ﺳﻨﺪ ﺍﻻﻧﺜﻰ ﺭﺟﻞ shosho_shosho

الحلقة57

ﺍﻟﺤﻠﻘﺔﺓ ‏[ 57 ‏]
ﻣﻦ ﺭﻭﺍﻳﺔ - - "<- ﺳﻨــﺪ ﺍﻷﻧﺜــﻰ ﺭﺟــﻞ "
ﻧﺮﺟﺲ ﻗﺎﻟﺘﻠﻬﻢ ﻧﺒﻲ ﻧﺮﻛﺐ ﻟﺪﺍﺭﻱ ﻭﺳﺎﻋﺪﺗﻬﺎ ﻋﻠﻴﺎ ﻭﺧﺸﺖ ﻟﺪﺍﺭﻫﺎ ﻭﺳﻜﺮﺗﻬﺎ
ﻓﺘﺤﺖ ﺍﻟﺸﻨﻄﺔ ﻭﻃﻠﻌﺖ ﺍﻟﺮﻗﻢ ، ﻛﺘﺒﺎﺗﻪ ﻓﻲ ﺍﻟﺘﻠﻴﻔﻮﻥ ﻭﺍﺗﺼﻠﺖ
ﺷﺮﻳﻦ ﺷﺮﻳﻦ ﻟﻤﺎ ﻗﺮﻳﺐ ﺗﻔﺼﻞ ﺍﻧﻔﺘﺢ ﺍﻟﺨﻂ
ﻧﺮﺟﺲ ﺑﺼﻮﺕ ﻭﺍﻃﻲ : ﺍﻟﻮ
ﺣﺴﻦ : ﻧﺮﺟﺲ ؟
ﻧﺮﺟﺲ : ﺍﻳﻪ
ﺣﺴﻦ : ﺷﻦ ﺍﺧﺒﺎﺭﻙ
ﻧﺮﺟﺲ : ﺍﻟﺤﻤﺪ ﻟﻠﻪ ﺗﻤﺎﻡ
ﺣﺴﻦ : ﻛﻴﻒ ﺣﺎﻝ ﺭﺟﻠﻚ ﺗﻮﺍ ﻣﺎﺗﻌﺒﺎﺗﻜﺶ ؟
ﻧﺮﺟﺲ : ﻻﻻ ﺍﻟﺤﻤﺪ ﻟﻠﻪ
ﺣﺴﻦ : ﻭﻳﻨﻚ ﻣﻦ ﺑﻜﺮﻱ ﻧﺮﺟﺎ ﻓﻴﻚ
ﻧﺮﺟﺲ : ﻭﺍﻟﻠﻪ ﺍﻟﻴﻮﻡ ﻋﻴﺪ ﻣﻴﻼﺩ ﺍﺧﺘﻲ ﻭﺩﺍﻳﺮﻳﻨﻪ ﻓﻲ ﺣﻮﺷﻨﺎ ﻭﺍﻟﺤﻮﺵ ﻣﻌﺒﻲ
ﺣﺴﻦ : ﺑﺎﻫﻲ ﺗﻤﺎﻡ ، ﻏﻴﺮﺗﻲ ﺟﻮ ﻳﻌﻨﻲ ؟
ﻧﺮﺟﺲ : ﺍﻳﻪ ﺟﻮ ﺣﻠﻮ ﻣﻊ ﺍﻧﻲ ﻣﺘﻀﺎﻳﻘﻪ ﻣﻦ ﺍﻟﺠﺒﺲ ﺷﻮﻱ
ﺣﺴﻦ : ﺗﻮ ﺗﺘﻌﻮﺩﻱ ﻋﻠﻴﻪ ﺑﻌﺪ ﺷﻬﺮ ﻧﻐﻴﺮﻟﻚ ﺟﺒﺲ ﺍﺧﻒ
ﻧﺮﺟﺲ : ﺍﻣﻢ ﺑﺎﻩ
ﻗﻌﺪﻭ ﺷﻮﻳﺔ ﺳﺎﻛﺘﻴﻦ
ﺣﺴﻦ : ﺍﺣﻜﻴﻠﻲ ﻋﻠﻲ ﻧﻔﺴﻚ ﺍﻧﻲ ﻣﺎﻧﻌﺮﻑ ﻋﻠﻴﻚ ﺷﻲ
ﻧﺮﺟﺲ : ﺃﻧﺖ ﺃﺳﺎﻟﻨﻲ ﻭﺍﻧﻲ ﻧﺠﺎﻭﺑﻚ ، ﺑﺲ ﺣﺘﻰ ﺍﻧﻲ ﻣﺎﻧﻌﺮﻑ ﻋﻠﻴﻚ ﺷﻲ
ﺣﺴﻦ : ﺃﻧﻲ ﺃﺻﻠﻲ ﻣﻦ ﺑﻨﻐﺎﺯﻱ ﻟﻴﺎ ﻓﻲ ﻃﺮﺍﺑﻠﺲ ﺗﻮ ﺧﻤﺴﻪ ﺳﻨﻴﻦ ﻭﺣﺪﻱ ، ﺃﻫﻠﻲ ﻗﺎﻋﺪﻳﻦ ﻓﻲ ﺑﻨﻐﺎﺯﻱ ، ﺩﻛﺘﻮﺭ ﻋﻈﺎﻡ ﻧﺸﺘﻐﻞ ﻓﻲ ﻣﺴﺘﺸﻔﻰ ﻭﻋﻴﺎﺩﺓ ﻳﻮﻡ ﻓﻲ ﺍﻻﺳﺒﻮﻉ ﻋﻤﺮﻱ 32 ﺷﺎﻳﺐ ، ﺷﻦ ﺗﺒﻲ ﺗﻌﺮﻓﻲ ﺗﺎﻧﻲ
ﻧﺮﺟﺲ : ﺣﻴﺎﺗﻚ ﺍﻟﻌﺎﻃﻔﻴﺔ ﻳﻌﻨﻲ ؟
ﺣﺴﻦ : ﻛﻨﺖ ﻧﺤﺐ ﻭﺣﺪﺓ ﻗﺒﻞ ﻭﺧﻄﺒﺘﻬﺎ ﻭﺑﻌﺪﻫﺎ ﺗﻔﺮﻗﻨﺎ ﻭﺍﻧﻲ ﺍﻧﺘﻘﻠﺖ ﻟﻄﺮﺍﺑﻠﺲ ﻭﻫﻲ ﺗﺰﻭﺟﺖ
ﻧﺮﺟﺲ ﺳﺎﻛﺘﻪ
ﺣﺴﻦ : ﻭﺍﻧﺘﻲ ، ﻳﻌﻨﻲ ﻋﻤﺮﻙ ﺣﺒﻴﺘﻲ ﺍﻭ ﺗﺤﺒﻲ ؟
ﻧﺮﺟﺲ : ﻻ
ﺣﺴﻦ : ﺍﺣﻜﻴﻠﻲ ﺷﻦ ﻫﻮﺍﻳﺘﻚ ، ﺷﻦ ﺗﺤﺒﻲ ﺷﻦ ﻣﺎﺗﺤﺒﻴﺶ ، ﺍﻧﻲ ﻧﻌﺮﻑ ﺍﻧﻚ ﻋﻤﺮﻙ 18 ﻭﺗﺒﻲ ﺗﻮﻟﻲ ﻣﻬﻨﺪﺳﺔ ﻭﺍﺳﻤﻚ ﺑﺲ
ﻭﻗﻌﺪﺕ ﻧﺮﺟﺲ ﺗﺤﻜﻲ ﻣﻊ ﺣﺴﻦ ﻭﻫﻮ ﻳﺴﺄﻝ ﻭﻫﻲ ﺗﺠﺎﻭﺏ ﻭﺗﻌﺮﻓﻮ ﻋﻠﻲ ﺑﻌﻀﻬﻢ ﺍﻛﺜﺮ
ﻧﺮﺟﺲ : ﻧﻄﻠﺐ ﻣﻨﻚ ﻃﻠﺐ ﻟﻮ ﺗﻘﺪﺭ ؟
ﺣﺴﻦ : ﻋﻴﻮﻧﻲ ﻟﻴﻚ
ﻧﺮﺟﺲ ﺗﺤﺸﻤﺖ : ﺧﺎﻃﺮﻱ ﻧﺴﻤﻌﻚ ﺗﻌﺰﻑ ﻭﺗﻐﻨﻲ
ﺣﺴﻦ : ﻧﻌﺰﻑ ﻭﺍﻟﻠﻪ ﻣﺎﻓﻴﻬﺎ ﻛﻴﻒ ﺗﻮﺍ ﻣﻘﻤﻌﺰ ﻓﻲ ﺍﻟﺴﻴﺎﺭﺓ ﻭﺑﻌﻴﺪ ﻉ ﺍﻟﺸﻘﻪ
ﻧﺮﺟﺲ : ﺍﻣﻢ ﺑﺎﻫﻲ
ﺣﺴﻦ : ﺗﺒﻲ ﻧﻐﻨﻴﻠﻚ ﻧﻐﻨﻲ ، ﻣﻊ ﺍﻧﻪ ﺻﻮﺗﻲ ﻣﺶ ﺣﻠﻮ
ﻧﺮﺟﺲ : ﺑﺎﻟﻌﻜﺲ ﺻﻮﺗﻚ ﻣﺶ ﻋﺎﺩﻱ ﺣﺒﻴﺘﻪ ﺍﻭﻝ ﻣﺎﺳﻤﻌﺘﻪ ، ﻭﺳﻜﺘﺖ
ﺣﺴﻦ : ﻳﻌﻨﻲ ﺣﺒﻴﺘﻲ ﺻﻮﺗﻲ ﺑﺲ ﺍﻟﻤﻐﻨﻲ ﻣﺎﺣﺒﻴﺘﻴﺶ
ﻧﺮﺟﺲ ﺗﺤﺸﻤﺖ : ﻫﻬﻬﻪ
ﺣﺴﻦ : ﻧﻌﻠﻴﺎ ﻣﻦ ﺍﻟﻀﺤﻜﺔ ﺍﻟﺴﻤﺤﺔ
