬﺎ ، ﻧﺤﺒﻚ ﺍﻧﺘﻲ ﺑﺲ ، ﺍﻧﺘﻲ ﺍﻟﻮﺣﻴﺪﺓ ﺍﻟﻲ ﻓﻲ ﻗﻠﺒﻲ ، ﻧﻮﺳﺔ ﻛﺒﺮﻳﻠﻲ ﻋﻘﻠﻚ ﺷﻮﻳﺔ ، ﻭﺍﻟﻠﻪ ﺣﺮﻛﺔ ﻣﺎﻣﻘﺼﻮﺩﺓ ، ﻭﺑﻌﺪﻳﻦ ﺍﻟﻤﺮﺍ ﺍﻟﻲ ﺟﺎﻫﺎ ﻣﺶ ﺷﻮﻳﺔ ، ﺻﺢ ﻣﺎﺩﺧﻠﻴﺶ ﻓﻴﻬﺎ ﺑﺲ ﻫﺬﺍ ﺗﺼﺮﻓﻲ ﻛﺈﻧﺴﺎﻥ ، ﻫﻲ ﻣﻬﺪﺩﺓ ﻣﻦ ﻗﺒﻞ ﻣﺠﺮﻡ ، ﺷﻮﻓﻲ ﺷﻦ ﺩﺍﺭ ﻓﻴﺎ ﺍﻧﻲ ﻭﻣﺤﻤﻮﺩ ، ﻭﻫﻲ ﻣﺮﺃﺓ ﺗﺨﻴﻠﻲ ﺷﻦ ﻳﺪﻳﺮ ﻓﻴﻬﺎ ، ﺃﻱ ﺣﺪ ﻣﺶ ﺣﻴﺮﺿﻰ
ﺍﻧﻲ ﻣﻨﺰﻟﺔ ﻋﻴﻮﻧﻲ ﻭﻧﺴﻤﻊ : ﻋﻼﺵ ﺑﺎﻫﻲ ﺗﺤﻂ ﻓﻲ ﻳﺪﻙ ﻋﻠﻴﻬﺎ ، ﺍﻧﻲ ﺑﺪﻳﺖ ﻛﻞ ﻣﺎﺗﻠﻤﺴﻨﻲ ﻧﺘﺨﻴﻞ ﻓﻲ ﻳﺪﻙ ﻋﻠﻲ ﻛﺘﻔﻬﺎ
ﻭﻟﻴﺪ ﺷﺪ ﻳﺪﻱ : ﻭﺍﻟﻠﻪ ﺣﺮﻛﺔ ﻋﻔﻮﻳﺔ ، ﻭﻣﺎﺩﺍﻡ ﻫﺎﺩﻱ ﺑﺲ ﺍﻟﻲ ﺯﻋﻠﺘﻚ ، ﺑﺎﺱ ﻋﻠﻲ ﻳﺪﻱ : ﺍﺳﻒ ﻋﻠﻴﻬﺎ ، ﺗﻤﺎﻡ ﻫﻜﻲ
ﺍﻧﻲ ﺷﻔﺘﻠﻪ
ﻗﻌﺪﺕ ﻋﻴﻮﻧﺎ ﻓﻲ ﻋﻴﻮﻥ ﺑﻌﺾ
ﻭﻟﻴﺪ ﺷﺪ ﻳﺪﻳﺎ ﺍﻟﺰﻭﺯ ﻗﻌﺪ ﻳﺒﻮﺱ ﻓﻴﻬﻢ ، ﻭﻳﺸﻮﻑ ﻟﻌﻴﻮﻧﻲ
ﺍﻧﻲ ﻧﺰﻟﺖ ﻋﻴﻮﻧﻲ
ﻭﻟﻴﺪ ﻗﺎﻣﻠﻲ ﻭﺟﻬﻲ ﻳﺒﻴﻨﻲ ﻧﺸﻮﻑ ﻟﻌﻴﻮﻧﻪ ، ﻭﺑﺎﺳﻨﻲ
،،،،،،،،،،،،،
ﻧﻮﺭﺱ : ﺍﻧﻲ ﻃﻠﻌﺖ ، ﻋﻨﺪﻛﻢ ﺧﻤﺴﻪ ﺩﻗﺎﻳﻖ ﻣﺎﺗﻜﻮﻧﻮﺵ ﻓﻲ ﺍﻟﺴﻴﺎﺭﺓ ﺑﺘﻘﻌﺪﻭ ﻓﻲ ﺍﻟﺤﻮﺵ
