ﺳﻨﺪ ﺍﻻﻧﺜﻰ ﺭﺟﻞ shosho_shosho

الحلقة16

ﺍﻟﺤﻠﻘﺔﺓ ‏[ 16 ‏]
ﻣﻦ ﺭﻭﺍﻳﺔ - - "<- # ﺳﻨــﺪ _ ﺍﻷﻧﺜــﻰ _ ﺭﺟــﻞ "
ﺑﻌﺪ ﺳﻜﺮﺕ ﻧﻮﺍﻝ ﻣﻜﺎﻟﻤﺘﻬﺎ ﺟﻴﺘﻬﺎ ﺍﻧﻲ ﻗﻌﻤﺰﺕ ﺭﺑﻌﺘﻠﻬﺎ ﻭﺷﺒﺤﺘﻠﻬﺎ ﺷﺒﺤﺔ ﺑﺘﺎﻉ ﻣﺤﻘﻖ ﺑﻴﺤﻘﻖ ﻣﻊ ﺍﻟﻤﺘﻬﻢ ﻣﺘﺎﻋﻪ
ﻧﻮﺍﻝ : ﺧﻴﺮ ﺍﻥ ﺷﺎﺀ ﺍﻟﻠﻪ ؟؟؟
ﺍﻧﻲ : ﻋﻼﺵ ﻣﺎﺣﻜﻴﺘﻴﻠﻴﺶ ﻋﻠﻲ ﻣﺤﻤﻮﺩ ؟
ﻧﻮﺍﻝ : ﺷﻦ ﺑﻨﺤﻜﻴﻠﻚ ﻫﻮ ﺑﺲ ﻳﻮﻡ ﺍﻟﻲ ﻛﻨﺘﻲ ﻓﻲ ﺍﻟﻤﺴﺘﺸﻔﻰ ﻛﺎﻥ ﻋﻨﺪﻩ ﺻﺎﺣﺒﻪ ﺍﻭ ﺷﻲ ﻓﻲ ﺍﻟﻤﺴﺘﺸﻔﻰ ﻧﻔﺴﻬﺎ ﻓﻜﻨﺖ ﻣﺘﻀﺎﻳﻘﻪ ﻭﺣﻜﻴﺘﻠﻪ ﻭﺿﻔﺘﻪ ﻉ ﺍﻟﻔﻴﺲ ﺑﻌﺪﻫﺎ ﺳﻜﺮﺕ ﺍﻟﻔﻴﺲ ﻣﺘﺎﻋﻲ ﻭﺍﻫﻮ ﺭﻗﻤﻪ ﻣﺎﺍﺗﺼﻠﺘﺶ ﺑﻴﻪ ﺍﻻ ﺍﻣﺲ ﺑﻌﺪ ﻗﺮﻳﺐ ﺳﺒﻌﻪ ﺷﻬﻮﺭ
ﺍﻧﻲ : ﺍﻫﺎﺍﺍ ﻭﺗﻮﺍ ﻛﻨﺘﻲ ﺗﻜﻠﻤﻲ ﻓﻴﻪ
ﻧﻮﺍﻝ : ﺍﻳﻪ ﻫﻮ ﺍﺗﺼﻞ
ﺍﻧﻲ : ﻫﻮﻭ ﺑﺎﻳﻦ ﻋﻠﻲ ﻛﻮﻳﺲ ﺑﺲ ﺍﻳﻀﺎ ﺑﺎﻳﻦ ﻋﻠﻴﻪ ﺑﺘﺎﻉ ﺑﻨﺎﺕ ﻓﺮﺩﻱ ﺑﺎﻟﻚ
ﻧﻮﺍﺍﻝ : ﺣﻨﻌﺘﺒﺮﻩ ﺻﺪﻳﻖ ﺑﺲ
ﺍﻧﻲ : ﻓﻲ ﺑﺎﻟﻚ ﺍﻧﻲ ﺑﺘﻔﻮﺕ ﻋﻠﻴﺎ ﻛﺬﺑﺔ ﺯﻱ ﻫﺎﺩﻱ ﻛﺎﻥ ﺻﺪﻳﻖ ﺍﻣﺲ ﻓﻲ ﺍﻟﺴﻴﺎﺭﺓ ﻋﻼﺵ ﺗﺴﺎﻭﻱ ﻓﻲ ﻭﺷﺎﺣﻚ ﻭﺗﻌﺎﻭﺩﻱ ﻗﺒﻞ ﻣﺎﻧﻤﺸﻮ ﻭﻧﻈﺮﺍﺗﻜﻢ ﻭﺗﺸﻮﻓﻴﻠﻪ ﻭﻫﻮ ﻳﺴﻮﻕ ﻣﻦ ﻣﺮﺍﻳﻪ ﺍﻟﺴﻴﺎﺭﺓ ﻣﺮﻛﺰﺓ ﺭﺍﺍﺍﻫﻮ
ﻧﻮﺍﻝ : ﺑﺎﻩ ﺍﻧﻲ ﻣﺎﻧﻨﻜﺮﺵ ﺍﻧﻲ ﻣﺎﻳﻠﺘﻠﻪ ﻟﻜﻦ ﻣﺎﻓﻲ ﺑﻴﻨﻨﺎ ﺷﻲ
ﺍﻧﻲ : ﺍﻧﻲ ﻣﺎﻧﻘﺪﺭﺵ ﻧﻘﻮﻟﻚ ﻣﺎﺗﺪﻳﺮﻳﺶ ﻋﻼﻗﻪ ﻭﻻﻧﻘﺪﺭ ﻧﻘﻮﻟﻚ ﻣﺎﺗﻜﻠﻤﻴﺶ ﻻﻧﻲ ﺑﺮﻭﺣﻲ ﺩﺍﻳﺮﻩ ﻋﻼﻗﻪ ﻭﻧﺤﺐ ﻭﻧﻜﻠﻢ ﺑﺲ ﺭﺩﻱ ﺑﺎﻟﻚ ﺍﻧﺘﻲ ﺗﻌﺘﺒﺮﻱ ﻗﺎﻋﺪﻩ ﺻﻐﻴﺮﺓ ﻭﻣﺰﺍﻝ ﺑﻜﺮﻱ ﻋﻠﻲ ﺍﻟﻜﻼﻡ ﻫﺪﺍ ﺻﺢ ﺍﻧﻲ ﻓﻲ ﻋﻤﺮﻙ ﻟﻤﺎ ﻛﻠﻤﺖ ﻭﻟﻴﺪ ﺑﺲ ﻭﻟﻴﺪ ﻃﻠﻊ ﻛﻮﻳﺲ ﻭﺣﺎﻓﻆ ﻋﻠﻴﺎ ﻭﻫﺬﺍ ﻣﻦ ﺣﻈﻲ ﻃﺒﻌﺎ ﻟﻮ ﻛﻨﺖ ﻛﻠﻤﺖ ﺷﺨﺺ ﺗﺎﻧﻲ ﺭﺍﻫﻮ ﺍﻻﺣﺪﺍﺙ ﺗﺤﻮﻟﺖ ﻟﻤﺠﺮﻯ ﺗﺎﻧﻲ
ﻧﻮﺍﻝ : ﺑﺲ ﺣﺘﻰ ﻣﺤﻤﻮﺩ ﺑﺎﻳﻦ ﻋﻠﻴﻪ ﻛﻮﻳﺲ ﻭﺍﻧﻲ ﺣﺴﻴﺘﻪ ﻳﺒﺎﺩﻟﻨﻲ ﻧﻔﺲ ﺍﻟﺸﻌﻮﺭ
ﺍﻧﻲ : ﻓﻜﺮﻱ ﺑﻌﻘﻠﻚ ﺷﻮﻳﺔ ﻭﺍﻥ ﺷﺎﺀ ﺍﻟﻠﻪ ﺗﻄﻠﻌﻲ ﺍﻟﻲ ﺍﺧﺘﺮﺗﻴﻪ ﻳﺴﺘﺎﻫﻠﻚ ، ﺑﻌﺪﻳﻦ ﺗﻮﻟﻲ ﺳﻠﻔﺘﻲ ﻭﺣﻲ ﻋﻠﻴﻬﻤﻢ ﺭﺍﺣﻮﻭ ﻓﻴﻬﺎ
ﻧﻮﺍﻝ : ﻫﻬﻬﻬﻬﻬﻬﻬﻪ ﻗﻀﻴﻨﺎ ﻋﻠﻴﻬﻢ
ﺍﻧﻲ : ﻫﻬﻬﻬﻬﻬﻬﻬﻬﻬﻪ ﻭﺭﺍﺣﺖ ﻓﻴﻬﺎ ﻋﻤﺘﻲ ﻓﺘﺤﻴﺔ
ﻧﻮﺍﻝ : ﻫﻬﻬﻬﻪ ﺣﻜﺎﻟﻲ ﺣﺘﻰ ﻋﻠﻲ ﻋﻨﺪﻩ ﺍﺧﺖ ﻭﺍﻋﺮﺓ ﻓﻲ ﻋﻤﺮﻙ ﺍﻧﺘﻲ
ﺍﻧﻲ : ﺍﻫﺎ ﺭﺣﻤﺔ ﺍﻳﻪ ﻗﺎﻟﻲ ﻭﻟﻴﺪ ﻭﺍﻋﺮﻩ ﺑﺲ ﻋﺎﺩﻱ ﻣﺎﺩﻭﺭﺗﺶ ، ﻫﻲ ﻧﻮﺿﻲ ﻭﺗﻮ ﺭﻭﺣﻜﻢ ﻫﺪﺍﻛﺎ ﻫﻮ ﺧﻠﻲ ﻧﺮﻭﺣﻮ
