اسفة على التأخير
نكمل
اسيا كانت بتدور على البنات وفى لحظه جه نظرها على البيسين فبدأت تتحرك ناحيته وهى مش واعية لنفسها لحد ما وقفت قدامه بالظبط وجت تبص فى الماية لقت نفسها صغيرة ومعاها بنتين صغيرين مدت ايديها علشان تلمسهم وفى لحظة كانت وقعت فى الماية حاولت تقاوم شوية بس مقدرتش وحست أن حد بيسحبها لتحت فاستسلمت وغمضت عينيها اما همس فكانت مستخبية بس سمعت صوت وقوع اسيا فى الماية فطلعت بسرعة تشوف ايه اللى بيحصل ومجرد ما شافتها صرخت بأعلى صوت
همس بصوت عالى :اسيااااا
وطبعا اريا وسلمى طلعوا على الصوت
اريا بصدمة :اسيا
وزقت همس اللى كانت واقفة مصدومة ونطت ناحية اسيا وبدأت تحاول ترفعلها رأسها لفوق
عند اسر كان واقف فى المطبخ وبيشرب
اسر لنفسه : يا ترى مين صاحب التحاليل ربنا يستر معرفش الزفت جاسر دا هيعرف يساعدني ولا ايه دا مش فالح فى حاجه غير النوم
وفى لحظه سمع صوت صريخ همس فالكوباية وقعت من أيده
اسر بقلق:همس
وطلع يجري على برا
وكذلك جاسر وهادى اللى صحيوا على صوت الصريخ مفزوعين ونزلو لتحت بسرعة وشافوا اسد طالع من المكتب بسرعة لبرا فخرجوا وراه
اما برا فالوضع كان عبارة عن همس اللى واقفة بعيد عن البيسين شوية وبتعيط جامد بخوف على اريا وآسيا وجمبها سلمى اللى بتعيط بس مش فاهمة ايه اللى بيحصل وفى البيسين اسيا مغمى عليها واريا بتحاول ترفع اسيا لفوق علشان تتنفس وبدأت قوتها تروح وكان أول شخص طلع هو اسر اللى وقف دقيقة مصدومة وبعدين نط فى الماية واخد اسيا من اريا
اسر :همس خدي اسيا علشان اطلع اريا
همس بهلوسة :لا بتغرق لي لي بتغرق لا لا انا هغرق انا هموت
اسر : متخافيش هي هتبقى كويسة بس طلعيها يالا علشان اريا
همس وهى بتهز رأسها جامد :لا لا هغرق هغرق
اسر بصوت عالى علشان يفوقها :همس تعالى خدي اسيا حالا مفيش حاجه هتحصل انتى كويسة
همس للحظه خافت من صوته ورجعت لورا بس بعدها فاقت وشافت اسيا فقربت بسرعة واخدتها من اسر ونيمتها على الأرض أما اسر فخرج اريا اللى كانت بتترعش من برودة الماية وفى الوقت دا خرج جاسر وأسد وهادى اللى جري على اسيا ولا كأنه شايف اريا
اسد :اسيا فوقي اسيا مالك
قرب جاسر من اسيا وحط أيده على وشها
جاسر :دى متجمدة وكمان مش بتتنفس
اسد لهمس :اعملي حاجه اتصرفي
اما همس فكانت بتبص لاسيا وبتترعش ومش عارفة تعمل ايه
جاسر : همس انتى دكتورة اتصرفي
همس بخوف :مش عارفة
اسد :اسف يا همس
وبص فى عينيها جامد وبصوت قوي: همس انتى مش خايفة وكويسة جدا ودلوقتى هتنعشي اسيا ومش هتسيبيها لحد ما تبقى كويسة
همس تلقائيا بدأت تنعش اسيا ونسيت كل حاجه بتحصل وجمبها بشوية كانت اريا قاعدة بتترعش من البرودة وجنبها اسر
