طفلة ولكن

الجزء الخامس عشر (المدرسة)

نكمل
همس :مالك يا لى لى انتى تعبانه
اسيا بألم :فى حد بيصرخ
همس باستغراب :مين يا حبيبتى اللى بيصرخ
اسيا : إلينا إلينا بتصرخ
هادى بعدم فهم : طب تعالى اقعدى انتى شكلك دايخة
همس :اه هو عنده حق تعالى اقعدى
اسيا كانت هتتكلم بس لقت اسد جاي فراحت ناحيته بسرعه
اسيا :جيبتلى شوكولاته يا أسدى
اسر وهو رافع حاجب علامة على الاستغراب:يا ايه
اسيا بطفولية :هيييه جبت شوكولاتة كتير
وسحبت من أيده الكيس اما اسد ففضل واقف فى مكانه مصدوم من الطفلة اللى قدامه أو بمعنى أصح من اللقب اللى بتناديله بيه
اسر وهو بيهز اسد :مالك يا بنى يا عينى انت اتصدمت للدرجادى اسد يا بنى
اسد بتوهان :ها
اسر بضحك :لا مفيش يا اخوى روح اقعد بدل ما يغمى عليك
وطبعا فاقت على صوتهم سلمى اللى بدأت تفرك فى عينيها
سلمى وهى بتمد ايديها ناحية اسيا وبتبص لهادى برجاء : سوكولاته اادى سوكلاته
اسيا وهى بتحضن كيس الشوكولاتة :لا دى بتاعتى
همس : لى لى اديها واحدة دى عيلة
اسيا بصت للشوكولاتة بحزن وبصت لسلمى اللى خلاص هتعيط
اسيا :طب تعالى نأكلها سوا
سلمى بفرح :هيييه
وسابت زياد اللى كان شايلها وجريت ناحية اسيا وفضلت تسحبها لتحت علشان تعرف تأخد الشوكولاته فاسيا نزلت وقعدت جنبها على الأرض وبدأوا ياكلوا الشوكولاتة مع بعض لحد ما وشهم هما الاتنين بقى مليان شوكولاتة
اسر وهو بيتفرج عليهم :اطفال هما الاتنين اطفال
همس بابتسامة :عندك حق
اسد : امال اريا فين
همس :راحت تجيب شنطتها
زياد :جت اهى
حسام : طب تمام يلا بقى نمشي
اسد : احنا الاول هنعمل ايه بعد ما نخرج
اسر :انت مش قلت هنروح وبعدين نروح المدرسة
اسد : لا احنا ضيعنا وقت كتير احنا هنطلع من هنا على المدرسة
اسر :طب هنروح على أساس أن احنا مين
اسد : انا بقول نروح على أساس أن احنا هنتبرع للمدرسة علشان تتجدد
زياد : وايه السبب انك تتبرع ؟
حسام :علشان عايز يدخل ابنه المدرسة
اسد : طب وفين ابنى
همس: سلمى سلمى تبقى بنتك
كلهم بصوا لهادى اللى واقف جنب سلمى واسيا وبيسمع كلامهم
هادى :فى ايه بتبصولى كدا ليه
همس :احنا محتاجين أن سلمى تمثل انها بنت اسد
هادى بتوتر :بس انا هخاف عليها يحصلها حاجه
اسد :متخفش هى مش هتعمل ايه حاجه مجرد أنها تبقى جنبنا بس
هادى :طب انا مش عايز اسيبها
همس :يبقى تروح معاهم
اسر : على أساس أنه مين
همس : ابنه بردو
اسر : دا على أساس أنه خلف وهو عنده ١٤ سنة ولا ايه
همس :خلاص يبقى اخوه
اسد بصرامة:لا
همس :ليه لأ
اسر :خلاص يبقى اخو اريا
اسد : تمام
همس : احنا كدا دبرنا دخولك انت وسلمى واريا وهادى طب واحنا مش هنيجي معاكوا
اسد: اسيا هتفضل برا علشان تظبط الكاميرات اللى حوالين المدرسة وزياد حماية ليها وعلشان لو اى حاجة حصلت برا يبلغنا علطول
اسر : طب وانا
اسد :المسؤل عن الحسابات علشان تشوف المدرسة محتاجه ايه ودى حجة ليك علشان تلف فى المدرسة
حسام : وانا
همس : حرس ليهم
اسد:اه وكدا هيبقى ليك حجة انك تبص حواليك وتشوف لو فى حاجه غريبة فى المدرسة
