ﺍﻟﺤﻠﻘﺔﺓ [ 35 ]
ﻣﻦ ﺭﻭﺍﻳﺔ - - "<- # ﺳﻨــﺪ _ ﺍﻷﻧﺜــﻰ _ ﺭﺟــﻞ "
ﻧﻮﺭﺱ : ﺍﻟﻮ
ﻋﺪﻧﺎﻥ ﺑﻌﺼﺒﻴﻪ : ﺑﺎﻫﻲ ﺍﻟﻲ ﺳﻤﻌﺖ ﺻﻮﺗﻚ ﻭﺍﻟﻠﻪ ﻭﻳﻨﻚ ﺑﺲ ﻧﺘﺼﻞ ﻓﻮﻕ ﻣﻦ ﻋﺸﺮﻳﻦ ﻣﺮﺓ ﻣﺎﺗﺮﺩﻳﺶ ﻭﻭﻭﻳﻨﻚ
ﻧﻮﺭﺱ : ﻋﺪﻧﺎﻥ ﺍﻫﺪﻯ ﺑﺲ ، ﺍﻧﺖ ﻋﺎﺭﻑ ﺍﻥ ﺍﺣﻨﻲ ﻓﻲ ﺍﻟﺒﺤﺮ ﻭﻣﺎﻣﺎ ﻃﻮﻝ ﺍﻟﻮﻗﺖ ﺟﻨﺒﻲ ﻭﻋﻴﻮﻧﻬﺎ ﻋﻠﻴﺎ ﺍﻣﺘﻰ ﺗﺒﻴﻨﻲ ﻧﻜﻠﻤﻚ
ﻋﺪﻧﺎﻥ : ﻓﻲ ﺍﺧﺘﺮﺍﻉ ﺍﺳﻤﻪ ﺭﺳﺎﻟﺔ ﺍﺑﻌﺘﻲ ﻗﻮﻭﻟﻲ ﻣﺎﻧﻘﺪﺭﺵ ﻧﺘﻜﻠﻢ ﻣﺶ ﻣﺎﺗﺮﺩﻳﺶ ﺧﻠﻴﺘﻴﻨﻲ ﻗﺮﻳﺐ ﻧﻄﻠﻊ ﻣﻦ ﻋﻘﻠﻲ
ﻧﻮﺭﺱ : ﺍﺳﻔﻪ ﺑﺎﻩ ﻭﺍﻟﻠﻪ ﻣﺎﺑﻴﺪﻱ
ﻋﺪﻧﺎﻥ : ﺑﺎﺍﺍﻫﻲ
ﻧﻮﺭﺱ : ﻛﻴﻒ ﺣﺎﻟﻚ ﻭﺷﻦ ﺩﺍﻳﺮ
ﻋﺪﻧﺎﻥ : ﻣﺎﺷﻲ ﺍﻫﻮ ﻓﻲ ﺣﻮﺵ ﺣﻨﺎﻱ ﻗﺎﻋﺪﻳﻦ
ﻧﻮﺭﺱ : ﻛﻴﻒ ﺣﺎﻟﻬﺎ ﺍﺣﻨﻴﻨﻪ
ﻋﺪﻧﺎﻥ : ﻭﺍﻟﻠﻪ ﺷﻦ ﺑﻨﻘﻮﻟﻚ
ﻧﻮﺭﺱ : ﺷﻨﻮ
ﻋﺪﻧﺎﻥ : ﺣﻨﺎﻱ ﺗﺎﻋﺒﻪ ﺷﻮﻳﺔ
ﻧﻮﺭﺱ ﻛﻴﻒ ﺑﺘﺘﻜﻠﻢ ﻧﺨﺶ ﺍﻧﻲ ﺑﺴﺮﺭﻋﻪ ﻟﻠﺪﺍﺭ ﻭﺍﻣﺸﻴﺖ ﻟﻠﺤﻤﺎﻡ ﺑﺴﺮﻋﻪ ﻭﻗﻌﺪﺕ ﻧﺴﺘﻔﺮﻍ
ﻧﻮﺭﺱ : ﺷﻮﻳﺔ ﺑﺲ ﻭﺳﻜﺮﺕ ﻭﺟﺘﻨﻲ ﺗﺠﺮﻱ : ﻧﺴﻴﺒﻪ ﺧﻴﺮﻙ
ﻭﻟﻴﺪ ﻳﻠﺤﻘﻨﻲ ﻭﻭﺍﻗﻒ ﻋﻠﻲ ﺍﻟﺒﺎﺏ : ﻧﻮﻭﺳﻪ ﻧﻮﺳﻪ ﺷﻦ ﻓﻲ ﺑﺲ ﺧﻴﺮﻙ ﻃﻤﻨﻴﻨﻲ
ﻧﻮﺭﺱ : ﺧﻴﺮﻫﺎ ﺷﻦ ﺻﺎﺭﻟﻬﺎ ﺧﺸﺖ ﺗﺴﺘﻔﺮﻍ
ﻭﻟﻴﺪ : ﻣﺎﻧﻌﺮﻓﺶ ﻫﻜﻲ ﻓﺠﺄﺓ ﻧﺎﺿﺖ ﺗﺠﺮﻱ ﻏﻴﺮ ﺑﺮﻱ ﺷﻮﻓﻴﻬﺎ
ﻧﻮﺭﺱ ﺧﺸﺘﻠﻲ ﻭﺍﻟﻘﺘﻨﻲ ﻧﻐﺴﻞ ﻓﻲ ﻭﺟﻬﻲ
ﺍﻧﻲ ﻣﺴﺤﺖ ﻭﺟﻬﻲ ﺑﺎﻟﻔﻮﻃﺔ ﻭﻃﻠﻌﺖ
ﻧﻮﺭﺱ ﺳﻄﺤﺘﻨﻲ : ﺷﻦ ﺻﺎﺭﻟﻚ ﺷﻦ ﺣﺴﻴﺘﻲ
ﺍﻧﻲ : ﻛﺒﺪﻱ ﺯﻫﻘﺖ ﻣﻦ ﺑﻜﺮﻱ ﺯﺍﻫﻘﻪ ﻭﺗﻮﺍ ﺯﺍﺩﺕ
ﻧﻮﺭﺱ ﻗﺮﺑﺖ ﻣﻦ ﻭﺩﻧﻲ : ﺑﺎﻟﻚ ﺑﻨﻮﻟﻲ ﺧﺎﻟﺔ
ﺍﻧﻲ ﺷﻔﺘﻠﻬﺎ : ﻻﻻ
ﻧﻮﺭﺱ : ﻋﻼﺵ ﻻ
ﺍﻧﻲ : ﻻﻧﻪ ﻻ
ﻣﺎﻣﺎ ﻭﻋﻤﺘﻲ ﺧﺎﺷﻴﻦ ﻟﻠﺪﺍﺭ : ﺧﻴﺮﻙ ﻳﺎﻧﻮﺳﻪ
ﺍﻧﻲ : ﻣﺎﻧﻌﺮﻓﺶ ﻛﺒﺪﻱ ﺯﺍﻫﻘﻪ ﻣﻦ ﺑﻜﺮﻱ
ﻣﺎﻣﺎ : ﻧﻮﺭﺱ ﺍﻋﺼﺮﻱ ﻻﺧﺘﻚ ﻟﻴﻤﻮﻥ
ﻧﻮﺭﺱ : ﺑﺎﻩ ﺣﺎﺿﺮ
ﻋﻤﺘﻲ ﺑﻀﺤﻜﺔ : ﺷﻨﻮ ﻧﻘﻮﻟﻮ ﻣﺒﺮﻭﻙ