اسر :انتى ليه مطلعتيش
اريا :مبعرفش اعوم
اسر : نعم امال نطيتي ليه
اريا: انا بردانة اوى
اسر : طب قومى غيري هدومك دى
اريا : مش قادرة اقوم
اسر : طب هروح اجبلك حاجه تغطيكي
اريا وهى بتبص لاسيا :لا روح الاول شوف اسيا مالها
اسر باستغراب :حاضر
وراح ناحية اسيا وهمس
اسر :اسد في ايه
اسد بقلق :معرفش مش بتتنفس
ومسك ايد اسيا اللى مش حاسة بأي حاجه
اسد لنفسه :ارجوكي فوقي ارجوكى انا مش مستحمل ارجوكى ارجعى يارب خليها تقوم
اما اسيا فكانت فى عالم تانى كانت شايفة نفسها فى طريق طويل عمالة تجري وهى مش عارفة هى فين وفى لحظة حست بوجع فى قلبها ومبقتش عارفة تاخد نفسها فوقفت فى مكانها وشافت جمبها بنتين صغيرين
اسيا :هو في ايه ؟ انتى لي لي صح؟
لي لي بابتسامه : اه انا
اسيا :طب هو ايه اللى حصل
لي لي بابتسامه صافية : مفيش مجرد أن احنا هنمشي
البنت : لا متمشوش
اسيا :انتى مين وليه عايزانا نفضل وانتى كمان يا لي لي ليه عايزانا نمشي وهنروح فين انا مش فاهمة حاجه
لي لي : هنمشي يا اسيا انا وانتى من الحياة كلها مش هو دا اللى انتى عايزاه
اسيا بخوف :لا انا مش عايزة اموت
لي لي : امال ليه نطيتي فى الماية وليه مقاومتيش
اسيا : انا وقعت فى الماية وفى حد كان بيسحبني لتحت
لي لي : محدش كان بيسحبك يا اسيا انتى اللى كنتى عايزة ترتاحي
البنت :لا هي وعدتني انها هتبقى النار علشان أفضل انا النور
لي لي بقوة :مش هى اللى وعدتك إلينا هى اللى وعدتك
البنت :وبموت اسيا الينا هتموت معاها
لي لي : اسيا ملهاش ذنب فى كل دا
اسيا : انا مش فاهمة حاجه انتوا بتقولوا ايه
لي لي :مبنقولش حاجه يلا يا اسيا
البنت : طب وابنك يا اسيا ارجوك متمشيش
هنا اسيا بدأت تسمع أصوات غريبة زى صوت عياط بنت صغيرة
اسيا :ايه دا مين اللى بيعيط
البنت :دى سلمى يا اسيا صاحبتك وكلهم عايزينك تفوقي انتى مش زى زمان محدش عايزك دلوقتى فى ناس معاكى وعايزينك
لي لي :ناس مين سلمى اللى خافت منك يا اسيا ولا همس اللى حاولتي تقتليها
البنت:لا هما مش خايفين منك هما عارفينك كويس وبيحبوكي متمشيش ارجوكي
اسيا سمعت حد بيقول ارجعي ارجوكي فوقي
اسيا : مين دا
البنت :دا اسد هو عايزك ترجعي
لي لي :اسد عايزها تساعده وبس
البنت : بطلي تبرري يا لي لي انتى ليه رافضة أن حد يحبها
لي لي : لأن مفيش حاجه اسمها حب او على الاقل مفيش لينا احنا حاجه اسمها حب
البنت :اسيا مش انتى بتحبي ابنك
اسيا :اه
البنت:يبقى فى حاجه اسمها حب واهو لما هيجي هيبقى احلى حاجه ليكي
واستمر الصوت ارجعى يا اسيا فوقي ارجوكي ارجعي
لي لي والبنت اللى معاها مدوا أيديهم لاسيا اللى واقفة بتبصلهم بتردد مش عارفة تروح لمين لحد ما حست بنقطة ماية نزلت على ايديها
