ﺍﻟﺤﻠﻘﺔﺓ [ 26 ]
ﻣﻦ ﺭﻭﺍﻳﺔ - - "<- # ﺳﻨــﺪ _ ﺍﻷﻧﺜــﻰ _ ﺭﺟــﻞ "
<< ﺳﺎﻓﺮﺕ ﻭﻋﻴﻮﻧﻲ ﻋﻠﻰ ﺍﻟﻬﺎﺗﻒ ﺗﻨﺎﻡ ﻭﻳﻔﺰ ﻗﻠﺒﻲ ﻛﻞ ﻣﺎ ﺍﻟﻬﺎﺗﻒ ﻳﺮﻥ ﻣﺎﺳﻤﻌﺖ ﺻﻮﺗﻚ ﻳﺎﺣﺒﻴﺒﻲ ﻣﻦ ﺍﻳﺎﻡ ﻭﺍﻟﻘﻠﺐ ﻟﻠﻐﺎﻟﻲ ﻳﺸﺘﺎﻕ ﻭﻳﺤﻦ ﻓﻲ ﺍﻟﻘﻠﺐ ﺧﻮﻑ ﻭﻫﻢ ﻭﺍﺷﻮﺍﻕ ﻭﺍﻭﻫﺎﻡ ﺍﺭﺟﻮﻙ ﻃﻤﻨﻲ ﺗﺮﻯ ﺧﺎﻓﻘﻲ ﺟﻦ ﻣﺪﺭﻱ ﻟﻤﻦ ﺍﺷﻜﻲ ﻋﺬﺍﺑﻲ ﻭﺍﻻﻻﻡ ﺑﺎﻟﻠﻪ ﻗﻠﻲ ﺍﺷﻜﻲ ﻓﺮﺍﻗﻚ ﻟﻤﻦ
ﺳﺎﻓﺮﺕ ﻭﻋﻴﻮﻧﻲ ﻋﻠﻰ ﺍﻟﻬﺎﺗﻒ ﺗﻨﺎﻡ
ﻭﻳﻔﺰ ﻗﻠﺒﻲ ﻛﻞ ﻣﺎ ﺍﻟﻬﺎﺗﻒ ﻳﺮﻥ
ﻣﺎﺳﻤﻌﺖ ﺻﻮﺗﻚ ﻳﺎﺣﺒﻴﺒﻲ ﻣﻦ ﺍﻳﺎﻡ
ﻭﺍﻟﻘﻠﺐ ﻟﻠﻐﺎﻟﻲ ﻳﺸﺘﺎﻕ ﻭﻳﺤﻦ
ﻓﻲ ﺍﻟﻘﻠﺐ ﺧﻮﻑ ﻭﻫﻢ ﻭﺍﺷﻮﺍﻕ ﻭﺍﻭﻫﺎﻡ
ﺍﺭﺟﻮﻙ ﻃﻤﻨﻲ ﺗﺮﻯ ﺧﺎﻓﻘﻲ ﺟﻦ
ﻣﺪﺭﻱ ﻟﻤﻦ ﺍﺷﻜﻲ ﻋﺬﺍﺑﻲ ﻭﺍﻻﻻﻡ
ﺑﺎﻟﻠﻪ ﻗﻠﻲ ﺍﺷﻜﻲ ﻓﺮﺍﻗﻚ ﻟﻤﻦ
ﺧﺪﻱ ﻏﺪﻯ ﺻﻔﺤﻪ ﻭﺩﻣﻌﺎﺗﻲ ﺍﻗﻼﻡ
ﻭﺍﻟﻠﻴﻞ ﺑﺪﻣﻮﻋﻲ ﻳﻐﻨﻴﻚ ﻭﻳﻮﻥ
ﻳﺎﻣﺴﺎﻓﺮ ﺑﻘﻠﺒﻲ ﻭﺭﻭﺣﻲ ﻭﺍﻻﻧﺴﺎﻡ
ﺍﺭﺟﻊ ﺗﺮﻯ ﻣﻦ ﺣﺒﻚ ﻟﺸﻮﻓﺘﻚ ﻋﻦ
ﻓﻲ ﺍﻟﻘﻠﺐ ﺧﻮﻑ ﻭﻫﻢ ﻭﺍﺷﻮﺍﻕ ﻭﺍﻭﻫﺎﻡ
ﺍﺭﺟﻮﻙ ﻃﻤﻨﻲ ﺗﺮﻯ ﺧﺎﻓﻘﻲ ﺟﻦ
ﻣﺪﺭﻱ ﻟﻤﻦ ﺍﺷﻜﻲ ﻋﺬﺍﺑﻲ ﻭﺍﻻﻻﻡ
ﺑﺎﻟﻠﻪ ﻗﻠﻲ ﺍﺷﻜﻲ ﻓﺮﺍﻗﻚ ﻟﻤﻦ
ﻛﻞ ﻳﻮﻡ ﻋﻨﺪﻱ ﻛﻨﻬﺎ ﻓﻐﻴﺒﺘﻚ ﻋﺎﻡ
ﻭﺍﻟﻬﻢ ﻛﻨﻪ ﻟﻴﻞ ﻓﻲ ﺧﺎﻓﻘﻲ ﺟﻦ
ﻗﺼﻪ ﻭﻟﻪ ﻓﻌﻴﻮﻥ ﻣﺎﺗﻘﺪﺭ ﺗﻨﺎﻡ
ﺗﺘﻤﻨﻰ ﺻﻮﺗﻚ ﻛﻞ ﻣﺎ ﺍﻟﻬﺎﺗﻒ ﻳﺮﻥ
ﻓﻲ ﺍﻟﻘﻠﺐ ﺧﻮﻑ ﻭﻫﻢ ﻭﺍﺷﻮﺍﻕ ﻭﺍﻭﻫﺎﻡ
ﺍﺭﺟﻮﻙ ﻃﻤﻨﻲ ﺗﺮﻯ ﺧﺎﻓﻘﻲ ﺟﻦ
ﻣﺪﺭﻱ ﻟﻤﻦ ﺍﺷﻜﻲ ﻋﺬﺍﺑﻲ ﻭﺍﻻﻻﻡ
ﺑﺎﻟﻠﻪ ﻗﻠﻲ ﺍﺷﻜﻲ ﻓﺮﺍﻗﻚ ﻟﻤﻦ >>
ﻓﺘﺤﺖ ﺍﻟﺒﺎﺏ ﻭﺧﺸﻴﺖ
ﻧﻮﺍﻝ ﻛﺎﻧﺖ ﻣﻘﻌﻤﺰﺓ ﻉ ﺍﻟﺴﺮﻳﺮ ﻭﻋﺎﻃﻴﺘﻨﻲ ﺑﻈﻬﺮﻫﺎ ﻟﻤﺎ ﺳﻤﻌﺖ ﺍﻟﺒﺎﺏ ﻣﺴﺤﺖ ﺩﻣﻮﻋﻬﺎ ﻭﺳﻜﺮﺕ ﺍﻻﻏﻨﻴﻪ ﻭﻧﺎﺿﺖ ﻗﺮﺑﺖ ﻣﻨﻲ ﻭﺳﻠﻤﺖ ﻋﻠﻴﺎ ﺑﺎﺍﺑﺘﺴﺎﻣﻪ ﻣﺼﻄﻨﻌﻪ : ﺍﻫﻠﻴﻦ ﻛﻴﻒ ﺣﺎﻟﻚ ﺧﺸﻲ
ﺍﻧﻲ ﻗﻌﺪﺕ ﺳﺎﻛﺘﻪ ﻭﻧﺸﻮﻓﻠﻬﺎ ﻭﺧﻼﺹ ﺑﻌﺪﻫﺎ ﺟﺒﺪﺗﻬﺎ ﻭﺍﺿﺒﻄﺘﻬﺎ ﻭﻗﻌﺪﺕ ﻧﻤﺴﺢ ﻋﻠﻲ ﺷﻌﺮﻫﺎ
ﻧﻮﺍﻝ ﺍﻭﻝ ﻣﺎﺣﻀﻨﺘﻬﺎ ﺣﻀﻨﺘﻨﻲ ﺑﻘﻮﻭﺓ ﻭﻗﻌﺪﺕ ﺗﺒﻜﻲ
ﺍﻧﻲ : ﻧﻮﺍﻝ ﻧﻮﺍﻝ ﺧﻼﺹ ﺣﺒﻴﺒﺘﻲ ﻣﻌﺎﺵ ﺗﺒﻜﻲ
ﻧﻮﺍﻝ ﺑﺼﻮﺕ ﻣﺘﻘﻄﻊ ﻣﻦ ﻛﺜﺮ ﺍﻟﺒﻜﻲ : ﻉ ﻋﻼﺵ ﺑﺎ ﺑﺎﻩ ﺍﻣﺸﻲ
ﺍﻧﻲ : ﺑﻄﻠﻲ ﺑﻜﻲ ﻧﺤﻜﻴﻠﻚ ﺷﻨﻮ ﺍﻟﻲ ﺻﺎﺭ
ﻧﻮﺍﻝ ﻭﺧﺮﺕ ﻣﻨﻲ ﻭﻣﺴﺤﺖ ﺩﻣﻮﻋﻬﺎ : ﻫﺎ ﺍﺣﻜﻴﻠﻲ
ﺍﻧﻲ ﻗﺪﻣﺖ ﺟﻬﺔ ﻣﺎﻟﻘﻲ ﺍﻟﻤﻴﻪ ﻭﺻﺒﻴﺘﻠﻬﺎ ﻃﺎﺳﻪ ﻣﻴﻪ ﻭﻣﺪﻳﺘﻬﺎﻟﻬﺎ ﺷﺮﺑﺘﻬﺎ ﻭﺑﻌﺪﻫﺎ ﻗﻌﻤﺰﺗﻬﺎ ﻉ ﺍﻟﺴﺮﻳﺮ
ﺍﻧﻲ ﻗﻌﻤﺰﺕ ﺟﻨﺒﻬﺎ ﻭﺷﺪﻳﺘﻠﻬﺎ ﻳﺪﻳﻬﺎ ﻭﻗﻌﺪﺕ ﻧﺤﻜﻴﻠﻬﺎ ﻓﻲ ﻗﺼﺔ ﻛﻴﻒ ﺧﻄﺒﻮﻟﻪ ﻣﻨﻰ ﻭﻫﻜﻲ
ﻧﻮﺍﻝ : ﺑﺎﻩ ﻋﻼﺵ ﻣﺎﻗﺎﻟﻴﺶ ﻭﺍﻧﻲ ﻧﻘﻮﻝ ﻋﻼﺵ ﻳﺒﺎﻋﺪ ﻋﻠﻴﺎ ﻻﻧﻪ ﻋﺎﺭﻑ ﺭﻭﺣﻪ ﻣﺶ ﺣﻴﺄﺧﺪﻧﻲ ﻳﻌﻨﻲ ﻫﻮ ﻳﻌﺮﻑ ﺍﻥ ﺍﻧﻲ ﻣﺶ ﻟﻴﻪ ﻭﺍﻧﻬﺎﺭﺕ ﺑﻜﻲ
ﺍﻧﻲ : ﻧﻮﺍﻝ ﻣﺎﺗﺪﻳﺮﻳﺶ ﻓﻲ ﺭﻭﺣﻚ ﻫﻜﻲ ﺍﺣﻨﻲ ﺍﺻﻼ ﻣﺎﻧﻌﺮﻓﻮﺵ ﻓﻲ ﺷﻨﻮ ﻳﻔﻜﺮ ﻣﺤﻤﻮﺩ
ﻧﻮﺍﻝ ﺗﻤﺴﺢ ﻓﻲ ﺩﻣﻮﻋﻬﺎ : ﺗﻌﺮﻓﻲ ﻳﺎﻧﺴﻴﺒﺔ ﻟﻤﺎ ﺟﻴﺖ ﻟﻠﻌﺰﻱ ﻭﺷﻔﺘﻴﻨﻲ ﻭﺍﻗﻔﻪ ﻋﻠﻴﻪ ﻛﺎﻥ ﻳﺸﻮﻓﻠﻲ ﻓﻲ ﻧﻈﺮﺓ ﻣﺎﻓﻬﻤﺘﺶ ﻣﻌﻨﺎﻫﺎ ﻛﺎﻥ ﻛﺄﻧﻬﺎ ﻧﻈﺮﺓ ﻭﺩﺍﻉ
ﺍﻧﻲ : ﺍﺣﻨﻲ ﺣﺴﺐ ﻣﺎﻓﺴﺮﻧﺎ ﺍﻧﻪ ﻳﺤﺐ ﻭﻫﺬﺍ ﻋﻼﺵ ﺭﺍﻓﺾ ﺑﻨﺖ ﻋﻤﻪ ﺑﺸﺪﺓ
ﻧﻮﺍﻝ : ﻳﻤﻜﻦ ﻳﻜﻮﻥ ﻳﺤﺒﻨﻲ ﻳﺎﻧﺴﻴﺒﺔ
ﺍﻧﻲ : ﻣﺎﻧﻌﺮﻓﺶ ﻣﺎﻧﻘﺪﺭﺵ ﻧﻘﻮﻟﻚ ﺷﻲ ﻣﺶ ﻣﺘﺎﻛﺪﺓ ﻣﻨﻪ
ﻧﻮﺍﻝ : ﻧﻈﺮﺗﻪ ﻳﺎﺍﻧﺴﻴﺒﺔ ﻟﻤﺎ ﻳﺸﻮﻓﻠﻲ ﺑﺤﺰﻥ ﻫﺎﺩﻱ ﻛﺎﻓﻴﻪ ﺍﻧﻬﺎ ﺗﻔﺴﺮﻟﻲ ﺍﻟﺤﺐ ﺍﻟﻲ ﺩﺍﺧﻠﻪ
ﺍﻧﻲ : ﺗﻮﺍ ﺍﻧﺘﻲ ﻳﺎﻧﻮﺍﻝ ﺣﺎﻭﻟﻲ ﻣﻌﺎﺵ ﺗﻔﻜﺮﻱ ﻓﻴﻪ ﻫﻠﺒﺎ ﺑﻴﺶ ﻣﺎﺗﺘﻌﺒﻴﺶ ﺍﻛﺜﺮ ﻭﺑﻌﺪﻳﻦ ﻣﺰﺍﻝ ﺷﻬﺮﻳﻦ ﻉ ﺍﻟﻤﺪﺭﺳﺔ ﺑﺲ ﻭﺑﺘﺒﺪﻱ ﺷﻬﺎﺩﺓ ﻻﺯﻡ ﺗﺸﺪﻱ ﻣﺎﻧﺒﻴﺶ ﺣﺎﺟﺔ ﺗﺄﺛﺮ ﻋﻠﻴﻚ ﺑﺎﻫﻲ