ﺍﻧﻲ ﺷﻔﺖ ﻟﻤﺎﻣﺎ ﻭﻫﻲ ﺷﺎﻓﺘﻠﻲ ﻻﻧﻬﺎ ﻋﺎﺭﻓﻪ ﺍﻟﺪﻛﺘﻮﺭﺓ ﺷﻦ ﻗﺎﻳﻠﺘﻠﻲ ﻭﻣﺎﻟﻴﺎﺵ ﺍﺭﺑﻌﻪ ﺍﻳﺎﻡ ﻛﻴﻒ ﺩﺍﻳﺮﻩ ﺗﺤﻠﻴﻞ ﻳﻌﻨﻲ ﻣﺴﺘﺤﻴﻞ
ﺍﻧﻲ : ﻻﻻ ﻳﻤﻜﻦ ﺑﻨﺎﺧﺪ ﺑﺮﺩ
ﻋﻤﺘﻲ : ﻭﺍﻟﻠﻪ ﻣﺎﺗﻨﺪﺭﻱ ﻳﺎﺑﻨﻴﺘﻲ ﺑﺎﻟﻚ ﺍﺧﻴﺮﺍ ﻧﺸﻮﻑ ﺻﻐﺎﺭﻛﻢ
ﺍﻧﻲ ﺑﻠﻌﺖ ﺭﻳﻘﻲ ﻭﻣﺎﻋﺮﻓﺘﺶ ﺷﻦ ﻧﻘﻮﻝ
ﻣﺎﻣﺎ : ﺍﻧﺘﻲ ﺍﺧﺮ ﻣﺮﺓ ﺩﺭﺗﻲ ﺗﺤﻠﻴﻞ ﺍﻣﺘﻰ
ﻋﻤﺘﻲ : ﺍﻧﺘﻲ ﺩﺍﻳﺮﻩ ﺗﺤﺎﻟﻴﻞ
ﺍﻧﻲ ﻧﺰﻟﺖ ﺭﺍﺳﻲ ﻭﺑﺼﻮﺕ ﻣﺨﻨﻮﻕ : ﺍﻳﻪ ﻣﻦ ﺍﺭﺑﻌﻪ ﺍﻳﺎﻡ ﻭﻣﺶ ﺣﺎﻣﻞ
ﻋﻤﺘﻲ ﺣﻄﺖ ﻳﺪﻫﺎ ﻋﻠﻲ ﺭﺍﺳﻲ ﻭﻗﻌﺪﺕ ﺗﻤﺴﺢ ﻋﻠﻲ ﺷﻌﺮﻱ : ﺍﻥ ﺷﺎﺀ ﺍﻟﻠﻪ ﺭﺑﻲ ﻳﺮﺯﻗﻚ ﻗﺎﻋﺪﻩ ﺻﻐﻴﺮﺓ ﻳﺎﺑﻨﻴﺘﻲ ﻣﺎﺗﻀﺎﻳﻘﻴﺶ ﺭﻭﺣﻚ ﺗﻮ ﺧﻠﻲ ﻭﻟﻴﺪ ﻳﺮﻓﻌﻚ ﻳﻌﺎﻳﻨﻚ ﺑﺎﻟﻚ ﺧﺪﻳﺘﻲ ﺑﺮﺩ ﺗﻘﻌﻤﺰﻱ ﻓﻲ ﺍﻟﻠﻴﻞ ﻉ ﺍﻟﺸﻂ ﻭﻳﻨﺰﻝ ﻋﻠﻴﻚ ﺍﻟﻨﺪﻱ ﻣﺶ ﺑﺎﻫﻲ
ﻣﺎﻣﺎ : ﺍﻳﻪ ﻻ ﻫﻲ ﻣﺎﺗﺤﺎﻓﻀﺶ ﺍﻣﺲ ﻝ 12 ﻭﺍﻧﺘﻲ ﺑﺮﺍ ﻛﻴﻒ ﺗﺒﻲ ﻣﺎﺗﻤﺮﺿﻴﺶ
ﻧﻮﺭﺱ ﺟﺎﻳﻪ ﻭﻓﻲ ﻳﺪﻫﺎ ﺍﻟﻠﻴﻤﻮﻥ ﻭﺗﺤﺮﻙ ﻓﻲ ﺍﻟﻜﺎﺷﻴﻚ ﻭﻣﺪﺗﻬﺎﻟﻲ
ﺍﻧﻲ ﻋﺪﻟﺖ ﺭﻭﺣﻲ ﻭﻗﻌﻤﺰﺕ ﻭﺍﺧﺪﻱ ﺍﻟﻄﺎﺳﻪ : ﺷﻜﺮﺍ ، ﻭﻗﻌﺪﺕ ﻧﺸﻮﻑ ﻟﻠﻄﺎﺳﻪ
ﺍﻧﻲ : ﺩﺭﺗﻴﻠﻪ ﺳﻜﺮ
ﻧﻮﺭﺱ : ﺩﺭﺗﻠﻪ ﺍﻳﻪ
ﺍﻧﻲ
ﻋﻤﺘﻲ : ﺧﻴﺮﻙ ﺍﺷﺮﺑﻲ
ﻣﺎﻣﺎ : ﻣﺎﺗﺤﺒﺎﺷﻲ ﻫﺎﺩﻭ ﺍﻟﺒﻨﺘﻪ ﺑﻴﻬﺒﻠﻮﻧﻲ
ﻋﻤﺘﻲ : ﺍﺷﺮﺑﻲ ﺳﻠﻢ ﺑﻨﻴﺘﻲ ﻳﺮﻳﺤﻚ
ﺍﻧﻲ ﺷﺮﺑﺖ ﺷﻮﻳﺔ ﻭﻣﻌﺎﺵ ﻗﺪﺭﺕ ﻗﺮﻳﺐ ﻧﺒﻜﻲ : ﺧﻼﺹ ﻣﻌﺎﺵ ﻧﻘﺪﺭ ﺣﺎﻣﺾ ﻫﻠﺒﺎ
ﻋﻤﺘﻲ ﺧﺪﺕ ﺍﻟﻄﺎﺳﻪ ﻭﻗﻌﺪﺕ ﺗﺸﺮﺏ ﻓﻴﺎ ﺑﺎﻟﺴﻴﻒ
ﻭﺍﻧﻲ ﻧﺸﺮﺏ
ﻧﻮﺭﺱ : ﻫﻬﻬﻬﻬﻪ
ﻭﻟﻴﺪ ﻣﻦ ﻋﻠﻲ ﺍﻟﺒﺎﺏ : ﻧﻮﺭﺱ ﺷﻦ ﺻﺎﺭ ﻛﻴﻒ ﺣﺎﻟﻬﺎ ﺗﻮﺍ
ﻧﻮﺭﺱ ﺗﻠﻔﺘﺘﻠﻪ : ﺗﺸﺮﺏ ﻓﻲ ﻟﻴﻤﻮﻥ ﻗﺎﻋﺪﻩ
ﻭﻟﻴﺪ : ﻧﺒﻲ ﻧﺨﺶ ﻧﺸﻮﻓﻬﺎ
ﻭﺧﺶ ﻭﻟﻴﺪ ﻭﻣﺎﻣﺎ ﻭﻋﻤﺘﻲ ﻭﻧﻮﺭﺱ ﻃﻠﻌﻮ ﻭﻗﻌﺪ ﻣﻌﺎﻱ ﻫﻮ
ﻗﻌﻤﺰ ﻋﻠﻲ ﺭﻛﺎﺑﻪ ﻭﺷﺪ ﻳﺪﻱ : ﺷﻦ ﻛﻴﻒ ﺗﺤﺴﻲ ﺭﻭﺣﻚ ﺗﻮﺍ
ﺍﻧﻲ : ﺍﻟﺤﻤﺪ ﻟﻠﻪ ﺍﻟﻠﻴﻤﻮﻥ ﺭﻳﺤﻨﻲ ﺷﻮﻳﺔ ﻣﻊ ﺍﻧﻲ ﺷﺮﺑﺘﻪ ﺑﺎﻟﺴﻴﻒ
