ﺍﻟﺤﻠﻘﺔﺓ [ 48 ]
ﻣﻦ ﺭﻭﺍﻳﺔ - - "<- ﺳﻨــﺪ ﺍﻷﻧﺜــﻰ ﺭﺟــﻞ "
ﻣﺤﻤﻮﺩ ﻭﺍﻗﻒ ﻉ ﺍﻟﻤﺮﺍﻳﺔ ﻭﻳﻮﺍﺳﻲ ﻓﻲ ﺍﻟﻘﺮﻭﺍﻃﺔ ، ﺷﺮﻳﻦ ﺗﻠﻴﻔﻮﻧﻪ ﻛﺎﻥ ﻭﻟﻴﺪ
ﻭﻟﻴﺪ : ﻫﺎ ﻭﻳﻨﻚ
ﻣﺤﻤﻮﺩ : ﺷﻮﻳﺔ ﻭﺑﻨﻄﻠﻊ ﺍﻧﻲ ﺟﺎﻱ
ﻭﻟﻴﺪ : ﺑﺎﻩ ، ﻭﺳﻜﺮ
ﻣﺤﻤﻮﺩ ﻭﻫﻮ ﻳﺒﺦ ﻓﻲ ﺍﻟﺒﺮﻓﺎﻥ ﻭﻳﻮﺍﺳﻲ ﻓﻲ ﺷﻌﺮﻩ ، ﺷﺮﻳﻦ ﺍﻟﺒﺎﺏ
ﻭﺑﻌﺪﻫﺎ ﻗﻌﺪ ﻳﻄﻖ ﺑﻘﻮﻭﻳﺔ
ﻣﺤﻤﻮﺩ ﻃﺎﻟﻊ ﻭﻣﺴﺘﻐﺮﺏ ، ﻗﺮﺏ ﻣﻦ ﺍﻟﺒﺎﺏ ﻭﻓﺘﺢ
ﻛﺎﻧﻮ ﺯﻭﺯ ﻣﻠﺘﻤﻴﻦ ، ﺧﺸﻮﻭ ﻭﺳﻜﺮﻭ ﺍﻟﺒﺎﺏ
ﻣﺤﻤﻮﺩ ﻭﺧﺮ : ﺗﻔﻀﻠﻮ ﺍﻥ ﺷﺎﺀ ﺍﻟﻠﻪ ﺧﻴﺮ
ﺍﻷﻭﻝ ﻋﻄﻲ ﻟﻤﺤﻤﻮﺩ ﺑﻮﻛﺲ ﻋﻠﻲ ﻋﻴﻨﻪ
ﻣﺤﻤﻮﺩ ﻣﻦ ﻗﻮﺓ ﺍﻟﻀﺮﺑﺔ ﻗﺮﻳﺐ ﻃﺎﺡ ﻟﻜﻦ ﺷﺎﺩ ﺭﻭﺣﻪ ﺣﻂ ﻳﺪﻩ ﻋﻠﻲ ﻋﻴﻨﻪ ، ﻭﺑﻌﺪﻫﺎ ﻗﺪﻡ ﻭﺭﺩﻟﻪ ﺍﻟﻀﺮﺑﺔ
ﺍﻟﺜﺎﻧﻲ ﻗﺪﻡ ﻋﻠﻲ ﻣﺤﻤﻮﺩ ﻭﻗﻌﺪ ﻳﻀﺮﺏ ﻓﻴﻪ
ﻣﺤﻤﻮﺩ ﻳﺮﺩ ﻓﻲ ﺍﻟﻀﺮﺑﺎﺕ
ﺍﻻﻭﻝ ﺟﻲ ﻣﻊ ﺍﻟﺘﺎﻧﻲ ﻭﻃﻴﺤﻮ ﻣﺤﻤﻮﺩ ﻉ ﺍﻻﺭﺽ ﻭﻗﻌﺪﻭ ﻳﻀﺮﺑﻮ ﻓﻴﻪ
ﻣﺤﻤﻮﺩ ﻳﻘﺎﻭﻡ : ﻱ ######
ﺍﻟﺜﺎﻧﻲ ﺷﺪ ﻣﺤﻤﻮﺩ ﻣﻦ ﺳﻮﺭﻳﺘﻪ
ﻣﺤﻤﻮﺩ ﻳﺤﺎﻭﻝ ﻳﻘﺎﻭﻡ ﻟﻜﻦ ﻫﻤﺎ ﺿﺮﺑﻮﻩ ﻫﻠﺒﺎ ﻗﻌﺪ ﺷﺎﺩ ﻋﻠﻲ ﺳﻨﻮﻧﻪ
ﺍﻻﻭﻝ ﻳﻌﻔﺲ ﻋﻠﻲ ﺑﻄﻦ ﻣﺤﻤﻮﺩ
ﻣﺤﻤﻮﺩ : ﺍﺍﺍﺍﻩ ﻳﺎﺍ ##### ﺷﻦ ﺗﺒﻮﻭﻭ
ﺍﻟﺜﺎﻧﻲ ﺿﺎﻏﻂ ﻋﻠﻲ ﺳﻮﺭﻳﺔ ﻣﺤﻤﻮﺩ ﻣﻦ ﺟﻬﺔ ﺭﻗﺒﺘﻪ ﻭﺑﺼﻮﺕ ﺣﺎﺩ : ﻳﺎﺍﻭﻻﺩ ﻣﺨﺘﺎﺭ ﻣﺮﺓ ﺗﺎﻧﻴﻪ ﺃﻋﺮﻓﻮ ﻣﻊ ﻣﻦ ﺗﻠﻌﺒﻮ ﻓﺎﺍﻫﻢ
ﻣﺤﻤﻮﺩ : ﻱ #### ﻛﺎﻧﻚ ﺭﺍﺍﺟﻞ ﺣﻮﻝ ﺍﻟﻲ ﻋﻠﻲ ﻭﺟﻬﻚ ﻟﻜﻨﻜﻢ ﺧﻮﺍﻓﻴﻦ ﻣﺎﻛﻤﺶ ﺭﺟﺎﻟﺔ
ﻭﺍﻻﺗﻨﻴﻦ ﻫﺠﻤﻮ ﻋﻠﻲ ﻣﺤﻤﻮﺩ ﺑﺎﻟﻀﺮﺏ
،،،،،،،،،
ﻧﻮﺍﻝ : ﻧﺘﺼﻞ ﻣﺎﻳﺮﺩﺵ ﺍﻟﺼﺒﺮ ﻳﺎﺭﺑﻲ ﺍﺷﺒﺢ ﺷﻦ ﺻﺎﺭﻟﻪ
