ﺳﻨﺪ ﺍﻻﻧﺜﻰ ﺭﺟﻞ shosho_shosho

المقدمة

# ﺍﻟﻤﻘﺪﻣﺔ
ﻧﺴﻴﺒﺔ : ﺻﺒﺎﺡ ﺍﻟﺨﻴﺮ ﻣﺎﻣﺎ
ﻧﺎﺩﻳﺔ : ﺻﺒﺎﺡ ﺍﻟﻨﻮﺭ ﺗﺒﻲ ﺗﻔﻄﺮﻱ
ﻧﺴﻴﺒﺔ : ﻻﻻ ﺗﻮ ﻧﺎﺧﺪ ﺷﻜﻼﺗﻪ ﻧﺎﻛﻠﻬﺎ ﺣﺘﻰ ﻓﻲ ﺍﻟﺴﻴﺎﺭﺓ ﻫﻲ ﺳﻼﻡ
ﻃﻠﻌﺖ ﺭﻛﺒﺖ ﺳﻴﺎﺭﺓ ﻭﺍﻧﻲ ﺣﺎﺳﺔ ﺍﻧﻲ ﺍﻟﻴﻮﻭﻡ ﺟﻮﻭﻱ ﻣﺶ ﻣﻠﻴﺢ ﺑﻜﻞ ﻓﺘﺤﺖ ﻗﺮﺃﻥ ﻭﺗﻮﻛﻠﺖ ﻋﻠﻲ ﺍﻟﻠﻪ ﻟﻔﻴﺖ ﺑﺎﻟﺴﻴﺎﺭﺓ ﻭﺍﺧﺪﻳﺖ ﻃﺮﻳﻘﻲ ﻟﻠﺠﺎﻣﻌﻪ
‏( ﺧﻠﻮﻭﻧﻲ ﻧﻌﺮﻓﻜﻢ ﺑﺎﺍﺑﻄﺎﻝ ﻗﺼﺘﻨﺎ ﻧﺴﻴﺒﺔ : ﻣﻮﺍﻟﻴﺪ 93 ﺗﻘﺮﺍ ﺗﺎﻧﻴﻪ ﺟﺎﻣﻌﻪ ﺗﺨﺼﺺ ﻗﺎﻧﻮﻥ ﻃﻮﻳﻠﺔ ﻭﺑﻴﻀﺎ ﺷﻌﺮﻫﺎ ﻃﻮﻳﻞ ﻭﻛﻴﺮﻟﻲ ﻋﻴﻮﻧﻪ ﻛﺒﺎﺭ ﻟﻮﻧﻬﻢ ﻋﺴﻠﻲ ﺟﺬﺍﺑﺎﺕ ﻭﺟﻤﻴﻠﺔ
ﺍﻻﻡ : ﻧﺎﺩﻳﻪ ﻣﻮﺍﻟﻴﺪ 73
ﺍﻻﺏ : ﻣﺘﻮﻓﻲ
ﻋﻨﺪﻫﺎ ﺗﻼﺗﻪ ﺍﺧﻮﺍﺕ ﻭﻣﺎﻋﻨﺪﻫﺎﺵ ﺧﻮﺕ
ﻧﻮﺭﺱ ﻣﻮﺍﻟﻴﺪ 96 ﺗﻘﺮﺍ ﺗﺎﻟﺘﻪ ﺗﺎﻧﻮﻱ ﻋﻴﻮﻧﻬﺎ ﺧﻀﺮ ﻭﺷﻌﺮﻫﺎ ﻧﻌﻢ ﻭﻗﺼﻴﺮ ﻳﻘﻮﻟﻮﻟﻬﺎ ﺍﻧﻬﺎ ﻣﻐﺮﻭﺭﺓ ﺑﺲ ﻫﻲ ﻫﺎﺩﻳﺔ ﻭﻣﺎﺗﺘﻜﻠﻤﺶ ﻫﻠﺒﺎ ﻭﻣﺎﺗﺤﺒﺶ ﺗﺤﻜﻲ ﻣﻊ ﺍﻟﻲ ﻣﺎﺗﻌﺮﻓﻬﻤﺶ