ﻭﻟﻴﺪ : ﻋﻼﺵ ﺑﺎﻟﺴﻴﻒ
ﺍﻧﻲ : ﻧﺘﺤﻤﻼﺷﻲ ﺣﺎﻣﺾ ﻫﻠﺒﺎ
ﻭﻟﻴﺪ ﻳﻘﻠﺪ ﺻﻮﺗﻲ : ﻧﺘﺤﻤﻼﺷﻲ ﺣﺎﻣﺾ ﻫﻠﺒﺎ ، ﻳﺎﺣﻠﻴﻴﻠﻲ
ﺍﻧﻲ : ﻫﻬﻬﻬﻬﻬﻪ ﺑﺎﺭﺩ ، ﺍﻣﺸﻲ ﻣﻌﺎﺵ ﺗﻜﻠﻤﻨﻲ
ﻭﻟﻴﺪ : ﻫﻬﻬﻬﻬﻬﻬﻪ ( ﻭﻳﻘﻠﺪ ﺻﻮﺗﻲ ﺗﺎﻧﻲ ) ﻧﻘﺪﺭﺵ ﻧﻜﻠﻢ ﺣﺒﻴﺒﺘﻲ ﺍﻧﻲ
ﺍﻧﻲ : ﻫﻬﻬﻬﻬﻬﻪ ﺍﻧﻲ ﺻﻮﺗﻲ ﻣﺶ ﻫﻜﻲ ﺍﻳﻮﻩ ﺗﺸﻮﻫﺎﺷﻲ
ﻭﻟﻴﺪ : ﻫﻬﻬﻬﻬﻪ ، ﺑﺎﻩ ﻏﻴﺮ ﺍﺳﻤﻌﻲ ﻛﻠﻤﻲ ﺍﻟﺪﻛﺘﻮﺭﺓ ﺑﺘﺎﻋﻚ ﺍﺳﺎﻟﻴﻬﺎ ﻭﻗﻮﻟﻴﻠﻬﺎ ﺍﻟﻲ ﺻﺎﺭﻟﻚ
ﺍﻧﻲ : ﻫﻴﻴﻴﻴﻲ ﻧﺴﻴﻴﻴﺖ
ﻭﻟﻴﺪ : ﺷﻨﻮ
ﺍﻧﻲ : ﺩﻭﺍ ﻣﺎﺍﺧﺪﻳﺘﺶ ﺍﻟﺼﺒﺢ ﻭﺗﻮﺍ ﺣﺒﺔ ﺍﻟﻤﻐﺮﺏ
ﻭﻟﻴﺪ ﻗﺮﻥ ﺣﻮﺍﺟﺒﻪ : ﺗﻮ ﻳﺎﻧﻮﺳﺔ ﻣﺶ ﻋﻠﻲ ﺍﺳﺎﺱ ﻣﻌﺪﻟﺔ ﺗﻠﻴﻔﻮﻧﻚ ﻭﺑﺘﺎﺧﺪﻳﻬﺎ ﻭﻗﻠﺘﻠﻚ ﺍﻟﺼﺒﺢ ﺣﺒﺘﻚ ﻭﺍﻧﺘﻲ ﻓﻮﺗﻴﻨﻲ ﻭﺍﻻ
ﺍﻧﻲ : ﻭﺍﻟﻠﻪ ﻣﺎﻫﻜﻲ ﻳﺎﺣﺒﻴﺒﻲ ﻧﺴﻴﺘﻬﺎ ﺑﺎﻩ ﺷﻦ ﻧﺪﻳﺮ
ﻭﻟﻴﺪ : ﺍﻭﻭﻑ ﻏﻴﺮ ﺍﺗﺼﻠﺘﻲ ﺑﺎﻟﺪﻛﺘﻮﺭﺓ ﺍﺳﺎﻟﻴﻬﺎ ﻋﻠﻲ ﺍﻧﻚ ﺭﺩﻳﺘﻲ
ﺍﻧﻲ : ﻳﺎﺍﺣﺒﻴﺒﻲ ﻣﺎﺍﻋﺘﻘﺪﺵ ﻟﻴﻪ ﻋﻼﻗﻪ ﻣﻤﻜﻦ ﺑﻨﺎﺧﺪ ﺑﺮﺩ
ﻭﻟﻴﺪ : ﻧﻤﺸﻮ ﻧﻌﺎﻳﻨﻮ ﻛﺎﻥ ﻫﺪﺍ
ﺍﻧﻲ : ﺑﺎﻩ ﺗﻮ ﻧﺘﺼﻞ ﻣﺪﻟﻲ ﺷﻨﻄﺘﻲ ﺟﻨﺒﻚ
ﻭﻟﻴﺪ ﻗﺎﻡ ﺍﻟﺸﻨﻄﺔ ﻭﻣﺪﻫﺎﻟﻲ
ﺍﻧﻲ ﻃﻠﻌﺖ ﺧﺪﻳﺖ ﺣﺒﺘﻲ ﻭﺑﻌﺪﻫﺎ ﺍﺗﺼﻠﺖ ﺑﺎﻟﺪﻛﺘﻮﺭﺓ ﻭﻗﺎﻟﺘﻠﻲ ﻋﺎﺩﻱ ﻳﻌﻨﻲ ﻣﻦ ﺍﻋﺮﺍﺽ ﺍﻟﻜﻴﺲ ﺍﻟﻲ ﻋﻨﺪﻱ ﻭﻫﻲ ﺍﺳﺘﻐﺮﺑﺖ ﻛﻴﻒ ﺍﺻﻼ ﺍﻧﻲ ﻣﺎﻃﻠﻌﺘﺶ ﻋﻠﻴﺎ ﺍﻻﻋﺮﺍﺽ ﻣﻦ ﻗﺒﻞ ﻭﻗﺎﻟﺘﻠﻲ ﺗﻨﻈﻤﻲ ﻉ ﺍﻟﺪﻭﺍﺀ
ﻭﻟﻴﺪ : ﻫﺎ ﺗﻮﺍ ﺗﺘﻨﻈﻤﻲ ﻋﻠﻲ ﺍﻟﺪﻭﺍﺍﺀ
ﺍﻧﻲ : ﺣﺎﺿﺮ ﻭﺍﻟﻠﻪ ﺣﺎﺿﺮ
ﻭﻟﻴﺪ ﺳﻜﺖ ﺷﻮﻳﺔ ﺑﻌﺪﻳﻦ ﻗﺎﻟﻲ : ﺍﺳﻤﻌﻲ
ﺍﻧﻲ ﺑﺎﺳﺘﻐﺮﺍﺏ : ﻧﻌﻢ
ﻭﻟﻴﺪ : ﻣﺤﻤﻮﺩ ﻭﻧﻮﺍﻝ ﺷﻦ ﻭﺿﻌﻬﻢ ؟ ﻓﻲ ﺣﺎﺟﺔ ﺑﻴﻨﻬﻢ ؟
ﺍﻧﻲ ﺑﺎﺍﺭﺗﺒﺎﻙ : ﺍ ﻋﻼﺵ ﺍﻟﺴﺆﺍﻝ ﻓﻲ ﺣﺎﺟﺔ ؟
ﻭﻟﻴﺪ : ﻗﺼﺪﻱ ﻛﻼﻡ ﺭﺣﻤﺔ ﺍﻣﺒﻜﺮﻱ ﻣﺎﻓﺎﺗﺶ ﻋﻠﻴﺎ ﻭﺗﺼﺮﻓﺎﺕ ﻧﻮﺍﻝ ﻭﻣﺤﻤﻮﺩ ﻭﺍﺿﺤﺔ ﻭﻛﻴﻒ ﻟﻤﺎ ﺭﺣﻤﺔ ﺗﻠﻘﺢ ﻭﻭﺟﻮﻫﻢ ﻳﺘﻐﻴﺮﻭ ﻭﺍﺿﺢ ﻳﻌﻨﻲ
