ﺍﻟﺤﻠﻘﺔﺓ ﺍﻟﺜﺂﻣﻨﺔﺓ
ﻣﻦ ﺭﻭﺍﻳﺔ - - "<- # ﺳﻨــﺪ _ ﺍﻷﻧﺜــﻰ _ ﺭﺟــﻞ "
ﺍﻧﻲ : ﻧﺮﺟﺲ ﺍﺣﻜﻲ ﺷﻦ ﻑ
ﻧﺮﺟﺲ : ﻋﻤﺘﻲ ﻓﺎﺩﻳﺔ ﺍﻻﻳﺎﻡ ﺍﻟﻲ ﻓﺎﺗﻮ ﺩﺍﺭﺕ ﺗﺤﻠﻴﻼﺕ ﻭﺭﻧﻴﻦ ﻭﺍﻟﻴﻮﻡ ﻃﻠﻌﺖ ﺍﻟﻨﺘﻴﺠﺔ ﻃﻠﻊ ﻋﻨﺪﻫﺎ ﺳﺮﻃﺎﻥ ﺍﻟﺜﺪﻱ ﻭﻫﻲ ﻟﻴﻬﺎ ﻓﺘﺮﺓ ﺗﺤﺲ ﺑﺎﻻﻋﺮﺍﺽ ﺑﺲ ﺳﺎﻛﺘﻪ ﻭﺍﻧﺘﻲ ﺗﻌﺮﻓﻴﻬﺎ ﻣﺶ ﻣﻬﺘﻤﻪ ﺑﺮﻭﺣﻬﺎ ﺑﻜﻞ
ﺍﻧﻲ : ﺣﻄﻴﺖ ﻳﺪﻱ ﻋﻠﻲ ﻓﻤﻲ ﻭﻋﻴﻮﻧﻲ ﺍﻧﻔﺘﺤﻮﻭ ﻻﺇﺭﺍﺩﻳﺎ ﻣﻦ ﺍﻟﺼﺪﻣﻪ ﺍﻟﻲ ﻋﻄﺘﻬﺎﻟﻲ ﻧﺮﺟﺲ : ﺑﺎﻩ ﺑﺎﻩ ﺷﻦ ﻗﺎ ﺍﻟﻮﻟﻬﺎ
ﻧﺮﺟﺲ : ﻣﻨﺘﺸﺮ ﻫﻠﺒﺎ ﻭﻏﺪﻭﺓ ﺑﻴﺪﻳﺮﻭﻟﻬﺎ ﺍﻟﻌﻤﻠﻴﺔ ﻻﺯﻡ ﻳﻨﺤﻮ ﺍﻟﺼﺪﺭ
ﺍﻧﻲ : ﻻﺍﻟﻪ ﺍﻻ ﺍﻟﻠﻪ ﺍﻟﻠﻬﻢ ﺍﻧﻲ ﻻﺍﺳﺎﻟﻚ ﺭﺩ ﺍﻟﻘﻀﺎﺀ ﻭﻟﻜﻨﻲ ﺍﺳﺎﻟﻚ ﺍﻟﻠﻄﻒ ﻓﻴﻪ
" ﻫﺎﺩﻱ ﺍﻣﻲ ﺍﻟﺜﺎﻧﻴﺔ ﻣﺶ ﺑﺲ ﻋﻤﺘﻲ ﺍﻣﻲ ﺍﻟﻲ ﻣﺮﺿﻌﺘﻨﻲ ﺍﻣﻨﺎ ﺍﻟﻲ ﻭﻗﻔﺖ ﻣﻌﺎﻧﺎ ﻓﻲ ﻭﻓﺎﺓ ﺑﺎﺑﺎ ﻭﻣﺎﺳﻴﺒﺘﻨﺎ ﻟﻴﻦ ﻭﻗﻔﻨﺎ ﻋﻠﻲ ﺭﺟﻠﻴﺎﺍ ﺳﺎﻧﺪﺕ ﻣﺎﻣﺎ ﻫﻠﺒﺎ ﻭﺳﺎﻋﺪﺗﻬﺎ " ﺭﺑﻲ ﻳﺸﻔﻴﻬﺎ ﻳﺎﺍﺭﺏ ﻗﻠﺘﻬﺎ ﻭﺍﻧﻲ ﺍﻟﻌﺒﺮﺓ ﺧﺎﻧﻘﺘﻨﻲ ﻭﻣﻌﺎﺵ ﻗﺪﺭﺕ ﻧﺸﺪ ﺩﻣﻮﻋﻲ ﺑﺪﻳﺖ ﻧﺒﻜﻲ ﻭﺧﺎﻳﻔﻪ ﻋﻠﻲ ﻋﻤﻴﻴﻤﻪ ﺑﺠﺪ ﺭﺑﻲ ﻳﺼﺒﺮﻫﺎ ﺑﻌﺪﻳﻦ ﺗﺬﻛﺮﺕ ﻣﺎﻣﺎ ﺳﺎﻟﺖ ﻧﺮﺟﺲ ﺑﻌﺪ ﻣﺎﻣﺴﺤﺖ ﺩﻣﻮﻋﻲ : ﺑﺎﺍﻩ ﻭﻣﺎﻣﺎ ﻟﻴﺶ ﻣﺎﺗﺮﺩﺵ ﺍﻣﺸﺘﻠﻬﺎ
ﻧﺮﺟﺲ : ﻣﺎﻣﺎ ﻭﻧﻮﺍﻝ ﻋﻨﺪﻫﺎ ﻣﻦ ﺍﻟﻈﻬﺮ ﻭﻧﻮﺭﺱ ﺍﻣﺸﺖ ﻟﺤﻨﻴﻨﻪ ﻻﻧﻬﺎ ﺗﻘﺮﺍ ﻭﻣﺎﻗﺪﺭﺗﺶ ﺗﻤﺸﻲ ﻣﻌﺎﻫﻢ
ﺍﻧﻲ : ﺑﺎﺍﻩ ﺧﻠﻲ ﻧﺘﺼﻞ ﺑﺄﻳﻤﻦ ﻧﺸﻮﻑ ﺣﺎﻝ ﻋﻤﺘﻲ ﺭﻧﻴﺖ ﻋﻠﻲ ﺍﻳﻤﻦ ﻭﺭﺩ ﻋﻠﻰ ﻃﻮﻭﻝ ﻭﻛﺎﻥ ﻭﺍﺿﺢ ﻣﻦ ﺻﻮﺗﻪ ﺍﻧﻪ ﻣﺘﻀﺎﻳﻖ ﻭﻣﺨﻨﻮﻕ : ﺍﻟﻮ ﻧﺴﻴﺒﺔ
ﺍﻧﻲ : ﺍﻫﻠﻴﻦ ﺍﻳﻤﻦ ﻛﻴﻒ ﺣﺎﻟﻚ
ﺍﻳﻤﻦ : ﺍﻟﺤﻤﺪ ﻟﻠﻪ ﻛﻴﻒ ﺣﺎﻟﻚ ﺍﻧﺘﻲ ﺍﻟﻴﻮﻡ ﺍﺳﻒ ﻣﺎﺟﻴﺘﻜﺶ ﺻﺎﺭﻟﻲ ﺷﻐﻞ " ﻳﺒﻴﺶ ﻳﻘﻮﻟﻲ ﻋﻠﻲ ﺍﺳﺎﺱ "
ﺍﻧﻲ : ﺍﻳﻤﻦ ﺭﺍﺍﻫﻮ ﻧﺮﺟﺲ ﻗﺎﻟﺘﻠﻲ ﻭﺍﻧﻲ ﻣﺘﺼﻠﻪ ﺑﻨﺘﻄﻤﻦ ﻋﻠﻲ ﻋﻤﺘﻲ
ﺍﻳﻤﻦ : ﺗﻲ ﻟﻴﺶ ﻗﺎﻳﻠﺔ ﺍﻟﺰ .... ﻭﺳﻜﺖ
ﺍﻧﻲ : ﺍﻳﻤﻦ ﺍﻫﺪﺃ ﺍﻧﻲ ﻣﺶ ﻋﻴﻠﺔ ﺻﻐﻴﺮﺓ ﻭﺑﻌﺪﻳﻦ ﻫﺎﺩﻱ ﺍﻣﻲ ﺍﻟﺜﺎﺍﻧﻴﺔ ﻭﻣﻦ ﺣﻘﻲ ﻧﻌﺮﻑ ﻃﻤﻨﻲ ﻋﻠﻴﻬﺎ ﺑﺎﻟﻠﻪ ﻭﺷﻦ ﻗﺎﻟﻮﻟﻬﺎ ﺍﻟﺪﻛﺎﺗﺮﺓ ﻭﻳﻌﻨﻲ ﺗﺘﻌﺎﻟﺞ ﺍﻥ ﺷﺎﺀ ﺍﻟﻠﻪ
ﺍﻳﻤﻦ : ﻏﺪﻭﺓ ﺑﻴﺪﻳﺮﻭﻟﻬﺎ ﻋﻤﻠﻴﺔ ﻭﺑﻌﺪﻫﺎ ﺗﺒﺪﺍ ﺗﺪﻳﺮ ﺟﻠﺴﺎﺕ ﻛﻴﻤﺎﻭﻱ ﺑﺲ ﺍﻟﻤﺸﻜﻠﺔ ﺍﻧﻪ ﺍﻣﻲ ﻣﻨﻬﺎﺭﺓ ﻫﻠﺒﺎ ﻭﻧﻔﺴﻴﺘﻬﺎ ﺻﻔﺮ ﻣﺮﺕ ﺧﺎﻟﻲ ﻣﻦ ﺍﻟﻈﻬﺮ ﻋﻨﺪﻫﺎ ﻭﻫﻲ ﺗﺤﺎﻭﻝ ﺗﺼﺒﺮﻫﺎ ﻭﻗﺎﻋﺪﻩ ﻣﺎﻭﻗﻔﺘﺶ ﺑﻜﻲ ﻟﺘﻮﺍﺍ ﻭﻧﺺ ﺍﻟﻌﻼﺝ ﺍﻧﻬﺎ ﺗﻜﻮﻥ ﻧﻔﺴﻴﺘﻬﺎ ﻛﻮﻳﺴﺔ
ﺍﻧﻲ : ﻳﺎﺍﺭﻭﺣﻲ ﻳﺎﺍﻋﻤﺘﻲ ﻳﺎﺍﺭﻳﺘﻨﻲ ﺟﻨﺒﻬﺎ ﺗﻮﺍ