ﻧﺮﺟﺲ ﻣﺒﺘﺴﻤﻪ ﻭﺧﺪﻭﺩﻫﺎ ﻭﻟﻮ ﺣﻤﺮ
ﺣﺴﻦ : ﺍﺣﻢ ﺍﺣﻢ << ﻻ ﺣﻮﻝ ﻻ ﺣﻮﻝ
ﺷﻜﻠﻨﺎ ﺑﻨﺘﻮﺭﻁ
ﻓﻲ ﻗﺼﺔ ﺣﺐ ﻫﺎﻟﺒﻨﺖ
ﻭﻻ ﺑﻪ ﺣﺪ ﻳﺴﻌﻔﻨﺎ ﻫﻨﺎ
ﻧﺮﺟﺲ ﺗﺴﻤﻊ ﻭﻣﺒﺘﺴﻤﻪ ﺻﻮﺗﻪ ﻛﺎﻥ ﺍﺑﺪﺍﻉ
ﺣﺴﻦ :
ﻻ ﺣﻮﻝ ﻻ ﺣﻮﻝ
ﻳﺎ ﺩﻭﺏ ﻓﻲ ﺃﻭﻝ ﺍﻟﺨﻂ
ﺧﺬﺗﻨﺎ ﻗﻬﻮﺓ ﺍﻟﻮﻗﺖ
ﻭﺧﺒﺮﺓ ﻋﺸﻖ ﻣﺎﻛﻮ ﻋﻨﺪﻧﺎ
ﺑﺸﻮﻳﺶ ﺑﺸﻮﻳﺶ
ﺗﺮﺍﻧﻲ ﻣﻘﺼﺺ ﺍﻟﺮﻳﺶ
ﺗﺰﻳﺪﻳﻨﻲ ﺑﻌﺪ ﻟﻴﺶ
ﻋﻠﻰ ﺍﻟﻌﻤﻴﺎﻥ ﻃﺤﺖ ﻓﻲ ﺷﺮ ﻣﻜﺎﻥ >>
ﻧﺮﺟﺲ : ﻳﻴﻴﻲ ﺻﻮﺗﻚ ﻳﻬﺒﻞ ﻭﺍﻟﻠﻪ ﻣﺒﺪﻉ
ﺣﺴﻦ ﻳﻀﺤﻚ ﺑﺨﺠﻞ ﻧﻮﻋﺎ ﻣﺎ : ﻫﻬﻬﻬﻬﻪ ﺍﻧﺘﻲ ﺍﻭﻝ ﻭﺣﺪﺓ ﺗﺴﻤﻌﻲ ﺻﻮﺗﻲ ﻋﻠﻰ ﻓﻜﺮﺓ ﺑﻌﺪ ﺃﻣﻲ
ﻧﺮﺟﺲ : ﻭﺣﺒﻴﺒﺘﻚ ﺍﻻﻭﻟﻰ ؟
ﺣﺴﻦ ﺗﻨﻬﺪ : ﻻ ﻣﺎﻋﻤﺮﻫﺎ ﺳﻤﻌﺘﻨﻲ ﻧﻐﻨﻲ
ﻭﺍﻫﻨﻲ ﻧﺮﺟﺲ ﺧﺸﺖ ﻋﻠﻴﻬﺎ ﻣﻜﺎﻟﻤﻪ ﺍﻧﺘﻈﺎﺭ ﺷﺎﻓﺎﺗﻪ ﺍﻟﻘﺎﺗﻪ ﻣﻌﺎﺫ ، ﺧﺎﻓﺖ ﻭﺳﻜﺘﺖ
ﺣﺴﻦ : ﻫﻠﻮﻭﻭ ﻭﻳﻨﻚ ﻳﺎﺳﻤﺤﺔ
ﻧﺮﺟﺲ : ﻻﺑﺲ ﺟﺖ ﻣﻜﺎﻟﻤﺔ ﺍﻧﺘﻈﺎﺭ ﻓﺸﻔﺘﻬﺎ
ﺣﺴﻦ : ﻣﻦ ؟
ﻧﺮﺟﺲ : ﻭﻟﺪ ﺧﺎﻟﺘﻲ
ﺣﺴﻦ : ﻛﻴﻴﻴﻒ ﺷﻦ ﻳﺒﻲ ﻓﻴﻴﻴﻚ ﻭﻟﺪ ﺧﺎﻟﺘﻚ
ﻧﺮﺟﺲ : ﻣﺶ ﻋﺎﺭﻓﻪ ﻭﺍﻟﻠﻪ ﺍﻧﻲ ﺑﺮﻭﺣﻲ ﺍﺳﺘﻐﺮﺑﺖ ﺍﻟﺮﻧﻪ ، ﺍﻫﻮ ﻋﺎﻭﺩ ﻣﻦ ﺟﺪﻳﺪ
ﺣﺴﻦ ﻗﻌﺪ ﻳﻐﻠﻲ
ﺍﻣﺎ ﻣﻌﺎﺩ ﻓﻜﺎﻥ ﺑﻴﺘﺼﻞ ﺑﻴﺴﺄﻝ ﻋﻠﻴﻬﺎ ﻭﻟﻤﺎ ﺍﻟﻘﺎﻫﺎ ﺍﻧﺘﻈﺎﺭ ﺿﺮﺑﻪ ﺍﻟﺸﻚ
ﺣﺴﻦ : ﻫﺪﺍ ﺍﻟﻲ ﻗﻌﺪ ﻣﻌﺎﻙ ﺍﻣﺲ
ﻧﺮﺟﺲ : ﺍﻳﻪ
ﺣﺴﻦ : ﺍﺻﻼ ﻣﺶ ﻣﺮﺗﺎﺣﻠﻪ ﺍﻧﻲ ﻣﺶ ﻋﺎﺭﻑ ﻛﻨﻪ ﺍﻟﻔﺮﺥ ﻫﺬﺍ
ﻧﺮﺟﺲ : ﻫﻬﻬﻬﻪ
ﺣﺴﻦ : ﺗﻮ ﺷﻦ ﻳﻀﺤﻚ ﻓﻴﻚ
ﻧﺮﺟﺲ : ﻣﺎﻫﻮ ﺣﺘﻰ ﻫﻮ ﻗﺎﻟﻲ ﺍﻟﺪﻛﺘﻮﺭ ﻣﺶ ﻣﺮﺗﺎﺣﻠﻪ
ﺣﺴﻦ : ﻫﻬﻬﻪ ﺗﻲ ﻭﺍﻟﻠﻪ ﺣﻂ ﺭﺍﺳﻪ ﻣﻦ ﺭﺍﺳﻲ ﻋﻘﺎﺏ ﻓﺮﺥ
ﻧﺮﺟﺲ ﺳﻜﺘﺖ
ﺣﺴﻦ : ﻣﺎﺗﺮﺩﻳﺶ ﻋﻠﻴﻪ
ﻧﺮﺟﺲ : ﺑﺎﻫﻲ ، ﻋﺮﻓﻨﻲ ﺑﻌﻴﻠﺘﻚ ﻛﻢ ﻋﻨﺪﻙ ﺍﺧﺖ ﻛﻢ ﻋﻨﺪﻙ ﺍﺥ ، ﺣﻴﺎﺗﻚ ﻗﺒﻞ ﻛﻴﻒ ﻛﺎﻧﺖ
ﺣﺴﻦ : ﻋﻨﺪﻱ ﺯﻭﺯ ﺍﺧﻮﺍﺕ ﻭﺯﻭﺯ ﺧﻮﺕ ، ﻋﻨﺪﻱ ﺍﺥ ﺍﻛﺒﺮ ﻣﻨﻲ ﻣﺘﺰﻭﺝ ﺍﺳﻤﻪ ﺣﺴﻴﻦ ﻭﺍﺧﺖ ﻣﺘﺰﻭﺟﺔ ﺣﻨﺎﻥ ، ﻭﺍﺧﺘﻲ ﺍﻟﺘﺎﻧﻴﻪ ﺍﺳﻤﻬﺎ ﺣﻨﻴﻦ ، ﻭﺧﻮﻱ ﺍﻟﺼﻐﻴﺮ ﺣﺎﺗﻢ ، ﻛﻠﻨﺎ ﻣﻮﺍﻟﻴﺪ ﻛﻨﺪﺍ ، ﺭﻭﺣﻨﺎ ﻣﻤﻜﻦ ﻋﻤﺮﻱ 15 ﺍﻟﺴﻨﻪ ﻭﺭﺟﻌﺖ ﺍﻧﻲ ﻭﺧﻮﻱ ﻓﻲ ﺍﻟﺠﺎﻣﻌﻪ ﻗﺮﻳﻨﺎ ﻓﻲ ﻛﻨﺪﺍ
ﻧﺮﺟﺲ : ﻣﺎﺷﺎﺀ ﺍﻟﻠﻪ ﺣﻠﻮ ، ﻳﻌﻨﻲ ﻛﻢ ﺍﻋﻤﺎﺭﻫﻢ ﻫﻜﻲ ﺧﻮﺗﻚ
ﺣﺴﻦ : ﺣﺴﻴﻦ ﻣﻮﺍﻟﻴﺪ 79 ، ﺣﻨﺎﻥ ﻣﻮﺍﻟﻴﺪ 84 ، ﺣﻨﻴﻦ 88 ﺣﺎﺗﻢ 91
ﻧﺮﺟﺲ : ﻣﺎﺷﺎﺀ ﺍﻟﻠﻪ ، ﺣﺴﻦ
ﺣﺴﻦ : ﻗﻠﺒﻪ
ﻧﺮﺟﺲ ﺗﺤﺸﻤﺖ ﻭﺳﻜﺘﺖ
ﺣﺴﻦ : ﻫﻬﻬﻬﻪ ﻧﺠﻚ ﻳﺎﺣﺸﻮﻣﻴﻪ ﺷﻦ ﻛﻨﺘﻲ ﺑﺘﻘﻮﻟﻲ ؟
ﻧﺮﺟﺲ : ﺍﻧﻲ ﻣﺮﺓ ﺷﻔﺘﻚ ﻓﻲ ﺍﻟﻤﺴﺘﺸﻔﻰ ﻭﻛﺎﻧﺖ ﻣﻌﺎﻙ ، ﻭﺳﻜﺘﺖ
ﺣﺴﻦ : ﻛﻤﻠﻲ !!