ﺍﻧﻲ : ﻳﻤﻜﻦ
ﻭﻟﻴﺪ : ﺗﻮ ﺑﺘﻘﻨﻌﻴﻨﻲ ﺍﻧﻚ ﻣﺎﺗﻌﺮﻓﻴﺶ
ﺍﻧﻲ : ﺍﻣﻤﻤﻤﻢ
ﻭﻭﻟﻴﺪ : ﺷﻦ ﺍﻣﻤﻤﻢ
ﺍﻧﻲ : ﻧﻌﺮﻓﺶ
ﻭﻟﻴﺪ : ﺑﺎﻫﻲ ﺑﺎﻫﻲ ، ﺍﻟﻤﻬﻢ ﺧﻠﻲ ﺑﺎﻟﻚ ﻣﻦ ﺩﻭﺍﻙ ﺑﺲ ﻭﻫﻲ ﺗﻄﻠﻌﻲ ﻭﺍﻻ ﺗﺒﻲ ﺗﺮﺗﺎﺣﻲ
ﺍﻧﻲ : ﺑﻨﻄﻠﻊ ﺑﺲ ﻧﻠﺒﺲ ﻭﺷﺎﺣﻲ
ﻃﻠﻌﺖ ﺍﻧﻲ ﻭﻭﻟﻴﺪ ﻗﻌﻤﺰﺕ
ﻣﺤﻤﻮﺩ : ﻛﻴﻒ ﺣﺎﻟﻚ ﺗﻮﺍ ﻧﺴﻴﺒﺔ
ﺍﻧﻲ : ﺍﻟﺤﻤﺪ ﻟﻠﻪ ﺍﺣﺴﻦ ، ﺷﻦ ﻣﻜﺮﻭﻧﺘﻚ ﻃﺎﺑﺖ
ﻣﺤﻤﻮﺩ : ﺍﻳﻪ ﺍﻫﻮ ﺑﻨﺼﺒﻬﺎ ، ﺗﻠﺤﺴﻮ ﻳﺪﻳﻜﻢ ﻭﺭﺍﺍﻫﺎ
ﻭﻟﻴﺪ : ﻳﺴﺘﺮ ﺍﻟﻠﻪ ﻭﺧﻼﺹ ﻫﻬﻬﻬﻬﻪ ﻛﺎﻥ ﻣﺶ ﺯﻱ ﻫﺎﺩﻳﻜﺎ ﺍﻟﻤﻜﺮﻭﻧﻪ
ﻣﺤﻤﻮﺩ : ﻭﺍﺍﺍﻙ ﻣﺎﺗﻨﺴﺎﺵ ﺍﻧﺖ
ﻭﻟﻴﺪ : ﻫﻬﻬﻬﻪ ﺍﻟﻲ ﻳﻮﺟﻌﻠﻲ ﺑﻄﻨﻲ ﻣﺎﻧﻨﺴﺎﺷﻲ
ﻣﺤﻤﻮﺩ : ﺗﻌﺮﻑ ﺗﻤﺪ ﻳﺪﻙ ﻭﺗﺎﻛﻞ ﺗﺸﻮﻑ
ﻭﻟﻴﺪ ﻣﻴﺖ ﺑﺎﻟﻀﺤﻚ ﻭﻣﺴﺘﻤﺮ ﻳﺘﺴﻬﻮﻙ ﻋﻠﻴﻪ
ﻗﻌﺪﻧﺎ ﻧﺎﻛﻠﻮﻭ ﻭﺟﺖ ﻣﺶ ﻋﺎﺩﻳﻪ ﺍﻟﻤﻜﺮﻭﻧﻪ
ﻧﻮﺍﻝ : ﻣﺶ ﻋﺎﺍﺩﻳﻪ ﺍﻟﻤﻜﺮﻭﻧﻪ
ﻣﺤﻤﻮﺩ ﻳﺒﺘﺴﻢ : ﺻﺤﺔ ﺻﺤﺔ
ﻣﺎﻣﺎ : ﺍﻳﻪ ﻭﺍﻟﻠﻪ ﻣﺎﺷﺎﺀ ﺍﻟﻠﻪ ﻳﺴﻠﻤﻮ ﻳﺪﻳﻚ
ﻋﻤﺘﻲ : ﻣﺤﻤﻮﺩ ﻃﺎﻟﻊ ﻟﺒﻮﻩ ﺍﻟﻠﻪ ﻳﺮﺣﻤﻪ ﺣﺘﻰ ﻫﻮ ﻛﺎﻥ ﻓﻲ ﺍﻟﺰﺭﺍﺩﻱ ﺩﻳﻤﺎ ﻳﺤﺐ ﻳﻄﻴﺐ ﺍﻟﻤﻜﺮﻭﻧﻪ ﻭﺍﻻ ﻛﺎﻥ ﺷﻮﺍﺀ ﺍﻟﻠﻪ ﻳﺮﺣﻤﻪ ﻭﻳﺴﺎﻣﺤﻪ ، ﻭﺗﻨﻬﺪﺕ
ﺍﺣﻨﻲ : ﺍﻟﻠﻪ ﻳﺮﺣﻤﻪ
ﻛﻠﻴﻨﺎ ﺍﻟﻤﻜﺮﻭﻧﻪ ﻭﺍﺣﻨﻲ ﻧﻬﺪﺭﺯﻭ ﻭﺟﻮﻧﺎ ﺣﻠﻮ ، ﻟﺤﺪ ﻣﺎﺭﻥ ﺗﻠﻴﻔﻮﻥ ﻣﺤﻤﻮﺩ ﻭﻧﺎﺽ ﻭﺑﻌﺪ ﻭﻗﻌﺪ ﻳﺘﻜﻠﻢ ﻭﻭﺍﺿﺢ ﺍﻧﻪ ﺭﺍﻋﺶ
ﻣﺤﻤﻮﺩ : ﺍﻧﻲ ﺑﻨﺮﻭﻭﺡ ﺗﻮﺍ
ﻭﻟﻴﺪ : ﺧﻴﺮﻙ ﺷﻦ ﺻﺎﻳﺮ
ﻣﺤﻤﻮﺩ : ﺻﺎﺣﺒﻲ ﺩﺍﻳﺮ ﺣﺎﺩﺙ ﻭﻓﻲ ﺍﻟﻤﺴﺘﺸﻔﻰ ﺗﻮﺍ ﻛﻠﻤﻮﻧﻲ ﺍﻟﺸﺒﺎﺏ
ﻋﻤﺘﻲ : ﺗﻮﺍ ﺑﺘﺮﻭﺡ ﻓﻲ ﻫﺎﻟﻠﻴﻞ ﺍﻗﻌﺪ ﻏﺪﻭﺓ ﺍﻟﺼﺒﺢ ﺳﺎﻫﻞ
ﻣﺤﻤﻮﺩ : ﻻﻻ ﻻﺯﻡ ﻧﻤﺸﻲ ﺗﻮﺍ ﻣﺴﺘﺤﻴﻞ ﻧﺼﺒﺮ ﻟﻐﺪﻭﺓ
ﻋﻤﺘﻲ : ﺍﻟﻠﻪ ﻳﺮﺑﺤﻚ ﻓﻜﻨﺎ ﻣﻦ ﺍﻟﺮﻋﺎﻳﺶ ﻓﻲ ﻫﺎﻟﻠﻴﻞ ﻭﺍﻟﻄﺮﻳﻖ ﻃﻮﻳﻠﺔ ﻣﺶ ﻣﺴﺘﻐﻨﻴﻪ ﻋﻠﻴﻚ ﺍﻧﻲ ﺍﻟﻲ ﻓﻴﺎ ﺳﺎﺩﻧﻲ ﻗﻌﻤﺰ ﻓﻲ ﻣﻜﺎﻧﻚ
