طفلة ولكن

الجزء الخامس٢(كاميليا)

نكمل
همس فجأة هجمت على قسم وفضلت تضرب فيها بكره وهى بتعيط وكل ما تفتكر شكل ضهر اسيا تضرب قسم اكتر وفجأة سحبت سكينة ووجهت ناحية قسم وقبل ما تضربها بالسكينة اسر مسك السكينة بايديه وأسد سحب همس من فوق الدكتورة بصعوبة أما همس كانت مش شايفة قدامها غير حاجتين ضهر اسيا وقسم وهى بتقول دا مجرد خطأ لكن اول ما شافت الدم فى ايد اسر وايديه بتنزف فاقت وراحت ناحيته
همس:اسفة بجد انا اسفة ماخدتش بالي
اسد بتنهيدة :غبية
وراح جاب علبة اسعافات أولية وراح ناحية اسر وخيطله الجرح بمنتهى الحرافية وبسرعه جدا وللحظة همس بصت على ايديها وافتكرت الشخص اللى كان على الطريق وطلعهم من العربية وخيطلها الجرح وفضلت تفكر يمكن هو الشخص دا قاطع تفكيرها صوت اسر
اسر: يخربيتك دا الدكتورة أغمى عليها بس تصدقى برافو انا اساسا كنت مخنوق منها من الاول انا بس عايز أسألك على حاجه
همس:اتفضل
اسر بسخرية :اتفضل دا ايه الاحترام دا بس قوليلى بقى المرة الجاية فين
همس بصتله وهى مش فاهمة فشاورلها على مكان الرصاصة وعلى ايديه اللى اسد بيخيطها
همس بعصبية:تصدق انا غلطانه انى بحاول احترمك وبعدين انت اللي بتدخل في اللى ملكش فيه
اسد بحدة:خلاص همس اسر ورايا على المكتب وانتى يا اريا فوقى الدكتورة
فى اسكندرية
عبد القادر واقف قدام قبر مكتوب عليه سلمى عبد القادر وبيبص للقبر بحزن فجأة حد حط ايديه على كتفه من ورا اول ما لفى لقى مامت همس وراه
عبد القادر:ازيك يا كاميليا
كاميليا:الحمد لله ازيك انت يا عمو
عبد القادر وهو بيبص على القبر اللى قدامه: انتى نسيتى بابا ولا ايه ولا اللى ربطتنا وهى عايشة هتفرقنا لما تموت
كاميليا:طبعا منستش وهتفضل ابويا طول ما انا عايشة
عبد القادر:اه صحيح انتى جيتي اسكندرية ليه مش كنتى عايشة فى القاهرة انتى وهمس
كاميليا:اصل همس قالتلى انها هتتأخر قولت اجى اسلم عليهم اصلهم وحشونى اوى
عبد القادر:الله يرحمهم
كاميليا :الله يرحمهم
عبد القادر:انا لازم اتكلم معاكى ضرورى
كاميليا بقلق :ليه فى حاجه حصلت لاسيا ولا ايناس ظهرت
عبد القادر: تعالى نروح مكان تانى نتكلم فيه
ومشيوا هما الاتنين
فى مكتب اسد
اسد :اولا اسر انت هتفضل هنا لانى هبقى خايف عليك وانت فى المستشفى ثانيا دكتورة همس انا لاحظت أنك بتقدرى تسيطرى على اسيا لما تعيط أو تخاف او لما لى لى تطلع
همس: معرفش ليه بس هى دايما بتقولى يا قمر لما تكون لى لى
اسد:علشان كدا انا عايزك تعيشي هنا تاخدى بالك منها وبالمرة تاخدى بالك من جرح اسر
همس: معلش بس دا مش هينفع لانى بشتغل فى المستشفى ولسه بتدرب ثانيا مش هعرف اسيب امى لوحدها
اسد:بالنسبة لشغلك انا هعرف اخدلك إجازة وبالنسبة لمامتك تقدر تيجي تعيش هنا هى كمان انا كدا كدا هنضف كل اوض الفيلا واجيب خدامين
همس: معرفش هسأل امى الاول واقولك
