ﺳﻨﺪ ﺍﻻﻧﺜﻰ ﺭﺟﻞ shosho_shosho

الحلقة78

ﺍﻟﺤﻠﻘﺔﺓ ‏[ 78 ‏]
ﻣﻦ ﺭﻭﺍﻳﺔ - - "<- ﺳﻨــﺪ ﺍﻷﻧﺜــﻰ ﺭﺟــﻞ "
ﻣﺎﻣﺎ : ﺧﻼﺹ ﻗﻌﻤﺰﻱ ﻳﺎﻧﻮﺳﺔ ﻳﺎﺳﺮﻙ ﻇﻬﺮﻙ
ﺍﻧﻲ : ﻫﻲ ﻳﺎﻣﺎﻣﺎ ﻧﻜﻤﻞ ﺍﻟﺼﺎﻟﺔ ﺑﺲ
ﻣﺎﻣﺎ ﺭﺍﻛﺒﺔ ﻓﻲ ﺍﻟﺪﺭﻭﺝ : ﻋﻨﻴﺪﺓ ﺑﻜﻞ
ﻭﻓﺠﺄﺓ ﻭﻗﻔﺖ ، ﻭﺣﺴﺖ ﺍﻟﺪﻧﻴﺎ ﺗﻠﻒ ﺑﻴﻬﺎ ، ﻭﻟﺖ ﻧﺰﻟﺖ
ﻧﺰﻟﺖ ﺍﺧﺮ ﺩﺭﺟﺔ ﻭﺟﺖ ﻃﺎﻳﺤﺔ ﻋﻠﻲ ﻃﻮﻟﻬﺎ
ﺍﻧﻲ : ﻣﺎﺍﺍﻣﺎﺍﺍ ﻣﺎﺍﺍﻣﺎ ﺧﻴﺮﺭﺭﻙ
ﻛﻠﻬﻢ ﺳﻤﻌﻮﻭ ﻋﻴﻄﺘﻲ ﻃﻠﻌﻮ ﻳﺠﺮﻭﻭ
ﻧﻮﺭﺱ ﺟﺖ ﺗﺠﺮﻱ ﻗﺎﻣﺖ ﺭﺍﺱ ﻣﺎﻣﺎ : ﻣﺎﻣﺎ ﺧﻴﺮﻫﺎ ﺷﻦ ﺻﺎﺍﺍﺭﻟﻬﺎ
ﻧﺮﺟﺲ ﺍﻟﻮﺣﻴﺪﺓ ﺍﻟﻲ ﻛﺎﻧﺖ ﺗﻌﺮﻑ ﻣﺮﺽ ﻣﺎﻣﺎ ، ﻃﺎﺣﺖ ﻋﻠﻲ ﺭﻛﺎﺑﻬﺎ ﻭﺗﺒﻜﻲ
ﻛﺎﻧﺖ ﻟﺤﻈﺎﺕ ﻓﻈﻴﻌﻪ ، ﺍﻟﻜﻞ ﺧﺎﻳﻒ ﻋﻠﻲ ﻣﺎﻣﺎ
ﺧﺎﻟﺘﻲ ﻭﻋﻤﺘﻲ ﻳﻌﻴﻄﻮﻭ
ﻧﺮﺟﺲ ﻃﺎﻳﺤﺔ ﺗﺒﻜﻲ
ﺳﺎﺭﺓ ﻃﻠﻌﺖ ﺗﺠﺮﻱ ﺗﻨﺎﺍﺩﻱ ﻓﻲ ﺣﺪ ﻳﺠﻲ ﻳﺮﻓﻌﻬﺎ
ﻧﻮﺍﻝ ﻣﺸﺖ ﺗﺠﺮﻱ ﺟﺎﺑﺖ ﻣﻴﻪ ﻭﻗﻌﺪﺕ ﺗﺒﺦ ﻋﻠﻲ ﻭﺟﻪ ﻣﺎﻣﺎ
ﺟﺒﻨﺎ ﺭﻳﺤﺔ ﺑﺨﻴﻨﺎ ﻭﺷﻤﻤﻨﺎﻫﺎ ﺑﺲ ﻣﺎﻓﻴﺶ ﺍﻱ ﺍﺳﺘﺠﺎﺑﺔ
ﺧﺸﻮ ﺍﻭﻻﺩ ﻋﻤﻲ ﻭﺍﻭﻻﺩ ﻋﻤﺘﻲ ﻳﺠﺮﻭ ، ﻭﺣﺘﻰ ﻣﺤﻤﻮﺩ ﻛﺎﻥ ﻣﻮﺟﻮﺩ
ﻗﺎﻣﻮﻫﺎ ﻭﺣﻄﻮﻫﺎ ﻓﻲ ﺍﻟﺴﻴﺎﺭﺓ ﻭﻃﺎﺭﻭ ﺑﻴﻬﺎ ﻟﻠﻤﺴﺘﺸﻔﻰ
ﻣﺎﻓﻴﻨﺎﺵ ﻭﺣﺪﺓ ﻗﺪﺭﺕ ﺗﻠﺤﻖ ﻋﻠﻴﻬﻢ ﺍﻻ ﻧﻮﺍﻝ ، ﻟﺒﺴﺖ ﺑﺴﺮﻋﻪ ﻭﻃﻠﻌﺖ ﺗﺠﺮﻱ
ﻣﺤﻤﻮﺩ ﻳﺴﻮﻕ ، ﻭﻣﻦ ﺍﻟﺨﻠﻒ ﻣﻘﻌﻤﺰﺓ ﻧﻮﺍﻝ ﻭﻣﺎﻣﺎ ﻗﺎﻋﺪﺓ ﻣﻐﻤﻲ ﻋﻠﻴﻬﺎ ﻭﻣﺸﻲ ﻣﻌﺎﻩ ﻋﺒﺪ ﺍﻟﻤﻨﻌﻢ
ﺍﻧﻲ ﻧﻤﺴﺢ ﻓﻲ ﺩﻣﻮﻋﻲ : ﺧﻼﺍﺹ ﺑﻄﻠﻮﻭﻭ ﻋﻴﺎﺍﻁ ﻣﺎﻣﺎ ﻣﺎﻓﻴﻬﺎ ﺷﻲ ﻣﺎﻣﺎ ﺣﺘﻨﻮﺽ ﺑﺎﻟﺴﻼﻣﻪ ،ﻫﻴﺎ ﻳﺎﻧﻮﺭﺱ ﻧﻤﺸﻮﻟﻬﻢ
ﻧﺮﺟﺲ ﺑﺪﺕ ﺗﻬﺘﺮﻱ ﻣﻦ ﻛﺜﺮ ﺍﻟﺒﻜﺎ ﻭﻣﻌﺎﺵ ﺗﻨﺪﺭﻱ ﻋﻠﻲ ﺭﻭﺣﻬﺎ : ﻣﺎﻣﺎ ﻣﺎﺗﺖ ﻣﺎﻣﺎ ﻟﺤﻘﺖ ﺑﺎﺑﺎ ﺍﺣﻨﻲ ﻣﻦ ﺣﻴﻘﻌﺪ ﻣﻌﺎﻧﺎ
ﺍﻧﻲ : ﻣﺎﻣﺎ ﻣﺎﻣﺎﺗﺘﺶ ﻧﻮﻭﺿﻲ ﺣﻨﻤﺸﻮﻟﻬﺎ ﻣﻌﺎﺵ ﺗﻘﻮﻟﻲ ﻫﻜﻲ
ﻧﺮﺟﺲ : ﻣﺎﻣﺎ ﻣﺮﻳﻀﺔ ﻣﺎﻣﺎ ﻣﺎﺗﺖ ﻫﻲ ﻋﻼﺵ ﺗﺪﺱ ﻋﻠﻴﻨﺎ ﻓﻲ ﻣﺮﺿﻬﺎ ، ﻋﻼﺵ ﻣﺎﺍﻫﺘﻤﻴﻨﺎﺵ ﺑﻴﻬﺎ ﻛﻠﻨﺎ ﻟﻬﻴﻨﺎ ﺑﺒﻌﻀﻨﺎ ﻭﻧﺴﻴﻨﺎ ﻣﺮﺿﻬﺎ
ﻧﻮﺭﺱ ﻗﻌﺪﺕ ﺗﻬﺰ ﻓﻴﻬﺎ ﻣﻦ ﻛﺘﺎﻓﻬﺎ : ﻣﺎﻣﺎ ﻣﺎﻓﻴﻬﺎ ﺷﻲ ﻳﺎﻧﺮﺟﺲ ﻣﺎﻣﺎ ﻣﺶ ﻣﺮﻳﻀﺔ ، ﺍﺳﻜﺘﻲ ، ﻭﺍﻧﻬﺎﺭﺕ ﺑﻜﻲ
ﻧﺮﺟﺲ ﻗﻌﺪﺕ ﺗﺮﺩﺩ ﻓﻲ : ﻣﺎﻣﺎ ﻣﺮﻳﻀﺔ ﻣﺎﻣﺎ ﻣﺎﺗﺖ ﻣﺎﻣﺎ ﺍﻣﺸﺖ ﻭﺳﻴﺒﺘﻨﺎ
ﺍﻧﻲ ﻣﻌﺎﺵ ﻗﺪﺭﺕ ﻧﻮﻗﻒ ﻋﻠﻲ ﺭﺟﻠﻴﺎ ، ﻗﻤﺖ ﺗﻠﻔﻮﻧﻲ ﺍﺗﺼﻠﺖ ﺑﻮﻟﻴﺪ
ﻭﻟﻴﺪ : ﺍﻳﻮﻩ ﻧﻮﺳﺘﻲ
ﺍﻧﻲ ﻧﺒﻜﻲ : ﻭﻟﻴﺪ ﻣﺎﻣﺎ ﻭﻟﻴﺪ ، ﻭﺍﻧﻬﺮﺕ ﺑﻜﻲ ﻣﻌﺎﺵ ﻗﺪﺭﺕ ﻧﺤﻜﻲ
ﻭﻟﻴﺪ : ﺧﻴﺮﻫﺎ ﻣﺎﻣﺎ ﻳﺎﻧﻮﺳﺔ ﺍﻫﺪﻱ ﺷﻦ ﻓﻲ
ﺍﻧﻲ ﻣﻦ ﺑﻴﻦ ﺷﻬﻘﺎﺗﻲ ﻭﺑﺼﻮﺕ ﻣﺶ ﻣﻔﻬﻮﻡ : ﻣﺎﻣﺎ ﻃﺎﺣﺖ ﻭﻫﻤﺎ ﻫﻤﺎ ﺭﻓﻌﻮﻫﺎ ﻟﻠﻤﺴﺘﺸﻔﻰ ﻣﺎﻣﺎ ﻭﻟﻴﺪ ﻣﺎﻣﺎ
ﻭﻟﻴﺪ : ﺍﻫﺪﻱ ﺑﺲ ﻳﺎﺣﺒﻴﺒﺘﻲ ﻓﻲ ﺍﻣﺎ ﻣﺴﺘﺸﻔﻰ
ﺍﻧﻲ : ﻧﻌﺮﻓﺶ ﻧﻌﺮﻓﺶ ﺭﻓﻌﻬﺎ ﻣﺤﻤﻮﺩ ﻭﻟﻴﺪ ﻣﺎﻣﺎ
ﻭﻟﻴﺪ : ﺍﻫﺪﻱ ﺑﺲ ﻳﺎﻧﻮﺳﺔ ﺗﻮ ﻧﻤﺸﻴﻠﻬﺎ ﺍﻧﻲ ﻭﻧﻄﻤﻨﻚ ﺑﺎﻫﻲ ﻧﻮﺳﺔ ﺑﻄﻠﻲ ﺑﻜﻲ ﺑﺎﺫﻥ ﺍﻟﻠﻪ ﻣﺎﻓﻴﻬﺎ ﺷﻲ ﻫﻲ ﺗﻮ ﻧﻜﻠﻤﻚ ، ﻭﺳﻜﺮ ﺍﺗﺼﻞ ﺑﻤﺤﻤﻮﺩ ﻋﻠﻰ ﻃﻮﻝ
ﺧﺎﻟﺘﻲ ﻗﺎﻋﺪﺓ ﺗﺨﺒﻂ ﻋﻠﻲ ﻓﺨﺎﺩﻫﺎ ﻭﺗﺒﻜﻲ
ﺳﺎﺭﺓ : ﻳﺎﻣﺎﻣﺎ ﺍﻫﺪﻱ ﺻﻠﻲ ﻉ ﺍﻟﻨﺒﻲ ﻳﺎﻣﺎﻣﺎ ﻫﻤﺎ ﺑﻨﺎﺕ ﺧﺎﻟﺘﻲ ﻧﺎﻗﺼﻴﻦ ﻭﺍﻧﺘﻲ ﺗﺰﻳﺪﻱ ﻓﻴﻬﻢ
ﻧﺮﺟﺲ ﺷﺪﺗﻬﺎ ﻣﺮﺕ ﻋﻤﻲ ﻭﻗﻌﺪﺕ ﺗﻘﺮﺍ ﻋﻠﻴﻬﺎ ﻓﻲ ﻗﺮﺁﻥ
ﻧﻮﺭﺱ ﺍﺗﺼﻠﺖ ﺑﻌﺪﻧﺎﻥ ﻗﺎﻟﺘﻠﻪ : ﺍﻧﻲ ﻣﻌﺎﺵ ﻧﻘﺪﺭ ﻧﺼﺒﺮ
ﺍﻧﻲ : ﺑﻨﺼﺒﺮﻭ ﻭﺧﻼﺹ ﻣﺎﻧﻌﺮﻓﻮﺵ ﺣﺘﻰ ﺍﻣﺎ ﻣﺴﺘﺸﻔﻰ ، ﻭﻟﻴﺪ ﻣﻌﺎﺵ ﺭﺩ ﻋﻠﻴﺎ ﻳﺎﺍﺍﺭﺑﻲ ﻳﺎﺍﺍﺭﺑﻲ
ﺧﺎﻟﺘﻲ : ﺣﻴﻴﻲ ﻋﻠﻴﺎ ﻳﺎﺍﺍﻭﺧﻴﺘﻲ ﺻﻐﻴﻴﻴﺮﺓ ﻣﺴﻜﻴﻨﻪ ﻭﺧﻴﺘﻲ
ﻋﻠﻴﺎ : ﻳﺎﺍﻧﺎﺱ ﻭﺍﻟﻠﻪ ﺣﻄﻴﺖ ﺻﻮﺍﺑﻌﻲ ﻓﻴﻬﺎ ﻧﺒﺾ ﻣﺮﺕ ﺧﺎﻟﻲ
