طفلة ولكن

الجزء الثامن٢ (الشخصية الرئيسية )

نكمل
اسيا فاقت فى الحقيقة وفي ثانية مسكت رقبة الدكتور شوقى جامد وضغطت عليها والدكتور من صدمته مقدرش يتحرك
اسيا بطريقة مخيفة:هحذرك لاول وآخر مرة متحاولش تدخل جوا عقلى
اسد كان أول واحد قام بسرعه وخلى اسيا تسيب الدكتور اللى بدأ يتنفس بصعوبة لأن على الرغم من ضعف اسيا الا أنها كانت بتضغط بكل قوتها وكمان الدكتور اتفاجئ جدا من اللى حصل
اسر فاق هو كمان من الصدمة وراح جاب للدكتور ماية وقعدوا يطمنوا عليه اما همس فراحت لاسيا وقبل ما تتكلم اسيا فقدت الوعى
بعد نص ساعة تقريبا كان الدكتور قدر يجمع واطمن على اسيا
شوقى:هى كويسة مجرد أنها نايمة ياريت تتفضلوا معايا علشان نتكلم
وراحوا كلهم قعدوا
شوقى:مبدأيا اللى حصل من شوية مكنش منطقى خالص لأن مفيش حد بيقدر يفوق من التنويم المغناطيسي بسهولة كدا
همس : وايه التفسير
شوقى:من الواضح أنها عندها ذكريات فى عقلها مش عيزاها تنكشف وبتدافع عنها باى وسيلة
اسر :تنكشف لمين ؟ لينا احنا يعنى؟
شوقى:تنكشف لنفسها للوعى بتاعها
اسر:مش فاهم الحقيقة
شوقى :بص انا من اول ما عملتلها تنويم مغناطيسي أول مرة وانا بقرأ بالتفصيل عن الحالات الخاصة لانفصام الشخصية الموضوع دا فى العادة بيحصل لما الشخص يتعرض لصدمة كبيرة ميكونش قادر يتحملها فبيصنع شخص تانى ياخد منه كل الوجع المشكلة بتبدأ لما الشخصية دى تحس ان ليها حياة منفصلة وتكون عايزة تسيطر على الجسم بالكامل بعد ما كانت بتظهر فى ساعات بس
لما ركزت فى حالة اسيا لقيت حاجه مختلفة وهى أن الشخصيتين وهما اسيا ولى لى متقابلوش ابدا ببساطة لى لى نامت وآسيا فضلت صاحية لسنين طويلة وبعدها اسيا نامت ولى لى صحيت بس لى لى مقدرتش تستحمل لوحدها فاسيا كمان صحيت معاها وبدأوا يتناوبوا على مخاوف بعض
همس: يعنى لى لى كانت موجودة من زمان
شوقى:غالبا
همس:طب طالما اسيا خلقت شخصية لى لى من زمان ليه لى لى نامت زمان امال اسيا عملت الشخصية دى ليه
شوقى:طب ليه متقوليش أن لى لى هى اللى خلقت شخصية اسيا
همس :يعنى ايه
شوقى : يعنى ليه متقوليش أن لى لى هى الشخصية الرئيسية اللى اتصدمت وخلقت شخصية اسيا علشان تخليها تاخد الالم مكانها
همس: لا طبعا مستحيل لى لى تبقى الشخصية الرئيسية
اسر:معلش هقاطعكم بس انا عايز اعرف حاجه ليه المهم فى أن احنا نعرف مين الشخصية الرئيسية فيهم
شوقى:لأننا لما نبدأ العلاج هنكون فى صف الشخصية الرئيسية علشان نعالجها من باقى الشخصيات الوهمية
اسد:ثانيه كدا يعنى انت عايز تقول ان لى لى هى الشخصية الرئيسية وبالتالى انت هتقضي على اسيا وهتسيب شخصية لى لى
شوقى:هو دا المنطق لى لى لو الشخصية الرئيسية يبقى هي الاحق بالحياة من اسيا
همس بذهول : انت مصدق اللى انت بتقوله عايز تفهمنى أن لى لى هتقدر تعيش بطريقة طبيعية اساسا لى لى مش هتعرف تعيش وبالتالى حق الحياة المفروض يبقى للشخص اللى هيقدر يعيش فعلا وهى اسيا
اسر :معلش يا جماعه هقاطعكوا تانى بس انا لاحظت انكو بدأتوا تختاروا وتحكموا لأ وكمان بتقولوا مين الأحق بالحياة وشكلكوا نسيتوا اهم حاجه
همس:واللى هيا ؟