ﻧﻮﺍﻝ ﻭﻧﺮﺟﺲ ﺗﻮﺃﻡ ﻣﻮﺍﻟﻴﺪ 99 ﻳﻘﺮﻭ ﺍﻭﻟﻰ ﺛﺎﻧﻮﻱ ﻣﻊ ﺑﻌﺾ ﺗﻮﺃﻡ ﻣﺨﺘﻠﻒ ﻧﻮﺍﻝ ﺟﻮﻫﺎ ﻣﻠﻴﺢ ﻭﻃﺎﻳﺸﺔ ﺷﻮﻱ ﻣﺎﺗﺤﺒﺶ ﻟﻨﻜﺪ ﺍﻣﺎ ﻧﺮﺟﺲ ﻫﺎﺩﻳﺔ ﻫﻠﺒﺎ ﻭﺭﻗﻴﻘﻪ ﻭﺣﺴﺎﺳﻪ ﻭﻧﻜﺪﻳﺔ ﺯﻱ ﻣﺎﺍﻣﺴﻤﻴﺘﻬﺎ ﻧﻮﺍﻝ ‏)
ﺍﺣﺒﻬﻢ ﻟﻴﻴﺶ ﺧﻠﻮﻭﻧﻲ .. ﻓﻮﻧﻲ ﺭﻥ ﺭﺩﻳﺖ ﻋﻠﻰ ﻃﻮﻝ
ﻫﺎﺟﺮ : ﺍﻟﻮ ﺻﺒﺎﺣﻮﻭ ﻧﻮﺳﻪ
ﺍﻧﻲ : ﺻﺒﺎﺡ ﺍﻟﻨﻮﺭ ﺍﻫﻠﻴﻦ ﻫﺠﻮﺭﺓ
ﻫﺎﺟﺮ : ﻧﻮﺳﺔ ﻃﻠﻌﺘﻲ ﺍﻧﺘﻲ ﻣﻦ ﺍﻟﺤﻮﺵ
...: ﺍﻳﻪ ﻛﻴﻒ ﻃﻠﻌﺖ
..: ﺗﻘﺪﺭﻱ ﺗﺨﻄﻤﻲ ﻋﻠﻴﺎ ﺑﺎﺑﺎ ﺍﻣﺸﻲ ﻟﻠﺨﺪﻣﻪ ﻭﻣﺤﻤﺪ ﻣﺎﺑﺎﺵ ﻳﻨﻮﺿﻠﻲ
ﺍﻧﻲ : ﺧﻼﺹ ﻫﻲ ﻭﺗﻲ ﺭﻭﺣﻚ ﺑﺴﺮﻋﻪ ﺗﻮ ﻧﻤﺮ ﻋﻠﻴﻚ ﺭﺍﺍﻫﻮ ﺗﺎﺧﺮ ﺍﻟﻮﻗﺖ
ﻫﺎﺟﺮ : ﺗﻤﺎﻡ ﺍﻧﻲ ﻭﺍﺗﻴﻪ ﺭﻧﻴﻠﻲ ﻟﻤﺎ ﺗﻮﺻﻠﻲ
..: ﺳﻼﻡ
‏( ﻫﺎﺟﺮ ﺻﺪﻳﻘﻪ ﻧﺴﻴﺒﺔ ﺍﻟﻤﻘﺮﺭﺑﺔ ﻫﻠﺒﺎ ﻣﻦ ﺍﻳﺎﻡ ﺍﻟﺜﺎﻧﻮﻱ ﻣﻊ ﺑﻌﺾ ﻣﻮﺍﻟﻴﺪ 93 ﻧﻔﺲ ﺗﺨﺼﺺ ﻧﺴﻴﺒﺔ ﺟﻤﻴﻠﺔ ﺑﻴﻀﺎ ﻧﻘﺸﻬﺎ ﻉ ﺍﻻﺳﻮﺩ ﻛﺎﻧﺖ ﺗﺤﺐ ﺷﺨﺺ ﺍﺳﻤﻪ ﻣﻮﺳﻰ ﺣﻨﻌﺮﻓﻮ ﻗﺼﺘﻪ ﺑﻌﺪﻳﻦ
