طفلة ولكن

الجزء السابع عشر (هايبرثيميسا)

انا بعتذر عن التأخير بس انا مسافرة لجدتى ومع الاسف مفيش انترنت ومش عارفة إذا كنت هعرف افتح نت بعد كدا وانزل ولا لأ
---------------------------------------------------
نكمل
اسيا وهى بتحضن ريم : ريم وحشتينى
ريم بعد ما بعدت عنها : انتى فكرانى صح ؟
اسيا : اكيد على الرغم انك كبرتى بس شكلك متغيرش بس انتى عرفتينى ازاى
ريم : من السلسلة
اسيا : سلسلة ايه
ريم : اللى انتى لبساها فى رقبتك
اسيا بابتسامة : اه وانتى عاملة ايه يا ريم
ريم بحنين : كويسة الحمد لله وحشتينى انتى وهمس وقمر اوى هما فين
اسيا :معرفش
همس بصت لاسيا باستغراب وبعدين راحت ناحية اريا وزياد وهادى
همس بصوت واطى : دى مش اسيا ولا لى لى انا متأكدة انها إلينا
زياد: اشمعنا
همس :لون عينها احمر احنا لازم نبعد ريم لاحسن تعمل فيها حاجه
اريا :بس هي بتعاملها عادى
همس : ممكن تكون بتمثل هادى تعرف تبعد ريم
هادى :حاضر
وراح ناحيتهم
هادى :ريم لو سمحتى ممكن دقيقة واحدة عايزاك فى موضوع
ريم : حاضر
وراحت معاه لبعيد شوية عن اسيا اما همس اول ما شافت أنهم بعدوا راحت لاسيا
همس بحدة :انتى مين وليه بتظهرى وعايزة ايه من اسيا
اسيا (إلينا) بقوة : انا إلينا وعلى فكرة انا مش عايزة حاجه من اسيا بالعكس هى اللى عيزانى انا بحميها
همس : تحميها من ايه انتى كدا بتقتليها
اسيا (الينا): لو انا بقتلها امال انتوا بتعملوا ايه سواء انتى أو قمر أو حتى اسد فانتوا بقربكوا منها بتقتلوها اسيا ضعيفة أضعف حتى من انها تعيش هنا مش انتى قبل كدا قولتى أن بما أن لى لى متقدرش تعيش فى الدنيا دى يبقى حق الحياة لاسيا وانا بقولك اهو بما أن اسيا متقدرش تعيش فى الدنيا دى يبقى حق الحياة ليا انا
همس :اسيا مش ضعيفة ووجودنا جنبها هو اللى بيخليها قوية مش هو اللى بيقتلها
اسيا (الينا) باستهزاء: اول ما هتعرفي الحقيقة هتزعلى اوى يا يا همس
همس وهى بتشد على دراع اسيا جامد :اسيا فوقى اسيا دى حياتك انتى فوقي ارجوكى
فجأة اسيا مسكت دماغها جامد بألم ولون عينها بدأ يتقلب ما بين الاخضر والازرق والاحمر لحد ما بقى لون عينها اخضر
اسيا بتعب : همس انتى مالك مسكانى كدا ليه
همس بعد ما سابتها :مفيش حاجه يلا ندخل العربية على ما اسد وأسر وحسام يجوا
اسيا :ماشي
همس لنفسها :يعنى ايه الكلام اللى إلينا بتقوله دا يارب استر
اما عند هادى وريم
هادى :هو ايه موضوع السلسلة
ريم : كله اللى اعرفه ان همس وآسيا وقمر كل واحد فيهم كان معاها سلسلة التلت سلاسل نفس الشكل بس الفرق أن اسيا سلسلتها فيها حرف الa باللون الاحمر وهمس حرف الh تقريبا كان باللون البنفسجي وقمر حرف الk كان باللون الازرق هما التلاته مكنوش بيقلعوا السلاسل بتاعتهم ابدا
هادى : انتى معندكيش اى فكرة عن مين اللى خطفهم زمان
ريم :مع الاسف لا
وبعدين بصت فى الساعه
ريم :اوبس انا اتأخرت جامد لازم اروح علشان بابا هيقلق عليا يلا سلام