ﻋﻤﺘﻲ ﺗﻜﻠﻢ ﻓﻲ ﻭﻟﻴﺪ : ﺷﻮﻑ ﺧﻮﻙ ﻳﺎﻭﻟﻴﺪ
ﻭﻟﻴﺪ : ﻳﺎﺍﻣﻲ ﻧﺤﺎﻭﻝ ﻣﻊ ﺗﻠﻴﻔﻮﻧﻪ ﻣﺎﻳﺮﺩﺵ ﺗﻮ ﻧﻤﺸﻴﻠﻪ ﻓﻲ ﺍﻟﺤﻮﺵ
ﻋﻤﺘﻲ : ﺑﺎﻩ ﻏﻴﺮ ﻃﻤﻨﻲ ﺑﺲ ﻳﺴﺘﺮ ﺍﻟﻠﻪ ﻭﺧﻼﺹ
ﻣﺮﺕ ﻋﻤﻬﻢ : ﺷﻦ ﻣﺰﺍﻝ ﻣﺎﻛﻤﺶ ﻣﺮﻭﺣﻴﻦ
ﻋﻤﺘﻲ : ﻭﺍﻟﻠﻪ ﻣﺤﻤﻮﺩ ﻳﺒﻲ ﻳﺸﻮﻑ ﺧﻄﻴﺒﺘﻪ
ﻣﺮﺕ ﻋﻤﻬﻢ : ﺍﻫﺎ ﻭﻻﺯﻡ ؟
ﻋﻤﺘﻲ : ﻭﺍﻟﻠﻪ ﻫﻮ ﻳﺒﻲ ﻳﺨﺶ ﻳﻬﺪﺭﺯ ﻣﻌﺎﻫﺎ ﺷﻮﻳﺔ ﻭﺍﺷﺒﺢ ﺗﻮﺍ ﻭﻳﻨﻪ
ﻣﻨﻰ : ﺍﻥ ﺷﺎﺀ ﺍﻟﻠﻪ ﺧﻴﺮ
ﻭﺑﺪﻱ ﻧﻨﺸﻐﻠﻮ ﻋﻠﻲ ﻣﺤﻤﻮﺩ ﺍﻟﻲ ﻣﺎﻳﺮﺩﺵ ﻉ ﺍﻟﺘﻠﻴﻔﻮﻥ
ﻧﻮﺍﻝ ﻣﻘﻌﻤﺰﺓ ﻭﺗﺒﻜﻲ ﻭﻣﻜﻴﺎﺟﻬﺎ ﻛﻠﻪ ﺗﻠﺒﺰ ﺭﻛﺒﻨﺎﻫﺎ ﻓﻮﻕ ﻟﺪﺍﺭﻫﺎ
ﻋﻤﺘﻲ ﺣﺘﻰ ﻫﻲ ﻗﻌﺪﺕ ﺗﺒﻜﻲ ﻭﻣﺸﻐﻮﻟﺔ
ﻣﺮﺕ ﻋﻤﻬﻢ : ﺑﺎﻩ ﻗﻮﻟﻴﻠﻲ ﻟﻼﻭﻻﺩ ﻳﺮﻭﺣﻮ ﺑﻴﻨﺎ ﻻﻣﺘﻰ ﺑﻨﻘﻌﺪﻭ ﻣﺎﺩﻳﻦ ﻭﺟﻮﻫﻨﺎ ﺍﻫﻨﻲ
ﻭﻓﺎﺀ : ﺗﻮ ﻧﺸﻮﻑ ﻋﺒﺪ ﺍﻟﻘﺎﺩﺭ ، ﺍﻟﻮ ﻋﺒﺪﻭ
ﻋﺒﺪ ﺍﻟﻘﺎﺩﺭ : ﺍﻳﻮﺍ ﻳﺎﻭﻓﺎﺀ
ﻭﻓﺎﺀ : ﻋﺒﺪﻭ ﻧﺒﻮ ﻧﺮﻭﺣﻮ ﻫﻴﺎ
ﻋﺒﺪ ﺍﻟﻘﺎﺩﺭ : ﺑﺎﻩ ﻫﻲ ﺍﻃﻠﻌﻮ ﻗﺒﻞ ﺑﻨﺮﺍﺟﻮ ﻣﺤﻤﻮﺩ ﻣﺶ ﻋﺎﺭﻑ ﺷﻦ ﺻﺎﻳﺮ ﻳﺴﺘﺮ ﺍﻟﻠﻪ ﻭﺧﻼﺹ
ﻭﻓﺎﺀ : ﺍﻣﺸﻲ ﻭﻟﻴﺪ ﻭﺍﻻ
ﻋﺒﺪ ﺍﻟﻘﺎﺩﺭ : ﺍﻳﻪ ﺍﻣﺸﻲ ﻫﻲ ﺍﻃﻠﻌﻮ ، ﻭﺳﻜﺮ
ﻭﻓﺎﺀ : ﻫﻴﺎ ﻗﺎﻟﻮ ﻫﻴﺎ
ﻣﺎﻣﺎ ﺗﺴﻠﻢ ﻋﻠﻲ ﻋﻤﺘﻲ : ﻃﻤﻨﻴﻨﺎ ﻋﻠﻲ ﻭﻟﻴﺪﻙ ﻟﻤﺎ ﺗﺮﻭﺣﻲ ﺑﺎﻟﻠﻪ
ﻋﻤﺘﻲ ﺩﻣﻌﺘﻬﺎ ﺣﺎﺻﻠﻪ ﻓﻲ ﻋﻴﻨﻬﺎ ﻭﻣﺸﻐﻮﻟﻪ ﻋﻠﻲ ﻣﺤﻤﻮﺩ : ﺍﻥ ﺷﺎﺀ ﺍﻟﻠﻪ ﺧﻴﺮ ﻭﺧﻼﺹ ﻭﺍﻟﻠﻪ ﻣﺎﻧﻲ ﻋﺎﺭﻓﻪ ﺷﻦ ﺍﻟﻲ ﺻﺎﻳﺮ
ﻣﺎﻣﺎ : ﺍﻥ ﺷﺎﺀ ﺍﻟﻠﻬﺮﺑﻲ ﻳﻄﻤﻨﻚ
ﻋﻤﺘﻲ : ﺍﻥ ﺷﺎﺀ ﺍﻟﻠﻪ ﺳﺎﻣﺤﻮﻧﺎ
ﻣﺎﻣﺎ : ﻋﻠﻲ ﺷﻨﻮ ﻳﺎﻭﺧﻴﺘﻲ ﻣﺶ ﻣﺸﻜﻠﺔ ﻋﻴﻠﻪ ﻭﺣﺪﺓ ﺗﻮﺍ ﺍﺣﻨﻲ
ﻟﺒﺴﻮ ﺍﻟﻨﺴﺎﻭﻳﻦ ﻋﺒﺎﻳﺎﺗﻬﻢ ﻭﻃﻠﻌﻮ ﻭﺭﻛﺒﻮ ﻓﻲ ﺍﻟﺴﻴﺎﺭﺍﺕ
