ﺍﻟﺤﻠﻘﺔﺓ [ 51 ]
ﻣﻦ ﺭﻭﺍﻳﺔ - - "<- ﺳﻨــﺪ ﺍﻷﻧﺜــﻰ ﺭﺟــﻞ "
ﺃﻳﻤﻦ ﺧﺶ ﻟﻠﺤﻮﺵ ﺑﺴﺮﺭﻋﻪ ﻭﻣﺎﻳﺸﻮﻓﺶ ﻓﻲ ﺷﻲ ﻗﺪﺍﺍﻣﻪ ، ﻗﺮﺭﺑﻊ ﺑﺎﺏ ﺍﻟﺤﻮﻭﺵ : ﻫﺎﺍﺍﺍﺟﺮ ﻫﺎﺍﺍﺟﺮ
ﻫﺎﺟﺮ ﺍﻧﺨﻠﻌﺖ ﻃﻠﻌﺖ ﻣﻦ ﺍﻟﺪﺍﺭ ﺗﺠﺮﻱ : ﻧﻌﻤﻤﻢ
ﺃﻳﻤﻦ ﻗﺮﺏ ﻣﻨﻬﺎ ﻭﻋﻴﻮﻧﻪ ﺷﺮﺍﺭﻩ ﺗﻄﻠﻊ ﻣﻨﻬﻢ : ﺗﻌﺎﻟﻲ
ﻫﺎﺟﺮ ﺗﻘﺮﺏ ﻣﻨﻪ ﻭﺧﺎﻳﻔﻪ ﻭﻣﺴﺘﻐﺮﺑﻪ : ﺣﺒﻴﺒﻲ ﺷﻦ ﻓﻲ ؟
ﺃﻳﻤﻦ ﺑﻬﺪﻭﺀ ﻋﻜﺲ ﺍﻟﺒﺮﻛﺎﻥ ﺍﻟﻲ ﻓﻲ ﺩﺍﺧﻠﻪ : ﻣﻦ ﻫﻮ ﻣﻮﺳﻰ ؟
ﻫﺎﺟﺮ ﺟﻤﺪﺕ ﻓﻲ ﻣﻜﺎﻧﻬﺎﺍ ﻭﻣﺼﺪﻭﻭﻣﻪ ، ﻓﺘﺤﺖ ﻋﻴﻮﻧﻬﺎ ﻋﻠﻲ ﻭﺳﻌﻬﻢ
ﺃﻳﻤﻦ : ﺗﻜﻠﻤﻲ ، ﺻﺢ ﺍﻟﺪﻭﻭﺓ ﻣﻌﻨﺎﻫﺎ ﻭﺍﻻ ، ﻭﻫﻮ ﻳﻘﺮﺏ ﻣﻨﻬﺎ
ﻫﺎﺟﺮ ﻭﺧﺮﺕ ، ﻭﺑﺘﺮﺩﺩ : ﺃﻳﻤﻦ ﻧﻘﺪﺭ ﻧﻮﺿﺤﻠﻚ ، ﺧﻠﻴﻨﺎ ﻧﻘﻌﻤﺰﻭ ﻭﻧﺤﻜﻴﻠﻚ
ﺃﻳﻤﻦ ﺟﻦ ﺟﻨﻮﻧﻪ : ﺷﻨﻨﻨﻨﻨﻦ ﺣﺘﺤﺤﺤﻜﻲ ﺍﻧﻲ ﻳﺠﻮ ﻳﻘﻮﻟﻮﻟﻲ ﻣﺮﺗﻲ ﻋﻨﺪﻫﺎ ﺣﺒﻴﻴﻴﺐ
ﻫﺎﺟﺮ : ﺃﻳﻤﻦ ﺃﻫﺪﺃ ﻫﻲ ﻗﺼﺔ ﻗﺪﻳﻤﺔ ﻭﻣﻨﺘﻬﻴﺔ ﻣﻦ ﻗﺒﻞ ﺣﺘﻰ ﻣﺎﻧﻌﺮﻓﻚ
ﺃﻳﻤﻦ ﻳﺸﻮﻓﻠﻬﺎ ﻭﻋﻴﻮﻧﻪ ﺗﻄﻠﻊ ﻣﻨﻬﻢ ﺷﺮﺍﺭﺓ
ﻫﺎﺟﺮ ﺧﺎﻓﺖ ﻭﻭﺧﺮﺕ : ﺃﻳﻤﻦ ﻧﻘﺪﺭ ﻧﺤﻜﻴﻠﻚ ﻛﻞ ﺷﻲ ، ﺑﺲ ﻫﻲ ﻗﺼﺔ ﻣﻨﺘﻬﻴﺔ ﻭﺍﻟﻠﻪ
ﺃﻳﻤﻦ : ﻭﻋﻼﺵ ﻣﺎﺗﺤﻜﻴﻬﺎﻟﻴﺶ ﻣﻦ ﻗﺒﻞ ﻋﻼﺵ ﻣﺨﻠﻴﺘﻴﻨﻲ ﻏﺎﻓﻞ
ﻫﺎﺟﺮ ﺑﺨﻮﻑ : ﻳﺎﺃﻳﻤﻦ ﻳﺎﺣﺒﻴﺒﻲ ﻭﺍﻟﻠﻪ ﻣﺴﺄﻟﺔ ﻗﺪﻳﻤﺔ ﻭﺍﻧﻲ ﻣﺎﻟﻘﻴﺘﺶ ﺩﺍﻋﻲ ﻧﺤﻜﻴﻠﻚ
ﺃﻳﻤﻦ : ﺍﻧﻲ ﻣﺮﺗﻲ ﻋﻨﺪﻫﺎ ﻋﻼﺍﻗﺎﺕ ﻗﺒﻞ ﻭﺍﻧﻲ ﺭﺍﻗﺪ ﻋﻠﻲ ﺍﻭﺩﺍﻧﻲ ، ﻭﻋﻨﺪﻫﺎ ﻣﺎﺿﻲ ﻳﺠﻮ ﻳﻘﻮﻟﻮﻫﻮﻟﻲ ﺍﻟﻨﺎﺱ
ﻫﺎﺟﺮ ﺗﻜﻨﻄﺖ : ﻋﻼﺍﺍﻗﺎﺍﺍﺍﺕ ﺷﻨﻮﻭﻭ ﻳﺎﺍﺃﻳﻤﻦ ﻫﻲ ﻋﻼﻗﻪ ﻭﺣﺪﺓ ﻭﺍﻧﺘﻬﺖ ﻗﺪﺍﺵ ﻟﻴﻬﺎ ﻭﻛﺎﻧﺖ ﻏﻠﻄﺔ ﻭﻣﺎﺿﻴﺎ ﻧﻈﻴﻒ ﺍﻟﺤﻤﺪ ﻟﻠﻪ
ﺃﻳﻤﻦ ﺟﻦ ﺟﻨﻮﻧﻪ ﻭﻗﺪﻡ ﻳﺠﺮﻱ ﻭﺷﺪ ﻫﺎﺟﺮ ﻣﻦ ﺷﻌﺮﻫﺎ
ﻫﺎﺟﺮ ﻋﻴﻄﺖ : ﺍﺍﺍﺍﺍﺍﺍﻱ ﺍﻳﻤﻦ
ﺍﻳﻤﻦ ﺷﺎﺩ ﻋﻠﻲ ﺷﻌﺮﻫﺎ : ﻭﻳﻦ ﻧﻨﺪﺭﻱ ﺍﻧﻲ ﺑﺎﻟﻚ ﻓﻲ ﻋﻼﻗﻪ ﻣﺪﺳﻮﺳﺔ ﺗﺎﻧﻴﻪ ،ﺗﻜﻠﻤﻤﻤﻤﻤﻤﻴﻴﻲ
ﻫﺎﺟﺮ ﺩﻣﻮﻋﻬﺎ ﻳﻨﺰﻟﻮ ﻭﺗﺤﺎﻭﻝ ﺗﻔﻚ ﻳﺪﻳﻦ ﺃﻳﻤﻦ ﺍﻟﻲ ﻭﻟﻰ ﺯﻱ ﺍﻟﻤﺠﻨﻮﻥ ﻣﻦ ﺷﻌﺮﻫﺎ : ﺃﻳﻤﻦ ﺷﻌﺮﻱ ﺍﺍﺍﺍﻱ ﺣﺮﺍﺍﺍﺍﻡ ﻋﻠﻴﻚ
ﺃﻳﻤﻦ ﻃﻠﻘﻬﺎﺍﺍ ﺑﻘﻮﺓ ﻭﺩﻓﻬﺎ
ﻫﺎﺟﺮ ﺿﺮﺑﺖ ﻓﻲ ﺍﻟﺤﻴﻂ ﺣﻄﺖ ﻳﺪﻫﺎ ﻋﻠﻲ ﺑﻄﻨﻬﺎ، ﻭﺗﻤﺴﺢ ﻓﻲ ﺩﻣﻮﻋﻬﺎ ﺑﻴﺪﻫﺎ ﺍﻟﺘﺎﻧﻴﻪ : ﺣﺮﺍﻡ ﻋﻠﻴﻚ ﺷﻦ ﻧﺴﻴﺖ ﺍﻧﻲ ﺣﺎﺍﺍﻣﻞ ، ﺣﺎﺍﺍﺍﻣﻞ ﺑﻮﻭﻭﻟﺪﻙ ﻭﺍﻧﺖ ﻗﺎﻋﺪ ﻣﺎﺗﺒﻴﺶ ﺗﻮﺛﻖ ﻓﻴﺎﺍﺍﺍ
