ﺳﻨﺪ ﺍﻻﻧﺜﻰ ﺭﺟﻞ shosho_shosho

الحلقة68

ﺍﻟﺤﻠﻘﺔﺓ ‏[ 68 ‏]
ﻣﻦ ﺭﻭﺍﻳﺔ - - "<- ﺳﻨــﺪ ﺍﻷﻧﺜــﻰ ﺭﺟــﻞ "
ﻗﺎﻣﻮ ﻣﺎﻣﺎ ﻭﺣﻄﻮﻫﺎ ﻓﻲ ﺳﻴﺎﺭﺓ ﻋﺒﺪ ﺍﻟﻤﻨﻌﻢ ﻭﻃﺎﺭﻭ ﺑﻴﻬﺎ ﻟﻠﻤﺴﺘﺸﻔﻰ ، ﺍﻣﺸﺖ ﻋﻠﻴﺎ ﻭﻋﻤﺘﻲ ﻭﻣﺮﺕ ﻋﻤﻲ ﻣﻌﺎﻫﺎ
ﻭﺟﻮ ﺑﻨﻔﺲ ﺍﻟﻤﺸﻔﻰ ﺍﻟﻲ ﺍﻧﻲ ﻓﻴﻬﺎ
ﻛﺎﻥ ﻭﻟﻴﺪ ﺑﻴﻄﻠﻊ ﺑﻴﺠﻴﺐ ﻻﻣﻪ ﺣﺎﺟﺔ ﺗﺎﻛﻠﻬﺎ ﻓﻠﻤﺢ ، ﻋﺒﺪ ﺍﻟﻤﻨﻌﻢ ﻭﻋﻤﺘﻲ ﺣﺘﻰ ﻫﻲ ﻳﻌﺮﻓﻬﺎ ﻗﺮﺏ ﻣﻨﻬﻢ
ﻋﺒﺪ ﺍﻟﻤﻨﻌﻢ ﺷﺎﻓﻪ ﺟﺎﻩ
ﻭﻟﻴﺪ : ﺧﻴﺮ ﺍﻥ ﺷﺎﺀ ﺍﻟﻠﻪ ﻻﺑﺎﺱ
ﻋﺒﺪ ﺍﻟﻤﻨﻌﻢ : ﻭﺍﻟﻠﻪ ﻣﺮﺕ ﻋﻤﻲ ﻧﺎﺩﻳﺔ ﻣﺮﺿﺖ ﺟﺒﺘﻬﺎ
ﻭﻟﻴﺪ : ﺧﻴﺮﻫﺎ ﻻﺑﺎﺱ ﺷﻦ ﺻﺎﺭﻟﻬﺎ
ﻋﻤﺘﻲ : ﻭﺍﻟﻠﻪ ﻣﺎﻋﺮﻓﻨﺎ ﻳﺎﻭﻟﻴﺪﻱ ﺧﻴﺮﻫﺎ ﻧﺴﻴﺒﺔ ﻫﻲ ﺳﻤﻌﺖ ﻣﻦ ﺍﻫﻨﻲ ﻭﺍﻟﻤﺮﺍ ﻃﺎﺣﺖ ﻣﻦ ﻃﻮﻟﻬﺎ
ﻭﻟﻴﺪ ﻧﺰﻝ ﺭﺍﺳﻪ ﻭﻣﺴﺢ ﻭﺟﻬﻪ : ﻗﺎﻋﺪﻩ ﺍﻫﻨﻲ ﻧﺴﻴﺒﺔ ﻓﻲ ﺍﻟﻤﺴﺘﺸﻔﻰ
ﻋﻤﺘﻲ : ﺧﻴﺮﻫﺎ ﺑﺎﻫﻲ
ﻭﻟﻴﺪ ﺣﻜﺎﻟﻬﺎ ﺍﻟﻲ ﺻﺎﺭ
ﻋﻤﺘﻲ ﻳﺪﻫﺎ ﻋﻠﻲ ﻓﻤﻬﺎ : ﻫﻴﻴﻴﻲ ﻳﺎﺍﺣﻠﻴﻠﻲ ﻳﺎﺑﻨﻴﺘﻲ ﻳﺎﺍﻧﺴﻴﺒﺔ ﻣﺎﺣﺴﻴﺘﻲ ﻳﻨﺎﺭﻱ
ﻋﻠﻴﺎ ﻟﻴﻦ ﻋﻴﻮﻧﻬﺎ ﺗﻌﺒﻮ ﺩﻣﻮﻉ
ﻋﻤﺘﻲ ﺩﻣﻌﺘﻬﺎ ﻧﺰﻟﺖ : ﻳﻨﺎﺭﻱ ﻋﻠﻲ ﻋﻴﻠﺘﻚ ﻳﺎﻟﻐﺎﻟﻲ ﺷﻦ ﺍﻟﻤﺼﺎﻳﺐ ﺍﻟﻲ ﻳﺼﺒﻮ ﻋﻠﻴﻬﻢ ﻓﻲ ﻣﺮﺓ ﻭﺣﺪﺓ ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﺍﺳﺘﻐﻔﺮ ﺍﻟﻠﻪ
ﻭﻟﻴﺪ ﻋﻴﻮﻧﻪ ﺗﻌﺒﻮﻭ ﺩﻣﻮﻉ : ﻫﻤﺎ ﻓﻲ ﻧﻬﺎﻳﺔ ﺍﻟﻤﻤﺮ ﺗﻠﻘﻲ ﺍﻣﻲ ، ﻭﻟﻒ ﺑﺴﺮﻋﻪ ﻭﻃﻠﻊ
ﻣﺮﺕ ﻋﻤﻲ : ﻫﻲ ﺗﻤﺸﻲ ﻳﺎﻓﺎﺩﻳﺔ ﻧﺸﻮﻓﻮﻫﻢ
ﻋﻤﺘﻲ ﻣﺴﺤﺖ ﺩﻣﻮﻋﻬﺎ : ﻫﻲ ﻳﺎﻭﺧﻴﺘﻲ ﻧﻤﺸﻮ ﻧﺸﻮﻓﻮﻫﻢ
ﻭﺍﻣﺸﺖ ﻣﺮﺕ ﻋﻤﻲ ﻭﻋﻤﺘﻲ
ﻋﻠﻴﺎ ﻗﻌﻤﺰﺕ ﻭﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ : ﻧﻘﻮﻝ ﻟﻠﺒﻨﺎﺕ ؟
ﻋﺒﺪ ﺍﻟﻤﻨﻌﻢ ﻗﻌﻤﺰ ﺟﻨﺒﻬﺎ : ﻻﻻ ﻣﺎﺗﺸﻐﻠﻴﻬﻤﺶ ﺗﻮﺍ ﺧﻠﻴﻨﺎ ﻧﻄﻤﻨﻮ ﻋﻠﻴﻬﺎ ﻗﺒﻞ
ﻋﻠﻴﺎ : ﻋﺎﺭﻑ ﻳﺎﻋﺒﺪ ﺍﻟﻤﻨﻌﻢ ﻟﻤﺎ ﺷﻔﺘﻬﺎ ﺗﺬﻛﺮﺕ ﻛﻴﻒ ﺍﻟﻲ ﺻﺎﺭ ﻟﺤﻨﻴﻨﻪ ، ﻭﺩﻣﻮﻋﻬﺎ ﻧﺰﻟﻮ
ﻋﺒﺪ ﺍﻟﻤﻨﻌﻢ ﺷﺪ ﻳﺪﻫﺎ : ﻻﻻ ﺍﻥ ﺷﺎﺀ ﺍﻟﻠﻪ ﺗﻨﻮﺽ ﺑﺎﻟﺴﻼﻣﻪ
،،،،،،،،،،،
ﻧﺮﺟﺲ ﺑﻴﻨﻬﺎ ﻭﺑﻴﻦ ﻧﻔﺴﻬﺎ ‏( ﻋﻼﺵ ﺣﺴﻦ ﻣﺎﻳﺤﺎﻭﻟﺶ ﻳﺴﻤﻌﻨﻲ ، ﻋﻼﺵ ﻣﺎﺍﻋﻄﺎﻧﻴﺶ ﻓﺮﺻﻪ ﺣﺘﻰ ﻧﺤﻜﻴﻠﻪ ﺍﻟﻲ ﺻﺎﺭ ﺑﺎﻟﻀﺒﻂ ﻋﻼﺵ ﻳﺴﺘﻌﺠﻞ ﻭﻳﻈﻠﻢ ﻓﻴﺎ ، ﻭﺍﻟﻠﻪ ﻧﺤﺒﻪ ﻟﻴﺶ ﺑﻌﺪ ﺗﻌﻠﻘﺖ ﺑﻴﻪ ﻫﻜﻲ ﻳﺼﻴﺮ ﻳﺎﺭﺑﻲ ، ﺑﺲ ﻛﻼﻣﻪ ﻛﺎﻥ ﺟﺎﺍﺭﺡ ، ﻛﻞ ﺍﻟﺠﺎﻣﻌﻪ ﺳﻤﻌﺎﺗﻪ ، ﻣﺶ ﻋﺎﺭﻓﻪ ﻛﻴﻒ ﺑﻨﻤﺸﻲ ﻟﻠﺠﺎﻣﻌﻪ ﻣﺮﺓ ﺗﺎﻧﻴﻪ ، ﺑﺲ ﺭﺩﺓ ﻓﻌﻞ ﻣﻌﺎﺩ ﻏﺮﻳﺒﻪ ﻫﻮ ﻋﺎﺭﻑ ﺍﻧﻲ ﻧﺤﺒﻪ ، ﺑﺲ ﻣﺎﺩﺍﺭﺵ ﺍﻱ ﺷﻲ ، ﻳﻼ ﺍﻟﻤﻬﻢ ﻳﺮﺩ ﻋﻠﻴﺎ ﺗﻮﺍ ﺣﺴﻦ ﺑﺲ ‏)
ﻧﻮﺭﺱ ﻭﻧﻮﺍﻝ ﺧﺸﻮ ﻟﻠﺤﻮﺵ ﺍﻟﻘﻮ ﻣﻌﺎﺩ ﻗﺎﻋﺪ ﻣﻘﻌﻤﺰ ﻓﻲ ﺍﻟﺼﺎﻟﺔ ﻭﻓﺎﺗﺢ ﺍﻟﺘﻠﻔﺰﻳﻮﻥ
ﻧﻮﺍﻝ : ﺑﺴﻢ ﺍﻟﻠﻪ ﻣﻦ ﺟﺎﺑﻪ ﻫﺪﺍ ﺍﻫﻨﻲ
ﻣﻌﺎﺩ ﺷﺎﻓﻠﻬﺎ
ﻧﻮﺍﻝ ﺷﻬﻘﺖ : ﻫﻴﻴﻴﻴﻴﻴﻲ
ﻣﻌﺎﺩ ﻟﻴﻦ ﺍﻧﺨﻠﻊ : ﻳﻨﻌﻦ ... ﺧﻴﺮ ﺟﺪﻙ
ﻧﻮﺍﻝ : ﺧﻴﺮﻩ ﻭﺟﻬﻚ ﻫﻜﻲ
ﻧﻮﺭﺱ : ﻣﺮﺽ ﺍﺧﻠﻌﺘﻴﻨﻲ ، ﻫﺪﺍ ﺷﻜﻠﻪ ﻣﺤﺼﻞ ﻃﺮﻳﺤﺔ
ﻣﻌﺎﺩ : ﺑﺎﻩ ﻣﺪﺍﻡ ﺟﻴﺘﻮ ﺍﻧﺘﻮ ﻳﺎﻧﻔﺎﺧﺎﺕ ﺧﻠﻲ ﻧﻤﺸﻲ ﺍﻧﻲ ﻭﻣﻌﺎﺵ ﺗﻄﻠﻌﻮ ﻭﺗﺨﻠﻮﻫﺎ ﺑﺮﻭﺣﻬﺎ
ﻧﻮﺍﻝ ﺷﺒﺤﺘﻠﻪ ﺑﻜﺴﺮﺓ ﻋﻴﻦ، ﻭﺑﺼﻮﺕ ﺗﺴﻬﻮﻳﻚ : ﻭﻋﻼﺍﺍﺵ ؟
ﻣﻌﺎﺩ : ﺷﻦ ﺗﺨﻠﻮﻫﺎ ﺑﺮﻭﺣﻬﺎ ﻓﻲ ﺣﻮﺍﺯﺓ ﻫﻜﻲ ﻛﺒﺮﻫﺎ
ﻧﻮﺍﻝ : ﻳﺎﺭﻭﻭﻭﺣﻲ ﺑﺘﺠﻴﻬﺎ ﺍﻟﻐﻮﻟﺔ
ﻣﻌﺎﺩ ﻳﻠﺒﺲ ﻓﻲ ﺳﺒﻴﺪﺭﻭﻩ : ﻓﻜﻴﻨﻲ ﻣﻦ ﺗﺴﻬﻮﻳﻜﻚ
ﻧﻮﺍﻝ : ﺑﺎﻩ ﻏﻴﺮ ﻗﻮﻟﻲ ﻣﻦ ﺿﺎﺭﺑﻚ ﻫﻬﻬﻪ
ﻣﻌﺎﺩ : ﺑﺘﻘﻌﺪﻭ ﺑﺮﻭﺣﻜﻢ ﺍﻧﺘﻮ ؟
ﻧﻮﺭﺱ ﺷﺎﻓﺖ ﻟﻨﻮﺍﻝ : ﻧﻤﺸﻮ ﻟﻬﺎﺟﺮ ؟
ﻧﻮﺍﻝ : ﻻﻻ ﻓﻜﻴﻨﺎ ﺍﻛﻴﺪ ﻋﻨﺪﻫﺎ ﻧﺴﺎﻭﻳﻦ ، ﻧﻤﺸﻮ ﻟﻨﺴﻴﺒﺔ، ﺍﺗﺼﻠﻲ ﺑﻴﻬﺎ ﻛﺎﻥ ﻗﺎﻋﺪﻩ
ﻧﻮﺭﺱ : ﺍﻧﺖ ﻟﻮ ﺑﺘﻤﺸﻲ ﺑﺮﺍ ﻳﺎﻣﻌﺎﺩ ﻣﺎﺗﺮﺍﺟﻴﻨﺎﺵ ﻋﻴﻠﺔ ﻋﻤﻲ ﺍﻭﻻﺩﻫﻢ ﻗﺎﻋﺪﻳﻦ
ﻣﻌﺎﺩ : ﺑﺎﻩ ﻏﻴﺮ ﻋﻨﺪﻱ ﻣﺸﻮﺍﺭ ﺑﻨﺪﻳﺮﻩ ، ﻛﺎﻥ ﻣﺎﺍﻣﺸﻴﺘﻮﺵ ﻛﻠﻤﻴﻨﻲ
ﻧﻮﺭﺱ ﻭﻓﻲ ﻭﺩﻧﻬﺎ ﺍﻟﺘﻠﻴﻔﻮﻥ : ﺑﺎﻩ ﺗﻤﺎﻡ
ﻣﻌﺎﺩ ﻃﻠﻊ
ﻧﻮﺭﺱ : ﻧﺴﻴﺒﺔ ﻣﺎﺗﺮﺩﺵ ، ﺗﺮﺍ ﻧﺸﻮﻑ ﻭﻟﻴﺪ
ﻧﻮﺍﻝ : ﺍﻧﻲ ﺑﻨﺸﻮﻑ ﺧﻄﻴﺒﻲ ﺍﻟﻴﻮﻡ ﻣﺨﺘﻔﻲ ﺍﺷﺒﺢ ﻭﻳﻦ ﻏﺎﻃﺲ
ﻓﻲ ﺍﻟﻤﺴﺘﺸﻔﻰ
ﻭﻟﻴﺪ : ﻫﺎﺩﻱ ﻧﻮﺭﺱ ﺗﺘﺼﻞ ﺷﻦ ﺑﻨﻘﻮﻟﻠﻬﺎ ﺍﺳﺘﻐﻔﺮ ﺍﻟﻠﻪ ﻳﺎﺭﺑﻲ ، ﺍﻣﻬﻢ ﻭﺍﺧﺘﻬﻢ
ﻣﺤﻤﻮﺩ ﻃﻠﻊ ﺗﻠﻴﻔﻮﻧﻪ : ﻭﻫﺎﺩﻱ ﻧﻮﺍﻝ ﺗﺘﺼﻞ
ﻭﻟﻴﺪ : ﺍﺳﻤﻊ ﻗﻮﻟﻠﻬﻢ ﺍﻧﺖ ﻋﻠﻲ ﺍﻻﻗﻞ ﺧﻄﻴﺒﺘﻚ ﻭﺗﻌﺮﻑ ﻛﻴﻒ ﺗﺠﻴﺒﻬﺎﻟﻬﺎ