ﻧﻮﺍﻝ : ﺍﻥ ﺷﺎﺀ ﺍﻟﻠﻪ
ﺍﻧﻲ : ﻫﻲ ﺗﻮﺍ ﻧﻮﺿﻲ ﺍﻏﺴﻠﻲ ﻭﺟﻬﻚ ﻭﺍﻧﺰﻟﻲ ﺣﺘﻰ ﻭﻟﻴﺪ ﺳﺄﻝ ﻋﻠﻴﻚ
ﻧﻮﺍﻝ : ﺑﺎﻫﻲ ﻫﻲ
ﻧﺎﺿﺖ ﻧﻮﺍﻝ ﻏﺴﻠﺖ ﻭﺟﻬﻬﺎ ﻭﺣﺎﻭﻟﺖ ﺗﺮﺳﻢ ﺇﺑﺘﺴﺎﻣﻪ ﻣﺰﻳﻔﻪ ﻋﻠﻲ ﻭﺟﻬﻬﺎ ﻭﻧﺰﻟﺖ ﺍﻧﻲ ﻭﻳﺎﻫﺎ
ﻧﻮﺍﻝ : ﺍﻫﻠﻴﻦ ﻧﺴﻴﺒﻨﺎ ﻛﻴﻒ ﺣﺎﻟﻚ
ﻭﻟﻴﺪ ﻳﺒﺘﺴﻢ : ﺗﻤﺎﻡ ﺍﻟﺤﻤﺪ ﻟﻠﻪ ﺷﻦ ﺍﺧﺒﺎﺭﻙ ﺍﻧﺘﻲ
ﻭﻗﻌﺪﻭ ﻳﻬﺪﺭﺯﻭ ﺷﻮﻳﺔ ﻗﻄﻊ ﻫﺪﺭﺯﺗﻨﺎ ﺗﻠﻴﻔﻮﻥ ﻭﻟﻴﺪ ﻗﺎﻣﻪ ﺷﺎﻓﻠﻪ ﻭﺷﺒﺤﻠﻲ ﺷﻮﻳﻪ ﺍﻧﻲ ﻗﻌﺪﺕ ﻧﺸﻮﻓﻠﻬﺎ
ﻭﻟﻴﺪ ﺭﺩ : ﺍﻳﻮﻩ
ﺍﻟﻄﺮﻑ ﺍﻟﺜﺎﻧﻲ : ﺍﻟﻮ ﻭﻟﻴﺪ
ﻭﻟﻴﺪ ﻭﻗﻒ : ﻣﺤﻤﻮﺩ
ﻧﻮﺍﻝ ﺍﻭﻝ ﻣﺎﺳﻤﻌﺖ ﺍﺳﻤﻪ ﻭﻗﻔﺖ ﻭﻗﻌﺪﺕ ﺗﺸﻮﻓﻠﻪ ﺑﻘﻠﻖ ﻭﺣﺘﻰ ﺍﻧﻲ ﻭﻗﻔﺖ
ﻭﻟﻴﺪ : ﻭﻳﻴﻴﻨﻚ ﺑﺴﺲ ﻭﻳﻦ ﺍﻣﺸﻴﺖ
ﻣﺤﻤﻮﺩ : ﺍﻧﻲ ﺳﺎﻓﺮﺕ ﺗﻮﺍ ﻃﻤﻦ ﺍﻣﻲ ﻋﻠﻴﺎ ﺍﺗﺼﻠﺖ ﺑﻨﻄﻤﻨﻜﻢ ﺑﺲ
ﻭﻟﻴﺪ ﻓﺘﺢ ﺍﻟﺒﺎﺏ ﻭﻃﻠﻊ ﻟﻠﺠﻨﺎﻥ : ﻣﺤﻤﻮﺩ ﺩﻳﺮ ﻋﻘﻠﻚ ﻓﻲ ﺭﺍﺳﻚ ﻭﺍﺭﺟﻊ ﺍﻣﺲ ﻣﺮﺿﺖ ﺭﺍﻫﻲ ﻣﺶ ﻧﺎﻗﺼﻪ
ﻣﺤﻤﻮﺩ ﺗﻨﻬﺪ : ﻣﺶ ﺣﻨﺮﺟﻊ ﻳﺎﻭﻟﻴﺪ ﻃﻤﻦ ﺍﻣﻲ ﻭﺧﻼﺹ ﺍﻧﻲ ﺑﺨﻴﺮ ﻭﺗﻮﺍ ﺣﺼﻠﺖ ﺧﺪﻣﻪ ﺑﻨﺨﺪﻡ ﻓﻴﻬﺎ
ﻭﻟﻴﺪ : ﺑﺎﻩ ﻭﻳﻦ ﺍﻧﺖ ﺳﺎﻓﺮﺕ
ﻣﺤﻤﻮﺩ : ﻣﺶ ﺣﻨﻘﻮﻝ ﻭﺭﺍﻫﻮ ﺍﻟﺮﻗﻢ ﻫﺪﺍ ﺗﻠﻴﻔﻮﻥ ﻓﻲ ﺍﻟﺸﺎﺭﻉ ﻳﻌﻨﻲ ﻣﺎﻋﻨﺪﻳﺶ ﺷﻔﺮﺓ ﻣﺎﺗﺤﺎﻭﻟﺶ ﺗﺘﺼﻞ
ﻭﻟﻴﺪ : ﻣﺤﻤﻮﺩ ﺍﻧﺖ ﻧﺎﻭﻱ ﺗﻬﺒﻠﻨﻲ ﻟﻴﻨﺎ ﺍﺳﺒﻮﻉ ﻗﺎﻟﺒﻴﻦ ﻋﻠﻴﻚ ﺍﻟﺪﻧﻴﺎ ﻭﺗﻮﺍ ﺗﻘﻮﻟﻲ ﻣﺶ ﺭﺍﺟﻊ ﻋﻠﻲ ﺷﻦ ﻧﺎﻭﻱ ﺍﻧﺖ
ﻣﺤﻤﻮﺩ : ﺑﻮﻱ ﺍﻟﻠﻪ ﻳﺴﺎﻣﺤﻪ ﻭﻳﺮﺣﻤﻪ ﺩﻣﺮﻟﻲ ﺣﻴﺎﺗﻲ ﻭﻋﻴﻠﺘﻲ ﻛﻠﻬﺎ ﺩﻣﺮﺗﻨﻲ ﻭﻛﺘﺒﻮ ﻋﻠﻴﺎ ﻧﺄﺧﺪ ﻭﺣﺪﺓ ﺍﻧﻲ ﻣﺎﻧﺒﻴﻬﺎﺵ ( ﻭﻗﻌﺪ ﻳﻌﻴﻂ ﺑﺼﻮﺕ ﻋﺎﻟﻲ ﻭﻳﻘﻮﻝ : ﻣﺎﺍﺍﻧﺒﻴﻬﺎﺍﺍﺵ ﺍﻧﻲ ﻣﺎﺍﺍﻧﺒﻴﻬﺎﺍﺍﺵ ﻗﻠﺘﻬﺎﺍﺍﺍﺍ ﺍﻟﻒ ﻣﺮﺭﺭﺓ ﻣﺎﺗﺒﻮﺵ ﺗﻔﻬﻤﻮﻭ ﺗﻮﺍﺍ ﺑﻨﺮﻭﺡ ﺑﻴﻔﻮﺗﻮ ﺳﻨﻪ ﻭﺑﻴﺄﺧﺪﻭﻫﺎﻟﻲ ﻭﺍﻻﺍﺍﺍﺍﺍ ﺍﻧﻲ ﻣﺎﺍﺍﺍﻧﺒﻴﻬﺎﺍﺍﺍﺍﺵ
ﻭﻟﻴﺪ : ﺑﺎﻩ ﻭﻟﻲ ﻣﺶ ﺣﻨﺄﺧﺪﻭﻫﺎﻟﻚ ﻭﺍﻟﻠﻪ ﻧﻮﻋﺪﻙ ﺗﺄﺧﺪ ﺍﻟﻲ ﺍﻧﺖ ﺗﺒﻴﻬﺎﺍ
ﻣﺤﻤﻮﺩ : ﻣﺶ ﺣﺘﻘﺪﺭ ﺍﻧﺖ ﺗﻌﺮﻑ ﻋﻤﻲ ﻟﻮ ﻣﺎﻧﺎﺧﺪﻫﺎﺵ ﻣﺴﺘﻌﺪ ﻳﻘﺘﻠﻨﻲ ﻭﺍﻧﻲ ﺍﻫﻨﻲ ﺍﻓﻀﻠﻲ
ﻭﻟﻴﺪ : ﻣﻦ ﺍﻣﺘﻰ ﺍﻧﺖ ﺗﺨﺎﺍﻑ ﻳﺎﻣﺤﻤﻮﺩ ﻭﺗﻬﺮﺭﺏ
ﻣﺤﻤﻮﺩ ﺑﺼﻮﺕ ﻋﺎﻟﻲ : ﻣﺸﺸﺸﺶ ﺧﺎﺍﺍﺍﺍﻳﻒ ﺍﻧﻲ ﺍﻧﻲ ﻣﺎﻧﻘﺪﺭﺵ ﻧﺸﻮﻭﻭﻑ ﺍﻟﻲ ﻧﺤﺒﻬﺎﺍﺍ ﺗﺘﻌﺬﺏ ﻣﻌﺎﺍﺍﺍﻱ ﻭﺗﺸﻮﻓﻨﻲ ﻣﺘﺰﻭﺝ ﻏﻴﺮﺭﺭﻫﺎ ﺍﻧﻲ ﻣﺶ ﻣﺴﺘﻌﺪ ﻧﺪﻣﺮ ﺣﻴﺎﺍﺗﻬﺎ ﺯﻱ ﻣﺎﺍﻋﻴﻠﺘﻲ ﺩﻣﺮﺗﻠﻲ ﺣﻴﺎﺍﺗﻲ
ﻭﻟﻴﺪ : ﺍﻧﻲ ﻭﻋﺪﺗﻚ ﺍﺭﺟﻊ ﻭﺧﻮﺩ ﺍﻟﻲ ﺗﺤﺒﻬﺎ ﻭﺣﻨﺪﻳﺮ ﺍﻱ ﺷﻲ ﻋﻠﻲ ﺧﺎﻃﺮ ﺗﺎﺧﺪ ﺍﻟﻲ ﺗﺤﺒﻬﺎ ﺍﺭﺟﻊ ﻋﻠﻲ ﺧﺎﻃﺮ ﺍﻣﻲ
ﻣﺤﻤﻮﺩ : ﻣﺎﺗﺤﺎﻭﻟﺶ ﻳﺎﻭﻟﻴﺪ ﻣﺶ ﺣﻨﺮﺭﺟﻊ ﻭﺍﻣﻲ ﺍﻃﻠﺒﻠﻲ ﻣﻨﻬﺎ ﺍﻟﺴﻤﺎﺡ ﻭﺣﻨﺘﺼﻞ ﺑﻴﻬﺎ ﻣﺮﺓ ﻣﺮﺓ
ﻭﻟﻴﺪ : ﻻﺍﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ
ﻣﺤﻤﻮﺩ : ﺑﻨﻘﻮﻟﻚ
ﻭﻟﻴﺪ : ﺷﻨﻮ
ﻣﺤﻤﻮﺩ : ﻧﺴﻴﺒﺔ ﺟﻨﺒﻚ
ﻭﻟﻴﺪ ﺗﻠﻔﺖ ﻭﺍﻟﻘﺎﻧﻲ ﻭﺍﻗﻔﻪ ﻉ ﺍﻟﺒﺎﺏ ﺑﻘﻠﻖ ﻭﻧﺸﻮﻓﻠﻪ ﻭﻗﺎﻟﻪ ﺑﺎﺳﺘﻐﺮﺍﺏ : ﺍﻳﻪ ﻋﻼﺵ
ﻣﺤﻤﻮﺩ : ﺍﻋﻄﻴﻬﺎﻟﻲ
ﻭﻟﻴﺪ : ﻋﻼﺵ
ﻣﺤﻤﻮﺩ : ﻭﻟﻴﺪ ﻣﺎﺃﻛﺜﺮ ﺍﺳﺌﻠﺘﻚ ﺍﻋﻄﻴﻬﺎﻟﻲ ﺑﺲ
ﻭﻟﻴﺪ ﺷﺎﻓﻠﻲ ﻭﻣﺪﻟﻲ ﺍﻟﻤﻮﺑﺎﻳﻞ : ﺗﻌﺎﻟﻲ ﻳﺒﻴﻚ ﻣﺤﻤﻮﺩ
ﺍﻧﻲ ﺷﻮﻓﺘﻠﻪ ﺑﺎﺳﺘﻐﺮﺍﺏ ﻭﻗﺪﻣﺖ ﻭﺧﺪﻳﺖ ﺍﻟﻤﻮﺑﺎﻳﻞ ﺷﻔﺖ ﻟﻮﻟﻴﺪ ﻭﺑﻌﺪﻫﺎ ﺭﺩﻳﺖ : ﺍﻟﻮ
ﻣﺤﻤﻮﺩ ﺑﺼﻮﺕ ﺣﺰﻳﻦ : ﺍﻫﻠﻴﻦ ﻧﺴﻴﺒﺔ ﻛﻴﻒ ﺣﺎﻟﻚ
ﺍﻧﻲ : ﺍﻟﺤﻤﺪ ﻟﻠﻪ ﺍﻧﺖ ﺍﻟﻲ ﻛﻴﻒ ﺣﺎﻟﻚ ﻭﻭﻳﻨﻚ
ﻣﺤﻤﻮﺩ : ﺍﻟﺤﻤﺪ ﻟﻠﻪ ﻧﺴﻴﺒﺔ ﺑﻨﻄﻠﺐ ﻣﻨﻚ ﻃﻠﺐ
ﺍﻧﻲ ﺑﺎﺍﺳﺘﻐﺮﺍﺏ : ﺗﻔﻀﻞ !
