ﺍﻟﺤﻠﻘﺔﺓ [ 73 ]
ﻣﻦ ﺭﻭﺍﻳﺔ - - "<- ﺳﻨــﺪ ﺍﻷﻧﺜــﻰ ﺭﺟــﻞ "
ﻓﻘﺖ ﻋﻠﻲ ﺻﻮﺕ ﺍﻟﺘﻠﻴﻔﻮﻥ ﻳﺸﺮﻳﻦ
ﺍﻟﻘﻴﺖ ﺭﻭﺣﻲ ﺍﻏﻔﻴﺖ ﻉ ﺍﻟﻜﺮﺳﻲ . ﻗﻤﺖ ﺍﻟﺘﻠﻴﻔﻮﻥ ﺍﻟﻘﻴﺘﻪ ﻣﺤﻤﻮﺩ ﺭﺩﻳﺖ ﺑﺴﺮﻋﻪ ﻭﺗﻮﺗﺮ : ﺍﻟﻮ ﻣﺤﻤﻮﺩ
ﻣﺤﻤﻮﺩ : ﻫﺎﺗﻲ ﺍﻟﺒﺸﺎﺭﺓ
ﺍﻧﻲ ﺑﺮﺩﺓ ﻓﻌﻞ : ﻭﻟﻴﻴﻴﻴﺪ ﻧﺎﺽ
ﻣﺤﻤﻮﺩ : ﻧﺎﺽ ﻭﺍﻫﻮ ﺯﻱ ﺍﻟﺠﻦ ﺟﻨﺒﻲ ، ﻭﻓﺘﺤﻠﻪ ﺍﻟﻤﺎﻳﻚ
ﻭﻟﻴﺪ : ﻧﻮﺳﺘﻲ
ﺍﻧﻲ ﻋﻴﻮﻭﻧﻲ ﺩﻣﻌﻮﻭ ﻃﻮﻭﻝ ﻭﺑﻔﺮﺣﺔ : ﻳﺎﻋﻴﻮﻥ ﻧﻮﺳﺘﻚ ﻳﺎﺣﺒﻴﺒﻲ ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ﺍﻟﺤﻤﺪ ﻟﻠﻪ ﻳﺎﺭﺑﻲ
ﻭﻟﻴﺪ ﺍﺑﺘﺴﻢ ﺑﺘﻌﺐ ﻭﺻﻮﺕ ﻭﺍﺿﺢ ﻋﻠﻴﻪ ﺍﻟﻤﺮﺽ : ﻛﻴﻒ ﺣﺎﻟﻚ ﻭﺣﺎﻝ ﺑﻨﺘﻲ ﻃﻤﻨﻴﻨﻲ
ﺍﻧﻲ ﻧﺒﻜﻲ : ﻣﺴﺘﺎﺣﺸﻴﻨﻚ ﺑﺲ ﻳﺎﺣﺒﻴﺒﻲ
ﻣﺤﻤﻮﺩ ﺑﺼﻮﺕ ﻋﺎﻟﻲ : ﻫﻴﻴﻲ ﺍﺣﻢ ﺍﺣﻢ ﺍﻧﻲ ﺍﻫﻨﻲ ﺭﺍﻫﻮﻭ ﻧﺴﻤﻊ ﺣﺴﻮ ﺑﻴﻨﺎ ﻣﺎﻓﻴﻪ ﺷﻲ ﺯﻱ ﺍﻟﺠﻦ ﺍﻫﻮﻭﻭ ﺍﻧﻲ ﺍﻟﺘﺎﺍﻋﺐ ﺍﻧﻲ
ﺍﻧﻲ ﻧﻤﺴﺢ ﻓﻲ ﺩﻣﻮﻋﻲ ﻭﻧﻀﺤﻚ ﻋﻠﻴﻪ
ﻭﻟﻴﺪ ﻗﻌﺪ ﻳﻀﺤﻚ ﺑﻌﺪﻫﺎ ﺑﺎﻟﻢ : ﺍﺍﻩ
ﺍﻧﻲ ﺑﺨﻮﻑ : ﻳﺎﺭﻭﺣﻲ ﻗﺎﻋﺪ ﺗﺤﺲ ﺗﻮ ﻧﺠﻴﻚ ﺗﻮﺍ
ﻭﻟﻴﺪ : ﻻ ﻣﺎﻓﻴﺎ ﺷﻲ ﺭﻳﺤﻲ ﺭﻭﺣﻚ ﺍﻧﺘﻲ ﻇﻬﺮﻙ ﺍﻧﻲ ﻛﻮﻳﺲ
ﺍﻧﻲ : ﻻﻳﺎﺣﺒﻴﺒﻲ ﻭﺍﻟﻠﻪ ﻣﺎﻧﺮﺗﺎﺡ ﻟﻴﻦ ﻧﺸﻮﻓﻚ ﺗﻮ ﻧﻘﻮﻝ ﻟﻨﻮﺭﺱ ﺗﺠﻴﺒﻨﻲ
ﻭﻟﻴﺪ : ﺑﺎﻫﻲ ﺭﺩﻱ ﺑﺎﻟﻚ ﺑﺲ
ﻣﺤﻤﻮﺩ : ﻭﺭﺍﺱ ﺍﻣﻚ ﺷﺪ ﺣﻄﻪ ﻓﻲ ﻭﺩﻧﻚ ﻭﺳﻜﺮﻟﻪ ﺍﻟﻤﺎﻳﻚ ﻭﺣﻄﻪ ﺟﻨﺐ ﻭﺩﻧﻪ
ﻭﻟﻴﺪ ﻗﻌﺪ ﻳﻀﺤﻚ ﻭﻗﺎﻡ ﻳﺪﻩ ﺑﺎﻟﻢ ﺷﺪ ﺑﻴﻬﺎ ﺍﻟﺘﻠﻴﻔﻮﻥ
ﺍﻧﻲ ﻗﻌﺪﺕ ﻧﻀﺤﻚ
ﻭﻟﻴﺪ ﻳﺎﺩﻭﺏ ﻳﺘﻜﻠﻢ : ﺷﻦ ﺗﺤﺴﻲ ﺗﻮﺍ ﻇﻬﺮﻙ
ﺍﻧﻲ : ﻛﻮﻳﺴﺔ ﻳﺎﺣﺒﻴﺒﻲ ﺧﻠﻴﻨﻲ ﻣﺎﻧﺘﻌﺒﻜﺶ ﺍﻛﺜﺮ ﺑﺎﻟﺪﻭﺓ ﻳﺎﺭﻭﺣﻲ ﻭﺷﻮﻳﺔ ﻭﻧﺠﻴﻚ
ﺳﻜﺮﺕ ﻣﻦ ﻭﻟﻴﺪ ﻭﻃﻠﻌﺖ ﻣﻦ ﺩﺍﺭﻱ ﻓﺮﺣﺎﻧﻪ ﻭﻧﻤﺴﺢ ﻓﻲ ﺑﻘﺎﻳﺎ ﺩﻣﻮﻋﻲ ﻭﻧﺤﻤﺪ ﻓﻲ ﺭﺑﻲ ﺍﻧﻪ ﻗﻮﻣﻪ ﺑﺎﻟﺴﻼﻣﺔ ﻟﻮ ﺻﺎﺭﻟﻪ ﺷﻲ ﻣﺎﻛﻨﺘﺶ ﻋﺎﺭﻓﻪ ﺷﻦ ﻧﺪﻳﺮ
ﻓﺘﺤﺖ ﺑﺎﺏ ﺩﺍﺭ ﻣﺎﻣﺎ ﺍﻟﻘﻴﺘﻬﺎ ﺭﺍﻗﺪﺓ ﻣﺎﺑﻴﺘﺶ ﺍﻧﻮﺿﻬﺎ ﻃﻠﻌﺖ ﻣﻦ ﺍﻟﺪﺍﺭ ﻭﺳﻜﺮﺕ ﺍﻟﺒﺎﺏ ﻭﺍﻣﺸﻴﺖ ﻟﺪﺍﺭ ﻧﻮﺭﺱ : ﻧﻮﻭﻭﺭﺱ ﻧﻮﻭﻭﺭﺱ
ﻧﻮﺭﺱ ﻧﻄﺖ ﻣﺨﻠﻮﻋﻪ : ﻫﺎ ﺷﻦ ﻓﻲ ﺷﻦ ﺻﺎﺭ
ﺍﻧﻲ : ﻫﻬﻬﻬﻪ ﻭﺍﺣﺪ ﺍﻧﻔﺶ ﻭﻭﺍﺣﺪ ﻃﺎﺭ ﻧﻮﻭﺿﻲ ﻭﻟﻴﺪ ﻓﺎﻕ ﺍﺭﻓﻌﻴﻨﻲ ﻟﻠﻤﺴﺘﺸﻔﻰ ﻧﺒﻲ ﻧﺸﻮﻓﻪ
ﻧﻮﺭﺱ : ﺍﻣﺘﻰ ﻓﺎﻕ
ﺍﻧﻲ : ﺍﻟﺼﺒﺢ ﻗﺒﻞ ﺷﻮﻳﺔ ﻛﻠﻤﻨﻲ ﻣﺤﻤﻮﺩ
ﻧﻮﺭﺱ ﺍﺑﺘﺴﻤﺖ : ﺑﺎﻩ ﺍﻟﺤﻤﺪ ﻟﻠﻪ ﻉ ﺳﻼﻣﺘﻪ
ﺍﻧﻲ : ﻫﻴﺎ ﺑﺎﻩ ﻧﻮﺿﻲ ﺍﺭﻓﻌﻴﻨﻲ
ﻧﻮﺭﺱ ﺷﺎﻓﺖ ﺍﻟﺴﺎﻋﻪ ﻓﻲ ﺗﻠﻴﻔﻮﻧﻬﺎ : ﺍﻟﺴﺎﻋﻪ 8 ﺑﻌﺪﻳﻦ ﻧﻤﺸﻮ ﺧﻠﻴﻨﻲ ﻧﺮﻗﺪ ﺗﻮﺍ
ﺍﻧﻲ : ﺣﻄﻴﻨﻲ ﻭﻭﻟﻲ ﺍﺭﻗﺪﻱ
ﻧﻮﺭﺱ : ﺍﻭﻭﻭﻑ ﺑﺎﻩ ﻫﻲ ﺍﻟﺒﺴﻲ ﻣﻦ ﺑﻴﻦ ﻣﺎﺩﻭﺷﺖ ﻭﺻﻠﻴﺖ
ﺍﻧﻲ : ﺑﺎﻩ ﻫﻴﺎ
<< ﺻﻮﺕ ﻣﻦ ﻧﺤﺐ ﻳﻨﺴﻴﻨﺎ ﻛﻞ ﺃﻟﻢ ﻗﺪ ﻋﺸﻨﺎﻩ >>
ﻟﺒﺴﺖ ﺑﺴﺮﻋﻪ ﻭﻭﺗﻴﺖ ﺭﻭﺣﻲ ﻭﺩﺭﺕ ﻟﻮﻟﻴﺪ ﺍﻛﻞ ﻣﻦ ﺍﻟﺤﻮﺵ ﻭﺍﻧﻲ ﻧﺤﻤﺪ ﻓﻲ ﺭﺑﻲ ﺍﻧﻪ ﻧﺎﺽ ﺑﺎﻟﺴﻼﻣﺔ
ﺍﻧﻲ : ﺷﺪﻱ ﺍﻟﻔﻄﻮﺭ ﺍﺭﻓﻌﻴﻪ ﻟﻠﺴﻴﺎﺭﺓ