ﻣﺤﻤﻮﺩ : ﺗﻲ ﻭﺍﻟﻠﻪ ﺣﺘﻰ ﺍﻧﻲ ﻣﺎﻧﻌﺮﻑ ﺷﻦ ﻧﻘﻮﻝ
ﻭﻟﻴﺪ : ﻏﻴﺮ ﺟﻴﺒﻬﺎﻟﻬﺎ ﺑﺎﻟﺸﻮﻳﺔ ﺑﺲ
ﻣﺤﻤﻮﺩ ﺧﺪﻱ ﺍﻟﺘﻠﻴﻔﻮﻥ ﻭﺗﺒﺎﻋﺪ ﺷﻮﻳﺔ : ﺍﻟﻮ
ﻧﻮﺍﻝ : ﺍﻫﻼ ﻭﻳﻦ ﻣﻐﻄﺲ ﺍﻟﻴﻮﻡ
ﻣﺤﻤﻮﺩ : ﺍﺣﻢ ﻫﺎ ﻗﺎﻋﺪ ، ﺷﻦ ﺟﻮﻙ
ﻧﻮﺍﻝ : ﺗﻤﺎﻡ ﺷﻦ ﺟﻮﻙ ﺍﻧﺖ
ﻣﺤﻤﻮﺩ : ﺍﻟﺤﻤﺪ ﻟﻠﻪ ، ﺷﻦ ﺭﻭﺣﺘﻲ ﻣﻦ ﺍﻟﺠﺎﻣﻌﻪ
ﻧﻮﺍﻝ : ﺍﻳﻪ ﻣﺎﻟﻴﺎﺵ ﻫﻠﺒﺎ ﻛﻴﻒ ﺧﺸﻴﺖ ﺍﻟﺤﻮﺵ ، ﻭﻳﻦ ﻗﺎﻋﺪﻩ ﺻﻮﺕ ﺍﻟﺪﻭﺷﺔ ﺍﻟﻲ ﺟﻨﺒﻚ
ﻣﺤﻤﻮﺩ : ﺍﺳﻤﻌﻲ ﺑﻨﻘﻮﻟﻚ ﺣﺎﺟﺔ ﻟﻜﻦ ﺍﻫﺪﻱ ﻭﺍﺳﻤﻌﻴﻨﻲ
ﻧﻮﺍﻝ ﺑﺨﻮﻑ : ﺷﻦ ؟
ﻣﺤﻤﻮﺩ : ﻓﻜﻴﻨﻲ ﻣﻦ ﺍﻟﻌﻴﺎﻁ ﻭﺍﻟﺘﻔﺮﻓﻴﺶ ، ﻣﺎﻓﻴﻬﺎ ﺷﻲ ﻫﻲ ﺭﺍﻫﻮ
ﻧﻮﺍﻝ : ﻣﺤﻤﻮﺩ ﺧﻮﻓﺘﻨﻲ ﺷﻦ ﻓﻲ ، ﻣﻦ ﻫﻲ ، ﻧﺴﻴﺒﺔ ﻓﻴﻬﺎ ﺣﺎﺟﺔ ؟
ﻣﺤﻤﻮﺩ : ﺍﻳﻪ ﻫﻲ ﻧﺴﻴﺒﺔ ﻟﻜﻦ
ﻧﻮﺍﻝ ﻗﺎﻃﻌﺎﺗﻪ : ﺧﻴﺮﺭﺭﺭﻫﺎ ﻧﺴﻴﺒﺔ ﺷﻦ ﻓﻲ ﺷﻦ ﺻﺎﺍﺍﺭﻟﻬﺎ
ﻣﺤﻤﻮﺩ : ﺗﻮ ﻣﺶ ﻗﺘﻠﻚ ﻓﻜﻴﻨﻲ ﻣﻦ ﺍﻟﻌﻴﺎﻁ ، ﻃﺎﺣﺖ ﻣﻦ ﺍﻟﺪﺭﻭﺝ ﻭﺍﺣﻨﻲ ﻗﺎﻋﺪﻳﻦ ﻓﻲ ﺍﻟﻤﺴﺘﺸﻔﻰ
ﻧﻮﺍﻝ ﺷﻬﻘﺖ : ﻫﻴﻴﻴﻲ ﻭﻳﻦ ﻓﻲ ﺍﻣﺎ ﻣﺴﺘﺸﻔﻰ ﺷﻦ ﺻﺎﺭﻟﻬﺎ ﻛﻴﻒ ﺣﺎﻟﻬﺎ
ﻣﺤﻤﻮﺩ : ﻣﺴﺘﺸﻔﻰ ***** ﻫﻲ ﻗﺎﻋﺪﻩ ﻓﻲ
ﻧﻮﺍﻝ ﻗﺎﻃﻌﺎﺗﻪ : ﺗﻮ ﻧﺠﻮﻭﻭ ، ﻭﺳﻜﺮﺕ : ﻧﻮﻭﻭﻭﺭﺱ ﻧﻮﻭﻭﻭﻭﻭﻭﺭﺱ ﻧﺴﺴﻴﺒﺔ
ﻧﺮﺟﺲ ﻃﻠﻌﺖ ﻣﻦ ﺩﺍﺭﻫﺎ ﻭﻧﻮﺭﺱ ﺟﺘﻬﺎ ﺗﺠﺮﻱ : ﺷﻦ ﻓﻲ
ﻧﻮﺍﻝ : ﻧﺴﻴﺒﺔ ﻃﺎﻳﺤﺔ ﻣﻦ ﺍﻟﺪﺭﻭﺝ ﻣﺎﻧﻌﺮﻓﺶ ﺷﻦ ﺻﺎﻳﺮﻟﻬﺎ ﻗﺎﻋﺪﻳﻦ ﻓﻲ ﺍﻟﻤﺴﺘﺸﻔﻰ ﻫﻴﺎﺍﺍ ﻧﻤﺸﻮﻭﻭ ﻓﻴﺴﻊ
ﻧﻮﺭﺱ ﺣﻄﺖ ﻳﺪﻫﺎ ﻋﻠﻲ ﻓﻤﻬﺎ : ﻫﻴﻴﻲ ﺍﻥ ﺷﺎﺀ ﺍﻟﻠﻪ ﺧﻴﺮ ﺑﺲ ، ﻫﻴﺎﺍ
ﻭﻭﺗﻮ ﺭﻭﺣﻬﻢ ﺍﻟﺘﻼﺗﻪ ﻭﻃﻠﻌﻮﻭ ﻳﺠﺮﻭ
،،،،،،،،،،،
ﻓﻲ ﺍﻟﻤﺴﺘﺸﻔﻰ
ﻟﺤﻖ ﺃﻳﻤﻦ ﻭﻋﺪﻧﺎﻥ ﻭﻋﻠﻴﺎ ﻭﻋﺒﺪ ﺍﻟﻤﻨﻌﻢ ﻭﻋﻤﺘﻲ ﻭﻣﺮﺕ ﻋﻤﻲ ﻗﺎﻋﺪﻳﻦ ﻭﻳﺮﺍﺟﻮ ﻓﻲ ﺍﻟﻤﻤﺮ
ﺍﻟﺪﻛﺘﻮﺭ : ﻋﻔﻮﺍ ﺍﻧﺘﻮ ﺍﻫﻞ ﺍﻟﻤﺮﻳﻀﺔ
ﺍﻳﻤﻦ ﻗﺪﻡ : ﺍﻳﻪ ﺷﻦ ﻃﻤﻨﺎ ﻳﺎﺩﻛﺘﻮﺭ؟
ﺍﻟﺪﻛﺘﻮﺭ : ﺍﻟﻤﺮﻳﻀﺔ ﺗﻌﺮﺿﺖ ﻟﺼﺪﻣﺔ ، ﺍﺭﺗﻔﻌﻠﻬﺎ ﺍﻟﻀﻐﻂ ﻭﺍﻟﺤﻤﺪ ﻟﻠﻪ ﺟﺒﺘﻮﻫﺎ ﺑﺄﺳﺮﻉ ﻭﻗﺖ ، ﻟﻜﻦ
ﺍﻟﻜﻞ ﺷﺎﻓﻠﻪ ﺑﻘﻠﻖ ، ﻭﺣﺘﻰ ﻭﻟﻴﺪ ﺟﻲ ﺑﻴﺸﻮﻑ
ﺍﻟﺪﻛﺘﻮﺭ ﺣﻮﻝ ﻧﻈﺮﺍﺗﻪ : ﺍﻟﺒﺎﻳﻦ ﺍﻧﻪ ﻋﻨﺪﻫﺎ ﻣﺮﺽ ﺗﺎﻧﻲ ، ﻣﺶ ﺣﻨﻄﻠﻌﻬﺎ ﻣﻦ ﺍﻟﻤﺴﺘﺸﻔﻰ ﻟﻴﻦ ﻧﺪﻳﺮﻟﻬﺎ ﻓﺤﻮﺻﺎﺕ ﻛﺎﻣﻠﺔ
ﺃﻳﻤﻦ : ﺍﻧﺖ ﺷﺎﻙ ﻓﻲ ﺷﻲ ؟
ﺍﻟﺪﻛﺘﻮﺭ : ﺗﻘﺪﺭ ﺗﻘﻮﻝ ﻣﺘﺨﻮﻑ ﻣﻦ ﺷﻲ ﻭﺍﻥ ﺷﺎﺀ ﺍﻟﻠﻪ ﺧﻴﺮ ، ﻭﺍﻣﺸﻲ
ﻋﻤﺘﻲ : ﺷﻦ ﺯﻋﻤﺎ ؟ ﺻﺐ ﺍﻟﻤﻲ ﻓﻲ ﺭﻛﺎﺑﻨﺎ ﻭﺍﻣﺸﻲ
ﺃﻳﻤﻦ : ﺗﻮ ﻧﻤﺸﻲ ﺍﻧﻲ ﻧﺘﻜﻠﻢ ﻣﻊ ﺍﻟﺪﻛﺘﻮﺭ ، ﻭﺍﻣﺸﻲ ، ﻭﻭﻟﻴﺪ ﻟﺤﻘﻪ
،،،،،،،،،،
ﺃﻳﻤﻦ : ﻣﻌﻠﻴﺸﻲ ﻳﺎﺩﻛﺘﻮﺭ ﻭﺿﺤﻠﻨﺎ ﺍﻧﺖ ﻗﻠﺖ ﺑﺪﺍﻳﺔ ﺍﻟﻤﻮﺿﻮﻉ ﻭﺳﻜﺘﺖ ﺧﻮﻓﺘﻨﺎ ﺷﻦ ﻓﻲ ؟
ﻭﻟﻴﺪ : ﻗﺼﺪﻱ ﻳﻌﻨﻲ ﺍﻟﺼﺪﻣﺔ ﺳﺒﺒﺘﻠﻬﺎ ﺣﺎﺟﺔ !
ﺍﻟﺪﻛﺘﻮﺭ : ﻻ ﺍﻟﺼﺪﻣﺔ ﺑﺮﻭﺣﻬﺎ ﻣﺘﻌﻠﻘﻪ ﺑﺎﻟﻨﻔﺴﻴﺔ ﻭﺍﻟﻮﺍﺿﺢ ﺍﻧﻬﺎ ﻣﺘﻠﻘﻴﻪ ﺧﺒﺮ ﻣﺶ ﻛﻮﻳﺲ ، ﺑﺲ ﺍﺣﻨﻲ ﻓﻲ ﺧﻼﻝ ﺍﻟﻔﺤﻮﺻﺎﺕ ، ﺗﻘﺪﺭ ﺗﻘﻮﻝ ﺷﻜﻴﻨﺎ ﻓﻲ ﺷﻲ ، ﻭﺩﺭﻧﺎ ﺗﺤﻠﻴﻼﺕ ﻧﺴﺘﻨﻮ ﻓﻲ ﺍﻟﻨﺘﺎﺋﺞ
ﻭﻟﻴﺪ : ﺑﺎﻩ ﺷﻦ ﻫﻮ ؟
ﺍﻟﺪﻛﺘﻮﺭ ﺗﻨﻬﺪ : ﺍﺣﺘﻤﺎﻝ ﻋﻨﺪﻫﺎ ﻭﺭﻡ ﻓﻲ ﺍﻟﺪﻣﺎﻍ
ﻭﻟﻴﺪ ﻭﺃﻳﻤﻦ : ﺷﻨﻮﻭﻭ
ﺍﻟﺪﻛﺘﻮﺭ : ﻣﻊ ﺍﻻﺳﻒ ﺑﺲ ﺍﻥ ﺷﺎﺀ ﺍﻟﻠﻪ ﺗﻄﻠﻊ ﺗﻮﻗﻌﺎﺗﻨﺎ ﻏﻠﻂ ، ﺑﺲ ﻧﻌﺘﺒﺮ ﻣﺘﺎﻛﺪﻳﻦ ﻭﻳﺴﺘﺮ ﺍﻟﻠﻬﺞ
ﻭﻟﻴﺪ ﻭﺃﻳﻤﻦ ﻣﺼﺪﻭﻣﻴﻦ ﻭﻛﻞ ﻭﺍﺣﺪ ﻳﺸﻮﻑ ﻟﻠﺜﺎﻧﻲ
ﺃﻳﻤﻦ ﻭﺧﺮ ﻭﺍﺗﻜﻰ ﻉ ﺍﻟﺤﻴﻂ ﻭﻣﺼﺪﻭﻡ
ﻭﻟﻴﺪ ﻣﺴﺢ ﻭﺟﻬﻪ ﺑﺴﺮﻋﻪ : ﻻﺍﻟﻪ ﺍﻻ ﺍﻟﻠﻪ
ﻃﻠﻌﻮ ﺍﻟﺰﻭﺯ ﻭﻛﻞ ﻭﺍﺣﺪ ﺻﺪﻣﺘﻪ ﺍﻛﺜﺮ ﻣﻦ ﺍﻟﺜﺎﻧﻲ
،،،،،،،،،
ﻭﺻﻠﻮ ﺍﺧﻮﺍﺗﻲ ﻟﻠﻤﺴﺘﺸﻔﻰ ، ﻭﺳﺄﻟﻮ ﻋﻠﻴﺎ ، ﺍﺧﺪﻭ ﺍﺳﺎﻧﺴﻴﺮ ﻭﺭﻛﺒﻮ ﻳﺠﺮﻭ
ﻳﻤﺸﻮ ﻓﻲ ﺍﻟﻤﻤﺮ ، ﻭﻳﺘﻠﻔﺘﻮ ﺍﻟﺘﻼﺗﻪ ﻳﻨﺼﺪﻣﻮ ﺑﻌﻤﺘﻲ ﻭﻣﺮﺕ ﻋﻤﻲ ﻭﺍﻟﻌﻴﻠﻪ ﻛﻠﻬﺎ ﻗﺎﻋﺪﻩ
ﻧﻮﺍﻝ : ﺍﻧﺘﻮ ﻛﻠﻜﻢ ﺗﻌﺮﻓﻮ ﻋﻼﺵ ﻣﺎﻗﻠﺘﻮﻟﻨﺎﺵ
ﻧﻮﺭﺱ ﻭﺩﻣﻌﺘﻬﺎ ﻋﻠﻲ ﺧﺪﻫﺎ : ﺷﻦ ﺻﺎﺭﻟﻬﺎ ﻛﻴﻒ ﻃﺎﺣﺖ
ﻋﻤﺘﻲ ﻭﻗﻔﺖ : ﺍﻫﺪﻭ ﺍﻥ ﺷﺎﺀ ﺍﻟﻠﻪ ﺗﻨﻮﺽ ﺑﺎﻟﺴﻼﻣﻪ ، ﻫﻲ ﺳﻤﻌﺖ ﺑﻨﺴﻴﺒﺔ ﻭﺍﻧﻬﺎﺭﺕ ﻃﺎﺣﺖ ﻋﻠﻲ ﻃﻮﻟﻬﺎ ، ﺟﺒﻨﺎﻫﺎ ﻃﻮﻝ
ﻧﻮﺭﺱ ﻭﻧﻮﺍﻝ ﻭﻧﺮﺟﺲ ﻣﺶ ﻓﺎﻫﻤﻴﻦ ﻭﻳﺸﻮﻓﻮ ﻟﺒﻌﺾ
ﻧﻮﺍﻝ : ﻣﻨﻮ ﺍﻟﻲ ﻃﺎﺣﺖ ؟
ﻋﻤﺘﻲ ﺷﺎﻓﺖ ﺑﺼﺪﻣﺔ ﻭﻋﺮﻓﺖ ﺍﻧﻬﻢ ﻣﺎﻳﻌﺮﻓﻮﺵ ﺳﻜﺘﻮ
ﻋﻠﻴﺎ ﺟﺎﻳﺔ ﻣﻦ ﺍﻟﺤﻤﺎﻡ ﻭﻗﺎﻋﺪﻩ ﻣﺎﺭﻛﺰﺗﺶ ﻓﻲ ﺍﺧﻮﺍﺗﻲ ﻻﻧﻬﻢ ﻋﺎﻃﻴﻴﻨﻬﺎ ﺑﺎﻟﻈﻬﺮ : ﺷﻦ ﺻﺎﺍﺭ ﻓﻲ ﻣﺮﺕ ﺧﺎﻟﻲ ﻳﺎﻣﺎﻣﺎ ﻣﺎﻓﻴﺶ ﺍﻱ ﺧﺒﺮ ﻋﻠﻴﻬﺎ ؟
ﻋﻤﺘﻲ ﺷﺎﻓﺘﻠﻬﺎ ﺑﺼﺪﻣﺔ
ﺍﺧﻮﺍﺗﻲ ﻣﺼﺪﻭﻣﺎﺕ : ﻣﺎﺍﺍﺍﻣﺎﺍﺍﺍ !!!