ﺃﻳﻤﻦ ﻣﻮﻟﻲ ﺯﻱ ﺍﻟﺜﻮﺭ ﺍﻟﻬﺎﺍﺍﻳﺞ ﺿﺮﺭﺭﺏ ﺍﻟﻄﺎﺍﺍﻭﻟﺔ ﺍﻟﻲ ﺟﻨﺒﻪ ﺑﺮﺟﻠﻪ ﻭﻃﺎﺣﺖ ﻛﻠﻬﺎ، ﻭﺑﺼﻮﺕ ﻋﺎﻟﻲ : ﻋﻼﺍﺍﺍﺍﺵ ﻣﺎﺗﺤﻜﻴﻴﻴﻴﺶ ﻣﻦ ﺍﻻﻭﻝ ﻋﻼﺵ ﺗﺨﻠﻴﻨﻲ ﺯﻱ ﺍﻟﻤﻀﺤﻮﻭﻭﻙ ﻋﻠﻴﺎﺍﺍﺍ ﻋﻼﺵ ﻭﺣﺪﺓ ﻛﻠﺒﺔ ﺗﺠﻲ ﺗﺤﻜﻴﻠﻲ ﺍﻧﻚ ﻗﺎﻋﺪﻩ ﺗﺬﻛﺮﻱ ﻓﻴﻪ ﻭﺗﺤﻜﻲ ﻋﻠﻴﻴﻴﻴﻪ ﻭﺣﺪﺓ ﺗﺒﻲ ﺗﺨﺮﺭﺭﺏ ﺣﻴﺎﺍﺍﺍﺗﻲ ﻭﺍﻧﻲ ﻗﺪﺍﺍﺍﻣﻬﺎﺍ ﻏﺎﻓﻞ ﻣﺎﻧﻌﺮﻑ ﺷﻲ ﻟﻮ ﺍﻧﺘﻲ ﺣﺎﻛﻴﺘﻴﻠﻲ ﺭﺍﺍﺍﻫﻮ ﻣﺎﺻﺎﺭﺵ ﻫﻜﻲ
ﻫﺎﺟﺮ ﺗﺮﻋﺶ ﻭﺩﻣﻮﻋﻬﺎ ﻳﻨﺰﻟﻮﻭﻭ : ﺍﻧﺖ ﺧﻠﻴﺘﻠﻲ ﻓﺮﺭﺻﺔ ﻧﺤﻜﻲ ﺧﺸﻴﺖ ﻣﺘﻜﻨﻄﻲ ﻭﺗﻀﺮﺏ ﻭﺗﻤﺪ ﻓﻲ ﻳﺪﻙ ﺣﺘﻰ ﺍﻟﻲ ﻓﻲ ﺑﻄﻨﻲ ﻧﺴﻴﻴﻴﺘﻪ ، ﻛﺎﻥ ﺍﻧﺖ ﻫﺬﺍ ﺗﻌﺎﺍﻣﻠﻚ ﺍﻧﻲ ﺍﻟﺤﻮﺵ ﻣﻌﺎﺵ ﻧﻘﻌﺪ ﻓﻴﻪ ، ﻭﻟﻔﺖ ﻭﺧﺸﺖ ﺗﺠﺮﻱ ﻟﺪﺍﺭﻫﺎ ، ﻭﺳﻜﺮﺗﻬﺎ ﺑﺎﻟﻤﻔﺘﺎﺡ
ﺃﻳﻤﻦ ﻋﻴﻮﻧﻪ ﺗﻄﻠﻊ ﻣﻨﻬﻢ ﺷﺮﺍﺭﺓ ، ﻭﺑﻌﺪﻫﺎ ﺍﻫﺪﻱ ﺷﻮﻳﺔ ﻭﻛﺄﻧﻪ ﻋﻘﻠﻪ ﻭﻻﻟﻪ ﻣﻦ ﻛﻼﻡ ﻫﺎﺍﺟﺮ ﺍﻷﺧﻴﺮﺭ ﻭﺑﻜﻠﻤﺔ ﺍﻟﺤﻮﺵ ﻣﻌﺎﺵ ﻧﻘﻌﺪ ﻓﻴﻪ ، ﺍﻣﺸﻲ ﻳﺠﺮﻱ ﺟﻬﺔ ﺩﺍﺭ ﺍﻟﻨﻮﻡ ﻭﻗﻌﺪ ﻳﺨﺒﻂ ﻉ ﺍﻟﺒﺎﺏ : ﺍﻓﺘﺘﺘﺘﺤﻲ ﺍﻟﺒﺎﺍﺍﺍﺏ
ﻫﺎﺟﺮ ﺗﺒﻜﻲ ﻭﺗﻄﻠﻊ ﻓﻲ ﺣﻮﺍﻳﺠﻬﺎ ﻓﻲ ﺷﻨﻄﺔ
ﺃﻳﻤﻦ ﻳﺨﺒﻂ : ﺍﺍﻓﺘﺤﻲ ﻭﺍﻻ ﻗﺴﻤﺎ ﺑﺎﻟﻠﻪ ﻧﻜﺴﺮﺭﺭﻩ
ﻫﺎﺟﺮ ﺗﺮﻋﺶ ﻣﻊ ﺑﻌﻀﻬﺎﺍﺍ : ﻋﻼﺵ ﺑﻨﻔﺘﺢ ﺑﺎﺵ ﺗﺰﻳﺪ ﺗﻀﺮﺭﺏ ﺑﺎﺍﺍﺵ ﺗﺰﻳﺪ ﺗﻤﺪ ﻳﺪﻙ ﻋﻠﻴﺎ ﻣﺰﺍﻝ ﻣﺎﺷﺒﻌﺘﺶ ﻭﺍﻻ
ﺃﻳﻤﻦ ﻭﻟﻰ ﺯﻱ ﺍﻟﺜﻮﺭ ﺍﻟﻬﺎﺍﺍﻳﺞ ، ﻭﺧﺮ ﻭﻗﺪﻡ ﻭﻓﻘﻊ ﺍﻟﺒﺎﺏ
ﻫﺎﺟﺮ ﻭﺍﻗﻔﻪ ﻓﻲ ﺯﺍﻭﻳﺔ ﻓﻲ ﺍﻟﺪﺍﺭ ﻭﺗﺮﺭﻋﺶ ﻭﺗﺒﻜﻲ
ﺃﻳﻤﻦ ﻳﻘﺪﻡ ﺟﻬﺘﻬﺎ : ﺍﺣﻜﻲ ، ﻭﻗﻌﻤﺰ ﻉ ﺍﻟﺴﺮﻳﺮ ﻭﺣﻂ ﺛﻘﻠﻪ ﻋﻠﻴﻪ ﻭﻫﻮ ﻣﻦ ﺍﻟﻌﺼﺒﻴﻪ ﺟﺴﻤﻪ ﻳﺮﺭﻋﺶ : ﺍﻫﻮ ﻗﻌﻤﺰﺕ ﺗﻌﺎﻟﻲ ﺍﺣﻜﻲ ﻧﺴﻤﻊ ﻓﻴﻚ
ﻫﺎﺟﺮ ﺗﻤﺴﺢ ﻓﻲ ﺩﻣﻮﻋﻬﺎ ﻭﺗﺮﻋﺶ
ﺃﻳﻤﻦ ﺑﺼﻮﻭﻭﺕ ﻋﺎﻟﻠﻲ : ﺍﺣﺤﺤﺤﺤﺤﺤﻜﻲ
ﻫﺎﺟﺮ : ﺑﺎﻩ ﺃﻳﻤﻦ ﺭﺍﺡ ﻧﺤﻜﻲ ﺍﻫﺪﺃ ﺑﺲ ﻭﺍﻟﻠﻪ ﻧﺤﻜﻴﻠﻚ ﻛﻞ ﺷﻲ
ﺃﻳﻤﻦ ﺳﺎﻛﺖ ﻭﻳﻬﺰ ﺑﺮﺭﺟﻠﻪ
ﻫﺎﺟﺮ ﺑﻠﻌﺖ ﺭﻳﻘﻬﺎ : ﻛﻨﺖ ﻓﻲ ﺗﺎﻧﻴﻪ ﺗﺎﻧﻮﻱ ﻛﺎﻥ ﻳﻠﺤﻖ ﻓﻴﺎ ﻣﻦ ﺍﻟﻤﺪﺭﺳﺔ ﻣﺮﺓ ﻭﺍﺗﻨﻴﻦ ﻛﻠﻤﻨﻲ ﻣﺎﺑﻴﺘﺶ ﻧﻌﺪﻝ ﻋﻠﻴﻪ ﻟﻴﻦ ﺑﺪﻱ ﻳﻀﺎﻳﻖ ﻓﻴﺎ ﺧﺪﻳﺖ ﺭﻗﻤﻪ ﻓﻲ ﺍﻻﻭﻝ ﻣﺎﺑﻴﺘﺶ ﻧﻜﻠﻤﻪ ﻗﻌﺪ ﻛﻞ ﻳﻮﻡ ﻭﺭﺍﻱ ﻳﺒﻴﻨﻲ ﻧﻜﻠﻤﻪ ، ﺍﻣﺸﻲ ﻛﻠﻤﺘﻪ