ﻣﺤﻤﻮﺩ ﺑﻨﺒﺮﺓ ﺻﻮﺕ ﻛﺌﻴﺒﻪ ﺟﺪﺍ : ﺭﺩﻱ ﺑﺎﻟﻚ ﻣﻦ ﻧﻮﺍﻝ ﻭﻗﻮﻟﻬﺎ ﺗﺴﺎﻣﺤﻨﻲ
ﺍﻧﻲ ﺧﻨﻘﺘﻨﻲ ﺍﻟﻌﺒﺮﺓ ﺣﺴﻴﺖ ﻗﻠﺒﻲ ﺗﻘﻄﻊ ﻋﻠﻴﻪ : ﺣﺎﺿﺮ ﺑﺲ ﻳﺎﻣﺤﻤﻮﺩ ﻟﻮ ﺗﺒﻲ ﻧﻮﺍﻝ ﺗﺴﺎﻣﺤﻚ ﺍﺭﺟﻊ
ﻭﻟﻴﺪ ﺷﺎﻓﻠﻲ ﺑﺎﺳﺘﻐﺮﺍﺏ ﻭﻣﺶ ﻓﺎﻫﻢ ﺷﻲ
ﻣﺤﻤﻮﺩ ﺗﻨﻬﺪ ﺑﻀﻴﻖ : ﻣﺶ ﺣﻨﺮﺟﻊ ﻳﺎﻧﺴﻴﺒﺔ ﺧﻼﺹ ﺍﻧﻲ ﺍﺗﺨﺪﺕ ﻗﺮﺍﺭﻱ ﻗﻮﻟﻬﺎ ﺗﺴﺎﻣﺤﻨﻲ ﺑﺲ ﻫﻲ ﺍﻋﺘﺒﺮﺗﻨﻲ ﻛﻞ ﺷﻲ ﻟﻴﻬﺎ ﻭﺍﻧﻲ ﻣﺎﻗﺪﺭﺗﺶ ﻧﻮﻓﻴﻠﻬﺎ ﺍﻟﻈﺮﻭﻑ ﺟﺖ ﺿﺪﻱ ﺍﻋﺘﺒﺮﺗﻨﻲ ﺳﻨﺪﻫﺎ ﺍﻟﻮﺣﻴﺪ ﻭﺍﻧﻲ ﻣﺎﻗﺪﺭﺗﺶ ﻧﻜﻮﻥ ﻣﻌﺎﻫﺎ ﻃﻮﻝ ﺍﻟﻮﻗﺖ ﻗﻮﻟﻬﺎ ﺗﺴﺎﻣﺤﻨﻲ ﺍﺭﺟﻮﻙ
ﺍﻧﻲ : ﺣﺎﺿﺮ
ﻣﺤﻤﻮﺩ : ﺭﺩﺑﻲ ﺑﺎﻟﻚ ﻋﻠﻴﻬﺎ ﺑﺎﻟﻠﻪ ﻋﻠﻴﻚ
ﺍﻧﻲ : ﺣﺎﺿﺮ ﺍﻥ ﺷﺎﺀ ﺍﻟﻠﻪ
ﻣﺤﻤﻮﺩ : ﻫﻲ ﺍﻟﺴﻼﻡ ﻋﻠﻴﻜﻢ ، ﻃﻮﻁ ﻃﻮﻁ
ﺍﻧﻲ ﻧﺰﻟﺖ ﺍﻟﺘﻠﻴﻔﻮﻥ ﻭﻗﻌﺪﺕ ﻧﺸﻮﻑ ﻟﻮﻟﻴﺪ ﺑﺤﺰﻥ ﻭﻋﺒﺮﺗﻨﻲ ﺧﺎﻧﻘﺘﻨﻲ
ﻭﻟﻴﺪ : ﺷﻦ ﻗﺎﻝ ﻭﺷﻦ ﺩﺧﻞ ﻧﻮﺍﻝ
ﺍﻧﻲ : ﺧﻠﻴﻨﻲ ﻧﺸﺮﺣﻠﻚ ﺍﻟﻤﻮﺿﻮﻉ ﻫﺬﺍ ﻓﻲ ﺍﻟﺤﻮﺵ
ﻭﻟﻴﺪ ﻣﺴﺢ ﺑﻴﺪﻩ ﻋﻠﻲ ﻭﺟﻬﻪ ﺑﺎﻟﻘﻮﺓ ﻭﻛﺎﻥ ﻣﺘﻀﺎﻳﻖ ﻭﻣﺘﻌﻔﻠﻖ ﺑﻜﻞ
ﺍﻧﻲ : ﻣﺎﻗﺪﺭﺗﺶ ﺗﻘﻨﻌﻪ ﺑﻜﻞ
ﻭﻟﻴﺪ : ﺧﻼﺹ ﻣﺴﻜﺮ ﺭﺍﺳﻪ ﺧﻮﻱ ﻭﻧﻌﺮﻓﻪ ﻟﻤﺎ ﻳﺴﻜﺮ ﺭﺍﺳﻪ
ﺍﻧﻲ : ﺣﺘﻰ ﺍﻧﻲ ﻗﺎﻟﻲ ﺧﻼﺹ ﺍﺗﺨﺪﺕ ﻗﺮﺍﺭﻱ
ﻭﻟﻴﺪ : ﺍﻟﻠﻪ ﻳﺴﺎﻣﺤﻚ ﻭﻳﺮﺣﻤﻚ ﻳﺎﺑﻮﻱ ﺍﻟﻠﻪ ﻳﺴﺎﻣﺤﻚ
ﺍﻧﻲ : ﺭﺑﻲ ﻳﻐﻔﺮﻟﻪ ﻭﻳﺮﺣﻤﻪ ، ﻣﺎﺗﺤﻄﻮﺵ ﺍﻟﻠﻮﻡ ﻋﻠﻲ ﻋﻤﻲ ﻣﻤﻜﻦ ﻫﻮ ﻛﺎﻥ ﻳﻔﻜﺮ ﺑﻤﺼﻠﺤﺔ ﺻﻐﺎﺭﻩ ﻣﺶ ﺍﻛﺜﺮ
ﻭﻟﻴﺪ : ﺍﻟﻠﻪ ﻳﺮﺣﻤﻪ ﻫﻲ ﺧﻠﻲ ﻧﺮﻭﺣﻮ
ﺍﻧﻲ : ﺑﺎﻩ ﻧﺨﺶ ﻧﻠﺒﺲ ﻭﺷﺎﺣﻲ
ﺧﺸﻴﺖ ﺍﻧﻲ ﻭﻭﻟﻴﺪ
ﻣﺎﻣﺎ : ﻛﻴﻒ ﺣﺎﻟﻪ ﻭﺧﻴﻴﻚ ﻳﺎﻭﻟﻴﺪ
ﻭﻟﻴﺪ ﺑﺎﺍﺑﺘﺴﺎﻣﻪ ﻣﺼﻄﻨﻌﻪ : ﺍﻟﺤﻤﺪ ﻟﻠﻪ ﻛﻮﻳﺲ ﺍﻫﻮ ﻣﺤﺼﻞ ﺧﺪﻣﻪ ﻏﺎﺩﻱ
ﻣﺎﻣﺎ : ﻭﻳﻦ ﻫﻮ ﻣﺴﺎﻓﺮ ؟
ﻭﻟﻴﺪ ﺷﺎﻓﻠﻲ ﻭﺑﻌﺪﻳﻦ ﻗﺎﻝ ﺑﺘﺮﺩﺩ : ﺍﻣﺮﻳﻜﻴﺎ
ﻣﺎﺍ : ﺑﺎﻩ ﺍﻥ ﺷﺎﺀ ﺍﻟﻠﻪ ﺭﺑﻲ ﻳﻮﻓﻘﻪ
ﻭﻟﻴﺪ : ﺍﻥ ﺷﺎﺀ ﺍﻟﻠﻪ ﻫﻲ ﺍﻣﺎﻻ ﺍﺣﻨﻲ ﻧﺴﺘﺎﺫﻧﻮ
ﻣﺎﻣﺎ : ﺧﻴﺮﻛﻢ ﺑﻜﺮﻱ ﺯﻳﺪﻭ ﻧﺤﻄﻮ ﻋﺸﻲ ﺗﻌﺸﻮ
ﻭﻟﻴﺪ : ﻭﺍﻟﻠﻪ ﻫﺪﺍﻛﺎ ﻫﻮ ﻋﻨﺪﻱ ﻣﺤﻞ ﺟﺪﻳﺪ ﻛﻴﻒ ﻓﺎﺗﺤﻪ ﺑﻨﺪﻳﺮ ﻋﻠﻴﻪ ﺩﻭﺭﺓ
ﻣﺎﻣﺎ : ﺭﺑﻲ ﻳﻮﻓﻘﻚ ﺍﻥ ﺷﺎﺀ ﺍﻟﻠﻪ ﺑﺎﻩ ﺍﻣﺎﻻ ﺳﻠﻤﻠﻲ ﻋﻠﻲ ﺍﻣﻚ
ﻭﻟﻴﺪ : ﻳﻮﺻﻞ ﺍﻥ ﺷﺎﺀ ﺍﻟﻠﻪ
ﺍﻧﻲ ﻛﻨﺖ ﺑﻨﻠﺒﺲ ﻭﺷﺎﺣﻲ ﺭﻛﺒﺖ ﻓﻮﻕ ﻭﻧﻮﺍﻝ ﺍﻭﻝ ﻣﺎﺷﺎﻓﺘﻨﻲ ﻟﺤﻘﺘﻨﻲ ﺧﺸﻴﺖ ﻟﻠﺪﺍﺭ ﻭﺧﺸﺖ ﻭﺭﺍﻱ
ﻧﻮﺍﻝ ﺗﺴﻜﺮ ﺑﺎﺏ ﺍﻟﺪﺍﺭ : ﻃﻤﻨﻴﻨﻲ ﻛﻴﻒ ﺣﺎﻟﻪ ﻭﻭﻳﻦ ﻣﺴﺎﻓﺮ
ﺍﻧﻲ ﺗﻨﻬﺪﺕ : ﻣﺎﻧﻌﺮﻓﻮﺵ ﻭﻳﻦ ﻣﺴﺎﻓﺮ ﺑﺲ ﻭﺻﺎﻧﻲ ﻋﻠﻴﻚ ﻭﻗﺎﻟﻲ ﺍﻃﻠﺒﻴﻠﻲ ﻣﻨﻬﺎ ﺍﻟﺴﻤﺎﺡ
ﻧﻮﺍﻝ : ﺑﺎﻩ ﻫﻮ ﻋﻼﺵ ﻳﺪﻳﺮ ﻫﻜﻲ
ﺍﻧﻲ : ﻣﺶ ﻋﺎﺭﻓﻪ ﻗﺎﻋﺪﻩ ﻣﺎﻓﻬﻤﺘﺶ ﺷﻲ ﻭﺍﻟﺒﺎﻳﻦ ﺍﻧﻪ ﻗﺎﻝ ﺷﻲ ﻟﻮﻟﻴﺪ ﻧﺮﻭﺡ ﻧﻔﻬﻢ ﻣﻦ ﻭﻟﻴﺪ ﻭﻧﻜﻠﻤﻚ ﺍﻭﻛﻲ
ﻧﻮﺍﻝ : ﺑﺎﻫﻲ
ﺍﻧﻲ : ﻫﻲ ﺗﻮﺍ ﻣﻊ ﺍﻟﺴﻼﻣﻪ ﻭﻣﻌﺎﺵ ﺗﻀﺎﻳﻘﻲ ﺭﻭﺣﻚ
ﻧﻮﺍﻝ : ﺍﻥ ﺷﺎﺀ ﺍﻟﻠﻪ ﻣﻊ ﺍﻟﺴﻼﻣﻪ
ﺭﻭﺣﻨﺎ ﻟﻠﺤﻮﺵ ﻭﺍﻭﻝ ﻣﺎﺧﺸﻴﻨﺎ ﺧﺸﻴﻨﺎ ﻟﻌﻤﺘﻲ ﻃﻤﻨﻬﺎ ﻭﻟﻴﺪ ﻋﻠﻲ ﻣﺤﻤﻮﺩ ﻭﻗﺎﻟﻠﻬﺎ ﺍﻧﻪ ﻓﻲ ﺍﻣﺮﻳﻜﻴﺎ ﺑﻴﺶ ﻣﺎﻳﺨﻮﻓﻬﺎﺵ ﻭﻗﺎﻟﻠﻬﺎ ﺍﻧﻪ ﺣﻴﻜﻠﻤﻬﺎ ﻭﺑﻌﺪﻫﺎ ﺭﻛﺒﻨﺎ ﻭﺍﻭﻝ ﻣﺎﺧﺸﻴﻨﺎ
ﻭﻟﻴﺪ ﻟﻮﺡ ﺭﻭﺣﻪ ﺍﻟﻜﻨﺒﻪ : ﻧﻮﺳﻪ ﺭﺍﺳﻲ ﻳﻮﺟﻊ ﻓﻴﺎ ﺟﻴﺒﻴﻠﻲ ﺣﺒﻪ ﺭﺍﺱ
ﺍﻧﻲ : ﺣﺎﺿﺮ ﻫﻲ
ﺟﺒﺘﻠﻪ ﺣﺒﻪ ﺭﺍﺱ ﻭﻣﻴﻪ ﻭﺧﺪﺍﻫﺎ ﻭﻗﻌﺪ ﺷﺎﺩ ﺭﺍﺳﻪ
ﺍﻧﻲ ﺑﺨﻮﻑ : ﺣﺒﻴﺒﻲ ﺧﻴﺮﻙ
ﻭﻟﻴﺪ : ﺭﺍﺳﻲ ﺑﻴﻨﻔﺠﺮ