ﻭﻟﻴﺪ : ﺧﻼﺹ ﻗﻌﻤﺰ ﻳﺎﺭﺍﺟﻞ ﺗﻄﻤﻦ ﺑﺎﻟﺘﻠﻴﻔﻮﻥ ﻭﻏﺪﻭﺓ ﺭﻭﺡ
ﻣﺤﻤﻮﺩ : ﻳﺎﺍﺍﻣﻲ ﺧﻠﻴﻨﻲ ﻧﻤﺸﻲ ﺗﻮ ﺍﻧﻲ ﻣﺶ ﻋﻴﻞ ﺻﻐﻴﺮ ﻣﺎﻧﻘﺪﺭﺵ ﻧﺨﻠﻲ ﺻﺎﺣﺒﻲ ﻓﻲ ﺍﻟﻤﺴﺘﺸﻔﻰ ﻭﺍﻧﻲ ﻣﻘﻌﻤﺰ ﺍﻫﻨﻲ ﻓﻲ ﺍﻟﺒﺤﺮ
ﻋﻤﺘﻲ : ﻟﻮ ﺗﺒﻲ ﺭﺿﺎﻱ ﺗﻘﻌﻤﺰ ﻭﻣﻦ ﺍﻟﻔﺠﺮ ﺍﻃﻠﻊ
ﻣﺤﻤﻮﺩ : ﺍﺳﺘﻐﻔﺮ ﺍﻟﻠﻪ ﻭﺍﺗﻮﺏ ﺍﻟﻴﻪ ، ﻭﻗﻌﻤﺰ ﻉ ﺍﻟﻜﺮﺳﻲ ﺑﻌﺼﺒﻴﻪ ﻭﻗﻌﺪ ﻳﻬﺰ ﺑﺮﺟﻠﻪ ﻭﺑﻌﺪﻫﺎ ﻧﺎﺽ ﻭﻗﻌﻤﺰ ﻓﻲ ﻛﺮﺳﻲ ﺑﻌﻴﺪ ﻭﻣﻌﺼﺐ ﻭﻧﺸﻮﻓﻮ ﻓﻴﻪ ﻛﻞ ﺷﻮﻳﺔ ﻳﺘﻜﻠﻢ ﺑﺎﻟﺘﻠﻴﻔﻮﻥ
ﺍﺣﻨﻲ ﻗﻌﺪﻧﺎ ﺳﺎﻛﺘﻴﻦ ﻻﻥ ﺍﻟﺠﻮ ﺍﻧﺸﺤﻦ
ﻧﻮﺍﻝ ﻗﻌﺪﺕ ﺗﺸﻮﻑ ﻟﻤﺤﻤﻮﺩ ﻣﻦ ﺑﻌﻴﺪ ﻭﻛﺎﻥ ﺗﻠﻘﻰ ﺗﻨﻮﺽ ﺗﻘﻌﻤﺰ ﺟﻨﺒﻪ ﻭﺗﻬﺪﻳﻪ ﻟﻜﻦ ﻣﺶ ﻗﺎﺩﺭﻩ
ﺍﻣﺎ ﻋﻤﺘﻲ ﻓﻘﺪﺕ ﺗﺸﻮﻓﻠﻪ ﻭﻣﺎﺗﺒﻴﺶ ﻳﻀﺎﻳﻖ ﻫﻜﻲ ﻟﻜﻦ ﻫﻲ ﺧﺎﻳﻔﻪ ﻋﻠﻴﻪ
ﻓﺠﺄﺓ ﻳﻨﻮﺽ ﻣﺤﻤﻮﺩ ﺍﻟﻲ ﻛﻨﺎ ﻧﺮﺍﻗﺒﻮ ﻓﻴﻪ ﻛﻠﻨﺎ ﻭﻳﺘﻘﺪﻡ ﺑﺨﻄﻮﺍﺕ ﺳﺮﻳﻌﻪ
ﻣﺤﻤﻮﺩ ﻳﻮﻗﻒ ﻗﺪﺍﻡ ﻋﻤﺘﻲ : ﺍﻧﻲ ﻣﺎﺷﻲ ﻳﺎﺍﻣﻲ ﻭﺍﻟﻠﻪ ﻣﺎﺍﻧﻲ ﻗﺎﻋﺪ ﺩﻗﻴﻘﻪ ﺗﺎﻧﻴﻪ ﻭﻣﺎﺗﻌﺎﺭﺿﻴﺶ ﺣﺎﻟﺘﻪ ﺧﻄﻴﺮﺓ ﻭﻳﺒﻮ ﻣﺘﺒﺮﻉ ﺩﻡ ﻳﻤﻜﻦ ﻓﺼﻴﻠﺘﻲ ﺯﻱ ﻓﺼﻴﻠﺘﻪ
ﻋﻤﺘﻲ ﺑﻴﺄﺱ : ﺑﺎﻩ ﺍﻟﻲ ﻳﺮﻳﺤﻚ ﺩﻳﺮ ﺑﺎﻟﻚ ﻣﻦ ﺍﻟﻄﺮﻳﻖ
ﻣﺤﻤﻮﺩ ﻳﻠﻒ ﻭﻳﻤﺸﻲ ﺑﺴﺮﻋﻪ ﺟﻬﺔ ﺩﺍﺭﻩ ﺍﺧﺪﻱ ﻣﻔﺎﺗﻴﺤﻪ ﻭﺣﻮﺍﻳﺠﻪ ﻉ ﺍﻟﺴﺮﻳﻊ ﻭﺍﻣﺸﻲ ﻋﻠﻲ ﻃﻮﻝ
ﻋﻤﺘﻲ : ﻣﺎﺗﺠﺮﻳﺶ ﺍﻟﻠﻪ ﻳﺮﺑﺤﻚ
ﻧﻮﺍﻝ ﺍﻭﻝ ﻣﺎﺍﻣﺸﻲ ﻧﺎﺿﺖ ﺧﺸﺖ ﻟﻠﺪﺍﺭ ﻭﺍﺗﺼﻠﺖ ﺑﻴﻪ
ﻣﺤﻤﻮﺩ : ﻧﻌﻢ
ﻧﻮﺍﻝ : ﺭﺩ ﺑﺎﻟﻚ ﻣﻦ ﺍﻟﻄﺮﻳﻖ ﺑﺎﻫﻲ ﻣﺎﺗﺠﺮﻳﺶ
ﻣﺤﻤﻮﺩ : ﺑﺎﻫﻲ ﺍﻥ ﺷﺎﺀ ﺍﻟﻠﻪ
ﺳﻜﺮﺕ ﻧﻮﺍﻝ ﻭﻭﻟﺖ ﻗﻌﻤﺰﺕ ﺟﻨﺒﻨﺎ
ﺑﻌﺪ ﺣﻮﺍﻟﻲ ﻧﺺ ﺳﺎﻋﻪ
ﻋﻤﺘﻲ : ﺗﺮﺍ ﺷﻮﻑ ﺧﻮﻙ
ﻭﻟﻴﺪ ﻳﻘﻴﻢ ﺍﻟﺘﻠﻴﻔﻮﻥ : ﻣﺎﺍﻋﺘﻘﺪﺵ ﻭﺻﻞ ﻣﺰﺍﻝ
ﻋﻤﺘﻲ : ﻋﺎﺭﻓﻪ ﻟﻜﻦ ﺗﻄﻤﻦ ﻋﻠﻴﻪ ﺑﺲ
، ﻭﺍﺗﺼﻞ
ﻭﻟﻴﺪ : ﺍﻳﻮﻩ ﻳﺎﻣﺤﻤﻮﺩ ﺷﻦ ﻗﺎﻋﺪ ﻓﻲ ﺍﻟﻄﺮﻳﻖ
ﻣﺤﻤﻮﺩ : ﺍﻫﻮ ﻛﻴﻒ ﻭﺻﻠﺖ ﻗﺪﺍﻡ ﺍﻟﻤﺴﺘﺸﻔﻰ
ﻭﻟﻴﺪ ﺳﻜﺮ : ﻭﺻﻞ