هادى :سلام
ومشيت ريم وهادى راح للعربية
عند اسد
حسام بشك : يعنى ايه مش عارف هو انا بقولك عينك اتطرفت دا كتفك مخلوع انت ازاى مش حاسس بالوجع
اسر :اسد رد عليا انت دلوقتى اتألمت صح
اسد : مش عارف بجد مش عارف
اسر :حسام رد كتفه
حسام :انا مش دكتور عظام
اسر : اسد حاول تفتكر دا حصل امتى
اسد بتفكير : غالبا لما لقينا هادى وسلمى
حسام باستنكار :وانت قعدت كل دا مش واخد بالك أن كتفك مخلوغ
اسر : حسام انت عمرك ما رديت كتف مخلوع قبل كدا
حسام : مرة واحدة بس
اسر : خلاص يلا رد كتفه
حسام:مستحيل انت بتهزر؟
اسر : لو فضل وقت أطول من كدا مش بعيد يحتاج عملية اخلص
حسام :طب محتاجين مسكن
اسر : ملكش دخل رد كتفه
حسام :براحتك بس خلينا نروح العربية مش فى نص الشارع كدا
اسر :ماشي يلا
وراحوا هما التلاته للعربية
اسد وهو بيمد أيده بالتليفونات : همس وآسيا واريا احنا جيبنا لكل واحدة فيكم تليفون وجواه شريحة لكل واحدة وقم الشريحة مكتوب على علبة الفون
همس وآسيا واريا وهما بياخدوا التليفونات :شكرا
اسد :العفو
اسر :يلا يا حسام
اريا :يلا ايه
اسر : متهتموش يلا يا حسام
حسام : حاضر بس لو حصله حاجه فأنا مليش دخل
اسد :ماشي يلا
طبعا كله كان واقف يشوف اللى بيحصل وهما مش فاهمين اى حاجه
حسام شد دراع اسد ومرة واحدة رده
بس اللى صدمه أن اسد فضل ثابت فى مكانه ملامحه متغيرتش
اسد :يلا
حسام بذهول :هو ايه دا اللى يلا
اسد :عارف أن فى أسئلة كتير انت عايز تسألها لما نوصل البيت هقولك
همس بصدمة :ثانية واحدة هو كتفه كان مخلوع وانت دلوقتى رديته صح
حسام:اه
همس لاسد : انت ازاى ثابت كدا انت كتفك كان مخلوع يعنى على الاقل المفروض تكون بتتألم
اسد :اول ما نروح هجاوب عليكوا كلكوا
وبص لهادى : لأن انا كمان عندى أسئلة بردو محتاجة تتجاوب
حسام :طب يلا مبدأيا انت مش هتسوق لأن كتفك محتاج راحة
اسر : خلاص انا هسوق ومعايا اسد
حسام: وانا معايا هادى وسلمى
همس : وانا هسوق ومعايا اريا وآسيا
زياد : وانا وراكوا
اسد :ماشي يلا
كله ركب العربيات وكل واحد بيفكر فى حاجه مختلفة
اسد : يا ترى ايه اللى حصل زمان مع اسيا وهمس وقمر ؟
اسر : هى قمر اللى ريم اتكلمت عنها دى ممكن تكون صاحبة السلسلة اللى معايا ؟
حسام : ازاى اسد محسش بأي ألم؟
همس : هو انا ممكن بجد همس صاحبة اسيا وقمر ؟ يعنى ماما كانت بتكذب عليا كل دا ؟
اسيا : انا ايه اللى بيحصلي دا ؟
اريا وهى بتبص لهمس وآسيا :معقولة يكونوا هما ؟
هادى : مين الناس دول ؟ اتمنى اعرف احميكي يا سلمى
زياد : يا ترى انتوا فين ؟ وحشتونى اوى
فى عربية اسد وأسر
اسر :اكيد جاسر فضل نايم
اسد :لا متقلقش هو وراه حاجات بيعملها دلوقتى
اسر باستغراب وفضول : وانت عرفت منين
اسد : هتعرف لما نوصل
وكملوا الطريق لحد ما وصلوا بعد ساعتين تقريبا ودخلوا كلهم الفيلا
همس :امال فين جاسر مش باين
حسام :اكيد نايم