ﻧﻮﺍﻝ : ﺗﻮ ﺑﻨﺘﻌﻠﻢ ﺍﻟﺴﻮﺍﻗﻪ ﺍﺻﻼ ﺍﻧﻲ ﺑﻨﻘﻌﺪﻭ ﻏﻴﺮ ﺗﺤﺖ ﺭﺣﻤﺘﻚ
ﻧﻮﺭﺱ ﺷﺎﻓﺘﻠﻬﺎ : ﺗﺴﻜﺘﻲ ﺍﻓﻀﻞ ، ﻭﻃﻠﻌﺖ
ﻧﻮﺍﻝ : ﺍﻧﻲ ﺑﻨﻠﺒﺲ ﺍﻟﺴﺒﻴﺪﺭﻭ ﺍﻻﺳﻮﺩ
ﻧﺮﺟﺲ ﻧﺎﺯﻟﺔ : ﻻﺍﻧﻲ ﺑﻨﻠﺒﺴﻪ
ﻧﻮﺍﻝ ﺗﻠﺒﺲ ﻓﻴﻪ : ﻣﻠﺤﻲ ﺍﻟﺒﺴﻲ ﺍﻻﺳﻮﺩ ﺍﻟﺜﺎﻧﻲ
ﻧﺮﺟﺲ : ﻻﺍﻧﺒﻲ ﻫﺪﺍﺍﺍ ﻳﻄﻠﻊ ﻣﻊ ﺟﺎﻛﻴﺖ ﺑﺘﺎﻋﻲ
ﻧﻮﺍﻝ : ﺧﻼﺹ ﻟﺒﺴﺖ ﺗﻮﺍ ، ﻭﻛﻴﻒ ﺑﺘﺎﺧﺪ ﺍﻟﻔﺮﺩﺓ ﺍﻟﺘﺎﻧﻴﺔ
ﺟﺒﺪﺗﻬﺎ ﻧﺮﺟﺲ ﺑﺴﺴﺮﺭﻋﻪ : ﺍﻧﻴﻴﻲ ﻧﺒﻴﻪ
ﻧﻮﺍﻝ ﻭﻗﻔﺖ : ﺗﻴﻴﻲ ﻫﺎﺗﻲ ﺟﺎﺍﺍﻱ
ﻧﺮﺟﺲ ﻃﻠﻌﺖ ﺗﺠﺮﺭﻱ ﻟﻠﺠﻨﺎﻥ ﻭﻗﻌﻤﺰﺕ ﻟﺒﺴﺎﺗﻪ ﺑﺴﺮﻋﻪ
ﻧﻮﺍﻝ ﻃﻠﻌﺖ ﻭﺭﺍﻩ : ﺗﻲ ﻫﺎﺗﻲ ﻳﺎﺩﺭﺍﻩ ﺍﻟﻜﺒﺪ
ﻧﺮﺟﺲ : ﺧﻼﺹ ﻟﺒﺴﺘﻪ ﻫﺎﺗﻲ ﺍﻧﺘﻲ
ﻧﻮﺍﻝ : ﻻ ﻫﺎﺗﻲ ﺍﻧﺘﻲ
ﻭﻗﻌﺪﻭ ﻫﻜﻲ ﻛﻞ ﻭﺣﺪﺓ ﻻﺑﺴﻪ ﻓﺮﺩﺓ ﻭﺗﺴﺘﻨﻰ ﻓﻲ ﺍﻟﺘﺎﻧﻴﻪ ﺍﻣﺘﻰ ﺗﻌﻄﻴﻬﺎ ﺍﻟﺘﺎﻧﻴﻪ
ﻧﻮﺭﺱ ﻃﻠﻌﺖ ﺍﻣﺸﺖ ﻟﺤﻮﺵ ﺍﺣﻨﻴﻨﻪ ﻃﻘﺖ ﺍﻟﺒﺎﺏ
ﺭﻭﺯﺍ ﻓﺘﺤﺖ ﺍﻟﺒﺎﺏ : ﻣﺎﻣﺎ ﻧﻮﺭﺱ ﻣﺎﻣﺎ ﻭﺍﺗﻴﻪ