ﻧﺮﺟﺲ : ﻛﺎﻧﺖ ﻣﻌﺎﻙ ﺑﻨﺖ ﻭﻣﺶ ﻣﺘﺤﺠﺒﺔ ﻭﺷﻌﺮﻫﺎ ﺍﺻﻔﺮ ﻭﺍﻧﺖ ، ﻭﺳﻜﺘﺖ
ﺣﺴﻦ : ﻛﻨﻚ ﺗﻘﻄﻌﻲ ﻛﻤﻠﻲ !
ﻧﺮﺟﺲ : ﻳﻌﻨﻲ ﺳﻠﻤﺖ ﻋﻠﻴﻬﺎ ﻭﺍﺿﺒﻄﺘﻬﺎ !
ﺣﺴﻦ : ﺍﻣﺘﻰ ﺗﺮﺍ ؟
ﻧﺮﺟﺲ : ﻣﺶ ﻋﺎﺭﻓﻪ ﻣﻤﻜﻦ ﻣﻦ ﺷﻬﺮ ﻓﺎﺕ ﺍﻭ ﺍﺗﻨﻴﻦ
ﺣﺴﻦ : ﺑﺎﻟﻚ ﺍﺧﺘﻲ ﺣﻨﻴﻦ ﻟﻤﺎ ﺟﺘﻨﻲ
ﻧﺮﺟﺲ ﺍﺗﻄﻤﻨﺖ ﺷﻮﻱ : ﺍﺧﺘﻚ ﻣﺶ ﻣﺘﺤﺠﺒﻪ ؟
ﺣﺴﻦ : ﻻﻻ
ﻧﺮﺟﺲ ﺳﻜﺘﺖ
ﺣﺴﻦ : ﺣﺘﻰ ﺍﺧﺘﻲ ﺣﻨﺎﻥ ﻣﺶ ﻣﺘﺤﺠﺒﺔ
ﻧﺮﺟﺲ : ﺍﻫﺎ ، ﻭﺧﺶ ﻣﻌﺎﺩ ﺍﻧﺘﻈﺎﺭ
ﺣﺴﻦ : ﻣﺎﺗﻘﻮﻟﻴﻠﻴﺶ ﻭﻟﺪ ﺧﺎﻟﺘﻚ ﻋﺎﻭﺩ ﺑﺲ
ﻧﺮﺟﺲ : ﺍﻳﻪ ﻗﺎﻋﺪ ﻳﻌﺎﻭﺩ
ﺣﺴﻦ ﻗﻌﺪ ﻳﻨﻔﺦ
ﻭﺍﻣﺸﻲ ﺍﻟﻮﻗﺖ ﻫﻜﻲ ﻧﺮﺟﺲ ﺗﻬﺪﺭﺯ ﻣﻊ ﺣﺴﻦ ﻭﺗﻌﺮﻓﺖ ﻋﻠﻴﻪ ﺍﻛﺜﺮ
،،،،،،،،،،،
ﻣﻊ ﺍﻟﻤﻐﺮﺏ ﺟﺎﻧﺐ ﻭﻟﻴﺪ
ﺍﻧﻲ : ﻫﻲ ﺍﻧﻲ ﺑﻨﺮﻭﺡ ، ﻭﺭﺩﻱ ﺑﺎﻟﻚ ﻉ ﺭﻭﺣﻚ ﻭﻛﻮﻟﻲ
ﻫﺎﺟﺮ : ﻳﺼﻴﺮ ﺧﻴﺮ ، ﻭﺍﻟﻠﻪ ﻏﻴﺮﺗﻴﻠﻲ ﺟﻮﻱ ﻛﺎﻥ ﻣﺶ ﻣﺘﺰﻭﺟﺔ ﻭﺍﻟﻠﻪ ﻣﻨﺨﻠﻴﻚ ﺗﺮﻭﺣﻲ
ﺍﻧﻲ ﻧﺴﻠﻢ ﻋﻠﻴﻬﺎ : ﻫﻬﻬﻬﻪ ﺑﺎﻟﻨﺴﺒﺔ ﻟﻴﺎ ﻣﺎﻋﻨﺪﻳﺶ ﻣﺸﻜﻠﺔ
ﻫﺎﺟﺮ : ﻋﺎﺭﻓﺎﺗﻚ ﺍﻧﺘﻲ ﻣﺎﻋﻨﺪﻛﺶ ﻣﺸﻜﻠﺔ ، ﺍﻟﻤﺸﻜﻠﺔ ﻓﻲ ﻣﺤﺮﻭﺳﻚ
ﺍﻧﻲ : ﻫﻬﻬﻬﻬﻪ ﺣﻠﻮﺓ ﻣﺤﺮﻭﺳﻚ ، ﻫﻲ ﻣﻊ ﺍﻟﺴﻼﻣﻪ
ﻫﺎﺟﺮ : ﺳﻼﻡ
ﻃﻠﻌﺖ ﻭﺳﻠﻤﺖ ﻋﻠﻲ ﺍﻣﻬﺎ ، ﻭﻃﻠﻌﺖ
ﺍﻧﻲ ﺭﺍﻛﺒﻪ ﻟﻠﺴﻴﺎﺭﺓ : ﻋﻄﻠﺖ ﺑﻴﺒﻲ ؟
ﻭﻟﻴﺪ : ﺷﻮﻭﻭﻳﺔ
ﺍﻧﻲ : ﻫﻬﻬﻬﻪ ﺍﻫﻢ ﺷﻲ ﺷﻮﻳﺔ ﻣﺶ ﻫﻠﺒﺎ
ﻭﺭﻭﺣﻨﺎ ﻟﻠﺤﻮﺵ ﻭﻛﺎﻥ ﻭﻟﻴﺪ ﻭﺍﺧﺪ ﺗﻮﺭﺗﺔ ﺻﻐﻴﺮﺓ ﻭﺩﺍﻳﺮ ﺟﻮ ﺣﺘﻰ ﻓﻲ ﺣﻮﺷﻨﺎ
ﺍﻧﻲ ﺍﺿﺒﻄﺘﻪ : ﺷﻜﺮﺍﺍ ﺣﺒﻴﺒﻲ ﺑﺠﺪ ﺍﺣﻠﻰ ﻋﻴﺪ ﻣﻴﻼﺩ ﻳﻤﺮ ﻋﻠﻴﺎ
ﻭﻟﻴﺪ : ﻛﻞ ﺳﻨﻪ ﻭﺍﻧﺘﻲ ﺣﺒﻴﺒﺘﻲ
ﺍﻧﻲ : ﻭﻛﻞ ﺳﻨﻪ ﻭﺍﻧﺖ ﻣﻌﺎﻳﺎ ﻳﺎﺭﻭﺣﻲ ، ﺑﺲ ﻳﺎﺑﻴﺒﻲ ﺗﻌﺒﺘﻚ ﺭﻭﺣﻚ ﻫﻠﺒﺎ ﻣﺎﻫﻮ ﺩﺭﺗﻠﻲ ﻋﻴﺪ ﻣﻴﻼﺩ ﻏﺎﺩﻱ
ﻭﻟﻴﺪ : ﻻﻻ ﻫﺪﺍ ﻳﻔﺮﻕ ﻫﺪﺍ ﺍﻧﻲ ﻭﺍﻧﺘﻲ ﺑﺲ ، ﻭﺑﺎﺳﻨﻲ ، ﻋﻴﺪ ﻣﻴﻼﺩ ﺧﺎﺹ ﺑﻮﻟﻴﺪ ﻫﺬﺍ ﻣﺎﺣﺪ ﻳﺸﺎﺭﻛﻨﻲ
ﺍﻧﻲ ﺍﺿﺒﻄﺘﻪ ﺍﻛﺜﺮ : ﻧﺤﺒﺒﺒﻚ
ﻭﻟﻴﺪ : ﻣﺎﺗﺒﻴﺶ ﺗﺸﻮﻓﻲ ﻫﺪﻳﺘﻚ
ﺍﻧﻲ : ﺍﻳﻴﻪ ﺷﻦ ﻫﻲ
ﻭﻟﻴﺪ ﺣﻂ ﻳﺪﻩ ﻓﻲ ﺟﻴﺒﻪ ﻭﻃﻠﻊ ﺯﻭﺯ ﺗﺬﺍﻛﺮ ، ﺟﺒﺪﺕ ﻣﻨﻪ ﺍﻟﺘﺬﺍﻛﺮ، ﺍﻧﻲ : ﻟﺘﺮﻛﻴﻴﻴﺎﺍﺍﺍﺍ
ﻭﻟﻴﺪ ﺍﺑﺘﺴﻢ
ﺍﻧﻲ ﻛﺸﺮﺕ : ﻋﻼﺵ ﺗﺤﺮﻗﻠﻲ ﻓﻲ ﺩﻣﻲ ﺍﻣﺲ
ﻭﻟﻴﺪ : ﻫﻬﻬﻬﻬﻪ ﻧﺤﺒﻚ ﻟﻤﺎ ﺗﺒﺪﻱ ﻣﻄﺮﻣﺔ ﺷﻮﺍﺭﺑﻚ ﻫﻜﻲ ، ﻭﻗﻌﺪ ﻳﻘﻠﺪ ﻓﻴﺎ : ﻭﻗﺎﻟﺒﻪ ﻭﺟﻬﻚ ﺗﻮﻟﻲ ﺗﻬﺒﻠﻲ
ﺍﻧﻲ ﺿﺮﺑﺘﻪ ﻋﻠﻲ ﻛﺘﻔﻪ : ﻫﻬﻬﻬﻪ ﻣﺒﺮﺩﻙ