ﻋﻤﺘﻲ : ﻳﺠﺮﻱ ﺍﻛﻴﺪ ﺍﻟﻮﻟﺪ ﻫﺬﺍ ﺑﻴﻬﺒﻠﻨﻲ
ﻭﻟﻴﺪ : ﻣﺎﺗﺪﻭﺭﻳﺸﻲ ﻳﺎﺍﻣﻲ ﺧﻠﻴﻪ
ﻋﻤﺘﻲ : ﺑﺎﻫﻲ ﺍﻧﻲ ﺑﻨﻮﺽ ﻧﺮﻗﺪ ﻫﻲ ﺗﺼﺒﺤﻮ ﻉ ﺧﻴﺮ
ﺍﺣﻨﻲ : ﻭﺍﻧﺘﻲ ﺑﺨﻴﺮ
ﻣﺎﻣﺎ : ﺍﻳﻪ ﻭﺍﻟﻠﻪ ﺣﺘﻰ ﺗﺎﻋﺒﻪ ﺗﺼﺒﺤﻮ ﻉ ﺧﻴﺮ
ﻭﺑﻌﺪﻫﺎ ﺧﺸﻮ ﻛﻠﻬﻢ ﻗﻌﺪﺕ ﺍﻧﻲ ﻭﻭﻟﻴﺪ ﺑﺲ
ﻭﻟﻴﺪ ﻗﻌﻤﺰ ﻓﻲ ﺍﻟﻜﺮﺳﻲ ﺍﻟﻲ ﺟﻨﺒﻲ : ﻧﺨﺸﻮ ﻧﺮﻗﺪﻭ ﺣﺘﻰ ﺍﺣﻨﻲ
ﺍﻧﻲ ﺍﺑﺘﺴﻤﺖ : ﺧﻠﻴﻨﺎ ﻧﺘﻤﺸﻮ ﻣﺰﺍﻝ ﻭﻗﺖ ﺍﻟﻨﻮﻡ ﻧﻌﺴﺎﻥ ﺍﻧﺖ ؟
ﻭﻟﻴﺪ : ﻻﻻ ﻏﻴﺮ ﻣﺴﺘﺎﺣﺸﻪ ﺭﻗﺪﺗﻚ ﻓﻲ ﺣﻀﻨﻲ ﺑﺲ
ﺍﻧﻲ ﺍﺑﺘﺴﻤﺘﻠﻪ : ﻧﺤﺒﻚ
ﻭﻧﻀﻨﺎ ﻗﻌﺪﻧﺎ ﻧﺘﻤﺸﻮ ﻉ ﺍﻟﺸﻂ ﻭﻳﺪﻳﻨﺎ ﻓﻲ ﻳﺪﻳﻦ ﺑﻌﺾ ﻭﻧﻬﺪﺭﺯﻭ
ﺍﻧﻲ : ﺧﻠﻲ ﻧﺨﺶ ﻟﻠﺪﺍﺭ ﻧﺠﻴﺐ ﻣﻼﺑﺴﻲ ﻭﻧﻠﺤﻘﻚ
ﻭﻟﻴﺪ : ﺧﻼﺹ ﻧﺮﺍﺟﻲ ﻓﻴﻚ ، ﻯﺒﺎﺳﻨﻲ ﻋﻠﻲ ﺧﺪﻱ ﻭﺍﻣﺸﻲ
ﺍﻧﻲ ﺧﺪﻳﺖ ﻣﻼﺑﺴﻲ ﻭﺷﻨﻄﺘﻲ ﻭﻃﻠﻌﺖ ﺍﻣﺸﻴﺖ ﻟﺪﺍﺭ ﻭﻟﻴﺪ ﺧﺸﻴﺖ ﻭﺳﻜﺮﺕ ﺍﻟﺒﺎﺏ
ﻭﻟﻴﺪ ﺍﻭﻝ ﻣﺎﺧﺸﻴﺖ ﺍﺣﻀﻨﻲ : ﺍﺳﺘﺎﺣﺸﺘﻚ
ﺍﻧﻲ ﺧﺸﻴﺖ ﻓﻲ ﺣﻀﻨﻪ ﺍﻛﺜﺮ ﻭﻗﻤﺖ ﺭﺍﺳﻲ ﻭﺧﻠﻴﺖ ﻋﻴﻨﻲ ﻓﻲ ﻋﻴﻨﻪ : ﻗﺪﺍﺵ ﻫﻜﻲ ﺍﺳﺘﺎﺣﺸﺘﻨﻲ
ﻭﻟﻴﺪ : ﺗﺒﻲ ﺗﻌﺮﻓﻲ ﻗﺪﺍﺵ
ﺍﻧﻲ ﺍﺑﺘﺴﻤﺖ : ﺍﻳﻪ
ﻭﻟﻴﺪ : ﺑﺎﻫﻲ ، ﻭﻗﺎﻣﻨﻲ
ﺍﻧﻲ : ﻫﻬﻬﻪ ﻭﻟﻴﺪ ﻳﺎﻣﺤﻨﻮﻥ
ﻭﻭﻭﻭﻭﻭ
( ﺟﺰﺀ ﻣﻦ ﺍﻟﻨﺺ ﻣﻔﻘﻮﺩ ﻣﺶ ﺷﻮﺭﻛﻢ ﺍﻟﺒﺎﻗﻲ ﻫﻬﻬﻪ )
،،،،،،،،
ﺑﻌﺪ ﺍﺫﺍﻥ ﺍﻟﻔﺠﺮ ﺑﺎﻟﺰﺑﻂ ﻭﺍﻟﻀﻲ ﻛﻴﻒ ﺑﺪﻱ ﻳﻄﻠﻊ ﻧﺎﺿﺖ ﻧﺮﺟﺲ ﻭﻃﻠﻌﺖ ﻭﻗﻌﺪﺕ ﺗﺘﻤﺸﻰ ﻉ ﺍﻟﺸﻂ ﻭﺑﻌﺪﻫﺎ ﺍﻣﺸﺖ ﻟﻠﻤﻜﺎﻥ ﺍﻟﻲ ﺷﺎﻓﺖ ﻓﻴﻪ ﺣﺴﻦ ﺍﻭﻝ ﻣﺮﺓ ﻭﻗﻌﻤﺰﺕ ﻏﺎﺩﻱ ﻭﻫﻲ ﺣﺎﻃﺔ ﺳﻤﺎﻋﺎﺗﻬﺎ ﻓﻲ ﻭﺩﺍﻧﻬﺎ ﻭﻛﺎﻥ ﺍﻟﺠﻮ ﺣﻠﻮ ﻭﻫﺎﺩﻱﺀ ﻭﻛﺎﻧﺖ ﻓﻲ ﻧﺴﻤﻪ ﺧﻔﻴﻔﻪ
ﻣﻊ ﺍﻟﺘﺴﻌﻪ ﻧﻀﻨﺎ ﺍﺣﻨﻲ ﻭﻓﻄﺮﻧﺎ ﻭﺧﺸﻴﺖ ﺍﻧﻲ ﻭﻭﻟﻴﺪ ﻧﻌﻮﻣﻮ ﻛﺎﻥ ﻣﺶ ﺯﺣﻤﺔ ﻫﻠﺒﺎ ﻭﻣﺸﻴﻨﺎ ﺍﻟﺠﻮ ﺣﻠﻮ ، ﻃﻠﻌﻨﺎ ﺍﻟﻈﻬﺮ ﻭﻗﻌﺪ ﻭﻟﻴﺪ ﻳﻮﺗﻲ ﺑﻴﺸﻮﻱ ﻭﺍﻧﻲ ﻣﻘﻌﻤﺰﻩ ﺟﻨﺒﻪ، ﻟﺤﺪ ﻣﺎﺭﻥ ﻓﻮﻧﻪ