ﺳﻜﺮﺕ ﺍﻟﺒﺎﺏ ﻣﺎﻣﺎ ﻭﻗﻌﻤﺰﺕ ﺑﻘﻠﻖ : ﻳﺴﺘﺮ ﺍﻟﻠﻪ ﻭﺧﻼﺹ
ﺧﺎﻟﺘﻲ : ﺍﻥ ﺷﺎﺀ ﺍﻟﻠﻪ ﺧﻴﺮ ﻧﻮﺍﻝ ﻫﻲ ﺍﻟﻲ ﻗﺮﻳﺐ ﺗﻬﺒﻞ
ﻣﺎﻣﺎ ﻭﻗﻔﺖ : ﺍﻳﻪ ﻭﺍﻟﻠﻪ ﺧﻠﻲ ﻧﻤﺸﻲ ﻧﺸﻮﻓﻬﺎ
،،،،،،،،
ﺍﻣﺎ ﻭﻟﻴﺪ ﺩﺍﺭ ﺍﻟﺴﻴﺎﺭﺓ ﻃﻴﺎﺭﻩ ﻭﺍﻭﻝ ﻣﺎﻭﺻﻞ ﻟﻠﺤﻮﺵ ﺍﻟﻘﻲ ﺍﻟﺒﺎﺏ ﻣﻔﺘﻮﺡ ﺍﺳﺘﻐﺮﺏ ، ﺧﺶ ﺍﻟﺠﻨﺎﻥ ﻓﺎﺿﻲ ﻗﻌﺪ ﻳﻨﺎﺩﻱ : ﻣﺤﻤﻮﺩ ﻣﺤﻤﻮﺩ ، ﺧﺶ ﻟﻠﺤﻮﺵ ﻓﺘﺸﻪ ﻛﻠﻪ ﻣﺎﻟﻘﺎﺷﻲ ، ﺧﺶ ﻟﺪﺍﺭ ﻣﺤﻤﻮﺩ ﺍﻟﻘﻲ ﺗﻠﻴﻔﻮﻥ ﻣﺤﻤﻮﺩ ﻣﺤﻄﻮﻁ ، ﺯﺍﺩ ﺍﺳﺘﻐﺮﺏ ﻭﺭﻛﺒﻪ ﺍﻟﺸﻚ ﻃﺎﻟﻊ ﻣﻦ ﻏﻴﺮ ﺗﻠﻴﻔﻮﻧﻪ ﻣﻌﻘﻮﻟﻪ ﻭﻣﺨﻠﻲ ﺍﻟﺒﺎﺏ ﻣﻔﺘﻮﺡ ﻗﻌﺪ ﻳﻠﻮﺩ ﻓﻲ ﻣﻜﺎﻧﻪ ﻭﻣﻌﺎﺵ ﻋﺮﻑ ﻛﻴﻒ ﻳﺪﻳﺮ ، ﻃﻠﻊ ﺗﻠﻴﻔﻮﻧﻪ ﺑﻴﺘﺼﻞ ﺑﻌﺒﺪ ﺍﻟﻘﺎﺩﺭ ، ﻭﻛﻴﻒ ﺑﻴﺘﺼﻞ ﺟﺎﻩ ﺍﺗﺼﺎﻝ
ﻭﻟﻴﺪ : ﺍﻳﻮﻩ ،، ﻛﻴﻒ ﺻﺎﺭﺭ ، ﻻ ﻳﺎﺭﺍﺟﻞ ، ﻭﻳﻨﻚ ﺍﻧﺖ ، ﺧﻼﺹ ﺗﻢ ﺧﻤﺴﻪ ﺑﺲ ﻭﻧﻜﻮﻥ ﻋﻨﺪﻙ ، ﻭﺳﻜﺮ ﺑﺴﺮﻋﻪ ﻭﻃﻠﻊ ﻭﺳﻜﺮ ﺍﻟﺒﺎﺏ ﻭﺭﺍﻩ
ﻭﻫﻮ ﻓﻲ ﺍﻟﻄﺮﻳﻖ
ﻭﻟﻴﺪ : ﺍﻳﻮﻩ ﻳﺎﻋﺒﺪ ﺍﻟﻘﺎﺩﺭ ، ﻭﺻﻠﻮ ﺍﻟﻨﺴﺎﻭﻳﻦ ﻭﻛﻠﻤﻨﻲ ﻧﻘﻮﻟﻚ ﻭﻳﻦ ﺗﻠﺤﻘﻨﻲ
ﻋﺒﺪ ﺍﻟﻘﺎﺩﺭ : ﺷﻦ ﻓﻲ
ﻭﻟﻴﺪ : ﺗﻲ ﻏﻴﺮ ﺍﺳﻜﺖ ﻳﺎﺭﺍﺟﻞ ﻣﺎﺗﺸﻐﻠﺶ ﺍﻣﻲ ، ﻭﺻﻠﻬﻢ ﻭﺗﻌﺎﻟﻰ
ﻋﺒﺪ ﺍﻟﻘﺎﺩﺭ : ﺑﺎﻩ ﺗﻤﺎﻡ
ﻋﻤﺘﻲ ﻟﻌﺒﺪ ﺍﻟﻘﺎﺩﺭ : ﻣﻦ ﻫﺬﺍ ﻣﺤﻤﻮﺩ
ﻋﺒﺪ ﺍﻟﻘﺎﺩﺭ ﺑﺎﺍﺭﺗﺒﺎﻙ : ﻻﻻ ﻫﺪﺍ ﻭﺍﺣﺪ ﻧﻌﺮﻓﻪ ، ﻭﻗﻌﺪ ﻳﺴﻮﻕ ﻭﻣﺸﻐﻮﻝ ، ﻭﻳﺴﻮﻕ ﺑﻴﺮﻋﻪ ﻳﺒﻲ ﻳﻮﺻﻞ ﺑﺴﺮﻋﻪ
،،،،،،،،
ﻧﻮﺍﻝ ﺍﻭﻝ ﻣﺎﺭﻛﺒﺖ ﻭﺧﺸﺖ ﺩﺍﺭﻫﺎ ﻗﻌﻤﺰﺕ ﺑﻘﻮﺓ ﻋﻠﻲ ﺳﺮﻳﺮﻫﺎ ﻭﻫﻲ ﺗﺒﻜﻲ
ﻧﻮﺭﺱ ﺗﺤﺎﻭﻝ ﺗﻤﺴﺤﻠﻬﺎ ﺍﻟﻜﺤﻞ ﺍﻟﻲ ﻋﺒﻰ ﻭﺟﻬﻬﺎ ﻭﻭﻟﺖ ﻣﺨﻴﻔﻪ ﻣﻨﻪ : ﻧﻮﺍﻝ ﺗﻔﺎﺋﻠﻲ ﺧﻴﺮ ﻣﺮﺍﺕ ﺍﻧﺸﻐﻞ ﺑﺤﺎﺟﺔ ﺑﺲ ﺻﺎﺭ ﺷﻲ ﻟﺤﺪ ﻳﻌﺮﻓﻬﺎ