ﻧﻮﺭﺱ : ﻭﻳﻨﻬﺎ ﻣﺎﻣﺎ ﻭﻳﻴﻴﻴﻴﻨﻬﺎﺍ ، ﻣﺎﺍﺍﻣﺎﺍﺍ ، ﻭﻳﻴﻴﻦ ﻓﻲ ﺍﻟﺤﺠﺮﺭﺭﺭﺓ ﻫﺎﺍﺍﺍﺩﻱ
ﻋﺪﻧﺎﻥ ﺟﻴﻲ ﺷﺪ ﻧﻮﺭﺱ ﻣﻦ ﻳﺪﻳﻬﺎ : ﺍﻫﺪﻱ ﻧﻮﺭﺱ
ﻧﻮﺍﺍﻝ ﻗﺪﻣﺖ ﺗﺠﺮﻱ ﻭﺍﻟﺪﻣﻌﻪ ﻓﻲ ﻋﻴﻴﻨﻬﺎ ، ﻭﻓﺘﺤﺖ ﺍﻟﺒﺎﺏ ﺑﻘﻮﺗﻬﺎ ﻣﺎﺍﺍﺍﻣﺎﺍﺍ
ﻛﺎﻧﺖ ﻣﺎﻣﺎ ﻛﻠﻬﺎ ﻣﺤﺎﻃﺔ ﺑﺎﻻﺟﻬﺰﺓ ﻭﺍﻟﻤﻤﺮﺿﺎﺕ
ﺍﻟﻤﻤﺮﺿﺔ : ﻣﻤﻨﻮﻭﻉ ﻳﺎﺍﺧﺘﻲ ﺍﻃﻠﻌﻲ
ﻧﻮﺍﻝ ﺩﻓﺘﻬﺎ ﻭﻗﺪﻣﺖ ﺗﺠﺮﻱ : ﻣﺎﺍﺍﻣﺎﺍﺍ ، ﺷﻨﻨﻦ ﺻﺎﺍﺍﺭﻟﻬﺎﺍﺍ ﺧﻴﺮﺭﺭﻫﺎ ، ﻭﺩﻣﻮﻋﻬﺎ ﻳﻨﺰﻟﻮﻭ
ﻟﺤﻘﺘﻬﺎ ﻧﺮﺟﺲ ، ﺑﺲ ﺑﻌﺪﻫﺎ ﻃﻠﻌﻮﻫﻢ ﻣﻦ ﺍﻟﺤﺠﺮﺓ
ﻛﺎﻥ ﺍﻟﻮﺿﻊ ﻣﺴﺘﺤﻴﻞ ﺗﻘﺪﺭ ﺗﻮﺻﻔﻪ ﺍﻟﻜﻠﻤﺎﺕ
ﺍﻧﻲ ﻓﻲ ﺩﺍﺭ ﻣﺤﺎﻃﺔ ﺑﺄﺟﻬﺰﺓ ﻣﺎﻧﻨﺪﺭﻱ ﻋﻠﻲ ﺷﻲ ، ﻣﺎﻣﺎ ﻛﺬﻟﻚ ، ﺍﻟﻜﻞ ﻗﺎﻋﺪ ﺑﺮﺍ ﻭﺣﺎﻟﺘﻬﻢ ﻣﺎﺗﻮﺻﻔﺶ ، ﺷﺒﻪ ﺍﻟﻜﻞ ﺳﻤﻊ ﺑﺎﻟﺨﺒﺮ ﻭﺟﺖ ﺧﺎﻟﺘﻲ ﻭﺧﻮﺍﻟﻲ ، ﻛﻠﻬﻢ ﻣﺸﻐﻮﻟﻴﻦ ﻭﻣﺘﻮﺗﺮﻳﻦ ، ﻛﺎﻧﻮ ﺍﺧﻮﺍﺗﻲ ﺍﻛﺜﺮ ﻭﺍﺣﺪﻳﻦ ﻣﺘﺄﺛﺮﻳﻦ ﻭﺍﻟﻜﻞ ﻳﺤﺎﻭﻝ ﻳﻬﺪﻳﻬﻢ
ﻣﺮﺕ ﺳﺎﻋﻪ ﻭﺭﺍ ﺳﺎﻋﻪ ، ﻭﺍﻟﻜﻞ ﻗﻠﻘﺎﻥ ﻓﻲ ﺍﻟﻤﺴﺘﺸﻔﻰ
ﻣﻊ ﺍﻟﺴﺎﻋﻪ 8 ﻓﻲ ﺍﻟﻠﻴﻞ
ﻋﻤﺘﻲ : ﻫﻲ ﻳﺎﺑﻨﺎﺕ ﻧﺮﻭﺣﻮ ﻋﻨﺪﻱ ﻓﻲ ﺍﻟﺤﻮﺵ ﻭﻏﺪﻭﺓ ﻧﺠﻮ
ﻧﻮﺭﺱ ﻭﻋﻴﻮﻧﻬﺎ ﺣﻤﺮ ﻣﻦ ﺍﻟﺒﻜﻲ : ﻻ ﺍﻧﻲ ﻣﺶ ﻣﺘﺤﺮﻛﺔ ﻣﻦ ﺍﻫﻨﻲ ﻟﻴﻦ ﻧﺘﻄﻤﻦ ﻋﻠﻲ ﻣﺎﻣﺎ ﻭﻧﺴﻴﺒﺔ
ﻧﻮﺍﻝ ﻣﺴﺤﺖ ﺩﻣﻌﺘﻬﺎ : ﻭﻻ ﺍﻧﻲ
ﻧﺮﺟﺲ ﺩﻣﻮﻋﻬﺎ ﻳﻨﺰﻟﻮ : ﺑﺘﺮﻭﺣﻲ ﺍﻧﺘﻲ ﻳﺎﻋﻤﻴﻤﻪ ﺑﺮﻱ ﺍﻣﺎ ﺍﺣﻨﻲ ﻣﺴﺘﺤﻴﻞ ﻧﺮﻭﺣﻮ ﻣﻦ ﻏﻴﺮ ﻣﺎﻧﺘﻄﻤﻨﻮ ﻋﻠﻲ ﻣﺎﻣﺎ ﻭﻧﻮﺳﺔ
ﻭﻟﻴﺪ : ﺍﻧﻲ ﻣﻮﺟﻮﺩ ﻭﺍﻱ ﺷﻲ ﺣﻨﺘﺼﻞ ﺑﻴﻜﻢ
ﻋﻤﺘﻲ ﻓﺘﺤﻴﺔ : ﻫﻮ ﺣﺘﻰ ﺍﻧﺖ ﺭﻭﺡ ﺍﺭﺗﺎﺡ ﺑﻤﺎ ﺍﻧﻬﺎ ﻣﺶ ﻓﺎﻳﻘﻪ ﻟﻐﺪﻭﺓ ، ﺷﻮﻑ ﺣﺎﻟﺘﻚ ﻳﺎﻭﻟﻴﺪﻱ
ﻭﻟﻴﺪ ﻣﺴﺢ ﻭﺟﻬﻪ ﺑﻴﺪﻩ : ﻻﻻ ﺍﻧﻲ ﻗﺎﻋﺪ ﺍﻫﻨﻲ ، ﺍﻧﺘﻮ ﻛﻠﻜﻢ ﺭﻭﺣﻮ
ﺍﺧﻮﺍﺗﻲ ﻣﻊ ﺑﻌﺾ : ﺍﺣﻨﻲ ﻗﺎﺍﻋﺪﻳﻦ ﻣﺶ ﺣﻨﺮﻭﺣﻮ
ﺧﺎﻟﺘﻲ ﺗﺒﻜﻲ : ﺣﺘﻰ ﺍﻧﻲ ﻣﺶ ﻣﺮﻭﺣﺔ ﻟﻴﻦ ﻧﺸﻮﻑ ﺍﻭﺧﻴﺘﻲ
ﻃﻠﻌﺖ ﺍﻟﻤﻤﺮﺿﺔ ﻣﻦ ﺣﺠﺮﺓ ﻣﺎﻣﺎ : ﻓﺎﻗﺖ ﺍﻟﺤﻤﺪ ﻟﻠﻪ ﻉ ﺳﻼﻣﺘﻬﺎ
ﺍﺧﻮﺍﺗﻲ ﻭﻗﻔﻮ ﺑﻔﺮﺣﺔ : ﻧﻘﺪﺭﻭ ﻧﺸﻮﻓﻮﻫﺎ
ﺍﻟﻤﻤﺮﺿﺔ : ﻫﻲ ﻗﺎﻋﺪﻩ ﺗﻌﺒﺎﻧﻪ ، ﺑﺲ ﺧﺸﻮ ﺍﻧﺘﻮ ﺍﻟﺘﻼﺗﻪ ﺑﺲ ﻭﻣﻦ ﻏﻴﺮ ﺩﻭﺷﺔ
ﺧﺸﻮ ﺍﺧﻮﺍﺗﻲ ﻋﻠﻲ ﻣﺎﻣﺎ ﻭﻛﻞ ﻭﺣﺪﺓ ﺩﻣﻌﺘﻬﺎ ﻓﻲ ﻋﻴﻨﻬﺎ
ﻣﺎﻣﺎ ﺑﺘﻌﺐ : ﺷﻦ ﺻﺎﺭ ﻓﻲ ﺍﺧﺘﻜﻢ ؟
ﻧﻮﺭﺱ ﺩﻣﻮﻋﻬﺎ ﻧﺰﻟﻮ ﻃﻮﻝ ﻭﺍﺟﺮﺕ ﺟﻬﺔ ﻣﺎﻣﺎ ﻭﻃﺒﺴﺖ ﺍﺿﺒﻄﺘﻬﺎ
ﻧﻮﺍﻝ ﻗﺮﺑﺖ ﻭﻗﻌﻤﺰﺕ ﻋﻠﻲ ﺭﻛﺎﺑﻬﺎ ﻭﻳﺪﻳﻬﺎ ﻋﻠﻲ ﺍﻟﺴﺮﻳﺮ : ﻣﺎﻣﺎ ﻣﺎﺗﺴﻴﺒﻴﻨﺎﺵ ﻳﺴﺪ ﺑﺎﺑﺎ ﻳﺎﺍﻣﺎﻣﺎ ، ﻭﺷﺪﺕ ﻳﺪﻫﺎ ﺑﺎﺳﺘﻬﺎ ﻭﺗﺒﻜﻲ ﺑﺎﻟﻌﺒﺮﺓ
ﻧﺮﺟﺲ ﻗﻌﺪﺕ ﻭﺍﻗﻔﻪ ﻭﺩﻣﻮﻋﻬﺎ ﻳﻨﺰﻟﻮ ﻭﺗﺸﻮﻑ ﻟﻤﺎﻣﺎ
ﺍﻟﻤﻤﺮﺿﺔ ﻭﺍﻗﻔﻪ ﻟﻴﻦ ﻋﻴﻨﻬﺎ ﺩﻣﻌﺖ
ﻣﺎﻣﺎ ﺣﻄﺖ ﻳﺪ ﻋﻠﻲ ﺷﻌﺮ ﻧﻮﺭﺱ ، ﻭﺍﺑﺘﺴﻤﺖ ﺑﺘﻌﺐ ﻭﺍﺿﺢ : ﺧﻼﺹ ﺍﻧﻲ ﻧﻀﺖ ﻭﻣﺎﻓﻴﺎ ﺷﻲ ﻭﺣﺎﻟﻲ ﻛﻮﻳﺴﺔ ، ﺍﺧﺘﻜﻢ ﻛﻴﻒ ﺣﺎﻟﻬﺎ ؟
ﻧﻮﺍﻝ ﺗﺒﻜﻲ : ﻣﺎﻧﻌﺮﻓﻮﺵ ﻳﺎﻣﺎﻣﺎ ﻗﺎﻋﺪﻩ ﺯﻱ ﻣﺎﻫﻲ ، ﺣﺘﻰ ﺍﻥ ﻭﺍﺣﺪ ﻣﻦ ﺍﻟﺘﻮﺍﻣﺎ ﻧﺰﻻﺗﻪ
ﻣﺎﻣﺎ ﺗﻨﻬﺪﺕ ﺑﺘﻌﺐ
ﺍﻟﻤﻤﺮﺿﺔ : ﺧﻼﺹ ﺧﻠﻮ ﺍﻣﻜﻢ ﺗﺮﺗﺎﺡ ، ﻫﻲ
ﻣﺮ ﺍﻟﻮﻗﺖ
ﺭﻭﺣﺖ ﻋﻤﺘﻲ ﻭﻋﻴﻠﺔ ﻋﻤﻲ ، ﻭﺣﺘﻰ ﻋﻴﻠﺔ ﻭﻟﻴﺪ ﺭﻭﺣﻮ ، ﻗﻌﺪ ﻭﻟﻴﺪ ﻭﺍﺧﻮﺍﺗﻲ ﻭﻣﺤﻤﻮﺩ ﻭﻋﺪﻧﺎﻥ ﻓﻲ ﺍﻟﻤﺴﺘﺸﻔﻰ
،،،،،،،،،،،
ﺍﻳﻤﻦ ﺧﺶ ﻟﻠﺤﻮﺵ ﻫﺪﻭﺀ
ﺧﺶ ﻟﺪﺍﺭﻩ ﻋﻠﻲ ﻃﻮﻝ ، ﺍﻭﻝ ﻣﺎﻓﺘﺢ ﺍﻟﺒﺎﺏ ﺟﺖ ﻋﻴﻨﻪ ﻓﻲ ﻋﻴﻦ ﻫﺎﺟﺮ
ﻫﺎﺟﺮ ﺷﺎﻓﺘﻠﻪ ﺑﻌﻴﻮﻥ ﺧﺎﻳﻔﻪ ﻭﻗﺎﻟﻘﻪ ، ﻣﺎﻋﺮﻓﺘﺶ ﺷﻦ ﺗﺤﻜﻲ ﻫﻞ ﺗﺴﺄﻟﻪ ﻋﻠﻴﺎ ﻭﻋﻠﻲ ﻣﺎﻣﺎ ؟ ﻭﺍﻻ ﺗﺴﺄﻟﻪ ﻋﻠﻲ ﺻﺎﺭ ﺍﻣﺒﻜﺮﻱ
ﺍﻳﻤﻦ ﺳﻜﺮ ﺑﺎﺏ ﺍﻟﺪﺍﺭ ﻣﻦ ﻏﻴﺮ ﺍﻱ ﻛﻠﻤﺔ
ﻫﺎﺟﺮ : ﺃﻳﻤﻦ
ﺃﻳﻤﻦ ﻗﻌﻤﺰ ﻉ ﺍﻟﺴﺮﻳﺮ : ﻣﻦ ﻫﻮ ﻳﺎﻫﺎﺟﺮ ؟ ﺭﺍﻧﻲ ﺭﺍﺳﻲ ﺑﻴﻨﻔﺠﺮ ، ﺑﻨﺨﺶ ﻓﻲ ﻋﻘﻠﻲ ﻭﺑﻨﻄﻠﻊ ﺍﻧﻲ ، ﻣﻦ ﻫﻮ ﺍﻟﺤﻘﻴﺮ ﻫﺪﺍ ﺍﻟﻲ ﺣﺘﻰ ﺷﺎﻓﻚ ﻭﺍﻧﺘﻲ ﻃﺎﻟﻌﻪ ﻣﻦ ﺍﻟﻤﺴﺘﺸﻔﻰ ! ﻣﻦ ﻳﺎﻫﺎﺟﺮ ؟ ﺷﻦ ﻣﺪﺍﻳﺮﺓ ﻣﻦ ﻭﺭﺍﻱ ﺑﺲ ؟ ، ﻭﺣﻂ ﺭﺍﺳﻪ ﺑﻴﻦ ﻳﺪﻳﻪ
ﻫﺎﺟﺮ ﺗﺒﻜﻲ : ﺃﻳﻤﻦ ﻣﺎﺗﺤﻜﻤﺶ ﻣﻦ ﻗﺒﻞ ﻣﺎﺗﺴﻤﻌﻨﻲ ، ﺍﺳﺎﺳﺎ ﺍﻧﻲ ﻭﺍﻟﻠﻪ ﻣﺎﻧﻌﺮﻑ ﺣﺘﻰ ﻣﻦ ﺍﺗﺼﻞ ﻭﺍﻻ ﻋﻠﻲ ﻣﻦ ﺭﺩﻳﺖ ﺍﻧﺖ ، ﺍﻳﻤﻦ ﺍﻧﺖ ﻓﻬﻤﻨﻲ ﻗﺒﻞ ﺑﻌﺪﻫﺎ .. ﺑﻌﺪﻫﺎ ﻧﻔﻬﻢ ﺍﺳﺎﻟﻨﻲ ، ﻭﺍﻟﻠﻪ ﻣﺎﺩﺭﺕ ﺷﻲ ﻳﺎﺃﻳﻤﻦ ﻭﺍﻟﻠﻪ ، ﻋﻼﺵ ﻫﻜﻲ ﻳﺼﻴﺮ ﺍﻧﻲ ﻭﺍﻟﻠﻪ ﻣﺎﺩﺭﺕ ﺣﺎﺟﺔ