اسد : لا انا عارف هو فين هروح اجيبه واجى روحوا كلكوا اقعدوا فى الجنينة استنونى هناك علشان فى مواضيع كتير لازم نتكلم فيها
الجميع :ماشي
وراحوا كلهم الجنينة أما اسد راح ناحية اوضة معينة وفتحها لقى جاسر واقف وبيعلق لوحة كبيرة
اسد :خلصت
جاسر بتعب : اه خلصت بس مت من التعب
اسد :معلش تعالى علشان الباقى مستنيين فى الجنينة
جاسر : مستنيين ليه
اسد : تعالى بس
وراحوا هما الاتنين الجنينة لقوا حسام وأسر وهادى وسلمى واسيا واريا وهمس وزياد قاعدين على الارض على شكل دايرة مستنيين
جاسر بسخرية وهو بيربع على الأرض :حلوة القعدة دى
اسر :غريبة انا قولت هلاقيك نايم
جاسر :هو انا من ساعة ما عرفتكوا نمت الباشا دا (اسد) اتصل بيا وخلانى اعلق فى صور لحد ما ضهرى اتقسم
اسد ببرود :خلصت ندب ياريت نبدأ
جاسر : طب مش اتعرف الاول مين دول
اسد : دول هادى وسلمى
جاسر وهو بيبص لهادى :يا اهلا وسهلا انا جاسر
وبص لاسد وكمل: بس مش انت قولت انك مش هتثق فى حد فمش هتجيب اي حد
اسد :للضرورة احكام وهنعرف كلنا دلوقتى مين دول خلاص لو تسمح نبدأ
جاسر بسخرية :اه ياخويا خلصت نبدأ اجتماع مجلس الإدارة
اسد بتجاهل : مين يحب يسأل الاول
هادى وهمس وحسام واسر واريا فى نفس الوقت :انا
اسد : جميل يبقى نبدأ من اليمين اتفضلي يا اسيا
اسيا : شكرا بس انا معنديش أسئلة
اسد : تمام اللى بعده اتفضلى يا اريا
اريا : ازاى إلينا قدرت تتعرف على ريم
اسيا :ريم مين
اسد : هنشوف الموضوع دا لما دكتور شوقي (الدكتور النفسي) اتفضلي يا همس
همس : انا فاكرة كويس لما إلينا ظهرت قالتلك يا اهلا بالوريث ليه قالت كدة
اسد :حلو اي أسئلة تانية
همس :اه ايه موضوع السلسلة
اسد : تمام ناخد السؤال اللى بعده اتفضل يا حسام
حسام :انت ازاى محستش بألم لما دراعك اتخلع ولا وانا برده
اسد : حلو ناخد السؤال اللى بعده اتفضل يا زياد
زياد :معنديش أسئلة
اسد :تمام اتفضل يا هادى
هادى :انتوا مين وبتدوروا على ايه وبتساعدونى ليه
اسد : طب اتفضل يا جاسر
جاسر : ايه نهاية كل اللى احنا بتعمله دا
اسد : اللى بعده ها يا اسر
اسر : قمر
اسد :مالها
اسر :راحت فين وايه اللى حصلها
اسد : ماشي آخر سؤال منى انت مين يا هادى وليه المنظمة كانت وراك انا متأكد أنهم تبع المنظمة لأن اللى كنت بضربه كان عليه العلامة
وسكت شوية وبعدين كمل : ونبدأ دلوقتى بالاجابات انا افضل أن هادى يبدأ
هادى :ماشي انا هادى كنان ابن الدكتور كنان سلام
-فلاش باك-
فى مستشفى كبيرة
كنان : فى حاجه بتحصل فى المستشفى يعنى ايه الولد يتسجل وفاته بعد يوم من تشخيص حالته انه سليم
المدير : كنان متدخلش فى اللى ملكش فيه انت دكتور نفسي يعنى ملكش اى علاقة بقسم الجراحة
كنان بصوت عالى :لو انت قابل انك تسكت او بيدفعولك مقابل سكوتك انا بقى مش هسكت عن اللى بيحصل دا
المدير بحدة : متنساش نفسك يا دكتور ويا ريت تركز على شغلك
وكمل بنيرة تهديد: دا هيبقى احسن ليك ولمراتك وابنك
-عودة-