ﺃﻳﻤﻦ ﺷﺎﻓﻠﻬﺎ ﻭﺍﻟﺸﺮﺍﺭﺓ ﺗﻄﻠﻊ ﻣﻦ ﻋﻴﻮﻧﻪ
ﻫﺎﺟﺮ ﺧﺎﻓﺖ ﻭﻛﻤﻠﺖ ﺑﺨﻮﻑ : ﻗﻌﺪﺕ ﻣﻌﺎﻩ ﻓﻲ ﻋﻼﻗﻪ ﺗﻼﺗﻪ ﺳﻨﻴﻦ ﺑﻌﺪﻫﺎ ﺳﺎﻓﺮ ﻭﺍﻧﻔﺼﻠﻨﺎ
ﺃﻳﻤﻦ ﻭﻫﻮ ﻳﺸﺪ ﻋﻠﻲ ﺳﻨﻮﻧﻪ : ﻳﻌﻨﻲ ﻣﺴﻴﺒﻚ ﻗﺒﻞ ﻣﺎﺗﻜﻠﻤﻴﻨﻲ ﺑﺴﻨﺘﻴﻦ
ﻫﺎﺟﺮ : ﺍﻳﻪ
ﺃﻳﻤﻦ : ﻭﻋﻼﺵ ﻗﺎﻋﺪﻩ ﺗﺬﻛﺮﻱ ﻓﻴﻪ ﻋﻼﺵ ﻗﺎﻋﺪﻩ ﺗﺬﻛﺮﻱ ﻓﻲ ﻣﺎﺿﻴﻚ ﻣﺰﺍﺍﺍﻝ ﺗﻔﻜﺮﻱ ﻓﻴﻪ ﻭﺍﻻ
ﻫﺎﺟﺮ : ﺃﻳﻤﻦ ﻭﺍﻟﻠﻪ ﻣﺎﺻﺎﺭﺕ ﺍﻣﺘﻰ ﺷﻔﺘﻨﻲ ﺗﺬﻛﺮﺗﻪ ﺃﻳﻤﻦ ﺍﻧﻲ ﻛﺎﺭﻫﺎﺗﻪ ﻣﻦ ﻗﺒﻞ ﻣﺎﻧﻌﺮﻓﻚ ﻋﻼﺵ ﺗﻘﻮﻝ ﻫﻜﻲ ﺭﺍﻧﻲ ﺣﺎﻣﻞ ﺑﻮﻟﺪﻙ
ﺃﻳﻤﻦ ﻭﻗﻒ ﻭﺟﻲ ﺟﻬﺘﻬﺎ : ﻭﺷﻦ ﻳﻀﻤﻨﻠﻲ ﺃﻧﻚ ﻧﺴﻴﺘﻪ ﻓﻌﻼ ، ﺍﻧﺘﻲ ﻷﻣﺲ ﺗﺤﻜﻲ ﻋﻠﻴﻪ ﺍﻧﺘﻲ ﻭﻧﺴﻴﺒﺔ
ﻫﺎﺟﺮ ﺍﻧﺼﺪﻣﺖ ﻭﻗﻌﺪﺕ ﺗﺸﻮﻓﻠﻪ ﻭﻓﺎﺗﺤﺔ ﻋﻴﻮﻧﻬﺎ
ﺃﻳﻤﻦ ﻳﻘﺮﺏ ﺃﻛﺜﺮ : ﻛﻨﺘﻲ ﺗﺤﻜﻲ ﻋﻠﻴﻪ ﻭﺍﻻ ﻣﺰﺍﻝ ﻣﺎﻧﺴﻴﺘﻴﺶ ﻳﻌﻨﻲ ﻋﻼﺵ ﺗﻜﺬﺑﻲ ﻋﻠﻴﺎ
ﻫﺎﺟﺮ : ﺃﻳﻤﻦ ﻭﺍﻟﻠﻪ ﻛﻨﺎ ﻧﺤﻜﻮ ﻋﺎﺩﻱ ﻋﻠﻲ ﺃﻳﺎﻡ ﺍﻟﻤﺪﺭﺳﺔ ﻭﺟﺖ ﺳﻴﺮﺗﻪ ﺍﻧﺖ ﻣﻦ ﻗﺎﻟﻚ
ﺃﻳﻤﻦ : ﻣﺎﺩﺧﻠﻜﺶ ﻣﻦ ﻗﺎﻟﻲ ، ﻭﻳﺸﻮﻓﻠﻬﺎ ﺑﻐﻴﺾ
ﻫﺎﺟﺮ : ﺃﻳﻤﻦ ﺍﻧﺖ ﺗﺨﻮﻑ ﻓﻴﺎ ﻫﻜﻲ ﺑﻨﻈﺮﺗﻚ ﻫﺎﺩﻱ
ﺃﻳﻤﻦ : ﻫﺎﺩﻱ ﺍﻟﻨﻈﺮﺓ ﺍﻟﻲ ﺗﺴﺘﺎﻫﻠﻴﻬﺎ ﻗﺎﻋﺪﻩ ﻓﻲ ﺣﻮﺷﻲ ﻭﺗﺬﻛﺮﻱ ﻓﻲ ﻣﺎﺿﻴﻚ ﻭﻣﺶ ﻧﺎﺳﻴﺘﻴﻪ
ﻫﺎﺟﺮ : ﺃﻧﺖ ﻋﻼﺵ ﺗﻘﻮﻟﻲ ﻫﻜﻲ ﺗﺤﺴﺲ ﻓﻴﺎ ﻛﺄﻧﻲ ﺧﺎﻳﻨﻪ
ﺃﻳﻤﻦ : ﻣﺠﺮﺩ ﺃﺻﻼ ﺍﻧﻚ ﺗﺬﻛﺮﻳﻪ ﺧﻴﺎﻧﻪ ﻟﻴﺎﺍﺍ ، ﻭﻟﻒ ﺑﺴﺮﺭﻋﻪ ﻭﻗﻠﺐ ﺍﻟﺤﺎﺟﺎﺕ ﺍﻟﻲ ﻓﻮﻕ ﺍﻟﺸﻜﻤﺎﺟﺔ ﻛﻠﻬﻢ ﻉ ﺍﻻﺭﺽ ﻭﺑﺼﻮﻭﺕ ﻋﺎﺍﺍﻟﻲ : ﺧﻴﺎﺍﺍﺍﺍﺍﻧﻪ ﻟﻴﺎﺍﺍﺍﺍﺍ ﺧﻴﺎﺍﺍﺍﻳﻨﻪ ﻟﻴﺎﺍﺍﺍ
ﻫﺎﺟﺮ ﺍﻧﺨﻠﻌﺖ ﻣﻦ ﺗﻜﺴﻴﺮ ﺍﻟﺤﺎﺟﺎﺕ ﻭﻋﻴﻄﺖ ، ﺑﻌﺪﻫﺎ ﺣﻄﺖ ﻳﺪﻫﺎ ﻋﻠﻲ ﻓﻤﻬﺎ
ﺃﻳﻤﻦ : ﻋﻼﺍﺍﺍﺍﺍﺵ ﻳﺎﺍﺍﺍﺍﻫﺎﺟﺮ ﻋﻼﺍﺍﺍﺵ ﻣﻦ ﻟﻤﺎ ﺣﺒﻴﺘﻚ ﻣﺎﻗﻠﺘﻴﻴﻴﺶ ﻋﻼﺍﺵ ﻣﺨﻠﻴﺘﻴﻨﻲ ﻏﺎﺍﻓﻞ ﻋﻼﺍﺍﺵ ، ﻭﻟﻒ ﻳﺸﻮﻓﻠﻬﺎ : ﺑﻨﺴﻜﺮﻭﻭﻭ ﺳﻨﻪ ﻣﻊ ﺑﻌﺾ ﺳﻨﻪ ﻭﺍﻧﺘﻲ ﻗﺎﻋﺪﻩ ﻣﺴﺘﻐﻔﻠﺘﻴﻨﻲ ، ﻳﺠﻮ ﻳﻘﻮﻟﻮﻟﻲ ﺍﻧﻲ ﻳﺠﻮ ﻳﻘﻮﻟﻮﻟﻲ ﻣﺮﺭﺭﺗﻚ ﻋﻨﺪﻫﺎ ﺣﺒﻴﻴﻴﺐ ﺍﻧﻲ
ﻫﺎﺟﺮ ﺍﻏﺘﺎﺿﺖ : ﺃﻳﻴﻴﻴﻤﻦ ﻫﻮﻭﻭ ﻣﺎﺍﺿﻲ ﻋﻼﺵ ﺗﺬﻛﺮ ﻓﻴﻪ ﻛﺄﻧﻪ ﺣﺒﻴﺒﻲ ﻗﺎﺍﺍﻋﺪ
ﺃﻳﻤﻦ ﻗﻌﻤﺰ ﻉ ﺍﻟﺴﺮﻳﺮ ﺑﻐﻴﺾ ﻭﻳﻬﺰ ﺑﺮﺟﻠﻪ : ﻛﻤﻠﻲ ﺍﺣﻜﻲ
ﻫﺎﺟﺮ : ﻭﺍﻟﻠﻪ ﺍﺣﻜﻴﺘﻠﻚ ﻛﻞ ﺷﻴﻴﻲ
ﺃﻳﻤﻦ ﺑﺼﻮﻭﺕ ﻋﺎﺍﺍﻟﻲ : ﺍﺣﻜﻴﻴﻴﻴﻲ ﻛﻢ ﻋﻼﻗﻪ ﺩﺍﺍﺍﻳﺮﻩ