ﺃﻳﻤﻦ ﺗﻠﻔﺘﻠﻬﺎ ﺍﺧﺪﻱ ﻣﻨﻬﺎ ﺍﻟﻮﻟﺪ ﻭﺣﻄﻪ ﻉ ﺍﻟﺴﺮﻳﺮ
ﻫﺎﺟﺮ ﺗﻤﺴﺢ ﻓﻲ ﺩﻣﻮﻋﻬﺎ ﻭﻣﻨﻬﺎﺭﺓ ﺑﻜﻲ : ﻭﺍﻟﻠﻪ ﻣﺎﺩﺭﺕ ﺣﺎﺟﺔ ﺍﻧﺖ ﺩﻳﻤﺎ ﺗﺘﺴﺮﻉ ﻭﺗﻌﺼﺐ ﻣﻨﻲ ﻭﺍﻟﻠﻪ ﻧﺤﺒﻚ ﻭﺍﻟﻠﻪ ﻣﺎﺩﺭﺗﺖ ﺣﺎﺟﺔ ﻭﺍﻟﻠﻪ
ﺃﻳﻤﻦ ﺿﻤﻬﺎ ﻟﺼﺪﺭﻩ ﻭﻗﻌﺪ ﻳﻤﺴﺢ ﻋﻠﻲ ﺷﻌﺮﻫﺎ
ﻫﺎﺟﺮ ﺗﺸﺒﺒﺘﺖ ﻓﻴﻪ ﻭﺗﺒﻜﻲ ﻭﺗﻜﺮﺭ ﻓﻲ ﺟﻤﻠﻪ : ﻭﺍﻟﻠﻪ ﻣﺎﺩﺭﺕ ﺣﺎﺟﺔ
ﺍﻳﻤﻦ ﺑﺎﺱ ﺭﺍﺳﻬﺎ : ﺧﻼﺹ ﺣﺒﻴﺒﺘﻲ ﻣﺼﺪﻗﻚ ﺧﻼﺹ ﺍﻫﺪﻱ
،،،،،،،،،،،
ﻓﺎﺗﺖ ﻫﺎﻟﻠﻴﻠﺔ ﻭﻛﻞ ﻭﺍﺣﺪ ﺣﺎﻣﻞ ﻫﻤﻪ ﻓﻲ ﻗﻠﺒﻪ
ﻃﻠﻊ ﺻﺒﺢ ﺟﺪﻳﺪ ﻣﺶ ﻣﻌﺮﻭﻑ ﺷﻦ ﻳﺤﻤﻞ ﻣﻌﺎﻩ ﻣﻦ ﺍﺣﺪﺍﺙ ﻓﻲ ﻫﺎﻟﻴﻮﻡ
ﺑﻌﺾ ﺍﻟﻌﻴﻮﻥ ﺭﻗﺪﺕ ﻭﻫﻲ ﺣﺎﻣﻠﻪ ﻓﻲ ﻗﻠﺒﻬﺎ ﻫﻢ ﻛﺒﻴﺮ ، ﻭﺑﻌﻀﻬﻢ ﺭﻗﺪﺕ ﻣﻦ ﻛﺜﺮ ﺍﻟﺘﻔﻜﻴﺮ ﻭﻫﻲ ﻣﺸﻐﻮﻟﺔ ، ﻭﺑﻌﻀﻬﻢ ﺭﻗﺪ ﺑﺄﻣﺎﻥ ﻷﻭﻝ ﻣﺮﺓ ﻣﻤﻜﻦ ﻳﺤﺲ ﺑﻴﻪ ، ﻭﺍﻟﺒﻌﺾ ﻣﺎﺗﻐﻤﻀﺘﺶ ﻋﻴﻨﻪ ﺍﺑﺪﺍ
ﺍﻟﺴﺎﻋﻪ ﺗﺴﻌﻪ ﺍﻟﺼﺒﺢ
ﻣﺤﻤﻮﺩ ﻳﺤﻚ ﻓﻲ ﻋﻴﻮﻧﻪ : ﺍﻧﻲ ﺑﻨﻤﺸﻲ ﻧﺠﻴﺐ ﻗﻬﻮﺓ ﻣﻦ ﻳﺒﻲ
ﻧﻮﺭﺱ : ﺍﻧﻲ ﻳﺎﺭﻳﺖ
ﻋﺪﻧﺎﻥ : ﺍﻧﻲ ﺗﻮ ﻧﺠﻲ ﻣﻌﺎﻙ
ﻭﻟﻴﺪ : ﺍﺣﺴﺒﻨﻲ ﺣﺘﻰ ﺍﻧﻲ
ﻧﺮﺟﺲ : ﻧﺒﻲ ﻣﻴﻪ ﻟﻮ ﺳﻤﺤﺖ
ﻃﻠﻊ ﻣﺤﻤﻮﺩ ﻫﻮ ﻭﻋﺪﻧﺎﻥ
ﺷﺮﻳﻦ ﺗﻠﻴﻔﻮﻥ ﻣﺤﻤﻮﺩ ﻃﻠﻌﻪ ﻣﻦ ﺟﻴﺒﻪ ، ﺷﺎﻑ ﺍﻟﺮﻗﻢ : ﺑﺮﺍ ﺍﻧﺖ ﻋﺪﻧﺎﻥ ﻭﺍﻧﻲ ﺗﻮ ﻧﻠﺤﻘﻚ
ﻣﺤﻤﻮﺩ ﺑﻌﺪ ﺷﻮﻳﺔ ﻭ ﺭﺩ ﻉ ﺍﻟﺘﻠﻴﻔﻮﻥ : ﺍﻳﻮﺍ
ﻭﺭﻭﺩ ﺑﺼﻮﺕ ﺩﻟﻊ : ﺻﺒﺎﺍﺣﻮﻭ ، ﻭﻳﻨﻚ
ﻣﺤﻤﻮﺩ : ﻟﺸﻦ ﺗﺒﻲ ﺗﻮﺻﻠﻲ ﺍﻧﺘﻲ ، ﺗﻴﻲ ﻣﻌﺎﺵ ﺗﺘﺼﻠﻲ
ﻭﺭﻭﺩ : ﺍﻧﻲ ﺗﻮﺍ ﺧﺎﺷﻪ ﻟﻠﻤﺴﺘﺸﻔﻰ ﺑﻌﺪﻳﻦ ﻧﻜﻠﻤﻚ ﺑﺎﻫﻲ
ﻣﺤﻤﻮﺩ : ﻋﻼﺵ ﺷﻦ ﻓﻲ ؟
ﻭﺭﻭﺩ : ﺗﺨﺎﻑ ﻋﻠﻴﺎﺍﺍ ؟؟
ﻣﺤﻤﻮﺩ : ﺑﺎﻟﻠﻪ ﺳﻜﺮﻱ
ﻭﺭﻭﺩ : ﻣﺤﻤﻮﻭﻭﺩ ، ﺍﻧﺖ ﺍﻫﻨﻲ
ﻣﺤﻤﻮﺩ : ﺷﻨﻮ
ﻭﺭﻭﺩ ﻓﺘﺤﺖ ﺑﺎﺏ ﺍﻟﺴﻴﺎﺭﺓ ﻭﻧﺰﻟﺖ ، ﺳﻜﺮﺕ ﺍﻟﺨﻂ ﻭﻗﺪﻣﺖ
ﻣﺤﻤﻮﺩ ﻗﻌﺪ ﻣﺼﺪﻭﻡ ﻭﻳﺸﻮﻓﻠﻬﺎ
ﻭﺭﻭﺩ ﻣﺒﺘﺴﻤﻪ : ﻭﺍﺍﺍﻭ ﻳﺎﺣﺒﻴﺒﻲ ﺍﺣﻠﻰ ﻣﻔﺎﺟﺌﺔ
ﻣﺤﻤﻮﺩ ﺷﺎﻑ ﻟﺒﻄﻨﻬﺎ ﺍﻟﻜﺒﻴﺮﺓ
ﻭﺭﻭﺩ : ﺷﻦ ﺗﺪﻳﺮ ﺍﻫﻨﻲ ؟
ﻣﺤﻤﻮﺩ ﺗﻠﻔﺖ ﻳﻤﻴﻦ ﻭﻳﺴﺎﺭ : ﺗﻌﺎﻟﻲ ﺑﺲ ﺟﺎﻳﻪ ﻓﻲ ﻧﺺ ﺍﻟﻄﺮﻳﻖ
ﻭﻗﺪﻣﻮ ﻫﻤﺎ ﺍﻟﺰﻭﺯ ﺟﻬﺔ ﺑﺎﺭﻙ ﺍﻟﺴﻴﺎﺭﺍﺕ
ﻭﺭﻭﺩ ﻣﺒﺘﺴﻤﻪ ﻭﺗﺪﻟﻊ : ﻭﺍﻭﻭ ﻳﺎﺣﺒﻴﺒﻲ ﻣﻮﻟﻲ ﻏﺰﺍﻝ ﻭﺟﻨﺘﻞ ﻭﻣﺘﻐﻴﺮ ﻫﻠﺒﺎ
ﻣﺤﻤﻮﺩ : ﻭﺭﻭﺩ ﻟﻮﻳﻦ ﺗﺒﻲ ﺗﻮﺻﻠﻲ
ﻧﻮﺍﻝ : ﺍﻧﺴﻴﺖ ﻣﺎﻗﻠﺘﺶ ﻟﻤﺤﻤﻮﺩ ﻳﺠﻴﺒﻠﻲ ﻗﻬﻮﺓ ، ﻧﻤﺸﻴﻠﻪ ، ﻭﻃﻠﻌﺖ
ﻭﺭﻭﺩ : ﻣﺤﻤﻮﺩ ﺣﺒﻚ ﻟﻴﺎ ﻭﺍﺿﺢ ﻓﻲ ﻋﻴﻮﻧﻚ ، ﺣﺘﻰ ﺍﻧﻲ ﺷﻔﺖ ﻧﻈﺮﺍﺗﻚ ﻟﺒﻄﻨﻲ ، ﻣﻊ ﺍﻧﻲ ﺗﻤﻨﻴﺖ ﻫﺎﻟﻄﻔﻞ ﻳﻜﻮﻥ ﻣﻨﻚ
ﻣﺤﻤﻮﺩ ﺣﻂ ﻳﺪﻳﻪ ﻓﻲ ﻧﺼﻪ ﻭﻳﺪﻭﺭ ﻳﻤﻴﻦ ﻳﺴﺎﺭ : ﺍﻧﻲ ﺷﻔﺖ ﻟﺒﻄﻨﻚ ﻣﺴﺘﻐﺮﺏ ﻓﻲ ﺍﻧﻚ ﺣﺘﻰ ﻋﻴﻠﻚ ﺍﻟﻲ ﻓﻲ ﺑﻄﻨﻚ ﻣﺶ ﻣﺤﺘﺮﻣﺘﻴﻪ ، ﻧﻘﻮﻟﻚ ﺧﺎﻃﺐ ﻧﺤﺐ ﺧﻄﻴﺒﺘﻲ ، ﺍﻧﺘﻲ ﻣﺘﺰﻭﺟﺔ
ﻭﺭﻭﺩ : ﻣﻌﺎﺵ ﺗﻜﺬﺏ ﻋﻠﻲ ﺭﻭﺣﻚ ﻭﺗﻘﻮﻝ ﻧﺤﺐ ﺧﻄﻴﺒﺘﻲ
ﻧﻮﺍﻝ ﺗﻠﻔﺖ ﻓﻲ ﻭﺟﻬﻬﺎ ﻳﻤﻴﻦ ﻳﺴﺎﺭ : ﻫﺪﺍ ﻭﻳﻨﻪ
ﻣﺤﻤﻮﺩ : ﻧﺤﺒﻬﺎ ﻭﻧﻤﻮﺕ ﻓﻴﻬﺎ ﻭﻣﺎﻟﻴﺔ ﻋﻴﻨﻲ
ﻭﺭﻭﺩ ﻏﺎﺿﺖ : ﻛﺬﺍﺏ ﺍﻧﺖ ﺗﺤﺒﻨﻲ ﺍﻧﻲ ﺑﺲ ، ﻛﻴﻒ ﺗﻨﺴﻰ ﺣﺒﻨﺎ ﻛﻴﻒ
ﻣﺤﻤﻮﺩ ﺑﺎﺳﺘﻬﺰﺍﺀ : ﻋﻠﻲ ﺍﻱ ﺣﺐ ﺗﺤﻜﻲ ، ﻣﺶ ﺍﻧﺘﻲ ﺍﻟﻲ ﺍﺧﺘﺮﺗﻲ ﺣﻴﺎﺓ ﺍﻟﻔﻠﻮﺱ ، ﺍﺧﺘﺮﺗﻲ ﺍﻟﺸﺨﺺ ﺍﻟﻲ ﺷﻔﺘﻴﻪ ﻳﻨﺎﺳﺒﻚ ﻭﺳﻴﺒﺘﻴﻨﻲ ﻓﻲ ﻧﺺ ﺍﻟﻄﺮﻳﻖ ، ﺗﻴﻲ ﻋﻨﺪﻙ ﺗﻼﺗﻪ ﺻﻐﺎﺭ ﺣﻄﻴﻬﻢ ﺑﻴﻦ ﻋﻴﻮﻧﻚ ، ﻭﺑﻄﻠﻲ ﺣﺮﻛﺎﺕ ﺍﻻﻧﺎﻧﻴﻪ ﻭﺍﻟﻄﻤﺎﻉ ﺑﺘﺎﻋﻚ
ﻭﺭﻭﺩ : ﻭﺍﻧﺖ ﻛﻴﻒ ﻋﺮﻓﺖ ﺍﻧﻪ ﻋﻨﺪﻱ ﺗﻼﺗﻪ ﺻﻐﺎﺭ
ﻧﻮﺍﻝ ﺗﻘﺮﺏ ﻣﻦ ﺟﻬﺔ ﺍﻟﺒﺎﺭﻛﻲ ﻭﺗﺸﻮﻑ ﻳﻤﻴﻦ ﻳﺴﺎﺭ ، ﻭﺗﺠﻲ ﻋﻴﻨﻬﺎ ﻋﻠﻲ ﻣﺤﻤﻮﺩ ﻭﻭﺭﻭﺩ ﺍﻟﻲ ﻳﺤﻜﻮ
ﻣﺤﻤﻮﺩ : ﺍﺳﺘﻐﻔﺮ ﺍﻟﻠﻪ ﻭﺍﺗﻮﺏ ﺍﻟﻴﻪ ، ﻭﺣﺎﻁ ﻳﺪﻳﻪ ﻓﻲ ﻧﺼﻪ ، ﻭﻳﻠﻒ ﻭﺗﺠﻲ ﻋﻴﻨﻪ ﻓﻲ ﻋﻴﻦ ﻧﻮﺍﻝ ﺍﻟﻤﺼﺪﻭﻣﺔ ﻭﺗﺸﻮﻑ ﻟﻮﺭﻭﺩ
ﻧﻮﺍﻝ ﺑﻠﻌﺖ ﺭﻳﻘﻬﺎ ﻭﺍﺗﺼﻨﻌﺖ ﺍﺑﺘﺴﺎﻣﻪ ، ﻭﻗﺪﻣﺖ ﺟﻬﺘﻬﻢ
ﻣﺤﻤﻮﺩ ﻣﺼﺪﻭﻡ : ﻧﻮﺍﻝ
ﻧﻮﺍﻝ ﻣﺒﺘﺴﻤﻪ ﺍﺑﺘﺴﺎﻣﻪ ﺻﻔﺮﺍ : ﺷﻦ ﺗﺪﻳﺮﻭﻭ ؟
