ﺳﻨﺪ ﺍﻻﻧﺜﻰ ﺭﺟﻞ shosho_shosho

الحلقة64

ﺍﻟﺤﻠﻘﺔﺓ ‏[ 64 ‏]
ﻣﻦ ﺭﻭﺍﻳﺔ - - "<- ﺳﻨــﺪ ﺍﻷﻧﺜــﻰ ﺭﺟــﻞ "
ﻧﻮﺭﺱ ﻭﻧﺮﺟﺲ ﻣﺴﺘﻐﺰﺑﻴﻦ
ﻫﻮ ﻧﺰﻝ ﻣﻦ ﺍﻟﺴﻴﺎﺭﺓ
ﻧﻮﺭﺱ ﺷﺎﻓﺘﻠﻬﺎ ﺑﺎﺍﺳﺘﻐﺮﺍﺏ ﻭﺻﺪﻣﺔ
ﻗﺪﻡ ﺟﻬﺘﻬﺎ : ﺍﻧﺘﻲ ﺷﻦ ﺗﺪﻳﺮﻱ ﺍﻫﻨﻲ
ﻧﻮﺭﺱ : ﻫﻬﻪ ﺍﻧﺖ ﺍﻟﻲ ﺷﻦ ﺗﺪﻳﺮ ﻓﻲ ﺣﻮﺷﻨﺎ
ﻧﺰﻟﺖ ﻣﻦ ﺍﻟﺴﻴﺎﺭﺓ ﻭﻗﺪﻣﺖ ﺟﻬﺘﻬﻢ : ﺷﻦ ﻣﺤﻤﺪ ﺗﻌﺮﻓﻬﺎ
ﻣﺤﻤﺪ : ﻫﻬﻬﻬﻪ ﺍﻟﻴﻮﻡ ﺷﻔﺘﻬﺎ ﻓﻲ ﺍﻟﺠﺎﻣﻌﻪ ﺷﻦ ﺍﻟﺼﺪﻓﻪ
ﻧﺮﺟﺲ : ﺍﻧﻲ ﺑﻨﻤﺸﻲ ﻣﻌﺎﺵ ﻧﻘﺪﺭ ﻧﻮﻗﻒ
ﻧﻮﺭﺱ : ﺑﺎﻩ ﺑﺮﻱ ﺗﻮ ﻧﻠﺤﻘﻚ ، ﻛﻴﻒ ﻣﻦ ﻫﺪﺍ ﻳﺎﻫﺎﺟﺮ ؟
ﻫﺎﺟﺮ : ﺧﻮﻱ ﻣﺤﻤﺪ ﺍﻧﺘﻲ ﻣﺎﺗﻌﺮﻓﻴﺸﻲ ؟
ﻣﺤﻤﺪ ﻣﺪ ﻳﺪﻩ : ﺍﻫﻼ ﻭﺳﻬﻼ ﺗﺸﺮﻓﻨﺎ
ﻭﻓﻲ ﺍﻟﻠﺤﻈﺔ ﻫﺎﺩﻱ ﺧﺸﺖ ﺍﻟﺴﻴﺎﺭﺓ ﺍﻟﺴﻮﺩﺍ ﻟﻠﺤﻮﺍﺯﺓ
ﻧﻮﺭﺱ ﻳﺒﺴﺖ ﻓﻲ ﻣﻜﺎﻧﻬﺎ
ﻫﺎﺟﺮ : ﻛﻴﻒ ﺗﻌﺮﻓﺘﻮ
ﻣﺤﻤﺪ : ﺍﻟﻴﻮﻡ ﺿﺮﺑﺘﻠﻲ ﺳﻴﺎﺭﺗﻲ ﻫﻬﻬﻪ
ﻫﺎﺟﺮ : ﻫﻬﻬﻬﻪ ﻭﺍﻧﻲ ﻧﻘﻮﻝ ﺣﺴﺒﺘﻚ ﻣﻐﻴﺮ ﺳﻴﺎﺭﺗﻚ
ﻣﺤﻤﺪ : ﻻﻻ ﻫﺎﺩﻱ ﺳﻴﺎﺭﺓ ﺻﺎﺣﺒﻲ
ﺍﻣﺎ ﻧﻮﺭﺱ ﻓﻌﻴﻮﻧﻬﺎ ﻣﻌﻠﻘﻪ ﻓﻲ ﺍﻟﺴﻴﺎﺭﺓ ﺍﻟﻲ ﺧﺸﺖ
ﻭﺍﻟﻲ ﺻﺎﺣﺒﻬﺎ ﻣﻘﻌﻤﺰ ﻓﻴﻬﺎ ﻭﺍﻧﺼﺪﻡ ﻭﻗﻌﺪ ﻳﻐﻠﻲ ، ﻓﺘﺢ ﺍﻟﺒﺎﺏ ﻭﻧﺰﻝ
،،،،،،،،
ﻭﻣﺎﻟﻘﻴﺖ ﺍﻻ ﻭﻟﻴﺪ ﺣﺎﺍﺿﻨﻲ ﺑﻘﻮﻭﺓ ﻭﻳﻀﺤﻚ ﻭﻓﺮﺭﺣﺎﺍﺍﻥ ﻭﻳﺪﻭﻭﻭﺭ ﺑﻴﺎﺍﺍ
ﺍﻧﻲ : ﻫﻬﻬﻬﻬﻪ ﻭﻟﻴﺪ ﺭﺍﻧﺎ ﻓﻲ ﺍﻟﺸﺎﺭﻉ ، ﻧﺰﻟﻨﻲ ﻳﺎﻣﺠﻨﻮﻥ
ﻭﻟﻴﺪ ﻳﻀﺤﻚ ﻭﻳﺪﻭﺭ ﺑﻴﺎ ﻭﺑﻴﻄﻴﺮ ﻣﻦ ﺍﻟﻔﺮﺣﺔ ﻭﻣﺶ ﻣﻌﺪﻝ ﻋﻠﻲ ﻛﻼﻣﻲ
ﺍﻧﻲ : ﻫﻬﻬﻬﻪ ﺣﺒﻴﺒﻲ ﺭﺍﻧﻲ ﺩﺧﺖ
ﻭﻟﻴﺪ ﻧﺰﻟﻨﻲ ﻭﻣﺒﺘﺴﻢ ، ﺷﺪ ﻭﺟﻬﻲ ﺑﻴﻦ ﻳﺪﻳﻪ ﻭﺑﺎﺱ ﺑﻴﻦ ﻋﻴﻮﻧﻲ : ﻣﺒﺮﻭﻭﻙ ﻳﺎﺭﻭﺣﻲ ﻭﺍﺧﻴﺮﺍ
ﺍﻧﻲ ﻣﺒﺘﺴﻤﻪ : ﻣﺒﺮﻭﻙ ﻋﻠﻴﻨﺎ ﻳﺎﺑﻴﺒﻲ