ﺑﻌﺪﻫﺎ ﻗﺼﻴﻨﺎ ﻣﻦ ﺍﻟﺘﻮﺭﺗﺔ ﻭﻗﻌﻤﺰﻧﺎ ﻗﻌﺪﻧﺎ ﻧﺎﻛﻠﻮ ﻓﻴﻬﺎ
ﺍﻧﻲ : ﺣﺒﻴﺒﻲ ﺍﻟﻬﺪﺍﻳﺎ ﻗﻌﺪﻭ ﻓﻲ ﺍﻟﺴﻴﺎﺭﺓ
ﻭﻟﻴﺪ : ﺗﻮ ﺍﻧﻮﺽ ﻧﺠﻴﺒﻬﻢ
ﺍﻧﻲ : ﺑﺎﺍﻩ ، ﺍﺳﺎﺳﺎ ﻓﻀﻮﻟﻲ ﺑﻴﻘﺘﻠﻨﻲ ﻧﺒﻲ ﻧﻌﺮﻑ ﺷﻦ ﻓﻴﻬﻢ
ﻧﺎﺽ ﻭﻟﻴﺪ ﻭﻃﻠﻊ ﺟﺎﺑﻬﻢ ﻣﻦ ﺍﻟﺴﻴﺎﺭﺓ ﻭﺟﻲ ، ﺣﻄﻬﻢ ﻗﺪﺍﻣﻲ ﻉ ﺍﻟﻄﺎﻭﻟﺔ
ﺍﻧﻲ ﺣﻄﻴﺖ ﺻﻮﻧﻴﻪ ﺍﻟﻜﻴﻜﺔ ﻭﻣﺪﻳﺖ ﻳﺪﻱ ﺍﺧﺪﻳﺖ ﺍﻭﻝ ﺑﺎﻛﻴﺖ ﻛﺎﻥ ﺑﺎﻛﻴﺖ ﻫﺪﻳﺔ ﺃﻳﻤﻦ ، ﻓﺘﺤﺘﻪ ﻭﻛﺎﻥ ﻓﻴﻪ ﺳﺎﻋﻪ ﺫﻫﺒﻴﻪ ﺣﻠﻮﺓ : ﻭﺍﺍﺍﻭ ﺣﺒﻴﺒﻲ ﺷﻮﻭﻓﻬﺎ ﺗﻬﺒﻞ
ﻭﻟﻴﺪ ﻣﺒﺘﺴﻢ ﻭﻳﺸﻮﻓﻠﻲ ، ﺑﻌﺪﻫﺎ ﻣﺪﻳﺖ ﻳﺪﻱ ﺧﺪﻳﺖ ﻫﺪﻳﺔ ﻋﺪﻧﺎﻥ ﻓﺘﺤﺘﻬﺎ ﻭﻛﺎﻥ ﺩﺑﺪﻭﺏ ﻭﺭﺩﻱ ﻭﻓﻴﻪ ﻓﻴﻮﻧﻜﺔ ﻣﻦ ﻭﺩﻧﻪ ﻭﻓﻲ ﺭﻗﺒﺘﻪ ، ﻛﺎﻥ ﺣﻠﻮ ﻫﻠﺒﺎ : ﻫﻬﻬﻬﻬﻬﻪ ﺣﺒﻴﺒﻲ ﺷﻮﻑ ﻳﻬﺒﻞ ، ﻭﺍﺿﺒﻄﺘﻪ
ﻭﻟﻴﺪ : ﻫﻬﻬﻬﻪ ﻫﺒﻠﺔ
ﻭﻣﺪﻳﺖ ﻳﺪﻱ ﺧﺪﻳﺖ ﻛﻴﺴﺔ ﻫﺪﻳﺔ ﻣﻌﺎﺩ ﻃﻠﻌﺖ ﻣﻨﻬﺎ ﺑﺎﻛﻴﺖ ﺻﻐﻴﺮ ﻓﺘﺤﺘﻪ ﻭﻛﺎﻥ ﻓﻴﻪ ﻣﺪﺍﻟﻴﺔ ﻣﻔﺎﺗﻴﺢ ﻋﻠﻲ ﺷﻜﻞ ﻗﻠﺐ ﻭﻣﻜﺘﻮﺏ ﻓﻴﻬﺎ ﺍﺳﻤﻲ ﺷﺪﻳﺘﻬﺎ : ﻳﻴﻲ ﺣﻼﺗﻬﺎ
ﻭﻟﻴﺪ : ﻫﺎﺩﻱ ﻣﻦ ﻣﻦ ؟
ﺍﻧﻲ : ﻣﻦ ﻣﻌﺎﺩ
ﻭﻟﻴﺪ ﺍﺑﺘﺴﻢ ، ﻭﺑﻌﺪﻫﺎ ﻓﺘﺤﺖ ﻫﺪﻳﺔ ﺧﺎﻟﺘﻲ ﻭﻛﺎﻧﺖ ﻣﺼﺤﻒ ﻭﻣﻌﺎﻩ ﻣﺴﺒﺤﺔ : ﻳﻴﻲ ﻳﺎﺧﻮﻳﻠﺔ ﺍﺣﻠﻰ ﻫﺪﻳﺔ ﻭﺍﻟﻠﻪ
ﻭﻟﻴﺪ ﻣﺒﺘﺴﻢ ، ﺑﻌﺪﻫﺎ ﺍﺧﺪﻳﺖ ﻫﺪﻳﻪ ﺳﺎﺭﺓ ﻓﺘﺤﺘﻬﺎ ﻭﻛﺎﻧﺖ ﻣﺬﻛﺮﺓ ﻭﻣﻌﺎﻫﺎ ﻗﻠﻢ ﻛﺎﻧﺖ ﻣﺬﻛﺮﺓ ﺣﻠﻮﺓ ﺑﻜﻞ ﻭﺭﺍﻗﻴﻪ ، ﺑﻌﺪﻫﺎ ﻓﺘﺤﺖ ﻫﺪﻳﺔ ﺳﺮﻭﺭ ﻛﺎﻧﺖ ﺑﺎﻛﻴﺖ ﻓﻴﻪ ﺍﻛﺴﺴﻮﺍﺭ ﺷﻌﺮ ﻭﻣﻌﺎﻩ ﺳﻠﺴﻪ ﻭﺍﻗﺮﺍﻁ ﺣﻠﻮﺍﺕ ، ﺑﻌﺪﻫﺎ ﺍﺧﺪﻳﺖ ﻛﻴﺴﺔ ﻫﺪﻳﺔ ﻋﻠﻴﺎ ﻃﻠﻌﺖ ﻣﻦ ﺍﻟﻜﻴﺴﺔ ﻭﻛﺎﻧﺖ ﺑﻠﻮﺯﺓ ﻟﻮﻧﻬﺎ ﺣﻤﺮﺍﺀ ﺣﻠﻮﺓ ﻫﻠﺒﺎ
ﻭﻟﻴﺪ ﻳﺮﺍﻗﺐ ﻓﻴﺎ ﻛﻴﻒ ﻧﻔﺘﺢ ﻓﻲ ﺍﻟﻬﺪﺍﻳﺎ ﻭﻧﻮﺭﻳﻠﻪ ﻭﻣﺒﺘﺴﻢ
ﺑﻌﺪﻫﺎ ﻓﺘﺤﺖ ﻫﺪﻳﺔ ﻋﻤﺘﻲ ﻭﻛﺎﻧﺖ ﺷﺎﻝ ﻻﻧﻪ ﻭﻋﺮﻓﺘﻪ ﻫﻲ ﺍﻟﻲ ﺩﺍﻳﺮﺍﺗﻪ ﻭﻟﻮﻧﻪ ﺍﺯﺭﻕ : ﺣﺒﻴﺒﻲ ﺷﻮﻑ ﺍﻛﻴﺪ ﻫﻲ ﻋﻤﻴﻤﻪ ﺩﺍﻳﺮﺍﺗﻪ
ﻭﻟﻴﺪ : ﺣﻠﻮ ﻣﺎﺷﺎﺀ ﺍﻟﻠﻪ
ﺍﻧﻲ ﻃﻠﻌﺖ ﻣﻦ ﺷﻨﻄﺘﻲ ﺣﺪﻳﺪﺓ : ﺷﻮﻓﻲ ﺣﺒﻴﺒﻲ ﺭﻭﺯﺍ ﺟﺎﺑﺘﻬﺎﻟﻲ
ﻭﻟﻴﺪ : ﻣﺎﺷﺎﺀ ﺍﻟﻠﻪ ، ﺑﻌﺪﻫﺎ ﺗﺬﻛﺮﺕ ﺍﻟﻲ ﻣﺪﺗﻬﺎﻟﻲ ﺍﺣﻨﻴﻨﻪ ﻃﻠﻌﺘﻬﺎ ﻣﻦ ﺍﻟﺸﻨﻄﺔ ﻭﻓﺘﺤﺘﻬﺎ : ﻳﻴﻴﻲ ﻳﺎﺍﺣﻨﻴﻨﻪ ، ﺷﻮﻑ ﻋﺎﻃﻴﻴﺘﻨﻲ ﻓﻠﻮﺱ ، ﻭﺍﻟﻠﻪ ﻣﺎﺣﺴﺒﺘﻬﻢ ﻓﻠﻮﺱ
ﻭﻟﻴﺪ ﻣﺒﺘﺴﻢ ﻭﺳﺮﺣﺎﻥ ﻓﻴﺎ
ﺍﻧﻲ ﺍﺑﺘﺴﻤﺖ ﻋﻠﻲ ﺷﻜﻠﻪ : ﻭﻟﻴﺪ ، ﺑﺴﺘﻪ ﻋﻠﻲ ﺧﺪﻩ
ﻭﻟﻴﺪ ﺗﻨﻬﺪ : ﺍﻥ ﺷﺎﺀ ﺍﻟﻠﻪ ﺩﻭﻡ ﻧﺸﻮﻓﻚ ﻓﺮﺣﺎﻧﻪ ﻫﻜﻲ