ﻧﻮﺭﺱ ﺗﺒﻜﻲ : ﺧﻼﺍﺹ ﻳﺎﺧﺎﻟﺘﻲ ﺑﺎﻟﻠﻪ ﻋﻠﻴﻴﻴﻚ ﺧﻼﺍﺍﺍﺍﺍﺹ ﺍﻟﻲ ﻓﻴﻨﺎ ﻣﻜﻔﻴﻨﺎﺍﺍ ﻭﺍﻟﻠﻪ ، ﻣﺎﻣﺎ ﺣﺘﻨﻮﺽ ﺑﺎﻟﺴﻼﻣﻪ ﺍﺻﻼ ﻣﺎﻓﻴﻬﺎ ﺷﻲ ﻣﺎﻣﺎ ﺧﻴﺮﺭﺭﺭﺭﺭﻛﻢ ﻫﻜﻴﻴﻴﻲ ﻣﺎﻣﺎ ﺣﺘﺤﻀﺮ ﻋﺮﺳﻲ ﻭﺣﺘﻔﺮﺡ ﺑﻴﻴﺎﺍﺍﺍ ، ﻛﺎﻧﺖ ﺗﺤﻜﻲ ﻭﻫﻲ ﺗﺮﻋﺶ
ﺧﺎﻟﺘﻲ ﺳﻜﺘﺖ ﺷﻮﻳﺔ ﻟﻜﻦ ﺩﻣﻮﻋﻬﺎ ﻗﺎﻋﺪﻳﻦ ﻳﻨﺰﻟﻮ
ﻋﻤﺘﻲ ﺗﻤﺴﺢ ﻓﻲ ﺩﻣﻮﻋﻬﺎ ﻃﻠﻌﺖ ﻣﻦ ﺑﺎﺏ ﺍﻟﻤﻄﺒﺦ ﻟﻠﺠﻨﺎﻥ ﻭﺍﺗﺼﻠﺖ ﺑﻌﺒﺪ ﺍﻟﻤﻨﻌﻢ
ﻋﺒﺪ ﺍﻟﻤﻨﻌﻢ ﺭﺩ : ﺍﻟﻮ ﻋﻤﺘﻲ
ﻋﻤﺘﻲ : ﻃﻤﻨﺎ ﻳﺎﻭﻟﻴﺪﻱ ﺷﻦ ﺻﺎﺭ ﻛﻴﻒ ﺣﺎﻟﻬﺎ
ﻋﺒﺪ ﺍﻟﻤﻨﻌﻢ : ﺗﻮﺍ ﻛﻴﻒ ﺧﺸﻴﻨﺎ ﺑﻴﻬﺎ ﺳﻌﻔﻮﻫﺎ ﻋﻠﻰ ﻃﻮﻝ ﻭﻣﻌﺎﺵ ﻧﻨﺪﺭﻭ ﻳﺎﻋﻤﺘﻲ ﻋﻠﻲ ﺷﻲ ﻗﺎﻋﺪﻳﻦ ﻧﺮﺍﺟﻮ
ﻋﻤﺘﻲ : ﺍﻳﻤﻦ ﻣﻌﺎﻛﻢ ؟
ﻋﺒﺪ ﺍﻟﻤﻨﻌﻢ : ﺍﻳﻪ ﻟﺤﻘﻨﺎ ﻫﻲ ﺑﻨﺴﻜﺮ ﻳﺎﻋﻤﺘﻲ
ﻋﻤﺘﻲ : ﺑﺎﻩ ﻳﺎﻭﻟﺪﻱ ﻃﻤﻨﺎ ﺑﺲ
ﺳﻜﺮﺕ ﻋﻤﺘﻲ ﻭﺧﺸﺖ
ﻋﻠﻴﺎ ﻓﻲ ﺍﻟﻤﻄﺒﺦ : ﺷﻦ ﻓﻲ ﻳﺎﻣﺎﻣﺎ ﺷﻦ ﻗﺎﻟﻮﻟﻚ
ﻋﻤﺘﻲ : ﻛﻴﻒ ﺳﻌﻔﻮﻩ ﺭﺑﻲ ﻳﺴﻠﻢ ﻭﺧﻼﺹ
ﻋﻠﻴﺎ : ﻫﻲ ﻳﺎﻣﺎﻣﺎ ﻗﺎﻋﺪﺓ ﻣﺎﻓﻬﻤﺘﺶ ﺷﻦ ﺻﺎﺭﻟﻬﺎ ﺍﻧﻲ ﻛﺎﻧﺖ ﻛﻮﻳﺴﺔ ﻭﺿﻤﻴﺖ ﺍﻧﻲ ﻭﻳﺎﻫﺎ ﺍﻟﺼﺎﻟﻮﻥ ﻭﻣﺎﺷﺎﺀ ﺍﻟﻠﻪ ﻋﻠﻴﻬﺎ
ﻋﻤﺘﻲ ﻗﻌﻤﺰﺕ ﻉ ﺍﻟﻜﺮﺳﻲ : ﻳﺴﺘﺮ ﺍﻟﻠﻪ ﻳﺎﺑﻨﺘﻲ ، ﻧﺎﺩﻳﺔ ﻣﺮﻳﻀﺔ ﻫﻲ ﻳﺎﺭﻳﺘﻬﺎ ﺑﺪﺕ ﺑﺎﻟﻌﻼﺝ
ﻋﻠﻴﺎ ﻗﻌﻤﺰﺕ : ﺧﻴﺮﻫﺎ ﻳﺎﻣﺎﻣﺎ ﻋﻼﺵ ﻣﺮﻳﻀﺔ
ﻋﻤﺘﻲ ﻗﻌﺪﺕ ﺗﺤﻜﻴﻠﻬﺎ
ﻋﻠﻴﺎ ﻗﻌﺪﺕ ﺣﺎﻃﺔ ﻳﺪﻫﺎ ﻋﻠﻲ ﻓﻤﻬﺎ ﻭﻣﺼﺪﻭﻣﺔ
ﺣﺴﻴﺘﻲ ﺑﺮﻳﻘﻲ ﺟﻒ ﻣﻦ ﻛﺜﺮ ﺍﻟﺒﻜﻲ ، ﻭﻗﻔﺖ ﻭﺍﻣﺸﻴﺖ ﻟﻠﻤﻄﺒﺦ ﺑﻨﺸﺮﺏ ﻣﻴﻪ
ﻧﻤﺸﻲ ﺑﺨﻄﻮﺍﺕ ﺑﻄﻴﺌﺔ ﻭﺛﻘﻴﻠﺔ ﻭﻧﻤﺴﺢ ﻓﻲ ﺩﻣﻮﻋﻲ ﻭﺑﺎﻟﻲ ﺷﺎﺭﺩ ﻋﻨﺪ ﻣﺎﻣﺎ
ﻗﺮﺑﺖ ﻣﻦ ﺍﻟﻤﻄﺒﺦ ﻛﻨﺖ ﺑﻨﺨﺶ ﺑﺲ ﺳﻤﻌﺖ ﻋﻤﺘﻲ ﺗﺤﻜﻲ ﻭﺧﺮﺕ ﻭﻭﻗﻔﺖ
ﻋﻤﺘﻲ : ﻋﻨﺪﻫﺎ ﺍﻟﺨﺒﻴﺚ ﻓﻲ ﺭﺍﺳﻬﺎ ﻳﺴﺘﺮ ﺍﻟﻠﻪ ﻭﺧﻼﺹ
ﻋﻠﻴﺎ : ﻭﻫﻲ ﻋﻼﺵ ﺩﺍﺳﺔ ﺷﻲ ﺯﻱ ﻫﻜﻲ ﻳﺎﻣﺎﻣﺎ
ﻋﻤﺘﻲ : ﺧﺎﻳﻔﻪ ﻋﻠﻲ ﺑﻨﺎﺗﻬﺎ ﻳﺎﺑﻨﺘﻲ ﻣﺶ ﻋﺎﺭﻓﻪ ﻣﻦ ﺑﻴﻬﻢ ﺑﻌﺪ ﺍﻣﻬﻢ ﺭﺑﻲ ﻳﻄﻮﻝ ﻓﻲ ﻋﻤﺮﻫﺎ ﻭﻳﺸﻔﻴﻬﺎ ﺑﻤﻌﺠﺰﺓ ﻣﻦ ﻋﻨﺪﻩ ﻣﺄﺧﺮﺓ ﺣﺘﻰ ﻋﻼﺟﻬﺎ ﻟﻴﻦ ﺗﺘﻄﻤﻦ ﻋﻠﻲ ﺑﻨﺎﺗﻬﺎ ﻣﺴﻜﻴﻨﻪ ، ﻳﺨﻲ ﺍﻫﻮ ﻧﻮﺭﺱ ﻓﻲ ﺫﻣﺔ ﻋﺪﻧﺎﻥ ﻭﻧﻮﺍﻝ ﻣﺨﻄﻮﺑﺔ
ﺍﻧﻲ ﺣﺴﻴﺖ ﺍﻟﺪﻧﻴﺎ ﻟﻔﺖ ﺑﻴﺎ ، ﺣﺴﻴﺖ ﻧﻔﺴﻲ ﻧﺤﻠﻢ
ﺷﻦ ﺍﻟﻜﻼﻡ ﺍﻟﻲ ﻗﺎﻋﺪﺓ ﻧﺴﻤﻊ ﻓﻴﻪ
ﻣﻦ ﻫﻲ ﺍﻟﻲ ﻋﻨﺪﻫﺎ ﺍﻟﺨﺒﻴﺚ
ﻣﺎﻣﺎ !! ؟؟
ﻻﻻ ﻣﺴﺘﺤﻴﻞ ، ﺑﺲ ﻫﻤﺎ ﻭﺍﺿﺢ ﻳﺤﻜﻮ ﻋﻠﻲ ﻣﺎﻣﺎ
ﻋﻠﻴﺎ ﺩﻣﻌﺘﻬﺎ ﻓﻲ ﻋﻴﻨﻬﺎ : ﺭﺑﻲ ﻳﻨﻮﺿﻬﺎ ﺑﺎﻟﺴﻼﻣﻪ ﻭﻳﺸﻔﻴﻬﺎ ﺍﻥ ﺷﺎﺀ ﺍﻟﻠﻪ ،ﻭﺍﻟﻠﻪ ﻟﻮ ﺍﻟﺒﻨﺎﺕ ﻳﺴﻤﻌﻮ ﺍﻧﻪ ﻣﺮﺕ ﺧﺎﻟﻲ ﻋﻨﺪﻫﺎ ﺧﺒﻴﺚ ﻳﻨﻬﺎﺭﻭ
ﻋﻤﺘﻲ : ﻣﺎﺗﻘﻮﻟﻴﺶ ﻭﻳﺴﺘﺮ ﺍﻟﻠﻪ ﻭﺧﻼﺹ
ﺍﻧﻲ ﻣﺎﺣﺴﻴﺘﺶ ﺑﻨﻔﺴﻲ ﺍﻻ ﺩﻣﻮﻋﻲ ﻧﺎﺯﻻﺕ ﺯﻱ ﺍﻟﻤﻄﺮ ﻋﻠﻲ ﺧﺪﻭﺩﻱ ، ﻭﻭﺍﻗﻔﻪ ﻗﺪﺍﻡ ﻋﻤﺘﻲ
ﻋﻤﺘﻲ ﻭﻗﻔﺖ ﻣﺼﺪﻭﻣﺔ ﻭﺧﺎﻓﺖ ﻧﻜﻮﻥ ﺳﻤﻌﺖ ﻛﻼﻣﻬﺎ
ﺳﻤﻌﺖ ﻳﺎﻋﻤﺘﻲ ﺳﻤﻌﺘﻪ ﻛﻼﻣﻚ ، ﻋﺎﺭﻓﺎﺗﻚ ﺍﻧﺘﻲ ﻏﺎﻟﻄﺔ ﺍﻭ ﺳﻤﻌﺘﻲ ﺑﺎﻟﻐﻠﻂ ، ﻧﻌﺮﻑ ﻣﺎﻣﺎ ﺍﻧﻲ ﻣﺴﺘﺤﻴﻞ ﺗﺴﻴﺒﻨﺎ ﺍﺣﻨﻲ ﺑﻨﺎﺗﻬﺎ ﻻﻻ ﺍﺑﺪﺍ ﻳﺎﻋﻤﺘﻲ ﻛﻼﻣﻚ ﻏﻠﻂ ﺍﻧﻲ ﻣﺴﺘﺤﻴﻞ ﻧﺼﺪﻗﻚ
ﺍﻟﺸﺠﺎﺭ ﻫﺪﺍ ﻛﺎﻥ ﻛﻠﻪ ﻓﻲ ﺩﺍﺧﻠﻲ ﻛﺎﻥ ﺍﻟﺒﺎﻳﻦ ﻋﻨﺪﻱ ﺍﻟﺪﻣﻮﻉ ﻭﻋﻼﻣﺎﺕ ﺍﻟﺼﺪﻣﺔ ﻋﻠﻲ ﻭﺟﻬﻲ ﺑﺲ
ﺍﻧﻲ ﻛﻴﻒ ﺑﻨﺴﺎﻟﻬﺎ ﻫﻞ ﻛﻼﻣﻬﺎ ﺻﺢ ﺍﻭ ﺧﻄﺎ ﻫﻞ ﺍﻟﻲ ﺳﻤﻌﺘﻪ ﻛﺬﺏ ﺍﻭ ﺣﻖ
ﺣﺴﻴﺖ ﺍﻟﺪﻧﻴﺎ ﻟﻔﺖ ﺑﻴﺎ
ﺷﺪﻳﺖ ﻓﻲ ﺣﺎﺷﻴﺔ ﺍﻟﺒﺎﺏ ﺑﺲ ﺑﻌﺪﻫﺎ ﻣﻌﺎﺵ ﻧﻨﺪﺭﻱ ﻋﻠﻲ ﺷﻲ
،،،،،،
ﻭﻟﻴﺪ ﻗﺪﻡ : ﻳﺎﺍﻳﻤﻦ
ﺍﻳﻤﻦ ﺗﻠﻔﺘﻠﻪ ﻭﻭﺍﺿﺢ ﻋﻠﻲ ﻭﺟﻬﻬﺎ ﻋﻼﻣﺎﺕ ﺍﻟﺨﻮﻑ
ﻭﻟﻴﺪ ﺑﺼﻮﺕ ﻭﺍﻃﻲ : ﻗﻠﺖ ﻟﻠﺪﻛﺎﺗﺮﺓ ﻋﻠﻲ ﻣﺮﺿﻬﺎ ؟
ﺍﻳﻤﻦ : ﻻﻻ ﻣﺎﻗﻠﺘﺶ ﻳﺎﺭﺍﺟﻞ ﻫﻤﺎ ﺧﺸﻮ ﻣﻌﺎﺵ ﻃﻠﻌﻮ ﻻﺍﻟﻪ ﺍﻻ ﺍﻟﻠﻪ
ﻭﻟﻴﺪ : ﺑﺎﻩ ﻗﻮﻟﻠﻬﻢ ﺍﻣﺸﻲ
ﺍﻳﻤﻦ ﻣﺸﻲ
ﻭﻟﻴﺪ ﻗﻌﻤﺰ
ﻣﺤﻤﻮﺩ : ﻫﻴﺎ ﻳﺎﻧﻮﺍﻝ ﻧﺮﻭﺡ ﺑﻴﻚ ﺍﺻﻼ ﻣﺶ ﻋﺎﺭﻑ ﻛﻴﻒ ﻃﻠﻌﺘﻲ ﺍﻧﻲ
ﻧﻮﺍﻝ ﺗﺒﻜﻲ : ﺑﺎﻟﻠﻪ ﻋﻠﻴﻚ ﻳﺎﻣﺤﻤﻮﺩ ﺍﻻ ﻓﻴﺎ ﻛﺎﻓﻴﻨﻲ ﻭﺍﻧﻲ ﻭﺍﻟﻠﻪ ﻣﺎﻧﻲ ﻣﺮﻭﺣﺔ ﻟﻴﻦ ﻧﺘﻄﻤﻦ ﻋﻠﻲ ﻣﺎﻣﺎ