ﻭﺭﻭﺩ ﻗﺎﻳﻤﻪ ﺣﺎﺟﺒﻬﺎ ﻭﺗﻔﺤﺺ ﻓﻲ ﻧﻮﺍﻝ ﺑﻌﻴﻮﻧﻬﺎ : ﻭﻣﻦ ﺍﻧﺘﻲ ﺣﺘﻰ ﺗﺴﺄﻟﻲ ؟
ﻧﻮﺍﻝ : ﻫﻬﻬﻪ ﻛﻴﻒ ﻣﺎﻗﻠﺘﻠﻬﺎﺵ ﺣﺒﻴﺒﻲ ، ﺍﻧﻲ ﻧﻮﺍﻝ ﺧﻄﻴﺒﺘﻪ ، ﻣﻊ ﻧﻈﺮﻩ ﺣﺎﺩﺓ
ﻭﺭﻭﺩ ﺗﺸﻮﻓﻠﻬﺎ ﺑﻨﻈﺮﺓ ﻏﻴﺾ ﻭﻏﻴﺮﺓ
ﻣﺤﻤﻮﺩ : ﻧﻮﺍﻝ ﻫﺎﺩﻱ ﻭﺭﻭﺩ
ﻧﻮﺍﻝ : ﺗﺸﺮﻓﻨﺎ ، ﺷﻦ ﻗﺎﻋﺪﻳﻦ ﺗﺤﻜﻮ ؟
ﻭﺭﻭﺩ : ﺍﻧﻲ ﺗﺎﺧﺮﺕ ﻋﻠﻲ ﻣﻮﻋﺪﻱ ﺑﻨﺨﺶ ، ﻭﺍﻣﺸﺖ ﻭﺳﻴﺒﺘﻬﻢ
ﻧﻮﺍﻝ ﺷﺎﻓﺖ ﻟﻤﺤﻤﻮﺩ : ﻣﺎﺷﺎﺀ ﺍﻟﻠﻪ ، ﺣﺘﻰ ﺑﻨﻄﻠﺐ ﺍﻧﻚ ﺗﻔﻬﻤﻨﻲ ﺷﻦ ﺍﻟﻲ ﻳﺼﻴﺮ ﻭﺗﺸﺮﺣﻠﻲ ، ﻣﺎﻓﻴﺶ ﺩﺍﻋﻲ ﻭﺍﻟﻠﻪ
ﻣﺤﻤﻮﺩ : ﻧﻮﺍﻝ
ﻧﻮﺍﻝ : ﺍﺳﺴﺲ ﺑﺎﻟﻠﻪ ﻣﺎﺗﺘﻜﻠﻤﺶ ﻭﻻ ﻛﻠﻤﺔ ، ﻭﻟﻒ ﻭﺍﻣﺸﺖ
ﻣﺤﻤﻮﺩ ﺟﻲ ﺑﻴﻠﺤﻘﻬﺎ
ﻧﻮﺍﻝ ﻟﻔﺖ ﻋﻠﻴﻪ ﻭﺣﻄﺖ ﻳﺪﻫﺎ ﻗﺪﺍﻡ ﻭﺟﻬﻪ : ﻣﺎﺗﻠﺤﻘﻨﻴﺶ ، ﻭﻟﻔﺖ ﻭﺍﻣﺸﺖ
ﻣﺤﻤﻮﺩ ﺍﺗﻜﻰ ﻉ ﺍﻟﺴﻴﺎﺭﺓ : ﺍﻭﻭﻭﻑ ﺍﻟﺰﺯﺯﺡ
ﻧﻮﺍﻝ ﺗﻤﺸﻲ ﻭﺍﺣﺴﺎﺱ ﻳﺤﺮﺭﻕ ﺗﺤﺲ ﺑﻴﻪ ، ﻭﻗﻔﺖ ﻓﺠﺄﺓ ﻭﻗﻌﺪﺕ ﺗﺸﻮﻑ ، ﻟﻔﺖ ﻟﻤﺤﻤﻮﺩ : ﻣﺤﻤﻮﻭﻭﺩ
ﻣﺤﻤﻮﺩ ﺗﻠﻔﺘﻠﻬﺎ ﺑﺎﺳﺘﻐﺮﺍﺏ
ﻧﻮﺍﻝ ﺗﺄﺷﺮ ﻉ ﺍﻟﺴﻴﺎﺭﺓ : ﻫﺎﺩﻱ ﺳﻴﺎﺭﺗﻚ ﻭﺍﻻ ؟
ﻣﺤﻤﻮﺩ ﻳﻘﺪﻡ : ﺍﻳﻪ
ﻧﻮﺍﻝ ﺣﻄﺖ ﺷﻨﻄﺘﻬﺎ ﻋﻠﻲ ﻛﺘﻔﻬﺎ ﻭﻗﺪﻣﺖ ﻟﻠﺴﻴﺎﺭﺓ ، ﺷﺪﺓ ﺍﻟﻤﺴﺎﺍﺣﺔ ﻣﻦ ﻗﺪﺍﻡ ، ﻭﺗﺠﺒﺪﻫﺎ ﺑﻘﻮﻭﺗﻬﺎ ﻟﻴﻴﻦ ﺗﻌﻮﺟﺖ ، ﻭﻗﻌﺪﺕ ﺗﻠﻮﻱ ﻓﻴﻬﺎ
ﻣﺤﻤﻮﺩ ﻗﺪﻡ ﻳﺠﺮﻱ : ﺷﻦ ﺗﺪﻳﺮﻱ ﺧﻴﺮﻙ ﻫﺒﻠﺘﻲ
ﻧﻮﺍﻝ : ﺧﻠﻲ ﺑﻌﻴﺪﺩ ، ﻭﻟﻔﺖ ﺍﻣﺸﺖ ﻟﻠﻤﺴﺎﺣﺔ ﺍﻟﺘﺎﻧﻴﻪ ﻭﻋﻮﺟﺘﻬﺎ
ﻣﺤﻤﻮﺩ : ﺍﻟﻤﺴﺎﺣﺔ ﻫﺒﻠﺘﻲ ﺍﻧﺘﻲ ؟
ﻧﻮﺍﻝ ﺷﺪﺕ ﺷﻨﻄﺘﻬﺎ ، ﻭﻭﻭﻭﻃﺎﺍﺍﺍﺍﻑ ﻋﻠﻲ ﻣﺮﺵ ﺭﻭﺷﻦ ﺍﻟﺴﻴﺎﺭﺓ ، ﺍﻧﻜﺴﺮ
ﻣﺤﻤﻮﺩ : ﻫﻴﻴﻴﻲ
ﻧﻮﺍﻝ : ﻣﻦ ﻫﻲ ﺍﻟﻲ ﻛﻨﺖ ﻭﺍﻗﻒ ﻣﻌﺎﻫﺎ ﻫﺎﺍﺍ ﻣﻨﻨﻦ ؟
ﻣﺤﻤﻮﺩ : ﻧﻮﺍﻝ ﺍﻟﻨﺎﺱ ﻳﺘﻔﺮﺟﻮ ﻋﻠﻴﻬﺎ ﺧﻼﺹ ﺍﻧﺘﻲ ﻫﺒﻠﺘﻲ
ﻧﻮﺍﻝ ﻗﺎﻣﺖ ﺍﻟﺸﻨﻄﺔ ﻣﻦ ﺟﺪﻳﺪ ، ﻭﺧﺒﻄﺖ ﻣﺮﺵ ﺍﻟﺮﻭﺷﻦ ﺍﻟﺨﻠﻔﻲ ، ﻭﻭﻭﻃﺎﺍﺍﻑ ﺍﻧﻜﺴﺮ : ﻣﻨﻨﻮﻭﻭﻭ ﺗﻜﻜﻠﻤﻤﻢ
ﻣﺤﻤﻮﺩ ﻗﺪﻡ ﻭﻛﺘﻔﻠﻬﺎ ﻳﺪﻳﻬﺎ : ﺍﻫﺪﻱ ﻧﻮﺍﺍﻝ ﺧﻴﺮﻙ ﻫﺒﻠﺘﻲ ﺧﻠﻴﺘﻲ ﺍﻟﻜﻞ ﻳﺸﻮﻓﻠﻨﺎ
ﻧﻮﺍﻝ ﺗﻘﺎﻭﻡ : ﺣﻮﻭﻭﻝ ﺑﻌﺪﺩﺩ ﻣﺎﺗﻤﺴﻨﻴﺶ ، ﻭﺍﻧﻬﺎﺭﺕ ﺑﻜﻲ
ﻫﺎﺩﻱ ﻧﻮﺍﻝ ﺗﻈﺎﻫﺮ ﺑﺎﻟﻘﻮﺓ ﻭﻓﻲ ﺍﻱ ﻟﺤﻈﺔ ﻣﻤﻜﻦ ﺗﻨﻬﺎﺭ ، ﺍﻟﻲ ﺻﺎﺭ ﻣﻊ ﻣﺎﻣﺎ ﻭﻣﻌﺎﻱ ، ﻛﺎﻧﺖ ﺗﺤﺎﻭﻝ ﺗﻜﻮﻥ ﺍﻗﻮﻯ ﻭﺣﺪﺓ ﻃﻮﻝ ﺍﻟﻮﻗﺖ ، ﻭﺯﺍﺩﻫﺎ ﻟﻤﺎ ﺷﺎﻓﺖ ﻣﺤﻤﻮﺩ ، ﻣﻌﺎﺵ ﻗﺪﺭﺕ ﺗﻤﺴﻚ ﺍﻋﺼﺎﺑﻬﺎ
ﻣﺤﻤﻮﺩ ﺷﺪﻫﺎ ﻭﺍﻣﺸﻮ ﻻﺍﻗﺮﺏ ﻛﺮﺳﻲ
،،،،،،،،،،
ﻓﺘﺤﺖ ﻋﻴﻮﻧﻲ ، ﻣﺎﻧﺸﻮﻑ ﻓﻲ ﺷﻲ ﻛﻞ ﺷﻲ ﻣﺸﻮﺵ ، ﻏﻤﻀﺘﻬﻢ ﻭﻓﺘﺤﺘﻬﻢ ﻣﻦ ﺟﺪﻳﺪ ، ﺷﻔﺖ ﻟﻠﺴﻘﻒ ﺍﻻﺑﻴﺾ
ﺭﻳﺤﺔ ﺍﻟﻤﺴﺘﺸﻔﻰ ، ﺍﻟﻔﺮﺍﺵ ﺍﻻﺑﻴﺾ ، ﺑﺼﻮﺕ ﺗﻌﺒﺎﻥ : ﺑﺎﺑﺎ
ﻭﻟﻴﺪ ﻣﻘﻌﻤﺰ ﻉ ﺍﻟﻜﺮﺳﻲ ، ﻧﺎﺽ ﺑﺴﺮﻋﻪ ﺑﺲ ﻟﻤﺎ ﺳﻤﻊ ﻛﻠﻤﺔ ﺑﺎﺑﺎ ﻭﺟﻌﻪ ﻗﻠﺒﻪ
ﺍﻧﻲ ﺑﺘﻌﺐ : ﻣﺎﻣﺎ ، ﻭﻟﻴﺪ
ﻭﻟﻴﺪ ﺷﺪ ﻳﺪﻱ : ﺍﻟﺤﻤﺪ ﻟﻠﻪ ﺣﺒﻴﺒﺘﻲ ، ﺍﻟﺤﻤﺪ ﻟﻠﻪ ﻉ ﺍﻟﺴﻼﻣﻪ
ﺍﻧﻲ ﻏﻤﻀﺖ ﻋﻴﻮﻧﻲ ﻭﻛﺎﺍﻧﻲ ﺗﺬﻛﺮﺕ ﺍﻟﻲ ﺻﺎﺭ ﻣﻌﺎﻱ ﻭﻛﻴﻒ ﻃﺤﺖ ، ﻓﺘﺤﺖ ﻋﻴﻮﻧﻲ ﺑﻘﻮﺓ ، ﻭﺣﻄﻴﺖ ﻳﺪﻱ ﻋﻠﻲ ﺑﻄﻨﻲ : ﺻﻐﺎﺭﻱ ، ﻭﻟﻴﺪ
ﻭﻟﻴﺪ ﻣﺴﻚ ﻳﺪﻱ ﺑﻘﻮﺓ : ﺍﻫﺪﻱ ﺣﺒﻴﺒﺘﻲ ، ﺧﻠﻲ ﺍﻧﺎﺩﻱ ﺩﻛﺘﻮﺭ ﺑﺎﻫﻲ
ﺍﻧﻲ ﺩﻣﻌﺘﻲ ﻧﺰﻟﺖ : ﻗﻮﻟﻲ ﻭﻟﻴﺪ ﺧﺴﺮﺗﻬﻢ ﻭﺍﻻ ﻋﺎﺭﻓﻪ ﺍﻧﻲ ، ﺑﺎﻩ ﺑﻄﻨﻲ ﻗﺎﻋﺪﻩ ﻛﺒﻴﺮﺓ
ﻭﻟﻴﺪ ﺣﻂ ﻳﺪﻩ ﻭﻣﺴﺢ ﻋﻠﻲ ﺷﻌﺮﻱ : ﺣﺒﻴﺒﺘﻲ ﺧﻠﻲ ﺍﻧﺎﺩﻭ ﺍﻟﺪﻛﺘﻮﺭ ﻭﺑﻌﺪﻫﺎ ﻧﻘﻮﻟﻚ ﻛﻞ ﺷﻲ ﺑﺎﻫﻲ ، ﻭﺳﺤﺐ ﻳﺪﻳﻪ ﻭﻃﻠﻊ
ﻏﻤﻀﺖ ﻋﻴﻮﻧﻲ ﻭﺍﻧﻲ ﺣﺎﻃﺔ ﻳﺪﻱ ﻋﻠﻲ ﺑﻄﻨﻲ ﻭﺩﻋﻴﺖ ﻣﻦ ﻗﻠﺒﻲ ﺍﻧﻪ ﻣﺎﺻﺎﺭﺵ ﻟﻠﻲ ﻓﻲ ﺑﻄﻨﻲ ﺷﻲ ، ﻭﺩﻣﻌﺘﻲ ﻧﺰﻟﺖ ، ﺣﺴﻴﺖ ﺑﺎﻟﻢ ﻓﻲ ﺭﺍﺳﻲ ﻭﻓﻲ ﻧﻔﺲ ﺍﻟﻮﻗﺖ ﺧﺎﻳﻔﻪ ﻭﻗﻠﻘﺎﻧﻪ
،،،،،،،،،
ﻣﺤﻤﻮﺩ ﻳﺸﻮﻑ ﻟﻨﻮﺍﻝ ﻛﻴﻒ ﻣﻨﻬﺎﺭﺓ ﻭﻣﺼﺪﻭﻣﺔ ﻣﺶ ﻋﺎﺭﻓﻪ ﺷﻦ ﻳﺪﻳﺮ ، ﻗﻌﺪ ﺣﺎﺿﻨﻬﺎ ﻭﻧﺴﻲ ﺣﺘﻰ ﻫﻮ ﻭﻳﻦ ﻭﺍﻟﻲ ﻳﺨﻄﻢ ﻳﺸﻮﻓﻠﻬﻢ
ﻧﻮﺍﻝ ﺗﺨﺒﻂ ﻋﻠﻲ ﺻﺪﺭﻩ : ﻋﻼﺍﺍﺵ ﺣﺮﺍﻡ ﻋﻠﻴﻚ ﻋﻼﺍﺵ ، ﺍﻧﻲ ﻓﻲ ﺍﻛﺜﺮ ﻭﻗﺖ ﻣﺤﺘﺎﺟﺎﺗﻚ ﻋﻼﺵ ﺗﺪﻳﺮ ﻓﻴﺎ ﻫﻜﻲ
ﻣﺤﻤﻮﺩ ﺧﻨﻘﺎﺗﻪ ﺍﻟﻌﺒﺮﺓ ﺣﻀﻨﻬﺎﺍ ﺑﻘﻮﻭﺓ : ﺍﺳﻒ ﺣﺒﻴﺒﻲ ﺧﻼﺹ ﺍﻫﺪﻱ ﻭﺍﻟﻠﻪ ﻧﺤﻜﻴﻠﻚ ﻛﻞ ﺷﻲ ، ﺧﻼﺹ ﻳﺎﺭﻭﺣﻲ