ﻭﺗﻮ ﺭﻭﺣﻬﻢ ﺍﺧﻮﺍﺗﻲ ﻭﻣﺎﻣﺎ ﻭﺭﻭﺣﻨﺎ
ﻧﺮﺟﺲ : ﻭﺍﺧﻴﺮﺍ ﻣﺎﻣﺎ ﺍﺧﺮ ﻣﺮﺓ ﺭﺍﻫﻮ ﻣﻌﺎﺵ ﺑﻨﺒﺎﺗﻮ
ﻣﺎﻣﺎ : ﺧﻴﺮﻙ ﺍﻟﻌﻔﻮ
ﻧﺮﺟﺲ : ﺗﻌﺮﻓﻴﻨﻲ ﻧﺤﺒﺶ ﻧﺮﻗﺪ ﻣﻦ ﻏﻴﺮ ﻣﺨﺪﺗﻲ
ﻣﺎﻣﺎ : ﻭﺧﻴﺮﻙ ﻣﺎﺭﻓﻌﺘﻴﻬﺎ
ﻧﺮﺟﺲ : ﻧﺴﻴﺘﻬﺎ
ﻣﺎﻣﺎ : ﻧﺴﻴﺒﺔ ﺍﻣﺲ ﻫﻲ ﻭﻧﻮﺍﻝ ﺟﻮ ﻟﻠﺤﻮﺵ ﻟﻴﺶ ﻣﺎﻗﻠﺘﻴﻠﻬﻢ
ﻧﺮﺟﺲ : ﻟﻴﻴﺶ ﻫﻤﺎ ﻗﺎﻟﻮ ﺍﺻﻼ ﺍﻧﻬﻢ ﺑﻴﺠﻮ ﻃﻠﻌﻮ ﺑﺮﻭﺣﻬﻢ ﻣﺎﺣﺪ ﻳﻨﺪﺭﻱ ﻋﻠﻴﻬﻢ
ﺍﻧﻲ ﻭﻧﻮﺍﻝ ﺷﻔﻨﺎ ﻟﺒﻌﺾ ﻭﻧﺒﻮﻭ ﻧﻬﺮﺑﻮﻭ ﺑﺲ ﻭﻗﻔﺘﻨﺎ ﻣﺎﻣﺎ
ﻣﺎﻣﺎ : ﺣﻘﺎﺍ ﻋﻼﺵ ﺟﻴﺘﻮﻭ ﺷﻦ ﺟﺒﺘﻮ
ﺍﻧﻲ : ﻫﺎ ﺍ ﺍ ﺍ
ﻧﻮﺍﻝ : ﻛﻨﺖ ﻧﺒﻲ ﺑﻠﻮﺯﺗﻲ
ﻣﺎﻣﺎ : ﺍﻣﺎ ﺑﻠﻮﺯﺓ
ﻧﻮﺍﻝ ﺷﺎﻓﺘﻠﻲ : ﺑﻠﻮﺯﺗﻲ ﻫﺎﺩﻱ ﺍﻟﻲ ﻻﺑﺴﺘﻬﺎ ﻭﻧﺴﻴﺒﺔ ﻣﺶ ﻋﺎﺭﻑ ﺷﻦ ﺧﺪﺕ
ﻧﺮﺟﺲ : ﻣﺶ ﺑﻠﻮﺯﺗﻚ ﻫﺎﺩﻱ ﺷﻔﺘﻚ ﺣﻄﻴﺘﻴﻬﺎ
ﻧﻮﺍﻝ : ﻻﻣﺎﻫﻮ ﻧﺴﻴﺘﻬﺎ
ﻣﺎﻣﺎ : ﻣﺶ ﻗﺎﺩﺭﺓ ﻧﺼﺪﻕ ﻗﻮﻟﻲ ﺍﻟﺤﻖ ﺍﻧﺘﻲ ﻭﻳﺎﻫﺎ ﻭﻳﻦ ﺍﻣﺸﻴﺘﻮ
ﺍﻧﻲ : ﻳﺎﻣﺎﻣﺎ ﺧﻴﺮﺭﻙ ﻓﺘﺤﺘﻲ ﻣﻌﺎﻧﺎ ﺗﺤﻘﻴﻖ ﻗﻠﻨﺎﻟﻚ ﺟﻴﻨﺎ ﺍﻫﻨﻲ ﻟﻠﺤﻮﺵ
ﻧﻮﺍﻝ : ﺍﻳﻪ ﻳﺎﻣﺎﻣﺎ ﺍﻧﻲ ﺭﺍﻫﻮ ﻧﺎﻗﺼﻪ ﻧﻮﻡ ﺑﻨﺮﻛﺐ ﻧﺮﻗﺪ ﻣﺎﺣﺪ ﻳﻨﻮﺿﻨﻲ
ﻣﺎﻣﺎ : ﺍﺣﺤﺢ ﻣﻨﻜﻢ ﻭﺧﻼﺍﺍﺹ ﺭﺑﻲ ﻳﺼﺒﺮﻧﻲ
ﺍﻧﻲ : ﺁﻣﻴﻦ ﻳﺎﻣﺎﻣﺎ ﻫﻲ ﺣﺘﻰ ﺍﻧﻲ ﺑﻨﺮﻗﺪ ﺳﻼﺍﺍﺍﻡ
ﻧﻮﺭﺱ ﻭﻧﺮﺟﺲ ﺷﺎﻓﻮ ﻟﺒﻌﺾ ﻟﺤﻘﻮﻧﺎ ﻧﺮﺟﺲ ﻟﺤﻘﺖ ﻧﻮﺍﻝ ﻭﻧﻮﺭﺱ ﻟﺤﻘﺘﻨﻲ
ﺍﻧﻲ ﻛﻴﻒ ﺑﻨﺴﻜﺮ ﺑﺎﺏ ﺍﻟﺪﺍﺭ ﺩﺍﻓﺎﺗﻪ ﻧﻮﺭﺱ : ﺧﻴﺮﺭ ﺍﻥ ﺷﺎﺀ ﺍﻟﻠﻪ
ﻧﻮﺭﺱ : ﺗﺤﺴﺎﺑﻴﻨﺎ ﺻﺪﻗﻨﺎ ﻛﺬﺑﺘﻜﻢ ﺍﺣﻜﻴﻠﻲ
ﺍﻧﻲ : ﻭﻭﻩ ﻋﻠﻴﺎ ﻭﻗﻄﻊ ﻛﻼﻣﻲ ﺭﻧﻪ ﻓﻮﻧﻲ ، ﺍﺣﺒﻬﻢ ﻟﻴﻴﺶ ﺧﻠﻮﻭﻧﻲ ،، ﺣﺒﻴﺒﻲ : ﺑﺎﻩ ﺗﺮﺍ ﻣﻤﻜﻦ ﺗﻄﻠﻌﻲ ﺑﻨﺮﺩ ﻋﻠﻲ ﺗﻠﻴﻔﻮﻧﻲ
ﻧﻮﺭﺱ ﺑﺮﻓﻌﻪ ﺣﺎﺟﺐ : ﻣﻨﻮ
ﺍﻧﻲ : ﺣﻠﻮﺓ ﻫﺎﺩﻱ ﻣﻨﻮ ﺗﻲ ﺍﻃﻠﻌﻲ ﺑﻴﻔﺼﻞ ﺍﻟﺨﻂ
ﻧﻮﺭﺱ : ﻗﺼﺪﻙ ﺑﺪﻳﺘﻲ ﺗﻜﻠﻤﻲ
ﺍﻧﻲ : ﺍﻳﻪ
ﻧﻮﺭﺱ : ﺷﻦ ﺍﺳﻤﻪ ﻭﻛﻴﻴﻒ ﺗﻌﺮﻓﺘﻮ ﺍﺣﻜﻴﻠﻲ ﺍﺣﻜﻴﻠﻲ ﺑﺎﻟﻠﻪ ﻋﻠﻴﻚ ﻭﺟﺖ ﻗﻌﻤﺰﺕ ﻉ ﺍﻟﺴﺮﻳﺮ
‏( ﻭﻭﻭﻩ ﻋﻠﻴﺎ ﻣﺎﻟﻘﻴﺖ ﻣﺎﻧﺪﻳﺮ ‏)
،،
ﺍﻣﺎ ﻋﻨﺪ ﻧﻮﺍﻝ ﻓﻜﺎﻧﺖ ﻧﻔﺲ ﺍﻟﺸﻲ ﺣﺎﺻﻠﺔ ﻓﻲ ﻧﺮﺟﺲ
ﻧﺮﺟﺲ : ﻫﻴﺎ ﻣﺎﻓﻴﺶ ﻫﺮﻭﺏ ﺍﺣﻜﻲ
ﻧﻮﺍﻝ : ﻭﺍﺍﺍﺍﻙ ﻧﺴﻴﺒﺔ ﺍﻣﺸﺖ ﺷﺎﻓﺖ ﻭﻟﻴﺪ ﺭﻭﺡ ﻣﻦ ﺍﻟﺴﻔﺮ
ﻧﺮﺟﺲ : ﻛﻴﻒ ﻛﻴﻒ ﻣﺎﻓﻬﻤﺘﺶ ﻭﻟﻴﺪ ﻣﺶ ﻣﺎﺕ ﻭﺍﻻ ﻧﺎﺽ ﺣﻲ
ﻧﻮﺍﻝ : ﻧﺎﺽ ﺣﻲ ﺑﺎﻟﻀﺒﻂ ﻭﺑﺮﻱ ﺍﺳﺎﻟﻴﻬﺎ ﻫﻲ
،،
ﺍﻧﻲ : ﺑﺮﻱ ﺍﺳﺎﻟﻲ ﻧﻮﺍﻝ ﺗﻮ ﺗﺤﻜﻴﻠﻚ
،،