ﺍﻳﻤﻦ : ﺍﻧﺘﻲ ﻣﺎﺗﺪﻭﺭﻱ ﺷﻲ ﻳﻮﻣﻴﻦ ﻭﺗﻄﻠﻌﻲ ﺍﻥ ﺷﺎﺀ ﺍﻟﻠﻪ
ﺍﻧﻲ : ﺍﻟﺪﻛﺘﻮﺭ ﺍﻟﻴﻮﻡ ﻗﺎﻟﻲ ﻣﺶ ﻋﺎﻃﻴﻚ ﺧﺮﻭﺝ ﻗﺒﻞ ﺍﺭﺑﻊ ﺍﻳﺎﻡ
ﺍﻳﻤﻦ : ﻋﻼﺍﺵ ؟؟
ﺍﻧﻲ : ﺃﺃﺃ ﻣﺎﻧﻌﺮﻓﺶ
ﺍﻳﻤﻦ : ﻣﺎﺗﺎﻛﻠﻴﺶ ﻭﺍﻻ ﻣﺶ ﻣﻬﺘﻤﻪ ﺑﺼﺤﺘﻚ ﻭﺍﻻ ﻗﺎﻟﻬﺎ ﻭﻫﻮ ﻳﻜﺸﺦ ﺑﺼﻮﺕ ﻋﺎﻟﻲ
ﺍﻧﻲ : ﺳﺎﺍﻛﺘﻪ ﻭﺧﻼﺹ ﻫﻮ ﻣﻌﺼﺐ
ﺍﻳﻤﻦ : ﺭﺩﻱ ﻛﻼﺍﻣﻲ ﺻﺢ ﻭﺍﻻ ﻋﻼﺵ ﻳﺎﺍﻧﻮﺳﺔ ﻋﻼﺵ ﺑﺎﻟﻠﻪ ﻋﻠﻴﻚ ﺩﻳﺮﻱ ﺑﺎﻟﻚ ﻉ ﺭﻭﺣﻚ ﻭﺍﻟﻠﻪ ﻏﺎﻟﻴﺔ ﻋﻠﻴﺎ ﻭﺍﻟﻠﻪ ﻛﻞ ﻣﺎﺗﺼﻴﺮﻟﻚ ﺣﺎﺟﺔ ﺿﻤﻴﺮﻱ ﻳﺄﻧﺒﻨﻲ ﺧﺎﻟﻲ ﻣﻮﺻﻴﻨﻲ ﻋﻠﻴﻚ ﻭﺍﻧﻲ ﺑﺼﺮﺍﺣﺔ ﻋﺠﺰﺕ ﻻﻧﻚ ﻣﺶ ﻣﻬﺘﻤﻪ ﺑﺮﻭﺣﻚ ﺑﻜﻞ ﻭﻣﺎﺗﺪﻭﺭﻳﺶ ﻓﻲ ﺻﺤﺘﻚ
ﺍﻧﻲ : ﻗﻠﺖ ﻓﻲ ﺧﺎﻃﺮﻱ ﻛﻼﻡ ﺍﻳﻤﻦ ﺻﺢ ﺍﻧﻲ ﻻﺯﻡ ﻧﺪﻳﺮ ﺑﺎﻟﻲ ﻋﻠﻲ ﺭﻭﺣﻲ ﺣﺘﻰ ﻋﻠﻲ ﺷﺎﺍﻥ ﺍﻟﻨﺎﺱ ﺍﻟﻲ ﻳﺤﺒﻮﻧﻲ ﻭﻳﻬﺘﻤﻮ ﺑﻴﺎ ﻭﻟﻴﺪ ﻣﺎﺕ ﻭﻛﺎﻥ ﺩﻳﻤﺎ ﻳﻮﺻﻲ ﻓﻴﺎ ﻋﻠﻲ ﺭﻭﺣﻲ ﻻﺍﺯﻡ ﻧﻮﻗﻒ ﻋﻠﻲ ﺭﺟﻠﻴﺎ ﻭﻣﺎﻧﻜﻮﻧﺶ ﺿﻌﻴﻔﻪ ﻫﻜﻲ ﻭﻟﻴﺪ ﻛﺎﻥ ﺩﻳﻤﺎ ﻳﻘﻮﻟﻲ ﺧﻠﻴﻚ ﻗﻮﻳﺔ ﻳﺎﻧﻮﺳﺔ ﺧﻼﺍﺹ ﻳﺎﺍﻭﻟﻴﺪ ﺣﺎﺿﺮ ﺣﻨﻜﻮﻥ ﻗﻮﻭﻳﺔ ﻭﺣﻨﺪﻋﻴﻠﻚ ﺭﺑﻲ ﻳﺮﺣﻤﻚ ﻧﺴﻴﺖ ﺍﻳﻤﻦ ﺍﻟﻲ ﻉ ﺍﻟﺨﻂ ﻟﻴﻦ ﻫﻮ ﻓﻴﻘﻨﻲ ﻣﻦ ﺳﺮﺣﺘﻲ : ﺍﻟﻮﻭﻭ ﻧﺴﻴﺒﺔ ﻣﻌﺎﻱ ﺍﻧﺘﻲ
ﺍﻧﻲ : ﺣﺎﺿﺮ
ﺍﻳﻤﻦ : ﺗﻲ ﺷﻦ ﺣﺎﺍﺿﺮ ﺍﻧﺘﻲ ﺗﻜﻠﻤﻲ ﻓﻴﺎ
ﺍﻧﻲ : ﻫﻪ ﺍﻳﻪ ﺣﺎﺿﺮ ﻗﺼﺪﻱ ﺣﻨﺪﻳﺮ ﺑﺎﻟﻲ ﻋﻠﻲ ﺭﻭﺣﻲ
ﺍﻳﻤﻦ : ﻣﺠﻘﺠﻘﻪ
ﺍﻧﻲ : ﻣﻘﺒﻮﻟﺔ ﻣﻨﻚ ﻳﺎﺧﻮﻱ
ﺍﻳﻤﻦ : ﺑﺎﻩ ﻳﺎﺍﺧﺘﻲ ﺗﻮﺍ ﺑﻨﺮﻭﺡ ﺑﺎﻣﻚ ﻻﻧﻪ ﻟﻴﻞ ﻭﺑﻨﺠﻴﺐ ﻋﻠﻴﺎ ﺗﺒﺎﺕ ﻣﻊ ﻋﻤﺘﻲ
ﺍﻧﻲ : ﻫﻲ ﻓﻲ ﺍﻣﺎ ﻣﺴﺘﺸﻔﻰ
ﺍﻳﻤﻦ : ﻣﺴﺘﺸﻔﻰ ****
ﺍﻧﻲ : ﺍﻫﺎ ﺑﺎﺍﻩ ﺧﻼﺹ ﻓﻲ ﺣﻔﻆ ﺍﻟﻠﻪ
ﺍﻳﻤﻦ : ﺳﻼﻡ
ﻧﺮﺟﺲ : ﺷﻦ ﺣﺎﻟﻬﺎ ﺗﻮﺍ
ﺍﻧﻲ : ﻗﺎﻝ ﻧﻔﺴﻴﺘﻬﺎ ﺗﻌﺒﺎﻧﻪ ﻭﺗﺒﻜﻲ ﻭﺧﻼﺹ ﺣﺘﻰ ﻣﺎﻣﺎ ﻣﺎﻗﺪﺭﺗﺶ ﺗﻬﺪﻳﻬﺎ
ﻧﺮﺟﺲ : ﻣﺴﻜﻴﻨﻪ ﺭﺑﻲ ﻳﺼﺒﺮﻫﺎ
ﺍﻧﻲ : ﺭﺑﻲ ﻳﺸﻔﻴﻬﺎ ﻳﺎﺭﺏ ﻧﺮﺟﺲ ﻣﺪﻳﻠﻲ ﺍﻟﺮﺷﺎﺩﺓ ﺑﻨﺘﻴﻤﻢ ﺑﻨﺼﻠﻲ
ﻧﺮﺟﺲ : ﺷﻦ ﺑﺘﺼﻠﻲ ﺍﻟﻌﺸﻲ ﻣﺰﺍﻝ
ﺍﻧﻲ : ﺑﻨﺼﻠﻲ ﺭﻛﻌﺘﻴﻦ ﺍﻧﻪ ﺭﺑﻲ ﻳﺼﺒﺮﻧﻲ ﻋﻠﻲ ﺍﻟﺼﺪﻣﺎﺕ ﺍﻟﻲ ﺗﺠﻴﻨﻲ ﻭﺍﻟﻨﺎﺱ ﺍﻟﻐﺎﻟﻴﺔ ﻋﻠﻴﺎ ﻛﻠﻬﺎ ﺗﺮﻳﺢ ﻣﻨﻲ ﺭﺍﺣﻮ ﺍﻏﻠﻰ ﺍﺗﻨﻴﻦ ﻭﺧﺎﻳﻔﻪ ﺣﺘﻰ ﺍﻣﻲ ﺍﻟﺘﺎﻧﻴﺔ ﺍﻣﻲ ﺍﻟﻲ ﺭﺿﻌﺘﻨﻲ ... ﺳﻜﺘﺖ ﻭﻭﺧﻨﻘﺘﻨﻲ ﺍﻟﻌﺒﺮﺓ ﺑﺲ ﺍﻟﻤﺮﺓ ﻫﺎﺩﻱ ﻗﺮﺭﺕ ﻧﺼﺪ ﺩﻣﻮﻋﻲ ﺗﻴﻤﻤﺖ ﻭﺻﻠﻴﺖ ﻭﺩﻋﻴﺖ ﻫﻠﺒﺎ ﺩﻋﻴﺖ ﺭﺑﻲ ﻳﺼﺒﺮﻧﻲ ﻭﻳﻘﻮﻳﻨﻲ ﻭﻳﺮﺣﻢ ﺑﺎﺑﺎ ﻭﺣﺒﻴﺒﻲ ﻭﻳﺸﻔﻲ ﻋﻤﻴﻤﻪ
ﻧﺮﺟﺲ : ﺭﺑﻲ ﻳﺘﻘﺒﻞ ﺣﺒﻴﺒﺘﻲ
ﺍﻧﻲ : ﺍﺟﻤﻌﻴﻦ ﻳﺎﺭﺏ
ﻧﺮﺟﺲ : ﺟﺎﺑﻮ ﻋﺸﻲ ﻫﻲ ﻛﻮﻟﻲ ﻧﻮﺳﺔ ﺣﺘﻰ ﺷﻮﻳﺔ