ﻭﻟﻴﺪ ﺣﻀﻨﻲ ﺑﻘﻮﻭﺓ : ﻧﺤﺒﺒﺒﺒﻚ
ﺍﻧﻲ ﺗﻠﻔﺘﺖ ﻭﺷﻔﺖ ﺯﻭﺯ ﺍﺗﺮﺍﻙ ﺭﺍﺟﻞ ﻭﻣﺮﺕ ﻳﺸﻮﻓﻮﻟﻨﺎ ﻭﺍﻟﻤﺮﺍﺓ ﻣﺒﺘﺴﻤﻪ ﻭﺗﺄﺷﺮ ﻟﺮﺍﺟﻠﻬﺎ ﺑﻤﻌﻨﻰ ﺷﻮﻑ : ﺑﻴﺒﻲ ﻳﺎﻣﺠﻨﻮﻥ ﺍﻟﻨﺎﺱ ﺗﺸﻮﻓﻠﻨﺎ
ﻭﻟﻴﺪ ﻃﻠﻘﻨﻲ ﻭﺷﺪ ﻳﺪﻱ : ﺗﻌﺎﻟﻲ ﺑﺎﻫﻲ ﻧﻘﻌﻤﺰﻭ ﻏﺎﺩﻱ
ﺍﻣﺸﻴﻨﺎ ﻗﻌﻤﺰﻧﺎ ﻋﻠﻲ ﻛﺮﺍﺳﻲ ﻭﻭﻟﻴﺪ ﻳﺸﻮﻓﻠﻲ ﻭﻣﺒﺘﺴﻢ ﻭﻓﺮﺣﺎﻥ
ﺍﻧﻲ : ﺣﺒﻴﺒﻲ ﻧﺒﻲ ﻧﺮﻭﺡ ﻭﻧﻤﺸﻲ ﻟﺪﻛﺘﻮﺭ ﻭﻧﺘﺎﺑﻊ ﻣﻌﺎﻩ
ﻭﻟﻴﺪ ﺷﺎﺩ ﻳﺪﻱ ﻳﺒﻮﺱ ﻓﻴﻬﺎ : ﺣﺎﺍﺿﺮ ، ﺗﻮ ﻧﺤﺠﺰ ﻭﻧﺮﻭﺣﻮ ﻳﺎﺭﻭﺣﻲ ، ﻭﻣﺪ ﻳﺪﻩ ﺣﻄﻬﺎ ﻋﻠﻲ ﺑﻄﻨﻲ : ﺯﻋﻤﺎ ﻭﻟﺪ ﻭﺍﻻ ﺑﻨﺖ ﻣﺶ ﻣﺼﺪﻕ ﻳﺎﻧﻮﺳﻪ ﻭﺍﺧﻴﺮﺍ ﺑﻨﻮﻟﻲ ﺍﺏ
ﺍﻧﻲ : ﻳﺎﺭﻭﺣﻲ ﺍﻧﺖ
ﻭﻟﻴﺪ ﻳﺤﺴﺲ ﻋﻠﻲ ﺑﻄﻨﻲ : ﻭﻳﻦ ﺗﻮﺍ ﻫﻮ
ﺍﻧﻲ : ﻫﻬﻬﻬﻬﻪ ﺣﺒﻴﺒﻲ ﻣﻤﻜﻦ ﻋﻤﺮﻩ ﺍﻗﻞ ﻣﻦ ﺷﻬﺮ ﺭﺍﻫﻮ
ﻭﻟﻴﺪ : ﻳﺎﻭﺧﻴﺘﻲ ﺳﻠﻤﻬﻮﻭﻟﻲ ﺻﻐﻴﺮ ﻗﺎﻋﺪ
ﺍﻧﻲ : ﻫﻬﻬﻬﻬﻬﻪ ﻭﻟﻴﺪ ﻣﻦ ﻏﻴﺮ ﻫﺒﺎﻝ
ﻭﻟﻴﺪ ﺍﺗﻜﻰ ﻉ ﺍﻟﻜﺮﺳﻲ ﻭﺟﺒﺪﻧﻲ ﺗﻜﺎﻧﻲ ﻋﻠﻴﻪ : ﺧﻠﻴﻨﻲ ﺑﻨﻬﺒﻞ ﻭﺍﻟﻠﻪ ﺑﻴﺒﺪﺍ ﻋﻨﺪﻱ ﺑﻴﺒﻲ ﻭﺑﻨﻮﻟﻲ ﺍﺏ
ﺍﻧﻲ : ﻫﻬﻬﻬﻪ ﻟﻜﻦ ﻣﺶ ﺍﻟﺒﻴﺒﻲ ﻳﺒﻲ ﺑﻮ ﻋﺎﻗﻞ
ﻭﻟﻴﺪ ﻃﺒﺲ ﺭﺍﺳﻪ ﻋﻠﻴﺎ : ﺗﻜﻠﻤﺖ ﺍﻻﻡ ﺍﻟﻌﺎﻗﻠﻪ
ﺍﻧﻲ ﻭﺧﺮﺕ ﻣﻨﻪ : ﻫﻬﻬﻬﻬﻪ ﺷﻦ ﻗﺼﺪﻙ ﺗﻮ ﺍﻧﺖ
ﻭﻟﻴﺪ ﺧﻄﻒ ﺑﻮﺳﺔ ﻣﻨﻲ ﻭﺑﻌﺪﻫﺎ ﺷﺎﻓﻠﻲ ﻭﻏﻤﺰﻟﻲ
ﺍﻧﻲ ﺷﻔﺖ ﻳﻤﻴﻦ ﻳﺴﺎﺭ : ﺣﺒﻴﺒﻲ ﺭﺍﻧﺎ ﻓﻲ ﺍﻟﺸﺎﺭﻉ ﺑﺎﻟﻚ ﺗﺤﺴﺎﺏ ﺭﻭﺣﻚ ﻓﻲ ﺗﺮﻛﻴﺎ
ﻭﻟﻴﺪ ﺑﺮﻓﻌﻪ ﺣﺎﺟﺐ : ﺍﻣﺎﻻ ﻭﻳﻦ ﻓﻲ ﺍﻓﻐﺎﻧﺴﺘﺎﻥ ؟
ﺍﻧﻲ : ﻫﻬﻬﻬﻬﻬﻬﻬﻬﻬﻪ
،،،،،،،،،،،،،
ﻭﻗﻒ ﻗﺪﺍﻣﻬﻢ ، ﻭﻧﻮﺭﺱ ﻗﻠﺒﻬﺎ ﻳﺪﻕ ﺑﻘﻮﻭﺓ ﻭﺑﺘﻤﻮﺕ ﻣﻦ ﺍﻟﺨﻮﻑ