ﻧﺮﺟﺲ : ﺑﺎﻩ ﻭﻃﻠﻌﺖ
ﻧﻮﺭﺱ ﺑﺎﻩ ﻭﻃﻠﻌﺖ
ﺍﻧﻲ ﻭﻧﻮﺍﻝ ﺳﻜﺮﻧﺎ ﺑﺎﺏ ﺩﻳﺎﺭﻧﺎ ﺑﺎﻟﻤﻔﺘﺎﺡ
ﻧﻮﺭﺱ ﻭﻧﺮﺟﺲ ﺗﻼﻗﻮ ﻓﻲ ﺍﻟﻤﻤﺮ ﻭﺗﻠﻔﺘﻮ ﺍﻟﻘﻮﻧﺎ ﻣﺴﻜﺮﻳﻦ ﺍﻟﺒﻴﺒﺎﻥ : ﺣﻤﺎﺍﺍﺍﺍﺭﺍﺍﺕ
ﺍﻧﻲ ﻭﻧﻮﺍﻝ : ﻫﻬﻬﻬﻬﻬﻬﻬﻬﻬﻪ
ﻛﻠﻤﺖ ﺣﺒﻴﺒﻲ ﺑﻌﺪﻫﺎ ﺭﻗﺪﺕ ﻟﻌﻨﺪ ﺍﻟﺴﺎﻋﻪ 10 ﺍﻟﻠﻴﻞ ﻧﻀﺖ ﺻﻠﻴﺖ ﺍﻟﻌﺸﻲ ﻭﻧﺰﻟﺖ ﺍﻟﻘﻴﺘﻬﻢ ﻣﻘﻌﻤﺰﻳﻦ ﻓﻲ ﺩﺍﺭ ﺍﻟﻤﻌﻴﺸﻪ ﺧﺸﻴﺖ ﺍﻟﻤﻄﺒﺦ ﺩﺭﺕ ﻃﺎﺳﻪ ﻧﺴﻜﺎﻓﻴﻪ ﻭﺟﻴﺘﻬﻢ : ﻋﻠﻲ ﺷﻦ ﺗﺘﻔﺮﺟﻮ
ﻧﻮﺍﻝ : ﺍﻣﻚ ﻓﺎﺗﺤﺘﻠﻨﺎ ﺍﻟﺠﺰﻳﺮﺓ ﻣﺎﺗﺒﻴﺶ ﺗﻐﻴﺮﻫﺎ ﻭﺍﻟﻤﺴﻠﺴﻞ ﺑﻴﺒﺪﺍ
ﻣﺎﻣﺎ : ﻣﺎﻫﺒﻠﻜﻢ ﺍﻻ ﻫﺎﻟﺘﺮﻛﻲ ﻫﺎ ﻫﺎﻙ ﺍﻟﺠﻬﺎﺯ ﺍﻓﺘﺤﻲ ، ﻣﺎﺗﺒﻮﺵ ﺗﺘﻌﺸﻮ
ﺍﻧﻲ : ﺍﻧﻲ ﺟﻌﺎﻧﻪ
ﻧﻮﺍﻝ ﻧﺮﺟﺲ ﻧﻮﺭﺱ ﻣﻊ ﺑﻌﺾ : ﺣﺘﻰ ﺍﻧﻲ
ﻧﻮﺭﺱ ﻭﻧﻮﺍﻝ ﻗﻌﺪﻭ ﻳﺠﺮﻭﻭ ﻳﺪﻭﺭﻭ ﻓﻲ ﺣﺎﺟﺔ ﺣﻤﺮﺍ ﺍﻟﻘﻮ ﺗﻴﺸﺮﺗﻲ ﺍﺣﻤﺮ ﺍﻟﺰﻭﺯ ﺟﻮ ﻳﺠﺮﻭ ﻋﻠﻴﺎ ﻭﺑﺰﻋﻮ ﺍﻟﻨﺴﻜﺎﻓﻴﻪ ﻋﻠﻴﻬﻢ ﺍﻟﺰﻭﺯ
ﻧﺮﺟﺲ : ﻫﻬﻬﻬﻬﻬﻬﻪ ﺗﺴﺘﺎﻫﻠﻮ
ﺍﻧﻲ : ﻳﺎﺣﻤﺎﺭﺍﺍﺍﺍﺕ ﺑﺰﻋﺘﻮ ﺍﻟﻨﺴﻜﺎﻓﻴﻪ ﺑﺘﺎﺍﺍﺍﻋﻲ
ﻧﻮﺭﺱ : ﺗﻴﺸﺸﺮﺗﻲ ﺗﻠﺒﺰﺯﺯ ﺍﻥ ﺷﺎﺀ ﺍﻟﻠﻪ ﻣﺎﺗﺘﺰﻭﺟﻲ ﻳﺎﻧﻮﺍﻝ
ﻧﻮﺍﻝ : ﺍﻥ ﺷﺎﺀ ﺍﻟﻠﻪ ﻓﻴﻴﻚ ﻳﺪﻱ ﺍﻧﺤﺮﺭﻗﺖ ﺳﺨﻮﻭﻥ
ﺍﻧﻲ : ﺗﺴﺘﺎﻫﻠﻲ ﺍﻧﺘﻲ ﻭﻳﺎﻫﺎ
ﻣﺎﻣﺎ : ﺍﻥ ﺷﺎﺀ ﺍﻟﻠﻪ ﺑﺎﻟﻠﻄﻒ ﺗﻮ ﻫﺬﺍ ﺷﻦ ﻳﻘﻮﻟﻮﻟﻪ
ﻧﺮﺟﺲ : ﻫﺎﺩﻭ ﻳﺎﻣﺎﻣﺎ ﺯﻋﻤﻴﺘﻚ ﺍﻟﻲ ﻳﻘﻮﻟﻮ ﻧﻔﺲ ﺍﻟﻜﻠﻤﺔ ﻣﻊ ﺑﻌﺾ ﻳﻘﻌﺪﻭ ﻳﻤﺴﻮ ﺣﺎﺟﺔ ﺣﻤﺮﺍﺀ ﺍﻟﻲ ﺗﻤﺲ ﺍﻟﺤﻤﺮﺍﺀ ﺍﻻﻭﻟﻰ ﺗﺘﺰﻭﺝ ﻫﻲ ﺍﻻﻭﻟﻰ
ﻣﺎﻣﺎ : ﻃﻴﺢ ﺳﻌﺪﻛﻢ ﻭﺧﻼﺹ ، ﻧﻮﺿﻮ ﺩﻳﺮﻭ ﺣﺎﺟﺔ ﺗﺎﻛﻠﻮﻫﺎ ﻛﺎﻥ ﺟﻌﺎﻧﻴﻦ
ﻧﻮﺭﺱ ﻭﻧﻮﺍﻝ ﺍﻣﺸﻮ ﻳﻐﻴﺮﻭ ﺣﻮﺍﻳﺠﻬﺎ ﺑﻌﺪﻫﺎ ﺟﻮﻭ ﻣﺴﺤﻮ ﺍﻟﺒﺴﺎﻁ ﺍﻟﻲ ﻟﺒﺰﻭﻩ ﺑﻌﺪﻫﺎ ﺧﺸﻴﻨﺎ ﺍﻟﻤﻄﺒﺦ ﺍﻻﺭﺑﻌﻪ ﻧﻔﻜﺮﻭ ﺷﻦ ﻧﺪﻳﺮﻭ ﺑﻨﺎﻛﻠﻮ
ﻧﻮﺍﻝ : ﻧﺒﻲ ﺷﻜﺸﻮﻛﺔ ﺩﺣﻲ ﻣﺘﺎﻉ ﻧﻮﺭﺱ ﻣﺶ ﻋﺎﺩﻳﺔ
ﻧﺮﺟﺲ : ﺍﻳﻪ ﻧﻮﺭﺱ ﺩﻳﺮﻳﻠﻨﺎ
ﻧﻮﺭﺱ : ﺍﻣﺮﻱ ﻟﻠﻪ ﺑﺎﻩ ﻫﻲ ﻧﻮﺍﻝ ﻃﻠﻌﻲ ﻃﻤﺎﻃﻢ ﻧﺮﺟﺲ ﻣﺪﻳﻠﻲ ﺍﻟﻄﺎﻭﺓ ﻭﺍﻟﺰﻳﺖ ﻧﺴﻴﺒﺔ ﻃﻠﻌﻴﻠﻲ ﺳﺘﻪ ﺩﺣﻴﺎﺕ ﻫﻴﺎ
ﻭﺑﺪﺕ ﺗﻌﻄﻲ ﻓﻲ ﺍﻻﻭﺍﻣﺮ ﻭﺍﺣﻨﻲ ﻣﺎﻋﻠﻴﻨﺎ ﺍﻻ ﺍﻧﻔﺬﻭ ﺷﻜﺸﻮﻛﺔ ﺍﻟﺪﺣﻲ ﺑﺘﺎﻋﻬﺎ ﺣﺎﺟﺔ ﻣﺶ ﻋﺎﺩﻳﻪ
ﻭﻃﺎﺑﺖ ﻫﺎﺩﻳﻜﺎ ﺍﻟﺸﻜﺸﻮﻛﺔ ﻭﻭﻧﺎﺩﻳﻨﺎ ﻣﺎﻣﺎ ﻭﻗﻌﻤﺰﻧﺎ ﻧﺎﻛﻠﻮ ﻋﻠﻲ ﺍﻟﻄﻮﻟﺔ ﺑﻌﺪ ﻛﻤﻠﻨﺎ ﻗﻌﺪﻧﺎ ﻧﻬﺪﺭﺯﻭ
ﺑﻌﺪﻳﻦ ﻧﻮﺍﻝ ﻗﻌﺪﺕ ﺗﺪﺭﺑﻚ ﻉ ﺍﻟﻄﺎﺍﻭﻟﺔ : ﻭﻫﻴﺎﺍﺍﺍ ﻳﺎﺍﻫﻮﻭ ﻫﻴﺎﺍ ﻫﻴﺎ