اسد:تمام بس ياريت بسرعه
همس:حاضر
اسد: همس انا عايز اعرف حاجه انتى لما كنتى بتضربي قسم قولتى ايه ذنبها انهم يجلدوها كدا كان قصدك على مين
همس وعنيها بتدمع: اسيا
اسد: ازاى
همس: بابها واخواتها مش مخلين حتة فيها مفيهاش علامة لما عرفوا أنها حامل
واول ما افتكرت شكل ضهر اسيا انفجرت فى العياط
اما اسد فعينيه كان فيها الجحيم
اسر: خلاص يا همس هى اساسا مش هتشوفهم تانى
اسد: انا مش عايز اى حد يعرف عن موضوع حمل اسيا أو اى حاجه من اللى حصلت دى
همس وأسر: حاضر
اسد: يلا قوموا علشان تروحى يا همس فى عربية تحت مستنياكى هتاخدك تروحك وتسألى مامتك لو وافقت تيجو بنفس العربية على بليل
همس: حاضر
وقاموا كلهم خرجوا برا كانت اريا فوقت قسم واول ما قسم شافت همس اترعبت واستخبت ورا اريا
همس بصوت عالى :ايوا برافو عليكى انصحك فعلا تفضلى مستخبية لأن صدقينى لو ظهرتى فى حياتى أو فى حياة اسيا مش هخلى فيكي حتة سليمة وخرجت برا وركبت العربية ومشيت
اما قسم فطلعت من ورا اريا وطبعا وشها كله جروح من همس
اسد : الحقيقة تسلم ايد همس اصل انا مش بمد ايدى على ستات بس همس قامت بالواجب ومن انهاردة شوفيلك شغلانه تانية غير دكتورة ممكن تفتحى مشروع بطاطا يلا برا
قسم:ايه
اسد بحدة: بقولك برا
طلعت قسم وهى بتعيط على خسارتها لوظيفتها
اسد لاريا:وانتى روحى على الفيلا التانية على ما اخلص اللى ورايا بس صدقينى حسابك جاى
اريا:انا مراتك يا اسد شكلك نسيت
اسد :انا منستش انتى اللى شكلك نسيتى انا مين
اسر: اسد احنا مش عاوزين شوشرة انت عارف الصفقة الجاية تبع مين
اسد بتفكير:ماشي تفضلي هنا شوفيلك اى اوضة اقعدى فيها ولو اسيا احتاجت حاجه ابقى اعمليهالها لانها تعبانه
اريا:ماشي
اسد:روح اجهز يا اسر علشان نروح الشركة
وطلع كل واحد فيهم على اوضته علشان يجهز
اسر اختار لنفسه بدلة وجهز نفسه بس قبل ما يخرج حط ايديه على السلسلة اللى حاولين ايديه وفضل يفكر فى البنت صاحبة السلسلة
اما اسد اول ما دخل الأوضة بص على السرير لقى اسيا نايمة فراح اختار بدلة لنفسه ولبس واول ما جه يخرج بص على اسيا لقى أن رقبتها عليها علامة حرق ومن الواضح أن العلامة من قريب فقرب منها براحة ورفع شعرها من على رقبتها بس اول ما شاف رقبتها أنصدم جدا ورجع لورا وبعدين خرج بسرعه من الاوضة وراح جرى على اوضة اسر وفتح الباب
اسر بخضة:فى ايه يا اسد
اسد :اسيا
اسر:مالها
اسد: عليها علامة المنظمة
اسر بصدمة :ايه
عند عبد القادر وكاميليا فى كافيه
عبد القادر: اسيا وهمس اتقابلوا
كاميليا بخوف: اسيا عرفتها ؟ وهمس افتكرت حاجه؟
عبد القادر:لا محدش فيهم عرف التانى بس اسيا غالبا هتعرفها
كاميليا : وبعدين هما شافوا بعض فين اساسا
عبد القادر: فى المستشفى اه نسيت اقولك اسيا اتجوزت
كاميليا :ايه
عبد القادر:هحكيلك على كل حاجه