ﺍﻣﻬﺎ ﺍﺳﻤﻬﺎ ﻧﻌﻴﻤﺔ ﻃﻴﺒﺔ ﻋﻠﻲ ﺣﺎﻟﻬﺎ ﺍﻻﺏ ﺟﻤﻌﻪ ﻋﻨﺪﻫﺎ ﺍﺥ ﻭﺍﺣﺪ ﺍﺳﻤﻪ ﻣﺤﻤﺪ ﻫﺪﺍ ﻣﻬﺒﻞ ﺑﻨﺎﺕ ﺍﻟﺠﺎﻣﻌﻪ ﻣﻮﺍﻟﻴﺪ 88 ﻣﻌﻴﺪ ﻓﻲ ﺍﻟﺠﺎﻣﻌﻪ ﻣﻌﺮﻭﻑ ﺑﺎﺍﻧﻪ ﻳﺸﺒﻪ ﻛﺮﺳﺘﻴﺎﻧﻮﻭ
ﻭﺍﺧﺖ ﺍﺳﻤﻬﺎ ﺭﻳﻤﺎ ﻣﺘﺰﻭﺟﻪ ﻣﻦ ﺷﻬﺮﻳﻴﻦ ﺑﺲ ‏)
ﻣﺮﻳﺖ ﻋﻠﻲ ﻫﺎﺟﺮ ﻭﺭﻧﻴﺘﻠﻬﺎ ﺭﻛﺒﺖ ﻭﺍﻣﺸﻴﻨﺎ ﻟﻠﺠﺎﻣﻌﻪ ﺩﺭﺳﺖ ﻓﻲ ﺍﻟﺒﺎﺭﻛﻲ ﻭﻧﺰﻟﻨﺎ ﺧﺸﻴﻨﺎ ﻻﻭﻝ ﻣﺤﺎﺿﺮﺓ ﻭﺑﻌﺪﻫﺎ ﻃﻠﻌﻨﺎ
ﻣﺸﻴﻨﺎ ﻟﻠﻜﺎﻓﺘﻴﺮﻳﺎ
ﻫﺎﺟﺮ : ﺗﺒﻲ ﻧﺠﻴﺒﻠﻚ ﺣﺎﺟﻪ
ﺍﻧﻲ : ﻻﻻ ﻣﺎﻋﻨﺪﻳﺶ ﻧﻴﻪ ﻓﻲ ﺷﻲ
ﻫﺎﺟﺮ : ﻧﻮﺳﺔ ﺧﻴﺮﻙ ﻓﻲ ﺣﺎﺟﻪ ﺻﺎﻳﺮﺓ ﺣﺎﺳﻪ ﺟﻮﻙ ﻣﺶ ﺗﻤﺎﻡ ﺍﻟﻴﻮﻡ
ﺍﻧﻲ : ﻋﺎﺩﻱ ﺍﺻﻼ ﻣﺎﻓﻲ ﺷﻲ ﻳﺨﻠﻲ ﺟﻮﻱ ﺣﻠﻮﻭ
ﻫﺎﺟﺮ ﻗﻌﻤﺰﺕ ﻭﺷﺎﻓﺘﻠﻲ ﺑﻨﻈﺮﺓ ﺣﻨﻮﻧﺔ : ﺣﺒﻴﺒﺘﻲ ﺧﻴﺮﻙ ﺍﺣﻜﻲ
ﺍﻧﻲ : ﺍﺳﺘﺎﺣﺸﺖ ﻭﻟﻴﺪ ﺍﺳﺘﺎﺣﺸﺘﻪ ﻳﺎﺍﺍﻫﺎﺟﺮ ﺳﻨﻪ ﻭﺷﻬﺮﻳﻦ ﺍﻟﻴﻮﻡ ﺳﻜﺮ ﺳﻨﻪ ﻭﺷﻬﺮﻳﻦ ﻭﺍﺍﻧﻲ ﻣﺎﻧﻌﺮﻓﺶ ﻫﻞ ﻫﻮ ﺣﻲ ﻋﻠﻲ ﺍﻻﻗﻞ ﺳﻨﻪ ﻭﺷﻬﺮﻳﻦ ﻧﻌﺮﻑ ﺍﻥ ﻓﻴﻬﻢ ﺑﺎﺑﺎ ﻣﺘﻮﻓﻲ ﺑﺲ ﺣﺒﻴﺒﻲ ﻧﻌﺮﻓﺶ ﻋﻠﻴﻪ ﺷﻲ ﺿﻤﻴﻴﺮﻱ ﻛﻞ ﻳﺄﻧﺐ ﻓﻴﺎ ﻫﻮﻭ ﺍﻣﺸﻲ ﻭﻫﻮ ﺯﻋﻼﻥ ﻣﻨﻲ ﻳﺎﺭﻳﺖ ﻳﻮﻟﻲ ﺍﻟﻮﻗﺖ ﺑﺲ ﻧﺘﺎﺳﻒ ﻣﻨﻪ ﻭﺍﻟﻠﻪ ﻣﺎﻧﺘﻌﺎﺭﻙ ﻣﻌﺎﻩ ﻧﺴﻤﻌﻠﻪ ﻭﻧﻬﺪﻱ ﻋﺼﻴﺒﺘﻪ ﻭﺍﻟﻠﻪ ﻣﺎﻧﺮﺩ ﻋﻠﻴﻪ ﺑﻜﻠﻤﺔ ﺗﺰﻋﻠﻪ ﻭﺍﻟﻠﻪ .. ﻭﻧﺰﻟﻮﻭ ﺩﻣﻮﻭﻋﻲ ﻋﻄﺘﻨﻲ ﻫﺎﺟﺮ ﻣﻨﺪﻳﻞ ﻭﻃﺒﻄﺒﺖ ﻋﻠﻴﻰ ﻇﻬﺮﻱ ﻫﻲ ﺣﺎﺍﻳﺮﺓ ﺗﻮﺍﺳﻴﻨﻲ
ﻣﺴﺤﺖ ﺩﻣﻮﻋﻲ : ﻫﺎﺟﺮ ﺧﻠﻴﻨﺎﺍ ﺍﻧﻮﺿﻮ ﻧﺒﻲ ﻧﺘﻤﺸﻰ
ﻫﺎﺟﺮ : ﺍﻭﻙ ﻫﻲ
ﺍﺍﻩ ﺗﻨﻬﺪﺕ ﺗﻨﻬﻴﺪﻩ ﻃﻮﻭﻳﻠﺔ ﻛﺎﺍﻧﻲ ﻧﺤﺎﻭﻝ ﻧﻄﻠﻊ ﺍﻟﻬﻤﻮﻡ ﻭﺍﻻﻟﻢ ﺍﺍﻟﻲ ﻧﺤﺲ ﺑﻴﻪ ﺍﻻﻟﻢ ﺍﻟﻲ ﻧﺎﻏﺼﻨﻲ ﻓﻲ ﻗﻠﺒﻲ ﻳﺎﺭﺑﻲ ﻋﻼﺵ ﻫﻜﻲ ﺍﻧﻲ ﻣﺶ ﻣﻌﺘﺮﺿﻪ ﻋﻠﻲ ﺣﻜﻢ ﺍﻟﻠﻪ ﺑﺲ ﻟﻴﺶ ﻫﻜﻲ ﻳﺼﻴﺮ ﻓﻴﺎ ﺍﻏﻠﻰ ﺍﺗﻨﻴﻦ ﻓﻲ ﻳﻮﻡ ﻭﺍﺣﺪ ﺍﺧﺘﻔﻮﻭ ﻣﻦ ﺣﻴﺎﺍﺗﻲ ﻓﻲ ﻳﻮﻭﻡ ﻭﺍﺣﺪ ﺍﻻﺗﻨﻴﻦ ﻓﻘﺪﺗﻬﻢ ﻃﺤﺖ ﺍﻧﻜﺴﺮﺕ ﻛﺴﺮﻩ ﻭﺣﺪﻩ
2 /12 ﺍﻟﺴﺎﻋﻪ 5 ﺍﻟﻌﺸﻴﺔ ﻗﺒﻞ ﺳﻨﻪ ﻭﺷﻬﺮﻳﻦ ﺑﺎﻟﻀﺒﻂ
ﻭﻟﻴﺪ : ﻧﺴﻴﺒﺔ ﻣﻌﺎﺵ ﺗﻌﻠﻲ ﺻﻮﻭﺗﻚ ﻋﻠﻴﺎﺍ ﺗﻜﻠﻤﻲ ﺑﺎﻟﺸﻮﻳﺔ
ﺍﻧﻲ : ﺍﻧﺖ ﻋﺎﺩﻱ ﺗﻌﻠﻲ ﺻﻮﻭﺗﻚ ﻭﺗﻜﺸﺦ ﻋﻠﻴﺎ ﻣﻊ ﺍﻧﻲ ﻣﺶ ﻏﺎﻟﻄﺔ ﻓﻲ ﺷﻲ