ﻣﺤﻤﻮﺩ : ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ ، ﻳﺎﻧﻮﺍﻝ ﺍﻟﻤﺴﺘﺸﻔﻰ ﻣﻌﺒﻲ ﺭﺟﺎﻟﺔ ﺷﻦ ﺗﺪﻳﺮﻱ ﺍﻧﺘﻲ ﺍﻫﻨﻲ
ﻋﻠﻲ ﻗﺪﻡ ﻭﻗﻄﻊ ﻋﻠﻴﻬﻢ ، ﻭﻫﻮ ﻳﺸﻮﻑ ﻟﻨﻮﺍﻝ : ﻫﻴﺎ ﻳﺎﻧﻮﺍﻝ ﻧﺮﻭﺡ ﺑﻴﻚ
ﻣﺤﻤﻮﺩ ﻃﺎﺭﺗﻠﻪ ﻭﻫﻮ ﺿﺎﻏﻂ ﻋﻠﻲ ﺳﻨﻮﻧﻪ ﻭﻓﻲ ﻏﻴﺾ : ﺍﻗﻠﺐ ﻭﺟﻬﻚ ﺧﻴﺮ ﻣﺎﻧﺪﻳﺮ ﻣﺸﻜﻠﺔ ﻓﻲ ﺍﻟﻤﺴﺘﺸﻔﻰ ﻭﻣﺎﻟﻴﻜﺶ ﺩﺧﻞ ﺑﻴﻬﺎ ﺍﻧﻲ ﻧﺮﻭﺡ ﺑﻴﻬﺎ
ﻧﻮﺍﻝ ﺗﺒﻜﻲ : ﻭﻫﺪﺍ ﺍﻟﻲ ﻧﺎﻗﺺ ﺍﻟﻤﻮﺿﻮﻉ ﺗﺘﻌﺎﺭﻛﻮ ﺑﺲ ﻭﺗﺨﺘﻢ ، ﺧﻼﺹ ﻳﺎﻋﻠﻲ ﺗﻮ ﻳﺮﻭﺡ ﺑﻴﺎ ﻣﺤﻤﻮﺩ
ﻋﻠﻲ ﺷﺎﻑ ﻟﻤﺤﻤﻮﺩ ﻧﻈﺮﺓ ﻏﻴﺾ ﻭﻭﺧﺮ ﻭﻫﻮ ﻣﺘﻌﻔﻠﻖ ﺑﺎﻋﺪ ﻋﻠﻴﻬﻢ
ﻧﻮﺍﻝ : ﺑﻌﺪ ﻧﺘﻄﻤﻦ ﻋﻠﻲ ﻣﺎﻣﺎ ﻧﺮﻭﺡ ﺍﻧﻲ ﻭﻳﺎﻫﺎ
ﻣﺤﻤﻮﺩ ﻗﻌﻤﺰ ﻭﺳﻜﺖ
ﺍﻳﻤﻦ ﺧﺶ ﻭﻗﺎﻝ ﻟﻠﺪﻛﺘﻮﺭ ، ﻓﻨﺎﺩﻭ ﻋﻠﻲ ﺩﻛﺘﻮﺭ ﺍﻋﺼﺎﺏ ﻭﻣﺦ ﻋﻠﻰ ﻃﻮﻝ
ﻭﺑﺪﻭ ﺍﻟﻔﺤﻮﺻﺎﺕ ﻟﻤﺎﻣﺎ
،،،،،
ﻓﻘﺖ ﻣﻦ ﺭﻳﺤﺔ ﻗﻮﻳﺔ
ﺭﺍﺳﻲ ﺩﺍﻳﺦ ﻭﺭﺯﻳﻦ ، ﺭﻣﺸﺖ ﻋﻴﻮﻧﻲ ، ﻧﺸﻮﻑ ﻓﻲ ﻛﻞ ﺷﻲ ﻣﺸﻮﺵ
ﺳﻜﺮﺕ ﻋﻴﻮﻧﻲ ﺑﻘﻮﺓ
ﻣﺮ ﻗﺪﺍﻡ ﺷﺮﻳﻂ ، ﻣﺎﻣﺎ ﻛﻴﻒ ﻃﺎﺣﺖ ، ﻛﻼﻡ ﻋﻤﺘﻲ
ﻣﺎﻣﺎ ﻣﺮﻳﻀﺔ
ﻣﺎﻣﺎ ﻋﻨﺪﻫﺎ ﺳﺮﻃﺎﻥ
ﻓﺘﺤﺖ ﻋﻴﻮﻧﻲ ﺑﻘﻮﻭﺓ ﻭﻋﻴﻮﻧﻲ ﻣﺪﻣﻌﺎﺕ : ﻣﺎﺍﻣﺎ
ﺷﻔﺖ ﻳﻤﻴﻦ ﺍﻟﻘﻴﺖ ﻧﻮﺭﺱ ﻣﻘﻌﻤﺰﺓ ﻭﺗﺒﻜﻲ
ﺍﻟﻘﻴﺖ ﺭﻭﺣﻲ ﻓﻲ ﺩﺍﺭ ﺍﻟﻤﻌﻴﺸﺔ
ﺷﻔﺖ ﻟﻠﺒﺎﻗﻲ ، ﺧﺎﻟﺘﻲ ﻭﻋﻤﺘﻲ ﻭﺍﻟﺒﻨﺎﺕ ﻛﻠﻬﻢ ﻳﺸﻮﻓﻮﻟﻲ
ﺍﻧﻲ ﺑﺼﻮﺕ ﻣﺒﺤﻮﺡ : ﻣﺎﻣﺎ ﻭﻳﻦ
ﻧﻮﺭﺱ : ﻗﺎﻋﺪﻳﻦ ﻣﺎﻛﻠﻤﻮﻧﺎﺵ ﻳﺎﻧﻮﺳﺔ ﻧﺮﺍﺟﻮ ﻓﻲ ﺧﺒﺮ
ﺍﻧﻲ ﺗﺪﻛﺮﺕ ﺣﺎﻟﺔ ﻧﺮﺟﺲ : ﻧﺮﺟﺲ ﻭﻳﻦ
ﻧﻮﺭﺱ ﺗﻤﺴﺢ ﻓﻲ ﺩﻣﻮﻋﻬﺎ : ﺭﻗﺪﺕ ﻣﻦ ﻛﺜﺮ ﺍﻟﺒﻜﻲ
ﺧﺎﻟﺘﻲ : ﺷﺪﻱ ﺣﻴﻠﻚ ﻳﺎﺑﻨﺘﻲ ﺭﺍﻙ ﺣﺎﻣﻞ ، ﺍﻣﻚ ﺍﻥ ﺷﺎﺀ ﺍﻟﻠﻪ ﺗﻨﻮﺽ ﺑﺨﻴﺮ
ﺍﻧﻲ ﺩﻣﻮﻋﻲ ﻧﺰﻟﻮ : ﺣﺘﻰ ﺍﻧﺘﻲ ﺗﻌﺮﻓﻲ ﻳﺎﺧﺎﻟﺘﻲ ﻭﺍﻻ ﻟﻤﺎ ﻃﺎﺣﺖ ﻛﻨﺘﻲ ﺗﺤﺴﺎﺑﻴﻬﺎ ﻣﺎﺗﺖ ﻭﺍﻻ ﻗﻮﻟﻲ ﻳﺎﺧﺎﻟﺘﻲ
ﺧﺎﻟﺘﻲ ﺷﺎﻓﺖ ﻟﻌﻤﺘﻲ ، ﻭﻗﻌﺪﺕ ﺗﺒﻜﻲ
ﻧﻮﺭﺱ ﺷﺎﻓﺘﻠﻲ : ﺷﻦ ﺗﻌﺮﻑ ﺷﻦ ﻓﻲ ﺷﻦ ﺩﺍﺳﻴﻦ
ﺍﻧﻲ ﻗﻌﻤﺰﺕ ﻭﺷﻔﺘﻠﻬﺎ ﻭﻗﻌﺪﺕ ﻧﺒﻜﻲ ﺍﻛﺜﺮ
ﻧﻮﺭﺱ : ﺷﻦ ﻓﻲ ﺷﻦ ﻓﻴﻴﻴﻬﺎ ﻣﺎﻣﺎ ﺗﻜﻠﻤﻮﻭ
ﻋﻤﺘﻲ : ﺗﻌﺎﻟﻲ ﻣﻌﺎﻱ ﻳﺎﻧﻮﺭﺱ ﻧﺘﻜﻠﻤﻮ ﺑﺮﺍ
ﻧﻮﺭﺱ ﺗﺒﻜﻲ : ﻻﻻ ﻣﺶ ﻣﺎﺷﻴﺔ ﻟﻮﻻ ﻣﻜﺎﻥ ﻟﻴﻦ ﺗﻘﻮﻟﻮﻟﻲ ﻣﺎﻣﺎ ﺧﻴﺮﻫﺎ ﻣﺎﻣﺎ ﺷﻦ ﻓﻴﻬﺎ ﻛﺎﻧﺖ ﻛﻮﻳﺴﺔ
ﻋﻤﺘﻲ ﺷﺪﺗﻬﺎ ﻣﻦ ﻳﺪﻫﺎ : ﺗﻌﺎﻟﻲ ﻣﻌﺎﻱ ﺑﺲ ﻭﺍﻧﻲ ﺣﻨﺤﻜﻴﻠﻚ ﻳﺎﺑﻨﺘﻲ
ﻧﻮﺭﺱ ﻭﻗﻔﺖ ﻭﺍﻣﺸﺖ ﻣﻊ ﻋﻤﺘﻲ ﻭﻋﻴﻮﻧﻬﺎ ﻋﻠﻴﺎ
ﻳﺎﺭﺑﻲ ﻻﺍﻋﺘﺮﺍﺽ ﻋﻠﻰ ﺣﻜﻤﻚ ﺑﺲ ﻟﻴﺶ ﺍﺣﻨﻲ ﻫﻜﻲ
ﻳﻜﻔﻴﻨﺎ ﻛﺴﺮﺗﻨﺎ ﻓﻲ ﺑﺎﺑﺎ ﻳﻜﻔﻲ ﻗﻌﺪﻧﺎ ﺳﻨﻴﻦ ﻧﻌﺎﻧﻮ ﻓﺮﺍﻗﻪ ﻳﻜﻔﻴﻨﺎ ﺣﻮﺷﻨﺎ ﻇﻠﻢ ﻓﻲ ﻏﻴﺎﺑﻪ ﻳﺰﻳﺪ ﻳﻈﻠﻢ ﻋﻠﻴﻨﺎ ﺍﻛﺜﺮ ﺑﻐﻴﺎﺏ ﻣﺎﻣﺎ ﻻﺍﻳﺎﺭﺑﻲ
ﻳﺎﺭﺑﻲ ﺍﺷﻔﻴﻬﺎ ﻳﺎﺍﺭﺑﻲ ﺍﻧﺖ ﺍﻟﻘﺎﺩﺭ ﻋﻠﻰ ﻛﻞ ﺷﻲ ﻳﺎﺍﺭﺑﻲ
ﻣﺎﻛﺎﻧﺶ ﻋﻨﺪﻱ ﻏﻴﺮ ﺍﻟﺪﻣﻮﻉ ﻧﺤﻜﻲ ﺑﻴﻬﻢ ﻋﻠﻲ ﺍﻻﻟﻢ ﺍﻟﻲ ﻓﻴﺎ
،،،،،،
ﻃﻠﻊ ﺍﻟﺪﻛﺘﻮﺭ ﻭﻗﺎﺭﻥ ﺣﻮﺍﺟﺒﻪ
ﻭﻟﻴﺪ ﺷﺎﻓﻪ ﻧﺎﺽ ﺑﻌﻜﺎﺯﺗﻪ ﻭﻗﺪﻡ ﺟﻬﺘﻪ
ﻭﻛﻠﻬﻢ ﺩﺍﺭﻭ ﻋﻠﻴﻪ ﺩﻭﺭﺓ
ﺍﻟﺪﻛﺘﻮﺭ ﺷﺎﻑ ﻻﻳﻤﻦ ﻭﺑﺠﺪﻳﺔ : ﺍﻧﺘﻮ ﻟﻴﺶ ﻣﺎﺟﺒﺘﻮﻫﺎﺵ ﻣﻦ ﺍﻭﻝ ﻣﺎﺩﺭﺗﻠﻬﺎ ﺍﻟﺘﺤﻠﻴﻼﺕ ﺍﻟﻤﺮﺓ ﺍﻟﻲ ﻓﺎﺗﺖ ، ﺑﺎﺗﺖ ﻓﻲ ﺍﻟﻤﺴﺘﺸﻔﻰ ﺍﻫﻨﻲ ﻳﻮﻣﻴﻦ ﺍﻧﻲ ﻣﺘﺬﻛﺮ ﻭﻗﻠﺘﻠﻜﻢ ﺍﻟﻤﺮﺽ ﻓﻲ ﻣﺮﺣﻠﺔ ﻣﺘﺄﺧﺮﺓ
ﻧﻮﺍﻝ ﺟﺖ ﻭﺭﺍﻫﻢ ﻭﺧﺎﻳﻔﻪ
ﻋﺒﺪ ﺍﻟﻤﻨﻌﻢ : ﻣﺮﺽ ﺷﻨﻮ
ﺃﻳﻤﻦ : ﺍﺣﻨﻲ ﻛﻨﺎ ﺑﻨﺴﻔﺮﻭﻫﺎ ﺑﻨﻌﺎﻟﺠﻮﻫﺎ ﺑﺮﺍ ﺑﺲ ﻫﻲ ﻛﺎﻧﺖ ﺭﺍﻓﻀﻪ ﺍﻟﻔﺘﺮﺓ ﺍﻟﻲ ﻓﺎﺗﺖ ﻟﻜﻦ ﺗﻮﺍ ﻧﻄﻠﻌﻮﻫﺎ ﻣﻦ ﺍﻟﻤﺴﺘﺸﻔﻰ ﻏﻠﻰ ﻃﻮﻝ ﻟﻠﻄﻴﺎﺭﺓ
ﺍﻟﺪﻛﺘﻮﺭ ﻫﺰ ﺭﺍﺳﻪ ﻳﻤﻴﻦ ﻳﺴﺎﺭ : ﺷﻮﻑ ﺍﻧﻲ ﻣﺶ ﺣﻨﻠﻒ ﻭﻧﺪﻭﺭ ﻣﻌﺎﻙ ، ﺍﻟﻮﺭﻡ ﻓﻲ ﻣﺮﺍﺣﻠﻪ ﺍﻟﻤﺘﺎﺧﺮﺓ ﺍﺳﺎﺳﺎ ﻫﻲ ﻣﺄﺛﺮﺓ ﻋﻠﻲ ﻋﻴﻮﻧﻬﺎ ﻣﻤﻜﻦ ﻓﻲ ﺧﻼﻝ ﺍﻳﺎﻡ ﻣﻌﺎﺵ ﺗﻘﺪﺭ ﺗﺸﻮﻑ ﻳﻌﻨﻲ ﺗﻨﻌﻤﻰ ﺑﺴﺒﺐ ﺗﺎﺧﻴﺮﻛﻢ ﻭﻫﻮ ﻣﻦ ﺍﻻﻭﻝ ﺗﺎﺧﺮﻧﺎ ﻓﻲ ﺍﻛﺘﺸﺎﻑ ﺍﻟﻤﺮﺽ ﻭﺟﻴﺘﻮ ﻣﺘﺎﺧﺮ ﻭﺯﻳﺎﺩﺓ ﺍﻫﻤﻠﺘﻮ