ﻛﺎﻥ ﻣﺤﻤﺪ ﻭﻫﺎﺟﺮ ﻭﺍﻗﻔﻴﻦ ﺟﻨﺐ ﺑﻌﺾ ﻳﺤﻜﻮ ، ﻭﻧﻮﺭﺱ ﻭﺍﻗﻔﻪ ﻗﺪﺍﻣﻬﻢ
ﻣﺤﻤﺪ ﺗﻠﻔﺖ : ﺍﻭﻭ ﻋﺪﻧﺎﻥ ﺷﻦ ﻫﺎﻟﺼﺪﻓﻪ ﺍﻟﻴﻮﻡ
ﻋﺪﻧﺎﻥ ﻳﺸﻮﻑ ﺟﻬﺔ ﻧﻮﺭﺱ ﻭﻋﻴﻮﻧﻪ ﺷﺮﺍﺭﺓ ﻏﻀﺐ
ﻫﺎﺟﺮ : ﻫﻲ ﺗﻌﺎﻟﻲ ﻧﻮﺭﺱ ﻧﺨﺸﻮ ، ﻭﺷﺪﺗﻬﺎ ﻣﻦ ﻳﺪﻫﺎ ﻭﺧﺸﻮ
ﻭﻗﻌﺪ ﻋﺪﻧﺎﻥ ﻣﻊ ﻣﺤﻤﺪ ﺷﻮﻳﺔ ﻭﻳﺠﺎﻣﻞ ﻭﺷﺎﺩ ﺭﻭﺣﻪ ﺑﺎﻟﺴﻴﻒ
،،،،،،،،
ﺍﻣﺎ ﺍﻟﺪﺍﺧﻞ
ﺍﻟﻨﺴﺎﻭﻳﻦ ﺧﺎﺷﻴﻦ ﻃﺎﻟﻌﻴﻦ
ﻋﺒﺪ ﺍﻟﻤﻨﻌﻢ ﻣﻘﻌﻤﺰ ﻓﻲ ﺍﻟﻤﻄﺒﺦ ﻭﻳﺴﺐ ﻭﻳﻠﻌﻦ ﻓﻲ ﻋﻠﻴﺎ ، ﻭﺑﻄﻨﻪ ﻣﻦ ﺍﻟﻬﺮﻳﺴﺔ ﻟﻴﻦ ﻭﺟﻌﺎﺗﻪ ، ﻟﻜﻦ ﺍﻛﻠﻲ ﺍﻟﺴﻨﺪﻭﺗﺶ ﻛﻠﻪ ﻣﻦ ﺍﻟﺠﻮﻉ ، ﻗﻌﺪ ﻣﻘﻌﻤﺰ ﻭﻳﺸﺮﺏ ﻓﻲ ﺍﻟﻌﺼﻴﺮ ﻭﺍﻟﻤﻴﻪ ﻭﻳﻌﺎﻭﺩ
ﻧﻮﺭﺱ ﺧﺸﺖ ﻟﻤﻄﺒﺦ ﻭﻭﺟﻬﻬﺎ ﺍﺻﻔﺮ ، ﺻﺒﺖ ﻣﻴﻪ ﺷﺮﺑﺖ ﻭﺗﺮﺍﺟﻲ ﻓﻲ ﻋﺪﻧﺎﻥ ﺍﻣﺘﻰ ﻳﺨﺶ
ﻋﻠﻴﺎ ﺧﺸﺖ ﻟﻠﻤﻄﺒﺦ ﻭﻗﺎﻟﺒﻪ ﻭﺟﻬﻬﺎ ﻋﻠﻲ ﻋﺒﺪ ﺍﻟﻤﻨﻌﻢ ﻭﻛﻠﻤﺘﻪ ﻗﻌﺪﺕ ﺗﺮﻥ ﻓﻲ ﻭﺩﻧﻬﺎ
ﻋﺒﺪ ﺍﻟﻤﻨﻌﻢ : ﺗﻌﺎﻟﻲ ﺟﺎﻱ ﻳﺎﺣﻘﻴﺮﺓ ﺑﻄﻨﻲ ﺑﻨﻤﻮﺕ ﻣﻨﻬﺎ ﻋﻼﺵ ﺣﺎﻃﺔ ﺍﻟﻬﺮﻳﺴﻪ ﻫﺎﺩﻱ ﻛﻠﻬﺎ
ﻋﻠﻴﺎ ﻣﺎﺗﺒﻴﺶ ﺗﺸﻮﻓﻠﻪ ، ﻋﺒﺖ ﻣﻴﻪ ﻭﻗﻌﺪﺕ ﺗﺸﺮﺏ ﻓﻲ ﻣﻴﻪ
ﻋﺒﺪ ﺍﻟﻤﻨﻌﻢ : ﻭﺍﻟﻠﻪ ﺍﻻ ﻋﺎﺭﻓﻚ ﺑﻠﻌﺎﻧﻲ
ﻋﻠﻴﺎ ﻃﻠﻌﺖ ﻣﻦ ﺍﻟﻤﻄﺒﺦ ﻭﺧﻼﺗﻪ ﻳﺪﻭﻱ ، ﻭﻫﻲ ﻃﺎﻟﻌﻪ ﺗﻘﺒﺖ ﻓﻲ ﻋﺪﻧﺎﻥ
ﻋﺪﻧﺎﻥ ﺩﻓﻬﺎ ﻭﺧﺶ ﻟﻠﻤﻄﺒﺦ
ﻧﻮﺭﺱ ﻭﺍﻗﻔﻪ ﺟﻨﺐ ﺍﻟﻠﻮﺍﻧﺪﻳﻨﻮ ﺯﻱ ﺍﻟﻲ ﻳﺮﺍﺟﻲ ﻓﻲ ﺍﺟﻠﻪ ﻭﻓﻲ ﺍﻻﻛﻴﺪ ﻋﺪﻧﺎﻥ ﺑﻴﺠﻴﺒﻠﻬﺎ ﺍﺟﻠﻬﺎ
ﻋﺪﻧﺎﻥ ﺷﺎﻓﻠﻬﺎ ﺑﻨﻈﺮﺓ ﺧﻠﺘﻬﺎ ﺗﻴﺒﺲ ﻓﻲ ﻣﻜﺎﻧﻬﺎ ﻭﻗﺪﺭﺕ ﺗﻌﺮﻑ ﻣﻨﻬﺎ ﻣﺪﻯ ﺍﻟﻐﻞ ﺍﻟﻲ ﻓﻲ ﻋﺪﻧﺎﻥ ، ﻋﺪﻧﺎﻥ ﻗﻌﺪ ﻳﺸﻮﻓﻠﻬﺎ ﻭﻟﻒ ﻭﻃﻠﻊ ﺑﺨﻄﻮﺍﺕ ﻋﺼﺒﻴﻪ ﻭﺳﺮﻳﻌﻪ
ﻧﻮﺭﺱ ﻃﻠﻌﺖ ﺗﺠﺮﻱ ﻭﺭﺍﻩ
ﻋﺒﺪ ﺍﻟﻤﻨﻌﻢ