ﻫﺎﺟﺮ ﻣﺶ ﻣﺘﺤﻤﻠﺔ ﻛﻼﻡ ﺃﻳﻤﻦ ﻳﺤﺴﺲ ﻓﻴﻬﺎ ﻛﺎﻧﻬﺎ ﻭﺟﺪﺓ ﺭﺧﻴﺼﻪ : ﺃﻳﻤﻦ ﺍﻧﻲ ﻛﻠﻤﺘﻪ ﻫﻮ ﻭﺑﻌﺪﻫﺎ ﺍﻧﺖ ﻋﻼﺵ ﺍﻟﻜﻼﻡ ﺍﻟﻲ ﻳﺠﺮﺡ ﻫﺪﺍﺍﺍ ﻟﻮ ﺑﻨﺪﻳﺮﺭ ﻋﻼﻗﺎﺕ ﻛﺎﻧﺖ ﺳﺎﺍﻫﻠﻪ ﻋﻠﻴﺎ ﺭﺍﺍﻫﻮ ﻟﻜﻦ ﺍﻧﻲ ﻣﺎﻧﻴﺶ ﺯﻱ ﺍﻟﻲ ﻓﻲ ﺑﺎﻟﻚ
ﺃﻳﻤﻦ ﺷﺎﺍﻓﻠﻬﺎ : ﺳﺎﺍﻫﻠﻪ ﺻﺎﺭ
ﻫﺎﺟﺮ : ﺍﻳﻪ ﺳﺎﺍﺍﻫﻠﻪ ﻟﻮ ﻛﻨﺖ ﻧﺒﻲ ﻟﻜﻦ ﺍﻧﻲ ﻣﺎﻧﻴﺶ ﻫﻜﻲ ، ﺍﻧﻲ ﻣﻦ ﻟﻤﺎ ﺳﻴﺒﻨﻲ ﻣﺎﻓﻜﺮﺗﺶ ﺣﺘﻰ ﻧﺮﺟﻌﻠﻪ ، ﻟﻴﻮﻡ ﺑﻴﺎﻧﻲ ﺍﻟﻲ ﻗﺮﻳﺖ ﻓﻴﻪ ﻓﺎﺗﺤﺘﻲ ﻛﻠﻤﻨﻲ ﻟﻜﻦ ﺍﻧﻲ ﺣﺒﻴﺘﻚ ﻭﻟﻮ ﻧﺒﻲ ﻧﺮﺟﻌﻠﻪ ﻟﻜﻨﺖ ﺭﺟﻌﺖ ﻟﻜﻦ ﺍﻧﻲ ﻣﻌﺎﺵ ﻧﺤﺒﻪ
ﺃﻳﻤﻦ ﻭﻗﻒ : ﻳﻌﻨﻲ ﻣﻜﻠﻤﻚ ﻫﻮ ﺑﻌﺪ ﺣﺘﻰ ﻣﺎﻭﻟﻴﺘﻲ ﻣﺮﺗﻲ ﻗﺎﻋﺪ ﻳﻜﻠﻢ ﻓﻴﻚ ، ﻭﻳﻘﺮﺏ ﻣﻨﻬﺎ
ﻫﺎﺟﺮ ﺍﻧﺼﺪﻣﺖ ﺍﻟﻜﻼﻡ ﻃﻠﻊ ﻣﻦ ﻏﻴﺮ ﻗﺼﺪ ﻣﻨﻬﺎ ﻫﻲ ﺑﺲ ﺗﺒﻲ ﺗﺒﻴﻨﻠﻪ ﺍﻧﻬﺎ ﺗﺤﺒﻪ
ﺃﻳﻤﻦ ﻳﻘﺮﺏ ﻭﻋﻴﻮﻧﻪ ﺗﻄﻠﻊ ﻣﻨﻬﻢ ﺷﺮﺍﺭﺓ ، ﻭﺑﺼﻮﺕ ﻋﺎﺍﺍﺍﻟﻲ : ﺗﻜﻠﻠﻠﻠﻠﻠﻠﻠﻠﻠﻤﻤﻤﻤﻤﻤﻤﻤﻲ ﻣﻦ ﺍﻣﺘﻰ ﻳﻜﻠﻢ ﻓﻴﻴﻴﻴﻚ
ﻫﺎﺟﺮ : ﻭﺍﻟﻠﻪ ﻣﺮﺓ ﻭﺣﺪﺓ ﻓﻲ ﺑﻴﺎﻧﻲ ﻭﺍﻟﻠﻪ ، ﺣﺘﻰ ﻫﺪﺍﻛﺎ ﺍﻟﻴﻮﻡ ﻟﻤﺎ ﺍﻧﻲ ﻭﻳﺎﻙ ﻛﻨﺎ ﻣﺎﺷﻴﻴﻦ ﺷﻔﺘﻪ ﻭﺍﻟﻠﻪ ﻣﺎﺗﺤﺮﻛﺖ ﺣﺘﻰ ﺣﺎﺟﺔ ﺗﺠﺎﻫﻪ
ﺃﻳﻤﻦ ﺟﻦ ﺟﻨﻮﻧﻪ ، ﻭﻳﻘﻴﻢ ﻳﺪﻩ ﻭﻳﻀﺮﺏ ﻫﺎﺟﺮ ﻛﻒ
ﻫﺎﺟﺮ ﻭﺟﻬﻬﺎ ﻗﻌﺪ ﻣﺘﻠﻔﺖ ﻭﻣﺼﺪﻭﻣﻪ
ﺃﻳﻤﻦ ﺍﻧﺼﺪﻡ ﻭﻋﻘﻠﻪ ﺑﺪﻱ ﻳﺮﺟﻌﻠﻪ ، ﻗﻌﺪ ﻳﻮﺧﺮ ﺑﺨﻄﻮﺍﺕ ﺛﻘﻴﻠﻪ ﻭﻫﻮ ﻳﺸﻮﻑ ﻟﺠﻬﺔ ﻫﺎﺟﺮ ﻭﻟﻴﺪﻩ ، ﻛﻴﻒ ﺿﺮﺑﻬﺎﺍ
ﻫﺎﺟﺮ ﻧﺰﻟﺖ ﻣﻨﻬﺎ ﺩﻣﻌﻪ ﺳﺨﻮﻭﻧﻪ ، ﻗﺎﻣﺖ ﻳﺪﻫﺎ ﻭﺧﺮﺕ ﺑﻴﻬﺎ ﺷﻌﺮﻫﺎ ﺍﻟﻲ ﻃﺎﺡ ﻟﻤﺎ ﺿﺮﺑﻬﺎ ﻛﻒ ﻭﺗﻠﻔﺘﺖ ، ﺷﺎﻓﺘﻠﻪ ﺑﻨﻈﺮﺓ ﺍﻧﻜﺴﺎﺭ
ﺃﻳﻤﻦ ﻣﺎﻗﺪﺭﺵ ﻳﺸﻮﻓﻠﻬﺎ ﻧﺰﻝ ﻋﻴﻮﻧﻪ : ﻩ ﻩ ﻫﺎﺟﺮ
ﻫﺎﺟﺮ ﻗﺎﻋﺪﻩ ﺗﺸﻮﻓﻠﻪ ، ﺿﺤﻜﺖ ﺿﺤﻜﺔ ﺍﻧﻜﺴﺎﺭ ﻭﺩﻣﻮﻋﻬﺎ ﻳﻨﺰﻟﻮ ﺑﺮﻭﺣﻬﻢ ﻭﺧﺪﻩ ﻳﺤﺮﺭﻕ ﻣﻦ ﺍﻟﻀﺮﺑﺔ : ﺷﻜﺮﺍ ﻳﺎﺣﺒﻴﺒﻲ ﺷﻜﺮﺍ ﺻﺢ ﻫﺬﺍ ﺍﻟﻲ ﻧﺴﺘﺎﻫﻠﻪ
،،،،،،،،،،،،،،،،
ﻓﻲ ﻧﻔﺲ ﺍﻟﻮﻗﺖ
ﺷﺮﻳﻦ ﺗﻠﻴﻔﻮﻧﻬﺎ ، ﻛﺎﻧﺖ ﻭﺍﻗﻔﻪ ﻉ ﺍﻟﻤﺮﺍﻳﺔ ، ﻗﺎﻣﺖ ﺍﻟﺘﻠﻴﻔﻮﻥ ، ﺳﻜﺮﺕ ﺍﻟﻀﻲ ﻭﺳﻜﺮﺕ ﺑﺎﺏ ﺍﻟﺪﺍﺭ ﻭﺧﺸﺖ ﺳﺮﻳﺮﻫﺎ
ﻭﺭﺩﺕ : ﺍﻟﻮ
ﻫﻮ : ﻭﻳﻴﻴﻨﻚ ﻋﻼﺵ ﻣﺎﺟﻴﺘﻴﺶ ﺍﻟﻴﻮﻡ ﺗﻲ ﺣﺮﺍﻡ ﻋﻠﻴﻚ ﻧﺒﻲ ﻧﺸﻮﻓﻚ ﻗﻌﺪﺕ ﻧﺮﺍﺟﻲ ﻓﻴﻚ ، ﻫﻜﻲ ﺣﺒﻴﺒﻚ ﻣﻀﺮﻭﺏ ﻣﺎﺗﺠﻴﺸﻲ ﻣﻌﻘﻮﻟﺔ ﺗﻮ ﻫﺪﺍ ﻛﻼﻡ ﻳﺼﻴﺮ ﻣﻨﻪ