ﻛﺎﻥ ﺍﻟﻜﻞ ﻣﺼﺪﻭﻡ ﺑﻜﻼﻡ ﺍﻟﺪﻛﺘﻮﺭ
ﻭﺍﻻﻛﺜﺮ ﺻﺪﻣﺔ ﻛﺎﻧﺖ ﻧﻮﺍﻝ ﺍﻟﻲ ﻭﺍﻗﻔﻪ ﺗﺴﻤﻊ ﻭﺗﻜﺬﺏ ﻓﻲ ﻭﺩﺍﻧﻬﺎ
ﺍﺳﺘﻤﺮ ﺍﻟﺪﻛﺘﻮﺭ : ﺍﻧﻲ ﺣﺘﻰ ﻋﻤﻠﻴﺔ ﻣﺶ ﺣﻨﻘﺪﺭ ﻧﺪﻳﺮﻟﻬﺎ ﺍﻟﻮﺭﻡ ﺟﺎﻱ ﺑﻤﻨﻄﻘﻪ ﺣﺴﺎﺳﺔ ﺣﻨﻌﺮﺽ ﺣﺎﻟﺘﻬﺎ ﻋﻠﻲ ﻛﻢ ﺩﻛﺘﻮﺭ ﻭﺑﻌﺪﻫﺎ ﻧﺸﻮﻑ ﻭﺍﻥ ﺷﺎﺀ ﺍﻟﻠﻪ ﺧﻴﺮ
ﺍﻳﻤﻦ : ﺍﺣﻨﻲ ﺣﻨﻄﻠﻌﻮﻫﺎ ﺑﺮﺍ ﺍﻟﺒﻼﺩ ﻳﻤﻜﻦ ﻳﻠﻘﻮ ﻋﻼﺝ
ﺍﻟﺪﻛﺘﻮﺭ : ﺍﻧﺖ ﺑﻜﻼﻣﻚ ﻫﺪﺍ ﺗﺸﻜﻚ ﻓﻴﺎ ﺑﻤﻬﻨﺘﻲ ، ﺑﺲ ﻣﻌﺎﻙ ﺣﻖ ﻟﻜﻦ ﺧﻠﻴﻨﻲ ﻧﻘﻮﻟﻚ ﺍﻧﻪ ﻛﻠﻬﻢ ﺣﻴﻘﻮﻟﻮﻟﻚ ﻧﻔﺲ ﺍﻟﻜﻼﻡ ﺍﻟﻤﺮﻳﻀﻪ ﻋﻨﺪﻫﺎ ﻭﺭﻡ ﺳﺮﻃﺎﻧﻲ ﺧﺒﻴﺚ ﻓﻲ ﻣﺮﺍﺣﻠﻪ ﺍﻟﻤﺘﺎﺧﺮﺓ ﻳﻌﻨﻲ ﻣﺎﻓﻴﺶ ﻟﻴﻬﺎ ﻋﻼﺝ ﺍﻟﻌﻤﻠﻴﺔ ﻣﺶ ﺣﻴﻘﺪﺭﻭ ﻳﺪﻳﺮﻭﻫﺎ ﺑﺴﺒﺐ ﺍﻟﻤﻨﻄﻘﺔ ﺍﻟﺤﺴﺎﺳﺔ ﺍﻟﻲ ﺟﺎﻱ ﻓﻴﻬﺎ ﻭﺍﻻﻋﻤﺎﺭ ﺑﻴﺪ ﺍﻟﻠﻪ
ﺍﻟﻜﻠﻤﺎﺕ ﺍﻻﺧﻴﺮﺓ ﺍﻟﻲ ﻗﺎﻟﻬﺎ ﺍﻟﺪﻛﺘﻮﺭ ﺭﻧﺖ ﻓﻲ ﻭﺩﻥ ﻧﻮﺍﻝ ﻭﻛﺎﺍﻧﻬﺎ ﻓﻴﻘﺘﻬﺎ ﻣﻦ ﻏﻴﺒﻮﺑﺔ ﺍﻟﺼﺪﻣﻪ ، ﻭﺑﺼﻮﺕ ﻋﺎﻟﻲ ﻭﻣﺨﻨﻮﻕ : ﺍﻧﺖ ﺷﻦ ﻗﺎﺍﺍﻋﺪ ﺗﻘﻮﻭﻭﻝ ﻭﺷﻦ ﻗﺎﻋﺪ ﺗﺨﺮﺭﺭﻑ ﺍﺳﺎﺳﺎ ﺍﻧﺖ ﻋﻠﻲ ﻣﻦ ﺗﺤﻜﻴﻴﻴﻲ ﻋﻠﻲ ﻣﺎﻣﺎ
ﻛﻠﻬﻢ ﺗﻠﻔﺘﻮ ﻭﺍﻧﺼﺪﻣﺔ ﺑﻨﻮﺍﻝ ﺍﻟﻲ ﻛﺎﻧﻮ ﻧﺎﺳﻴﻴﻨﻬﺎ
ﻣﺤﻤﻮﺩ ﺷﺪ ﻳﺪ ﻧﻮﺍﻝ ﺑﺴﺮﻋﺔ : ﻧﻮﺍﻝ ﺗﻌﺎﻟﻲ ﻧﻤﺸﻮ ﺧﻠﻴﻨﺎ ﻧﺤﻜﻮ ﺷﻮﻳﺔ
ﻧﻮﺍﻝ ﻃﻠﻘﺖ ﻳﺪﻩ : ﺷﻦ ﻧﺤﻜﻮﻭﻭ ﺧﻠﻴﻨﻲ ﻧﻔﻬﻢ ﺍﻟﺪﻛﺘﻮﺭ ﻫﺪﺍ ﺷﻦ ﻗﺎﻋﺪ ﻳﻘﻮﻭﻝ ﺷﻦ ﻗﺎﻋﺪ ﻳﺨﺘﺘﺮﺭﻑ ﺍﻧﻲ ﻣﺎﻣﺎ ﻣﺎﺍﺍﻓﻴﻬﺎ ﺷﻲ ﺷﻦ ﻗﺎﻋﺪ ﻳﻜﺬﺏ ﻋﻠﻴﻜﻢ
ﺍﻟﺪﻛﺘﻮﺭ ﻃﺎﺭﺗﻠﻪ : ﻟﻮ ﺳﻤﺤﺘﻲ ﺍﺣﺘﺮﻣﻲ ﺍﻟﻔﺎﻇﻚ ﻳﺎﺍﻧﺴﺔ
ﻧﻮﺍﻝ ﺑﻐﻀﺐ : ﺷﻨﻨﻦ ﻧﺤﺘﺘﺮﻣﻢ ﺍﻟﻔﺎﺍﻇﻲ ﻭﺍﻧﺖ ﺍﺻﻼ ﻣﺶ ﻓﺎﻫﻢ ﺭﺍﺳﻚ ﻣﻦ ﺭﺟﻠﻴﻚ ﺍﺻﻼ ﻣﺎﻣﺎ ﻣﺎﺍﺍﻓﻴﻬﺎﺍﺍ ﺷﻲ ﺍﻧﺖ ﺍﺻﻼﺍﺍﺍ ﻛﻴﻒ ﺗﻘﻮﻭﻭﻭﻝ ﺍﻧﻪ ﻣﺎﻣﺎ ﻋﻨﺪﻫﺎ ﺳﺮﻃﺎﻥ ﻛﻴﻴﻴﻒ ، ﻭﻃﺎﺣﺖ ﻋﻠﻲ ﺭﻛﺎﺑﻬﺎ ﻭﺩﻣﻮﻋﻬﺎ ﻏﻠﺒﻮﻫﺎ ، ﻗﻌﺪﺕ ﺗﺨﺒﻂ ﺑﻴﺪﻳﻬﺎ ﻉ ﺍﻻﺭﺽ : ﻣﺎﺍﺍﻣﺎﺍﺍ ﺣﺘﻌﻴﻴﺶ ﻣﺎﻣﺎ ﻫﺪﺍﺍﺍ ﻛﺬﺍﺍﺍﺏ ﻳﻘﻮﻝ ﻣﺎﻣﺎ ﺑﺘﻤﻮﺕ ﻛﺬﺍﺍﺍﺏ ﻛﺬﺍﺍﺍﺏ
ﻣﺤﻤﻮﺩ ﻃﺒﺲ ﺷﺪﻟﻬﺎ ﻳﺪﻳﻬﺎ : ﻧﻮﺍﻝ ﺣﺒﻴﺒﻲ ﺍﻫﺪﻱ ﺧﻼﺹ ﻧﻮﺍﻝ
ﻧﻮﺍﻝ ﺷﺎﻓﺘﻠﻪ ﻭﻋﻴﻮﻧﻬﺎ ﻣﻌﺒﻴﺎﺕ ﺩﻣﻮﻉ : ﺣﺘﻌﻴﺶ ﻣﺎﻣﺎ ﻭﺍﻻ ﻣﺶ ﺣﺘﺴﻴﺒﻨﺎ
ﻣﺤﻤﻮﺩ : ﺣﺘﻌﻴﺶ ﻳﺎﺣﺒﻴﺒﻲ ﺣﺘﻌﻴﺶ ﺧﻼﺹ ﺍﻫﺪﻱ ، ﻫﻲ ﻧﻮﺿﻲ ﺧﻠﻴﻨﺎ ﻧﺮﻭﺣﻮ ﻟﻠﺤﻮﺵ ﻫﻲ ﻳﺎﺣﺒﻴﺒﻲ
ﻧﻮﺍﻝ ﻭﻗﻔﺖ ﻣﻌﺎﻩ : ﺑﺎﻩ ﻧﺒﻲ ﻧﺸﻮﻑ ﻣﺎﻣﺎ ﺍﻧﻲ
ﻣﺤﻤﻮﺩ ﻳﻤﺴﺤﻠﻬﺎ ﻓﻲ ﺩﻣﻮﻋﻬﺎ : ﻏﺪﻭﺓ ﻧﺸﻮﻓﻮﻫﺎ ﻣﺎﻣﺎ ﺑﺎﻫﻲ ﻳﺎﺣﺒﻴﺒﻲ ﺍﻛﻴﺪ ﺗﻌﺒﺎﻧﻪ ﻫﻲ ﺗﻮﺍ ﻧﻮﻋﺪﻙ ﻏﺪﻭﺓ ﻧﺠﻴﺒﻚ
ﻧﻮﺍﻝ ﻭﻋﻴﻮﻧﻬﺎ ﻣﻐﺮﻗﺎﺕ ﺩﻣﻮﻉ : ﻧﺒﻲ ﻧﺸﻮﻓﻬﺎ ﺗﻮﺍ ﺍﻧﻲ ﺑﺎﻟﻠﻪ ﻋﻠﻴﻚ
ﻣﺤﻤﻮﺩ : ﺑﺎﻩ ﺣﺎﺍﺿﺮ ﻗﻌﻤﺰﻱ ﺷﻮﻳﺔ ﺑﺲ ﻭﻧﺴﺎﻟﻮ ﺍﻟﺪﻛﺘﻮﺭ ، ﻗﻌﻤﺰﻫﺎ ﻭﺍﻣﺸﻲ
ﺍﻟﺪﻛﺘﻮﺭ : ﻣﻊ ﺍﻧﻪ ﺣﺎﻟﺔ ﺍﻟﻤﺮﻳﻀﺔ ﺗﻌﺒﺎﻧﻪ ﺑﺲ ﻋﺎﺩﻱ ﺗﺨﺶ ﻫﻲ ﺑﺲ
ﻣﺤﻤﻮﺩ : ﺑﺎﻩ ﻫﻲ ﺑﺲ ، ﻭﺍﻣﺸﻲ ﻟﻨﻮﺍﻝ : ﻫﻲ ﻗﺎﻝ ﺑﺎﻫﻲ ﺗﻌﺎﻟﻲ
ﻧﻮﺍﻝ ﻭﻗﻔﺖ ﻋﻠﻰ ﻃﻮﻝ ﻭﻣﺴﺤﺖ ﺩﻣﻮﻋﻬﺎ
ﺧﺸﺖ ﻣﻊ ﺍﻟﻤﻤﺮﺿﺔ ، ﻭﺍﻭﻝ ﻣﺎﺷﺎﻓﺖ ﻣﺎﻣﺎ ﺍﻧﺼﺪﻣﺖ ﻭﺩﻣﻮﻋﻬﺎ ﻧﺰﻟﻮ ﻣﻦ ﺟﺪﻳﺪ
ﻛﺎﻧﺖ ﻣﺎﻣﺎ ﺣﺎﻃﻴﻠﻬﺎ ﺟﻬﺎﺯ ﻋﻠﻲ ﺧﺸﻤﻬﺎ ﻭﺟﻬﺎﺯ ﻣﻘﻴﺎﺱ ﺩﻗﺎﺕ ﺍﻟﻘﻠﺐ ﻭﺗﻐﺪﻳﺔ ، ﻗﺮﺑﺖ ﻣﻨﻬﺎ ﻭﻗﻌﻤﺰﺕ ﺟﻨﺒﻬﺎ ﻭﺗﺒﻜﻲ
ﺷﺎﻓﺖ ﻟﺸﻌﺮ ﻣﺎﻣﺎ ﻭﺍﻧﺼﺪﻣﺖ ﺍﻛﺜﺮ، ﺍﻭﻝ ﻣﺮﺓ ﺗﻼﺣﻈﻪ ﺍﻧﻪ ﻗﻌﺪ ﻓﺮﺍﻏﺎﺕ ﻫﻠﺒﺎ ﻭﻃﺎﻳﺢ ﻣﻨﻪ ﺟﺰﺀ ﻛﺒﻴﺮ
ﻣﺎﻣﺎ ﺍﻟﻲ ﺍﻣﺲ ﻛﺎﻧﺖ ﺑﺤﺼﺘﻬﺎ ﻭﺍﻗﻔﻪ ﻭﻛﺎﺍﻧﻪ ﻣﺎﻓﻴﻬﺎﺵ ﻭﻻ ﻣﺮﺽ ، ﺍﻟﻲ ﻛﺎﻧﺖ ﺍﻣﺲ ﻓﺮﺣﺎﻧﻪ ﺑﺒﻨﺘﻬﺎ ﻭﺗﻐﻨﻲ ﻭﺗﻀﺤﻚ
ﺗﻄﻴﺢ ﻓﺠﺄﺓ ﻋﻠﻲ ﻃﻮﻟﻬﺎ ﻭﺗﻮﻟﻲ ﺑﺎﻟﻀﻌﻒ ﻫﺬﺍ
ﺗﻔﻜﺮﺕ ﻛﻴﻒ ﺍﻣﺲ ﻓﻲ ﺍﻟﺒﻴﺎﻥ ﻗﻌﺪﺕ ﺗﻘﻨﻊ ﻓﻴﻬﺎ ﺍﻧﻬﺎ ﺗﺴﺘﺸﻮﺭ ﺷﻌﺮﻫﺎ ﻭﺗﺤﻮﻝ ﺍﻟﺤﺠﺎﺏ
ﺑﺲ ﻣﺎﻣﺎ ﺭﻓﻀﺖ
ﺗﺬﻛﺮﺕ ﻫﻲ ﻗﺪﺍﺵ ﻭﺟﻌﺘﻬﺎ ﻭﻗﺖ ﻛﺎﻥ ﺗﺘﺮﺟﻰ ﻓﻴﻬﺎ ﺗﺴﺘﺸﻮﺭ ﺷﻌﺮﻫﺎ ، ﻭﻣﺎﻣﺎ ﻛﺎﻧﺖ ﺗﺪﺭﻕ ﻓﻲ ﺷﻌﺮﻫﺎ ﻋﻠﻴﻨﺎ ﻣﺎﺗﺒﻴﺶ ﺗﺒﻴﻠﻨﺎ ﺍﻧﻬﺎ ﺿﻌﻴﻔﻪ ﻭﻣﺮﻳﻀﻪ
ﺷﺪﺗﻠﻬﺎ ﻳﺪﻫﺎ ﺑﺎﺳﺘﻬﺎ ﻭﺩﻣﻮﻋﻬﺎ ﻳﻨﺰﻟﻮ ﻋﻠﻲ ﻳﺪ ﻣﺎﻣﺎ
ﻣﺎﻣﺎ ﺿﻐﻄﺖ ﺑﻴﺪﻫﺎ ﻋﻠﻲ ﻳﺪ ﻧﻮﺍﻝ ، ﻓﺘﺤﺖ ﻋﻴﻮﻧﻬﺎ ﺑﺎﻟﺸﻮﻳﺔ ﻭﺍﺑﺘﺴﻤﺘﻠﻬﺎ ﺍﺑﺘﺴﺎﻣﻪ ﺍﻟﻢ
ﻧﻮﺍﻝ ﺷﺎﻓﺖ ﻟﻤﺎﻣﺎ ﻭﻫﻲ ﺗﺒﻜﻲ : ﻧﺤﺒﻚ ﻳﺎﻣﺎﻣﺎ ﻫﻲ ﻧﻮﺿﻲ ﺑﺎﻟﺴﻼﻣﻪ ﺑﺎﺵ ﺗﺮﻭﺣﻲ ﻣﻌﺎﻧﺎ ﻭﺗﻨﻮﺭﻱ ﺣﻮﺷﻚ
ﻣﺎﻣﺎ ﻋﺮﻓﺖ ﻣﻦ ﺑﻜﺎ ﻧﻮﺍﻝ ﺍﻧﻪ ﺑﻨﺘﻬﺎ ﻋﺮﻓﺖ ﺑﻤﺮﺿﻬﺎ ، ﻭﺑﺼﻮﺕ ﺿﻌﻴﻒ : ﺭﺩﻭ ﺑﺎﻟﻜﻢ ﻣﻦ ﺑﻌﻀﻜﻢ ﺍﻧﺘﻲ ﻭﺍﺧﻮﺍﺗﻚ ، ﻧﺮﺟﺲ ﺭﺩﻱ ﺑﺎﻟﻚ ﻋﻠﻴﻬﺎ ﻳﺎﻧﻮﺍﻝ ، ﺭﺩﻱ ﺑﺎﻟﻚ ﻉ ﺭﺍﺟﻠﻚ ﻭﺧﻠﻮ ﻣﻴﻌﺎﺩ ﺍﻟﻌﺮﺱ ﺯﻱ ﻣﺎﻫﻮ ﺑﻌﺪ ﺷﻬﺮ ﻭﺣﺘﻰ ﻟﻮ ﺻﺎﺭ ﻓﻴﺎ ﺷﻲ
ﻧﻮﺍﻝ : ﺑﻌﻴﺪ ﺍﻟﺴﻮ ﻋﻠﻴﻚ ﻳﺎﻣﺎﻣﺎ ﺭﺑﻲ ﻳﻄﻮﻝ ﻓﻲ ﻋﻤﺮﻙ ﻭﺍﻧﺘﻲ ﺗﺪﻳﺮﻳﻠﻨﺎ ﻋﺮﺳﻨﺎ ﻭﺗﻔﺮﺣﻲ ﺑﻴﻨﺎ ﻭﻗﺖ ﺗﺰﻳﻔﻴﻨﺎ ﻟﺮﺟﺎﻟﺘﻨﺎ
ﻣﺎﻣﺎ ﺍﺑﺘﺴﻤﺖ ﻭﻣﺎﺭﺩﺗﺶ ﻋﻠﻴﻬﺎ ، ﻭﻟﺖ ﻏﻤﻀﺖ ﻋﻴﻮﻧﻬﺎ ﺑﺘﻌﺐ
ﻧﻮﺍﻝ ﻗﻌﺪﺕ ﺗﺒﻜﻲ ﺍﻛﺜﺮ
ﺍﻟﻤﻤﺮﺿﺔ : ﺧﻼﺹ ﻳﺎﺍﻧﺴﻪ ﺍﻣﻚ ﻋﺎﻃﻴﻴﻨﻬﺎ ﻣﻨﻮﻡ ﺣﺘﻘﻌﺪ ﺭﺍﻗﺪﺓ ﻳﺎﺭﻳﺖ ﺗﻄﻠﻌﻲ
ﻧﻮﺍﻝ ﻭﻗﻔﺖ ، ﻃﺒﺴﺖ ﺑﺎﺳﺖ ﻋﻠﻲ ﺭﺍﺱ ﻣﺎﻣﺎ ﻭﺩﻣﻮﻋﻬﺎ ﻳﻨﺰﻟﻮ ، ﻃﻠﻌﺖ ﻣﻦ ﺍﻟﺪﺍﺭ ﻭﻫﻲ ﻋﻴﻮﻧﻬﺎ ﻋﻠﻴﻬﺎ
ﺍﻳﻤﻦ : ﺧﻼﺹ ﺑﻄﻠﻲ ﺑﻜﺎ ﻳﺎﻧﻮﺍﻝ ﺍﻥ ﺷﺎﺀ ﺍﻟﻠﻪ ﺭﺑﻲ ﻳﻨﻮﺿﻬﺎ ﺑﺎﻟﺴﻼﻣﻪ
ﻧﻮﺍﻝ ﺷﺎﻓﺘﻠﻪ ﻭﻋﻴﻮﻧﻬﺎ ﻣﻐﺮﻗﺎﺕ ﺩﻣﻮﻉ : ﻣﺴﺘﺤﻴﻞ ﻧﺴﺎﻣﺤﻜﻢ ﺍﻧﻜﻢ ﺩﺳﻴﺘﻮ ﻋﻠﻴﻨﺎ ﻣﺮﺽ ﻣﺎﻣﺎ
ﺍﻳﻤﻦ : ﻣﺶ ﻫﻜﻲ ﻳﺎﻧﻮﺍﻝ ﺍﺣﻨﻲ ﺧﻔﻨﺎ ﻋﻠﻴﻜﻢ ﻭﺑﻌﺪﻳﻦ ﻫﺎﺩﻱ ﺍﻛﺜﺮ ﺷﻲ ﺭﻏﺒﺔ ﻣﺮﺕ ﺧﺎﻟﻲ ﻣﺎﺗﺒﻴﺶ ﺗﺸﻐﻠﻜﻢ ﻭﺗﺨﻮﻓﻜﻢ ﻋﻠﻴﻬﺎ
ﻧﻮﺍﻝ ﺗﻤﺴﺢ ﻓﻲ ﺩﻣﻮﻋﻬﺎ : ﻭﺣﺘﻰ ﻟﻮ ﻛﺎﻥ ﻛﺎﻥ ﻣﻔﺮﻭﺽ ﻧﻌﺮﻓﻮ ﻟﻮ ﺻﺎﺭ ﻓﻴﻬﺎ ﺷﻲ ﻭﻛﻨﺎ ﻗﺎﻋﺪﻳﻦ ﻣﺎﻧﻌﺮﻓﻮﺵ ﻣﺴﺘﺤﻴﻞ ﻧﺴﺎﻣﺤﻮﻛﻢ ﺍﺑﺪﺍﺍ
،،،،،
ﻣﺮﻭ ﺍﻟﺴﺎﻋﺎﺕ ﺑﻄﻴﺌﺔ ﺑﻜﻞ
ﺭﻭﺣﺖ ﻧﻮﺍﻝ ﻭﻗﺎﻟﺘﻠﻨﺎ ﻛﻞ ﺍﻟﻜﻼﻡ ﺍﻟﻲ ﻗﺎﻟﻪ ﺍﻟﺪﻛﺘﻮﺭ
ﻛﻨﺎ ﻣﻘﻌﻤﺰﻳﻦ ﻭﻧﺮﺍﺟﻮ ﻋﻠﻲ ﺍﺣﺮ ﻣﻦ ﺟﻤﺮ
ﻣﺎﻛﻠﻴﻨﺎﺵ ﻭﻻﺣﺎﺟﺔ ﻭﻻﺗﻜﻠﻤﻨﺎ ﻗﻌﺪﻧﺎ ﻧﺪﻋﻮ ﻭﺑﺲ ﻃﻮﻝ ﺍﻟﻮﻗﺖ
ﺧﺎﻟﺘﻲ : ﻧﻮﺿﻮ ﺍﻟﻠﻪ ﻳﺮﺑﺤﻜﻢ ﻛﻮﻟﻮ ﺣﺎﺟﺔ ﺍﻟﺴﺎﻋﻪ 9 ﺗﻮﺍ ﻣﻦ ﻓﻄﻮﺭ ﺍﻟﺼﺒﺢ ﻣﻌﺎﺵ ﺍﻛﻠﻴﺘﻮ ﺣﺎﺟﺔ
ﻋﻤﺘﻲ : ﺣﺮﺍﻡ ﻋﻠﻴﻜﻢ ﻫﻜﻲ ﺍﻣﻜﻢ ﺗﺒﻲ ﺗﻜﻮﻥ ﻣﺮﺗﺎﺣﺔ ﻋﻠﻴﻜﻢ ﻭﻣﺎﺗﺒﻴﺶ ﺗﻘﻌﺪ ﺗﺨﻤﻢ ﻓﻴﻜﻢ
ﻣﺎﻓﻴﻨﺎﺵ ﻭﻻﻭﺣﺪﺓ ﺭﺩﺕ ﻋﻠﻴﻬﻢ ﻭﻛﻞ ﻭﺣﺪﺓ ﻓﻴﻨﺎ ﺗﻔﻜﺮ
ﺧﺎﻟﺘﻲ : ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ ﺍﻧﺘﻲ ﻳﺎﻧﻮﺳﺔ ﻭﺍﻟﻠﻪ ﻧﻜﻠﻢ ﻭﻟﻴﺪ ﻧﻘﻮﻟﻪ ، ﺭﺍﺍﺍﻙ ﺣﺎﻣﻞ ﻳﺎﺍﺍﺑﻨﺘﻲ ﺗﺪﻭﻭﺧﻲ ﺗﺼﻴﺮﻟﻚ ﺣﺎﺟﺔ ﺍﺳﺘﻬﺪﻱ ﺑﺎﻟﻠﻪ ﻭﻛﻮﻟﻲ ﻟﻘﻤﻪ ﺭﺍﻙ ﻋﻨﺪﻙ ﺭﻭﺡ ﻓﻲ ﺩﺍﺧﻠﻚ
ﺍﻧﻲ ﻣﺎﺗﻜﻠﻤﺘﺶ ، ﻛﻤﻠﺖ ﻧﺴﺒﺢ ﻭﺳﺎﻛﺘﻪ
ﻋﻤﺘﻲ : ﺗﺮﺍ ﻳﺎﻋﻠﻴﺎ ﺟﻴﺒﻴﻠﻲ ﺗﻠﻴﻔﻮﻧﻲ ﻭﺍﻟﻠﻪ ﻧﻜﻠﻤﻪ ﻳﺎﻧﺴﻴﺒﺔ
ﺍﻧﻲ ﻗﻌﺪﺕ ﺳﺎﻛﺘﻪ ، ﻣﺎﺍﻫﺘﻤﻴﺘﺶ ﻛﻞ ﻫﻤﻲ ﻣﺎﻣﺎ ﻓﻲ ﻫﺎﺩﻳﻜﺎ ﺍﻟﻠﺤﻈﺔ ، ﺍﻧﻲ ﻣﺶ ﻗﺎﺩﺭﺓ ﻧﺘﺨﻴﻞ ﺍﻟﻤﺮﺽ ﻭﺍﻟﻌﺬﺍﺏ ﺍﻟﻲ ﻫﻲ ﻓﻴﻪ
ﺷﺮﻳﻦ ﺍﻟﺠﺮﺱ
ﻧﺎﺿﺖ ﺧﺎﻟﺘﻲ ﺑﺘﻔﺘﺢ
ﺳﻤﻌﺖ ﺻﻮﺗﻪ ﺧﺎﺵ ، ﻭﻗﻔﺖ ﻭﻃﻠﻌﺘﻠﻪ ﻗﺒﻞ ﻣﺎﻳﺨﺶ ﺑﺴﺮﻋﻪ
ﺧﺎﻟﺘﻲ : ﺍﻫﻲ ﺟﺖ ﻣﺎﺑﺘﺶ ﺗﺎﻛﻞ ﺣﺘﻰ ﺣﺎﺟﺔ ﻣﻦ ﻓﻄﻮﺭ ﺍﻟﺼﺒﺢ
ﺍﻧﻲ ﻣﺎﺍﻫﺘﻤﻴﺘﺶ ﻟﻜﻼﻡ ﺧﺎﻟﺘﻲ : ﻛﻴﻒ ﺣﺎﻝ ﻣﺎﻣﺎ ﻃﻤﻨﻲ
ﺧﺎﻟﺘﻲ ﺧﺸﺖ ﻭﺳﻴﺒﺘﻨﺎ
ﻭﻟﻴﺪ : ﻗﺒﻠﻬﺎ ﻋﻼﺵ ﻣﺎﺍﻛﻠﻴﺘﻲ ﺷﻲ ﻭﺍﻧﺘﻲ ﺣﺎﻣﻞ
ﺍﻧﻲ : ﻳﺎﺣﺒﻴﺒﻲ ﻃﻤﻨﻲ ﻋﻠﻲ ﻣﺎﻣﺎ ﻭﺑﻌﺪﻳﻦ ﺳﺎﻫﻞ
ﻭﻟﻴﺪ : ﻛﻮﻳﺴﺔ ﺧﻠﻴﺘﻬﺎ ﺭﺍﻗﺪﺓ ﻭﻣﻤﻨﻮﻉ ﻳﻘﻌﺪ ﺍﻱ ﺣﺪ ﻓﻲ ﺍﻟﻤﺴﺘﺸﻔﻰ ﻣﺶ ﻋﺎﺭﻑ ﻧﻈﺎﻡ ﺟﺪﻳﺪ ﺷﻜﻠﻪ
ﺍﻧﻲ : ﻭﺍﻟﺪﻛﺘﻮﺭ ﺷﻦ ﻗﺎﻝ
ﻭﻟﻴﺪ ﻗﻌﻤﺰ ﻭﺷﺎﻓﻠﻲ ﻭﺳﻜﺖ