ﻧﻮﺭﺱ ﺗﻔﺘﺶ : ﺗﻮ ﻫﻮ ﺑﻴﺎﻛﻞ ﻫﺪﺍ ﻛﻠﻪ ﻭﻣﺮﻳﺾ
ﺍﻧﻲ : ﺍﻳﻪ ﺑﻴﺎﻛﻞ ﺑﺎﺵ ﻳﺘﻌﺎﻓﻰ ﺑﺴﺮﻋﻪ ﻫﻴﺎ ﻫﻴﺎ ﺗﺎﺧﺮﻧﺎ
ﻧﻮﺭﺱ : ﻫﻬﻪ ﻫﻴﺎ ﻫﻲ ﻧﻠﺒﺲ ﺟﺎﻛﻴﺘﻲ ﺑﺲ . ﺭﺍﻫﻮ ﺑﺮﺍ ﻣﻄﺮ ﺍﻟﺒﺴﻲ ﺣﺘﻰ ﺍﻧﺘﻲ
ﺍﻧﻲ : ﻻﺑﺴﺔ ﻫﻴﺎﺍﺍﺍ ﺑﺲ
ﻣﺎﻣﺎ ﻧﺎﺯﻟﺔ ﻣﻦ ﺍﻟﺪﺭﻭﺝ : ﺻﺒﺎﺡ ﺍﻟﺨﻴﺮ ﻭﻳﻦ ﻣﺎﺷﻴﻴﻦ
ﺍﻧﻲ ﺟﻴﺘﻬﺎ ﺍﺿﺒﻄﺘﻬﺎ ﻃﻮﻭﻝ
ﻣﺎﻣﺎ ﺑﺎﺍﺳﺘﻐﺮﺍﺏ : ﻫﻬﻬﻬﻪ ﻏﻴﺮ ﺑﺎﻟﺸﻮﻳﺔ ﻋﻠﻲ ﻇﻬﺮﻙ ﺑﺲ ﻳﺎﺑﻨﺘﻲ
ﺍﻧﻲ ﻭﺧﺮﺕ ﻣﻨﻬﺎ ﻭﻣﺒﺘﺴﻤﻪ : ﻭﻟﻴﺪ ﻓﺎﻕ ﻭﻛﻠﻤﻨﻲ ﺣﺘﻰ ﺑﺎﻟﺘﻠﻴﻔﻮﻥ ﻳﺎﻣﺎﻣﺎ ﺑﻨﻤﺸﻴﻠﻪ ﺗﻮﺍ ﺑﻨﺮﻓﻌﻠﻪ ﻓﻄﻮﺭ
ﻣﺎﻣﺎ ﺍﺑﺘﺴﻤﺖ : ﺑﺎﻩ ﺍﻟﺤﻤﺪ ﻟﻠﻪ ﻉ ﺳﻼﻣﺘﻪ ﻳﺎﺑﻨﺘﻲ ، ﺧﻠﻲ ﻧﻤﺸﻲ ﻣﻌﺎﻛﻢ ﺣﺘﻰ ﺍﻧﻲ
ﺍﻧﻲ : ﺑﺎﻩ ﻫﻲ ﺑﺴﺮﺭﻋﻪ ﺑﺲ ﻳﺎﻣﺎﻣﺎ ﻋﻄﻠﻨﺎ
ﻣﺎﻣﺎ : ﺑﺎﻩ ﻫﻲ ، ﻭﺭﻛﺒﺖ ﺗﻮﺗﻲ ﺭﻭﺣﻬﺎ
ﺷﺮﻳﻦ ﺗﻠﻴﻔﻮﻥ ﻧﻮﺭﺱ ﻭﻛﺎﻥ ﺟﻨﺒﻲ ﻗﻤﺘﻪ ﺍﻟﻘﻴﺘﻪ " ﻋﺪﻧﻮﻧﺘﻲ " : ﻫﻬﻬﻬﻬﻬﻬﻪ
ﻧﻮﺭﺱ ﺗﻮﺍﺳﻲ ﻓﻲ ﻭﺷﺎﺣﻬﺎ ﺷﺎﻓﺘﻠﻲ ﻣﻦ ﺍﻟﻤﺮﺍﻳﺔ : ﺧﻴﺮﻙ ﻣﻨﻮ ؟
ﺍﻧﻲ : ﻫﻬﻬﻪ ﻋﺪﻧﻮﻧﺘﻲ ﻫﻬﻪ ﻗﻮﻱ ﺍﻻﺳﻢ
ﻧﻮﺭﺱ : ﻫﻬﻬﻪ ﻫﺎﺗﻲ ﺟﺎﻱ . ﻭﺍﺧﺪﺕ ﺭﺩﺕ ﺑﺼﻮﺕ ﺩﻟﻊ ﻭﺗﺴﻬﻮﻳﻚ : ﺍﻟﻮﻭ ﻋﺪﻧﻮﻧﺘﻲ
ﺍﻧﻲ ﻣﺘﺖ ﺑﺎﻟﻀﺤﻚ ﻋﻠﻴﻬﺎ
ﻋﺪﻧﺎﻥ : ﺍﺍﺍﻩ ﻳﺎﻗﻠﺐ ﻋﺪﻧﻮﻧﺘﻚ ﺍﻧﺘﻲ
ﻧﻮﺭﺱ ﻗﻌﺪﺕ ﺗﻀﺤﻚ ﻭﺳﻜﺘﺖ
ﻋﺪﻧﺎﻥ : ﺻﺒﺎﺣﻮ ﻋﺴﻞ ﺍﻟﺤﻠﻮ ﻧﺎﻳﺾ ﺑﻜﺮﻱ ﺷﻦ ﻣﻨﻮﺿﻚ ؟ ﻋﻨﺪﻙ ﺟﺎﻣﻌﻪ ﺍﻣﺎﻻ ؟
ﻧﻮﺭﺱ : ﻻﻣﺎﻋﻨﺪﻳﺶ ﺑﻨﺮﻓﻊ ﻧﺴﻴﺒﺔ ﻟﻮﻟﻴﺪ ﻓﺎﻕ ﺣﻘﺎ ﻭﺗﺒﻲ ﺗﻤﺸﻲ ﺗﺸﻮﻓﻪ
ﻋﺪﻧﺎﻥ : ﺍﻭﻭﻭ ﺑﺎﻩ ﺗﺤﻤﺪﻳﻠﻬﺎ ﻋﻠﻲ ﺳﻼﻣﺘﻬﻢ ، ﺗﻮ ﺑﺎﻟﻚ ﻧﻤﺮ ﻋﻠﻴﻪ ﺑﻌﺪ ﺍﻟﺪﻭﺍﻡ
ﻧﻮﺭﺱ : ﺍﻥ ﺷﺎﺀ ﺍﻟﻠﻪ ﺍﻧﺖ ﻭﻳﻦ ﺻﻮﺕ ﺩﻭﺷﺔ ؟
ﻋﺪﻧﺎﻥ : ﻓﻲ ﺩﺍﺭ ﻧﻮﻭﻭﻭﻣﻤﻤﻨﺎﺍﺍ ﻧﺪﻭﺭ ﻭﺍﻟﺴﻄﺎﻭﺍﺕ ﻳﺮﻛﺒﻮ ﻓﻲ ﺍﻟﺤﻤﺎﻡ
ﻧﻮﺭﺱ : ﺍﻣﻤﻢ ﺑﺎﻩ ، ﺧﻼﺹ ﻣﺎﻣﺎ ﻧﺰﻟﺖ ﺗﻮ ﻧﻜﻠﻤﻚ ﺑﻌﺪﻳﻦ
ﻋﺪﻧﺎﻥ : ﺗﻤﺎﻡ ﺳﻼﻡ
ﺳﻜﺮﺕ ﻧﻮﺭﺱ ﻭﻧﺰﻟﺖ ﻣﺎﻣﺎ ﻭﻃﻠﻌﻨﺎ ﻣﻊ ﺑﻌﻀﺾ
،،،،،
ﺍﻣﺎ ﻓﻲ ﺍﻟﻲ ﻣﺎﻛﺎﻧﺶ ﺻﺒﺎﺣﻪ ﺳﻌﺎﺩﺓ ﻫﻠﺒﺎ ﻭﺑﺪﺍﻩ ﺑﺼﺪﻣﺔ ﻣﺎﻛﺎﻧﺶ ﻣﺘﻮﻗﻌﻬﺎ
ﻛﺎﻧﺖ ﻣﺎﺷﻴﺔ ﻓﻲ ﺍﻟﻄﺮﻳﻖ ﺑﺎﺍﺗﺠﺎﻩ ﺣﻮﺵ ﺻﺎﺣﺒﺘﻬﺎ ﺩﺭﺳﺖ ﺳﻴﺎﺭﺗﻬﺎ ﺑﺪﺍﻳﺔ ﺍﻟﺰﻧﻘﻪ ﻭﻧﺰﻟﺖ ﻛﺎﻧﺖ ﺗﻤﻤﺸﻲ ﻭﺗﺘﻔﺮﺝ
ﺟﺖ ﻋﻴﻨﻬﺎ ﻋﻠﻲ ﺳﻴﺎﺭﺓ ﻗﻌﺪﺕ ﺗﺮﻛﺰ ﺍﻛﺜﺮ ﻭﺗﻘﺮﺏ ﻟﺤﺪ ﻣﺎﻭﻗﻔﺖ ﺟﻨﺒﻬﺎ
ﻃﺒﺴﺖ ﻉ ﺍﻟﻤﺮﺵ ﻭﺑﻴﻨﻬﺎ ﺑﻴﻦ ﻧﻔﺴﻬﺎ : ﺳﻴﺎﺭﺗﻪ ﺷﻦ ﻳﺪﻳﺮ ﺍﻫﻨﻲ
ﻗﺎﻣﺖ ﺭﺍﺳﻬﺎ ﺷﺎﻓﺖ ﻳﻤﻴﻦ ﻳﺴﺎﺭ . ﻭﺗﻨﺼﺪﻡ
ﻗﺪﻣﺖ ﺷﻮﻳﺔ ﻣﻦ ﺍﻟﻤﺤﻞ ﺍﻟﻲ ﻛﺎﻥ ﻭﺭﺷﺔ ﺍﺑﻮﺍﺏ ﻭﻧﻮﺍﻓﺬ ﻫﻜﻲ ﻣﻜﺘﻮﺏ ﻋﻠﻴﻪ
ﺗﻘﺪﻡ ﺑﺎﻟﺸﻮﻳﺔ ﻭﻣﺼﺪﻭﻣﺔ ﻭﺗﺒﻲ ﺗﺘﺎﻛﺪ
ﺟﺖ ﻋﻴﻨﻬﺎ ﻋﻠﻴﻪ ﻭﻛﺎﻥ ﻳﺨﺪﻡ : ﻣﻌﺘﺘﺘﺼﻢ . ﻭﺣﻄﺖ ﻳﺪﻫﺎ ﻋﻠﻲ ﻓﻤﻬﺎ
ﻫﻲ ﻣﺼﺪﻭﻣﺔ ﻻﻧﻬﺎ ﺗﻌﺮﻑ ﺍﻧﻪ ﻳﺸﺘﻐﻞ ﻓﻲ ﺷﺮﻛﺔ
ﺷﻦ ﻳﺪﻳﺮ ﺍﻫﻨﻲ
ﻟﻔﺖ ﻭﻭﻟﺖ ﻣﻦ ﻭﻳﻦ ﻣﺎﺟﺖ
ﺗﻤﺸﻲ ﻭﺗﻔﻜﺮ ﻭﻣﺼﺪﻭﻣﺔ
ﺍﻫﻤﺎﻟﻪ ﻟﻴﻬﺎ ﻭﺗﺤﺠﺠﻪ ﺑﺎﻟﺨﺪﻣﺔ . ﻻﻧﻪ ﻳﺨﺪﻡ ﺍﻫﻨﻲ !!