ﻧﻮﺍﻝ ﻗﻌﺪﺕ ﺗﺒﻜﻲ ﺍﻛﺜﺮ
ﻣﺤﻤﻮﺩ : ﺧﻼﺹ ﻳﺎﻋﻤﺮﻱ ﻗﻄﻌﺘﻴﻠﻲ ﻗﻠﺒﻲ ﻭﺍﻧﺘﻲ ﺗﺒﻜﻲ ﺧﻼﺹ ﻧﻮﺍﻝ ﻳﺎﺭﻭﺣﻲ
ﻧﻮﺍﻝ ﺑﻌﺪﺕ ﻣﻨﻪ ﻭﻣﺴﺤﺖ ﺩﻣﻮﻋﻬﺎ ﻭﺷﺎﻓﺘﻠﻪ ﺑﻨﻈﺮﺓ ﻣﻤﻜﻦ ﺍﻭﻝ ﻣﺮﺓ ﺗﺸﻮﻓﻬﺎﻟﻪ
ﻣﺤﻤﻮﺩ ﺷﺪ ﻭﺟﻬﻬﺎ ﺑﻴﺪﻳﻪ ، ﻭﻳﺪﻳﻪ ﻳﺮﻋﺸﻮ ﻭﺑﺨﻮﻑ : ﺣﺒﻴﺒﻲ ﺍﺳﻤﻌﻴﻨﻲ ﺑﺎﻫﻲ ، ﻧﺤﻜﻴﻠﻚ ﻛﻞ ﺷﻲ ﻟﻜﻦ ﺍﺳﻤﻌﻴﻨﻲ ﻟﻠﻨﻬﺎﻳﻪ ﺑﺎﻫﻲ
ﻧﻮﺍﻝ ﺑﻌﺪﺕ ﻳﺪﻳﻪ ﻭﻟﻔﺖ ﻭﺟﻬﻬﺎ ، ﻭﺗﻬﺰ ﺑﺮﺟﻠﻬﺎ ﺑﺘﻮﺗﺮ : ﺍﻧﻲ ﻓﻲ ﺍﻛﺜﺮ ﻭﻗﺖ ﻣﺤﺘﺎﺟﺎﺗﻚ ﻓﻴﻪ ، ﺗﺰﻳﺪ ﺗﻜﺴﺮ ﻓﻴﺎ ﺑﺪﻝ ﻣﺎﺗﺨﻔﻒ ﻋﻠﻴﺎ ، ﺍﻧﻲ ﺍﻧﺴﺎﻧﻪ ﺭﺍﻫﻮ ، ﻃﻮﻝ ﺍﻟﻮﻗﺖ ﻧﺤﺎﻭﻝ ﻧﻜﻮﻥ ﻗﻮﻳﺔ ﻳﺎﻣﺤﻤﻮﺩ ، ﻛﻞ ﻣﺎﻧﺤﺲ ﺭﻭﺣﻲ ﺑﻨﻀﻌﻒ ﻣﻦ ﺍﻟﻤﺼﺎﻳﺐ ﺍﻟﻲ ﻗﺎﻋﺪﻩ ﺗﺼﺐ ﻋﻠﻴﻨﺎ ، ﻧﺸﻮﻓﻠﻚ ﻭﻧﺤﺲ ﺍﻧﻲ ﻧﺴﺘﻤﺪ ﻓﻲ ﻗﻮﺗﻲ ﻣﻨﻚ ، ﺑﻮﺟﻮﺩﻙ ﻣﻌﺎﻱ ﻃﻮﻝ ﺍﻟﻠﻴﻞ ﺣﺎﺳﺔ ﺍﻧﻲ ﻓﻲ ﺍﻣﺎﻥ ﻭﻓﻲ ﺁﻣﻞ ﺣﺘﻰ ﻣﻦ ﻏﻴﺮ ﻣﺎﺗﺘﻜﻠﻢ ، ﻧﻈﺮﺓ ﺍﻟﺤﻨﺎﻥ ﺍﻟﻲ ﻓﻲ ﻋﻴﻮﻧﻚ ﺗﻄﻤﻦ ﻓﻴﺎ ، ﻧﺘﻤﺎﺳﻚ ، ﺳﻜﺖ ﺷﻮﻳﺔ ﻣﺴﺤﺖ ﺩﻣﻌﺘﻬﺎ ، ﻭﻛﻤﻠﺖ : ﻣﺎﻣﺎ ﻗﺎﻋﺪﻩ ﻣﺎﻧﻌﺮﻓﺶ ﺣﺘﻰ ﺷﻦ ﺻﺎﺭﻟﻬﺎ ﺑﺎﻟﺰﺑﻂ ، ﺍﺭﺗﻔﻌﻠﻬﺎ ﺍﻟﻀﻐﻂ ﺗﻤﺎﻡ ﻟﻜﻦ ﻋﻼﺵ ﻣﺨﻠﻴﻴﻨﻬﺎ ﻓﻲ ﺍﻟﻤﺴﺘﺸﻔﻰ ﻭﺣﺘﻰ ﺍﻟﺨﺸﺎﻥ ﻣﺎﻳﺒﻮﻧﺎ ﻧﺨﺸﻮ ، ﻣﺶ ﻓﺎﻫﻤﻴﻦ ﺷﻦ ﺻﺎﻳﺮﻟﻬﺎ ، ﺍﺣﻨﻲ ﻣﺎﻋﻨﺪﻧﺎﺵ ﻏﻴﺮﻫﺎ ، ﺧﻠﻴﻚ ﻣﻦ ﺧﻮﻓﻲ ﻋﻠﻲ ﻣﺎﻣﺎ ﻳﺰﻳﺪﻧﻲ ﺧﺎﻳﻔﻪ ﻋﻠﻲ ﺍﺧﺘﻲ ﺍﻟﻲ ﻗﺎﻋﺪﻩ ﻣﺎﻓﺎﻗﺘﺶ ﻟﺘﻮﺍ ، ﺍﻧﻲ ﺍﻧﺴﺎﻧﻪ ﻳﺎﻣﺤﻤﻮﺩ ﺍﻧﻲ ﺍﻧﻲ ، ﻭﺩﻣﻮﻋﻬﺎ ﻳﻨﺰﻟﻮ ﻭﺗﻤﺴﺢ ﻓﻴﻬﻢ : ﺻﺪﻣﻨﻲ ﺧﺒﺮ ﺍﺧﺘﻲ ﺟﻴﺖ ﻭﻧﻨﺼﺪﻡ ﺣﺘﻰ ﺑﻤﺎﻣﺎ ﻓﻲ ﺍﻟﻤﺴﺘﺸﻔﻰ ، ﻭﺑﻌﺪﻫﺎ ﻧﺠﻲ ﻧﻠﻘﻰ ﺧﻄﻴﺒﻲ ﻭﺍﻗﻒ ﻋﻠﻲ ﻭﺣﺪﺓ ﻧﻌﺮﻓﻬﺎﺵ ﻣﻦ ﻫﻲ ، ﺗﺪﻟﻊ ﻭﺗﻜﻠﻢ ﻓﻴﻚ ، ﺷﻦ ﺗﺪﻭﻱ ﻣﻌﺎﻙ ﺷﻦ ﺗﻘﻮﻝ ، ﻣﺎﻋﻨﺪﻳﺶ ﺍﻟﻘﻮﺓ ﻫﺎﺩﻱ ﺍﻧﻲ ﻣﺎﻋﻨﺪﻳﺶ ﻳﺎﻣﺤﻤﻮﺩ ، ﻭﻧﺎﺍﺿﺖ ﻭﻗﻌﺪﺕ ﺗﻤﺸﻲ ﺑﺴﺮﺭﻋﻪ
ﻣﺤﻤﻮﺩ ﻭﻗﻒ ﺑﺴﺮﻋﻪ ﻭﺭﺍﻫﺎ : ﻧﻮﺍﺍﺍﻝ ، ﻧﻮﺍﻝ ﻭﻗﻔﻲ ، ﻧﻮﺍﺍﺍﻝ
ﻧﻮﺍﻝ ﻭﻫﻲ ﺭﺍﻛﺒﻪ ﻣﻦ ﺍﻟﺪﺭﺟﺎﺕ ، ﺗﺘﻘﺎﺑﻞ ﻫﻲ ﻭﻭﺭﻭﺩ
ﻭﺭﻭﺩ ﻟﻤﺎ ﺷﺎﻓﺖ ﻧﻮﺍﻝ ﺗﺒﻜﻲ ﻭﻣﺤﻤﻮﺩ ﻳﺠﺮﻱ ﻭﺭﺍﻫﺎ ﺍﺑﺘﺴﻤﺖ ﺑﺨﺒﺚ ، ﻭﻗﺮﺑﺖ ﺧﻄﻮﺗﻴﻦ : ﻣﺮﺣﺒﺎ ، ﻣﻌﻠﻴﺸﻲ ﻛﻨﺖ ﻣﺴﺘﻌﺠﻠﻪ ﻋﻠﻲ ﻣﻮﻋﺪﻱ ﻣﺎﺗﻌﺮﻓﻨﺎﺵ
ﻧﻮﺍﻝ ﻣﺴﺤﺖ ﺩﻣﻮﻋﻬﺎ ﺑﺴﺮﻋﻪ ﻭﺷﺎﻓﺘﻠﻬﺎ ﺑﻐﻞ ﻭﻗﻌﺪﺕ ﻭﺍﻗﻔﻪ ﻣﺎﺗﻜﻠﻤﺘﺶ
ﻣﺤﻤﻮﺩ ﻭﻗﻒ ﻭﺭﺍ ﻧﻮﺍﻝ ﻭﻳﻔﻨﺺ ﻓﻲ ﻭﺭﻭﺩ ﺗﻤﺸﻲ ﻭﺍﻻ ﺗﺴﻜﺖ ﻣﺎﻳﺒﻴﺶ ﺍﻻﻣﺮ ﻳﺘﻌﻘﺪ
ﻭﺭﻭﺩ ﺑﺎﺑﺘﺴﺎﻣﺔ ﺻﻔﺮﺍ : ﻫﻪ ﺧﻴﺮﻙ ﺗﺠﺮﻭ ﻭﺭﺍ ﺑﻌﺾ ﻭﺍﻻ ﺗﻠﻌﺒﻮ ﻭﺍﻻ ﻛﻴﻒ
ﻧﻮﺍﻝ ﺗﺸﻮﻓﻠﻬﺎ ﺑﺸﺒﺤﺔ ﻏﻞ ﻭﻣﻤﻜﻦ ﺷﻮﻳﺔ ﻭﺗﻨﻘﺰ ﺗﺮﻳﺸﻬﺎ ﻣﻦ ﺷﻌﺮﻫﺎ
ﻭﺭﻭﺩ : ﺷﻜﻠﻲ ﺟﻴﺖ ﻣﺶ ﻓﻲ ﻭﻗﺘﻲ ﻫﻬﻬﻪ ﺍﻟﺠﻮ ﻣﺘﻮﺗﺮ ﺑﻴﻨﻜﻢ ، ﻣﺘﻌﺎﺭﻛﻴﻦ !!
ﻧﻮﺍﻝ ﻭﺧﺮﺕ ﺧﻄﻮﺓ ﻭﺷﺪﺕ ﻳﺪ ﻣﺤﻤﻮﺩ، ﻭﺑﺼﻮﺕ ﻭﺍﺛﻖ : ﺍﺑﺪﺍ ﻭﻻﻳﻤﻜﻦ ﻧﺘﻌﺎﺭﻛﻮ ، ﺑﺲ ﻣﺤﻤﻮﺩ ﺧﺎﻳﻒ ﻋﻠﻴﺎ ﻻﻧﻲ ﻣﺘﻮﺗﺮﺓ ، ﻭﺷﺎﻓﺖ ﻟﻤﺤﻤﻮﺩ ﻭﺑﺎﺍﺑﺘﺴﺎﻣﻪ : ﻣﺎﺗﺨﺎﻓﺶ ﻳﺎﺣﺒﻴﺒﻲ ﻣﺎﺩﺍﻡ ﺍﻧﺖ ﻣﻌﺎﻱ ﺍﻧﻲ ﻣﺎﻋﻨﺪﻳﺶ ﺍﻱ ﻫﻢ
ﻣﺤﻤﻮﺩ ﻳﺸﻮﻑ ﻟﻨﻮﺍﻝ ﻭﻣﺼﺪﻭﻡ ﻭﺳﺎﻛﺖ
ﻧﻮﺍﻝ : ﻋﻦ ﺍﺫﻧﻚ ، ﻭﺟﺒﺪﺕ ﻣﺤﻤﻮﺩ ﻣﻦ ﻳﺪﻩ ﻭﺍﻣﺸﺖ
ﻣﺤﻤﻮﺩ ﺗﻤﺴﻚ ﻓﻲ ﻳﺪ ﻧﻮﺍﻝ ﺍﻛﺜﺮ ﻭﺧﺶ ﻣﻌﺎﻫﺎ
ﻭﺭﻭﺩ ﻗﻌﺪﺕ ﺗﺪﻭﺭ ﻓﻲ ﻣﻜﺎﻧﻬﺎ ﻭﺗﺴﺤﻦ ﺑﻌﺪﻫﺎ ﺭﻛﺒﺖ ﺳﻴﺎﺭﺗﻬﺎ ﻭﻃﻠﻌﺖ
ﻧﻮﺍﻝ ﺭﻛﺒﺖ ﺍﻻﺳﺎﻧﺴﻴﺮ ، ﻓﻜﺖ ﻳﺪ ﻣﺤﻤﻮﺩ ﻭﻟﻔﺖ ﻭﺟﻬﻬﺎ ﻟﻠﺠﻬﺔ ﺍﻟﺘﺎﻧﻴﻪ
ﻣﺤﻤﻮﺩ ﺷﺎﻓﻠﻬﺎ ﻭﻣﺒﺘﺴﻢ : ﻫﻴﺎ ﻋﺎﺩ ﺣﺒﻴﺒﻲ
ﻧﻮﺍﻝ : ﻣﺎﺗﻔﺮﺣﺶ ﻻﻧﻲ ﺷﺪﻳﺖ ﻳﺪﻙ ، ﻣﺶ ﻣﻌﻨﺎﻫﺎ ﺳﺎﻣﺤﺘﻚ ، ﻭﺍﻧﻔﺘﺢ ﺍﻟﺴﺎﻧﺴﻴﺮ ﻭﻃﻠﻌﺖ
ﻣﺤﻤﻮﺩ ﺿﺤﻚ ، ﻋﻠﻲ ﺍﻟﺮﻏﻢ ﺍﻟﺘﻮﺗﺮ ﺍﻟﻲ ﺻﺎﻳﺮ ﺑﻴﻨﻬﻢ ، ﻭﻣﻦ ﻛﺜﺮ ﻣﺎﻧﻮﺍﻝ ﻣﺘﻌﻔﻠﻘﻪ ﻣﻨﻪ ﻭﻣﺶ ﻣﻌﺮﻭﻑ ﺍﻣﺘﻰ ﺗﺮﺿﻰ ﻋﻠﻴﻪ ﺍﻻ ﺍﻧﻪ ﻣﺎﻳﻘﺪﺭﺵ ﻳﻘﺎﻭﻡ ﺷﻜﻠﻬﺎ ﻟﻤﺎ ﺗﺘﻌﻔﻠﻖ ﻳﻘﻌﺪ ﻳﻀﺤﻚ ، ﻃﻠﻊ ﻣﻦ ﺍﻻﺳﺎﻧﺴﻴﺮ ﻭﻟﺤﻘﻬﺎ
،،،،،،،،،،،،،
ﺍﻟﺪﻛﺘﻮﺭ : ﺷﻮﻓﻲ ﻳﺎ ﺁﻧﺴﺔ ﻧﺴﻴﺒﺔ
ﻭﻟﻴﺪ ﻗﺎﺭﻥ ﺣﻮﺍﺟﺒﻪ : ﻣﺪﺍﻡ ﻧﺴﻴﺒﺔ ، ﻣﺎﺗﺸﻮﻓﺶ ﻓﻴﺎ ﺍﻧﻲ ﻗﺪﺍﻣﻚ ، ﻭﺣﺎﻣﻞ ، ﻭﻟﻔﺖ ﻭﺟﻬﻪ ﻭﻳﻬﺰ ﻓﻲ ﺭﺟﻠﻪ ﺑﻌﺼﺒﻴﻪ