ﺍﻧﻲ ﺧﻨﻘﺘﻨﻲ ﺍﻟﻌﺒﺮﺓ : ﺍﺣﻜﺘﻠﻨﺎ ﻧﻮﺍﻝ ،ﻭﻟﻴﺪ ﻓﻲ ﺍﻣﻞ ﻭﺍﻻ
ﻭﻟﻴﺪ : ﺍﺣﻨﻲ ﺩﻳﻤﺎ ﻣﺎﻧﻔﻘﺪﻭﺵ ﺍﻻﻣﻞ ﺑﺎﻟﻠﻪ ﻭﻻﺯﻡ ﻳﻜﻮﻥ ﺍﻣﻠﻚ ﺑﺎﻟﻠﻪ ﻛﺒﻴﺮ
ﺍﻧﻲ ﻗﻌﺪﺕ ﻧﺒﻜﻲ : ﻭﻧﻌﻢ ﺑﺎﻟﻠﻪ ﻳﺎﺭﺏ ﻳﺎﺭﺏ
ﻭﻟﻴﺪ ﻭﻗﻒ ﺣﻀﻨﻲ ﻭﻳﻤﺴﺢ ﻋﻠﻲ ﺷﻌﺮﻱ
ﺍﻧﻲ ﻗﻌﺪﺕ ﻧﺒﻜﻲ ﺍﻛﺜﺮ ﻭﺧﺎﻳﻔﻪ
ﺧﺎﻳﻔﻪ ﻣﻦ ﺍﻟﻤﺴﺘﻘﺒﻞ ، ﺧﺎﻳﻔﻪ ﻋﻠﻲ ﻣﺎﻣﺎ ،ﺧﺎﻳﻔﻪ ﻋﻠﻴﻬﺎ ﻣﻦ ﻣﺮﺽ ﻣﺎﻳﺮﺣﻤﺶ ، ﺧﺎﻳﻔﻪ ﻣﻦ ﻳﻮﻡ ﺍﻧﻮﺽ ﻭﻣﺎﻣﺎ ﻣﺶ ﻣﻮﺟﻮﺩﺓ ﻓﻴﻪ ، ﺧﺎﻳﻔﻪ ﻭﺧﺎﻳﻔﻪ ﻣﻦ ﻫﻠﺒﺎ ﺣﺎﺟﺎﺕ
ﻭﻟﻴﺪ : ﺧﻼﺹ ﻳﺎﺣﺒﻴﺒﺘﻲ ﺍﺩﻋﻴﻠﻬﺎ ﺑﺲ ﻣﺤﺘﺎﺟﺔ ﺍﻟﺪﻋﺎﺀ ﻫﻲ ﺑﺲ
ﺍﻧﻲ : ﻭﺍﻟﻠﻪ ﻧﺪﻋﻲ ﻣﻦ ﺑﻜﺮﻱ ﺭﺑﻲ ﻳﺸﻔﻴﻬﺎ ﻳﺎﺭﺏ
ﻭﻟﻴﺪ ﻗﻌﻤﺰ ﻭﻗﻌﻤﺰﻧﻲ ﺟﻨﺒﻪ ﻉ ﺍﻟﻜﺮﺳﻲ
ﺍﻧﻲ : ﺗﻌﺮﻑ ﻳﺎﺣﺒﻴﺒﻲ ﺍﻟﺤﻮﺵ ﻧﺤﺴﻪ ﻣﻈﻠﻠﻠﻢ ﻣﻦ ﻟﻤﺎ ﻃﺎﺣﺖ ﻭﺭﻓﻌﻮﻫﺎ ﻟﻠﻤﺴﺘﺸﻔﻰ ، ﺣﺴﻴﺖ ﺍﻟﺤﻮﺵ ﻣﻦ ﻏﻴﺮ ﻃﻌﻤﻪ ﻣﻦ ﻏﻴﺮﻫﺎ ، ﻛﺌﻴﺐ ﺑﺎﺭﺩ ﻣﻈﻠﻢ
ﻭﻟﻴﺪ : ﺍﻥ ﺷﺎﺀ ﺍﻟﻠﻪ ﻳﺎﺣﺒﻴﺒﺘﻲ ﺗﻨﻮﺽ ﺑﺎﻟﺴﻼﻣﻪ ﻭﺗﺮﺟﻊ ﺗﻨﻮﺭ ﺣﻮﺷﻬﺎ ، ﺍﻳﻤﻦ ﻗﺎﻝ ﺑﻴﺠﻴﺮﻟﻬﺎ ﻋﻠﻲ ﺍﻭﺭﺍﻕ ﺑﻨﻄﻠﻌﻮﻫﺎ ﺑﺮﺍ ﻣﺮﺍﺕ ﻣﻦ ﻏﺪﻭﺓ ﻳﺎﺭﻭﺣﻲ ﻳﺴﺎﻓﺮﻭ ﺑﻴﻬﺎ
ﺍﻧﻲ : ﻳﺎﺭﻳﺖ ﻳﻤﻜﻦ ﻧﺤﺼﻠﻮ ﺩﻛﺘﻮﺭ ﺍﻓﻀﻞ
ﻭﻟﻴﺪ : ﻣﻊ ﺍﻥ ﺩﻛﺘﻮﺭﻫﺎ ﻣﻤﺘﺎﺯ ﻳﻌﻨﻲ ﺧﺮﻳﺞ ﺟﺎﻣﻌﻪ ﺍﻣﺮﻳﻜﻴﺔ ﻭﻣﻌﺮﻭﻑ
ﺍﻧﻲ : ﻣﺎﻫﻮ ﻳﺎﺣﺒﻴﺒﻲ ﻧﺘﻄﻤﻨﻮ ﻣﻦ ﺍﻛﺜﺮ ﻣﻦ ﺩﻛﺘﻮﺭ
ﻭﻟﻴﺪ : ﺍﻥ ﺷﺎﺀ ﺍﻟﻠﻪ ، ﻫﻲ ﺗﺮﻭﺣﻲ ﻣﻌﺎﻱ ﻳﺎﻧﻮﺳﺔ
ﺍﻧﻲ : ﻻﻻ ﻣﺎﻧﻘﺪﺭﺵ ﻧﺴﻴﺐ ﺍﺧﻮﺍﺗﻲ ﻭﻟﻴﻦ ﻧﺘﻄﻤﻦ ﻋﻠﻲ ﻣﺎﻣﺎ ، ﻣﻌﻠﻴﺸﻲ ﻳﺎﺣﺒﻴﺒﻲ ﺧﻠﻴﻨﻲ ﺍﻟﻴﻮﻡ
ﻭﻟﻴﺪ : ﺑﺎﻩ ﻫﻲ ﺧﻼﺹ ﺍﻧﻲ ﺧﻠﻲ ﻧﻤﺸﻲ
ﺍﻧﻲ : ﺍﻧﺖ ﻣﻦ ﺟﺎﺑﻚ
ﻭﻟﻴﺪ : ﺟﻴﺖ ﻓﻲ ﺗﺎﻛﺴﻲ ، ﻫﻮ ﺍﻻﺳﺒﻮﻉ ﺍﻟﺠﺎﻱ ﺑﻨﻤﺸﻲ ﻟﻠﺪﻛﺘﻮﺭ ﻳﻤﻜﻦ ﻳﺤﻮﻟﻬﻮﻟﻲ ﻭﻧﻔﺘﻚ ﻣﻨﻪ ﻫﺎﻟﺠﺒﺲ ، ﻫﻲ ﺣﺒﻴﺒﺘﻲ ﺧﺸﻲ ﻛﻮﻟﻲ ﺣﺎﺟﺔ
ﺍﻧﻲ : ﻭﺍﻟﻠﻪ ﻳﺎﺣﺒﻴﺒﻲ ﻣﺎﻋﻨﺪﻳﺶ ﻧﻴﺔ ﻓﻲ ﺣﺘﻰ ﺣﺎﺟﺔ ﻭﻣﺎﻧﺒﻲ ﺷﻲ ﻏﻴﺮ ﻧﺘﻄﻤﻦ ﻋﻠﻲ ﻣﺎﻣﺎ ﺑﺲ
ﻭﻟﻴﺪ : ﺍﻧﺖ ﻣﺎﺗﺒﻴﺶ ﺍﻟﺒﻴﺒﻲ ﻳﺎﻧﻮﺳﺔ
ﺍﻧﻲ : ﺑﺎﻟﻌﻜﺲ ﻳﺎﺣﺒﻴﺒﻲ ﻭﺍﻟﻠﻪ ﻓﺮﺣﺎﻧﻪ ﺑﻴﻪ ﻉ ﺍﻻﺧﺮ ﻭﻧﺮﺍﺟﻲ ﻓﻴﻪ ﺍﻣﺘﻰ ﻳﺠﻲ ﻭﻳﻔﺮﺣﻨﺎ ﺍﻟﺰﻭﺯ
ﻭﻟﻴﺪ : ﻟﻮ ﺗﺒﻴﻪ ﻛﻨﺘﻲ ﺍﻫﺘﻤﻴﺘﻲ ﺑﻨﻔﺴﻚ ﻭﺗﺎﻛﻠﻲ ﻛﻮﻳﺲ ﻣﺎﻛﻨﺘﻴﺶ ﺧﻠﻴﺘﻴﻪ ﺟﻌﺎﻥ
ﺍﻧﻲ : ﺑﺎﻩ ﻳﺎﺑﻴﺒﻲ ﺗﻮ ﻧﺎﻛﻞ
ﻭﻟﻴﺪ : ﻭﻋﺪ
ﺍﻧﻲ : ﻭﻋﺪ
ﻭﻟﻴﺪ ﺑﺎﺳﻨﻲ ﻋﻠﻲ ﺧﺪﻱ : ﻫﻲ ﺩﻳﺮﻱ ﺑﺎﻟﻚ ﻉ ﺭﻭﺣﻚ
ﺍﻧﻲ : ﺣﺘﻰ ﺍﻧﺖ ﻭﻃﻤﻨﻲ ﻭﻗﺖ ﺗﻮﺻﻞ
ﻭﻟﻴﺪ : ﺣﺎﺿﺮ ﻫﻲ ﻣﻊ ﺍﻟﺴﻼﻣﻪ
ﺍﻧﻲ : ﺳﻼﻣﺎﺕ ﻓﻲ ﺣﻔﻆ ﺍﻟﻠﻪ ﻳﺎﺣﺒﻴﺒﻲ
ﺭﻭﺡ ﻭﻟﻴﺪ ﻭﺍﻧﻲ ﺧﺸﻴﺖ ، ﺩﺭﺕ ﺗﻮﺳﺖ ﺟﻨﺒﻪ ﻭﻗﻌﻤﺰﺕ ﻧﺎﻛﻞ ﻓﻴﻪ
ﻧﻮﺍﻝ ﺧﺸﺖ ﻟﻠﻤﻄﺒﺦ : ﻣﺎﻗﺎﻝ ﺷﻲ ﻭﻟﻴﺪ
ﺍﻧﻲ : ﻗﺎﻝ ﺍﻳﻤﻦ ﻳﺪﻳﺮﻟﻬﺎ ﻓﻲ ﺍﻭﺭﺍﻕ ﺑﻴﻄﻠﻌﻮﻫﺎ ﺑﺮﺍ ﻋﻼﺝ ﺑﺮﺍ ﺍﻓﻀﻞ ﻭﻳﺴﺘﺮ ﺍﻟﻠﻪ
ﻧﻮﺍﻝ : ﺍﻳﻪ ﺍﻓﻀﻞ ﺍﺻﻼ ﺍﻟﺪﻛﺘﻮﺭ ﻫﺪﺍ ﻣﺎﺧﺸﻠﻴﺶ ﺭﺍﺱ ﺗﺤﺴﻴﻪ ﻗﺎﻳﻢ ﺧﺸﻤﻪ ﻭﺷﺎﻳﻒ ﺭﻭﺣﻪ ﺑﻜﻞ
ﺍﻧﻲ : ﻭﻟﻴﺪ ﻗﺎﻝ ﺍﻟﺪﻛﺘﻮﺭ ﻛﻮﻳﺲ ﺍﻧﺘﻲ ﺑﺲ ﻛﺮﻫﺘﻴﻪ ﻻﻧﻪ ﻗﺎﻟﻚ ﻋﻠﻲ ﻣﺎﻣﺎ
ﻧﻮﺍﻝ ﺳﻜﺘﺖ
ﻭﻫﻜﻲ ﻣﺮﺕ ﺍﻟﺴﺎﻋﺎﺕ ﺑﻄﻴﺌﺔ ﻭﻛﺌﻴﺒﺔ
ﻣﺎﻓﻴﻨﺎﺵ ﺣﺪ ﻗﺪﺭ ﻳﺮﻗﺪ ﻛﻠﻨﺎ ﻧﻔﻜﺮﻭ ﻏﺪﻭﺓ ﺷﻦ ﺣﻴﺼﻴﺮ
ﻃﻠﻊ ﺻﺒﺢ ﺗﺎﻧﻲ ﻳﻮﻡ
ﺳﻜﺮﺕ ﻣﻦ ﻭﻟﻴﺪ ﺍﻟﺴﺎﻋﻪ 9 ﺍﻟﻲ ﺳﻬﺮ ﻣﻌﺎﻳﺎ ﻃﻮﻝ ﺍﻟﻠﻴﻞ ﺑﺎﻟﺘﻠﻴﻔﻮﻥ
ﻧﻀﺖ ﻣﻦ ﻣﻜﺎﻧﻲ ﻃﻠﻌﺖ ﻣﻦ ﺍﻟﺪﺍﺭ ﺍﻟﻘﻴﺖ ﺧﺎﻟﺘﻲ ﻓﺎﻳﻘﻪ : ﺻﺒﺎﺡ ﺍﻟﺨﻴﺮ
ﺧﺎﻟﺘﻲ : ﺻﺒﺎﺡ ﺍﻟﻮﺭﺩ ﻫﻲ ﺗﻌﺎﻟﻲ ﻛﻴﻒ ﺑﻨﺤﻂ ﺍﻟﻔﻄﻮﺭ ﺍﻓﻄﺮﻱ
ﺍﻧﻲ : ﻧﺎﺿﻮ ﺧﻮﺍﺗﻲ
ﺧﺎﻟﺘﻲ : ﺍﻳﻪ ﻧﺎﺿﻮ ﺧﻠﻴﺘﻬﻢ ﻟﻮﻃﻰ ﻓﻲ ﺍﻟﻤﻄﺒﺦ ﺟﺎﻳﺔ ﺑﻨﻮﺿﻚ ﺍﻧﻲ
ﺍﻧﻲ : ﻣﺎﺷﻲ ﻧﺪﻳﺮ ﺩﻭﺵ ﻭﻧﺠﻲ
ﺧﺎﻟﺘﻲ : ﻣﺎﺗﻌﻄﻠﻴﺶ ﺑﺲ ﺑﻴﺶ ﻧﻤﺸﻮ ﻻﻣﻚ
ﺍﻧﻲ : ﺣﺎﺿﺮ
،،،،،،،
ﻓﻲ ﺍﻟﻤﺴﺘﺸﻔﻰ
ﺍﻳﻤﻦ : ﻫﻲ ﺷﻦ ﻗﻠﺘﻲ ﻳﺎﻣﺮﺕ ﺧﺎﻟﻲ