ﻭﻟﻴﺪ : ﺍﻳﻮﻩ ،، ﺍﻳﻪ ﺗﺰﺑﻄﻪ ﻭﺍﻻ، ﺑﺎﻩ ﺗﻢ ﺗﻌﺎﻟﻮ ، ﻣﺎﺷﻲ ﺳﻼﻡ
ﺍﻧﻲ : ﻣﻦ ﺑﻴﺠﻲ
ﻭﻟﻴﺪ : ﻋﻤﺎﺩ ﻫﺪﺍ ﺑﻴﺠﻴﺐ ﻣﻨﻰ ﻗﻠﺘﻠﻪ ﺗﻌﺎﻟﻰ
ﺍﻧﻲ : ﺍﻫﺎ ﻛﻮﻳﺲ ، ﺗﺬﻛﺮ ﺣﺒﻴﺒﻲ ﺍﻭﻝ ﻣﺮﺓ ﺗﻼﻗﻴﻨﺎ ﻓﻴﻬﺎ ﻛﺎﻧﺖ ﻓﻲ ﺍﻟﺒﺤﺮ
ﻭﻟﻴﺪ : ﻣﻌﻘﻮﻟﻪ ﻧﻨﺴﻰ
ﺍﻧﻲ : ﺍﺣﻠﻰ ﺫﻛﺮﻯ ، ﻭﺷﺪﻳﺖ ﻳﺪﻩ ﺑﻘﻮﺓ
ﻭﻟﻴﺪ ﺗﻠﻔﺘﻠﻲ ﻭﺑﺎﺍﺳﺘﻐﺮﺍﺏ : ﺧﻴﺮﻙ
ﺍﻧﻲ : ﺧﺎﻳﻔﻪ ﺗﺴﻴﺒﻨﻲ ﺛﺎﻧﻲ ﻣﺎﻋﻨﺪﻳﺶ ﻗﺪﺭﺓ ﻧﻔﻘﺪﻙ ﺗﺎﻧﻲ
ﻭﻟﻴﺪ ﺣﻂ ﺍﻟﻲ ﺷﻮﻛﺔ ﺍﻟﻲ ﻛﺎﻥ ﻣﺎﺳﻜﻬﺎ ﺑﻴﺪﻩ ﺍﻟﺜﺎﻧﻴﻪ ﻭﺣﻄﻬﺎ ﻓﻮﻕ ﻳﺪﻱ ﻭﻗﺮﺏ ﻭﺟﻬﻪ ﻣﻦ ﻭﺟﻬﻲ : ﺍﻧﻲ ﻣﺴﺘﺤﻴﻞ ﻧﺴﻴﺒﻚ ﻻﺍﺧﺮ ﻳﻮﻡ ﺑﻌﻤﺮﻱ ، ﻭﻗﺎﻡ ﻳﺪﻩ ﻭﺣﻄﻬﺎ ﻋﻠﻲ ﺧﺪﻱ ، ﻭﻗﻌﺪﻧﺎ ﻧﺸﻮﻓﻮ ﻟﻌﻴﻮﻥ ﺑﻌﺾ
<< ﺍﺧﺎﻑ ﻓﻘﺪﺍﻧﻚ ﻳﺎﺳﻨﺪﻱ ﻓﻠﻴﺲ ﻟﻲ ﻏﻴﺮﻙ ﺑﻌﺪ ﺍﻟﻠﻪ ، ﺍﻧﺖ ﺣﺒﻴﺒﻲ ﻭﺣﻴﺎﺗﻲ ﺯﻭﺟﻲ ﻭﻛﻞ ﺷﻲ ﺑﺎﻟﻨﺴﺒﺔ ﻟﻲ ، ﺍﺣﺒﻚ ﺑﻌﺪﺩ ﻧﺒﻀﺎﺕ ﻗﻠﺒﻲ ، ﺍﺣﺒﻚ ﺑﺤﺠﻢ ﻳﺘﻴﻢ ﻳﺤﺘﺎﺝ ﻟﻮﺍﻟﺪﻩ ، ﺍﺣﺒﻚ ﺑﺤﺠﻢ ﺍﺣﺘﻴﺎﺝ ﺍﻣﺮﺃﺓ ﺗﺘﺄﻟﻢ ﻣﻦ ﺷﺪﻩ ﺍﻻﻟﻢ ﻟﺪﻭﺍﺀ ﻳﺨﻔﻒ ﺃﻟﻤﻬﺎ ، ﺍﺣﺒﻚ ﺑﺤﺠﻢ ﺩﻣﻮﻉ ﺍﺭﻣﻠﺔ ﻓﻘﺪﺕ ﺳﻨﺪ ﺍﻃﻔﺎﻟﻬﺎ >>
،،،،،،
ﺷﻮﻳﻨﺎ ﻭﺗﻐﺪﻳﻨﺎ ﻭﻛﻤﻠﻨﺎ ﺟﻮﻧﺎ ﺑﻀﺤﻜﺔ ﻭﻟﻌﺒﻪ ﻟﺤﺪ ﻣﺎﺟﺖ ﻣﻨﻰ ﺳﻠﻤﻨﺎ ﻋﻠﻴﻬﺎ ﻭﻗﻌﻤﺰﻧﺎ
ﻣﻨﻰ : ﻭﻟﻴﺪ ﺭﺍﻫﻮ ﻣﺎﺳﻠﻤﺘﺶ ﻋﻠﻲ ﻣﺮﺕ ﺧﺎﻟﻮ
ﺍﻧﻲ : ﺍﻳﻪ ﺭﺍﻫﻮ ﻣﺎﺳﻠﻤﺘﺶ ﻋﻠﻴﺎ ﺯﻋﻠﺖ ﻣﻨﻚ ﺍﻧﻲ
ﻭﻟﻴﺪ ﻳﺴﻠﻢ ﻋﻠﻴﺎ : ﻻﻻ ﻭﺍﻟﻠﻪ ﻧﺴﻴﺖ ﻣﺎﺗﺰﺣﻠﻴﺶ ﺣﻼﺹ
ﺍﻧﻲ ﺑﺴﺘﻪ : ﻫﻬﻬﻬﻪ ﺑﺎﻩ ﺧﻼﺹ ﻣﺶ ﺯﻋﻼﻧﻪ
ﻭﻟﻴﺪ ﺣﺒﻴﺒﻲ : ﻭﻟﻴﺪ ﺗﻌﺎﺍﺍﻝ ﻫﻨﺎ
ﻭﻟﻴﺪ ﺟﺎﻩ : ﻧﻌﻢ
ﻭﻟﻴﺪ ﺣﺒﻴﺒﻲ : ﺧﻴﺮﻙ ﻣﺎﺗﺴﻠﻤﺶ
ﻭﻟﻴﺪ : ﻳﻴﻴﻲ ﺍﻧﺘﻮ ﻫﻠﺒﺎ ﻧﻨﺴﻰ ﺍﻧﻲ
ﺍﻧﻲ : ﻫﻬﻬﻬﻪ ﺣﺘﻰ ﺍﻧﻲ ﻗﺎﻟﻲ ﻧﺴﻴﺖ
ﻭﻗﻌﺪﻧﺎ ﻧﻬﺪﺭﺯﻭ
ﺍﻣﺎ ﻧﻮﺭﺱ ﻓﻤﻦ ﺍﻣﺲ ﻣﻦ ﻟﻤﺎ ﺳﻜﺮﺕ ﻋﻠﻲ ﻋﺪﻧﺎﻥ ﻣﻌﺎﺵ ﻛﻠﻤﺎﺗﻪ ﺍﺳﺘﻐﻠﺖ ﺍﻧﻪ ﺍﺣﻨﻲ ﻻﻫﻴﻴﻦ ﻧﻬﺪﺭﺯﻭ ﻧﺎﺿﺖ ﻟﻠﺪﺍﺭ ﻭﺳﻜﺮﺗﻬﺎ ﻋﻠﻴﻬﺎ ﻭﺍﺗﺼﻠﺖ ﺑﻴﻪ