ﻫﻲ : ﻫﻬﻬﻬﻬﻬﻬﻬﻪ ﻣﺤﻤﻮﺩ ﺧﻮﻭﺩ ﻧﻔﺲ
ﻣﺤﻤﻮﺩ : ﻫﻬﻬﻬﻪ ﺗﻲ ﻭﺍﻟﻠﻪ ﻗﻌﺪﺕ ﻧﺮﺍﺟﻲ ﻓﻴﻚ ، ﻟﻤﺎ ﺧﺸﻮ ﺍﻣﻚ ﻭﺍﺧﻮﺍﺗﻚ ﻗﻌﺪﺕ ﻧﺸﻮﻓﻠﻬﻢ ﻧﺮﺍﺟﻲ ﻓﻴﻚ ﺗﺨﺸﻲ ﻟﻴﻦ ﺍﻣﻚ ﺯﺑﻄﺘﻨﻲ ﻭﺍﻧﺤﺮﺟﺖ
ﻧﻮﺍﻝ : ﻫﻬﻬﻬﻪ ، ﻭﺑﺤﺰﻥ : ﻭﺍﻟﻠﻪ ﺣﺘﻰ ﺍﻧﻲ ﻗﺒﻞ ﺧﺎﻃﺮﻱ ﺑﻨﺸﻮﻓﻚ ﻟﻜﻦ ﻣﺎﻣﺎ ﻣﺎﺑﺘﺶ ﺗﺨﻠﻴﻨﻲ
ﻣﺤﻤﻮﺩ : ﺣﺮﺍﻡ ﻋﻠﻴﻬﺎ ﻋﻤﺘﻲ ﺗﺤﺮﻡ ﻓﻴﺎ ﻣﻨﻚ
ﻧﻮﺍﻝ : ﻳﺎﺭﻭﻭﻭﺣﻲ
ﻣﺤﻤﻮﺩ : ﺯﻳﺪﻱ ﺗﺴﻬﻮﻛﻲ
ﻧﻮﺍﻝ : ﻫﻬﻬﻬﻬﻬﻬﻬﻪ
ﻭﺳﻜﺘﻮ ﺍﻻﺗﻨﻴﻦ ﻣﺎﻳﺴﻤﻌﻮﺵ ﺍﻻ ﻓﻲ ﺻﻮﺕ ﻧﻔﺴﻬﻢ
ﻣﺤﻤﻮﺩ : ﻧﺤﺒﻚ
ﻧﻮﺍﻝ ﻗﻠﺒﻬﺎ ﻳﻄﻖ : ﺣﺘﻰ ﺍﻧﻲ ﻧﺤﺒﻚ
ﻣﺤﻤﻮﺩ : ﺍﻣﺘﻰ ﺑﺘﺠﻲ ﻋﻨﺪﻱ ﻭﻧﺴﻜﺮ ﻋﻠﻴﻚ ﺣﻮﺵ ، ﻭﺗﻨﻬﺪ : ﺭﺑﻲ ﻳﺼﺒﺮﻧﻲ
ﻧﻮﺍﻝ ﻗﻠﺒﻬﺎ ﻳﻄﻖ ﺑﻘﻮﺓ ﻭﻣﺒﺘﺴﻤﻪ
ﻣﺤﻤﻮﺩ ﻣﺘﻜﻲ ﻋﻠﻲ ﺳﺮﻳﺮﻩ : ﻭﻧﺤﻀﻨﻚ ﻭﻧﺒﻮﺳﻚ ﻭﻧﺸﺒﻊ ﻣﻨﻚ
ﻧﻮﺍﻝ ﺧﺪﻭﺩﻫﺎ ﻭﻟﻮ ﺣﻤﺮ : ﺑﺎﻩ ﻣﻦ ﺟﺎﻛﻢ ﺍﻟﻴﻮﻡ ، ﻭﺍﻧﺖ ﻛﻴﻒ ﺭﺍﺳﻚ ﺗﺤﺲ ﺗﺘﺄﻟﻢ ؟
ﻣﺤﻤﻮﺩ ﻳﻜﻤﻞ ﻋﻠﻲ ﻧﻔﺲ ﺍﻟﻨﻐﻤﻪ : ﻧﺘﺄﻟﻢ ﻳﺎﺣﺒﻴﺒﻲ ﻭﻫﻠﺒﺎ ، ﺗﻌﺎﻟﻲ ﺧﻔﻔﻲ ﺃﻟﻤﻲ
ﻧﻮﺍﻝ : ﺑﺎﻫﻲ ﺧﺪﻳﺖ ﻣﺴﻜﻦ
ﻣﺤﻤﻮﺩ ﺑﻨﻔﺲ ﺍﻟﻠﺤﻦ : ﺧﺪﻳﺖ ﻣﺎﻓﻴﺶ ﻣﻨﻪ ﻓﺎﻳﺪﻩ ، ﻧﺒﻴﻚ ﺍﻧﺘﻲ ﺍﻧﻲ
ﻧﻮﺍﻝ : ﻛﻴﻒ ﺑﺎﺍﻫﻲ ﻣﺴﻜﻦ ﺑﺎﻫﻲ ﺑﺮﺍ ﻟﻠﺪﻛﺘﻮﺭ ﻳﺰﻳﺪ ﻳﺸﻮﻓﻚ ﻛﺎﻥ ﺗﺘﺄﻟﻢ
ﻣﺤﻤﻮﺩ ﺑﻨﻔﺲ ﺍﻟﻠﺤﻦ : ﺗﺨﺎﻓﻲ ﻋﻠﻴﺎ
ﻧﻮﺍﻝ : ﺍﻛﻴﺪ ﺑﻨﺨﺎﻑ ﻋﻠﻴﻚ ﻛﺎﻥ ﻣﺎﺧﻔﺘﺶ ﻋﻠﻴﻚ ﻋﻠﻲ ﻣﻦ ﺑﻨﺨﺎﻑ
ﻣﺤﻤﻮﺩ ﻋﺎﺭﻓﻬﺎ ﻣﺘﺤﺸﻤﺔ ﻣﻦ ﻛﻼﻣﻪ ﻳﺰﻳﺪ ﻋﻠﻲ ﻧﻔﺲ ﺍﻟﻠﺤﻦ : ﺗﻌﺎﻟﻲ ﺑﺎﻫﻲ ﺟﻨﺒﻲ ، ﻭﺷﻮﻓﻴﻨﻲ ﺑﻌﻴﻮﻧﻚ ﻭﺍﻋﻄﻴﻨﻲ ﺍﻧﺘﻲ ﺩﻭﺍﻱ ، ﺑﻮﺳﻪ ﺑﺲ ﻣﻨﻚ ﻧﻨﺴﻰ ﺃﻟﻤﻲ
ﻧﻮﺍﻝ : ﺍﻫﺎ ﺑﺎﻫﻲ
ﻣﺤﻤﻮﺩ ﻣﺎﺕ ﺑﺎﻟﻀﺤﻚ : ﻫﻬﻬﻬﻬﻬﻬﻬﻬﻬﻬﻪ ﺍﻫﺎ ﺑﺎﺍﺍﻩ
ﻧﻮﺍﻝ : ﻣﺎﺑﺮﺩﻙ ﺳﺨﻴﻒ
ﻣﺤﻤﻮﺩ : ﻫﻬﻬﻬﻬﻬﻬﻬﻪ ﻣﺎﻟﻴﻜﺶ ﺣﻞ ﺍﻧﺘﻲ ، ﺗﻬﺒﻠﻲ ﻭﺍﻧﺘﻲ ﻣﺘﺤﺸﻤﺔ
ﻧﻮﺍﻝ : ﻫﻬﻬﻪ ﻳﺎﺳﺮﻙ
ﻣﺤﻤﻮﺩ : ﻫﻬﻬﻬﻬﻬﻬﻪ ، ﻭﻋﺎﻭﺩ ﻧﻔﺲ ﺍﻟﻠﺤﻦ : ﻧﺤﺒﻚ ﻳﺎﺣﻴﺎﺗﻲ ﻭﻋﻤﺮﻱ
ﻧﻮﺍﻝ ﺑﺼﻮﺕ ﻭﺍﻃﻲ : ﻣﺤﻤﻮﺩ ﺣﺘﻰ ﺍﻧﻲ ﻧﺤﺒﻚ
ﻣﺤﻤﻮﺩ ﺗﻨﻬﺪ : ﻧﺒﻲ ﻧﺸﻮﻓﻚ ﻳﺎﻫﺒﻠﺔ ﺩﺑﺮﻱ
ﻧﻮﺍﻝ : ﻧﻌﺮﻓﺶ ﻛﻴﻒ
ﻣﺤﻤﻮﺩ : ﺗﻮ ﻣﺶ ﻛﺎﻥ ﻗﺎﺭﻱ ﻋﻠﻴﻚ ﺍﻟﻔﺎﺗﺤﺔ ﺭﺍﻫﻮ ﻧﻘﺪﺭ ﻧﺸﻮﻓﻚ ﻭﻧﺪﻳﺮ ﺷﻦ ﻧﺒﻲ
ﻧﻮﺍﻝ : ﺷﻦ ﺗﺪﻳﺮ ﻣﺎﺗﺒﻲ !