ﺍﺣﻨﻲ : ﻫﻴﺎﺍﺍ ﻳﺎﻫﻮﻭ ﻫﻴﺎ ﻫﻴﺎ
ﻧﻮﺍﻝ : ﻭﺍﻟﻐﺎﺍﻟﻲ ﻣﺎﺭﻳﺘﺶ ﺯﻳﻪ ﻭﻫﻴﺎﺍﺍ ﻳﺎﻫﻮﻭ ﻫﻴﺎ ﻫﻴﺎ
ﺍﺣﻨﻲ : ﻫﻴﺎ ﻳﺎﻫﻮﻭ ﻫﻴﺎ ﻫﻴﺎ
ﻧﻮﺍﻝ : ﻭﻳﺮﻓﻌﻨﻲ ﻳﺪﻫﻮﺭ ﺑﻴﺎﺍﺍ ﻭﻫﻴﺎﺍﺍ ﻳﺎﺍﻫﻮ ﻫﻴﺎ ﻫﻴﺎ
ﺍﻧﻲ : ﺍﻳﻮﻭﻭﻩ ﻳﺪﻳﻜﻢ ﻳﺎﺍﻋﻴﻠﻪ
ﻣﺎﻣﺎ : ﻳﺎﺭﺑﻲ ﻟﻄﻔﻚ
ﻧﻮﺍﻝ ﺗﺪﺭﺑﻚ ﻭﺗﻘﺮﺏ ﻭﺟﻬﻬﺎ ﻣﻦ ﻣﺎﻣﺎ ﻭﺗﺰﻳﺪ ﺗﻐﻨﻲ : ﻭﺣﺒﻴﺒﻲ ﻣﺎﺭﻳﻴﻴﺘﺶ ﺯﻳﻪ ﻫﻴﺎﺍﺍ ﻳﺎﻫﻮﻭ ﻫﻴﺎ ﻫﻴﺎ
ﺣﻨﻲ : ﻫﻴﺎﺍﺍ ﻳﺎﻫﻮﻭ ﻫﻴﺎﺍﺍ ﻫﻴﺎﺍ
ﺍﻧﻲ : ﺭﻭﺭﻭﺭﻭﺭﻭﺭﻱ
ﻣﺎﻣﺎ : ﺣﻲ ﻉ ﺍﻟﺤﺸﻤﻪ ﺍﻧﺘﻲ ﺍﻟﻜﺒﻴﺮﺓ ﺍﻟﻌﺎﻗﻠﻪ ﺟﻮﻭﻧﺎ ﺍﻟﺠﻴﺮﺍﺍﻥ
ﺍﻧﻲ : ﻭﺑﻄﻴﺮﺭ ﻃﻴﺎﺭﺭﺓ ﺧﻠﻮﻭﻧﻲ ،،، ﺑﻨﺪﻳﺮ ﺟﻨﺎﻭﺡ ﻛﺮﻃﻮﻧﻲ
ﻧﻮﺍﺍﻝ : ﺍﻳﻮﻭﻭﻩ ﻫﺬﺍﺍﺍ ﻫﻮ ﻫﺬﺍ ﻫﻮ ،،،
ﻧﻮﺭﺱ : ﻫﺬﺍﺍﺍ ﻫﻮ ﺍﻟﻲ ﻧﺒﻮﻩ ﻫﺬﺍ ﻫﻮ ﺍﻟﺠﻮ ﺍﻟﺼﺢ
ﻧﺮﺟﺲ : ﻫﺪﺍﺍ ﻫﻮ ﺍﻟﻲ ﻳﺼﻠﺢ
ﻧﻮﺍﻝ : ﺍﺳﺴﺲ ﺍﺳﺲ ﻋﻨﺪﻱ ﺍﻏﻨﻴﻪ ﺑﻨﻘﻮﻭﻟﻬﺎ ، ﻭﻳﺎﺍﺷﻴﻨﻚ ﻫﻢ ﻳﺎﺍﺷﻴﻨﻚ ﻫﻢ ،،، ﺟﺖ ﺍﻟﻌﺸﻴﻘﻪ ﻓﻲ ﻭﻟﺪ ﺍﻟﻌﻢ ﻭﻫﻲ ﺗﺸﻴﺮ ﺑﺤﻮﺍﺟﺒﻬﺎ ﻟﻨﻮﺭﺭﺱ
ﻧﺮﺟﺲ : ﻫﻬﻬﻬﻬﻪ ﺍﻭﻭﻭ
ﺍﻧﻲ : ﻫﻬﻬﻬﻬﻪ ﻋﻠﻴﻚ ﻃﻴﺎﺡ ﺳﻌﺪ
ﻧﻮﺭﺱ : ﺷﻦ ﺗﺨﺮﻓﻮﻭ
ﻧﻮﺍﻝ : ﻭﺷﺮﺭﺗﻊ ﻳﺎﺯﻳﺘﻮﻧﻬﺎ ،،، ﻋﺪﻧﺎﻥ ﻧﻮﺭ ﻋﻴﻮﻧﻬﺎ
ﻧﻮﺭﺱ ﻭﺟﻬﻬﺎ ﺍﺣﻤﺮ ﻃﺒﺴﺖ ﺍﺧﺪﺕ ﺷﺒﺸﺐ ﺣﺪﻓﺎﺗﻪ ﻋﻠﻲ ﻧﻮﺍﻝ : ﻃﻴﺢ ﺳﻌﺪﻙ ﻭﺳﻌﺪ ﺗﻔﻜﻴﺮﻛﻢ ﻛﻠﻜﻢ
ﻣﺎﻣﺎ : ﻫﻬﻬﻬﻬﻪ ﺑﻨﺎﺕ ﺍﺧﺮ ﺯﻣﺎﻥ ﻣﺎﻳﺘﺤﺸﻤﻮ
ﻭﻗﻌﺪﻧﺎ ﻫﻜﻲ ﻟﻘﺮﻳﺐ ﺍﻟﺴﺎﻋﻪ ﻭﺍﺣﺪ ﻧﺪﺭﺑﻜﻮﻭ ﻭﻧﻐﻨﻮ ﻭﻧﺸﺪﻭﻭ ﻓﻲ ﺣﺎﺟﺎﺕ ﻋﻠﻲ ﺍﺳﺎﺱ ﻣﻴﻜﺮﻓﻮﻥ ﻭﺟﺘﻨﺎ ﺍﻟﻬﺒﻠﻪ ﻫﺪﺍﻛﺎ ﺍﻟﻴﻮﻡ
ﺑﺲ ﻛﺎﻥ ﺍﺣﻠﻰ ﺟﻮ ﺑﻴﻦ ﺍﺧﻮﺍﺗﻲ ﻭﻣﺎﻣﺎ ﻛﻴﻒ ﺗﺸﻮﻓﻠﻨﺎ ﻭﻫﻲ ﻣﺒﺘﺴﻤﻪ ﻭﺗﺸﻮﻑ ﻓﻴﻨﺎ ﻓﺮﺣﺎﻧﻴﻦ ﻭﺧﺎﺻﻪ ﺍﻧﻲ ﻟﻴﻦ ﻗﺮﻳﺐ ﺳﻨﺘﻴﻦ ﻣﺎﺷﺎﻓﺘﺶ ﺍﻟﻬﺒﻠﺔ ﻫﺎﺩﻱ ﻭﺿﺤﻜﺘﻲ ﺑﺎﻟﺸﻜﻞ ﻫﺪﺍ ﻛﺎﻧﺖ ﺣﺎﻣﻠﻪ ﻫﻤﻲ ﻫﻠﺒﺎ
ﺧﺸﺖ ﻛﻞ ﻭﺣﺪﺓ ﻟﺪﺍﺭﻫﺎ ﺑﻌﺪ ﻓﺸﻠﻨﺎ
ﺍﺗﺼﻞ ﺑﻴﺎ ﻭﻟﻴﺪ ﻫﺪﺭﺯﺕ ﻣﻌﺎﻩ ﻟﻘﺮﻳﺐ ﺍﻟﺴﺎﻋﻪ ﺍﺭﺑﻌﻪ ﺑﻌﺪﻫﺎ ﺭﻗﺪﺕ
ﻧﻀﺖ ﺗﺎﻧﻲ ﻳﻮﻡ ﺍﻟﺴﺎﻋﻪ 11 ﺻﺒﺤﺖ ﻋﻠﻲ ﻭﻟﻴﺪ ﺑﻌﺪﻫﺎ ﻓﻄﺮﺕ ﻭﻗﺴﻤﻨﺎ ﺍﻻﻋﻤﺎﻝ ﺍﻟﺤﻮﺵ
ﻧﻮﺍﻝ : ﺍﻧﻲ ﺍﻟﺤﻤﺎﻣﺎﺕ ‏( ﺣﺸﺎﻛﻢ ‏) ﻭﻣﻌﺎﺵ ﻧﻌﺮﺭﻑ ﺭﺍﻫﻮ
ﻧﺮﺟﺲ : ﺍﻧﻲ ﻧﻜﻨﺲ ﻭﺍﻧﺸﻒ
ﻧﻮﺭﺱ : ﻭﺍﻧﻲ ﺍﻟﻤﻄﺒﺦ
ﺍﻧﻲ : ﻭﺍﻧﻲ ﻧﻘﻌﻤﺰ ﻧﺘﻔﺮﺝ ﻋﻠﻲ ﺧﻮﺍﺗﻲ ﺍﻟﻔﺎﻟﺤﺎﺕ ﻭﻧﺸﺮﺏ ﺍﻟﻨﺴﻜﺎﻓﻴﻪ ﺑﺘﺎﻋﻚ
ﻧﻮﺭﺱ : ﻏﻴﺮ ﺍﺣﻠﻤﻲ ﻧﻮﻭﺿﻲ ﻟﻮﺩﻱ ﻉ ﺍﻟﺤﻮﺵ ﻳﺎﺣﻠﻮﺓ