ﺍﻧﻲ ﻗﻌﻤﺰﺕ ﻭﺣﻄﻴﺘﻠﻪ ﺭﺍﺳﻪ ﻋﻠﻲ ﺭﺟﻠﻴﺎ ﻭﻗﻌﺪﺕ ﻧﺪﻳﺮﻟﻪ ﻓﻲ ﻣﺴﺎﺝ : ﻛﻴﻒ ﺗﺤﺲ ﺗﻮﺍ
ﻭﻟﻴﺪ : ﺑﺎﻩ ﺧﻒ ﺷﻮﻳﺔ
ﺍﻧﻲ : ﻧﺪﻳﺮﻟﻚ ﻟﻴﻤﻮﻧﺎﺿﻪ
ﻭﻟﻴﺪ ﻗﺎﻋﺪ ﺷﺎﺩ ﺭﺍﺳﻪ : ﺑﺎﻩ ﺩﻳﺮﻱ
ﻧﻀﺖ ﺩﺭﺗﻠﻪ ﻟﻴﻤﻮﻧﺎﺿﺔ ﻭﺟﺒﺘﻬﺎﻟﻪ ﺷﺮﺑﻬﺎ ﻭﺑﻌﺪﻳﻦ ﻗﻌﻤﺰﺕ ﻭﺭﺩﻳﺘﻠﻪ ﺭﺍﺳﻪ ﻋﻠﻲ ﺭﺟﻠﻴﺎ ﻭﻗﻌﺪﺕ ﻧﻤﺴﺪﻟﻪ ﻓﻴﻪ ﻟﺤﺪ ﻣﺎﺍﺧﺪﺍﻩ ﺍﻟﻨﻮﻡ ﻭﺭﻗﺪ ﻗﻌﺪﺕ ﻧﺘﺄﻣﻞ ﻓﻴﻪ ﻛﻴﻒ ﺭﺍﻗﺪ ﻭﻣﺒﺘﺴﻤﻪ ﻟﺤﺪ ﻣﺎﺍﺧﺪﺍﻧﻲ ﺍﻟﻨﻮﻡ ﻏﻔﻴﺖ ﻉ ﺍﻟﻜﺮﺳﻲ ﻭﻣﺎﻓﻘﺘﺶ ﺍﻻ ﻋﻠﻲ ﺻﻮﺕ ﺍﻟﺘﻠﻴﻔﻮﻥ ﻗﻤﺘﻪ ﺑﺎﻟﺸﻮﻳﺔ ﻭﺍﻟﻘﻴﺖ ﻭﻟﻴﺪ ﻗﺎﻋﺪ ﺭﺍﻗﺪ ﺍﻟﻘﻴﺘﻬﺎ ﺭﺣﻤﻪ ﺭﺩﻳﺖ : ﺍﻟﻮ
ﺭﺣﻤﺔ : ﻭﻳﻨﻜﻢ ﻣﺎﺗﺒﻮﺵ ﺗﻨﺰﻟﻮ ﺗﺘﻌﺸﻮ ﻭﺍﻻ ﻣﺘﻌﺸﻴﻴﻦ ﺑﺮﻭﺣﻜﻢ
ﺍﻧﻲ ﻗﻠﺖ ﺑﻘﻠﻪ ﺻﺒﺮ : ﻭﻟﻴﺪ ﻛﺎﻥ ﻣﺮﻳﺾ ﻭﺗﻮﺍ ﺭﺍﻗﺪ ﻫﺬﺍ ﻋﻼﺵ ﻣﺎﻧﺰﻟﻨﺎﺵ
ﺭﺣﻤﻪ : ﺧﻴﺮﻩ ﺷﻦ ﺻﺎﺭﻟﻪ ﻛﺎﻥ ﻣﺎﻓﻴﻪ ﺷﻲ
ﺍﻧﻲ : ﻣﺎﻧﻌﺮﻓﺶ ﺭﺍﺳﻪ ﻛﺎﻥ ﻳﻮﺟﻊ ﻓﻴﻬﺎ ﻫﻠﺒﺎ ﻭﻫﺪﺍ ﻭﻳﻦ ﺍﺭﺗﺎﺡ ﺭﻗﺪ
ﺭﺣﻤﺔ : ﺑﺎﻩ ﻣﻌﻨﺎﻫﺎ ﻣﺎﻛﻤﺶ ﻧﺎﺯﻟﻴﻦ ﻧﺘﻌﺸﻮﻭﻭ ؟
ﺍﻧﻲ : ﺻﺤﺘﻴﻦ ﻣﺶ ﺣﻨﻘﺪﺭ ﻧﻨﺰﻝ ﻭﻧﺨﻠﻴﻪ
ﺭﺣﻤﻪ : ﺑﺎﺍﻫﻲ ﺑﺎﺍﻱ ، ﻃﻮﻁ ﻃﻮﻁ
ﺍﻧﻲ ﺣﻄﻴﺖ ﺍﻟﺘﻠﻴﻔﻮﻥ ﻭﺗﻨﻔﺴﺖ ﺑﻌﺼﺒﻴﻪ ﻣﺶ ﻋﺎﺭﻑ ﺍﻟﻤﺨﻠﻮﻗﻪ ﻫﺎﺩﻱ ﺧﻴﺮﺭﻫﺎ ﻫﻜﻲ ﺍﺳﻠﻮﺑﻬﺎﺍ
ﻗﻌﺪﺕ ﻧﺸﻮﻑ ﻟﻮﻟﻴﺪ ﻛﻴﻒ ﺭﺍﻗﺪ ﺑﺤﺐ ﻭﻧﻤﺴﺢ ﻋﻠﻲ ﺷﻌﺮﻩ ﺭﺑﻲ ﻻﻳﺤﺮﻣﻨﻲ ﻣﻨﻪ
ﻗﻌﺪﺕ ﻟﻠﺼﺒﺢ ﻉ ﺍﻟﻜﺮﺳﻲ ﻭﻭﻟﻴﺪ ﺭﺍﻗﺪ ﻋﻠﻲ ﺭﺟﻠﻲ ﻣﺎﻗﺪﺭﺗﺶ ﺍﻧﻮﺽ ﻭﺍﻧﻮﺿﻪ ﻟﺤﺪ ﻣﺎﻫﻮ ﻓﺎﻕ ﺍﻟﻔﺠﺮ ﻭﺍﻟﻘﺎﻧﻲ ﺭﺍﻗﺪﻩ ﻉ ﺍﻟﻜﺮﺳﻲ
ﻭﻟﻴﺪ ﺑﺼﻮﺕ ﻭﺍﻃﻲ : ﻧﻮﺳﻪ ﻧﻮﺳﻪ ﺣﺒﻴﺒﺘﻲ
ﺍﻧﻲ ﺑﺨﻠﻌﻪ : ﺍﻫﺎ ﻭﻟﻴﺪ
ﻭﻟﻴﺪ ﺷﺎﺩﻧﻲ ﻭﻗﺎﻣﻨﻲ ﻓﻲ ﻏﻤﺮﻩ
ﺍﻧﻲ ﺑﺼﻮﺕ ﻧﺎﻋﺲ : ﻭﻟﻴﺪ ﺧﻴﺮﻙ
ﻭﻟﻴﺪ : ﺑﻨﺨﺸﺸﻚ ﻟﻠﺪﺍﺭ ﻣﺶ ﻣﺮﺗﺎﺣﺔ ﺍﻫﻨﻲ
ﺍﻧﻲ : ﻫﻬﻬﻪ ﺑﺎﻩ
ﻭﻟﻴﺪ : ﺍﻟﻔﺠﺮ ﺃﺫﻥ ﻛﺎﻥ ﺑﺘﺼﻠﻲ
ﺍﻧﻲ : ﺑﺎﻫﻲ ﻧﺰﻟﻨﻲ ﺑﻴﺶ ﻧﺘﻮﺿﺄ ﻭﻧﺼﻠﻲ
ﻧﺰﻟﻨﻲ ﻭﻟﻴﺪ ﻭﺗﻮﺿﻴﻨﺎ ﻭﺻﻠﻰ ﺑﻴﺎ ﻭﺍﻧﻲ ﺻﻠﻴﺖ ﻭﺭﺍﻩ ﺷﻌﻮﺭ ﺣﻠﻮﻭ ﻫﻠﺒﺎ ﻟﻤﺎ ﺭﺍﺟﻠﻚ ﻭﺍﻟﻲ ﺗﺤﺒﻴﻪ ﺗﺼﻠﻲ ﻭﺭﺍﻩ ﻭﺻﻼﺓ ﺍﻟﻔﺠﺮ ﺣﺴﻴﺖ ﺑﺴﻌﺎﺩﺓ ﻭﻃﻤﺄﻧﻴﻨﻪ
ﻛﻤﻠﻨﺎ ﺍﻟﺼﻼﺓ ﻭﺧﺸﻴﻨﺎ ﻟﻠﺴﺮﻳﺮ ﻭﺭﻗﺪﺕ ﻋﻠﻲ ﺻﺪﺭ ﻭﻟﻴﺪ ﻭﻣﺎﻓﻘﺘﺶ ﺍﻻ ﻋﻠﻲ ﺍﻟﺴﺎﻋﻪ ١١ ﺍﻟﻘﻴﺖ ﻭﻟﻴﺪ ﻣﻬﻨﺎﺵ ﻧﻀﺖ ﺩﺭﺕ ﺩﻭﺭﺓ ﻋﻠﻲ ﺍﻟﺤﻮﺵ ﻭﻧﺰﻟﺖ ﻟﻮﻃﻰ ﻟﻘﻴﺖ ﻧﺴﺎﻭﻳﻦ ﻋﻤﻬﻢ ﻗﻌﻤﺰﺕ ﺟﻨﺒﻬﻢ ﻭﺑﻌﺪﻫﺎ ﺩﺭﻧﺎ ﺍﻟﻐﺪﻱ ﻭﺗﻐﺪﻳﻨﺎ
ﻭﻓﻲ ﺍﻟﻌﺸﻴﻪ ﺭﻭﺣﻮ ﻭﺍﺣﻨﻲ ﻗﻌﺪﻧﺎ ﻣﻘﻌﻤﺰﻳﻦ ﺟﻨﺐ ﻋﻤﺘﻲ ﻭﻧﻬﺪﺭﺯﻭ
،،،،،،،
ﺍﻣﺎ ﻋﻨﺪ ﻧﻮﺍﻝ ﻓﺎﺗﺼﻞ ﺑﻴﻬﺎ ﺭﻗﻢ ﻏﺮﻳﺐ ﻭﺩﻭﻟﻲ ﻋﻠﻲ ﻃﻮﻝ ﻗﺎﻟﺖ ﻣﺤﻤﻮﺩ ﻭﺭﺩﺕ : ﺍﻟﻮ
<< ﺍﻧﺘﻲ ﺍﻧﺘﻲ ﻫﺬﻩ ﺍﻧﺘﻲ ﺍﻧﺘﻲ ﻭﻳﻦ ﺍﻧﺘﻲ ﻫﻨﺎ
ﻭﻳﻦ ﻣﺎ ﻓﻲ ﺍﻟﺪﻧﻴﺎ ﻛﻨﺘﻲ ﻣﻨﺰﻟﻚ ﻓﻲ ﻋﻴﻨﻲ ﺍﻧﺎ
ﻭﺑﺄﺧﺘﺼﺎﺭ ﻭﺑﻜﻞ ﺟﻨﻮﻥ ﺍﻧﺎ ﻭﺍﻧﺘﻲ ﻣﻦ ﻧﻜﻮﻥ
ﺃﻧﺎ ﺃﻛﺜﺮ ﺷﺨﺺ ﻳﺤﺒﻚ ﻭﺃﻧﺘﻲ ﺃﻡ ﺃﺟﻤﻞ ﻋﻴﻮﻥ
ﺃﻧﺘﻲ ﻏﻴﺮ ﺍﻟﺪﻧﻴﺎ ﻛﻠﻬﺎ ﺃﻃﻴﺐ ﻭﺃﺟﻤﻞ ﺍﻫﻠﻬﺎ
ﻳﻜﻔﻲ ﻻ ﻛﺤﻠﺘﻲ ﻋﻴﻨﻚ ﻋﻴﻨﻚ ﺃﺗﻨﺰﻳﻦ ﻛﺤﻠﻬﺎ
ﻛﻞ ﻋﺎﻡ ﻭﺍﻧﺘﻲ ﺃﺟﻤﻞ ﺣﺎﺟﺔ ﻓﻲ ﺗﺎﺭﻳﺨﻲ ﺑﺘﺤﺼﻞ
ﻳﻠﻲ ﺑﺴﻤﺔ ﻣﻦ ﺷﻔﺎﺗﻚ ﻳﺜﺒﺖ ﺃﻥ ﺍﻟﺰﻳﻦ ﻳﻜﻤﻞ
ﻭﺣﺪﻙ ﺍﻟﻲ ﻓﻲ ﺷﺠﻮﻧﻲ ﻻ ﻓﻀﻰ ﺍﻟﻜﻮﻥ ﻓﻲ ﻋﻴﻮﻧﻲ
ﻓﻲ ﺗﻔﺎﺻﻴﻠﻚ ﻳﺎ ﺃﻧﺘﻲ ﻳﻨﻄﻲ ﺑﺎﻟﺤﺐ ﻟﻮﻧﻲ
ﻭﻣﻦ ﻏﻼﻙ ﺍﻧﺘﻲ ﻓﻲ ﻋﻤﺮﻱ ﺣﺘﻰ ﻇﻠﻚ ﺻﺎﺭ ﻳﺠﺮﻱ
ﺃﻥ ﻗﻠﺒﻲ ﻳﺤﺒﻚ ﺃﻛﺜﺮ ﻣﻨﻲ ﺭﻏﻢ ﺃﻧﻪ ﻓﻲ ﺻﺪﺭﻱ
ﺃﻥ ﺣﻜﻴﺘﻲ ﻣﻦ ﺍﻟﻠﻄﺎﻓﻪ ﻓﺎﺿﺖ ﺍﻟﺪﻧﻴﺎ ﺭﻫﺎﻓﺔ