ﺍﻣﺎ ﻋﺪﻧﺎﻥ ﻃﻠﻊ ﻭﻗﺮﺑﻊ ﺍﻟﺒﺎﺏ ، ﻧﻮﺭﺱ ﻓﺘﺤﺎﺗﻪ ﺑﺴﺮﻋﻪ ﻭﻟﺤﻘﺎﺗﻪ ، ﻭﻛﻴﻒ ﺑﻴﺮﻛﺐ ﺳﻴﺎﺭﺗﻪ
ﻧﻮﺭﺱ : ﻋﺪﻧﺎﺍﺍﻥ ، ﻭﻛﺎﻧﺖ ﻣﻦ ﻏﻴﺮ ﺣﺠﺎﺏ ﻭﻻﺑﺴﻪ ﺑﻨﻄﻠﻮﻥ ﻭﺑﻠﻮﺯﺓ ﻗﺼﻴﺮﺓ ، ﻭﻃﻠﻌﺖ ﺑﺮﺍ ﺍﻟﺠﻨﺎﻥ ، ﻳﻌﻨﻲ ﺑﺎﺏ ﺍﻟﺤﻮﺍﺯﺓ ﻣﻔﺘﻮﺡ
ﻋﺪﻧﺎﻥ : ﺧﺸﻲ ﻳﻨﻌﻦ ####
ﻧﻮﺭﺱ ﻭﺧﺮﺕ ﻟﻠﺠﻨﺎﻥ ﻭﻃﺒﺴﺖ ﻣﻦ ﺍﻟﺒﺎﺏ : ﺑﺎﻩ ﺗﻌﺎﻟﻲ
ﻋﺪﻧﺎﻥ : ﻗﻠﺖ ﺧﺸﻲ ﺍﻧﻴﻲ
ﻧﻮﺭﺱ ﺑﻔﻴﺲ ﺑﺮﻱﺀ : ﺣﺒﻴﺒﻲ ﻋﻠﻰ ﺷﺎﻧﻲ ﺗﻌﺎﻝ ، ﺭﺍﻫﻮ ﻧﻄﻠﻊ ﻧﻮﻟﻊ ﺍﻟﺴﻴﺎﺭﺓ ﻭﻧﻠﺤﻘﻚ ﻭﻳﻦ ﻣﺎﺗﻤﺸﻲ
ﻋﺪﻧﺎﻥ : ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ، ﻭﻗﺮﺑﻊ ﺑﺎﺏ ﺍﻟﺴﻴﺎﺭﺓ ، ﻭﺧﺶ ﻟﻠﺠﻨﺎﻥ ﻭﺳﻜﺮ ﺍﻟﺒﺎﺏ
ﻧﻮﺭﺱ : ﺑﺎﻫﻲ ﻟﻴﺶ ﻣﻌﺼﺐ ﻫﻜﻲ
ﻋﺪﻧﺎﻥ ﻟﻔﺖ ﻭﺟﻬﻲ ﻭﻣﺎﻳﺒﻴﺶ ﻳﺸﻮﻓﻠﻬﺎ : ﺷﻦ ﺭﺍﻳﻚ ﺍﻧﺘﻲ ، ﻧﺠﻲ ﻟﻠﺠﺎﻣﻌﻪ ﻧﻠﻘﺎﻙ ﻓﺎﺗﺤﻪ ﻣﻴﻌﺎﺩ ﻭﻳﻨﺎﺩﻱ ﻓﻴﻚ ﺑﺎﺳﻤﻚ ﺑﺘﺎﻉ ﺗﻌﻮﺩ ﻋﻠﻴﻚ ﺧﻼﺹ ﻭﻟﻴﺘﻮ ﺻﺤﺎﺏ ، ﺍﺧﺮ ﺷﻲ ﻧﺠﻲ ﻟﻠﺤﻮﺵ ﻭﺍﻗﻔﻪ ﺗﻬﺪﺭﺯﻱ ﻭﻳﻴﻴﻦ ﻣﺎﺷﻴﻪ ﺑﻴﻪ، ﺍﻟﻄﺮﻃﻮﺭ ﻣﺶ ﺣﺎﺳﺒﺘﻴﻠﻪ ﺣﺴﺎﺏ ﺑﻜﻞ ﺍﻟﺰﺡ ، ﻭﻃﻠﻊ ﻭﻗﺮﺑﻊ ﺍﻟﺒﺎﺏ
ﻧﻮﺭﺱ ﻣﺎﺗﻜﻠﻤﺘﺶ ﻭﻻ ﻛﻠﻤﺔ ﺗﺸﻮﻓﻠﻪ ﻭﻫﻮ ﻳﻜﺸﺦ
ﺷﻮﻳﺔ ﻭﻃﻖ ﺍﻟﺒﺎﺏ ، ﻧﻮﺭﺱ ﻓﺘﺤﺖ ﺍﻟﻘﺎﺗﻪ ﻋﺪﻧﺎﻥ : ﻋﺪﻧﺎﻥ
ﻋﺪﻧﺎﻥ : ﻫﺎﺗﻲ ﻣﻔﺘﺎﺡ ﺍﻟﺴﻴﺎﺭﺓ
ﻧﻮﺭﺱ : ﻋﻼﺵ
ﻋﺪﻧﺎﻥ ﻗﺎﻃﻌﻬﺎ : ﻗﻠﺖ ﻫﺎﺗﻲ ﻣﻔﺘﺎﺡ ﺍﻟﺴﻴﺎﺭﺓ ﻛﻠﻤﺔ ﻣﺶ ﻋﺸﺮﺓ
ﻧﻮﺭﺱ : ﺍﻟﺪﺍﺧﻞ ﺗﻮ ﻧﺠﻴﺒﻪ ، ﻭﺧﺸﺖ ﺗﺠﺮﻱ
ﻋﺪﻧﺎﻥ ﻃﻠﻊ ﺩﺧﺎﻧﻪ ﻭﻭﻟﻌﻪ ﻭﻳﺪﺧﻦ ﺑﻜﻞ ﻋﺼﺒﻴﻪ ﻭﻳﺪﻭﺭ ﻓﻲ ﺍﻟﺠﻨﺎﻥ
ﺑﻌﺪ ﺷﻮﻳﺔ ﻃﻠﻌﺖ ﻧﻮﺭﺱ ﺗﺠﺮﻱ ﻭﻭﻭﻭﺗﻌﺘﺮ ﻗﺮﻳﺐ ﻃﺎﺣﺖ ﻋﻠﻲ ﻭﺟﻬﻬﺎ ﻟﻜﻦ ﻓﻲ ﻳﺪﻫﺎ ﺷﺪﺗﻬﺎ ﺟﺒﺪﺗﻬﺎ