ﺍﻧﻲ : ﻣﺎﺗﻘﻮﻟﻮﺵ ﻧﺮﻳﺤﻮ ﺍﺧﺘﻨﺎ ﺍﻟﻜﺒﻴﺮﺓ ﺑﻜﻞ
ﻭﺿﻤﻴﻨﺎ ﺍﻟﺤﻮﻭﺵ ﺑﻌﺪﻫﺎ ﺗﻐﺪﻳﻨﺎ ﻭﻗﻌﻤﺰﻧﺎ ﻓﻲ ﺩﺍﺭ ﺍﻟﻤﻌﻴﺸﺔ
ﻧﺮﺟﺲ ﻛﺎﻧﺖ ﻓﺎﺗﺤﻪ ﺍﻟﻨﺖ ﻭﺩﺭﺕ ﺷﻬﻘﺖ ﻭﻧﻄﺖ
ﻛﻠﻨﺎ ﺗﻠﻔﺘﻨﺎﻟﻬﺎ ﻣﻔﺰﻭﻋﻴﻦ
ﻧﺮﺟﺲ : ﺍﻟﻤﺪﺭﺭﺳﺔ ﺗﺒﺪﺍ ﺍﻻﺳﺒﻮﻭﻉ ﺍﻟﺠﺎﻱ ﺍﻟﻴﻮﻡ ﺍﺗﻨﻴﻦ ﻣﺰﺍﻝ ﺧﻤﺴﻪ ﺍﻳﺎﻡ ﺑﺲ ﺗﻘﻮﻝ ﻓﻴﻬﺎ ﻭﻫﻲ ﻗﺮﻳﺐ ﺗﺒﻜﻲ ، ﻭﺍﺣﻨﻲ ﻳﺎﻣﺎﻣﺎ ﻗﺎﻋﺪﻳﻦ ﻣﺎﺷﺮﻳﻨﺎ ﺷﻲ
ﻧﻮﺭﺱ : ﺍﻟﺸﻬﻘﻪ ﻫﺎﺩﻱ ﻛﻠﻬﺎ ﻋﻠﻲ ﺧﺎﻃﺮ ﻣﺎﺷﺮﻳﺘﻲ ﺷﻲ ﻣﺰﺍﻝ ﺍﻟﻮﻗﺖ ﻏﺪﻭﺓ ﺗﺮﻓﻌﻜﻢ ﻧﺴﻴﺒﺔ
ﺍﻧﻲ : ﺍﻳﻴﻪ ﺍﻳﻴﻪ ﺑﺎﻟﻀﺒﻂ ﻳﺮﻓﻌﻜﻢ ﺍﻟﺴﻮﺍﻕ ﻫﻜﻲ ﻗﺼﺪﻙ
ﻣﺎﻣﺎ : ﺍﻟﻠﻪ ﻏﺎﻟﺐ ﻳﺎﺑﻨﻴﺘﻲ ﻣﻦ ﺑﻴﺮﻓﻌﻬﻢ ﺗﺎﻧﻲ ﺍﻫﻮ ﻻﻋﻨﺪﻛﻢ ﻻ ﺑﻮ ﻻﺧﻮ ﻻﺳﻨﺪ ﻻﺯﻡ ﺗﺴﺎﻋﺪﻭ ﺑﻌﺾ ﻭﺧﻨﻘﺘﻬﺎ ﺍﻟﻌﺒﺮﺓ ، ﺍﻧﻲ ﻳﺎﺭﻳﺘﻨﻲ ﻣﺘﻌﻠﻤﻪ ﺍﻟﺴﻮﺍﻗﻪ ﻣﻦ ﺯﻣﺎﻥ ﻛﺎﻥ ﻫﺬﺍ ﻣﺎﻧﺨﻠﻴﻜﻢ ﺗﺴﺘﺤﻘﻮ ﺣﺎﺟﺔ ﻭﻗﻌﺪﺕ ﺗﺒﻜﻲ
ﺍﻧﻲ ﻧﻀﺖ ﻣﻦ ﻣﻜﺎﻧﻲ ﻧﺠﺮﻱ ﻭﺟﻴﺖ ﺟﻨﺒﻬﺎ ﺑﺴﺖ ﻋﻠﻲ ﺭﺍﺳﻬﺎ : ﻳﺎﻣﺎﻣﺎ ﺗﻮ ﻋﻼﺵ ﺗﺒﻜﻲ ﻭﺍﻟﻠﻪ ﻛﻨﺖ ﻧﺒﺼﺮ ﻋﻠﻲ ﻧﻮﺭﺱ ﻣﺶ ﻗﺼﺪﻱ ﻭﺑﻌﺪﻳﻦ ﺍﻧﺘﻲ ﻣﺶ ﻣﻘﺼﺮﻩ ﻣﻌﺎﻧﺎ ﻓﻲ ﺷﻲ ﻭﻭﻳﻦ ﻣﺎﻳﺒﻮ ﺍﺧﻮﺍﺗﻲ ﻧﺮﻓﻌﻬﻢ
ﻣﺎﻣﺎ : ﺭﺑﻲ ﻳﺨﻠﻴﻜﻢ ﻟﺒﻌﺾ ﻭﻣﺎﻳﺤﺮﻣﻜﻢ ﻣﻦ ﺑﻌﺾ ﻣﺶ ﺣﺘﻠﻘﻮ ﺍﻻ ﺑﻌﺾ ﺭﺍﻫﻮ ﺷﻮﻓﻮ ﺍﻧﻲ ﻭﺧﺎﻟﺘﻜﻢ ﺗﻮﺍ ﺭﺍﺟﻠﻬﺎ ﻟﻤﺎ ﺗﻮﻓﻰ ﺧﻼﻟﻬﺎ ﺗﻼﺗﻪ ﺍﺻﻐﺎﺭ ﺍﻛﺒﺮ ﻭﺣﺪﺓ ﺻﻒ ﺧﺎﻣﺲ ﻭﻫﻲ ﺻﻐﻴﺮﺓ ﺧﻮﺗﻲ ﻣﺎﻳﻘﺼﺮﻭﺵ ﻟﻜﻦ ﻛﻞ ﻭﺍﺣﺪ ﻋﻨﺪﻩ ﺣﻴﺎﺗﻪ ﻭﻻﻋﻨﺪﻧﺎ ﻻﺑﻮ ﻻ ﺍﻡ ﻗﺪﺍﺵ ﻣﺮﺓ ﺍﻧﻬﺎﺭﺕ ﻛﺎﻧﺖ ﺗﺠﻴﻨﻲ ﻭﺗﻘﻌﺪ ﺗﺸﻜﻲ ﻭﻫﻲ ﺣﺎﻳﺮﺓ ﻛﻴﻒ ﺗﺪﻳﺮ ﺳﺠﻠﺖ ﻓﻲ ﻣﺪﺭﺳﺔ ﻭﺑﺪﺕ ﺗﻘﺮﻱ ﺑﻌﺪﻫﺎ ﺗﻌﻠﻤﺖ ﺍﻟﺴﻮﺍﻗﻪ
ﺍﺣﻨﻲ : ﻧﺴﻤﻌﻮ
ﻣﺎﻣﺎ ﻛﻤﻠﺖ : ﻭﻭﻟﺖ ﻭﻭﻗﻔﺖ ﻋﻠﻲ ﺭﺟﻠﻴﻬﺎ ﺍﻟﺮﺍﺟﻞ ﺳﻨﺪ ﻟﻠﻤﺮﺍ ﻣﻬﻤﺎ ﺗﻜﻮﻥ ﺍﻟﻤﺮﺍ ﺻﻌﺐ ﺗﻘﺪﺭ ﺗﻘﺴﻢ ﺭﻭﺣﻬﺎ ﻋﻠﻲ ﺍﻧﻬﺎ ﺍﺏ ﻭﺍﻡ ﻓﻲ ﻧﻔﺲ ﺍﻟﻮﻗﺖ ، ﻭﺍﻧﻲ ﻟﻤﺎ ﺗﻮﻓﻰ ﺑﻮﻛﻢ ﺍﻧﺘﻮ ﺻﺢ ﻣﺎﻛﻨﺘﻮﺵ ﺻﻐﺎﺭ ﻫﻠﺒﺎ ﺑﺲ ﺗﻌﺘﺒﺮﻭ ﻓﻲ ﺳﻦ ﻣﺮﺍﻫﻘﻪ ﺍﻟﻠﻴﻞ ﻣﺎﻧﺮﻗﺪﺍﺷﻲ ﻭﺍﻧﻲ ﻧﺨﻤﻢ ﻓﻴﻜﻢ ﻭﻛﻴﻒ ﺣﻨﻘﺪﺭ ﻧﻮﻓﺮﻟﻜﻢ ﻛﻞ ﺷﻲ ﻭﻣﺎﺍﻧﻘﺺ ﻋﻠﻴﻜﻢ ﺷﻲ ، ﻟﻤﺎ ﻧﺸﻮﻓﻜﻢ ﻫﻜﻲ ﻣﻊ ﺑﻌﺾ ﻭﺗﻀﺤﻜﻮ ﻭﺗﻠﻌﺒﻮ ﻋﻨﺪﻱ ﺑﺎﻟﺪﻧﻴﺎ ﻭﻣﺎﻓﻴﻬﺎ
ﻧﻮﺭﺱ : ﺍﺣﻨﻲ ﻳﺎﻣﺎﻣﺎ ﻣﺎﺩﺍﻡ ﺍﻧﺘﻲ ﻣﻌﺎﻧﺎ ﺩﻳﻤﺎ ﺣﻨﻜﻮﻥ ﻛﻮﻳﺴﻴﻦ ﻭﻣﺎﻧﺎﻗﺼﻨﺎ ﺷﻲ
ﻧﺮﺟﺲ ﻗﻌﺪﺕ ﺗﺒﻜﻲ : ﺭﺑﻲ ﻳﺤﻔﻈﻚ ﻟﻴﻨﺎ ﻳﺎﻣﺎﻣﺎ ﺍﺣﻨﻲ ﺟﻨﺒﻚ ﺩﻳﻤﺎ