ﻣﺎﻣﺎ : ﺑﻌﺪ ﻋﺮﺱ ﻧﻮﺍﻝ ﻭﻧﻮﺭﺱ ﻧﺴﺎﻓﺮ ﻋﺎﺩﻱ ﻟﻜﻦ ﻣﺎﻧﺒﻴﺶ ﻧﻤﺸﻲ ﻭﻧﺨﺮﺏ ﻋﻠﻴﻬﻢ ﻓﺮﺣﺘﻬﻢ
ﺍﻳﻤﻦ : ﻣﺎﻫﻮ ﻳﺎﻣﺮﺕ ﺧﺎﻟﻲ ﻛﻞ ﻣﺎﺗﻌﺎﻟﺠﻲ ﺑﺴﺮﻋﻪ ﻛﻞ ﻣﺎﺍﻓﻀﻞ ﻭﺑﻌﺪﻳﻦ ﺣﺘﻰ ﺍﻟﺒﻨﺎﺕ ﺍﻛﻴﺪ ﻳﻔﻀﻠﻮ ﺻﺤﺘﻚ ﻭﻋﻼﺟﻚ ﺑﻜﺮﻱ
ﻣﺎﻣﺎ : ﺍﻧﻲ ﻳﺎﺍﻳﻤﻦ ﻧﻌﺮﻑ ﺣﺎﻟﺘﻲ ﺷﻨﻮ ﺍﻧﺖ ﻗﺎﻋﺪ ﺍﺗﻌﺐ ﻓﻲ ﺭﻭﺣﻚ ﺑﺲ ﻳﺎﻭﻟﺪﻱ ﺣﻨﺴﺘﻨﻰ ﻣﺎﻣﻜﺘﻮﺑﻠﻲ ﻣﻦ ﻋﻤﺮ
ﺍﻳﻤﻦ ﺑﺤﺰﻥ : ﺗﻔﺎﺋﻠﻲ ﺧﻴﺮ ﻳﺎﻣﺮﺕ ﺧﺎﻟﻲ ﺑﺎﻟﻠﻪ ﻋﻠﻴﻚ ﺗﻔﺎﺋﻠﻲ ﺧﻴﺮ ﻭﺧﻠﻲ ﺍﻳﻤﺎﻧﻚ ﺑﺎﻟﻠﻪ ﻗﻮﻱ ﻭﺍﻧﻪ ﻗﺎﺩﺭ ﻋﻠﻰ ﻛﻞ ﺷﻲ
ﻣﺎﻣﺎ : ﻭﻧﻌﻢ ﺑﺎﻟﻠﻪ ﻣﺶ ﻃﺎﻟﺒﺔ ﺷﻲ ﺍﻻ ﺑﻨﺎﺗﻲ ﻳﻜﻮﻧﻮ ﺑﺨﻴﺮ ﺑﺲ ﺍﻣﺎﻧﻪ ﻋﺒﺪ ﺍﻟﻌﻈﻴﻢ ﻳﻜﻮﻧﻮ ﺑﺨﻴﺮ ﺑﺲ
،،،،،،،،
ﺍﻧﻲ ﻉ ﺍﻟﺘﻠﻴﻔﻮﻥ : ﺣﺒﻴﺒﻲ ﺑﻨﻤﺸﻮ ﺑﻌﺪ ﺷﻮﻳﺔ ﺑﻨﺸﻮﻓﻮ ﻣﺎﻣﺎ
ﻭﻟﻴﺪ : ﻣﻦ ﺭﺍﻓﻌﻜﻢ
ﺍﻧﻲ : ﻧﻮﺭﺱ ﻭﻣﻌﺎﺩ ﻭﻟﺪ ﻋﻤﺘﻲ
ﻭﻟﻴﺪ : ﺧﻼﺹ ﺍﻧﻲ ﺗﻮﺍ ﺑﻨﻤﺸﻲ ﻟﻠﺪﻛﺘﻮﺭ ﺑﺘﺎﻉ ﺭﺟﻠﻲ ﻭﺑﻌﺪﻫﺎ ﻧﺠﻲ ﻏﺎﺩﻱ
ﺍﻧﻲ : ﺍﻭﻙ
ﻭﻟﻴﺪ : ﺧﻠﻲ ﺑﺎﻟﻚ ﻉ ﺭﻭﺣﻚ ﻭﻣﺶ ﻻﺯﻡ ﺍﻟﺤﺮﻛﺔ ﻫﻠﺒﺎ ﻭﺍﻣﺸﻲ ﺑﺎﻟﺸﻮﻳﺔ ﻭﻣﺎﺗﺰﻋﻠﻴﺶ ﺭﻭﺣﻚ ﻫﻠﺒﺎ ﻭﻣﺎﻧﺒﻴﺶ ﺩﻣﻮﻭﻉ ﺭﺍﻫﻮ ﻧﺠﻲ ﻧﻠﻘﺎﻙ ﺗﺒﻜﻲ ﻧﺮﻭﻭﻭﺡ ﺑﻴﻚ
ﺍﻧﻲ : ﺣﺎﺍﺿﺮ ﺣﺎﺍﺿﺮ
ﻣﺸﻴﻨﺎ ﻟﻤﺎﻣﺎ ﻭﺍﻭﻝ ﻣﺎﻭﺻﻠﻨﺎ ﻟﻠﻤﺴﺘﺸﻔﻰ
ﺩﻭﺭﻧﺎ ﻋﻠﻲ ﺣﺠﺮﺗﻬﺎ ﻭﺭﻛﺒﻨﺎ ﻃﻮﻝ
ﻓﺘﺤﺖ ﺍﻟﺒﺎﺏ ﻭﺧﺸﻴﺖ ﺍﻧﻲ ﺍﻻﻭﻟﻰ
ﻭﻗﻔﺖ ﻓﻲ ﻧﺺ ﺍﻟﺪﺍﺭ ﻭﻧﺸﻮﻓﻠﻬﺎ
ﻋﻴﻮﻧﻲ ﺗﻌﺒﻮ ﺩﻣﻮﻉ ﻋﻠﻰ ﻃﻮﻭﻝ
ﻣﺶ ﻣﺼﺪﻗﺔ ﺣﺴﻴﺖ ﺍﻟﺪﻧﻴﺎ ﺗﻠﻒ ﺑﻴﺎ ، ﻭﺧﺮﺕ ﺷﺪﻳﺖ ﺑﺤﺎﺷﻴﺔ ﺍﻟﺒﺎﺏ ﻭﻧﺸﻮﻓﻠﻬﺎ ﻭﻋﻴﻮﻧﻲ ﻣﻌﺒﻴﺎﺕ ﺩﻣﻮﻉ
ﻣﺎﺗﻮﻗﻌﺘﺶ ﻧﻨﺤﻂ ﺑﻤﻮﻗﻒ ﺯﻱ ﻫﻜﻲ
ﻣﺎﺗﻮﻗﻌﺘﺶ ﻓﻲ ﻳﻮﻡ ﻧﺸﻮﻑ ﻣﺎﻣﺎ ﺑﺎﻟﻀﻌﻒ ﻫﺪﺍ
ﻣﺎﺗﻮﻗﻌﺘﺶ ﺍﻟﻲ ﺍﻣﺲ ﻛﺎﻧﺖ ﺗﻀﺤﻚ ﻭﺗﺤﻜﻲ ﻭﺑﻜﻞ ﺻﺤﺘﻬﺎ ﺍﻟﻴﻮﻡ ﻧﺸﻮﻓﻬﺎ ﻣﺘﻤﻤﺪﺓ ﻉ ﺍﻟﺴﺮﻳﺮ ﻭﺍﻻﺟﻬﺰﺓ ﻣﺤﻮﻃﺔ ﺑﻴﻬﺎ ﻭﻭﺟﻬﺎ ﺍﺻﻔﺮ ، ﺷﻌﺮﻫﺎ ﺍﻟﻔﺮﺍﻏﺎﺕ ﻭﺍﺿﺤﺔ ﻓﻴﻪ
ﺧﺸﺖ ﺧﺎﻟﺘﻲ ﺑﻌﺪﻱ ، ﻗﻌﻤﺰﺕ ﻋﻠﻰ ﻃﻮﻝ ﺟﻨﺐ ﻣﺎﻣﺎ ﻭﺷﺎﺩﺓ ﺩﻣﻌﺘﻬﺎ
ﺧﺸﻮ ﺍﺧﻮﺍﺗﻲ ﻭﻗﻌﺪﻧﺎ ﻭﺍﻗﻔﻴﻦ
ﻣﺎﻓﻴﻨﺎﺵ ﻭﺣﺪﺓ ﻗﺪﺭﺕ ﺗﻘﺪﻡ ﺟﻬﺔ ﻣﺎﻣﺎ ، ﻣﺎﻓﻴﻨﺎﺵ ﻭﺣﺪﺓ ﻛﺎﻧﺖ ﻣﺼﺪﻗﺔ ﺍﻟﻲ ﺻﺎﻳﺮ ﻟﻤﺎﻣﺎ
ﻣﺎﻣﺎ ﺑﺼﻮﺕ ﻣﺨﻨﻮﻕ : ﺗﻌﺎﻟﻮ ﻗﺮﺑﻮ
ﺍﻧﻲ ﻗﺮﺑﺖ ﺑﺨﻄﻮﺍﺕ ﺑﻄﻴﺌﺔ ، ﺩﻣﻌﺘﻲ ﻧﺰﻟﺖ ﻋﻠﻰ ﻃﻮﻝ ، ﻭﺗﺒﻌﻮﻫﺎ ﺑﺎﻗﻲ ﺍﻟﺪﻣﻮﻉ ، ﻗﻌﻤﺰﺕ ﺟﻨﺒﻬﺎ ﻭﺷﺪﻳﺘﻬﺎ ﻳﺪﻫﺎ
ﺑﺴﺘﻬﺎ ﻭﺩﻣﻮﻋﻲ ﻳﻨﺰﻟﻮ
ﻗﺪﻣﻮ ﺍﺧﻮﺍﺗﻲ ﻭﻗﻌﺪﻭ ﻭﺍﻗﻔﻴﻦ ﺟﻨﺒﻨﺎ
ﻣﺎﻣﺎ ﻗﻌﺪﺕ ﺗﺒﻜﻲ
ﻛﺎﻧﺖ ﻟﺤﻈﺎﺕ ﻣﺎﻧﻘﺪﺭﺵ ﻧﻮﺻﻔﻬﺎ ﺑﺎﻱ ﻛﻠﻤﻪ
ﻛﺎﻥ ﺑﻜﺎﺋﻨﺎ ﺗﻮﺩﻳﻊ ﺑﻄﻲﺀ ﻟﻤﺎﻣﺎ ﺍﻟﻲ ﻛﻠﻨﺎ ﻋﺎﺭﻓﻴﻦ ﺑﻤﺮﺿﻬﺎ ﺷﻨﻮ
ﻭﻟﻜﻦ ﻧﺤﺎﻭﻟﻮ ﻣﺎﻧﻔﻘﺪﻭﺵ ﺍﻻﻣﻞ ﺑﺎﻟﻠﻪ
" ﺭﺑﻲ ﻻﺃﺭﻳﺪ ﺳﻮﻯ ﺃﻥ ﺗﺤﻔﻆ ﻛﻞ ﻣﻦ ﺍﺣﺒﻪ ﻗﻠﺒﻲ "
ﻣﺮﺭ ﺍﺳﺒﻮﻉ ﻭﺍﺣﻨﻲ ﻫﻜﻲ
ﻣﺎﻣﺎ ﺭﺍﻗﺪﺓ ﻓﻲ ﺍﻟﻤﺴﺘﺸﻔﻰ ، ﺭﻓﻀﺖ ﺍﻧﻬﺎ ﺗﺴﺎﻓﺮ ﻗﺒﻞ ﺍﻟﻌﺮﺱ
ﻣﻊ ﺍﻥ ﻧﻮﺍﻝ ﻭﻧﻮﺭﺱ ﻣﺶ ﻗﺎﺩﺭﻳﻦ ﻳﺪﻳﺮﻭ ﺷﻲ ﻟﻠﻌﺮﺱ ﻭﺑﺎﻟﻬﻢ ﻣﺶ ﻓﻴﻪ
ﺑﺪﺕ ﻣﺎﻣﺎ ﻓﻲ ﺍﻟﻌﻼﺝ
ﻛﻨﺎ ﻧﺰﻭﺭﻭ ﻓﻴﻬﺎ ﻛﻞ ﻳﻮﻡ ﻭﻗﻠﻮﺑﻨﺎ ﺗﺘﻘﻄﻊ ﻋﻠﻴﻬﺎ
ﺷﻮﻓﺘﻬﺎ ﺗﺘﺄﻟﻢ ﻛﺎﻥ ﻳﻌﺼﺮ ﻓﻲ ﻗﻠﻮﺑﻨﺎ ﻋﺼﺮ ﻣﻦ ﺍﻻﻟﻢ
ﺻﻌﺐ ﺍﻧﻚ ﺗﺸﻮﻑ ﺍﻟﻲ ﻓﺘﺤﺖ ﻋﻠﻴﻬﺎ ﻋﻴﻮﻧﻚ ﺍﻭﻝ ﻣﺎﺍﻧﻮﻟﺪﺕ ، ﺍﻟﻲ ﻳﺎﺍﻣﺎ ﺳﻬﺮﺕ ﻋﻠﺸﺎﻥ ﺭﺍﺣﺘﻚ ، ﺻﻌﺐ ﺗﺸﻮﻑ ﺍﻟﻲ ﺭﺿﻌﺎﺗﻚ ﻣﻦ ﺣﻠﻴﺒﻬﺎ ﻭﺳﻠﺒﺖ ﻣﻦ ﺭﺍﺣﺘﻬﺎ ﻋﻠﺸﺎﻥ ﺭﺍﺣﺘﻚ ، ﺻﻌﺐ ﺗﺸﻮﻓﻬﺎ ﺗﺘﺄﻟﻢ ﻭﺍﻧﺖ ﻣﺶ ﻗﺎﺩﺭ ﺍﺗﺪﻳﺮ ﺷﻲ ، ﺻﻌﺐ ﺗﺸﻮﻓﻬﺎ ﺗﻤﻮﺕ ﺑﺎﻟﺒﻄﻲﺀ ﻭﺍﻧﺖ ﻣﺶ ﻗﺎﺩﺭ ﺗﺪﻳﺮ ﺍﻱ ﺧﻄﻮﺓ ﺍﻻ ﺍﻟﺪﻋﺎﺀ ، ﺻﻌﺐ ﺗﺨﺶ ﺣﻮﺷﻬﺎ ﻭﻫﻮ ﻣﻈﻠﻢ ﻣﻦ ﻏﻴﺮﻫﺎ ، ﻫﻲ ﻧﻮﺭ ﺣﻮﺷﻨﺎ ﻭﻧﻮﺭ ﺣﻴﺎﺗﻨﺎ ﻟﻮ ﺍﻣﺸﺖ ﻣﻦ ﺣﻴﻨﻮﺭ ﺣﻴﺎﺗﻨﺎ ﻭﻳﺤﻠﻴﻬﺎ
ﻟﻮ ﻫﻲ ﺳﻴﺒﺘﻨﺎ ﻣﻦ ﺍﻟﻲ ﺣﻴﺤﻦ ﻋﻠﻴﻨﺎ