ﺍﻧﻲ : ﻣﺎﻛﺎﻧﺶ ﻋﻨﺪﻱ ﻧﻴﺔ ﺑﺲ ﺗﺬﻛﺮﺕ ﺍﻧﻲ ﻗﻠﺖ ﻻﻳﻤﻦ ﺣﻨﺪﻳﺮ ﺑﺎﻟﻲ ﻉ ﺭﻭﺣﻲ ﻳﻌﻨﻲ ﺑﻨﻬﺘﻢ ﺑﺼﺤﺘﻲ ﺧﺪﻳﺖ ﺍﻟﻜﺎﺷﻴﻚ ﻭﺑﺪﻳﺖ ﻧﺎﻛﻞ ﺑﻌﺪ ﺻﻴﺎﻡ ﺧﻤﺴﺔ ﺍﻳﺎﻡ ﺍﻛﻠﺖ ﻣﻌﺎﻱ ﻧﺮﺟﺲ ﻭﺳﺎﻳﺮﺗﻨﻲ ﻭﺑﻌﺪﻫﺎ ﺷﺪﺕ ﻛﺘﺎﺏ ﺭﻭﺍﻳﺔ ﻭﻗﻌﺪﺕ ﺗﻘﺮﺍ ﻓﻴﻪ ﻭﺍﻧﻲ ﻓﺘﺤﺖ ﺍﻟﺘﻲ ﻓﻲ ﻭﻗﻌﺪﺕ ﻧﺘﻔﺮﺝ ﻭﺑﻌﺪﻫﺎ ﺻﻠﻴﻨﺎ ﺍﻟﻌﺸﻲ ﻭﺭﺟﻌﺖ ﻟﻠﺘﻲ ﻓﻲ
ﺍﺣﺒﻬﻢ ﻟﻴﺶ ﺧﻠﻮﻧﻲ ﻓﻮﻭﻧﻲ ﻳﺮﻥ : ﺍﻟﻮ
ﻫﺎﺟﺮ : ﺍﻫﻠﻴﻦ ﻧﻮﺳﺘﻲ ﻛﻴﻒ ﺣﺎﻟﻚ ﺍﻟﻴﻮﻡ
ﺍﻧﻲ : ﻛﻠﻤﺔ ﻧﻮﺳﺘﻲ ﺩﺍﺭﺗﻠﻲ ﻏﺼﺔ ﻓﻲ ﻗﻠﺒﻲ ﻭﺗﺬﻛﺮﺕ ﻛﻴﻒ ﻛﺎﻥ ﻳﻘﻮﻟﻲ ﻓﻴﻬﺎ ﻭﻟﻴﺪ ﻭﺣﺘﻰ ﺑﺎﺑﺎ ﻣﺮﺍﺕ ﻳﻘﻮﻟﻲ ﻧﻮﺳﺘﻲ ﺍﺍﺍﻩ ﺗﻨﻬﺪﺕ ﻛﺎﺍﻧﻲ ﻧﺒﻲ ﻧﺤﻮﻝ ﺍﻟﻐﺼﺔ ﺍﻟﻲ ﻓﻲ ﻗﻠﺒﻲ ﻭﺍﻟﻬﻤﻮﻡ ﺍﻟﻲ ﻏﺎﻣﺔ ﻗﻠﺒﻲ ﺍﻟﺤﻤﺪ ﻟﻠﻪ ﺑﺨﻴﺮ ﻛﻴﻒ ﺣﺎﻟﻚ ﺍﻧﺘﻲ ﻗﻠﺘﻬﺎ ﻭﺣﺎﻭﻟﺖ ﻧﺨﻠﻲ ﺻﻮﺗﻲ ﻛﻮﻳﺲ ﻗﺪﺭ ﺍﻟﻤﺴﺘﻄﺎﻉ
ﻫﺎﺟﺮ : ﺍﻟﺤﻤﺪ ﻟﻠﻪ ﺗﻤﺎﻡ ﺍﺳﺘﺎﺣﺸﺘﻚ ﺗﻌﺮﻓﻲ ﻫﻴﺎﺍ ﺍﻃﻠﻌﻲ ﺑﺴﺮﻋﻪ ﺍﻟﺠﺎﻣﻌﻪ ﻣﻦ ﻏﻴﺮﻙ ﻳﻌﻊ
ﺍﻧﻲ : ﻣﺰﺍﻝ ﻣﺶ ﺣﻨﻘﺪﺭ ﻧﻤﺸﻲ ﻟﻴﻦ ﻳﺘﺤﻮﻝ ﺍﻟﺠﺒﺲ ﻣﻦ ﺭﺟﻠﻲ
ﻫﺎﺟﺮ : ﺭﺑﻲ ﻳﺼﺒﺮﻧﻲ ﻣﻌﻨﺎﻫﺎ ﻏﺪﻭﺓ ﺍﻥ ﺷﺎﺀ ﺍﻟﻠﻪ ﻛﺎﻥ ﺣﺼﻠﺖ ﻣﻦ ﻳﺠﻴﺒﻨﻲ ﺑﻨﺠﻴﻚ
ﺍﻧﻲ : ﺍﻥ ﺷﺎﺀ ﺍﻟﻠﻪ ﺍﻣﻤﻢ ﻭﻧﺒﻲ ﺷﻴﺘﺎﺕ ﺍﻟﻤﺤﺎﺿﺮﺍﺕ ﺍﻟﻲ ﻓﺎﻳﺘﺘﻨﻲ ﻣﺎﻧﺒﻲ ﺷﻲ ﻳﻔﻮﺗﻨﻲ ﻭﻉ ﺍﻻﻗﻞ ﻧﻘﺮﺍ ﻭﻧﻀﻴﻊ ﻭﻗﺘﻲ ﺷﻮﻳﺔ
ﻫﺎﺟﺮ : ﺣﺴﻴﺘﻬﺎ ﻓﺮﺣﺖ ﻟﻤﺎ ﻋﺮﻓﺖ ﺍﻧﻲ ﺑﻨﻘﺮﺍ ﻭﻇﺮﻭﻓﻲ ﻣﺶ ﺣﺘﺄﺛﺮ ﻓﻲ ﻗﺮﺍﻳﺘﻲ ﻭﻛﺎﻧﺖ ﻓﺮﺣﺘﻬﺎ ﻭﺍﺿﺤﺔ ﻣﻦ ﺍﻟﻨﺒﺮﺓ ﺍﻟﻲ ﻗﺎﻟﺖ ﺑﻴﻬﺎ ﺑﺤﻤﺎﺱ ﺣﺎﺍﺍﺿﺮ
ﺍﻧﻲ : ﻳﺤﻀﺮﻟﻚ ﺍﻟﺨﻴﺮ ﻛﻴﻒ ﺣﺎﻝ ﻋﻴﻠﺘﻜﻢ
ﻫﺎﺟﺮ : ﺑﺨﻴﺮﺭ ﺍﻟﺤﻤﺪ ﻟﻠﻪ ﻣﺎﻣﺎ ﺗﺘﺤﻤﺪﻟﻚ ﻋﻠﻲ ﺳﻼﻣﺘﻚ ﻭﻣﺎﻓﻀﺘﺶ ﺍﻻﻳﺎﻡ ﺍﻟﻲ ﻓﺎﺗﻮ ﻳﻤﻜﻦ ﻏﺪﻭﺓ ﺗﺠﻲ ﻣﻌﺎﻱ
ﺍﻧﻲ : ﺍﻟﻠﻪ ﻳﺴﻠﻤﻬﺎ ﺑﺎﺭﻙ ﺍﻟﻠﻪ ﻓﻴﻬﺎ ﻣﺎﻓﻴﺶ ﺩﺍﻋﻲ ﺍﺗﻌﺐ ﺭﻭﺣﻬﺎ
ﻫﺎﺟﺮ : ﺣﻲ ﺗﻌﺮﻓﻲ ﻣﻦ ﺧﺎﺵ ﻋﻠﻴﺎ ﺍﻧﺘﻈﺎﺭ
ﺍﻧﻲ : ﻣﻨﻮﻭ
ﻫﺎﺟﺮ : ﻣﻮﺳﻰ
ﺍﻧﻲ : ﺷﻦ ﻳﺒﻲ ﻫﺬﺍ
ﻫﺎﺟﺮ : ﺳﻜﺮﻱ ﺳﻜﺮﻱ ﺧﻠﻲ ﻧﺮﺩ ﻋﻠﻴﻪ ﻧﻌﻄﻴﻪ ﻛﻠﻤﺎﺕ ﻋﻠﻲ ﺭﺍﺳﻪ ﺑﺎﺍﻫﻴﺎﺕ ﺑﺎﻟﻚ ﻳﻠﻢ ﻛﺮﺍﻣﺘﻪ ﻭﻳﻘﻠﺐ ﻭﺟﻬﻪ ﻳﺤﺴﺎﺑﻨﻲ ﻋﻠﻲ ﺣﺴﺎﺑﻪ
ﺍﻧﻲ : ﻫﻬﻬﻪ ﻭﺳﻌﻲ ﺑﺎﻟﻚ ﻫﻲ ﺳﻼﻡ
ﺳﻜﺮﺕ ﻭﺳﻜﺮﺕ ﺍﻟﺘﻲ ﻓﻲ ﻭﺍﺗﻜﻴﺖ ﻋﻠﻲ ﻣﺨﺪﺗﻲ ﻭﻛﻴﻒ ﺑﻨﻐﻤﺾ ﻋﻴﻮﻧﻲ
ﻧﺮﺟﺲ : ﺗﺒﻲ ﺣﺎﺟﺔ ﻧﻮﺳﺔ ﺍﻧﻲ ﺑﻨﻄﻠﻊ ﻧﺘﻤﺸﻰ ﺣﺘﻰ ﻓﻲ ﺍﻟﻤﻤﺮ ﺷﻮﻳﺔ
ﺍﻧﻲ : ﺳﻼﻣﺘﻚ ﻋﻠﻲ ﺭﺍﺣﺘﻚ ﺩﻳﺮﻱ ﺑﺎﻟﻚ ﻉ ﺭﻭﺣﻚ
ﻧﺮﺟﺲ : ﺍﻭﻛﻲ ﻭﻃﻠﻌﺖ ﻧﺮﺟﺲ ﻭﻗﻌﺪﺕ ﺗﺘﻤﺸﻰ ﻓﻲ ﺍﻟﻤﻤﺮ ﻭﺑﻌﺪﻫﺎ ﺗﻌﺮﻓﺖ ﻋﻠﻲ ﺑﻨﺖ ﻓﻲ ﺳﻨﻬﺎ ﻭﻗﻌﺪﺕ ﺗﻬﺪﺭﺯ ﻣﻌﺎﻫﺎ
.....