وفى عالم الواقع كان اسد قاعد جنب اسيا وهمس بتحاول تنعشها ومفيش فايدة ومفيش نفس
اسد لنفسه :ارجوكى ارجعي
وفى لحظة بدأت اسيا تتنفس وهى بتكح جامد علشان تخرج الماية اللى بلعتها
وهنا بس اخد اسد نفسه بس على الناحية التانية كانت همس أغمى عليها فأسر جري عليها
اسر بغضب :انت عملت فيها ايه يا اسد تانى استخدمت الوهم انت وعدت انك مش هتستخدمه وعلى مين
اسد : اسر أهدى هى هتبقى كويسة
وكمل بغضب :وبعدين انت عارف اللى حصل اكيد مكنتش هسيبها تموت
جاسر :لو ينفع تسكتوا اسد طلع اسيا وانت يا اسر طلع همس وانت يا هادى روح هات حاجه نغطي بيها اريا وانا هطلعها فوق يلا
وفعلا اسد شال اسيا اللى مسكت فيه جامد من البرد والخوف وأسر شال همس اللى مغمى عليها وهادى راح يساعد اريا هو وجاسر
جاسر :امال فين زياد
هادى :نايم
جاسر :بعد كل اللى حصل دا انا صحيت
هادي :علشان منمش طول الليل
جاسر : وليه منمش
هادى :راح يجيب ورق لاسد من الشركة بتاعته
جاسر لاريا اللى بتترعش حتى بعد ما حطوا عليها غطيان كتير : اريا انا هشيلك اطلعك فوق ماشي؟
اريا برعشة : انا هقدر امشي
وقامت سندت على جاسر وهادى وطلعوها اوضتها وسلمى ماشية وراهم لحد ما خلوها تنام فى السرير وسلمى طلعت جنبها وقعدت تحرك ايديها على شعر اريا بهدوء وحنية
هادى :يلا يا سلمى ننزل
اريا بخفوت:لا معلش سيبها جنبي
هادي باستغراب:ماشي
وسابهم ونزل هو وجاسر تحت
عند اسد حط اسيا اللى نامت على السرير وقعد جنبها
اسد :انتى عملتى فيا ايه.....ليه خفت اوى من فكرة موتك.....مش عارف ايه اللى حصل.....بس ارجوكى افضلي جنبي.....على الاقل لحد ما افهم ايه اللى بيحصلي.....انا عارف أن وجودك جنبي خطر عليكي......بس صدقيني ببعدك عنى هيبقى فى خطر على العالم كله منى......انا كسرت علشانك وعد فضلت وفي ليه سنين طويلة......انا عارف انى بقيت اناني بس اوعى تسيبيني
وقام ونزل تحت وسابها
عند اسر وهمس
اسر حط همس على السرير وغطاها كويس وجه ينزل بس بمجرد ما لف لقاها مسكت فى دراعه ف لف ليها
اسر :انتى كويسة يا همس
همس وعنيها حمرا زى الدم وبعياط: كل دا كدب انا مليش ذنب هو السبب هو كداب
اسر :هو مين دا
همس بتلعثم :هو كان عايزنى اموت بس هما ماتوا بدالي هى صرخت كتير بس محدش سمع كل دا كدب انا مليش ذنب
اسر بعدم فهم: همس خلاص مفيش حاجه حصلت انتى كويسة
همس : بس انت مش فاهم كل دا كدب هو كداب
اسر : ماشي يا همس انا فهمت أنه كداب وكل دا مش مهم نامي وارتاحي
همس :بس
قاطعها اسر :مفيش بس يلا نامي
همس بهدوء :حاضر
ونامت أما اسر فضل شوية يبصلها باستغراب وبعدين سابها ونزل تحت لقى اسد وجاسر وهادى قاعدين فراح قعد معاهم وهو بيبص لاسد بغضب وأسد بيبصله ببرود