ﻭﻧﻈﺮﺗﻚ ﻻﻣﻦ ﺳﻜﺘﻲ ﺃﺑﻠﻎ ﻧﻴﺔ ﺍﻟﺜﻘﺎﻓﺔ
ﺍﻧﺘﻲ ﺍﻧﺘﻲ ﻫﺬﻩ ﺍﻧﺘﻲ ﺍﻧﺘﻲ ﻭﻳﻦ ﺍﻧﺘﻲ ﻫﻨﺎ
ﻭﻳﻦ ﻣﺎﻓﻲ ﺍﻟﺪﻧﻴﺎ ﻛﻨﺘﻲ ﻣﻨﺰﻟﻚ ﻓﻲ ﻋﻴﻨﻲ ﺍﻧﺎ >>
ﻧﻮﺍﻝ ﻗﻌﺪﺕ ﺗﺴﻤﻊ ﻭﻣﺒﺘﺴﻤﻪ ﻭﻋﺎﺭﻓﻪ ﺍﻧﻪ ﻫﺪﺍ ﻣﺤﻤﻮﺩ ﻭﺍﻭﻝ ﻣﺎﻛﻤﻠﺖ ﺍﻻﻏﻨﻴﻪ : ﻣﺤﻤﻮﺩ
ﻣﺤﻤﻮﺩ : ﺍ ﺍ ﻧﻮﺍﻝ ﻃﻮﻁ ﻃﻮﻁ
ﻓﺼﻞ ﺍﻟﺨﻂ
ﻧﻮﺍﻝ ﺣﺎﻭﻟﺖ ﺗﻌﺎﻭﺩ ﻉ ﺍﻟﺮﻗﻢ ﺑﺲ ﻣﺎﻳﻌﻠﻘﺶ ﻣﻌﺎﻫﺎ ﺍﻟﺨﻂ ﺍﺗﻜﻴﺖ ﻭﻗﻌﺪﺕ ﺗﻔﻜﺮ
،،،،،،،
ﺭﻭﺡ ﻭﻟﻴﺪ ﻣﻊ ﺍﻟﺴﺎﻋﻪ 9 ﺧﺶ ﺣﻄﻴﺘﻠﻪ ﻋﺸﻲ ﻭﺑﻌﺪﻫﺎ ﺭﻛﺒﻨﺎ ﻟﺸﻘﺘﻨﺎ
ﻭﻟﻴﺪ ﺳﻜﺮ ﺍﻟﺒﺎﺏ ﺗﻠﻔﺘﻠﻲ ﻭﻗﺮﺏ ﻣﻨﻲ ﻭﺷﺪ ﻭﺟﻬﻲ ﺑﻴﻦ ﻳﺪﻳﻪ : ﻋﺎﺭﻓﻪ ﺍﻧﻲ ﻣﺴﺘﺎﺣﺸﻚ
ﺍﻧﻲ ﺍﺑﺘﺴﻤﺖ ﻭﻧﺰﻟﺖ ﻋﻴﻮﻧﻲ ﻭﺭﺟﻌﺖ ﺷﻔﺘﻠﻪ : ﺍﻧﻲ ﺍﻛﺜﺮ ﻳﺎﻧﺒﺾ ﻗﻠﺒﻲ
ﻭﻟﻴﺪ ﻗﺎﻣﻨﻲ ﻭﻭﻭﻭﻭ
( ﺟﺰﺀ ﻣﻦ ﺍﻟﻨﺺ ﻣﻔﻘﻮﺩ ﻣﺶ ﺷﻮﺭﻛﻢ ﺍﻟﺒﺎﻗﻲ ﻫﻬﻬﻬﻪ )
،،،،،،
ﺍﻣﺎ ﻧﻮﺍﻝ ﻓﻜﺎﻧﺖ ﻃﻮﻝ ﺍﻟﻠﻴﻞ ﺗﺤﺎﻭﻝ ﺗﻮﺻﻞ ﻓﻲ ﻣﺤﻤﻮﺩ ﻭﻗﻌﺪﺕ ﺗﻜﺘﺒﻠﻪ ﻓﻲ ﺍﻟﻔﺎﻳﺒﺮ ﻭﺍﻟﻔﻴﺲ ﻭﻣﺎﻓﻴﺶ ﺭﺩ
،،،،،،،
ﻓﺎﺕ ﺍﺳﺒﻮﻉ ﺍﻱ ﺍﺳﺒﻮﻋﻴﻦ ﻋﻠﻲ ﺳﻔﺮ ﻣﺤﻤﻮﺩ
ﻓﻘﺖ ﺍﻟﺼﺒﺢ ﺍﻟﺴﺎﻋﻪ ﺗﻤﺎﻧﻴﻪ ﺩﺭﺕ ﻓﻄﻮﺭ ﻟﻮﻟﻴﺪ ﻭﻧﻮﺿﺘﻪ
ﻭﻟﻴﺪ ﻧﺎﺽ ﺩﻭﺵ ﻭﺟﺎﻧﻲ ﻓﻲ ﺍﻟﻤﻄﺒﺦ ﻗﺮﺏ ﻣﻨﻲ ﻭﻃﺒﺲ ﺑﺎﺳﻨﻲ ﻋﻠﻲ ﺧﺪﻱ : ﺻﺒﺎﺡ ﺍﻟﻮﺭﺩ
ﺍﻧﻲ ﺍﺑﺘﺴﻤﺖ : ﺻﺒﺎﺣﻮ ﻓﻞ ﻭﻳﺎﺳﻤﻴﻦ
ﻭﻟﻴﺪ ﻳﺠﺒﺪ ﻛﺮﺳﻲ ﻭﻳﻘﻌﻤﺰ : ﺷﻦ ﺍﻟﻔﻄﻮﺭ ﺍﻟﺤﻠﻮ ﻫﺬﺍ
ﺍﻧﻲ : ﺑﺎﻟﻌﺎﻓﻴﻪ ﺣﺒﻴﺒﻲ
ﻭﻟﻴﺪ : ﻳﺴﻠﻤﻮ ﺍﻟﻴﺪﻳﻦ ﺍﻟﺤﻠﻮﺍﺕ ، ﺍﻳﻪ ﺣﺒﻴﺒﺘﻲ ﺑﻨﻘﻮﻟﻚ ﺍﻟﻴﻮﻡ ﻣﺶ ﻣﺮﻭﺡ ﻉ ﺍﻟﻐﺪﻱ
ﺍﻧﻲ : ﻋﻼﺵ
ﻭﻟﻴﺪ : ﻣﻌﺰﻭﻡ ﻉ ﺍﻟﻐﺪﻱ ﺍﺻﺤﺎﺑﻲ
ﺍﻧﻲ : ﺑﺎﻩ ﺣﺒﻴﺒﻲ ﺣﻄﻨﻲ ﻋﻨﺪ ﻣﺎﻣﺎ ﻧﺘﻐﺪﻯ ﻏﺎﺩﻱ
ﻭﻟﻴﺪ : ﺑﺘﻤﺸﻲ ﻣﻦ ﺗﻮﺍ ؟ ﺍﻧﻲ ﺑﻨﻤﺸﻲ ﻣﻦ ﺍﻟﻤﺤﻞ ﻋﻠﻲ ﻃﻮﻝ ﻏﺎﺩﻱ
ﺍﻧﻲ : ﺍﻭﻛﻲ ﺑﺮﺍﺣﺘﻚ
ﻭﻟﻴﺪ : ﺣﺒﻴﺒﺘﻲ ﻫﻴﺎ ﻣﻦ ﻏﻴﺮ ﺯﻋﻞ
ﺍﻧﻲ : ﻻﻋﺎﺩﻱ ، ﺑﺲ ﺣﺒﻴﺒﻲ ﺍﻧﻲ ﻣﻠﻴﺖ ﻣﻦ ﺍﻟﺤﻮﺵ ﻟﻮ ﺗﺤﺴﺐ ﺍﻧﻪ ﻣﻦ ﻳﻮﻡ ﻣﺎﺭﻭﺣﻨﺎ ﻣﻦ ﺩﺑﻲ ﻣﻌﺎﺵ ﻃﻠﻌﻨﺎ ﻣﻊ ﺑﻌﺾ ﺑﻜﻞ ﻭﻟﻴﺎ ﺍﺳﺒﻮﻉ ﻣﺎﻃﻠﻌﺖ ﻣﻦ ﺍﻟﺤﻮﺵ ﺣﺎﺳﻪ ﺭﻭﺣﻲ ﻣﺎﻟﻪ ﻣﻦ ﺍﻟﺤﻮﺵ
ﻭﻟﻴﺪ : ﻣﺎﻫﻮ ﻳﺎﺣﺒﻴﺒﺘﻲ ﺗﺸﻮﻓﻲ ﻓﻲ ﺍﻟﻈﺮﻭﻑ ﺍﻟﻌﺰﻱ ﻭﻣﻌﺎﺵ ﻓﻀﻴﺖ
ﺍﻧﻲ : ﻋﺎﺭﻓﻪ ﻳﺎﻋﻴﻮﻧﻲ ﺣﺘﻰ ﺍﻧﻲ ﻣﻘﺪﺭﺓ ﻓﻠﻬﺬﺍ ﻗﻠﺘﻠﻚ ﺣﻄﻨﻲ ﻋﻨﺪ ﻣﺎﻣﺎ
ﻭﻟﻴﺪ : ﺑﺎﻩ ﺣﺎﺿﺮ ﺗﻮ ﻧﺠﻴﻚ ﻣﻊ ﺍﻟﺴﺎﻋﻪ 12 ﻧﺮﻓﻌﻚ
ﺍﻧﻲ ﺍﺑﺘﺴﻤﺖ : ﺷﻜﺮﺍ
ﻭﻟﻴﺪ : ﻭﺑﻌﺪ ﻧﻜﻤﻞ ﻏﺪﺍﻱ ﻧﺨﻄﻢ ﻋﻠﻴﻚ ﻭﻧﻄﻠﻌﻮ ﻣﻊ ﺑﻌﺾ ﺷﻦ ﺭﺍﻳﻚ
ﺍﻧﻲ ﺍﺑﺘﺴﻤﺖ ﺑﻔﺮﺡ : ﺑﺠﺪ ﺣﺒﻴﺒﻲ
ﻭﻟﻴﺪ : ﺑﺠﺪ ﻳﺎﻋﻴﻮﻥ ﺣﺒﻴﺒﻚ ﺍﻟﻤﻬﻢ ﻧﺸﻮﻑ ﺍﻻﺑﺘﺴﺎﻣﻪ ﺍﻟﺤﻠﻮﺓ ﻫﺎﺩﻱ
ﺍﻧﻲ ﻧﻀﺖ ﺑﺴﺖ ﻋﻠﻲ ﺧﺪﻩ ﻭﻗﻌﻤﺰﺕ ﻓﻲ ﺍﻟﻜﺮﺳﻲ ﺍﻟﻲ ﺟﻨﺒﻪ
ﻭﻟﻴﺪ : ﺍﻭﻭﻭﻩ ﻏﻴﺮ ﻛﺎﻥ ﻛﻞ ﻳﻮﻡ ﻧﺤﺼﻞ ﺑﻮﺳﺔ ﻫﻜﻲ ﻛﻞ ﻳﻮﻡ ﻧﻄﻠﻌﻮﻭ
ﺍﻧﻲ : ﻫﻬﻬﻬﻬﻬﻬﻬﻪ
ﻓﻄﺮﺕ ﺍﻧﻲ ﻭﻭﻟﻴﺪ ﻭﻃﻠﻊ ﻫﻮ ﻭﺍﻧﻲ ﻟﻤﻴﺖ ﺍﻣﺎﻋﻴﻦ ﺍﻟﻔﻄﻮﺭ ﻭﻭﻟﻴﺖ ﺭﻗﺪﺕ ﺳﺎﻋﺘﻴﻦ ﻭﻧﻀﺖ ﻣﻊ ﺍﻟﻌﺸﺮﺓ ﻭﻧﺺ ﺩﻭﺷﺖ ﻭﺍﺗﺼﻠﺖ ﺑﻤﺎﻣﺎ : ﺍﻟﻮ ﻣﺎﻣﺎ
ﻣﺎﻣﺎ : ﺍﻫﻠﻴﻦ ﺻﺒﺎﺡ ﺍﻟﺨﻴﺮ ﻳﺎﻧﻮﺳﻪ
ﺍﻧﻲ : ﺻﺒﺎﺡ ﺍﻟﻮﺭﺩ ﻣﺎﻣﺘﻲ ﻛﻴﻒ ﺣﺎﻟﻚ
ﻣﺎﻣﺎ : ﺍﻟﺤﻤﺪ ﻟﻠﻪ ﻛﻮﻳﺴﻪ ﺍﻧﺘﻲ ﻛﻴﻒ ﺣﺎﻟﻚ ﻭﺣﺎﻝ ﺭﺍﺟﻠﻚ
ﺍﻧﻲ : ﺗﻤﺎﻡ ﺍﻟﺤﻤﺪ ﻟﻠﻪ ﺷﻦ ﺍﺧﺒﺎﺭﻛﻢ ﺍﻧﺘﻮ
ﻣﺎﻣﺎ : ﺗﻤﺎﻡ ﺍﻫﻮ ﻛﻴﻒ ﺟﺖ ﺧﺎﻟﺘﻚ ﻣﺘﻐﺪﻳﺔ ﻋﻨﺪﻧﺎ
ﺍﻧﻲ ﺑﻔﺮﺣﺔ : ﺑﺎﻟﺤﻘﺎ ﺣﺘﻰ ﺍﻧﻲ ﺑﻨﺠﻲ ﻧﺘﻐﺪﻯ ﻋﻨﺪﻛﻢ