هادى : طبعا بابا بدأ يحس ان فى حاجه غلط فى المستشفى وان فى حالات اختفاء لاطفال كتير بتيجي مع اهلها فى حوادث عادية وبتتسجل كحالات وفاة فقرر انه يدور فى الموضوع دا ومع الاسف لما راح لمدير المستشفى هدده بطريقة غير مباشرة بس هو مبطلش وفضل يدور لحد ما عرف عن المنظمة وحط ايده على ورق يدين المنظمة بخطف اطفال من المستشفى وتجارة الاعضاء وطبعا المنظمة عرفت ودورت عن معلومات عنه وعن عيلته ووقتها عرفوا عنى وعن حالتى
اسر باستفسار : حالتك
هادى : انا اتولدت وعندى حالة نادرة وهى حالة هايبرثيميسا
جاسر : يعنى ايه
حسام : انا قرأت عن الحالة دى وانها موجودة عند حوالى 20 شخص بس فى العالم وانها حالة نادرة بتخلى الشخص يفتكر كل لحظات حياته بالتفصيل من اول يوم ولادته ومهما مرت السنين مبيقدرش ينسى
هادى: انا عندى الحالة دى بس عندى حاجه مميزة وهى انى بقدر اتحكم فى الذكريات يعنى لو حبيت امسح اي ذكرى بمسحها بس انا مكنتش اعرف عن الموضوع دا غير من قريب تقريبا من سنة او اتنين وطبعا بابا فهم حالتى لانه كان دكتور نفسي شاطر و لما قرر انه يوديني عند ناس متخصصة المنظمة عرفت عن حالتى وفى يوم وانا راجع من المدرسة ظهرت عربية سوداء ونزل منها شخص حقن فى رقبتى مخدر واغمى عليا علطول واخدونى للمنظمة كان عمرى ست سنين تقريبا وقتها مكنتش اعرف ايه اللى بيحصل لامى وابويا وطبعا عشت هناك اسوء ايام حياتى بس بعد كدا بفترة حوالى 6 شهور لقيت ان فى حركة غريبة وسمعت عن ان فى عيال هربت والحراس كانوا متوترين وبيجروا بسرعه لان باين كان فى صفقة مهمة لتسليم سلاح ومخدرات واعضاء كمان وان فى ظابط عرف عن الصفقة دى وبيحاول يمنعها وطبعا دى بالنسبالى كانت الفرصة الذهبية وقررت اهرب وفعلا فى وسط انشغال الحراس قدرت اهرب واول ما طلعت من مكان المنظمة استخبيت فى اول عربية ظهرتلى ومن حظى طلع انها عربية واحد تبع المنظمة بس علشان حجمي كان صغير مشافنيش وبدأ يتحرك بالعربية وانا طبعا فى العربية معاه لحد ما وقفت قدام مكان شكله غريب فنزلت بسرعه من العربية وجريت على عربية نقل كبيرة بابها كان مفتوح من ورا ولان الدنيا كانت بدأت تضلم محدش شافنى
وكمل بسخرية : ويستمر حظى فى التألق طلعت عربية النقل دى بردو تبع المنظمة وبمجرد ما دخلت فى واحد قفل باب العربية واول ما بصيت حواليا لقيت بنات صغيرين ومعاهم صناديق كتير والمفروض انهم هيتنقلوا لمكان تانى وشوية وبدأت العربية تتحرك وفجأة سمعنا صوت عالى والعربية اتقلبت على جنبها معظم البنات اللى كانوا فى العربية اتخبطوا واغمى عليهم وشوية صغيرين كانوا صاحيين بس مش قادرين يتحركوا بدأنا نحاول نفتح الباب بس معرفناش كنا سامعين صوت الصريخ اللى برا وكل شوية صوت انفجار واصوات الصريخ مستمرة
اتنهد هادى وسكت
اسر : سكت ليه كمل ايه اللى حصل
هادى : مش فاكر اللى حصل المقطع اللى جاى اتقطع من دماغى وذاكرتى بترجع تانى على انى فى البيت وبابا بيعالج جروحى وماما بتعيط
