طفلة ولكن

الجزء الواحد والثلاثين (ظلام)

نكمل
دخل اسد وآسيا مكان الحفلة واستغربوا من المكان اللى كان عبارة عن صالة كبيرة محاطة بستاير سودا كبيرة خافية اللى وراها كله وفى اخرها سلم كبير ومنصة عالية محطوط عليها كرسي كأنه من زمن الملوك وكل حاجه كانت باللون الاسود بدرجاته وترابيزات صغيرة من غير كراسي وكل واحدة محطوط عليها علبة متغطية وواقف جنبها شخصين أو تلاته ولاحظ همس وحسام اللى واقفين جنب تربيزة قريبة جدا من الستاير وهادي واريا فى الناحية المقابلة ليهم وعلى الرغم من أن كل حاجه كانت شيك جدا لكن فى نفس الوقت كانت مخيفة بشكل غريب واكيد محدش منهم هينكر احساس الرعب اللى سيطر عليه لحظتها
ومجرد ما الساعة جت 12 باب القصر اتقفل وصوت الاغاني سكت واطفت كل الانوار وظهر شخص لابس ماسك مرعب على وشه
وهنا ضغط اسد على السماعة بتاعته علشان يشغلها وكذلك همس وحسام وهادي واريا واسيا
اسد بصوت خافت :الحفلة بدأت
وجه يلف يكلم اسيا ولكن فجأة لقاها اختفت من جنبه فضل يدور حولين نفسه بجنون لحد ما شافها بتدخل ما بين الستاير وبتبصله بابتسامة غريبة أو للدقة مخيفة فبسرعة راح وراها والغريب أن محدش خد باله ولا حد اصلا كان مركز غير مع الشخص اللى نزل من فوق واللى راح قعد على الكرسي اللى على المنصة وفضل ينقل نظره بين الموجودين وطلع سيجار الكتروني من جيبه وبدأ يدخن وحط رجل على رجل بتكبر وعمل صوت طرقعة بايده

وشاور لشخص كان واقف بعيد عنه فقرب منه وركع قدامه واحنى رأسه ودقيقة وقام وقف وراه ومجرد ما طرقع ايده و قلبها على ضهرها كل الموجودين ركعوا واحنوا رأسهم وفى ثانية شد حسام همس بحيث يكونوا مش ظاهرين ورا الستاير ولاحظ هادي واريا اللى واقفين بنفس طريقتهم بس الناحية التانية فبصتله همس باستغراب لكن بادلها بنظرة ثقة وقرب منها وقال بهمس وسخرية :اكيد مش منتظرة أننا نركع للكائن دا
وعلى الناحية التانية
اريا بهمس: فى ايه بتدور على ايه
هادي بقلق :اسيا وأسد اختفوا
اريا :أهدى احنا بس اكيد مش شايفنهم هتلاقيهم موجودين
قاطعهم صوت طرقعة وكل الراكعين وقفوا بس فضلوا منزلين رأسهم لتحت وهنا اتكلم الشخص اللى واقف على المنصة
...... بثقة : انا الوريث انا القادم لقد تم اختياري لأكون المستقبل وأعلن ولائي والان فلتعلنوا ولائكم
الجميع بصوت واحد :الولاء للابد
وهنا بدأ الشخص اللى قاعد يتكلم ولكن من ميكرفون بيغير الصوت

....... : انا الكينج انا الحاضر انا سيدكم ولي طاعتكم.......لنا الارض ونحن ملوكها ومالكيها......نحن الحياة والممات....فنحن جند الله فى أرضه.......خلقنا من سخطه.......وسلطنا على من حل به غضبه.......قلوبنا كالجبال.....عددنا كالرمال.......الحصون لدينا لا تمنع......العساكر لقتالنا لا تنفع......أننا قد فتحنا البلاد......وطهرنا الأرض من الفساد.......مالك السماء قد وهب لنا ملك الأرض....... نحن كالجن نَرى ولا نُرى.....نحن من نعمر الارض.......نحن من نجعل الحياة تستمر.......نحن من نملأ الأرض بالقَسط والقِسط......بنا تتوازن الدنيا.....ومن دوننا تختل وتتلاشى......يربطنا عهدنا ودمنا وولائنا.....نحن الوجود والفناء.....اقترب موعدنا.....والان فلتبدأ الشعائر
و

نسيبهم ونروح لاسد اللى راح ورا اسيا ولقى نفسه فى طرقة ضيقة وطويلة وحيطانها سودا زى باقى المكان ومتناسقة مع لون فستان اسيا الاسود ولاحظ أن ورا الستاير كلها حيطة ما عدا الجزء اللى دخلوا منه واستغرب أزاى اسيا أو الينا عرفت المكان دا بس أجل تفكيره فى كل دا لبعدين وفضل ماشي وراها وبيحاول يلحقها وفكر يناديها بس صوت الموسيقى كان وقف واكيد صوته هيبقى ظاهر جدا فحاول يكلمها فى السماعة بس كان الصوت بيقطع ومش واضح بس اللى متأكد منه أنه سمعها وهى بتقول بسخرية :catch me
ومجرد ما حاول يسرع لقاها بتمسك فستانها وخلعت جزمتها وبدأت تجري بسرعة وهو وراها حتى أنه حس كأنه فى مشهد من فيلم بس للاسف فيلمهم مأساوي وفضلت اسيا تدخل فى ممارات كتير لدرجة أن اسد حس انهم فى متاهة كبيرة ومرة واحدة وقفت وبصتله من بعيد : goodbye, honey
ودخلت فى اوضة واتقفل الباب وراها
يتبع