ﻧﻮﺍﻝ ﺟﺖ ﺑﺎﺷﺖ ﻓﻮﻕ ﺭﺍﺱ ﻣﺎﻣﺎ ﻭﺍﺿﺒﻄﺘﻬﺎ
ﺍﻧﻲ : ﺭﺑﻲ ﻳﺤﻔﻈﻚ ﻳﺎﻣﺎﻣﺎ
ﻭﻛﻠﻨﺎ ﺟﻴﻨﺎ ﺍﺿﺒﻄﻨﺎﻫﺎ ﻭﻣﺎﻗﻄﻌﺶ ﻫﺎﻟﻠﺤﻈﺔ ﺍﻟﺤﻠﻮﺓ ﺍﻻ ﺻﻮﺕ ﺍﻟﺠﺮﺱ
ﺍﻧﻲ : ﺗﻮ ﻧﻔﺘﺢ ﻗﻤﺖ ﺍﻟﺠﺮﺱ ، ﻣﻨﻮﻭ ؟
...... : ﺍﻧﻲ ﺧﺎﻟﻚ ﻋﻤﺮ ﺍﻓﺘﺤﻲ
ﻓﺘﺤﺘﻠﻪ ﺍﻟﺒﺎﺏ ﺍﻟﺨﺎﺭﺟﻲ : ﻣﺎﻣﺎ ﻫﺪﺍ ﺧﺎﺍﻟﻲ ﻋﻤﺮ
ﻣﺎﻣﺎ : ﻫﻲ ﺟﺎﻳﻪ
ﺳﻠﻤﺖ ﻋﻠﻲ ﺧﺎﻟﻲ ﻭﺧﺸﺸﺘﻪ ﻟﻠﺼﺎﻟﻪ ﻭﺷﻮﻱ ﺧﺸﺘﻠﻪ ﻣﺎﻣﺎ ﻭﻃﻠﻌﻮ ﺧﻮﺍﺗﻲ ﺳﻠﻤﻮ ﻋﻠﻴﻪ ﺑﻌﺪﻫﺎ ﺍﻣﺸﻴﻨﺎ ﺍﻻﺭﺑﻌﻪ ﻟﻠﻤﻄﺒﺦ ﻧﻮﺗﻲ ﺷﻦ ﺑﻨﻀﻴﻔﻮﻩ
ﻧﻮﺭﺱ : ﻣﺎﻧﻌﺮﻓﺶ ﻋﻼﺵ ﺍﺣﺴﺎﺳﻲ ﻳﻘﻮﻝ ﺍﻧﻪ ﻓﻲ ﺣﺎﺟﺔ ﺻﺎﻳﺮﺓ
ﻧﻮﺍﻝ : ﺣﺘﻰ ﺍﻧﻲ ﺟﻴﻪ ﺧﺎﻟﻲ ﻋﻤﺮ ﻟﻴﻨﺎ ﻟﻠﺤﻮﺵ ﻣﺶ ﺑﻼﺵ ﻫﻮ ﻣﻦ ﻭﻓﺎﻩ ﺑﺎﺑﺎ ﻣﺎﺧﺸﺶ ﺣﻮﺷﻨﺎ
ﻧﺮﺟﺲ : ﺻﺢ ﻣﻊ ﺍﻧﻪ ﺧﻮﻫﻢ ﺍﻟﻜﺒﻴﺮ ﻭﻣﻔﺮﻭﺽ ﻳﺴﺎﻧﺪ ﺧﺎﻟﺘﻲ ﻭﻣﺎﻣﺎ ﺑﺲ ﻣﺶ ﻻﻫﻲ ﻳﺠﺮﻱ ﻓﻲ ﺟﺮﺓ ﺍﻟﻔﻠﻮﺱ ﺑﺲ
ﺍﻧﻲ : ﺍﻟﺒﺮﺍﻧﻴﻪ ﻛﺎﻧﻮ ﺍﻓﻀﻞ ﻣﻨﻪ
ﻧﻮﺭﺱ : ﺧﻼﺍﺹ ﻓﻜﻮﻧﺎ ﻫﻴﺎﺍ ﻧﻮﺗﻮ ﻗﻬﻮﺓ
ﻭﺩﺍﺭﺕ ﻧﻮﺭﺱ ﻗﻬﻮﺓ ﻭﺭﻓﻌﺖ ﻣﺪﺗﻬﺎ ﻭﺍﺣﻨﻲ ﻃﻠﻌﻨﺎ ﻗﻌﻤﺰﻧﺎ ﻛﻠﻨﺎ ﺟﻨﺒﻪ ﻭﻛﺎﻥ ﺳﺎﻛﺖ ﻳﺸﺮﺏ ﻓﻲ ﺍﻟﻘﻬﻮﺓ ﻭﻣﺎﻣﺎ ﺗﻔﺘﺢ ﻓﻲ ﻣﻮﺍﺿﻴﻊ ﺑﺴﻜﻮﺗﻪ ﺯﺑﻄﻨﺎ ﻓﻲ ﺣﺎﺟﺔ
ﺧﺎﻟﻲ ﻋﻤﺮ : ﻳﺎﺑﻨﺎﺕ ﻓﻲ ﻣﻮﺿﻮﻉ ﺑﻨﺪﻭﻳﻪ ﻣﻊ ﺍﻣﻚ ﺧﻠﻮﻧﺎ ﺑﺮﻭﺣﻨﺎ
ﺷﺒﺤﻨﺎ ﻟﺒﻌﺾ ﻭﻧﻀﻨﺎ ﺭﻛﺒﻨﺎ ﻓﻮﻕ
ﻃﺒﻌﺎ ﺍﻟﺪﺭﻭﺝ ﺟﺎﻱ ﻓﻮﻕ ﺍﻟﺼﺎﻟﻪ ﻭﻓﻲ ﻛﺮﺍﺳﻲ ﺗﺤﺖ ﺍﻟﺪﺭﻭﺝ ﻣﺤﻄﻮﻃﻴﻦ ﻗﻌﻤﺰﻧﺎ ﻉ ﺍﻟﺪﺭﻭﺝ ﻃﺒﻌﺎ ﻣﺎﻣﺎ ﺗﺸﻮﻑ ﻓﻴﻨﺎ ﻭﺗﻔﻨﺺ ﻓﻴﻨﺎ ﻣﺎﻋﺪﻟﻨﺎﺵ ﺗﻲ ﻭﺍﻟﻠﻪ ﻣﺎﻧﻘﺪﺭﻭ ﻻﺯﻡ ﻧﻌﺮﻓﻮ ﺍﻟﻤﻬﻢ ﺧﺎﻟﻲ ﻣﻘﻌﻤﺰ ﺗﺤﺖ ﺍﻟﺪﺭﻭﺝ ﻣﺎﻳﺸﻮﻓﺶ ﻓﻴﻨﺎ
ﺧﺎﻟﻲ ﻋﻤﺮ : ﺷﻮﻓﻲ ﻓﻲ ﺍﺭﺽ ﻟﺒﻮﻱ ﻓﻲ ﺍﻟﻨﻮﻓﻠﻴﻴﻦ ﺗﺰﺑﻄﻴﻬﺎ
ﻣﺎﻣﺎ : ﺍﻳﻪ ﺧﻴﺮﻫﺎ
ﺧﺎﻟﻲ ﻋﻤﺮ : ﻣﻦ ﺍﻻﺧﻴﺮ ﻳﺎﻧﺎﺩﻳﺔ ﻧﺒﻮ ﻧﻘﺴﻤﻮﻫﺎ ﻭﻧﺒﻴﻚ ﺍﻧﺘﻲ ﻭﻧﻌﻴﻤﻪ ﺗﺘﻨﺎﺯﻟﻮ ﻋﻠﻲ ﺣﺼﺘﻜﻢ ﻣﻘﺎﺑﻞ ﻣﺒﻠﻎ ﻣﺎﻟﻲ
ﻣﺎﻣﺎ : ﻣﺎﻋﻨﺪﻳﺶ ﻣﺸﻜﻠﺔ ﺍﻟﻤﻬﻢ ﻗﺼﺪﻱ ﻫﺬﺍ ﺣﻘﻨﺎ ﺍﻟﻤﺰﺑﻮﻁ ﻳﺎﺧﻮﻱ ﻋﻨﺪﻱ ﺑﻨﺎﺕ ﻳﺘﺎﻣﻰ ﺑﻨﺰﻭﺟﻬﻢ ﻭﺑﻴﻘﺮﻭ ﻭﺑﺘﻮﺍﺟﻬﻨﻲ ﻫﻠﺒﺎ ﺣﺎﺟﺎﺕ
ﺧﺎﻟﻲ : ﻣﻘﺎﺑﻞ ﻋﺸﺮﻩ ﺍﻻﻑ
ﻣﺎﻣﺎ : ﻋﺸﺮﺭﺓ ﺍﻻﻑ !! ﺍﻻﺭﺽ ﺗﺠﻴﺐ ﻓﻮﻕ ﻣﻦ ﺧﻤﺴﻪ ﻣﻠﻴﻮﻭﻥ ﻭﺣﺼﺘﻨﺎ ﺗﻌﺘﺒﺮ ﺍﻛﺜﺮ ﻣﻦ ﻫﻜﻲ ﻳﻌﻨﻲ ﺗﻜﻮﻥ ﺣﺘﻰ ﺍﻛﺜﺮ ﻣﻦ 500 ﺍﻟﻒ
ﺧﺎﻟﻲ ﻭﻫﻮ ﻳﻮﻗﻒ : ﺍﻧﻲ ﻫﺬﺍ ﺍﻟﻲ ﻋﻨﺪﻱ ﻭﻏﺪﻭﺓ ﺑﻨﺠﻴﺐ ﺻﺎﺣﺒﻲ ﻣﺤﺎﻣﻲ ﻭﺑﺘﻮﻗﻌﻲ ﺍﻧﺘﻲ ﻭﺍﺧﺘﻚ ﻭﻛﻠﻤﻴﻪ ﻭﻗﻮﻟﻴﻠﻬﺎ ﺗﺴﻜﻴﺮ ﺍﻟﺮﺍﺱ ﻣﺶ ﺣﻴﻨﻔﻊ ﻋﺸﺮﺓ ﺍﻻﻑ ﺳﺎﺍﺍﺩﻳﻨﻜﻢ