ﺍﻧﻲ ﺍﺑﺘﺴﻤﺖ : ﻣﺎﺩﺍﻡ ﺍﻧﺖ ﻣﻌﺎﻱ ﻣﻌﻨﺎﻫﺎ ﺍﻧﻲ ﺩﻳﻤﺎ ﺣﻨﻜﻮﻥ ﻓﺮﺣﺎﻧﻪ
ﻭﻟﻴﺪ ﺑﺎﺳﻨﻲ
،،،،،،،،،،،،،،
ﻧﻀﺖ ﺍﻟﺼﺒﺢ ﺟﻬﺰﺕ ﻓﻄﻮﺭ ، ﻭﻧﻮﺿﺖ ﻭﻟﻴﺪ ، ﻭﻗﻌﻤﺰﺕ ﻓﻲ ﺍﻟﻤﻄﺒﺦ ﻧﺮﺍﺟﻲ ﻓﻴﻪ ، ﺧﻄﺮ ﻓﻲ ﺑﺎﻟﻲ ﻧﺘﺼﻞ ﺑﺄﻳﻤﻦ
ﻗﻤﺖ ﺍﻟﺘﻠﻴﻔﻮﻥ ﻭﺣﻄﻴﺖ ﻋﻠﻲ ﺭﻗﻤﻪ ﻭﺍﺗﺼﻠﺖ : ﺍﻟﻮ
ﺍﻳﻤﻦ : ﺍﻫﻠﻴﻦ ﻧﺴﻴﺒﺔ ﻛﻴﻒ ﺍﻟﺤﺎﻝ
ﺍﻧﻲ : ﺗﻤﺎﻡ ﺍﻟﺤﻤﺪ ﻟﻠﻪ ، ﻭﻳﻦ ﺍﻧﺖ
ﺍﻳﻤﻦ : ﻗﺎﻋﺪ ﻓﻲ ﺍﻟﺴﻴﺎﺭﺓ ، ﺧﻴﺮ ﺍﻥ ﺷﺎﺀ ﺍﻟﻠﻪ ؟
ﺍﻧﻲ : ﺷﻦ ﺍﻟﻲ ﺩﺍﻳﺮﻩ ﻳﺎ ﺃﻳﻤﻦ ؟
ﺍﻳﻤﻦ ﺳﻜﺖ ﺑﻌﺪﻫﺎ ﻗﺎﻟﻲ : ﺷﻨﻮ ؟
ﺍﻧﻲ : ﺍﻧﺖ ﻋﺎﺭﻑ ﺭﻭﺣﻚ ﻓﻲ ﺷﻦ ﻏﺎﻟﻂ ، ﻭﻗﺖ ﺗﺨﺴﺮ ﻫﺎﺟﺮ ﺑﻌﺪﻫﺎ ﺗﻔﻴﻖ ﻟﻌﻤﺮﻙ ﺻﺢ ﻭﺍﻻ
ﺍﻳﻤﻦ : ﻫﻲ ﺣﻜﺘﻠﻚ ؟
ﺍﻧﻲ : ﺍﻳﻪ ﺍﻣﺲ ﺍﻣﺸﻴﺘﻠﻬﺎ ، ﻋﻼﺵ ﺗﻤﺪ ﻓﻲ ﻳﺪﻙ ﻳﺎﺃﻳﻤﻦ ﻋﻼﺵ ؟
ﺍﻳﻤﻦ ﺩﺭﺱ ﺍﻟﺴﻴﺎﺭﺓ : ﺍﻧﺘﻲ ﺍﻛﺜﺮ ﻭﺣﺪﺓ ﻋﺎﺭﻓﻪ ﻟﻤﺎ ﻧﻌﺼﺐ ﻛﻴﻒ ﻭﻣﻌﺎﺵ ﻧﺸﻮﻑ ﻓﻲ ﺷﻲ ﻗﺪﺍﻣﻲ ، ﺑﻌﺪﻳﻦ ﻋﻼﺵ ﻣﺎﺗﺤﻜﻴﻠﻴﺶ ﻫﻲ ﻣﻦ ﺍﻻﻭﻝ ﻋﻼﺵ ﺗﺨﻠﻲ ﻓﻴﻬﻢ ﻟﻴﻦ ﻳﺠﻮ ﻳﻘﻮﻟﻮﻟﻲ ﻫﺎﺍ
ﺍﻧﻲ : ﻣﺎﺗﺒﺮﺭﺵ ﻟﺮﻭﺣﻚ ﻏﻠﻄﺘﻚ ، ﺑﻌﺪﻳﻦ ﻣﺎﺗﻌﺮﻓﺶ ﺗﺸﺪ ﺍﻋﺼﺎﺑﻚ ﺷﻮﻳﺔ ، ﻋﺼﺐ ﻭﻋﻴﻂ ﻭﻛﺸﺦ ﻟﻜﻦ ﻣﺪﺓ ﺍﻟﻴﺪ ﻭﺍﻋﺮﻩ ﺭﺍﻫﻮ ﻭﺗﺨﺴﺮ ﻫﺎﺟﺮ ﻫﻜﻲ
ﺍﻳﻤﻦ : ﻣﻌﺎﺵ ﺗﻘﻮﻟﻴﻠﻲ ﻧﺨﺴﺮﻫﺎ ، ﻭﺍﻟﻠﻪ ﺍﻟﻲ ﻓﻴﺎ ﻣﻜﻔﻴﻨﻲ ﻋﺎﺭﻑ ﺭﻭﺣﻲ ﻏﺎﻟﻂ ﻭﻧﺘﺄﺳﻔﻠﻬﺎ ﻟﻜﻦ ﻫﻲ ﻣﺎﺗﺒﻴﺶ ﺗﺮﺩ ﻋﻠﻴﻬﺎ
ﺍﻧﻲ : ﺍﻧﺖ ﺷﻔﺖ ﺷﻦ ﺩﺍﻳﺮ ﻓﻲ ﺧﺪﻫﺎ ﻭﻛﻴﻒ ﻣﺘﻮﺭﻡ
ﺍﻳﻤﻦ : ﻗﺼﺪﻙ ﺯﺍﺩ ﺗﻮﺭﻡ ﻫﻠﺒﺎ ؟
ﺍﻧﻲ : ﺷﻦ ﺭﺍﻳﻚ ﺍﻧﺖ ، ﻫﻲ ﻳﺪﻙ ﻳﺪ ﻳﻀﺮﺑﻮ ﺑﻴﻬﺎ
ﺍﻳﻤﻦ : ﺑﺎﻩ ﻛﻴﻒ ﺗﺒﻴﻨﻲ ﻧﺪﻳﺮ ﻳﺠﻮ ﻳﻘﻮﻟﻮﻟﻲ ﻣﺮﺗﻚ ﻋﻨﺪﻫﺎ ﺣﺒﻴﺒﻲ ﻭﺣﺘﻰ ﻣﻦ ﺍﺳﻤﻪ ﻭﺍﻟﻤﺸﻜﻠﺔ ﺍﻧﺘﻲ ﺍﻟﻲ ﻛﻨﺘﻲ ﺗﺤﻜﻲ ﻣﻌﺎﻫﺎ ، ﻋﻼﺵ ﻣﺎﺗﻘﻮﻟﻴﺶ ﻋﻼﺵ ﺗﺰﻭﺟﺘﻨﻲ ﻣﺎﺩﺍﻡ ﻗﺎﻋﺪﻩ ﺗﺬﻛﺮ ﻓﻴﻪ
ﺍﻧﻲ : ﺍﻧﺖ ﻭﺍﻋﻲ ﻟﻠﻜﻼﻡ ﺍﻟﻲ ﺗﻘﻮﻝ ﻓﻴﻪ ، ﻳﻌﻨﻲ ﺍﻧﺖ ﻣﺶ ﻭﺍﺛﻖ ﻓﻴﻬﺎ ﻟﻬﺎﻟﺪﺭﺟﺔ ، ﻧﺴﺘﺴﻠﻢ ﺑﺼﺮﺍﺣﺔ
ﺍﻳﻤﻦ : ﺍﻭﻭﻭﻑ ﻳﺎﻧﺴﻴﺒﺔ ﺷﻦ ﺗﺒﻴﻨﻲ ﻧﺪﻳﺮ ﻫﺎ ﻭﺯﻳﺎﺩﻩ ﺗﻘﻮﻟﻲ ﺷﻔﺘﻪ ﺍﻟﻔﺘﺮﺓ ﺍﻟﻲ ﻓﺎﺗﺖ ﻭﻫﻲ ﻣﻌﺎﻱ ﻛﻴﻒ ﺗﺒﻴﻨﻲ ﻧﺪﻳﺮ ﺗﺮﺍ
ﺍﻧﻲ : ﺗﻌﺮﻑ ﺍﻧﻲ ﺷﻦ ﻗﺎﻟﺘﻠﻲ
ﺍﻳﻤﻦ : ﺷﻨﻮ
ﺍﻧﻲ : ﻗﺎﻟﺘﻠﻲ ﺷﻔﺘﻪ ﺍﻟﻔﺘﺮﺓ ﺍﻟﻲ ﻓﺎﺗﺖ ﻭﺍﻧﻲ ﻣﻊ ﺃﻳﻤﻦ ، ﻗﺎﻟﺘﻠﻲ ﺷﺪﻳﺖ ﻳﺪ ﺍﻳﻤﻦ ﻭﺿﻐﻄﺖ ﻋﻠﻴﻬﺎ ﻭﻣﺎﺣﺴﻴﺘﺶ ﺑﺄﻱ ﻣﺸﺎﻋﺮ ﺗﺠﺎﻫﻪ ﻭﺑﻮﺟﻮﺩ ﺍﻳﻤﻦ ﻣﺎﺣﺴﻴﺘﺶ ﺑﻮﺟﻮﺩﻩ ﻫﻮ ﻧﻬﺎﺋﻲ