ﻧﻮﺍﻝ ﺗﺒﻜﻲ : ﻳﻄﻤﻨﻲ ﻟﻮ ﺻﺎﺭﻟﻪ ﺷﻲ ، ﺍﻧﻲ ﻗﻠﺒﻲ ﻣﻘﺒﻮﺽ ﻣﻦ ﺑﻜﺮﻱ ﻧﺤﺲ ﺑﺤﺎﺟﺔ
ﺍﻧﻲ ﺷﺎﺩﻩ ﺍﻟﺘﻠﻴﻔﻮﻥ : ﺗﻔﺎﺋﻠﻲ ﺧﻴﺮ ﺑﺎﺫﻥ ﺍﻟﻠﻪ ﻣﺎﺻﺎﺭﻟﻪ ﺷﻲ ( ﻗﺎﻋﺪﻩ ﻧﺤﺎﻭﻝ ﻣﻊ ﻭﻟﻴﺪ ﻭﻣﺎﺣﺼﻠﺘﺎﺷﻲ ﻭﻣﺎﺑﻴﺘﺶ ﻧﺰﻳﺪ ﻧﺸﻐﻞ ﻧﻮﺍﻝ )
ﻣﺎﻣﺎ ﺧﺸﺖ ﻫﻲ ﻭﺧﺎﻟﺘﻲ
ﺧﺎﻟﺘﻲ ﻗﻌﻤﺰﺕ ﺟﻨﺐ ﻧﻮﺍﻝ : ﻭﺍﻟﻠﻪ ﻣﺮﺍﺕ ﺗﻮﻫﻤﻲ ﻓﻲ ﺭﻭﺣﻚ ﺑﺲ ﻫﻜﻲ ﻭﺗﺒﻜﻲ ﻭﻳﻄﻠﻊ ﻣﺎﻓﻴﻪ ﺷﻲ ﺗﻮﻛﻠﻲ ﻋﻠﻲ ﺭﺑﻲ
ﻧﻮﺍﻝ : ﻗﻠﺒﻲ ﻣﻘﺒﻮﺽ ﺣﺎﺳﻪ ﻓﻲ ﺣﺎﺟﺔ ، ﻋﻼﺵ ﻫﻜﻲ ﺣﻈﻲ ﻋﻼﺵ ﻳﻮﻡ ﺑﻴﺎﻧﻲ ﻳﺼﻴﺮ ﻫﻜﻲ ﻋﻼﺵ ﻓﺮﺣﺘﻲ ﻣﺎﺗﻤﺶ ﻋﻼﺵ ﻓﺮﺣﺘﻲ ﺩﻳﻤﺎ ﻧﺎﻗﺼﻪ
ﻣﺎﻣﺎ ﻭﺟﻌﻬﺎ ﻛﻼﻡ ﻧﻮﺍﻝ ﻗﻌﻤﺰﺕ ﺟﻨﺒﻬﺎ ﻭﺣﻀﻨﺘﻬﺎ
ﺍﻧﻲ ﺷﺮﻳﻦ ﺗﻠﻴﻔﻮﻧﻲ ﺍﻟﻘﻴﺘﻪ ﻭﻟﻴﺪ ﺩﺭﺗﻪ ﺻﺎﻣﺖ ﻭﻃﻠﻌﺖ ﻣﻦ ﺍﻟﺪﺍﺭ
،،،،،،،،،،،
ﻋﺒﺪ ﺍﻟﻘﺎﺩﺭ ﻭﺻﻞ ﺍﻣﻪ ﻭﺍﺧﻮﺍﺗﻪ ﻟﻠﺤﻮﺵ ﻭﻃﻠﻊ ﻳﺠﺮﻱ ﺍﺗﺼﻞ ﺑﻮﻟﻴﺪ ﻓﻲ ﺍﻟﻄﺮﻳﻖ
ﻭﻟﻴﺪ : ﺗﻌﺎﻟﻰ ﻣﺴﺘﺸﻔﻰ #### ﻓﻲ ﺍﻻﺳﻌﺎﻑ ﺗﻠﻘﺎﻧﻰ
ﻋﺒﺪ ﺍﻟﻘﺎﺩﺭ : ﺑﺎﻩ ﺗﻢ ، ﻭﺳﻜﺮ
ﻭﺩﺍﺭ ﺳﻴﺎﺭﺗﻪ ﻃﻴﺎﺭﺓ
ﺍﻣﺎ ﻋﻤﺘﻲ ﺧﺸﺖ ﻟﻠﺤﻮﺵ ﻗﻌﻤﺰﺕ ﻋﻠﻲ ﺻﺎﻟﻮﻥ ﺍﻟﺼﺎﻟﺔ ﻭﻫﻲ ﻣﺸﻐﻮﻟﺔ ﺑﻜﻞ
ﻣﻨﻰ ﻭﻫﻲ ﺑﺘﻄﻠﻊ ﺗﻜﻠﻢ ﻋﻤﺎﺩ ﻧﺰﻟﺖ ﻋﻴﻮﻧﻬﺎ ﻓﺠﺄﺓ ﻋﻠﻲ ﺟﻬﺔ ﻓﻲ ﺯﻟﻴﺰ ﺍﻟﺠﻨﺎﻥ ﺻﻌﺐ ﺗﻼﺣﻈﻴﻬﺎ ﺍﻻ ﻟﻮ ﺭﻛﺰﺗﻲ ، ﻭﺍﻟﻘﺖ : ﻫﻴﻴﻴﻴﻴﻲ ﻋﻤﺎﺍﺍﺍﺩ ﺗﻌﺎﻟﻰ
ﻋﻤﺎﺍﺩ ﺧﺶ ﻣﻦ ﺍﻟﺒﺎﺏ ﻳﺠﺮﻱ ﺍﻭﻝ ﻣﺎﺳﻤﻊ ﻋﻴﻄﺘﻬﺎ : ﺗﻲ ﺷﻦ ﻓﻲ ﻧﻘﺼﻲ ﺻﻮﺗﻚ
ﻣﻨﻰ ﺗﻘﺮﺏ : ﺷﻮﻭﻑ
ﻋﻤﺎﺩ ﺷﺎﻑ ﻟﻮﻳﻦ ﺗﺸﻮﻑ ﻫﻲ ﻭﻗﺮﺏ ﻣﻦ ﺍﻟﻤﻜﺎﻥ : ﺩﻡ
ﻣﻨﻰ ﺣﻄﺖ ﻳﺪﻳﻬﺎ ﻋﻠﻲ ﻓﻤﻬﺎ ﻭﺷﻬﻘﺖ : ﻣﺤﻤﻤﻮﻭﺩ