ﻧﻮﺭﺱ ﻓﺘﺤﺖ ﻋﻴﻮﻧﻬﺎ ﺍﻟﻘﺖ ﺭﻭﺣﻬﺎ ﻓﻲ ﺣﻀﻨﻪ ﻗﺎﻣﺖ ﺭﺍﺳﻬﺎ ﺷﺎﻓﺖ ﻟﻌﻴﻮﻧﻪ
ﻋﺪﻧﺎﻥ ﻋﻠﻲ ﺭﻏﻢ ﺍﻟﻌﺼﺒﻴﻪ ﺍﻟﻲ ﻛﺎﻥ ﻓﻴﻬﺎ ﺑﺲ ﻗﻌﺪ ﻗﻠﺒﻪ ﻳﺪﻕ ﺑﺴﺮﻋﻪ ، ﻭﻗﺪﺭ ﺣﻀﻦ ﺣﺒﻴﺒﺘﻪ ﻳﻨﺴﻴﻪ ﻛﻞ ﺍﻟﻌﺼﺒﻴﻪ ﺍﻟﻲ ﻛﺎﻥ ﻓﻴﻬﺎ ﻭﺍﻫﺪﻱ ﻭﻧﺴﻲ ﻛﻞ ﺷﻲ ، ﻓﻲ ﻫﺎﺩﻳﻜﺎ ﺍﻟﻠﺤﻈﺔ ﺍﻻﺗﻨﻴﻦ ﺗﻤﻨﻮ ﺍﻥ ﺍﻟﺰﻣﻦ ﻳﻮﻗﻒ ﻭﻣﺎﻳﺒﻌﺪﻭﺵ ﻣﻦ ﺑﻌﺾ
ﻋﻴﻮﻧﻬﻢ ﻣﻌﻠﻘﻪ ﻓﻲ ﻋﻴﻮﻥ ﺑﻌﺾ ، ﻧﻮﺭﺱ ﺗﺤﺎﻭﻝ ﺗﺘﺄﺳﻒ ﺑﻌﻴﻮﻧﻬﺎ ﻭﺗﻄﻠﺐ ﻣﻨﻪ ﻣﺎﻳﻘﺴﺎﺵ ﻋﻠﻴﻬﺎ ، ﺍﻣﺎ ﻋﺪﻧﺎﻥ ﻓﻌﻴﻮﻧﻪ ﻛﺎﻥ ﻳﺤﻜﻮ ﻣﻌﻨﻰ ﺍﻟﻐﻴﺮﺓ ﺍﻟﻲ ﺣﺲ ﺑﻴﻬﺎ ﻭﻳﻘﻮﻟﻠﻬﺎ ﺍﻓﻬﻤﻴﻨﻲ
ﻭﻳﻨﻔﺘﺢ ﺍﻟﺒﺎﺏ ﻭﻳﺨﺸﻮ ﺯﻭﺯ ﻧﺴﺎﻭﻳﻦ
،،،،،،،،،،،،،،
ﻣﺤﻤﻮﺩ ﺭﻥ ﺗﻠﻴﻔﻮﻧﻪ ﺍﻟﻘﺎﻩ ﺭﻗﻢ ﻏﺮﻳﺐ ﺍﺳﺘﻐﺮﺏ ﻭﻗﻌﺪ ﻳﺸﻮﻑ ﻟﻠﺮﻗﻢ ﻛﺎﻧﻪ ﻳﺤﺎﻭﻝ ﻳﺘﺬﻛﺮﻩ
ﻋﻤﺮ : ﻣﻨﻮﻭ ؟
ﻣﺤﻤﻮﺩ ﺷﺎﻓﻠﻪ : ﻣﺶ ﻋﺎﺭﻓﻪ ، ﻭﺭﺩ : ﺍﻟﻮ
ﺑﺼﻮﺕ ﺩﻟﻊ : ﻋﺎﺵ ﻣﻦ ﺳﻤﻊ ﺻﻮﺗﻚ ﻟﻴﻦ ﻧﺘﺼﻞ ﺍﻧﻲ
ﻣﺤﻤﻮﺩ ﺍﻧﺼﺪﻡ : ﻣﻨﻮﻭ
ﻫﻲ : ﻣﺎﺗﻮﻗﻌﺘﻜﺶ ﺗﻨﺴﻰ ﺑﺎﻟﺴﺮﻋﻪ ﻫﺎﺩﻱ
ﻣﺤﻤﻮﺩ ﺣﻂ ﻳﺪﻳﻪ ﻋﻠﻲ ﻋﻴﻮﻧﻪ : ﻋﻼﺵ ﻣﺘﺼﻠﺔ
ﻫﻲ : ﻛﻴﻒ ﻣﺶ ﻣﻦ ﺣﻘﻲ ﻧﺘﺼﻞ ﺑﺤﺒﻴﺒﻲ
ﻣﺤﻤﻮﺩ ﺿﺤﻚ ﺑﺴﺨﺮﻳﺔ : ﺍﻱ ﺣﺒﻴﺐ ، ﺗﻌﻮﺫﻱ ﻣﻦ ﺍﻟﺸﻄﺎﻥ ﻭﺳﻜﺮﻱ
ﻫﻲ : ﻣﺶ ﻣﺴﻜﺮﺓ ﻭﻋﺎﺭﻓﺎﺗﻚ ﻣﺴﺘﺎﺣﺸﻨﻲ
ﻣﺤﻤﻮﺩ : ﺷﻦ ﺍﻟﺪﻭﺓ ﺍﻟﻲ ﺗﻘﻮﻟﻲ ﻓﻴﻬﺎ ﻫﺎﺩﻱ
ﻫﻲ : ﻣﺎﻗﻠﺘﺶ ﺍﻟﻜﺬﺏ ﺍﻧﻲ ﻣﺴﺘﺎﺣﺸﺎﺗﻚ ﻭﻣﺶ ﻣﺘﺮﻳﺤﺔ ﻓﻲ ﺣﻴﺎﺗﻲ ﺗﻮﺍ ﺍﻧﻲ ﻭﻧﺘﻤﻨﺎﻙ ﺟﻨﺒﻲ
ﻣﺤﻤﻮﺩ : ﻫﺎﺩﻱ ﺍﻟﺤﻴﺎﺓ ﺍﻟﻲ ﺍﻧﺘﻲ ﺍﺧﺘﺮﺗﻴﻬﺎ ﻭﺗﺒﻴﻬﺎ ﺗﺤﻤﻠﻲ ﻋﻮﺍﻗﺒﻬﺎ ، ﻭﺳﻜﺮ ﻋﻠﻴﻬﺎ ، ﻭﻗﻒ ﻭﻗﻌﺪ ﻳﺪﻭﺭ
ﻋﻤﺮ : ﻫﻲ ؟
ﻣﺤﻤﻮﺩ ﺣﺎﻁ ﻳﺪﻳﻪ ﻓﻲ ﻧﺼﻪ ﻭﻳﺪﻭﺭ ﺑﻌﺼﺒﻴﻪ : ﺍﻳﻪ ﻭﺗﻘﻮﻝ ﻓﻲ ﻛﻼﻡ ﻣﺎﻳﺨﺸﺶ ﺍﻟﻌﻘﻞ