ﻧﻮﺭﺱ ﺷﺎﻓﺘﻠﻬﺎ : ﻗﻮﻭﻟﻲ ﻧﻮﺭﺱ ﺑﺲ
ﺭﻭﺯﺍ : ﻧﻮﺭﺱ ﺑﺲ
ﻧﻮﺭﺱ : ﺍﻳﻮﺍ ﻫﻜﻲ ، ﻭﺧﺸﺖ ، ﺳﻠﻤﺖ ﻋﻠﻲ ﺣﻨﻴﻨﻪ
ﺭﻭﺯﺍ ﻟﺒﺴﺖ ﺣﺠﺎﺑﻬﺎ : ﻧﻮﺭﺱ ﺑﺲ ﺍﻧﻲ ﻭﺍﺗﻴﻪ
ﻧﻮﺭﺱ ﺷﺎﻓﺘﻠﻬﺎ : ﻫﻬﻬﻬﻪ ﻧﻮﻭﻭﺭﺱ ﻧﻮﻭﻭﺭﺱ
ﺭﻭﺯﺍ : ﻧﻮﺭﺱ ﻧﻮﻭﺭﺱ
ﻭﺍﺧﺪﻭ ﺣﻨﻴﻨﻪ ﻭﻃﻠﻌﺘﻬﺎ ، ﻭﺳﺎﻋﺪﺗﻬﺎ ﺭﻭﺯﺍ ﻭﺭﻛﺒﺘﻬﺎ ﻓﻲ ﺍﻟﺴﻴﺎﺭﺓ
ﻧﻮﺭﺱ ﺧﺸﺖ ﻟﺠﻨﺎﻥ ، ﺍﻟﻘﺖ ﻧﻮﺍﻝ ﻭﻧﺮﺟﺲ ﻗﺎﻋﺪﻳﻦ ﻳﺘﻌﺎﺭﻛﻮ ، ﻭﻛﻞ ﻭﺣﺪﺓ ﻻﺑﺴﻪ ﻓﺮﺩﺓ ﻣﻦ ﺍﻟﺴﺒﻴﺪﺭﻭ
ﻣﺎﻣﺎ ﻃﺎﻟﻌﻪ ﻣﻦ ﺍﻟﺤﻮﺵ : ﺟﺒﺘﻲ ﺣﻨﺎﻙ
ﻧﻮﺭﺱ : ﺟﺒﺘﻬﺎ ﺍﻳﻪ ، ﺍﺭﻛﺒﻲ ﺑﺮﻱ ﺣﺘﻰ ﺍﻧﺘﻲ ﻣﺎﻣﺎ ، ﻭﺍﻧﺘﻮ ﺍﻟﺰﻭﺯ ﻣﺎﺗﻔﺘﺤﻮﺵ ﺍﻟﺒﺎﺏ ﻟﺤﺪ ﺑﺎﺍﻫﻲ ﻭﺗﻮﻧﺴﻮ ﺑﻌﺾ ﻓﻲ ﺍﻟﺤﻮﺵ ﻭﻟﻔﺖ ﻭﻃﻠﻌﺖ
ﻧﻮﺍﻝ ﻭﻧﺮﺟﺲ : ﻓﻴﻴﻴﻴﻴﻲ ﻋﻴﻴﻴﻨﻚ ، ﻭﺧﺸﻮ ﻳﺠﺮﻭ ﻛﻞ ﻭﺣﺪﺓ ﺧﺪﺕ ﻓﺮﺩﺓ ﻣﺖ ﺍﻟﺴﺒﻴﺪﺭﻭ ﺍﻟﺘﺎﻧﻲ ، ﻭﻃﻠﻌﻮ ﻳﺠﺮﻭ ، ﻭﺭﻛﺒﻮ ﺍﻟﺴﻴﺎﺭﺓ
ﻧﻮﺍﻝ : ﻛﻴﻒ ﺣﺎﻟﻚ ﻳﺎﺣﻨﺎﻱ
ﺣﻨﻴﻨﻪ : ﺑﺎﻫﻴﻪ ﺍﻟﺤﻤﺪ ﻟﻠﻪ ، ﻗﺎﻋﺪﻩ ﻣﺎﺩﺭﺗﻴﺶ ﻋﻘﻞ ﺭﺍﻙ ﻣﺨﻄﻮﺑﺔ ﺗﻮﺍ ﻻﺯﻡ ﺗﺮﺯﻧﻲ ﻭﺭﺍﻙ ﻣﺴﺆﻭﻟﻴﺔ ﻭﺣﻮﺵ ﻣﻌﺎﺵ ﻫﺎﺩﻱ ﺍﻟﺒﻨﺖ ﺍﻟﺼﻐﻴﺮﺓ ﺍﻟﻲ ﺗﻠﻌﺐ ﻭﺗﺠﺮﻱ ﻭﺧﻼﺍﺹ ، ﺍﺭﺯﻧﻲ ﺍﺭﺯﻧﻲ