ﻋﻤﺎﺩ ﻃﻠﻊ ﺗﻠﻴﻔﻮﻧﻪ ﺑﺴﺮﻋﻪ ﻭﺍﺗﺼﻞ ﺑﻮﻟﻴﺪ : ﺷﻦ ﺻﺎﻳﺮ ﻳﺎﻭﻟﻴﺪ ، ﻭﻗﻌﺪ ﺳﺎﻛﺖ ﻳﺴﻤﻊ ، ﺑﺎﻩ ﺷﻮﻳﺔ ﻭﻧﻜﻮﻥ ﻋﻨﺪﻙ ، ﻭﺳﻜﺮ ﻭﺟﻲ ﺑﻴﻄﻠﻊ ﺑﺴﺮﻋﻪ
ﻣﻨﻰ ﺷﺪﺍﺗﻪ ﻣﻦ ﻳﺪﻩ ﻭﻫﻲ ﺩﻣﻮﻋﻬﺎ ﻋﻠﻲ ﺧﺪﻫﺎ : ﺷﻦ ﺻﺎﻳﺮ
ﻋﻤﺎﺩ ﻧﺮﻭﺡ ﻧﺤﻜﻴﻠﻚ ﺧﻠﻴﻨﻲ ﻧﻤﺸﻲ
ﻣﻨﻰ ﺷﺪﺍﺗﻪ ﺑﻘﻮﻭﺓ ﻭﺗﺒﻜﻲ : ﻋﻤﺎﺩ ﺑﺎﻟﻠﻪ ﻋﻠﻴﻚ ﻣﺎﺗﺸﻐﻠﻨﻴﺶ ﺷﻦ ﺍﻟﻲ ﺻﺎﻳﺮ ﻟﻤﺤﻤﻮﺩ
ﻋﻤﺎﺩ : ﻳﺎﺍﻣﻨﻰ ﻋﻴﻴﺐ ﺧﻮﺗﻚ ﻓﻲ ﺍﻟﻤﺴﺘﺸﻔﻰ ﺑﺮﻭﺣﻬﻢ ﻭﺍﻧﻲ ﻗﺎﻋﺪ ﺍﻫﻨﻲ ﺗﻄﻤﻨﻲ ﺑﺴﻴﻄﺔ ﺍﻥ ﺷﺎﺀ ﺍﻟﻠﻪ
ﻣﻨﻰ ﺑﺼﻮﺕ ﻋﺎﻟﻲ : ﺷﻦ ﻫﻴﻴﻲ ﺍﻟﻲ ﺑﺴﻴﻴﻴﻴﻄﺔ ﻳﺎﺍﻋﻤﺎﺍﺍﺩ ﻫﺪﺍﺍﺍ ﺩﻣﻪ ﺩﻣﻤﻢ ﻣﺤﻤﻮﻭﻭﺩ ﻭﻭﻭﻳﻨﻪ ﻗﻮﻭﻝ ﻭﻳﻨﻪ
ﻋﻤﺎﺩ : ﻣﻨﻰ ﻭﻃﻲ ﺻﻮﺗﻚ ﺧﻼﺹ ﻫﻮ ﺑﺲ ...
ﻭﺍﻫﻨﻲ ﻃﻠﻌﺖ ﻋﻤﺘﻲ : ﺧﻴﺮﺭﻛﻢ ، ﺷﻦ ﻓﻲ
ﻋﻤﺎﺩ : ﻣﺎﺍﻓﻲ ﺷﻲ ﻳﺎﺍﻋﻤﺘﻲ
ﻣﻨﻰ ﺗﻤﺴﺢ ﻓﻲ ﺩﻣﻮﻋﻬﺎ
ﻭﺍﻫﻨﻲ ﻋﻤﺘﻲ ﻋﻴﻮﻧﻬﺎ ﻳﺠﻮ ﻋﻠﻲ ﺍﻟﺪﻡ ، ﻭﻗﻌﺪﺕ ﺗﻘﺮﺏ
ﻣﻨﻰ ﻭﻋﻤﺎﺩ ﺷﺎﻓﻮ ﻟﺒﻌﺾ
ﻣﻨﻰ : ﺍﻣﻲ ﺣﺴﻪ ﻣﺮﺕ ﻋﻤﻲ ﺗﻨﺎﺩﻱ ﻋﻠﻴﻚ
ﻋﻤﺘﻲ ﻣﺎﻋﺪﻟﺘﺶ ﻋﻠﻴﻬﺎ ﻭﻗﻌﺪﺕ ﺗﻘﺮﺏ ﻣﻦ ﺍﻟﺪﻡ ﻭﺗﺮﻛﺰ : ﺩﻡ ! ﺩﻡ ! ﺣﻲ ﻋﻠﻴﺎ ﺷﻦ ﺍﻟﻲ ﺻﺎﺭ ﻟﻮﻟﺪﻱ ﻫﺪﺍﺍ ﺩﻡ
ﻣﻨﻰ ﻗﺮﺑﺖ ﻣﻦ ﻋﻤﺘﻲ ﺗﻬﺪﻱ ﻓﻴﻬﺎ، ﻭﺑﺈﺭﺗﺒﺎﻙ : ﻭﺍﺣﺪ ﻣﻦ ﺍﻟﺼﻐﺎﺭ ﻃﺎﺡ ﻭﺧﺸﻤﻪ ﺩﻡ ﺗﻮ ﻧﻤﺴﺤﻪ
ﻋﻤﺘﻲ : ﻣﺎﺗﻜﺬﺑﻴﺶ ﻋﻠﻴﺎ ، ﻭﻗﻌﺪﺕ ﺗﺒﻜﻲ
ﻋﻤﺎﺩ ﺟﺎﺏ ﻛﺮﺳﻲ ﺑﺴﺮﻋﻪ
ﻋﻤﺘﻲ ﻗﻌﻤﺰﺕ ﻭﻣﻨﻬﺎﺭﺓ : ﺷﻦ ﺍﻟﻲ ﺻﺎﻳﺮ ﻟﻮﻟﻴﺪﻱ
ﻣﻨﻰ ﺷﺎﻓﺖ ﻟﻌﻤﺎﺩ
،،،،،،،،،
ﻋﺒﺪ ﺍﻟﻘﺎﺩﺭ ﻭﺻﻞ ﺑﺴﺮﻋﻪ ﻭﺧﺶ ﺟﻬﺔ ﺍﻻﺳﻌﺎﻑ ، ﻭﻳﻤﺸﻲ ﺑﺨﻄﻮﺍﺕ ﺳﺮﻳﻌﻪ ﻳﺪﻭﺭ ﻓﻲ ﻭﻟﻴﺪ ، ﺟﺖ ﻋﻴﻨﻪ ﻋﻠﻲ ﻭﻟﻴﺪ ﻭﺟﻨﺒﻪ ﻋﻤﺮ ﺻﺎﺣﺐ ﻣﺤﻤﻮﺩ ﺍﻣﺸﺎﻟﻬﻢ ﻳﺠﺮﻱ