ﻋﻤﺮ : ﻫﻤﺎ ﻫﻜﻲ ﺭﺍﻫﻮ ﻳﺴﻴﺒﻮﻙ ﻭﺑﻌﺪﻳﻦ ﻟﻤﺎ ﻳﻨﺪﻣﻮ ﻳﻮﻟﻮ ﺗﻘﻮﻝ ﻋﻠﻲ ﺣﺴﺎﺑﻬﻢ ، ﻭﺷﺪ ﺷﺎﺭﺑﻪ ﺍﻟﻠﻮﻃﻲ
ﻣﺤﻤﻮﺩ : ﺗﻲ ﺍﻟﺰﺡ ﺷﻦ ﺧﻄﺮﻫﺎ ﺗﻮﺍ ﺑﻌﺪ ﺍﺭﺑﻌﻪ ﺳﻨﻴﻦ ﺷﻦ ﺗﺒﻲ
ﻋﻤﺮ : ﻭﺍﻧﺖ ﻋﻼﺵ ﻣﺎﻏﻴﺮﺗﺶ ﺭﻗﻤﻚ
ﻣﺤﻤﻮﺩ : ﻫﺪﺍ ﺭﻗﻤﻲ ﻣﻦ ﻳﻮﻡ ﻳﻮﻣﻲ ﻣﺎﻓﻜﺮﺗﺶ ﻧﻐﻴﺮﻩ ﻋﻠﻲ ﺧﺎﻃﺮﻫﺎ ، ﻫﻲ ﺍﻟﻲ ﺳﻴﺒﺖ ﺑﺮﺍﺣﺘﻬﺎ ﻣﺶ ﺍﻧﻲ ، ﻻ ﻭﺷﻦ ﻗﺘﻠﻲ ﻣﺶ ﻣﺮﺗﺎﺣﺔ ، ﻭﺿﺮﺏ ﺍﻟﺤﻴﻂ ﺑﺮﺟﻠﻪ
،،،،،،،،،،،،،،
ﺣﺠﺰﻧﺎ ﺍﻟﻴﻮﻡ ﺑﻨﺮﻭﺣﻮ ﺣﺼﻠﻨﺎ ﻃﻴﺎﺭﺓ ﺍﻟﺴﺎﻋﻪ ﻋﺸﺮﺓ ﻓﻲ ﺍﻟﻠﻴﻞ ، ﻗﺎﻋﺪﻩ ﻧﻠﻢ ﻓﻲ ﺣﺎﺟﺎﺗﻨﺎ ﻓﻲ ﺍﻟﺸﻨﺎﻃﻲ
ﻭﻟﻴﺪ : ﻫﻲ ﺧﻠﻲ ﺍﻟﺒﺎﻗﻲ ﻭﺗﻌﺎﻟﻲ ﻧﻨﺰﻟﻮ ﻧﺘﻐﺪﻭ
ﺍﻧﻲ ﻭﻗﻔﺖ : ﻋﺎﺭﻑ ﺣﺒﻴﺒﻲ ﻟﻮ ﺗﻄﻠﺐ ﻳﺮﻛﺒﻮﻩ ﻟﻠﺤﺠﺮﺓ ﺍﻓﻀﻞ ، ﻟﻤﺎ ﻧﺨﺶ ﻟﻠﻤﻄﻌﻢ ﻧﺰﻫﻖ ﻣﻦ ﺭﻳﺤﺔ ﺍﻻﻛﻞ
ﻭﻟﻴﺪ ﻗﺮﺏ ﻣﻨﻲ : ﻭﻧﻄﻠﺒﻮ ﻗﺪﺍﺵ ﻋﻨﺪﻱ ﻧﻮﺳﻪ ﺍﻧﻲ ، ﻭﻗﻌﻤﺰ ﺟﻨﺐ ﺍﻟﺘﻠﻴﻔﻮﻥ ، ﻭﺍﺗﺼﻞ ﻭﻗﻌﺪ ﻳﻄﻠﺐ
ﺍﻣﺎ ﺍﻧﻲ ﻓﻨﺪﻭﺭ ﻭﻧﻠﻢ ﻓﻲ ﺍﻟﺤﺎﺟﺎﺕ
ﻭﻟﻴﺪ ﺳﻜﺮ ﺍﻟﺘﻠﻴﻔﻮﻥ : ﺭﺍﻙ ﺗﻘﻌﻤﺰﻱ ﻭﺗﺮﺗﺎﺣﻲ ، ﻧﻮﺳﺔ ﺭﺍﻙ ﺣﺎﻣﻞ ﺭﺍﻫﻮ
ﺍﻧﻲ ﺣﻄﻴﺖ ﻳﺪﻱ ﻋﻠﻲ ﺑﻄﻨﻲ ﻭﺍﺑﺘﺴﻤﺖ : ﻧﻌﺮﺭﻑ
ﻭﻟﻴﺪ : ﺑﺎﻩ ﺗﻌﺎﻟﻲ ﻗﻌﻤﺰﻱ ، ﻭﺍﺷﺮﻟﻲ ﺟﻨﺒﻪ
،،،،،،،،،،،،
ﻧﻮﺭﺱ ﺑﻌﺪﺕ ﻭﻃﺒﺴﺖ
ﻋﺪﻧﺎﻥ ﻳﺤﺎﻭﻝ ﻳﺒﺮﺭ، ﻭﺑﻀﺤﻜﺔ ﺻﻔﺮﺍ : ﻫﻬﻬﻪ ﺷﻮﻓﻲ ﻗﺪﺍﻣﻚ ﺧﻴﺮﻙ ﻣﺎﺗﻌﺮﻓﻴﺶ ﺗﻤﺸﻲ ، ﺍﻫﻠﻴﻦ ﻣﺮﺕ ﻋﻤﻲ ﻛﻴﻒ ﺣﺎﻟﻚ
ﻣﺮﺕ ﻋﻤﻪ ﺟﻤﻴﻠﺔ ﺳﻠﻤﺖ ﻋﻠﻴﻪ ، ﻭﺗﺸﻮﻑ ﻟﻨﻮﺭﺱ : ﺑﺎﻫﻴﻪ ﺍﻟﺤﻤﺪ ﻟﻠﻪ ﻭﻳﻨﻚ ﻻﺗﺠﻲ ﻻﺗﺴﺎﻝ ﻋﻠﻲ ﻋﻤﻚ ﺣﺘﻰ ﻣﺮﺽ ﻣﺎﺣﺪ ﺟﻲ ﻭﻻﺳﺎﻝ
ﺍﻣﺎ ﺍﻟﺒﻨﺖ ﺍﻟﻲ ﺟﺎﻳﻪ ﻣﻌﺎﻫﺎ ﻛﺎﻧﺖ ﺗﺸﻮﻑ ﻟﻨﻮﺭﺱ ﻭﺧﻼﺹ