ﻣﺎﻣﺎ : ﺑﺎﻩ ﻣﺮﺣﺒﺘﻴﻦ ﺑﻴﻚ ﻭﺍﻫﻮ ﺑﺎﻟﻤﺮﺓ ﺗﻬﺪﺭﺯﻱ ﻋﻠﻲ ﺧﺎﻟﺘﻚ
ﺳﺎﺍﺭﺓ ﺑﺼﻮﻭﺕ ﻋﺎﺍﻟﻲ : ﻣﺸﻔﺸﻔﻪ ﺗﻌﺎﺍﺍﻟﻲ ﺍﺳﺘﺎﺣﺸﺘﻚ
ﺍﻧﻲ : ﻫﻬﻬﻬﻬﻪ ﻗﻮﻟﻬﺎ ﺟﺎﻳﻪ ﺟﺎﻳﻪ
ﻣﺎﻣﺎ : ﺑﺎﻩ ﺍﻣﺎﻻ ﻧﺴﺘﻨﻮﻙ ﻉ ﺍﻟﻐﺪﻱ ﻭﻟﻴﺪ ﺑﻴﺠﻲ ﻭﺍﻻ ؟
ﺍﻧﻲ : ﻻﻻ ﻭﻟﻴﺪ ﻣﻌﺰﻭﻡ ﻉ ﺍﻟﻐﺪﻱ
ﻣﺎﻣﺎ : ﺑﺎﻩ ﺍﻣﺎﻻ ﺳﻠﻤﻲ ﻋﻠﻲ ﻋﻤﺘﻚ
ﺍﻧﻲ : ﻳﻮﺻﻞ ﻣﻊ ﺍﻟﺴﻼﻣﻪ
ﺳﻜﺮﺕ ﻣﻦ ﻣﺎﻣﺎ ﻭﻗﻌﺪﺕ ﻧﻄﻠﻊ ﻓﻲ ﻟﺒﺴﻪ ﻃﻠﻌﺖ ﻗﻮﻧﻪ ﻗﺼﻴﺮﺓ ﺯﺭﻗﺎﺀ ﻭﻋﻠﻴﻬﺎ ﺑﻠﻮﺯﺓ ﻭﺭﺩﻳﻪ ﻭﺍﺳﺘﺸﻮﺭﺕ ﺷﻌﺮﻱ ﻭﻗﻤﺘﻪ ﻓﻮﻕ ﻭﻛﻤﻠﺖ ﻣﻊ ﺍﻟﺴﺎﻋﻪ ١١ ﻭﻧﺺ ﻗﻤﺖ ﻓﻮﻧﻲ ﻭﺍﺗﺼﻠﺖ ﺑﻬﺎﺟﺮ
ﻫﺎﺟﺮ ﺑﺼﻮﺕ ﻧﺎﻋﺲ : ﺍﻟﻮ ﺻﺒﺎﺡ ﺍﻟﺨﻴﺮ
ﺍﻧﻲ : ﻫﺠﻮﻭﺭﺗﻲ ﺻﺒﺎﺣﻮ ﻭﺭﺩ ﺍﻥ ﺷﺎﺀ ﺍﻟﻠﻪ ﺭﺍﻗﺪﻩ
ﻫﺎﺟﺮ : ﻛﻨﺖ ﻟﻼﺳﻒ ﻭﺍﻧﺘﻲ ﺷﻦ ﺣﺎﻟﻤﻪ ﺑﻴﺎ
ﺍﻧﻲ : ﻫﻬﻬﻬﻬﻬﻪ ﺗﻲ ﻧﻮﻭﺿﻲ ﺍﻟﺴﺎﻋﻪ 12 ﻳﺎﺳﺮﻙ ﻧﻮﻡ
ﻫﺎﺟﺮ : ﺑﻠﻌﻮﻃﺔ ﻣﻦ ﻳﻮﻣﻚ ﺍﻟﺴﺎﻋﻪ ١١ ﻗﺎﻋﺪﻩ
ﺍﻧﻲ : ﻣﺎﻣﺎﺗﺶ ﻏﻴﺮ ﻗﺘﻠﻮﻩ ﻫﻬﻬﻬﻬﻪ ﻏﻴﺮ ﺻﺤﺼﺤﻴﻠﻲ
ﻫﺎﺟﺮ : ﺗﻲ ﺑﻨﺮﺭﻗﺪ ﻳﺎﺍﻫﻤﻲ
ﺍﻧﻲ : ﻳﺎﺳﺮﻙ ﻧﻮﻣﻲ ﻧﻮﺿﻲ ﻗﻮﻟﻴﻠﻲ ﺷﻦ ﺟﻮﻙ ﻭﺷﻦ ﺍﺧﺒﺎﺭﻙ ﻭﺷﻦ ﺟﻮ ﺧﻮﻭﻳﺎ ﻣﻌﺎﺍﻙ
ﻫﺎﺟﺮ : ﺧﻮﻭﻙ ﻣﺴﻬﺮﻧﻲ ﻟﻠﺴﺎﻋﻪ ﺳﺒﻌﻪ ﻫﺎﺍ ﻭﺗﻮﺍ ﻣﺎﻓﻴﺎﺵ ﺣﻴﻞ ﻧﻮﻗﻒ ﺣﺘﻰ ﺍﻟﺠﺎﻣﻌﻪ ﻓﻮﺗﺘﻬﺎ
ﺍﻧﻲ : ﻫﻬﻬﻬﻬﻪ ﺷﻦ ﺗﺪﻭﻭ ﺍﻟﻮﻗﺖ ﻫﺬﺍ ﻛﻠﻪ
ﻫﺎﺟﺮ : ﻧﻌﺒﺮﻭﻭ ﻋﻠﻲ ﻣﺸﺎﻋﺮﻧﺎ
ﺍﻧﻲ : ﻫﻬﻬﻬﻬﻬﻬﻬﻬﻬﻪ
ﻫﺎﺟﺮ : ﺗﻀﺤﻜﻲ ﻋﻨﺪﻙ ﺍﻟﺤﻖ ﺍﻧﺘﻲ ﺭﺍﺟﻠﻚ ﺭﺍﻗﺪ ﺟﻨﺒﻚ ﺍﻣﺎ ﺍﺣﻨﻲ ﺷﻦ ﻧﺪﻳﺮﻭ ﻋﺎﻟﻘﻴﻦ ﺍﻟﻮﺻﻠﻪ ﻉ ﺍﻟﺘﻠﻴﻔﻮﻥ ﻭﺧﻼﺹ
ﺍﻧﻲ : ﻫﻬﻬﻬﻬﻬﻬﻬﻬﻪ ﻭﺍﻧﺘﻮ ﺧﻼﺹ ﺍﺧﺮ ﻗﺮﺍﺭ ﺍﻟﻌﺮﺱ ﺷﻬﺮ ﻭﺍﺣﺪ
ﻫﺎﺟﺮ : ﻭﺍﻟﻠﻪ ﺧﻼﺹ ﻋﻤﻚ ﺭﻣﻀﺎﻥ ﺳﻜﺮ ﺭﺍﺳﻪ ﺣﺪﺩﺕ 15 ﻭﺍﺣﺪ ﺍﻣﺸﻴﺖ ﻏﻴﺮﺕ ﺣﺘﻰ ﺣﺠﺰ ﺍﻟﺼﺎﻟﺔ ، ﺍﻧﺘﻲ ﺷﻦ ﺟﻮﻙ
ﺍﻧﻲ : ﺗﻤﺎﻡ ﺍﻫﻮ ﻧﺮﺍﺟﻲ ﻓﻲ ﻭﻟﻴﺪ ﺑﻨﻤﺸﻲ ﻧﺘﻐﺪﻯ ﻋﻨﺪ ﻣﺎﻣﺎ
ﻫﺎﺟﺮ : ﺗﻌﺮﻓﻲ ﻣﺴﺘﺎﺣﺸﺎﺗﻚ ﻣﺶ ﺑﺮﻧﺎﻣﺞ ﻫﻜﻲ ﻳﺎﺭﻳﺘﻚ ﻣﺎﺗﺰﻭﺟﺘﻲ
ﺍﻧﻲ : ﻫﻬﻬﻬﻬﻪ ﺗﻌﺎﻟﻲ ﻛﺎﻥ ﺗﻘﺪﺭﻱ ﺍﻟﻴﻮﻡ ﺗﻐﺪﻱ ﻋﻨﺪﻧﺎ
ﻫﺎﺟﺮ : ﻣﺎﺍﻋﺘﻘﺪﺵ ﺭﻣﻀﺎﻥ ﻳﻘﻮﻝ ﺑﺎﺍﻫﻲ ﻧﺒﻲ ﻧﻌﺰﻣﻚ ﺍﻧﻲ ﻳﻮﻡ ﺗﺎﻧﻲ
ﻗﻌﺪﺕ ﻧﻬﺪﺭﺯ ﺍﻧﻲ ﻭﻫﺠﻮﺭﺓ ﻟﺤﺪ ﻣﺎﺳﻤﻌﺖ ﺻﻮﺕ ﺍﻟﺒﺎﺏ ﺍﻧﻔﺘﺢ ﺳﻜﺮﺕ ﻣﻨﻬﺎ ﻭﻃﻠﻌﺖ ﻣﻦ ﺍﻟﺪﺍﺭ ﺍﻟﻘﻴﺖ ﻭﻟﻴﺪ ﻛﻴﻒ ﺧﺎﺵ
ﺍﻧﻲ : ﺍﻫﻠﻴﻦ ﺣﺒﻴﺒﻲ
ﻭﻟﻴﺪ : ﺍﻫﻠﻴﻦ ، ﻭﻗﺎﻡ ﺭﺍﺳﻪ ﺷﺎﻓﻠﻲ ﻭﺍﺑﺘﺴﻢ ﺍﻭﻭﻭﻩ ﻣﻨﻮﻭ ﻫﺎﺍﺩﻱ
ﺍﻧﻲ : ﻫﻬﻬﻪ ﺍﻟﻐﻮﻟﺔ
ﻭﻟﻴﺪ : ﺷﻦ ﻏﻮﻟﺔ ﻫﺎﺍﺩﻱ ﻋﺴﻞ ﻭﻳﻦ ﻭﻳﻦ ﻉ ﺍﻟﺤﻼﻭﺓ ﻫﺎﺩﻱ
ﺍﻧﻲ ﺍﺑﺘﺴﻤﺖ : ﻋﻴﻮﻧﻚ ﺍﻟﺤﻠﻮﺓ
ﻭﻟﻴﺪ : ﻫﻲ ﺧﻠﻴﻨﻲ ﻧﻔﻮﺕ ﺍﻟﻐﺪﻱ ﻭﺍﻧﺘﻲ ﻓﻮﺗﻲ ﺍﻟﻤﺸﻴﺔ ﻻﻣﻚ ﻭﻧﻘﻌﺪﻭ ﻓﻲ ﺍﻟﺤﻮﺵ
ﺍﻧﻲ : ﻫﻬﻬﻬﻬﻪ ﻣﺠﻨﻮﻥ ﺧﻠﻲ ﻧﻠﺒﺲ ﻋﺒﺎﻳﺘﻲ ، ﻭﺧﺸﻴﺖ ﻟﻠﺪﺍﺭ
ﻭﻟﻴﺪ ﺧﺶ ﻭﺭﺍﻱ ﻟﻠﺪﺍﺭ : ﺑﻨﻐﻴﺮ ﻣﻼﺑﺴﻲ ﻓﻲ ﻟﺒﺴﻪ ﻭﺍﺗﻴﻪ
ﺍﻧﻲ : ﺍﻳﻪ ﺣﺪﺩﺗﻠﻚ ﺳﻮﺭﻳﻪ ﻭﺑﻨﻄﻠﻮﻥ ﻭﻓﺘﺤﺖ ﺍﻟﺪﻭﻻﺏ ﻭﻗﺮﺑﺖ ﻣﻨﻪ ﻭﻣﺪﻳﺘﻬﻤﻠﻪ
ﻭﻟﻴﺪ ﺍﺧﺪﺍﻫﻢ ﻭﺷﺪ ﻳﺪﻱ : ﻭﺍﻟﻠﻪ ﺧﺸﺖ ﺭﺍﺳﻲ ﻓﻜﺮﺓ ﻧﻔﻮﺗﻮ ﻣﻮﺿﻮﻉ ﺍﻟﻐﺪﻱ ﻭﻧﻘﻌﻤﺰﻭ ﺍﻫﻨﻲ
ﺍﻧﻲ : ﻫﻬﻬﻬﻬﻬﻪ ﻻﺍ
ﻭﻟﻴﺪ : ﻋﻼﺵ ﻳﺎﻣﻜﺎﺭﺓ
ﺍﻧﻲ : ﻫﻬﻬﻬﻪ ﻫﻜﻲ ﻓﻴﺶ
ﻭﻟﻴﺪ : ﻣﻼﺣﻈﺔ ﺭﻭﺣﻚ ﻣﻮﻟﻴﻪ ﺷﺮﻳﺮﻩ
ﺍﻧﻲ : ﺍﻧﻴﻲ ؟
ﻭﻟﻴﺪ : ﺍﻳﻪ ﺍﻧﺘﻲ ﻣﻮﻟﻴﺔ ﺷﺮﻳﺮﻩ ﻭﻣﻜﺎﺭﺓ
ﺍﻧﻲ : ﻫﻬﻬﻬﻬﻪ ﺑﺎﻟﻌﻜﺲ ﻃﻴﻮﺑﺔ ﺍﻧﻲ