همس :طب وانا
اسر:مساعدة ليا واهو تدور معايا
اسد : تمام كدا كله اتظبط
همس :بس فى مشكلة كبيرة
اسد :ايه
همس شاورت على اسيا اللى قاعدة تاكل شوكولاتة هى وسلمى وعمالين يضحكوا
اسر بضحك :لا مهو دى مش مشكلة دى مصيبة حضرتك
حسام:مش وقت هزار خالص يا اسر
اسد :انا هتصرف بس تعالو ننزل الجراج وانا هتصرف هناك فى المشكلة دى
اسر: ماشي
همس :لي لي حبيبتى يلا قومى وانتى كمان يا سلمى
اسيا قامت ومسكت ايد سلمى وراحوا هما الاتنين لهمس
همس بضحك :ودا من امتى مش كنتوا لسه هتضربوا بعض على الشوكولاته
اسيا :لا سلمى بقت صاحبتى خلاص
همس بضحك :طب يلا هاتى صاحبتك وتعالوا علشان نمشي
اسيا : حاضر يلا يا سلمى
ونزلوا كلهم الجراج بعد ما اسد راح اخد بطاقة السحب بتاعته وطبعا دفع مبلغ محترم كايجار للمحل وعلشان الهدوم اللى اشتروها
فى الجراج
همس :ها هتعمل ايه يا اسد
اسد :لى لى بتخاف من الضلمة
همس بعدم فهم : وبعدين
اسد : مفيش حد هنا صح ؟
حسام : اه الجراج مفيهوش حد غيرنا
اسد : لى لى تعالى
اسيا راحتله
اسيا بابتسامه :نعم
اسد :اسف على اللى هيحصل بس مفيش غير الحل دا
وراح وقف وراها وحط أيده على عينها جامد
اسيا بخوف وهى بتتحرك جامد
علشان يسيبها :لا ابعد يا ماما ابعد
اسر : برافو عليك كدا اسيا هتطلع
همس : حرام عليك دى مرعوبة
فجأة اسيا بطلت تتحرك وهديت خالص
اسر :هو دا
اسد بعد عن اسيا اللى فتحت عينها بس كان لون عينها احمر
حسام :نبرت فيها
اسر :شكلك طلعت الشخص الغلط
اسيا :يا اهلا بالوريث
اسد بترقب : إلينا
اسيا :برافو عليك
وبعدين مسكت رأسها جامد
اسيا بألم : الميعاد قرب وبعد كدا انا اللى هفضل سلام مؤقت
وغمضت عينها وفتحت بقى لون عينها اخضر
همس : انتى اسيا صح؟
اسيا :اه هو انتوا بتبصولى كدا ليه
اسد بعد ما فاق :لا مفيش يلا نمشي
اسيا:طب هنروح فين
اسد :المدرسة اللى كنتوا زمان فيها
راحوا كلهم ركبوا العربيات اسد معاه اريا وآسيا وسلمى اما همس فركبت مع حسام وزياد ركب معاه هادى أما اسر فركب عربية لوحده ومشيوا كلهم بالعربيات
فى عربية اسد
اريا :سلمى
سلمى :نعم
اريا :بصي لما نروح المدرسة هتقوليلى ماما وهتقولى لاسد بابا
سلمى :بس انا مس عندى بابا وماما
اريا : معلش يا حبيبتى هى ساعة بالكتير
سلمى : ماسي
بعد نص ساعة كانوا كلهم وصلوا المدرسة
اسد لاسيا :انتى هتفضلى هنا وتوقفى كل الكاميرات اللى حوالين المكان دا
اسيا :تمام
اسد :يلا ياجماعة ومحدش ينسى سلمى بنتى وهادى اخو اريا وحسام يبقى الحارس بتاعنا وأسر مدير الحسابات وهمس المساعدة بتاعته وانا رجل اعمال غني
الجميع :تمام
ودخلوا كلهم وراحو لمكتب المديرة
المديرة :اهلا مين حضرتك
اسد وهو بيمد أيده بكارت (وطبعا مزيف) :انا رجل الأعمال اسد انا كنت جاى اقدم لبنتى فى المدرسة دى وبالمرة اتبرع للمدرسة علشان تتجدد وكدا ودى اريا مراتى ودا هادى اخوها ودا استاذ اسر مدير الحسابات ودى انسه همس المساعدة بتاعته