ﻣﺎﻛﺎﻥ ﻳﺨﺪﻡ ﻓﻲ ﺍﻟﺸﺮﻛﺔ ﻭﻣﻜﺘﺐ ﻭﻋﻠﻲ ﺍﺳﺎﺱ ﺧﺮﻳﺞ ﻫﻨﺪﺳﺔ
ﻫﻞ ﻫﻮ ﻳﻜﺬﺏ ؟ ﻫﻞ ﺳﻴﺐ ﺷﻐﻠﻪ ﻓﻲ ﺍﻟﺸﺮﻛﺔ ؟
ﻫﺎﺩﻱ ﻛﻠﻬﺎ ﺍﻓﻜﺎﺭ ﻛﺎﻧﺖ ﺗﺘﺰﺍﺣﻢ ﻓﻲ ﻋﻘﻞ ﺳﺎﺭﺓ ﺍﻟﻲ ﺣﺎﻳﺮﺓ ﻭﻗﺎﻋﺪﻩ ﻣﺶ ﻣﺴﺘﻮﻋﺒﻪ ﺍﻟﻮﺿﻊ
،،،،،،،
ﻭﺻﻠﻨﺎ ﻟﻠﻤﺴﺘﺸﻔﻰ
ﻧﺰﻟﻨﺎ ﻭﺧﺸﻴﻨﺎ ﺳﺎﻟﻨﺎ ﻋﻠﻲ ﺣﺠﺮﺓ ﻭﻟﻴﺪ ﻭﺭﻛﺒﻨﺎ
ﻛﻨﺖ ﻓﺮﺣﺎﻧﻪ ﺑﻔﺮﺣﺔ ﻣﻤﺰﻭﺟﺔ ﺑﺨﻮﻑ
ﻭﺻﻠﻨﺎ ﻗﺪﺍﻡ ﺍﻟﺒﺎﺏ ﺷﻔﻨﺎ ﻣﺤﻤﻮﺩ ﻗﺪﻣﺖ ﺟﻴﻬﺘﻪ ﺑﺴﺮﻋﻪ ﻭﻧﺴﺎﻝ ﻓﻴﻪ ﻋﻠﻲ ﺻﺤﺔ ﻭﻟﻴﺪ ﻭﻫﻜﻲ ﻭﻗﺎﻟﻲ ﺍﻧﻪ ﻋﻨﺪﻩ ﺩﻛﺘﻮﺭ ﻓﻘﻌﺪﻧﺎ ﻧﺮﺍﺟﻮ
ﻃﻠﻊ ﺍﻟﺪﻛﺘﻮﺭ ﻣﻦ ﻭﻟﻴﺪ ﻭﺧﺸﻴﺖ ﺑﻌﺪﻩ ﻋﻠﻲ ﻃﻮﻝ
ﺩﻣﻮﻋﻲ ﻓﻲ ﻋﻴﻮﻧﻲ ﻭﻓﺮﺣﺎﻧﻪ ﺑﻜﻞ ﻗﺪﻣﺖ ﻭﺍﺿﺒﻄﺘﻪ
ﻭﻟﻴﺪ : ﻫﻬﻬﻪ ﺧﻼﺹ ﻳﺎﺣﺒﻴﺒﻲ
ﺍﻧﻲ ﻗﻌﺪﺕ ﻣﻀﺒﻄﺎﺗﻪ ﻭﻧﺒﻜﻲ ﺣﺘﻰ ﺍﻧﻪ ﻳﺘﺎﻟﻢ ﻣﺎﻗﺪﺭﺗﺶ ﻧﺸﺪ ﺭﻭﺣﻲ : ﺧﻔﺖ ﻋﻠﻴﻚ ﻳﺎﺣﺒﻴﺒﻲ ﻭﺍﻟﻠﻪ ﺧﻔﺖ
ﻭﻟﻴﺪ ﺣﻂ ﻳﺪﻩ ﻋﻠﻴﺎ : ﻭﺳﻌﻲ ﺑﺎﻟﻚ ﻳﺎﺣﺒﻴﺒﺘﻲ ﻭﺍﻟﻠﻪ ﻣﺎﻓﻴﺎ ﺣﺎﺟﺔ ﺍﻫﻮ ﻛﻮﻳﺲ
ﺍﻧﻲ ﺑﻌﺪﺕ ﻧﻤﺴﺢ ﻓﻲ ﺩﻣﻮﻋﻲ ﻭﻧﺸﻮﻓﻠﻪ
ﺭﻗﺒﺘﻪ ﻭﺭﺟﻠﻪ ﻣﺠﺒﺴﺔ ﻭﻭﺟﻬﻪ ﻛﻠﻪ ﺟﺮﻭﺡ ﻭﺧﺸﻤﻪ ﻣﻜﺴﻮﺭ
ﺍﻧﻲ ﻋﻴﻮﻧﻲ ﻗﺎﻋﺪﻳﻦ ﻣﻌﺒﻴﺎﺕ ﺩﻣﻮﻉ ﻭﻧﺸﻮﻓﻠﻪ
ﻭﻟﻴﺪ ﺯﺍﺩ ﺷﻮﻳﺔ ﻓﻲ ﺍﻟﺴﺮﻳﺮ ﻭﺍﺷﺮﻟﻲ : ﺗﻌﺎﻟﻲ ﺍﻫﻨﻲ ﺟﻨﺒﻲ
ﺍﻧﻲ ﻗﻌﻤﺰﺕ ﻭﻧﺸﻮﻓﻠﻪ
ﻭﻟﻴﺪ ﺷﺪ ﻳﺪﻱ
ﻣﺎﻣﺎ ﺧﺸﺖ ﻣﺒﺘﺴﻤﻪ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ ﻳﺎﻭﻟﻴﺪ ﻣﺎﺗﺸﻮﻑ ﺳﻮ ﺍﻥ ﺷﺎﺀ ﺍﻟﻠﻪ
ﻭﻟﻴﺪ : ﺍﻟﻠﻪ ﻳﺴﻠﻤﻚ ﺑﺎﺭﻙ ﺍﻟﻠﻪ ﻓﻴﻚ
ﺧﺸﺖ ﻧﻮﺭﺱ ﻭﺣﻄﺖ ﺍﻟﺼﻔﺮﺓ : ﺍﻟﺤﻤﺪ ﻟﻠﻪ ﻉ ﺍﻟﺴﻼﻣﻪ
ﻭﻟﻴﺪ : ﺍﻟﻠﻪ ﻳﺴﻠﻤﻚ
ﻧﻮﺭﺱ : ﻧﻮﺳﺔ ﺩﺍﻳﺮﺗﻠﻚ ﺍﻟﻔﻄﻮﺭ
ﻭﻟﻴﺪ : ﺍﻭﻭ . ﻭﺣﻂ ﻳﺪﻩ ﻋﻠﻲ ﺭﺍﺳﻪ ﻭﻭﺍﺿﺢ ﻳﺘﺎﻟﻢ
ﺍﻧﻲ : ﺗﺤﺲ ﻳﺎﺣﺒﻴﺒﻲ ؟
ﻭﻟﻴﺪ : ﻻﻻ ﺍﻻﻣﻮﺭ ﺗﻤﺎﻡ
ﺍﻧﻲ : ﺑﺎﻩ ﻫﻲ ﺍﻓﻄﺮ
ﻭﻟﻴﺪ ﺍﺷﺮ ﺑﻴﺪﻩ : ﻻﻻ ﻣﺎﻋﻨﺪﻳﺶ ﻧﻴﺔ ﺗﻮﺍ
ﺍﻧﻲ ﻓﻨﺼﺖ ﻓﻴﻪ : ﻻﺯﻡ ﺗﺎﻛﻞ ﻣﺶ ﻣﺎﻧﻌﻴﻦ ﻋﻠﻴﻚ ﻭﺍﻻ ؟
ﻭﻟﻴﺪ : ﻫﻬﻬﻪ ﺑﺎﻩ ﺑﻌﺪﻳﻦ ﻳﺎﻧﻮﺳﺔ
ﺍﻧﻲ : ﻻ ﺗﻮﺍ ﻫﻲ ﻋﻠﻰ ﺷﺎﻥ ﺧﺎﻃﺮﻱ
ﻧﻮﺭﺱ : ﻫﺎﺩﻱ ﻣﺶ ﺣﺘﺴﻴﺒﻚ ﻟﻴﻦ ﺗﺎﻛﻞ
ﻭﻟﻴﺪ : ﺍﻣﺮﻱ ﻟﻠﻪ
ﺍﻧﻲ : ﻫﺎﺗﻴﻪ ﻫﻜﻲ ﻳﺎﻧﻮﺭﺱ
،،،،،،
ﻓﺎﻗﺖ ﻋﻠﻲ ﺻﻮﺕ ﺍﻟﺘﻠﻴﻔﻮﻥ . ﻗﻌﺪﺕ ﺗﺘﻘﻠﺐ ﺑﺎﻧﺰﻋﺎﺝ ﻭﻟﻤﺎ ﻗﻌﺪ ﻳﺮﻥ ﻫﻠﺒﺎ ﺣﻄﺎﺗﻪ ﻓﻲ ﻭﺩﻧﻬﺎ ﻣﻦ ﻏﻴﺮ ﻣﺎﺗﺸﻮﻑ : ﻫﺎ
ﺗﻨﻬﺪ : ﻟﻴﺶ ﻣﺎﺗﺮﺩﻳﺶ ﻋﻠﻴﺎ
ﻋﻠﻴﺎ ﺻﺤﺼﺤﺖ ﻭﻗﻌﻤﺰﺕ
ﻋﺒﺪ ﺍﻟﻤﻨﻌﻢ : ﺑﻌﺪ ﺧﻠﻴﺘﻴﻨﻲ ﻧﺤﺒﻚ ﺗﺒﻲ ﺗﺴﻴﺒﻴﻨﻲ ﻏﻴﺮ ﺍﺣﻠﻤﻲ
ﻋﻠﻴﺎ ﺭﻓﻌﺖ ﺣﻮﺍﺟﺒﻬﺎ : ﺑﺎﻟﻠﻪ