ﻣﺤﻤﻮﺩ ﻳﻨﺮﻓﺰ ﻓﻴﻬﺎ : ﻧﺪﻳﺮ ﻫﻠﺒﺎ ﺣﺎﺟﺎﺕ ﺧﺎﻃﺮﻱ ﻓﻴﻬﺎ
ﻧﻮﺍﻝ : ﺍﻟﻲ ﻫﻤﺎ ؟؟
ﻣﺤﻤﻮﺩ : ﻫﻠﺒﺎ ﺣﺎﺟﺎﺕ ﺍﻧﺘﻲ ﺗﻔﻜﻴﺮﻙ ﻭﻳﻦ ﺍﻣﺸﻲ
ﻧﻮﺍﻝ : ﻻ ﻗﺎﻋﺪ ﺍﻫﻨﻲ ، ﻭﻗﺎﻟﺖ ﺑﺼﻮﺕ ﻭﺍﻃﻲ : ﺍﻟﺤﻤﺪ ﻟﻠﻪ ﻣﻌﻨﺎﻫﺎ
ﻣﺤﻤﻮﺩ ﺷﺎﺩ ﺿﺤﻜﺘﻪ : ﺍﻟﺤﻤﺪ ﻟﻠﻪ ﻋﻠﻲ ﺷﻨﻮ
ﻧﻮﺍﻝ : ﻋﻠﻲ ﻛﻞ ﺣﺎﻝ
ﻣﺤﻤﻮﺩ : ﺑﺎﻩ ﺧﻠﻴﻨﺎ ﻧﻘﺮﻭ ﺍﻟﻔﺎﺗﺤﺔ ﺗﻮﺍ ﻫﻜﻲ ﻣﻊ ﺑﻌﺾ ، ﻣﺎﻧﻘﺪﺭﺵ ﻧﺼﺒﺮ ﺍﻧﻲ ﺭﺍﻫﻮ
ﻧﻮﺍﻝ : ﺑﺎﻟﻠﻪ
ﻣﺤﻤﻮﺩ : ﻭﺍﻟﻠﻪ
)) ﻣﺎﺑﻌﺮﻑ ﻛﻴﻒ ﺑﻨﻈﺮﺓ ﺑﺘﻌﻤﻞ ﻫﻴﻚ
ﺑﺘﺎﺧﺪﻧﻰ ﻟﻴﻚ ﻭﺑﻤﻮﺕ ﻋﻠﻴﻚ
ﻣﺎ ﺑﻌﺮﻑ ﺷﻮ ﺍﻟﻠﻰ ﻋﻦ ﻳﺴﺤﺮﻧﻰ ﻫﻴﻚ
ﻟﻤﺴﺔ ﺍﻳﺪﻳﻚ ﺿﺤﻜﺔ ﻋﻴﻨﻴﻚ
ﺣﺴﻴﺖ ﺑﻘﺮﺑﻚ ﺑﺎﻻﻣﺎﻥ
ﺻﺮﺕ ﺑﺰﻣﺎﻥ ﻏﻴﺮ ﺍﻟﻠﻰ ﻛﺎﻥ ((
ﻧﻮﺍﻝ : ﻣﺤﻤﻤﻮﻭﻭﻭﻭﺩ ﺑﻄﻞ ﺧﻴﺮﺭﺭﻟﻚ
ﻣﺤﻤﻮﺩ : ﺗﻲ ﺧﻄﻴﺒﺘﻲ ﺍﻟﺰﺯﺡ
ﻧﻮﺍﻝ : ﺧﻄﻴﺒﺘﻚ ﻣﺶ ﻣﺮﺗﻚ
ﻣﺤﻤﻮﺩ : ﺑﺎﻩ ﻟﻤﺎ ﺗﻮﻟﻲ ﻣﺮﺗﻲ ﻋﺎﺍﺍﺩﻱ ؟
ﻧﻮﺍﻝ : ﻣﺤﻤﻤﻮﻭﻭﻭﻭﻭﺩ
ﻣﺤﻤﻮﺩ : ﻫﻬﻬﻬﻬﻬﻬﻬﻬﻪ ﺑﺎﺍﺍﻫﻲ
)) ﻋﻢ ﺍﻋﺸﻖ ﺍﻧﺎ ﻋﻢ ﺍﺧﻠﻖ ﻣﻦ ﺍﻭﻝ ﻭﺟﺪﻳﺪ
ﻋﺎﺳﻤﻚ ﺍﻧﺎ ﻋﻢ ﺍﻟﺒﺲ ﺧﺎﺗﻢ ﻋﻤﺮﻯ ﺑﺎﻻﻳﺪ
ﻋﻢ ﺣﺲ ﺑﻠﻮﻥ ﺍﻟﺪﻧﻴﺎ ﺍﺣﻠﻰ ﺻﺎﺭ
ﻋﻢ ﻋﻴﺶ ﻧﻬﺎﺭ ﺑﺎﻟﻒ ﻧﻬﺎﺭ
ﻋﻢ ﻳﻀﺤﻚ ﻗﻠﺒﻰ ﻣﺘﻞ ﻭﻻﺩ ﺻﻐﺎﺭ
ﺻﺮﺕ ﺍﻟﻤﺸﻮﺍﺭ ﻭﻋﻠﻴﻚ ﺑﻐﺎﺭ ((
ﻭﻗﻌﺪﻭ ﻳﻬﺪﺭﺯﻭ ﻟﻌﻨﺪ ﺍﻟﻔﺠﺮ ﻭﺍﻟﺤﺐ ﻣﺪﻓﻲ ﺳﻬﺮﺗﻬﻢ ﻭﻓﺮﺣﺘﻬﻢ
،،،،،،،،،،،،
ﺗﻘﻠﺒﺖ ﺑﻤﻠﻞ ﻓﻲ ﺳﺮﻳﺮﻱ ﻭﻗﻠﺒﻲ ﻣﻐﻤﻮﻡ ، ﺣﻮﻟﺖ ﺍﻟﻮﺭﻏﺎﻥ ، ﻭﻧﻀﺖ ﺍﻣﺸﻴﺖ ﺑﻬﺪﻭﺀ ﻭﻓﺘﺤﺖ ﺍﻟﺒﺎﺏ ﺑﺎﻟﺸﻮﻳﺔ ﻭﻃﻠﻌﺖ، ﻗﻌﺪﺕ ﻧﻤﺸﻲ ﻭﻧﺪﻭﺭ ﻓﻲ ﻭﻟﻴﺪ ﻭﻳﻦ ﺭﺍﻗﺪ ﻟﻴﻦ ﻭﺻﻠﺖ ﻓﻲ ﺍﻟﺼﺎﻟﺔ ﻛﺎﻥ ﺍﻟﺘﻠﻔﺰﻳﻮﻥ ﻣﻔﺘﻮﺡ ﻭﻫﻮ ﺭﺍﻗﺪ ﻉ ﺍﻟﻜﻨﺒﺔ ، ﻛﺎﻥ ﻓﺎﺗﺤﻬﺎ ﺯﻱ ﺍﻟﺴﺮﻳﺮ ، ﻗﺮﺑﺖ ﺍﻛﺜﺮ ،ﻛﺎﻥ ﺭﺍﻗﺪ ، ﺳﺮﺣﺖ ﻓﻴﻪ ﻛﺎﻥ ﺷﻜﻠﻪ ﺯﻱ ﺍﻟﺒﻴﺒﻲ ﺍﻟﺒﺮﻱﺀ ﻣﻼﻣﺤﻪ ﺍﻟﺮﺟﻮﻟﻴﺔ ، ﺍﺑﺘﺴﻤﺖ ﺑﺤﺐ ﻭﺣﺰﻥ ﻓﻲ ﻧﻔﺲ ﺍﻟﻮﻗﺖ ، ﻣﺪﻳﺖ ﻳﺪﻱ ﺣﻮﻟﺖ ﺧﺼﻼﺕ ﺷﻌﺮﻩ ﺍﻟﻲ ﻧﺎﺯﻻﺕ ﻋﻠﻲ ﻋﻴﻮﻧﻪ ﻭﻟﻔﻴﺖ ﻣﻦ ﺍﻟﺠﻬﺔ ﺍﻟﺘﺎﻧﻴﻪ ﻟﻠﻜﻨﺒﺔ ﻭﻭﺍﺳﻴﺖ ﺍﻟﻐﻄﺎ ﻋﻠﻴﻪ ، ﺳﻜﺮﺕ ﺍﻟﺘﻠﻔﺰﻳﻮﻭﻥ ، ﻟﻔﻴﺖ ﺑﺴﺘﻪ ﻋﻠﻲ ﺟﺒﻴﻨﻪ ﺑﻬﺪﻭﺀ
ﺭﺟﻌﺖ ﻟﺪﺍﺭﻱ ﻗﻌﺪﺕ ﻧﻠﻮﺩ ﺑﻤﻠﻞ ﻭﺣﺎﺍﻳﺮﺓ ﺷﻦ ﻧﺪﻳﺮ ﻣﺶ ﺟﺎﻳﻨﻲ ﻧﻮﻡ ، ﻭﺣﺎﻳﺮﺓ ﻛﻴﻒ ﻧﺘﺼﺮﻑ
ﺍﻧﻲ ﻣﻬﻤﺎ ﻛﺎﻥ ﻣﺎﻧﺘﺤﻤﻠﺶ ﻳﻠﻤﺲ ﻣﺮﺃﺓ ﻏﻴﺮﻱ ﺣﺘﻰ ﻟﻮ ﻛﺎﻥ ﻣﻦ ﻏﻴﺮ ﻗﺼﺪ ، ﻭﺑﻌﺪﻳﻦ ﻫﻮ ﻫﻮ ﻏﺎﻟﻂ ﺧﻠﻴﻪ ﻳﺘﺤﻤﻞ ﻋﻮﺍﻗﺒﻪ ، ﻟﻜﻦ ﺍﻧﻲ ﻧﻌﺎﻗﺐ ﻓﻲ ﺭﻭﺣﻲ ﻓﻲ ﺑﻌﺪﻩ ﻫﻜﻲ
<< ﻣﺎﺃﺻﻌﺐ ﻳﺎﺣﺒﻴﺒﻲ ﺃﻥ ﻧﻜﻮﻥ ﻗﺮﻳﺒﻴﻦ ﻟﻬﺬﻩ ﺍﻟﺪﺭﺟﺔ ﻭﺑﻌﻴﺪﻳﻦ ﻛﻞ ﺍﻟﺒﻌﺪ >>