ﻣﺎﻣﺎ ﻭﻗﻔﺖ : ﻫﺬﺍ ﻛﻼﻡ ﻳﺎﺧﻮﻱ ﻳﺎﻭﻟﺪ ﺍﻣﻲ ﻳﻠﻲ ﻣﻔﺮﻭﺽ ﺗﻜﻮﻥ ﺳﻨﺪ ﻟﻴﻨﺎ ﻭﺗﺴﻨﺎﺩﻧﺎ ﻫﺬﺍ ﺍﻗﻞ ﺷﻲ ﺗﺪﻳﺮﻩ ﺗﻌﻄﻴﻨﺎ ﺣﻘﻨﺎ ﻛﺎﻣﻞ ﺍﻧﻲ ﺭﺍﻫﻮ ﻫﺬﺍ ﻭﺳﺦ ﺍﻟﺪﻧﻴﺎ ﻟﻜﻦ ﻋﻠﻲ ﺧﺎﺍﻃﺮ ﺑﻨﺎﺍﺗﻲ ﻛﺎﻥ ﻋﺒﺪ ﺍﻟﻌﻈﻴﻢ ﻗﺎﻋﺪ ﺣﻲ ﺭﺍﻫﻮ ﻣﺶ ﻣﺴﺘﺤﻘﺘﻠﻚ ﻟﻜﻦ ﻫﺬﺍ ﺣﻘﻲ ﻭﻧﺒﻴﻪ
ﺧﺎﻟﻲ ﺑﺼﻮﻭﺕ ﻋﺎﻟﻲ : ﻧﺎﺍﺍﺍﺍﺍﺩﻳﺔ ﻣﺎﺗﺘﺠﺎﻭﺯﻱ ﺣﺪﻭﺩﻙ ﻗﻠﺖ ﻋﺸﺮﺓ ﺍﻻﻑ ﻳﻌﻨﻲ ﻋﺸﺮﺓ ﺍﻻﻑ
ﻣﺎﻣﺎ : ﻳﺎﺍﺍﺣﺴﺮﺓ ﻳﺎﺧﻮﻱ ﻳﺎﺍﺍﺣﺴﺮﺓ
ﺧﺎﻟﻲ ﻳﻘﻴﻢ ﻳﺪﻩ ﻋﻠﻲ ﻣﺎﻣﺎ
ﺍﻧﻲ ﻟﻤﺎ ﺷﻔﺖ ﻳﺪﻩ ﻧﺰﺯﻟﺖ ﻧﺠﺮﻱ ﻣﻦ ﺍﻟﺪﺭﺭﻭﻭﺝ ﻭﺟﻴﺖ ﻭﻗﻔﺖ ﻗﺪﺍﻡ ﻣﺎﻣﺎ ﻭﻟﺤﻘﻮﻭﻧﻲ ﺧﻮﺍﺗﻲ ﻭﻗﻔﻮ ﺟﻨﺒﻲ ﻗﻌﺪﺕ ﻣﺎﻣﺎ ﻭﺭﺍﻧﺎ ﻭﺍﺣﻨﻲ ﻗﺪﺍﻣﻬﺎ
ﺍﻧﻲ : ﺑﻌﺪ ﺍﺣﺘﺮﺍﻣﻲ ﻳﺎﺧﺎﻟﻲ ﻣﺎﺗﻔﻜﺮﺵ ﺣﺘﻰ ﺍﻟﺘﻔﻜﻴﺮ ﺍﻧﻚ ﺗﻤﺪ ﻳﺪﻙ ﻋﻠﻲ ﻣﺎﻣﺎ
ﺧﺎﻟﻲ ﻳﻨﺰﻝ ﻳﺪﻩ ﺑﻌﺼﺒﻴﻪ : ﺍﺣﺘﺮﺭﺭﻣﻲ ﻧﻔﺴﻚ ﻳﺎﻗﻠﻴﻠﻪ ﺍﻻﺩﺏ
ﻧﻮﺍﻝ : ﺑﺎﺑﺎ ﻭﻣﺎﻣﺎ ﺭﺑﻮﻧﺎ ﺍﺣﺴﻦ ﺗﺮﺑﻴﺔ ﻳﺎﺧﺎﻝ
ﺧﺎﻟﻲ ﻳﻘﻴﻢ ﻳﺪﻩ ﻭﻳﻀﺮﺭﺏ ﻧﻮﺍﻝ ﻛﻒ
ﻣﺎﻣﺎ : ﻫﻴﻴﻴﻴﻴﻴﻲ ﺑﻨﺘﻲ
ﻧﻮﺭﺱ ﻧﺮﺟﺲ ﺍﺿﺒﻄﻮﻫﺎ ﻳﺠﺮﻭ ﻭﻫﻲ ﺣﺎﻃﺔ ﻳﺪﻫﺎ ﻋﻠﻲ ﺧﺪﻫﺎ ﻭﻣﺼﺪﻭﻭﻣﺔ
ﻧﻮﺭﺱ : ﺍﻟﻠﻪ ﻻﻳﺴﺎﺍﺍﻣﺤﻚ
ﺧﺎﻟﻲ ﻛﻴﻒ ﻗﺎﻡ ﻳﺪﻩ ﻭﺑﻴﻀﺮﺏ ﺣﺘﻰ ﻧﻮﺭﺱ ﺷﺪﻳﺘﻠﻪ ﻳﺪﺩﻩ : ﻣﺎﺍﺍﻋﺎﺵ ﺍﻟﻲ ﻳﻤﺪ ﻳﺪﻩ ﻋﻠﻲ ﺍﺧﻮﺍﺗﻲ ﻭﺍﻧﻲ ﻣﻮﺟﻮﻭﺩﺓ
ﺧﺎﻟﻲ : ﻭﺍﻟﻠﻪ ﻳﺎﺍﻧﺎﺩﻳﺔ ﻣﺎﻋﺮﻓﺘﻴﺶ ﺗﺮﺭﺑﻲ
ﺍﻧﻲ : ﻣﺘﺮﺑﻴﺎﺕ ﺍﺣﺴﺴﺴﻦ ﺗﺮﺑﻴﺔ ﻃﻮﻭﻝ ﻋﻤﺮﻧﺎ ﻣﺤﺘﺮﻣﻴﻨﻚ ﻻﻧﻚ ﺧﺎﻟﻨﺎ ﻭﻛﺒﻴﺮﺭ ﻭﻧﻔﺘﺨﺮﻭ ﺑﻴﻚ ﺑﺲ ﻳﺎﺍﺣﻴﻒ ﻟﻼﺳﻒ ﺧﺎﻟﻨﺎ ﺍﻟﻲ ﻣﻔﺮﻭﺽ ﻳﻜﻮﻥ ﺳﻨﺪﻧﺎ ﺟﺎﻱ ﻳﻤﺪﻩ ﻓﻲ ﻳﺪﻩ ﻋﻠﻴﻴﻨﺎ ﻋﻠﻲ ﺧﺎﻃﺮ ﻭﺳﺦ ﺩﻧﻴﺎﺍﺍﺍ
ﻣﺎﻣﺎ : ﺍﻧﻲ ﺗﻨﺎﺍﺍﺯﻝ ﻭﺍﻟﻠﻪ ﻣﺎﻧﻲ ﻣﺘﻨﺎﺍﺯﻟﺔ ﻭﺍﻋﻠﻢ ﻣﺎﻓﻲ ﺧﻴﻠﻚ ﺍﺭﻛﺒﻪ
ﺧﺎﻟﻲ ﺑﺼﻮﻭﺕ ﻋﺎﻟﻲ : ﻗﻠﺘﺘﺖ ﺑﺘﺘﻨﺎﺯﻟﻲ ﻳﻌﻨﻲ ﺑﺘﺘﻨﺎﺯﻟﻲ
ﺍﺣﻨﻲ ﻭﻗﻔﻨﺎ ﻛﻠﻨﺎ ﻗﺪﺍﻡ ﻣﺎﻣﺎ ﻣﻦ ﺟﺪﻳﺪ ﺣﺘﻰ ﻣﻦ ﻧﻮﺍﻝ ﻭﻫﻲ ﺷﺎﺩﻩ ﺧﺪﻫﺎ ﻭﻧﺸﺒﺤﻮﻟﻪ ﺑﺸﺒﺤﺎﺍﺕ ﻏﻀﺐ ﻭﻏﻴﻴﺾ
ﻧﺮﺟﺲ : ﺍﻻﺍﺍﺍ ﻣﺎﻣﺎ ﻳﺎﺍﺧﺎﻟﻲ
ﺍﻧﻲ : ﻳﺎﺭﻳﺖ ﺗﺘﻔﻀﻞ ﺗﻄﻠﻊ ﻳﺎﺍﺍﺧﺎﻝ
ﺧﺎﻟﻲ : ﺍﻧﻲ ﺗﻠﺰﻭﻭﻧﻲ ﺍﻧﻲ ﺑﺎﺍﻩ ﺗﻮ ﺗﺸﻮﻭﻓﻮ ﺗﻮ ﺗﺸﻮﻭﻭﻓﻲ ﻳﺎﻧﺎﺩﻳﺔ ﻛﺎﻥ ﻣﺎﺧﻠﻴﺘﻜﺶ ﺗﺘﻨﺎﺯﻟﻲ ﻭﺭﺟﻠﻚ ﻋﻠﻲ ﺭﺍﺳﻚ ﻓﻮﻭﻗﻬﺎ ﻭﺍﻧﺘﻮﻭ ﻭﺍﺷﺮ ﻋﻠﻴﻨﺎ ﺍﺣﻨﻲ ﺍﻟﻤﺎ ﻧﺮﺑﻴﻜﻢ ﻳﺎﺍﻭﺳﺨﺎﺕ