ﺍﻧﻲ ﺷﻔﺖ ﻟﻮﻟﻴﺪ ﻋﻠﻲ ﺭﻏﻢ ﺍﻟﺘﻌﺐ ﻭﺍﻟﻤﺮﺽ ﺑﺲ ﺍﺣﻠﻰ ﺷﻌﻮﺭ ﻟﻤﺎ ﻳﻘﻌﺪ ﻳﻐﺎﺭ ﻋﻠﻴﺎ ، ﺍﺑﺘﺴﻤﺖ ﻭﻧﺰﻟﺖ ﺭﺍﺳﻲ ﺍﺧﻔﻴﺖ ﺍﺑﺘﺴﺎﻣﺘﻲ
ﺍﻟﺪﻛﺘﻮﺭ ﻭﻟﻰ ﻭﺟﻬﻪ ﺍﺣﻤﺮ ، ﻭﺑﺘﻮﺗﺮ : ﺍﺳﻒ ﻣﺶ ﻗﺼﺪﻱ ، ﻣﺪﺍﻡ ﻧﺴﻴﺒﺔ ﺍﻭﻝ ﺷﻲ ﺍﻟﺤﻤﺪ ﻟﻠﻪ ﻉ ﺳﻼﻣﺘﻚ
ﺍﻧﻲ : ﺍﻟﻠﻪ ﻳﺴﻠﻤﻚ
ﺍﻟﺪﻛﺘﻮﺭ ﻗﺎﻋﺪ ﻣﺘﻮﺗﺮ : ﺷﻮﻓﻲ ﻳﺎﻣﺪﺍﻡ ، ﺍﻧﺘﻲ ﺧﺴﺮﺗﻲ ﺟﻨﻴﻦ ﻣﻦ ﺍﻟﺘﻮﺃﻡ ﺍﻟﻲ ﻓﻲ ﺑﻄﻨﻚ
ﺍﻧﻲ ﺣﻄﻴﺖ ﻳﺪﻱ ﻋﻠﻲ ﻓﻤﻲ ﻭﺗﻌﺒﻮ ﻋﻴﻮﻧﻲ ﺩﻣﻮﻉ : ﻻﺍ
ﻭﻟﻴﺪ ﺷﺪ ﻳﺪﻱ
ﺍﻟﺪﻛﺘﻮﺭ : ﺍﻟﺠﻨﻴﻦ ﺍﻟﺜﺎﻧﻲ ﺍﻟﺤﻤﺪ ﻟﻠﻪ ﻛﻮﻳﺲ ، ﺣﻨﺨﻠﻴﻚ ﻓﻲ ﺍﻟﻤﺴﺘﺸﻔﻰ ﻟﺤﺪ ﻣﺎﻧﺘﻄﻤﻦ ﺍﻧﻪ ﺻﺤﺘﻚ ﺍﺳﺘﻘﺮﺕ ، ﻭﻣﻌﺎﺵ ﻓﻲ ﻣﺨﺎﻭﻑ ﻣﻦ ﻧﺎﺣﻴﺔ ﺍﻟﺠﻨﻴﻦ ، ﻭﺍﻥ ﺷﺎﺀ ﺍﻟﻠﻪ ﺭﺑﻲ ﻳﻌﻮﺿﻚ ﺧﻴﺮ ، ﻧﺴﺘﺎﺫﻥ ، ﻭﻃﻠﻊ ﺑﺴﺮﻋﻪ
ﺍﻧﻲ ﺩﻣﻌﺘﻲ ﻧﺰﻟﺖ : ﻭﻟﻴﻴﺪ
ﻭﻟﻴﺪ ﺷﺪ ﻳﺪﻱ ﻭﺣﺘﻰ ﻫﻮ ﻋﻴﻮﻧﻪ ﺗﻌﺒﻮ ﺩﻣﻮﻉ : ﻗﺪﺭ ﺍﻟﻠﻪ ﻭﻣﺎﺷﺎﺀ ﻓﻌﻞ ﻳﺎﺣﺒﻴﺒﺘﻲ ﺍﻟﻤﻬﻢ ﺍﻧﺘﻲ ﻧﻀﺘﻲ ﺑﺎﻟﺴﻼﻣﻪ ، ﺑﺎﺱ ﻳﺪﻱ : ﺧﻔﺖ ﻋﻠﻴﻚ ﻫﻠﺒﺎ ﻳﺎﺭﻭﺣﻲ
ﺍﻧﻲ ﻗﺎﻋﺪﻳﻦ ﺩﻣﻮﻋﻲ ﻳﻨﺰﻟﻮ
ﻃﻖ ﺍﻟﺒﺎﺏ ﻭﺧﺸﺖ ﻧﻮﺭﺱ ﻭﻧﺮﺟﺲ ﻭﻧﻮﺍﻝ
ﻛﻠﻬﻢ : ﺍﻟﺤﻤﺪ ﻟﻠﻪ ﻉ ﺍﻟﺴﻼﻣﻪ
ﻧﺮﺟﺲ ﻗﺎﻋﺪﻩ ﺗﺒﻜﻲ ﺟﺖ ﻗﻌﻤﺰﺕ ﺟﻨﺒﻲ ﻓﻲ ﺍﻟﻜﺮﺳﻲ : ﺍﻟﺤﻤﺪ ﻟﻠﻪ ﻳﺎﺭﺑﻲ
ﺍﻧﻲ ﻣﺴﺤﺖ ﺩﻣﻮﻋﻲ : ﻭﻳﻦ ﻣﺎﻣﺎ
ﻛﻠﻬﻢ ﻗﻌﺪﻭ ﻳﺸﻮﻓﻮ ﻟﺒﻌﺾ
ﺍﻧﻲ ﺑﺎﺳﺘﻐﺮﺍﺏ ﻭﻧﺸﻮﻑ ﻟﻮﺟﻮﻫﻢ : ﻭﻳﻦ ﻣﺎﻣﺎ ، ﺧﻴﺮﻫﺎ ﻣﺎﺟﺘﺶ ﻣﻌﺎﻙ
ﻃﻖ ﺍﻟﺒﺎﺏ
ﻛﻠﻨﺎ ﺷﻔﻨﺎ ﺟﻬﺔ ﺍﻟﺒﺎﺏ
ﻋﺪﻧﺎﻥ ﻭﻣﺤﻤﻮﺩ ﺧﺸﻮ : ﺍﻟﺤﻤﺪ ﻟﻠﻪ ﻉ ﺍﻟﺴﻼﻣﻪ
ﻋﺪﻧﺎﻥ ﺑﺎﺑﺘﺴﺎﻣﻪ : ﺧﻮﻓﺘﻴﻨﺎ ﻋﻠﻴﻚ ﻳﺎﻣﺸﻔﺸﻔﻪ
ﺍﻧﻲ ﺍﺑﺘﺴﻤﺖ
ﻣﺤﻤﻮﺩ : ﺗﻲ ﺷﻦ ﺩﺍﻳﺮﺓ ﻟﻮﻟﺪﻧﺎ ﺍﻧﺘﻲ
ﺍﻧﻲ ﺑﺎﺍﺳﺘﻐﺮﺍﺏ : ﺷﻨﻮ
ﻣﺤﻤﻮﺩ ﺷﺎﻑ ﻟﻮﻟﻴﺪ ﻭﻏﻤﺰﻟﻪ : ﻗﺮﻳﺐ ﺧﺶ ﻓﻲ ﻋﻘﻞ ﻣﺶ ﻋﻘﻠﻪ ، ﻭﻗﻌﺪ ﻳﻘﻠﺪ ﻓﻲ ﻭﻟﻴﺪ
‏( ﻗﻌﻤﺰ ﻭﻳﻬﺰ ﻓﻲ ﺭﺟﻠﻪ : ﺧﻴﺮﻩ ﻣﻌﺎﺵ ﻃﻠﻊ ﺣﺪ ، ﻭﻳﻨﻬﻢ ، ﺑﻌﺪﻫﺎ ﻭﻗﻒ ﻭﻗﺎﻋﺪ ﻳﻘﻠﺪ ﻓﻲ ﻭﻟﻴﺪ ، ﺧﺒﻂ ﺭﺟﻠﻪ ﻓﻲ ﺍﻟﺤﻴﻂ : ﺷﻦ ﺻﺎﺭﻟﻬﺎ ﻭﻳﻨﻬﻢ ﻫﺎﺩﻭ ، ﻭﺍﻟﻠﻪ ﺗﺼﻴﺮ ﻓﻴﻬﺎ ﺣﺎﺟﺔ ﻧﺤﺮﻗﻬﻢ ﺑﺎﻫﻲ ‏)
ﺍﻧﻲ : ﻫﻬﻬﻬﻬﻪ ، ﻭﺷﻔﺖ ﻟﻮﻟﻴﺪ ﺍﻟﻲ ﻛﺎﻥ ﻳﻔﻨﺺ ﻓﻲ ﻣﺤﻤﻮﺩ ، ﻭﺍﺑﺘﺴﻤﺘﻠﻪ ﺑﻜﻞ ﺣﺐ
ﻭﻟﻴﺪ ﺑﺼﻮﺕ ﻭﺍﻃﻲ : ﻭﺍﻟﻠﻪ ﻧﻮﺭﻳﻚ ﻳﺎﻭﺍﻃﻲ
ﻣﺤﻤﻮﺩ ﻗﻌﺪ ﻳﻀﺤﻚ
ﺍﻣﺎ ﻧﻮﺍﻝ ﻓﻘﺎﻋﺪﻩ ﻗﺎﻟﺒﻪ ﻭﺍﺟﻬﻬﺎ ﻋﻠﻴﻪ
ﻋﺪﻧﺎﻥ ﺷﺪ ﺗﻠﻴﻔﻮﻧﻪ : ﺧﻠﻲ ﻧﻄﻤﻦ ﺍﻣﻲ ﺍﻛﻴﺪ ﻣﺸﻐﻮﻟﺔ ﻗﺎﻋﺪﻩ ، ﻭﻃﻠﻊ
ﺍﻧﻲ ﺗﻠﻔﺘﺖ ﻟﻨﻮﺭﺱ : ﺍﺗﺼﻠﻲ ﺣﺘﻰ ﺍﻧﺘﻲ ﺑﻤﺎﻣﺎ ﻃﻤﻨﻴﻬﺎ ﺍﻛﻴﺪ ﻣﺸﻐﻮﻟﺔ
ﺍﻟﻜﻞ ﺳﻜﺖ
ﻧﻮﺭﺱ : ﻫﺎ ﻣﺎﻋﻨﺪﻳﺶ ﺭﺻﻴﺪ
ﻣﺤﻤﻮﺩ ﻓﻲ ﻣﺤﺎﻭﻟﺔ ﻟﺘﻐﻴﻴﺮ ﺍﻟﻤﻮﺿﻮﻉ : ﻫﻤﺎ ﺑﻨﺎﺕ ﻋﺒﺪ ﺍﻟﻌﻈﻴﻢ ﻛﻠﻬﻢ ﻫﻜﻲ ﻳﻬﺒﻠﻮ ﺍﻟﻮﺍﺣﺪ ﻳﻄﻠﻌﻮﻩ ﻣﻦ ﻋﻘﻠﻪ
ﻧﻮﺭﺱ ﺗﻠﻔﺘﺖ ﻭﻓﺎﺗﺘﻨﻲ : ﻫﻬﻬﻬﻪ ﺍﻣﺎﻻ ﺷﻨﻮ
ﻧﻮﺍﻝ ﺍﺑﺘﺴﻤﺖ ﻟﻜﻦ ﻣﺎﻭﺭﺗﻼﺷﻲ ﻣﺘﻠﻔﺘﻪ ﻉ ﺍﻟﺠﻬﺔ ﺍﻟﺘﺎﻧﻴﻪ
ﻭﻟﻴﺪ : ﻫﻬﻬﻬﻪ ﻫﻤﺎ ﺷﻜﻠﻬﻢ ﻫﻜﻲ
ﻧﺮﺟﺲ : ﻧﻨﺤﺒﻮ ﻓﻴﺴﻊ
ﻣﺤﻤﻮﺩ : ﺍﺍﺍ ﻣﻦ ﻧﺎﺣﻴﺔ ﺗﻨﺤﺒﻮ ﻓﺘﻨﺤﺒﻮ
ﻧﻮﺍﻝ ﺷﺎﻓﺘﻠﻪ ﺑﺮﻓﻌﻪ ﺣﺎﺟﺐ
ﻣﺤﻤﻮﺩ ﻏﻤﺰﻟﻬﺎ
ﺍﻧﻲ ﻛﻨﺖ ﻧﺸﻮﻓﻠﻬﻢ ﻣﺒﺘﺴﻤﻪ ﺑﺲ ﻣﺮﺓ ﻣﺮﺓ ﻧﺴﺮﺡ ، ﻭﻳﻦ ﺑﺎﻗﻲ ﺍﻟﻌﻴﻠﻪ ﻟﻴﺶ ﻣﺎﻓﻲ ﺣﺪ ﻭﻳﻦ ﻣﺎﻣﺎ
ﻭﻟﻴﺪ ﻗﺮﺏ ﻣﻦ ﻭﺩﻧﻲ ﻭﺑﺼﻮﺕ ﻭﺍﻃﻲ : ﺷﻜﻠﻬﻢ ﺗﺎﻛﻴﻨﻬﺎ ﻭﺧﻮﻱ ﻳﺘﺪﺣﻨﺲ
ﺍﻧﻲ : ﻫﻬﻬﻬﻬﻬﻬﻬﻪ
ﻛﻠﻬﻢ ﺷﺎﻓﻮﻟﻲ
ﻣﺤﻤﻮﺩ : ﺍﺷﺒﺢ ﺷﻦ ﻗﺎﻟﻠﻬﺎ ، ﻋﺎﺭﻓﻚ ﺍﻧﻲ
ﻋﺪﻧﺎﻥ ﺧﺶ : ﺗﺴﻠﻢ ﻋﻠﻴﻚ ﺍﻣﻲ ، ﻭﻣﻤﻜﻦ ﻣﺴﺎﻓﻪ ﺍﻟﻄﺮﻳﻖ ﻭﺗﺠﻲ
ﺍﻧﻲ : ﻣﻦ ﺑﻴﺠﻴﺒﻬﺎ ، ﻛﺎﻥ ﻳﺨﻄﻢ ﻳﺠﻴﺐ ﺣﺘﻰ ﻣﺎﻣﺎ ﺍﻛﻴﺪ ﻣﺎﻟﻘﺘﺶ ﻣﻦ ﻳﺠﻴﺒﻬﺎ ، ﺍﺗﺼﻞ ﺑﻴﻬﺎ ﻭﻟﻴﺪ ﺍﻛﻴﺪ ﻣﺸﻐﻮﻟﺔ
ﻛﻠﻬﻢ ﻧﺰﻟﻮ ﺭﻭﺳﻬﻢ ﻭﺳﻜﺘﻮ
ﺍﻧﻲ ﻗﻌﺪﺕ ﻧﺸﻮﻓﻠﻬﻢ
ﻭﻟﻴﺪ ﺷﺎﻓﻠﻬﻢ ﻭﺍﺷﺮ ﺑﻌﻴﻮﻧﻪ ﺑﻤﻌﻨﻰ ﺍﻃﻠﻌﻮ
ﺍﻧﻲ ﻣﺎﻓﻬﻤﺘﺶ
ﻃﻠﻌﻮ ﻛﻠﻬﻢ ﻭﺳﻜﺮﻭ ﺍﻟﺒﺎﺏ
ﺍﻧﻲ ﺷﻔﺖ ﻟﻮﻟﻴﺪ ﺑﺨﻮﻑ ، ﻭﺗﻌﺐ : ﺣﺒﻴﺒﻲ ﺷﻦ ﻓﻲ ؟
ﻭﻟﻴﺪ ﺷﺎﺩ ﻳﺪﻱ : ﻣﺎﻓﻲ ﺷﻲ ﺣﺒﻴﺒﺘﻲ ، ﺑﺲ ﺍﻣﻚ ﻟﻤﺎ ﺳﻤﻌﺖ ﺑﻴﻚ ﻣﺮﻳﻀﺔ ﺗﻌﺒﺖ ﺷﻮﻳﺔ
ﺍﻧﻲ ﻗﻌﺪﺕ ﻧﺸﻮﻓﻠﻪ ﺯﻱ ﺍﻟﻤﺴﺒﻮﻫﺔ : ﻛﻴﻒ ، ﻣﺎﻣﺎ !!