اسر :ان سواء اسيا أو لى لى فهما الاتنين انسان واحد مهما حصل ايا كان مين اللى شكل التانى فاللى حصل هو أن المشاعر انقسمت لنصين علشان الالم ينقسم معاها ويقدروا يواجهوا الحياة وبعدين مين اللى قال إن فى علاج الانفصام بتختفي الشخصية انا قرأت زمان عن المرض دا وعلاجه وببساطة اقدر اقول أن اللى بيحصل أن كل الشخصيات بتتحد سوا وبالتالى لى لى وآسيا مفيش حد منهم هيختفى مجرد أن هما الاتنين هيبقوا واحد زى ما كانوا فى الاول
شوقى : الحقيقة اقنعتنى
همس:طب خلينا دلوقتى فاللى حصل لاسيا من شوية انا عايزة افهم هل دى كانت لى لى ولا اسيا
شوقى :ولا اسيا ولا لى لى
همس: امال شخصية جديدة يعنى ولا ايه
شوقى :الحقيقة لسة معرفش بس هنشوف وكل حاجه هتبان المهم انها تيجي فى معاد الجلسة الجاية ودى اسامى مهدئات ليها لما تحس بانفعال تاخدهم
همس:تمام يا دكتور
اسد:لا مش تمام لأن احنا فى ميعاد الجلسة الجاية مش هنبقى هنا فى معاد كل جلسة هبعتلك عربية بسواق توصلك للمكان اللى احنا فيه وترجعك تانى
شوقى :على فكرة التنقل اللى بيحصل دا مش كويس خالص علشانها لو ضرورى فيا ريت يبقى في رعاية طبية فى المكان اللى هتروحه
اسد : تمام هى هتفوق امتى
شوقى :انا ادتلها مهدأ فهى هتنام حوالى ساعه انا هروح اشوف مريض عندى تقدروا تستنوا هنا لحد ما تفوق
همس:تمام شكرا يا دكتور واسفة لو كنت انفعلت على حضرتك
شوقى:لا عادى بالعكس اتشرفت بمعرفتكوا
وخرج من الاوضة
اسر:انا هروح اجيب قهوة ليا اجبلك يا اسد؟
اسد:لا
همس:استنى انا كمان هروح اجيب لنفسي قهوة
وخرجوا هما الاتنين أما اسد فراح ناحية اسيا وقعد على كرسي قصادها
اسد :يا ترى ايه سرك وايه اللى حصلك يخليكي توصلى لانك تخلقى شخصية تدافع عنك يا ريت كنت اقدر اعمل زيك ويبقى عندى شخص لما اخاف امشي واسيبه هو يواجه الالم بس مع الاسف انا بطلت اخاف من زمان
عند اسر وهمس راحوا يجيبوا القهوة بس شافوا حسام فى طريقهم
حسام :انتى رايحة فين يا همس انتى تعبانه روحى ارتاحى
همس:انا الحمدلله كويسة هروح اجيب قهوة وارجع ارتاح
حسام:انا لازم امشي علشان عندى عملية
همس : تمام ماشي
بعد ما حسام مشي همس سرحت فى الشخص المقنع اللى انقذهم فى الفيلا واستغربت لما لقت أن حسام عنده جرح فى وشه فى نفس المكان اللى اتصاب فيه الشخص المقنع بس اتجاهلت الموضوع وراحت مع اسر يجيبوا القهوة وهما واقفين مستنين القهوة قعدوا يتكلموا
اسر:هو انتى عايشة مع مامتك لوحدكوا
همس:اه بابا الله يرحمه مات من قبل ما اتولد
اسر :الله يرحمه بس هو انتى عندك كام سنة
همس:٢٠ بس بتسأل ليه
اسر :ازاى ٢٠ وانتى دكتورة
همس:ماما قالتلى انى كنت شاطرة اوى وانا صغيرة واخدت اكتر من سنة مع بعض
اسر باستغراب :مامتك قالتلك ليه هو انتى متعرفيش نفسك
همس بتردد :احم انا كان عندى شوية مشاكل فى الذاكرة وانا صغيرة
قاطعهم وصول القهوة بتاعتهم فاخدوها ومشيوا ناحية اوضة دكتور شوقى
اسر:كملى كنتى بتقولى أن عندك مشاكل فى الذاكرة
همس:اه وانا صغيرة عملت حاد....... وسكتت وفضلت باصة ورا اسر بذهول
اسر :فى ايه يا بنتى بتبصي فين
اسر مجرد ما لف القهوة وقعت من ايديه لأنه لقى شخص لابس قناع وماسك بنت من رقبتها ورافع عليها مسدس وبيهدد الناس

استوب
مين الشخص المجهول ؟ وايه إللى جابه المستشفى؟
ايه علاقة المجهول بحسام؟
ايه الصدمة اللى خلت اسيا بجيبها انفصام فى الشخصيه؟

«انا عارفة أن الجزء صغير بس هعوض عن دا وهنزل بارت على الضهر بكرا »