ﻋﺒﺪ ﺍﻟﻘﺎﺩﺭ : ﺷﻦ ﺍﻟﻲ ﺻﺎﻳﺮ
ﻋﻤﺮ : ﻣﺎﻧﻌﺮﻓﻮﺵ ، ﺍﻟﻮﻟﺪ ﻣﻀﺮﻭﺏ ﺿﺮﺑﺔ ﺷﻴﻨﻪ
ﻋﺒﺪ ﺍﻟﻘﺎﺩﺭ : ﻛﻴﻒ ﺻﺎﺭ ﺑﺲ ﻣﻦ ﺍﻟﻲ ﺿﺮﺑﻪ
ﺧﻠﻮﻧﺎ ﻧﺮﺟﻮ ﺳﺎﻋﺘﻴﻦ
ﻣﺤﻤﻮﺩ ﻭﺟﻬﻪ ﺩﻡ ﻭﺭﺍﺳﻪ ﺍﻧﻔﺘﺢ ، ﻭﺩﻣﻪ ﻗﻌﺪ ﻳﻘﻄﺮ ﻉ ﺍﻟﺰﻟﻴﺰ
ﺍﻟﺸﺨﺺ ﺍﻷﻭﻝ ﺧﺒﻂ ﻣﺤﻤﻮﺩ ﻋﻠﻲ ﺭﺟﻠﻪ : ﻭﺭﻳﻨﺎ ﺭﺟﻮﻟﺘﻚ ﺗﻮﺍ ، ﻭﺍﻻ ﻏﻴﺮ ﺑﻠﺴﺎﻧﻚ ﺗﺴﺘﺮﺟﻞ ، ﻭﺿﺤﻚ ﻉ ﺍﻟﺠﻨﺐ
ﻣﺤﻤﻮﺩ ﺗﺎﻋﺐ ﻭﺩﺍﻳﺦ ، ﻭﺑﺘﻌﺐ : ﺣﺘﺸﻮﻑ ﻣﺶ ﺣﺘﺒﺮﺩﻭﻫﺎ ﺍﻧﻲ ﻣﺤﻤﻮﺩ ﻧﺮﺩﻫﺎﻟﻜﻢ ﺣﻄﻪ ﺣﻠﻘﻪ ﻓﻲ ﻭﺩﻧﻚ
ﺍﻟﺸﺨﺺ ﺍﻟﺘﺎﻧﻲ ﻋﻔﺲ ﻋﻠﻲ ﺑﻄﻨﻪ : ﻧﺮﺍﺍﺟﻮ ﻓﻴﻚ
ﻣﺤﻤﻮﺩ : ﺍﺍﺍﺍﻩ
ﺍﻟﺸﺨﺺ ﺍﻻﻭﻝ : ﻫﻬﻬﻬﻪ ﺗﺘﻮﻗﻊ ﻳﺎﻋﻤﺮﺍﻥ ﻳﻨﻮﺽ ﺣﻲ ﺑﻌﺪ ﻫﺎﻟﻄﺮﻳﺤﺔ
ﻋﻤﺮﺍﻥ : ﻫﻬﻬﻪ ﺷﻮﻑ ﺷﻮﻭﻑ ﺭﺍﺳﻪ ﺩﻡ
ﺍﻟﺸﺨﺺ ﺍﻻﻭﻝ : ﻫﻲ ﺧﻠﻲ ﻧﻤﺸﻮ
ﻣﺤﻤﻮﺩ ﺑﺪﻱ ﻳﺸﻮﻑ ﻓﻲ ﺍﻟﺼﻮﺭﺓ ﻣﺪﻏﺪﺷﺔ
ﺧﺒﻄﻮﻩ ﻛﻞ ﻭﺍﺣﺪ ﻣﻨﻬﻢ ﺑﺮﺟﻠﻪ ﻭﻃﻠﻌﻮ ﻭﻫﻤﺎ ﻃﺎﻟﻌﻴﻦ
ﻋﻤﺮ ﻧﺎﺯﻝ ﻣﻦ ﺍﻟﺴﻴﺎﺭﺓ ﻭﻳﺘﻜﻠﻢ ﻓﻲ ﺍﻟﺘﻠﻴﻔﻮﻥ : ﺗﻲ ﺍﺳﻜﺘﻲ ﻳﺎﺭﺍﺟﻞ ﻭﺻﻠﺖ ﻣﺘﺎﺧﺮ ﺳﻴﺎﺭﺗﻲ ﻭﻗﻔﺖ ﻭﺍﻧﻲ ﺟﺎﻱ ﻣﻦ ﻣﺼﺮﺍﺗﻪ ، ﻭﺍﻫﻨﻲ ﻗﺎﻡ ﺭﺍﺳﻪ ﻭﺷﺎﻑ ﻟﻠﻤﻠﺘﻤﻴﻦ ﺍﻧﺼﺪﻡ ، ﺳﻜﺮ ﺍﻟﺘﻠﻴﻔﻮﻥ ﺑﺴﺮﻋﻪ ﻭﻗﺪﻡ ﻳﺠﺮﻱ
ﻫﻤﺎ ﺷﺎﻓﻮﻭﻩ ﻫﺮﺑﻮﻭ ﺑﺴﺮﻋﻪ
ﻋﻤﺮ ﺣﺎﻭﻝ ﻳﻠﺤﻘﻬﻢ ﻣﺎﻗﺪﺭﺵ ، ﺧﺶ ﻳﺠﺮﻱ ﻟﻠﺤﻮﺵ ﻭﺷﺎﻑ ﻣﺤﻤﻮﺩ ﻣﻠﻮﺡ ﻓﻲ ﺍﻟﺠﻨﺎﻥ ﻭﺭﺍﺳﻪ ﺩﻡ ﻭﻣﻀﺮﻭﺏ ﻗﺪﻡ ﻳﺠﺮﻱ ، ﻗﻌﺪ ﻳﺤﺎﻭﻝ ﻳﻘﻴﻢ ﻣﺤﻤﻮﺩ ، ﺭﻛﺒﻪ ﺍﻟﺴﻴﺎﺭﺓ ﻭﻃﻠﻊ ﺑﻴﻪ ﻳﺠﺮﻱ ﻟﻠﻤﺴﺘﺸﻔﻰ
،،،،،،،،
ﻓﻲ ﺍﻟﻮﻗﺖ ﻫﺪﺍ