ﻋﺒﺪ ﺍﻟﻤﻨﻌﻢ : ﺍﻱ ﻭﺍﻟﻠﻪ ﺧﻠﻴﺘﻴﻨﻲ ﻧﺤﺒﻚ ﻭﺗﻮﺍ ﺗﺘﺠﻜﺘﺮﻱ ﻣﺎﺗﺒﻴﺶ ﺗﺮﺩﻱ ﺗﺤﺴﺎﺑﻴﻬﺎ ﺳﺎﻫﻠﻪ ، ﻭﺍﻣﻲ ﺍﻣﺲ ﻛﻠﻤﺘﻬﺎ ﻭﻣﻤﻜﻦ ﺑﻌﺪﻳﻦ ﺗﻜﻠﻢ ﺍﻣﻚ ﻭﺑﻨﺘﺰﻭﺝ ﺍﻟﺴﻨﻪ ﻫﺎﺩﻱ
ﻋﻠﻴﺎ : ﻭﻳﻌﻨﻲ ﺍﻧﺖ ﻣﻘﺮﺭ ﻫﺪﺍ ﻛﻠﻪ ﺑﺎﻟﻨﻴﺎﺑﺔ ﻋﻨﻲ ﻭﺍﻻ ﻛﻴﻒ
ﻋﺒﺪ ﺍﻟﻤﻨﻌﻢ : ﺍﻳﻪ
ﻋﻠﻴﺎ : ﻳﺎﻭﺧﻴﺘﻲ ﺳﻠﻤﻪ ﺍﻟﻮﺍﺛﻖ ﻣﻦ ﻧﻔﺴﻪ ﻭﻣﻦ ﻗﺎﻟﻚ ﺍﺻﻼ ﺑﻨﻮﺍﻓﻖ ﺍﻧﻲ ﺑﻨﻘﺮﺍ ﺍﻧﻲ ﻭﻣﺰﺿﻮﻉ ﺯﻭﺍﺝ ﻣﺶ ﺣﻨﻔﻜﺮ ﻓﻴﻪ ﻟﻴﻦ ﻧﺘﺨﺮﺝ ﻭﻧﺨﺪﻡ ﻭﺑﻌﺪﻳﻴﻦ ﻣﻤﻜﻦ ﻧﻔﻜﺮ
ﻋﺒﺪ ﺍﻟﻤﻨﻌﻢ : ﺍﻳﻪ ﺑﺎﻟﺰﺑﻂ ﺍﻣﻐﻴﺮ ﺍﺣﻠﻤﻲ ﺗﻮ ﺗﻜﻤﻠﻲ ﻗﺮﺍﻳﺘﻚ ﻋﻨﺪﻱ ﻭﺗﺨﺪﻣﻲ ﻋﻨﺪﻱ ﻋﺎﺩﻱ ﻣﺎﻋﻨﺪﻳﺶ ﻣﺸﻜﻠﺔ ﺍﻧﻲ ﻟﻜﻦ ﻻﺯﻡ ﻧﺠﻴﺒﻚ ﻋﻨﺪﻱ ﻗﺒﻞ
ﻋﻠﻴﺎ : ﺟﻮ ﺍﻧﺖ ﺗﺤﻜﻲ ﺑﺘﺎﻉ ﻗﺮﺍﺭ ﻣﺎﻓﻴﺸﻲ ﻧﻘﺎﺵ ، ﺭﺍﻫﻮ ﻣﺎﻓﻴﺶ ﺣﺎﺟﺔ ﺗﺠﻲ ﺑﺎﻟﻐﺼﺐ ﺍﻧﻲ ﻣﺎﻧﺒﻴﺶ ﺗﻮﺍ
ﻋﺒﺪ ﺍﻟﻤﻌﻨﻢ : ﺍﻳﻪ ﺑﺎﻩ ﻭﺷﻦ ﺗﺎﻧﻲ ؟
ﻋﻠﻴﺎ : ﻭﺑﻨﻜﻤﻞ ﻗﺮﺍﻳﺘﻚ ﻣﺎﻧﻘﺪﺭﺵ ﻧﻘﺮﺍ ﻭﺍﻧﻲ ﻣﺘﺰﻭﺟﺔ ﻭﻣﺴﺆﻭﻟﻴﺔ
ﻋﺒﺪ ﺍﻟﻤﻨﻌﻢ : ﻭﺷﻦ ﺗﺎﻧﻲ
ﻋﻠﻴﺎ : ﻋﺒﺪﺩﺩﺩ ﺍﻟﻤﻨﻨﻨﻌﻤﻤﻢ ﻣﻦ ﻏﻴﺮ ﺗﺴﻬﻮﻳﻚ ﻧﺤﻜﻲ ﺟﺪﻳﺎﺕ ﺍﻧﺖ ﻣﻨﻮﺿﻨﻲ ﻣﻦ ﺍﻟﻨﻮﻡ ﻭﺟﺎﻱ ﺗﻘﻮﻝ ﻓﻲ ﻗﺮﺍﺭ ﺍﻧﺖ ﻣﺎﺣﺎﻭﻟﺘﺶ ﺣﺘﻰ ﺗﺴﺎﻟﻨﻲ ﻣﻮﺍﻓﻘﻪ ﺍﻭ ﻻ
ﻋﺒﺪ ﺍﻟﻤﻨﻌﻢ : ﻣﺎﺧﻠﻴﺘﻴﻠﻴﺶ ﺧﻴﺎﺭ ﺗﺎﻧﻲ . ﺍﺳﻤﻌﻲ ﺍﻧﻲ ﺗﻮﺍ ﻋﻨﺪﻱ ﺣﺎﻻﺕ ﻭﺧﺪﻣﺔ ﺑﻌﺪﻳﻦ ﻧﻜﻠﻤﻚ ﻭﺳﻜﺮ
ﻋﻠﻴﺎ ﺑﻌﺪ ﺳﻜﺮ ﻛﺎﻧﺖ ﻓﺮﺣﺎﻧﻪ ﻧﻮﻋﺎ ﻣﺎ ﻭﻣﺎﻓﻴﺶ ﺑﻨﺖ ﺣﺒﻴﺒﻬﺖ ﺣﻴﺘﺰﻭﺟﻬﺎ ﻭﻣﺎﺗﻔﺮﺣﺶ
ﺍﻣﺎ ﻋﻘﻠﻬﺎ ﻓﻜﺎﻥ ﻳﻘﻮﻟﻠﻬﺎ ﻗﺮﺍﻳﺘﻚ ﻭﺣﻠﻤﻚ ﻭﻣﺴﺘﻘﺒﻠﻚ ﻭﻓﻲ ﻧﻔﺲ ﺍﻟﻮﻗﺖ ﻛﻼﻡ ﻋﺒﺪ ﺍﻟﻤﻨﻌﻢ ﻃﻤﻨﻬﺎ ﺷﻮﻳﺔ
ﻭﻗﻌﺪﺕ ﻫﻜﻲ ﺗﻔﻜﺮ ﻭﺗﻘﻠﺐ ﻓﻲ ﺍﻟﻤﻮﺿﻮﻉ ﻓﻲ ﺭﺍﺳﻬﺎ
<< ﻭﻳﻜﻮﻥ ﺷﺠﺎﺭ ﺍﻟﻌﻘﻞ ﻭﺍﻟﻘﻠﺐ ﻗﻮﻳﺎ ﻋﻨﺪﻣﺎ ﻳﺘﻌﻠﻖ ﺍﻻﻣﺮ ﺑﻤﻦ ﻧﻌﺸﻖ >>
،،،،،،،،،
ﻓﺎﻗﺖ ﻧﻮﺍﻝ ﻃﻠﻌﺖ ﻣﻦ ﺩﺍﺭﻫﺎ ﺣﺴﺖ ﺍﻟﺤﻮﺵ ﻫﺎﺩﻱ ﺗﺤﺴﺎﺑﻨﺎ ﺭﺍﻗﺪﻳﻦ ﻭﻟﺖ ﺗﻤﺪﺕ ﻓﻲ ﺩﺍﺭﻫﺎ
ﻣﺤﻤﻮﺩ : ﺗﺒﻲ ﺣﺎﺟﺔ
ﻭﻟﻴﺪ : ﻻﻻ ﺻﺤﻴﺖ
ﻣﺤﻤﻮﺩ : ﺑﺎﻩ ﻋﻨﺪﻱ ﻣﺸﻮﺍﺭ ﻧﺪﻳﺮﻩ ﻉ ﺍﻟﺴﺮﻳﻊ ﻭﻧﺠﻲ
ﺍﻧﻲ : ﺍﺣﻨﻲ ﻗﺎﻋﺪﻳﻦ ﺍﻫﻨﻲ
ﻭﻟﻴﺪ : ﺑﺎﻩ ﻗﻌﻤﺰﻱ ﻉ ﺍﻟﻜﻨﺒﺔ ﺑﺮﻱ ﺗﻮ ﻳﻮﺟﻌﻚ ﻇﻬﺮﻙ ﻣﺶ ﻛﻮﻳﺲ
ﺍﻧﻲ ﺑﺤﺮﻛﺔ ﺯﻱ ﺍﻟﺒﻴﺒﻲ ﻫﺰﻳﺖ ﻛﺘﺎﻓﻲ : ﻻﻻ ﻣﺎﻧﺒﻴﺶ
ﻭﻟﻴﺪ : ﻫﻬﻬﻬﻬﻪ
ﻣﺎﻣﺎ : ﺯﻋﻤﺎ ﻣﻦ ﻭﻳﻦ ﺍﻟﺤﻤﺎﻡ
ﻧﻮﺭﺱ : ﺗﻌﺎﻟﻲ ﻣﻌﺎﻱ . ﻭﻃﻠﻌﻮ ﺍﻟﺰﻭﺯ
ﻧﻮﺍﻝ ﻗﺎﻣﺖ ﺗﻠﻴﻔﻮﻧﻬﺎ ﻭﻛﺎﻥ ﻣﺤﻤﻮﺩ ﻳﺘﺼﻞ : ﺍﻟﻮ
ﻣﺤﻤﻮﺩ : ﺻﺒﺎﺡ ﺍﻟﺨﻴﺮ ﺍﻥ ﺷﺎﺀ ﺍﻟﻠﻪ ﻗﺎﻋﺪﻩ ﺭﺍﻗﺪﻩ
ﻧﻮﺍﻝ : ﺍﻳﻪ ﺑﺎﻟﺰﺑﻂ ﻭﺑﻌﺘﺖ ﻏﻮﻟﺘﻲ ﺑﺎﺵ ﺗﺮﺩ ﻋﻠﻴﻚ
ﻣﺤﻤﻮﺩ : ﺑﺮﺍﺩﺓ ﻭﺍﻻ ﺳﻤﺎﻃﺔ ﻫﺎﺩﻱ
ﻧﻮﺍﻝ : ﻛﻴﻒ ﻣﺎﺗﺤﺐ