ﺍﻳﻤﻦ ﺗﻨﻬﺪ ﻭﺳﻜﺖ
ﺍﻧﻲ : ﻧﺰﻳﺪﻙ ﺗﺎﻧﻲ
ﺍﻳﻤﻦ : ﻧﺴﻴﺒﺔ ﺧﻼﺹ ﺑﺎﻟﻠﻪ ﻋﻠﻴﻚ ﻭﺍﻟﻠﻪ ﺑﺮﻭﺣﻲ ﻧﺎﺩﻡ ، ﺑﺎﻫﻲ ﻗﻮﻟﻴﻠﻴﻬﺎ ﺗﺮﺩ ﻋﻠﻴﺎ ، ﺍﻟﻲ ﺗﺒﻴﻬﺎ ﻫﻲ ﺣﺎﺿﺮ ﻭﺍﻟﻠﻪ ﻧﺪﻳﺮﻫﺎ ﺷﻦ ﻳﺮﺍﺿﻴﻬﺎ ﺑﺲ ﻧﺪﻳﺮﻩ ، ﻫﺪﺍ ﻋﻴﺒﻲ ﺑﺎﻩ ﺷﻦ ﻧﺪﻳﺮ
ﺍﻧﻲ : ﺗﺤﻤﻞ ﻧﺘﻴﺠﺔ ﻏﻠﻄﻚ
ﺍﻳﻤﻦ : ﻣﺎﺗﺰﻳﺪﻳﻬﺎﺵ ﻋﻠﻴﺎ
ﺍﻧﻲ : ﺍﻳﻪ ﺗﺤﻤﻞ ﺍﻣﺎﻻ ﺷﻨﻮ ، ﻭﻟﻮ ﺍﻧﺖ ﻓﻌﻼ ﺗﺤﺒﻬﺎ ﺣﺘﻌﺮﻑ ﺷﻦ ﻳﺮﺿﻴﻬﺎ
ﻭﺍﻫﻨﻲ ﺧﺶ ﻭﻟﻴﺪ ﻭﻗﻌﺪ ﻳﺸﻮﻓﻠﻲ ﺑﺎﺳﺘﻐﺮﺍﺏ
ﺍﻳﻤﻦ ﺗﻨﻬﺪ
ﺍﻧﻲ : ﻫﻲ ﺍﻳﻤﻦ ﺍﻧﻲ ﺑﻨﺴﻜﺮ ﺗﻮﺍ
ﺍﻳﻤﻦ : ﻣﺎﺷﻲ ﻟﻜﻦ ﺍﻗﻌﺪﻱ ﻃﻤﻨﻴﻨﻲ ﻋﻠﻴﻬﺎ
ﺍﻧﻲ : ﺍﻥ ﺷﺎﺀ ﺍﻟﻠﻪ ﻣﻊ ﺍﻟﺴﻼﻣﺔ ، ﺳﻜﺮﺕ ﻭﺗﻠﻔﺘﺖ ﻟﻮﻟﻴﺪ ﻛﺎﻥ ﻋﺎﻗﺪ ﺣﻮﺍﺟﺒﻪ
ﺍﻧﻲ ﺷﻔﺘﻠﻪ ﺑﻮﺟﻪ ﺑﺮﺍﺀﺓ : ﺻﺒﺎﺡ ﺍﻟﺨﻴﺮﺍﺕ
ﻭﻟﻴﺪ ﺟﺒﺪ ﻛﺮﺳﻲ ﻭﻗﻌﻤﺰ : ﺻﺒﺎﺡ ﺍﻟﺨﻴﺮ ، ﺷﻦ ﻳﺒﻲ ﻫﺪﺍ
ﺍﻧﻲ : ﻣﻦ ؟
ﻭﻟﻴﺪ ﺷﺎﻓﻠﻲ : ﻧﻮﺳﻪ ﻣﻦ ﻏﻴﺮ ﺍﺳﺘﻌﺒﺎﻁ
ﺍﻧﻲ : ﺍﻧﻲ ﺍﺗﺼﻠﺖ ﺑﻴﻬﺎ ﻋﻠﻲ ﺧﺎﻃﺮ ﻣﺸﻜﻠﺘﻪ ﻣﻊ ﻫﺎﺟﺮ
ﻭﻟﻴﺪ ﻣﺶ ﻋﺎﺟﺒﻪ ، ﺟﺒﺪ ﺧﺒﺰﺓ ﻭﻗﺎﺭﻥ ﺣﻮﺍﺟﺒﻪ
ﺍﻧﻲ ﺣﻄﻴﺖ ﻳﺪﻱ ﻋﻠﻲ ﻳﺪﻩ : ﺣﺒﻴﺒﻲ ﺍﻟﻐﻴﻮﺭ ﺍﻻﻫﺒﻞ ﺍﻟﻲ ﻳﻐﺎﺭ ﻣﻦ ﺧﻮﻱ
ﻭﻟﻴﺪ : ﻣﺎﻫﻮ ﺍﺻﻼ ﻛﺎﻥ ﻣﺶ ﺧﻮﻙ ﺭﺍﻫﻮ ﻭﺭﻳﺘﻚ
ﺍﻧﻲ ﺑﺎﺍﺳﺘﻔﺰﺍﺯ : ﻭﺷﻦ ﺑﺪﻳﺮ ﻳﻌﻨﻲ
ﻭﻟﻴﺪ ﺷﺎﻓﻠﻲ ﺑﻜﺴﺮﺓ ﻋﻴﻦ : ﺗﺒﻲ ﺗﻌﺮﻓﻲ ﺷﻦ ﻧﺪﻳﺮ
ﺍﻧﻲ : ﺍﻳﻪ ﻧﺒﻲ ﻧﻌﺮﻑ
ﻭﻟﻴﺪ ﺑﺤﺮﻛﺔ ﺳﺮﻳﻌﻪ ﻗﺎﻣﻨﻲ ﻭﻭﻗﻒ ﻭﺣﻄﻨﻲ ﻋﻠﻲ ﻛﺘﻔﻪ
ﺍﻧﻲ : ﻧﺰﺯﺯﻟﻨﻲ ﻫﻬﻬﻬﻪ
ﻭﻟﻴﺪ : ﺗﺒﻲ ﺗﻌﺮﻓﻲ ﺷﻦ ﻧﺪﻳﺮ ﻭﺍﻻ ، ﺗﻨﺎﺷﺒﻲ ﻭﺍﻻ
ﺍﻧﻲ ﺧﺒﻄﺖ ﻇﻬﺮﻩ : ﻭﻟﻴﻴﻴﺪ ﻧﺰﺯﻟﻨﻲ ﻣﻦ ﻏﻴﺮ ﻫﺒﺎﻝ ، ﺣﻴﻴﻲ ﻧﺤﺲ ﻓﻲ ﺭﻭﺣﻲ ﺑﻨﻄﻴﺢ ﻭﻭﻭﻩ
ﻭﻟﻴﺪ ﻗﻌﺪ ﻳﻠﻮﺩ ﺑﻴﺎ ﻓﻲ ﺍﻟﺤﻮﺵ ﻛﻠﻪ ﻭﺍﻧﻲ ﻋﻠﻲ ﻛﺘﻔﻪ ، ﻭﻭﻩ ﻧﺤﺲ ﻓﻲ ﺭﻭﺣﻲ ﺑﻨﻄﻴﺢ : ﻭﻟﻴﻴﺪ ﺧﻼﺹ ﺍﺳﻔﻪ ﺑﺎﻫﻲ ﻣﻌﺎﺵ ﻧﻌﺎﻭﻭﻭﺩﻫﺎﺍ ، ﻧﺰﺯﺯﺯﻟﻨﻲ
ﻭﻟﻴﺪ : ﺍﻧﺘﻲ ﻃﻠﺒﺘﻲ ﺧﻼﺹ ﺗﺤﻤﻠﻲ
<< ﺃﺣﺐ ﺫﻟﻚ ﺍﻟﻤﺠﻨﻮﻥ ﺍﻟﺬﻱ ﻋﻨﺪﻣﺎ ﺃﺳﺘﻔﺰﻩ ﻳﺼﺒﺢ ﺃﻛﺜﺮ ﻭﺳﺎﻣﺔ ﺑﺤﺎﺟﺒﻴﻪ ﺍﻟﻤﻘﺮﻭﻧﻴﻦ ، ﺃﺣﺐ ﺳﻨﺪﻱ ﺍﻟﺬﻱ ﺑﻮﺟﻮﺩﻩ ﺃﺿﺤﻚ ﺑﻜﻞ ﺳﻌﺎﺩﺓ ﻭﻓﺮﺡ >>
ﺑﻌﺪ ﻛﻤﻞ ﻭﻟﻴﺪ ﻫﺒﺎﻟﻪ ﻧﺰﻟﻨﻲ
ﺍﻧﻲ ﺑﻌﺪﺕ ﻋﻠﻴﻪ : ﺍﻭﻭﻑ ﻟﻴﻦ ﺭﺍﺳﻲ ﺩﺍﺍﺥ ﺑﺎﺭﺩ
ﻭﻟﻴﺪ : ﻛﺘﻔﻲ ﺗﺸﻨﺞ ﺍﻭﻭﻑ ﺳﻤﻴﻨﻪ
ﺍﻧﻲ ﺷﻔﺘﻠﻪ : ﺳﻤﻴﻴﻴﻨﻪ ﻋﻴﻴﻴﻨﻚ
ﻭﻟﻴﺪ : ﺑﺮﻱ ﺷﻮﻓﻲ ﺑﺮﻭﺣﻚ ﻓﻲ ﺍﻟﻤﺮﺍﻳﺔ ﺗﻮ ﺗﻌﺮﻓﻲ