ﺍﻣﺎ ﻋﻨﺪ ﻧﻮﺍﻝ ﻓﺮﻭﺡ ﺑﻴﻬﻢ ﺍﻳﻤﻦ ﻟﻠﺤﻮﺵ ﻭﺟﺎﺏ ﻋﻠﻴﺎ ﻻﻣﻪ ﺗﺒﺎﺕ ﻋﻨﺪﻫﺎ ﻧﻮﺍﻝ ﻓﺘﺤﺖ ﺍﻟﻔﻴﺲ ﺍﻟﻘﻴﺖ ﻣﺤﻤﻮﺩ ﻣﺎﻓﺘﺤﺶ ﻣﻦ ﻫﺪﺍﻛﺎ ﺍﻟﻴﻮﻡ : ﻏﺮﻳﺒﺔ ﺧﻴﺮﻩ ﻣﺎﻓﺘﺤﺶ ﺯﻋﻤﺎ ﺷﻦ ﺻﺎﻳﺮﻟﻪ ﺧﻠﻲ ﻧﺸﻮﻑ ﺻﻔﺤﺎﺕ ﺍﺻﺤﺎﺑﻪ ﺑﺎﻟﻚ ﺣﺎﻃﻴﻦ ﺣﺎﺟﺔ ﺧﺸﺖ ﻭﺗﺪﻭﺭ ﻣﺎﻟﻘﺘﺶ ﻋﻠﻴﻪ ﺍﻱ ﺧﺒﺮ ﺣﺎﺟﻪ ﻧﻐﺰﺗﻠﻬﺎ ﻗﻠﺒﻬﺎ ﻭﺑﻌﺪﻳﻦ ﻗﺎﻟﺖ : ﺍﺻﻼ ﺍﻧﻲ ﻟﻴﺶ ﻧﻔﻜﺮ ﻓﻴﻪ ﻣﻦ ﻫﻮﻭ ﺍﺻﻼ ﺍﻧﻲ ﻧﺴﺘﻨﻰ ﻓﻴﻪ ﺑﻴﺶ ﻳﺴﺎﻋﺪﻧﻲ ﺑﺲ ﻭﻳﺠﻴﺐ ﺍﺧﺒﺎﺭ ﻋﻠﻲ ﻭﻟﻴﺪ ﺑﺲ ﺍﺻﻼ ﺷﻦ ﺑﻴﺠﻴﺐ ﻋﻠﻴﻪ ﻳﻌﻨﻲ ﻛﻴﻒ ﻣﺎﺕ ﻫﺬﺍ ﻣﺶ ﺣﻴﺤﺴﻦ ﺷﻲ ﻋﻨﺪ ﻧﺴﻴﺒﺔ ﻳﻌﻨﻲ ﻣﻮﺿﻮﻉ ﻓﺎﺷﻞ ﻭﺑﻌﺪﻳﻦ ﺑﺮﻭﻓﺎﻳﻠﻪ ﻣﻌﺒﻲ ﺑﻨﺎﺕ ﻧﻤﺴﺤﻪ ﻭﻧﻔﻮﺗﻪ ﻭﺧﻼﺹ ﻭﺍﻻ ﺍﺧﻲ ﻧﻤﺴﺤﻪ ﻫﻜﻲ ﺍﻧﻲ ﻣﻔﺮﻭﺽ ﻣﺎﺣﻜﻴﺘﻼﺷﻲ ﻣﻦ ﺍﻻﻭﻝ ﻭﻻ ﺍﻋﻄﻴﺘﻪ ﺍﻟﺜﻘﺔ ﺍﻧﻲ ﻣﺎﻋﻤﺮﻱ ﻋﻄﻴﺖ ﺛﻘﻪ ﻻﻱ ﻣﻦ ﺟﻨﺲ ﺍﺩﻡ ﻟﻴﺶ ﺣﻜﻴﺘﻠﻪ ﻋﻼﺵ ﺣﺴﻴﺖ ﺭﻭﺣﻲ ﺿﻌﻴﻔﻪ ﻗﺪﺍﻣﻪ ﺧﻼﺍﺹ ﻧﻮﺍﻝ ﺑﻼﺵ ﺗﻜﺬﺑﻲ ﻋﻠﻲ ﺭﻭﺣﻚ ﻭﺗﺘﻈﺎﻫﺮﻱ ﺑﺎﺍﻧﻪ ﻣﺶ ﻫﺎﻣﻚ ﺣﺴﻴﺖ ﺑﺸﻲﺀ ﺗﺠﺎﻫﻪ ﻣﻦ ﺍﻭﻝ ﻣﺮﺓ ﺟﺬﺑﻨﻲ ﻭﺟﻬﻪ ﺍﻟﺸﺎﺣﺐ ﻭﺻﻮﺗﻪ ﺍﻟﻲ ﺑﺎﻳﻦ ﺍﻧﻪ ﻣﺨﻨﻮﻕ ﺟﺬﺑﺘﻨﻲ ﻧﻈﺮﻩ ﻋﻴﻮﻧﻪ ﺑﺲ ﺧﺎﺍﻳﻔﻪ ﻧﺤﺒﻪ ﻭﻧﺤﺼﻞ ﻫﻮ ﺑﺎﻳﻦ ﻋﻠﻴﻪ ﻳﻌﺮﻑ ﻫﻠﺒﺎ ﺑﻨﺎﺕ ﻟﻴﺶ ﺑﻴﺤﺒﻨﻲ ﺍﻧﻲ ﺑﺎﻟﺬﺍﺕ ﻻﺯﻡ ﻧﻨﻘﺬ ﺭﻭﺣﻲ ﻣﻦ ﺗﻮﺍ ﻭﻧﻨﺴﺤﺐ ﺍﻓﻀﻞ ﻣﻦ ﻧﺤﺼﻞ ﻭﻣﻌﺎﺵ ﻧﻌﺮﻑ ﻧﻨﺴﺎﻩ ﺳﻜﺮﺕ ﺍﻳﻤﻴﻠﻬﺎ ﻭﺩﺍﺭﺕ ﺍﻳﻤﻴﻞ ﺑﺎﺳﻢ ﺗﺎﻧﻲ
....
ﺍﻣﺎ ﻋﻨﺪ ﻣﺤﻤﻮﺩ ﻓﻜﺎﻥ ﻓﻲ ﺍﻟﻌﺰﻱ ﻭﺍﻟﺤﺰﻥ ﻭﺍﻟﺨﻨﻘﻪ ﻣﺶ ﻣﺴﻴﺒﺎﺗﻪ ﻳﺘﺎﻣﻞ ﻓﻲ ﻛﻞ ﻣﻜﺎﻥ ﻭﻳﺘﺨﻴﻞ ﻓﻲ ﻋﻠﻲ ﺻﺎﺣﺒﻪ ﻓﻴﻪ ﻳﺘﺬﻛﺮ ﻓﻲ ﺫﻛﺮﻳﺎﺗﻬﻢ ﻭﺯﺭﺍﺩﻳﻬﻢ ﻣﻊ ﺑﻌﺾ ﺧﺶ ﺭﻗﺪ ﻫﻮ ﻭﻋﻤﺮ ﻓﻲ ﺩﺍﺭ ﻋﻠﻲ
..
ﻓﺘﺤﺖ ﻋﻴﻮﻧﻲ ﻭﺣﺮﻛﺘﻬﻢ ﻓﻲ ﺍﻟﺼﻘﻒ ﺑﻤﻠﻞ ﻗﻌﺪﺕ ﻧﺘﺬﻛﺮ ﻗﺒﻞ ﺳﻨﺘﻴﻦ ﺍﻭﻝ ﻳﻮﻡ ﻟﻴﺎ ﻓﻲ ﺍﻟﺠﺎﻣﻌﻪ ﺍﻟﺴﺎﻋﻪ 8:30
ﻛﺎﻥ ﺑﺎﺑﺎ ﺭﺍﻓﻌﻨﻲ
ﺍﻧﻲ : ﺑﺎﺍﺑﺎ ﺑﺘﻨﺰﻝ ﻣﻌﺎﻱ ﺗﻮﺭﻳﻨﻲ ﻭﻳﻦ ﻧﻤﺸﻲ ﺭﺍﻫﻮ ﺍﻧﻲ ﻭﻫﺎﺟﺮ ﻣﺶ ﻋﺎﺭﻓﻴﻦ ﺷﻲ
ﺑﺎﺑﺎ : ﺣﻲ ﻉ ﺍﻟﺼﻐﻴﺮﺓ ﺍﻟﻲ ﺗﺒﻴﻨﻲ ﻧﺨﺶ ﻣﻌﺎﻫﺎ ﺑﺮﻱ ﺍﻧﺘﻲ ﻭﺍﺳﺘﻜﺸﻔﻲ ﺑﺮﻭﺣﻚ ﻭﺗﻌﺮﻓﻲ ﻋﻠﻲ ﺻﺎﺣﺒﺎﺕ ﻭﺍﺳﺎﻟﻲ
ﺍﻧﻲ : ﺑﺎﺑﺎ ﺑﺎﻟﻠﻪ ﻋﻠﻴﻚ ﻭﺭﺍﺍﺱ ﺑﺎﺑﺎ ﺍﻧﺰﻝ ﻣﻌﺎﻱ
ﺑﺎﺑﺎ : ﻧﻮﺳﺔ ﺑﻼ ﺩﻟﻊ ﺍﻧﺰﻟﻲ ﻭﺍﺳﺘﻜﺸﻔﻲ ﻣﺎﻧﻘﺪﺭﺵ ﻧﺘﺎﺧﺮ ﻉ ﺍﻟﺸﺮﻛﺔ ﻫﻲ ﺍﻧﺰﻟﻲ ﺑﺴﺮﻋﻪ ﻭﺭﺩﻱ ﺑﺎﻟﻚ ﻉ ﺭﻭﺣﻚ ﻭﻫﺎﻙ ﺧﻠﻲ ﻣﻌﺎﻙ ﻓﻠﻮﺱ ﺑﻴﺶ ﺗﻔﻄﺮﻱ ﺑﻴﻬﻢ
ﺍﻧﻲ : ﻣﺎﺍﺷﻲ ﺷﻜﺮﺍﺍ ﻣﻊ ﺍﻧﻲ ﺭﺍﺍﺍﻫﻮ ﺍﻧﻲ ﺗﻮﺍ ﺑﻨﻤﺸﻲ ﻭﺍﻧﻲ ﺯﻋﻼﺍﻧﻪ ﺯﻋﻼﺍﺍﻧﻪ ﺯﻋﻼﻧﻪ ﺍﻧﻲ ﻓﺘﺤﺖ ﺍﻟﺒﺎﺏ ﺗﻮﺍ ﻭﻓﺘﺤﺘﻪ ﻭﺍﻧﻲ ﺯﻋﻼﻧﻪ ﺯﻋﻼﻧﻪ ﺯﻋﻼﻧﻪ ﺭﺍﺍﻫﻮ ﺍﻧﻲ ﺑﻨﻨﺰﻝ ﺗﻮﺍ ﻭﺍﻧﻲ ﺯﻋﻼﻧﻪ ﺯﻋﻼﻧﻪ ﺯﻋﻼﻧﻪ
ﺑﺎﺑﺎ : ﻫﻬﻬﻬﻬﻬﻬﻪ ﺍﻧﺰﻟﻲ ﻳﺎﺯﻋﻼﻧﻪ ﺯﻋﻼﻧﻪ ﺯﻋﻼﻧﻪ ﻭﻛﺸﺦ ﺑﻌﺼﺒﻴﺔ ﻣﺼﻄﻨﻌﻪ ﺗﻲ ﻫﻴﺎﺍﺍ ﻭﻓﻨﺺ ﺑﺸﻜﻞ ﻛﺎﻥ ﻳﻀﺤﻚ ﺍﻛﺜﺮ ﻣﻦ ﻳﺨﻮﻑ