ﻛﻨﺎ ﻓﻲ ﺍﻟﺤﻮﺵ ﻣﺸﻐﻮﻟﻴﻦ ﺣﺎﻟﺔ ﻧﻮﺍﻝ ﺯﺍﺩﺕ ﺍﻛﺜﺮ ﻭﺧﺎﺻﻪ ﻣﺎﺣﺪ ﺭﺩ ﻋﻠﻴﻨﺎ ﻭﻻﻛﻠﻤﻨﺎ ، ﺣﺘﻰ ﻧﺘﺼﻠﻮ ﺑﻌﻤﺘﻲ ﻭﺑﻤﻨﻰ ﻭﺑﺮﺡ ﻭﻭﻓﺎﺀ ﻣﺎﻓﻴﺶ ﺣﺪ ﻳﺮﺩ ﻋﻠﻲ ﺗﻠﻴﻔﻮﻧﻪ ، ﺗﻠﻴﻔﻮﻥ ﻭﻟﻴﺪ ﺍﻳﻀﺎ ﻣﺎﻓﻴﺶ ﺭﺩ
ﻣﺎﻣﺎ ﻣﻘﻌﻤﺰﺓ ﺗﻬﺪﻱ ﻓﻲ ﻧﻮﺍﻝ ، ﻧﻮﺍﻝ ﻗﺎﻋﺪﻩ ﺑﻔﺴﺘﺎﻧﻬﺎ ﻣﻜﻴﺎﺟﻬﺎ ﺧﺮﺏ ﻭﺗﺴﺮﻳﺤﺘﻬﺎ ﻃﺎﺣﺖ
ﺍﺣﻨﻲ ﻛﻠﻨﺎ ﻗﺎﻋﺪﻳﻦ ﻭﺍﻗﻔﻴﻦ ﺟﻨﺐ ﻧﻮﺍﻝ ﻭﻣﺶ ﻋﺎﺭﻓﻴﻦ ﺷﻦ ﻧﺪﻳﺮﻭ
ﺍﻟﻤﻌﺎﺯﻳﻢ ﺭﻭﺣﻮ ﻗﺎﻋﺪﻩ ﺧﺎﻟﺘﻲ ﻭﻋﻤﺘﻲ ﻭﻋﻠﻴﺎ ﻭﻫﺎﺟﺮ ، ﻭﺣﺘﻰ ﺍﺣﻨﻴﻨﻪ ﺭﻭﺣﺖ ﻟﺤﻮﺷﻬﺎ
ﻧﻮﺍﻝ : ﻫﻮ ﻭﻋﺪﻧﻲ ﺍﻣﺒﻜﺮﻱ ﻗﺎﻟﻲ ﻣﺴﺘﺤﻴﻞ ﻧﺴﻴﺒﻚ ﻭﺩﻳﻤﺎ ﺣﻴﻘﻌﺪ ﻣﻌﺎﻱ ﻭﻳﻨﻪ ﺗﻮﺍ ﻋﻼﺵ ﻣﺎﻳﺠﻴﺶ ﻳﻄﻤﻨﻲ ﻋﻠﻴﻪ ﻋﻼﺵ ﻳﺤﺮﻕ ﻓﻲ ﻗﻠﺒﻲ ﻭﻳﺸﻐﻞ ﻓﻴﺎ
ﻣﺎﻣﺎ : ﻭﺣﺪﻱ ﺍﻟﻠﻪ ﻳﺎﺑﻨﻴﺘﻲ ﻣﺶ ﺑﺎﻫﻲ ﻫﻜﻲ ﺗﻔﺎﺋﻠﻲ ﺧﻴﺮ
ﻫﺎﺟﺮ ﺗﺴﻠﻢ ﻋﻠﻲ ﻧﻮﺍﻝ : ﺭﺑﻲ ﻳﻄﻤﻨﻚ ﺣﺒﻴﺒﺘﻲ ، ﺳﺎﻣﺤﻴﻨﻲ ﺧﻼﺹ ﺍﻳﻤﻦ ﻗﺎﻝ ﻫﻴﺎ
ﻧﻮﺍﻝ ﺗﻬﺰ ﺭﺍﺳﻬﺎ ﻭﺧﻼﺹ
ﺍﻣﺸﻴﺖ ﻣﻊ ﻫﺎﺟﺮ ﻭﺻﻠﺘﻬﺎ ﺟﻨﺐ ﺍﻟﺒﺎﺏ
ﻫﺎﺟﺮ : ﻃﻤﻨﻴﻨﻲ ﻟﻤﺎ ﺗﻌﺮﻓﻮ ﺣﺎﺟﺔ
ﺍﻧﻲ : ﺍﻥ ﺷﺎﺀ ﺍﻟﻠﻪ
ﺭﻭﺣﺖ ﻫﺎﺟﺮ ، ﺍﻧﻲ ﻭﻟﻴﺖ ﺭﻛﺒﺖ ﻓﻮﻕ ، ﻏﻴﺮﺕ ﻟﺒﺴﺖ ﺑﻴﺠﺎﻣﺘﻲ ﻭﻣﺴﺤﺖ ﻣﻜﻴﺎﺟﻲ ﻭﻗﻌﺪﻧﺎ ﻣﺘﻮﺗﺮﻳﻦ
ﻋﻤﺘﻲ : ﺣﻲ ﻋﻠﻴﺎ ﻭﻟﻴﺪﻱ ﺍﺭﻓﻌﻨﻲ ﻟﻴﻪ
ﻋﻤﺎﺩ : ﻳﺎﺣﺎﺟﺔ ﻫﺪﻱ ﺭﻭﺣﻚ ﺑﺎﻟﻠﻪ ﻋﻠﻴﻚ ﻭﺍﻟﻠﻪ ﺑﺎﺫﻥ ﺍﻟﻠﻪ ﻛﻮﻳﺲ ﺿﺮﺑﺎﺕ ﺑﺲ
ﻋﻤﺘﻲ : ﺍﺭﻓﻌﻨﻲ ﻟﻠﻤﺴﺘﺸﻔﻰ
ﻋﻤﺎﺩ : ﻭﺍﻟﻠﻪ ﻣﺎﻓﻲ ﺩﺍﻋﻲ ﻣﻤﻜﻦ ﻳﺮﻭﺡ ﺍﻟﻴﻮﻡ ﺯﻳﺎﺩﻩ
ﻋﻤﺘﻲ ﺗﺒﻜﻲ : ﻳﻨﺎﺭﻱ ﻋﻠﻴﻚ ﻳﺎﻭﻟﻴﺪﻱ ﻛﺎﻥ ﻓﺮﺣﺎﻥ ﺍﻟﻴﻮﻡ ﺑﺒﻴﺎﻧﻪ ﻭﺯﻋﻼﻥ ﻻﻧﻪ ﻣﺎﻳﺒﻴﺶ ﻳﺨﺶ ﻳﻠﺒﺴﻬﺎ ، ﻳﺎﺍﺭﺑﻲ ﻳﺎﺍﺍﺭﺑﻲ ﺍﺣﻤﻲ ﻭﻻﺩﻱ ﻭﺑﻌﺪ ﻋﻠﻴﻬﻢ ﺍﻭﻻﺩ ﺍﻟﺤﺮﺍﻡ ﻳﺎﺭﺑﻲ