جاسر وهو بيبصلهم :على فكرة كدا اوفر وبعدين احنا مش فى ابتدائى علشان اللى انتوا بتعملوه دا
هادي :قولهم
اسد ببرود: هو انا عملت ايه
اسر بغضب وسخرية :لا والله مسكين معملش حاجه
جاسر بترقب :انا مش فاهم حاجه هو عمل ايه يا اسر
دخل فى الوقت دا حسام وهو شايل رؤى ومغطي وشها كويس وجنبه جنة على كرسي متحرك
حسام باستغراب :فى ايه انتوا قاعدين كدا ليه
هادي : انت جيت متأخر شوية فى حاجات كتير حصلت وانت مش هنا
جنة :هو احنا جينا فى وقت مش مناسب ؟
جاسر : انتى قصدى انتوا تيجوا فى اي وقت
حسام :انا هطلع احط رؤى في اوضتها وانزلك يا جنة
جنة : تمام
حسام :جاسر روح العربية هتلاقي أجهزة للقلب والتنفس هاتها وتعالى ورايا انا سايب العربية مفتوحة
جاسر : تمام
وطلع حسام لفوق وهو شايل رؤى وجاسر راح للعربية
اسد : اهلا بيكي يا آنسة جنة انا اسد
هادي :وانا هادي
اسر : وانا اسر اتشرفت بمعرفتك
جنة :انا اكتر واهلا بيكوا
وقعدوا هما الاربعة وهما ساكتين ودقيقتين ولقوا جاسر داخل وهو شايل الأجهزة
جاسر بغيرة : جنة ما تطلعي فوق
جنة: حسام قالي انه هينزلي دلوقتى
جاسر بغضب :ماشي اطلعي على ما ينزل
جنة :فى ايه يا جاسر انت بتتعامل معايا كدا ليه
جاسر بغضب :مفيش مفيش حاجه انا طالع لحسام
وطلع وسابهم
جنة باستغراب : ماله دا
هادي :مفيش هتلاقيه مدايق شوية فكك
اسد : عرفينا بقى عليكي
جنة :هو حسام محكاش ليكوا
اسد : اه حكى لينا بس عنه هو احنا عايزين نعرفك انتى
جنة :انا وحسام ورؤى كنا خارجين مرة وتوهنا وبعدين فى ناس كدا اخدونا للمنظمة احنا التلاته وبعدين انا ورؤى تعبنا جامد وحسام حاول أنه يهربنا بس حصلت الحادثة وزى ما انتوا شايفين انا خلاص مبقتش بعرف امشي والاسؤ كان اللى حصل لرؤى لانها جالها حالة نفسية
اسر :هى مش راحت فى غيبوبة؟
جنة : مش بالظبط هى حصلت لها حالة اسمها العودة إلى وضع الجنين
اسد :يعنى؟؟
جنة :يعنى صدمة نفسية خلتها تبدأ ترجع لورا فى حياتها لحد ما وصلت لاكتر لحظة كانت حاسة فيها بالآمان وهى لحظة ما كانت مجرد جنين حالة نادرة
قاطعهم نزول جاسر وحسام
جاسر بغضب :ايه مالكوا سكتوا ليه قطعنا عليكوا كلامكوا لو تحبوا نطلع ونسيبكوا تكملوا
جنة بغضب :جاسر خلاص كفاية لحد كدا
جاسر راح قعد جنبهم بغضب وعنيه بتشع نار وجنة كذلك وحسام كمان راح قعد
وكان الوضع كالاتي اسر متعصب من اسد ومش بيبصله حتى واسد بيبص الفراغ ببرود وجاسر متعصب من جنة وعمال ينفخ وجنة نفس الوضع وهادي قاعد عمال يحرك رأسه بنفاذ صبر وحسام بيبصلهم باستغراب ومش فاهم حاجه
حسام لهادي :هو في ايه
هادي بنفاذ صبر :ولا اي حاجه اهلا بيك فى فصل اولى اول