ﻭﻟﻴﺪ : ( ﻳﻘﻠﺪ ﺻﻮﺗﻲ ) ﻃﻴﻮﻭﺑﻪ ﺍﻧﻲ ، ﻣﻜﺎﺍﺍﺭﺓ
ﺍﻧﻲ : ﻫﻬﻬﻬﻬﻪ ﺑﺎﻩ ﻫﻴﺎﺍ ﻭﻗﺖ ﺣﺒﻴﺒﻲ
ﻏﻴﺮ ﻭﻟﻴﺪ ﻣﻼﺑﺴﻪ ﻭﺍﻧﻲ ﻟﺒﺴﺖ ﻋﺒﺎﻳﺘﻲ ﻭﻧﺰﻟﺖ ﺍﻧﻲ ﻭﻳﺎﻫﺎ ﺧﺸﻴﻨﺎ ﻟﻌﻤﺘﻲ ﺳﻠﻤﺖ ﻋﻠﻴﻬﺎ ﻭﻃﻠﻌﻨﺎ
ﻭﺻﻠﻨﺎ ﻧﺰﻟﺖ ﺍﻧﻲ ﻭﻭﻟﻴﺪ ﺷﺮﻳﻨﺎ ﻭﻓﺘﺤﻮﻟﻨﺎ ﺍﻟﺒﺎﺏ ﺧﺸﻴﻨﺎ ﻟﻠﺠﻨﺎﻥ ﻭﻓﺘﺤﺘﻠﻨﺎ ﻣﺎﻣﺎ ﺍﻟﺒﺎﺏ
ﻣﺎﻣﺎ : ﺍﻫﻠﻴﻦ ﺗﻔﻀﻠﻮﻭ ﺳﻠﻤﺖ ﻋﻠﻴﺎ ﻭﺑﻌﺪﻫﺎ ﺳﻠﻤﺖ ﻋﻠﻲ ﻭﻟﻴﺪ
ﻭﻟﻴﺪ : ﻛﻴﻒ ﺣﺎﻟﻚ ﻭﺣﺎﻝ ﺻﺤﺘﻚ
ﻣﺎﻣﺎ : ﺍﻟﺤﻤﺪ ﻟﻠﻪ ﻓﻲ ﻧﻌﻤﻪ ﻭﺍﻟﻠﻪ ﻫﻲ ﺧﺶ
ﻭﻟﻴﺪ : ﻻﻭﺍﻟﻠﻪ ﻣﻌﻠﻴﺸﻲ ﻣﺮﺓ ﺗﺎﻧﻴﻪ ﻳﺎﻋﻤﺘﻲ ﻣﻌﺰﻭﻡ ﺑﻨﻤﺸﻲ
ﻣﺎﻣﺎ : ﺑﺎﻩ ﺍﻣﺎﻻ ﻃﺮﻳﻘﻚ ﺯﻳﻨﻪ ﺍﻟﻤﻬﻢ ﻧﺮﺍﺟﻮ ﻓﻴﻚ ﻣﺮﺓ ﺗﺎﻧﻴﻪ
ﻭﻟﻴﺪ : ﺍﻥ ﺷﺎﺀ ﺍﻟﻠﻪ ﻫﻲ ﺍﻟﺴﻼﻡ ﻋﻠﻴﻜﻢ
ﻃﻠﻊ ﻭﻟﻴﺪ ﻭﺍﻧﻲ ﺧﺸﻴﺖ ﺳﻠﻤﺖ ﻋﻠﻲ ﺧﺎﻟﺘﻲ ﻭﻛﺎﻧﺖ ﻣﺎﻣﺎ ﻭﺧﺎﻟﺘﻲ ﺑﺲ ﻣﻘﻌﻤﺰﺍﺕ ﻓﻲ ﺩﺍﺭ ﺍﻟﻤﻌﻴﺸﻪ
ﺍﻧﻲ : ﻭﻳﻦ ﺍﻟﺒﻨﺎﺕ
ﺧﺎﻟﺘﻲ : ﻓﻮﻭﻕ ﻛﻠﻬﻢ
ﺍﻧﻲ : ﺧﻠﻲ ﺍﻣﺎﻻ ﻧﺮﻛﺒﻠﻬﻢ
ﺣﻮﻟﺖ ﻋﺒﺎﻳﺘﻲ ﻭﺭﻛﺒﺖ ﺍﻟﺪﺭﻭﺝ ﺑﺎﻟﺸﻮﻳﻪ ﺑﺎﻟﺸﻮﻳﺔ ﺍﻭﻝ ﻣﺎﻭﺻﻠﺖ ﻓﻮﻕ ﻛﺎﻧﺖ ﻧﺮﺟﺲ ﻃﺎﻟﻌﻪ ﻣﻦ ﺩﺍﺭﻫﺎ
ﻧﺮﺟﺲ : ﻧﻮﻭﻭﻭﺳﻪ ﻭﺟﺘﻨﻲ ﺳﻠﻤﺖ ﻋﻠﻴﺎ
ﺍﻧﻲ : ﺷﻦ ﺍﺧﺒﺎﺭﻙ
ﺳﺎﺭﺓ ﻟﻤﺎ ﺳﻤﻌﺖ ﻧﺮﺟﺲ ﻧﺎﺩﺕ ﺍﺳﻤﻲ ﻃﻠﻌﺖ ﻣﻦ ﺍﻟﺪﺍﺭ ﻭﺟﺘﻨﻲ ﺗﺠﺮﻱ ﺍﺿﺒﻄﺘﻨﻲ : ﻛﻠﺒﺔ ﻭﻳﻴﻴﻨﻚ ﻫﻜﻲ ﺍﻟﻲ ﻳﺘﺰﻭﻭﺝ ﻳﻨﺴﻰ ﺑﻨﺖ ﺧﺎﺍﻟﺘﻪ
ﺍﻧﻲ : ﻫﻬﻬﻬﻬﻪ ﺗﻮ ﺍﻧﻲ ﻧﺴﻴﺘﻚ ﻣﺎﻫﻮ ﻧﻜﻠﻢ ﻓﻴﻚ ﺩﻳﻤﺎ
ﺳﺎﺭﺓ : ﻣﺎﺟﻴﺘﻴﻨﺎﺵ ﻫﻜﻲ ﻟﻴﺎ ﺍﺳﺒﻮﻋﻴﻦ ﻣﺎﺷﻔﺘﻜﺶ ﻣﻦ ﻋﺰﻱ ﻋﻤﻚ
ﺍﻧﻲ : ﺗﻌﺎﻟﻴﻠﻲ ﺍﻧﺘﻲ
ﺳﺎﺭﺓ : ﺣﺘﻰ ﺍﻧﻲ ﻣﻦ ﺟﺪﻳﺪ ﺑﺘﻄﻮﻟﻲ ﻣﻌﺎﺵ ﺗﺠﻲ ﺑﻨﻌﺴﻜﺮ ﻋﻨﺪﻙ ﻓﻲ ﺣﻮﺷﻚ
ﺍﻧﻲ : ﻫﻬﻬﻬﻬﻬﻪ ﻣﺶ ﻟﺪﺭﺟﺔ ﺗﻌﺴﻜﺮﻱ ﺍﻧﻲ ﻗﺼﺪﻱ ﻫﻜﻲ ﻳﻌﻨﻲ ﺩﻳﺮﻳﻠﻲ ﺯﻳﺎﺭﺓ ﺯﻳﺎﺭﺓ ﻳﻌﻨﻲ
ﺳﺎﺭﺓ : ﻫﻬﻬﻬﻬﻬﻬﻬﻪ ﺑﻨﻌﺴﻜﺮ ﻭﻛﺎﻥ ﻣﺎﺗﺒﻴﻨﻴﺶ ﻧﻌﺴﻜﺮ ﺗﻌﺎﻟﻲ ﺍﻧﺘﻲ
ﺍﻧﻲ : ﻫﻬﻬﻬﻬﻬﻬﻬﻪ ﺣﺎﺿﺮ ﺗﻮ ﻧﺠﻴﻚ ﻛﻞ ﻳﻮﻡ
ﺳﺎﺭﺓ : ﺧﻴﺰﻱ ﻫﺬﺍ ﺑﺪﻝ ﻛﻠﻤﺔ ﺗﻔﻀﻠﻲ ﻣﺮﺣﺒﺘﻴﻦ ﺑﻴﻚ ﺑﻨﻴﻪ ﺧﺎﻟﺘﻲ ﺷﻲ ﺷﻲ ﻣﺎﻓﻴﺶ ﺫﻭﻕ ﺑﻜﻞ
ﺍﻧﻲ : ﻫﻬﻬﻬﻬﻬﻪ
ﺳﻠﻤﺖ ﻋﻠﻴﻬﻢ ﻛﻠﻬﻢ ﻟﻜﻦ ﻧﻮﺍﻝ ﻛﺎﻧﺖ ﻣﻬﻨﺎﺵ
ﺍﻧﻲ : ﻧﻮﺍﻝ ﻭﻳﻦ
ﻧﻮﺭﺱ : ﺭﺍﻗﺪﻩ ﻓﻲ ﺩﺍﺭﻫﺎ
ﺍﻧﻲ ﺑﺎﺳﺘﻐﺮﺍﺏ : ﺭﺍﺍﻗﺪﻩ ﻣﻦ ﺍﻣﺘﻰ ﺗﺮﻗﺪ ﺍﻟﻮﻗﺖ ﻫﺪﺍ
ﺳﺮﻭﺭ : ﻣﻦ ﻟﻤﺎ ﺟﻴﻨﺎ ﺭﺍﻗﺪﻩ ﺣﺘﻰ ﺧﺸﻴﺘﻠﻬﺎ ﺑﻨﻮﺿﻬﺎ ﻣﺎﺑﺘﺶ ﻗﺎﻟﺘﻠﻲ ﻓﻮﺗﻮﻧﻲ ﻣﺶ ﻋﺎﺭﻑ ﺧﻴﺮﻫﺎ
ﺍﻧﻲ : ﺧﻠﻮﻧﻲ ﺗﻮ ﻧﺸﻮﻓﻬﺎ
ﻃﻘﻄﻘﺖ ﻋﻠﻲ ﺑﺎﺏ ﺩﺍﺭﻫﺎ ﻣﺎﺭﺩﺗﺶ ﻓﺘﺤﺖ ﺍﻟﺒﺎﺏ ﺍﻟﻘﻴﺘﻬﺎ ﻋﻄﻴﺘﻨﻲ ﺑﻈﻬﺮﻫﺎ ﻭﺭﺍﻗﺪﻩ ﻭﻣﻐﻄﻴﺔ ﻭﺟﻬﻬﺎ ﺳﻜﺮﺕ ﺍﻟﺒﺎﺏ ﻭﻗﺮﺑﺖ ﻣﻨﻬﺎ ﻭﺟﻴﺖ ﻗﺪﺍﻣﻬﺎ ﻭﺣﻮﻟﺖ ﺍﻟﻐﻄﺎ ﻣﻦ ﻭﺟﻬﻬﺎ
ﻧﻮﺍﻝ ﻣﺴﻜﺮﺓ ﻋﻴﻮﻧﻬﺎ : ﺧﻠﻮﻧﻲ ﻓﻲ ﺣﺎﻟﻲ
ﺍﻧﻲ : ﻧﻮﺿﻲ ﻧﺒﻴﻚ
ﻧﻮﺍﻝ ﻓﺘﺤﺖ ﻋﻴﻮﻧﻬﺎ ﻭﻧﺎﺿﺖ ﻗﻌﻤﺰﺕ : ﺷﻦ ﻓﻲ ﻛﻠﻤﻜﻢ ﻣﺤﻤﻮﺩ ﺷﻦ ﺍﺧﺒﺎﺭﻩ ﻃﻤﻨﻴﻨﻲ ﻧﺴﻴﺒﺔ
ﺍﻧﻲ ﺗﻨﻬﺪﺕ : ﻛﻮﻳﺲ ﻭﺍﻣﺲ ﻛﻠﻢ ﻭﻟﻴﺪ ﻭﻛﻠﻢ ﺍﻣﻪ ﻭﻃﻤﻨﻬﻢ ﻋﻠﻴﻪ
ﻧﻮﺍﻝ : ﻋﻼﺵ ﻣﺎﻳﻄﻤﻨﻴﺶ ﻋﻠﻴﻪ ﻭﻳﺨﻠﻴﻨﻲ ﻫﻜﻲ
ﺍﻧﻲ : ﺍﻫﻮ ﻃﻤﻨﺘﻚ ﺍﻧﻲ ﻭﺑﻌﺪﻳﻦ ﺍﻧﺘﻲ ﺷﻦ ﺣﺎﻟﻪ ﺍﻟﻜﺌﺎﺑﻪ ﻫﺎﺩﻱ ﺍﻟﻲ ﺍﻧﺘﻲ ﻓﻴﻬﺎ ﻭﺣﺘﻰ ﻛﻴﻒ ﺣﺎﻟﻚ ﻟﻌﻠﻤﻚ ﻣﺎﻗﻠﺘﻴﻬﺎﺵ
ﻧﻮﺍﻝ : ﻛﻴﻒ ﺣﺎﻟﻚ ، ﺍﻧﺘﻲ ﻋﺎﺭﻓﻪ ﻳﺎﻧﺴﻴﺒﺔ ﺍﻟﻲ ﻓﻴﺎ ﻣﺎﺗﻘﻌﺪﻳﺶ ﺗﺪﻳﺮﻳﻠﻲ ﻫﻜﻲ
ﺍﻧﻲ ﺗﻨﻬﺪﺕ : ﺑﺲ ﻏﻠﻂ ﺍﻟﻲ ﺗﺪﻳﺮﻱ ﻓﻴﻪ ﻓﻲ ﺭﻭﺣﻚ ﻫﺬﺍ ﻫﻮ ﻛﻮﻳﺲ ﻭﻧﻄﻤﻦ ﻓﻴﻚ ﻋﻠﻴﻪ ﺍﻫﻮ