ﺍﻧﻲ : ﻫﻬﻬﻪ ﻣﺎﺷﻲ ﻣﺎﺷﻲ
ﻧﺰﻟﺖ ﺍﺗﺼﻠﺖ ﺑﺴﺎﺭﺓ ﺗﻼﻗﻴﺖ ﺍﻧﻲ ﻭﻳﺎﻫﺎ ﺻﺒﺤﺖ ﻭﺷﻮﻱ ﻭﻓﻮﻧﻲ ﺭﻥ : ﺍﻟﻮﻭ ﻗﺎﻟﻬﺎ ﺑﺼﻮﺗﻪ ﺍﻟﻤﺒﺤﻮﺡ ﻭﻣﻌﺒﻲ ﻧﻮﻡ ﺻﻮﻭﺗﻪ ﺍﻟﻲ ﻳﺬﻭﺏ ﻓﻴﺎ ﻭﻳﻬﺰ ﻛﻞ ﺟﺰﺀ ﻓﻲ ﺟﺴﻤﻲ ﻭﻳﺨﻠﻲ ﻗﻠﺒﻲ ﻳﻄﻴﻴﻴﻴﻴﻴﺮ ﻭﻳﺴﺮﺡ ﻓﻲ ﻫﺎﻟﺼﻮﺕ
ﺍﻧﻲ : ﺻﺒﺎﺣﻮ ﺣﺒﻴﺒﻲ
ﻭﻟﻴﺪ : ﺻﺒﺎﺡ ﺍﻟﻮﺭﺩ ﻧﻮﺳﺘﻲ ﺍﻣﺸﻴﺘﻲ ﻟﻠﺠﺎﻣﻌﻪ
ﺍﻧﻲ : ﺍﻳﻪ ﺍﻧﻲ ﺗﻮﺍ ﻓﻲ ﺍﻟﺠﺎﻣﻌﻪ ﺑﺲ ﻣﺶ ﻋﺎﺭﻓﻪ ﺷﻲ ﻭﻣﺶ ﻓﺎﻫﻤﻪ ﺷﻲ ﺍﻧﻲ ﻭﻫﺎﺟﺮ ﻗﺎﺍﻋﺪﺍﺕ ﺯﻱ ﻃﺎﻟﺒﺎﺕ ﺻﻒ ﺍﻭﻝ ﺍﻟﻲ ﻛﻴﻒ ﺧﺎﺷﻴﻦ ﻟﻠﻤﺪﺭﺳﺔ ﻭﻣﺶ ﻓﺎﻫﻤﻴﻦ ﺷﻲ
ﻭﻟﻴﺪ : ﻫﻬﻬﻬﻬﻪ ﻳﺎﻧﺠﻴﻠﻲ ﻃﺎﻟﺒﻪ ﺻﻒ ﺍﻭﻝ ﺍﻫﻢ ﺣﺎﺟﺔ ﺭﺍﻓﻌﻪ ﻗﻠﻢ ﻭﻣﺤﺎﻳﺔ
ﺍﻧﻲ : ﻭﻟﻴﻴﻴﺪ ﻳﺎﺍﺳﺮﻙ ﺑﺮﺍﺍﺩﻩ ﻉ ﺍﻟﺼﺒﺢ ﺑﺠﺪ ﻣﺶ ﻓﺎﻫﻤﻪ ﺷﻲ ﺍﺳﻤﻊ ﺗﺬﻛﺮﺕ ﻋﻨﺪﻱ ﻭﻟﺪ ﻋﻤﺘﻲ ﺍﻳﻤﻦ ﻣﺘﺨﺮﺝ ﻣﺤﺎﻣﻲ ﻳﻌﻨﻲ ﺯﺍﺑﻂ ﻛﻠﻴﺘﻲ ﺧﻠﻲ ﻧﻜﻠﻤﻪ
ﻭﻟﻴﺪ : ﻣﻨﻮﻭ ﻣﻨﻮ ﺍﻟﻲ ﺑﺘﻜﻠﻤﻴﻪ ﺭﻳﺤﻲ ﺭﻭﻭﺣﻚ ﺗﻮ ﻧﺠﻴﻚ ﺍﻧﻲ ﻧﺺ ﺳﺎﻋﻪ ﻭﻧﻜﻮﻥ ﻋﻨﺪﻙ ﻭﺗﻜﻠﻤﻲ ﺣﺪ ﺍﻋﺘﺒﺮﻱ ﺭﻭﺣﻚ ﻣﻄﻠﻘﻪ ﺑﺎﻟﺜﻼﺛﻪ
ﺍﻧﻲ : ﻫﻬﻬﻬﻬﻬﻪ ﻏﻴﺮ ﺗﺰﻭﺟﻨﻲ ﺍﻧﺖ ﺑﻴﺶ ﺣﺘﻰ ﺗﻄﻠﻘﻨﻲ ﻭﺑﺎﻟﺜﻼﺛﻪ
ﻭﻟﻴﺪ : ﺍﻧﺘﻲ ﻟﻴﺎﺍ ﺍﻧﻲ ﺑﺲ ﺍﺻﻼ ﻫﻲ ﺳﻜﺮﻱ ﺧﻠﻲ ﺍﻧﻮﺽ
ﺍﻧﻲ : ﺍﻭﻙ ﻧﺤﺒﻚ ﺩﻳﺮ ﺑﺎﻟﻚ ﻣﻦ ﺍﻟﻄﺮﻳﻖ
ﻭﻟﻴﺪ : ﻧﺤﺒﻚ ﺍﻛﺜﺮ ﺳﻼﻡ
ﺳﻜﺮ ﻭﻫﻲ ﻧﺺ ﺳﺎﺍﻋﻪ ﻭﻛﺎﻥ ﻋﻨﺪﻱ ﻓﻲ ﺍﻟﺠﺎﻣﻌﻪ ﻛﻨﺖ ﻻﺑﺴﺔ ﺑﺎﻟﻄﻮ ﺗﺤﺖ ﺍﻟﺮﻛﺒﺔ ﺑﺸﻮﻱ ﻟﻮﻧﻪ ﺍﺯﺭﻕ ﻭﻭﺷﺎﺡ ﻣﺰﺭﻛﺶ ﺍﺯﺭﻕ ﻓﻲ ﺍﻻﺣﻤﺮ ﻓﻲ ﺍﻟﺒﻴﺞ ﻭﻛﻨﺪﺭﺓ ﺑﻴﺞ ﻭﺷﻨﻄﺔ ﺑﻴﺞ ﻭﻫﻮ ﻛﺎﻥ ﻻﺑﺲ ﺑﺪﻱ ﺍﺑﻴﺾ ﻣﻜﺘﻮﺏ ﻋﻠﻴﻪ ﺑﺎﻻﺯﺭﻕ ﻭﺳﺮﻭﺍﻝ ﺟﻴﻨﺰ ﻭﺳﺒﻴﺪﺭﻭ ﻛﺎﻥ ﻃﺎﻟﻊ ﻳﻬﺒﻞ ﻟﻴﻦ ﻏﺮﺕ ﻋﻠﻴﻪ ﻣﻦ ﻋﻴﻮﻭﻥ ﺍﻟﺒﻨﺎﺕ ﻭﻗﻠﺘﻠﻪ ﺭﻭﺡ ﻭﻟﻴﺪ
ﻭﻟﻴﺪ : ﺧﻴﺮﻙ ﺗﻠﺰﻱ ﺍﻧﺘﻲ ﻣﺎﻧﺒﻴﺶ ﻧﺮﻭﺡ ﺧﻠﻲ ﻧﻮﺭﻳﻚ ﻣﻜﺎﻥ ﺍﻟﻘﺎﻋﺎﺕ
ﺍﻧﻲ : ﻃﺮﻣﺖ ﺷﻮﻭﺍﺭﺑﻲ ﻭﻗﻌﺪﺕ ﻧﺸﻮﻑ ﻟﻤﺠﻤﻮﻋﻪ ﺑﻨﺎﺕ ﻛﺎﻧﻮ ﻗﺪﺍﻣﻨﺎ ﺑﺸﻮﻭﻳﺔ ﻭﻳﺸﻮﻓﻮ ﻟﻮﻟﻴﺪ ﻭﻳﺘﻜﻠﻤﻮ ﺭﻛﺒﺘﻨﻲ ﻧﺎﺍﺭ ﻓﻲ ﺩﺍﺧﻠﻲ ﻭﻛﺎﻥ ﺍﻟﻘﻴﺖ ﻧﻤﺸﻲ ﻧﻔﻘﻌﻠﻬﻢ ﻋﻴﻮﻧﻬﻢ ﻗﺮﻧﺖ ﺣﻮﺍﺟﺒﻲ ﻭﻣﻌﺎﺵ ﺍﻧﺘﺒﻬﺖ ﻟﻮﻟﻴﺪ ﺍﻟﻲ ﻛﺎﻥ ﻳﺸﺮﺡ ﻋﻠﻲ ﺍﻻﻣﺎﻛﻦ ﻭﻫﺎﺟﺮ ﺑﺲ ﻣﻨﺘﺒﻬﺘﻠﻪ ﺍﻧﺘﺒﻪ ﺍﻧﻲ ﻣﺶ ﻣﻌﺎﻩ ﺗﻠﻔﺖ ﻭﺷﺎﻑ ﻻﻧﻲ ﻭﻳﻦ ﻧﺸﻮﻑ ﺍﺑﺘﺴﻢ ﻭﺷﺪ ﺑﻴﺪﻱ ﻭﻫﻤﺲ ﻓﻲ ﻭﺩﻧﻲ : ﻣﺎﺗﺨﺎﻓﻴﺶ ﺍﻧﺘﻲ ﺍﺣﻠﻰ ﻭﺣﺪﺓ ﻭﻣﺴﺘﺤﻴﻞ ﻧﺸﻮﻑ ﻟﻐﻴﺮﻙ ﻳﺎﻣﺸﻔﺸﻔﺘﻲ
ﺍﻧﻲ : ﺿﺤﻜﺖ ﺑﺎﺍﻧﺘﺼﺎﺭ ﻭﻓﺮﺣﺖ ﺑﻜﻼﻡ ﻭﻟﻴﺪ ﺍﻟﻲ ﻛﻴﻒ ﻓﻬﻤﻨﻲ ﻣﻦ ﻋﻴﻮﻧﻲ ﻭﺑﻌﺪﻫﺎ ﻛﻤﻞ ﻭﻟﻴﺪ ﻣﻌﺎﻧﺎ ﺍﻟﺠﻮﻟﺔ ﻭﻋﺰﻣﻨﺎ ﺍﻥ ﻧﺸﺮﺑﻮ ﻣﻌﺎﻩ ﺣﺎﺟﺔ ﻓﻲ ﺍﻟﻜﺎﻓﺘﻴﺮﻳﺎ ﺭﻓﻌﻨﺎ ﻟﻴﻬﺎ ﻭﻗﻌﻤﺰﻧﺎ
ﻭﻟﻴﺪ : ﺷﻦ ﺗﺤﺒﻮ ﺗﺸﺮﺑﻮ
ﻫﺎﺟﺮ : ﺍﻧﻲ ﻗﻬﻮﺓ
ﻭﻟﻴﺪ : ﻭﺍﻧﺘﻲ ﺣﺒﻴﺒﺘﻲ
ﺍﻧﻲ : ﺍﺣﻢ ﺍﺣﻢ ﻭﺷﻔﺖ ﻟﻬﺎﺟﺮ ﺍﻟﻲ ﻣﺎﺳﻜﺔ ﺿﺤﻜﺘﻬﺎ ﺣﺘﻰ ﺍﻧﻲ ﻗﻬﻮﺓ
ﻭﻟﻴﺪ : ﺍﻭﻛﻲ