ﻣﺤﻤﻮﺩ : ﺧﻴﺮﻙ ﻣﺎﺟﻴﺘﻴﺶ ﻣﻌﺎﻫﻢ
ﻧﻮﺍﻝ : ﻣﻨﻮ ﻭﻟﻮﻳﻦ
ﻣﺤﻤﻮﺩ : ﺍﻣﻚ ﻭﻧﻮﺭﺱ ﻭﻧﺴﻴﺒﺔ ﺟﻮ ﺍﻫﻨﻲ ﻋﻨﺪ ﻭﻟﻴﺪ
ﻧﻮﺍﻝ : ﻭﺍﻧﻴﻴﻲ ﺣﺴﺒﺘﻬﻢ ﺭﺍﻗﺪﻳﻦ
ﻣﺤﻤﻮﺩ : ﻣﺎﻫﻮ ﺍﺻﻼ ﻭﻟﻴﺪ ﻓﺎﻕ ﻭﺣﺎﻟﻪ ﻛﻮﻳﺲ
ﻧﻮﺍﻝ : ﻣﺎﻫﻮ ﺍﺻﻼ ﻫﻤﺎ ﻣﺎﻗﺎﻟﻮﻟﻴﺶ ﻭﺍﻟﺤﻤﺪ ﻟﻠﻪ ﻉ ﺳﻼﻣﺘﻪ
ﻣﺤﻤﻮﺩ : ﻣﺎﻫﻮ ﺍﺻﻼ ﺍﻧﺘﻲ ﺭﺍﻗﺪﺓ ﻭﺍﻣﺘﻰ ﺗﻨﻮﺿﻲ ﻭﺑﻴﻘﻮﻟﻮﻟﻚ
ﻧﻮﺍﻝ : ﻣﺎﻫﻮ ﺍﺻﻼ ﺍﻧﺖ ﺑﺎﺭﺩ ﺑﻜﻞ
ﻣﺤﻤﻮﺩ : ﻣﺎﻫﻮ ﺍﺻﻼ ﻫﺪﺍ ﻋﻼﺵ ﺗﺤﺒﻴﻨﻲ
ﻧﻮﺍﻝ : ﻣﺎﻫﻮ ﺍﺻﻼ ﺍﻧﺖ ﻭﺍﺛﻖ ﻣﻦ ﻧﻔﺴﻚ ﻫﻠﺒﺎ
ﻣﺤﻤﻮﺩ : ﻣﺎﻫﻮ ﺍﺻﻼ ﻫﺪﺍ ﻋﻼﺵ ﺗﻤﻮﺗﻲ ﻓﻴﺎ
ﻧﻮﺍﻝ : ﻣﺎﻫﻮ ﺍﺻﻼ ﺑﻄﻞ ﺑﻼﺩﺓ ﺧﻴﺮﻟﻚ
ﻣﺤﻤﻮﺩ : ﺑﻼﺩﺓ ؟ ﻛﻠﻤﺔ ﺟﺪﻳﺪﺓ ﻫﺎﺩﻱ ﻣﻦ ﻭﻳﻦ ﻣﺘﻌﻠﻤﺘﻴﻬﺎ
ﻧﻮﺍﻝ : ﺗﺮﺍ ﺧﻠﻴﻚ ﻉ ﺍﻟﺨﻂ ﺍﻟﺒﺎﺏ ﻳﺸﺮﻳﻦ
ﻣﺤﻤﻮﺩ : ﺑﺎﻩ
ﻧﺰﻟﺖ ﻧﻮﺍﻝ ﻭﻗﺎﻣﺖ ﺍﻟﺠﺮﺱ : ﻣﻨﻮﻭﻭﻭ
ﻋﻠﻲ : ﺍﻧﻲ ﻋﻠﻲ ﻳﺎﻧﻮﺍﻝ ﺍﻓﺘﺤﻲ
ﻧﻮﺍﻝ ﺧﺒﻄﺖ ﺳﻤﺎﻋﻪ ﺍﻟﺠﺮﺱ : ﻭﺍﺍﺍﺍﻙ ﻧﻔﺦ ، ﺍﻟﻮ ﻣﺤﻤﻮﺩ ﻧﻜﻠﻤﻚ ﺑﻌﺪﻳﻦ . ﻭﻓﺼﻠﺖ ﻋﻠﻴﻪ ﻣﻦ ﻏﻴﺮ ﻣﺎﺗﺴﻤﻊ ﺭﺩﻩ
ﻣﺤﻤﻮﺩ ﻃﺎﺭﺗﻠﻪ ﻭﺯﺍﺩ ﺳﺮﻉ ﻣﻦ ﺳﺮﻋﻪ ﺍﻟﺴﻴﺎﺭﺓ
ﻃﻠﻌﺖ ﻧﻮﺍﻝ ﻓﺘﺤﺖ ﺍﻟﺒﺎﺏ ﻭﻫﻲ ﻗﺎﻋﺪﻩ ﻣﺸﻔﺸﻔﻪ ﻭﻛﻴﻒ ﻧﺎﻳﻀﻪ ﻣﻦ ﺍﻟﻨﻮﻡ : ﺍﻥ ﺷﺎﺀ ﺍﻟﻠﻪ ﺧﻴﺮ
ﻋﻠﻲ ﺧﺶ ﻭﻳﻀﺤﻚ : ﺻﺒﺎﺡ ﺍﻟﺨﻴﺮ
ﻧﻮﺍﻝ : ﺻﺒﺎﺡ ﺍﻟﻨﻮﺭ ﺷﻦ ﻓﻲ ﻣﻦ ﺍﻟﺼﺒﺢ ؟
ﻋﻠﻲ ﺧﺶ ﻟﻠﺠﻨﺎﻥ : ﺑﻜﻞ ﺍﻧﺘﻲ ﺗﻮ ﺟﺎﻳﻚ ﺗﻘﻮﻟﻴﻠﻲ ﺷﻦ ﻓﻲ ﻣﻦ ﺍﻟﺼﺒﺢ ﻟﺰﺓ ﻫﺎﺩﻱ ﻭﺍﻻ ﻛﻴﻒ
ﻧﻮﺍﻝ ﻗﺮﺑﻌﺖ ﺍﻟﺒﺎﺏ ﻟﻴﻦ ﻋﻲ ﺍﻧﺨﻠﻊ ﻭﺧﻄﻤﺖ ﻣﻦ ﺟﻨﺒﻪ ﻭﻗﻌﻤﺰﺕ ﻉ ﺍﻟﻜﺮﺳﻲ ﻭﺷﺎﺩﺓ ﺗﻠﻴﻔﻮﻧﻬﺎ : ﻻ ﺣﺸﺎﻙ ﻣﺶ ﻟﺰﺓ ﻏﻴﺮ ﺷﻦ ﺧﻄﺮ ﻋﻠﻴﻚ ﺑﺲ ﻣﻦ ﺍﻟﺼﺒﺢ
ﻋﻠﻲ ﻗﺎﻋﺪ ﻳﺸﻮﻑ ﻟﻠﺒﺎﺏ ﻭﻛﻴﻒ ﻫﻲ ﻗﺮﺑﻌﺎﺗﻪ : ﺧﻴﺮﻙ ﺍﻧﺘﻲ ؟
ﻧﻮﺍﻝ : ﺧﻴﺮﻧﻲ
ﻋﻠﻲ : ﺳﻼﻣﺘﻚ ﻭﺟﻲ ﻗﻌﻤﺰ ﺟﻨﺒﻬﺎ ﻉ ﺍﻟﻜﺮﺳﻲ : ﺍﻣﻲ ﻃﺎﻟﻌﻪ ﻭﻣﺎﻓﻲ ﺣﺪ ﻓﻲ ﺣﻮﺷﻨﺎ ﺍﻣﺸﻲ ﺟﻴﺖ ﻟﻮ ﻣﺎﻓﻴﺶ ﻣﺎﻧﻊ ﻧﺒﻲ ﻗﻬﻮﺓ
ﻧﻮﺍﻝ ﺷﺎﻓﺘﻠﻪ ﻭﺣﺎﺟﺐ ﻓﻮﻕ ﻭﺣﺎﺟﺐ ﻟﻮﻃﻰ : ﺍﻛﻴﺪ ﺗﺒﺼﺮ
ﻋﻠﻲ : ﻗﻠﺘﻠﻚ ﻟﻮ ﻣﺎﻓﻴﺶ ﻣﺎﻧﻊ ﻣﺎﻧﻌﺮﻓﺶ ﻧﺪﻳﺮﻫﺎ ﺑﺮﻭﺣﻲ
ﻧﻮﺍﻝ ﻭﻣﺶ ﻋﺎﺟﺒﻬﺎ : ﺑﺎﻩ ﻧﻐﺴﻞ ﻭﺟﻬﻲ ﻭﺑﻌﺪﻫﺎ ﻧﺪﻳﺮ ﻗﻬﻮﺓ ﻟﻴﺎ ﻭﻟﻴﻚ ، ﻭﺧﺸﺖ ﺍﻟﺪﺍﺧﻞ ﻭﻫﻲ ﺍﺗﻤﺘﻢ ﻭﺗﺴﺐ ﻭﺗﻌﺎﻭﺩ
،،،،،،،
ﺍﻭﻝ ﻣﺎﻃﻠﻌﺖ ﻣﺎﻣﺎ ﻭﻧﻮﺭﺱ ﻃﺒﺴﺖ ﺑﺴﺖ ﻭﻟﻴﺪ ﺑﺴﺮﻋﻪ
ﻭﻟﻴﺪ ﻗﻌﺪ ﻳﻮﻓﻠﻲ ﻭﻳﻀﺤﻚ
ﺍﻧﻲ : ﺍﺧﺮ ﻣﺮﺓ ﺭﺍﻫﻮ ﻣﻌﺎﺵ ﺗﻌﺎﻭﺩﻫﺎ ﺧﻔﺖ ﻋﻠﻴﻚ
ﻭﻟﻴﺪ : ﻫﻬﻬﻪ ﻋﻼﺵ ﻫﻲ ﻓﻲ ﻳﺪﻱ ﻭﺍﻻ ﻓﻲ ﻭﺍﺣﺪ ﻳﺪﻳﺮ ﺣﺎﺩﺙ ﺑﺎﻟﻤﻘﺼﻮﺩ ﻗﺪﺭ ﺍﻟﻠﻪ ﻭﻣﺎﺷﺎﺀ ﻓﻌﻞ