وفعلا قالها على كل حاجه حصلت
كاميليا:الله يرحمك يا سلمى طب وبعدين هنعمل ايه
عبد القادر: انا مش هعمل حاجه كفاية لحد كدا يمكن يبقوا دوا لبعض سبيهم يتقابلوا يمكن يعرفوا بعض احنا بعدناهم عن بعض علشان يعرفوا يعيشوا لكن من رأيك هما كدا عايشين
كاميليا :عندك حق فاكر زمان كانوا عاملين ازاى
عبد القادر: خلاص كل دا انتهى مستحيل يرجعوا زى زمان يمكن دلوقتى يعرفوا على الأقل يعيشوا
كاميليا : تمام انا همشي بقى علشان الحق اوصل
عبد القادر:تعالى معايا انا هوصلك فى طريقى
كاميليا:ماشي يلا
وركبوا الاتنين العربية وكل واحد فيهم سرح فى حاجه
كاميليا افتكرت اليوم اللى حياتها وقفت فيه
فلاش باك
كاميليا كانت قاعدة على كرسي وجنبها سرير وفى واحدة نايمة على السرير وفجأة تليفونها رن
كاميليا :الو
المتصل:صاحب التليفون دا عمل حادثة
كاميليا بصدمة:ايه
المتصل:احنا فى مستشفى الطوارئ
كاميليا :انا جاية حالا
وقامت بسرعه لبست ونزلت ركبت عربيتها واول ما وصلت المستشفى لقت فى الاستقبال اربع سراير من ضمنهم واحد وشه متغطى والتانى بيتعمله صعق كهربي قربت من السرير براحة واول ما شافت الشخص اللى عليه مقدرتش تقف ووقعت فى الارض واتصدمت لما لقت الدكتور وقف صعق
الدكتور :ساعة الوفاة ١٢:٣٢
كاميليا بجنون : وفاة ايه ابعد كدا هو عايش انت كداب
الدكتور بحزن:البقاء لله
كاميليا فضلت تعيط بصوت عالى موقفش عياطها غير أنها حست أن قلبها بيوجعها ومجرد ما لفت لقت ترولى وعليه واحدة نايمة وشها كله جروح
كاميليا بصدمة : سلمى وراحت جرى ناحيتها كاميليا للدكتور:هى كويسة صح
الدكتور: معلش لو ينفع تبعدى لانها لازم تدخل اوضة العمليات دلوقتى احنا هنعمل كل اللى نقدر عليه
ومشيوا ومعاهم سلمى اما كاميليا راحت ناحية موظفة الاستقبال
كاميليا:فين اللى جم مع اللى دخلت اوضة العمليات
موظفة الاستقبال شاورتلها على تلت أشخاص واحد اللى من شوية قلبه وقف واتنين وشهم متغطى
كاميليا اتصدمت ووقعت فى الارض وفضلت تعيط
موظفة الاستقبال ساعدتها تقوم وقعدتها على اقرب كرسي وحاولت تهديها
كاميليا :فين اوضة العمليات اللى راحتلها سلمى
موظفة الاستقبال:اللى كانت هنا من شوية؟
كاميليا:اه
موظفة الاستقبال:فى الدور التانى على ايدك الشمال
قامت كاميليا ومشيت وهيا مفيهاش اى قوة وراحت لاوضة العمليات وفضلت مستنية خروج سلمى وهى بتدعى أنها تكون كويسة
بعد ساعتين خرج الدكتور جريت عليه كاميليا
كاميليا : بقت كويسة صح؟
الدكتور:البقاء لله
فى اللحظة دى كاميليا وقعت وهى بتصرخ بكلمة واحدة: سلمى

استوب
يا ترى ايه هيا علامة المنظمة اللى على اسيا ؟
مين سلمى وايناس؟
هل اسيا وهمس يعرفوا بعض؟
وليه كاميليا اتخضت لما عرفت أن اسيا وهمس اتقابلوا؟
المواعيد اتغيرت هنزل كل يوم بس الساعه مش محددة ممكن انزل من اول ٩ لحد ١٢
يلا عايزة تشجيع 😉😉