ﻭﻟﻴﺪ : ﺣﺒﻴﺒﺘﻲ ﻫﻲ ﻛﻮﻳﺴﺔ ﺣﺘﻰ ﻫﻲ ﻗﺎﻋﺪﻩ ﻓﻲ ﻧﻔﺲ ﺍﻟﻤﺴﺘﺸﻔﻰ
ﺍﻧﻲ : ﻭﻟﻴﺪ ﻗﻮﻝ ﺍﻟﺤﻖ
ﻭﻟﻴﺪ ﺑﻠﻊ ﺭﻳﻘﻪ : ﻭﺍﻟﻠﻪ ﺣﺒﻴﺒﺘﻲ ، ﺍﻫﻲ ﻗﺎﻋﺪﻩ ﻓﻲ ﻧﻔﺲ ﺍﻟﻤﻤﺮ ﺯﻳﺎﺩﺓ ﻫﻲ ﺑﺲ ﺍﺭﺗﻔﻌﻠﻬﺎ ﺍﻟﻀﻐﻂ ﻭﻭﻣﻤﻜﻦ ﺗﻜﻮﻥ ﺣﺘﻰ ﻓﺎﻗﺖ ﺗﻮﺍ
ﺍﻧﻲ ﺗﻌﺒﻮ ﻋﻴﻮﻧﻲ ﺩﻣﻮﻉ ، ﻗﻤﺖ ﺭﺍﺳﻲ ﻭﻗﻌﻤﺰﺕ ﻭﺳﺎﻋﺪﻧﻲ ﻭﻟﻴﺪ : ﻧﺒﻲ ﻧﺸﻮﻓﻬﺎ
ﻭﻟﻴﺪ : ﺣﺒﻴﺒﺘﻲ ﺍﺳﺎﺳﺎ ﻣﻨﻌﻮ ﺣﺘﻰ ﺣﺪ ﻳﺒﺎﺕ ﻣﻌﺎﻫﺎ
ﺍﻧﻲ ﺷﻔﺘﻠﻪ : ﻛﻴﻒ ﻋﻼﺵ ؟
ﻭﻟﻴﺪ : ﻣﺎﻧﻌﺮﻓﺶ ﻳﻌﻨﻲ ﻣﻤﻜﻦ ﺧﺎﻓﻮ ﻋﻠﻴﻬﺎ ﻭﺗﺒﻲ ﺍﻟﺮﺍﺣﺔ ﻗﺼﺪﻱ ﻣﺘﻌﺮﺿﻪ ﻟﺼﺪﻣﺔ ﺑﺲ
ﺍﻧﻲ : ﺑﺎﻩ ﻧﺒﻲ ﻧﺸﻮﻓﻬﺎ ﻣﺴﺘﺤﻴﻞ ﻧﺮﺗﺎﺡ ﻟﻴﻦ ﻧﺸﻮﻓﻬﺎ ، ﻭﺩﻣﻮﻋﻲ ﻧﺰﻟﻮ
ﻭﻟﻴﺪ : ﺣﺒﻴﺒﺘﻲ ﺍﻧﺘﻲ ﻗﺎﻋﺪﻩ ﺗﻌﺒﺎﻧﻪ ، ﺍﺭﺗﺎﺣﻲ ﺗﻮﺍ ﻭﺑﻌﺪﻫﺎ ﺗﺸﻮﻓﻴﻬﺎ ، ﻣﺴﺢ ﻋﻠﻲ ﺷﻌﺮﻱ : ﺑﺎﻩ ﺣﺒﻴﺒﺘﻲ
ﺍﻧﻲ ﻗﻌﺪﺕ ﻧﺒﻜﻲ : ﻧﺤﺲ ﻓﻴﻚ ﺩﺍﺱ ﻋﻠﻴﺎ ﺣﺎﺟﺔ
ﻭﻟﻴﺪ : ﻳﺎﺭﻭﺣﻲ ﺷﻦ ﺑﻨﺪﺱ ، ﺑﺎﺱ ﻳﺪﻳﺎ ، ﻭﺑﺼﻮﺕ ﺣﻨﻮﻥ : ﺧﻮﻓﺘﻴﻨﻲ ﻋﻠﻴﻚ ﻫﻠﺒﺎ ، ﻧﺤﺒﻚ
ﺍﻧﻲ ﺩﻣﻮﻋﻲ ﻳﻨﺰﻟﻮ ﻭﻣﺎﺭﺩﻳﺘﺶ
ﻭﻟﻴﺪ ﻣﺪ ﻳﺪﻩ ﻣﺴﺢ ﺩﻣﻮﻋﻲ : ﺧﻼﺹ ﻳﺎﺭﻭﺣﻲ ﺑﻼﺵ ﺑﻜﻲ ، ﻧﻮﻋﺪﻙ ﺑﻌﺪﻳﻦ ﻧﺨﻠﻴﻚ ﺗﻤﺸﻲ ﻭﺗﺸﻮﻓﻴﻬﺎ
ﺍﻧﻲ ﺷﻔﺘﻠﻪ ﺑﻨﻈﺮﻩ ﺣﺰﻥ ، ﺑﻌﺪﻫﺎ ﺣﺴﻴﺖ ﺑﺄﻟﻢ ﻓﻲ ﺭﺍﺳﻲ ، ﻭﺧﺮﺕ ﻭﺍﺗﻜﻴﺖ : ﺍﺍﺍﻱ ﺭﺍﺳﻲ
ﻭﻟﻴﺪ : ﺗﻮ ﺍﻧﺎﺩﻳﻠﻚ ﻳﻌﻄﻮﻙ ﻣﺴﻜﻦ
ﺍﻧﻲ ﺷﺪﻳﺖ ﻳﺪﻩ : ﻻﻻ ﻓﻴﺶ ﺩﺍﻋﻲ ﻣﺶ ﻫﻠﺒﺎ ﻫﻮ
ﻭﻟﻴﺪ : ﻫﻮ ﺍﻟﺪﻛﺘﻮﺭ ﻗﺎﻝ ﺟﺮﺡ ﺻﻐﻴﺮ ، ﻟﻜﻦ ﺷﻜﻠﻚ ﻣﻦ ﻗﻮﺓ ﺍﻟﻄﻴﺤﺔ ﻗﺎﻋﺪ ﻋﻨﺪﻙ ﺻﺪﺍﻉ
ﺍﻧﻲ ﺣﻄﻴﺖ ﻳﺪﻱ ﻋﻠﻲ ﺭﺍﺳﻲ ، ﻏﻤﻀﺖ ﻋﻴﻮﻧﻲ ، ﺗﺬﻛﺮﺕ ﻛﻴﻒ ﻃﺤﺖ ﻭﻋﻴﻄﺖ ﺑﺲ ﺻﻮﺗﻲ ﻛﺎﻥ ﺿﻌﻴﻒ ﻭﻣﺎﻗﺪﺭ ﺣﺪ ﻳﺴﻤﻌﻨﻲ ، ﺣﺴﻴﺖ ﺑﺄﻟﻢ ﻓﻀﻴﻊ ﺍﻛﺜﺮ ﺷﻲ ﺧﻔﺖ ﻣﻨﻪ ﺍﻧﻲ ﻧﺨﺴﺮ ﺍﻟﻲ ﻓﻲ ﺑﻄﻨﻲ
ﺩﻣﻌﺘﻲ ﻧﺰﻟﺖ ، ﻣﺴﺤﻬﺎ ﻭﻟﻴﺪ ، ﻗﻌﻤﺰ ﺟﻨﺒﻲ ﻉ ﺍﻟﺴﺮﻳﺮ ﻭﺣﻀﻨﻲ ، ﻗﻌﺪ ﻳﺒﻮﺱ ﻋﻠﻲ ﺭﺍﺳﻲ : ﺭﺑﻲ ﻳﺨﻠﻴﻚ ﻟﻴﺎ ، ﻭﻳﺮﺩﺩ ﻓﻲ ﻛﻠﻤﺔ ﺧﻔﺖ ﻋﻠﻴﻚ ﻫﻠﺒﺎ
<< ﻭﻻ ﺃﻱ ﻛﻠﻤﺔ ﺣﺐ ﺇﺗﻘﺎﻟﺖ ﻓﻲ ﻳﻮﻡ ﻣﺎ ﺑﻴﻦ ﺍﺗﻨﻴﻦ
ﺗﺴﻮﻯ ﺣﻼﻭﺓ ﻛﻠﻤﺔ ﻣﻨﻚ ﻗﻠﺘﻬﺎﻟﻲ
ﻋﻴﺪ ﻗﻠﺖ ﻛﺪﻩ ﻗﻠﺖ ﺍﻳﻪ ﺗﺎﻧﻲ ﻭ ﺗﺎﻟﺖ .. ﺃﻧﺎ ﻗﻠﺒﻲ ﻛﻠﻪ ﺣﻨﻴﻦ
ﻭﻻ ﻳﻄﻔﻲ ﻧﺎﺭﻩ ﺣﺒﻴﺒﻲ ﻏﻴﺮ ﻟﻮ ﻋﻴﺪﺗﻬﺎﻟﻲ
ﻋﺎﺭﻑ ﺑﺘﻌﻤﻞ ﻓﻴﺎ ﺇﻳﻪ ﻛﻠﻤﺔ ﺣﺒﻴﺒﻲ
ﺯﻱ ﺍﻟﻠﻲ ﺃﻭﻝ ﻣﺮﺓ ﺑﻴﺤﺲ ﺑﺄﻣﺎﺍﺍﺍﺍﺍﻥ
ﺧﻠﻴﻚ ﻣﻌﺎﻳﺎ .. ﺧﻠﻴﻚ ﻣﻌﺎﻳﺎ ﻳﺎ ﺣﺒﻴﺒﻲ ﻣﻬﻤﺎ ﻛﺎﻥ
ﺧﻠﻴﻚ ﻣﻌﺎﻳﺎ .. ﻳﺎ ﺣﻠﻢ ﻋﻤﺮﻱ ﺍﻟﻠﻲ ﻓﻲ ﺧﻴﺎﻟﻲ ﻣﻦ ﺯﻣﺎﻥ >>
<< ﺭﺑﻲ ﻻﺃﺗﻤﻨﻰ ﺳﻮﻯ : ﺃﻥ ﻳﺒﻘﻰ ﺑﺠﺎﻧﺒﻲ ﻫﺪﺍ ﺍﻟﺬﻱ ﻟﻢ ﻳﻌﺸﻖ ﻗﻠﺒﻲ ﻏﻴﺮﻩ ﻭﻟﻢ ﻳﻌﺸﻘﻨﻲ ﺃﺣﺪﺍً ﻣﺜﻠﻪ ﻣﻦ ﻗﺒﻞ ، ﺃﻥ ﺗﺒﻘﻰ ﻋﺎﺋﻠﺘﻲ ﺑﺠﺎﻧﺒﻲ ﻭﻛﻞ ﻣﻦ ﺃﺣﺒﻬﻢ ﻗﻠﺒﻲ ، ﺃﻥ ﻻﺗﺬﻭﻕ ﺃﻣﻲ ﻃﻌﻤﺎً ﻟﻠﺤﺰﻥ ﺃﺑﺪﺍ >>
ﻓﺎﻗﺖ ﻣﺎﻣﺎ ﻭﺧﺸﻮ ﻋﻨﺪﻫﺎ ﺃﺧﻮﺍﺗﻲ ﻭﻗﻌﺪﻭ ﻳﺒﺪﻟﻮ ﻋﻠﻴﺎ ، ﺍﻧﻲ ﺑﻤﺎ ﺍﻥ ﺍﻟﻀﺮﺑﺔ ﺟﺖ ﻋﻠﻲ ﻇﻬﺮﻱ ﻣﻨﻌﻨﻲ ﺍﻟﺪﻛﺘﻮﺭ ﺍﻧﻲ ﺣﺘﻰ ﻧﻮﻗﻒ ، ﺑﺲ ﻣﺎﻣﺎ ﻫﻲ ﺟﺘﻨﻲ
ﺣﻀﻨﺘﻬﺎ ﺑﻘﻮﺓ ﻭﺩﻣﻮﻋﻲ ﻋﻠﻲ ﺧﺪﻱ ، ﻛﻨﺖ ﺍﻧﻲ ﻭﺍﺧﻮﺍﺗﻲ ﻣﺎﻓﻴﻨﺎﺵ ﻭﺣﺪﺓ ﻗﺪﺭﺕ ﺗﻈﺎﻫﺮ ﺍﻧﻬﺎ ﻗﻮﻳﺔ ﺃﺑﺪﺍً
ﻋﻤﺘﻲ ﻓﺘﺤﻴﺔ : ﺧﻼﺹ ﻳﺎﺑﻨﻴﺎﺕ ﺗﻌﺒﺘﻮ ﺃﻣﻜﻢ ﻭﺧﻠﻴﺘﻮﻫﺎ ﺗﺒﻜﻲ ، ﺗﻌﺎﻟﻲ ﻳﺎﻧﺎﺩﻳﺔ ﻗﻌﻤﺰﻱ ﻭﺍﺭﺗﺎﺣﻲ
ﻣﺎﻣﺎ ﺗﻤﺴﺢ ﻓﻲ ﺩﻣﻮﻋﻬﺎ : ﻻﻻ ﺧﻠﻴﻨﻲ ﺍﻫﻮ ﺍﻫﻨﻲ ﺟﻨﺐ ﺑﻨﺘﻲ ، ﻭﺗﻤﺴﺢ ﻉ ﺷﻌﺮﻱ
ﺍﻧﻲ ﺷﺪﻳﺖ ﻳﺪﻫﺎ ﻗﻌﺪﺕ ﻧﺒﻮﺱ ﻓﻴﻬﺎ ﻭﻧﺒﻜﻲ
ﻧﻮﺍﻝ ﺗﺒﻜﻲ : ﺩﻳﺮﻭ ﺑﺎﻟﻜﻢ ﻋﻠﻲ ﺭﻭﺣﻜﻢ ﺍﻧﺘﻮ ﺍﻟﺰﻭﺯ ﺍﺣﻨﻲ ﻣﺎﻧﺎﺵ ﺑﺎﻟﻘﻮﺓ ﻫﺎﺩﻱ ﺭﺍﻫﻮﻭ
ﻧﻮﺭﺱ ﺣﻄﺖ ﻳﺪﻳﻬﺎ ﻋﻠﻲ ﻭﺟﻬﻬﺎ ﻭﻃﻠﻌﺖ ﻣﻦ ﺍﻟﺪﺍﺭ ﺗﺒﻜﻲ
ﺍﻧﻲ ﺷﻔﺖ ﻟﻮﺟﻪ ﻣﺎﻣﺎ ، ﻛﺎﻥ ﺃﺻﻔﺮ ﻣﻠﻴﺎﻥ ﻫﻤﻮﻡ
ﻋﻤﺘﻲ ﻓﺎﺩﻳﺔ ﺧﺸﺖ : ﺍﻟﺤﻤﺪ ﻟﻠﻪ ﻉ ﺳﻼﻣﺘﻜﻢ ﺍﻧﺘﻮ ﺍﻟﺰﻭﺯ ﺍﻟﺤﻤﺪ ﻟﻠﻪ ، ﻭﺩﻣﻌﺘﻬﺎ ﻧﺰﻟﺖ
ﺷﺮﻳﻦ ﺗﻠﻴﻔﻮﻧﻲ ﺷﻔﺘﻬﺎ ﺍﻟﻘﻴﺘﻬﺎ ﻫﺎﺟﺮ ، ﺭﺩﻳﺖ ﻋﻠﻴﻬﺎ
،،،،،،،،،،،،
ﻭﻟﻴﺪ : ﻋﻠﻰ ﻣﺎﺍﻋﺘﻘﺪ ﻣﻔﺮﻭﺽ ﺍﻟﺘﺤﺎﻟﻴﻞ ﻃﻠﻌﺖ ، ﻫﺎ ﻃﻤﻨﺎ ؟
ﺃﻳﻤﻦ : ﺷﻦ ﺻﺎﺭ ؟
ﺍﻟﺪﻛﺘﻮﺭ ﺣﻮﻝ ﻧﻈﺮﺍﺗﻪ : ﺷﻜﻨﺎ ﻃﻠﻊ ﺻﺢ ، ﻭﻟﻼﺳﻒ ﺍﻟﻮﺭﻡ ﻓﻲ ﻣﺮﺍﺣﻞ ﻣﺘﺄﺧﺮﺓ ، ﻭﺍﻟﻤﺸﻜﻠﺔ ﺍﻧﻪ ﺍﻟﻤﺮﻳﻀﺔ ﺗﺤﺲ ﺑﺎﺑﺄﻋﺮﺍﺽ ، ﻣﻦ ﺗﺴﺎﻗﻂ ﺷﻌﺮ ﻭﺻﺪﺍﻉ ﻭﺿﻌﻒ ﻭﺣﺘﻰ ﺍﻧﻬﺎ ﻗﺎﻟﺖ ﺩﺍﺧﺖ ﻛﻢ ﻣﺮﺓ ،
<< ﺍﻣﻰ ﻟﺤﺪ ﺍﺧﺮ ﻳﻮﻡ ﻓﻰ ﻋﻤﺮﻯ ﺣﺐ ﻣﻦ ﺍﻭﻝ ﺣﻴﺎﺗﻰ ﻭﻫﻤﻪ ﻫﻤﻰ
ﺍﻟﻰ ﻛﺘﺮ ﺧﻴﺮﻫﺎ ﺩﺍﺏ ﺧﻴﺮﻫﺎ ﻓﻰ ﺩﻣﻰ ﻭﻋﺎﻳﺶ ﺑﻴﻪ
ﺑﻌﺪ ﺍﻻﻡ ﻓﻰ ﺍﻳﻪ ﺩﻋﻮﻩ ﺣﻠﻮﻩ ﻓﺎﺗﺤﻪ ﺳﻜﻪ ﻣﻘﻔﻠﻪ ﺑﻌﺪ ﺍﻻﻡ ﻓﻰ ﺍﻳﻪ
ﻳﻬﺪﻯ ﺑﺎﻟﻪ ﺍﻟﻰ ﻓﻰ ﻋﻴﺎﻟﻪ ﺍﻟﺪﻧﻴﺎ ﻛﻠﻬﺎ ﻣﻔﺘﻮﺣﺎﻟﻪ ﻭﺭﺍﺿﻴﻪ ﻋﻠﻴﻪ >>
# ﻳﺘﺒﻊ