ﺍﻧﻲ : ﻣﺎﻧﻌﺮﻓﺶ ﺍﻧﻲ ﻧﻌﺮﻑ ﺍﻧﺖ ﺗﺮﺩ ﺑﺎﻟﻚ
ﻭﻟﻴﺪ : ﻫﻬﻬﻪ ﺣﺎﺿﺮ ﺑﺎﻫﻲ ، ﺗﻌﺎﻟﻲ ﻗﺮﺑﻲ ﻣﺴﺘﺎﺣﺸﻚ
ﺍﻧﻲ ﺍﺑﺘﺴﻤﺖ : ﻣﺎﻫﻮ ﻇﻬﺮﻱ ﻧﻘﺪﺭﺵ ﻧﻘﻌﻤﺰ ﻫﻜﻲ
،،،،،،
ﻧﻮﺍﻝ ﻭﻫﻲ ﻃﺎﻟﻌﻪ ﻣﻦ ﺍﻟﺤﻤﺎﻡ : ﺭﺍﻫﻮ ﻋﻠﻲ ﻟﻮﻃﻰ ﻛﺎﻥ ﺑﺘﻠﺒﺴﻲ ﺣﺎﺟﺔ ﻋﻠﻲ ﺭﺍﺳﻚ
ﻧﺮﺟﺲ ﺑﺎﺍﺳﺘﻐﺮﺍﺏ : ﺷﻦ ﻳﺒﻲ
ﻧﻮﺍﻝ ﺧﺎﺷﻪ ﻟﺪﺍﺭﻫﺎ : ﻣﺎﻧﻨﺪﺭﻳﺶ ﻋﻠﻴﻪ ﺍﻟﻨﻔﺎﺥ ﻫﺪﺍ ﺍﻧﻲ ﺷﺮﻳﻦ ﻓﺘﺤﺘﻠﻪ
ﻧﺮﺟﺲ : ﻭﺍﻧﺘﻲ ﻣﺎﻛﺶ ﻻﺑﺴﺔ ﺣﺎﺟﺔ ﻋﻠﻲ ﺭﺍﺳﻚ
ﻧﻮﺍﻝ : ﻓﻮﺗﻲ ﺍﻟﻤﻮﺿﻮﻉ ﺗﻲ ﻭﺍﻟﻠﻪ ﻣﺎﺗﺤﻤﻠﺘﻪ ﺑﻜﻞ
ﻧﺮﺟﺲ : ﻭﻛﺎﻥ ﻳﻨﺪﺭﻱ ﻋﻠﻴﻚ ﻣﺤﻤﻮﺩ ﺍﻟﻤﺎ ﻳﻮﺭﻳﻚ
ﻧﻮﺍﻝ : ﻣﺎﻋﻨﺪﻩ ﻭﻳﻦ ﺑﻴﻠﻘﺎﻧﻲ ﻭﻻﺑﻴﺸﻮﻓﻨﻲ
ﻧﺮﺟﺲ ﻭﻟﺖ ﻟﺪﺍﺭﻫﺎ ﻟﺒﺴﺖ ﻭﺷﺎﺡ ﻭﻧﺰﻟﺖ
ﺍﻣﺎ ﻧﻮﺍﻝ ﻓﻐﻴﺮﺕ ﻣﻼﺑﺴﻬﺎ ﻭﺿﻤﺖ ﺷﻌﺮﻫﺎ ﻭﻟﺤﻘﺘﻬﺎ
ﻭﺧﺸﺖ ﻟﻠﻤﻄﺒﺦ ﺑﺘﺪﻳﺮ ﻗﻬﻮﺓ
ﻭﻳﺸﺮﻳﻦ ﺍﻟﺒﺎﺏ
ﻧﺮﺟﺲ ﻭﺍﻗﻔﻪ ﻉ ﺍﻟﺒﺎﺏ : ﺗﺮﺍ ﻣﻌﻠﻴﺸﻲ ﺷﻮﻑ ﻳﺎﻋﻠﻲ ﺍﻛﻴﺪ ﻫﻤﺎ ﺭﻭﺣﻮ
ﻋﻠﻲ ﻧﺎﺽ ﺑﻴﻔﺘﺢ ﺍﻟﺒﺎﺏ
ﻃﻠﻌﺖ ﻧﻮﺍﻝ ﺑﺘﺸﻮﻑ ﻣﻨﻮ ﻭﻭﻗﻔﺖ ﻓﻲ ﺍﻟﺠﻨﺎﻥ
ﻋﻠﻲ ﻓﺘﺢ ﺍﻟﺒﺎﺏ ﻭﻳﺸﻮﻭﻭﻑ ﻭﺗﻄﻴﺮﻟﻪ : ﺧﻴﺮ ﻳﺎﻃﻴﺮ
ﻣﺤﻤﻮﺩ ﺩﻓﻪ ﻋﻠﻲ ﺟﻨﺐ ﻭﺧﺸﺶ ﻳﺠﺮﻱ ﻭﻳﻮﻗﻒ ﻓﻲ ﺍﻟﻨﺺ ﻭﺗﻌﻔﻠﻠﻠﻖ ﺑﻜﻞ
ﺍﻣﺎ ﻧﻮﺍﻝ ﻓﻨﺼﺪﻣﺖ ﻭﻓﺮﺣﺖ ﻓﻲ ﻧﻔﺲ ﺍﻟﻮﻗﺖ ﻻﻧﻬﺎ ﻣﺎﺗﻮﻗﻌﺘﺎﺷﻲ ﺑﻜﻞ
ﻣﺤﻤﻮﺩ ﻳﺸﻮﻑ ﻟﻨﻮﺍﻝ ﻭﺷﺮﺍﺭﺓ ﺗﻄﻠﻊ ﻣﻦ ﻋﻴﻮﻭﻧﻪ
ﻋﻠﻲ ﺑﻐﻴﺾ : ﺗﺒﻮ ﺣﺎﺟﺔ ﺍﻧﻲ ﻓﻲ ﺣﻮﺷﻨﺎ ﻭﻃﻠﻊ
ﻧﻮﺍﻝ ﻣﺒﺘﺴﻤﻪ ﻭﺗﺸﻮﻑ ﻟﻤﺤﻤﻮﺩ ﺑﺲ ﻟﻤﺎ ﺷﺎﻓﺖ ﻟﻮﺟﻬﻪ ﺍﺧﺘﻔﺖ ﺍﻻﺑﺘﺴﺎﻣﻪ
ﻧﺮﺟﺲ ﻋﺮﻓﺖ ﺍﻟﺠﻮ ﻣﻜﻬﺮﺏ ﻭﺧﺮﺕ ﻭﺧﺸﺖ ﻟﻠﺤﻮﺵ ﻭﺧﻠﺘﻬﻢ ﻓﻲ ﺍﻟﺠﻨﺎﻥ
ﻣﺤﻤﻮﺩ ﻗﺪﻡ ﺑﺨﻄﻮﺍﺕ ﺳﺮﻳﻌﻪ ﻟﻴﻦ ﻧﻮﺍﻝ ﺧﺎﻓﺖ : ﺍﻧﺘﻲ ﺧﻴﺮﺭﺭﻙ ﺑﺎﻟﺰﺯﺯﺯﺑﻂ ﻫﺎﺍﺍﺍﺍ ﺷﻦ ﻧﺪﻳﺮ ﻓﻴﻴﻴﻚ ﺍﻧﻲ ﺷﻦ ﻧﺪﻳﺮ ، ﺳﻜﺮﺗﻲ ﻓﻲ ﻭﺟﻬﻬﻴﻲ ﻭﻓﻮﻗﻬﺎ ﻧﺠﻲ ﻧﻠﻘﻰ ﺍﻟﻔﺮﺥ ﺍﻫﻮﺍ ﺍﻫﻨﻲ ﻭﻃﺎﻟﻌﻪ ﺑﻠﺒﺴﺘﻚ ﻫﺎﺍﺍﺍﺍﺩﻳﻴﻴﻴﻴﻲ ﻭﻗﺪﺍﺍﺍﺍﺍﺵ ﻣﺮﺭﺭﺭﺓ ﻧﻘﻮﻭﻭﻭﻟﻚ ﺣﻄﻲ ﺧﺮﺍﺍﺍﺍ ﻋﻠﻲ ﺭﺍﺍﺍﺍﺳﻚ ، ﻣﺤﻤﻮﺩ ﻛﺎﻥ ﻳﺪﻭﺭ ﻓﻲ ﺍﻟﺠﻨﺎﻥ ﻭﻳﺸﻮﻓﻠﻬﺎ ﻭﻳﻌﻴﻂ ﻋﻠﻴﻬﺎ
ﻭﻗﻒ ﻗﺪﺍﻣﻬﺎ ﻭﺷﺎﺩ ﻋﻠﻲ ﺳﻨﻮﻧﻪ : ﻋﻨﺎﺍﺩ ﻫﻴﻴﻲ ﻭﻻﺗﺴﻜﻴﺮ ﺭﺍﺱ ﻫﺎﺍ ، ﺗﻜﻠﻤﻤﻤﻤﻲ ﻳﻌﻦ ﺷﻜﻠﻚ ، ﻭﻳﻤﺪ ﻳﺪﻩ ﻳﺨﺒﻂ ﺍﻟﺤﻴﻂ ﺟﻨﺒﻬﺎﺍ ﻭﻫﻲ ﺧﺎﻓﺖ ﺍﻧﻪ ﺑﻴﻀﺮﺑﻬﺎ ﻏﻤﻤﻤﻀﺖ ﻋﻴﻮﻭﻧﻬﺎ ﺑﻘﻮﻭﺓ
،،،،،
ﺍﻭﻝ ﻣﺎﻭﺻﻠﺖ ﻟﻠﺤﻮﺵ ﻭﻫﻲ ﻗﺎﻋﺪﻩ ﻣﺼﺪﻭﻣﺔ ﺍﺗﺼﻠﺖ ﺑﻴﻪ ﻋﻠﻰ ﻃﻮﻝ ﺍﻭﻝ ﻣﻜﺎﻟﻤﺔ ﻣﺎﺭﺩﺵ ﺑﻌﺪﻫﺎ ﺭﺩ ﻋﻠﻴﻬﺎ : ﺍﻳﻮﺍ
ﺳﺎﺭﺓ : ﺍﻫﻠﻴﻦ ﻛﻴﻒ ﺣﺎﻟﻚ
ﻣﻌﺘﺼﻢ : ﺍﻟﺤﻤﺪ ﻟﻠﻪ ﻛﻮﻳﺲ ﺳﺮﻭﻭ ﺍﻧﻲ ﺗﻮﺍ ﻣﺸﻐﻮﻝ ﺷﻮﻳﺔ ﻧﻜﻠﻤﻚ ﺑﻌﺪﻳﻦ