ﻧﻮﺭﺱ ﻗﺪﻣﺖ ﺟﻬﺔ ﺟﻤﻴﻠﺔ : ﺍﻫﻠﻴﻦ ﻛﻴﻒ ﺣﺎﻟﻚ ﺗﻔﻀﻠﻲ ، ﻭﺍﺧﺪﺗﻬﺎ ﻭﺗﻤﺸﻲ ﻭﺭﺍﻫﺎ ﺩﺧﻠﺘﻬﺎ
ﻋﺪﻧﺎﻥ ﻛﻴﻒ ﺑﻴﻄﻠﻊ
ﻭﻗﻔﺎﺗﻪ : ﻛﻴﻒ ﺣﺎﻟﻚ ﻳﺎﻋﺪﻧﺎﻥ
ﻋﺪﻧﺎﻥ : ﺍﻫﻠﻴﻦ ﻣﻮﺩﺓ ﺷﻦ ﺍﺧﺒﺎﺭﻙ
ﻭﺍﻫﻨﻲ ﺗﻠﻔﺘﺖ ﻧﻮﺭﺱ ﻭﻫﻲ ﺧﺎﺷﻪ ﺷﺎﻓﺘﻬﻢ
ﻋﺪﻧﺎﻥ : ﻣﻌﻠﻴﺸﻲ ﻣﺴﺘﻌﺠﻞ ﺑﻨﻄﻠﻊ ، ﻭﻃﻠﻊ ﺑﺴﺮﺭﻋﻪ
ﻣﻮﺩﺓ ﺗﻠﻔﺘﺖ ﺷﺎﻓﻪ ﻟﻨﻮﺭﺱ ﺑﻨﻈﺮﺓ ﻧﻮﺭﺱ ﻣﺎﻓﻬﻤﺘﻬﺎﺵ
،،،،،،،،،،،
ﺍﻣﺸﻲ ﺍﻟﻮﻗﺖ ﻭﻣﻊ ﺍﻟﺴﺎﻋﻪ ﺗﻤﺎﻧﻴﻪ ﺍﻣﺸﻴﻨﺎ ﻟﻠﻤﻄﺎﺭ
ﺍﻟﺴﺎﻋﻪ ﻋﺸﺮﺓ ﻭﻧﺺ ، ﻗﻠﻌﺖ ﺍﻟﻄﻴﺎﺭﺓ
ﺍﻧﻲ : ﺣﺒﻴﺒﻲ
ﻭﻟﻴﺪ ﺷﺎﻓﻠﻲ
ﺍﻧﻲ ﺷﺪﻳﺖ ﻳﺪﻩ : ﺷﻜﺮﺍ ﻋﻠﻲ ﺍﻟﺴﻔﺮﺓ ، ﻣﻦ ﺍﺣﻠﻰ ﺍﻳﺎﻡ ﺣﻴﺎﺗﻲ ﻭﺍﻧﻲ ﻣﻌﺎﻙ
ﻭﻟﻴﺪ ﺍﺑﺘﺴﻤﻠﻲ ﺑﺤﺐ
ﺍﻧﻲ ﺣﻄﻴﺖ ﺭﺍﺳﻲ ﻋﻠﻲ ﻛﺘﻔﻪ : ﻣﺸﻐﻮﻟﺔ ﻋﻠﻲ ﺣﻨﻴﻨﻪ
ﻭﻟﻴﺪ ﻟﻒ ﻳﺪﻩ ﻋﻠﻴﺎ : ﺗﻮ ﻧﺮﻭﺣﻮ ﻭﺗﺸﻮﻓﻴﻬﺎ ﻭﺗﻄﻤﻨﻲ ﻋﻠﻴﻬﺎ ﻳﺎﺭﻭﺣﻲ
ﺍﻧﻲ ﻗﻤﺖ ﻋﻴﻮﻧﻲ ﺷﻔﺖ ﻟﻠﻤﻀﻴﻔﻪ ، ﻛﺎﻧﺖ ﺗﺸﻮﻓﻠﻨﺎ ﻭﻣﺒﺘﺴﻤﻪ ، ﺷﺪﻳﺖ ﻓﻲ ﻭﻟﻴﺪ ﺍﻛﺜﺮ ﻭﺍﺑﺘﺴﻤﺖ
<< ﻛﻢ ﺃﻧﺎ ﻣﺤﻈﻮﻇﺔ ﺑﻚ ﻳﺎﺣﺒﻴﺒﻲ ، ﺃﺩﻋﻮ ﺍﻟﻠﻪ ﺩﻭﻣﺎ ﺍﻻ ﻳﺒﻌﺪﻙ ﻋﻨﻲ ، ﻛﻢ ﺃﺧﺎﻑ ﻋﻨﺪﻣﺎ ﺃﺭﻯ ﻋﻴﻮﻥ ﺍﻟﺤﺎﺳﺪﻳﻦ ﺃﺗﺸﺒﺖ ﺑﻚ ﺑﻘﻮﺓ ﻛﻲ ﻻﺗﻀﻴﻊ ﻣﻨﻲ >>
،،،،،،،،،،،،
ﺗﺘﺼﻞ ﺑﻴﻪ ﻫﺎﺩﻱ ﺗﺎﻟﺖ ﻣﺮﺓ ﻣﺎﻳﺮﺩﺵ ، ﻟﻤﺎ ﻗﺮﻳﺐ ﻳﻔﺼﻞ ﺍﻟﺨﻂ ، ﺭﺩ
ﻧﻮﺍﻝ : ﺍﻟﻮ
ﻣﺤﻤﻮﺩ : ﺍﻳﻮﺍ
ﻧﻮﺍﻝ : ﻭﻳﻨﻚ
ﻣﺤﻤﻮﺩ : ﺷﻲ ﻣﺘﻀﺎﻳﻖ ﺑﺲ
ﻧﻮﺍﻝ : ﺷﻦ ﻓﻲ ؟ ﻟﻴﺶ ﻣﺘﻀﺎﻳﻖ ؟
ﻣﺤﻤﻮﺩ : ﺷﻲ ﻓﻮﺗﻲ
ﻧﻮﺍﻝ : ﻻ ﺷﻦ ﻓﻲ ﺍﺣﻜﻲ
ﻣﺤﻤﻮﺩ : ﻧﻮﺍﺍﻝ ﻓﻮﺗﻲ ﻗﻠﺖ
ﻧﻮﺍﻝ : ﺑﺎﻩ ﻓﻀﻔﺾ ﻋﻠﻲ ﺍﻣﻀﺎﻳﻘﻚ
ﻣﺤﻤﻮﺩ ﺷﺎﺩ ﻋﻠﻲ ﺳﻨﻮﻧﻪ : ﻗﻠﺖ ﻓﻮﺗﻲ