ﻧﻮﺭﺱ : ﺍﻟﻮ
ﻋﺪﻧﺎﻥ ﺑﺼﻮﺕ ﻭﺍﺣﺪ ﻣﺘﻜﻨﻄﻲ : ﺍﻳﻮﺍ
ﻧﻮﺭﺱ : ﻋﺎﺭﻓﺎﺗﻚ ﺯﻋﻼﻥ ﻟﻜﻦ ﻭﺍﻟﻠﻪ ﻣﺶ ﺑﻴﺪﻱ ﺍﻧﻲ ﻳﻌﻨﻲ ﻣﺎﻓﻀﻴﺘﺶ
ﻋﺪﻧﺎﻥ : ﺍﻫﺎ ﻣﺎﻓﻀﻴﺘﻴﺶ ﺗﻤﺎﻡ
ﻧﻮﺭﺱ : ﻋﺪﻧﺎﻥ ﻗﺼﺪﻱ ﺑﻼﺵ ﺯﻋﻞ ﻗﺼﺪﻱ ﻣﺎﺣﺼﻠﺘﺶ ﻓﺮﺻﻪ ﻧﻜﻠﻤﻚ
ﻋﺪﻧﺎﻥ : ﺍﻫﺎ ﻣﺎﻗﺪﺭﺗﻴﺶ ﺗﻜﻠﻤﻴﻨﻲ ﺑﺎﻫﻲ ﻣﺎﻗﺪﺭﺗﻴﺶ ﻳﻌﻨﻲ ﺗﻌﻄﻲ ﻟﻌﺪﻧﺎﻥ ﺷﻮﻳﺔ ﻣﻦ ﻭﻗﺘﻚ
ﻧﻮﺭﺱ : ﺍﻭﻭﻑ ﻳﺎﻋﺪﻧﺎﻥ
ﻋﺪﻧﺎﻥ : ﺯﻳﺪﻱ ﻳﺎﻧﻮﺭﺱ ﺯﻳﺪﻱ
ﻧﻮﺭﺱ : ﻗﺼﺪﻱ ﻛﻮﻥ ﻣﺘﻔﺎﻫﻢ ﺷﻮﻳﺔ
ﻋﺪﻧﺎﻥ : ﺍﻫﺎ ﺻﺢ ﺑﺎﻟﻀﺒﻂ ﻣﺶ ﻣﺘﻔﺎﻫﻢ ﺍﻧﻲ ﻻﻥ ﺣﺒﻴﺒﺘﻲ ﻣﺶ ﻓﺎﺿﻴﺘﻠﻲ ﻋﻨﺪﻙ ﺣﻖ ﻣﺶ ﻣﺘﻔﺎﻫﻢ ﺑﺎﻟﻀﺒﻂ
ﻧﻮﺭﺱ : ﻣﺎﺗﻜﺒﺮﺵ ﺍﻟﻤﻮﺿﻮﻉ ﻋﻠﻲ ﻻ ﺷﻲ
ﻋﺪﻧﺎﻥ : ﻛﺜﺮﻱ ﻭﺯﻳﺪﻱ ﻳﺎﻧﻮﺭﺱ ﻛﺜﺮﻱ ﻭﺯﻳﺪﻱ
ﻧﻮﺭﺱ : ﺍﻭﻭﻭﻑ ﻳﺎﺍﺍﻋﺪﻧﺎﻥ ﺷﻦ ﻧﻜﺜﺮ ﻭﻧﺰﻳﺪ ﺑﺎﻩ ﺍﻧﻲ ﻣﺎﻗﺪﺭﺗﺶ ﻧﻜﻠﻤﻚ ﻣﺎﺑﻴﺪﻱ ﺷﻲ ﺍﻧﺖ ﻋﺎﺭﻑ ﺍﻥ ﺍﺣﻨﻲ ﻋﻴﻠﻪ ﺟﺎﻳﻴﻦ ﻳﻌﻨﻲ ﻣﺎﺣﺼﻠﺘﺶ ﻓﺮﺻﻪ ﻧﻘﻌﺪ ﺑﺮﻭﺣﻲ
ﻋﺪﻧﺎﻥ : ﺑﻨﻌﺎﻭﺩﻫﺎ ﺗﺎﻧﻲ ﻭﺑﻨﻘﻮﻝ ﺍﻧﻪ ﻓﻲ ﺍﺧﺘﺮﺍﻉ ﺍﺳﻤﻬﺎ ﺭﺳﺎﻳﻞ ﺍﺑﻌﺘﻲ ﻭﺍﻻ ﺣﺘﻰ ﺍﻟﺮﺳﺎﻳﻞ ﻣﺎﺣﺼﻠﺘﻴﻠﻬﺎﺵ ﻭﻗﺖ ، ﻭﻳﺎﺭﻳﺖ ﺟﻴﺘﻲ ﻭﻗﻠﺘﻲ ﻋﻨﺪﻙ ﺣﻖ ﻻﻻ ﺟﺎﻳﻪ ﻭﺣﺎﻃﺔ ﺍﻟﻠﻮﻡ ﻋﻠﻴﺎ ﻭﺩﺍﻳﺮﺗﻴﻨﻲ ﻣﺶ ﻣﺘﻔﺎﻫﻢ ، ﺍﻣﺲ ﺳﻜﺮﺗﻲ ﻭﻗﻠﺘﻲ ﺷﻮﻳﻪ ﻭﻧﻜﻠﻤﻚ ﻭﻣﺎﺻﺎﺭﺵ ﻣﻨﻬﺎ ﺍﻟﺸﻮﻳﺔ ﺍﺧﺘﻔﻴﺘﻲ ﻣﺮﺓ ﻭﺣﺪﺓ
ﻧﻮﺭﺱ : ﻧﺴﻴﺒﺔ ﻣﺮﺿﺖ ﺑﻌﺪﻫﺎ ﻧﺴﻴﺖ
ﻋﺪﻧﺎﻥ : ﻛﻞ ﻣﺎﺗﺘﻜﻠﻤﻲ ﺗﻐﺮﻗﻲ ﺗﺴﻜﺘﻲ ﺧﻴﺮ
ﻧﻮﺭﺱ ﺍﺗﻜﻨﻄﺖ : ﺑﺎﻩ ﺍﻧﻲ ﺑﻨﺴﻜﺮ
ﻋﺪﻧﺎﻥ : ﻣﻊ ﺍﻟﺴﻼﻣﻪ ، ﻃﻮﻁ ﻃﻮﻁ
ﻧﻮﺭﺱ : ﺍﻭﻭﻭﻑ ﺍﻭﻭﻑ ﺍﻭﻑ
ﻃﻠﻌﺖ ﻗﻌﻤﺰﺕ ﺟﻨﺒﻨﺎ ﻭﻫﻲ ﻭﺍﺿﺢ ﻋﻠﻲ ﻣﻼﻣﺤﻬﺎ ﺟﻮﻫﺎ ﻣﺶ ﻣﻠﻴﺢ
ﻭﻭﻭﻭﻭﻭ
# ﻳﺘﺒﻊ
BẠN ĐANG ĐỌC
ﺳﻨﺪ ﺍﻻﻧﺜﻰ ﺭﺟﻞ shosho_shosho
Lãng mạnرواية غروباية مميزة بقلم الكاتبة #شوشوshosho_shosho > " ﺳﻨﺪ ﺍﻷﻧﺜﻰ ﺭﺟﻞ "