ﺳﺎﺭﺓ : ﻋﻼﺵ ﻓﻲ ﺷﻦ ﻣﺸﻐﻮﻝ
ﻣﻌﺘﺼﻢ : ﺣﺒﻴﺒﺘﻲ ﻧﻜﻠﻤﻚ ﺑﻌﺪﻳﻦ ﻭﻧﻬﺪﺭﺯﻭ
.... ﺑﺼﻮﺕ ﻋﺎﻟﻲ : ﻫﻲ ﺗﻌﺎﺍﺍﺍﺍﻟﻰ ﻳﺎﻣﻌﺘﺼﻤﻤﻤﻢ ﻣﺰﺍﻝ ﻫﺪﺍ ﻧﻜﻤﻠﻮﻩ ﻭﺑﺮﺍ ﺗﻜﻠﻢ ﻓﻲ ﺍﻟﺘﻠﻴﻔﻮﻭﻥ
ﻣﻌﺘﺼﻢ ﻏﻄﻰ ﺍﻟﺘﻠﻴﻔﻮﻥ ﺑﻴﺪﻩ ﺑﻌﺪﻫﺎ ﻗﺎﻟﻠﻬﺎ : ﺧﻼﺹ ﻳﺎﺭﻭﺣﻲ ﻣﺶ ﻓﺎﺿﻲ ﻧﻜﻠﻤﻚ ﺑﻌﺪﻳﻦ
ﺳﺎﺭﺓ ﻭﺧﺎﻧﻘﺘﻬﺎ ﺍﻟﻌﺒﺮﺓ : ﺷﻔﺖ ﺳﻴﺎﺭﺗﻚ ﻓﻲ ﺷﺎﺭﻉ ****
ﻣﻌﺘﺼﻢ ﻛﻴﻒ ﺑﻴﺴﻜﺮ ﺑﻌﺪ ﻗﺎﻟﺖ ﺷﺎﻓﺎﺗﻪ ﺍﻧﺼﺪﻡ ﻭﺗﻮﺗﺮ : ﻭﻳﻦ ﺷﻔﺘﻴﻨﻲ
ﺳﺎﺭﺓ : ﺷﻔﺖ ﺳﻴﺎﺭﺗﻚ ﺑﺲ ﻣﺪﺭﺳﺔ ﺍﺳﺘﻐﺮﺑﺖ
ﻣﻌﺘﺼﻢ : ﻫﺎ ﺍﻳﻪ ﺻﺢ ﺍﻣﺸﻲ ﻟﻮﻟﺪ ﺻﺎﺣﺒﻲ
ﺳﺎﺭﺓ ﺗﻀﺎﻳﻘﺖ : ﺧﻼﺹ ﻧﺨﻠﻴﻚ ﺗﻜﻤﻞ ﺷﻐﻠﻚ
ﻣﻌﺘﺼﻢ : ﻫﺎ ﺍﻳﻪ ﺑﺎﻩ ﻣﻊ ﺍﻟﺴﻼﻣﻪ . ﻭﺳﻜﺮ
ﺳﺎﺭﺓ ﺣﻄﺖ ﺍﻟﺘﻠﻴﻔﻮﻥ ﻭﺗﻔﻜﺮ ﻭﺧﺎﻧﻘﺘﻬﺎ ﺍﻟﻌﺒﺮﺓ
،،،،
ﻧﻮﺍﻝ ﺑﺼﻮﺕ ﻭﺍﻃﻲ : ﻣﺤﻤﻮﺩ ﺧﻠﻴﻨﻲ ﻧﻔﻬﻤﻚ ﻧﻘﺺ ﺻﻮﺗﻚ ﺑﺲ
ﻣﺤﻤﻮﺩ ﻳﺨﺒﻂ ﻑ ﺭﺟﻠﻪ ﻓﻲ ﺍﻟﺤﻴﻂ : ﺷﻦ ﺑﺘﺘﺘﻔﻬﻬﻬﻤﻲ ﻫﺎﺍﺍ ﺷﻦ ﺑﺘﻔﻬﻤﻲ ﺍﻧﻲ ﺍﻟﺨﺮﺍ ﻛﻢ ﻣﺮﺓ ﺧﺮﻓﺖ ﻋﻠﻴﻪ ﻛﻢ ﻣﺮﺓ ﻗﻠﺖ ﻣﻌﺎﺵ ﻧﺸﻮﻭﻭﻑ ﺷﻔﺎﺷﻴﻔﻚ ﻃﺎﺍﺍﻟﻌﻴﻦ
ﻧﻮﺍﻝ ﺧﺎﻓﺖ ﻣﻦ ﺻﻮﺕ ﻣﺤﻤﻮﺩ ﺍﻟﻌﺎﻟﻲ ﻭﻗﺮﺑﺖ ﺷﺪﺕ ﻳﺪﻩ : ﻣﺤﻤﻮﺩ ﺧﺶ ﺍﻟﺪﺍﺧﻞ ﺑﺲ
ﻣﺤﻤﻮﺩ ﺭﻏﻢ ﺣﺠﻢ ﺍﻟﻐﻀﺐ ﺍﻟﻲ ﻫﻮ ﻓﻴﻪ ﺍﻻ ﺍﻧﻪ ﻟﻤﺴﻪ ﻧﻮﺍﻝ ﻟﻴﺪﻩ ﻛﺎﻧﺖ ﺯﻱ ﺍﻟﻤﺮﻫﻢ ﺍﻫﺪﻱ ﺷﻮﻳﺔ ﻭﺗﺒﻌﻬﺎ ﻭﺧﺶ ﻟﻠﺼﺎﻟﻮﻥ
ﻧﻮﺍﻝ ﻗﻌﻤﺰﺕ ﺑﻌﻴﺪﺓ ﻋﻠﻴﻪ ﻭﻣﻘﺎﺑﻼﺗﻪ ﻭﺗﺤﻜﻲ ﻭﻫﻲ ﻣﺘﻮﺗﺮﺓ : ﻣﺤﻤﻮﺩ ﻭﺍﻟﻠﻪ ﻣﺎﺗﺤﻤﻠﺘﻪ ﺍﻟﺤﺠﺎﺏ ﻗﺪﺍﻣﻬﻢ ﺍﻧﻲ ﻫﻚ ﻣﺶ ﻣﺘﻌﻮﺩﺓ ﻋﻠﻴﻪ ﻣﺤﻤﻮﺩ ﻭﻋﺪ ﻭﺍﻟﻠﻪ ﺑﺎﻟﺸﻮﻳﺔ ﻧﻠﺒﺴﻪ
ﻣﺤﻤﻮﺩ ﺑﺼﻮﺕ ﻫﺎﺩﻱ ﻧﻮﻋﺎ ﻣﺎ : ﻋﻼﺵ ﺗﺤﻄﻲ ﻓﻲ ﻧﻔﺴﻚ ﻓﻲ ﻣﻮﻗﻒ ﺯﻱ ﻫﺪﺍ ﻋﻼﺵ ﺗﺨﻠﻲ ﻓﻴﺎ ﺑﻤﻮﻗﻒ ﻫﻜﻲ ﻋﻼﺵ ﻟﻤﺎ ﻧﻘﻮﻝ ﻛﻠﻤﺔ ﻻﺯﻡ ﺗﺼﻴﺮ ﻋﻠﻴﻬﺎ ﻣﻴﺔ ﻋﺮﻛﺔ ﻭﻋﺮﻛﺔ ﺑﺎﺵ ﺗﺴﻤﻌﻲ ﺍﻟﻜﻼﻡ ﺍﺣﺘﺮﻣﻴﻨﻲ ﺍﻟﺰﺡ ﻉ ﺍﻻﻗﻞ ﺧﻄﻴﺒﻚ ﺍﻟﺰﻓﺖ ﻭﻣﺎﻋﻨﺪﻳﺶ ﻋﻠﻴﻚ ﻛﻠﻤﺔ
ﻧﻮﺍﻝ ﺗﺸﻮﻓﻠﻪ ﻭﻣﺘﻮﺗﺮﺓ ، ﻧﺎﺿﺖ ﻗﻌﻤﺰﺕ ﺟﻨﺒﻪ
ﻣﺤﻤﻮﺩ ﻗﻠﺐ ﻭﺟﻬﻪ ﻟﻠﺠﻬﺔ ﺍﻟﺘﺎﻧﻴﺔ ﻭﻳﻬﺰ ﺑﺮﺟﻠﻪ ﻭﻃﺎﻳﺮﺗﻠﻪ ﻭﻳﻨﻔﺦ
ﻧﻮﺍﻝ ﺷﺪﺗﻠﻪ ﻳﺪﻩ : ﺍﺳﻔﻪ ﺑﺎﻫﻲ ﻣﻌﺎﺵ ﻧﻌﺎﻭﺩﻫﺎ
ﻣﺤﻤﻮﺩ : ﺍﻧﻲ ﻟﻤﺎ ﻧﻘﻮﻭﻝ ﻛﻠﻤﺔ ﺗﺘﻨﻔﺬ ﻣﺎﻧﻴﺶ ﻋﻴﻞ ﺑﺎﺵ ﺍﻟﻜﻼﻡ ﺍﻟﻲ ﻧﻘﻮﻟﻪ ﺗﺤﺪﻓﻲ ﻓﻴﻪ ﻭﺭﺍ ﻇﻬﺮﻙ ﻭﻣﺶ ﻣﻌﺒﺮﺗﻴﻨﻲ ﺑﻜﻞ ﺷﻦ ﻫﺪﺍ ﻳﺎﺍﺍﻧﻮﺍﺍﺍﻝ
ﻧﻮﺍﻝ : ﺑﺎﻩ ﺣﺎﺿﺮ ﺗﻮ ﻧﺴﻤﻊ ﺍﻟﻜﻼﻡ
ﻣﺤﻤﻮﺩ : ﺍﻧﻲ ﻛﻠﻤﺘﻲ ﻛﻠﻤﺔ ﻭﺣﺪﺓ
ﻧﻮﺍﻝ ﻗﺎﻃﻌﺎﺗﻪ ﺑﻬﺪﻭﺀ : ﺣﺎﺿﺮ
ﻣﺤﻤﻮﺩ ﻃﺎﻳﺮﺗﻠﻪ ﻗﺎﻋﺪ ﻭﻳﻬﺰ ﺑﺮﺟﻠﻪ ﻭﻣﺎﻳﺒﻴﺶ ﻳﺸﻮﻑ ﺟﻬﺔ ﻧﻮﺍﻝ ، ﻭﺟﻲ ﺑﻴﻔﻚ ﻳﺪﻫﺎ ﻭﺑﻴﻨﻮﺽ