حسام باستغراب :يعنى ايه
هادي :يعنى أن كلهم اتحولوا لاطفال فى ابتدائى انا لو جبت سلمى تقعد معاهم هتبقى اعقل منهم بشوية
حسام :امال فين زياد واسيا واريا وسلمى وهمس
هادي : زياد نايم وسلمى مع اسيا فوق والباقي كله نايم اصل اسيا وقعت فى البيسين واريا نطت علشان تلحقها وهمس هى اللى انقذت اسيا بس تعبت وغالبا دا بسبب اسد فأسر غضب على اسد واتخانقوا على خفيف
حسام بقلق :طب ودلوقتى هما كويسين؟
هادي : احنا طلعناهم كلهم فوق وخليناهم يناموا
جنة :دقيقة كدا امال مين اللى غير هدوم الاتنين اللى وقعوا فى البيسين
هادى بغباء : محدش غيرلهم
جنة بنفاذ صبر: انت عايز تفهمني أن اتنين وقعوا فى الماية وتعبوا جامد وانتوا سايبنهم بهدومهم المبلولة
هادى :تصدقي عندك حق احنا ازاى مفكرناش فى كدا بس حتى لو فكرنا مين اللى هيعمل كدا وهمس تعبانة هيا كمان
جنة :حسام معلش طلعنى اوضة همس وبعدين ودينى اوضة اسيا
حسام وهو بيقوم : تمام يلا
اسد :آنسة جنة شكرا ليكي
جنة بابتسامة: العفو
وطلعت هى وحسام وسابت وراها جاسر اللى بيبص لاسد بغضب
جاسر لنفسه : هي بتبتسم ليه اصلا......ماشي انا هعرفها وهوريها.....علشان تبقى تمشي توزع ابتسامات.......ناقصة هيا....ولا لأ انا مالى اصلا.....ما تعمل اللى هيا عيزاه.....اوووف انا هفضل كدا باكل فى نفسي
هادي : جاسر انا مقدر فرق السن اللى بينا وانى المفروض احترمك وكدا بس يا ريت تبطل تنفخ هى مش ناقصة
جاسر بغيظ :انا طالع اشوف حسام
وطلع وسابهم
هادي وهو بيبص لاسد واسر : ودلوقتى اقدر اعرف في ايه ليه اتعصبتوا اوى كدا واسد عمل ايه يا اسر
اسر :الاستاذ رجع تانى يستخدم.....
قاطعه اسد بجمود :اول ما كله يبقى كويس هبقى اعرفكوا كلكوا مع بعض
اسر وهو بيقف بغضب :براحتك بلاش تقولهم بس صدقنى لو حصلها حاجه مش هسامحك يا اسد
اسد وهو بيقف قصاده وبغضب : قولتلكم مليون مرة انا مش ملاك بس مكنتش هسيب حد يموت علشان شوية مبادئ انا اصلا مش مؤمن بيها
اسر غضبه زاد وضرب اسد بالبوكس بكل قوته وكمل: اه فبدل ما اسيا تتعب اخترت أن همس هى اللى تتعب
اسد وهو بيتعدل وبيمسح الدم اللى نزف من أثر البوكس :انت غبي اسيا مكنتش هتتعب اسيا كانت هتموت عارف يعنى ايه هتموت كان فى شخص جديد هيموت ما بين ايدي
وطبعا نزل على الصوت حسام وجاسر وزياد اللى اخيرا صحي وفى الاخر جنة
اسر : متحسسنيش انك الوحيد اللى فينا اللى موجوع ما كلنا اتكسرنا وكل واحد جرحه اكبر من التانى على الأقل قدر أن فى مننا اللى أضعف من أنهم يستحملوا همس من غير حاجه بيجيلها نوبات هلع وبتترعب من اقل حاجه كفاية بقى بلاش انانية