ﺍﻧﻲ ﻭﻗﻔﺖ ﻋﻠﻲ ﺍﻟﻤﺮﺍﻳﺔ ﺑﺠﺪﻳﺎﺕ : ﻭﻟﻴﺪ ﻭﺍﻟﻠﻪ ﺍﻧﻲ ﻣﺎﺳﻤﻴﻨﻪ
ﻭﻟﻴﺪ : ﺍﻧﺘﻲ ﺗﺸﻮﻓﻲ ﻓﻲ ﺭﻭﺣﻚ ﻫﻜﻲ ﺍﺳﺎﻟﻴﻨﻲ ﺍﻧﻲ ﺍﻟﻲ ﻗﻤﺘﻚ
ﺍﻧﻲ ﻗﺮﻧﺖ ﺣﻮﺍﺟﺒﻲ : ﺍﺻﻼ ﺍﻧﺖ ﻣﺎﻗﺎﻟﻚ ﺣﺪ ﻗﻴﻤﻨﻲ ، ﻭﻟﻔﻴﺖ ﻭﻣﻌﺼﺒﻪ ﻭﺑﻨﻤﺸﻲ ﺟﻬﺔ ﺍﻟﻤﻄﺒﺦ
ﻭﻟﻴﺪ : ﻫﻬﻬﻬﻬﻬﻪ ، ﻭﺟﺒﺪﻧﻲ ﻟﻴﻦ ﺧﺒﻄﺖ ﻓﻴﻪ : ﻧﺤﺒﺒﺒﻬﺎ ﺍﻟﻌﺼﺒﻴﻪ ﻫﺎﺩﻱ ﺍﻟﺴﻤﻮﻧﻴﻪ
ﺍﻧﻲ : ﻭﻟﻴﻴﻴﻴﺪ ﻣﺶ ﺳﻤﻴﻨﻪ ﺍﻧﻲ
ﻭﻟﻴﺪ : ﺑﺎﻫﻲ ﺍﻧﺘﻲ ﺭﺷﻴﻘﻪ ﺗﻤﺎﻡ ؟
ﺍﻧﻲ ﺍﺑﺘﺴﻤﺖ
،،،،،،،،،،،،
ﺃﻳﻤﻦ ﺑﻌﺪ ﺳﻜﺮﺕ ﻣﻨﻪ ﻛﺎﻧﺖ ﻋﻨﺪﻩ ﺟﻠﺴﺔ ﺑﻌﺪ ﺳﺎﻋﻪ ﻓﻘﺮﺭ ﻓﻲ ﺧﻼﻝ ﻫﺎﻟﻮﻗﺖ ﻳﻤﺸﻲ ﻳﺸﻮﻑ ﻫﺎﺟﺮ ، ﻟﻒ ﺑﺎﻟﺴﻴﺎﺭﺓ ﻭﺍﻣﺸﻲ
ﺍﻣﺎ ﻫﺎﺟﺮ ﻓﻨﺎﺿﺖ ﺍﻟﺼﺒﺢ ﻭﻓﻄﺮﺕ ﻣﻊ ﺍﻣﻬﺎ ﻭﺑﻌﺪﻫﺎ ﺳﺎﻋﺪﺗﻬﺎ ﻓﻲ ﺿﻤﺎﻥ ﺍﻟﺤﻮﺵ ، ﺳﻤﻌﺖ ﺍﻟﺒﺎﺏ ﻳﻄﻖ ﺍﻣﺸﺖ ﺑﺘﻔﺘﺢ ﺍﻟﺒﺎﺏ ، ﻗﺮﺑﺖ ﻣﻦ ﺍﻟﺒﺎﺏ : ﻣﻨﻮﻭ
ﺃﻳﻤﻦ : ﻫﺪﺍ ﺍﻧﻲ ﻫﺠﻮﺭﺗﻲ
ﻫﺎﺟﺮ ﻗﻠﺒﻬﺎ ﻗﻌﺪ ﻳﻄﻖ ﺑﻘﻮﺓ ﻭﻣﻌﺎﺵ ﻋﺮﻓﺖ ﺷﻦ ﺗﺪﻳﺮ ، ﻓﺘﺤﺘﻠﻪ ﺍﻟﺒﺎﺏ ﻭﻟﻔﺖ ﺑﺘﺨﺶ
ﺍﻳﻤﻦ ﺧﺶ ﻭﺭﺩ ﻭﺭﺍﻩ ﺍﻟﺒﺎﺏ ، ﻭﺟﺒﺪﻫﺎ ﻣﻦ ﻳﺪﻫﺎ : ﻫﺎﺟﺮ
ﻫﺎﺟﺮ ﻣﺎﺑﺘﺶ ﺗﺘﻠﻔﺘﻠﻪ : ﺍﻃﻠﻖ ﻳﺪﻱ
ﺍﻳﻤﻦ : ﻫﺎﺟﺮ ﺍﺳﺘﻨﻲ ﻧﺒﻲ ﻧﺤﻜﻲ ﻣﻌﺎﻙ ﺑﺎﻩ ﺷﻮﻳﺔ ، ﺑﺎﻩ ﺧﻮﺩﻱ ﻫﺎﺩﺩﻱ ﺟﺒﺘﻠﻚ ﺍﻟﺸﻜﻼﺗﻪ ﺍﻟﻲ ﺗﺤﺒﻴﻬﺎ
ﻫﺎﺟﺮ ﻟﻔﺖ ﺑﺪﻭﻥ ﻣﺎﺗﺸﻮﻓﻠﻪ ﻭﻓﻜﺖ ﻳﺪﻫﺎ ﺑﻘﻮﺓ ، ﻭﻟﻔﺖ ﻣﻦ ﺟﺪﻳﺪ : ﻣﻜﺎﻥ ﺍﻟﻤﺮﺑﻮﻋﻪ ﻋﻠﻰ ﻣﺎﺍﻋﺘﻘﺪ ﺗﻌﺮﻓﻪ ، ﻭﺧﺸﺖ
ﺍﻣﻬﺎ : ﻣﻨﻮ
ﻫﺎﺟﺮ ﻣﺎﺷﻴﻪ ﺟﻬﺔ ﺩﺍﺭﻫﺎ : ﺍﻳﻤﻦ ﻛﺎﻥ ﺑﺘﻄﻠﻌﻴﻠﻪ
ﺍﻣﻬﺎ : ﺍﻛﻴﺪ ﻳﺒﻴﻚ ﺍﻃﻠﻌﻴﻠﻪ
ﻫﺎﺟﺮ : ﻣﺶ ﻃﺎﻟﻌﻪ ﻭﻣﺎﺗﺤﺎﻭﻟﻴﺶ ﺗﻨﺎﺩﻳﻨﻲ ﻣﺮﺓ ﺗﺎﻧﻴﻪ ، ﻭﺧﺸﺖ ﻭﺳﻜﺮﺕ ﺑﺎﺏ ﺩﺍﺭﻫﺎ
ﺍﻣﻬﺎ ﻃﻠﻌﺖ ﻻﻳﻤﻦ ﻭﺿﻴﻔﺎﺗﻪ ﻭﺍﻋﺘﺬﺭﺕ ﻣﻨﻪ ﺍﻧﻪ ﻫﺎﺟﺮ ﻣﺎﺑﺘﺶ ﺗﻄﻠﻊ ، ﻓﺄﻳﻤﻦ ﻧﺎﺽ ﻭﺭﻭﺡ ﻭﻫﻮ ﻣﺘﻜﻨﻄﻲ ﻭﻓﻲ ﻧﻔﺲ ﺍﻟﻮﻗﺖ ﻧﺎﺩﻡ
،،،،،،،،،،،،
ﻓﻲ ﺣﻮﺷﻨﺎ
ﻣﺎﻣﺎ : ﺑﺘﻤﺸﻮ ﺍﻧﺘﻮ ﺣﻮﺵ ﺣﻨﺎﻛﻢ
ﻧﻮﺍﻝ : ﺍﻧﻲ ﻻ، ﻻﻧﻪ ﺍﻟﻲ ﻣﺎﺷﻴﻴﻦ ﻋﻠﻲ ﺧﺎﻃﺮﻩ ﺗﻌﺮﻓﻴﻨﻲ ﻳﻌﻨﻲ ﻣﺸﺎﻋﺮﻱ ﺗﺠﺎﻫﻪ
ﻧﻮﺭﺱ : ﻭﺍﻟﻠﻪ ﻫﻮ ﺍﻟﻲ ﻋﺎﺩﻱ ﻏﻴﺮ ﺍﻧﺘﻲ ﻃﻮﻳﻞ ﻟﺴﺎﻧﻚ
ﻧﺮﺟﺲ : ﻧﺒﻲ ﻧﻤﺸﻲ ﺍﻧﻲ ، ﺧﺎﻃﺮﻱ ﻧﺸﻮﻓﻪ ﻛﻴﻒ ﻣﻮﻟﻲ ﻣﻦ ﻋﺰﻱ ﺑﺎﺑﺎ ﻣﻌﺎﺩ ﺷﻔﻨﺎﻩ
ﻧﻮﺭﺱ ﺗﻠﻒ ﻓﻲ ﻭﺷﺎﺣﻬﺎ : ﻛﻴﻒ ﺑﻴﻮﻟﻲ ﻳﻌﻨﻲ ﺷﻦ ﺑﻴﻐﻴﺮﻭ ﻓﻴﻪ ﺍﻗﻞ ﻣﻦ ﺳﻨﺘﻴﻦ
ﻧﻮﺍﻝ : ﺑﺮﺍﺩﺗﻪ ﻭﺛﻘﻞ ﺩﻣﻪ ﺍﻛﻴﺪ ﻗﺎﻋﺪﻩ ﺯﻱ ﻣﺎﻫﻲ