ﻧﻮﺍﻝ : ﺍﺳﺘﺎﺣﺸﺘﻪ ﺍﺳﺘﺎﺣﺸﺘﻪ ﻣﺶ ﻗﺎﺩﺭﻩ ﻣﺎﻳﻜﻤﻨﻴﺶ ﺍﺳﺒﻮﻉ ﺗﻮﺍ ﻟﻴﺎ ﻣﺎﺳﻤﻌﺘﺶ ﺻﻮﺕ ﻋﺎﺍﺭﻓﻪ ﺗﺎﻧﻲ ﻳﻮﻡ ﺟﻴﺘﻮﻧﺎ ﻓﻴﻪ ﺍﺗﺼﻞ ﺑﻴﺎ ﻭﺳﻤﻌﻨﻲ ﺍﻏﻨﻴﻪ ﺑﻌﺪ ﻛﻤﻠﺖ ﻗﺎﻟﻲ ﻧﻮﺍﻝ ﻭﺳﻜﺮ
ﺍﻧﻲ : ﻳﻌﻨﻲ ﻫﻮ ﻫﻮ ﺍﻟﻲ ﻛﻠﻤﻚ
ﻧﻮﺍﻝ : ﺍﻳﻪ ﻫﻮﻭ ﺻﻮﺗﻪ ﻣﺴﺘﺤﻴﻞ ﻧﻐﻠﻂ ﻓﻴﻪ
ﺍﻧﻲ : ﺑﺎﻩ ﻳﻌﻨﻲ ﺍﻫﻮ ﻛﻠﻤﻚ ﻭﺳﻤﻌﺘﻲ ﺻﻮﺗﻪ ﺧﻼﺹ ﻋﻼﺵ ﺍﻟﻌﺬﺍﺏ ﺍﻟﻲ ﺩﺍﻳﺮﺗﻴﻪ ﻟﺮﻭﺣﻚ ﻫﺬﺍ ﻭﺿﺎﻋﻔﻪ ﺭﺍﻫﻮ ﻣﻮﻟﻴﻪ ﺑﺘﻤﻮﺗﻲ ، ﻭﻳﻨﻬﺎ ﻧﻮﺍﻝ ﺍﻟﻲ ﺟﻮﻫﺎ ﻣﻠﻴﺢ ﻭﺗﻠﻘﺢ ﻭﻳﻨﻬﺎ ﺍﻟﻲ ﺿﺤﻜﺘﻬﺎ ﺗﻨﺴﻤﻊ ﻣﻦ ﻭﻳﻦ ﻭﻳﻦ ﻭﻳﻨﻬﺎ ﺍﻟﻲ ﺩﻳﻤﺎ ﻧﺘﻨﺎﻗﺮ ﺍﻧﻲ ﻭﻳﺎﻫﺎ ، ﺍﻧﺘﻲ ﺻﻐﻴﺮﻩ ﻉ ﺍﻟﻬﻢ ﻗﺎﻋﺪﻩ
ﻧﻮﺍﻝ : ﻣﺶ ﺣﺘﺮﺟﻊ ﻫﺎﺩﻳﻜﺎ ﻧﻮﺍﻝ ﻟﻴﻦ ﻳﺮﺟﻊ ﻣﺤﻤﻮﺩ
ﺍﻧﻲ : ﺣﺮﺍﻡ ﺭﺍﻫﻮ ﺍﻟﻲ ﺗﺪﻳﺮﻱ ﻓﻴﻪ ﻫﺬﺍ ﻫﻲ ﻧﻮﺿﻲ ﺍﻏﺴﻠﻲ ﻭﺟﻬﻚ ﻭﺻﺤﺼﺤﻲ ﻭﻧﺤﻲ ﻫﺎﻟﻜﺌﺎﺑﻪ ﻭﻫﻲ ﺍﻧﺰﻟﻲ ﻟﻮﻃﻰ
ﻧﻮﺍﻝ : ﺧﻠﻴﻨﻲ ﻳﺎﻧﺴﻴﺒﺔ ﻣﺎﺧﺎﻃﺮﻳﺶ ﻓﻲ ﺷﻲ ﻧﺒﻲ ﻧﻘﻌﺪ ﺑﺮﻭﺣﻚ
ﺍﻧﻲ : ﻗﻠﺖ ﻧﻮﺿﻲ ﺗﻮﺍ ﺍﻧﻲ
ﻧﻮﺍﻝ : ﻧﺴﻴﺒﺔ ..
ﻗﺎﻃﻌﺘﻬﺎ ﺍﻧﻲ : ﻗﻠﺖ ﻧﻮﺿﻲ ﻫﻴﺎ ﻫﻴﺎ
ﻧﻮﺍﻝ ﺍﺑﺴﺘﻤﺖ : ﺍﻧﺴﻪ ﻧﺎﺿﻠﻲ ﻣﺎﺗﺘﻐﻴﺮﻳﺶ ﺍﻧﺘﻲ
ﺍﻧﻲ : ﻫﻬﻬﻬﻪ ﻣﺎﻧﺘﻐﻴﺮﺵ ﻫﻲ ﻧﻮﻭﺿﻲ
ﻧﻮﺍﻝ : ﻧﻀﺖ ﻫﺎﺍ
ﻧﺎﺿﺖ ﻧﻮﺍﻝ ﻏﺴﻞ ﻭﺟﻬﻬﺎ ﻭﻧﺰﻟﻨﺎ
ﻣﺎﻣﺎ : ﺍﻳﺸﻲ ﻫﻼﻝ ﺍﻟﻌﻴﺪ ﺑﺎﻥ
ﻧﻮﺍﻝ ﺗﺴﻠﻢ ﻋﻠﻲ ﺧﺎﻟﺘﻲ : ﻛﻨﺖ ﺭﺍﻗﺪﻩ
ﺧﺎﻟﺘﻲ : ﻣﻦ ﺑﻜﺮﻱ ﺍﻧﻮﺿﻮ ﻓﻴﻚ ﻣﺎﻗﺪﺭﺗﺶ ﺗﻨﻮﺿﻚ ﺍﻻ ﻧﻮﺳﻪ
ﻧﻮﺭﺱ : ﺣﺘﻰ ﻫﻲ ﺍﻧﺴﻪ ﻧﺎﺿﻠﻲ
ﻛﻠﻬﻢ : ﻫﻬﻬﻬﻬﻬﻬﻪ
ﺍﻧﻲ : ﻫﻬﻬﻬﻬﻬﻪ ﺍﻧﺴﻪ ﻣﻠﻌﻘﻪ ﺍﺳﻜﺘﻲ
ﻧﻮﺍﻝ ﺿﺤﻜﺖ ﻏﺼﺒﻦ ﻋﻨﻬﺎ : ﻫﻬﻬﻬﻪ ﻋﺠﺒﺘﻨﻲ ﺍﻧﺴﻪ ﻣﻠﻌﻘﻪ ﻣﺎﺧﻄﺮﺗﺶ ﻓﻲ ﺑﺎﻟﻲ ﻗﺒﻞ
ﻧﻮﺭﺱ : ﺍﻧﺴﻪ ﻣﻠﻌﻘﻪ ﻋﻴﻨﻜﻢ
ﺧﺎﻟﺘﻲ : ﻭﻳﻦ ﻳﺎﻧﻮﺳﻪ ﻣﺤﻠﻮﺓ ﻣﺎﺷﺎﺀ ﺍﻟﻠﻪ
ﺍﻧﻲ ﺍﺑﺘﺴﻤﺖ : ﺳﻠﻤﻚ ﻋﻴﻮﻧﻚ ﺍﻟﺤﻠﻮﺓ ﻳﺎﺧﺎﻟﺘﻲ
ﺳﺎﺭﺓ : ﻭﻟﻰ ﻭﺻﺎﺭ ﻣﻨﻚ ﻭﺍﻟﻠﻪ ﻛﺎﻥ ﻧﺤﺴﺎﺑﻮ ﺑﺘﺤﻠﻮﻱ ﺭﺍﻫﻮ ﺯﻭﺟﻨﺎﻙ ﻣﻦ ﺯﻣﺎﻥ
ﺍﻧﻲ : ﻫﻬﻬﻬﻪ ﺧﻴﺰﻱ ﺣﻠﻮﺓ ﻣﻦ ﻗﺒﻞ ﺍﻧﻲ
ﻗﻌﺪﻧﺎ ﻧﻬﺪﺭﺯﻭ ﻭﺗﻐﺪﻳﻨﺎ ﻭﻗﻤﻨﺎ ﺍﻟﺴﻔﺮ ﻭﻗﻌﺪﻧﺎ ﻧﻀﻤﻮ ﻓﻲ ﺍﻟﻤﻄﺒﺦ ﻭﻗﻌﺪﺕ ﻧﺴﺎﻋﺪ ﻓﻴﻬﻢ
ﺳﺎﺭﺓ ﺗﻮﻗﻒ ﻉ ﺍﻟﺒﺒﺎﺏ ﻭﺗﺒﺪﺃ ﺗﺪﺭﺑﻚ : ﻫﻴﺎﺍ ﻫﻴﺎﺍ ﻳﺎﻋﻴﻠﺔ ، ﻫﺎﻟﻨﻬﺎﺭ ﻋﻠﻴﻪ ﻧﺪﻭﺭ ﻫﺎﻟﻨﻬﺎﺭ ﺭﺑﻴﻌﻪ ﻧﻮﺭ
ﻭﺑﺪﻳﻨﺎ ﻧﺼﻔﻘﻮ ﻭﻧﻐﻨﻮ ﻭﺩﺭﻧﺎ ﺟﻮ ، ﺣﺘﻰ ﻧﻮﺍﻝ ﺣﺴﻴﺘﻬﺎ ﻧﺴﺖ ﺷﻮﻳﺔ ﻭﺗﻐﻴﺮ ﺟﻮﻫﺎ ﻭﻗﻌﺪﺕ ﺗﻬﻴﺞ ﻣﻌﺎﻧﺎ
ﻣﺎﻣﺎ ﺗﺨﺶ ﻟﻠﻤﻄﺒﺦ : ﺟﺘﻜﻢ ﺍﻟﻬﺒﻠﻪ ﺗﺎﻧﻲ
ﺍﻧﻲ ﺟﻴﺖ ﻟﻤﺎﻣﺎ ﻭﺷﺪﻳﺖ ﻳﺪﻳﻬﺎ ﻭﻗﻌﺪﺕ ﻧﺮﻗﺺ ﻓﻴﻬﺎ ﻣﻌﺎﻱ : ﻫﻬﻬﻬﻬﻪ ﻫﻴﺎ ﻣﺎﻣﺎ ﻫﻴﺎ
ﻣﺎﻣﺎ : ﻫﻬﻬﻪ ﻳﺎﺣﺸﻤﺘﻲ ﺣﺘﻰ ﺍﻟﻤﺘﺰﻭﺟﺔ ﻣﺎﺩﺍﺭﺕ ﻋﻘﻞ
ﻧﻮﺭﺱ : ﺍﺣﻨﻲ ﺍﻣﻴﻤﺘﻨﺎ ﻋﻠﻴﻬﺎ ﺳﻤﻴﻠﻪ *** ﺟﻴﺎﺑﺔ ﺍﻟﺒﻨﺎﺕ ﻏﺰﻟﺔ
ﻭﺍﺳﺘﻤﺮﻳﻨﺎ ﻓﻲ ﺍﻟﺘﺼﻔﻴﻖ ﻭﺍﻟﻐﻨﻲ ﻟﻌﻨﺪ ﺍﻟﻌﺼﺮ ﺍﺳﺘﺎﺣﺸﺘﻬﻢ ﻭﺍﺳﺘﺎﺣﺸﺖ ﻫﺎﻟﻬﺒﺎﻝ ﻭﺍﻟﺠﻮ ﻫﺪﺍ ﺍﺳﺘﺎﺣﺸﺖ ﻫﺎﻟﻀﺤﻚ ﻭﺟﻮ ﺍﻟﻌﻴﻠﻪ ﻫﺬﺍ
،،،
ﺟﺎﻧﻲ ﻭﻟﻴﺪ ﻟﺒﺴﺖ ﻋﺒﺎﻳﺘﻲ ﻭﻃﻠﻌﺖ
ﺍﻧﻲ ﺭﻛﺒﺖ ﺍﻟﺴﻴﺎﺭﺓ : ﺍﻟﺴﻼﻡ ﻋﻠﻴﻜﻢ ﺣﺒﻴﺒﻲ
ﻭﻟﻴﺪ ﺑﺼﻮﺕ ﻣﺘﻀﺎﻳﻖ : ﻭﻋﻠﻴﻜﻢ ﺍﻟﺴﻼﻡ ﺍﻫﻠﻴﻦ
ﺍﻧﻲ ﺗﻠﻔﺘﺘﻠﻪ : ﺣﺒﻴﺒﻲ ﻓﻲ ﺷﻲ
ﻭﻟﻴﺪ : ......
# ﻳﺘﺒﻊ
ESTÁ A LER
ﺳﻨﺪ ﺍﻻﻧﺜﻰ ﺭﺟﻞ shosho_shosho
Romanceرواية غروباية مميزة بقلم الكاتبة #شوشوshosho_shosho > " ﺳﻨﺪ ﺍﻷﻧﺜﻰ ﺭﺟﻞ "