ﻭﻟﻴﺪ : ﻻﻭﺍﻟﻠﻪ ﻣﺶ ﻣﺶ ﻏﺎﻟﻄﺔ ﺗﻄﻠﻌﻲ ﻣﻦ ﻏﻴﺮ ﻣﺎﺗﻘﻮﻭﻟﻲ ﻭﺑﺮﻭﻭﺣﻚ ﻣﺶ ﻣﻌﺘﺒﺮﺗﻴﻨﻲ ﺑﻜﻞ ﺣﺘﻰ ﻟﻮ ﺍﻣﻚ ﻫﻲ ﺍﻟﻲ ﺑﻌﺘﺎﺗﻚ ﻋﻠﻲ ﺍﻻﻗﻞ ﺣﺴﻲ ﺑﺎﻥ ﻓﻲ ﺭﺍﺟﻞ ﺧﺎﻳﻒ ﻋﻠﻴﻚ ﺭﺍﺍﺟﻞ ﺗﻬﻤﻴﻪ ﻭﻳﻐﺎﺭ ﻭﻳﺒﻲ ﻳﺤﺲ ﺍﻧﻪ ﺣﺒﻴﺒﺘﻪ ﺩﺍﻳﺮﺗﻠﻪ ﺣﺴﺎﺍﺏ ﻭﻳﺎﺍﺭﻳﺖ ﻭﻗﻔﺖ ﻋﻠﻲ ﺍﻧﻚ ﻃﻠﻌﺘﻲ ﻭﻣﺎﻗﻠﺘﻴﻠﻴﺶ ﻓﻮﻭﻗﻬﺎ ﻛﺪﺑﺘﻲ ﻟﻴﻴﻦ ﺍﻧﻄﻠﺲ ﻣﻨﻚ ﺍﻟﻜﻼﻡ ﻃﻠﺲ
ﺍﻧﻲ : ﻣﻤﻜﻦ ﺗﻨﺰﻝ ﺻﻮﺗﻚ ﻭﻣﻌﺎﺵ ﺗﻜﺸﺦ ﻋﻠﻴﺎﺍ ﺍﻧﻲ ﺍﻣﻲ ﺑﻌﺘﺘﻨﻲ ﻭﺑﻌﺪﻳﻦ ﺍﻧﺖ ﻣﺶ ﻗﺎﺭﻱ ﻋﻠﻴﺎ ﺍﻟﻔﺎﺗﺤﻪ ﺑﻴﺶ ﺗﺤﻜﻢ ﻓﻴﺎ
ﻭﻟﻴﺪ : ﺍﻧﻲ ﻣﺎﻗﻠﺘﺶ ﻧﺤﻜﻢ ﻓﻴﻚ ﺑﺲ ﻣﺎﺗﻜﺬﺑﻴﺶ ﻋﻠﻴﺎ ﻗﻮﻭﻟﻲ ﺍﻟﺼﺪﻕ ﺑﺲ ﻣﻦ ﺩﺍﻣﻚ ﻫﻜﻲ ﺍﻧﺘﻲ ﻣﺎﺗﺒﻴﺶ ﺗﻌﺘﺮﻓﻲ ﺣﺘﻰ ﺑﻐﻠﻄﺘﻚ ﻫﻲ ﺳﻼﻡ ﻣﻌﺮﺭﻓﻪ ﺧﻴﺮ ﺍﻋﺘﺒﺮﻱ ﺭﻭﺣﻚ ﻣﺎﻋﺮﻓﺘﻴﻨﻴﺶ ﺑﻜﻞ ﺍﻧﺴﻲ ﻭﺍﺣﺪ ﺍﺳﻤﻪ ﻭﻟﻴﺪ ﻫﻲ ﺳﻼﻡ
ﺍﻧﻲ : ﻭﻟﻴﺪ ﺍﺳﺘﻦ ..... ﻃﻮﻭﻁ ﻃﻮﻭﻁ
ﺳﻜﺮ ﻋﻠﻴﺎ ﺍﻟﺼﺒﺮﺭ ﻳﺎﺭﺑﻲ
‏( ﻭﻟﻴﺪ : ﻣﻮﺍﻟﻴﺪ 84 ﻳﺸﺘﻐﻞ ﺍﻋﻤﺎﻝ ﺣﺮﺓ ﻭﺳﻴﻢ ﻃﻮﻳﻞ ﻭﻋﺮﻳﺾ ﻋﺼﺒﻲ ﺷﻮﻱ ﺑﺲ ﺣﻨﻮﻥ ﻭﺧﺎﺻﻪ ﻣﻊ ﻧﺴﻴﺒﺔ ﺗﻌﺮﻓﻮ ﻋﻠﻲ ﺑﻌﺾ ﻓﻲ ﺍﻟﻨﺖ ﺍﺳﺘﻤﺮﺕ ﻋﻼﻗﺘﻬﻢ ﻟﺤﺪ ﺍﻟﻴﻮﻭﻡ ﺍﻟﻤﺸﺆﻭﻡ "2 /12 "