ﻣﻨﻰ ﺗﺒﻜﻲ ﻭﺗﻬﺪﻱ ﻓﻲ ﺍﻣﻬﺎ
،،،،،،،،،
ﻋﺒﺪ ﺍﻟﻘﺎﺩﺭ ﻭﻭﻟﻴﺪ ﻭﻋﻤﺮ ﻳﺪﻭﺭﻭ ﻓﻲ ﺍﻟﻤﻤﺮ ﻭﻳﺮﺍﺟﻮ ﻓﻲ ﺧﺒﺮ
ﻋﻤﺎﺩ ﺧﺎﺵ ﻳﺠﺮﻱ : ﺳﺎﻣﺤﻮﻧﻲ ﺗﺄﺧﺮﺕ ﺣﺼﻠﺖ ، ﻫﺎ ﺷﻦ ﺍﻻﺧﺒﺎﺭ
ﻭﻟﻴﺪ : ﻗﺎﻋﺪﻳﻦ ﻧﺮﺍﺟﻮ ، ﺍﻣﻲ ﺷﻦ ﺩﺍﻳﺮﻩ
ﻋﻤﺎﺩ ﻗﻌﺪ ﻳﺤﻜﻴﻠﻬﻢ
ﻋﺒﺪ ﺍﻟﻘﺎﺩﺭ : ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ
ﻭﺍﻫﻨﻲ ﻃﻠﻊ ﺍﻟﺪﻛﺘﻮﺭ
...: ﻃﻤﻨﺎ ﻳﺎﺩﻛﺘﻮﺭ
ﺍﻟﺪﻛﺘﻮﺭ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻪ ﻫﻮ ﻛﻮﻳﺲ ، ﻋﻨﺪﻩ ﻛﺪﻣﺎﺕ ﻓﻲ ﻛﻞ ﺟﺴﻤﻪ ﺑﺲ ، ﻭﻓﻲ ﻓﺘﺤﺔ ﻓﻲ ﺭﺍﺳﻪ ﺧﻴﻄﻨﺎﻫﺎ ، ﺑﺲ ﻣﻀﺮﻭﺏ ﻫﻠﺒﺎ ﻭﺍﻛﺜﺮ ﺷﻲ ﻣﻦ ﺟﻬﺔ ﺍﻟﺮﺍﺱ ، ﺭﺍﺡ ﻳﺘﻌﺒﻪ ﺻﺪﺍﻉ ﻭﻫﻜﻲ ﻭﻫﺪﺍ ﺣﻴﻜﻮﻥ ﻃﺒﻴﻌﻲ ﻭﺣﻨﻌﻄﻴﻪ ﻣﺴﻜﻨﺎﺕ
ﻭﻟﻴﺪ : ﺑﺎﻩ ﺍﻟﺤﻤﺪ ﻟﻠﻪ ، ﻭﺍﻣﺘﻰ ﻳﻘﺪﺭ ﻳﻄﻠﻊ
ﺍﻟﺪﻛﺘﻮﺭ : ﺗﻮﺍ ﺷﻮﻳﺔ ﻳﻀﻤﺪﻭﻟﻪ ﺟﺮﻭﺣﻪ ﻭﺗﻜﻤﻠﻮ ﺍﻧﺘﻮ ﺍﻻﺟﺮﺍﺀﺍﺕ ﻓﻲ ﺍﻻﺳﺘﻌﻼﻣﺎﺕ ﻭﺗﻄﻠﻌﻮﻩ
ﻋﺒﺪ ﺍﻟﻘﺎﺩﺭ : ﺑﺲ ﺭﺍﺳﻪ ﺍﻥ ﺷﺎﺀ ﺍﻟﻠﻪ ﻣﺶ ﻣﺘﻀﺮﺭ ﺑﺲ ﻣﻦ ﺍﻟﻀﺮﺏ
ﺍﻟﺪﻛﺘﻮﺭ : ﻻﺍﻟﺤﻤﺪ ﻟﻠﻪ ﺩﺭﻧﺎﻟﻪ ﺻﻮﺭﺓ ﻋﻠﻲ ﺭﺍﺳﻪ ﻭﻣﺎﻓﻴﺸﻲ ﺷﻲ ، ﻭﺍﻟﺤﻤﺪ ﻟﻠﻪ ﻉ ﺳﻼﻣﺘﻪ ﻣﺮﺓ ﺗﺎﻧﻴﻪ
ﻭﻟﻴﺪ : ﺍﻟﻠﻪ ﻳﺴﻠﻤﻚ ، ﺷﺮﻳﻦ ﺗﻠﻴﻔﻮﻧﻪ ﻃﻠﻌﻪ ﺍﻟﻘﺎﻧﻲ ﺍﻧﻲ
ﻭﻟﻴﺪ : ﺍﻳﻮﻩ
ﺍﻧﻲ ﻗﺮﻳﺐ ﻧﺒﻜﻲ : ﻭﻳﻨﻚ ﻳﺎﻭﻟﻴﺪ ﻃﻤﻨﺎ ﺷﻦ ﺻﺎﻳﺮ ﺑﺲ
ﻭﻟﻴﺪ :.....
ﻭﻭﻭﻭﻭﻭﻭ
# ﻳﺘﺒﻊ
أنت تقرأ
ﺳﻨﺪ ﺍﻻﻧﺜﻰ ﺭﺟﻞ shosho_shosho
Romanceرواية غروباية مميزة بقلم الكاتبة #شوشوshosho_shosho > " ﺳﻨﺪ ﺍﻷﻧﺜﻰ ﺭﺟﻞ "