ﻫﺎﺟﺮ : ﻫﻬﻬﻬﻬﻬﻬﻬﻪ ﺍﻧﻔﻠﻘﺖ ﺑﺎﻟﻀﺤﻚ ﺍﻭﻝ ﻣﺎﺍﻣﺸﻲ ﻭﻟﻴﺪ ﻭﻭﻙ ﻋﻠﻴﺎ ﻉ ﺍﻟﺮﻭﻭﻣﺎﻧﺴﻴﺔ ﺍﻣﺎ ﻓﻌﻼﺍ ﻳﺎﻛﻠﺒﺔ ﺣﻈﻚ ﻣﺶ ﻋﺎﺩﻱ ﻃﺮﻑ ﻭﺭﻭﻣﺎﻧﺴﻲ ﻭﺟﻨﺘﻞ ﺑﻨﺎﺕ ﺍﻟﺠﺎﻣﻌﻪ ﻋﻴﻮﻧﻬﻢ ﺑﻴﻄﻠﻌﻮﻭ
ﺍﻧﻲ : ﻳﺎﺧﻴﺎﺍ ﻳﺠﻨﻦ ﻧﺤﺒﻪ ﺍﻳﻪ ﺷﻔﺘﻬﻢ ﻭﺷﻔﺖ ﺣﺮﻛﺘﻪ ﺍﻣﺒﻜﺮﻱ
ﻫﺎﺟﺮ : ﺷﻮﻓﺖ ﻗﻬﺮﻫﻢ ﻣﺴﺎﻛﻴﻦ
ﺑﻌﺪﻫﺎ ﺟﻲ ﻭﻟﻴﺪ ﻭﺟﺎﺏ ﺍﻟﻘﻬﻮﺓ ﻭﻗﻌﺪﻧﺎ ﻧﻬﺪﺭﺯﻭ ﻓﻲ ﻣﻮﺍﺿﻴﻊ ﻋﺎﻣﻪ ﻟﻴﻦ ﺍﺗﺼﻞ ﺑﻮ ﻫﺎﺟﺮ ﻭﻗﺎﻟﻠﻬﺎ ﺍﻃﻠﻌﻲ ﻟﻠﺒﻮﺍﺑﺔ
ﻫﺎﺟﺮ : ﻫﻲ ﺍﻣﺎﻻ ﻧﺴﺘﺎﺩﻥ ﺑﺎﺑﺎ ﺟﻲ ﺗﺸﺮﻓﺖ ﺑﺎﻟﻤﻌﺮﻓﺔ ﻭﻟﻴﺪ
ﻭﻟﻴﺪ : ﺍﺫﻧﻚ ﻣﻌﺎﻙ ﺑﻴﻚ ﺍﻛﺜﺮ
ﻫﺎﺟﺮ : ﻣﻊ ﺍﻟﺴﻼﻣﻪ
ﺍﻧﻲ ﻭﻭﻟﻴﺪ : ﺳﻼﻡ ﺷﺪ ﻭﻟﻴﺪ ﻳﺪﻱ ﻭﺍﻧﻲ ﺧﺪﻭﻭﺩﻱ ﻭﻟﻮ ﺣﻤﺮ ﻭﻧﺰﻟﺖ ﻋﻴﻮﻧﻲ
ﻭﻟﻴﺪ : ﻧﺠﻴﻠﻲ ﺍﻟﻤﺘﺤﺸﻢ ﻳﺎﺭﺑﻲ
ﺍﻧﻲ : ﺍﺑﺘﺴﻤﺖ ﺑﺤﺐ ﺣﺒﻴﺒﻲ
ﻭﻟﻴﺪ : ﻳﺎﻗﻠﺒﻪ
ﺍﻧﻲ : ﺗﺤﺒﻨﻲ
ﻭﻟﻴﺪ : ﺗﻮ ﻋﻠﻲ ﺷﻦ ﻧﺎﻭﻳﺔ ﺍﻧﺘﻲ ﺑﻌﺪ ﺗﻼﺗﻪ ﺳﻨﻴﻦ ﺟﺎﻳﻪ ﺗﻘﻮﻟﻲ ﺗﺤﺒﻨﻲ ﻛﻴﻒ ﺗﺒﻴﻨﻲ ﻧﺜﺒﺘﻠﻚ ﺍﻧﻲ ﻧﻌﺸﻘﻚ ﻭﻧﻤﻮﺕ ﻓﻴﻚ ﻣﺶ ﺑﺲ ﻧﺤﺒﻚ
ﺍﻧﻲ : ﻳﻘﻮﻟﻮ ﺍﻟﻲ ﻳﺤﺐ ﻳﻔﻬﻢ ﺍﻟﻲ ﻳﺤﺒﻪ ﻣﻦ ﻏﻴﺮ ﻣﺎﻳﺘﻜﻠﻢ
ﻭﻟﻴﺪ : ﺑﺎﻩ ﺍﺧﺘﺒﺮﻳﻨﻲ ﻣﻊ ﺿﺤﻜﺔ ﺧﺒﺚ
ﺍﻧﻲ : ﺍﻭﻛﻲ ﺣﻨﻔﻜﺮ ﻓﻲ ﺣﺎﺟﺔ ﺍﻭ ﻧﺪﻳﺮ ﺍﻱ ﺣﺮﻛﺔ ﻭﺍﻧﺖ ﺷﻮﻑ ﻭﻟﻮ ﻋﺮﻓﺖ ﺷﻦ ﺍﻟﻲ ﺧﺎﻃﺮﻱ ﻓﻴﻪ ﺗﻨﺠﺢ ﻓﻲ ﺍﻻﺧﺘﺒﺎﺭ
ﻭﻟﻴﺪ : ﺑﺎﺍﻩ ﻭﻛﺎﻥ ﻣﺎﺍﻧﺠﺤﺘﺶ
ﺍﻧﻲ : ﺗﻌﺎﻭﺩ ﺍﻟﺴﻨﻪ
ﻭﻟﻴﺪ : ﻫﻬﻬﻬﻬﻬﻪ ﻭﻛﺎﻥ ﻧﺠﺤﺖ ﺗﻨﻔﺬﻳﻠﻲ ﻃﻠﺒﺎﺗﻲ ﻟﻤﺪﺓ ﻳﻮﻡ ﻛﺎﻣﻞ ﻣﻦ ﻏﻴﺮ ﺍﻱ ﻧﻘﺎﺵ ﺍﻭ ﻋﻨﺎﺩ
ﺍﻧﻲ : ﺍﻭﻛﻲ ﺍﺗﻔﻘﻨﺎ ﺧﻠﻴﻨﺎ ﺍﻧﻮﺿﻮ ﻧﻘﻌﻤﺰﻭ ﻓﻲ ﻣﻜﺎﻥ ﺗﺎﻧﻲ ﻭﻳﺒﺪﺍ ﺍﻻﺧﺘﺒﺎﺭ
ﻭﻟﻴﺪ : ﻫﻲ ﻧﻮﺿﻲ ﻭﺍﻣﺸﻴﻨﺎ ﻟﻴﻦ ﻭﺻﻠﻨﺎ ﻟﻜﺮﺍﺳﻲ ﻗﻌﻤﺰﻧﺎ
ﺍﻧﻲ : ﻗﻌﺪﺕ ﻧﺪﻭﻭﺭﺑﻌﻴﻮﻧﻲ ﻭﻣﺎﻋﺮﻓﺘﺶ ﺷﻦ ﻧﻔﻜﺮ ﻧﺒﻲ ﺣﺎﺟﺔ ﺻﻌﺒﻪ ﺑﻴﺶ ﻳﻔﺸﻞ ﻻﻧﻲ ﻣﺎﻧﻘﺪﺭﺵ ﻧﻘﻌﺪ ﻳﻮﻭﻡ ﻛﺎﻣﻞ ﻣﻦ ﻏﻴﺮ ﻣﺎﻧﻌﺎﻧﺪﻩ ﺟﺖ ﻋﻴﻨﻲ ﻋﻠﻲ ﻭﺍﺣﺪ ﻳﺒﻴﻊ ﻓﻲ ﻭﺭﺩ ﻭﻛﺎﻥ ﺷﺎﺩ ﺑﺎﻗﻪ ﻣﺨﻠﻄﺔ ﻭﺭﺩ ﺍﺣﻤﺮ ﻭﺍﺑﻴﺾ ﺣﻠﻮﺓ ﻫﻠﺒﺎ ﺍﺑﺘﺴﻤﺖ ﻻﺍﺭﺍﺩﻳﺎ ﻭﺗﻤﻨﻴﺘﻬﺎ ﻣﻦ ﻏﻴﺮ ﻣﺎﻧﺤﺲ ﺑﻌﺪﻳﻦ ﻓﻘﺖ ﻟﺮﻭﺣﻲ ﻭﻗﻌﺪﺕ ﻧﺪﻭﺭ ﺑﻌﻴﻮﻧﻲ ﻭﺣﻄﻴﺖ ﻋﻴﻮﻧﻲ ﻓﻲ ﻋﻴﻮﻧﻪ ﻭﻫﻮ ﺿﺤﻜﻠﻲ ﻭﻧﺎﺽ ﺍﻧﻲ : ﻭﻳﻦ ﻣﺎﺷﻲ ﻣﺎﺭﺩﺵ ﻋﻠﻴﺎ ﻭﻗﻒ ﻋﻠﻲ ﺑﺎﺋﻊ ﺍﻟﻮﺭﺩ ﻭﺷﺮﻱ ﺍﻟﺒﺎﻗﻪ ﻭﺟﺎﻧﻲ ﺍﻧﻲ ﺿﺤﻜﺖ ﻻﻧﻪ ﻧﺠﺢ ﻓﻌﻼ ﻓﻲ ﺍﻻﺧﺘﺒﺎﺭ ﻭﻓﻬﻢ ﺷﻦ ﺧﺎﻃﺮﻱ ﺟﺎﻧﻲ ﻭﻗﻌﻤﺰ ﻋﻠﻲ ﺭﻛﺒﺘﻪ ﻭﻣﺪﻟﻲ ﺍﻟﺒﺎﻗﻪ : ﺍﺑﻠﺔ ﻧﻮﺳﺔ ﻫﻞ ﻧﺠﺤﺖ ﻓﻲ ﺍﻻﻣﺘﺤﺎﻥ
ﺍﻧﻲ : ﻫﻬﻬﻬﻬﻬﻬﻬﻪ ﺣﻲ ﺗﻬﺒﻞ ﻭﺧﺪﻳﺖ ﺍﻟﺒﺎﻗﻪ ﻭﺷﻤﻴﺘﻬﺎ ﻭﻗﻠﺘﻠﻪ ﻧﺠﺤﺖ
ﻭﻟﻴﺪ : ﻭﻫﻮ ﻳﻘﻌﻤﺰ ﺟﻨﺒﻲ ﻫﻬﻬﻪ ﺍﻧﺘﻲ ﻫﺒﻠﺔ ﺍﻧﻲ ﻧﻔﻬﻤﻚ ﻣﻦ ﻳﻌﻮﻧﻚ ﻣﻦ ﻟﻤﻌﺘﻬﻢ ﺗﻮﺍ ﺻﺪﻗﺘﻲ ﺍﻧﻲ ﻧﻌﺸﻘﻚ ﻋﺸﻖ ﻣﺶ ﺑﺲ ﻧﺤﺒﻚ ﻭﻫﻲ ﺗﻮﺍﺍ ﺟﻲ ﻭﻗﺖ ﻃﻠﺒﺎﺍﺗﻲ ﻭﺿﺤﻚ ﺑﺨﺒﺚ
ﺍﻧﻲ : ﺧﻔﺖ ﺷﻦ ﻫﻲ ﻃﻠﺒﺎﺗﻚ