المديرة بترحاب :يا اهلا بحضرتكوا طب اتفضل انت واقف ليه
اسد : معلش بس انا مستعجل شوية فلو ينفع استاذ اسر والمساعدة بتاعته يلفوا فى المدرسة يشوفوا هى محتاجه ايه فى الوقت اللى احنا نتفق فيه على كل حاجه بخصوص سلمى وتسجيلها فى المدرسة
المديرة : زى ما حضرتك تحب هبعت معاهم حد يعرفهم المدرسة
اسر بسرعة :ملوش لزوم احنا هنعرف نشوف كل حاجه يلا يا انسه همس
همس :اكيد اتفضل يا استاذ اسر
اسر :طب هادى تحب تيجي معانا
هادى :ماشي
وخرجوا هما التلاته أما اسد فقعد هو واريا وسلمى مع المديرة وقعدوا يتكلموا فى كلام ملوش اى لازمة عن تاريخ المدرسة لحد ما اسد قرر يبدأ يعرف منها عن اللى حصل زمان
اسد : انا اهم حاجه عندى الامن وانى ابقى مطمن على سلمى علشان انا ساعات بسافر بعيد
المديرة :حضرتك تقدر تسافر وانت مرتاح ومطمن عليها جدا احنا الامن عندنا محترف لأننا مقدرين اهمية أمن الاطفال وحمايتهم
اسد :بس انا كنت سمعت عن حادثة حصلت باين من ٩ سنين تقريبا وان فى بنات كانوا فى المدرسة دى واتخطفوا
المديرة بتوتر :انا اتعينت كمديرة للمدرسة من فترة قصيرة ومعرفش اى حاجه عن الكلام دا بس انا بأكدلك أن بنت حضرتك مش هيحصلها اى حاجه طالما هى فى المدرسة
اسد بعد ما فهم أنها بتحاول تتوه : طب كدا كويس عايزين بقى نشوف المدرسة
المديرة : اكيد اتفضلوا
وطلعت معاهم تفرجهم على المدرسة اما عند اسر فنزلوا الدور الارضي وكان في شوية بنات بس مش كتير وغالبا كانوا فى حصة نشاط رياضي لأنهم كانوا بيلعبوا كورة
اسر :ها وبعدين هنعمل ايه دلوقتى
همس :انت بتسألنى انا
اسر بحدة :امال أسأل خالتى
همس بحدة مماثلة : وانا مالى ومال خالتك وبعدين متكلمنيش كدا
اسر بسخرية :امال اكلمك ازاى يعنى
قاطعهم صوت هادى وهو بيسأل بنت كانت معدية من جنبهم
هادى : لو سمحتى متعرفيش إذا كان في ارشيف فى المدرسة دى أو مكان بيحطوا فى ورق الطلاب بتوع السنين اللى فاتت
همس :شايف الواد ما شاء الله عليه مش انت
وبدأت تقلده :امال أسأل خالتى
اسر :اسم الله عليكي ياختى
هادى :لو ينفع تسكتوا دقيقة علشان هى مش عارفة تتكلم
اسر : ايه قصف الجبهة دا ماشي يا عم سكتنا
البنت :معلش بس انا معرفش انتوا مين ليه اقولكوا
اسر بسخرية : اديها احرجتك ومش هتقولك
هادى : ممكن دقيقة
همس : عنده حق استنى بقى
اسر :خلاص ياختى ادينى سكت
هادى : بصي البنت دى (همس) كانت فى المدرسة هنا واحنا عايزيين نشوف معلوماتها
وكمل بمكر : اه صحيح انتى من شوية كنتى بتحاولى تشغلى الهاند فري بتاعة تليفونك تقريبا تقدرى توريهانى انا بعرف اصلح السماعات
البنت : بجد
هادى :اه هاتى كدا وانا هصلحهالك
وفعلا البنت اديتلوه الهاند فري
هادى وهو بيشوف السماعة : لا دى فيها سلك مقطوع ومحتاجه شغل كتير
البنت بصتله بحزن فمسك شنطته وطلع منها علبة صغيرة
هادى : بس انا معايا سماعة بلوتوث هى لسة جديدة بس معحبتنيش تحبي تاخديها
البنت بفرحة :بجد يعنى انت هتتديهالى عادى كدا
هادى :اه اكيد اتفضلى
البنت اخدت العلبة بفرحة وبعدت شوية