ﻧﻮﺭﺱ ﺗﻮﺍﺳﻲ ﻓﻲ ﺍﻟﻤﺮﺍﻳﺔ : ﻭﺍﻟﻠﻪ ﻳﺎﺣﻨﻴﻨﻪ ﻣﺎﻧﺎﻓﻊ ﻓﻴﻬﺎ ﻫﺎﺩﻱ ﻭﻻﺭﺍﺡ ﺗﺪﻳﺮ ﻋﻘﻞ ، ﺣﺘﻰ ﻟﻮ ﺑﺼﻐﺎﺭ ﺻﻐﺎﺭﻫﺎ
ﻧﻮﺍﻝ : ﺧﻠﻴﺘﻪ ﻟﻴﻚ ﺍﻧﺘﻲ ﺍﻟﻌﻘﻞ ﺳﺎﺩ ، ﻳﺎﺍﺧﺪﻭﻧﺎ ﺑﺎﻟﻌﻴﻦ ﺑﻌﺪﻫﺎ ﺯﻭﺯ ﻋﺎﻗﻼﺕ
ﻧﻮﺭﺱ : ﻫﺎ ﺷﻔﺘﻲ ﻳﺎﺣﻨﺎﻱ ، ﻃﻮﻟﺔ ﻟﺴﺎﻥ ﺑﺲ ﻫﺬﺍ ﺍﻟﻲ ﻓﺎﻟﺤﺔ ﻓﻴﻪ
ﻣﺎﻣﺎ : ﻛﻠﻤﺘﻲ ﺍﺧﺘﻚ ﺍﻛﺪﺗﻴﻠﻬﺎ ﺗﺠﻲ
ﻧﻮﺍﻝ : ﺣﻴﻴﻲ ﻧﺴﻴﺖ
ﻣﺎﻣﺎ : ﻛﻠﻤﻴﻴﻬﺎ ﻋﻤﺘﻚ ﻋﺎﺯﻣﺘﻬﺎ ، ﻻﺯﻡ ﺗﺠﻲ
ﻧﻮﺍﻝ ﺷﺪﺕ ﺗﻠﻴﻔﻮﻧﻬﺎ ﻭﺗﺘﺼﻞ ﺑﻴﺎ
ﺍﻧﻲ ﻛﻨﺖ ﻣﻘﻌﻤﺰﺓ ﻭﺟﻨﺒﻲ ﻭﻟﻴﺪ ، ﺷﺮﻳﻦ ﻓﻮﻧﻲ ﺍﻟﻘﻴﺘﻬﺎ ﻧﻮﺍﻝ ﺭﺩﻳﺖ ﻃﻮﻝ : ﺍﻟﻮ
ﻧﻮﺍﻝ : ﺍﺳﻤﻌﻲ ﻣﺎﻋﻨﺪﻳﺶ ﺭﺻﻴﺪ ﺑﻨﻘﻮﻟﻚ ﻓﻴﺴﻊ ﻭﺑﻨﺴﻜﺮ ، ﻣﺎﻣﺎ ﻗﺎﻟﺘﻠﻲ ﺃﻛﺪﻳﻠﻬﺎ ﻋﻠﻲ ﺍﻟﻴﻮﻡ ﺍﻟﻐﺪﻱ ﻋﻨﺪ ﻋﻤﺘﻲ ﺍﻥ ﺷﺎﺀ ﺍﻟﻠﻪ ﻏﻴﺮ ﻣﺶ ﻧﺎﺳﻴﺔ
ﺍﻧﻲ ﺿﺮﺏ ﻋﻠﻲ ﺟﺒﻬﺘﻲ ﺑﺎﻟﺨﻔﻴﻒ : ﻧﺴﻴﻴﺖ ﻣﺎﻗﻠﺘﺶ ﺣﺘﻰ ﻟﻮﻟﻴﺪ