ﻭﻟﻴﺪ : ﺍﻣﻤﻤﻤﻤﻤﻤﻤﻤﻤﻢ ﻭﺍﺗﻜﻰ ﻋﻠﻲ ﺍﻟﻜﺮﺳﻲ ﻭﺷﺎﻓﻠﻲ ﻭﺍﺑﺘﺴﻢ ﺍﺑﺘﺴﺎﻣﺘﻪ ﺍﻟﻤﺎﻛﺮﺓ
ﺍﻧﻲ : ﻫﻴﺎﺍ ﻭﻟﻴﺪ ﻗﻮﻝ ﺑﻼ ﺟﻮ
ﻭﻟﻴﺪ : ﻫﻬﻬﻪ ﺧﻴﺮﻙ ﺧﺎﻳﻔﻪ ﺍﻧﺘﻲ
ﺍﻧﻲ : ﻣﺶ ﺧﺎﻳﻔﻪ
ﻭﻟﻴﺪ : ﻧﺒﻴﻚ ﺍﻟﻴﻮﻡ ﺗﺮﻭﺣﻲ ﺗﻄﻴﺒﻲ ﺑﺎﺍﺯﻳﻦ ﻭﺗﻌﺼﺪﻳﻪ ﺍﻧﺘﻲ ﻭﺗﺘﻌﻠﻤﻴﻪ ﺣﻨﺴﻤﺢ ﺍﻧﻪ ﺍﻣﻚ ﺗﺴﺎﻋﺪﻙ ﺑﺲ ﻣﺶ ﻫﻠﺒﺎ ﻳﻌﻨﻲ ﺗﻮﺭﻳﻚ ﺷﻮﻳﺔ ﻭﺍﻧﺘﻲ ﺗﻜﻤﻠﻲ
ﺍﻧﻲ : ﻛﻨﺖ ﻓﺎﺗﺤﺔ ﻓﻤﻲ ﻭﻣﺼﺪﻭﻣﺔ ﻣﻦ ﺍﻟﻌﺠﻴﺐ ﺑﺘﺎﻋﻪ ﻭﻫﻮ ﻋﺎﺭﻓﻨﻲ ﻣﺎﻧﻌﺮﻓﺶ ﻧﻄﻴﺐ ﻫﻠﺒﺎ ﻳﻌﻨﻲ ﻧﺪﻳﺮﺭ ﺧﻔﻴﻒ ﺑﺲ ﺍﻟﺤﺎﺟﺎﺕ ﺍﻟﻤﺴﻴﻘﻪ ﻭﺍﻟﺜﻘﻴﻠﻪ ﻣﺎﻧﻌﺮﻓﺶ : ﻣﻦ ﺟﺪ ﺍﻧﺖ ﻭﺍﻻ ﺗﺘﺴﻬﻮﻙ
ﻭﻟﻴﺪ : ﺷﻦ ﺍﺗﻔﻘﻨﺎ ﺍﺣﻨﻲ ﺗﻨﻔﺬﻱ ﻣﻦ ﻏﻴﺮ ﻧﻘﺎﺵ
ﺍﻧﻲ ﺍﺳﺘﺴﻠﻤﺖ : ﺍﻭﻛﻲ ﻋﻠﻲ ﺷﺎﻥ ﺍﻟﺒﺎﻗﻪ ﺍﻟﺤﻠﻮﺓ ﺑﺲ ﻭﺍﺿﺒﻄﺖ ﺍﻟﺒﺎﻗﻪ
ﻭﻟﻴﺪ : ﻣﺴﺘﺤﻴﻞ ﺗﺘﻐﻴﺮﻱ ﻭﻃﻠﺒﻲ ﺍﻟﺘﺎﻧﻲ ﻃﺒﻌﺎﺍ
ﺍﻧﻲ : ﺷﻦ ﻃﻠﺒﻚ ﺍﻟﺜﺎﻧﻲ ﺑﺎﺍﺯﻳﻦ ﺳﺎﺩ ﺧﻼﺹ
ﻭﻟﻴﺪ : ﺍﻧﻲ ﻗﻠﺖ ﺗﻨﻔﺬﻳﻠﻲ ﻃﻠﺒﺎﺗﻲ ﻳﻌﻨﻲ ﻣﺶ ﻣﺤﺪﻭﺩ ﺍﻟﻌﺪﺩ
ﺍﻧﻲ : ﻭﻟﻴﺪ ﺣﺒﻴﺒﻲ ﺍﻧﻲ ﺣﺒﻴﺒﺘﻚ ﺧﻼﺹ ﻃﻠﺒﺎﺕ
ﻭﻟﻴﺪ : ﻧﺒﻴﻚ ﺍﻟﻴﻮﻡ ﺗﺪﻳﺮﻳﻠﻲ ﺑﺴﺒﻮﺳﺔ ﻭﺗﺠﻴﺒﻴﻬﺎ ﻏﺪﻭﺓ ﺍﻫﻨﻲ ﻟﻠﺠﺎﻣﻌﻪ ﻟﻮ ﺟﺖ ﺣﻠﻮﺓ ﺗﺎﺧﺪﻱ ﻣﻨﻲ ﺍﺣﻠﻰ ﻫﺪﻳﺔ ﻭﻟﻮ ﻣﺶ ﺣﻠﻮﺓ ﺑﺘﻌﺎﻭﺩﻳﻬﺎ
ﺍﻧﻲ : ﺍﻭﻭﻛﻲ ﺳﺎﺍﻫﻠﺔ
ﻭﻟﻴﺪ : ﺧﻼﺹ ﺭﺣﻤﺔ ﻭﺷﻔﻘﻪ ﺑﻴﻚ ﻻﻧﻚ ﺣﺒﻴﺒﺘﻲ ﻭﻋﻤﺮﻱ ﺣﻨﺮﺣﻤﻚ
ﺍﻧﻲ : ﻫﺎﻫﺎﻫﺎﻫﺎ ﺿﺮﻭﺭﻱ ﺗﺬﻝ ﻳﻌﻨﻲ ﻣﺎﺗﺪﻳﺮﺵ ﺣﺎﺟﺔ ﻟﺮﺑﻲ
ﻭﻟﻴﺪ : ﺍﺑﺪﺍ ﻫﻲ ﺳﺎﺩ ﺍﺗﺼﻠﻲ ﺑﺒﻮﻙ ﺭﻭﺣﻲ ﺍﻟﺴﺎﻋﻪ 11
ﺍﻧﻲ : ﺍﻭﻛﻲ ﻭﺍﺗﺼﻠﺖ ﺑﺒﺎﺑﺎ ﻭﺭﻭﺣﺖ
ﻃﻠﺒﺖ ﻣﻦ ﻣﺎﻣﺎ ﺍﻧﻪ ﺗﻌﻠﻤﻨﻲ ﺍﻟﺒﺎﺯﻳﻦ ﻭﻓﺘﺤﺖ ﻓﻤﻬﺎ ﻓﺘﺤﺔ ﺍﻛﺒﺮ ﻣﻦ ﻓﺘﺤﺔ ﻓﻢ ﻟﻤﺎ ﻭﻟﻴﺪ ﻃﻠﺐ ﻣﻨﻲ ﺍﻟﻄﻠﺐ ﻭﻗﺎﻟﺖ ﻣﻊ ﺗﻌﻮﻳﺠﺔ ﻓﻤﻬﺎ : ﺣﻤﺎﺭ ﻣﻦ ﺑﻴﻤﻮﺕ ﺯﻋﻤﺎ
ﺍﻧﻲ : ﺣﻤﺎﺭ ﺣﻮﺵ ﻋﻤﻲ
ﻣﺎﻣﺎ : ﺣﻮﺵ ﻋﻤﻚ ﻋﻨﺪﻫﻢ ﺣﻤﺎﺭ
ﺍﻧﻲ : ﺍﻳﻪ ﺣﻤﺎﺭ ﻛﺒﻴﺮ ﺣﺸﺎﻙ ﻭﺍﻧﺘﻲ ﻋﺎﺭﻓﺘﻴﻨﻲ ﻣﻦ ﻧﻘﺼﺪ
ﻣﺎﻣﺎ : ﺗﺤﺸﻤﻲ ﻗﺼﺪﻙ ﻋﻠﻲ ﻋﺒﺪ ﺍﻟﻤﻨﻌﻢ
ﺍﻧﻲ : ﻭﻣﻦ ﻏﻴﺮﻩ ﺣﺎﺻﻠﻲ ﻓﻲ ﺭﻗﺒﺘﻲ
( ﻧﺒﺬﺓ ﻋﻠﻲ ﻋﺒﺪ ﺍﻟﻤﻨﻌﻢ ﻭﻟﺪ ﻋﻤﻲ ﺍﻛﺒﺮ ﻭﺍﺣﺪ ﻓﻲ ﺧﻮﺗﻪ ﻛﻞ ﺍﻟﻌﻴﻠﻪ ﻋﺎﻳﺸﺔ ﺑﺮﺍ ﺍﻻ ﻫﻮ ﺭﻭﺡ ﻣﻦ ﺍﺭﺑﻌﻪ ﺳﻨﻴﻦ ﻣﻮﺍﻟﻴﺪ 80 ﻭﺍﻋﺮ ﻫﻠﺒﺎ ﻭﺩﻳﻤﺎ ﺷﺎﺩﻫﺎ ﻋﺮﺍﻙ ﻳﺎﻣﻌﺎﻱ ﻳﺎﻣﻊ ﻧﻮﺍﻝ ﻻﻧﻪ ﺍﻟﺰﻭﺯ ﻣﺎﻧﺴﻜﺘﻮﺵ ﻭﻟﺴﺎﻧﻨﺎ ﻃﻮﻳﻞ ﺑﺲ ﻧﺮﺟﺲ ﻭﻧﻮﺭﺱ ﻳﺴﻜﺘﻮ ﻭﻳﺘﺤﺎﺷﻮ ﻓﻴﻪ )
ﺍﻧﻲ : ﻏﻴﺮ ﻫﻴﺎﺍﺍ ﻳﺎﺍﻣﺎﻣﺎ ﺧﻠﻲ ﻧﺪﻳﺮﻭ ﺑﺎﺯﻳﻦ
ﻣﺎﻣﺎ : ﺑﺎﺍﻩ ﻫﻲ
ﻭﻓﻌﻼ ﺩﺭﺕ ﺑﺎﺯﻳﻦ ﻭﺟﻲ ﺯﻱ ﺍﻟﻌﺴﻞ ﻭﻛﻠﻮﻩ ﻛﻠﻪ ﻭﺻﻮﺭﺗﻪ ﻭﺻﻮﺭﺕ ﺍﻟﺼﻮﻧﻴﻪ ﺍﻟﻔﺎﺿﻴﺔ ﻛﺪﻟﻴﻞ ﻟﻮﻭﻟﻴﺪ ﺑﻴﺶ ﻧﻘﻬﺮﻩ ﻭﻧﻮﺭﻳﻪ ﺍﻧﻲ ﻓﺎﻟﺤﺔ ﻭﺩﺭﺗﻠﻪ ﺑﺴﺒﻮﻭﺳﻪ ﻭﻋﺠﺎﺍﺑﺘﻪ ﻭﺟﺎﺑﻠﻲ ﺩﺑﺪﻭﻭﺏ ﺻﻐﻴﺮﻭﻭﻥ ﻳﻬﺒﺒﻞ ﻟﻮﻭﻧﻪ ﺍﺑﻴﺾ ﻭﺷﺎﺩ ﻗﻠﺐ ﻣﻜﺘﻮﺏ ﻓﻴﻪ ilove you
.......