ﻧﻮﺍﻝ ﺿﻐﻄﺖ ﻋﻠﻲ ﻳﺪﻩ ﻭﺷﺪﺗﻬﺎ ﺑﻘﻮﺓ ﺑﻴﺪﻳﻬﺎ ﺍﻟﺰﻭﺯ ، ﻣﺤﻤﻮﺩ ﺷﺎﻓﻠﻬﺎ ﻭﺗﻼﻗﺖ ﻋﻴﻮﻧﻬﻢ ﻣﻊ ﺑﻌﺾ
ﻧﻮﺍﻝ ﺗﺸﻮﻓﻠﻪ ﺑﺤﺐ ﻭﺧﻮﻑ ، ﻣﺤﻤﻮﺩ ﻗﻠﺒﻪ ﻗﻌﺪ ﻳﻄﻖ ﺑﻘﻮﺓ ﻭﻳﺸﻮﻑ ﻟﻌﻴﻮﻧﻬﺎ ﻭﻛﺎﻥ ﻋﻴﻮﻧﻬﺎ ﻛﺎﻧﺖ ﻛﺎﻓﻴﺔ ﺑﺎﺍﻣﺘﺼﺎﺹ ﻏﻀﺒﻪ ﺍﻟﻘﻲ ﺭﻭﺣﻪ ﺳﺎﺭﺡ ﻓﻲ ﻋﻴﻮﻧﻪ ﻭﻗﻠﺒﻪ ﻳﺪﻕ ﻭﻟﻠﺤﻈﺎﺕ ﻧﺴﻲ ﺍﻟﻲ ﺻﺎﺭ
ﻧﻮﺍﻝ ﻧﺰﻟﺖ ﻋﻴﻮﻧﻬﺎ ﻭﺗﺸﻮﻑ ﻟﻴﺪﻩ ﺍﻟﻲ ﺷﺎﺩﺗﻬﺎ ﻭﻗﻌﺪﺕ ﺗﺤﺮﻙ ﻓﻲ ﻳﺪﻫﺎ ﻋﻠﻴﻬﺎ : ﻣﺎﺗﻤﺸﻴﺶ ﻭﺍﻧﺖ ﺯﻋﻼﻥ ﻣﻨﻲ ﺑﻌﺪﻫﺎ ﻧﻌﺮﻓﻚ ﻣﻌﺎﺵ ﺗﻜﻠﻤﻨﻲ
ﻣﺤﻤﻮﺩ ﺑﻠﻊ ﺭﻳﻘﻪ ﻭﻗﻌﺪ ﺳﺎﻛﺖ
ﻧﻮﺍﻝ ﻻﺣﻈﺖ ﺍﻧﻪ ﺗﻮﺗﺮ ﺍﺳﺘﻐﻠﺖ ﺍﻟﻤﻮﻗﻒ ﺑﺎﺵ ﻳﺴﺎﻣﺤﻬﺎ : ﺣﺒﻴﻴﻴﻴﺒﻲ ﺍﺳﻔﻪ ﺧﻼﺹ ﻋﺎﺩ ﺑﺘﻘﻌﺪ ﺯﻋﻼﻥ ﻣﻨﻲ ﻫﻜﻲ
ﻣﺤﻤﻮﺩ ﺯﺍﺩ ﺗﻮﺗﺮ ﻭﻛﻴﻒ ﺑﻴﺮﺩ ﺳﻤﻌﻮ ﺍﻟﺒﺎﺏ ﻳﻄﻘﻄﻖ ﻭﺻﻮﺕ ﻋﻠﻲ
ﻣﺤﻤﻮﺩ ﻭﻗﻒ ﻳﺠﺮﻱ : ﻭﺍﻟﻠﻪ ﻧﻘﺘﻠﻪ ﻧﻌﻦ ﺷﻜﻠﻪ ، ﻭﻃﻠﻊ ﻭﻃﻠﻌﺖ ﻣﻌﺎﻩ ﻧﻮﺍﻝ
ﻋﻠﻲ : ﻛﺎﺍﻧﻚ ﺧﺪﻳﺖ ﺭﺍﺣﺘﻚ ﺍﻟﺪﺍﺧﻞ
ﻭﻳﻨﻘﺰ ﻋﻠﻴﻪ ﻣﺤﻤﻮﺩ ﻭﻳﺒﺪﻭ ﺿﺮﺏ ﻓﻲ ﺑﻌﺾ
ﻧﻮﺍﻝ : ﻻﺍﺍ ﻭﻗﻔﻮﻭﻭ ﺣﻲ ﻋﻠﻴﺎ ﺍﻧﻲ ﻳﺎﻧﺮﺭﺟﺲ ﺗﻌﺎﻟﻲ ﺣﺰﻱ ﻣﻌﺎﻱ ﺑﻴﻘﺘﻠﻮ ﺑﻌﻀﻬﻢ ﻫﺎﺩﻭ
ﺑﺼﻮﺕ ﻋﺎﻟﻲ : ﺧﺸﻲ ﺍﻟﺪﺍﺍﺍﺧﻞ ﻳﻌﻦ ... ، ﻭﺗﺠﻴﻪ ﺿﺮﺑﻪ ﻣﻦ ﻋﻠﻲ ﻋﻠﻲ ﻋﻴﻨﻪ
ﻧﻮﺍﻝ ﻋﻴﻄﺖ
ﻣﺤﻤﻮﺩ ﺑﺼﻮﺕ ﻋﺎﺍﺍﻟﻲ : ﺧﺸﻴﻴﻴﻴﻲ ﺍﻟﺪﺍﺍﺍﺍﺧﻞ
ﻧﺮﺟﺲ ﻃﻠﻌﺖ ﺗﺠﺮﻱ ﻭﺧﺎﻓﺖ
ﻧﻮﺍﻝ ﻭﻟﺖ ﻭﺟﺒﺪﺕ ﻧﻮﺭﺱ ﻭﺧﺸﻮ ﻭﺍﻟﺰﻭﺯ ﺧﺎﻳﻔﺎﺕ ، ﻭﻣﺤﻤﻮﺩ ﻭﻋﻠﻲ ﻳﺘﻀﺎﺭﺑﻮ ﻓﻲ ﺿﺮﺏ ﻗﺘﻞ
ﻧﻮﺍﻝ ﻗﺎﻣﺖ ﺗﻠﻴﻔﻮﻧﻬﺎ ﻭﻣﻌﺎﺵ ﻋﺮﻓﺖ ﺑﻤﻦ ﺗﺘﺼﻞ ﺣﻄﺖ ﻋﻠﻲ ﺭﻗﻢ ﻋﺪﻧﺎﻥ ﻭﺍﺗﺼﻠﺖ : ﺍﻟﻮ ﻋﺪﻧﺎﺍﻥ ، ﺍﻧﺖ ﻭﻳﻦ ﺗﻌﺎﻟﻰ ﺑﺴﺮﺭﻋﻪ
ﻋﺪﻧﺎﻥ ﺑﺨﻮﻑ : ﺷﻦ ﻓﻴﻴﻲ ﺷﻦ ﺻﺎﻳﺮ ﺍﻧﺘﻲ ﻭﻳﻦ
ﻧﻮﺍﻝ : ﻓﻲ ﺣﻮﺷﻨﺎ ﻣﺤﻤﻮﺩ ﻭﻋﻠﻲ ﻭﻟﺪ ﻋﻤﻲ ﻳﺘﻀﺎﺭﺑﻮ ﻭﻣﻌﺎﺵ ﻋﺮﻓﺖ ﺷﻦ ﻧﺪﻳﺮ
ﻣﺤﻤﻮﺩ ﺩﻑ ﻣﺤﻤﻮﺩ ﻭﻧﺎﺿﺖ ﻭﺧﺮ : ﻭﺍﻟﻠﻪ ﻧﺮﺑﻴﻚ ﻳﺎ ####
ﻋﻠﻲ ﻣﻌﺎﺵ ﻋﻨﺪﻩ ﺣﻴﻞ ﻳﺪﺍﻓﻊ ﺑﻴﻪ : ﺗﻌﺎﻟﻰ ﻗﺮﺏ ﻧﺸﻮﻓﻮ ﻭﺍﻻ ﺭﺟﻮﻟﻴﺘﻚ ﺑﺎﻟﺪﻭﺓ ﺑﺲ
ﻭﻭﻭﻭﻭ
،،،،،،،
ﻋﻠﻴﺎ : ﺍﻧﻲ ﻓﻜﺮﺕ ﻓﻲ ﺍﻟﻤﻮﺿﻮﻉ ﻫﻠﺒﺎ ﻭﺍﺧﺪﻳﺖ ﻗﺮﺍﺭﻱ
ﻋﺒﺪ ﺍﻟﻤﻨﻌﻢ ﺑﻼ ﻣﺒﺎﻻﺓ : ﻋﻠﻲ ﺍﻱ ﻣﻮﺿﻮﻉ ﺗﺤﻜﻲ
ﻋﻠﻴﺎ : ﻟﻮ ﺳﻤﺤﺖ ﻳﺎﻋﺒﺪ ﺍﻟﻤﻨﻌﻢ ﺍﺳﻤﻌﻨﻲ ﻛﻮﻳﺲ ﺍﻧﻲ ﻧﺤﻜﻲ ﺑﺠﺪﻳﺎﺕ ، ﺍﻧﻲ ﻣﺶ ﻣﻮﺍﻓﻘﻪ ﻋﻠﻲ ﻣﻮﺿﻮﻉ ﺍﻟﺰﻭﺍﺝ ﺣﺎﻟﻴﺎ
ﻭﻭﻭﻭﻭﻭ
<< ﻭﺍﺣﻴﺎﻧﺎ ﻳﻘﻮﺩﻧﺎ ﻏﺒﺎﺋﻨﺎ ﺍﻟﻰ ﺍﻓﻌﺎﻝ ﻗﺪ ﻧﻨﺪﻡ ﻋﻠﻴﻬﺎ ﻻﺣﻘﺎ >>
# ﻳﺘﺒﻊ
أنت تقرأ
ﺳﻨﺪ ﺍﻻﻧﺜﻰ ﺭﺟﻞ shosho_shosho
Romanceرواية غروباية مميزة بقلم الكاتبة #شوشوshosho_shosho > " ﺳﻨﺪ ﺍﻷﻧﺜﻰ ﺭﺟﻞ "