اسر :هو كل دا على الفاضي يعنى مش هتقولنا فى الاخر هى فين الاوضة
هادى :استنى دقيقة ومتبصش ناحيتها وبص حواليك كأنك بتدور على حاجه
همس :وليه كل دا
هادى : هتعرفي دلوقتى
وفعلا دقيقتين ولقوا البنت جاية ناحيتهم
البنت :هو انت كنت بتسأل على الارشيف صح ؟
هادى :اه
البنت بابتسامة : طب تعالى ورايا انا عارفة مكانه
هادى :شكرا جدا
ومشي معاها وأسر وهمس وراهم
همس باعجاب :لا الحقيقة برنس
اسر :عادى جدا كنت اقدر اعرف منها من غير الفيلم الهندى دا
همس بسخرية : اه ما انا واخدة بالى
اسر بصلها بغيظ وبعدين مشي بسرعه شوية فهمس سرعت معاه علشان تبقى جنبه
همس : خلاص يا عم بهزر عادى يعنى
اسر : وانا مدايقتش عادى يعنى
همس بصوت واطى بس اسر سمعها : مغرور
اسر بصوت واطى وطبعا همس كمان سمعته : مستفزة
قاطعهم البنت لما وقفت قدام باب اوضة بس مقفول ومحطوط عليه قفل فى دور فاضي
البنت : هو دا الارشيف ها عايز حاجه تانية
هادى : متعرفيش مفتاحه فين
البنت :غالبا مع مس نهى هى بقالها فترة طويلة مدرسة هنا ومعظم الابواب المقفولة اللى زى دا مفاتيحها بتبقى معاها
همس : طب مس نهى فين دلوقتى
البنت : هى فى حصة دلوقتى بس على فكرة هى مستحيل تفتحلكوا الباب دا هتقولكوا هاتوا طلب من الوزارة وانا افتحه لأن دا فيه اسرار مهمة
هادى : وانتى عرفتى منين أنها هتقول كدا
البنت : اصل فى ناس بردوا جم قبل كدا بس دا كان من فترة طويلة وقت ما كنت لسه فى ابتدائى تقريبا تالته أو رابعة ابتدائى انا دلوقتى فى تالته ثانوى
هادى : وانتى لسة فاكرة
البنت : اكيد مش فاكرة كل حاجه بس فاكرة أن وقتها حصلت مشكلة كبيرة لأن مس نهى رفضت تفتح الاوضة دى وكانوا هيكسروا الباب
هادى :طب شكرا يا .....
البنت :ريم اسمي ريم
هادى : تمام شكرا يا ريم
البنت بابتسامة : العفو يلا سلام
ومشيت
اسر : ها وبعدين
همس :هو انت ينفع تبطل تسأل هنعمل ايه ما تفكر انت
هادى : هو لو مفيهاش ازعاج حد يبص يتأكد ان مفيش حد جاى وحد يشوف إذا كان فى اى كاميرا للمراقبة
اسر : ما اسيا هتوقف الكاميرات كلها
هادى :تمام حد يشوف بقى إذا كان حد جاى
اسر :ليه
هادى :هتشوف
همس : ماشي انا هروح عند أول الدور اشوف ولو فى حد هشاورلكوا
هادى : ماشي
وراح قلع ساعة كان لابسها فى أيده وضغط على حتة فى الجنب لقى حوالى خمس ابر بأحجام مختلفة طالعة وبعدين بص على القفل واختار إبرة معينة ومسك القفل ودخل فيه الإبرة وبدأ يحركها وهو مغمض عينه
اسر : انت هتفتحها ازاى وانت مغمض
هادى : علشان اقدر أتخيل شكل القفل من جوا لو فضلت باصص عليه هيثبت فى دماغى شكله من برا
اسر :طب هتاخد وقت طويل
هادى : خلاص خلصت
وفعلا القفل اتفتح فشاله من الباب واداه لأسر
هادى :اتفضل
اسر : الحقيقة برافو عليك
هادى :دا مقابل انكوا ساعدتونى انا وسلمى
اسر : ماشي ياعم يلا ندخل
وجه يفتح الباب بس لقاه مقفول هو كمان اسر :هو دا اللى كان ناقص
هادى وهو بيختار إبرة تانية : ادعى بقى أنه ميكونش مقفول عادى مش بالمفتاح
اسر :يارب