ﻗﻌﺪﺕ ﻧﺪﻭﺭ ﻓﻲ ﺍﻟﺪﺍﺭ ، ﺑﻌﺪﻫﺎ ﺍﻣﺸﻴﺖ ﺟﺒﺪﺕ ﻣﺨﺪﺗﻲ ﻭﺍﻟﻮﺭﻏﺎﻥ ﻭﻃﻠﻌﺖ ، ﺍﻣﺸﻴﺖ ﺑﻬﺪﻭﺀ
ﺣﻄﻴﺖ ﺍﻟﻤﺨﺪﻩ ﻉ ﺍﻟﻜﻨﺒﺔ ﺟﻨﺒﻪ ، ﻭﺍﺳﻴﺖ ﺍﻟﻮﺭﻏﺎﻥ ﻭﺭﻗﺪﺕ ﺑﻬﺪﻭﺀ ﺟﻨﺒﻪ
ﻟﻔﺘﺖ ﻭﺟﻬﻲ ﺟﻬﺘﻪ ﻗﻌﺪﺕ ﻧﺮﺍﻗﺐ ﻓﻴﻪ ﻭﻧﺘﻔﺮﺝ ﻋﻠﻴﻪ ﻭﻣﺒﺘﺴﻤﻪ ، ﻗﺮﺑﺖ ﺃﻛﺜﺮ ﻭﺣﻄﻴﺖ ﺭﺍﺳﻲ ﻋﻠﻲ ﺻﺪﺭﻩ ﻭﻏﻤﻀﺖ ﻋﻴﻮﻧﻲ
<< ﻟﻘﺪ ﺃﺩﻣﻨﺖ ﻭﺟﻮﺩﻙ ﻳﺎﺣﺒﻴﺒﻲ ﺑﻘﺮﺑﻲ ، ﺃﺻﺒﺤﺖ ﻣﺠﻨﻮﻧﻪ ﺑﻚ ، ﻟﻢ ﺃﺣﺘﻤﻞ ﻫﺪﺍ ﺍﻟﺒﻌﺪ ، ﺩﺍﺋﻤﺎ ﺃﻧﺎ ﻫﻜﺬﺍ ﺃﺗﻈﺎﻫﺮ ﺑﺎﻟﻘﻮﺓ ﻭﻟﻜﻦ ﺑﻮﺟﻮﺩﻙ ﺃﺻﺒﺢ ﺿﻌﻴﻔﻪ ﻻﺣﻮﻝ ﻟﻲ ، ﺿﻌﻴﻔﻪ ﺃﻣﺎﻡ ﺣﻀﻨﻚ ﻭﺣﻨﺎﻧﻚ ﻳﺎﺣﺒﻴﺒﻲ >>
،،،،،،،،،
ﻧﺮﺟﻌﻮ ﻟﻬﺎﺟﺮ ﻭﺃﻳﻤﻦ
ﺃﻳﻤﻦ ﻣﺘﻜﻲ ﻉ ﺍﻟﺤﻴﻂ ﻭﻧﺎﺩﻡ ﻋﻠﻲ ﻣﺪﺓ ﻳﺪﻩ
ﻫﺎﺟﺮ ﻣﻘﻌﻤﺰﺓ ﻭﺗﻄﻠﻊ ﻓﻲ ﺣﻮﺍﻳﺠﻬﺎ ، ﻭﻛﻞ ﻣﺎﺗﻨﺰﻝ ﻣﻨﻬﺎ ﺩﻣﻌﻪ ﺗﻤﺴﺤﻬﺎ ﺑﺴﺮﻋﻪ ، ﻣﺎﺗﺒﻴﺸﻲ ﻳﺸﻮﻓﻬﺎﺍ
ﺃﻳﻤﻦ ﺑﻀﻌﻒ : ﻫﺎﺟﺮ ﺧﻠﻴﻨﺎ ﻧﺘﻔﺎﻫﻤﻮ
ﻫﺎﺟﺮ ﻗﺎﻣﺖ ﺭﺍﺳﻬﺎ ﺷﺎﻓﺘﻠﻪ ﺑﻌﻴﻮﻧﻬﺎ ﺍﻟﻲ ﻣﻌﺒﻴﺎﺕ ﺩﻣﻮﻉ ، ﺿﺤﻜﺖ ﺿﺤﻜﺔ ﺳﺨﺮﻳﺔ : ﻗﺎﻋﺪ ﺗﻘﻮﻝ ﻓﻲ ﻧﻔﺲ ﺍﻟﻜﻼﻡ ﺍﻟﻲ ﻛﻨﺖ ﻧﻘﻮﻟﻚ ﻓﻴﻪ ﻟﻤﺎ ﺧﺸﻴﺖ ﻫﺎﺩ ﻋﻠﻴﺎ ، ﻭﺃﺷﺮﺕ ﻋﻠﻲ ﺧﺪﻫﺎ : ﻭﺿﺮﺑﺘﻨﻲ ، ﻭﻧﺰﻟﺖ ﺭﺍﺳﻬﺎ ﻭﻗﻌﺪﺕ ﺗﻄﻠﻊ ﻓﻲ ﺣﻮﺍﻳﺠﻬﺎ
(( ﻫﺎﺟﺮ ﺻﺢ ﻗﺎﻋﺪﻩ ﺗﻄﻠﻊ ﻓﻲ ﺣﻮﺍﻳﺠﻬﺎ ﺑﺲ ﻓﻮﻕ ﻣﻦ ﻗﻠﺒﻬﺎ ، ﺗﺒﻴﻪ ﻳﻤﻨﻌﻬﺎ ﺗﺒﻴﻪ ﻳﺘﺄﺳﻒ ﻭﻳﻘﻮﻟﻠﻬﺎ ﻣﻌﺎﺵ ﻧﻌﺎﻭﺩﻫﺎ ﻳﺎﺣﺒﻴﺒﺘﻲ ، ﻫﻲ ﺗﺤﺒﻪ ﻭﻣﺶ ﻗﺎﺩﺭﺓ ﺗﻄﻠﻊ ﺑﻬﺎﻟﺴﻬﻮﻟﺔ ، ﻟﻜﻦ ﻫﻮ ﺟﺮﺣﻬﺎ ، ﻭﺃﻫﺎﻧﻬﺎ ، ﻛﺒﺮﻳﺎﺋﻬﺎ ﻫﻮ ﺍﻟﻲ ﻳﻘﻮﺩ ﻓﻴﻬﺎ ﺗﻮﺍﺍ ، ﺗﺤﺎﻭﻝ ﺗﺒﺎﻥ ﻗﺪﺍﻣﻪ ﻗﻮﻳﺔ ﺗﺤﺎﻭﻝ ﺗﻮﺭﻳﻪ ﺍﻧﻪ ﻣﺎﻳﻘﺪﺭﺵ ﻳﻜﺴﺮﻫﺎ ﺑﺎﻟﺴﻬﻮﻟﺔ ﻫﺎﺩﻱ ، ﺑﺲ ﻫﻮ ﻓﻲ ﺍﻟﺤﻘﻴﻘﻪ ﻓﻌﻼ ﻛﺴﺮﻫﺎ ﻭﺟﺮﺣﻬﺎ ))
ﺃﻳﻤﻦ ﻗﺪﻡ ﻭﻗﺎﺍﻡ ﺍﻟﺸﻨﻄﺔ ﺑﻘﻮﻭﺓ ، ﻭﻗﻠﺒﻬﺎ ، ﻭﻃﺎﺣﻮ ﺍﻟﺤﻮﺍﻳﺞ ﺍﻟﻲ ﻓﻴﻬﺎ
ﻫﺎﺟﺮ ﻭﻗﻔﺖ : ﺷﻦ ﺍﻟﻲ ﻗﺎﻋﺪ ﺗﺪﻳﺮﺭﺭ ﻓﻴﻪ ﺍﻧﺖ
ﺃﻳﻤﻦ ﻳﻨﺤﻲ ﻓﻲ ﺍﻟﺤﻮﺍﻳﺞ : ﻣﺴﺘﺤﻴﻞ ﻧﺨﻠﻴﻚ ﺗﻄﻠﻌﻲ ﻣﻦ ﺍﻟﺤﻮﺵ ﻭﺗﺴﻴﺒﻴﻨﻲ
ﻫﺎﺟﺮ ﺗﺘﻜﻠﻢ ﻭﺩﻣﻮﻋﻬﺎ ﻋﻠﻲ ﺧﺪﻫﺎ : ﻟﻤﺎﺍﺍ ﺗﺤﺘﺮﻣﻨﻲ ﺑﻌﺪﻫﺎ ﻧﻘﻌﺪ ﻓﻴﻪ ﺍﻟﺤﻮﻭﺵ ، ﻭﺟﺒﺪﺕ ﻣﻨﻪ ﺍﻟﺸﻨﻄﺔ ﺑﻘﻮﻭﺓ : ﺍﻧﻲ ﻣﺶ ﺣﻨﻘﻌﺪ ﻓﻲ ﺍﻟﺤﻮﺵ ﻭﺗﻮﺍ ﻳﺎﺍﻣﺎ ﺗﺮﻓﻌﻨﻲ ﻳﺎﺍﻣﺎ ﻧﻜﻠﻢ ﻣﺤﻤﺪ ﺗﻮ ﺧﻤﺴﻪ ﺩﻗﺎﻳﻖ ﻳﻜﻮﻥ ﻋﻨﺪﻱ
ﺃﻳﻤﻦ ﺟﺒﺪ ﻣﻨﻬﺎ ﺍﻟﺸﻨﻄﺔ ﻭﻟﻮﺣﻬﺎ ﺑﻌﻴﺪ ، ﺗﻠﻔﺘﻠﻬﺎ : ﺍﺳﻒ ﺑﺎﻫﻲ ﻭﺍﻟﻠﻪ ﻏﺮﺭﺕ ﻫﺎﺟﺮ ﻣﺎﺗﺪﻳﺮﻳﺶ ﻓﻴﺎﺍ ﻫﻜﻲ