‏( ﺣﺘﻌﺮﻓﻮﻭ ﺷﻦ ﺻﺎﺭ ﻓﻲ ﻫﺎﻟﻴﻮﻭﻡ ﻓﻲ ﺑﺎﻗﻲ ﺍﻟﻘﺼﻪ ‏)
ﺍﻣﻢ ﻭﻟﻴﺪ ﺍﺳﻤﻬﺎ ﻓﺘﺤﻴﺔ ﻭﺍﺍﻋﺮﻩ ﺷﻮﻱ ﻭﺣﺎﺍﺯﻣﻪ ﺑﺲ ﻃﻴﺒﺔ ﻭﻣﺎﺗﺤﺒﺶ ﺍﻟﻐﻠﻂ
ﺍﻻﺏ ﺍﺳﻤﻪ ﻣﺨﺘﺎﺭ ﻛﺎﻥ ﻭﺍﻋﺮ ﻫﻠﺒﺎ ﺑﺲ ﺗﻮﺍ ﻣﺮﻳﺾ ﻋﻨﺪﻩ ﻓﺸﻞ ﻛﻠﻮﻱ ﻭﺍﻟﻘﻠﺐ ﻭﺩﻳﻤﺎ ﺭﺍﻗﺪ ﻭﻳﺤﺐ ﻭﻟﻴﺪ ﻫﻠﺒﺎ ﻫﺪﺍ ﺍﻏﻠﻰ ﻭﺍﺣﺪ ﻓﻲ ﺍﻭﻻﺩﻩ
ﻋﻨﺪﻩ ﺯﻭﺯ ﺧﻮﺕ ﺍﻭﻻﺩ ﻭﺯﻭﺯ ﺍﺧﻮﺍﺕ
ﻋﺒﺪ ﺍﻟﻘﺎﺩﺭ ﻣﻮﺍﻟﻴﺪ 82 ﺧﺎﻃﺐ ﺑﻨﺖ ﻋﻤﻪ ﺷﻜﻠﻪ ﻋﺎﺩﻱ ﺟﺪﺍ ﻃﻴﺐ ﻭﻫﺎﺩﻱ ﻭﻳﺤﺐ ﺍﻟﻘﺮﺍﺋﺔ ﺩﻛﺘﻮﺭ ﺍﺳﻨﺎﻥ
ﻣﺤﻤﻮﺩ 89 ﻋﺎﺯﺏ ﻋﺎﻳﺶ ﺣﻴﺎﺗﻪ ﻋﺮﺽ ﻃﻮﻭﻝ ﺟﻨﺘﻞ ﻣﺎﺍﻥ ﺑﻤﻌﻨﻰ ﺍﻟﻜﻠﻤﺔ ﺟﻮﻩ ﻣﻠﻴﺢ ﻭﻭﺳﻴﻢ ﺑﺲ ﻋﺼﺒﻲ ﻫﻠﺒﺎ
ﻣﻨﻰ : ﻣﻮﺍﻟﻴﺪ 88 ﻣﺘﺰﻭﺟﻪ ﻋﻨﺪﻫﺎ ﻭﻟﺪ ﺍﺳﻤﻪ ﻭﻟﻴﺪ ﻃﻴﺒﻪ ﻫﻠﺒﺎ
ﺭﺣﻤﺔ : ﻣﻮﺍﻟﻴﺪ 93 ﺗﻘﺮﺍ ﻗﺎﻧﻮﻥ ﻓﻲ ﻧﻔﺲ ﺟﺎﻣﻌﻪ ﻧﺴﻴﺒﺔ ﻭﺍﺍﻋﺮﻩ ﻫﻠﺒﺎ ﻭﻣﺴﻤﻮﻣﺔ ﺍﻧﺎﻧﻴﻪ ﺗﻐﺎﺍﺭ ﻫﻠﺒﺎ ﺑﻴﻀﺎ ﻭﻋﻴﻮﻧﻬﺎ ﻣﻠﻮﻧﺎﺕ ﻭﺷﻌﺮﻫﺎ ﺍﺻﻔﺮ ‏)
# ﻳﺘﺒﻊ
بقلم الكاتبة#شوشو