هادى بدأ يدخل الإبرة جوا حتة معينه فى الباب لحد ما فتح
هادى بابتسامه : فتح
اسر : برافو عليك يلا ندخل بسرعة
وشاور لهمس أنها تيجي وفعلا جت ودخلوا هما التلاته
اسر : هى شكلها متقسمة سنين
همس : وكل سنة مترتبة بالحروف الاولى من الاسم
هادى :طب احنا بندور على اسم ايه بالظبط
همس :اسيا يوسف
اسر : وهمس شريف
هادى : من سنة كام تقريبا
اسر : المفروض من ٩او ١٠ سنين
همس :تمام خلينا ندور فى سنة ٢٠٠٩ و٢٠١٠ و٢٠١١
اسر :هادى دور فى ٢٠٠٩ وانا ٢٠١٠ وهمس ٢٠١١
همس :يلا بسرعه
بعد ربع ساعة تقريبا
هادى :مفيش اى معلومات عن الاتنين اللى انتوا قولتوا عنهم
اسر :ولا عندى
همس : ولا هنا كمان
اسر :طب وبعدين
همس فجأة صرخت وجريت ناحية اسر وتقريبا طلعت فوقه
اسر بفزع :فى ايه أهدى طيب فى ايه وطى صوتك هنتفضح
همس :فأر الحق فأر
هادى : خلاص خرج برا الاوضة أهدى واسكتي لاحسن حد يسمع
همس اول ما أدركت أنها فوق اسر اتحرجت جامد فبعدت عنه وزقته لورا جامد فحاول يسند على رف بس وقع وفوقه صندوق عليه قفل وطبعا الصندوق اتكسر وكل الورق اللى فيه وقع
اسر بألم : يخربيتك ضهرى
هادى : ابعد
اسر : ابعد فين هو انا قادر اتحرك
هادى :قوم بس كدا
اسر بعد ما قام :فى ايه
هادى :تعالوا شوفوا الورق دا
اسر وهو بيقرأ الكلام اللى على الصندوق :اوراق معدومة
همس :يعنى ايه
هادى : انا مش متأكد بس اللى اعرفه ان دا بتاع الطلاب اللى مثلا بيروحوا الأحداث أو يتسجنوا
همس وهى ماسكة ورق : الحق دا ملف باسم اسيا يوسف
اسر : ودا كمان ملف باسم همس شريف
هادى :فى ملفات تانية كتير
اسر : هات شنطتك يا هادى
هادى :خد
اسر اخد كل الورق وحطها فى شنطة هادى وحط الصندوق فى مكانه كأنه سليم ومحصلش فيه حاجه
اسر : يلا نخرج بسرعه احنا خلاص اخدنا اللى احنا محتاجينه
وقاموا هما التلاته وقفلوا الباب وحطوا عليه القفل
عند اسد
المديرة :كدا انا تقريبا وريتكوا معظم المدرسة
اسد : اه المدرسة كويسة جدا
اسد لنفسه : راحوا فين العيال دى كل دا
اريا : طب ايه انا بقول نقدم لسلمى فيها
اسد : اه بس هى ورقها لسه فى مدرسة تانيه
المديرة :مفيش اى مشكلة احنا ممكن ....
قاطعهم صوت زعيق عالى
اسد : ايه الصوت دا
المديرة : انا هروح اشوف تقدروا تستنوا فى مكتبي
اريا : انا بقول احسن نيجي مع حضرتك ولا ايه يا اسد
اسد :اه
المديرة :تمام اتفضلوا معايا
عند اسر وهمس وهادى سمعوا صوت الزعيق
هادى :ايه الصوت دا
اسر :معرفش تعالوا نروح نشوف
وراحوا كلهم ناحية الصوت واللى كان جاى من المكتبة واول ما دخلوا لقوا مدرسة فى التلاتينات تقريبا بتزعق جامد وبصوت عالى لأربع بنات واقفين قدامهم باصين للأرض بخوف
المديرة: ايه الصوت العالى دا ؟ فى ايه يا مس نهى؟
ووجهت كلامها للبنات
المديرة :عملتوا ايه؟
بنت :علشان قعدنا على الأرض تحت الشباك
نهى بعصبية :انا قلت مية مرة محدش يقعد فى المكان دا
المديرة : خلاص يا مس نهى مش مشكلة هتلاقيهم ميعرفوش
نهى بحدة : المكان دا محدش ينفع يقعد فيه دا مكان هم....