ﺍﺑﺘﺴﻤﺖ ﻻﺍﺭﺍﺩﻳﺎ ﻻﻧﻲ ﺗﺬﻛﺮﺕ ﺫﻛﺮﻳﺎﺗﻲ ﺍﻟﺤﻠﻮﺓ ﻣﻌﺎﻩ ﺍﺍﺍﺍﻩ ﺗﻨﻬﺪﺕ ﻭﻧﺰﻟﺖ ﺩﻣﻌﻪ ﺳﺨﻮﻭﻭﻧﻪ ﻭﺗﺒﻌﺘﻬﺎ ﺍﺧﺘﻬﺎ ﻭﺳﻴﻞ ﻣﻦ ﺍﻟﺪﻣﻮﻉ ﻛﺎﺍﻧﻬﺎ ﺗﻮﺩﻉ ﻓﻲ ﺍﺑﺘﺴﺎﻣﻪ ﺍﻟﺴﻨﻴﻦ ﺍﻟﻲ ﻓﺎﺗﻮﻭ ﺑﺤﺮﺍﺭﺓ
" ﺫﻫﺒﺖ ﺍﺑﺘﺴﺎﻣﺘﻲ ﻭﺑﻬﺠﺘﻲ ﻣﻊ ﺫﻫﺎﺑﻜﻤﺎ ﺍﻧﺘﻤﺎ ﻛﻨﺘﻤﺎ ﺳﺮ ﺳﻌﺎﺩﺗﻲ ﻟﻦ ﺍﻋﻮﺩ ﺗﻠﻚ ﺍﻟﻄﻔﻠﻪ ﺍﻟﺘﻲ ﻛﺎﻧﺖ ﺗﻠﻌﺐ ﻭﺗﻀﺤﻚ ﺑﻴﻦ ﻳﺪﻳﻚ ﻳﺎﺍﺑﻲ ﻭﻟﻦ ﺍﻋﻮﺩ ﺍﻟﺤﺒﻴﺒﺔ ﺍﻟﺘﻲ ﺗﻬﺘﻢ ﺑﺤﺒﻴﺒﻬﺎ ﻭﺗﻨﺘﻈﺮﻩ ﺗﻜﻠﻤﻪ ﺣﺘﻰ ﺗﻨﺎﻡ ﻭﻳﻜﻮﻥ ﺍﺧﺮ ﺻﻮﺕ ﺳﻤﻌﺘﻪ ﻭﺗﺒﺘﺴﻢ ﻓﻲ ﻧﻮﻣﻬﺎ ﻛﺎﺍﻧﻬﺎ ﻃﻔﻠﻪ ﺑﺮﻳﺌﺔ ﺗﺤﻀﻦ ﺩﻣﻴﺘﻬﺎ ﺑﺤﺐ ﻭﺗﻨﺎﻡ ﺍﺷﺘﻘﺖ ﺍﻟﻴﻜﻤﺎ ﻛﺜﻴﺮﺍﺍ ﺳﺎﺭﺳﻞ ﺩﻋﻮﺍﺗﻲ ﻟﻜﻢ ﻓﻲ ﺻﻼﺗﻲ ﺍﺗﻤﻨﻰ ﺍﻥ ﺍﻟﻘﻜﻤﺎ ﻓﻲ ﺍﻟﺠﻨﻪ "
ﻣﺴﺤﺖ ﺩﻣﻮﻋﻲ ﻗﺮﻳﺖ ﺍﺫﻛﺎﺭﻱ ﻭﺭﻗﺪﺕ
......
ﺛﺎﻧﻲ ﻳﻮﻡ ﻋﻤﻠﻴﺔ ﻋﻤﺘﻲ ﻓﺎﺩﻳﺔ ﻣﻊ ﺍﻟﺴﺎﻋﻪ 7 ﺍﺗﺼﻠﺖ ﺑﻴﻬﺎ ﻭﻫﺪﻳﺘﻬﺎ ﻋﻄﻴﺘﻬﺎ ﺷﻮﻳﺔ ﺍﻣﻞ ﻭﺣﺎﻭﻟﺖ ﻗﺪﺭ ﺍﻟﻤﺴﺘﻄﺎﻉ ﻧﺮﻓﻊ ﻣﻌﻨﻮﻳﺎﺗﻬﺎ ﻭﻗﻠﺘﻠﻬﺎ ﺍﻧﻬﺎ ﺣﺘﻄﻠﻊ ﻭﺣﺘﺮﺟﻊ ﺑﺼﺤﺘﻬﺎ ﻭﺣﺘﺪﻳﺮﻟﻲ ﺍﻟﻜﺴﻜﺴﻲ ﺍﻟﻲ ﻧﺤﺒﻪ ﻭﺍﻟﻲ ﻣﺎﻋﻤﺮﻱ ﺫﻗﺖ ﺍﺣﻠﻰ ﻣﻨﻪ ﻭﻛﻠﻤﺖ ﺍﻳﻤﻦ ﻃﻤﻨﻲ ﻭﻗﺎﻟﻲ ﻧﺴﺒﻪ ﻧﺠﺎﺡ ﺍﻟﻌﻤﻠﻴﺔ 85 % ﺗﻄﻤﻨﺖ ﻭﺩﻋﻴﺘﻠﻬﺎ ﻣﻦ ﻛﻞ ﻗﻠﺒﻲ
ﺩﺧﻠﻮﻫﺎ ﻟﺤﺠﺮﺓ ﺍﻟﻌﻤﻠﻴﺎﺕ ﻣﻊ ﺍﻟﺴﺎﻋﻪ 8
ﻛﺎﻧﻮ ﺍﻳﻤﻦ ﻭﺍﺣﻤﺪ ﻭﺍﻧﻮﺭ ﻭﻋﺪﻧﺎﻥ ﻭﻋﻠﻴﺎ ﻭﺍﻗﻔﻴﻦ ﻳﺸﻮﻭﻓﻮ ﻟﺤﺠﺮﺓ ﺍﻟﻌﻤﻠﻴﺎﺕ ﻋﻠﻲ ﺍﻣﻞ ﻳﻄﻠﻊ ﺣﺪ ﻭﻳﻄﻤﻨﻬﻢ
ﻋﺪﻧﺎﻥ : ﻋﻠﻴﺎ ﺧﻼﺹ ﺑﻄﻠﻲ ﺑﻜﻲ ﺑﺎﺫﻥ ﺍﻟﻠﻪ ﺣﺘﻄﻠﻊ ﺑﺎﻟﺴﻼﻣﻪ
ﻋﻠﻴﺎ : ﻳﺎﺍﺍﺭﺏ
ﺑﻌﺪ ﺍﺭﺑﻊ ﺳﺎﻋﺎﺕ ﻣﻦ ﺍﻟﺘﻮﺗﺮ ﻭﺍﻟﻘﻠﻖ ﻭﺍﻟﺪﻣﻮﻉ ﻭﺍﻟﺨﻮﻑ ﻃﻠﻊ ﺍﻟﺪﻛﺘﻮﺭ
ﺍﺣﻤﺪ : ﺷﻦ ﻃﻤﻨﺎ ﻳﺎﺍﺩﻛﺘﻮﻭﺭ
ﻋﻠﻴﺎ : ﻃﻤﻨﺎ ﺑﺎﻟﻠﻪ ﻋﻠﻴﻚ ﻣﺎﻣﺎ ﻋﺎﺍﻳﺸﺔ ﻭﺍﻻ ﻗﺎﻟﺘﻬﺎ ﻣﻦ ﺑﻴﻦ ﺷﻬﻘﺎﺗﻬﺎ ﻭﺩﻣﻮﻉ
ﺍﻟﺪﻛﺘﻮﺭ :..............
# ﻳﺘﺒﻊ
أنت تقرأ
ﺳﻨﺪ ﺍﻻﻧﺜﻰ ﺭﺟﻞ shosho_shosho
Romanceرواية غروباية مميزة بقلم الكاتبة #شوشوshosho_shosho > " ﺳﻨﺪ ﺍﻷﻧﺜﻰ ﺭﺟﻞ "