اسد بنفاذ صبر وصوت عالى بدأ يضحك بهستيرية وكله عروق وشه برزت وبعدين كمل بغضب :انانية؟ اه عندك حق المفروض اتقلب ملاك واجري على كل واحد فيكوا اطيب جروحه......لكن أن حد فيكم يساعد التانى مينفعش مش كدا.....انا اللى لازم اعمل كل حاجه......اعمل ايه؟ قولي انت اعمل ايه؟واحدة بتموت ما بين ايديا وقدامي فرصة انى اساعدها اعمل ايه؟ كنت عايزنى اسيبها تموت ؟ ها ؟ كنت هتشيل انت ذنبها ؟ يلا سمعنى كنت هتشيل ذنبها؟ انا عن نفسي كفاية اوى اسر اللى اتدبح قدام عيني
وفى وسط كل دا كان فى حاجه محدش شايفها وهى جنة اللى بدأ نفسها يبطئ تدريجيا وبدأت تهمس كفاية اسكتوا بس كفاية
وبدأت تحاول تعلي صوتها بس مكنتش قادرة وصوت اسد وأسر مغطي على صوتها فحاولت تمد ايديها علشان تمسك في اي حد وكان اقرب شخص هو جاسر وبعد محاولات كتير قدرت اخيرا تمسك قميص جاسر وتشده لورا فاخد باله منها ولف ليها وفى نفس اللحظة كانت وقعت من على الكرسي
جاسر بصدمة :جنة جنة حسام الحق
حسام لف ليهم وبمجرد ما شاف جنة جري عليها
حسام :جنة جنة حبيبتي فوقى انا هنا جنتى فوقي بقى
جاسر وعيونه بتدمع لاسد واسر اللى مش واخدين بالهم من جنة :اخرسوا بقى محدش فيكوا ينطق
اما جنة فكانت بتبص لفوق بس كأنها مش شايفة حاجه او حد وبدأ الدم ينزف من عينيها وانفها
حسام بقلق :جاسر جاسر الحق يا جاسر دى بترجع(تعود)
جاسر بدموع وضعف: لا جنة جنة فوقي جنة احنا هنا جنة متخافيش احنا هنا جنة اوعى ترجعى تانى احنا معاكي جنة فوقي من اللى انتى فيه جنة علشاني ارجعي
اسد جه يقرب منها فاير وقف قدامه
اسر :هتعمل ايه
اسد :هساعدها
اسر :ووعدك بلاش يا اسد انت اصلا مش بتساعدها
اسد :ابعد يا اسر
وفعلا اسر بعد وأسد راح ناحية جنة
حسام : انت هتعمل ايه
اسد بجمود : اسكتوا كلكوا
وبص فى عينيها جامد وخلاها تكون بتبصله
اسد :جنة بصي جنبك هتلاقى مامتك وباباكي وكل الناس اللى بتحبيهم
استوب
يا ترى ايه اللى بيحصل لجنة؟
اسر ليه اتعصب على اسد؟ ايه الوعد اللى اسر بيتكلم عنه؟
ايه حكاية رؤى؟ وهل حسام بيكدب؟
-------------------------------------------------------
سؤال وجواب
السؤال من nada35089
انت ليه بتعمل كدا في ايناس؟
الكينج:مش بيقولوا اتقي شر الحليم اذا غضب
--------------------------------------------------------
البارت كان المفروض يبقى اكبر من كدا وكنت وصلت ل٣٥٠٠ كلمة بس انتوا مستعجلين اوى فنزلته كدا ومرة تانية اسفة على التأخير
KAMU SEDANG MEMBACA
طفلة ولكن
Fiksi Penggemarلم تكن سوى مجرد فتاة حبست فى غرفة طوال حياتها منعت من اللعب واللهو فهى لهم كالعار الذى لا بد من الخلاص منه ومع ذلك لم تكره الحياة فلا بئس بذلك ولكن يبدو ان للحياة رأى اخر