ﻧﻮﺍﻝ : ﻣﺎﻣﺎ ﻗﺎﻟﺘﻠﻚ ﻻﺯﻡ ﺗﺠﻲ ﻋﺎﺯﻣﺎﺗﻚ ﻭﺃﻛﺪﺗﻠﻬﺎ ﻹﻣﺒﻜﺮﻱ ﺍﻧﺘﻲ ﻭﻭﻟﻴﺪ ﻭﻫﻲ ﺗﻮﺍ ﻃﻴﺮﻱ ، ﻃﻮﻁ ﻃﻮﻁ
ﻭﻟﻴﺪ ﻳﺸﻮﻓﻠﻲ ﺑﺎﺍﺳﺘﻐﺮﺍﺏ
ﺍﻧﻲ : ﻋﻤﺘﻲ ﺍﻟﻴﻮﻡ ﻋﺎﺯﻣﺘﻨﺎ ﻉ ﺍﻟﻐﺪﻱ
ﻭﻟﻴﺪ : ﺗﺒﻲ ﺗﻤﺸﻲ
ﺍﻧﻲ ﺷﻔﺘﻠﻪ ﻭﻭﺟﻪ ﺑﺮﺍﺀﺓ
ﻭﻟﻴﺪ ﻳﺒﻲ ﻳﺮﺍﺿﻴﻨﻲ ﺍﺻﻼ ﻭﻳﺪﻭﺭ ﻓﻲ ﺣﺎﺟﺔ : ﺑﺎﻫﻲ ﻧﻮﺿﻲ ﻭﺗﻲ ﺭﻭﺣﻚ
ﺍﻧﻲ ﺍﺑﺘﺴﻤﺖ : ﺣﺘﻰ ﺍﻧﺖ ﻋﺎﺯﻣﺎﺗﻚ
ﻭﻟﻴﺪ : ﻻﻻ ﻓﻮﺗﻲ ﺍﻧﻲ ﻣﺮﺓ ﺗﺎﻧﻴﻪ
ﺍﻧﻲ ﺷﺪﻳﺖ ﻳﺪﻩ : ﻏﻴﺮ ﻫﻴﺎ ﺣﺒﻴﺒﻲ
ﻭﻟﻴﺪ ﺷﺪ ﻳﺪﻳﺎ ﺍﻟﺰﻭﺯ ﻭﺑﺎﺳﻬﻢ : ﻣﺎﺷﻲ ﻳﺎﻋﻴﻮﻥ ﺣﺒﻴﺒﻚ
ﺍﻧﻲ ﺑﺴﺘﻪ ﻋﻠﻲ ﺧﺪﻩ ﺑﻮﺳﻪ ﺳﺮﻳﻌﻪ ، ﻭﺷﺪﻳﺖ ﻳﺪﻩ ﻭﻭﻗﻔﺖ : ﻫﻲ ﻧﻮﺽ ﺗﻮﺍ ﻭﺗﻲ ﺭﻭﺣﻚ
ﻭﻟﻴﺪ ﻣﺒﺘﺴﻢ : ﻏﻴﺮ ﻭﺗﻲ ﺭﻭﺣﻚ ﺍﻧﺘﻲ ﻗﺒﻞ
ﺍﻧﻲ : ﺗﻌﺎﻝ ﺍﺻﻼ ﻧﺒﻴﻚ ﺗﻘﻮﻟﻲ ﺍﻣﺎ ﺍﺣﻠﻰ ﻟﺒﺴﺔ ﻧﻠﺒﺴﻬﺎ
،،،،،،،،،،،
ﺷﺮﻳﻦ ﺍﻟﺒﺎﺏ
ﻫﺎﺟﺮ ﻓﻲ ﺩﺍﺭﻫﺎ ﻣﻘﻌﻤﺰﺓ ﻭﺟﻨﺒﻬﺎ ﺍﻣﻬﺎ ﺗﻨﺼﺢ ﻓﻴﻬﺎ ﻭﺗﻌﺎﻭﺩ
ﻣﺤﻤﺪ ﻃﻠﻊ ﻓﺘﺢ ﺍﻟﺒﺎﺏ ﺍﻟﻘﺎﻩ ﺍﻳﻤﻦ : ﺍﻭﻭ ﺍﻳﻤﻦ ﺍﻫﻼ ﺗﻔﻀﻞ
ﺍﻳﻤﻦ ﺧﺶ ﻭﻫﻮ ﻣﺒﺘﺴﻢ ﻭﻣﻦ ﺩﺍﺧﻞ ﺧﺎﻳﻒ