اريا : انت مش قلت من شوية انك قادر تفتكر كل اللى حصلك من ساعة ما اتولدت بالتفصيل
هادى : وقولت بردو انى عرفت انى بقدر امسح جزء من ذاكرتى وغالبا هو دا اللى حصل
حسام بتفكير : بس يا ترى انت مسحتها ليه ايه اللى كان واجعك فيها اوى لدرجة انك تمسحها
هادى :معرفش بس انا متأكد انها مكنتش حاجه عادية
اسر :ليه بتقول كدا
هادى : الشخص اللى بيبقى عنده الحالة بتاعتى لما بيفتكر اى حادث بيحس بالوجع اللى كان فيه وقت الحادثة تخيل تكون على وشك انك تغرق مثلا ومش قادر تتنفس بس تنجو وتفضل عايش طول حياتك فاكر اللحظة دى بكل تفاصيلها بالخنقة والمقاومة علشان كدا معظم اللى بيجيلهم حالتى بينتحروا وانا غالبا عشت من اول الحادثة ولحد ما عرفت عن الميزة دى بتعذب واتوجع بسبب اللحظة اللى انا مسحتها دى
هادى سكت شوية واخد نفس طويل وبعدين كمل : وفى كمان دليل على اللحظة دى
اسر : دليل ايه
هادى : معلش ممكن حد يأخد سلمى دقيقة
همس : هاتها
وشالت سلمى اللى كانت نايمة
اما هادى فقام وقف وقلع الجاكيت بتاعه وظهر دراعه اللى كان عليه علامة حرق كبيرة وكمان علامة حرق على شكل اصابع ايد كأن شخص ايده محروقة بيحاول يمسكه
اريا بشهقة : ايه دا
هادى : معرفش بس دا حصل فى يوم الحادثة
اسد : طب وبعد كدا ايه اللى حصل
هادى : بابا قرر يفضل مخبيني عن اى حد علشان كان خايف عليا ولان المنظمة عرفت انه عرف عنهم كل حاجه قرروا يقتلوه هما فى الوقت دا مكنوش يعرفوا ان انا فضلت عايش بعد يوم الحادثة وفكروا انى مت فيها خصوصا ان فى عيال كتير ماتوا فى الحادثة دى فى الاول بابا كان عايز يقدم الورق اللى بيدين المنظمة للنيابة بس لقى انه مستحيل يعرف يعملهم اى حاجه وكمان بالنسباله كان الاهم انه يلاقيني واول ما لقانى قرر يسيب كل حاجه عن المنظمة دى بس طبعا هما مسابهوش
وكمل بتفكير :انا فاكر كويس ان اول ما رجعنا ولمدة ست اشهر تقريبا بابا كان شغال لسه فى المستشفى وبيعالج كمان ناس تانية وفاكر حالتهم بالتفصيل ولما ماما سألته ليه لسه بيعالج الناس قالها انهم ناس بردو كانوا فى الحادثة وكمان انه بيقول لكل الناس اللى يعرفهم ان ابنه مات علشان المظمة تتأكد من فكرة موتى بس بعد كدا فى حد حاول يقتله فقرر يسيب اللى كان بيعالجهم دول واخدنى انا وامى وروحنا لبيت بعيد مكنش فيه اى بيوت حواليه وبعدها بشهرين تقريبا ماما عرفت انها حامل فى سلمى وولدت هناك فى البيت دا لان مكنش ينفع نروح مستشفى وفضلنا قاعدين في البيت دا لحد قبل تلت سنين انا فاكر كل حاجه عن اليوم دا