ﻣﺎﻣﺎ : ﻋﻴﺐ ﺗﺤﺸﻤﻲ ، ﺍﻧﺘﻲ ﺍﺻﻼ ﺗﻘﻌﻤﺰﻱ ﺍﻫﻨﻲ ﺧﻴﺮ ﻻﻧﻲ ﻋﺎﺭﻓﺎﺗﻚ ﻣﺎﺗﻬﻨﻴﺶ ﺭﻭﺣﻚ
ﻧﻮﺍﻝ : ﺣﺘﻰ ﺍﻧﻲ ﻣﺶ ﻣﺎﺷﻴﻪ
ﻧﻮﺭﺱ : ﻣﺎﻣﺎ ﻋﻤﺘﻲ ﻭﻋﻠﻴﺎ ﻗﺎﻋﺪﻳﻦ ﻋﻨﺪ ﺣﻨﻴﻨﻪ ﻭﺍﻻ
ﻣﺎﻣﺎ : ﺍﻳﻪ ﻋﻤﺘﻚ ﻣﺎﺑﺘﺶ ﺗﺮﻭﺡ ﻗﺎﻟﺖ ﻧﺸﻮﻑ ﻋﺒﺪ ﺍﻟﻤﻨﻌﻢ ﻗﺒﻞ
ﻧﻮﺍﻝ : ﺍﻟﻜﻞ ﻳﺴﺘﻨﻰ ﻓﻲ ﺣﻀﺮﺓ ﺗﻮﻡ ﻛﺮﻭﺯ
ﻭﺍﻣﺸﺖ ﻣﺎﻣﺎ ﻭﻧﻮﺭﺱ ﻭﻧﺮﺟﺲ ﻟﺤﻮﺵ ﺣﻨﻴﻨﻪ ﻭﺍﻟﻘﻮ ﻋﻤﺘﻲ ﻭﺣﻨﻴﻨﻪ ﻳﺮﺍﺟﻮ ﻓﻲ ﻋﺒﺪ ﺍﻟﻤﻨﻌﻢ ﺍﻟﻲ ﺣﻴﻮﺻﻞ ﺑﻌﺪ ﺷﻮﻳﺔ ﻭﺍﻟﻐﺪﻱ ﻭﺍﺗﻲ ﻭﻳﺴﺘﻨﻮ ﻭﺣﺎﻟﺘﻬﻢ ﺣﺎﻟﺔ
ﻭﺷﻮﻳﺔ ﻭﻳﺮﻥ ﺍﻟﺒﺎﺏ ، ﻧﺎﺿﺖ ﻋﻠﻴﺎ ﻓﺘﺤﺖ ، ﻭﺧﺶ ﻋﺪﻧﺎﻥ ﻭﻭﺭﺍﻩ ﻋﺒﺪ ﺍﻟﻤﻨﻌﻢ
ﻋﺒﺪ ﺍﻟﻤﻨﻌﻢ ﺷﺎﻑ ﻟﻌﻠﻴﺎ ﻭﺳﻠﻢ ﻋﻠﻴﻬﺎ
ﻋﻠﻴﺎ : ﺍﻟﺤﻤﺪ ﻟﻠﻪ ﻉ ﺳﻼﻣﻪ
ﻋﺒﺪ ﺍﻟﻤﻨﻌﻢ : ﺍﻟﻠﻪ ﻳﺴﻠﻤﻚ ، ﻭﺧﺶ ﻭﺗﺨﻄﺎﻫﺎ
ﻋﻠﻴﺎ ﻗﻌﺪﺕ ﻭﺍﻗﻔﻪ ﻭﻓﺎﺗﺤﺔ ﻓﻤﻬﺎ ﻭﺗﺸﻮﻓﻠﻪ ﻣﻦ ﺍﻟﺨﻠﻒ ﻭﻫﻮ ﺧﺎﺵ ﻭﺭﻳﺤﺔ ﻋﻄﺮﻩ ﺍﻟﻲ ﻋﺒﺖ ﺍﻟﻤﻜﺎﻥ
ﻋﺪﻧﺎﻥ ﻓﻚ ﺳﺒﻴﺪﺭﻭﻩ ﻭﺷﺎﻑ ﻟﻌﻠﻴﺎ : ﺧﻴﺮﺭﺭﻙ ﺍﻧﺘﻲ ؟
ﻋﻠﻴﺎ ﻓﺎﻗﺖ ﻟﺮﻭﺣﻬﺎ : ﻫﺎﺍ ﺧﻴﺮﻧﻲ
ﻋﺪﻧﺎﻥ : ﺣﺎﻟﺔ ﻓﻤﻚ ﺯﻱ ﺍﻟﻐﺒﻴﻪ
ﻋﻠﻴﺎ : ﺍﻧﺖ ﺍﻟﻐﺒﻲ ، ﻭﺧﺸﺖ
ﻋﺒﺪ ﺍﻟﻤﻨﻌﻢ ﺳﻠﻢ ﻉ ﺍﻟﻜﻞ ﻭﻗﻌﻤﺰ ﺟﻨﺐ ﺣﻨﺎﻱ
ﻋﻠﻴﺎ ﺧﺸﺖ ﺗﺪﻳﺮ ﻓﻲ ﻗﻬﻮﺓ
ﻋﺒﺪ ﺍﻟﻤﻨﻌﻢ : ﻛﻴﻒ ﺣﺎﻟﻚ ﻳﺎﻣﺮﺕ ﻋﻤﻲ
ﻣﺎﻣﺎ : ﺍﻟﺤﻤﺪ ﻟﻠﻪ ﻓﻲ ﻧﻌﻤﻪ ﻭﺍﻟﻠﻪ ، ﻛﻴﻒ ﺣﺎﻟﻚ ﺍﻧﺖ ﻳﺎﻭﻟﻴﺪﻱ ﻭﺍﻣﻚ ﻭﺑﻮﻙ ﻭﺧﻮﺗﻚ
ﻋﺒﺪ ﺍﻟﻤﻨﻌﻢ : ﺑﺨﻴﺮ ﻭﺍﻟﻠﻪ ﺍﻟﺤﻤﺪ ﻟﻠﻪ ، ﻭﻳﻦ ﺑﺎﻗﻲ ﺍﻟﺒﻨﺎﺕ ﻓﻲ ﺯﻭﺯ ﻧﺎﻗﺼﺎﺕ ﻭﺍﻻ
ﻣﺎﻣﺎ : ﺍﻳﻪ ﻧﻮﺍﻝ ﻗﻌﺪﺕ ﻓﻲ ﺍﻟﺤﻮﺵ ﻭﻧﺴﻴﺒﺔ ﻓﻲ ﺣﻮﺵ ﺭﺍﺟﻠﻬﺎ ﻋﺎﺩ
ﻋﺒﺪ ﺍﻟﻤﻨﻌﻢ : ﺍﻳﻪ ﻣﺎﺷﺎﺀ ﺍﻟﻠﻪ ﻣﺒﺮﻭﻙ ﻋﻠﻴﻬﺎ ، ﻛﻨﺖ ﺑﻨﺠﻲ ﻓﻲ ﺍﻟﻌﺮﺱ ﺍﻟﺤﻖ ﻟﻜﻦ ﺍﻟﻤﺴﺘﺸﻔﻰ ﻣﺎﺑﻮﺵ ﻳﻌﻄﻮﻧﻲ ﺍﺟﺎﺯﺓ
ﻣﺎﻣﺎ : ﻛﺄﻧﻚ ﺣﻀﺮﺕ ﻣﻌﻠﻴﺸﻲ
ﻋﻤﺘﻲ : ﻛﻴﻒ ﺣﺎﻝ ﺑﻮﻙ ﺗﻮﺍ ، ﻗﺎﻟﺖ ﺍﻣﻲ ﻣﺮﺽ ﺍﻟﻔﺘﺮﺓ ﺍﻟﻲ ﻓﺎﺗﺖ
ﻭﺍﻫﻨﻲ ﺧﺸﺖ ﻋﻠﻴﺎ ﺑﺴﻔﺮﻩ ﺍﻟﻘﻬﻮﺓ ﻭﺗﺸﻮﻑ ﻟﻌﺒﺪ ﺍﻟﻤﻨﻌﻢ ﻣﻦ ﺑﻌﻴﺪ ﻭﺩﺍﻳﺨﻪ ﻣﻦ ﺭﻳﺤﺔ ﻋﻄﺮﻩ ، ﻭﻣﺎﺍﻧﺘﺒﻬﺘﺶ ﻟﺮﺟﻞ ﻋﺪﻧﺎﻥ ﻭﺗﻌﺘﺮ ﻓﻴﻬﺎ
ﻋﺒﺪ ﺍﻟﻤﻨﻌﻢ ﻣﺘﻠﻔﺖ ﻟﻌﻤﺘﻲ : ﻭﺍﻟﻠﻪ ﺍﻟﺤﻤﺪ ﻟﻠﻪ ﺗﻮﺍ ... ﻭﻣﺎﻛﻤﻠﺶ ﺟﻤﻠﺘﻪ ﻟﻴﻦ ﻛﺎﻧﺖ ﻋﻠﻴﺎ ﻋﺜﺮﺕ ﻭﻃﺎﺣﺖ ﻋﻠﻲ ﻃﻮﻟﻬﺎ ﻭﺳﻔﺮﺓ ﺍﻟﻘﻬﻮﺓ ﻛﻠﻬﺎ ﺟﺖ ﻓﻲ ﺣﺠﺮ ﻋﺒﺪ ﺍﻟﻤﻨﻌﻢ
ﻋﺒﺪ ﺍﻟﻤﻨﻌﻢ .......
ﻭﻭﻭﻭﻭ
# ﻳﺘﺒﻊ