وسكتت واخدت نفس طويل
المديرة بتوتر : خلاص يا مس نهى هما مش هيقعدوا هنا تانى ولا ايه يا بنات
البنات :اكيد احنا اسفين يا مس ومش هنقعد هنا تانى ابدا
المديرة شاورت لهم يمشوا بسرعة وفعلا الأربعة جريوا على برا اما نهى فبصت بحزن لمكان معين على الأرض وبعدين خرجت من المكتبة
المديرة :معلش يا جماعة على اللى حصل من شوية بس مس نهى أعصابها تعبانه شوية
اسد :لا عادى مش مشكلة طب احنا هنمشي دلوقتى وهنيجي بكرا أن شاء الله ومعانا ورق سلمى علشان نحولها هنا
المديرة :تمام زى ما تحبوا
خرجوا كلهم برا وكان ميعاد الخروج من المدرسة وكل العيال كانوا بيروحوا وأسد شاف اسر وهمس وهادى وخرجوا مع بعض برا المدرسة ووقفوا بعيد شوية
اسد : ها لقيتوا حاجه
اسر : اه لقينا ملفات اسيا يوسف وهمس شريف
اسد : كويس جدا يلا نمشي
همس :دقيقة مش دى المدرسة اللى كانت بتزعق جوا من شوية
اسر : اه صح هي
اسد : طب هادى خد سلمى وروح على العربية واريا واسر كمان روحوا العربية مش هينفع نروح نكلمها واحنا كتير كدا علشان متقلقش
اسر : ماشي
واخد اريا وهادى وسلمى وراحوا العربية أما اسد وهمس وحسام راحوا ناحية المدرسة
اسد : لو سمحتى
نهى : نعم
اسد : لو ينفع بس انا عايز اتكلم مع حضرتك دقيقة فى موضوع يخص طالبة كانت فى المدرسة دى
نهى : اتفضل
اسد : هو فى كافيه هنا لو ينفع تتفضلى معانا هى همس دقايق مش اكتر
نهى : تمام
وراحوا هما الأربعة الكافيه وقعدوا
نهى : ها مين الطالبة اللى حضرتك عايز تسأل عنها
اسد : تشربي ايه الاول
نهى : ملوش لزوم
اسد : لا طبعا تشربي عصير
نهى بمجاملة :قهوة وسط
اسد نادى على الجرسون وطلب قهوة وسط ليهم كلهم وفى الوقت اللى كان بيطلب فيه همس كانت بتخبط بصوابعها بالراحة على التربيزة وبنغمه معينة اما نهى فكانت سرحت شوية بس بمجرد ما سمعت الصوت بصت لهمس بصدمة
نهى بصدمة : همس
عند اسر كان رايح العربية ومعاه اريا وهادى وسلمى بس شافوا ريم جاية ناحيتهم
ريم بابتسامة : لقيتوا اللى كنتوا بتدورا عليه
هادى : اه وشكرا جدا انك ساعدتينا
ريم : العفو
اسر : هو انتى كنتى قولتى انك فى تالته ثانوى صح؟
ريم :اه
اسر :يعنى عندك ١٨ سنة
ريم بابتسامة :اه
اسر : طب انتى لما كنتى فى ابتدائى تقريبا فى سنة ٢٠١٠ مسمعتيش عن بنت اسمها اسيا يوسف
ريم فجأة ملامحها كلها اتجمدت ورجعت خطوتين لورا
ريم بصدمة : انت قولت مين
اسر :اسيا اسيا يوسف
ريم برعب : انتوا مين وعايزين ايه
هادى وهو بيقرب منها :فى ايه انتى خفتى كدا ليه
ريم وهى بترجع لورا :ابعد عنى متقربش
هادى وقف ورفع أيده لفوق علامة أنه مش عايز يأذيها
ريم برعب :انا معرفش حاجه صدقونى معرفش حاجه

استوب
مين نهى ؟ وايه سر المكان اللى فى المكتبة؟
ازاى منى عرفت همس؟
ليه ريم اترعبت لما سمعت اسم اسيا ؟
ازاى هادى عرف يفتح الاقفال بسهولة؟
ايه سر الصندوق اللى كان فيه ملفات اسيا وهمس ؟
ايه هو الميعاد اللى إلينا قالت إنه قرب ؟

---------------------------------------------------
سؤال وجواب
- انت ليه دايما بتهزر وتضحك؟
جاسر :تبكي سرا وتضحك علنا تلك هى الأرواح التى ارهقها الحنين
---------------------------------------------------
ادعو لطلاب الثانوية أن ربنا يوفقهم في امتحان بكرا 🤲
اسفة على التأخير
للتعويض بارت طويل وأحداث كتير