ﻧﻮﺍﻝ : ﺑﺎﻩ ﻛﻴﻒ ﻧﻔﻮﺕ ﻧﺨﻠﻴﻚ ﻫﻜﻲ ﻣﺘﻀﺎﻳﻖ
ﻣﺤﻤﻮﺩ ﺑﻌﺼﺒﻴﻪ : ﺑﺎﺍﺍﺍﺵ ﺗﻔﻬﻤﻲ ﻗﻠﺖ ﻓﻮﺗﻲ ﺧﻼﺹ ﻣﺎﺗﺸﺪﻳﺶ ﻓﻲ ﻋﻤﻲ ﺍﻟﺰﻓﺖ ﻣﺶ ﻃﺎﺍﺍﻳﻖ ﺭﻭﻭﺣﻲ ﻭﺍﻧﺖ ﺗﻌﻨﻜﺸﻲ ﻛﻠﻤﺔ ﻭﺣﺪﺓ ﻫﻲ ﻓﻮﺗﻲ ﻳﻌﻨﻲ ﻓﻮﻭﺗﻲ ، ﺍﻟﺰﺡ ﻛﻠﻪ ﻓﻀﻮﻭﻭﻝ ﺑﺎﺵ ﺗﻌﺮﻓﻲ ﺷﻨﻮ
ﻧﻮﺍﻝ ﻣﺼﺪﻭﻣﺔ ﻣﻦ ﺍﻟﻌﻴﻄﺔ ﺍﻟﻲ ﻋﻴﻄﻬﺎ ﻋﻠﻴﻬﺎ ﻫﻲ ﻛﺎﻧﺖ ﺑﺲ ﻣﺸﻐﻮﻟﺔ ﻋﻠﻴﻪ ، ﻗﺎﻟﺖ ﺑﺼﻮﺕ ﻭﺍﺛﻖ : ﻣﺎﺷﻲ ﻧﺨﻠﻴﻚ ﺗﺮﺗﺎﺡ
ﻣﺤﻤﻮﺩ : ﺗﻲ ﺍﻟﺰﺯﺡ
ﻧﻮﺍﻝ : ﺳﻼﻡ ، ﻭﺳﻜﺮﺕ ﻭﻫﻲ ﻃﺎﻳﺮﺗﻠﻬﺎ ﻭﻣﺼﺪﻭﻣﺔ ﻋﻼﺵ ﻣﺘﻀﺎﻳﻖ ﻫﻜﻲ
ﺍﻣﺎ ﻣﺤﻤﻮﺩ ﻟﻤﺎ ﺳﻜﺮﺕ ، ﺣﺬﻑ ﺍﻟﺘﻠﻴﻔﻮﻥ ، ﻭﺣﻂ ﻳﺪﻳﻪ ﻋﻠﻲ ﻋﻴﻮﻧﻪ : ﺍﺳﺘﻐﻔﺮ ﺍﻟﻠﻪ
،،،،،،،،،،،،،،
ﺍﻣﺸﻲ ﺍﻟﻮﻗﺖ ، ﻭﺻﻠﺖ ﺍﻟﻄﻴﺎﺭﺓ ﺍﻟﺴﺎﻋﻪ ﺍﺗﻨﻴﻦ ﻭﻧﺺ ، ﻧﺰﻟﻨﺎ ﻟﻠﻤﻄﺎﺭ ﺍﺧﺪﻳﻨﺎ ﺍﻟﺸﻨﺎﻃﻲ ﺑﻌﺪﻫﺎ ﺍﺧﺪﻳﻨﺎ ﺗﺎﻛﺴﻲ ﺭﻭﺣﻨﺎ ﻟﻠﺤﻮﺵ
ﺗﺎﻧﻲ ﻳﻮﻡ ﺍﻟﺼﺒﺢ
ﻧﻀﺖ ﺑﻜﺮﻱ ﻭﺗﻴﺖ ﺭﻭﺣﻲ ﻭﻧﺒﻲ ﻧﻤﺸﻲ ﻟﺤﻨﻴﻨﻪ ﻓﻲ ﺍﻟﻤﺴﺘﺸﻔﻰ ﻧﺘﻄﻤﻦ ﻋﻠﻴﻬﺎ
ﻧﺰﻟﺖ ﺧﺸﻴﻨﺎ ﻟﻌﻤﺘﻲ ، ﺳﻠﻤﻨﺎ ﻋﻠﻴﻬﻢ ﺑﻌﺪﻫﺎ ﻃﻠﻌﻨﺎ
ﻭﺻﻠﻨﺎ ﻟﻠﻤﺴﺘﺸﻔﻰ ، ﺧﺸﻴﺖ ﺳﺎﻟﺖ ﻋﻠﻲ ﺣﺠﺮﺗﻬﺎ ﻭﻳﻦ ، ﺍﺧﺪﻱ ﺍﺻﻨﺼﻴﺮ ﺭﻛﺒﻨﺎ
ﻭﺍﺣﻨﻲ ﻧﻜﺸﻮ ﻓﻲ ﺍﻟﻤﻤﺮ ، ﻟﻤﺤﺖ ﻋﺒﺪ ﺍﻟﻤﻨﻌﻢ ﻭﻟﺪ ﻋﻤﻲ ، ﻗﺪﻣﺖ ﺑﺴﺮﻋﻪ ﺟﻬﺘﻪ
ﻭﻟﻴﺪ ﺷﺪ ﻋﻠﻲ ﻓﻤﻪ ﻣﻦ ﺗﺤﺖ : ﺗﻲ ﺑﺎﻟﺸﻮﻳﺔ ﻳﺎﻧﻮﺳﻪ
ﺍﻧﻲ : ﺷﻦ ﻭﻳﻦ ﺍﺣﻨﻴﻨﻪ ، ﻭﻗﻌﺪﺕ ﻧﺸﻮﻑ ﻟﻮﺟﻮﻫﻬﻢ
ﻭﻳﻨﻔﺘﺢ ﺑﺎﺏ ﺍﻟﺤﺠﺮﺓ ، ﻭﻧﻠﻘﻰ ﺍﻟﻤﻤﺮﺿﺎﺕ ﻃﺎﻟﻌﺎﺕ ﻭﻳﺠﺒﺪﻭ ﻓﻲ ﺍﻟﺴﺮﻳﺮ
ﻗﻌﺪﺕ ﻋﻴﻮﻧﻲ ﻣﻌﻠﻘﻪ ﻓﻲ ﺍﻟﺴﺮﻳﺮ ، ﻣﻐﻄﻴﺔ ﻛﻠﻬﺎ ﺑﺎﻟﺸﺮﺷﺎﻑ
ﻋﺼﺎﻡ : ﺍﻧﺎ ﻟﻠﻪ ﻭﺍﻧﺎ ﺍﻟﻴﻪ ﻟﺮﺍﺟﻌﻮﻥ
ﺍﻧﻲ .........
# ﻳﺘﺒﻊ