ﻧﻮﺍﻝ ﺑﻐﻴﺾ ﻭﺍﻟﺪﻣﻌﻪ ﻓﻲ ﻋﻴﻨﻬﺎ : ﻛﻢ ﻣﺮﺓ ﻗﻠﻨﺎﺍﺍﻟﻚ ﺍﺣﻨﻲ ﻣﺘﺮﺑﻴﺔ ﻏﺼﺒﻦ ﻋﻠﻲ ﺍﻟﻜﻞ ﺍﺣﻨﻲ ﺑﻨﺎﺍﺍﺕ ﻋﺒﺪ ﺍﻟﻌﻈﻴﻴﻢ ﻟﻮ ﻣﺎﻋﻨﺪﻛﺶ ﻋﻠﻢ
ﺧﺎﻟﻲ ﺑﻬﺰﻭﺓ : ﺗﻮ ﻧﺸﻮﻓﻮ ﺑﻨﺎﺕ ﻋﺒﺪ ﺍﻟﻌﻈﻴﻢ ﻗﺎﻝ ﻭﻃﻠﻠﻊ ﻭﺧﺒﻂ ﺍﻟﺒﺎﺏ ﻭﺭﺍﺍﺍﻩ ﺑﻘﻮﻭﺓ
ﻣﺎﻣﺎ ﺍﻧﻬﺎﺭﺕ ﻉ ﺍﻟﻜﺮﺳﻲ ﻭﻗﻌﺪﺕ ﺗﺒﻜﻲ ﺑﻌﺒﺮﺓ ﺍﻟﺘﻤﻴﻨﺎ ﻋﻠﻴﻬﺎ ﻛﻠﻨﺎ ﻭﺍﺿﺒﻄﻨﺎﺍﻫﺎ
ﻧﺮﺟﺲ : ﺧﻼﺹ ﻳﺎﻣﺎﻣﺎ ﻳﺎﺣﺒﻴﺒﺘﻲ ﻭﺍﻟﻠﻪ ﻣﺎﻳﻘﺪﺭ ﻳﺪﻳﺮﻟﻚ ﺣﺎﺟﺔ
ﻣﺎﻣﺎ : ﺍﺷﺮﺕ ﻟﻨﻮﺍﻝ ﺗﻌﺎﻟﻲ ﻳﺎﺍﺑﻨﺘﻲ ﻭﺷﺪﺕ ﻭﺟﻬﻬﺎ ﺑﻴﻦ ﻳﺪﻳﻬﺎ ﻭﻗﻌﺪﺕ ﺗﺘﺤﺴﺴﻠﻬﺎ ﻓﻲ ﺧﺪﻫﺎ : ﺟﻴﺒﻲ ﻻﺧﺘﻚ ﺛﻠﺞ ﻳﺎﻧﺴﻴﺒﺔ
ﻧﻮﺍﻝ ﻭﻫﻲ ﺗﺒﻜﻲ : ﻣﺎﻓﻴﺎ ﺷﻲ ﻳﺎﻣﺎﻣﺎ ﺧﻼﺹ
ﺍﻧﻲ ﻣﺪﻳﺘﻠﻬﺎ ﺛﻠﺞ : ﺷﺪﻳﻪ ﻋﻠﻲ ﺧﺪﻙ
ﻧﻮﺭﺱ : ﺑﺠﺪ ﻣﺎﺗﻮﻗﻌﺘﺎﺷﻲ ﻟﻬﺎﻟﺪﺭﺟﺔ ﻳﺎﻣﺎﻣﺎ ﺧﻴﺮﻩ ﻫﻜﻲ
ﻣﺎﻣﺎ : ﻃﻮﻝ ﻋﻤﺮﻩ ﻫﻜﻲ ﻳﻘﻌﺪ ﻃﻤﺎﻉ ﻓﻠﻮﺱ
ﻧﺮﺟﺲ : ﺧﺰﻱ ﻋﻠﻲ ﻫﻜﻲ
ﻣﺎﻣﺎ : ﺧﻼﺹ ﺧﻠﻮﻧﺎ ﻧﺨﺸﻮ ﻟﻠﺪﺍﺭ ﻭﻧﻮﺭﺱ ﺗﺎﻛﺪﻱ ﻣﻦ ﺍﻟﺒﺎﺏ ﻣﺴﻜﺮ ﻭﺍﻻ ﻻ
ﺧﺸﻨﺎ ﺍﺣﻨﻲ ﻟﻠﺪﺍﺭ ﻭﻧﻮﺭﺱ ﺗﺎﻛﺪﺕ ﻣﻦ ﺍﻟﺒﺎﺏ ﻭﺟﺖ
ﺑﻌﺪﻫﺎ ﺑﺸﻮﻳﺔ ﺍﺗﺼﻞ ﺑﻴﺎ ﻭﻟﻴﺪ : ﺍﻳﻮﻩ ﺳﻤﻮﺣﺘﻲ
ﺍﻧﻲ ﺑﺼﻮﺕ ﻣﺘﻀﺎﻳﻖ : ﺍﻫﻠﻴﻦ ﺣﺒﻴﺒﻲ
ﻭﻟﻴﺪ : ﺧﻴﺮﻩ ﺍﻟﺤﻠﻮ ﺻﻮﺗﻪ ﺯﻋﻼﻥ
ﺍﻧﻲ : ﻭﺍﻟﻠﻪ ﻳﺎﺣﺒﻴﺒﻲ ﻣﺤﺼﻠﺔ ﺭﻋﺸﻪ ﻗﺒﻞ ﺷﻮﻱ
ﻭﻟﻴﺪ ﺑﺨﻮﻑ : ﺍﻥ ﺷﺎﺀ ﺍﻟﻠﻪ ﺧﻴﺮ ﺷﻦ ﺻﺎﺭ ؟
ﺍﻧﻲ : ﺍﺣﻜﻴﺘﻠﻪ ﺍﻟﻲ ﺻﺎﺭ
ﻭﻟﻴﺪ : ﺑﺎﻩ ﺧﻼﺹ ﺍﻫﺪﻱ ﻣﺎﺗﻀﺎﻳﻘﻴﺶ ﺑﺮﻭﺣﻚ ﺗﻘﺪﺭ ﺍﻣﻚ ﻭﺧﺎﻟﺘﻚ ﻳﻮﻛﻠﻮ ﻣﺤﺎﻣﻲ ﻭﻫﻮ ﻣﺎﻳﻘﺪﺭ ﻳﺪﻳﺮ ﺷﻲ ﻟﻮ ﻫﻤﺎ ﻣﺶ ﻣﻮﺍﻓﻘﻴﻦ
ﺍﻧﻲ : ﺍﻥ ﺷﺎﺀ ﺍﻟﻠﻪ ﺧﻴﺮ
ﻭﻟﻴﺪ : ﻣﺶ ﺍﻳﻤﻦ ﻣﺤﺎﻣﻲ ﺗﻘﺮﻳﺒﺎ ﻭﺍﻻ
ﺍﻧﻲ : ﺍﻳﻪ ﺗﻮ ﻧﻜﻠﻤﻪ ﺑﻌﺪﻳﻦ
ﻭﻟﻴﺪ : ﺑﻪ
ﻭﺷﻮﻱ ﻗﻌﺪ ﺍﻟﺠﺮﺱ ﻳﺸﺮﻳﻴﻦ ﺑﻘﻮﻭﺓ ﻭﺍﻟﺒﺎﺏ ﺍﻟﺨﺎﺭﺟﻲ ﻳﺨﺒﺒﻂ
ﻭﻟﻴﺪ : ﺷﻦ ﻫﺬﺍ
ﺍﻧﻲ ﺑﺨﻮﻑ : ﻣﺎﻧﻌﺮﻓﺶ ﻳﺎﻭﻟﻴﺪ ﺷﻜﻠﻪ ﺧﺎﺍﻟﻲ ﺣﻲ ﻋﻠﻴﻨﺎ ﺍﻟﺠﺮﺭﺱ ﺑﻴﻘﻠﻌﻪ ﻭﺍﻟﺒﺎﺏ ﺍﻟﺨﺎﺭﺟﻲ ﻳﺨﺒﻂ
ﻭﻟﻴﺪ : ﻣﺎﺗﺨﺎﻓﻴﺶ ﺧﻠﻴﻨﻲ ﻋﻠﻲ ﺍﻟﺨﻂ ﻭﺑﺮﻭ ﺷﻮﻓﻮ ﻣﻨﻮ ﻭﻣﺎﺗﻔﺘﺤﻮﺵ ﻟﻴﻦ ﺗﻌﺮﻓﻮ ﻣﻨﻮ
ﺍﻧﻲ : ﺑﺎﻩ ﻭﻃﻠﻌﺖ ﻣﻦ ﺍﻟﺪﺍﺭ ﺍﻟﻘﻴﺖ ﺍﺧﻮﺍﺗﻲ ﻭﻣﺎﻣﺎ ﻭﺍﻗﻔﻴﻦ ﻓﻲ ﺍﻟﺼﺎﻟﺔ ﻭﻣﺶ ﻗﺎﺩﺭﻳﻦ ﻳﺘﺤﺮﻛﻮ ﺧﺎﻳﻔﻴﻦ
ﻣﺎﻣﺎ : ﺗﻮ ﻧﺸﻮﻑ ﺍﻧﻲ
ﺍﻧﻲ : ﻻﻻﺗﻮ ﻧﺸﻮﻑ ﺍﻧﻲ ﻭﺍﻣﺸﻴﺖ ﺟﻬﺔ ﺍﻟﺠﺮﺱ ﻗﻤﺘﻪ ﻭﺑﺨﻮﻑ : ﻣﻨﻮﻭ ؟
ﻭﻭﻭ ...........
# ﻳﺘﺒﻊ