ﻫﺎﺟﺮ : ﺷﻦ ﻳﻨﻔﻊ ﻛﻠﻤﺔ ﺃﺳﻒ ﺷﻦ ﺗﻨﻔﻌﻨﻲ ﺗﻮﺍ ، ﺗﻤﺪ ﻳﺪﻙ ﻋﻠﻴﺎ ﻳﺎﺃﻳﻤﻦ ، ﻋﻼﺍﺵ ﻋﻠﻲ ﺧﺎﻃﺮ ﻛﻼﻡ ﻗﺎﻟﻮﻫﻮﻟﻚ ﺍﻧﺖ ﺑﺮﻭﺣﻚ ﻗﻠﺖ ﻳﺒﻮ ﻳﺨﺮﺑﻮ ﺑﻴﻨﻲ ﻭﺑﻴﻨﻚ ، ﺑﺲ ﺍﻧﺖ ﺷﻨﻮ ﺟﺘﻨﻲ ﻛﻴﻒ ﺍﻟﺜﻮﺭ ﺍﻟﻬﺎﻳﺞ ، ﻭﺑﻌﺪﻫﺎ ﻣﺎﺣﻜﻴﺘﻠﻚ ﻗﺎﻋﺪ ﻣﺶ ﻣﺼﺪﻗﻨﻲ ، ﻣﺶ ﻣﺴﺘﻌﺪﻩ ﻧﻌﻴﺶ ﻣﻌﺎﻙ ﻓﻲ ﻗﻠﺔ ﺛﻘﻪ ، ﻭﺍﻣﺸﺖ ﺟﻬﺔ ﺍﻟﺪﻭﻻﺏ
ﺃﻳﻤﻦ ﻟﻒ ﺟﻴﻬﺘﻬﺎ : ﺑﺎﻩ ﺍﺳﻒ ﻭﺍﻟﻠﻪ ﺍﻟﻲ ﺗﺒﻴﻬﺎ ﺣﺎﺿﺮ ، ﻭﺍﻟﻠﻪ ﻧﻌﺮﻑ ﺭﻭﺣﻲ ﻏﺒﻲ ﻭﻟﻤﺎ ﻧﺘﻌﺼﺐ ﻣﺎﻧﺸﻮﻑ ﻓﻲ ﺷﻲ ﻗﺪﺍﻣﻲ ﺑﺲ ﻭﺍﻟﻠﻪ ﻧﺤﺒﻚ ، ﻭﻗﺪﻡ ﺟﻬﺘﻬﺎ ﺷﺪ ﻳﺪﻫﺎ : ﻫﺠﻮﺭﺓ ﺣﺒﻴﺒﺘﻲ ﺍﺳﻒ
ﻫﺎﺟﺮ ﻓﻜﺖ ﻳﺪﻩ ﺑﻘﻮﻭﺓ ، ﻭﻃﻠﻌﺖ ﻋﺒﺎﻳﻪ ﻣﻦ ﺍﻟﺪﻭﻻﺏ ، ﻭﻗﻌﺪﺕ ﺗﻠﺒﺲ ﻓﻴﻬﺎ ﻭﺩﻣﻮﻋﻬﺎ ﻳﻨﺰﻟﻮ : ﺑﺘﻮﺻﻠﻨﻲ ﻭﺍﻻ ﻧﻜﻠﻢ ﻣﺤﻤﺪ
ﺃﻳﻤﻦ : ﺑﺎﻩ ﻧﺮﻓﻌﻚ ﺍﻣﺘﻰ ﻣﺎﺗﺒﻲ ﺑﺲ ﻣﺎﺗﻤﺸﻴﺶ ﻭﺍﻧﺘﻲ ﺯﻋﻼﻧﻪ ﻣﻨﻲ
ﻫﺎﺟﺮ ﻟﻔﺖ ، ﻃﻠﻌﺖ ﻭﺷﺎﺡ ﻭﻗﻌﺪﺕ ﺗﻠﻒ ﻓﻴﻪ ، ﻭﻗﺪﻣﺖ ﻉ ﺍﻟﺸﻜﻤﺎﺟﺔ ﺍﺧﺪﺕ ﺗﻠﻴﻔﻮﻧﻬﺎ
ﺃﻳﻤﻦ ﻳﻠﻮﺩ ﻭﺭﺍﻫﺎ ﻭﻳﺘﺄﺳﻒ ﻭﻳﻌﺎﻭﺩ
ﻫﺎﺟﺮ ﻓﺘﺤﺖ ﺗﻠﻴﻔﻮﻧﻬﺎ
ﺃﻳﻤﻦ ﺟﺒﺪﻩ ﻣﻨﻬﺎ : ﻻﺍ ﻣﺎﺗﻜﻠﻤﻴﺸﻲ ﺑﺎﻫﻲ ﺗﻮ ﻧﺮﻓﻌﻚ ، ﻟﻜﻦ ﻏﺪﻭﺓ ﺗﺮﻭﺣﻲ ﻣﻌﺎﻱ
ﻫﺎﺟﺮ ﺷﺎﻓﺘﻠﻪ : ﻟﻤﺎ ﺗﺤﺘﺮﻣﻨﻲ ﺑﻌﺪﻫﺎ ﻧﺮﻭﺡ ﻣﻌﺎﻙ
ﺃﻳﻤﻦ ﻳﺸﺪﻫﺎ ﻣﻦ ﻳﺪﻳﻬﺎ : ﺍﺳﻒ ﺣﺒﻴﺒﺘﻲ ﺑﺎﻟﻠﻪ ﻋﻠﻴﻚ ﺳﺎﻣﺤﻴﻨﻲ
ﻫﺎﺟﺮ ﺩﻣﻮﻋﻬﺎ ﻳﻨﺰﻟﻮ ، ﻭﻣﻠﻔﺘﻪ ﻭﺟﻬﻬﺎ ﻟﻠﺠﻬﺔ ﺍﻟﺘﺎﻧﻴﻪ : ﻫﻴﺎ ﺑﻨﻤﺸﻲ
ﺃﻳﻤﻦ : ﺑﺎﻩ ﺍﺭﻓﻌﻲ ﻣﻌﺎﻙ ﻟﺒﺴﺔ ﻭﺣﺪﺓ ﻉ ﺍﻻﻗﻞ ، ﻣﺎﺗﺮﻓﻌﻴﺶ ﻫﻠﺒﺎ ﺣﻮﺍﻳﺞ ﺍﺭﻓﻌﻲ ﺩﺍﺏ ﻣﺎﺗﺒﺪﻟﻲ ﺑﺲ ، ﻏﺪﻭﺓ ﺑﻨﺮﻭﺡ ﺑﻴﻚ ﺑﺎﻫﻲ ، ﻫﺠﻮﻭﺭﺓ ، ﺭﺩﻱ ﻋﻠﻴﺎ
ﻫﺎﺟﺮ ﻓﻜﺖ ﻳﺪﻳﻬﺎ ﻭﺍﻣﺸﺖ ﻃﻠﻌﺖ ﺷﻨﻄﺔ ﺻﻐﻴﺮﺓ ، ﺣﻄﺖ ﻓﻴﻬﺎ ﺯﻭﺯ ﻟﺒﺴﺎﺕ ، ﻭﺣﺎﺟﺎﺗﻬﺎ
ﺃﻳﻤﻦ ﻳﻠﻮﺩ ﻭﺭﺍﻫﺎ ﻭﻧﺎﺩﻡ
ﻫﺎﺟﺮ ﻃﻠﻌﺖ ﻗﺒﻠﻪ ﻣﻦ ﺍﻟﺪﺍﺍﺍﺭ
ﻓﺘﺤﺖ ﺑﺎﺏ ﺍﻟﺤﻮﺵ ﻭﻃﻠﻌﺖ ﻭﻗﻔﺖ ﻗﺪﺍﻡ ﺍﻟﺴﻴﺎﺭﺓ
ﺃﻳﻤﻦ ﺍﺧﺪﻱ ﻣﻔﺘﺎﺡ ﺍﻟﺴﻴﺎﺭﺓ ، ﻓﺘﺤﻠﻬﺎ ﺍﻟﺴﻴﺎﺭﺓ ، ﻭﻗﺪﻡ ﺑﺨﻄﻮﺍﺕ ﺳﺮﻳﻌﻪ ﻓﺘﺤﻠﻬﺎ ﺑﺎﺏ ﺍﻟﺴﻴﺎﺭﺓ ، ﺭﻛﺒﺖ ﻭﺳﻜﺮ ﺍﻟﺒﺎﺏ
ﻫﺎﺟﺮ ﺍﺑﺘﺴﻤﺖ ﺑﻘﻬﺮ ، ﻭﻓﻲ ﺛﻮﺍﻧﻲ ﺍﺧﺘﻔﺖ ﺍﻻﺑﺘﺴﺎﻣﻪ ﻟﻤﺎ ﻭﺟﻌﻬﺎ ﺧﺪﻫﺎ
ﺃﻳﻤﻦ ﺭﻛﺐ ﺍﻟﺴﻴﺎﺭﺓ ، ﻭﻟﻊ ﻭﻗﻌﺪ ﻳﻄﻮﻝ ﻓﻲ ﺍﻟﻄﺮﻳﻖ ، ﻭﻛﺎﻥ ﻳﻠﻘﻰ ﻳﻮﻟﻲ ﺑﻴﻬﺎ ، ﺑﺲ ﻋﺎﺭﻑ ﺭﻭﺣﻪ ﻏﻠﻂ ﻏﻠﻄﺔ ﻛﺒﻴﺮﺓ ، ﻭﻫﺎﺟﺮ ﻣﺶ ﺣﺘﺮﺿﻰ
،،،،،،
ﺛﺎﻧﻲ ﻳﻮﻡ
...........
# ﻳﺘﺒﻊ
VOUS LISEZ
ﺳﻨﺪ ﺍﻻﻧﺜﻰ ﺭﺟﻞ shosho_shosho
Roman d'amourرواية غروباية مميزة بقلم الكاتبة #شوشوshosho_shosho > " ﺳﻨﺪ ﺍﻷﻧﺜﻰ ﺭﺟﻞ "