ﺧﺸﺸﻪ ﻣﺤﻤﺪ ﻟﻠﻤﺮﺑﻮﻋﻪ ، ﻭﺍﻣﺸﻲ ﻟﻬﺎﺟﺮ ﻃﻮﻝ ، ﺧﺶ ﻫﺪ ﻉ ﺍﻟﺪﺍﺭ ﻣﻦ ﻏﻴﺮ ﻣﺎﻳﻄﻘﻄﻖ
ﻫﺎﺟﺮ ﺷﺎﻓﺘﻠﻪ ﺑﺨﻠﻌﻪ
ﻣﺤﻤﺪ : ﺭﺍﺟﻞ ﻓﻲ ﺍﻟﻤﺮﺑﻮﻋﻪ ﺍﻃﻠﻌﻴﻠﻪ ، ﻭﻛﺎﻥ ﻣﺘﺎﻉ ﺗﻌﺒﺎﻧﻪ ﻭﻣﺮﻳﻀﻪ ﻭﻣﺶ ﻋﺎﺭﻑ ﺷﻨﻮ ﻣﺸﻴﺘﻴﻬﺎ ﻋﻠﻲ ﺑﻮﻱ ﻣﺎﺗﻤﺸﻴﺶ ﻋﻠﻴﺎ ﺍﻳﻮﺍﺍﻩ ﻓﻜﻴﻨﺎ ﻣﻦ ﺍﻟﺠﻮ ﻭﺍﻃﻠﻌﻲ ﺗﺮﺍﺿﻲ ﺍﻧﺘﻲ ﻭﺭﺍﺟﻠﻚ
ﺍﻣﻬﺎ : ﻣﻦ ﺑﻜﺮﻱ ﺣﺘﻰ ﺍﻧﻲ ﻧﺪﻭﻱ ﻭﻧﻌﺎﺭﺩ
ﻫﺎﺟﺮ : ﺍﻧﻲ ﻣﺶ ﺣﻨﻄﻠﻌﻠﻪ ﻗﻮﻟﻪ ﻳﺮﻭﺡ
ﻣﺤﻤﺪ ﺑﻌﺼﺒﻴﻪ : ﻣﺎﺗﺨﻠﻴﻨﻴﺶ ﻧﺎﻛﻠﻚ ﻭﺟﻬﻚ ﺗﻮﺍ ﺍﻧﻲ ، ﻧﻮﺿﻲ
ﻫﺎﺟﺮ ﻧﺎﺿﺖ ﻭﻫﻲ ﻣﺘﻐﻴﻀﻪ ، ﻭﻃﻠﻌﻮ ﻭﺗﻤﺸﻲ ﺟﻬﺔ ﺍﻟﺼﺎﻟﻮﻥ ﻭﺗﺴﺤﻦ ﻣﻦ ﺩﺍﺧﻞ
ﻣﺤﻤﺪ ﻻﺍﻣﻪ : ﺧﻴﺮﻫﻢ
ﺍﻣﻬﺎ : ﻣﺎﻧﻌﺮﻓﺶ ﻣﺎﺑﺘﺶ ﺗﺤﻜﻲ ﺷﻲ
ﻣﺤﻤﺪ : ﻣﺎﻳﻄﻠﻊ ﺍﻟﻔﺲ ﺍﻟﻲ ﻓﻲ ﺑﻨﺘﻚ ﻟﺴﺎﻧﻬﺎ ﻃﻮﻳﻞ ﺍﺻﻼ
ﺍﻣﻬﺎ : ﺑﺎﻩ ﺧﻼﺹ ﻓﻜﻨﺎ ، ﺧﻠﻲ ﺍﻧﻮﺽ ﻧﺪﻳﺮ ﻗﻬﻮﺓ ﻟﻠﺮﺍﺟﻞ ، ﻭﻧﺎﺿﺖ ﻃﻠﻌﺖ ﻣﻦ ﺍﻟﺪﺍﺭ ﺟﻬﺔ ﺍﻟﻤﻄﺒﺦ
ﺍﻣﺎ ﻫﺎﺟﺮ ﻓﺄﻭﻝ ﻣﺎﺧﺸﺖ ﻟﻠﺼﺎﻟﻮﻥ ..........
# ﻳﺘﺒﻊ