وسكت شوية واخد نفس وعينه بدأت تدمع :بابا دخل يومها بسرعة وقال لماما ان المنظمة عرفت مكاننا وان احنا لازم نهرب وماما دخلت لمت حاجاتنا كلها بسرعة واخدت سلمى وخرجت علشان نهرب بس بابا قالها انه هيفضل فى البيت ومش هيهرب علشان يبطلوا يلاحقونا وعلشان ميعرفوش انى عايش وفعلا مشينا انا وامى وسلمى مكناش عارفين هنروح فين بس ماما افتكرت واحدة كانت مريضة عند بابا وكان قالها عنها قبل كدا عايشة فى بيت بعيد فى شارع هادى جدا ومفيهوش اي حد فقررت تروحلها والحقيقة كانت طيبة جدا كان اسمها قدر واول ما عرفت احنا مين خلتنا نقعد معاها وحكينلها كل حاجه حصلت معانا بس بعد كدا بفترة شوفنا على التليفزيون خبر وفاة الطبيب كنان سلام فى حادث سيارة وقال ايه ان عربيته وقعت وهو على طريق جبلي وجابوا صورة جثته وهى متفحمة وطبعا ماما مستحملتش كل دا واتوفت هى كمان من الحزن على بابا بس قدر مسابتناش خالص وفضلت ترعانا لحد اليوم اللى انتوا لقيتونا فيه غالبا المنظمة عرفت عننا وجت تحاول تاخدنا
اسر : طب وقدر دى راحت فين
هادى بحزن : فى اليوم اللى لقيتونا فيه قدر حاولت تمنعهم بس قتلوها
بصوا كلهم للارض بحزن
هادى وهو بيمسح دموعه : ودلوقتى انا حكيت كل حاجه عنى
اسر : طب طالما انت شاكك فينا ليه حكيتلنا
هادى : لان حتى لو انتوا من المنظمة هما عارفين كل دا فمش هتفرق بقى
اسد : طب تحبوا السؤال التانى يبقى ايه
همس :ايه موضوع السلسلة اللى اسيا لبساها
هادى :انا سألت ريم عنها وحكتلى عنها
اسد :قالت ايه
هادى : أن التلت بنات اللى هما اسيا وهمس وقمر كانوا أصحاب اوى وكان كل واحدة معاها سلسلة التلاته نفس الشكل بالظبط عبارة عن تلت حروف ال h وk وa بس كل واحدة سلسلتها كان فيها لون ملون
اسد :اسر وريني السلسلة اللى معاك كدا
اسر فك السلسلة اللى حوالين أيده وأسد اخدها
اسد : اسيا هاتى السلسلة اللى انتى لبساها دقيقة
اسيا:حاضر
وجت تفك السلسلة بس حست بألم فمسكت دماغها
اسد بقلق : انتى كويسة
اسيا :اه بس مش عارفة افك السلسلة
اسد : اريا معلش فكي السلسلة بتاعتها
اريا :حاضر
وراحت ورا اسيا تفك السلسلة بس بمجرد ما بدأت تحاول تفكها اسيا اتألمت اكتر وغمضت عينها
اريا : انتى كويسة يا اسيا
اسيا بألم : اه بس بسرعه فكى السلسلة
اريى : حاضر
عند جاسر وأسر
جاسر مال على اسر وقاله بصوت واطى :بالذمة عمرك شفت ضرتين بالانسجام دا
اسر :اسكت يا اخويا هو انت شفتهم اول يوم دول كانوا زى القط والفار
جاسر :بس شوف دلوقتى زى السمنة على العسل
عند اسيا
اريا بدأت تحاول تفتح السلسلة بس فجأة لقت اسيا بتحرك رأسها للجنب علشان تشوف اللى وراها
وقالت بصوت واطى وابتسامه وعنيها لونها ازرق : برنسيس
اريا بصدمة وجمود : ايه
فجأة اسيا مسكت أيدها اللى بتفتح السلسلة وفى لحظه لفت وبقت وشها فى وش اريا
اسيا بعيون حمرا وغضب : يا اهلا بالبرنسيس
اريا فجأة حست كأن قلبها وقف ونفسها بقى بطيئ وفى لحظة أغمى عليها

استوب
ايه اللى حصل لاريا وآسيا ؟
ايه الذكرى اللى هادى مسحها ؟ وليه ؟
ليه إلينا قالت لهمس أنهم بيقتلوها لما يقربوا منها ؟
ايه الصور اللى اسد خلى جاسر يعلقها؟

--------------------------------------------------------
سؤال وجواب
ايه اللى حصلك
جنة : حاجات كتير لدرجة انى اتمنيت انى انام واصحى على أن كل دا كان حلم أو حتى انى مت