ﻟﻮ ﻫﻲ ﺳﻴﺒﺘﻨﺎ ﻣﻦ ﺍﻟﻲ ﺣﻴﻌﺎﺭﻛﻨﺎ ﻋﻠﺸﺎﻥ ﻣﺼﻠﺤﺘﻨﺎ
ﻟﻮ ﻫﻲ ﺳﻴﺒﺘﻨﺎ ﻣﻦ ﻟﻴﻨﺎ ﻓﻲ ﻫﺎﻟﺪﻧﻴﺎ ﺑﻌﺪ ﺭﺑﻲ
ﻣﺸﻲ ﺳﻨﺪﻧﺎ ﺍﻻﻭﻝ ﻭﻫﻲ ﻗﻌﺪﺕ ﻟﻴﻨﺎ ﺍﻻﻡ ﻭﺍﻻﺏ
ﺍﺧﺪﺕ ﺍﻟﺪﻧﻴﺎ ﻣﻨﻨﺎ ﺍﻏﻠﻰ ﺷﻲ ﺑﺎﻟﻨﺴﺒﺔ ﻻﻱ ﺷﺨﺺ
ﻭﺍﻫﻲ ﻧﺎﻭﻳﺔ ﺗﺎﺧﺪ ﻣﻨﻨﺎ ﻣﺎﺗﺒﻘﻰ ﻟﻨﺎ ﻣﻦ ﻏﺎﻟﻲ ﻓﻲ ﻫﺎﻟﺪﻧﻴﺎ
ﻃﻠﻌﺖ ﻣﺎﻣﺎ ﻣﻦ ﺍﻟﻜﻴﻤﺎﻭﻱ
ﺩﺧﻠﻮﻫﺎ ﻟﺤﺠﺮﺗﻬﺎ ﻭﺭﻗﺪﺕ ﻋﻠﻰ ﻃﻮﻝ
ﻣﻤﻨﻮﻉ ﻧﺨﺸﻮﻟﻬﺎ ﻻﻧﻪ ﻣﺎﺗﺘﺤﻤﻠﺶ ﺍﻱ ﺻﻮﺕ
ﻣﺎﻋﻨﺪﻫﺎﺵ ﻣﻨﺎﻋﻪ
ﻧﻔﺴﻴﺘﻬﺎ ﺻﻔﺮ ﺑﺴﺒﺐ ﺷﻌﺮﻫﺎ ﺍﻟﻲ ﻃﺎﺡ ﻛﻠﻪ
ﻃﻠﺒﺖ ﻣﻦ ﺍﻟﻤﻤﺮﺿﺔ ، ﻧﺨﺶ ﻧﺸﻮﻓﻬﺎ ﻣﻦ ﺑﻌﻴﺪ
ﻟﺒﺴﺘﻨﻲ ﺍﻟﻜﻤﺎﻣﺔ
ﻓﺘﺤﺖ ﺍﻟﺒﺎﺏ ﻭﺧﺸﻴﺖ ﻭﺳﻜﺮﺕ ﺍﻟﺒﺎﺏ ﻭﺭﺍﻱ
ﻭﻗﻔﺖ ﺑﻌﻴﺪ ﻭﺷﻔﺘﻠﻬﺎ ﺑﺘﻤﻌﻦ ﻭﻋﻴﻮﻥ ﻣﻠﻴﺎﻧﻪ ﺩﻣﻮﻉ
ﺟﺴﻤﻬﺎ ﺍﻟﻲ ﺿﻌﻒ ، ﻇﻬﺮﻫﺎ ﻣﻘﻮﺱ
ﻗﻌﺪﺕ ﻧﺴﻤﻊ ﻓﻲ ﺍﻫﺎﺗﻬﺎ ﻣﻦ ﺍﻻﻟﻢ ﺣﺘﻰ ﻭﻫﻲ ﺭﺍﻗﺪﺓ
ﻭﻣﺶ ﻗﺎﺩﺭﺓ ﻧﻘﺮﺏ ﻣﻨﻬﺎ
ﻣﻌﺎﺵ ﻗﺪﺭﺕ ﻧﺘﺤﻤﻞ ، ﻃﻠﻌﺖ ﺑﺴﺮﻋﻪ ﻭﻳﺪﻳﺎ ﻋﻠﻲ ﻭﺟﻬﻲ
ﻧﺤﺎﻭﻝ ﻧﺪﺭﻕ ﺩﻣﻮﻋﻲ ﺍﻟﻲ ﻧﺰﻟﻮ ﺑﺸﻜﻞ ﺭﻫﻴﺐ
ﻧﻮﺍﻝ : ﺷﻦ ﻓﻲ
ﺍﻧﻲ ﻣﺴﺤﺖ ﺩﻣﻮﻋﻲ : ﺷﻲ
ﻧﻮﺍﻝ : ﺗﺘﺎﻟﻢ ﺻﺢ ﻭﺍﻻ
ﻧﻮﺭﺱ ﺗﺒﻜﻲ : ﻻﺍﻣﺘﻰ ﺑﺘﻘﻌﺪ ﺗﺤﺲ ﻫﻜﻲ
ﻧﺮﺟﺲ ﻧﺎﺿﺖ ﻭﺳﻴﺒﺘﻨﺎ ﻭﻫﻲ ﺩﻣﻮﻋﻬﺎ ﻓﻲ ﻋﻴﻮﻧﻬﺎ
ﺍﻧﻲ : ﻻﺍﻣﺘﻰ ﻣﺎﻳﻔﺮﺝ ﺭﺑﻲ ، ﻫﻲ ﻧﺮﻭﺣﻮ ﻭﻏﺪﻭﺓ ﻧﺠﻮﻫﺎ
ﻧﻮﺍﻝ : ﻳﺎﺭﻳﺖ ﻳﺨﻠﻮﻧﺎ ﻧﻘﻌﺪﻭ ﻣﻌﺎﻫﺎ ﺑﺲ ، ﺣﺘﻰ ﺗﺤﺘﺎﺝ ﺷﻲ
ﺍﻧﻲ : ﺷﻦ ﻧﺪﻳﺮﻭ ﻫﺪﺍ ﻧﻈﺎﻡ ﺍﻟﻤﺴﺘﺸﻔﻰ ، ﺍﻟﻤﻤﺮﺿﺎﺕ ﻳﺤﻮﺳﻮ ﻋﻠﻴﻬﺎ ﻣﻦ ﺑﻜﺮﻱ
ﻧﻮﺭﺱ : ﺍﻧﺘﻲ ﺑﺘﺮﻭﺣﻲ ﻣﻌﺎﻧﺎ ﻭﺍﻻ ﺑﻴﺠﻴﻚ ﺭﺍﺟﻠﻚ
ﺍﻧﻲ : ﺍﻳﻪ ﺑﻴﺠﻴﻨﻲ ﻭﻟﻴﺪ ، ﺟﺎﻱ ﻓﻲ ﺍﻟﻄﺮﻳﻖ
ﻧﺮﺟﺲ ﻭﻫﻲ ﻃﺎﻟﻌﻪ ﺗﻤﺴﺢ ﻓﻲ ﺩﻣﻮﻋﻬﺎ
ﺗﻘﺎﺑﻠﺖ ﻫﻲ ﻭﻣﻌﺎﺩ
ﻣﻌﺎﺩ : ﺷﻦ ﻓﻲ ﺧﻴﺮﻙ ﺗﺒﻜﻲ
ﻧﺮﺟﺲ ﻭﻟﺖ ﺗﺒﻜﻲ ﺍﻛﺜﺮ : ﻣﺶ ﻣﺘﺤﻤﻠﺔ ﻧﺸﻮﻑ ﻣﺎﻣﺎ ﻫﻜﻲ ﻳﺎﻣﻌﺎﺩ ﻣﺶ ﻣﺘﺤﻤﻠﺔ ﻧﺸﻮﻓﻬﺎ ﺗﺘﺎﻟﻢ ﻃﻮﻝ ﺍﻟﻮﻗﺖ
ﻣﻌﺎﺩ : ﺭﺑﻲ ﻳﺸﻔﻴﻬﺎ ﻭﻳﺨﻔﻒ ﻋﻠﻴﻬﺎ ﻳﺎﺭﺏ
ﻧﺮﺟﺲ : ﻗﻌﺪﻧﺎ ﻣﻦ ﻏﻴﺮ ﺍﺏ ﻭﻻﺳﻨﺪ ﻭﺍﺣﻨﻲ ﺻﻐﻴﺮﺍﺕ ﻣﺶ ﺑﺎﻟﻘﻮﺓ ﻫﺎﺩﻱ ﺍﻧﻲ ﻣﺶ ﺑﺎﻟﻘﻮﺓ ﺍﻟﻲ ﺗﺨﻠﻴﻨﻲ ﻧﺸﻮﻑ ﻣﺎﻣﺎ ﺗﺘﺎﻟﻢ ﻫﻜﻲ
ﻣﻌﺎﺩ ﺷﺪ ﻳﺪﻳﻬﺎ ﻭﺷﺎﻑ ﻟﻌﻴﻮﻧﻬﺎ : ﻧﺮﺟﺲ
ﻧﺮﺟﺲ ﺷﺎﻓﺘﻠﻪ
ﻣﻌﺎﺩ : ﺍﻋﻄﻴﻨﻲ ﻓﺮﺻﺔ ﻧﻜﻮﻥ ﻟﻴﻚ ﺍﻻﺏ ﻭﺍﻻﻡ ﻭﺍﻻﺥ ﻭﺍﻻﺧﺖ ﻭﻛﻞ ﺷﻲ ، ﺍﻋﻄﻴﻨﻲ ﻓﺮﺻﺔ ﻧﺤﻮﻟﻚ ﻛﻞ ﺩﻣﻮﻋﻚ ﻭﺣﺰﻧﻚ ﻟﻔﺮﺡ ، ﺍﻋﻄﻴﻨﻲ ﻓﺮﺻﺔ
ﻧﺮﺟﺲ ﺷﺎﻓﺘﻠﻪ ﻭﻣﺼﺪﻭﻣﺔ ﻭﻣﻌﺎﺵ ﻗﺪﺭﺕ ﺗﺤﻜﻲ ، ﻧﺰﻟﺖ ﺭﺍﺳﻬﺎ ﻭﻗﻌﺪﺕ ﺳﺎﻛﺘﻪ
ﻣﻌﺎﺩ : ﻋﺎﺭﻑ ﻣﺶ ﻭﻗﺖ ﻛﻼﻣﻲ ﺑﺲ ﻧﺒﻲ ﻧﺴﺎﻧﺪﻙ ﻭﻧﻜﻮﻥ ﺟﻨﺒﻚ ﻓﻲ ﺍﻟﻮﻗﺖ ﻫﺪﺍ ، ﺍﻧﻲ ﻣﺶ ﻣﺘﺤﻤﻞ ﻧﺸﻮﻑ ﺩﻣﻮﻋﻚ ﻭﺍﻧﻬﻴﺎﺭﻙ ﻫﻜﻲ ﻭﻣﺶ ﻗﺎﺩﺭ ﻧﻮﺍﺳﻴﻚ ﻭﻧﻘﻌﺪ ﺟﻨﺒﻚ
ﻧﺮﺟﺲ ﻣﺼﺪﻭﻣﺔ ﻭﺳﺎﻛﺘﻪ
ﻣﻌﺎﺩ : ﺧﻠﻴﻨﺎ ﻧﻄﻠﻌﻮ ﺑﺮﺍ ﺟﻴﻨﺎ ﺟﻨﺐ ﺍﻟﺒﺎﺏ ﺍﻟﻲ ﺧﺎﺵ ﻭﺍﻟﻲ ﻃﺎﻟﻊ ﻳﺸﻮﻓﻠﻨﺎ
ﻧﺮﺟﺲ ﻟﻔﺖ ﻭﻃﻠﻌﺖ ﻣﻦ ﻏﻴﺮ ﺍﻱ ﻛﻠﻤﻪ ، ﻭﻣﺼﺪﻭﻣﻪ ﻭﻣﺶ ﻗﺎﺩﺭﺓ ﺗﺤﻜﻲ
ﻣﻌﺎﺩ ﻃﻠﻊ ﻭﺭﺍﻫﺎ ﻭﺧﺎﻳﻒ ﻳﻨﺪﻡ ﻋﻠﻲ ﻛﻼﻣﻪ
ﻧﺮﺟﺲ ﻗﺎﻣﺖ ﺭﺍﺳﻬﺎ ﻭﺗﺠﻲ ﻋﻴﻨﻬﺎ ﻋﻠﻲ ﺍﻟﻲ ﺟﺎﻱ ﺟﻬﺔ ﺍﻟﻤﺴﺘﺸﻔﻰ
ﻭﻗﻔﺖ ﺑﺼﺪﻣﺔ ، ﻗﻠﺒﻬﺎ ﻳﺪﻕ ﺑﻘﻮﻭﺓ ، ﺍﻟﺪﻣﻮﻉ ﺗﺠﻤﻌﻮ ﻓﻲ ﻋﻴﻮﻧﻬﺎ
ﺷﺎﻓﺘﻠﻪ ﺑﻌﻴﻮﻥ ﻣﻠﻴﺎﻧﻪ ﺣﺐ ﻭﻋﺘﺎﺏ ﻭﻭﺟﻊ ﻭﺟﺮﺡ
ﺷﺎﻓﺘﻠﻪ ﺑﻌﺘﺎﺏ ﻋﺎﺷﻘﺔ ﺍﻧﺨﺬﻟﺖ ﻭﻗﺎﻋﺪ ﻗﻠﺒﻬﺎ ﻣﻌﺎﻩ
ﻫﻮ ﻗﺪﻡ ﻭﻳﺸﻮﻓﻠﻬﺎ ﻭﻳﺸﻮﻑ ﻟﻤﻌﺎﺩ
ﻣﻌﺎﺩ ﺗﻌﻔﻠﻖ ﻭﻗﻌﺪ ﻭﺍﻗﻒ ﺟﻨﺐ ﻧﺮﺟﺲ
ﻧﺮﺟﺲ ﻧﺰﻟﺖ ﺭﺍﺳﻬﺎ ، ﺗﺤﺎﻭﻝ ﺗﺨﻔﻲ ﺍﻟﺪﻣﻮﻉ ﺍﻟﻲ ﺣﺘﻨﺰﻝ ﻣﻦ ﻋﻴﻨﻬﺎ ﻓﻲ ﺍﻱ ﻟﺤﻈﺔ
ﺷﺎﻓﺖ ﻟﻤﻌﺎﺩ ، ﻭﻓﻲ ﻟﺤﻈﺔ ﺟﺮﺃﺓ ﻣﻤﻠﻮﺀﺓ ﺑﺨﻮﻑ ﻭﺣﺐ ﻣﻜﺴﻮﺭ ، ﺷﺪﺕ ﻳﺪ ﻣﻌﺎﺩ
" ﺿﻌﻒ ﻗﻠﻮﺑﻨﺎ ﻣﻊ ﻟﺤﻈﺎﺕ ﻗﻮﺓ ﻇﺎﻫﺮﻳﺔ ﻧﺨﺪﻉ ﺑﻬﺎ ﻣﻦ ﺟﺮﺣﻨﺎ ﺗﺠﻌﻠﻨﺎ ﻧﻘﻮﻡ ﺑﺘﻬﻮﺭﺍﺕ ﻗﺪ ﻧﺠﺮﺡ ﻓﻴﻬﺎ ﻗﻠﻮﺏ ﻗﺪ ﻋﺸﻘﺘﻨﺎ ﺑﺠﻨﻮﻥ "
# ﻳﺘﺒﻊ